<a href="https://kyzylorda-news.kz/">Kyzylorda-news.kz.</a> ҚМДБ «Зекет және қайырымдылық» қоры, Қызылорда облысы бойынша өкілдігінің ұйытқы болуымен өткен «Жылу сыйла» қайырымдылық акциясы тиісті деңгейде атқарылды.
Жалпы қаңтар және ақпан айларында жүзеге асырылған игі шараға атсалысқан Сыр имамдары мен белсенді жамағат 73 мұқтаж отбасыға 78 тонна көмір жеткізіп берді.
Айта кетейік, қордың бастамасымен жылу маусымында отын-көмір сатып алуға шамасы келмейтін тұрмысы төмен жанұяларға көмек көрсету мақсатында «Жылу сыйла» қайырымдылық акциясы бастау алған болатын. Аталмыш бастама Сыр имамдары тарапынан қолдау тауып, жыл сайын дүстүрлі түрде ұйымдастырылуда.

«Жылу сыйла»: 73 отбасына көмек берілді

<a href="https://kyzylorda-news.kz/">Kyzylorda-news.kz.</a> Елімізде&nbsp; цифрландыру&nbsp; қарқынды жүріп жатыр.&nbsp;&nbsp; Цифрландыру жаһандық үрдісі &nbsp;халықтың өмір сапасын арттыруға жол ашады.
<blockquote>
 «Заманауи технологиялық әзірлемелерді полиция қызметінде кеңінен пайдалану Мемлекет басшысының ішкі істер органдарының алдына қойған басты міндеттерінің бірі. Ел Президентінің тапсырмасы бойынша бұл бағытта Қызылорда облысының полиция департаментінде тиімді де оңтайлы бағдарламалар іске асырылуда», – дейді Қызылорда облысы Полиция департаментінің бастығы полиция полковнигі Сұлтан Бектөре.
</blockquote>
Мәселен, түрлі құқық бұзушылықтарға шұғыл әрекет ету мақсатында азаматтарға арналған жаңа сервис – «102» мобильді қосымшасының іске қосылғандығы туралы айта аламыз.&nbsp;&nbsp;
Қызылорда қалалық полиция басқармасының қазіргі заманғы және заманауи техникамен қамтамасыз етілген жедел басқару орталығында үлкен мониторлар орналасқан. Осы мониторларда тәулік бойы нақты уақыт режимінде қала бойынша шоғырланған бейнебақылау камераларынан деректер көрсетіледі. Мониторлар арқылы ЖБО қызметкерлері қаладағы орын алып жатқан барлық әрекеттерді мұқият бақылайды. Мұнда «102»мобильді қосымшасы арқылы аудио-видео қоңыраулары да келіп түседі. Мысалы, жол-көлік оқиғалары туралы, жол жүрісі қағидаларын бұзу, тұрмыстық зорлық-зомбылық туралы хабарлама бере алады.&nbsp; Қазіргі уақытта «102» мобильді қосымшасы сәтті жұмыс істеуде. &nbsp;&nbsp;&nbsp;&nbsp;
Бұдан бөлек, Қазақстан Республикасы Үкіметінің «Цифрлық Қазақстан» мемлекеттік бағдарламасын бекіту туралы» қаулысының негізінде, мемлекеттік бағдарламаны іске асыру аясында Қызылорда облысының полиция департаментінде қылмыстық істердің сотқа дейінгі тергеп-тексеру «е-ҚІ» модуліне көшірілді.
Қазіргі таңда, сотқа дейінгі тергеп-тексеру жүргізу функциялары берілген барлық қызмет саласы 100 пайыз электронды форматта сотқа дейінгі тергеп-тексеру жүргізуге арналған арнайы компьютерлік техникамен жабдықталып, қылмыстық істер бойынша сотқа дейінгі тергеп-тексеру электронды форматта жүргізіледі.
<blockquote>
 «Қызылорда облысы полиция департаментінің бөліністерімен 2021 жылы 3404 қылмыстық іс электронды форматта тергелді», – деп атап өтті Қызылорда облысы полиция департаментінің бастығы полиция полковнигі Сұлтан Бектөре.&nbsp;&nbsp;&nbsp;
</blockquote>
Сонымен қатар, Қызылорда облысы Полиция Департаментінің сыртқы қызмет саласының қызметкерлері «Әкімшілік өндірістің бірыңғай тізілімі» жүйесі арқылы әкімшілік істерді электронды форматта жүргізуге арналған арнайы планшеттермен қамтамасыз етіліп, әкімшілік істерді электронды форматта жүргізуге мүмкіндік алды. &nbsp;
2021 жылы «Әкімшілік өндірістің бірыңғай тізілімі» жүйесіне тіркелген 130&nbsp;039&nbsp; әкімшілік іс электронды форматта аяқталған.
Тағы бір айта кетерлігі, Қазақстан Республикасында білім беруді дамытудың мемлекеттік бағдарламасын жүзеге асыру аясында дуалды оқыту &nbsp;жүзеге асырылуда.
Дуалды оқыту – бұл кәсіби білім берудің тәжірибе мен теорияны біріктіре отырып, болашақ мамандарды даярлап шығарудың жаңа қалпы, бұл кәсіптік білім берудің бір түрі, онда білім алушыларды даярлаудың тәжірибелік бөлігі жұмыс орнында, яғни өнеркәсіп орнында, ал теориялық бөлігі – білім беру ұйымының базасында жүзеге асырылады.
Басты мақсат – мекемеде жұмыс істеудің базалық дағдылары қалыптасқан білімді, сауатты және кәсіби білікті түлекті дайындау.
Осыған сәйкес, Қорқыт ата атындағы Қызылорда университеті мен&nbsp; Қызылорда облысының Болашақ Университетінде дуалды білім&nbsp; беру жүйесі бойынша&nbsp;&nbsp; Қызылорда облысы полиция департаментінің қызметкерлері білім алушыларға тәжірибелік сабақтар өткізіп, жұмыс жүргізуде.
<blockquote>
 «Қызылорда облысының полиция департаменті Қорқыт ата атындағы Қызылорда университетінде және Қызылорда облысының Болашақ Университетінде жоғарғы оқу орны&nbsp; арасындағы дуалды оқытуға байланысты ынтымақтастық туралы&nbsp; Меморандум негізінде,&nbsp; «Құқықтану» кафедрасының құқықтану мамандығында білім алып жатқан студенттеріне тәжірибелік сабақтар өткізілуде.
 Осы тұста,&nbsp; біздің қызметкерлеріміз &nbsp;Қызылорда облысының Болашақ Университетінің студенттеріне тәжірибелік нысанда сабақтарын жүргізуде. Олар өзінің кәсіби білім – біліктіліктерімен бөлісіп, болашақ құқық қорғау органдары қызметкерлері болатын жастарға қылмыстық істер бойынша тергеп-тексеру мен тергеудің заманауи әдістерімен таныстыруда», – деді Сұлтан Бектөре.
</blockquote>
<img src="https://kyzylorda-news.kz/wp-content/uploads/2022/03/whatsapp-image-2022-03-10-at-15.34.001.jpeg" alt="" />
<img src="https://kyzylorda-news.kz/wp-content/uploads/2022/03/whatsapp-image-2022-03-10-at-15.34.00.jpeg" alt="" />

