<a href="https://kyzylorda-news.kz/">Kyzylorda-news.kz.</a> Жұмыс сапарын Жосалы ауылдық округінде жалғастырған Қармақшы ауданының әкімі Жандос Еркінбекұлы ең бірінші ауылдағы медициналық пунктің жағдайымен танысты.Аудан басшысы ауыл тұрғындарына сапалы медициналық көмек көрсету, дәрі-дәрмек қорын ұдайы толықтырып отыруды тапсырып, ауыл тұрғындарының денсаулығын толық бақылауда ұстау үшін медициналық карта бойынша ай сайын мониторинг жасауды ұсынды.Ауылдағы ойын алаңы мен балабақшаның жай-күйін бағамдаған аудан әкімі жүйелі жүргізілген жұмыстарға оң баға беріп, алдағы оқу жылында мектеп оқушылары мен балабақшадағы бүлдіршіндерді тамақтандыру барысында барлық талаптардың қатаң сақталуын, тазалыққа зор мән беру керек екендігін ескертті.

Жосалы ауылында жүйелі жұмыстар жүргізілуде

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы Иіркөл ауылына сапарын аудандық маңызы бар автомобиль жолының Балажарма каналындағы су өткелінің қазіргі жағдайымен танысудан бастады.<blockquote>«Тозығы жеткен, қалпына келтіру жұмыстарын талап етіп тұрған канал ауыл халқы үшін өте маңызды. Сол себепті халық қауіпсіздігі үшін тез арада өткелді қалпына келтіру жұмыстарын бастаңыздар, себебі бұл канал кезек күттірмейтін мәселе. Біз үшін тұрғындардың өмір қауіпсіздігі бірінші орында», – деген Жандос Еркінбекұлы сала басшыларына шұғыл тапсырмалар берді.</blockquote>Мұнан соң аудан басшысы ауылдағы негізгі әлеуметтік нысандар фелдьшерлік акушерлік пунктің жай-күйін көріп, 107-ші мектеп пен ауылдық "Самал" бөбекжай-бақшасының жаңа оқу жылына дайындық барысын толықтай тексеріп, баланың білім ордасының ішіндегі қауіпсіздігін бақылау камераларының жұмысына дейін жіті қадағалауды мектеп басшылығына міндеттеді.Сапар соңында Жандос Еркінбекұлы Иіркөл ауылы мен Жосалы кенті аралығындағы магистральді су құбырының қайта жаңғырту жұмыстары бойынша жоба-сметалық құжаттарын қарап шығып, сала бойынша орынбасары Жұлдызхан Байназарұлына тиісті тапсырмалар беріп, қатаң бақылауға алуды ескертті.

Балажарма каналындағы су өткелінің қазіргі жағдайы қандай?

<a href="https://inbusiness.kz/kz/last/sujytylgan-gaz-ajnalymyn-retteuge-katysty-zan-makuldandy">ФОТО</a><a href="https://kyzylorda-news.kz/">Kyzylorda-news.kz.</a> Қазалы ауданы бойынша "ҚазТрансГаз Аймақ" АҚ Қызылорда өндірістік филиалы магистральдық газ құбырында жөндеу-профилактикалық жұмыстарының жүргізілуіне байланысты өндірістік және коммерциялық-тұрмыстық объектілерінің тұтынушыларына табиғи газ беру тоқтатылған болатын.Осыған орай бүгін аудан әкімінің орынбасары Жалғас Сүйеубаев Әйтеке би кентінде орналасқан газ құю бекеттерін аралады.Бүгінгі таңда газ құю бекеттерінде күнделікті тұрмысқа пайдаланатын сұйытылған газ отынына байланысты ешқандай мәселелер орын алып жатқан жоқ. Жалпы ауданда орналасқан 19 автогаз құю станциясында 52 тоннадан астам сұйытылған газ отыны бар.

