<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысы әкімінің орынбасары Нұрымбет Сақтағановтың төрағалығымен облыстық денсаулық сақтау басқармасында ана мен бала өлімін төмендету мақсатында штаб отырысы өтті.
Жиынға облыстық денсаулық сақтау басқармасының басшысы Сәбит Пазылов, ҚР Денсаулық сақтау минситрлігінің Медициналық және фармацевтикалық бақылау комитетінің Қызылорда облысы бойынша департаментінің басшысы Ғалия Байменова, министрліктің «Республикалық электрондық денсаулық сақтау орталығы» Қызылорда облыстық филиалының директоры Сәуле Нәлібаева және барлық медицина ұйымдарының бас дәрігерлері қатысты.
Облыстық денсаулық сақтау басқармасының басшысы Сәбит Пазылов орын алған жағдайлардың себептеріне тоқталып, медициналық ұйымдарда атқарылған іс-шараларды талқылап, алдағы уақытта ана өлімінің алдын-алуға бағытталған шешімдер қабылданатынын айтты.
Облыстық перинаталдық орталықта орын алған ана өлімі жағдайына байланысты сот-медициналық сараптама жүргізіледі. Сараптама қорытындысының әділ өтуін облыс әкімінің орынбасары Нұрымбет Сақтағанов өз бақылауына алып, тиісті шаралар қабылданатынын жеткізді.
Сондай-ақ, жиын соңында облыс әкімінің орынбасары ана өлімі жағдайында олқылыққа жол берген бас дәрігер мен оның қызметкерлеріне тәртіптік шара көрілуiн, оқиғаға байланысты комиссия тобы құрылатынын жеткiздi.
<div class="wp-block-image"><figure class="aligncenter size-full"><img loading="lazy" width="2048" height="1024" src="https://kyzylorda-news.kz/wp-content/uploads/2022/09/307124495_3579524072274188_5514616101414155198_n.jpg" alt="" class="wp-image-166737" srcset="https://kyzylorda-news.kz/wp-content/uploads/2022/09/307124495_3579524072274188_5514616101414155198_n.jpg 2048w, https://kyzylorda-news.kz/wp-content/uploads/2022/09/307124495_3579524072274188_5514616101414155198_n-768x384.jpg 768w, https://kyzylorda-news.kz/wp-content/uploads/2022/09/307124495_3579524072274188_5514616101414155198_n-1536x768.jpg 1536w" sizes="(max-width: 2048px) 100vw, 2048px" /></figure></div>

Қызылордалық дәрігерлер ана мен бала өлімін тоқтата ала ма?

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Аймақ басшысы Нұрлыбек Нәлібаев өңірге инвестиция тарту, әсіресе шетелдік инвесторлармен жұмысты күшейтуді тапсырған еді. Бұл ретте аймақта түрік компанияларымен бірлескен жобалар жандана бастады.
Қызылорда облысы әкімінің орынбасары Мархабат Жайымбетов түркиялық «Isiklar Holding» компаниясының бас директоры Ока Хусейнмен кездесті.
Іссапар аясында екі тарап өңірде қағаз қораптар жобасын іске асыру мәселелерін талқылады. Аталған компания Түркияда қағаз қораптарды өндіру және өнеркәсіп саласында жұмыс жасайтын, жылдық айналымы 250 млн. долларды құрайтын ірі компания.
Кездесу аясында түркиялық инвесторға өңірдің инвестициялық әлеуеті және жобаны жүзеге асыру мүмкіндігі бар өндірістік объектілер таныстырылды. Атап айтқанда, компания басшысы Қызылорда қаласындағы «Монтажспецстрой» ЖШС-не және «Дор Строй» ЖШС-не, Шиелі ауданындағы «Мия Шиелі» ЖШС-не барып, өндірістік объектілермен танысуды жоспарлауда.
Кездесу қорытындысымен облыс әкімінің орынбасары Мархабат Жайымбетов жобаны жүзеге асыру мақсатында әкімдік тарапынан жан-жақты қолдау көрсетілетінін және өңірде басқа да жобаларды жүзеге асыруға дайын екендігін жеткізді.
Айта кетейік, аймақта түріктің «Акса Энерджи» компаниясы қуаты 240 мегаватт болатын жаңа жылу электр орталығын салады. Сондай-ақ, Анадолы еліндегі тағы бір компания қызанақ өндіретін зауыт салуға ниетті.
