<a href="https://kyzylorda-news.kz/">Kyzylorda-news.kz</a> 17 ақпан күні Қызылордадағы «Кристал» мейрамханасында корей этносының Жаңа жылы – «Соллаль» мерекесіне арналған салтанатты іс-шара өтті. Дәстүрлі мейрамға этномәдени бірлестіктер өкілдері, зиялы қауым, жастар мен қала тұрғындары қатысты.Салтанатты бөлім фанфармен ашылып, жүргізушілер қазақ, корей және орыс тілдерінде құттықтау сөз сөйледі. Мерекенің ашылуында Қызылорда облыстық қоғамдық даму басқармасы басшысының орынбасары Артур Қамбаров құттықтау лебізін білдіріп, Соллаль мерекесінің жаңару мен үміттің, бірлік пен татулықтың символы екенін атап өтті. Ол облыстық корей этномәдени бірлестігінің өңірдегі қоғамдық келісімді нығайтуға, ұлттық мәдениет пен салт-дәстүрді жас ұрпаққа насихаттауға қосып отырған үлесін ерекше атап өтті.Сонымен қатар, ол алдағы 15 наурыз күні өтетін жалпыхалықтық референдумға тоқталып, жаңа Конституцияны қабылдау ел дамуының маңызды кезеңі екенін жеткізді.&nbsp;<blockquote>«Конституция – мемлекет пен қоғам арасындағы сенім мен келісімнің негізі. Онда тәуелсіздігіміздің тұғыры, заң үстемдігі мен азаматтардың құқықтары нақты айқындалады. Сондықтан бұл маңызды саяси науқанға баршаңызды белсенді қатысуға шақырамын», – деді басқарма басшысының орынбасары.</blockquote>Кеш барысында облыстық корей қауымдастығының төрағасы Ан Елена Юрьевна сөз сөйлеп, жиналған қауымды мерекемен құттықтады. Ақсақалдар батасын беріп, ізгі тілектерін жеткізді.<img src="https://knadmin.beoblood.kz/uploads/assambleya_4993455cab.jpg" alt="ассамблея.jpg">Бағдарлама аясында корей этносының көне дәстүрі – «Сэбэ» рәсімі көрсетілді. Бұл – жас буынның үлкендерге тағзым етіп, құрмет көрсету дәстүрі. Ортаға қауымдастық өкілдері мен ең жас буын шығып, ұлттық ғұрып сахналанды. Сондай-ақ «Самульнори» ұлттық аспаптық ансамблінің орындауындағы музыкалық номерлер, хордың корей тіліндегі әндері көрермен ықыласына бөленді.Мерекелік концертте Полина Михайловна Юн, Жаннета Мун және өзге де өнерпаздар өнер көрсетіп, әйгілі «Ариран» әні шырқалды. Би ұжымдарының қойылымдары кештің сәнін арттырды. Қонақтармен интерактив ұйымдастырылып, ұлттық «Тохо», «Хато» ойындары ойнатылып, белсенді қатысушыларға сыйлықтар табысталды.Іс-шара барысында этномәдени орталықтардың төрағалары мен «Қоғамдық келісім» КММ директоры Бақытжан Камалов құттықтау сөз сөйледі. Кеш антрактпен жалғасып, еркін микрофон алаңында қонақтар ақжарма тілектерін білдірді.Соллаль – ай күнтізбесі бойынша корей этносының Жаңа жылы. Бұл – тазалық пен жаңарудың, үміт пен ізгіліктің мерекесі. Ұрпақтар сабақтастығын нығайтып, үлкенге құрмет, кішіге ізет көрсететін тағылымды дәстүрлер арқылы халық арасындағы достық пен өзара түсіністікті тереңдететін ерекше күн.Мереке соңында қатысушылар бір-біріне амандық, береке және ынтымақ тілеп, татулық пен келісімнің құндылықтарын тағы бір мәрте айқындады.<img src="https://knadmin.beoblood.kz/uploads/assambleya_30081a21df.jpg" alt="ассамблея.jpg">

