Жаңақорғандық жас кәсіпкерлер жаңа мүмкіндікті кеңінен пайдалануда

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов Тәжікстан-Ауғанстан учаскесіндегі Тәуелсіз Мемлекеттер Достастығының шекарасын қорғауды күшейту жөніндегі мемлекетаралық шарттар мен келісімдерге сәйкес міндеттерін орындаған әскери қызметшілермен кездесіп, құрмет көрсеткен болатын. Кездесуге аудандық мәслихат хатшысы, ардагерлер кеңесінің төрағасы, қоғамдық кеңес төрағасы, қорғаныс істері жөніндегі бөлімінің бастығы, полиция бөлімі мен бірқатар бөлім, мекеме басшылары және ауыл әкімдері қатысты.<blockquote>«Бүгін біз 1995 жылғы 7 сәуірде Тәжік-Ауған шекарасында қаза болған қазақстандық бітімгершілерді еске алудамыз. Сіздер әрқайсыларыңыз өліммен бетпе-бет келіп, қасқайып тұрып, өз әскери борыштарыңызды лайықты түрде орындадыңыздар. &nbsp;Ерлік туралы үнемі айту қажет. Себебі, оны соғыс және бейбіт күндері айтатын уақыты және орны бар. Интернационалшылардың ерлігі мәңгі жүрегімізде сақталады. Қазақстан әскери қызметшілерін Тәжікстанда еске алып, құрмет тұтады. 1993-2001 жылдары болған Тәжік-Ауған шекарасындағы қарулы қақтығысқа 8500 қазақстандық қатысып, өздерінің интернационалдық және жауынгерлік борыштарын адал атқарды. Көптеген жауынгерлер оққа ұшып, жат жерден топырақ бұйырды. Із-түзсіз кетіп, мүгедек болып оралғандары қаншама?! Оларды ұмытпау, ерліктерін ұрпақтан ұрпаққа жеткізу – біздің мақсатымыз. Біздің ауданымыздан 20 жауынгер қатысып, өздерінің отан алдындағы борышын адал өткеріп келді. &nbsp;Өздерін бейбіт күннің құрбаны қылған жауынгерлердің ерен ерліктері қанша уақыт өткеніне қарамастан, ел есінде, ұрпақ жадында сақталуы тиіс» деді Асқарбек Есжанов.</blockquote>Кездесу барысында Жалағаш ауданының әкімі Тәжік-Ауған шекарасындағы ұрыс қимылдарына қатысып, ерлік көрсеткен ардагерлерді марапаттап, шекара шебінде ерлікпен қаза тапқан азаматтардың құрметіне Жалағаш кентіндегі «Тағзым» аллеясына ескерткіш орнататылатынын жеткізді. Бүгінгі күннің батырларының құрметіне арнайы кездесулермен қатар аудандық деңгейде спорттық іс-шаралар ұйымдастырылуда.&nbsp;

Жалағаш ауданында ерлік көрсеткен ардагерлер құрметке бөленді

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы бойынша Қылмыстық-атқару жүйесі департаментіне қарасты №68 мемлекеттік мекемесінде 86 бақылаушы қызмет етуде. Олардың атқаратын қызметі қандай? Нендей шаруаның басында жүр?Аймақтағы Қылмыстық-атқару жүйесі департаментіне қарасты №68 мемлекеттік мекемесіндегі ең маңызды іс бақылаушыларға жүктелген. Өйткені, бақылау күшейтілген мекемеде тәртіп берік орнайтыны белгілі. Сондықтан осы мекеменің &nbsp;көп қызметін &nbsp;бақылаушы лауазымындағы қызметкерлер атқарады. Орындаушылық жұмысты атқаратын кіші басшы құрамда бүгінгі таңда 86 бақылаушы қызметкер бар. Олар қадағалау және күзету бойынша бақылаушыларға бөлінеді.&nbsp;<img src="https://knadmin.beoblood.kz/uploads/kazh_ac567601d2.jpg" alt="каж.jpg">Қадағалау бойынша &nbsp;қызмет атқарып жүрген бақылаушылардың дерлігі күндізгі ауысымға түседі. Бақылаушылар үшін жұмыс жарты сағат ерте басталады. Себебі сағат 8:00-ге дейін оларға қызметтік міндеттемелері түсіндіріліп, нұсқаулықтар беріледі. Бұл бақылаушылар мекеме қамауындағы &nbsp; азаматтарды &nbsp;асхана, медицина бөліміне, жұмыс орындарына, адвокат, тергеушілерімен кездесуге, таксафонмен сөйлесуге, дүкеннен сауда жасауға, санитарлық бөлімге қаралуға апарып, алып келеді.Сырт көзге бұл жұмыс қарапайым көрінгенімен, аса сақтық пен тәртіпке бағынып жұмыс жасауды талап етеді. Қылмысқа тартылған заң бұзушылармен жақын қарым-қатынасқа түспей, барлық іс- әрекеттер мен түсіндірме жұмыстарын &nbsp;заң аясы шеңберінде атқару керек. Сондай-ақ, айыпталушылар мен сотталғандар тарапынан ешқандай да заңбұзушылыққа жол бермеу мақсатында күнделікті жұмыс барысында &nbsp;әр бақылаушы &nbsp;кеуде тұсында бейнетіркеу тағып жүреді. Өйткені, бақылаушылар қамаудағыларды бақылап қана қоймай, оның іс-әрекетінің сөз мәнерін, көңіл күйін де қадағалап отырады.&nbsp;Ал бейнетіркеулердегі жазбалардың &nbsp; ұзақ жылдарға темір торға тоғытылғандар арасында қандай да бір қылмыстың алдын алуға себепкер болады. Біздің тергеу изоляторына бақылаушылық қызметте &nbsp;тағлымдамашыдан бастап, қатардағы, сержант шеніне дейінгі қызметкерлер жұмыс жасайды.&nbsp;<blockquote>«Жақында ғана бақылаушылар қатары &nbsp;5 тағлымдамашымен толықтырылды. Тергеу изоляторы қауіпсіздігі аралас мекеме болғандықтан, бақылаушылардың жұмыс барысы қиындыққа, қауіп-қатерге толы. Сондықтан бақылаушыларға арнайы сабақ жүргізіліп, ішкі тәртіп, бақылау, қадағалау әрекеттерін оқып үйретеміз» &nbsp;дейді алғашқы &nbsp;еңбек жолын бақылаушыдан бастаған &nbsp;20 жылдық еңбек өтілі бар, бүгінде РжКБ-нің аға корпусшысы, прапорщик М.Арысбеков. &nbsp;</blockquote>

