<a href="https://kyzylorda-news.kz/">Kyzylorda-news.kz</a> Telegram негізін қалаушы Павел Дуров Францияда ұсталуына қатысты алғаш рет түсініктеме берді, деп хабарлайды <a href="https://qaz.ulysmedia.kz/">Ulysmedia.kz</a>.Дуров не дейді?<a href="https://tass.ru/obschestvo/21787925">ТАСС</a>-тың жазуынша, Дуров бұл өзі үшін күтпеген жағдай болғанын атап өтіп, француз билігі өз шағымдарын жеке өзіне емес, Telegram-ға жолдауы керек еді деген пікір білдірген.<blockquote>Егер бір елдің интернет қызметіне көңілі толмаса, қалыптасқан тәжірибе бойынша бұл қызметтің өзіне қарсы сотқа шағымдануы керек еді. Бас директорды өзі басқаратын платформада үшінші тұлғалар жасаған қылмыстар үшін айыптауға смартфондар пайда болғанға дейін қолданылған заңдарды қолдану – қате тәсіл, - деп жазды Дуров өзінің Telegram арнасында.</blockquote>Ол, сондай-ақ, егер бұл құралдардың ықтимал теріс пайдаланылуы үшін жеке адам жауапты болуы мүмкін екенін білсе, ешбір инноватор ешқашан жаңа құралдарды жасамайтынын қосып айтты.Оның айтуынша, құпиялылық пен қауіпсіздік арасындағы дұрыс тепе-теңдікті сақтау қиын, өйткені құпиялылық туралы заңдарды әртүрлі ведомство талаптары мен заңдарымен үйлестіру қажет.<blockquote>Платформа ретінде сіз өзіңіздің процестеріңіздің бүкіл әлем бойынша дәйекті болуын және заң үстемдігі әлсіз елдерде қиянатқа ұшырамауын қалайсыз. Біз дұрыс теңгерімді табу үшін бақылаушы органдармен өзара әрекеттесуге тырысамыз, - деп атап өтті кәсіпкер.</blockquote>Айыптауды жоққа шығардыОл, сондай-ақ, компанияның ЕО-да сұраулар жіберуге болатын ресми өкілі бар екенін атап өтті.Дуров Франция билігінің өтініші бойынша лаңкестікпен күресу үшін Telegram арқылы сенім телефонын құруға көмектескенін баяндады.Сондай-ақ ол мессенджерді «анархистік жұмаққа» айналды деген айыптауды жоққа шығарды.Оның айтуынша, пайдаланушылар санының 950 млн-ға дейін өсуі қылмыскерлерге платформаны өз мақсаттары үшін пайдалануға мүмкіндік беретін жаңа сынақтарға әкелді. Болашақта Дуров Telegram-ды теріс пайдалану мүмкіндігіне қатысты жағдайды жақсартуға ниетті.Француз ақпарат құралдарының хабарлауынша, Павел Дуров 24 тамызда Париждің Ле Бурже әуежайында балаларға қарсы қылмысқа, есірткі саудасына және алаяқтыққа қатысы бар деген айыппен<a href="https://qaz.ulysmedia.kz/news/18982-terrorizm-esirtki-saudasy-izdestiru-durov-ne-ushin-ustaldy/">&nbsp;ұсталған.</a>Илон Маск Дуровтың ұсталуын сөз бостандығына кепілдік беретін АҚШ Конституциясына енгізілген бірінші түзетудің «жарнамасы» деп атады.Ал Telegram командасы платформадағы қиянат туралы айыптаулардың ақылға қонымсыз екенін айтты.Фото: ашық дереккөз