Қызылордада «Соллаль» мерекесі кең көлемде аталып өтті

<a href="https://kyzylorda-news.kz/">Kyzylorda-news.kz</a> Қазіргі таңда сыбайлас жемқорлыққа қарсы күрес – мемлекеттік саясаттың басым бағыттарының бірі. Қазақстан Республикасында бұл бағытта жүйелі реформалар жүргізіліп, заңнамалық және институционалдық тетіктер жетілдірілуде.Сыбайлас жемқорлыққа қарсы іс-қимыл мемлекеттік органдардың ашықтығын арттыруға, азаматтардың құқықтарын қорғауға және қоғамның мемлекетке деген сенімін нығайтуға бағытталған.Сыбайлас жемқорлық – мемлекеттік қызметтің беделіне нұқсан келтіретін, әділдік қағидаттарын бұзатын және азаматтардың құқықтары мен заңды мүдделеріне зиян келтіретін құқық бұзушылық. Сондықтан бұл құбылысқа қарсы күрес тек құқық қорғау органдарының ғана емес, бүкіл қоғамның ортақ міндеті болып табылады.Сот жүйесі де бұл бағытта айрықша маңызға ие. Мамандандырылған ауданаралық әкімшілік соттары мемлекеттік органдар мен азаматтар арасындағы жария-құқықтық дауларды қарай отырып, заңдылық пен әділдікті қамтамасыз етеді. Соттар әкімшілік рәсімдердің заң талаптарына сәйкес жүргізілуін тексеріп, мемлекеттік орган әрекеттерінің немесе әрекетсіздігінің заңдылығына баға береді. Бұл – билік пен қоғам арасындағы теңгерімді сақтаудың тиімді тетігі.Сыбайлас жемқорлықтың алдын алуда профилактикалық жұмыстардың орны ерекше. Ашықтық, есептілік, цифрландыру, мемлекеттік қызметшілердің әдеп нормаларын сақтау, мүдделер қақтығысын болдырмау – құқықбұзушылықтардың алдын алудың негізгі құралдары. Әсіресе, мемлекеттік қызметкерлердің құқықтық мәдениеті мен жеке жауапкершілігін арттыру – басты міндеттердің бірі.Сонымен қатар, азаматтардың құқықтық сауаттылығын арттыру да маңызды. Әрбір азамат өз құқықтарын біліп, заңсыз әрекеттерге төзбеушілік танытқанда ғана қоғамда әділдік қағидаттары орнығады. Сыбайлас жемқорлыққа қарсы мәдениетті қалыптастыру – ұзақ мерзімді әрі жүйелі жұмысты талап етеді.Қорытындылай келе, сыбайлас жемқорлыққа қарсы күрес – бұл тек жазалау шаралары ғана емес, ең алдымен, алдын алу, ашықтықты қамтамасыз ету және заң үстемдігін орнықтыру саясаты. Заңдылық пен әділдік салтанат құрған қоғамда ғана тұрақты даму мен азаматтардың әл-ауқаты қамтамасыз етіледі.А.Өмірзақ,Қызылорда облысының мамандандырылған&nbsp;ауданаралық әкімшілік сотының бас маманы&nbsp;Фото: Нұрболат Нұржаубай

Сыбайлас жемқорлыққа қарсы саясат – әділ қоғам негізі

<a href="https://kyzylorda-news.kz/">Kyzylorda-news.kz</a> 2017 жылы заманауи талаптарға толық жауап беретін автобус паркінің жаңа ғимараты қолданысқа берілді. Бүгінде бұл кешенде көлік құралдарын техникалық қызметтен өткізу, жөндеу цехтары, газ құю бекеті және көлік жуу орны тәулік бойы үздіксіз қызмет көрсетуде.Қазіргі таңда, күнделікті қалаішілік жолаушылар тасымалын 280-285 дана автобус жүзеге асыруда. Қоғамдық көліктердің бағыттардағы қатынау интервалы жобамен 12-15 минутты құрайды. Серіктестіктің стратегиялық жоспарына - «Қызылорда» автобус паркі» ЖШС қалаішілік жолаушылар тасымалының барлық бағыттарын қамтып келеді.Облыс орталығында халық санының өсуі қоғамдық көлікке деген сұранысты жыл сайын арттыруда. Өздеріңізге белгілі, облыс әкімінің қолдауымен 2022-2024 жылдары Қызылорда қаласының қоғамдық көлік мәселесін түбегейлі шешу үшін «Өнеркәсіпті дамыту қоры» АҚ арқылы табиғи газбен жүретін «Yutong ZK6852 HG» маркалы 300 дана &nbsp;автобус алынып халық игілігіне пайдалануға берілді.2020 жылы «Қызылорда қаласының қоғамдық көліктеріне электрондық билет жүйесін орнату» жобасы жүзеге асырылды. Жобаны «AlemPay» ЖШС-і жеке инвестициясы арқылы мемлекеттік-жекеменшік әріптестік аясында іске қосты.Қазіргі таңда, Автопарк теңгеріміндегі барлық автобустарда электронды билет жүйесінің стационарлық валидаторлары мен терминалдары орнатылған. Бүгінде, жолаушылар Кaspi.kz, Halykbank банк қосымшалары, Beeline, Activ, Kcell Altel, Tele2 ұялы байланыс операторларының қосымшалары, SMSBUS қосымшасы, «AlemPay» төлем карталары, сондай-ақ банк төлем карталары немесе SMS арқылы төлем жасай алады.2026 жылдың қаңтар айының қорытындысымен барлығы 2 436 689 төлем жасалынса, оның 2 414 357 төлемі, яғни 99% электрондық төлем жүйесі арқылы жасалынған.Осы ретте, 2020 жылы 55 740 электрондық төлем жасалынса, 2021 жылы – 2 480 478, 2022 жылы – 3 534 221, 2023 жылы – 14 876 169, 2024 жылы - 29 471 424, 2025 жылы – 32 059 146 электрондық төлем жасалынған.Бүгінде Серіктестіктің барлық қалаішілік бағыттарда жолаушыларды тасымалдайтын автобустары 2GIS, Яндекс GO және Яндекс Карта ұялы қосымшасына тіркелген. Өз кезегінде қызылордалықтар мен қала қонақтары баратын жерлеріне қосымша арқылы қай бағыт қай уақытта жүретінің көру мүмкіндігі жасалған.Барлық қоғамдық көліктерде «автоинформатор» орнатылып, автоматты түрде аялдамаларды хабарлау қызметі жұмыс жасауда.Аталмыш жүйе арқылы жолаушыларға автоматты түрде аялдама атауларын, жолаушыларға қалта ұрлығынан сақ болуын, жол жүру билетін талап ету қажеттігін хабарланып отырылады. Арнайы навигация жүйесі ескертулерді толығымен автоматтандыруға мүмкіндік береді, яғни жүргізуші көлік жүргізу барысында алаңдамайтын болады.Фото: Нұрболат Нұржаубай