Полиция жұмысы заманауи технологиялармен жабдықталып жатыр

<a href="https://kyzylorda-news.kz/">Kyzylorda-news.kz.</a> Қызылорда облысында мүгедектігі бар 30 810 азамат болса, оның 5 000-нан астамы бала. Жалпы халық санына шаққанда мүгедектігі бар азаматтрдың үлес салмағы 3,7 пайызды құрайды. Сондай-ақ, өткен жылы екі мыңнан астам қызмет алушыға алғаш рет мүгедектік тобы тағайындалды.
Бұл туралы Өңірлік коммуникациялар қызметінде өткен баспасөз конференциясында ҚР Еңбек және әлеуметтік қорғау министрлігі еңбек, әлеуметтік қорғау және көші-қон комитетінің Қызылорда облысы бойынша департаменті басшысының орынбасары Тілеукүл Мырзахметова хабарлады.
<blockquote>
 Есепті мерзімде 10 мың адамға шаққандағы алғашқы мүгедектіктің көрсеткіші 26,9 пайызды құрады. Республика бойынша бұл көрсеткіш 26,6 пайыз. Қайта куәландырудан өткен 7 715 мүгедектігі бар азаматтың арасынан 631-і толық оңалды. Сондай-ақ, Қазақстан республикасының кейбір заңнамалық актілеріне өзгерістер мен толықтырулар енгізілуіне байланысты «7 жастан бастап балаларға мүгедектігі бойынша жәрдемақыларды саралай келе, мүгедектік топтарын белгілеу туралы норма» бекітілді. Аталған заңның қолданысқа енгізілуіне байланысты 7 жастан 16 жасқа дейінгі 3080 балаға «мүгедек бала» санаты белгіленді. Қазіргі таңда 7 жасқа толған балалар мүгедектік мерзіміне қарамастан топ тағайындау үшін жергілікті емханалармен қайта куаландыруға жолдануда, – деді Тілеукүл Мырзахметова.
</blockquote>