Францияда қамаудан босаған Павел Дуров алғашқы мәлімдемесін жасады

<a href="https://kyzylorda-news.kz/">Kyzylorda-news.kz</a> Сыр өңірінде Қазақстан халқы тілдерінің күніне арналған «Тілі бірдің – тілегі бір» атты мерекелік шара өтті Қазақстан Республикасы Үкіметінің «Қазақстан Республикасындағы мерекелік күндердің тізбесін бекіту туралы» 2017 жылғы 31 қазандағы № 689 қаулысына сәйкес 5 қыркүйек – Қазақстан халқы тілдерінің күні болып белгіленген. 5 қыркүйек – қазақ тіл білімі мен әдебиеттану ғылымдарының негізін салушы, ағартушы Ахмет Байтұрсынұлының туған күні.Осыған орай, Қазақстан халқы тілдерінің күнін атап өтудің облыстық іс-шаралар жоспары бекітілді. Жоспарға сәйкес &nbsp;Достық үйінде облыстық қоғамдық даму басқармасының ұйымдастыруымен &nbsp;«Тілі бірдің – тілегі бір» атты мерекелік шара өтті.&nbsp;Шараға Қызылорда қалалық, аудандық мәдениет және тілдерді дамыту &nbsp;бөлімдерінің басшылары мен тіл мамандары, аймақтағы зиялы қауым өкілдері, тіл жанашырлары, жоғары және арнаулы орта оқу орындарының басшылары мен студенттері, этномәдени бірлестік пен бұқаралық ақпарат құралдарының өкілдері және облыстық, аумақтық мекемелердің басшылары мен мемлекеттік тілге жауапты қызметкерлері қатысты.&nbsp;Салтанатты шара «Тал бесікте тербелген ана тілім!» атты прологпен ашылды.&nbsp;Облыстық қоғамдық даму басқармасының басшысы Р.Каюпов &nbsp;құттықтау сөз сөйлеп, облыстағы бірқатар тіл жанашырлары мен сала мамандарын облыстың Құрмет грамотасымен, облыс әкімінің Алғысхаттарымен, ҚР Ғылым және жоғары білім министрлігінің Құрмет &nbsp;грамотасы мен Алғысхаттарымен марапаттады.&nbsp;Сондай-ақ, мемлекеттік тілде сапалы қызмет көрсетіп отырған және мемлекеттік тілді насихаттаудағы жетістіктері үшін «Үздік телехабар» номинациясымен «Qyzylorda» облыстық телеарнасының «Қоңыр әңгіме» хабарының жүргізушісі Н.Мансұров, «Тіл жаршысы» номинациясымен «Тіл сақшысы» газетінің ұжымы, «Үздік қазақтілді кәсіпорын» номинациясымен Қазалы өндірістік цехы, «Үздік қазақтілді балабақша» номинациясымен «Күнекей» балабақшасы, «Үздік қазақтілді емхана» номинациясымен Қалалық орталық емханасы, &nbsp;«Көрікті жарнама-көркем атау» номинациясымен «Дәстүр» отбасылық кешені, «Мемлекеттік тіл – менің тілім» номинациясымен Сырдария аудандық № 12 өрт сөндіру бөлімінің радио байланысшысы З.Жидкова марапатталды.&nbsp;Бұдан соң облыстық ардагерлер кеңесінің «Құрметті ардагер» төсбелгісі табысталды. Шара барысында жиналған қауымға мерекелік шашу ретінде әзірленген концерттік бағдарламаға ұласты.<img src="https://knadmin.beoblood.kz/uploads/10_19c06e0537.jpg" alt="10.jpg"><img src="https://knadmin.beoblood.kz/uploads/11_db82c23225.jpg" alt="11.jpg"><img src="https://knadmin.beoblood.kz/uploads/13_61882f0f5a.jpg" alt="13.jpg">

Қызылордада «Тілі бірдің – тілегі бір» атты мерекелік шара өтті

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен терроризмге қарсы күрес комиссиясының кезекті отырысы өтті.Онда «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының» Қызылорда облысында орындалуы қаралды. Сондай-ақ, аймақты дінтанушы-теолог мамандармен қамтудың, шетелдік күмәнді теологиялық білім алудың тиімсіздігі туралы ақпараттық-түсіндірмелік жұмыстардың, Арал және Қазалы аудандарында деструктивті діни ағымдар профилактикасын ұйымдастырудың нәтижесі сараланды.Мәжіліс қорытындысымен облыс әкімі сала басшыларына осы жұмыстарды қарқынды жүргізуді тапсырып, бірқатар міндеттер жүктеді.<img src="https://knadmin.beoblood.kz/uploads/7_5ba2cecf8c.jpg" alt="7.jpg"><img src="https://knadmin.beoblood.kz/uploads/8_f88aa2854b.jpg" alt="8.jpg"><img src="https://knadmin.beoblood.kz/uploads/9_19179d3135.jpg" alt="9.jpg">Фото: Қызылорда облысы әкімінің баспасөз қызметі