Қоғамдық көліктер қарқынды қызмет атқаруда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Парламент Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаевпен, Сенат депутаттары, Экология және табиғи ресурстар министрлігінің өкілдері, орталық және жергілікті атқарушы органдар мен қоғамдық ұйымдар өкілдерімен кездесті. Онда қоршаған ортаны қорғау, экологияны жақсарту мәселелері талқыланды.<blockquote>«Қызылордада қорытындыланған Ұлттық құрылтайдың бесінші отырысында Мемлекет басшысы «Аралды құтқару – барша адамзат үшін әлі де өте өзекті міндет» деп атап өткен болатын. Солтүстік Аралды сақтап қалу мақсатында жылдар бойы «Сырдария өзенiнiң арнасын реттеу және Арал теңiзiнiң солтүстiк бөлiгiн сақтау» жобасы жүзеге асырылды. Нәтижесінде бұл жоба Кіші Арал теңізін сақтап қана қоймай, өңірдің экологиялық және экономикалық жағдайын жақсартуға мүмкіндік берді. 2022 жылдың қазан айында Солтүстік Арал теңізіндегі су көлемі 18 млрд. 500 млн. текше метрге дейін азайған болса, Президентіміздің қолдауымен бүгінде 22 млрд. 900 млн. текше метрге жетті. Қазір Көкарал бөгетін биіктету қолға алынуда. Мемлекет басшысының тапсырмасына сәйкес Дүниежүзілік Банктің қайтарымсыз қаражаты есебінен жобаның техника-экономикалық негіздемесі әзірленді. Жұмысты биыл бастау жоспарланған. Жоба бойынша Көкарал бөгеті 42 метрден 44 метрге биіктетілгенде, теңіздегі су көлемі 27 млрд. текше метрден 34 млрд. текше метрге ұлғаяды», – деді Нұрлыбек Нәлібаев.</blockquote>Кездесуде Әли Әбдікәрімұлы, Парламент Сенатының депутаты Жанболат Әкебайұлы өз пікірлерін білдірді.&nbsp;Мұнан бөлек, Парламент Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаевпен, Сенат депутаттары, Экология және табиғи ресурстар вице-министрімен, Аэроғарыш комитетінің төрағасы Байқоңыр қаласында болып, тұрғындармен кездесулер өткізіп, қаланың тыныс-тіршілігімен танысты.<img src="https://knadmin.beoblood.kz/uploads/Ekologiya_zhiyn_2_7e757f89de.jpg" alt="Экология жиын 2.jpg">

