<a href="https://kyzylorda-news.kz/">Kyzylorda-news.kz.</a> ҚР басым бөлігінде атмосфералық фронтальды бөлімдердің өтуіне байланысты ауа-райының тұрақсыз сипаты сақталады, жаңбыр жауады, таулы аудандардың оңтүстік-шығысында найзағай ойнап, дауыл тұрып, жауын-шашын (жаңбыр, жабысқақ қар), бұршақ жаууы мүмкін, деп хабарлайды Қазгидромет.ҚР батысында, солтүстігінде, солтүстік-батысында қатты жаңбыр жауады деп күтілуде. ҚР батысында, солтүстігінде, оңтүстік-шығысында тұман күтіледі.Жамбыл, Қызылорда, Атырау обылысының батысында, шығысында, Ақтөбе облысының батысында, орталығында, Маңғыстау облысының солтүстігінде, шығысында, оңтүстік-шығысында төтенше өрт қаупі күтіледі.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Берік Сәрменбаев Бесарық ауылына барып, шаруашылық еңбеккерлерімен кездесті. Егін жинау науқанына дайындалып жатқан шаруалар жұмысымен танысып, өнімнің мол болуына тілектестік білдірді.Елді мекендегі «Бесарық» ЖШС биыл 700 гектар жерге егін екті. Ала жаздай диқандар күріштікті күтіп, баптады. Енді санаулы күндерден кейін егінді жинау науқаны басталады. Серіктестік директоры М.Биболатов 120 адам жұмыс істейтінін айтты. Сондай-ақ, шаруашылық адамдары биыл 55 гектар жаңа жоңышқа егіп, 303 гектар ескі жоңышқаны күтімге алған.Мұнан соң аудан басшысы жақында үйі өртенген елді мекендегі Тыныштық Баржақсиевтің отбасына арнайы барды. Жуырда тоқтағы ақаудан үй өртенген болатын, адам шығыны орын алған жоқ.Бүгінде ынтымақ, бірлігі жарасқан ауыл халқының демеуімен жаңа үйдің іргетасы қалануда. Бұл жұмыстарға ел азаматтары жанашырлық танытуда. Шаруашылық тарапынан көмек көрсетілуде. Сондай-ақ, ауыл жастары да қиын шақта бір жағадан бас, бір жеңнен қол шығаруда.Берік Әбдіғаппарұлы ауызбірліктің арқасында қиындықтар еңсерілетінін, отбасыға жан-жақты көмек көрсетілетінін айтты. Ынтымақты ту еткен елді мекен тұрғындарының берекесі арта беретінін атап көрсетті.

Сырдария ауданының әкімі Бесарық еңбеккерлерімен кездесті

<a href="https://kyzylorda-news.kz/">Kyzylorda-news.kz.</a> Бүгін Жалағашта өткен Xl ардагерлер спартакиадасында 7 спорт түрінен денсаулық саласы, кент және ауылдық округтерден 16 ардагерлер команда бақсынады.Ардагерлер спартакиадасында барлық сайыс қорытындысы бойынша командалық есеппен Мәдениет ауылдық округі жүлделі ІІІ орын, Жалағаш кенті жүлделі ІІ орын, Ақсу ауылдық округі үшінші дүркін жүлделі І орынды иеленді.Ардагерлер спартакиадасынна 200 ге жуық ардагер қатысты. Сайыс шартына сәйкес ауыспалы кубок Ақсу ауылына тиесілі болды. Спорттық жарыс 2011 жылдан бері дәстүрлі түрде өз жалғасын тауып келеді.Салауатты өмір салтын ұстанған ата-әжедеріміз ұлағатты өмір жолында ұзақ жасау мен белсенді өмір сүруді насихаттап келеді. Дәстүрлі басқосу қазіргі таңда маңыздылығын жоғалтпай, өскелең ұрпаққа үлгі-өнеге көрсетуде.<img src="https://knadmin.beoblood.kz/uploads/371761949_1764745977310806_862187938985037378_n_487100d6ea.jpg" alt="371761949_1764745977310806_862187938985037378_n.jpg"><img src="https://knadmin.beoblood.kz/uploads/371018378_1764745947310809_6344755511669737873_n_e2a9c4f079.jpg" alt="371018378_1764745947310809_6344755511669737873_n.jpg">