Терроризмге қарсы күрес комиссиясының кезекті отырысы өтті

<a href="https://kyzylorda-news.kz/">Kyzylorda-news.kz</a>&nbsp; Жаңақорған аудандық білім бөлімінде бюджет қаражатын жымқыру ісі бойынша үкім шықты.&nbsp;Қызылорда облысы Жаңақорған аудандық соты 200&nbsp;млн теңгеден астам бюджет қаражатын жымқырған 9 адамға үкім шығарды. Сотқа дейінгі тергеуді облыстық прокуратура жүргізді.Сот отырысы барысында мемлекеттік айыптаушы білім беру жүйесінде жұмыс істемейтін тұлғалардың есепшотына заңсыз ақша аударылғанын дәлелдеді.Қылмыстық іс бойынша негізгі айыпталушылар бас бостандығынан айырылса, қалған 7 сыбайлас бухгалтерлік қызметпен айналысу құқығынан айыра отырып, шартты мерзімге сотталды. Келген шығын ішінара өтелді. Үкім заңды күшіне енген жоқ.Айта кету керек, бұған дейін прокурорлар сол аудандағы мектептердің есепшілері мектепте жұмыс істемейтін тұлғалардың есепшотына заңсыз ақша аударып, жымқырғанын анықтаған болатын.Бұл қылмыстық істер бойынша айыптау үкімі шықты.&nbsp;Фото: vlast.kz

Жаңақорғанда 200 млн теңгені жымқырған мектеп бухгалтерлеріне үкім шықты

<a href="https://kyzylorda-news.kz/">Kyzylorda-news.kz</a>&nbsp; Жамбыл облысы Отар ауылындағы әскери бөлімде мерзімді қызметін өтеп жүріп, комаған түскен сарбаз Нұржігіт Әбділпатта басынан өткен оқиғаны баяндап берді. Бұл туралы Stan.kz сайты хабарлады.Нұржігіт Әбділпатта 2024 жылы 8 маусымда Қордайдағы ауруханаға Жедел респираторлық вирустық инфекция диагнозымен жеткізілген. Ол комада 20 күн жатып, кейін Қордайдан Алматыдағы ауруханаға ауыстырылды. Қалалық ауруханаға жеткізіліп жүрек соғысы дұрысталып, жағдайы жақсарған. Алайда толықтай жазылып шығуы үшін әлі де уақыт қажет болды.Қазіргі уақытта Нұржігіт ауруханаға күнделікті қаралып, физиотерапия, диагностикадан өтіп жүр екен. Өзін жақсы сезінетінін де айтты.<blockquote>"Әскерге өз қалауыммен бардым. Әскери борышымды өтеп қайтқым келді. Қашықтан оқып жүрген соң уақытты босқа өткізбейін деп, әскерге бардым. Бірдеңе үйренгім келді", – деді Нұржігіт.</blockquote>Сондай-ақ ол өзін соққыға жыққан сержант туралы баяндап берді.<blockquote>"Оның аты Дастан. Негізінде ол рота сержанты болды. Өзі үнемі ашуға булығып жүретін. Сол себепті онымен ешкім араласпайтын. 22 күні түнде ұстамам ұстап қалды. Себебі, мен мұндай күнделікті кестеге үйренбеген едім. Ұзақ уақыт жүру, жүгіру стрессінен ұстама пайда болды. Содан түнде &nbsp;ұстаманың кесірінен ұйықтай алмадым. Бұл туралы командирлерге шағымдандым. Сосын ол медбикені шақырды. Ол маған "бұл қалыпты жағдай" деді. Дәрі жазып беріп, оны ішкен соң бәрі жақсарды”, – дейді ол.</blockquote>Нұржігіт сержанттың өзін қалай соққыға жыққанын, жағдайдың қалай болғанын айтты.<blockquote>“Осыдан кейін, 6-шы күні, тамағым ауырып, өзімді жайсыз сезіне бастадым. Сол кезде сержанттың жаныма қалай келгенін байқамай қалдым. Кеудеден төмен, өкпеден ұрды. Мен еңкейіп, ыңылдадым. Сосын ол мені бір-екі рет тыныс жолымнан ұрды. Осыдан кейін әскерде жағдайым нашарлай бастады. Жүгіргенде ең соңынан келетін болдым. Бірнеше күн дұрыс тамақтана алмадым. Ол мені өзімен өзі, жай ұрды”, – деді ол.</blockquote>Сарбазға пневмония диагнозы қойылған. Ал Қорғаныс министрлігі әскери қызметкердің бастапқыда медицина орталығына жалпы әлсіздік және дене қызуының көтерілу шағымдарымен жүгінгенін хабарлады.