Қызылордада 5 мыңнан астам мүмкіндігі шектеулі бала бар

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев қазіргі уақытта еңбек миграциясы жаһандық маңызға ие екенін және ол елдің әлеуметтік-экономикалық дамуымен тығыз байланысты екенін бірнеше рет баса айтты. Қазақстан Республикасы Ішкі істер министрінің нұсқауына сәйкес, наурыз айының 10 – 20 күндері аралығында «Мигрант» іс-шарасы басталды.
Осыған орай Қызылорда қалалық полиция басқармасының жедел-криминалистика бөлімінің тәртіп сақшылары арнайы іс-шарасы аясында өз жұмыстарын бастап кетті. Заңды келген еңбекші мигранттың дактилоскопиялық есебін жүргізуге барлық жағдай жасалынған және олар бұл есептен өтуге міндетті.
<blockquote>
 «Мемлекет басшысының тапсырмасына сәйкес, аталған есептер елімізге келген еңбекші мигранттардың қауіпсіздігін сақтау және қаламыздағы криминогендік ахуалын бақылау мақсатында жүргізіледі. Дегенмен міндетпен бірге қызмет көрсету сапасы жоғары болуға тиіс»-, деп атап өтті басқарма бастығы, полиция полковнигі Әбдібек Сламбекұлы. ​
</blockquote>
«Халыққа қызмет көрсету орталығы» және Қызылорда қалалық полиция басқармасының көші-қон полиция бөлімі және жедел-криминалистика бөлімдерімен бірлескен шаралар аясында «Папилон» боямасыз сканері алынған болатын. Бұл жоба өз нәтижесін беріп, еңбекші мигранттардың қол таңбалары боямасыз сканерленіп, базаға фотосымен бірге жолданып, түрлі есептерден тексеріліп, санаулы минуттарда анықтама беріледі. Бұл жоба еңбекші мигранттарды халыққа қызмет көрсету орталығындағы жұмыс сапасының жоғары дәрежеде ұйымдастырушылығын көрсетеді.
Мемлекет басшысы Қасым-Жомарт Тоқаевтың Жарлығына сәйкес, еңбекші мигранттардың Қазақстанда жұмыс істеуіне еш шектеу жоқмәселесі басты назарға алынған. Алдағы уақытта да бұл мәселе Полиция басқармасының қатаңбақылауда. Қызылорда қалалық Полиция басқармасының жедел-криминалистика бөлімі халыққа қызмет көрсету үшін жұмыс сапасының жоғары деңгейде жүргізуге нәтижелі жұмыстар жасайтындығын тағы бір мәрте атап өтті.
<img src="https://kyzylorda-news.kz/wp-content/uploads/2022/03/image-10-03-22-04-15.jpeg" alt="" />

Қызылордалық сақшылар еңбекші мигранттарды тексеріп жатыр

<a href="https://kyzylorda-news.kz/">Kyzylorda-news.kz.</a>&nbsp; Азаматтық істер бойынша соттан тыс және сотқа дейінгі істерді жетілдіру мақсатында былтыр ҚР Азаматтық процестік кодексіне өзгерістер мен түзетулер енгізіліп, «сотқа дейінгі хаттама» пилоттық жобасы өз жұмысын бастады. Жаңа өзгеріске сәйкес, талап қоюды қабылдау он бес жұмыс күн ішінде жүзеге асырылады. Бұл туралы Өңірлік коммуникациялар қызметінде өткен брифингте Қызылорда қалалық сот судьясы Лаура Әлібекова хабарлады.
<blockquote>
 «Жобаның негізгі мақсаты – тараптарды сотқа дейін татуласуға, дұрыс шешім қабылдау үшін қосымша уақыт беруге арналған. Татуластырушы судья талап түскен күннен кейін келесі күні сотқа дейінгі хаттама жасау құқығы түсіндіріле отырып, татуластыру рәсіміне қатысуға шақыру жіберіледі. Сот тараптардың ұсынған келісімін жіті тексеріп, ұйғарым арқылы шешімді бекітеді», – деді қалалық сот судьясы Лаура Әлібекова.
</blockquote>
Былтыр Қызылорда қалалық сотына 10 297 азаматтық іс пен талап арыз түскен. Бұл 2020 жылмен салыстырғанда 657-ге көп. Негізгі қаралған істердің санатына еңбек ақы өндіру, заңдық маңызы бар фактілерді анықтау, жер құқық қатынастарына байланысты даулар жатады.
<blockquote>
 «Өткен жылы неке және отбасы қатынастарына байланысты 1 824 іс қозғалды. Оның 52-сі медиация тәртібімен қаралды. Бүгінде материалдық жағдайдың болмауы, маскүнемдік сынды мәселелермен ажырасуға арызданушылар көбейген. Сондай-ақ, 35 жастан төменгі жастар арасында ажырасу дерегі өте көп тіркелуде. Бүгінде татуласу рәсімдерімен аяқталған істердің сандарын көбейтуге бағытталған іс шаралар қолға алынды», – деді қалалық сот судьясы Забира Абылайқызы.
 «ҚР «Неке және отбасы туралы» Кодекстің 138 – бабында көрсетілгендей ата-ана камелетке толмаған балаларды бағуға міндеттеледі. Егер алимент туралы келісім болмаған жағдайда сот ай сайын бала санына сәйкес алимент өндіреді. Бұл сот тараптардың материалдық немесе отбасылық жағдайды ескере отырып мөлшерін белгілейді», – деді қалалық сот судьясы Нұргүл Жаңабергенқызы.
</blockquote>

