<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақстанда өткен тәулікте коронавирус инфекциясын жұқтырған 68 жағдай тіркелді, деп хабарлайды Санитариялық-эпидемиологиялық бақылау комитеті.
Оның ішінде:
Астана қаласында &#8212; 17,
Алматы қаласында &#8212; 13,
Ақмола облысында – 1,
Ақтөбе облысында – 10,
Алматы облысында &#8212; 3,
Атырау облысында &#8212; 2,
Шығыс Қазақстан облысында &#8212; 3,
Абай облысында &#8212; 2,
Жамбыл облысында &#8212; 2,
Қарағанды облысында &#8212; 5,
Ұлытау облысында &#8212; 3,
Қостанай облысында &#8212; 1,
Қызылорда облысында &#8212; 3,
Солтүстік Қазақстан облысында 3 адам анықталды.
Елімізде коронавирус инфекциясын жұқтырғандар саны 1 393 284-ке жетті.

Қызылордада 3 адам коронавирус жұқтырды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;ҚР-ның басым бөлігінің ауа райын солтүстік-батыс циклоны және онымен байланысты атмосфералық фронталды бөліктер анықтайды, онымен бірге жаңбыр, шығысында – қатты жаңбыр, солтүстігінде – жауын-шашын, жаңбырдың соңы қарға ұласуы күтіледі, деп хабарлайды Қазгидромет.
Қазақстанның батыс аумағы жоғары қысым аймағында болғандықтан жауын-шашынсыз ауа райы күтіледі. Республика бойынша кей жерлерде желдің күшеюі, оңтүстігінде, шығысында – найзағай, солтүстігінде – тұман күтіледі.
Күндіз Шығыс Қазақстан облысының солтүстік-шығысында қатты жаңбыр күтіледі.
Жамбыл, Түркістан, Қызылорда облыстарының басым бөлігінде, Атырау облысының оңтүстігінде төтенше өрт қаупі сақталады.

