<a href="https://kyzylorda-news.kz/">Kyzylorda-news.kz.</a> Газға қосылу кезінде бірінші құжатты алу тәртібі жеңілдетілді. Енді техникалық шарттар тегін және онлайн режимде беріледі, деп хабарлайды Энергетика министрлігінің баспасөз қызметі.<blockquote>«Техникалық шарттарды алуға өтінімді онлайн режимінде – «ҚазТрансГаз Аймақ» АҚ сайтындағы тұтынушының жеке кабинетінде, сондай-ақ компанияның өңірлердегі өндірістік филиалдарының мекенжайлары бойынша беруге болады», - деп жазылған хабарламада.</blockquote>Министрлік өтініш өңделгеннен кейін дайын техникалық шартты SMS хабарлама түрінде жолданған сілтемеден жүктеп алуға болатынын түсіндірді.<blockquote>«Техникалық шарттарды бергені үшін ақы талап етсе, сондай-ақ компания қызметкерлерінің заңсыз және сыбайлас жемқорлық белгілері бар әрекеттерінің басқа да фактілері анықталса хабарлауды сұраймыз. «ҚазТрансГаз Аймақ» АҚ бірыңғай байланыс орталығына 5169 телефоны немесе +7 777 121 26 26 нөміріндегі мессенджерлер арқылы жазып, қоңырау шалуға болады. Қазақстан аумағынан қоңырау шалу тегін», - деді министрліктегілер.</blockquote>

Газға қосылу үшін құжат алу тәртібі өзгерді

<a href="https://kyzylorda-news.kz/">Kyzylorda-news.kz.</a> Былтыр 22 желтоқсанда Мемлекет басшысы Қасым-Жомарт Тоқаев "Қазақстан Республикасы азаматтарының төлем қабілеттілігін қалпына келтіру және банкроттығы туралы" заңға қол қойды. Қысқаша айтқанда, бұл - жеке тұлғалардың банкроттығы туралы заң. 3 наурыздан бастап несиесі бар және оны бір жылдан бері түрлі себепке байланысты төлей алмай жүрген азаматтар банкроттыққа өтініш бере алады. Алайда оның салдары қандай? Мемлекет тарапынан бұл дұрыс шешім бе? Экономист маман Мақсат Серәліден сұрап білді.&nbsp;Ең алдымен, бұл заң бойынша кімдер өтініш бере алатынын түсіндіре кетсек:&nbsp;Несие қарызыңыз 1600 АЕК, яғни 5 520 000 теңгеден аспаса;Оны кейінгі бір жылдың көлемінде төлеуіңіз қажет болса да өтеуге мүмкіндігіңіз болмаса;&nbsp;Атыңызда жылжымайтын мүлік, жер учаскесі немесе көлік рәсімделмеген болса өзіңізді банкрот деп танып, өтініш бере аласыз.&nbsp;Айта кетейік, екінші деңгейлі банктегі, микроқаржы ұйымдарындағы несиелерді және несиеңіз коллекторларға өтіп кетсе де өтініш беріп, несиені жабуға болады.&nbsp;Бұл заңның салдары қандай?&nbsp;Экономист маман Мақсат Серәлінің сөзінше, жеке тұлғалардың банкроттығы туралы заң қабылдау әлемде бар практика. Бірақ өзіңізді банкрот деп танып, несиеңізді жабудың салдары бар.&nbsp;<blockquote>"Қазақстан дамыған, дамушы елдердің қатарына қосылуы үшін осындай заңдарды енгізуі керек. Бірақ банкроттық - қарыздан құтылу емес. Оның салдары да бар. Сіз банкрот болғаннан кейін ипотекалық бағдарламаларға қатыса алмауыңыз мүмкін. Несие тарихыңыз нашарлап, екінші деңгейлі банктер арқылы алдағы уақытта несие алу қиындай түседі. Сондықтан банкроттыққа өтініш берер алдында ойлану керек. Оның салдарын түсіну керек. Ал комиссия да банкроттық бойынша түскен әр өтінішті қарар кезде азаматтың экономикалық-әлеуметтік жағдайын қарастыруы керек. Ол үшін екінші деңгейлі банктер не микроқаржы ұйымдарымен өтініш жазған адамға талдау жасау керек. Болмайтын аздаған сома үшін банкроттыққа өтініш беріп, артынша оның салдарын көріп отырмау қажет", - дейді маман. &nbsp;&nbsp;</blockquote>Экономист заң бойынша төлем қабілеті жоқ, несиесін төлей алмайтын азаматтар өздерін банкрот деп жариялай алатынын атап өтті. 5,5 миллион теңгеге дейін қарызы бар азаматтар өтініш бере алады. Ипотека не үлкен сомадағы қарызы бар компания, жеке кәсіп не ЖШС қарызы есептелмейді. Тек жеке тұлғалардың, яғни қарапайым азаматтардың қарызы қарастырылады. &nbsp;Өзге азаматтар, яғни несие қарызын уақытылы жауып жүргендер олардың салығы есебінен өзгенің несиесі жабылады деп әлеуметтік желіде түрлі пікір жазып жатыр. Көп жағдайда Желі қолданушылары несиесін уақытылы төлеп жүргендердің кемінде пайыздық мөлшерлемесін төмендетіп не оны мүлде алып тастап, мемлекет жәрдемдесуі керек деп жатыр. Мақсат Серәлі бұл орынды пікір екенін айтады.&nbsp;<blockquote>"Микроқаржы ұйымдары немесе екінші деңгейлі банктер бұл заң бойынша ешқандай "минусқа" кетпейді. Банктер қарызын төлемей жүрген адамдардың қарызын несиесін уақытылы төлеп жүрген адамдардың есебінен өндіріп алуы мүмкін еді. Яғни әңгіме берілетін несиенің үстінен қандай да бір пайыз қосу туралы болмақ", - дейді маман.&nbsp;</blockquote>Мақсат Серәлі мұны түсіндіру мақсатында қарапайым мысал келтірді: екі миллион қарызы бар адам өзін банкрот деп танып, өтініш жазып, банк оның қарызын кешірді делік. Банк екі миллион теңге қарызды құры кешіріп қоя салмайды. Оны мемлекет өндіріп бермейді. Сондықтан ол қарызды басқа, келесі несие алушының пайыздық мөлшерлемесіне қосып төлетуі мүмкін. Осылайша, банк банкрот болып танылған адамның қарызын өндіріп алады. &nbsp;<blockquote>"Бір нәрсені түсініп алуымыз керек: микроқаржы ұйымдары, екінші деңгейлі банктер - бизнес субъектісі болып саналады. Ал олардың мақсаты - пайда табу. Банкрот болып келген адам банк үшін шығын болғандықтан, оны басқа жолмен өндіріп алуды көздеуі мүмкін", - деп түсіндірді Мақсат Серәлі. &nbsp; &nbsp;</blockquote>Алайда экономист банкроттық туралы заң қабылдау дұрыс бастама екенін айтады. Бұл дамыған елдердің тәжірибесінде бар дүние.&nbsp;<blockquote>"Қаржылық жағдайы қиындап кеткен кезде ел азаматтары өзін банкрот деп таниды. Психологиялық тұрғыда адамға белгілі бір деңгейде қауіпсіздік береді. Себебі, өздеріңізге белгілі, Қазақстанда коллекторлардың жұмысы, екінші деңгейлі банктердің жиі хабарласуы суицидке дейін алып келетін жағдайлар болады. Осының алдын алу мақсатында дұрыс деп ойлаймын. Яғни қаржы ұйымдарынан қысым түспейді", - дейді маман.&nbsp;</blockquote>Мақсат Серәлі бұл заңды кредитті кешіреді деп түсіну дұрыс емес екенін тағы ескертті. Сол үшін, маманның сөзінше, елде қаржы сауаттылығын дамыту керек. Ол үшін үгіт-насихат дұрыс жүруі керек. &nbsp;<blockquote>"Оны кредит кешіреді деп түсіну қате. Оның өзінің де артықшылығы мен кемшілігі бар", - деп түсіндірді Мақсат Серәлі.&nbsp;</blockquote>Ақпарат дереккөзі: <a href="https://massaget.kz/basty-zhaalytar-438/76702/?fbclid=IwAR1cqJh6e5n-VYJ9bbcWiDPJKld2toiSNhyJqBC3e95WkbXC1F-B7HoaoOg">MASSAGET&nbsp;</a>