«Сотқа дейінгі хаттама» пилоттық жобасы  басталды

<a href="https://kyzylorda-news.kz/">Kyzylorda-news.kz.</a> Тұрғын үйге мұқтаждардың жаңа базасына кезекке тұру құқығы қандай да бір санатқа жататындығына қарамастан, соңғы 10 жыл ішінде тұрғын үйі жоқ барлық азаматтарға беріледі, деп хабарлайды ҚазАқпарат.
Бұл туралы ҚР Индустрия және инфрақұрылымдық даму вице-министрі Еркебұлан Дауылбаев ҚР Парламенті Мәжілісінде айтты.
<blockquote>
 «Есепке қоюдың жаңа тәртібіне сәйкес тұрғын үйге мұқтаждардың жаңа базасына кезекке тұру құқығы қандай да бір санатқа жататындығына қарамастан, соңғы 10 жыл ішінде тұрғын үйі жоқ барлық азаматтарға беріледі», – деді вице-министр «Қазақстан Республикасының кейбір заңнамалық әктілеріне тұрғы үй саясатын реформалау мәселелері бойынша өзгерістер мен толықтырулар енгізу туралы» Заң жобасын таныстыру барысында.
</blockquote>
Сондай-ақ, ол кезекте тұрғандарды ағымдағы базаға есепке қою тоқтатылатынын ескертті. Ал Отбасы банкі мынадай қызметтерді жеке-жеке жүзеге асыратын болады:
1. Бірыңғай республикалық электрондық базаны (ағымдағы база) жүргізу, мониторингілеу және өзектендіру;
2. Тұрғын үймен қамтамасыз ету орталығы базасын (кезекте тұрғандардың жаңа базасы) қалыптастыру, жүргізу, мониторингілеу, өзектендіру.
«Ағымдағы кезекте тұрғандар үшін жалға және кредитке берілетін тұрғын үйді бөлу есепке қою күні бойынша жүзеге асырылатын болады. Тұрғын үймен қамтамасыз ету орталығында кезекте тұрғандар үшін тұрғын үйді бөлу:
– жалға берілетін тұрғын үй үшін төлемді субсидиялау-есепке қою күні бойынша;
– кредиттік тұрғын үй – балдық жүйе бойынша жүргізілетін болады.
Бұл ретте, табысы қажетті балл санын жинақтауға мүмкіндік бермейтін халықтың әлеуметтік осал топтарына жататын азаматтарды қолдау мақсатында қосымша балдарды енгізу ұсынылады.
Сондай-ақ, Отбасы банкінің интернет-ресурсында өзектендірілген тізімдерді жариялай отырып, тоқсанына кемінде 1 рет тізімдік кезектілікті түгендеу көзделеді», – деді Еркебұлан Дауылбаев.
Бұл жаңашылдықтар барлық азаматтар үшін мемлекеттік қолдау шараларын әділ бөлу қағидатын толық көлемде қолдануға мүмкіндік береді.

Жаңа тұрғын үй кезегіне тұрушылардың кейінгі 10 жылда үйі болмауы керек

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің жас ғалымдары АҚШ-тың Мичиган мемлекеттік университетімен бірлесіп, құны 38 мың долларды құрайтын жаңа гранттық жобаны ұтып алды.
Жобаның негізгі мақсаты – экология, қоршаған орта саласы бойынша жас ғалымдардың білімін тереңдету мен оқытушы профессорлық құрамның біліктілігін арттыруға бағытталған.
<blockquote>
 «Біздің ғалымдар жоба аясында АҚШ-тың іргелі оқу орындарымен тәжірибе алмасып, экология саласының оқытылу процесімен таныспақ. Аталған жоба екі ел университеттері арасындағы ынтымақтастықтың артуына және студенттердің жоғары тәжірибе алмасуына ықпал етеді. Жоба барысында жас ғалымдарға он күн бойы Мичиган мемлекеттік университеті, Вашингтон, Оңтүстік Дакота, Майн және Нью-Йорк қалаларындағы Пэйс университеттерінің профессорлары офлайн форматта дәрістер өткізіп, Арал теңізі жанына барып дала жұмыстарына зерттеу жүргізеді. Бұл жоба АҚШ-тың елшілігі тарапынан қаржыландырылады», – деді Қорқыт ата атындағы ҚУ-дың халықаралық байланыстар бөлімінің басшысы Гүлназия Әлмаханова.
</blockquote>
Айта кетейік, жобаға еліміздегі бірқатар жоғары оқу орындарын қатыстыру жоспарлануда.
<img src="https://kyzylorda-news.kz/wp-content/uploads/2022/03/275674683_1488141491581358_5335378104021935476_n.jpg" alt="" />