Ауыспалы ардагерлер кубогының иегерлері анықталды

<a href="https://kyzylorda-news.kz/">Kyzylorda-news.kz.</a> Бүгін Жалағаш аудан әкімі Асқарбек Есжанов Моңғолия Республикасы Баян-Өлгей қаласында тоғызқұмалақтан өткен VI Азия чемпионатының алтын жүлде иегері Ақерке Кенжебекованы қабылдады.Ақерке Батырбекқызы ендігі кезекте Румыния мемлекетінің Констанца қаласында 31 тамыз - 4 қыркүйек аралығында ересектер арасында өтетін әлем кубогында тоғызқұмалақ спортының рапид түрінен еліміздің намысын қорғайтын айтқан Асқарбек Темірбекұлы, жерлесімізге алдағы додада табандылық, жоғарғы спорттық шеберлік және қажымас қайрат танытып, елімізді осы халықаралық жарыста лайықты көрсетеді деп сенім білдіретінін жеткізді.<blockquote>«Ақерке Батырбекқызы ағымдағы жылдың 4-12 тамыз аралығында Моңғолия Республикасы, Баян - Өлгей қаласында 9 елден 200-ден астам спортшы қатысқан тоғызқұмалақтан өткен VI Азия чемпионатының алтын жүлде иегері атанып, еліміздің мерейін асқақтатты. Құрметті Ақерке Батырбекқызы еліміздің, ауданның абыройын көтерген халықаралық жарыстардағы жеңісіңізбен өзімнің атымнан және аудан халқының атынан шын жүректен құттықтаймын. Ұлттық спортымызды жандандырып, ұшқыр ой, қажырлы қабілетіңіздің арқасында бүгінде халықаралық дәрежедегі спорт шебері атандыңыз. Біз сізді мақтан тұтамыз», - деді аудан әкімі.</blockquote>Халықаралық дәрежедегі спорт шебері Ақерке Батырбекқызы өз кезегінде спортшы үшін ең үлкен күш ол өзіне сенім білдірген жандардың қолдауы екенін айтты. Әр жарыста туған жеріміздің атын, әнұранын әлем алдында шырқату басты мақсаты екенін, алдағы сайыста сенімнің үдесінен шығатынын жеткізді.Ақерке Батырбекқызы мен жаттықтырушысы Асхат Маратұлы арнайы аудан әкімінің алғыс хатымен марапатталып, сертификат табысталды.Кенжебекова Ақерке Батырбекқызы 2011 жылы 10 жасында жасөспірімдер арасында Қостанай облысында өткен чемпионатында Қазақстан Республикасының чемпионы атанған. Кейін жастар және ересектер арасында ҚР чемпионы атағын иеленген.2016 жылы Ресей Федерациясының Алтай Республикасында тоғызқұмалақтан өткен жастар арасындағы Азия чемпионатының ІІ орын иегері, 2017 жылы Астана қаласында өткен ересектер арасында IV Әлем чемпионатының қола жүлдегері, 2018 жылы Моңғолия Республикасында өткен ересектер арасында IV Азия чемпионатының алтын жүлде иегері атанған.Қазіргі таңда ауданымызда тоғызқұмалақ спортынан 1 халықаралық дәрежедегі спорт шебері, 1 спорт шебері және 40-қа жуық спорт шеберлігіне үміткерлері бар.

