<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Мәжіліс және мәслихат депутаттарын кезектен тыс сайлауда №263 сайлау учаскесінде дауыс беріп, өз таңдауын жасады.Мәжіліс және мәслихаттар депутаттарын сайлауы еліміздегі саяси реформалардың жалғасы. Еліміздің Президенті Қасым-Жомарт Кемелұлы «Былтырғы референдумда халқымыз бұл реформаға қолдау білдірді. Соның нәтижесінде еліміз өкілді билікті жаңа, әділ әрі ашық бәсекеге жол ашатын қағида бойынша жасақтауға көшті» деп атап өткен.Бүгінде жан-жақты саяси жаңғыру процесі жүйелі түрде жүруде. Былтыр наурыз айындағы Президент Жолдауында оның бағыт-бағдары айқындалды. Еліміз дамудың жаңа кезеңіне қадам басып, ауқымды реформалар жүзеге асты.Халқымыз референдумда Ата Заңға өзгерістер енгізуді қолдап, дауыс берді. Ұлттық құрылтайда маңызды мәселелер талқыланып, ел бірлігін нығайтатын тұжырымдар ұсынылды. Парламент пен мәслихаттарды жасақтау тәртібі өзгеріп, Конституциялық Сот құрылды. Президент және Сенат сайлауы өтті.<blockquote>«Бүгін – Тәуелсіз еліміздің тарихындағы айтулы күн. Сайлауда әрбір азаматтың дауысы маңызды. Бұған дейінгі саяси науқандарда ел келешегі жолында бірлік танытқан жерлестеріміз осы жолы да өз таңдауын жасайтынына сенімдімін» деді Н.Нәлібаев.</blockquote>Айта кетейік, аймақта 373 сайлау учаскесі және 486 002 сайлаушы бар.<img src="https://knadmin.beoblood.kz/uploads/nur_aae6110335.jpg" alt="нур.jpg">

Аймақ басшысы сайлауда дауыс берді

<a href="https://kyzylorda-news.kz/">Kyzylorda-news.kz.</a> &nbsp;Бүгін қала әкімі Асылбек Шаменов Мәжіліс және мәслихат депутаттарын кезектен тыс сайлауда №263 сайлау учаскесінде дауыс беріп, өз таңдауын жасады.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды. &nbsp;

Қала әкімі сайлауда дауыс берді

<a href="https://kyzylorda-news.kz/">Kyzylorda-news.kz.</a>&nbsp; Бүгін – кезектен тыс ҚР Парламенті Мәжілісі және мәслихат депутаттарының сайлауы. Жалағаш ауданында 23 сайлау учаскелері мен 20 434 дауыс беруге құқығы бар сайлаушы бар.Сайлау учаскерлерінің жұмысы таңғы сағат 7.00-ден бастап 20.00-ге дейін жалғасады. Қаракеткен ауылының тұрғындары еліміздің баянды болашағы, бақытты өмірі үшін саяси науқанда бір кісідей дауыс беруде. №134 сайлау учаскесіне дауыс беруге келіп жатқан сайлаушылардың арасынан ең алдымен көзімізге түскені қаракеткендік жас Данияр Есқали. Данияр биыл кәмелет жасына толып, маңызды саяси науқанда өзінің азаматтық позициясын танытып, ел болашағы үшін таңдауын жасауды жөн көріпті. Жас сайлаушы Қызылорда қаласындағы «Қызылорда Ашық» университетінде «заңгер» мамандығы бойынша жоғары білім алады.<blockquote>– Ел болашағы – жастардың қолында» деп Президентіміз айтқандай, әрбір жастың дауыс беруі маңызды. Сол себепті 1 күн демалыста оқудан арнайы дауыс беруге ауылыма келдім. Саяси науқанда белсенділік таныту мен үшін өте маңызды қадам. Бала күнімде ата-анам мені ылғи сайлауға ертіп баратын. Сондықтан тез 18-ге толып, ата-анам секілді мен де сайлауға қатысып, өз таңдауымды жасауға асығатынмын. Міне, кәмелет жасқа толып, саяси науқанда ауылдағы ағайындармен бірге туған жерімнің болашағы үшін таңдауымды жасадым. Әрине, қуаныштымын. Саяси шарадағы ауылдастарымның ауызбіршілігін көріп, бойымда мақтаныш сезімі оянды. Елімізде амандық, бейбітшілік болсын, – дейді Данияр Елеусінұлы.</blockquote>Отбасында 3 ағайынды, Данияр – үлкені. Келешекте оқуын үздік бітіріп, туған жері үшін еңбек етуді өзіне мақсат етіп те қойыпты. Айта кетейік, аудан бойынша саяси шарада алғаш дауыс беретін 18 жасқа толған 155 жас сайлаушы тіркелген.&nbsp;