Қызылордалық ғалымдар 38 мың АҚШ долларын құрайтын жобаны жүзеге асырмақ

<a href="https://kyzylorda-news.kz/">Kyzylorda-news.kz.</a>&nbsp; Мәсімов ҰҚК Төрағасы лауазымында 2 млн. АҚШ доллары сомасында пара алу фактісі бойынша тергеу жүргізілуде. Қаражатты Гонконгтан Қазақстан Ұлттық банкіне қайтару қамтамасыз етілді.
Премьер-Министр лауазымында бизнес-құрылымның бірінен астанада құны 2,5 млрд. теңге элиталық тұрғын үй мен жер телімін алған.
Одан бөлек, отандық бизнес қауымдастықтары мен шетелдік субъект өкілдерінен жылжымайтын мүлік, қымбат сыйлықтар, көлемді мөлшерде ақшалай қаражат алу фактілері тіркелген.
2022 жылғы қаңтарда Мәсімовті ұстағаннан кейін осы тұрғын үйде 17,2 млн. АҚШ доллары мөлшерінде қолма-қол ақша, құнды заттар – элиталық сағаттар, алтын кесектері, антиквариат, бизнес санаттағы 11 қымбат автомашина алынған.
Мүліктеріне Нұр-Сұлтан қаласындағы екі элиталық пәтер, Алматы қаласындағы 2 пәтер мен дербес сарай, Щучье-Бурабай шипажайы аймағы көлінің жағасындағы аумағы 1 га жер теліміне тыйым салынды. 
Мәсімовпен жақын байланысы бар адамдардан 5,1 млн. АҚШ доллары алынып, оған тыйым салынды.
<img src="https://kyzylorda-news.kz/wp-content/uploads/2022/03/220310131902626e.jpg" alt="" />
<img src="https://kyzylorda-news.kz/wp-content/uploads/2022/03/2203101320474464g.jpg" alt="" />
<img src="https://kyzylorda-news.kz/wp-content/uploads/2022/03/2203101320496465g-1.jpg" alt="" />
<img src="https://kyzylorda-news.kz/wp-content/uploads/2022/03/2203101320522166g.jpg" alt="" />
<img src="https://kyzylorda-news.kz/wp-content/uploads/2022/03/2203101320538467g.png" alt="" />
<img src="https://kyzylorda-news.kz/wp-content/uploads/2022/03/2203101321083375g.jpg" alt="" />
<img src="https://kyzylorda-news.kz/wp-content/uploads/2022/03/2203101321015672g-1.jpg" alt="" />
<img src="https://kyzylorda-news.kz/wp-content/uploads/2022/03/2203101321094576g.jpg" alt="" />

Кәрім Мәсімов ісі бойынша деректер жарияланды (ФОТО)