Комадан шыққан Нұржігіт өзін әскерде қалай қорлағанын айтып берді

<a href="https://kyzylorda-news.kz/">Kyzylorda-news.kz</a>&nbsp; Белгілі композитор Қалдыбек Құрманәлі марқұм әнші Мәдина Ералиеваны есіне алып, бір құпияның шетін шығарды.&nbsp;SMARTNEWS.KZ басылымының хабарлауынша, өнер иесі “Астарлы ақиқат” бағдарламасында әншіге жас күнінде ғашық болған жігіттерді атап, марқұм режиссер Болат Атабаевқа кеңінен тоқталды.&nbsp;<blockquote>“Мәдина Арсенді күлге аунап туған жоқ. Болат Атабаев – баласының биологиялық әкесі. Оған ғашық болған жігіт көп. Бірақ ол Атабаевты таңдады.&nbsp;Арсенді бәрі Мәдинаның баласы дейді, олай емес. Ол –&nbsp;Болат Атабаевтың баласы. Екеуі ғашық болды. Болат менің жездем болды. Мәдинаны әпке дейтінмін. Болат –&nbsp;үлкен аңызға айналған тұлға, қайраткер, ондай режиссер кемде-кем”, – деп бастады әңгімесін сазгер.&nbsp;&nbsp;</blockquote>Сондай-ақ композитор марқұмның ұлы Арсен мен әкесін қалай табыстырғанын да айтып берді.&nbsp;<blockquote>&nbsp;Бірде Мәдина Ералиеваны еске алу кешін Астанада өткізетін болдық. Арсеннің үйіне барып, шаршап, ұйықтап қалдым. Кештің режиссері Болат Атабаев болды. Басында көнгісі келмеді. Сосын "өткен шақпен сөйлеудің қажеті жоқ, балаңыз бар" деп айттым. Арсеннің үлкен ұлы Әлішер кішкентай еді. Қайта-қайта маған келіп, "ата" деп құшақтай береді. Бір күні Болат Атабаевты алып барып, "Әлішер, міне, атаң" деп көрсеттім. Жұрттың бәрі Мәдина Ералиеваның күйеуін көргісі келеді. Сахнаға шығып сөйлеп, режиссері ретінде Болат Атабаевты ортаға шығардым, көрсеттім. Негізінен Болат деп сәл кідіріп едім, халық түрегелді. Екі Болат бар ғой. Сондықтан Арсенді айтқанда тек анасы мен әкесін де бірге айту керек. Бұл –&nbsp;тектінің ұрпағы", –&nbsp;деді ол. &nbsp;</blockquote>

«Екеуі бір-біріне ғашық болды»: Қалдыбек Құрманәлі өнер иесін еске алды  

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы көлемінде көшелер мен қоғамдық орындарда тиісті қоғамдық тәртіпті сақтау мен қылмыстың алдын алу мақсатында «Құқықтық тәртіп» жедел-профилактикалық іс-шарасы өтуде.&nbsp;Іс шараның 3 күнінде тәртіп сақшылары 25 қылмыс ашты.&nbsp;Сонымен қатар, 785 әкімшілік құқық бұзушылық деректері анықталса, оның ішінде мүлдем төзбеушілік принципі &nbsp;бойынша ұсақ бұзақылық ҚР ӘҚБтК-нің /434 бабы/- 15, спирттік ішімдікті ішу немесе қоғамдық орындарда мас күйінде келу /440/-86, кәмелетке толмағандардың түнгі уақытта жүруі /442/-77, түнгі тыныштықты бұзу бойынша (437-бабы) - 51 дерек анықталған.Жол қозғалысы қауіпсіздігін қамтамасыз ету бойынша жүргізушілердің көлік құралын мас күйінде жүргізу /608 бабы/-17, көлік құралын басқару құқығынан айрылған жүргізушілер/612/3 бабы/-4дерек анықталып, барлығына тиісті әкімшілік хаттамалар толтырылып, әкімшілік сотқа жіберілді.Жалпы облыс көлемінде криминогендік ахуалды сейілту, құқық тәртібі мен жол қозғалысы қауіпсіздігін қамтамасыз ету шараларын кең көлемде жүргізу мен қылмыстың алдын алуға бағытталған бұл жедел-профилактикалық іс-шараның өту барысы департамент бастығының қатаң бақылауында.&nbsp; &nbsp;<img src="https://knadmin.beoblood.kz/uploads/451999750_465309189570730_6153883674864761419_n_440699f57b.jpg" alt="451999750_465309189570730_6153883674864761419_n.jpg">