Жалағашта 23 сайлау учаске өз жұмысын бастады

<a href="https://kyzylorda-news.kz/">Kyzylorda-news.kz.</a> Қазалы ауданының тұрғындары таңғы сағат 7.00-ден бастап өз сайлау учаскесіне келіп, дауыс беруде. Маңызды сәтке жауапкершілікпен қарап, ең алғашқы болып дауыс беруге келген тұрғынның бірі Сайлау Кәдірбай.&nbsp;<blockquote>«Мен азаматтық борышымды өтеп, дауыс беруге келдім. Әрбір азамат сайлауға келуге міндетті. Бұл Қазақстанның болашағы үшін, өзіміз үшін өте маңызды деп ойлаймын. Сондықтан да бүгін өз таңдауымды ерте келіп жасадым», - дейді белсенді тұрғын.</blockquote>Ең бірінші болып келіп, белсенділік танытқан азаматқа №62 сайлау учаскесінің төрағасы Ерік Дәкенов иығына шапан жапты.

Қазалыда ең алғашқы дауыс берушілерге сыйлық табысталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Әл-Фараби атындағы Оқушылар сарайында орналасқан сайлау учаскесіне барып, Қазақстан Республикасы Мәжілісі мен жергілікті мәслихаттар сайлауында дауыс берді, деп хабарлайды Ақорда.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.<figure class="media"><div data-oembed-url="https://youtu.be/94BSou6t81g"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/94BSou6t81g" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>&nbsp;

ҚР Президенті Мәжіліс пен мәслихаттар сайлауында дауыс берді

<a href="https://kyzylorda-news.kz/">Kyzylorda-news.kz.</a> Саяси науқанда Қызылорда өңірі бойынша сағат 6.00-де 11 учаске ашылды.&nbsp;Қазақстан Республикасы Ұлттық ұланы "Оңтүстік" өңірлік қолбасшылығы 5547 әскери бөлімінің 304 сарбазы мен қызметкері өз дауыстарын беруде.Айта кетейік, өңірде 373 сайлау учаскесі және 486 002 сайлаушы бар.

Қызылордада 373 сайлау учаскесі және 486 002 сайлаушы бар

<a href="https://kyzylorda-news.kz/">Kyzylorda-news.kz.</a> Сайлауда дұрыс таңдау жасау елдің ертеңін еңселі этеді.&nbsp;Жасы жүзден асса да, екі ғасырдың дәмін татқан тәтті өмірге құлшынысын жоғалтпаған, болашақ үшін алаңдайтын, Ұлы Отан соғысының ардагері Яхия Тасыров алғашқы болып №155 сайлау учаскесінде дауыс берді.

Қызылордада 100 жастан асқан ҰОС ардагері сайлауда алғашқы болып дауыс берді

<a href="https://kyzylorda-news.kz/">Kyzylorda-news.kz.</a> Саяси науқанда Қызылорда өңірі бойынша сағат 6.00-де 11 учаске ашылды. «Құмкөл» кенішіндегі ауысыммен еңбек етіп жатқан азаматтар таңмен таласа келісіп, өз дауыстарын берді.Ауысыммен жұмыс істейтін мұнайшылар бір мезетте өз таңдауын жасап, азаматтық белсенділігін таныта білді.Айта кетейік, өңірде 373 сайлау учаскесі және 486 002 сайлаушы бар.