<a href="https://kyzylorda-news.kz/">Kyzylorda-news.kz.</a> Сыр елі шығармашылық өкілдерінің ортасында шоқтығы биік ақын, аймағымыздың талай жылғы тарихында қарымды қолтаңбасы бар қалам иесі, Қазақстан Жазушылар және Журналистер одағының мүшесі, ҚР Ақпарат саласының үздігі Дүйсенбек Аяшұлы биыл асқаралы 60 жастың асуына шығып отыр.
Бүгін ақын мерейтойын өзі еңбек ететін Т.Жүргенов атындағы шығармашылық үйі, «Сыр медиа» серіктестігі ұжымы, қаламдастары мен шәкірттері алғашқы болып атап өтті. Шын өнердің бағасын білетін, шығармашылыққа жаны құмар журналистер қауымы ақын Дүйсенбек Аяшұлының сан алуан тақырыпты шарпыған, өрнегі бөлек өлеңдерін оқып, тыңдаушыларын тебірентті.
«Сыр медиа» серіктестігінің бас директоры, Қазақстан Журналистер одағы облыстық филиалының төрағасы, облыстық мәслихат депутаты Аманжол Оңғарбаев сонау студенттік шақтан бірге келе жатқан сыралғы сыйластығы мен адал достығы тұрғысынан Дүйсенбек Аяшұлының адами болмысына биік бағалады. Тәңір сыйлаған талант иесінің туындыларында ешкімге ұқсамайтын ерек қолтаңбасы барын атап өтті. Осынау асқаралы асуында абыройы мен мәртебесі үстем болып, ойлы шығармалары оқырман жүрегіне жол табарына сенім білдірді.
Қазақстан Жазушылар одағының мүшесі, белгілі ақын, Қызылорда қоғамдық телерадиокомпаниясының құрылтайшысы, облыстық мәслихат депутаты, Шәһизада Әбдікәрімов ақындық өнердің ауыр да абыройлы &nbsp;жүгін арқалаған мерейтой иесі Дүйсенбек Аяшұлының табиғи талантына, азаматтық тұлғасына айрықша баға берді.
<blockquote>
 – Ақынға тән қалыпқа сыймайтын қасиеті бар, сондығынан да қазақ поэзиясындағы&nbsp; қолтаңбасы өзгеше. Сыр топырағынан шыққан сүлейлер мұрасының сабағын үзбей, сөз қолданысына аса талғаммен қарайды. Әрбір туындысы өз алдына ерекше. Көненің көзінен көркем ой түйіп, ескіден қалған есті сөздерімен елең еткізеді. Жан дүниеңді жаңғыртады. «Өр ағыс» атты бір ғана кітабы оның позия әлеміндегі өзіндік орнын айшықтап берді, – дейді Шәһизада ақын.
</blockquote>
Ақын шығармашылығы туралы ой-пікірін білдірген Шанжархан Бекмағанбетов Дүйсенбек Аяшұлы өлеңдерінің әр сөзі тасқа басқандай айқын, әрбір жолы зерлеп құйған өрнектей өзгеше әсерлі екенін айтты. Ал «Кәсіпкер келбеті» газетінің бас редакторы Жүзбай Таңырақбаев мерейтой иесімен қаламгерлік қызмет саласындағы көп жылғы сыйластығы жайында әңгімелеп, ағалық ақ тілегін жеткізді.
Поэзия кешінде Ғазиза Әбілда, Әзиз Батырбеков, Айжан Абдуллаева, Фариза Омарова, Биболат Сәтжан, Рыскелді Жахман, Ақтілек Бітімбай, Дина Бөкебай, Мөлдір Қалымбет сияқты әріптестері ақын өлеңдерін оқып, шығармашылық иесіне деген шынайы құрметін танытты.
Сыр елінің халқы Дүйсенбек Аяшұлын талантты ақын, қарымды қаламгер ретінде таниды. Аймақтың ата басылымы – «Сыр бойы» газетінде тілші, аймақтық тілші, бөлім басшысы, бас редактордың орынбасары болып көп жылдан бері жауапты қызмет атқарып келеді. Туған жері – Шиелі ауданының «Өскен өңір» газетінде, Қызылорда қалалық «Ақмешіт апталығы» газетінде бас редактор қызметін абыроймен атқарып, қалың оқырманның құрметіне бөленді. Бірнеше мәрте&nbsp;облыстық, республикалық мүшәйралардың жеңімпазы атанды. Қазақстан Журналистер және Қазақстан Жазушылар Одағының мүшесі ретінде шығармашылық өлкеде қарымды қолтаңбасын қалдырды. ҚР Ақпарат саласының үздігі төсбелгісін иеленуі – осындай елеулі еңбегінің нәтижесі.
Ақынның 2003 жылы жарық көрген «Өр ағыс» атты жалқы туындысын оқырман жылы қабылдады. Қазақ әдебиеті мен мәдениетінің дамуына сүбелі үлес қосып, кейінгі толқын талантты жастардың шығармашылық тұрғыда шыңдалуына қолдау танытып келеді.
Халықтың қалтқысыз ықыласы болар, Қызылорданың Қадыры атанды. Қаламдас ағамызға алдағы уақытта да бақытты, баянды ғұмыр, шалқар шабыт тілейміз.
<img src="https://kyzylorda-news.kz/wp-content/uploads/2022/03/824a9470-scaled.jpg" alt="" />
<img src="https://kyzylorda-news.kz/wp-content/uploads/2022/03/824a9396-scaled.jpg" alt="" />
<img src="https://kyzylorda-news.kz/wp-content/uploads/2022/03/824a9596-scaled.jpg" alt="" />
<img src="https://kyzylorda-news.kz/wp-content/uploads/2022/03/824a9566-scaled.jpg" alt="" />
<a href="https://syrboyi.kz/">Сыр бойы</a>