Қоршаған ортаны қорғау, экологияны жақсарту мәселелері талқыланды

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстан Халықтық Конституциясы үшін!» өңірлік коалициясының ұйымдастыруымен Ә.Тәжібаев атындағы облыстық кітапхана мәжіліс залында Жаңа Конституция жобасын түсіндіруге арналған жиын өтті.Іс-шараға Қызылорда қалалық коалиция жетекшісі Ибадулла Құттықожаев, Сенат депутатары Әли Бектаев, Ольга Булавкина, Ернұр Айткенов, Сұлтан Дүйсембинов, Закиржан Кузиев, Жанболат Жөргенбаев, Арман Өтеғұлов қатысты.Кездесу барысында Әли Бектаев жаңа Конституция жобасының мазмұны мен негізгі басымдықтары жөнінде баяндама жасап, конституциялық өзгерістердің ел дамуының жаңа кезеңіне сай әзірленгенін атап өтті.Ол мемлекеттік басқару жүйесін жетілдіру, билік тармақтары арасындағы тепе-теңдікті нығайту, Парламенттің рөлін арттыру және азаматтардың құқықтары мен бостандықтарын қорғау тетіктерін нақтылау мәселелеріне кеңінен тоқталды.Сонымен қатар, жоба аясында әділетті қоғам қалыптастыру, заң үстемдігін қамтамасыз ету, мемлекеттік институттардың ашықтығы мен есептілігін күшейту бағытындағы нормалар қамтылғаны айтылды. Комитет төрағасы бұл өзгерістер елдің саяси жаңғыру үдерісіне серпін беріп, халық пен билік арасындағы өзара сенімді нығайтуға бағытталғанын жеткізді.Сенатор өз сөзінде конституциялық реформаның Тәуелсіздікті нығайту жолындағы маңызды қадам екенін атап өтті. Осыған орай, алдағы референдум қарсаңында өңірлерде түрлі сала өкілдерімен кездесулер өткізіліп, түсіндіру жұмыстары жүргізіліп жатқанын айтты.Ол қоғамда жаңа Конституцияны қабылдаудың қажеттілігі жөнінде сауалдар туындап отырғанын, қолданыстағы Ата Заңның 30 жылдан астам уақыт бойы ел дамуына қызмет етіп келгенін атап өтті. Дегенмен, уақыт талабына сай құқықтық нормаларды жаңғырту қажеттілігі туындағанын, жаңа жоба осы міндеттерді ескеріп әзірленгенін жеткізді.Сондай-ақ, құжаттың асығыс қабылданбағанын, қос палаталы Парламент отырыстарында бұл мәселе Мемлекет басшысы тарапынан көтеріліп, жан-жақты талқыланғанын айтты.&nbsp;<blockquote>«Жаңа Қазақстанды құру жолындағы басты құқықтық құжат – осы жаңа заң жобасы болмақ», – деді сенатор.</blockquote>Басқосуда жазушы, Қазақстан жазушылар одағы өңірлік филиалының төрағасы Қаршыға Есімсейтова сөз сөйлеп, Конституция жобасымен танысқанын және ондағы бірқатар маңызды баптардың жаңғыртылғанын атап өтті. Әсіресе адам құқықтары мен бостандықтарына қатысты нормалардың күшейтілуін қолдайтынын білдірді.Қаршыға Құрмашқызы әр дәуірдің өз жаңалығы мен қағидаттары болатынын, сондықтан қоғамның үнемі даму үстінде болуы заңдылық екенін айтты. Оның пікірінше, мемлекет те заман талабына сай жаңарып отыруы тиіс. Әрбір азаматтың өзіндік ұстанымы мен жауапкершілігі болуы маңызды екенін атап өтті.Кездесу барысында қатысушылар тарапынан сұрақтар қойылып, ұсыныстар айтылды. Сенаторлар көтерілген пікірлердің маңыздылығын атап өтіп, Жаңа Конституция жобасын талқылау барысында қоғам үнін ескеру негізгі қағидаттардың бірі болғандығын жеткізді.