Жалағаш ауданының әкімі халықаралық дәрежедегі спорт шеберін қабылдады

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының әкімі Жандос Еркінбекұлы мен аудандық мәслихат төрағасы Қошалақов Әділбек Ұсенұлымен бірге Көмекбаев ауылдық округіндегі барлық кезеңдік ауыз су құбырының ашылу салтанатына қатысты.Аудан басшысы ауыл халқын еліміздің ата заңы, мемлекеттік мереке – Конституция күнінің қарсаңында ашылғалы тұрған жаңа құрылыс нысаны, барлық кезеңдік су құбырының іске қосылуымен құттықтап, тұрғындардың таза ауыз судың игілігін көрулеріңе өз тілектестігін білдірді.Естеріңізге сала кетсек, Көмекбаев ауылындағы су қабылдайтын құрылғыны қайта құру жұмыстарына республикалық бюджеттен 253 443,0 мың теңге бөлініп, "Корпорация Әлем Құрылыс" ЖШС мердігер мекемесі арқылы құрылыс жұмыстары жүргізілген болатын.

Көмекбаевтықтар жаңа құбырдан су ішетін болады

<a href="https://kyzylorda-news.kz/">Kyzylorda-news.kz.</a> Бүгін Қазалы ауданы әкімдігінің мәжіліс залында аудан әкімі Мұхтар Оразбаевтың төрағалығымен әкімдік және аппарат мәжілісі өтті. Жиында бірқатар маңызды мәселелер талқыланды.Ең бірінші әкімдік мәжілісінде аудандық білім бөлімінің басшысы Әділхан Жөлекешов 2023-2024 жаңа оқу жылына білім беру мекемелерінің дайындық туралы баяндап берді.<blockquote>«Өздеріңізге белгілі, санаулы күндерден кейін жаңа оқу жылы басталады. Ауданда биыл Қ.Пірімов ауылындағы №92 орта мектеп күрделі жөндеуден өтсе, Әйтеке би кентінде 250 орындық мектеп құрылысы жүруде. Алда «Жайлы мектеп» жобасы шеңберінде Жанқожа батыр ауылы мен Әйтеке би кентінен 2 мектеп салынатын болады. Мұның бәрі Мемлекет және аймақ басшысының қолдауымен балалардың сапалы білім алуы үшін жасалып жатқан шаралар» деді аудан басшысы.</blockquote>Сондай-ақ, аудандық білім бөлімінің басшысы Әділхан Оңдасынұлына жылу беру маусымында сұйық отын тапшылығы болмау қажеттігін ескертіп, дайындық жұмыстарын сұрады.Сондай-ақ, саладағы ең үлкен мәселе – балалардың қауіпсіздігі екеніне тоқталып, білім беру ұйымдарын турникеттермен, дабыл түймесімен, лицензиясы бар күзетпен, ішкі істер органдарының Жедел басқару орталығына қосылған бейнебақылаумен толық қамтамасыз ету жөнінде шаралар қабылдау қажеттігін тапсырды.Мұнан соң білім беру нысандарының тазалығы сынға алынып, тез арада қалыпқа келтірілуі жүктелді.<img src="https://knadmin.beoblood.kz/uploads/370268116_3727889000765353_1067299912964948922_n_a67a0d8db9.jpg" alt="370268116_3727889000765353_1067299912964948922_n.jpg">Аудандық мәслихат төрағасы Ғазиз Әліш те білім саласына қатысты бірқатар мәселелер көтеріп, анық-қанығын сұрады.Ал аппарат мәжілісіндегі алғашқы мәселе - шағын және орта кәсіпкерлік саласының даму барысы мен алдағы міндеттері туралы аудандық кәсіпкерлік, өнеркәсіп және туризм бөлімінің басшысы Ақтілеу Бөріқұлақов айтып өтті.Баяндамадан соң Мұхтар Әуесұлы 2023 жылдың 7 ай қорытындысымен кәсіпкерлік саласының негізгі көрсеткіштер бойынша оң нәтижелерін баяндаған Ақтілеу Талайлыұлынан бірнеше сауалдардың жауабын сұрады. Оған қоса бірқатар ауылдық окург әкімдерінен ауылдардағы кәсіпкерлік саласын дамытуға не кедергі екенін және жұмыссыздық мәселесін шешу жолдарын сұрады. Сонымен қатар аталған мәселелер бойынша тапсырма жүктеп, тез арада қолға алу қажеттігін ескертті.Аппарат мәжілісіндегі екінші мәселе - ауданда бұқаралық спортты дамытудың жай-күйі және ауыл спортшыларының «АЛТЫН КҮЗ-2023» облыстық спартакиадасына дайындық барысы бойынша болды. Бұған аудандық мәдениет және спорт бөлімінің басшысы Болат Жолтаев тоқталды.<blockquote>«Біздің алдымызда бұқаралық спортпен айналысатын азаматтардың санын арттырып, дені сау ұлт қалыптастыру міндеті тұр. Сондықтан, тұрғындар арасында спорт түрлерін кеңінен насихаттап, жұмысты жандандыруға тиіспіз» деген аудан басшысы алдағы “Алтын күз - 2023” облыстық спартакиадасында аудан спортшылары үздік үштіктен көріну қажет екенін айтты.</blockquote>Бұдан бөлек, Әйтеке би кентінің әкімі Қайрақбай Орынбасаровқа кент ішіндегі бұзылған спорт алаңдарын қайта қалпына келтіру керектігін ескертті.Жиында ономастика саласындағы жол картаның орындалуы туралы сөз етілді. Хабарлама жасаған Болат Әбенұлына тиісті жұмыстарды жүйелі түрді ұйымдастырып, ономастикалық комиссияның қарауына ұсыну қажеттігі айтылды.Мәжілісті қорытындылаған аудан әкімі Мұхтар Оразбаев аудандағы тазалық мәселесі және қоғамдық тәртіпті бақылау үшін құрылған рейд топтардың жұмыстарыкүн тәртібінен түспейтінін айтты. Сонымен қатар жүктелген міндетке жауапкершілікпен қарау қажеттігін ескертіп, тиісті тапсырмаларды жүктеді.