27 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Жалағаш ауданында осы күнге дейін екі мәрте жасалған халықпен кездесу нәтижесінде ауыл әкімдеріне ауылдық округтерді абаттандыру, көркейту-көгалдандыру, ауылдық округтен шыққан кәсіпкерлермен, шаруашылық басшыларымен бірлесе отырып, инвестиция тарту жұмыстарын жүргізу тапсырылған болатын. Аталған тапсырмалар толыққанды талапқа сай орындалмағандықтан, атқарылған жұмыстарға шолу жүргізіліп, ауыл әкімдерінен, жұмыс жасалмауының себеп-салдарлары талап етілді.
Күн тәртібіндегі мәселелер аясында кент, ауылдық округтер бойынша атқарылып жатқан жұмыстар барысына аудан әкімі аппаратының басшысы Мейірбек Құрақбаев хабарлама жасады.
Кент, ауылдық округі әкімдері, экономикалық жағдайы жақсарған, дамыған мемлекет қатарынан орын алудың бірден бір жолы – кәсіпкерлікті дамыту арқылы жұмыссыздық көрсеткішін азайту керектігін айтты. Және осы бағытта мемлекет саясатының негізгі ұстанымы жұмыспен қамту және жаңа жұмыс орындарын ашу мәселесі екендігін алға тартты.
Атап айтқанда, әкімдіктерге инвестиция тарту, жаңа жұмыс орындарын ашу, кәсіпкерлікті қолдау туралы міндеттер жүктеді.
Жалағашта жұмыспен қамту мәселесі қалай?
Ағымдағы жылы аудан бойынша 2420 жұмыс, оның ішінде тұрақтысы 1342, уақытша 1078 орындарын ашу жоспарланып, бүгінгі күнге 1129 жаңа жұмыс орындары ашылса, жоспар тек 56,6 пайызға орындалған. Аппарат басшысы, мемлекет басшысының да әкімдердің қызметін тиісті аймақта ашылған жұмыс орындарымен бағаланатынын атап өткендігін алға тартты. Осыған дейін де жергілікті жердегі шаруашылық басшыларымен бірлесіп, жұмыссыз азаматтарды жұмыспен қамту шараларын атқарып, белгіленген меже бойынша жұмыс орындарын ашуды қатаң тапсырған.
Қазақстан Республикасының әкімшілік рәсімдік-процестік кодексіне сәйкес мемлекеттік органдардың, жергілікті өзін-өзі басқару органдарының басшылары және олардың орынбасарлары, бекітілген қабылдау кестесіне сәйкес айына кемінде бір рет жеке қабылдауды жүргізуге міндетті. Бұл ретте жоғарыда атап өткендей кент, ауылдық округі әкімдерінің азаматтармен кері байланысы төңірегінде бірқатар ескертулер мен ұсыныстар айтылды. 
Қаржының игерілуі күн тәртібінен түспейтін маңызды мәселелердің бірі. Бұған бей-жай қарауға болмайды. Бұл жөнінде ағымдағы жылдың шілде айында аппараттық мәжілісте қаралып, тиісті тапсырмалар берілген болатын. Дегенмен, қазіргі таңда Республикалық бюджеттен «Ауыл &#8212; Ел бесігі» бағдарламасы аясында бөлінген қаржылардың 49,6 млн. теңгесінің игерілмеу қауіпі бар. Бөлінген қаржының Еңбек ауылының ішкі көшелерін жөндеуге 37,9 млн. теңгесі және Шәменов ауылының ішкі көшелерін жөндеуге 11,7 млн. теңгесі осы айда игерілу қажеттілігі айтылды.
Аудан әкімі салық түсімдеріне оң баға бере алмады
Ағымдағы жылдың шілде айында бұл мәселе аппараттық мәжілісте қаралып, тиісті тапсырмалар берілген болатын. Алайда, аудан әкімі Асқарбек Есжанов бүгінгі күнге дейін бұл жұмыстарға оң баға бере алмайтындығын айтты.
<blockquote class="wp-block-quote">«2022 жылдың 1 тамызына көлік құралдарына салынатын салық берешектер 12,5 млн. теңге болса, бүгінгі күнге берешектер 11,0 млн. теңгені құрап отыр. Кент, ауылдық округі әкімдері мен барлық мекемелермен тығыз байланыста жұмыс жасау керектігін айтып келемін. Дегенмен, тапсырма мүлдем орындалып отырған жоқ. Оның ішінде, Жалағаш кенті 192 мың теңге, Мәдениет ауылдық округінде 72 мың теңге, Бұқарбай батыр ауылдық округінде 60 мың теңге, Аққұм ауылдық округінде 52 мың теңге, Еңбек ауылдық округінде 42 мың теңге. Аталған кент және ауылдық округ әкімдері мүліктік салық түсімдеріндегі мәселемен жұмыс жасауға 2 күн уақыт беремін, &#8212; деді аудан басшысы өз сөзінде. </blockquote>
Ауылдарда қоқыс мәселесі өзекті
Барлық елді мекендерде тұрмыстық қатты қалдықтарды жою нысандарын салуға 2015 жылы жер учаскелері табысталып, тиісті экологиялық, санэпидемиологиялық қорытындылары алынып, сәйкестендіру құжаттары әзірленген. Негізгі нормаларға сәйкес, қоқыс тасталатын орындар жеңіл қоршаланып, тереңдігі 2 метрден асатын кептіру траншея немесе биіктігі 2 метрден аспайтын топырақ үйінділері орнатылуы тиіс. Дегенмен, бүгінгі күнге Жалағаш кенті және Аққыр, Жаңадария, Мырзабай ахун елді мекендеріндегі тұрмыстық қатты қалдықтар тастауға белгіленген орындар қоршаланса, қалған ауылдар бойынша бұл бағытта ешқандай жұмыстар жүргізілмеген. Сондай-ақ, Аққұм, Ақсу, Аламесек, Бұқарбай батыр, Еңбек, Жаңаталап, Қаракеткен, Мақпалкөл, Мәдениет, Таң, Шаменов ауылдық округтерінде белгіленбеген орындарға қоқыстар тасталып, азаматтардың денсаулығына және қоршаған ортаға кері әсерін тигізіп отыр.
Ауылдық округтерде бір де бір пада жоқ
Батыс Қытай-Батыс Еуропа автодәлізі бойында орналасқан Аққұм, Еңбек, Бұқарбай батыр, Таң елді мекендерінің тұсында мал өткелдерінің болмауынан жол көлік оқиғалары жиі орын алуда.
Облыс әкімінің төрағалығымен өткен мәжілісте де мал ұрлығының алдын алу, болдырмау бағытында да тиісті тапсырмалар берілді.
2022 жылғы 1 тамыз күні өткен мәжілісте кент, ауылдық округ әкімдеріне елді мекенде 1 ай мерзімде пада ұйымдастыру мәселесін шешу тапсырылған. Бұл тапсырма ауылдық округі әкімдері тарапынан мүлдем орындалмаған. Бүгінгі күнге тек Жалағаш кентінде жайылымға шығатын малдарына 1 бағытта пада ұйымдастырылған болса, ауылдық округтерде бір де бір пада жоқ.
Күн тәртібінде қаралған мәселені және жіберілген кемшіліктерді сараптай келе, Бұқарбай батыр, Аққұм, Еңбек, Мәдениет, Аламесек, Жаңаталап ауылдық округі әкімдеріне өз жұмысын тиісті деңгейде жүзеге асыра алмағаны үшін және берілген тапсырмаларды мерзімінде орындамағаны үшін тәртіптік жаза қолдануға тапсырма берді.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/309341989_1544991449286261_7577847764840183430_n.jpg" alt="" class="wp-image-167683" srcset="https://kyzylorda-news.kz/wp-content/uploads/2022/09/309341989_1544991449286261_7577847764840183430_n.jpg 1280w, https://kyzylorda-news.kz/wp-content/uploads/2022/09/309341989_1544991449286261_7577847764840183430_n-768x512.jpg 768w" sizes="(max-width: 1280px) 100vw, 1280px" /></figure></div>