Наурыздан бастап 5,5 миллион теңгеге дейін қарызыңыз кешіріледі

<a href="https://kyzylorda-news.kz/">Kyzylorda-news.kz.</a> Бауыржан Қамзаев мәрмар тастан ыдыс жуғыш жасаудың қыр-сырын былтыр сырт жақтан үйреніпті. Осы бағытта бизнес жоспар жасап, 5 миллион теңгеге жуық грант жеңіп алған. Ол ақшаға керек-жарақ қондырғы сатып алып, кәсібін бастап кеткен. Бүгінде мәрмар тастан өнімнің бірнеше түрін жасап, ішкі нарыққа шығарып отыр. Жас кәсіпкер келешекте үлкен цех ашып, кәсібін кеңейтпек.2021-2025 жылдарға арналған кәсіпкерлікті дамыту жөніндегі ұлттық жоба аясында осындай мүмкіндікке ие болдым. Тұрмысқа, дұрысы, үй жағдайына өте қажет раковиналар шығаруға кірістім. Бұл жоба бойынша кәсіпкер болуға ынталылар өзінің жаңа бизнес идеялары арқылы қол жеткізе алады. Өзім «NOMAD» жеке кәсіпкерлігін құрып, раковинаның әр түрін шығарудамын.5 млн теңгеге жуық қайтарымсыз қаржы алған кәсіпкер жігіт шағын баспана ішінен ашқан цехта «NOMAD» белгісімен 12 түрлі раковина шығарады. Түрлі дизайнмен дайындалатын өнім жасанды мәрмәр тастан құйылады.<blockquote>«Оларға қажетті шикізатты да өзімізден табуға болады. Мысалы, бұған Аралдың «Шөміш» ауылы маңынан шығатын кварц құмы, сондай-ақ кальцит, сұйық шайыр (смола), мрамор ұнтағы, гелькоат және түрлі түс беретін пигменттер кіреді. Осыларды өз заңдылығымен араластыра отырып, түрлі формадағы қалыпқа құямыз. Ал раковинаны құятын арнайы қалыпты Шымкенттен алдырдым. Өзім де керек қалыпты істеп алуды сонда үйрендім. Жалпы бұл кәсіпке келуіме көбіне-көп ата-анам, жұбайым қолдау көрсетті. Тағы бір айта кететінім, жергілікті өнімді сатып алуға ынталы кәсіпкерлер жоқ емес. Мысалы, сантехникалық заттар сататын «Рамазан» сауда үйінің иесі алдын ала тапсырыс беріп, өзімізден шығатын өнімді қолдап жүр», – дейді Бауыржан.</blockquote>Шығаратын өнімнің бағасы 21 мың мен 32 мың теңге аралығында. Сырттан келетін раковиналарға қарағанда әлдеқайда арзан әрі сапалы. Сондай-ақ Бауыржан қосымша екі адамды жұмысқа алған. Шағын цех ішінде барлық керекті құрылғы-жабдығы бар. Келешекте жуыну бөлмесіне арналған ванна да істеп көрмекші.Алғаш рет басталған жобаның қадамы әзірге жаман емес. Жергілікті тұрғындар кәсіпкердің арнайы әлеуметтік желідегі парақшасы арқылы өнімді көріп, сатып алуда. Ал Бауыржанның айтуынша, аталған раковина түрлері жаз айларында, әсіресе, құрылыс пен үй жөндеу жұмыстары басталғанда көптеп сатылатынға ұқсайды. Әзірге үйге қажетті өнімнің өз өңірімізден шығатыны қуантып тұр.<figure class="image"><img src="https://knadmin.beoblood.kz/uploads/324898163_491673483079458_2697609778333776304_n_7938729f5e.jpg" alt="324898163_491673483079458_2697609778333776304_n.jpg"></figure>