«Құмкөл» кенішіндегі мұнайшылар сайлауда дауыс берді

<a href="https://kyzylorda-news.kz/">Kyzylorda-news.kz.</a> Бүгін - кезектен тыс ҚР Парламенті Мәжілісі және мәслихат депутаттарын сайлау күні.Қызылорда өңірінде 373 сайлау учаскесі қызмет етеді. Онда 486 002 сайлаушы тіркелген.Таңғы 6.00-де алғашқы 11 учаске ашылып, өз жұмысын бастады.

Қызылорда облысында 11 учаске таңғы 6.00-да ашылды

<a href="https://kyzylorda-news.kz/">Kyzylorda-news.kz.</a> Наурыз – көктем мейрамы және орталық азия халықтарының жаңа жылы. Бұл мереке бірнеше мың жылдан бері түркі халықтарымен аталып келеді. Көне парсы тілінде «наурыз» жаңа айдың бірінші күні дегенді білдіреді. Бұл айды соғдылықтар «наусарыз», хорезмдіктер «наусарджи», армяндар «навасарди», чуваштар «норас-ойахе» деп атаған.Өкінішке орай, ғасырлар бойы жалғасқан қасиетті мерекені тойлау кеңес заманы кезінде тоқтатылды. Елімізде де жылдар бойы бұл діни мереке деп саналып, тыйым салынды. Соңғы рет 1926 жылы тойланған Наурыз мейрамы елімізде 1998 жылдан бастап &nbsp;қайтадан ресми түрде аталып өте бастады. 2001 жылы Наурыз мейрамы мемлекеттік мереке ретінде жарияланды. Күн мен түннің теңеліп, жан-дүниені тірілткен, шаруаның бір малы екеу болып, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз еліміздің зор ықыласпен тойланатын нағыз халықтық сипаттағы салтанатына айналды. Бұл халқымыздың, тәуелсіздігіміздің ең негізгі тамырының бірі болып саналады.Наурыз айында көңілінде кірбіңі барлар татуласады, адамдар бір-бірінің үйіне барып, құтты болсын айтады, бұлақ көзін ашады, алдын ала үйін, ауласын кір-қоқыстан тазартады. Наурызды «жыл басы» деп танығанымен, оның барша болмысын, философиясын жыл алмасумен шектемейді. Осы күндері дүниеге келген сәбилерге Наурызбай, Наурызгүл сынды есімдер беріледі. Жер иесі – Қыдыр ата елді, үйді аралап, бақыт сыйлайды, бата береді деген сенім-наным бар.&nbsp;Дәстүр бойынша бұрын Наурыз мейрамын бүкіл ауыл, ел болып, әсіресе жастар жағы түгелдей таң шапағатын қарсы алып, арықтарды тазалап, су жіберуден, ағаш отырғызып, гүл егуден бастайды. Бұл мерекеде жер-жерде ат бәйгесі, көкпар тарту, қыз қуу, палуандар күресі тектес ұлттық ойындардан сайыстар ұйымдастырылады. Наурыз мейрамында әркім жылы шырай сезіне бастап, сағынышты көрісулерімен, жалынды құшақтасуларымен жаңа жылды қарсы алады.Соңғы жылдары еліміз Наурыз мейрамын тек бір күн ғана атап өтпей, тұтас наурыз айын осы мерекені атап өтуге арнаған. Мейрамда тек ішіп-жеумен ғана шектелмей, болашақ ұрпақ үшін өнеге болатындай, ел руханияты мен мәдениетін байытатын іс-шаралар өзкізіледі. Яғни қазіргі таңда ұмыт болған салт-дәстүрлерімізді қайта жаңғыртып, қазақи нақыштағы ұлттық киімдерімізді киіп, сән-салтанатымен тойлайды.