Қадағалау – бақылаушылар қызметінің басты міндеті

<a href="https://kyzylorda-news.kz/">Kyzylorda-news.kz.</a> Би өнері – тілсіз өнер, оның айтар өзіндік мағынасы бар. Мәселен, кей адамдар шаршы топ алдында мүдірмей, еркін сөйлей алса, бәзбіреулер осы тұсқа келгенде күмілжіп қалады. Бірақ бұл адамның бойында өнер жоқ дей алмаймыз. Ол өзінің ішкі сырын жазумен, қолөнермен, музыкамен, бимен жеткізе алады. Жүректегі, ойдағы жазуды би тілімен жеткізу, халықты бұған сендіруе алатын жандар да жетерлік. Осы жағынан келгенде, қолдың, саусақтың, буынның, дененің әр қимылы – сөз.«Қамажайды» білмейтін қазақ жоқ. Қазақ биі дегеніміз – Ш.Жиенқұлованың «Былқылдағы», З.Райбаевтың «Қаражорға», «Келіншек», «Асау ат», «Дауылпаз», «Аққу», «Домбыра» – бұлар тарихы тереңде жатқан қазақ биі туындысының маржандары. Міне осы үдеден табылып, би өнерінің ізін жалғап келе жатқан аудандағы белгілі хореограф Жадыра Алпысбаеваны атап айтуға болады.Білікті биші Жадыра Өміртайқызы 1980 жылы 2 тамызда Жосалы кентінде дүниеге келген. 1997 жылы өзі армандаған Алматы қаласындағы Қыздар мемлекеттік педагогикалық университетінің музыка факультеті, хареография бөліміне оқуға түседі. Алғаш еңбек жолын 2001 жылы аудандық Оқушылар үйінде бастап, бүгінге осы мекемеде «Хореография» үйірмесіне жетекшілік етіп, қыздарды би өнеріне баулып келеді. Өнер әлеміндегі қадамын нықтап басатын маманның шәкірттері қазіргі уақытта сахна төрінде топ жарып жүр. Мұны соңғы уақытта жиі байқап жүрміз. &nbsp;Бүгінде талай додада бақ сынап, халықаралық, республикалық байқауларда абыроймен жүлделі орындарды иеленіп жүрген бишілерді аудан халқы мақтанышпен айтуда. «Жадыра» би үйірмесінде 40-тан астам оқушы бар. Олар жас ерекшелегіне сәйкес 4 топқа бөлініп, әр топта 12 шәкірттен дайындауда. Аудан бишілерінің алған асуы да көп. Алайда шығар биігі әлі алда. Мәселен өткен жылы «Жарқын Болашақ» өнер орталығының ұйымдастыруымен VI Халықаралық «Жарық жұлдыз» атты балалар өнер байқауында «Өзбек биімен» бірінші орынды қанжығалады. Ақтөбе қаласында Шара Жиенқұлованың 110 жылдығына арналған республикалық «Би құпиясы» хореография байқауында «Халық биі» номинациясы бойынша қатысып ІІ дәрежелі лауреат атанды. &nbsp;Сондай-ақ жақында Шымкент қаласында «Кел, билейік» тақырыбында өткен дарынды балалар мен жасөспірімдер арасындағы хореографияның барлық бағыты бойынша фестиваль байқауында &nbsp;өздерінің үздік өнерімен көрермен көзайымы атанып, жүлделі І орынды жеңіп алды. Ол жетекшілік ететін би тобындағы додаға түскен өнерпаздар небәрі 6-13 жас аралығындағы балғындар. Атап айта берер болсақ жетістіктерінің соңы көріне қоймасы анық. Ал кәсіби бишінің біліктілігі, педагогикалық таланты мен игі ісіне деген адалдығы, би өнеріне дайындау жолында қажырлы еңбегі үшін бірнеше рет халықаралық, республикалық хореографиялық фестиваль-байқау комитеті тарапынан алғыс хат пен медальдарға ие болып жүр.– Үйірмеде &nbsp;1-6 сынып оқушылары қатысады. Аптасына 3 рет сабақ өтемін. Жыл сайын үйретілетін биді де жаңартып отырамын. Мысалы, бір жылда 2-3 би түрін дайындап, оны қыздарға үйретемін. Одан әрі жарыстарға апарамыз. Әрине, шәкірттерімді мақтан тұтамын. Республикалық, халықаралық байқауларда, фестивальдерде өз түлектерімнің еңбегін көргенде кеудемді қуаныш сезімі кернейді. Жақында Шымкент қаласынан жүлдемен оралдық. Мұнымен тоқтап қалмаймыз. Қай қалада жарыс өтеді солардан қалыс қалмауа тырысамыз. Маусым айында Алматыда қаласында байқау болғалы жатыр. Бүгінде осыған дайындық үстіндеміз, – дейді үйірме жетекшісі.&nbsp;«Өнерлі жанның өрісі кең» деген емес пе? Ел аралап, талайды тамсандырған бишілер жеңісінің бір парасын жоғарыда әңгімегмізге арқау еттік. Икемді, қозғалысты қиюластыра білген бал¬дырғандар заманауи, ұлттық билер¬ді айшықтап, көрерменін сахнаға қызық-тырып, өнерінің сиқырлы әлеміне енгізіп жүруіне үйірме жетекшінің еңбегі зор.