Қызылордалық кәсіпкер мәрмәр тастан ыдыс жуғыш шығаруда

<a href="https://kyzylorda-news.kz/">Kyzylorda-news.kz.</a>&nbsp;Бүгін қаңтар айындағы ҰБТ басталды. Ол 10 ақпанға дейін өткізіледі. Тестілеуге қатысуға 125 мыңға жуық өтініш түсті.Өтініш қабылдау ұлттық тестілеу орталығының app.testcenter.kz сайтында 20 желтоқсаннан 6 қаңтарға дейін жүргізілді.Қаңтардағы ҰБТ-ға жоғары оқу орындарына шартты түрде қабылданған студенттер, шығармашылық дайындықты талап ететін БББТ-дан басқа білім беру бағдарламалары тобына ауысуға ниет білдірген ЖОО білім алушылары, ️ ақылы негізде «Педагогикалық ғылымдар» білім саласына ауысуға ниет білдірушілер, сондай-ақ қалауы бойынша ЖОО ақылы негізде оқуға қабылданғысы келетін мектеп түлектері қатысады.Тіркелу кезінде тест тапсырушылар емтихан орнын, күнін және уақытын өздері таңдайды.Айта кету керек, 2023 жылғы ҰБТ-да тестілеу форматы өзгеріссіз қалды.Қазақстан тарихы бойынша тестілеуге қатысушылар 20 тапсырманы, оқу сауаттылығы – 15, математикалық сауаттылық – 15 және екі бейіндік пән бойынша 35 тапсырманы орындайды. Барлығы – 120 сұрақ.Ең жоғары балл – 140. Тестілеудің жалпы уақыты – 4 сағат (240 минут).Сондай-ақ, ерекше білім беру қажеттілігі бар балалар үшін қосымша 40 минуттық уақыт сақталады.Сонымен қатар дистракторлар саны азайды (жауап нұсқалары). Бір дұрыс жауабы бар тест тапсырмаларында нұсқалар саны бестен төртке дейін, бір немесе бірнеше дұрыс жауаптары бар тест тапсырмаларында (үш дұрыс жауаптан көп емес) сегізден алтыға дейін азайтылды.Қаңтардағы ҰБТ-дан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім бағдарламаларының топтарына түсуге ниет білдірушілер ҰБТ-ны «Математика-Информатика» комбинациясы бойынша тапсырады.<blockquote>«Бүгін 2023 жылғы алғашқы ҰБТ басталды. Біз тестілеу кезінде ғана емес, оған дайындық барысында да жағдай жасауды жалғастырамыз. Мысалы, 11 білім беру орталығы талапкерлерге тегін онлайн сабақ өткізеді. Оқу жылының басында ҰТО сайтында «Қазақстан тарихы» және «Дүниежүзі тарихы» бойынша 100 дата, «Қазақ әдебиеті» және «Орыс әдебиеті» бойынша әдебиеттер тізімі, «Информатикадан» терминдер тізімі орналастырылды. Сондай-ақ ҰБТ сұрақтары мен тест жоспары құрастырылған оқулықтардың тізімі жарияланды. Яғни талапкерлерде тестілеуді сәтті тапсыру үшін барлық мүмкіндік бар», – деп атап өтті ұлттық тестілеу орталығының директоры Руслан Емелбаев.</blockquote>Тестілеу кезінде калькулятор, Менделеев және тұздар ерігіштігі кестелері барлық талапкер үшін компьютер экрандарында қолжетімді болады.Сондай-ақ ҰБТ қатысушыларына өздерімен қалам, су және шоколад алып келуге рұқсат етіледі.<a href="https://www.inform.kz/kz/biylgy-algashky-ubt-bastaldy_a4021610">ҚазАқпарат</a>