Жаңа Конституция жобасы – заман талабына сай жаңғырған құқықтық құжат

<a href="https://kyzylorda-news.kz/">Kyzylorda-news.kz</a> Қазақстан Республикасы Бас Прокурорының 2023 жылғы 17 қаңтардағы №32 Прокурорлық қадағалауды ұйымдастырудың кейбір мәселелері туралы бұйрығына сәйкес, прокуратура органдарының қызметін және олардың елдегі конституциялық заңдылықтың сақталуын қамтамасыз етуге бағытталған шараларының тиімділігін бағалаудың басты өлшемдерінің бірі – меншік нысанына қарамастан мемлекеттік органдар мен олардың лауазымды тұлғалары тарапынан орын алатын заңсыз іс-әрекеттердің салдарынан мемлекетке келтірілген залалды өндіру.Осы тұжырымнан туындайтын прокуратура органдарының негізгі міндеттерінің бірі – мемлекет мүддесіне нұқсан келтіретін құқық бұзушылықтардың алдын алу және олардың жолын кесу. Сонымен қатар заңға қайшы әрекеттер салдарынан келген залалды қалпына келтіру мақсатында прокурорлық қадағалаудың уақтылы әрі тиімді шараларын қабылдау да маңызды бағыттардың бірі. Әскери органдардың қызметін прокурорлық қадағалау тәжірибесі көрсеткендей, мемлекетке залал әскери құрылымдарда да орын алуда. Көп жағдайда бұл шығындар әскери бөлімдер мен мекемелердің материалдық жауапты тұлғаларының өз қызметтеріне немқұрайлығы немесе салғырттығы салдарынан туындайды.Осыған байланысты тексеру жүргізу барысында әскери қызметшілердің құқықтары мен заңды мүдделерін қорғаумен қатар, мемлекетке материалдық залал келтіруге ықпал ететін жағдайларды анықтауға ерекше назар аударылады. Атап айтқанда, әскери мүліктің сақталуы мен тиімді пайдаланылуын қамтамасыз ету, сондай-ақ қорғаныс қажеттіліктеріне бөлінген бюджет қаражатының мақсатсыз жұмсалуын болдырмау негізгі басымдықтардың бірі.Бас Прокурор мен Бас әскери прокурор қойған міндеттерді басшылыққа ала отырып, әскери прокуратура органдары мемлекетке келтірілген залалды өтеу бағытында ауқымды жұмыс атқаруда. Осы ретте Қызылорда гарнизонының әскери прокуратурасы қабылдаған шаралардың нәтижесінде бірқатар оң көрсеткіштерге қол жеткізді. 2025 жылдың қорытындысы бойынша Қызылорда гарнизонының әскери прокуратурасы бірқатар нәтижелі тексерулер мен талдаулар жүргізді, нәтижесінде мемлекет кірісіне 37 миллион теңгеден астам қаражат өндірілді, 400-ден астам адамның құқықтары қорғалды, 80-нен астам кінәлі тұлға әртүрлі жауапкершілікке тартылды.Мемлекетке келтірілген залалды өтеу мәселесінің өзектілігін ескере отырып, гарнизон әскери прокуратурасы бұл бағыттағы жұмысын жалғастыруда. А.ҚАСЕНОВ, Қызылорда гарнизонының әскери прокуроры&nbsp; әділет полковнигі &nbsp; &nbsp; &nbsp; &nbsp; &nbsp;

Мемлекетке келтірілген залалды өтеу – прокуратура  органдары жұмысының негізгі басымдықтарының бірі

<a href="https://kyzylorda-news.kz/">Kyzylorda-news.kz</a> Қауіпсіздікті қамтамасыз ету мақсатында облыс аумағындағы кәсіпкерлік нысандарда, қоғамдық асханалар мен тамақтану орындарында өрт қауіпсіздігі талаптарының сақталуына рейдтік жұмыстар жүргізілді.Тексеру барысында жауапты сала мамандары нысандарды аралап, өрт қауіпсіздігі нормаларының сақталуын тексеріп, анықталған кемшіліктер бойынша тиісті ескертулер жасады. Сонымен қатар, нысан иелеріне өрттің алдын алу шараларын күшейту қажеттігі ескертілді.Кәсіпкерлерге қолданыстағы заңнама талаптары түсіндіріліп, қауіпсіздік шараларын күшейту бойынша ұсынымдар берілді. Рейдтің негізгі мақсаты – төтенше жағдайлардың алдын алу, азаматтардың өмірі мен денсаулығын қорғау, сондай-ақ нысандарда өрт қауіпсіздігі мәдениетін қалыптастыру.<img src="https://knadmin.beoblood.kz/uploads/K_sipkerlik_rejd_2_cfac0fccae.jpg" alt="Кәсіпкерлік рейд 2.jpg">