Қазалы ауданында «Жайлы мектеп» жобасы арқылы 2 мектеп салынады

<a href="https://kyzylorda-news.kz/">Kyzylorda-news.kz.</a> Конституция күні қарсаңында облыс әкімі Нұрлыбек Нәлібаев Шиелі ауданына жұмыс сапарымен барып, жаңа дене шынықтыру-сауықтыру кешенінің салтанатты ашылу рәсіміне қатысты. Қызылорда облысының Құрметті азаматы Мұрат Бақтиярұлы рәсімнің қонағы болды.Аймақ басшысы тұрғындарды спорт нысанының ашылуымен құттықтады.<blockquote>«Мемлекет басшысының тапсырмасына сәйкес аймағымызда спорт саласын дамытуға айрықша көңіл бөлінуде. Ел Президентінің бастамасымен өткен жыл «Балалар жылы» деп аталғаны белгілі. Атаулы жылда демеушілер көмегімен 1 млрд. 600 млн. теңгенің 80 спорт-ойын алаңы балдырғандарға тарту етілді. Оның 6-уы Шиелі ауданында балалар игілігіне берілді. Демеушілер бұл жұмыстарды биыл да жалғастыруда. &nbsp;Үкіметтің қолдауымен аймақта спорт құрылымын дамытудың ауқымды жобалары жүзеге асырылып келеді. Өткен жылы Шиелі кенті «Көкшоқы» шағын ауданындағы спорт кешені күрделі жөнделіп, бүгінде онда тұрғындардың спортпен айналасуына барлық жағдай жасалған. Жастардың байрақты бәсекелерде, дүбірлі додаларда топ жаруына заманауи үлгідегі осындай нысандардың қосар үлесі мол», – деді Нұрлыбек Машбекұлы.</blockquote>Расында Сыр елінің саңлақтары спорттық додаларда жеңіс төрінен көрінуде. &nbsp;Аймақ спортшылары биылғы 7 айдың қорытындысы бойынша ҚР чемпионаты мен кубоктарында 552 (175 алтын, 165 күміс, 212 қола) медаль жеңіп алса, Әлем және Азия чемпионаты мен кубоктарында 76 медальға (32 алтын, 24 күміс, 20 қола) қол жеткізді. Атап өту керек, бүгінде облыс тұрғындарының 38 пайызы, яғни 316 мыңнан астам адам бұқаралық спорт түрлерімен шұғылданады.&nbsp;Қызылорда қаласының сол жағалауында салынуы жоспарланған «Көпсалалы дене шынықтыру-сауықтыру кешенінің құрылысы» жобасы оң шешімін тауып, республикалық маңызы бар спорт ғимаратының құрылысы басталды. Жоба құны – 6 млрд. 900 млн.теңге. Бұдан бөлек, 7 мың адамға арналған «Қайсар» футбол командасының заманауи стадионының құрылысы жақын күндері басталады.&nbsp;<img src="https://knadmin.beoblood.kz/uploads/371037404_600720292249219_3112789164893940007_n_5aaa192233.jpg" alt="371037404_600720292249219_3112789164893940007_n.jpg"><img src="https://knadmin.beoblood.kz/uploads/371055898_600719988915916_432289419000755764_n_8992b68044.jpg" alt="371055898_600719988915916_432289419000755764_n.jpg"><img src="https://knadmin.beoblood.kz/uploads/371010949_600720168915898_1531990767413711299_n_af249660b7.jpg" alt="371010949_600720168915898_1531990767413711299_n.jpg"><img src="https://knadmin.beoblood.kz/uploads/371031630_600720008915914_3149006277743256175_n_2bb1e262d0.jpg" alt="371031630_600720008915914_3149006277743256175_n.jpg"><img src="https://knadmin.beoblood.kz/uploads/371053418_600720138915901_6646743517918985956_n_fd02dc4be3.jpg" alt="371053418_600720138915901_6646743517918985956_n.jpg"><img src="https://knadmin.beoblood.kz/uploads/371048583_600720178915897_16118026920882865_n_744018de2b.jpg" alt="371048583_600720178915897_16118026920882865_n.jpg">