Алғашқы ҰБТ басталды

<a href="https://kyzylorda-news.kz/">Kyzylorda-news.kz.</a>&nbsp; Қызылордалық бизнесмендер 2019 жылы Кәсіпкерлер палатасынан 1021 экспорттық сертификат алған болса, 2020 жылы 1377, 2021 жылы 1823 құжатқа жетті. Былтырғы деректерге сүйенсек, өсім бар – көрсеткіш 1829-ға жетті. Бұдан соңғы жылдары сұраныстың артқанын көруге болады.Қызылорда облысы кәсіпкерлер палатасының басшысы Пірмұхаммед Сыздықов «көрсеткіштің өсуі соңғы жылда нарықта эскпортқа өнім шығаратын жаңа кәсіпкерлердің пайда болуынан» деп түсіндірді.«Біздің өңірден жиі эскпортталатын өнімдер – балық пен күріш. Бұдан өзге, &nbsp;мұнай өнімдері, цемент, кварц құмы, сондай-ақ өткен жылдың соңынан бері шыны өнімдері экспортталып жатыр. Шыны зауытынан шығып жатқан өнімдердің алғашқы легі Өзбекстан, Тәжікстан, Ресейге жіберілді», – дейді Пірмұхаммед Сыздықов.Арал мен Қазалының балық өнімдері тауарға жоғары талап қоятын Франция мен Қытай елдеріне де экспортталып жатыр.<blockquote>«Балық өнімдерімен Қытай нарығына шығып жатқан кәсіпкерлеріміздің еңбегі ерекше. Себебі онда талап өте жоғары», – деді Палата басшысы.</blockquote>Сонымен, өткен жылы Қызылорда облысынан өндірілген өнімдер Украина, Тәжікстан, Грузия, Қытай, Қырғызстан, Өзбекстан, Ресей, Беларусь, Әзербайжан, Түркия, Мальта, Франция, Данияға экспортталған.Бұдан бөлек былтыр кәсіпкерлер Палатадан ішкі айналымға арналған 117«СТ-КЗ»сертификатын алған. Аталған құжат мемлекеттік және өзге де сатып алуларда қолданылады.Сондай-ақ, Кәсіпкерлер палатасының мамандары 2019 жылдан бастап 14 индустриалды сертификат рәсімдеп, оған қырыққа жуық өзгерістер енгізіп, жаңартты.Экспорттық, индустриалды және «СТ-КЗ» сертификаттарына қатысты сұрақтары бар бизнес өкілдері Қызылорда облысының кәсіпкерлер палатасына 8 /7242/ 40-09-81 байланыс нөмірі арқылы хабарласуына болады. Жауапты мамандар:Ләззат Тәжібаева, Айман Сәдуова. &nbsp;

Қызылордада соңғы үш жылда экспорт көлемі 80 пайызға артты

<a href="https://kyzylorda-news.kz/">Kyzylorda-news.kz.</a> Қазақстан Республикасы аумағының басым бөлігіне Арктикалық антициклон әсер етіп, аяз болады, деп хабарлайды Қазгидромет.Тек республиканың оңтүстігінде, оңтүстік-шығысында және шығысында атмосфералық фронталды бөліктердің өтуімен қар жауады, облыстың оңтүстігінде және таулы аймақтарда кейде қалың қар жауып, жел күшейеді, боран, тұман, көктайғақ болады.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысында көлік басқару құқығынан айырылған мас жүргізуші ұсталды, деп хабарлайды <a href="https://polisia.kz/qyzylorda-oblysynda-kolik-basqaru-quqyghynan-ajyrylghan-mas-zhurgizushi-ustaldy-2/?fbclid=IwAR092yj4EuadLKr0y_bdcWgCulTUD-f0MNt8ee3w5fJsxtYYN2UxQxvj18U">Polisia.kz</a>.&nbsp;Рейдтік жұмыстар барысында полиция қызметкерлері Қызылорда облысы қала көшелерінің бірінде жол жүрісі қағидаларын бұзған BMW көлігін тоқтатқан. Құжаттарын тексеру барысында мас жүргізуші бұрын сот шешімімен 2022 жылдың ақпан айында жүргізу құқығынан 7 жылға айырылғандығы белгілі болды.Сондай-ақ 30 жастағы жүргізушінің автокөлікті мас күйінде басқарғаны да анықталды. Құқық бұзушы уақытша ұстау изоляторына қамалып, автокөлік айып алаңына қойылды. Аталған факті бойынша ҚР ҚК-нің 346-бабының 1-бөлігімен (Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) сотқа дейінгі тергеп-тексеру амалдары жүргізіліп жатыр.&nbsp;<figure class="media"><div data-oembed-url="https://youtu.be/7p7iDKdJYGI"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/7p7iDKdJYGI" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure> &nbsp;