Қармақшылық хореографтың шәкірттері халықаралық байқауда топ жарып жүр

<a href="https://kyzylorda-news.kz/">Kyzylorda-news.kz.</a> Жалағаш ауданындағы «Ақпан батыр» атына берілген көшеге батырдың ұрпақтары арнайы қоршау салып, тал отырғызып, игі істің басында жүр.&nbsp;Бұл бірлік пен таулықтың үлгісіндей жақсы істің басынан табылған жандардың құптарлық бастамасы. Жақсылыққа жиналған жұртшылық алдымен батырдың рухына Құран бағыштап, адал ниетпен тіршілікке бірлесе кірісті.<blockquote>«Жас ұрпаққа жол сілтейтін, жөн көрсететін біздер. Өткенді ұмытпау, оған құрмет көрсету барша жұрттың міндеті болуы керек. Бүгін міне, жалағаштықтар жиналып, Ақпан батырдың атына берілген көшеге тал отырғыздық, айналасын қоршадық. Барлық іске бір кісідей атсалысып, білек сыбана кірісе кеттік. Ауызбіршілікпен атқарылған істе тындырымды тірлік бар. Жас ұрпақ үлкендерден өнеге алса, олар да өткенін ұмытпай, рухани жан дүниесін байытса дейміз. Батыр рухына қол жайып, Құран бағыштадық. Ендігі жайқалған жасыл желек көп жанға сая болса дейміз» дейді жиналған көпшілік.</blockquote>Айта кетейік, Ақпан батыр Жұмырұлы XVIII ғасыр басында өмір сүрген. Әз Тәуке ханның тұсында, Қалмақтар мен Жоңғарлар арасындағы соғыстарда аса ерлік көрсеткен Қазақ батыры. «Атадан мал қалғанша тал қалсын» дегендей ұрпағының мақтанышына айналған Ақпан батырдың атындағы көше жайқалған саялы ағаштардың мекеніне айналмақ.<img src="https://knadmin.beoblood.kz/uploads/zhall_28c86e032f.jpg" alt="жалл.jpg"> &nbsp;