<div class="wp-block-image"><figure class="aligncenter size-full"><img loading="lazy" width="915" height="852" src="https://kyzylorda-news.kz/wp-content/uploads/2022/09/zhajymbetov.jpg" alt="" class="wp-image-166732" srcset="https://kyzylorda-news.kz/wp-content/uploads/2022/09/zhajymbetov.jpg 915w, https://kyzylorda-news.kz/wp-content/uploads/2022/09/zhajymbetov-768x715.jpg 768w" sizes="(max-width: 915px) 100vw, 915px" /></figure></div>
<div class="wp-block-image"><figure class="aligncenter size-full"><img loading="lazy" width="958" height="850" src="https://kyzylorda-news.kz/wp-content/uploads/2022/09/308015219_388181020169815_2060992947012053456_n.jpg" alt="" class="wp-image-166733" srcset="https://kyzylorda-news.kz/wp-content/uploads/2022/09/308015219_388181020169815_2060992947012053456_n.jpg 958w, https://kyzylorda-news.kz/wp-content/uploads/2022/09/308015219_388181020169815_2060992947012053456_n-768x681.jpg 768w" sizes="(max-width: 958px) 100vw, 958px" /></figure></div>

Қызылордада қағаз қорап шығарылатын болады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысында 180 кәсіби және 332 қоғамдық медиатор тіркелген. Биылғы жылы облыстық Қазақстан халқы ассамблеясымен бірлесіп жұмыс атқаратын 45 медиатордың тізімі жасақталды. Бұл туралы Қызылорда облыстық ҚХА жанындағы медиация кабинетінің үйлестірушісі Шахизат Абдраманова айтып берді.
Жыл басынан бері Қазақстан халқы ассамблеясының медиаторларына 25 өтініш келіп түссе, оның екеуі этносаралық дау болып отыр. Сонымен қатар осы жылы түрлі форматта 24 шара өткізіліп, онда 500-ден аса қызылордалық қамтылды.
Атап айтқанда, жыл басында Жалағаш аудандық кітапханасында қоғамдық медиаторлардың аудан тұрғындарымен кездесуі өтті. Шарада медиация тәсілінің оңтайлы тұстары халық арасында насихатталып, тақырып бойынша сұрақтарға жауап берілді. Сондай-ақ Сырдария ауданы, Достық үйінің Татуласу орталығында белсенді жастар мен аудандық үкіметтік емес ұйымдары өкілдерінің қатысуымен дөңгелек үстел отырысы болып, аудандық деңгейде медиация институтын дамыту мәселелері талқыланды. Сонымен қатар Қармақшы ауданы, Жосалы кентіндегі мектеп оқушыларымен қоғамдық медиатор Е.Ұзақбаевпен кездесті. Мұнда жастарға татулық пен достық құндылықтарын дәріптеу маңыздылығы түсіндірілді.
<blockquote class="wp-block-quote">«Ағымдағы жылдың наурыз айында Достық үйінде Қызылорда облыстық ішкі саясат басқармасының «Қоғамдық келісім» КММ ұйымдастыруымен облыстық медиаторлар кеңесінің отырысы өтті. «Медиацияны халық арасында ілгерілету: өзекті мәселелері мен шешу жолдары» тақырыбында өрбіген отырысқа қалалық ардагерлер кеңесі, медиация ұйымдары, оқу орындарынан құқытану саласының мамандары, этно-мәдени бірлестік жетекшілері мен белсенділері, қоғамдық медиаторлар қатысты. Қазақстан халқы ассамблеясы қызметінің аясында медиация институтын дамыту арқылы қоғамдық келісімді қамтамасыз ету мақсатында өткізілген отырыста қатысушылар ойларын ортаға салып, пікірлерімен бөлісті», &#8212; дейді Шахизат Абдраманова.</blockquote>
Медиаторлардың түрлі бағыттағы кездесулері мұнымен біткен жоқ. Татулық пен бірлікті ту еткен сала мамандары аудандарды аралап, медиация тақырыбын халыққа кеңінен таныстырып, кез келген түйткілді мәселені дау-дамайсыз шешуге насихаттап жүр.
Кәсіби мамандар тек аудандарда ғана емес, сонымен қатар облыс орталығындағы жоғары оқу орындарында да кездесу ұйымдастырып келеді. Мәселен, 4 мамырда өңірде медиация қызметін дамыту және қоғамдық келісім мен жалпыұлттық бірлікті нығайту мақсатында Қорқыт Ата атындағы Қызылорда университетінде заң саласының оқытушылары мен студенттері кәсіби медиаторлармен кездесті. Оған қоса, мамандар мектептерде түрлі жарыстар, интеллектуалдық ойындар, семинар-тренингтер ұйымдастырып келеді. Сонымен бірге, ақпараттық-профилактикалық жұмыс негізінде түрлі этнос өкілдерінің қатысуымен әр тоқсан сайын қала және аудандардағы медиация кабинеттерінде кәсіби және қоғамдық медиаторлардың қатысуымен ашық есік күндері өткізіліп тұрады.