Қызылордада 7 жылға көлік басқару құқығынан айырылған мас жүргізуші ұсталды

<a href="https://kyzylorda-news.kz/">Kyzylorda-news.kz.</a> Бүгіннен бастап Қызылорда облысының мектептерінде бастауыш сынып оқушыларының барлығына тегін ыстық тамақ берілуде, деп хабарлайды Қызылорда облысының білім басқармасының баспасөз қызметі.Осыған дейін бір мезгіл тегін ыстық тамақ тек әлеуметтік жағдайына қарай берілген болса, енді мемлекеттік мектептердің 1-4 сынып оқушылары 100% ыстық тамақпен қамтылды. Бұл мүмкіндік облыстағы мемлекеттік білім беру ордаларындағы – 70 863 бастауыш сынып оқушыларына беріліп отыр. Сонымен қатар әлеуметтік көмекті қажет ететін отбасында тәрбиеленетін 5-11 сыныптағы 17 382 оқушы да тегін тамақтанады.<blockquote>«Бүгінгі күні бір мезгіл тамақтану құны орташа есеппен 557 теңгені құрайды. Осыған сәйкес, 1-4 сыныпта білім білім алатын 70 863 оқушы, 5-11 сыныпта қолдауды қажет етеін 17 382 бала, барлығы 88 245 бала тегін тамақпен қамтылуда. Бұл мақсатта бөлінген қаржы 7,6 млрд теңгені құрап отыр», - деді облыстық білім басқармасының басшысы Мейрамбек Шермағанбет.</blockquote>Мектептерде перспективалық маусымдық екі апталық мәзір жасалған. Ас мәзірін әзірлеу барысында оқушылардың мектепте болу ұзақтығы және балалардың жас ерекшеліктері ескерілген. Сондай-ақ, мектептерде қамқоршылық кеңес, ата-аналар комитеті, мектеп әкімшілігі мен медицина қызметкерлерінің қатысуымен тамақтану сапасын мониторингілеу бойынша комиссиялар құрылған.Айта кетейік, тамақтардың сапасы сала мамандарының күнделікті органолептикалық бақылауынан өткізіліп отырылады.

Бастауыш сынып оқушылары 100 пайыз ыстық тамақпен қамтылды

<a href="https://kyzylorda-news.kz/">Kyzylorda-news.kz.</a> Қаскүнемдер күннен күнге белсене түсіп, түрлі телефон нөмірлерінен қоңырау шалады және үнемі ақша туралы сөз қозғайды. Олар азаматтардың дербес &nbsp;деректері мен төлем ақпаратын қолға түсіру және олардың ақшасына қол жеткізу үшін барлық айла-шарғыларға барады.Fingramota.kz мұндай алдап-арбау белгілері жөнінде еске салады.Алаяқтар өздерін құқық қорғау органдарының, коммуналдық қызмет қызметкерлері ретінде таныстырулары мүмкін, бірақ олар жиі жағдайда банктен хабарласып тұрмыз деп айтады. &nbsp;Алаяқтар адамдарды мезі етіп, әлеуетті құрбанына күніне бірнеше рет телефон соғып, әбден жүйкесіне тиеді. Телефон алаяқтығының кең таралған схемасын мысалмен қарастырып көрелік және қаскүнемдерді ажыратуға болатын үш маңызды белгіні анықтайық.&nbsp;Алаяқтар бірінші болып телефон соғадыҚаскүнемдер сіздің банктің «қауіпсіздік қызметінен» қоңырау шалып тұрмыз деп, сіздің банктік мобильді қосымшаңызға байланыстырылған телефон нөміріңіздің өзгергені жөнінде хабарлайды. Алаяқтық әрекеттердің алдын алу үшін «банктің қауіпсіздік қызметі» сіздің банктік шотыңызды 180 күнге бұғаттауға мәжбүр, - деп қорқытады.&nbsp;Ақшаңызды «құтқарудың» бірнеше нұсқасы бар – оны «қауіпсіз» шотқа аудару, ол үшін карточканың толық деректемелері мен SMS-пен келетін кодты айтсаңыз немесе бүкіл әлемде онлайн-алаяқтармен күресу үшін қолданылатын «құпия» қосымшаны жүктеп алсаңыз болды.Бұл жерде олардың діттегені - &nbsp;AnyDesk және TeamViewer, олардың көмегімен алаяқтар қашықтан кез келген құрылғыға қосылып, оларды басқара алады. AnyDesk-ті &nbsp;іздеу функциясынан «қолдау» сөзін теріп, Play Market немесе &nbsp;App Store-дің кез келген ресми дүкенінен табуға болады. &nbsp;«AnyDesk деп аталатын ромб пішінді қызыл түсті қосымша пайда болады, оған басасыз да орнатасыз. Бұл біздің алаяқтыққа қарсы күрес жөніндегі ресми қосымшамыз», – бұл алаяқтардың үнемі айтатын сөздері.&nbsp;КЕҢЕС: қоңырау шалып, бірден ақша жайында әңгіме қозғаған адамға, ол өзін кім болып таныстырса да сенбеңіз. Бейтаныс адамның айтқанын істеп, ол айтқан нұсқауларды орындамаңыз, әсіресе оған өзіңіз туралы ақпарат бермеңіз.Күмән туғызатын қосымшаларды жүктемеңіз! Адамдардың көбі құрылғыны өшіру арқылы қашықтан қол жеткізу сессиясын тоқтатқан жағдайда алаяқтар онлайн-банкингке қол жеткізе алмайды деп ойлайды. Алайда, қылмыскерлер бірнеше секунд ішінде пайдаланушының телефонындағы барлық деректерді оқып, оны өз құрылғысына жібере алады. Сондай-ақ, алаяқтар қашықтан қол жеткізу бағдарламаларын пайдалана &nbsp;отырып, басқа маңызды ақпаратты: пайдаланушы аккаунттарының, электрондық пошта парольдерін иемденуі, байланысатын тұлғаларды біліп алуы мүмкін. Немесе олар өздерінің құрбандарының гаджетіне маңызды мәліметтерді жіберетін, SMS-кодтар мен Push-хабарламалардағы кодтарды қоса алғанда, тыңшылық қызметті атқаратын бағдарламаларды «енгізе» алады.Толығырақ "<a href="https://fingramota.kz/kk/post/telefon-alayataryny-piyasyn-alaj-zhariya-etuge-bolady-aldaudy-sh-belgisi">Абайлаңыз, алаяқтар</a>" бөлімінен оқыңыздар<figure class="media"><div data-oembed-url="https://www.youtube.com/watch?v=MkuAMJrkobw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/MkuAMJrkobw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Телефон алаяқтарының құпиясын қалай жария етуге болады: алдаудың үш белгісі  