&nbsp;Осы орайда ауданымызда апта басынан бастап Наурыз мейрамын ерекше форматта атап өту қолға алынған. Сәрсенбіде қазақылықтың қаймағы бұзылмаған Жалағаш ауданында Таң, Бұқарбай батыр мен Ақсу ауылының тұрғындары кент орталығын дүбірлі думанға толтырды. Елді мекен өнерпаздары «Өңір салу» салтын сахналап, кент тұрғындарына қазақ халқының кереметтей ата салтын насихаттады. Сонымен қатар жеті нан пісіріліп, тамашалуға келгендер наурыз көжеден дәм татты.Жалпы, қазақ халқы салт-дәстүрге бай. Әрбір жөн-жоралғының мән-мағынасы, астарында үлкен ой жатыр. Әрбірінің орындалатын орны, уақыты, өз ережесі бар. Мәселен үйлену тойының өзін ғана алатын болсақ, бірнеше сатыға бөлінген салт-дәстүр, рәсімдерден тұрады. Оның әрқайсысы той барысында өз ретімен, орнымен орындалады. Біздің заманымызда ескілікте қалып, ұмыт болған салт-дәстүрлер де бар. Соның бірі – өңір салу жоралғысы. Өңір салу – қазақ халқының көне дәстүрінің бірі. Бүгінгі күнге дейін сақ-талғанымен тек кейбір өңірлерде ғана орындалады. Саты-сатыға бөлінген той дәстүрлерінің ішінде бұл рәсім тойдан кейін өтеді. Келін түсірген үйге әулеттің үлкен-кіші әйелдер қауымы шашу шашып келеді. Өңір салу кәде-сый беру жоралғыларының тізімінде. Салттың негізгі мақсаты – жас отауға қамқорлық жасап, сый құрмет көрсетіп, аз да болса тұрмыстық жағдайға көмек беру. Уақытында көбінесе тұрмыстық заттар, қыз балаға арналған бұйымдар, киім-кешек және тағы басқа дүниелер әкелінген. Өңірге – әркім өз қолында барын, жағдайы жететін затын апарады.&nbsp;Бұл дәстүрге келгендерді үй иесі малын сойып, дастарқан жайып, қонақ қылады. Рәсім соңында келіннің қайын жұртынан келген қоржынынан сарқыт таратылады. Бұл баршаға жұғысты болсын деген ырымды білдіреді.<blockquote>«Керемет мейрам, наурыз көжеден дәм татып, қызықты, тәрбиесі мол қойылымды да тамашаладық. Ұйымдастырушыларға үлкен рақмет. Келген халық көтеріңкі көңіл-күймен тарқасуда. Өзіме өңір салу салты өте қатты ұнады. Қазақтың қай дәстүрін алып қарасаң да, астары терең, тәрбиесі мол ғой. Жас отбасы тезірек аяққа тұрып кетсін, ел қатарына қосылсын деген ниеттен туған осындай дәстүрді жаңғыртып, жалғастыру керек деп ойлаймын», – дейді Жалағаш кенті тұрғыны Аружан Төлеген.</blockquote>Аудан тұрғындары Наурыз мейрамында қазақ болмысына тән көріністерге куә болды. Күйбең тіршіліктен мезі болған халық сән-салтанаты жарасқан шарадан көтеріңкі көңіл-күйде тарқасты. Ауыл өнерпаздары сомдаған қойылымнан рухани азық алып, ұмыт болған салтқа екінші &nbsp;мәрте дем берді. &nbsp;