Ақын Дүйсенбек Аяшұлы &#8211; 60 жаста

<a href="https://kyzylorda-news.kz/">Kyzylorda-news.kz.</a> Қолданылған материалдарға міндетті түрде primeminister.kz сайтына гиперсілтеме берілуі тиіс.
ҚР Премьер-Министрі Әлихан Смайыловтың төрағалығымен өткен Үкімет отырысында 2025 жылға дейінгі халық табысын арттыру бағдарламасы қаралды.
Ұлттық экономика министрі Әлібек Қуантыров, еңбек және халықты әлеуметтік қорғау министрі Серік Шәпкенов, энергетика министрі Болат Ақшолақов, индустрия және инфрақұрылымдық даму вице-министрі Марат Қарабаев, «Самұрық-Қазына» ҰӘҚ» АҚ басқарма төрағасы Алмасадам Сәтқалиев, «Атамекен» ҰКП басқарма басшысының міндетін атқарушы Нариман Әбілшайықов баяндама жасады.
Үкімет басшысы 2025 жылға дейінгі халық табысын арттыру бағдарламасы азаматтардың әл-ауқатын арттыру және әлеуметтік-еңбек саласындағы тәсілдерді жаңарту мақсатында әзірленгенін атап өтті.
Мәселен, жаңа өнеркәсіптік кластерлер құру, шағын және орта кәсіпкерлікті қаржылық қолдауды қамтамасыз ету, ірі кәсіпорындар маңында ШОБ-ты дамытуға жағдайлар жасау есебінен өнеркәсіп пен кәсіпкерліктегі жұмыспен қамтуды ұлғайту жоспарланып отыр. АӨК саласында жұмыспен қамтуды арттыру мақсатында қосалқы үй шаруашылықтарын құру, инвестициялық жобаларды іске асыру және микрокредит беру тетіктерін кеңейту шаралары қарастырылған.
Премьер-Министр барлық мемлекеттік органдардың алдына ішкі нарықты отандық өніммен толықтыру, еңбек өнімділігін арттыру және тұрақты жұмыс орындарын құру міндеті қойылып отырғанын атап өтті.
<blockquote>
 «Азаматтарымыз Үкіметтің кірістерді сақтау және ұлғайту, кәсіпкерлікті қолдау, сондай-ақ жұмысқа орналастыру және қайта оқыту жөніндегі барлық шаралары туралы кеңінен хабардар болуы тиіс», – деді Әлихан Смайылов.
</blockquote>
Министрлер кабинетінің басшысы, бағдарлама іс-шараларын, оның ішінде кәсіпкерлікті дамытуды сапалы жүзеге асыруды қамтамасыз етуді тапсырды.
Индустрия, ауыл шаруашылығы, энергетика министрліктеріне және өңірлердің әкімдіктеріне жаңа тұрақты жұмыс орындарын ашу, шағын және орта бизнестің ілеспе субъектілерін дамыту мақсатында өңдеу саласындағы инвестициялық жобаларды іске асыру мәселелерін пысықтау тапсырылды. Еңбек және халықты әлеуметтік қорғау министрлігіне мемлекеттік органдармен және әкімдіктермен бірлесіп, еңбек табысындағы теңгерімсіздікті жою жөніндегі іс-шаралардың орындалуын бақылау жүктелді. Салалық мемлекеттік органдар, «Самұрық-Қазына» қоры, әкімдіктер қызметкерлердің жалақыларын орташа салалық деңгейге дейін арттыруы, сондай-ақ бюджеттік қызметкерлердің орташа жалақысын көтеруді қамтамасыз етулері тиіс.
Ұлттық экономика министрлігіне негізгі капиталға инвестициялар тарту және жұмыс орындарын құру бойынша KPI негізінде мемлекеттік органдардың, барлық деңгейдегі әкімдіктердің тиімділігін бағалауды және рейтингін жүргізуді қамтамасыз ету тапсырылды.
Жалпы, 2025 жылға дейінгі халық табысын арттыру бағдарламасын Министрлер кабинетінің мүшелері кейбір түзетулерді ескере отырып қабылдады.

Үкімет отырысында халық табысын арттыру бағдарламасы қаралды

<a href="https://kyzylorda-news.kz/">Kyzylorda-news.kz.</a>&nbsp;Бүгіннен бастап Қызылорда облысы әкімінің орынбасары лауазымына Мархабат Жайымбетов тағайындалды.
Мархабат Жайымбетұлы облыстағы құрылыс, сәулет, энергетика және тұрғын үй-коммуналдық шаруашылық, жолаушылар көлігі салаларына жетекшілік жасайды.
<blockquote>
 «Әр түрлі салада жинақтаған мол тәжірибесін облыс тұрғындарын сапалы ауыз сумен, үздіксіз энергетикамен, газбен қамтамасыз ету және тұрғын-үй коммуналдық шаруашылық, табиғи монополиялар субьектілерін реттеу, коммуналдық қызметтерге тарифтерді белгілеу бойынша қарқынды жұмыс атқарады деп сенемін. Жаңа қызметіңізбен құттықтай отырып, алдағы атқарар жауапты жұмыстарыңызға сәттілік тілеймін», – деді Гүлшара Әбдіқалықова.
</blockquote>
Жайымбетов Мархабат 1965 жылы Қызылорда облысында дүниеге келген. Ол Волгоград ауылшаруашылық институтын, Қорқыт Ата атындағы Қызылорда мемлекеттік университетін бітірген. Экономика және менеджмент PhD докторы.
Еңбек жолын 1989 жылы Қызылорда қаласындағы «ГлавАгроРемМаш» жөндеу механикалық зауытының энергетигi болып бастаған.
1993-2005 жылдары аймақтың мұнай-газ салаларында басшылық лауазымдарда қызмет атқарды.
2005-2008 жылдары Қызылорда облысы Төтенше жағдайлар департаментінің бастығы;
2008-2010 жылдары Қызылорда облысы әкімінің орынбасары;
2010-2013 жылдары Қызылорда қаласының әкімі;
2013-2014 жылдары Арал ауданының әкімі;
2014-2015 жылдары Қазақстан Республикасы Президенті Әкімшілігінің мемлекеттік инспекторы;
2015-2016 жылдары Қазақстан Республикасы Ұлттық экономика министрлігі Құрылыс, тұрғын үй-коммуналдық шаруашылық істері және жер ресурстарын басқару комитетінің төрағасы;
2019-2021 жылдары Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің төрағасы;
2021 жылдың мамыр айынан бастап осы кезге дейін ҚР Индустрия және инфрақұрылымды дамыту министрінің кеңесшісі қызметін атқарды.