Жалағаштықтар игі істің басында жүр

<a href="https://kyzylorda-news.kz/">Kyzylorda-news.kz.</a>&nbsp;2023 жылдың 1 қыркүйегінен бастап колледждерде алты бағыт және 16 пән бойынша жаңа үлгілік оқу бағдарламалары енгізіледі. Олардың қатарында педагогикалық, әлеуметтік-экономикалық, техникалық-технологиялық, көркемдік-технологиялық, аграрлық-технологиялық, қоғамдық-гуманитарлық бағыттар бар. Бұл туралы техникалық және кәсіптік білім департаменті басшылығы хабарлады.&nbsp;Жаңа үлгілік оқу бағдарламаларында жұмыс беруші талаптары мен өңір ерекшеліктері &nbsp;ескеріледі және сағат саны мен тақырыптардың мазмұнын 25 пайызға дейін өзгерту &nbsp;көзделген.<blockquote>«Жалпы білім беретін пәндердің оқу бағдарламаларында білім алушылардың ынтасын, қызығушылығын арттыруға мүмкіндік беретін бейіндік бағыт ескеріледі. Ол мамандыққа қатысты кәсіби-танымдық қызығушылықтың дамуына ықпал етеді. Мысалы, «көлем» тақырыбын алатын болсақ, оны зерттеу кезінде арнайы пән мұғалімі сабақты қозғалтқышы бар шеберханада өткізуге болады. Педагог оның қалай жұмыс істейтінін сол жерде көрсетеді, одан кейін студенттермен бірге қозғалтқыш, жану камерасы секілді басқа да элементтерінің сызбасын қарастырады. Маман үшін білім берудің бұл әдісі өте маңызды, бұл тәсілді математиканы оқытуда да пайдалануға», - дейді департамент директоры Ернат Жүнісов.</blockquote>Айта кетейік, колледжге түсетіндердің 80 пайызы 9-сынып түлектері. Олар бірінші жылы жалпы білім беретін пәндерді оқиды. Бұрын колледждер жалпы орта білім берудің үлгілік оқу бағдарламаларына негізделсе, енді пәндер студенттер таңдаған мамандыққа бағдарланған практикалық сабақта оқытылады.

Қызылордада колледж студенттеріне арналған жаңа типтік оқу бағдарламалары әзірленді

<a href="https://kyzylorda-news.kz/">Kyzylorda-news.kz.</a>&nbsp; Музыка маманы шәкіртін мәдени талғамы жоғары етіп тәрбиелеу жолында өнерге үйретеді. Мектеп оқушыларын музыкаға баулуда, оларға эстетикалық білім мен тәрбие беруде әуез пәні мұғалімінің орны ерекше. Ой-санасын рухани мол қазынамен байытып, музыканы ілім ретінде ғана емес, өміріне қажетті өнер ретінде де танытады.Сырдария ауданына қарасты Іңкәрдария ауылындағы №191 орта мектептің әуез пәні мұғалімі Ақгүл Сәрсенбаева – тәжірибелі ұстаз. Оның оқушыларға музыкалық-эстетикалық тәрбие беріп, өнерге деген сүйіспеншілігін арттырып келе жатқанына 27 жыл болды. Ұстаз әрбір сабағында балалардың өнерге жақындай түсуіне, талантты оқушылардың жан дүниесін рухани қазынамен сусындатуға барын салып келеді. Өз ісінің маманы оқушыларды ұлттық аспапты меңгеруге де ден қояды.<blockquote>&nbsp;Музыка пәніне деген қызығушылығым бала кезімнен қалыптасты. Отбасылық жиындарда қолымызға домбыра алып, халық әндерін айтатынбыз. Арнайы білім алған соң менің таңдауым музыка екеніне анық көзім жетті. Шәкірттерге музыка құдіретін ұғындыру, әсемдікке баулу, музыканың тілін меңгерту – ұстаз ретіндегі мақсатым. Қазір балалардың талғамы жоғары. Әр елдің музыкасын тыңдайды. Ал олардың ерек­шеліктерін түсіндіру, көркем мұраларды зерттеу, әрбір оқушының бойына патриоттық сезімді қалыптастыру ізденісті қажет етеді, – дейді білікті ұстаз.