Атап айтар болсақ, 5 тамыз бірыңғай республикалық Медиация күніне орай Татуласу орталығында облыстық Қазақстан халқы ассамблеясы «Бітім» медиация орталығымен бірлескен «Ашық есік күні» акциясы болып өтті. Медиация тәсілі арқылы дауларды шешуді түсіндіру, тұрғындарға медиативті кеңес беру мақсатында ұйымдастырылған шарада кәсіби медиаторлар өз қызметтерін ұсынды.
«Ашық есік күні» акциясында кәсіби және қоғамдық медиаторлар отбасы-неке дауы, әкімшілік, азаматтық және қылмыстық істер, меншіктік, жер, жылжымайтын мүлікке қатысты дау және өзге де даулы мәселелер бойынша ақысыз негізде кеңестерін берді. Сондай-ақ, аталған акция Байқоңыр қаласы мен Арал, Қазалы, Қармақшы, Жалағаш, Сырдария, Жаңақорған аудандарында және бірнеше елді мекенде өткізілді. Акция барысында барлығы 19-67 жас аралығын қамтитын 200-ге жуық тұрғын қамтылды.
Сонымен қатар атаулы күні облыстық қоғамдық даму басқармасының «Қоғамдық келісім» КММ-нің ұйымдастыруымен Медиация күніне орай облыстық мамандандырылған күзет қызметі басқармасында «Медиация – дау шешудің ең тиімді жолы» тақырыбында кездесу шарасы болып өтті.
Шараға облыстық Қазақстан халқы ассамблеясының жанындағы медиаторлар кеңесінің төрайымы, кәсіби тренер-медиатор Л.Бақтыбаева, облыстық қоғамдық даму басқармасының «Қоғамдық келісім» КММ бөлім басшысы, медиация кабинетінің үйлестірушісі Ш.Абдраманова қатысып, өңірдегі медиация саласы мен қоғамдық келісімді сақтау жайында сөз сөйледі. Кездесу соңында қызметкерлер тақырып бойынша сұрақтарын жауап алды.
Айта кетейік, мереке күні барлық аудан орталықтарындағы сот мекемелері мен жергілікті әкімдіктерде тұрғындармен кездесу ұйымдастырылды.
Динара МАХАНОВА
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2022/09/297841445_3272061646446326_476347910607946239_n.jpg" alt="" class="wp-image-166729" srcset="https://kyzylorda-news.kz/wp-content/uploads/2022/09/297841445_3272061646446326_476347910607946239_n.jpg 1280w, https://kyzylorda-news.kz/wp-content/uploads/2022/09/297841445_3272061646446326_476347910607946239_n-768x432.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="720" src="https://kyzylorda-news.kz/wp-content/uploads/2022/09/297852332_3272050143114143_79144144470654774_n.jpg" alt="" class="wp-image-166728" srcset="https://kyzylorda-news.kz/wp-content/uploads/2022/09/297852332_3272050143114143_79144144470654774_n.jpg 1280w, https://kyzylorda-news.kz/wp-content/uploads/2022/09/297852332_3272050143114143_79144144470654774_n-768x432.jpg 768w" sizes="(max-width: 1280px) 100vw, 1280px" /></figure></div>

Қызылордада 180 кәсіби және 332 қоғамдық медиатор тіркелген

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> 21 қыркүйекте Қазақстан аумағының басым бөлігі әлі де ауқымды антициклон ықпалында болып, жауын-шашынсыз ауа райы сақталады, деп хабарлайды Қазгидромет.
Атмосфералық фронталды бөліктердің өтуіне байланысты еліміздің батысында, оңтүстік-шығысында найзағай ойнап, жаңбыр жауады. Жекелеген өңірлерде жел күшейіп, шығыста шаңды дауыл тұрады. 
Атап айтқанда, Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Алматы облысының солтүстігінде және орталығында, Абай облысының солтүстік-батысында, солтүстігінде, шығысында, Павлодар облысының орталығында төтенше өрт қаупі сақталады. Қостанай облысының оңтүстігінде жоғары өрт қаупі болжанады.

21 қыркүйекке арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қызылорда қаласында халықаралық іздеуде жүрген күдікті қолға түсті, деп хабарлайды ҚазАқпарат.
Қызылорда облысы полиция департаменті ұйымдасқан қылмысқа күрес басқармасының қызметкерлері 19 қыркүйекте жедел-іздестіру жұмыстарын жүргізді.
Аталған шара барысында ҚР Қылмыстық кодексінің 99-бабы 2-бөлігінің 11-тармағымен күдікке ілінген қызылордалық тұрғын қолға түсті.