Жалағашта ата дәстүр қайта жаңғырды

<a href="https://kyzylorda-news.kz/">Kyzylorda-news.kz.</a> Көктемнің алғашқы күнінде алғыс айтсақ, орта шенінде көрісу күнін қарсы алып, тіршілікке нәр берген шұғылалы мезгілдің кереметін сезіне түстік. Иә, қазақ халқы үшін көктем жаңа өмірдің бастауы іспетті. Сондықтан бұл мезгілді қазақтар ежелден ерекше тұтады. наурыз мерекесінен басқа көктемнің құрметіне арнап жасалатын көне наным-сенімдер негізінде қалыптасқан дәстүр мен амалдың бірі – «көрісу» күні, яғни «амал» мерекесі.«Көрісу» немесе «Амал» мерекесі хақында не білеміз? Әсіресе еліміздің батыс өңірінде сақталып қалған бұл дәстүрдің тарихы бірнеше ғасырдан бастау алады. Сол уақыттан бері наурыз айының 14-і «Көрісу күні» болып белгіленген. Ал ұлттық мереке Наурызды халық «Көрісу» амалынан кейін тойлайды.&nbsp;Тарихшылар бұл айтулы күннің шығу тарихын былайша түсіндіреді. Төрт түлік малының жайын жасаймын деп ұлан-ғайыр даланың әр пұшпағын қыстап отырған көшпенді халық қаһарлы боранда бірінің үйіне бірі бара алмай, жүзін көре алмай, тек қар көбесі сөгіліп, күн ұзарып, көктем шыққанда ғана көріскен көзайым қуанышынан қалыптасып дәстүрге айналып кеткен деседі. Сондай-ақ тарихшылар «Амал» күнінің дәл 14 наурызда атап өтілу себебін де Шығыс елдерінің &nbsp;күнтізбесінде наурыздың басталуы амал айының 1 жұлдызы болып есептелетінін, ал амал – Тоқты шоқжұлдызының ескі парсыша атауы екенін, Тоқты шоқжұлдызы күн мен түн теңелгенде туатынын, яғни осы күні амал кіріп және бұл мереке наурыз айының соңына дейін жалғасатынын айтады.Бұл күні ағайын-туыс, көрші-көлем, ауыл-аймақ бір-бірінің үйіне кіріп сәлем беріп, құшақтасып көрісіп, мәре-сәре болып жатады. Әсіресе жасы кішілер үлкен шаңырақтағы қарт кісілерге арнайы барып, сәлем беріп батасын алса, балалардың өзі бір-біріне сый-кәде ұсынады. Иә, қанша уақыт өтсе де айтулы күнді атап өтудің маңызы артпаса, мерекенің бұл түрі өз құнын жоғалтпасы анық. Бұл сөзімізге өткен сан ғасырлар дәлел болары сөзсіз. Себебі «Амал» мерекесі немесе «Көрісу» күні – қазақ халқының ежелден келе жатқан мерекелерінің бірі. Бұл – халқымыздың ұлттық болмысын паш ететін, жастарға ұлағатты тәрбие беретін ұлық мереке. Бұлай дейтініміз көрісу, қауышу деген – қай заманда да, қай қоғамда да қасиетті ұғым, жақсылықтың, ізгіліктің нышаны. Бірі-бірін сыйлайтын, құрметтейтін, бірін-бірі сағынған адамдар ғана көріседі. Күнделікті өмірдегі бірі-бірінің ренішін кешіреді, өкпе-назын көтереді, ұмытады.&nbsp;Жалпы Наурыз мейрамы ежелден жаңару мен жасампаздықтың, ырыс пен берекенің арқауы болған. Көктің тынысын тыңдап, жердің тамырын басқан, тұрмыс-тіршілігін табиғатпен байланыстырған халқымыз наурызды жақсылықтың бастауы деп білген. Ежелгі тәуелсіз мемлекетіміздің қалыптасуымен бірге жаңғырған наурыз мейрамы көпұлтты Қазақстан халқы үшін сүйікті мерекеге айналып, бірлік пен ынтымақтың, саяси тұрақтылықтың нығаюының негізі болды. Бұл күн мен түннің теңелген күні, молшылықтың мерекесі елімізге береке, байлығын ала келсін. Қазақтың салт-дәстүрі мен әдет-ғұрпы, ұлттық ерекшелігі айқындалатын бұл мейрамды жыл сайын асыға күтеміз. Бір-бірімізге ақ тілек тілеп, ұлыс оң болсын, ақ мол болсын, қайда барсаң жол болсын деп алдағы келер күндерден ырыс пен молшылық, береке-бірлік, татулық пен шынайы мейірімділіктің ыстық ықыласын ақтаратын да осы – Наурыз мейрамы. Қашаннан халқымыз күн мен түннің теңелгенін жақсылыққа жорып, жыл басы деп санаған.