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев осы кезге дейін қала, аудан әкімдері мен басқарма басшыларына бюджет қаражатын уақытылы игеру және инвестиция тарту арқылы жаңа жобаларды жүзеге асыру негізгі басымдық екенін алға тартып, нақты тапсырмалар берді.Бүгін аймақ басшысының төрағалығымен өткен жиында облыс бюджетінің игерілуі және 2023 жылы республикалық бюджет есебінен жобалардың қаржыландырылу барысы мен мемлекеттік сатып алу заңына өзгерістер енгізу мәселелері қаралды.Облыстық экономика және қаржы басқармасының басшысы Нұрғали Қордабай бюджет игеру бағыты бойынша талдау қорытындысын баяндады.Жиында Нұрлыбек Нәлібаев өткен жыл қорытындысымен облыс бюджеті қаражатының игерілуі 99,5%-ды құрап, Қызылорда өңірі республика көлемінде қаржы игеру бойынша 3 орында екенін атап өтті. Бұл жақсы нәтиже болғанымен, өткен жылы кейбір бағытта қаржының игерілмей қалуы салалар жұмысына кері әсерін тигізетінін ескертті. Мәселен, 2022 жылдың қорытындысымен Қармақшы ауданы мен Қызылорда қаласында бюджет қаржысы толыққанды игерілмеген.<blockquote>«Бюджет қаражатын алу үлкен еңбекпен келеді. Мен үнемі барлық басқарма басшыларына, аудан, қала әкімдеріне бюджет қаржыларының тиімді әрі мақсатты жоспарлануына және уақытылы игерілуіне қатаң талап болатынын ескертіп келемін. Бюджеттің әр тиыны сұраулы. Әрбір жобаның мерзіміне қарай, мердігерлермен уақытылы жұмыс жасалуы керек. Мәселен, жаңа мектептердің құрылысын аяқтау жыл соңында деп белгіленеді, бірақ оқу жылы қыркүйекте басталады. Жоспарлау дұрыс емес. Бюджет қаржысын бағыттау барысында да жобалардың мерзімі ескерілмейді, салдарынан қаржы игерілмейді. Сондықтан қала, аудан әкімдері қаражатты халыққа ең қажетті деген мәселелерге бағыттау керек», - деді Нұрлыбек Нәлібаев.</blockquote>Аймақ басшысы Қармақшы ауданының әкімі Әділбек Ерсұлтанов пен Қызылорда қаласының әкімі Асылбек Шәменовке ескерту жасап, қала, аудан әкімдеріне барлық қаражат толық, сапалы және уақытылы игерілу мақсатында заңға сәйкес тауар жеткізушілер және мердігерлермен тиісті жұмыстар жүргізуді тапсырды.Жиында жыл ішінде бюджетті нақтылау барысында облыстың бюджет көлемін республикалық трансфеттер және өз кірістері есебінен ұлғайту барысы талқыланды. Биыл облыс бюджеті 520,7 млрд.теңгеге бекітілді, оның ішінде субвенция көлемі 2022 жылғы 184,2 млрд.теңгеден 2023 жылы 400,5 млрд.теңгеге яғни 2 есеге көбейді.Қазіргі таңда облыстық энергетика және тұрғын үй-коммуналдық шаруашылығы басқармасы бойынша республикалық бюджеттен қаржыландыруды талап ететін құны 35,6 млрд. теңгені құрайтын 81 жоба, облыстық жолаушылар көлігі және автомобиль жолдары басқармасы бойынша 14,8 млрд. теңгені құрайтын 27 жоба және облыстық құрылыс, сәулет және қала құрылысы басқармасы бойынша 17 млрд. теңгені құрайтын 55 жоба қаржыландыруға ұсынылмақ.Басқарма басшылары әрбір жоба бойынша жүргізілген жұмыс барысын баяндады.Аймақ басшысы 2023 жылғы республикалық бюджеттің нақтылануы барысында аталған жобаларды толық енгізіп, 2024 жылға арналған республикалық бюджетті қалыптастыруда бюджеттік өтінімдерді мерзімінде ұсынуды тапсырды.Облыс әкімі ең алдымен бюджет қаражаты жол, жарық, ауыз су желілерін тарту мәселелеріне, білім, медицина, спорт кешендерін салу ісіне арналатынын жеткізді.<blockquote>«Өткен аптада жауын-шашын әсерінен қаланың және елді мекендердің кейбір аумағында жарық өшіп, халық әбігерге түсті. Менің тапсырмамен жедел комиссия құрылып, мамандар ақау мәселелерін анықтап, қосалқы станциялардың жағдайын зерделеп келді. Ең бірінші жөндеуді қажет ететін қосалқы станцияларға шамамен 1,6 млрд.теңге қаржы қажет екен. Әрі қарай екінші кезеңде жасалуы тиіс жұмыстарға 1,5 млрд.теңге қаржы керек. Бұл мәселелерді шешу үшін республикалық және жергілікті бюджет есебінен қаржы бағыттауға жұмыс жасаймыз. Себебі халыққа аса қажетті жарық мәселесі жылдам шешілуі тиіс. Орын алған оқиғалардан кейін қала, аудан әкімдері өз аумақтарындағы қосалқы жарық станцияларының жағдайына талдау жасап, жөндеу жұмыстарын жүргізуге әрекет етуі керек», - деді Нұрлыбек Нәлібаев.</blockquote>Жиын барысында облыс әкімі күннің суыта бастауына байланысты қоймаларда көмір қорының жеткілікті болуын, жылудың үздіксіз берілуін және азық-түлік бағаларының тұрақты болуын және тазалық жұмыстарына күнделікті қадағалауды тапсырды. Сондай-ақ, егін егу мәселелерін ертерек жоспарлап, бақша өнімін егуге ынталы ауыл азаматтарына жер бөлу жұмыстарына жеткілікті деңгейде мән беру қажет екенін алға тартты.&nbsp;Мұнан бөлек, Сырдария өзенімен облыс аумағына келіп жатқан су көлемінің артуына байланысты жауапты сала басшыларына Шардара су қоймасынан босатылатын су көлеміне тұрақты түрде бақылау жасап, мол суды қауіпсіз өткізу мақсатында Аралға, облыс аумағындағы магистралды каналдар мен көлдер жүйесіне су толтыру шараларын жалғастыруды міндеттеді.Жиында мемлекеттік сатып алу рәсімдерінің өткізілу барысы туралы хабарлама жасаған облыстық мемлекеттік сатып алу басқармасының басшысы Бауыржан Шәменов негізгі ерекшеліктерге тоқталды.Бұдан былай аудан және қала әкімдіктері мемлекеттік сатып алу конкурстарын ұйымдастырмайды. Мемлекеттік сатып алу рәсімдері толықтай орталықтандырылып, басқарма арқылы жүргізіледі.Облыс әкімі басқарма басшысына мемлекеттік сатып алу заңнамасына енгізілген өзгерістер мен саладағы өзге де мәселелер бойынша тоқсанына бір реттен кем емес негізде тапсырыс берушілер үшін семинарларды ұйымдастыру және бірінші кезекте өткізілуі тиіс мемлекеттік сатып алулар бойынша жеңімпаздарды анықтауды заң шеңберінде уақытылы әрі сапалы үйлестіруді тапсырды.