Шиелі ауданында дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz.</a> Конституция күні қарсаңында облыс әкімі Нұрлыбек Нәлібаев Шиелі ауданына жұмыс сапарымен барып, тұрғындарға 72 пәтердің кілтін табыстады.Іс-шараға Қызылорда облысының Құрметті азаматы Мұрат Бақтиярұлы қатысты.Аймақ басшысы қоныс той иелерін құттықтап, халықты баспанамен қамту мемлекеттің басым бағытының бірі болып қала беретінін жеткізді.<blockquote>«Бүгін Конституция күні қарсаңында аудан орталығынан жаңа тұрғын үйді пайдалануға беріп, 70-тен аса отбасының қуанышын еселемекпіз. Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек», – деген болатын. Президентіміз бен Үкіметтің Сыр өңірін ерекше қолдауының арқасында 2023 жылдың тамыз айындағы облыс бюджетінің көлемі 604 млрд. 100 млн. теңгеге жетті. Бұл өткен жылдың тамызындағы көрсеткішпен салыстырғанда 157 млрд. 600 млн. теңгеге немесе 55,3 пайызға ұлғайды. Оның ішінде Шиелі ауданының бюджеті 13 млрд. 444 млн. теңгеге жетті. Бұл ауқымды қаражат аймағымыздың ең өзекті саналатын мәселелерін шешуге, облыс тұрғындарының өмір сүру сапасын арттыруға жұмсалады», – деді Нұрлыбек Машбекұлы.</blockquote>72 пәтерлік тұрғын үй "Көкшоқы" шағын ауданында салынған. Пәтерлер комиссия шешімімен заң аясында барлық санатқа бөлінді. Сонымен қатар, республикалық бюджеттен 480 млн. теңге қаржы қаралып, 50 тұрғын үй құрылысы басталған. Жыл соңында бұл үйлер де халықтың әлеуметтік жағынан осал топтарына берілмек.Айта кетейік, мамыр айында Шиелі ауданындағы көпбалалы отбасыларға 20 тұрғын үйдің кілті табысталған еді. Оған «Нұрлы жер» мемлекеттік тұрғын үй құрылысы бағдарламасы аясында 833,2 млн теңге қаржы бөлінген. &nbsp;Қазір Сыр өңірі қарқынды құрылыс алаңына айналып, жаңа заманауи нысандар бой көтеруде. Облысымызда соңғы үш жылда жалпы ауданы 231 мың шаршы метрді құрайтын 2 868 пәтерлік 148 тұрғын үй салынды. Биыл 31 млрд. 400 млн. теңгеге 130 мың шаршы метр 1 924 пәтерлік 36 көпқабатты тұрғын үйдің құрылысы жүргізілуде. Алдағы уақытта 1430 пәтерлік 30 үй халық игілігіне табысталады. Арнайы қабылданған «Сыр жастары» бағдарламасы аясында алғаш рет 100-ден астам жас отбасыға тұрғын үй беріледі. &nbsp;Бұл мақсатқа жергілікті бюджеттен 1 млрд. 200 млн. теңге, «Отбасы» банкі арқылы 500 млн.теңге, барлығы 1 млрд. 700 млн. теңге қаражат бөлінді. &nbsp;Несиелік тұрғын үй құрылысы бойынша биыл Қызылорда қаласында 520 пәтерлік 11 тұрғын үйді салып, пайдалануға беру жоспарлануда. Бұдан бөлек, Сырдария өзенінің сол жағалауында 84 пәтерлік жеті қабатты 6 тұрғын үйдің құрылысы басталды.<img src="https://knadmin.beoblood.kz/uploads/371083281_600727768915138_8146077049549109195_n_5edaa173f2.jpg" alt="371083281_600727768915138_8146077049549109195_n.jpg"><img src="https://knadmin.beoblood.kz/uploads/371060956_600727738915141_2531030061032892424_n_c37f554ccb.jpg" alt="371060956_600727738915141_2531030061032892424_n.jpg"><img src="https://knadmin.beoblood.kz/uploads/370840139_600727835581798_4382338704200315862_n_c20a49d048.jpg" alt="370840139_600727835581798_4382338704200315862_n.jpg"><img src="https://knadmin.beoblood.kz/uploads/371120463_600727845581797_5118425370738600123_n_e1e714d368.jpg" alt="371120463_600727845581797_5118425370738600123_n.jpg"><img src="https://knadmin.beoblood.kz/uploads/371029531_600727928915122_520971322145737602_n_2249bb702f.jpg" alt="371029531_600727928915122_520971322145737602_n.jpg">