Рейд жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz</a> Қорқыт ата университетінің «Су шаруашылығы және жерге орналастыру» білім беру бағдарламасының профессорлық-оқытушылық құрамы мен серіктес ұйым өкілдері Қазақстан Республикасы Ғылым және жоғары білім министрлігі ұйымдастыруымен «Жоғары білім және ғылым: цифрландыру және жасанды интеллект жылы» атты кеңейтілген алқа отырысына қатысты.&nbsp;Ауқымды іс-шара Қ.И. Сәтбаев атындағы Қазақ ұлттық зерттеу техникалық университеті базасында өткізілді.Алқа отырысына еліміздің жоғары оқу орындарының ғалымдары мен сарапшылары қатысып, жоғары білім мен ғылым саласын цифрландыру, жасанды интеллектіні дамыту және ғылыми нәтижелерді өндіріске енгізу мәселелері талқыланды. Іс-шара аясында республикалық деңгейдегі ғылыми жобалар көрмесі ұйымдастырылып, еліміздің үздік ғылыми әзірлемелері таныстырылды. Қызылорда облысынан барған ғалымдар BR21882415 бағдарламалық-нысаналық қаржыландыру жобасы бойынша жүргізілген зерттеу нәтижелерін ұсынды.<img src="https://knadmin.beoblood.kz/uploads/Whats_App_Image_2026_02_16_at_17_14_43_2_7ba59d8c9e.jpeg" alt="WhatsApp Image 2026-02-16 at 17.14.43 (2).jpeg">Жобаның тақырыбы – «Қызылорда облысында су тапшылығы жағдайында мал азықтық дақылдары мен ағаш екпелерін суару үшін ағынды суларды қауіпсіз утилизациялау технологиясын әзірлеу». Зерттеу жұмысы өңірдегі су тапшылығы мәселесін шешуге бағытталған және ауыл шаруашылығы саласында суды тиімді әрі экологиялық қауіпсіз пайдаланудың ғылыми негізделген тетіктерін ұсынады.Жоба нәтижелері қатысушылар тарапынан жоғары бағаланып, су ресурстары шектеулі аймақтар үшін тиімді, экологиялық тұрғыдан қауіпсіз әрі экономикалық жағынан негізделген шешім ретінде танылды. Бұл бастама өңірдегі аграрлық сектордың тұрақты дамуына және су ресурстарын ұтымды басқаруға өз үлесін қосады.Бүгінде университет ғалымдары су ресурстарын тиімді пайдалану, цифрлық технологияларды енгізу және ғылыми жаңалықтарды өндіріске трансферттеу бағытындағы жұмыстарды жүйелі түрде жалғастыруда. Алқа отырысында көтерілген бастамалар ғылым мен білімнің интеграциясын күшейтіп, отандық ғылыми әлеуеттің жаңа деңгейге көтерілуіне серпін берері сөзсіз.

ҚР Ғылым министрлігінде өткен жиында Қызылордалық ғалымдардың дамуы жоғары бағаланды

<a href="https://kyzylorda-news.kz/">Kyzylorda-news.kz</a> Тараз қаласында мектеп оқушысын автобус аялдамасында ұрлап әкету дерегі тіркелді. Оқиға орнына полиция қызметкерлері жетіп, күдіктілер көп кешікпей қолға <a href="https://kaz.inform.kz/news/tarazda-13-zhastagi-kizdi-urlamak-bolgan-ek-kudkt-ustaldi-577715/">түсті.</a>Қылмыстық оқиғаға қатысты бейнежазба әлеуметтік желілерде жарияланды. Кадрдан екі ер адамның 13 жасар қызды күштеп көлікке кіргізуге оқталғанын байқауға болады. Осы сәтте сол маңнан өтіп бара жатқан адам көмекке келеді. &nbsp;<blockquote>– Полицияға екі белгісіз ер адамның автокөлікпен аялдамада тұрған қызды ұрламақ болғаны туралы хабарлама түсті. Аталған факті бойынша сотқа дейінгі тергеу басталды. Оқиға орнына дереу полиция қызметкерлері жіберілді. Күдіктілер ұсталып, уақытша ұстау изоляторына қамалды, - деп хабарлады облыстық полиция департаменті.</blockquote>Фото: ҚР ІІМ

Таразда 13 жастағы қызды ұрламақ болған екі күдікті ұсталды 

<a href="https://kyzylorda-news.kz/">Kyzylorda-news.kz</a> Қала әкімінің орынбасары Дархан Тұрсынбаевтың төрағалығымен қала аумағында орналасқан жарнама тұрғырлары бойынша анықталған кемшіліктерге байланысты жиын өтті. Кездесуде меншік иелеріне жарнама тұғырларының эстетикалық жай-күйі, адам өміріне қауіпсіздігі туралы түсінік беріліп, оны қалыпты жағдайда күтіп-ұстау барысы тапсырылды.Қазіргі таңда, шаһарда жеке кәсіпкерлерге тиесілі 145 жарнама тұғыры орналасқан. Одан бөлек, 12 ЛЭД экран бар. Жиында аталған тұғырлардың үйлесімсіз орналасуы, бұрын пайдаланылған сымдарының алынбауы, конструкциялардың қисайып тұруы және ЛЭД экрандардың көлік жүргізушілеріне жарығымен кедергі келтірмеуі айтылып, анықталған кемшіліктер бойынша кәсіпкерлерге ескертулер жасалды.