<blockquote class="wp-block-quote">«Ол 2021 жылдан бері тергеуден бой тасалап, халықаралық іздеуде жүрген еді. Оған қатысты күзетпен ұстау түріндегі бұлтартпау шарасы санкцияланған. Жедел уәкілдер күдіктіні қала аумағындағы жалдамалы пәтердің бірінде жасырынып жатқан жерінен ұсталды. Ол Қызылорда қалалық полиция басқармасы уақытша ұстау изоляторына қамауға алынды», &#8212; деп мәлім етті Қызылорда облыстық полиция басқармасынан.</blockquote>

Қызылордада кісі өлтіргені үшін халықаралық іздеуде жүрген күдікті қолға түсті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> «Менің шағын Отаным» республикалық зияткерлік байқауының қалалық кезеңі өтті. 
Байқау туған елінің тарихына қызығушылық танытатын дарынды оқушыларды анықтауға, олардың шығармашылық қабілеттерін қалыптастыруға және өскелең ұрпақтың қазақстандық патриотизм мен азаматтық сезімін дамытуға, Отаны үшін мақтаныш сезімдерін дамытуға ықпал етеді.
Байқау екі кезеңде өткізілді. Бірінші кезеңде Қазақстан тарихы бойынша тест өткізілсе, ІІ кезеңде оқушылар «Менің кішкентай Отанымның тарихы», «Кіші Отан символы», «Менің кіші Отанымның болашағы» және «Менің туған өлкем» төрт номинациясы бойынша жобаларын қорғады.
Қазылар алқасының мүшелері тақырыптың толық ашылуы мен сапасына, қорытындылардың дәлдігіне, көркемдік шеберлікке, техникалық және орындау сапасына назар аударды.
Байқау нәтижесінде облысқа жолдамаға «Кішкентай Отанымның тарихы» номинациясы бойынша Б.Ермекбаев атындағы №271 орта мектебінің 9 сынып оқушысы Мадияр Әбдікәрімов, «Менің кіші Отанымның болашағы» номинациясымен С.Толыбеков атындағы №3 ІТ-мектеп-лицейінің 9 сынып оқушысы Жаннұр Қонысбай, «Кішкентай Отанымның символы» номинациясымен Ж.Қизатов атындағы №23 мектеп-лицейінің 10 сынып оқушысы Томирис Бекетова, «Менің туған өлкем» эссе жазу бойынша №39 Қызылөзек орта мектебінің 10 сынып оқушысы Жібек Сағатова лайық деп танылды.
<div class="wp-block-image"><figure class="aligncenter size-full"><img loading="lazy" width="1600" height="1200" src="https://kyzylorda-news.kz/wp-content/uploads/2022/09/306832117_1207781356616637_7844458414652682725_n.jpg" alt="" class="wp-image-166716" srcset="https://kyzylorda-news.kz/wp-content/uploads/2022/09/306832117_1207781356616637_7844458414652682725_n.jpg 1600w, https://kyzylorda-news.kz/wp-content/uploads/2022/09/306832117_1207781356616637_7844458414652682725_n-768x576.jpg 768w, https://kyzylorda-news.kz/wp-content/uploads/2022/09/306832117_1207781356616637_7844458414652682725_n-1536x1152.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1600" height="1200" src="https://kyzylorda-news.kz/wp-content/uploads/2022/09/306991649_1207781279949978_4694027284155769599_n.jpg" alt="" class="wp-image-166717" srcset="https://kyzylorda-news.kz/wp-content/uploads/2022/09/306991649_1207781279949978_4694027284155769599_n.jpg 1600w, https://kyzylorda-news.kz/wp-content/uploads/2022/09/306991649_1207781279949978_4694027284155769599_n-768x576.jpg 768w, https://kyzylorda-news.kz/wp-content/uploads/2022/09/306991649_1207781279949978_4694027284155769599_n-1536x1152.jpg 1536w" sizes="(max-width: 1600px) 100vw, 1600px" /></figure></div>
<div class="wp-block-image"><figure class="aligncenter size-full"><img loading="lazy" width="1600" height="1200" src="https://kyzylorda-news.kz/wp-content/uploads/2022/09/307039401_1207781413283298_3888738639846113801_n.jpg" alt="" class="wp-image-166718" srcset="https://kyzylorda-news.kz/wp-content/uploads/2022/09/307039401_1207781413283298_3888738639846113801_n.jpg 1600w, https://kyzylorda-news.kz/wp-content/uploads/2022/09/307039401_1207781413283298_3888738639846113801_n-768x576.jpg 768w, https://kyzylorda-news.kz/wp-content/uploads/2022/09/307039401_1207781413283298_3888738639846113801_n-1536x1152.jpg 1536w" sizes="(max-width: 1600px) 100vw, 1600px" /></figure></div>

«Менің шағын Отаным» республикалық байқауының қалалық кезеңі өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Мамандар табиғи газбен жылытатын тұрмыстық пешті пайдаланбас бұрын ғимараттың ішін 10-15 минут желдету қажет деп кеңес береді. Адам өміріне қауіп төндіретін құрылғыны іске қоспай тұрып тексеріп алған абзал. 