Шиеліде 70-тен астам отбасы баспаналы болды

<a href="https://kyzylorda-news.kz/">Kyzylorda-news.kz.</a> Сыр өңірінің қолөнер шеберлері халықаралық жәрмеңкеге қатысты.Түркі халықтарының дәстүрлі және қолданбалы қолөнерін дамыту, тоқыма және зергерлік өнерді насихаттау, тәжірибе алмасу және туыстас халықтар арасындағы интеграцияны тереңдету мақсатында 2023 жылғы 25-26 тамыз күндері көне өркениет ошағы – Отырарда өткен «Ұлы Жібек жолы бойындағы тоқыма және зергерлік өнер» атты Халықаралық қолөнер шеберлерінің жәрмеңкесіне Сыр шеберлері де қатысып, тәжірибе алмасты.&nbsp;Жәрмеңкеге Түркия, Өзбекстан, Қырғызстан, Түркіменстан, Әзірбайжан мемлекеттерінің және еліміздің барлық аймақтарынан жиналған 50-ден аса тоқыма және зергерлік өнердің хас шеберлерінің қолөнер бұйымдары ұсынылды.Қазылар алқасының шешімімен зергер Жақыпов Бекзат және ши тоқу шебері Зылиха Календарова «Тұран» номинациясымен марапатталды.

