<a href="https://kyzylorda-news.kz/ru">Kyzylorda-news.kz.</a> Бала жанының бағбанына айналып, білімнің шырағын жағып, қараңғылық пен надандықтың түңдігін түретін ұстаздардың орны әрқашан бөлек. Мектеп табалдырығын аттаған әр баланы бауырына басып, аналық мейірімін төгіп, жарқын болашаққа жетелеуде жарық шамды қолына ұстататын ұлы тұлға. Кемел келешектің кірпішін қалауға негіз болып, бағытын бағдарлап беретін кемеңгер десек те артық айтқандық емес. Оқушысы білім бәйгесіне түссе, ата-анасымен қатар тақымын қысып, шәкірті үшін шырылдайтыны да көпке аян. Өйткені, ұстаз ұғымы тарих беттерінен тәпсірленіп, терең мағынасы таңбадай басылып қалған. Ықылым заманда да, осы игілікті іспен айналысып, даналықтың дәнін сеуіп, шәкіртінің меселін қайтармай, бар білгенін үйретуден жалықпаған ұлы тұлғаларды кездестіреміз. Мәселен, ғылым жолындағы сүбелі еңбегімен есте қалған «адамзаттың бірінші ұстазы» атанған Аристотельді айта аламыз. Тіпті, әдебиет әлемінде өзіндік орны сақталған, шоқтығы биік шығармаларымен танылған Шәкәрімнің ұстазы Абай екені мұқым қазаққа таныс. Ұстаз алдынан өткен, тәлім-тәрбиесін бойына, білімін санасына сіңірген шәкірттер шыңға шықпаса, жерде қалып жатқан жоқ. «Бір әріп үйреткенге 40 жыл сәлем бер» деген Жүсіпбек Аймауытовтың сөзі көптің көкейінде сақталғаны айқын. Кім-кімде 11 жыл бойы білім нәрімен сусындатып, жақсыны үйретіп, өнегесін көрсеткен үлгілі ұстазының үмітін ақтап, есімін жадында сақтап, көре қалса ерекше ілтипатпен сәлем беруге тырысатыны ақиқат. Осы орайда, мектептің жүрегіне айналған мұғалімдердің еңбегі ұшан-теңіз екеніне тағы бір мәрте көз жеткізуге болады. Өйткені, мықты ұстаз қай уақытта да өзінің қабілетті екенін аңғартып, тәжірибелі маман екенін дәлелдей алады. Білім ошағында байсалды қалпынан танбай, тынымсыз еңбегінің нәтижесінде марапат мінберінен көрініп жүрген №23 мектеп-лицейінің мұғалімі Айгүл Қиясова еліміз бойынша іріктелген ұстаздардың арасынан үздік педагог атанып, Сыр елінің мерейін үстем етті.Мәдениетпен мазмұндас, сауаттылықпен сабақтас, салмақты сөзі өнегелі ісімен үйлесетін, жанашырлық пен мейірім үндесетін ұлық қызметте ұстаздың ұлылығын ұғынасың. Ұлт ұрпағын саналы етіп тәрбилеуде жауапкершілік жүгін абыроймен арқалаған Айгүл Қиясова атаққа бола аттандаған емес. Себебі, төккен терінің мөлшерін һәм еткен еңбегінің өлшемін шәкірттерінің шыңға шығып, жетістікке жетуімен бағамдайды.Мұғалімдер отбасында дүниеге келген Айгүл ханым мамандығының машақатына қарамастан бала күнгі мақсатына қол жеткізіп, сара жолды жалғастырып келеді. Ұстамдылықты ұстанымы еткендіктен де білім мен білік бәсекесінде бабы шауып, оқытушылар арасында өтетін республикалық «Үздік педагог – 2022» байқауында жеңімпаз атанды. Сондықтан қажырлылық танытуда қалыс қалмайтын Айгүл Қиясованың еңбегі еленіп, өзінің марапатқа лайық екенін дүйім жұртқа дәлелдей алды. Кіл үздіктердің жұмысы таразыланып, білім берудегі әдіс-тәсілдері ескерілетін, жаңашылдығы талқыға түсетін байқауда топ жарып, абырой биігінен көрінді. Ұстаздың ұсынған тиянақты жұмысына комиссия алқасының көңілі толуы білік деңгейінің жоғары болуында. Яғни, қиын да күрделі, талабы қатаң байқаудың республикалық кезеңіне жолдама алған 100-ден аса мұғалімнің ішінен үздік атану тындырымды дайындықтың арқасы. Осылайша, мықтылығын министрлік мойындаған мұғалім марапатталып, Сыр еліндегі білім саласына жаңа леп қосты. Сыннан сүрінбей өтіп, өзге қатысушылардан оқ бойы озық болу, республикалық деңгейге дейінгі іріктеуден іркілмей өтіп жеңіске ілігу іскер адамның ғана қолынан келеді. Әсте, білім саласы көлденең кезіккендердің бас сұғып, тәжірибесі жоқтардың тайраңдайтын ортасы емес. Негізгі мақсаты – бәсекеге қабілетті жасты даярлау болғандықтан кәсіби білігі жоғары, өз қағидасы бар, ұстанымына берік жан болу керек.Өз жұмысын ерекше жақсы көретін, әр баланың пәнге деген қызығушылығын оята білетін, ұстаз ұғымына шаң жуытпаған Айгүл Қиясованың білім саласындағы жарқын жолына тоқталып өтелік. Ол 1971 жылы 28 наурызда киелі өлке Қармақшы ауданы Алдашбай ахун атындағы ауылда дүниеге келген.<blockquote>– Бала күнімде мен үшін ұстаздан биік тұлға болмайтын. Өйткені мұғалімдер отбасында дүниеге келгендіктен де болар деп ойлаймын. Сол кездегі ұстаздарыма деген құрметім бе әлде қызығушылығым ба, мұғалімдік мамандықтың қыр-сырына ынтам арта бастады. Сол ынта 1988 жылы Қызылорда қаласындағы іргелі жоғары оқу орындарының бірі Н.В.Гоголь атындағы педагогикалық институттың химия -биология факультетіне жетелеп әкелді. Мұнда да тәжірибелі, өз ісінің майталман шеберлері биология ғылымының таусылмас қызықтарымен тереңірек таныстырып, білім нәрімен сусындатып, «Биология пәнінің мұғалімі» деген мамандықпен болашаққа қанат қақтырды. Институттан алған теориялық білімді практикамен ұштастыру мақсатында 1994 жылы №23 мектеп-лицейіне жұмысқа орналастым,- деді ол.</blockquote>«Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады» деп К.Д.Ушинский айтпақшы, балаға әлденені үйретіп, оқыту үшін де мұғалім ылғи ізденіс үстінде жүріп, жаңашылдыққа ұмтылып, тәжірибе жинақтауын доғармау керек. Даму деңгейін тежеген мезетте оқушыға білім беруде де дағдарысқа ұшырамақ. Сондықтан өзі оқытатын пәнді терең түсініп, зерттеп-зерделей алғанда ғана шәкірттің шеберлігін шыңдай алатыны сөзсіз. Осы орайда, білімнің қара шаңырағында 28 жыл еңбек етіп, оқушыға білім беруде олқылық жібермей, пәнге бейімділігін арттырып жүрген педагогтың жеткен жетістігі жетерлік. Мәселен, қалалық, облыстық пәндік олимпиада жүлдегерлерін дайындағаны үшін қаншама рет мақтау қағаздарымен, алғыс хаттармен марапатталды. Сондай-ақ 2017 жылы ҚР БҒМ оқулықтардың және оқу-әдістемелік кешендердің сараптама, сынақ нәтижелерін қарастыру жөніндегі пәндік комиссия құрамына еніп, Білім министрінің «Алғыс хатын» иеленген. 2017-2019 жылдар аралығында оқушылары республикалық, халықаралық ғылыми-практикалық конференцияларға қатысып, жүлделі орындармен жеңіс тұғырынан көрінді. Сонымен қатар 2020 жылы оқулықтардың және оқу-әдістемелік кешендердің сараптама,сынақ нәтижелерін қарастыру жөніндегі пәндік комиссия жұмысындағы кәсіби біліктілігі мен жоғары жауапкершілігі үшін ҚР Білім және ғылым министрінің «Алғыс хатымен» марапатталды.Ісіне мығым маман түрлі байқауда бақ сынап, белсенділік танытуда белсене білек сыбанып кіріскенді жөн көреді. Білім бағытындағы бағдары айқын болғаннан кейін де шыққан белесі биік. Соңғы жылдағы жетістіктері сөзіміздің айғағы десек те болады. «Әл-Фараби – әлемдік тұлға» атты республикалық ғылыми-тәжірибелік конференцияға қатысып, кәсіби шеберлік көрсеткені үшін марапатталды. 2021 жылы &nbsp;«Педагогикалық идеялар фестивалі» республикалық байқауының облыстық кезеңінде «Әртүрлі сабақтар, бірақ әрқайсында шебердің қолы» ғылыми-жаратылыстану бағытындағы пәндер бойынша III орын иеленді. Сонымен қатар Қызылорда қаласы білім бөлімі ұйымдастырған «Үздік авторлық бағдарлама – 2021» байқауында биология пәні бойынша I орын иеленді. «Үздік авторлық бағдарлама-2021» ғылыми жаратылыстану бағытындағы пәндер бойынша I орын иеленіп, Қызылорда облысы білім басқармасының I дәрежелі дипломымен марапатталды. Қазақстан Республикасы Білім және ғылым министрлігі тарапынан білім беру саласын дамытуға қосқан үлесі және оқулықтар мен оқу-әдістемелік кешендерге сараптама жүргізуде жоғары кәсібилікпен белсенділік танытқаны үшін марапатқа ие болды. Биыл «Үздік авторлық бағдарлама» республикалық конкурсының ІІ дәрежелі жүлдегері атанды.<blockquote>– Жалпы, қазіргі уақытта ұстаз еңбегінің шәкірттер жетістігімен өлшенетіні белгілі. Төккен терім босқа кетпегені көпшілікке мәлім. Сондықтан алдағы уақытта да шығармашылық ізденісімді дамыта отырып, шәкірттерімнің білім шыңынан көруіме күш саламын,- деген Айгүл Қиясова қызметіне адал екенін аңғартты. Білім шаңырағында шаш етектен болған шаруаның басын қайырып, мектеп пен оқушы мәселесіне бейқам қарамайтын ұстаз қоғамдық ортада да беделге ие. Шәкіртке ұлағатты ұстаз болып жүрген жанның өнегелі ісі мен аяулы бейнесі талайды тәнті ететіні анық.</blockquote>