Қызылордада «Құқықтық тәртіп» жедел-профилактикалық іс-шарасы өтіп жатыр 

<a href="https://kyzylorda-news.kz/">Kyzylorda-news.kz</a> &nbsp;Бүгін – мейірімділік пен татулық насихатталатын күн. Біздің халық қай кезде де мұқтаж жанға бүтінін бөліп берген, жартысын жарып берген халық. Қайырымдылық тек материалдық көмек көрсетуде ғана емес, рухани қолдау, көңілі жүдеу адамды жылы сөзбен жігерлендіруден тұрады. Қызылорда облысы мұқтаж жанға жәрдемдесуге мұрындық болып, қайырымдылық жасаудан республика бойынша үздік үштікті түйіндеп тұр. Атаулы күнге орай қайырымдылық қорлары да әдетінен жаңылмай, жәрдемдесуге ниетті. Бұл туралы ҚМДБ Зекет және қайырылымдылық қорының Қызылорда облысы бойынша өкілі Оңталап Жидебаев пен “Ел-арай” қоғамдық қорының төрағасы Әлімжан Қосымов мәлімдеді.<blockquote>– Халықаралық қайырылымдылық күнімен баршаңызды құттықтаймын. Әсіресе қайырымдылыққа мұрындық болып жүрген, біздерге жәрдемдесіп жүрген еріктілер бар, демеушілерге Алла разы болсын дейміз. Зекет қорының биылғы үлкен жобаларының бірі “Ел үлесі пәтерге”, және “Тайқазан” жобасы. Біріншісінің мақсаты аты айтып тұрғандай мұқтаж отбасыларға баспана табыстау. Екінші жоба азық-түлікпен қамтамасыз ету. Қызылорда облысы бойынша 5 жылдан бері 62 баспана берілді. Енді биыл 2 баспана берілмек. Оның біреуі көпбалалы анаға және жалғызбасты әкеге. Бұл татымды тірлікке еріктілер және демеушілер, бүкіл жамағат үлесін қосты. Осы игі істер алдағы уақытта да жалғасын таппақ”,- деді Оңталап Тасболатұлы.</blockquote>“Ел-арай” қоғамдық қорына биыл 10 жыл.&nbsp;<blockquote>– Осы 10 жылдықта 100 млн теңгеге қайырымдылық жасау жоспарымызда тұр. 1 апта бұрын Шиелі ауданында өзіміздің филиалды аштық. Бір жылдығын ойлаған халық бидай егеді,жүз жылдығын ойлаған халық ағаш егеді, мың жылдығын ойлаған халық саналы ұрпақ тәрбиелейді. Біздің негізгі миссия көпбалалы, аз қамтылған отбасындағы балаларды ҰБТ-ға дайындық грантқа түсуіне мүмкіндік жасау. Осыған дейін 50 бала оқыттық. Оның 49-ы грантқа түсті. Биыл тағы да жоспар бойынша 50 баланы оқытқымыз келіп отыр”,- деді Әлімжан Әлібайұлы.</blockquote>

5 қыркүйек – Халықаралық қайырымдылық күні

<a href="https://kyzylorda-news.kz/">Kyzylorda-news.kz</a>&nbsp; Сіз Қазақстанда атом электр станциясын салуға келісесіз бе?

Сіз Қазақстанда атом электр станциясын салуға келісесіз бе?

<a href="https://kyzylorda-news.kz/">Kyzylorda-news.kz</a>&nbsp; Республикалық референдумға қатысуға құқығы бар азаматтарды тізімдерге енгізу.