Жалағаш: Кәсіпкерлікті дамыту арқылы жұмыссыздық көрсеткішін азайту керек

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Мемлекет басшысының Жарлығымен әскери және қызметтік борышын атқарудағы жанқиярлығы, сондай-ақ төтенше жағдайда көрсеткен ерлігі үшін 31775 әскери бөлімінің әскери қызметшісі қатардағы жауынгер Александр Аликович Флейтлинг «Ерлігі үшін» медалімен марапатталды.
Биылғы қыркүйек айындағы Қостанай облысында болған өртті жою кезінде Төтенше жағдайлар министрлігінің бөлімшелеріне Қарулы күштердің әскери қызметшілері де елеулі көмек көрсетті. Олардың арасында «Астана» өңірлік қолбасшылығына қарасты әскери бөлімінің жауынгері Александр Флейтлинг те бар еді.
Қауіп-қатерге қарамастан, ол төрт күн бойына әскери инженерлік техникамен тілсіз жаудың таралуына қарсы тұрып, өртке қарсы бірнеше арықтар жасады.
Абай облысы Үржар ауданының тумасы он сегіз жасар Александр Флейтлинг төрт ай бұрын Қарулы күштер қатарына шақырылған болатын. Бүгінде Қарағанды гарнизонындағы әскери бөлімде материалдық-техникалық қамтамасыз ету батальонында қызмет етеді. Ол ауылда туып-өскен. Жергілікті ауыл шаруашылық колледжінде оқып, механизатор мамандығын алған.
<blockquote class="wp-block-quote">«Әулиекөл ауданына екінші қыркүйекте келдік. Өрт өте ауқымды болды. Барлық жер отқа оранды. Бірнеше күн қатарынан жұмыс істедік. Тілсіз жауды ауыздықтау қиын болды. Армияда алған тәжірибемді өмір бойы есте сақтаймын. Өз борыштарын ерлік пен орындаған барлық жігіттерге рахмет», – дейді қатардағы жауынгер Александр Флейтлинг.</blockquote>
Әскери бөлім басшылығы мемлекеттік наградадан бөлек сарбазға он тәулік мерзімге қысқа мерзімді демалыс берді.
<div class="wp-block-image"><figure class="aligncenter size-full"><img loading="lazy" width="1280" height="960" src="https://kyzylorda-news.kz/wp-content/uploads/2022/09/8be7e165-d89e-4a8f-9576-e7c867dac36b.jpg" alt="" class="wp-image-167671" srcset="https://kyzylorda-news.kz/wp-content/uploads/2022/09/8be7e165-d89e-4a8f-9576-e7c867dac36b.jpg 1280w, https://kyzylorda-news.kz/wp-content/uploads/2022/09/8be7e165-d89e-4a8f-9576-e7c867dac36b-768x576.jpg 768w" sizes="(max-width: 1280px) 100vw, 1280px" /></figure></div>