Аймақ абыройын асқақтатқан ұстаз

<a href="https://kyzylorda-news.kz/ru">Kyzylorda-news.kz.</a> Соңғы жылдары адамды бейжай қалдырмайтын, ерекше эмоция сыйлайтын сыйлық жасау мүмкіндігі көбейді. Алтыдағы баладан алпыстағы қартқа дейін жаңа эмоция арқылы жаны рахаттанып, өмір сүруге құлшына түседі, өзіндегі шаттықты өзгелерге де таратпай тұра алмайды. Сондықтан бір ғана сыйлық бүкіл ғұмырға жететін ерекше сезім сыйлауы ғажап емес.Қызылордалық жас Әйгерім Бахытжанның арнайы мүсіншелер жасау кәсібі мыңдаған адамды қуантып келеді. Көпті қызықтырған кәсіптің құпиясы неде? Қаншалықты сұраныс бар? Осы жайында Әйгерім Бахытжанқызымен сұқбаттасудың сәті түсті.– Кәсібіңіз қаламызда жалғыз-ақ. Идея қайдан келді?– Өзім Қызылорда қаласының тұрғынымын, осында туып-өстім. 2015 жылы Астана медицина университетіне оқуға түстім. Интерн-врач боп қызмет еткім келеді. Бұйырса, резидент боламын. Бұл кәсіпті бастау жайлы карантиннің алдында, 2020 жылы наурыз айынан бастап ойға алып, көп ұзамай іске кірістік. Сол уақытта барлық салада дерлік деградация жүрді. Аурухана да жабылды, біразы онлайн режимге ауысып, кәсіптік нысандардың көбі құлдырап жатты, кейбірі жаңа жүйеге көшті. Осындай сындарлы, қиын сәтте жолдасым екеуміз туған жерге оралуға бел будық. Бірақ барған соң немен айналысамыз? Қандай кәсіп бастауға болады? Әртүрлі идеялар келіп, ойланып жүрдік. Осыған қызықтым.Шетелде осы саламен айналысатын кәсіпкерлерді көріп, Астана қаласынан оқытатын курстарды іздедім. Осылайша бір курсты тауып, оқып үйреніп алдым. Нәтижесінде енді ғана дамып, ірі қалаларда таралған кәсіп түрін Қызылордаға әкелдім. Көбінесе Солтүстік Қазақстанның тұрғындары, ата-аналар тапсырыс беріп, қызығушылық танытады.Бұл кәсіпті қолөнер түрі десе де артық емес. Себебі қолмен, зейінді бір нәрсеге шоғырландыру арқылы жасалады. Тәуекел деп осы саланы бастағанда көбісі түсінбейтін, тіпті, үрке қарайтын. Көпшіліктің көзінен мұның не қажеті бар деген секілді сұрақ көрінетін.– Алғашқы тапсырысыңызға тоқталып өтсеңіз…– Ең алғашқы тапсырысты досымның жаңа туған нәрестесіне арнайылап жасадық. Үйіндегі кісілер мынау не деп таңданып, басқаша көзқарас танытыпты. Одан кейін 5 күннен соң дайын нәтижесін, картинканы әкеліп табыстаған кезде олар таңданысын жасыра алмады. «Бұлай жасауға да бола ма? Қалай жасайды? Ерекше екен» деп қызығып, рақметін жаудырғаны есімде. Сол кезден бастап инстаграм әлеуметтік желісінде арнайы парақша ашып, нәтижені, әр тапсырысты салып отырдым. Осылайша бір адамнан бір адам естіп, әлеуметтік желі арқылы танып, разы болған тұтынушылар тегін жарнама жасай бастады.– Мүсіншелер қалай жасалады?– Туындылар арнайы ұнтақтар арқылы жасалады. Өзіндік құрамына сай ұнтақтарды араластыру арқылы қажетті массаны, өнімді аламыз. Цемент тектес арнайы ұнтақты араластырып қалыпқа құйған соң, өзінің формасына еніп, қатып, ерекше мүсіншеге айналады. Бізде ата-аналар баласы дүниеге келгенде, үш күн өткенде, бір ай, алты ай, бір жас мерзімінде де естелік үшін жасатады. Тіпті, отбасындағы үш-төрт балаға жасайтындар да бар. Мұның бәрі де естелік. Қағаз секілді жыртылып, сарғайып кетпейді, су өтпейді. Қайда, қанша уақыт сақтасаңыз да сол қалпында тұрады. Мәселен, баланың картинасына қашан өмірге келгені, сағаты, салмағы, бойы жазылып, әдемі ескерткіш ретінде көңілге жылылық сыйлайды. Баланың, үлкен адамның, тіпті, шетелдерде иттің, мысықтың аяқтарының мүсінін жасап жатады. Мұнда аяқтың, қолдың әр клеткасы, ізі анық әрі толық түсетіндіктен, мұны бір жағынан ДНК анықтамасы десек те болады. Смартфондарда «саусақтың ізі» арқылы тіркелу, сол арқылы телефонды ашу жүйесі енгізілген ғой. Сол секілді мұнда да адам қолының өзіне ғана тән сызықтары, қайталанбайтын әр қыртысы, қолдың көлемі өз қалпында, жүз пайыз анық көрінеді.– Ерекше тапсырыстар болды ма?– Ата-ананың талабына, талғамына сай жасай беремін. Мысалы, маған бір ата-ана теңіз, біреуі батыр, біреуі жұлдыз, бірі ғарышкер бейнесіндегі мүсіншелерге тапсырыс берген еді. Барлығы да талғамға байланысты.Ерекше есімде қалған бір тапсырыс бар. Медицина саласында жүрген мықты хирург, офтальмологқа ағайға арналған сыйлыққа тапсырыс берді. Әріптестері қанша көзді емдеп, қанша адамның өмірін аман алып қалған, тағдырына әсер еткен дәрігердің қолын мүсіншеге айналдырып, ескерткіш әрі бағалы сыйлық ретінде ұсынды.Бұл салада сұраныс жоғары десем артық емес. Көбіне аудан, ауылдан сұрап жатады. Өкінішке қарай, қаланың ішінен тапсырыс қабылдап, жеткізетіндіктен сырт жақтарға шығуға мүмкіндік аз. Соған қарамастан ата-аналар Қазалыдан, Шиеліден келіп, естелік ретінде сақтап қалу үшін баланың қолы, аяғының мүсіншелерін алып жатады. Бағасы маңызды емес. Бұл атадан балаға мұра сияқты, жүрекке жылу сыйлап, жылдан жылға сақтала беретіндіктен, құнсыз, өлшеусіз сыйлық.– Сұқбат үшін рақмет!