Референдум: Әркімнің дауысы маңызды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен актив отырысында Мемлекет басшысының 2024 жылғы 2 қыркүйектегі Қазақстан халқына Жолдауындағы тапсырмаларды орындау мәселесі талқыланды.Аймақ басшысы стратегиялық құжатта айтылған басым бағыттар бойынша әзірленетін Жолдауды іске асыру жөніндегі Жалпыұлттық іс-шаралар жоспарын негізге алып, Өңірлік іс-шаралар жоспарын бекіту қажеттігін атап өтті.<blockquote>«Мемлекет басшысы Жолдауда экономикалық дамудың 9 бағыты бойынша мақсат-міндеттерді айқындап берді. Оларды іске асыру үшін біз нақты шаралар қабылдауымыз керек. Бұл шаралардың түпкі нәтижесі - халықтың табысын арттыру, инфрақұрылымды одан әрі дамытуды жаңғырту, қауіпсіздікті қамтамасыз ету, адами капиталдың жан-жақты дамуы үшін мүмкіндіктерді кеңейту. Біріншіден, ақша-несие және фискалды саясаттың арасындағы үйлесімсіздікті жоюда бюджет саясатының тиімділігін арттыру маңызды. Салық заңнамасын жетілдіруде бюджетті тиімді басқару және сапалы жоспарлау - біздің басты міндетіміз. Жыл басынан бері салық базасын ұлғайту үшін Қызылорда қаласы және аудан әкімдеріне, мемлекеттік органдар басшыларына бюджет түсімдерінің резервтерін анықтауды тапсырған болатынмын. Қорытындысындаөз кірістерінің барлық тетіктерін анықтау, түгендеу арқылы жыл аяғына дейін жергілікті бюджетке қосымша күтілетін түсім көлемін 135 млрд. теңгеге жеткізу жоспарлануда. Болжамды межеге жету үшін ірі кәсіпорындар филиалдарын облысқа тіркету, жалдамалы жұмысшылардың еңбекақы қорына түгендеу жүргізу, тіркелмеген мүлікті түгендеу және қайта бағалау керек», - деді Нұрлыбек Машбекұлы.</blockquote>Өңірде бизнеске барынша қолайлы жағдай жасау мақсатында өткен жылы бөлшек салық режимінің мөлшерлемесі 2 пайызға төмендетілді. Бүгінде бұл салық режимін аймақта 1 139 кәсіпкер қолдануда. Халықпен тікелей жұмыс жасайтын кәсіпкерлерді осы салық режиміне тартып, кәсіпкерлік қызметтерді бөлшектеуді азайту қажет.Өңірде инвестициялық ахуалды жақсарту, жаңа инвестор тарту және сүйемелдеуде нақты бағыт белгіленген. Биыл 517 млрд. 500 млн. теңге инвестиция тарту межеленсе, көрсеткіш осы жылдың 7 айында 57,2 пайызға орындалды. Индикатордың орындалуы бойынша облыс республикадағы алдыңғы орында.Өнеркәсіптік әлеует туралы айтсақ, өңірдің мұнай-газ саласында мол мүмкіншілік бар. Облыстық кәсіпкерлік және өнеркәсіп басқармасына Қызылорда қаласы және аудан әкімдіктерімен бірлесіп, өңдеу өнеркәсібі саласындағы жаңа жобаларды мерзімінде іске қосу тапсырылды. Аймақтағы электр энергиясы тапшылығы мәселесін шешу үшін Қызылорда қаласында қуаттылығы 240 мегаваттық жаңа жылу-электр орталығының құрылысы қарқынды жүруде. Сондай-ақ, өңірде жылу желілерін жаңғырту, ыстық сумен қамту және өзге де маңызды жобалар қолға алынған.Мемлекет басшысы Жолдауда атап өткен 23 шетелдік жоғары орнының бірі - Қорқыт Ата университетінің Кореяның СеулТех университетімен бірлесіп, университет базасында ашқан Жасанды интеллект және информатика жоғары мектебі. Мұнан бөлек, Мемлекет басшысы жариялаған «Жұмысшы мамандықтар жылы» аясында өңірдегі техникалық және кәсіптік білім беру саласын модернизациялау үшін кешенді іс-шаралар жоспарын әзірлеу тапсырылды. Әлеуметтік- медициналық сақтандыру қорының облыстағы филиалы медициналық сақтандыру жүйесіне халықтың сұранысын ескеріп, қаржының бөлінуін қайта қарап, оның мақсатты жұмсалуына мониторингті күшейтуі қажет.Облыстық денсаулық сақтау, экономика және қаржы басқармалары денсаулық сақтау саласындағы мемлекеттік-жекеменшік әріптестікті зерделеп, жаңадан әзірленетін нормативтер мен ережелерге ұсыныс беруі тиіс.Мемлекет басшысы әлеуметтік қолдау шаралары нағыз мұқтаж азаматтарға көрсетілуі керектігін үнемі айтып келеді. Облыстық жұмыспен қамтуды үйлестіру және әлеуметтік бағдарламалар, денсаулық сақтау, білім, басқармалары «Әлеуметтік әмиян» жобасын жүзеге асыру барысында салалық ақпараттық жүйелерді қалыптастыруды тиісті министрліктермен бірлесіп жүргізуге жауапты.Экологиялық ахуалды жақсартуда елімізде көктемнен бері «Таза Қазақстан» жалпыұлттық экологиялық акциясы өтуде. Өңірде жыл соңына дейін ұйымдастырылатын облыстық іс-шаралар жоспары бекітілді. Бүгінгі дейін оған 461 мыңнан астам адам қатысқан. Алдағы уақытта акцияға тұрғындарды жаппай жұмылдырып, мұны қалыпты әдетке, өмір салтына айналдыру керек.Бұдан былай аудан және облыстық маңызы бар қалалардың әкімдері тікелей сайлау арқылы ғана қызметке келеді. Бұл бағыттағы шаралар облыс әкімінің тікелей бақылауында болмақ.Мұнан бөлек, Жолдауда қоғамда заң мен тәртіп идеологиясын терең орнықтыру қажеттігі атап айтылды. Құқық қорғау органдары Қызылорда қаласы және аудан әкімдерімен бірлесіп, құқық бұзушылықтар мен жол қауіпсіздігі бағытындағы жұмыстарды жандандыруы тиіс.Жиын соңында Нұрлыбек Машбекұлы Мемлекет басшысының Жолдауынан туындайтын міндеттерді нақты іс-қимыл алгоритмі аясында айқындап, өңірлік іс-шаралар жоспарын әзірлеу барысында ескеруді тапсырды.Жоспардың сапалы әзірленуін және орындалуын қадағалау облыс әкімінің бірінші орынбасары Данияр Жаналиновке жүктелді.<img src="https://knadmin.beoblood.kz/uploads/4_facf1add9f.jpg" alt="4.jpg"><img src="https://knadmin.beoblood.kz/uploads/5_4576ec75eb.jpg" alt="5.jpg">Фото: Қызылорда облысы әкімінің баспасөз қызметі