Қазалыдағы газ құю бекеттерінде сұйытылған газ отыны жеткілікті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Қалжан ахун ауылындағы «БАҚ» шаруа қожалығының еңбеккерлерімен кездесті.&nbsp;Аудан басшысы еңбек адамдарының науқандық жұмыстарға дайындық барысымен танысты.Шаруашылық төрағасы Серік Әбжалиев атқарылып жатқан жұмыстарды айтты. Шаруа қожалық 2013 жылдан бері егін егіп келеді. Биыл 523 гектар жерге күріш орналастырып, күтімі жасалған. Сондай-ақ, 183 гектар ескі жоңышқаның ІІ орымынан 311 тонна мал азықтық шөп жиналған. Шаруашылық егін жинау науқанына дайын.Аудан әкімі еңбеккерлер жұмысына табыс тілеп, қырманның астыққа толуына тілектестігін білдірді.

«БАҚ» шаруа қожалығы күзгі науқанға дайын

<a href="https://kyzylorda-news.kz/">Kyzylorda-news.kz.</a> Сырдария ауданындағы іргелі шаруашылықтың бірі – «Ақжарма-2» шаруа қожалығы егінге орақ түсірді.&nbsp;Ел ырысы болған егінді ору науқанына арналған іс-шараға аудан әкімінің орынбасары Т.Нұртазаев, шаруашылық төрағасы М.Бисенов және еңбек ардагерлері қатысып, егіншілердің қуаныштарымен ортақтасты.«Ақжарма-2» шаруашылығында биыл 1172 гектар жерге күріш, 120 гектарға бидай егіліп, 162 гектар ескі жоңышқа күтімге алынған.Жалпы, аудан бойынша егілген егістің көлемі өткен жылмен салыстырғанда 8,8 пайызға артып отыр. Атап айтқанда, 36043 гектарға ауыл шаруашылығы дақылдары, оның ішінде 23811 гектарға күріш, 12232 гектарға басқа дақылдар егілді.<img src="https://knadmin.beoblood.kz/uploads/369604657_1408482896381265_3415663981921721210_n_66ff383ded.jpg" alt="369604657_1408482896381265_3415663981921721210_n.jpg">

Сырдарияда күрішке алғашқы орақ түсті

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаев жастардың білім алуына түрлі мүмкіндік жасауда. Соның бірі 100-ге жуық талапкердің жоғары оқу орындарында тегін білім алуын қамтамасыз етті. Ең қызығы, бұл грант тек әлеуметтік санатта дүниеге келген оқушыларға қарастырылған. Биыл облыс әкімі гранты бойынша 100 студентке оқу ақысын және жүріп-тұру, тамақтану шығындарын ішінара өтеуге әлеуметтік көмек тағайындауға облыстық бюджеттен 85,2 миллион теңге қаражат бөлінген. Мұндай мүмкіндікке кімдер ие болғанын Өңірлік коммуникациялар қызметінің баспасөз алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев мәлімдеді.<blockquote>«Үйлестіру кеңесінің отырысында өңірге қажетті 100 мамандық бойынша аудандар мен Қызылорда қаласы әкімдіктерінің және тиісті мемлекеттік органдардың ұсынымдары ескеріліп, облыс әкімінің жоғары оқу орындарына гранттың бөлінісі бекітілді. Үміткерлерден қабылданған өтініштер бойынша 18-21 тамыз аралығында аудан, қала әкімдіктер жанынан құрылған арнайы комиссиялардың отырыстары өткізілді. Арнайы комиссиялардың шешімімен жалпы бөлінген 100 гранттың 97-сі тағайындалды», - деді Ғабит Жұмабекұлы.</blockquote>Атап айтсақ, Қорқыт ата атындағы Қызылорда университетіне 78, С.Ж. Асфендияров атындағы Қазақ Ұлттық медицина университетіне 15, «Нұр-Мүбарак» Египет ислам мәдениеті университетіне 3, Т. Жүргенов атындағы өнер академиясына – 1 грант тағайындалды. Сондай-ақ, Қорқыт ата атындағы Қызылорда университетінің хореография, шет тілі, әлеуметтік жұмыс мамандықтарына бөлінген 3 гранттың 1-уінен өтініш беруші өзі еркімен оқудан бас тартқан. Ал, 2 мамандық бойынша қосымша зерделеу нәтижесінде отбасының табысы белгіленген критерийден асып кетуіне байланысты тағайындаудан бас тартылған.