Қызылордалық жас ерекше кәсіппен айналысады

<a href="https://kyzylorda-news.kz/ru">Kyzylorda-news.kz.</a> Қыспаққа алған қымбатшылықтың тек азық-түлік пен киім-кешекке ғана емес, кітапқа да әсері көңілді құлазытты. Қанша дегенмен еттің ай сайын аспандаған бағасына етіміз үйреніп кеткен. Одан бөлек, көпшілік тұрмысқа қажетті заттардың өзінен таршылық көрмесе де, қаражатына келгенде қысылып, қипақтап қалатыны жасырын емес. Десе де «қымбатшылықтан көз ашпадық» деп күңкілді көбейтіп яки мысықтілеу боп алақан жайып жүргендер жоқ. Әйтеуір, әурешіл әрекетке түспей-ақ, керек-жарағын, азығын түгендеп, күнкөрістің қамына кіріскен. Дей тұрғанмен, бәрінен бұрын кітаптың қымбат құны есімізді шығармаса да, кітапсүйер қауымды қапа еткені тағы рас. Рухани азықтың бағасы күрт шарықтап кеткені шалқадан түсірмегенімен, оқырманды ойландырып тастады. Ақыл мен қалтаның жағдайына келгенде алаң боп қалғандар нарыққа назын айтқанымен, ештеңе өзгермейтінін де біліп отыр. «Жастар неге кітап оқымайды?» сынды жаңбырша жауған толассыз әңгіме, айтылған пікір, тіпті сол тектес ұраннан енді ғана көз ашып, кітапқұмарлар саны көбейе бастағанда кітаптың қымбаттағаны жеңіл тимегені анық. Оның үстіне электронды кітап оқуды құп көрмейтіндер көп, ал қазір кітап қымбаттап жатқанда қайтпек керек? Жалпы, кітап құнына не әсер етті? Осыны талдап көрелік.Қазір, кітапқа келгенде күмілжіп, кежегесі кері тартатындар аз. Өйткені, артық білім кітапта екенін аңғарғандар әлдеқашан асыл қазынаға алтын уақытын бөліп, кітапхана табалдырығын тоздырып жүр. Бір емес, екі-үш кітапты құшағына қысып, кітапханаға жүгіре келгендерді көзбен көрдік.Сондықтан оқу дегенде танауын тыржитпай, қабағын шытпай, зерделі болуда ынта-ықылас танытып жүр. Егер білімнің қайнар бұлағы саналған кітаптан қол үзсе, кемелдікке емес, сауатсыздық кеселіне ұшырайтынын, келешегі күңгірт болатынын жақсы біледі. Тіпті, жастарды, мектеп оқушыларын көркем әдебиет оқуға баулу үшін жоспарлы жобалар жүргізілгеніне барша адам куә. «Оқуға құштар мектеп», «20 минут кітап оқы» секілді бастамалар өз жемісін берді. Енді сол бастамалардың берекесі қашып, «кітаптың қымбат құны оқырман санын азайта ма?» деген күмән бар. Алайда, ақылды арттыратын, сананы жаңғыртатын кітапқа қырын қарамай, кеміре оқитындар бағадағы өзгеріске қарамастан амалын табуға бек дайын.<blockquote>– Кітап оқушылардың бүгінгі қарқыны мені қуантады. Бұған көбіне кітап саудасының оң әсер беріп жатқанын бағамдауға блады. Кітап саудасымен айналысатын маркетингтердің жаңа жұмыс тәсілдері, әлеуметтік желілердегі таргет, қызықты стористер түсіру бәрі де оқушының кітапқа қызығушылығын арттыруға үлкен үлес қосу үстінде. Бұл – жақсы тенденция. Иә, бүгінде дүкендердегі кітаптың бағасы арзан емес. Өйткені қағаз бен бояудың бағасы қымбат. Білесіз, бұған дейін еліміздегі қағаздың басым бөлігі Ресейден тасылған. Қазір Ресейдің өзінде қағаз өндірудің көлемінде айтарлықтай құлдырау бар, өйткені қағаз шикізатын ағартатын химиялық қоспаларды бұрынғыдай Батыс Еуропадан емін-еркін таси алмайды. Жалпы, баспа өндірісінде соғыс пен санкцияның салқыны сезіледі. Бұған қоса кітап дүкендерінің және Астана мен Алматыдан онлайн тапсырыс беріп алдырсаңыз, жеткізу қызметінің құны бар – бәрін қосқанда аз ақша болмайды. Бірақ енді бұл бізге кітап жазбаудың, оны басып шығармаудың не болмаса сатып алмаудың басты себебі бола алмайды деп есептеймін. Кітап бізге бәрібір керек. Ең бастысы, сіз үшін маңызды және керек кітап болуы. Осы бүгін ғана Мәриям Әбсаттардың «Алаш зиялыларының соңғы сөзі» деген кітабына тапсырыс бердім, 5-6 күнде келу керек. Бұл кітапты қазір алмасам, кейін таба алмай қалам ба деп ойлап отырмын, өйткені бізде кітаптардың тиражы тым аз шығатынын да ұмытпауымыз керек. Қызықты деген көп кітаптардың таралымы жекелеген адамдар тұрмақ, Қазақстанның жалпы кітапханасының санына да жетпейді. Бұл бір жағынан кітаптың бағасына да әсер етеді. Өйткені, кітаптың таралымы аз болған сайын, бағасы қымбатқа шығады,- деді Айжан Абдуллаева.</blockquote>Иә, ойлы оқырмандар кітапханаға жазылып, күнделікті тығыз байланыста болады. Ал, бірі оқыған кітаптарын әспеттеп жинап, ыждағаттылықпен өзінде сақтау үшін үйдегі сөресіне жіптей тізеді. Әсте, мұның өзі кітапсүйер жанның ерекше ықыласы деп тұщымды тұжырымдауға әбден болады. Тіпті, қазіргі таңда кітаты сыйлыққа ұсыну әдемі әрі көз сүйсінерлік дағдыға айналып келеді. Сондықтан болар, әрнені бас салып оқи бермейтін оқырмандар оқығаны мен тоқығаны бір ғұмырға татуы үшін таңдауда талғампаздық танытады. Осы орайда, оқырманмен кері байланыс орнатуда кері шегінбейтін, жаңа кітаптармен жиі қуантатын «Kitap al» дүкені керекті кеңес беруде де кідірген емес. Сонымен, «қымбатшылық қарқыны «Kitap al» дүкенінде сезіле ме?» деген оймен сұрағымызды қойып, байланысқан болатынбыз. Бірақ, біраз оқырманның сүйікті орнына айналып үлгерген дүкен бағаны бір қалыпта ұстауды жөн көрген екен.<blockquote>– «Kitap al» &nbsp;дүкенінде 6 мың данадай кітап қоры бар. Бір күнде орта есеппен 50 – 70 адам келеді. Келушілерден бірінші орында тұрған жас айырмашылық 21-35. Екінші орында 15-21 жас аралығындағы оқырмандар тұр. Иә, бүгінде баспаханалар кітаптарды бұрынғы бағадан қымбатырақ сатып жатқаны рас. Алайда біз барынша кітап құнын бұрынғы бағада ұстап отырмыз,- деді менеджер Абдулла Тоғанас.</blockquote>Жалпы, аталған дүкенде көптің сұранысы қандай кітаптарға түсетінін, қай жанрға қызығушылық танытатынын да білдік. А.Тоғанастың айтуынша, ең көп оқылатын және ең көп сатылатын жанр – көркем әдебиет, психологияға және бизнеске қатысты кітаптар екен.Қазынамыз деп қадірлейтін кітап құны қалтаға қонымды болса дейміз ғой. Әйтпесе қаржы тапшылығына тап болған жағдайда, электронды кітаптың нұсқасына көз жүгіртуге тура келеді. Телефонға телмірудің нақ қауіпі сонда болмақ.<blockquote>– Кітаптың қымбат құны оқырман санын азайтады. Өйткені, көңілінен шыққан, қажет кітабын алайын десе, ақша жетіспеушілігінен қолы жетпей, кейін оны таппай, сосын оқығысы келген кітабын ала алмағандықтан ынтасы да болмайды. Жалпы, кітаптың қымбаттағанына көзқарасым дұрыс емес. Амал жоқ, шикізаты қымбаттаған соң кітап құны да өсетіні анық. Бұл нарық ғой,- деді «Кітап құрттары» клубының жетекшісі Талғат Меңдібаев. Кітапқа қызығушылығы жоғары, жастардың басын қосып, кітап оқуына, кейін оны бірлесе талдауға себепкер болып жүрген Талғат Меңдібаев нарықтағы баға өзінің кітап оқуына кедергі келтірмейтінін тілге тиек етті. Өзі жетекшілік ететін «Кітап құрттары» клубының құрылғанына 3 жыл толды. Осы уақыт аралығында тарихи, психологиялық, мотивациялық, фантастикалық, комедиялық, шын оқиғаға негізделген түрлі жанрдағы кітаптарды талдап, талқылаған. Сол себепті де кітап оқитын жастар саны әлдеқайда артқанын анық байқауға болады.</blockquote>«Мәдениеттің мәйегі – кітап» деп бекер айтылмаса керек. Өйткені, кітап оқу сөздің парқын түсініп, парасатты болуға, санаға сіңіргенді сүзгіден өткізіп, талайды ақыл таразысына салып талдауға, дамуға мүмкіндік беретін бірден-бір құрал. Тіпті, аумалы-төкпелі заманда қайраткерлер қаламын тастамай, білімді қаруы, кітапты серігі етпеді ме?! Ұлтты ұйыстыру үшін де ұрпаққа том-том кітап жазып, тарихты тәпсірлеп кеткені де содан. Сондықтан ежелден-ақ кітаптың орны тым бөлек. Тек, кітаптар бұқараға қолжетімді бағада ұсынылса құба-құп. Өйткені, жаңадан шыққан кітаптың кітапханаға кешеуілдеп келетіні белгілі. Кейде электронды нұсқасын табу да қиынның қиыны боп кетеді. Сондықтан кітаптың қымбат құны оқуға құштар жанның меселін қайтармағаны ләзім. Қалай десек те, рухани мешелдікке ұрынып, мелшейіп қарап тұрмағанымыз абзал.