</blockquote>Ақгүл Көшербайқызы – Арал ауданының тумасы. Белгілі айтыскер ақын Бекұзақ Тәңірбергеновтың ауылы Шижаға елді мекенінде дүниеге келіп, бала кезінен өнерге жақын болды. Отбасындағы «өнер десе ішкен асын жерге қоятын» жандармен қосылып, домбыра тартып, ән салуды жаны сүйетін. Отбасылық жиындарды әп-сәтте той думанға айналдырып жіберу қазақтың қарапайым қызына қиын соқпайтын. Музыкаға деген сүйіспеншілігінің арқасында жоғарғы білім алған Ақгүл алғашқы еңбек жолын Қызылқұмдағы ауылдан бастайды. Отбасымен Іңкәрдарияға көшіп келіп, 1996 жылы осындағы мектепке мұғалім болып қызметке орналасады.Өз ісінің шебері әуез пәнінен дәріс берумен қатар мектептегі эстетикалық пәндер әдіс бірлестігіне жетекшілік етеді. Бірлестік мүшелерінің әрдайым біліктілігін арттыруға, шығармашылықпен айналысып, оқушылардың жан-жақты тәрбие алуына атсалысады. Өнер мен білімді ұштастыруда алдынан жан салмайтын білікті педагог Ақгүл Сәрсенбаева білім ошағында өтетін барлық іс-шаралардың бірден-бір ұйытқысы.Білікті маманның ізденімпаздығының арқасында өнерлі балаларға арнап «Балдәурен» үйірмесін ұйымдастырды. Үйірме мүшелері ән мен жыр үйреніп, сан түрлі байқауға дайындалып, мәдени-көпшілік іс-шараға қатысады. Шығармашыл ұстаз «педагог-сарапшы» ғылыми дәрежесін алды.Ұзақ жылғы еңбегінің жемісі ретінде Ақгүл облыстық білім басқармасының Құрмет грамотасымен марапатталды. Ауданда «Үздік әуез пәні мұғалімі – 2020» сайысының жеңімпазы болды. Республикалық «Тәуелсіздікке тарту», «Абай мұрасы», «Дала сазы», «SMАRT art», «Берекелі, мерекелі Алтын күз» атты республикалық байқаулардан шәкірттері жүлделі орындар алып, ұс­таз мерейін үстем етті. Шығармашылығын шыңдау мақсатында републикалық «Өнер әлемі» журналына «Айтыс өнері» тақырыбында &nbsp;ашық сабағы жарияланып, авторлық бағдарламасы жарық көрді.<blockquote>&nbsp;Шәкірттерінің жүрегінен орын алған музыка пәнінің мұғалімі Ақгүл Сәрсенбаева оқушының музыкаға деген қызығушылығын арттыру мақсатында әрбір сабағын ұтымды ұйымдастырады. Ақгүлдің өзіне тән еңбексүйгіштік, адам­гершілік шынайы қасиетімен бірге &nbsp;коммуникативтік және ұйымдастырушылық деңгейдегі үйлесімділік қа­сиеті бар. Оған қоса мейірбан, жауапкершілігі мол, әріптестері мен оқушылары, ата-аналары арасында еңбегі сіңген беделге ие ұстаз, – дейді әріптесі, мектеп психологі Жанар Шахаева.&nbsp;</blockquote>Ақгүл – отбасында сүйікті ана, аяулы әже. Қызы – Шырайлым автокомпанияда менеджер, екі жиен сүйгізіп отыр. Ал ұлы Нұртуған анасының ізін қуып музыкалық колледжде баян сыныбын тәмамдады. Ауылдық клуб үйінде мәдени ұйымдастырушы болып жұмыс істейді. Жоғарғы білім алу мақсатымен Нұртуған Қызылорда қаласында Қорқыт ата атындағы университетте оқиды.Аяулы ұстаз әрбір жетістігін ұзақ жылғы ізденіс пен шығармашылықпен байланыстырады. Білім көшін ілгері жылжытып келе жатқан, шырақ отын маздатқан ұстаздың еңбегі қашан да бағалы. &nbsp;