Қызылорда облысы әкімінің білім гранты иегерлері анықталды

<a href="https://kyzylorda-news.kz/">Kyzylorda-news.kz.</a> Мәжілістегі «AMANAT» партиясы фракциясының мүшесі Мархабат Жайымбетов, партияның облыстық филиалының төрағасы Наурызбай Байқадамов, партия филиалының Атқарушы хатшысы Ләйлә Төрешова және партиялық бақылау комиссиясының төрағасы Нұркен Бақытбекұлы партияның Сайлауалды бағдарламасы аясында салынып жатқан күріш өңдеу зауыты құрылысымен танысты.Тәулігіне 120 тонна күріш өңдейтін зауыт партияның сайлауалды бағдарламасы аясында жүзеге асуда. Жобаның жалпы құны 900 млн теңгені құрайды. Құрылыс жұмыстары ағымдағы жылдың наурыз айында басталған. Қараша айының соңына дейін іске қосылады деп жоспарланып отыр. Жоба іске қосылғанда 20 жаңа жұмыс орны құрылады.Жоғары сапада елімізбен қатар Ресей, Әзірбайжан, Украина, Өзбекстан, Тәжікстан, Моңғолия, Қырғызстан, Грузия, Түркия секілді 10-нан астам елдің нарығына өнім шығарып отырған серіктестік директоры жаңа зауыт жұмысты онан әрі жетілдіруге септігін тигізеді дейді.<blockquote>«Асыл дән LTD» ЖШС-і экологиялық таза күріш және күріш өнімдерін өндіруші компания. Кәсіпорынның негізгі қызметі күрішті және күріш өнімдерін өсіру, өндіру, сақтау, және дайын өнімдерді өлшеп-қаптау болып табылады. «AMANAT» партиясы сайлауалды бағдарламасында ауыл шаруашылығын, шағын және орта бизнесті қолдау мақсатында ауқымды жобаларады жүзеге асырып келеді. Бұл жобамыздың бағдарламаға енгені бізге үлкен көмек. Зауыт іске қосылғанда өнім көлемі де артатын болады», деді «Асыл дән LTD» ЖШС директоры Нұрлан Алдамжаров.</blockquote>«Партияның сайлауалды бағдарламасы халықтың сұранысы негізінде дайындалған. Онда әрбір салаға қатысты өзекті деген мәселелер қамтылып, оларды шешу үшін арнайы Жол картасы жасалды. Енді сол уәделердің орындалуын қатаң бақылауда ұстаймыз», – деді ҚР Парламенті Мәжілісінің депутаты, «AMANAT» партиясы фракциясының мүшесі Мархабат Жайымбетов.

Зауыт құрылысы жол карта аясында жүзеге асуда

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен аймақтағы өзекті мәселелер талқыланған жедел мәжіліс өтті.Жиында қоғамдық-саяси ахуал, вегетациялық кезеңнің түйткілдері, білім саласының жаңа оқу жылына дайындығы, жылу беру маусымына дайындық мәселелері қаралды. Жауапты сала басшылары хабарлама жасап, атқарылған жұмыстар туралы баяндады.Аймақ басшысы егін жинау науқанын өткізу, жаңа оқу жылына тиянақты әзірлік шараларын ұйымдастыру және жылу беру маусымын кедергісіз бастау бойынша бірқатар тапсырма берді.