Облыста кітап құны қанша?

<a href="https://kyzylorda-news.kz/ru">Kyzylorda-news.kz.</a> Денсаулық – әр адамның және тұтас қоғамның бүтін бір байлығы мен бақыты. Өйткені, адамның бойын ауру меңдесе жаны қалжырап, әл кетіп, қайта қан жүгіруі қиын болады. Сосын да шыбын жаны шырқырап, сай-сүйегінің сырқырағанын сезген жұрт дертіне дауа іздеуге дайын тұрады. Жұмысқа жегіліп, қаржыны күректеп табу керек болса да, денсау¬лыққа күтім керек екенін бәрі біледі. Қанша дегенмен ауру батып, жаның көзіне көрінгенде басқаны ойлап, бас қатырудың өзі бекер. Осыдан-ақ, саулықтың басты байлық екенін аңғаруға болады. Әсте, халықтың мықты денсаулығы мемлекет үшін де маңызды. Медицинаны дамыту мақсатында қабылданған шешімдер түйткілді түйінді тарқатып, оңды болуына ықпал етіп келеді. Сайып келгенде, денсаулық саласында қозғалатын даудың азайып, кемшіліктің кемігені атқарылған ауқымды жұмыстардың үлесінде екені айдан анық. Қазіргі таңда денсау¬лық сақтау жүйесінде дабыл қағарлық жүгенсіздіктің жоқтығы көпті қуантады. Осы ретте, облысымызда денсаулық сақтау саласын дамыту бағытында іске асырылған жұмыстарға тоқталып өтуді жөн көрдік.Өміріміздің негізі де, діңгегі де – денсаулық. Тасыған қуат, қажыр-қайрат болмаса, төртбұрышты керуетте төсекке таңылып жатуға тура келеді. Әсте, ауруды ауыр немесе жеңіл деп қарастыруға болмайды. Ауру асқынар болса, ағзадағы берік байланыстар бытырап, ажалмен күресу керек болады. Сондықтан емге шипа іздеуді ертерек ескерген ләзім. Иә, ауру-сырқау айтып келмейді. Мезгіл меңземейтін, уақыт таңдамайтын сырқаттың қашан жаныңды шырқырататынын болжап білу мүмкін емес. Сол себепті де аудандарда жаңа емханалардың салынып жатқаны орынды. Әйтпесе, орталыққа жетем дегенше оқыстан қауіп төнсе, үздіккен үміт те үзілмей ме?! Тұрғындарға тынбастан көмек көрсететін емхананың болғаны көңілдегі күмән мен күдікті сейілтіп, сенім ұялататыны сөзсіз. Осы ретте, республикалық бюджет есебінен жалпы құны 2,3 млрд. теңгені құрайтын 80 мыңнан аса тұрғынға қолжетімді және жоғары сапалы бастапқы медициналық-санитарлық көмек көрсететін Қазалы ауданы, Әйтеке би кентінде 250 келушіге арналған ауданы емхана ғимараты құрылысы аяқталды. Нанымды нәтиже болса, науқастың айтар назы азаятыны белгілі. Құрылыстың қарқынды жүріп, мезетінде аяқталғаны тұрғынды да қуанышқа кенелтіп, бақытқа бөлейтіні рас. Сонымен қатар, өткен жылдың наурыз айында медициналық ғимараты жоқ шалғай елді мекендерде 2 медициналық бекет іске қосылды. Мұның өзі жағымды жаңалықтар легін толтырып, жүзеге асырылған жұмыстардың жүйесін көрсетіп берді.Өткен жылдың қорытындысы құлазытып тұрған жоқ. Тиісінше, биыл да атқарылатын жұмыстар жемісін беріп, шаш етектен шаруаның шешімі табылып, жоспарлар іске аспақ. Мәселен, «Ауыл – ел бесігі» бағдарламасы шеңберінде іске асырылып жатқан Жалағаш ауданы Таң ауылындағы дәрігерлік амбулатория құрылысының 1 қыркүйекте қабылдау актісі алынды. Шынтуайтында, емхана есігі қашан да ашық әрі көптеп салынғаны жақсы. Себебі, алыстан ат терлетіп жеткенде ауру күшейіп, емдеуге мүмкіндік жолы жабылуы мүмкін. Әсіресе, шалғай орналасқан елді мекендерге көп көңіл бөліп, тұрғын талабы мен тілегін назарға алуы құптарлық іс. Демек, денсаулық сақтау жүйесінің дамуында дамыл жоқ деген сөз.Құрылысы қарқынды һәм бірқалыпты жалғасқан емханаларды айтпағанда медициналық мекемелерді жаңа құрал-жабдықтармен жабдықтау ісі қолға алынған. Бюджеттен бөлінген қаржының қажетті жұмсалуы жоқты түгендеуге сеп болуда. Мәселен, 2022 жылға денсаулық сақтау саласына жалпы сипаттағы трансферттер есебінен 1523,9 млн. теңге қаражат қаралды. Бөлінген қаражат шеңберінде Қармақшы және Шиелі аудандық ауруханасына компьютерлік томограф, №3 қалалық емхана, Арал және Жаңақорған ауданаралық ауруханаларына видеоэндоскопиялық жүйесі, қалалық орталық емханаға цифрлы стационарлық флюрографиялық рентген аппараты, №3 қалалық емханаға рентген жүйесі, №5 қалалық емханаға маммографиялық рентген жүйесі аппараттары сатып алу жоспарлануда. Нәтижесінде құрал-жабдықтармен қамтылу көрсеткіші 83,5 пайыздан 85%-ға дейін көтерілетін болады. Медициналық мекемелердің құрал-жабдықтармен толығуы науқастың назын азайтып, алғысын көбейтетін тәрізді. Осы жоспарлар нық жолға қойылса, «бармаған жерім, баспаған тауым қалмады» деп, еміне шипа таба алмай, санасы сан-саққа жүгіріп, жан-жақта сандалып кететін, яғни өзге елге барып ем қабылдауға мәжбүр болатын науқастар көңілі жайланушы еді. Денсаулық сақтау саласын дамыту бағытында атқарылып жатқан жұмыс¬тардың бәрі бағдарлы түрде орындалып-ақ жатыр. Бір ғана кем-кетігін түзеп ғана қоймай, бүге-шүгесіне дейін атқарылар істі жүйелеп, ұсақ-түйекке дейін мән берген басшылықтың мақсаты айқын екені байқалып тұр. Облыста орайын тапқан жұмыстың жемісін көрсеткішімен-ақ бағалап, бағамдап алуға әбден болады. Атап айтсақ, облыстық жедел жәрдем стансасына линзинг арқылы 20 санитарлық автокөлік алынды. Яғни, құрал-жабдықтармен және санитарлы автокөліктермен жабдықталуы 100 %-ды құрайды.Ендігі көзделген мақсат – 2023 жылы республикалық бюджеттен 3,5 млрд. теңгеге медициналық бұйымдар сатып алу. Сонымен қатар, 14 наурызда «Қызылорда қаласында бір ауысымда 100 келушіге арналған емханасы бар 300 төсек орнына арналған көп бейінді аурухана (онкологиялық бөлімшемен) салу» жобасы бойынша жобалық-сметалық құжаттама әзірленіп, мемлекеттік сараптаманың оң қорытындысы алынған болатын. Әкімдік тарапынан Қазақстан Республикасы Денсаулық сақтау министрлігіне 2023-2025 жылдарға арналған республикалық бюджет қаражаты есебінен жоспарланған инвестициялық жобалардың тізбесін енгізу үшін бюджеттік өтінім ұсынылды. Осыған орай, Қызылорда облысы үшін жедел және шұғыл қажеттілігін, сонымен қатар, Арал өңірі аймағы үшін маңыздылығын ескере отырып, аталған нысан құрылысын бастауға 2023 жылға 750 миллион теңге республикалық бюджет есебінен бөлінді. Қазіргі таңда конкурс рәсімдері жүргізілуде. Әлбетте, бұл да өз кезегінде Сыр медицинасында жаңа серпін барын айғақтайтыны анық. Енді құрылысы жүріп, жаңа аурухананың кірпіші қаланса, бұл да жағымды жаңалық болмақ.Денсаулық саласында жүргізілген ұлттық жобалардың ұтымды тұсы көп болғаны мәлім. Мәселен, «Дені сау ұлт» жобасы аясында жеткен жетістіктер аз емес. Жоспары жүйелі, бағыты айқын ұлттық жоба мақсатына жетуде десек артық болмас. Соңғы жылдардың қорытындысында ұлттық жобаның барлық іс-шаралары орындалып, көрсеткіштер деңгейі жоспарлағандай мәнге ие болды. Енді «Ауылдық денсаулық сақтау¬ды жаңғырту» пилоттық ұлттық жобасының облыста қалай жүзеге асып жатқанына тоқталып көрелік. Аталған жоба бойынша ауылдық инфрақұрылымды дамытуда қомақты қаржы көлемінде 27 нысан, яғни 24 дәрігерлік амбулатория, 2 фельдшерлік-акушерлік бекет, 1 медициналық бекет құрылысының тізімі бекітіліп, Денсаулық сақтау министрлігіне жолданған болатын, өз кезегінде қолдау тапты.Қазіргі таңда бірнеше ауданда 15 дәрігерлік амбулатория және 1 медициналық бекет құрылысының жобалық-сметалық құжаттамасы әзірленіп, сараптама қорытындысы алынды. Нысан құрылысына жер учаскесі бөлініп, инженерлік инфрақұрылым жүргізілген. Аталған 16 нысанның құрылысы осы жылы басталмақ. Сонымен қатар, қалған 9 дәрігерлік амбулатория мен 2 фельдшерлік-акушерлік бекет құрылысына типтік жобаға байланыстыру жүргізілетін болады. Осыған қатысты жер учаскелерін рәсімдеу жұмыстары жүргізіліп, нысандар құрылысына жер таңдау актілері алынған.Асылында, алға қойған мақсатты міндетті орындауға көшкен басқармалардың бастамасы жаман емес. Адам өмірі мен тағдырының ойыншық емес екенін ескерсек, денсаулық сақтау жүйесінің жүйке жұқартпайтындай болғаны игі. Осы орайда, жауапкершілік жүгі ауыр салмақты салада болған әрбір серпін көңілге серпіліс сыйламақ.