Қарулы күштердің мерзімді қызметтегі әскери қызметшісі мемлекеттік наградаға ие болды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Облыстық ардагерлер Кеңесі аймағымыздағы ұлттық мүддені қалыптастыру мен саяси тұрақтылықты сақтау, қарт адамдардың әлеуметтік құқықтары мен мүдделерін қорғау, олардың әлеуметтік-тұрмыстық жағдайларын жақсартуды қамтамасыз етуде зор үлес қосуда. Аймақта ардагерлер ұйымының беделін көтеруде қазыналы қариялардың белсенділігінің алатын орны ерекше екені белгілі.
Бүгін облыстық ардагерлер Кеңесінің ұйымдастыруымен «Жаңа Қазақстанды бірге құрайық» атты форум өтті. Оған облыс әкімінің орынбасары Н.Сақтағанов, облыстық жұмыспен қамтуды үйлестіру және әлеуметтік бағдарламалар басқармасының басшысы Ғ.Жаңабаев, облыстық ардагерлер кеңесінің төрағасы С.Дүйсенбаев және ардагерлер ұйымының белсенділері, қоғамдық ұйым басшылары, жоғары және орта арнаулы оқу орындарының оқытушылары мен студенттері, этномәдени бірлестіктер мен БАҚ өкілдері қатысты.
Жиында облыс әкімінің орынбасары Н.Сақтағанов ұлттық құндылықты дәріптеуде, оның ішінде қариялардың жас ұрпақты тәрбиелеудегі өлшеусіз үлесін көрсетуде облыстық ардагерлер Кеңесінің атқаратын рөлі үлкен екенін тілге тиек етті. Сондай-ақ, биыл ардагерлер кеңесінің құрылғанына 35 жыл толуына орай барша ардагерлер қауымын құттықтады.
<blockquote class="wp-block-quote">-Өздеріңіздей ел ағалары егемендігіміздің бастауында еліміздің, оның ішінде Сыр өңірінің әлеуметтік-экономикалық, рухани және мәдени дамуына зор үлес қосып, халық пен билік арасын жалғаушы алтын көпірге айнала білдіңіздер. Бүгінгі күні облыста 77 мыңнан астам зейнеткерлікке шыққан қария бар. Оларды әлеуметтік қолдау шаралары тұрақты түрде жүргізілуде. Осы орайда, ардагерлер кеңесінің жұмысы аймағымызда жолға қойылғанын айтуымыз керек. Ел игілі үшін жасалаған барлық бастамаларға қолдау білдіріп, қоғамның бірлігін қамтамасыз етуде белсене атсалысып келеді, &#8212; деді облыс әкімінің орынбасары Н. Сақтағанов.</blockquote>
Аталмыш форумда облыстық ардагерлер кеңесінің мүшелері сөз сөйлеп, өз ойларын ортаға салды. Сонымен қатар, ҚР Президентінің кезектен тыс өтетін сайлауын қолдап, өңір халқын сайлауға белсенді қатысуға шақырды.
Жиын соныңда еңбегі елеңген белсенді ардагерлер Республикалық ардагерлер ұйымының 35 жылдығына орай «Құрмет» грамотасымен марапатталды.
Айта кетейік, бүгінде облыстық ардагерлер ұйымының қатарында 77 мыңнан астам мүше және 701 бастауыш ардагерлер ұйымына біріккен.
<div class="wp-block-image"><figure class="aligncenter size-full"><img loading="lazy" width="800" height="533" src="https://kyzylorda-news.kz/wp-content/uploads/2022/09/309290556_1626885274373645_8296437776349563947_n.jpg" alt="" class="wp-image-167662" srcset="https://kyzylorda-news.kz/wp-content/uploads/2022/09/309290556_1626885274373645_8296437776349563947_n.jpg 800w, https://kyzylorda-news.kz/wp-content/uploads/2022/09/309290556_1626885274373645_8296437776349563947_n-768x512.jpg 768w" sizes="(max-width: 800px) 100vw, 800px" /></figure></div>
<div class="wp-block-image"><figure class="aligncenter size-full"><img loading="lazy" width="800" height="533" src="https://kyzylorda-news.kz/wp-content/uploads/2022/09/309349547_1626885187706987_1283533902168118184_n.jpg" alt="" class="wp-image-167663" srcset="https://kyzylorda-news.kz/wp-content/uploads/2022/09/309349547_1626885187706987_1283533902168118184_n.jpg 800w, https://kyzylorda-news.kz/wp-content/uploads/2022/09/309349547_1626885187706987_1283533902168118184_n-768x512.jpg 768w" sizes="(max-width: 800px) 100vw, 800px" /></figure></div>

Облыстық ардагерлер кеңесінің форумы өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Мен таңдаған мамандық» байқауы қорытындыланды.&nbsp;
Оқу ордасында білім алушыларға «Азық-түлік өнімдерінің технологиясы» мамандығының маңыздылығын түсіндіру мақсатында өткен сайыс 4 кезең бойынша өтті. Аталған іс-шараға жергілікті өндіріс өкілдері, жұмыс берушілер және мектеп оқушылары қатысты.
Байқауға «Qazaq vibe», «Эскимо» және «Balqaimaq» тобы қатысқан болатын. Байқау әділ қазылар алқасының шешімі бойынша «Balqaimaq» тобы жеңімпаз атанды.
<blockquote>«Қазір ғылым мен технологияның дамуы – қоғамда жаңа мамандық иелеріне сұраныс туғызуда. Сондықтан елімізге қажетті маман даярлау ісіне басымдық берудеміз. Жастардың мықты маман, жан-жақты тұлға болып қалыптасуы біздің ерекше назарымызда», - деді басқарма төрағасы-ректор Бейбіткүл Кәрімова.</blockquote>
Қазіргі таңда Қорқыт ата атындағы Қызылорда университетінде «Азық-түлік өнімдерінің технологиясы» мамандығы бойынша 146 студент білім алып жатыр. Қазіргі таңда студенттер 4-курстан бастап еңбек нарығына қосылып, өз саласы бойынша жұмыс істеуде. Жастардың жұмысқа орналасу деңгейі 85 пайызды құрап отыр.
<img src="https://korkyt.edu.kz/files/news%20photo/P2011115.JPG" alt="P2011115.JPG"><img src="https://korkyt.edu.kz/files/news%20photo/P2011033.JPG" alt="P2011033.JPG">