Аймақтағы өзекті мәселелер талқыланды

<a href="https://kyzylorda-news.kz/">Kyzylorda-news.kz.</a> Қазгидромет ауа райына байланысты еліміздің 17 өңірінде ескерту жариялады.Синоптиктердің болжамы бойынша, 25 тамызда Алматыда күндіз 35 градусқа дейін қатты ыстық болады. Өрт қаупі әлі де жоғары. Абай облысының орталығында найзағай ойнайды. Күндіз облыстың солтүстігінде, батысында бұршақ жауады. Оңтүстіктен соғатын жел солтүстік-батысқа ауысады, екпіні – 25 м/с. Күндіз облыстың оңтүстігінде 35 градусқа дейін қатты ыстық күтіледі. Өрт қаупі әлі де жоғары. Семейде найзағай жарқылдайды. Оңтүстіктен соғатын жел солтүстік-батысқа ауысады, екпіні – 15-20 м/с. Өрт қаупі жоғары. Ақмола облысының солтүстігі мен шығысында түнде және таңертең найзағай ойнайды. Түнде және таңертең облыстың батысында тұман түседі. Солтүстік-батыстан соғатын жел түнде және таңертең солтүстікке, облыстың шығысына ауысады, екпіні – 15-20 м/с. Күндіз Ақтөбе облысының солтүстігі мен батысында найзағай ойнайды. Солтүстік-батыстан соғатын желдің екпіні – 15-20 м/с. Облыстың батысында, шығысында, оңтүстігінде төтенше өрт қаупі сақталады. Ақтөбеде күндіз найзағай жарқылдайды.Қызылорда облысында күндіз батыста, облыс орталығында солтүстік-шығыстан жел соғады, күші –15-20 м/с. Ауданның басым бөлігінде төтенше өрт қаупі сақталады.