Сыр медицинасының дамуы қарқынды

<a href="https://kyzylorda-news.kz/ru">Kyzylorda-news.kz.</a> Half Ironmanтриатлон сайысының әлемде беделі биік. 3 спорттың қосындысынан тұратын жарысқа &nbsp;– 44 жыл болса, елімізге келгеніне – 4 жыл. Айтулы бәсеке биыл елорда төрінде өтті. Оған әлемнің &nbsp;60 елінен 2000 мыңнан аса атлет бақ сынап, тәуекелге бел буған. Жоғары дайындық пен физикалық күшті талап ететін күрделі марафонға жерлесеміз Сағидулла Сыздықов та қатысып, мықтылардың қатарына енді.Сағидулла сайыстың талаптарын толығымен орындап, үзіліссіз &nbsp; 3 кезеңді артта қалдырған. &nbsp;&nbsp;– Мәреге жеткен кезде өзімді үлкен шыңды бағындырғандай сезіндім. Себебі Half Ironman триатлон сайысына қатысып, соңына дейін шыдамдылық таныту екінің біріне бұйыра бермейтін бақ десек артық айтқаным емес. Бұл сайысқа үзіліссіз 1 жыл дайындалдым. Жалпы триатлонмен айналысқаныма 6 жылға жуықтапты. Қоғамда мұндай қиын сайыстарға тек кәсіби спортшылар ғана қатысады деген стереотип қалыптасқан. Бұл – өте қате пікір. Өзім қарапайым офисте менеджер қызметін атқарамын. Сондықтан барлығының мүмкіндігі бір деп есептеймін. Егер кез келген адам биік мақсаттарды қойып, дайындық жүргізсе &nbsp;1,9 км жүзіп, 21 км жүгіріп, 90 км велосипед айдауды бағындыра алады. Қаншама шақырымды 8 сағатта орындап шығу кәсіпқой қатысушылар үшін қиындық тудырмапты.– Нұр-Сұлтанда өткен марафонда ресейлік қатысушылар жоғары дайындықпен келгенін байқатты. Мысалы, Алекс Григорьев Ironman Kazakhstan 2022 сайысының жеңімпазы атанды. Ол үш кезеңде де мықты екенін байқатып, 8 сағат 13 минутта мәре сызығын кесті. 20 минуттан кейін Алекстың отандасы Антон Березняк келді. Ал үшінші болып қазақстандық марафоншы Алексей Вшивцев жетті. Оған тиесілі уақыт – 8 сағат 51 минут. Әдеттігідей рекорд жаңармады. Жалпы марафон рекорды неміс атлеті Ян Фроденоға тиесілі.Ол барлық кезеңді 7 сағат 41 минутта тәмамдаған. Өзім қалың топпен бірге мәреге жеттім. Мен үшін орын маңызды емес. Өйткені мұндай марафонның өзі адамға үлкен күш, жоғары талпыныс сыйлайды.Half Ironman марафонына танымал тұлғалар да қызығушылық танытыпты.– Марафонға 60 елден 2 мыңнан аса атлет қатысты. Арасынан қоғамға танымал тұлғаларды да кезіктіріп қалдым. Мысалы “Орда” тобының әншісі Дастан Оразбеков, бокстан Олимпиада чемпионы Серік Сапиев, кәсіби триатлоншы Екатерина Шатнаяны байқадым. Ал Қызылордадан белсенді жас Асқар Құрмашты кезіктірдім. Марафонда қатысушыларды жігерлендіру үшін &nbsp;BI Group әлем чемпионатына 45 жолдаманы ойнатыпты.– &nbsp;BI Group компаниясы &nbsp;– Ironman Kazakhstan марафонын бас ұйымдастырушысы. Әлемдік деңгейде өтетін болғандықтан мұндай бәсі биік компанияның араласқаны құптарлық іс. Марафон өте жоғары деңгейде өтті. Маған ұнағаны, компанияның үздік 45 атлетке Гаваидағы Калуа-Конеде өтетін әлем біріншілігіне жолдама сыйлағаны.

Жерлесіміз мықтылардың қатарында

<a href="https://kyzylorda-news.kz/">Kyzylorda-news.kz.</a> «26 маусым – Халықаралық нашақорлыққа қарсы күрес күніне» орайластырылған айлық шеңберінде, сондай - ақ облыс тұрғындары арасында есірткіге қарсы насихат жүргізу және полицейлердің имиджін көтеру мақсатында Қызылорда облысы полиция департаментінің Есірткі қылмысына қарсы іс-қимыл басқармасы тарапынан тілшілер арасында «Есірткісіз болашақ!» тақырыбында байқау ұйымдастырылды.Байқаудың мақсаты - нашақорлық пен есірткі қылмысының өзекті мәселелеріне қоғам назарын аудару, мемлекеттік саясаттың маңызды бағыттары және нашақорлық саласындағы маңызды іс-шаралар туралы халықты хабардар ету, есірткі қылмысының өзекті мәселелері бойынша материалдар жариялайтын журналистерді қолдау .Жарысқа қатысушылар техниканың заманауи жетістіктерін қолдана отырып, өз ойларын нақты фактілермен нығайта отырып, айқын және дәлелді жеткізе алды. Тілшілер нашақорлық пен есірткі қылмысы проблемасын жариялай отырып, халықты, өскелең ұрпақты есірткісіз өмір туралы хабардар етуге өз үлестерін қосты.Байқауға қатысушылар номинациялар бойынша бөлінді, барлық қатысушыларға дипломдар мен естелік сыйлықтар табысталды. Үздік атанғандар қатарында «Заң» ақпарат порталының меншікті &nbsp;тілшісі Мақажан Гүлбану Хусанқызы, «Kyzylorda-news.kz» ақпараттық агенттігінің тілшілер Маханова Динара Жақсыбайқызы мен Аида Маратбекқызы, «Ақмешіт апталығы» газетінің тілшісі Олжабаева Ақмарал Кәдірханқызы, «Ақмешіт жастары» газетінің тілшісі Кенжеғұлова Мөлдір Сабыржанқызы, &nbsp;«Сыр бойы» газетінің тілшісі Ералы Аружан Мырзалықызы бар.<img src="https://knadmin.beoblood.kz/uploads/Whats_App_Image_2023_06_21_at_19_07_02_1_2ba3c8ba78.jpeg" alt="WhatsApp Image 2023-06-21 at 19.07.02 (1).jpeg">