&nbsp;Әдетте жұрт бар жақсысын мейрам күні көрсетеді, жаңасын иығына іледі, дәмдісін дастарқанға қойып, өнерін ортаға салады. Дәл бүгін салт-дәстүрлеріміздің жаңғыратын күні. Осының аясында Наурыз айының 14-і күні жалағаштықтар ерекше мән-маңызға ие «Амал» күнін қарсы алды. Мереке қарсаңында екі күн қатарынан Жалағаш кентіндегі орталық алаңда «Көне дәстүр күмбезі» атты мерекелік шара ұйымдастырылды. Ұлттық нақышта безендірілген сахна мен сән-салтанаты келіскен өнерпаздардың өнеріне, қойылымдарына куә болған аудан халқы «Амал» мерекесінің мән-маңызын тереңінен түсіне түсті. Алғашқы күні ауданға қарасты Аққұм, Жаңадария, Есет батыр, Еңбек ауылдық мәдениет үйлері «Сүйіндір» салтын сахналаса, Т.Жүргенов, Мәдениет, Аққыр мен Жаңаталап ауылдарының клуб ұжымы «Қазық майлау» салтының тарихы мен қолданыстағы маңызын қойылыммен жеткізе білді.&nbsp;Мәселен «Сүйіндір» салты бойынша келіншек босанғаннан кейін оның анасы кәде, &nbsp;жорасын алып &nbsp;әдейі &nbsp;келуге тиіс. &nbsp;Бұл – қалыптасқан &nbsp;салт және &nbsp;ананың міндетті парызы. Мұны &nbsp;қызын &nbsp;қияға &nbsp;қондырған әр қазақ әйелі &nbsp; білуге &nbsp;және орындауға &nbsp;міндетті. &nbsp;Ана болған &nbsp;өз баласының қасында болып, оған &nbsp;рухани &nbsp;күш беріп, сенім туғызып, күту жолдарын үйретеді, ақылшысы, сүйеніші, қамқоры болады. Құда-құдағиларының немерелі болған &nbsp;қуанышына &nbsp;ортақтасады, &nbsp;нәрестеге &nbsp;арнаған &nbsp;бұйымдардың, сәлем-сауқатын ұсынады. Құрметті қонағы болады. Перзентті болған қызына &nbsp;анасының &nbsp;баруы &nbsp;ежелден &nbsp;келе жатқан жоралғы екенін &nbsp;жұрт¬тың &nbsp;бәрі де растайды. &nbsp;Бізде осы салтты «сүйіндір» деп атады.&nbsp;Қазақта босанған жас анаға арналатын тағы бір жақсы салт – келінге қалжа жегізу екенін білеміз. Бұрынырақта келін босанған соң қырық күн бойы оны күтіп, күнде жақсы, құнарлы тағамдармен тамақтандырған. Сорпа ішіп, тамағының тойымды болуы қадағаланған. Мұны жаңа туған сәбидің де денсаулығын, сау болып өсуін ойлағаннан жасаған. Өйткені ана сүтінің құнарлы, құнарсыз болуы баланың денсаулығына тікелей әсер етеді. &nbsp;Қалжаның күнделікті желінетін еттен айырмашылығы – ол жас босанған ана мен баланың сыбағасы. Қалжа, біріншіден, дүниеге келген нәрестенің құрметіне арналса, екіншіден, жас анаға дүниеге перзент әкелгені үшін арнайы сойылатын болған. Күнде келінге сорпасын ішкізіп, етін жегізіп отырғандықтан, жас босанған ана өзінің жоғалтқан күш-қуатын осы қалжа арқылы қалпына келтіреді. Босанғаннан кейінгі күтімге қалжаның тигізер пайдасы ұшан-теңіз. Қалжа жеп, жас сорпа ішкен келіншектің сүті де маңызды, құнарлы болады. Баланың тез ет алып өсуіне әсер етеді. Қалжаның келінге қырық күн бойы берілуін енесі қадағаласа, ал аудан жұртшылығы тамашалаған «Сүйіндір» салтын босанған жас ананың өз анасы орындайды.&nbsp;Орталық алаңда азан-қазан мерекелік көңіл-күймен, ұлттық салт-дәстүрлерді жаңғыртқан елді мекендердің мәдениет үйлерінің ұжымы ұлттық тағам «Наурыз көжеден» де дәм татырды. Жиылған жұртшылық тіршілік жаңарып, жақсылыққа бастайтын Ұлыстың Ұлы күнінің алғашқы көжесінен де ауызтиіп, ұмытыла бастаған дәстүрлердің маңызын тағы бір еске алды. Ел мерейін үстем еткен өнерпаздарға көрермендер ықыласы ерекше болды. Қазан асылып, жеті күлше таратылып, ұлттық дәм наурыз көже барша көрермендерге үлестірілді. &nbsp;