«Мен таңдаған мамандық» байқауының жеңімпазы анықталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Полиция – интернет-алаяқтыққа тосқауыл жасау мақсатында, алаяқтықтың жасалу тәсіліне және орын алуына ықпал ететін мән-жайларға үнемі талдау жүргізіп, алдын-алу бағытында үздіксіз күресуде. Сәйкесінше, бүгінде ғаламтор арқылы жасалған алаяқтықтың саны қарқынды өсіп, оның жасалу әдістері мен алаяқтық схемалары күн сайын дамып келеді.
Жыл басынан бері Қызылорда облысы бойынша 591 алаяқтық қылмысы тіркеліп, оның 329-ы (44,3%) «интернет-алаяқтық» қылмыстарына жатады.
Ғаламтор арқылы жасалған алаяқтықтың басым көпшілігі онлайн несиелер рәсімдеу, ОЛХ, Колесо.кз, Ватсап, Инстаграм және Крыша.кз қосымшалары арқылы мобильді құрылғыны пайдалану кезінде орын алған.
Алаяқтар көп жағдайда Сізге жалған сөйлеу арқылы, ұялы телефоныңызды қашықтан басқаруға мүмкіндік беретін бағдарлама орнатуға үгіттейді, сондықтан бөтен адамның сұрауымен өзіңізге беймәлім қосышаларды жүктеу кезінде өте сақ болыңыз.
Алаяқтар белсенді әрекет етіп, арам пиғылдарын жүзеге асыру мақсатында сантүрлі айла-тәсілдер ойластырады, яғни өздерін сатып алушы, сатушы, қызмет көрсетуші, банк немесе полиция қызметкері ретінде таныстырады.
Сондықтан қандайда бір күдік туындаған жағдайда ресми ақпарат көздеріне хабарласып, нақтылаған құптарлық, қоңырау шалғанда немесе смс жазғанда орыс тілінде сөйлесуді қалайды, жалған акциялармен жәрмеңкелер ұйымдастыру арқылы қызықтырады, көңілге қонымды бағалармен тиімді шарттарды ұсынып Сіздің ыңғайыңызға көнгіш келеді, Сізді алдау арқылы, банктік карта, смс, жсн деректеріңізді алуға әрекет жасайды, шынайы логотипі бүркемеленген төлем жасау сілтемелерін жолдап, банктік картаңыздан қаражат жымқырады.
Ұсынылған қарапайым ережелерді ұстану, сізді алаяқтардан сақтап, қаржыңыздың қауіпсіздігіне кепіл болады:
&#8212; Картаның нөмірін, қолданылу мерзімін, CVV/CVC-кодты, интернет-банкингтегі жеке кабинет кодын, ЖСН нөмірді жария етпеңіз;
&#8212; Ұялы телефоныңызға операцияны растау үшін келген SMS-кодтарды ешқашан-ешкімге айтуға болмайды;
&#8212; Біреудің өтінішімен ұялы телефоныңызға бағадарламалар жүктемеңіз;
 &#8212; Төлем жасау үшін күмәнді сілтемелер бойынша өтпеңіз және бейресми сауалнамаларға қатыспаңыз;
&#8212; Мүлікті сату, сатып алу кезінде төлемді растамас бұрын, тұлғамен бейнеқоңырау арқылы жүздесіп, шынайылығына көз жеткізіңіз;
&#8212; Бейтаныс тұлғалармен мейлінше қазақ тілінде сөйлесу, шетелдік алаяқтардың арам пиғылын жүзеге асыруына тосқауыл болады.
<div class="wp-block-image"><figure class="aligncenter size-full"><img loading="lazy" width="800" height="532" src="https://kyzylorda-news.kz/wp-content/uploads/2020/04/alajak-kaz.jpg" alt="" class="wp-image-53622" srcset="https://kyzylorda-news.kz/wp-content/uploads/2020/04/alajak-kaz.jpg 800w, https://kyzylorda-news.kz/wp-content/uploads/2020/04/alajak-kaz-768x511.jpg 768w" sizes="(max-width: 800px) 100vw, 800px" /></figure></div>