«Есірткісіз болашақ»: Үздік журналистер марапатталды

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда облыстық филиалы Қоғамдық қабылдау бөлімінің жұмыс жоспарына сәйкес, облыстық мәслихат депутаты Балжан Шаменова Сырдария аудандық партия филиалының ғимаратында аудан тұрғындарына көшпелі қоғамдық қабылдау жүргізді.&nbsp;Қабылдау барысында тұрғындар тарапынан Тереңөзек кентіндегі жаңа шағын ауданға газ тарту, кенттегі А.Иманов көшесіндегі көпқабатты тұрғын үйлердің ауласын абаттандыру, Тереңөзек кентіндегі 10 көшенің және Аманкелді ауылындағы бірқатар көшелердің ауыз су желісін жаңарту қажеттілігі айтылды. Сонымен қатар, Қалжан ахун ауылындағы №126 мектеп ғимаратына қосымша құрылыс жүргізу бойынша сұрақтар қойылды.&nbsp;Облыстық мәслихат депутаты Балжан Мөрәліқызы барлық сұрақтарды назарына алып, заң шеңберінде жауап берді.&nbsp; Қоғамдық қабылдаудан кейін тұрғындар мәселелері бойынша ауданда,ы кейбір нысандарды аралап, жұмысымен танысты.Бірінші кезекте, газ тарту мәселесі бойынша Тереңөзек кентіндегі жаңа мөлтек ауданнан бастады. Бүгінгі күнге дейін жаңа мөлтек аумағына ауыз су, электр желісі жүйелері жүргізілген. 2022 жылы жаңа мөлтек аумағына көп балалы отбасыларға 36 тұрғын үй мемлекет қаржысы есебінен сатып алынып, пайдалануға берілген. Биылғы жылы қиыршық тасты жол құрылысы жұмыстарын жүргізу жоспарланып, басталуда. Сонымен қатар 80 тұрғын үйдің құрылыс жұмыстары жүргізілуде. Жыл аяғына дейін пайдалануға берілуі жоспарлануда.Сонан соң, Сырдария ауданына қарасты Қалжан ахун елді мекеніндегі №126 мектепке барып, мектепке қажетті қосымша ғимарат құрылысы жобасымен танысты.&nbsp;Айта кету керек, облыстық мәслихаттың өткен сессиясында осы мәселені облыстық мәслихат депутаты Жұмабек Ембергенов депутаттар арасында көтерген болатын. 200 оқушыға жоспарланған мектепке қосымша ғимараттың қажеттігі нақтыланды.&nbsp;Жоғарыда көтерілген мәселелер бойынша облыстық мәслихат депутаты Б.Шәменова ауданда нақты жұмыстар жүргізілетіндігін атап өтті. &nbsp;<figure class="image"><img src="https://knadmin.beoblood.kz/uploads/7d52f4c5_1e72_4428_8f6e_e16ba4dd10c6_2408473cc2.jpg" alt="7d52f4c5-1e72-4428-8f6e-e16ba4dd10c6.jpg"></figure>

Сырдарияда 80 тұрғын үй құрылысы жүргізілуде

<a href="https://kyzylorda-news.kz/">Kyzylorda-news.kz.</a> &nbsp;Cырдария аудандағы барлық мектепте жас түлектерге аттестат тапсыру салтанаты өткен болатын. Балғын шақта мектеп табалдырығын аттап, 11 жыл бойына білім алған мектеп бітіруші түлектер қолдарына құжаттарын алып, үлкен өмірге қанат қаққаны мәлім. Қасиетті Қоғалыкөл ауылындағы №44 орта мектепте өткен салтанатты іс-шараға арнайы қатысып, жас түлектердің қуанышына ортақтасқан едік.Аттестат тапсыру салтанатына аудан әкімінің орынбасары Талғат Нұртазаев, қоғам қайраткері, Жаңақорған, Шиелі, Сыр­да­рия аудандары мен Қызылорда қаласының Құрметті азаматы, «Құрмет» орденінің иегері Ибрагим Әбибуллаев, Қазақстан Республикасының Еңбек сіңірген қайраткері Қорғанбек Қайроллаұлы, Сырдария ауданының Құрметті азаматы Әбдіғаппар Әмірғалиев, аудандық мәслихат депутаты Динара Ибадуллаева, аудандық ауыл шаруашы­лығы және жер қатынастары бөлімінің басшысы Нұрбол Жұмабеков және ата-аналар қатысты.Биыл орта мектепті 33 оқушы бітіріп отыр. Оларды салтанатты түрде сынып жетекшілері Ғазиз Қырданов пен Қаракөз Әбдіразақова бастап ортаға шықты. Мектеп қабырғасынан түлеп ұшқалы тұрған жас түлектердің жетістіктері туралы мектеп директоры Сламбек Қаюпов ақпарат берді.<blockquote>– Биыл республика бойынша 172 000 оқушы мектепті бітіруде. Олардың ішінде 6800 жас түлек «Алтын белгіге» ұсы­нылған. Міне, осылардың қатарын №44 ор­та мектептен 5 «Алтын белгі» иегері толықтырып отыр. Оған қоса 6 «Үздік аттес­тат» иегеріміз бар. Бұл – біздің мектеп ұжымы үшін зор жетістік, үлкен мақтаныш. Сондай-ақ мектеп бітіруші жас түлегіміз Мерей Жалғас ҰБТ-ның бірінші кезеңінде 133 балл алып, жақсы нәтиже көрсетті. Осындай көрсеткіштермен мектебіміз облыста алдыңғы қатарлардан көрінді. Мұнда өзгенің уақытын аялап, өз уақытын аямаған қоғалыкөлдік ұстаздар қауымының қажырлы еңбегі бар. Сондықтан ұстаздарға шынайы алғысымызды білдіреміз, – деді мектеп директоры.</blockquote>Мұнан соң осы мектептің түлегі, қоғам қайраткері Ибрагим Әбибуллаев сөз сөйлеп, жас түлектерді арнайы құттықтады. Құрметті азамат қазіргі білім саласына жасалып жатқан жағдайды бұрынғымен салыстыруға келмейтінін, бүгінде мол мүм­кіндік қарастырылғанын атап өтті.<blockquote>– Кезінде ауыл мектебінде қазіргідей мүмкіндіктер болмады. Бір партада үш оқу­шы отырып оқығанбыз. Білімге талпынып, осы мектеп қабырғасынан түлеп ұштық. Одан соң жоғары оқу орнында бі­лім меңгеріп, елге қызмет қылдық. Осы өңірдегі 4 ауданда басшылық қызметте болып, елге пайдамызды тигіздік. Сол білімнің арқасында 30-дан аса мемлекетте қызметтік сапарларда болдық. Сол себепті де қай заманда да білімді адамға сұраныс көп болады. Қасиетті Қоғалыкөл табанынан шыққан М.