Жалағашта амал мерекесі тойланды

<a href="https://kyzylorda-news.kz/">Kyzylorda-news.kz.</a> Көктемнің алғашқы сенбісінен бері аудан орталығында және ауданға қарасты кент, ауылдық округтерде жаппай санитарлық тазарту іс-шарасы ұйымдастырылуда. Сенбілікке мекеме қызметкерлері мен аудан тұрғындары бір кісідей атсалысып, әрбір ұжым бөлінген аумақтарда, көшелерде тазалық жұмыстарын жүргізіліп келеді. Өңірдің өркендеуін, елді мекеннің мұнтаздай таза болуын ортақ абырой деп білетін аудандағы барлық мекеме ұжымы жол жиегіндегі арықтарды күл-қоқыстан арылтып, сенбілік жұмыстарының қарқын алуына өз үлестерін қосуда.Жалпы бала күнімізде анамыздан жиі еститініміз «Тазалықты әуелі есіктің алдынан, кіреберістен бастаңдар!» деген сөз еді. Сонда «Адам бірінші анау төрден бастап ауызға дейін жинастырмайды ма?» дейтінбіз іштей. Ол кездегі үлкендердің осы сөзі біз үшін қате сияқты көрініп, реттілікпен тазалаған дұрыс емес пе деп өзімізше айтушы едік. «Ананың көңілі балада» деп тегін айтылмаған ғой, сонда әлгі сөздің өзі біз үшін үлкен тәрбиенің өзегі екенін түсінбеппіз.&nbsp;Иә, тазалықты кіреберістен, өз аулаңнан бастаудың өзі тегін емес. Сырт көз сыншы демекші, көзге томпақ келетін кедір-бұдырды, аяғыңа оралатын күл-қоқысты, болмашы кемшілікке біздің көзіміз үйреніп кеткенімен, сырттан келген адам үшін айна-қатесіз көрініп тұратыны рас. Мейман келе жатқаннан аулаңа, кіреберісіңе қарайды. Егер тап-тұйнақтай болса сүйсініп келіп, сүйсініп кетеді. Ал осындай абырой бәрімізге ортақ. Өйткені бұл киелі мекенде сіз бен біз өмір сүрудеміз. Артығы да, кемшілігі де, сын да бізге айтылады, сөз де өзімізге тиеді. Сондықтан әр тазалық маусымы болған сайын «Тазалықты өз аулаңнан баста» деген қағиданы, ұранды үндеуді көп айтатынымыз, жиі еститініміз де содан. Қазақ «Көп түкірсе көл» дейді ғой, әрбір тұрғынның өз ауласынан бастаған тазалық жұмысы кентіміздің гүлденуіне үлкен үлес қосады.&nbsp;Аудан орталығындағы көркейту-көгалдандыру жұмыстары, тазалық айлығы басталып кетті бүгінде. Тазалыққа тастай талап керек екенін, өзіміз тұратын өлкенің күл-қоқыстан таза болуын, кез келген келеңсіздіктің ұяты өзімізге келетінін жете түсінетін кент тұрғындары тазалық маусымында бір кісідей атсалысуда. Осының ізімен әр сенбі сайын аудан орталығында және ауданға қарасты кент, ауылдық округтерде