25 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда &nbsp;облыстық филиалының кезекті есеп беру-сайлау конференциясы өтті.&nbsp;Онда партия ұйымының 2021-2022 жылдардағы жұмысы қорытындыланды. Алқалы жиынға «AMANAT» партиясының Хатшысы Ержан Жылқыбаев, ҚР Парламенті Мәжілісіндегі фракция мүшесі Мархабат Жайымбетов партия &nbsp;филиалының Саяси кеңесі мен Саяси кеңес Бюросы мүшелері және аумақтық партия филиалдарынан сайланған 249 делегат қатысты.&nbsp;Конференция барысында партия филиалының төрағасы Наурызбай Байқадамов атқарылған жұмыстарды кеңінен жеткізді. Мәселен, есепті мерзімде партияның 1 облыстық, 1 қалалық және 7 аудандық &nbsp;Сайлауалды бағдарламалары бойынша жоспарланған 1 499 іс-шараның 97% орындалған. Мәселен, бағдарлама аясында &nbsp;балабақшалар желісінің өсуі нәтижесінде 2-6 жастағы балалардың мектепке дейінгі тәрбие мен оқытумен қамтылуы 88,8%, 3-6 жастағы балалардың қамтылуы 100%-ға жеткен.Өңір тұрғындарының көгілдір отынды пайдалану деңгейі 70 пайызды құрайды. Оның ішінде қалалық тұрғындар 100 пайыз, ауыл тұрғындары 50 пайыз қамтылған. Жыл соңына дейін бұл көрсеткіш 75 пайызға жетпек. Нормативтік жағдайдағы жергілікті маңызы бар жолдардың үлесі &nbsp;82%. &nbsp;Жыл соңына дейін 87,5 пайызға өспек.Облыс тұрғындарының орталықтандырылған ауыз сумен қамтылу деңгейі 98,1% құрайды. &nbsp;2025 жылы бұл көрсеткішті 100 пайызға жеткізетін боламыз,- дейді партияның облыстық филиалының Төрағасы Наурызбай Байқадамов.Есепті мерзімде партияның қоғамдық қабылдау бөлмелеріне тұрғындардан 8005 өтініш түсіп, олардың 64,2% оң шешілген. Үш мыңға жуық өтінішке заң тұрғысынан тиісті түсіндірмелер мен құқықтық кеңестер берілген. Мұнан бөлек, 35 ауылда мобильді қабылдаулар өтіп, оларда көтерілген 579 мәселенің 43,3% шешімін тапқан. Ағымдағы жылға жоспарланған 16 қабылдаудың &nbsp; 8- і өтіп, оларда 96 тұрғынның 29 сұрағы қанағаттандырылған.&nbsp;«Халықтың әр түрлі топтарымен жұмыс жасауда бұрыннан жүзеге асырылып келе жатқан партиялық жобалармен қатар жаңа жобалардың іске қосылуы да қоғамдағы түрлі өзекті мәселелерді шешуге септігін тигізіп отыр»,- дейді филиал төрағасы.