Осыған орай Қармақшы, Сырдария және Жалағаш аудандарында өрт сөндіру бөлімі, ШЖҚ «Қызылорда газ тарату жүйесі» КМК қызметкерлері аудан тұрғындарына үнемі түсіндіру жұмыстарын жүргізуде.
Тұрмыстық газбен жылыту пешін пайдаланбас бұрын әр үйдің иесі газ шүмектерінің жабық екеніне көз жеткізіп, содан кейін мұржаның ауаны тартуын тексеруі қажет. Мұржада тесіктер мен жарықтардың пайда болуынан, мұржа мен желдеткіш каналының бітелуінен, сондай-ақ газ плиталарын жылыту құралы ретінде пайдаланудан улы газ түзіледі. Улы газ үйдің ішіне тараса ауыр улануға әкеліп соқтырады.
<blockquote class="wp-block-quote">«Тағы бір ескеретін жайт, пешті пайдалану барысында жарамдылық мерзімін де ескеру шарт. Сонымен бірге сала мамандары балалардың, өз іс-әрекетін бақылай алмайтын жандардың және пешті пайдалану ережелерін білмейтін адамдарға газ пешін іске қосуға, қандайда бір өзгеріс енгізуге тыйым салады. Ал фиксатор ілмегін қандай жағдайда да клапанның түймешесіне күшпен кигізуге болмайды. Өйткені ол қауіпсіздік автоматикасын істен шығарып, апат жағдайларға әкеледі. Әр тұрғын жанып тұрған пешті бақылаусыз қалдырудан және газ құралдары орнатылған бөлмеде ұйықтаудан сақ болғаны дұрыс. Пәтерде, нысанда газдың иісі байқалған жағдайда бірінші кезекте газ шүмектерінің барлығын жауып, терезелерді ашу керек. Бұл сәтте ашық отты, электр желісін пайдалану өте қауіпті. Газ жабдықтарын қауіпсіз пайдалану жөніндегі ереже талаптарын орындамау салдарынан өрттің шығуына немесе жарылысқа жол берген тұлғалар қолданыстағы заңнамаға сәйкес жауапқа тартылады», &#8212; дейді мамандар. </blockquote>
Жауапты мамандар кент тұрғындарына жылыту маусымы кезінде автономды жылыту жүйелерін, жылу қазандықтары мен газ пештерін ережеге сай пайдалануға шақырады.

Қызылордада аудан тұрғындарына газды қолдану ережелері түсіндірілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Әлем чемпионатында күміс алқа иегері полиция лейтенанты Арайлым Оразбайды, Республикалық жауынгерлік қару атудан жеңімпаз атанған полиция подполковнигі Бақыткүл Самратова мен полиция майоры Руслан Даврушевті департамент бастығы Мұхтар Қожабаев қабылдап, жеңіс тұғырынан көрінген қызметкерлерді құттықтады.
Айта кетейік, Өзбекстан Республикасы, Наманган қаласында өткен «Белбеу» күресі бойынша Әлем чемпионатында 76 салмағында Қызылорда облысы Полиция департаментінің Жылдам қимылдайтын арнайы жасағының инспекторы полиция лейтенанты Оразбай Арайлым Бахытқызы II орын иеленген.
Ал, Тараз қаласында Қазақстан полициясының 30 жылдығына арналған Қазақстан Республикасының құқық қорғау органдарының, арнайы құрылымдары қызметкерлері мен әскери қызметшілері арасында жауынгерлік қарудан ату бойынша жарыста әйелдер арасында Қызылорда облысы Полиция департаментінің Жылдам қимылдайтын арнайы жасағының инспекторы полиция подполковнигі Самратова Бақыткүл Болатбекқызыменерлер арасында департаменттің Оқу-жаттығу взводының 1-санаттағы инспекторы полиция майоры Даврушев Руслан Рамизұлы III орынды&nbsp; иеленген.
Қызылорда облысы полиция департаментінің бастығы Мұхтар Қожабаев Әлемдік және Республикалық деңгейде Қазақстанның және облысымыздың намысын қорғаған қызметкерлерді жеңістерімен құттықтап, қызметте абырой, отбасыларына амандық тіледі.
<div class="wp-block-image"><figure class="aligncenter size-full"><img loading="lazy" width="2560" height="1707" src="https://kyzylorda-news.kz/wp-content/uploads/2022/09/img_7256-scaled.jpg" alt="" class="wp-image-166701" srcset="https://kyzylorda-news.kz/wp-content/uploads/2022/09/img_7256-scaled.jpg 2560w, https://kyzylorda-news.kz/wp-content/uploads/2022/09/img_7256-768x512.jpg 768w, https://kyzylorda-news.kz/wp-content/uploads/2022/09/img_7256-1536x1024.jpg 1536w, https://kyzylorda-news.kz/wp-content/uploads/2022/09/img_7256-2048x1365.jpg 2048w" sizes="(max-width: 2560px) 100vw, 2560px" /></figure></div>

Әлем чемпионатында және республикалық жарыстарда жүлделі орын алған полицейлерге құрмет көрсетілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазақстан Республикасы Қарулы күштері Бас штабы Ұйымдастыру-жұмылдыру жұмыстары департаменті бастығының орынбасары полковник Рустам Ақбаров Қызылорда облысы әкімінің орынбасары – облыстық шақыру комиссиясының төрағасы Мархабат Жайымбетовтың басшылығымен өткен облыстық шақыру комиссиясының кезекті отырысына қатысты.