Нұрлыбек Нәлібаев: Бюджеттің әрбір тиыны уақытылы әрі сапалы игерілуі керек

<a href="https://kyzylorda-news.kz/">Kyzylorda-news.kz.</a> Қазақстан ішкі істер министрлігі қоғамдық орындарда балағат сөйлегендерге 2023 жылдың наурызынан бастап 69 мың теңге айыппұл салынады немесе 30 тәулікке қамауға алынады, деп хабарлады <a href="https://www.azattyq.org/a/32215325.html?fbclid=IwAR1liOWvTgOeCct0cFi0DR7CqxGjdJ-8PMWVWbVbMSXTFx8YcInsSThxDv4">Азаттық радиосы.</a><blockquote>"Бүгінге дейін ұсақ бұзақылығы үшін 17 мың теңгеден сәл астам айыппұл салынатын немесе 15 тәулікке қамалатын. Жаңа редакция бойынша 69 мың теңге айыппұл салынады немесе 5 тәуліктен 30 тәулікке дейін қамауға алынады", - деді ІІМ әкімшілік полиция комитетінің өкілі Азамат Құрымбаев.</blockquote>Түзету жаңа кодекс ресми түрде жарияланған соң 60 күннен кейін күшіне енеді.Кейінгі жылдары әлеуметтік желіде қоғамдық орындардағы моральдық-этикалық мінез-құлық туралы пікірталас жиі байқалған.2022 жылы жазда Астана мәслихатының депутаттары көшеде түкіргендерге айыппұлды көбейтуді ұсынған. Бұл ұсынысты денсаулық сақтау министрі Ажар Ғиният қолдап, қоғамдық талқылауға шығару керек деген еді.Былтыр Астана әкімдігі көлікте кетіп бара жатып түкіретіндерді мемлекеттік нөмірі арқылы анықтап, айыппұл салатынын хабарлаған. Алматы полицейлері де тұрғындарды көшеде түкірген автокөлік иелері туралы 102 қосымшасына фото және видео жіберуге шақырған.Қазақстанда көшеде түкіргені үшін Әкімшілік құқық бұзушылық туралы кодекс бойынша бес айлық есепті көрсеткішке тең айыппұл салынады.