Қызылордада жыл басынан бері 591 алаяқтық қылмыс тіркелген

&nbsp;<a href="https://kyzylorda-news.kz/">Kyzylorda-news.kz.</a> Сыр өңірі өрт-құтқару гарнизонының ең мықты командалары 2 күн бойы Қызылорда қаласында орналасқан №1 мамандандырылған өрт сөндіру бөлімінде «Газ-түтіннен қорғау қызметінің үздік буыны» номинациясы үшін күресті.
Жыл сайын бұл жарыстар кәсіпқойлардың үздік ұжымдарын анықтайды. Биыл байқауға &nbsp;70-тен астам өрт сөндіруші қатысты. Газқұтқарушылардың жаттығу барысында кәсіби дағдылары шыңдалады, білімді дұрыс қолдана білуді және тәжірибеде қолдана алуды үйренеді.
Жарыс бірнеше кезеңнен тұрды: қатысушылар алдымен теориялық бөлімді білу тестінен өтті, содан кейін практикада өз дағдылары мен дағдыларын көрсетті.&nbsp;
Осылайша кәсіби шеберлік сынға түскен сайыс қорытындысына сәйкес бірінші орын мен «ГТҚҚ үздік буыны» атағы Шиелі ауданы №13 өрт сөндіру бөліміне бұйырды. 2 орынды Жаңақорған ауданы №14 өрт сөндіру бөлімі алса, 3 орынды Қызылорда қаласы №1 мамандандырылған өрт сөндіру бөлімі қанжығасына байлады.&nbsp;&nbsp; Ал, «Үздік газ-түтіннен қорғаушы» байқау сайысы бойынша І орын – №5 ӨСБ аға өрт сөндірушісі азаматтық қорғау сержанты Н. Жылқыбаев, ІІ орын – №13 ӨСБ бөлімше командирі азаматтық қорғау аға сержанты Н. Кененбаев, ІІІ орын – №1 МӨСБ аға өрт сөндірушісі азаматтық қорғау сержанты Қ. Өмірзақовқа бұйырды.
<img src="https://kyzylorda-news.kz/wp-content/uploads/2022/09/img_3994.jpg" alt="" srcset="https://kyzylorda-news.kz/wp-content/uploads/2022/09/img_3994.jpg 1920w, https://kyzylorda-news.kz/wp-content/uploads/2022/09/img_3994-768x512.jpg 768w, https://kyzylorda-news.kz/wp-content/uploads/2022/09/img_3994-1536x1024.jpg 1536w" sizes="(max-width: 1920px) 100vw, 1920px" width="1920" loading="lazy">
<img src="https://kyzylorda-news.kz/wp-content/uploads/2022/09/img_5169-scaled.jpg" alt="" srcset="https://kyzylorda-news.kz/wp-content/uploads/2022/09/img_5169-scaled.jpg 1707w, https://kyzylorda-news.kz/wp-content/uploads/2022/09/img_5169-768x1152.jpg 768w, https://kyzylorda-news.kz/wp-content/uploads/2022/09/img_5169-1024x1536.jpg 1024w, https://kyzylorda-news.kz/wp-content/uploads/2022/09/img_5169-1365x2048.jpg 1365w" sizes="(max-width: 1707px) 100vw, 1707px" width="1707" loading="lazy">

Газ-түтіннен қорғау қызметінің үздік қызметкерлері анықталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Елордада Қайрат Сатыбалды ісіне қатысты сот үкімі шықты, деп хабарлайды <a href="https://www.inform.kz/kz/kayrat-satybaldy-6-zhylga-sottaldy_a3983375" target="_blank" rel="noreferrer noopener">ҚазАқпарат</a>.
Іс Астана қаласы Байқоңыр аудандық №2 сотында қаралды.
<blockquote class="wp-block-quote">«Күдікті Қайрат Сатыбалдыны алты жылға бас бостандығынан айыру туралы шешім қабылданды. Сонымен қатар оның жеке мүлкі тәркіленеді», &#8212; деді судья ZOOM платформасында өткен сот отырысында.</blockquote>