Шақыру комиссиясының отырысына Қызылорда облысының қорғаныс істері жөніндегі департаментінің бастығы полковник Ғалымжан Тасжанов, Қызылорда гарнизонына қызмет көрсету жөніндегі әскери полиция бөлімшесінің бастығы әділет капитаны Бақтияр Дәуренқұлов, «Қарулы Күштердің ардагерлері» Республикалық қоғамдық бірлестігінің Қызылорда облыстық филиалының төрағасы Мыңділда Ршауов, жергілікті әскери басқару және атқарушы органдардың басшылық құрамы, облыстық шақыру комиссиясының мүшелері мен аудандық шақыру комиссияларының төрағалары қатысты.
Жиын басында Қызылорда облысының қорғаныс істері жөніндегі департаментінің бастығы 2022 жылғы көктемгі әскерге шақыру науқанына қорытынды жасап, орын алған кемшіліктерге тоқталды. Күзгі әскерге шақыру науқаны барысында кемшілік жібермеу мәселелері қаралды. Әскери полиция өкілі сыбайлас жемқорлыққа қарсы мәдениетті қалыптастыру мақсатында «Сыбайлас жемқорлыққа қарсы іс-қимыл туралы» ҚР Заңының 651-бабы бойынша баяндама жасады.
Жергілікті атқарушы органдардың өкілдері мен облыстық шақыру комиссиясының басқа да мүшелері өз бағыттары бойынша сөз сөйлеп, облыстағы мерзімді әскери қызметке шақыру науқанын дұрыс ұйымдастыру бойынша нақты ұсыныстарын айтты. Жиын соңында облыстық шақыру комиссиясының төрағасы Мархабат Жайымбетов шақыру комиссиясының мүшелеріне алдағы уақытта азаматтарды мерзімді әскери қызметке шақыруды ұйымдастыру бойынша нақты тапсырмалар берді.
<div class="wp-block-image"><figure class="aligncenter size-full"><img loading="lazy" width="1440" height="960" src="https://kyzylorda-news.kz/wp-content/uploads/2022/09/306126521_583912236766245_2244938618503303912_n.jpg" alt="" class="wp-image-166694" srcset="https://kyzylorda-news.kz/wp-content/uploads/2022/09/306126521_583912236766245_2244938618503303912_n.jpg 1440w, https://kyzylorda-news.kz/wp-content/uploads/2022/09/306126521_583912236766245_2244938618503303912_n-768x512.jpg 768w" sizes="(max-width: 1440px) 100vw, 1440px" /></figure></div>
<div class="wp-block-image"><figure class="aligncenter size-full"><img loading="lazy" width="1440" height="960" src="https://kyzylorda-news.kz/wp-content/uploads/2022/09/307942148_583912186766250_633819519332458412_n.jpg" alt="" class="wp-image-166695" srcset="https://kyzylorda-news.kz/wp-content/uploads/2022/09/307942148_583912186766250_633819519332458412_n.jpg 1440w, https://kyzylorda-news.kz/wp-content/uploads/2022/09/307942148_583912186766250_633819519332458412_n-768x512.jpg 768w" sizes="(max-width: 1440px) 100vw, 1440px" /></figure></div>

Қызылорда облыстық шақыру комиссиясының отырысы өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Картоп ішіне телефон салып әкелген азаматқа сот үкімімен жаза тағайындалды.
Қылмыстық-Атқару жүйесіне қарасты тергеу изоляторына Жедел бөлім және РжКБ-нің қызметкерлері тарапынан сотталғандардың қолданылуына тыйым салынған заттардың мекеме аумағына кіргізу жолын анықтау және жабу мақсатында елеулі жұмыстар күшейтілген түрде жүргізілуде.
Атап айтсақ, жедел бөлімнің жедел ақпаратына сәйкес, тергеу қамауындағы ҚР ҚК 191-бабы 2-бөлігі бойынша айыпталушы 1993 жылғы азаматқа тыйым салынған зат алып келетіні белгілі болған. Нәтижиесінде сол күні сәлем-сауқат бөлмесіне келген Б есімді азаматтың алып келген тамақ өнімдері ішінен ұялы телефонға қажетті заттар табылды. Дәлірек айтсақ, асылған картоп ішіне жасырылған 1(бір) дана «Beeline» сим-картасы мен және 1 (бір) дана ақ түсті USB шнуры анықталды.