Саз өнерінің білгірі

<a href="https://kyzylorda-news.kz/">Kyzylorda-news.kz.</a> Жалағаштықтар соңғы жылдары бұрын өңірде қолға алынбаған кәсіп түріне қадам басып, алды бұл бағытта өнімдерін нарыққа шығарып жатыр. Жергілікті кәсіпкерлер тың жоба қолға алынған жерде табыстың еселенетінін жете түсінген. Тұтынушының сұранысына сай өнім өндіріп, бүгінде ішкі нарықты қамтамасыз етіп отырғандар қатарында Асхат Ермекбаев та бар.&nbsp;Аудан тұрғыны «SinPro» сауда белгісімен тосол, антифриз тәрізді суыққа төзімді сұйықтықтар шығара бастады. Жеке кәсіпкер Асхат Ермекбаев өңірде болмаған тың кәсіпті мемлекеттік бағдарлама арқылы жүзеге асырып отыр. Ол өз ісін өрістету арқылы сырттан келетін өнім бағасына тәуелділікті азайтатынына сенеді.Расында бізде өзге елден келетін өнім көп. Бұл түрлі делдалдар арқылы қолдан қолға өтіп, бағаның өсуіне әсер етпей тұрмайды. Қазір кез келген тауарға қатысты «Нарықтағы баға неге құбылып тұр?» деген сауалға жауаптылар да алдымен осы мәселені себеп қылады. Осындай кедергіні жоюға кейінгі жылдары аудан кәсіпкерлері де білек сыбана кіріскендей.Жас кәсіпкер антифриз бен тосолдың атқаратын жұмысында айырмашылық жоғын айтады. &nbsp;Қыста нөл немесе -1 градуста су мұзға айналып қата бастаса, бұл өнім -40 градусқа дейін қатпайтын көрінеді. Ал жаз айларында автокөлікте судың қайнауы жиі кездеседі екен. Антифриз болса, ондай кедергілерге жол бермейтін көрінеді.Кейіпкеріміздің сөзіне құлақ асқанда оның кәсіптің бұл түріне үлкен ізденіспен һәм тыңғылықты дайындықпен келгенін аңғардық.&nbsp;– Мен – химик-технологпын. Содан болар, осы өндірістің қыр-сырын меңгеру он¬ша қиынға түспеді. Жеке қаражатымды салдым, қосымша мемлекеттік бағдарлама арқылы қолдау алдым. Дұрысы, 2021-2025 жылдарға арналған кәсіпкерлікті дамыту жөніндегі ұлттық жоба шеңберінде 5 млн теңге қайтарымсыз грант ұттым. Одан бөлек «Қызылорда» өңірлік инвестициялық орталығы арқылы алты пайыз мөлшерінде 6 млн теңге несие рәсімдеп, бизнесті кеңейтуге күш салдық. Бастысы, мемлекет қолдауы біз секілді жас кәсіпкерлердің дамуы мен шығаратын өнімнің құнын тұрақтандыруға көп көмегін тигізіп келеді, – дейді Асхат Ермекбаев.Асхаттың шағын өндіріс орнында шығатын өнімді алғашқы отандық тауар деп есептеуге болады. Еуропалық стандартқа құрылған кәсіпорын күніне автокөлікке ар-налған антифриз бен тосолдың әрқайсысынан 1000 литрден шығарады.Кәсіпкер барлық технологиялық құрылғыларды, химиялық қоспаларды Ресейден алдырады. Өндіріс орнында жеңіл көліктен бастап үлкен кәсіпорындарда жұмыс істей¬тін қозғалтқыштарға қажетті антифриз түрлері өндіріледі. Қазір кәсіпорында бес адам жұмыс істейді.&nbsp;– Шетелдік брендтерге қарамастан біздің автохимиялық өнім нарықта өз орнын тапты. Қазір ауданның барлық автобөлшек сататын дүкендерінде біздің тауарлар тұр. Енді кәсіпорын көлемін үлкейткім де келеді, – дейді кәсіпкер.Асхат жақында антифриз өніміне «СТ-KZ» сертификатын алған. Аталған серти-фикат – тауардың Қазақстан аумағында өндірілгенін немесе өңделгенін растайтын құжат. Демек, өзімізден шыққан өнімді өзге де елдерге экспорттауға мүмкіндік бар.

Жалағашта антифриз шығаратын кәсіп ашылды

<a href="https://kyzylorda-news.kz/">Kyzylorda-news.kz.</a> Сырдария ауданы бойынша өткен жылы «Бизнестің жол картасы 2025» бизнесті қолдау мен дамыту бағдарламасы &nbsp;шеңберінде жалпы құны 675,1 теңгені құрайтын 49 жоба қаржыландырылған еді. &nbsp;Өз кезегінде басты бағдарлама аясында жоба құны 7,9 млн. теңгені құрайтын Тереңөзек кентіндегі 2 жас кәсіпкерлерге мемлекеттік қайтарымсыз грант берілген болатын.Жалпы елді мекендерде кәсіпкерлікті дамыту мақсатында мемлекет тарапынан шағын және орта кәсіпкерлік субъектілеріне арналған мемлекеттік бағдарламалардың шарттарымен тиімділігін жан-жақты насихаттау үшін тоқсан сайын ауданға &nbsp;қарасты кент және ауылдық округтерде сала мамандарының қатысуымен отырыстар өткізіліп келеді. Бұл жұмыстарды жүргізу барысында, сала мамандары тарапынан жиынға қатысушыларға қабылданған мемлекеттік бағдарламалар кеңінен түсіндіріліп, үлгі етуге боларлық үздік жобалары таныстырылып, кәсіппен айналысқысы келетін әрбір азаматтың жаңашыл жобалар жасап, мемлекеттік бағдарламаларға қатысып, қаржы ұйымдары арқылы несиелер иелену мүмкіндіктері туралы халық назарына жеткізілген. Расында, «Бизнестің жол картасы 2025» бизнесті қолдау мен дамыту бағдарламасы кәсіпкерлердің кәсібін кеңейтуге зорп мүмкіндік сыйлайды.<blockquote>– Елімізде халыққа қолайлы мемлекеттік бағдарламалар жеткілікті. Кәсіптің көзін тапқан жандарға қолдау көрсетілуі керек. Сонда ғана бизнесте даму көкжиегі байқалады. Осы күні шағын және орта бизнесті дамыту үшін кешенді бағдарламалар қабылдануы керек. Біз қай кезде де, кәсіп ашқан адамдарды ынталандырумыз керек. Жобалардың кемшілігін анықтап, түзеуге мүмкіндік берген дұрыс. Ауданда тың кәсіпті ашуға мүделі жандар баршылық. Әрине, «Бизнестің жол картасы 2025» бизнесті қолдау мен дамыту бағдарламасы &nbsp;аясында кәсіп ашуға ниетті жандарға түсіндірме жұмысын жүргізген жақсы. Келешекте бағдарламаның көмегімен кәсібін дөңгелетсе, аудан экономиксының дамуына зор мүмкіндік болмақ, – деді аудандық мәслихат депутаты Нұрман Абдрасилов.&nbsp;</blockquote>Расында, кәсібін ашуға мүмкіндік алған әрбір адам табысқа жету үшін жаңашылдыққа бейімделгені абзал. Әр жыл сайын мемлекеттік бағдарлама қолдауымен кәсіп ашқан жандар табысқа кеңеледі деп сенеміз. Алдағы уақытта аудан тұрғындары арасынан «Бизнестің жол картасы 2025» бизнесті қолдау мен дамыту бағдарламасы бойынша кәсіпбін кеңейткен жандар көбейеді деген үміт басым. &nbsp;