Қайрат Сатыбалды 6 жылға сотталды

&nbsp;<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> ҚР Бас прокуратурасы танымал тұлғалардың ұсталғаны туралы жекелеген блогерлердің ақпаратына сенбеуге шақырды.
ҚР Бас прокурорының орынбасары Жандос Өмірәлиев жекелеген блогерлердің арандатушылық мәлімдемелеріне қатысты үндеу жариялады.
<blockquote class="wp-block-quote">«Отандық ақпараттық кеңістікте және әртүрлі әлеуметтік медиада түрлі тақырыптар бойынша көрінеу жалған ақпарат тарату жағдайлары жиілеп кетті.</blockquote>
Бұл ретте олар жекелеген блогерлердің арандатушылық мәлімдемелерімен және әлеуметтік желі пайдаланушыларының ұлттық алауыздықты тудыратын белгілері бар комментарийімен қоса жүреді.
Жекелеген азаматтардың ар-намысы мен қадір-қасиетіне нұқсан келтіретін, сондай-ақ бірқатар танымал тұлғаны ұстау және қылмыстық жауаптылыққа тарту туралы жалған хабарламалар жариялануда.
Мұндай фейк мәліметтер қоғамда жалған пікір қалыптастырып қана қоймай, сонымен бірге қоғамдық тәртіпке де теріс әсер етуі ықтимал.
Шынайлыққа сәйкес келмейтін&nbsp;осындай мәліметтерді таратуды көбіне блогерлер қасақана, өздерінің және үшінші тұлғалардың мүдделері үшін жүзеге асырады.
Олардың мақсаты – жеке пайда табу және бопсалау арқылы материалдық табыс көру», &#8212; делінген үндеуде.
Бас прокуратура ескертіп өткендей, ұлттық алауыздықты қоздыруға, бопсалаушылыққа, көрінеу жалған ақпарат таратуға бағытталған іс-әрекеттер ҚР Қылмыстық кодексінің 174, 194 және 274-баптары бойынша жауаптылыққа әкеп соғады.
<blockquote class="wp-block-quote">«Осыған байланысты, ҚР Бас прокуратурасы ел азаматтарын, бұқаралық ақпарат құралдарының өкілдерін, әлеуметтік желілердің пайдаланушыларын заңнаманы бұлжытпай сақтауға және жоғарыда келтірілген кез келген құқық бұзушылықтардың жасалуына жол бермеуге, арандатушылыққа бой бермеуге және тек ресми ақпарат көздеріне ғана сенуге шақырады», &#8212; деді прокуратурадан.</blockquote>

Бас прокуратура жекелеген блогерлердің фейк-ақпараттарына қатысты үндеу жариялады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Астанада 17 қыркүйекте бастау алған ат марафон-бәйгесі 25 қыркүйек күні Сыр еліне келді. Қаладан 189 шақырым қашықтықта, Жезқазған трассасының бойындағы жазық жазира кең далада Сыр жұртшылығы шабандоздарды қошеметпен қарсы алды.
«Ұлы дала жорығы» – қазақ халқының салт-дәстүрін жаңғыртатын, рухын оятатын, еліміздің тарихын зерделеп, жаңа туристік маршруттар қалыптастыратын тың жоба. Бұл бәйге қазақ халқының «брендіне» айналары сөзсіз.
Тарихта ең ұзақ қашықтыққа созылған 1200 шақырымдық республикалық марафон-бәйгеге еліміздің түкпір-түкпірінен 20 команда 100 шабандоз 200 сәйгүлік қатысты. Аламанға қатысушылар күніне 100 шақырыммен Қарағанды, Ұлытау облыстарын артта қалдырып, алаштың анасы Сыр елінің даласына келді.
800 шақырым қашықтықты еңсеріп, ең алғаш Тараз облысының сәйгүліктері келді. Барша жанкүйер төзімділік пен қайсарлықтың символына айналған тұлпарлар мен шабандоздарды үлкен қошеметпен қарсы алды. Екінші болып Маңғыстау облысының, артынша Түркістан облысының жылқылары келді. Көптен күткен Сыр елінің сәйгүліктері төртінші болып келді. Бұл тек осы күнгі нәтиже, шешуші кезең марафоншыларымыздың мәре сызығын аттаған сәті болмақ.
Марафон-бәйгенің салтанатты бөлігін облыстық мәдениет және спорт басқармасы басшысының орынбасары Асылжан Жаманқұл ашып, қатысушыларға төзім мен жігер, сәттілік тіледі.
Бүгін, яғни 26 қыркүйек күні марафоншыларымыз түркінің төрі Түркістанға бет алды.
Айта кетейік, марафон-бәйгенің барлық кезеңін еңсерген команда Түркістан қаласына рекордтық қысқа мерзім ішінде жетіп, «Ұлы Дала Сарбазы» атағын иеленеді де 30 млн теңге көлеміндегі бас жүлдені, ал екінші, үшінші орындарды иеленген командалар 20 млн теңге және 15 млн теңге көлеміндегі сыйақыны алады.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/307773971_196052656195294_6530679987999386337_n.jpg" alt="" class="wp-image-167617" srcset="https://kyzylorda-news.kz/wp-content/uploads/2022/09/307773971_196052656195294_6530679987999386337_n.jpg 1280w, https://kyzylorda-news.kz/wp-content/uploads/2022/09/307773971_196052656195294_6530679987999386337_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="960" height="640" src="https://kyzylorda-news.kz/wp-content/uploads/2022/09/308993102_196052352861991_1576343160033024495_n.jpg" alt="" class="wp-image-167618" srcset="https://kyzylorda-news.kz/wp-content/uploads/2022/09/308993102_196052352861991_1576343160033024495_n.jpg 960w, https://kyzylorda-news.kz/wp-content/uploads/2022/09/308993102_196052352861991_1576343160033024495_n-768x512.jpg 768w" sizes="(max-width: 960px) 100vw, 960px" /></figure></div>
<div class="wp-block-image"><figure class="aligncenter size-full"><img loading="lazy" width="960" height="640" src="https://kyzylorda-news.kz/wp-content/uploads/2022/09/309384787_196052326195327_4923013169218515769_n.jpg" alt="" class="wp-image-167619" srcset="https://kyzylorda-news.kz/wp-content/uploads/2022/09/309384787_196052326195327_4923013169218515769_n.jpg 960w, https://kyzylorda-news.kz/wp-content/uploads/2022/09/309384787_196052326195327_4923013169218515769_n-768x512.jpg 768w" sizes="(max-width: 960px) 100vw, 960px" /></figure></div>