Мархабат Жайымбетов Қызылорда облысына қызметке келді

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі лауазымына Әділбек Ерсұлтанов тағайындалды.
Әділбек Бөрібайұлы 1976 жылы туған.
Ол Абай атындағы Алматы мемлекеттік университетін тарихшы-архивтанушы және Қорқыт Ата атындағы Қызылорда мемлекеттік университетін «Экономика және бизнес» мамандықтары бойынша бітірген.
Еңбек жолын Қармақшы аудандық қоғамдық өрт сөндіру бірлестігінің жұмысшысы ретінде бастаған. Кейіннен Қызылорда қаласының әкімдігінде жауапты қызметтер атқарды.
Одан кейін Қызылорда облысы әкімі аппараты Ұйымдастыру-инспекторлық жұмыс және аймақтық даму бөлімінің бас инспекторы, бөлім меңгерушісі, Қызылорда облысының мұрағаттар және құжаттама басқармасы басшысының орынбасары, Қармақшы ауданы әкімінің орынбасары болды.
Ал 2015-2017 жылдары – Қызылорда қалалық ішкі саясат бөлімінің басшысы, «Нұр Отан» партиясы Қызылорда облыстық филиалы төрағасының орынбасары қызметін атқарды.
2017-2019 жылдары Қызылорда облысының мәдениет, архивтер және құжаттама басқармасы басшысының орынбасары лауазымында болды.
2019 жылдан осы кезге дейін Қызылорда облысы әкімі аппараты басшысының орынбасары қызметін атқарды.
<img src="https://kyzylorda-news.kz/wp-content/uploads/2022/03/erswltanov.jpg" alt="" />

Қазақстан және Қызылорда облысының жаңалықтары

«Жылу сыйла»: 73 отбасына көмек берілді

Полиция жұмысы заманауи технологиялармен жабдықталып жатыр

Қызылордада 5 мыңнан астам мүмкіндігі шектеулі бала бар

Қызылордалық сақшылар еңбекші мигранттарды тексеріп жатыр

«Сотқа дейінгі хаттама» пилоттық жобасы басталды

Жаңа тұрғын үй кезегіне тұрушылардың кейінгі 10 жылда үйі болмауы керек

Қызылордалық ғалымдар 38 мың АҚШ долларын құрайтын жобаны жүзеге асырмақ

Кәрім Мәсімов ісі бойынша деректер жарияланды (ФОТО)

Ақын Дүйсенбек Аяшұлы – 60 жаста

Үкімет отырысында халық табысын арттыру бағдарламасы қаралды

Мархабат Жайымбетов Қызылорда облысына қызметке келді

Қармақшы ауданының әкімі тағайындалды

Қазақстан және Қызылорда облысының жаңалықтары

«Жылу сыйла»: 73 отбасына көмек берілді

Полиция жұмысы заманауи технологиялармен жабдықталып жатыр

Қызылордада 5 мыңнан астам мүмкіндігі шектеулі бала бар

Қызылордалық сақшылар еңбекші мигранттарды тексеріп жатыр

«Сотқа дейінгі хаттама» пилоттық жобасы басталды

Жаңа тұрғын үй кезегіне тұрушылардың кейінгі 10 жылда үйі болмауы керек

Қызылордалық ғалымдар 38 мың АҚШ долларын құрайтын жобаны жүзеге асырмақ

Кәрім Мәсімов ісі бойынша деректер жарияланды (ФОТО)

Ақын Дүйсенбек Аяшұлы &#8211; 60 жаста

Үкімет отырысында халық табысын арттыру бағдарламасы қаралды

Мархабат Жайымбетов Қызылорда облысына қызметке келді

Қармақшы ауданының әкімі тағайындалды

Ақын Дүйсенбек Аяшұлы – 60 жаста