Экономикалық дамудың 9 бағыты бойынша мақсат-міндеттер айқындалды

<a href="https://kyzylorda-news.kz/">Kyzylorda-news.kz</a>&nbsp; Қазіргі заманның балалары көздерін ашқаннан Дүниежүзілік торға шығуға мүмкіндік беретін түрлі гаджеттерді қолданады. Қазір тіпті оларға қатысты арнайы &nbsp;«digital natives» («цифрлық ұрпақ») термині пайда болды. Бұл жерде интернеттің қауіпі жөнінде айтып отыру өте маңызды, себебі киберқылмыстардың саны, оның ішінде балаларға қарсы қылмыстар саны жылдан жылға өсуде.&nbsp;Балалар интернеттегі қауіпсіздік жөнінде не білулері маңызды екенін Fingramota.kz-пен бірге қарастырайық.&nbsp;«Сілтемеге баспас бұрын, ойлан»Жыл сайын миллиондаған жасөспірімдер білместіктен алаяқтық схемалардың құрбандары немесе оның қатысушылары болып жатады. Бәрі әлеуметтік желіде лайк басудан немесе репост жасаудан басталуы мүмкін. Бұл алаяқтар үшін белгі болуы мүмкін, олар көзді-ашып жұмғанша сіздің балаңызды «иірімге» тартып әкете алады. &nbsp;<blockquote>Алаяқтар белгілі бір сценарий бойынша, &nbsp;яғни бала қызығушылық танытатын салаға немесе ақпаратқа байланысты әрекет етеді, ол жөнінде интернет арқылы біліп алады. Қаскүнемдерге &nbsp;балалармен жабық чаттарда іс-әрекеттесу маңызды, олар баланың телефонына шпиондық қосымшалар орнатуға немесе дербес деректерді &nbsp;жария еткізуге тырысады &nbsp;(ата-анасының карточкасының толық деректемелері, SMS-пен келетін код және басқалар), сондай-ақ ата-анасына, туысқандарға, достарына вирус жұққан файлдарды жіберуді сұрайды.</blockquote>Желіде мұндай топтарды бұғаттау және алаяқтардың жолын кесу өте қиын, себебі белгілі бір уақытқа дейін формалды түрде олар заңды бұзбайды. Және де алаяқ өз құрбанымен жеке әрекеттеседі.&nbsp;Кеңес:&nbsp;Балаларға технологиялардың өзі қауіпті емес, оларды жеке мақсатына қолданатын адамдар қауіпті екенін түсіндіру маңызды. Сондықтан балаларға мынадай нәрселерге «ЖОҚ» деп айтуды үйретіңіз:- бейтаныс сайттарға кіру;&nbsp;- күдікті сілтемелер бойынша өту,&nbsp;- күдікті әрекеттерге қатысу.&nbsp;Балаңыздың гаджетіне антивирустық қосымшаны орнатыңыз және барлық күмәнді және түсініксіз жағдайда балаңыз Сізге немесе Сіздің туыстарыңызға хабарласа алатындығына көз жеткізіңіз.«Жылтырағанның бәрі алтын емес»Балалар көп уақытын танымал әлеуметтік желілерде өткізеді, өздерінің фотосуреттерін, билері, ойындары жазылған бейнероликтерді орналастырады.<blockquote>Бір қарағанда, бұл жерде қауіпті ештеңе жоқ сияқты, бірақ олар өздері және жақындары туралы алаяқтар пайдалана алатын артық ақпаратты жариялауы мүмкін. Мысалы, бұл – ата-анасының шоттарына сілтемелер, төлем карточкасының фотосуреттері, олардың орналасқан жері туралы белгілер. Өкінішке орай, мұндай бейқамдық бүкіл отбасы үшін жағымсыз салдары бар ауыр кибершабуылдарға айналуы мүмкін.&nbsp;</blockquote>Кеңес:&nbsp;Балаларға әлеуметтік желілерде жеке ақпаратты, оның ішінде жасын, өздері оқитын мектептің нөмірін, ұзақ сапарларға, каникулдар мен ата-анасының демалысына қатысты жоспарларды, пәтердің, көліктің немесе үйдің фотосуреттерін, банк карталарын немесе туыстарының кімдер екенін, жүрген жерін және ұялы телефон нөмірін көрсетуге болмайтынын түсіндіріңіз. Мұндай &nbsp;деректерді алаяқтар пайдалануы мүмкін.