«Ұлы Дала Жорығы» Сыр елінде

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Сыр өңірінде түрік компанияларымен бірлескен жобалар аясы кеңеюде. Екіжақты мүдделестік нәтижесінде аймақта жаңа өндіріс орындары мен нысандар салынбақ.
Облыс әкімінің шақыртуымен сенбі күні Қызылорда өңіріне Түркияның KOÇ Holding компаниясының өкілі Өзгур Бурак Ақколь және отандық «Orbis Kazakhstan» компаниясының басшысы Сухраб Әбдіғаппурұлы Махмудов арнайы келді.
Аймақ басшысының іссапарда болуына байланысты кездесуге облыс әкімінің міндетін атқарушы Мархабат Жайымбетов инвесторлармен бірге Жаңақорған ауданында қызанақ пастасын шығаратын зауыт мәселесін талқылады.
Облыс экономикасын әртараптандыру бағытындағы ірі жобаларды индустрияландыру бағдарламасы аясында «Қызылорда – Агроплюс» серіктестігінің томат пастасын өндіру жобасы іске асырылуда.
Қызанақ пастасын шығаратын зауыт салу мақсатында биылғы жылы Жаңақорған ауданында 30 гектар жер телімі белгіленді.
Құны 13,5 млрд.теңгені құрайтын жоба жылына 24 мың тонна томат пастасын дайындауға мүмкіндігі бар. Жобаны қос компания тең көлемде қаржыландырады. Зауыт іске қосылғанда 154 жұмыс орны ашылады. Өндірісті толық жүзеге асыру 2025 жылға дейін жоспарлануда. 
Мархабат Жайымбетов зауыт салу мәселесіне қатысты әкімдік тарапынан қажетті қолдау шаралары жүргізілетінін қаперге салып, бұл жобаның аймақ үшін маңыздылығына тоқталды.
Кездесу барысында зауыттың құрылыс жұмыстарын жүргізу мақсатында нысанның құрылысына инфрақұрылыммен (сумен, газ, электрмен) жабдықтау жобалық-сметалық құжаттаманы жасау мәселелері талқыланды.
Әлемнің 13 елінде қызанақ өнімін өндірумен айналысатын түрік елінің «KOÇ Holding» компаниясымен бірлесіп, биылғы жылы тәжірибеден өткізу үшін тамшылатып суару арқылы 10 гектар жерге қызанақ дақылы егілді. Қызанақ егістігіне суармалы су Сырдария өзенінен 2 шақырым жерден су құбырымен насос қондырғылары арқылы қамтамасыз етілді. Қазіргі таңда қызанақтардың шығымдылығы жақсы.
Мұнан бөлек, ҚР Ауыл шаруашылығы министрлігі, Қызылорда облысының әкімдігі мен «KOÇ Holding» түрік компаниясы және отандық «Orbis Kazakhstan» компаниясының араларында атқарылатын шаралар мен мерзімдері көрсетіліп, төртжақты Жол картасы әзірленіп, бекітілді.
Айту керек, қызанақ пастасын өндіретін зауыт құрылысын келер жылдан бастау жоспарланды. Еске салайық, биыл түрік инвесторларының қолдауымен республиканың тек екі аймағында ТМД елдерінде теңдесі жоқ заманауи жылу электр орталығының құрылысы салынбақ. Алғашқысы Сыр елінде бастау алып, аймақ жұрты жылу электр орталығының капсула салу рәсіміне куә болды.
<div class="wp-block-image"><figure class="aligncenter size-full"><img loading="lazy" width="768" height="1024" src="https://kyzylorda-news.kz/wp-content/uploads/2022/09/308927590_392516093069641_869746790068024925_n.jpg" alt="" class="wp-image-167612"/></figure></div>

Қазақстан және Қызылорда облысының жаңалықтары