Қоғамдық орындарда балағаттап сөйлегендерге 69 мың теңге айыппұл салынады

<a href="https://kyzylorda-news.kz/">Kyzylorda-news.kz.</a> Өңірдің әлеуметтік-экономикалық дамуына талдау жүргізу, салалық және кешенді даму бағдарламаларының жобаларын әзірлеу, инвестицияларды тарту, сондай-ақ басым инвестициялық жобаларды іске асыру мақсатында «Байқоңыр» әлеуметтік-кәсіпкерлік корпорациясының жанында «Қызылорда облысының даму орталығын» құру шешімі қабылданды.&nbsp;Бүгін облыс әкімі Нұрлыбек Нәлібаев жаңа орталықтың басшысы лауазымына тағайындалған Талғат Матаевты таныстырды.<blockquote>«Талғат Мұстафаұлы жергілікті және орталық атқарушы органдарда лауазымды қызметтерді атқарып, мол тәжірибе жинақтаған білікті маман. Алдағы уақытта облысымыздың әлеуметтік-экономикалық дамуына, салалық және кешенді даму бағдарламаларының жобаларын әзірлеуде, инвестицияларды тарту, сондай-ақ басым инвестициялық жобаларды іске асыру мақсатында қызмет жасайды деп сенеміз. Бұл ретте қала, аудан әкімдеріне және барлық басқарма басшылары мен ведомстовалық мекемелерге Даму орталығымен атқаратын жобаларды бірлесіп атқарып, әр жобаның уақытылы әрі сапалы орындалуын тапсырамын», - деді облыс әкімі.</blockquote>Облыс әкімі орталық арқылы негізгі салаларды дамытуға басымдық берілетінін жеткізді.&nbsp;<blockquote>«Даму орталығының көмегімен облыстың атқарушы органдарының жұмысын бірнеше стратегиялық деп айқындалған бағытта күшейту жоспарлануда. Оның ішінде, ауыл шаруашылығы өнімдерін қайта өңдеу және сауда-логистикалық әлеуетті пайдалану, инновацияларды қолдана отырып өнеркәсіпті дамыту, цифрландыруды енгізу, сондай-ақ адами капиталдың сапасын арттыру. Даму орталығының қатысуымен облыс әкімдігінің жанында құрылған ситуациялық орталық пен жобалық кеңсенің жұмыстары күшейтіледі. Инвестицияларды тартуды ұлғайту мақсатында мемлекеттік-жекешелік әріптестіктің рөлі арттырылмақ. Нәтижесінде, өңірде кәсіпкерлік және инвестициялық белсенділікті арттыруға ықпал ететін болады», - деді аймақ басшысы.</blockquote>Даму орталығының жұмысын бақылау және үйлестіру &nbsp;облыс әкімінің бірінші орынбасары Серік Қожаниязовқа жүктелді.&nbsp; Матаев Талғат Мұстафаұлы 1972 жылы Қызылорда қаласында дүниеге келген.&nbsp;Экономика ғылымдарының докторы, Ресей Федерациясының Президенті жанындағы Ресей халық шаруашылығы және Мемлекеттік қызмет академиясының, Йель университетінің бизнес мектебінің (АҚШ) түлегі, мемлекеттік-жекешелік әріптестік саласының (ГЧП) маманы ретінде Дүниежүзілік банктің халықаралық сертификатына ие.Еңбек жолын 1994 жылы Қызылорда облысының салық комитетінде салық испекторы болып бастап, 2005 жылға дейін аға салық инспекторы, бөлім басшысы, басқарма басшысы және облыстық салық комитеті төрағасының орынбасары лауазымдарын атқарған.&nbsp; 2005-2008 жылдары аралығында облыс әкімінің кеңесшісі және облыста бірнеше басқармалардың басшысы қызметін абыроймен атқарып, Сыр елінің әлеуметтік-экономикалық дамуына өз үлесін қосқан азамат.&nbsp;2008-2022 жылдар аралығында Еуразиялық экономикалық комиссияда (Мәскеу қ.) жұмыс атқарған, Қазақстан Республикасы Ұлттық экономика министрлігінің Қазақстандық мемлекеттік-жекешелік әріптестік орталығында басқарма төрағасы, Қазақстан Республикасы Денсаулық сақтау министрлігінің «Тұрар ХЭЛСКЕЙР» (HEALTHCARE) ұлттық компаниясын басқарған, «Оңтүстік» әлеуметтік-кәсіпкерлік корпорациясының құрылымдық бөлімшелерін басқарған және «Қызылорда» әлеуметтік-кәсіпкерлік корпорациясының (ӘКК Байқоңыр) басқарма мүшесі болған.<figure class="image image_resized" style="width:100%;"><img src="https://knadmin.beoblood.kz/uploads/324664742_931562561121327_8247353722315437499_n_8de61c1b2f.jpg" alt="324664742_931562561121327_8247353722315437499_n.jpg"></figure>

Қазақстан және Қызылорда облысының жаңалықтары