Жарнама тұғырлары үйлесімді болуы керек

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті студенттері халықаралық білім беру кеңістігінде тағы бір маңызды жетістікке қол жеткізді. Университеттің «Шетел тілі: екі шетел тілі (ағылшын, корей тілдері)» білім беру бағдарламасының 1-курс студенттері Korea Foundation ұйымының «Global e-School» халықаралық жобасы аясындағы оқу курсын сәтті аяқтады.Аталған бағдарлама шеңберінде студенттер «Корея қоғамы және халықаралық қатынастар / Korean Society and International Relations» пәнін меңгерді. Дәрістерді онлайн Кеймен университетінің профессоры Чагри Эрдем жүргізді. Үш кредиттік толық курс барысында білім алушылар Корея қоғамының даму ерекшеліктері, саяси жүйесі және халықаралық қатынастардағы рөлі туралы терең мағлұмат алды.Курс соңында студенттер қорытынды тест тапсырып, өз білім деңгейлерін дәлелдеді. Нәтижесінде Кореядан арнайы жіберілген халықаралық сертификаттар салтанатты түрде табысталды. Бұл сертификаттар – студенттердің жаһандық білім беру талаптарына сай дайындықтан өткенін айқындайтын маңызды құжат.Жобаның табысты жүзеге асуына университеттің Халықаралық жобалар мен стипендиялар тобының жетекшісі Темірболат Кеншінбай мен Шетел тілдері және аударма білім бағдарламасы тобының аға оқытушысы Ұлжан Бекназарова зор үлес қосты.Аталған бастама – университеттің халықаралық серіктестікті нығайту, білім сапасын арттыру және студенттердің академиялық ұтқырлығын дамыту бағытындағы жүйелі жұмысының нақты көрінісі. Осындай жобалар арқылы болашақ мамандар шетелдік тәжірибе жинақтап, көпмәдениетті ортада кәсіби бәсекеге қабілеттілігін арттыра түседі.