&nbsp;Соның ішінде «Ауыл аманаты» жобасы бойынша облысқа ағымдағы жылы 3 млрд. теңге бөлініп, 600 микрокредит беру және 636 жаңа жұмыс орнын ашу жоспарланған. Бүгінгі күнге 199 млн. тг құрайтын 30 жобаға несие берілген. «Жер аманаты» жобасы бойынша көлемі 157,1 мың га болатын 256 жер учаскелері мемлекет меншігіне қайтарылған. Биыл 200 мың гектар қайтару жоспарланып, оның 69% орындалған. «Кедергісіз келешек» партиялық жоба аясында 742 әлеуметтік нысанның мүмкіндігі шектеулі азаматтар үшін бейімделуіне мониторинг жасалып, нәтижесінде 314 нысанға қайта қалпына келтіру жұмыстары жүргізілген.Жиында ҚР Парламенті Мәжілісінің депутаты, «AMANAT» партиясы фракциясының мүшесі Мархабат Жайымбетов сөз алып, партияның облыстық филиалы Саяси кеңесінің есепті кезеңде атқарған жұмыстарына оң бағасын берді.&nbsp;«Мен есепте айтылған жұмыстарды кеше ғана ауыл аймақтарды аралап, көзбен көрдім. Халықпен тікелей тілдесіп, жағдаймен таныстым. Онда көтерілген мәселелер партияның алға қойған міндеттерінде көрініс тапқан. Енді сайлауалды уәделердің уақытылы және сапалы орындалуына Мәжілістен бастап барлық деңгейдегі мәслихаттардағы фракция мүшелері, партия филиалдары мен бастауыш ұйымдары бір кісідей жұмыла жұмыс жасауымыз қажет», -деді өз сөзінде.Мұнан соң қалалық мәслихаттағы депутаттық фракцияның жетекшісі Талғат Мақашов, партияның Жалағаш аудандық филиалына қарасты «Қаракеткен» бастауыш партия ұйымының төрайымы Мирамкүл Жүсіпова мен Қазалы аудандық «Жастар рухы» жастар қанатының төрағасы Нұрбек Ақпанбетовтер жарыссөзге шығып, ұсыныс - пікірлерін білдірді.«AMANAT» партиясының Хатшысы Ержан Жылқыбаев сөз алып, тұрғындардың әлеуметтік - экономикалық әл-ауқатын жақсарту мен партия жұмысын күшейту бағытындағы алдағы мақсат-міндеттерді атап өтті. Конференция барысында күн тәртібіне сәйкес партия филиалының бақылау - тексеру комиссиясының есепті мерзімдегі атқарған жұмысы тыңдалып, партияның облыстық филиалы Саяси кеңесінің және бақылау - тексеру комиссиясының жаңа құрамы сайланып, алдағы жұмыстар пысықталды. Айта кетейік, «AMANAT» партиясының Қызылорда облысында 1 аймақтық, 9 аумақтық филиалы, 241 бастауыш ұйымдары, 45 мыңға жуық мүшесі және мыңдаған жақтастары бар. Биылғы есеп беру - сайлау кезеңінде 78 немесе 47,9% бастауыш партия ұйым жетекшілері жаңадан сайланды. &nbsp;Соңғы сайлау қорытындысымен барлық &nbsp;мәслихаттардағы орынның 79,6 пайызын &nbsp;иеленуде.