Бұл бойынша бөлім қызметкерлері дер кезінде ҚР ӘҚБ 481-бабының 1-бөлігі бойынша хаттама толтырылып, ісі сотқа жолданған болатын.
Бүгінгі таңда сот қаулысы бойынша Қызылорда қаласының 1994 жылғы азаматы ҚР ӘҚБ 481-бабының 1-бөлігімен кінәлі деп танылып, әкімшілік жаза тағайындалды.
<div class="wp-block-image"><figure class="aligncenter size-full"><img loading="lazy" width="894" height="1280" src="https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16.jpeg" alt="" class="wp-image-166667" srcset="https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16.jpeg 894w, https://kyzylorda-news.kz/wp-content/uploads/2022/09/whatsapp-image-2022-09-20-at-15.16.16-768x1100.jpeg 768w" sizes="(max-width: 894px) 100vw, 894px" /></figure></div>

Қызылорда: Картоп ішіне телефон салып кірген тұрғын жазаланды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қазалы ауданында Арықбалық шайқасының 165 жылдығына арналған рухани-танымдық шара өтті.
Тарихта азаттық үшін жан алысып, жан беріскен талай көтерілістердің болғаны белгілі. Солардың бірі Қазалы өңірінде өткен Арықбалық шайқасы. Жанқожа Нұрмұхамедұлы бастаған елдік жолындағы айтулы оқиғаға биыл &#8212; 165 жыл.
Ал, Қазалы ауданындағы киелі орындардың бірі саналатын Жанқожа баба кесенесінің салынғанына тура 30 жыл болды. Осыған орай бүгін Әйтеке би кентіндегі Жанқожа батыр кесенесінде «Халқының туған бағына, батыр баба Жанқожа» атты рухани-танымдық шара ұйымдастырылып, бабалардың ерлігі өскелең ұрпаққа үлгі етілді. 
Мазмұнды шара Жанқожа батыр ауылдық мәдениет үйінің өнерпаздарының театрландырылған қойылымымен басталды. Әсерлі шыққан қойылымнан соң аудан әкімі Мұхтар Оразбаев сахна төріне көтеріліп, құттықтау сөз сөйледі.
<blockquote class="wp-block-quote">«ХІХ ғасырдың орта шенінде Ресей патша әскерлері Сыр бойына жетіп, 1853 жылы Қазалы бекінісін тұрғызды. 1856-1857 жылдары осы бекініс түбінде орыс патшасының озбырлығына қарсы Жанқожа батыр бастаған 7 мыңдай адам қатысқан көтеріліс болды. Ақтық шайқас 1857 жылы 9 қаңтарда Фитингоф бастаған жазалаушы әскермен Арықбалық жерінде өтті. Бұл көтерілісте біздің тарамыздан көптеген адамдар қайтыс болды. Оларды мұздай қаруланған патша әскері жайратып салды. Жанқожа Нұрмұхаммедұлы озбыр да өктем жауға қарсы азаттық туын көтеріп, өмірінің ақырғы күндеріне дейін аттан түспеген батырдың біз үшін әрдайым бағасы жоғары тұрады. Биыл тарихта «Арықбалық шайқасы» деген атпен қалған көтеріліске 165 жыл толды. Ал, Қазалы ауданындағы киелі орындардың бірі саналатын Жанқожа баба кесенесінің салынғанына тура 30 жыл болды. Қазалылықтар үшін киелі орын Тәуелсіздікдің алғашқы жылдары, қиын-қыстау кезеңде салынды. Соған қарамастан халық жұдырықтай жұмылып, кесенені аз ғана уақыттың ішінде өте сапалы етіп аяқтады. Сондықтан мен халықпен бірге болып, құрылыс жұмыстарына белсенді атсалысқан азаматтарға шынайы алғысымды білдіргім келеді», – деген Мұхтар Әуесұлы бүгінгі шара санада ауыр зардабы қалған сол Арықбалық шайқасындағы Жанқожа батыр бастаған сарбаздардың ерлігін дәріптеу, өскелең ұрпақты Отансүйгіштікке баулу, өткен тарихымызды қастерлеу мақсатында өткізіліп отырғандығын жеткізді.</blockquote>
Мұнан соң Мұхтар Әуесұлы кесене құрылысына белсенді қатысқан бірқатар азаматтарды «Алғыс хаттармен» марапаттап, халықтың атынан ризашылығын білдірді.
Танымдық шарада Қызылорда облысының құрметті азаматы, «РЗА» АҚ президенті Самұрат Имандосов та құттықтау сөз сөйлеп, кесенені салу барысындағы жанкешті еңбекті, халықтық іске қазалылықтардың жұдырықтай жұмыла білгенін әсерлі етіп айтып берді.