Лапиннің өзі 13 баласын Ресейде оқытқан. Мұның өзі түсіне білгенге үлгі болмақ. Сон­дықтан жастар білім алып, елдің дамуына үлес қосуы тиіс. Үлкен өмірге сәттілік тілеймін, – деген қоғам қайраткері 5 «Алтын белгі» иегері Мерей Жалғас, Қарақат Демжанова, Жібек Қазынабекқызы, Ақбота Тоқтарбаева және Нұрсипат Мақашқа 100 мың теңгеден қаржылай сыйлықты табыс етті.&nbsp;</blockquote>Айта кету керек, бұл үрдіске айнала бастағандай. Өйткені, өткен жылы да 1 «Алтын белгі» иегеріне И.Әбибуллаев 100 мың теңге қаржылай сыйақы тағайындаған.Салтанатты іс-шарада аудан әкімінің орынбасары Талғат Нұртазаев жас түлектерге құттықтауын жеткізді.<blockquote>– Бүгінде ауданның білім саласы биік белестерді бағындырып, жыл сайын жоғары жетістіктерге қол жеткізуде. Өткен оқу жылында мектеп бітірген түлектер 100 пайыз жоғары және арнаулы оқу орындарына түсті. Биылғы оқу жылын аудан бойынша 476 түлек бітірсе, оның 396-сы ұлттық бірыңғай тестілеу тапсыруға өтініш білдірді. 29 түлек мектепті «Алтын белгіге», 52 түлегіміз «Үздік аттестатқа» бітірді. Оның ішінде осы №44 орта мектебін аяқтағалы отырған 33 түлектің 5-і «Алтын белгі», 6-ы «Үздік аттестат» иегері атанды. Ал білім ошағында 9 сыныпты 46 оқушы бітіреді, оның 3-і «Үздік аттестат» иегері. Бұл – мектеп пен ауылдың абыройын асқақтататын зор жетістік. Түлектердің жоғары нәтижеге қол жеткізіп, үздіктер сапынан көрінуінде уақытпен санаспай табанды қызмет атқарып, сапалы білім берген ұстаздардың еңбегі ерекше екенін атап өткім келеді. Сон­дықтан өнегесі мол ұстаздар қауымына ерекше алғысымды білдіремін, – деді Талғат Мейрамханұлы.</blockquote>Сөз кезегінде аудандық мәслихат депутаты Динара Ибадуллаева, аудандық ауыл шаруашылығы және жер қатынастары бөлімінің басшысы Нұрбол Жұмабеков, Қоғалыкөлдегі жастар шаруашылығының өкілі Ержан Мұхиятдинов мектеп бітірушілерге жылы лебіздерін жеткізіп, сыйлықтар табыс етті. Ата-аналар да білім нәрімен сусындатқан ұстаздар қауымына алғыстарын білдірді. Салтанатты түрде қолдарына аттестат алған жас түлектер мектеппен қимай қоштасып, ұстаздарға арнаған әндерді шырқады. Осылайша, 11 жыл білім алған мектептен түлеп ұшып, үлкен өмірге жолдама алды.Осындай тақырыптағы салтанатты іс-шара №35 Иса Тоқтыбаев атындағы мектеп-лицейде жалғасын тапты. Салтанатты іс-шараға аудандық білім бөлімінің сектор меңгерушісі Ләззат Мығымбаева, аталған бөлім әдіскері Ерлан Әбілдаев, мектеп-лицей директоры Бақытжан Бақбергенова қатысты. Іс-шара барысында &nbsp;қонақтар бітіруші түлектерге ақжарма тілегін жеткізді.&nbsp;<blockquote>– Біз оқу жылын табысты қорытындылап отырмыз. Мектеп түлектері алғашқы кезеңде ҰБТ-ны жақсы нәтижеде тапсырды. &nbsp;Бүгінде мектеп-лицейдене 27 түлек қанат қағып отыр. Оның ішінде, 2 оқушы «Алтын белгі» иегері, 3 оқушы «Қызыл аттестатқа» қол жеткізді. Жалпы, білімнің қарашаңырығында ұстаздардың тәлімін алған талай шәкірт үлкен өмірден өзіндік орнын табуда. Біз талантты, дарынды, білімді шәкірттерімізді мақтан тұтамыз, – деді Бақытжан Бақбергенова.&nbsp;</blockquote>Өз кезегінде осындай салтанатты іс-шара Нағи Ілиясов ауылындағы №132 орта мектепте өткізілді. Негізінен, 2022 – 2023 жылғы оқу жылында білім ошағынан 34 оқушы тәмәмдап, жоғары оқу орындарына түсуге талпынуда. Бүгінгі салтанатты іс-шараға ауыл ардагерлері, білім саласы қызметкерлері, түлектердің ата-аналары қатысты. Бұл ретте, аудандық мәслихат депутаты Дархан Ералиев жас түлектерге шынайы лебізін білдірді.&nbsp;<blockquote>– Айтулы іс-шарада түлектерімізге алдағы үлкен өмірде өз орындарын тауып, қалаған оқу орындарына түсуіне тілектестік білдіремін. Сонымен қатар, «Мағжан и К» ЖШС тарапынан «Алтын белгі» иегері Ақару Ермекге 200 000 теңге, «Үздік аттестат» иегерлері Қырмызы Сүйінбекке, Ұлбике Зұлбұхарқызына 100 000 теңгеден және мектептің қоғамдық жұмыстарына белсенді атсалысқан Дариға Қонысбекқызына 100 000 теңгелік сертификат табыстадым. Барша түлектерді бүгінгі айтулы мерекелерімен шын жүректен құттықтаймын, – деді «Мағжан и К» &nbsp;төрағасы Дархан Ералиев.</blockquote>Аталған іс-шара №36 Әбділда Тәжібаев атындағы мектеп-лицейде жалғасын тапты. Аталған білім ордасында 53 түлек бітіріп отыр. Орыс және қазақ сыныбынан бірнеше оқушы алтын белгі иегері атанды. Бұл ретте, «Аmanat» партиясының аудандық филиалының атқарушы хатшысы Еркебұлан Жақып құттықтау сөз сөйлеп, түлектердің мамандық таңдауда қатеспеу керектігін жеткізді.&nbsp;<blockquote>– Біз бүгін ерекше кештің куәсі болып отырмыз. Осыдан 11 жыл бұрын мектеп табалдырығын аттаған түлектер өз таңдауларын жасауда. Осы кезге білімнің нәрімен сусындаған түлекте ұстаздардың үімітін ақтайды деп сенеміз. Әрине, ізденіс жолында жүрген жандар зор жетістікке қол жеткізе біледі. Жалпы, жас түлектерді бүгінгі қуанышты күнімен шын жүректен құттықтаймын, – деді Еркебұлан Жақып.&nbsp;</blockquote>Негізінен, Арнұр Рүстемов мен Аружан Жақсыбаева «Алтын белгіге», &nbsp;Назерке Әзірбек, &nbsp;Гүлнұр Жөргенбаева, Жанбота Әбутәліп, Арайлым Бақыт, Аружан Шәкіратова, Жаншуақ Жұмабекова, Айдана Жанаділ «Үздік аттестат» иегері атанды.&nbsp; Бұл ретте, ауданға қарасты 17 мектепте салтанатты іс-шара ұйымдастырылғанын айта кетейік.&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;