Партияның облыстық филиалының есеп беру-сайлау конференциясы өтті

<a href="https://kyzylorda-news.kz/">Kyzylorda-news.kz.</a> Бедеулік дертіне шалдыққан отбасылық жұптарға көмек көрсету мақсатында 2022 жылы Ләйлә Сұлтанқызы Instagram әлеуметтік желісінде «Тегін ЭКО» атты бастама көтерген болатын.Бұл бастамаға «Аңсаған сәби» мемлекеттік квотасына белгілі себептерге байланысты іліне алмаған, бірнеше мәрте өз қаражаттарына ЭКО жасауға талпынған, генетикалық дертке байланысты сәбилі бола алмаған отбасыларды таңдап алған болатын.Елімізде ЭКО бағдарламасын жасатудың орташа құны 2 млн тг. құрайды. Бұндай көлемдегі қаражатты жинауға Ләйлә Сұлтанқызының оқырмандары мен қайырымды жандар көмек көрсеткен еді. Одан бөлек ең үлкен қолдау көрсеткен жандардың қатарында елімізге ең алғашқылардың бірі болып ЭКО бағдарламаны қалыптастырған эмбриолог-репродуктолог Салтанат Берденқызы Байқошқарова және “Ecomed” ұжымын атап өтпесе болмас.Игі бастама нәтижесінде әр өңірден бес жұп ЭКО бағдарламадан өтті. Олардың төртеуінде бірінші реттен жасалған эмбрион тасымалынан кейін жүктілік анықталып, айы-күні жеткен шақта ұл-қыздарын бауырына басты. Қызылордалық Айнұр есімді бесінші пациент тек үшінші реттен жүкті болып 10 тамыз күні Мирас есімді ұл баланы дүниеге әкелді. Айнұр бізге хат жолдаған болатын: «Отбасы құрғанымызға 12 жыл болды. Табиғи жолмен 2 рет көтердім 2012 жылы 8 апта замерщий деп алдырып тастадық, 2014 жылы екінші жүктілік 7-8 апта замерщий деп тағы алып тастады. 2016 да Шымкентте "Брак и семья" клиникасында өз қаражатыммен ЭКО жасаттым сәтсіз болды. Квотаға очередьте тұрғаныма 4 жыл болды. Қазір жасым 41 де, 2022 жылдың май айында 42-ге толам жолдасым үйдің жалғыз баласы ұрпақсыз қалама деп қорқам, өзімнің де ана атанғым келеді көмектесіздерме, өтініп сұраймын. Өйткені екі рет сәтсіз экодан кейін үмітім үзіліп қатты стресс алдым, жұмысқа шықпай үйде жатып қалдым. 10 миллиондай ақшамыз кетті осы уақытқа шейін, жұмыс істейміз болницаға қараламыз анализ тапсырып емделеміз, сөйтіп арасында жоғарыда айтқандай өміріміз өтті. Отбасымызда сәбидің иісі мен үні естіліп бақытты шаңыраққа айналсақ екен. Отбасымды сақтауға көмек беріңздерші. Ұйқысыз түндерім мен жылаған күндерімді ұмытқым келеді».Осындай шарасыз күйде хат жолдаған Айнұр біраз сынақтан өтіп, бүгінде жолдасы Мейрамбек екеуі ата-ана атанды. Айнұр мен баланың жағдайы қалыпты болғаннан кейін дәрігерлердің рұқсатымен күні кеше 23 тамыз Қызылорда қаласының Ана мен бала орталығынан үйге шыққан болатын. Осылайша, жай ғана Instagram желісінде бастау алған қайырымдылық көпшіліктен қолдау тауып, биыл «Жібек жолы» телеарнасынан Ләйлә Сұлтанқызының авторлық бағдарламасы ретінде «Ана болғым келеді» деген атаумен көрерменге жол тартты. Алғашқы маусымда тағы да қайырымды жандардыдың көмегімен алты пациент таңдап алынды. Араға біраз уақыт өткен соң Ләйлә Сұлтанқызы «MARIYAM» деген атаумен қайырымдылық қор ашып, нәтижесінде тағы бес жұп ЭКО бағдарламадан өтуге мүмкіндік алды.Бүгінде жалпы саны 11 жұп ЭКО бағдарламадан өтуде. Жыл соңына дейін бұл көрсеткішті 20-ға дейін жеткізу жоспарда бар. Осы уақытқа дейін 12 эмбрион тасымалы жасалды. Әзірге 3 жүктілік анықталды. ЭКО бағдарламаны жүргізіп, пациенттерге медициналық-моральдік тұрғыда көмек көрсетіп жатқан білікті репродуктолог-дәрігер Алмаз Құрманәліұлының және әріптестері Ботагөз Серікбайқызын, Ислам Дәуренұлының есімдерін атап өтпесе болмас.Осы уақытқа дейін «MARIYAM» қайырымдылық қорының сайтына көмек сұраған жандардан 1000-нан астам хат келіп түсті. Әр хатты біздің дәрігерлер мұқият қарап, хаттың мазмұнын, диагнозын талқылайды. Нәтижесінде диагнозы ауыр, жасы үлкен, бала көтеру мүмкіндігі төмендеу деген қиын жағдайларды таңдайды. Қордың және дәрігерлердің мақсаты – сөніп бара жатқан үмітті қайта жалғау, мүмкін емес деген нәрсені ең әуелі Құдайдың және медицинаның көмегімен мүмкін ету. Қоғамда жиі кездесетін өзекті проблемалардың бірі бедеуліктің санын азайту жолында аудиторияны сауатты ақпараттандыру, осы диагнозға душар болған жұптарға көмек көрсету – «MARIYAM» қайырымдылық қорының басты миссиясы.