жаппай санитарлық тазарту іс-шарасы өтіп келеді. &nbsp;Әрбір ұжым бөлінген аумақтарда, көшелерде тазалық жұмыстарын жүргізуде. Өңірдің өркендеуін, елді мекеннің мұнтаздай таза болуын ортақ абырой деп білетін аудандағы барлық мекеме ұжымы жол жиегіндегі арықтарды күл-қоқыстан арылтып, сенбілік жұмыстарының қарқын алуына өз үлестерін қосуда. Біріміз беліміз еңкейгенше жерді тырмаласақ, енді біріміз жанымызды салып сол қоқысты тасимыз. Тіпті отбасындағы тірлігін жиып қойып сенбілікте белсенділік танытып жүретін аналарымыз да аз емес. Әрине, мұның бәрі тазалық үшін, түптеп келгенде өзіміз үшін. Алайда бір биеден ала да туады, құла да туады демекші, қоғам болғасын әртүрлі көзқарастың болуы да заңдылық. Тазалық барлығына ортақ екенін білсе де, жауапкершіліктен жалтаруды құп көретіндер табылып жатады. &nbsp;Халық тарапынан кентті абаттандыру жұмысы туралы сөз болғанда айтылатын бір ғана жауап ол – әрбір үй иесінің тазалықты өз ауласынан бастауы. Бірақ қол қусырып қарап отырмау керек, әрекет етуге тиіспіз. Кенттің көркейіп-көгалдануы тек қаражатқа келіп тірелмейтінін түсінуіміз керек. Яғни өңірдің әрбір күл-қоқысын тазарту екі қолдың көмегімен жасалатын іс. Біле білсек, сол күл-қоқысты тастайтын өзіміз, әр ауланың айналасына тұрмыстық қалдықтарды жинап қоятын да өзіміз, қала берді адам аяғы басуға болмайтын кір суын да төге салатын сол тұрғындардың өздері. Қазір аудандағы әрбір мекеме ұжымы тазалық маусымында табандылық танытып жатқанын көріп отырмыз. Енді әрбір сенбілікке жергілікті тұрғындар да өз үлестерін қосқаны абзал. Әрбір адам өзі тұратын үйдің ауласы мен көшелердің көркеюіне және тазалығына мән берсе, күл-қоқыстармен келетін түрлі инфекциялық аурудың болмасы да анық. Әсіресе көше бойына қойылған қоқыс жәшігіне салынатын қалдықтардың тиісті жәшіктің ішіне салынуы, жәшік толған жағдайда жауапты мекеменің уақытында тазартып отыруы да үлкен септігін тигізеді.&nbsp;Жалпы жеке тұрғынның меншігіне қарасты аула әркез таза болса, сенбілік жұмыстарына білек сыбана кіріскен мекеме қызметкерлерінің де жұмысы жеңілдейді. Ал ауламыз таза, кентіңіз көркейіп тұрса онда бәріміз үшін ортақ мақтаныш. Ал тазалықты өз ауламыздан бастау, сенбілік жұмыстарына бір кісідей атсалысу ең бастысы жауапкершіліктен жалтармау керек.

Қазақстан және Қызылорда облысының жаңалықтары