&nbsp;&nbsp;«Экранның ар жағындағы адамға сене берме»Цифрлық даму дәуірінде балалардың 90%-ы достарымен әлеуметтік желілер арқылы байланысады.&nbsp;<blockquote>Бірақ мұндай әлеуметтік еркіндіктің кемшілігі де жоқ емес: балалар киберқылмыскерлермен бетпе-бет келуі мүмкін. Қаскүнемдер басқа адамның фотосуреттерін пайдаланып, әлеуметтік желілерде балалардың ұқсас немесе тіпті бірдей профильдерін жасайды. Балалар өз құрдастарымен сөйлесіп отырмын деп ойлауы мүмкін, ал шын мәнінде бұл ересек адам болуы мүмкін. Интернетте жеке деректердің түпнұсқалығын тексеру қиын.</blockquote>Алаяқтар балаларды офлайн режимінде кездесуге немесе ақша тарту арқылы оларды көп ойыншы қатысатын ойындарға тартады. Мұндай онлайн ойындардың жұмыс принципі бірдей: балаларға заттарды, мысалы, қобдишаларды нақты ақшаға сатып алу ұсынылады, ал ұтысты қаскүнемдер арнайы сервистердің көмегімен шығаруға кепілдік береді.Кеңес:&nbsp;Балаларды бейтаныс адамдардың достыққа қосу туралы ұсынысын қабылдамауға, кездесуге шақыруына мән бермеуге, күмәнді онлайн ойындарға қатыспауға және оларға жеке деректерін жібермеуге үйретіңіз.Сондай-ақ, баланы интернеттегі жағымсыз ақпараттан қорғаудың әртүрлі техникалық құралдары бар. Ең алдымен, бұл антивирус, оны тек компьютерде ғана емес, смартфондар мен планшеттерде де орнату маңызды. Бұдан басқа, балалардың интернеттегі қауіпсіздігі үшін ата-ана тарапынан бақылау функциялары бар арнайы бағдарламалар бар.Тыйым салған нәрсеге қызығушылығы артатынын ескеріп, баланы интернетті қолданудан толығымен шектемеген жөн. Одан да оған бірнеше маңызды ұсыным беріп, оларды міндетті түрде өзіңіз де қолданыңыз. &nbsp; &nbsp;<img src="https://knadmin.beoblood.kz/uploads/2_a6af88bb78.jpg" alt="2.jpg">Цифрлық тазалықты сақтаңыз!&nbsp;Күмәнді сайттарға кіріп, күдікті сілтемелерге өтпеңіз.Егер мұндай сайттарға кіріп қойған болсаңыз, ол жақта сауалнама толтырып, өзіңіз және жақындарыңыз туралы жеке ақпаратты енгізбеңіз.«Спамға» жауап бермеңіз.Пошта немесе мессенджерлер арқылы ешкімге өзіңіздің кредиттік картаңыздың құпиясөзін нөмірін бермеңіз.Сіздің картаңыздың ПИН-кодын, картаның арғы бетіндегі үш таңбалы кодты, SMS арқылы келген кодты айтуыңызды сұрайтын, өздерін банк, құқық қорғау органдарының қызметкерлері деп таныстыратын адамдармен сөйлеспеңіз, хабар жібермеңіз.&nbsp;Өз ұялы телефоныңызды үшінші тұлғаларға бермеңіз және гаджетіңізді қараусыз қалдырмаңыз. Сіздің құрылғыңызға физикалық қолжетімділікке ие болып, алаяқтар оған қауіпті бағдарламалар орната алады.&nbsp;Онлайн-транзакциялар жасаған кезде, поштаңыздың, әлеуметтік желілердегі аккаунттарыңыздың құпиясөзін енгізу кезінде жалпыға ортақ Wi-Fi-ды пайдаланбаңыз.&nbsp;Өзіңізге, балаларыңызға абай болыңыз және қаржылық сауаттылығыңызды Fingramota.kz-пен бірге арттырыңыз!&nbsp;Фото: Fingramota.kz

Қазақстан және Қызылорда облысының жаңалықтары