«Тегін ЭКО»: Қызылордадағы қуаныш

<a href="https://kyzylorda-news.kz/">Kyzylorda-news.kz.</a> Биыл шілдеден бастап Қызылорда облысындағы барлық балабақша иелері балаларды бақшаға «фейс-бақылау» арқылы кіргізіп жатыр. Жоба пилот режимінде жүзеге асырылуда. Қыркүйектен ресми енгізілмек. Аталған жүйе өз мақсатын орындай ала ма? Бұл сұрақ Қызылорда облысының кәсіпкерлер палатасында жеке балабақша иелерінің қатысуымен өткен кездесуде талқыланды.Шараға Палата директоры Пірмұхаммед Сыздықов, Қазақстанның үздіксіз білім беру Қауымдастығының төрайымы Лейла Куленова, облыстық мәслихат депутаты Балжан Шәменова, облыстық білім басқармасының, қалалық білім бөлімінің өкілдері мен балабақша құрылтайшылары қатысты.Маусымда облыс әкімінің орынбасары Нұрымбет Сақтағановтың төрағалығымен мектепке дейінгі білім беру ұйымдарында бюджет қаражатының мақсатты жұмсалу мен сыбайлас жемқорлық тәуекелдерінің алдын алуға арналған мәжіліс өтеді.&nbsp;Шарада балабақшаларға зерделеу жұмысын жүргізу барысында оған баратын бала санына қатысты кемшіліктердің анықталғаны айтылды. Мәселенің шешімі ретінде балабақшаларға «фейс-бақылау» жүйесін енгізу таңдалады. Осылайша сол шарада қабылданған хаттамамен шілде-тамыз айларында барлық балабақшаға «фейс-бақылау» жүйесі енгізілді.Кәсіпкерлер палатасында өткен кездесуде балабақша иелері пилот жобаның проблемаларын жеткізді.Балабақша иелерінің бірі Салтанат Балжанова тәрбиешілердің негізгі міндетіне зиянын тигізбес үшін «фейс-бақылауды» күнделікті өзі жүргізетінін жеткізді. Ол пилотқа ұсынылған механизмнің ыңғайсыз тұстарына тоқталды.<blockquote>«Бұл жобаны енгізген жағдайдың өзінде жетілдіру керек. Біріншіден, әр баланы «фейс-бақылаудан» өткізу үшін телефонмен суретке түсіріп отыру керек. Оның үстіне кей бала суретке түскісі келмей жылап, қарсылық білдіреді. Менде бір бала басын жаралап, енді бірі кіші дәретін жіберіп қойған жағдай болды. Жақында мобильді қосымша жаңартылды. Міне содан бастап самсунг маркалы телефонмен кіре алмай қалдым. Айфон болуы керек екен. Бұны қалай түсінеміз? Екіншіден, облыстық, қалалық білім басқармасы, бөлімінен нақты құжатпен берсеңіздер тапсырманы. Біз келісімшартқа енгізіп, ата-аналардан ресми рұқсат сұрайық», – деді Салтанат Балжанова.</blockquote>Шараға мобильді қосымшаны құрастырушы «Jsoft» ЖШС өкілі шақыртылған еді, бірақ келмеді.Қазақстанның үздіксіз білім беру Қауымдастығының төрайымы Лейла Куленова бұл қадам балабақшаның жұмысына кедергі келтіріп, балаға қолайсыз болса өзге жол іздеу керек екенін жеткізді.<blockquote>«Фейс-бақылау» болмағанның өзінде балалардың бақшаға нақты баратынын көрсететін өзге де бақылау түрін енгізу керек. Онсыз болмайтынын көріп отырмыз. Бірақ мына пилот жобада қолданған тәсілге өзге альтернатива іздеу керек. Себебі қандай бақылау түрі енгізілсе де ол балабақшаның оқу-тәрбие бағдарламасына зиянын тигізбеуі тиіс. Баланы айтпағанда, үлкендер – біздің өзімізге егов, банк қосымшаларында face id-дің «оңға, солға қара» деген сұраныстары жайсыздық тудырады. Онсыз да таңертең ұйқысы шала баланың көңіл-күйіне әсер етпей қоймайды. Ал ол тәрбиешілердің жұмысына да кедергі болады», – деді Қауымдастық төрайымы.</blockquote>Лейла Куленова бағдарлама құрастырушылары пилот жобаның нәтижелі жүзеге асырылуына мүдделі болуы керек екенін атап өтті.<blockquote>«Ол үшін балабақшаларда көмектесуге әзір. Тек ол тәрбиешілерге де балаларға да ыңғайлы болуы керек», – деді Лейла Куленова.</blockquote>Облыстық білім басқармасының өкілі Зарипа Матжанова өңірде балабақшалардың 95 пайызы осы пилот жоба аясында жұмыс істеп жатқанын айтса, қалалық білім бөлімінің әдіскері Жанат Сәрсенбай облыс орталығындағы 249 балабақшаға түгел пилот жоба енгізілгенін жеткізді.Облыстық білім басқармасының жоспары бойынша қыркүйектен бастап «фейс-бақылау» жүйесі балабақшаларға толық енгізіледі. Оған биылға бюджеттен 97 млн теңге қарастырылған.Облыстық мәслихат депутаты Балжан Шәменова бағдарлама құрастырушыларымен келісімшарт жасау барысында осы жағын ескеруді ұсынды.<blockquote>«Техникалық тұрғыдан бұл жұмыс қалай ұйымдастырылады? Қандай жүйеге кіреді? Оны облыстық білім басқармасы айту керек. Ертең келісімшартқа қалалық, аудандық білім бөлімдері қол қояды. Басқарма оған құзырет берген. Қазіргі келісімшартта «мониторинг жүргізеді» деп қана көрсетілген. Бірақ ол қалай жасалады? Оны көрсетпеген. Мәселе бар», – деді Балжан Шәменова.</blockquote>Кездесу қорытындысымен облыстық білім басқармасына пилот жобаға қатысты айтылған ұсыныс-пікірлер мен кемшіліктерге талдау жасап, нәтижесімен бағдарлама құрастырушыларына жүктелетін техникалық сипаттамада нақты механизмдерін көрсету ұсынылды. &nbsp;

Қазақстан және Қызылорда облысының жаңалықтары