«Бизнестің жол картасы 2025»: Сырдарияда 49 жоба қаржыландырылған 

<a href="https://kyzylorda-news.kz/">Kyzylorda-news.kz.</a>&nbsp; Қармақшы ауданы көлемінде кәмелетке толмағандармен, оларға қарсы жасалатын қылмыс пен құқық бұзушылықты анықтау, алдын-алу, сондай-ақ, балалар еңбегін пайдалану, балалардың қадағалаусыз және панасыз қалуының алдын-алу, құқықтық сауаттылықты арттыру бойынша рейдтік профилактикалық жұмыстары жүргізілуде.Рейдтік іс-шараларға аудандық прокуратура, полиция және қоғамдық даму бөлімі, жастар ресурстық орталығы, сондай- ақ кәмелетке толмағандар ісі жөніндегі комиссия мүшелері, білім бөлімінің қызметкерлері мен білім беру ұйымдары бойынша ерікті қызметкерлер тартылуда.Профилактикалық жұмыстар жастар көп шоғырланатын орындарда және кафе-бар, спорттық ойын алаңдарында жүргізіліп, кәмелетке толмаған жасөспірімдердің түнгі 22:00-ден кейін заңды өкілдерінсіз көшеде жүрмеуі қадағаланды. Бірлескен бұл жұмыстар алдағы уақытта тұрақты түрде жүргізілетін болады.<blockquote>«Құрметті ата-аналар! Қазіргі таңда жасөспірімдер мен кәмелетке толмағандар арасында мектептен тыс уақыттарда құқық бұзушылықтар мен қылмастар орын алуда. Осы орайда балалардың қауіпсіздігін қамтамасыз етуде түнгі беймезгіл уақыттары көшеде жүрмеуін қатаң қадағалауды сұраймыз!» дейді сала мамандары.</blockquote>

Қармақшыда түнгі рейд жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Қызылорда қаласын көгалдандыру, көркейту мақсатында облыстық дін басқармасының дін мәселелерін зерттеу орталығы ұйымдастырған ағаш егу акциясына аймақтағы этномәдени орталықтар мен діни бірлестіктер, мешіт имамдары атсалысты. Бұл ұйымдар арасындағы бірліктің, ынтымақтың, рухани сыйластықтың нығаюына негіз болмақ.&nbsp;<blockquote>«Бүгінгі шараның ұйымдасуына қоғамдық даму басқармасымен қатар дін істер басқармасы қосылып тал егу акциясын жасап жатыр. Елді, жерді көркейту, тал егу барлық азаматтар үшін міндетті деп есептеймін. Осы үлкен акция жыл сайын өзінің реттілігін тауып келе жатыр. Себебі бұл акция тек қана бірлестіктердің мүшелірі ғана емес, олардың отбасы, жақындары да атсалысып жатыр», – деді облыстық дін істері басқармасының бас маманы Сәулет Сахиев.&nbsp;</blockquote>Жер тоңы жібіп, алғашқы көк дүркіреп шыға бастаған кезде шыбық қадап, көшет отырғызу – сауапты іс. Өйткені жерге шаншылған әрбір тал күтімі жақсы болса, күні ертең жапырағы жайылып, жазда сая, қыста қамсау болады. Әрі экологиялық ахуалды жақсартып, қоңыржай климат қалыптастыруға әсерін тигізеді.<blockquote>«Бұл шараның маңызы зор. Өйткені қазақта айтады «бір тал кессең он тал ек» &nbsp;дейді. Яғни нағыз рамазан айына сәйкес келген осындай бір табиғатты қорғайтын, табиғатты аялайтын үлкен бір шара. Бүгінгі шараға да Қазақстан Мұсылмандары діни басқармасының Қызылорда облысы бойынша қарасты мешіттерде қалыс қалмай өз үлестерін қосуда», – деді облыстық Ақмешіт-Сырдария мешітінің бірінші наиб-имамы Жақсыбек Әбиұлы.</blockquote>Акция барысында ұйым мүшелерінің атсалысуымен балалар ауруханасының алаңқайына 100 түп шыбық отырғызылды. Дәстүрге айналған бұл шара әрбір тұрғының табиғат алдындағы жауапкершілігін сезіндіретіні сөзсіз.Мұндай бағыттағы жұмыстар Қызылорда қаласына қарасты Тасбөгет кентінде де ұйымдастырылды. Тасбөгет кентін көгалдандыру мақсатында жыл сайын көктем мезгілінде тиісті жұмыстар атқарылады. Биыл да «Тал егу – сауапты іс» акциясы аясында ағаш отырғызу рәсімі өткізілді.&nbsp;Тасбөгет кенті әкімі аппаратының қызметкерлері және Тасбөгет жастар орталығының &nbsp;ұйымдастыруымен кенттегі Е.Бозғұлов көшесінің бойына 250 түп қара тал, сыр талы, терек секілді тал көшеттері отырғызылды.&nbsp;<blockquote>«Кентке жанашырлықпен қарап, қамқорлық танытуды парыз еткен әрбір азаматты өз үйінің ауласына немесе көшенің бойына көшет отырғызуға шақырамыз», − деп жазды кент әкімдігі әлеуметтік желідегі парақшасында.</blockquote>Жалпы, бұған дейін облыс әкімі Нұрлыбек Нәлібаев «Тал егу – сауапты іс!» облыстық экологиялық акциясына қатысып, Орталық мешіт аумағында ағаш отырғызған еді. Іс-шараға ардагерлер мен зиялы қауым өкілдері, жергілікті мемлекеттік мекеме және құқық қорғау органдарының басшылары, белсенді жастар қатысты. Экоакцияға қатысушылар 500 көшет ексе, қала аумағына 3500 ағаш отырғызылды.&nbsp;Еске салсақ, биыл Қызылорда облысының тазалық, көркейту және абаттандыру жұмыстарымен белсенді айналысатын елді мекендері «Үздік аудан орталығы», «Үздік ауыл» және қала ішіндегі «Үздік мөлтек аудан» номинациялары бойынша бағалы сыйлықтармен марапатталмақ.