Қызылордалық қолөнер шеберлері халықаралық жәрмеңкеге қатысты

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 29 тамыз-1 қыркүйек аралығына арналған үш күндік ауа райы болжамын ұсынды.Алдағы үш тәулікте республиканың басым бөлігінде ауа райының тұрақсыз сипаты сақталады.Найзағай жарқылдап, қатты жел тұрады, жаңбыр, сондай-ақ бұршақ та жаууы мүмкін.Қазақстанның солтүстік-батысында, солтүстігінде, орталығында, оңтүстігінде және оңтүстік-шығысында қатты жаңбыр жауып, ауа температурасы біртіндеп төмендей береді.Ауа температурасының ең қатты төмендеуі республиканың солтүстік-батысында, солтүстігінде байқалады.Түнгі уақытта ауа температурасы 3-11 жылыға дейін, күндіз 10-18 жылыға дейін төмендейді.Тек еліміздің шығысында, оңтүстігінде және оңтүстік-шығысында кезеңнің басында жылы болады.Содан кейін 1 қыркүйекке қарай температура түнде 10-15 жылыға дейін, күндіз 20-25 жылыға дейін төмендейді.

Жаздың соңғы күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Жоғары аудиторлық палата төрағасы Наталья Годунованы қабылдады.Президент Жоғары аудиторлық палатаның биылғы 1-ші жартыжылдықта атқарған қызметі жөнінде есепті тыңдады.Есептік кезеңде барлығы 9,3 триллион теңге бюджет қаржысы бойынша 121 нысанда 12 аудиторлық тексеріс жүргізілген.Сонымен қатар Қасым-Жомарт Тоқаевқа Экология және табиғи ресурстар министрлігіне, Еңбек және халықты әлеуметтік қорғау министрлігіне қарасты ұйымдарға, сондай-ақ «Қазсушар» РМК-ға және тағы да басқа мекемелерге жүргізілген жекелеген аудиторлық тексерістердің қорытындысы жөнінде мәлімет берілді.Кездесу соңында Президент бюджет қаржысының жұмсалуына және мемлекеттік бағдарламалардың жүзеге асырылу тиімділігіне аудит жүргізу жөнінде бірқатар нақты тапсырма берді.

Президент мемлекеттік бағдарламалардың жүзеге асырылу тиімділігіне аудит жүргізуді тапсырды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжанов аудандық ардагерлер спартакиадасының ашылу салтанатына қатысты.<blockquote>«Саламатты өмір салтын сақтауда жас буынға үлгі болып, өз саласының үздігі атанған кешегі білікті мамандар бүгінде қоғамның белсенді ардагері атандыңыздар. Қазіргі таңда ауданымызда 4000-ға жуық ардагер бар. Елді бірлікке шақыруда татулықты, достықты, өткен тарих пен келешектің маңызын ұрпақ бойына сіңдіріп, кiшіпейілдікпен ұлы жолдың қалыптасуына өз үлестерін қосуда сіздердің орындарыңыз ерекше. Бүгінгі спартакиада осындай игі істердің дәлелі. Бүгінгі жарыста үздіктер топ жарсын. Баршаңызға сәттілік!» деді аудан әкім.</blockquote>Дүбірлі доданы өткізудегі басты мақсат – аудан ардагерлерінің салауатты өмір салтын қалыптастыра отырып, ардагерлер арасында спортының дамуына ықпал жасау болып табылады.Жарыстың маңызына тоқталған аудан ардагерлерінің төрағасы Садық Әлиев алғашқыда 60 адамға жуық қатысушымен басталған бұл спорттық бәсеке бүгінде маңызға ие болып қатысушылар саны 200 ардагерге дейін жеткенін айтты.Xl ардагерлер спартакиадасына 7 спорт түрінен денсаулық саласы, кент және ауылдық округтерден 16 ардагерлер командасы қатысуда.<img src="https://knadmin.beoblood.kz/uploads/371024487_1764645750654162_3536530152470450875_n_68aeee309c.jpg" alt="371024487_1764645750654162_3536530152470450875_n.jpg">

Қазақстан және Қызылорда облысының жаңалықтары