Қорқыт ата университетінің студенттері Корея қорының халықаралық сертификатын алды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстанда онкологиялық скринингтер барлық азаматтарға, МӘМС жүйесіндегі сақтандыру мәртебесіне қарамастан, қолжетімді болды. Бұл – онкологиялық аурулармен күрестегі маңызды қадам.Сұхбат барысында Шиелі аудандық көп бейінді&nbsp;орталық&nbsp;ауруханасының онколог-дәрігері Сәуле Жансарина&nbsp;ерте диагностиканың мүмкіндіктері, қатерлі ісік даму қаупін арттыратын&nbsp;себептері және өзін-өзі емдеудің қауіптілігі туралы айтып берді.– Қатерлі ісік&nbsp;аурулардың пайда болу себептері қандай?– Қатерлі ісік&nbsp;– ағзадағы мутацияға ұшыраған жасушалардан дамитын ауру.&nbsp;Бүгінгі күні оның пайда болуының бір ғана нақты себебі анықталған жоқ. Алайда негізгі қауіп факторларына дұрыс тамақтанбау, темекі шегу, иммунитеттің әлсіреуі, созылмалы қабыну аурулары, радиация мен ультракүлгін сәулелердің әсері жатады.Мысалы, қорғанышсыз ұзақ уақыт күн сәулесінің астында болу тері қатерлі ісігіне әкелуі мүмкін. Сондай-ақ Helicobacter pylori микроағза созылмалы гастрит пен асқазан жарасын тудыратыны белгілі. Егер ол уақытында емделмесе, асқазан қатерлі ісігінің дамуына ықпал етуі мүмкін.Дені сау ағзада қатерлі&nbsp;ісіктер дамымайды. Түрлі созылмалы аурулар мен уақытында емделмеген жаралар қатерлі ісіктің дамуына негіз болуы мүмкін.Соңғы жылдары онкологиялық аурулардың «жасаруы» байқалуда. Қатерлі ісік жас адамдарда да жиі анықталуда. Сондықтан әрбір адамға медициналық тексеруден жүйелі түрде өту өте маңызды.–&nbsp;Шиелі ауданында онкологиялық аурулармен есепте тұрған науқастар саны қанша?–&nbsp;2025 жылы ауданның шамамен 700 тұрғыны диспансерлік есепте тұрса, оның 156-сы алғаш рет анықталған науқастар. Жыл сайын 100-150 жаңа жағдай тіркеледі.&nbsp;Бірқатар&nbsp;пациенттердің бес жылдық өмір сүру шегінен&nbsp;асып кеткені қуантады.&nbsp;Алайда, өкінішке орай, аурудың кеш сатысында, ағзада қайтымсыз өзгерістер басталған кезде жүгінетіндер де бар. Біздің дәрігерлер әр пациенттің өмірін сақтап қалу үшін бар күш-жігерін салуда. Ауданда онкологиялық аурулардың басым бөлігі – өкпе обыры. Одан кейін сүт безі және асқазан-ішек жолдарының ісіктері жиі кездеседі.Бұрын өңеш қатерлі ісігімен ауыратындар көп болатын. Ол кезде тұрғындар самаурыннан шай ішетін. Айта кету керек, өте ыстық сусындарды ішуге болмайды. Өңешті күнделікті күйдіру ауыр ауруларға әкелуі мүмкін.Тағы бір мәселе – фастфуд пен майлы тағамдар. Бізде бір жағдай болды. Көкшетау қаласындағы жоғары оқу орындарының бірінің 1 курс студентіне асқазанның қатерлі ісігі диагнозы қойылды. Ол тез дайындалатын кеспелерді жиі тамақтанатынын айтты. Өкінішке қарай, диагноз қойылғаннан кейін үш айдан соң ол қайтыс болды.Сонымен қатар алкоголь, вейп, кальян және темекі шегу онкологиялық аурулардың дамуына әсер етеді.– 2026 жылғы 1 қаңтардан бастап онкологиялық скрининг барлық азаматтарға қолжетімді болды.&nbsp;Кімге және қандай скринингтік тексеруден өту қажет?–&nbsp;2026 жылдан бастап онкологиялық скрининг МӘМС жүйесіндегі мәртебесіне қарамастан Қазақстан азаматтарының барлығына тегін жүргізіледі.40 - 70 жас аралығындағы әйелдер әр екі жыл сайын сүт безі қатерлі ісігін анықтауға арналған скринингтен өтеді.30 - 70 жас аралығындағы әйелдер әр төрт жыл сайын жатыр мойны обырына скринингтен өтеді.50 - 70 жас аралығындағы ерлер мен әйелдер әр екі жыл сайын колоректальды қатерлі ісікке скринингтен өтеді.Тоқ ішек қатерлі ісігін анықтау үшін гемокульт-тест жүргізіледі. Бұл нәжістегі жасырын қанды анықтайтын экспресс-талдау. Ол белгілер болмаған кезде қан кету көзін анықтауға мүмкіндік береді. Жасырын қан ісік қалыптасудан бірнеше жыл бұрын пайда болуы мүмкін. Нәтиже оң болған жағдайда пациентке колоноскопия жасалады.– Онкологиялық ауруларды анықтау және емдеу үшін қандай заманауи медициналық құрал-жабдықтар бар?– Бүгінде Қызылорда облысы кажетті заманауи диагностикалық жабдықтармен жақсы қамтамасыз етілген. Шиелі ауданында компьютерлік томограф жұмыс істейді. Эндоскопиялық зерттеулер, биопсия материалдарының цитологиялық және гистологиялық талдаулары қолжетімді.Қатерлі ісікті емдеудің үш негізгі әдісі бар: химиялық препараттармен, хирургиялық әдіспен және сәулелік терапия. Қазіргі ғылым тұрғысынан ісікті оның түбірімен бірге хирургиялық жолмен алып тастау ең жақсы нәтиже береді.– 2026 жылдан бастап бірқатар әлеуметтікмаңызы бар ауруларды, оныңішінде қатерлі ісіктердідиагностикалау және емдеутегін медициналықкөмектің кепілдік берілген көлемі аясында қол жетімді. Яғни, егернауқаста қатерлі ісікке күдік болса, ол барлық медициналыққызметтерді тегін ала ма?– Иә, МӘМС жүйесіндегі мәртебесіне қарамастан, онкологиялық ауруы бар пациенттерге барлық диагностикалық және емдік шаралар тегін тағайындалады. Айта кету керек, Қазақстан - онкологиялық ауруларды емдеу тегін жүргізілетін бірегей ел. Басқа мемлекеттерде бұл қызметтер ақылы және «медициналық туризм» ретінде көрсетіледі.Оңтүстік Корея, Израиль және Германияда медициналық туризм кеңінен дамыған.Егер 10 жыл бұрын Қазақстанда қатерлі ісіктің I–II сатылары 45–46% жағдайда анықталса, бүгінде бұл көрсеткіш 60%-дан асты. Бұл дәрігерлердің үйлесімді жұмысының нәтижесі. Шетелде бұл көрсеткіш шамамен 70%-ды құрайды.– Неліктен өзін-өзі емдеуге болмайды?–&nbsp;Кейбір тұрғындар дәрі-дәрмектерді қолдану немесе халық емшілеріне жүгінуді оңайырлақ деп санайды. Алайда өзін-өзі емдеу қымбат уақытты жоғалтуға әкеледі.Қатерлі ісік ерте сатысында анықталса, сәтті емделеді және асқынулардың алдын алуға болады. Сондықтан дәрігерге уақытылы жүгініп, профилактикалық тексерулерден өту өте маңызды.– Әңгімеңізге рахмет!

Қазақстан және Қызылорда облысының жаңалықтары