Қызылорданы жасыл желекпен көркейту жұмыстары қарқынды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы NIS-тің &nbsp;ұстаздары, оқушылары және ата-аналары мектеп ауласына абаттандыру және көгалдандыру &nbsp;акциясын ұйымдастырды.&nbsp;«Ағашты жердің ырысы мол» демекші, мектеп қауымдастығының қолдауымен 300-ге жуық терек, 200 қарағаш талы және 200 хризантема мен 200 сентябринка гүлі арнайы белгіленген аумақтарға егілді. &nbsp;Ал спорт алаңының жанына отырғызылған 50 дана бұталы қоршау келешекте мектеп аумағына көрік беретін болады. &nbsp;<blockquote>«Өткен жылы да мектеп ауласына 800-ге жуық тал егілді. Биыл сол дәстүріміз жалғасын тауып жатыр. Көгалдандыру шаралары &nbsp;аймақты гүлдендіріп қана қоймай, мұғалім-оқушы-ата-ана үштік одақ арасындағы байланысты нығайтуға өз септігін тигізеді», – дейді Зияткерлік мектеп директорының орынбасары Ербол Қайнарбаев.&nbsp;</blockquote>Ер азаматтар арықтарды қоқыстан тазалап, жер аудару, топырақты тал отырғызуға дайындаса, қыздар арам шөптерді тазалау, суару жұмыстарын үлкен белсенділікпен атқарды. Екі буын арасындағы &nbsp;байланысты еңбек арқылы жақындастырған акция көңілді әрі пайдалы өтті.&nbsp;«Атадан мал қалғанша, тал қалсын» дейді дана халқымыз. Бүгін барлығымыз ерекше көңілмен жаппай сенбілікке қатыстық. Ауа-райы да керемет болды. Өз отбасымыздың атынан мектепке 3 сирень, 2 сакура талын сыйға тарттық. &nbsp;Мектеп көркейе берсін, қаламыз гүлдене берсін», – деп тілегін жеткізді ата-ана Жанар Манахбаева.<img src="https://knadmin.beoblood.kz/uploads/Whats_App_Image_2023_04_10_at_15_20_51_8713a73191.jpeg" alt="WhatsApp Image 2023-04-10 at 15.20.51.jpeg"><img src="https://knadmin.beoblood.kz/uploads/Whats_App_Image_2023_04_10_at_15_20_50_1_5fadb68932.jpeg" alt="WhatsApp Image 2023-04-10 at 15.20.50 (1).jpeg"><img src="https://knadmin.beoblood.kz/uploads/Whats_App_Image_2023_04_10_at_15_20_52_684c289f6d.jpeg" alt="WhatsApp Image 2023-04-10 at 15.20.52.jpeg">

Қазақстан және Қызылорда облысының жаңалықтары