Рухани шара мұнан әрі жыршылар мен жазба ақындардың фестиваліне ұласып, өнерпаздар өз өнерлерін ортаға салды.
<div class="wp-block-image"><figure class="aligncenter size-full"><img loading="lazy" width="1280" height="1008" src="https://kyzylorda-news.kz/wp-content/uploads/2022/09/308155486_3460154077538848_7628941012499968361_n.jpg" alt="" class="wp-image-166654" srcset="https://kyzylorda-news.kz/wp-content/uploads/2022/09/308155486_3460154077538848_7628941012499968361_n.jpg 1280w, https://kyzylorda-news.kz/wp-content/uploads/2022/09/308155486_3460154077538848_7628941012499968361_n-768x605.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="710" src="https://kyzylorda-news.kz/wp-content/uploads/2022/09/307975997_3460153727538883_3467269332632389269_n.jpg" alt="" class="wp-image-166657" srcset="https://kyzylorda-news.kz/wp-content/uploads/2022/09/307975997_3460153727538883_3467269332632389269_n.jpg 1280w, https://kyzylorda-news.kz/wp-content/uploads/2022/09/307975997_3460153727538883_3467269332632389269_n-768x426.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="905" src="https://kyzylorda-news.kz/wp-content/uploads/2022/09/307982710_3460153714205551_6978028797829988639_n.jpg" alt="" class="wp-image-166656" srcset="https://kyzylorda-news.kz/wp-content/uploads/2022/09/307982710_3460153714205551_6978028797829988639_n.jpg 1280w, https://kyzylorda-news.kz/wp-content/uploads/2022/09/307982710_3460153714205551_6978028797829988639_n-768x543.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="672" src="https://kyzylorda-news.kz/wp-content/uploads/2022/09/308066648_3460154420872147_2817992359999669778_n.jpg" alt="" class="wp-image-166655" srcset="https://kyzylorda-news.kz/wp-content/uploads/2022/09/308066648_3460154420872147_2817992359999669778_n.jpg 1280w, https://kyzylorda-news.kz/wp-content/uploads/2022/09/308066648_3460154420872147_2817992359999669778_n-768x403.jpg 768w" sizes="(max-width: 1280px) 100vw, 1280px" /></figure></div>

Арықбалық шайқасының 165 жылдығына арналған рухани-танымдық шара өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жыл сайын облыста Арал-Сырдария бассейндік инспекциясының мамандары суару каналдарын тексереді және су енді егістікке түспеген кезде балықты құтқару бағытында жұмыс істемейтін шаруашылықтар туралы ақпарат жинайды. Жыл сайын жасалынып жатқан игі іс – Сыр балығына деген қамқорлық. Бұл табиғат сыйлаған тіршілік иесін құтқару әрбір азамат алдындағы үлкен жауапкершілік болуы тиіс.&nbsp;
Шаруа қожалықтары күріш чектерінде өсірілген балықты жинап, оны су қоймаларына жіберуге міндетті. Бірақ бұл талапты күріш өсірушілер көбінесе орындамай жүр. Сондықтан ондаған тонна балық шабақтары қырылуда.
Арал-Сырдария облысаралық балық шаруашылығы бассейндік инспекциясының бас маманы Бақтияр Балжановтың айтуынша, бір күннің өзінде олар 25 мың шабақты құтқарған. Бұл негізінен тұқы мен кубид. 
<blockquote class="wp-block-quote">«Қазіргі уақытта біз жеті жүз мыңнан астам шабақтарды аулап, бүкіл аймақтағы көлдерге жібердік. Сонымен қатар, өңір балық шаруашылығын дамыту бағытын ұстауда. 2030 жылға қарай тауарлы балық өсіру көлемі жылына 16 мың тоннаға дейін өседі деп жоспарлануда. Осы мақсатта 69 кәсіпшілік су айдыны, 16 тор және 12 тоған балық шаруашылығы іске қосылды. Фермерлерге балықты күріш чектерінен құтқару бойынша талаптарды орындау үшін еріктілер бұл жұмысты қадағалайды»- дейді Бақтияр Балжанов.</blockquote>
<div class="wp-block-image"><figure class="aligncenter size-full"><img loading="lazy" width="800" height="532" src="https://kyzylorda-news.kz/wp-content/uploads/2022/09/201207183753422e.jpg" alt="" class="wp-image-167153" srcset="https://kyzylorda-news.kz/wp-content/uploads/2022/09/201207183753422e.jpg 800w, https://kyzylorda-news.kz/wp-content/uploads/2022/09/201207183753422e-768x511.jpg 768w" sizes="(max-width: 800px) 100vw, 800px" /></figure></div>

Қазақстан және Қызылорда облысының жаңалықтары