Сырдариялық түлектер үлкен өмірге қанат қақты

Талайды тамсандырған – Белкөл

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Құланды, Беларан ауылдық округтеріне барып, тұрғындармен кездескен болатын.Аудан басшысы алдымен Құланды ауылдық округінде болып, елдімекенде жүргізіліп жатқан ауыз су желісінің құрылыс жұмыстарын қадағалап өтті. Бүгінде Құланды ауылдық округіне қарасты Ақбасты елді мекеніне ауыз су құбыры тартылуда. Өтпелі негізде жүзеге асырылатын жоба арқылы ауыл тұрғындары таза ауыз сумен қамтылатын болады. Мердігер «Сапа Құрылыс» мекемесі.Ауыл тұрғындарымен өткен кездесуде аудан басшысы теңізді өлкедегі жыл басынан бері атқарылған жұмыстарды баяндап, жүзеге асырылып жатқан ірі жобалар жөнінде айтты.<blockquote>– Өңірімізде атқарылып жатқан игі істердің нәтижесінде биылғы жылдың І тоқсанының өзінде ауданға 3,4 млрд теңге инвестиция тартылып, ауданның биылғы жылғы нақтыланған бюджеті 18,4 млрд теңгені құрап отыр. Биыл жол саласы мен электр желісінің құрылысына баса мән беріліп, ауқымды жұмыстар жүзеге асырылуда. Су мәселесі де күн тәртібіндегі маңызды мәселенің бірі. Бүгінде өздеріңіздің ауылдарыңызда ауыз су құбырын тарту жұмыстары жүргізілуде. Мердігер мекемеге осы жылы орталықтандырылған ауыз су жүйесімен қамтамасыз ету үшін жұмыстарды мерзімінде талапқа сай бітіруді тапсырдым. Жыл соңына дейін пайдалануға берілетін болады. Оған қоса, Көктем елдімекенін де биыл су жүйесін іске қосатын болсақ, жақын арада бұл жұмыстар Тоқабай, Абай ауылдарында да бастау алмақ. Сондай-ақ, бүгінгі таңда Сазды елдімекенін тұщытатын қоршауланған ауыз су жүйесіне қосу үшін жұмыстар жүргізіліп жатса, Ерімбетжаға елдімекенін сумен қамтамасыз ету үшін жоба сметалық құжаттары әзірленуде,–деді Серік Сағитжанұлы.</blockquote>Ауыл халқы да өз тарапынан жергілікті жердегі шешімін табуды қажет ететін өзекті деген мәселелерді ортаға салды. Мәселен, Көкарал бөгеті тұсынан Ақбасты елдімекеніне дейін жол салу мәселесін айтты. Аудан басшысы бірінші кезекте өткен жылы бастау алған жол құрылыстары аяқталып, одан соң сметалық құжаттамалары дайындалғанжобалар бойынша жұмыс жасалатындығын түсіндірді. Дегенмен 60 шқ қашықтықты құрайтын аталған жолдың 30 шақырымына жол салу үшін биыл құжаттандыру жүргізіліп, келесі жылы сметалық құжаттары жасалатынын жеткізді.Сапар одан әрі Беларан ауылдық округінде жалғасты. Аудан әкімі алдымен демеушілік есебінен құрылысы жүріп жатқан «Ұстаздар» аллеясының жұмысын көрді.Беларандықтармен өткен кездесуде ауыл тұрғандары аяқ су мәселесін айтты. Аудан басшысы бүгінде «Жарас» су ұңғымасы арқылы аяқ су тарту жұмыстары үшін жоба сметалық құжаттары дайындалып жатқанын жеткізді. Сондай-ақелдімекенді таза ауыз сумен қамтамасыз ету үшін құны 21,2 млн. теңге болатын жобаны қаржыландыруға бюджеттік ұсыным берілгенін айтты.Тұрғындармен кездесуде Серік Сағитжанұлы «Ауыл Аманаты» бағдарламасының тиімділігіне тоқталып, аталмыш жоба арқылы түрлі кәсіп көзін бастауға болатынын жеткізді.Сапар соңында аудан әкімі «Жарас» су ұңғымасына барып, аяқ сумен қамтамасыз ету мақсатында жүргізілетін жұмыстармен танысты. Мұнан соң аудан әкімі Серік Сермағамбетовтың халықпен кездесуі Жіңішкеқұм, Қарақұм және Атанши ауылдық округтерінде жалғасты. Аудан басшысының сапары алдымен Жіңішкеқұм ауылдық округінде басталды. Тұрғындармен кездесу жаңадан қайта салынып жатқан № 248 орта мектебінің ғимаратының құрылысы жанында өтті. Кездесу барысында ауыл халқы нысанның қашан пайдалануға берелітіндігі туралы алаңдаушылықтарын жасырмады. Аудан әкімі өз кезегінде бұл мектептің құрылысы облыс әкімінің тікелей назарында екенін, білім нысанын өз қаражатынан жүргізіп жатқан кәсіпкерге мектептің ғимаратын сапалы әрі уақытылы биылғы жаңа оқу жылына дейін аяқтау үшін жеделдету тапсырылғанын жеткізді. Айта кетейік, өткен жылы облыс әкімі Нұрлыбек Машбекұлының тікелей тапсырмасымен Тоқабай елдімекенінде орналасқан апатты жағдайдағы №248 орта мектепті мердігер есебінен бұзылып, қайта 100 орындық жаңа мектеп құрылысын салу жұмыстары басталған еді. Қазіргі уақытта ғимараттың қабырғалары қаланып, құрылыс жұмыстары жүргізілуде.Сондай-ақ ауыл тұрғындары су мәселесін де ортаға салды. Серік Сағитжанұлы бүгінде «Абай-Тоқабай» елдімекендерін орталықтандырылған ауыз су жүйесіне қосу үшін 2022 жылы құрылыс материалдарының қымбаттауына байланысты жоба-сметалық құжаттамаға қайта есептеу жұмыстары жүргізіліп, алдын ала есеп бойынша жоба құны 3,7 млрд.тан 7,1 млрд. теңгеге көбейіп, қайта жасақталғанын және бүгінгі таңда мемлекеттік сараптамада тұрғанын айтты. Дегенмен, ауыз су желісін жүргізу үшін өткен жылы 100 млн-ға жуық қаржыға жұмыстары басталып, 6,4 шақырымына қажетті құрал-жабдықтар алынғанын, бүгінде аталған жұмыстарды жалғастыру үшін биылға қаралған 864 млн. теңге қаржысына әзірге 26 шақырымды құрайтын яғни қоса алғанда 32 шақырымдық құрылыс жұмыстарын мердігер маусым айында жүргізетінін жеткізді. Оған қоса, Ерімбетжаға тұсынан қосылу нүктесін қалдырып, жобасы жасалатынын да атап өтті. Жоба республикалық бюджет есебінен қаржыландыруда.Халықпен жүздесу одан әрі Ерімбетжаға елдімекенінде жалғасты. Мұнда аудан басшысы жыл басынан бері атқарылған жұмыстарға тоқталды.<blockquote>– Ауданымызда үлкен жобалар басталуда. Қала ішінде халықтың әлеуметтік жағынан әлсіз топтары санатындағы жандарға арнап 100 пәтерлі тұрғын үй салу жұмыстарын бастап жатырмыз. Жұмыстардың көп бөлігі жол саласында жүргізілуде. Бюджет қаражатының 65 пайызы инфрақұрылымдық жүйелерге арналған. Қаланың сырт аумағындағы ауыз су тарту, электр желілерін және газ тарту жұмыстарын жүргізіп, жеке тұрғын үй салушыларға жер телімдерін дайындап жатырмыз. Биылдың өзінде 1190 адамға тұрғын үй құрылысы үшін жер табыстаймыз. Оған қоса, қосымша алынған қаржыға сәйкес қаладағы № 8 мөлтек ауданы мен Жақсықылыш кентінде де аталған жұмыстар жүргізілетін болады. Электр желісі өте күрделі мәселенің бірі. Өңірдің 80 пайызға жуық электр желісінің тозығы жеткен. Дегенмен, біз бірінші кезекте жаңғыртуды қажет ететін 6 елдімекенді іріктеп, оның ішіне Қарақұм елдімекенін де қосып, жобасын ұсындық. Қаржыландыру үшін тиісті жұмыстар жасалынуда. Жол саласында биыл 7 млрд.қа жуық қаржыға 30-дан астам жоба жүзеге асуда. Оның екеуі келесі жылға өтпелі. Қалғанының барлығы биыл аяқталатын болады. Оның ішінде «Самара-Шымкент-Жақсықылыш-Тоқабай-Абай» бағытындағы қалған 6,5 шақырым бөлігін толық аяқтау үшін жоба-сметалық құжатын жасап, облыс басшысының қолдауымен қаржысы биыл бөлінбек. Ерімбетжаға елдімекенін аудандық маңызы бар жолдардың ішіне енгіздік. Алдағы уақытта ауылға кіретін 18 шақырымға жол салу үшін жоба-сметалық құжатын жасайтын боламыз. Оған қоса, бұл жұмыстар «Көкарал-Қаратерең», «Шөмішкөл-Бекарыстан би» бағытындағы жолдарғада жүргізілмек. Ауыз су Абай бағытына қарай жақын күндері басталады. Биыл Ақбасты, Көктем елдімекендерін ауыз су желісіне қоссақ, орталықтандырылған су жүйесіне қосылмайтын Құланды және Тастүбек ауылдарына су тұщытатын қондырғы орнатамыз. Жарықтандыру жұмыстарына байланысты, ауылдағы көшелерді жарықтандыру үшін аудандық бюджеттен қаржы қаралған. Мердігері анықталса, маусым айында жұмыстары жүгізілетін болады. Жалпы біздің аудан облыста бюджет көлемі бойынша Қызылорда қаласынан кейін екінші орында. Бюджет бүгінде 18,5 млрд.жуық қаржыны құрап отыр. Әлеуметтік салаларға да баса мән берілуде. Биыл 2 дәрігерлік амбулаторияның және «Жайлы мектеп» бағдарламасы аясында 2 мектептің құрылысын бастайтын боламыз, – деді аудан әкімі Серік Сермағамбетов.</blockquote>Ауыл тұрғындары барша игі істерге қолдау білдіріп, ақсақалдар ақ батасын берді. Аудан басшысының сапары Атанши ауылдық округінде тәмамдалды. Тұрғындармен кездесу «Еркесұлу» жеке бөбекжай балабақшасының жанында өтті. Серік Сағитжанұлы ауыл тұрғындарына алдағы жоспарлармен бөлісе отырып, жаңа балабақшаның бүгінгі тынысымен танысты.Елдімекендерде тұрғындармен кездесу барысында аудан әкімі кәсіп бастаймын деген азаматтарға тиісті қолдаулар мен қажетті сүйемелдеу жұмыстары жүргізілетіндігін жеткізді.

Елдік мәселе елдің ортасында талқыланады

<a href="https://kyzylorda-news.kz/">Kyzylorda-news.kz.</a>&nbsp;Қайтарымсыз грант – бұл жұмыссыз жүрген алайда тың идеясы бар, кәсіп ашқысы келетін адам үшін ең тиімді жоба. Қарап тұрсақ, әлемнің &nbsp;түкпір-түкпірі тез даму үстінде. Олардың идеясының көптігі сонша бізді таңқалдырмай қоймайды. Сондықтан шет елдің өніміне тәуелді болмас үшін, &nbsp;әр адам жұмыс істеп, кәсіп ашса, бізде әлем елдерінен қалыс қалмай, дамыған елдер қатарына қосыларымыз анық. Әрине, барлық адам бірдей емес, десек те арамызда жұмысы жоқ, кәсіпті қалай бастаймын? Қаражатты қайдан аламын деп түрлі сылтаумен кері шегінетіндер де табылады. Сондықтан осыған ұқсас мәселелер туындамас үшін, жұмыссыз адамдарға мемлекеттен қайтарымсыз грант арқылы бизнес бастауға мүмкіндіктер қарастырылған.«2021-2025 жылдарға арналған кәсіпкерлікті дамыту жөніндегі ұлттық жобасы» аясында &nbsp;ҚР Үкіметінің 2021 жылғы 12 қазандағы №728 қаулысы бойынша жаңа бизнес идеяларын іске асыруға &nbsp;мемлекеттік гранттар беру көзделген. Ал, 2022 жылы &nbsp;Ұлттық қордан мемлекеттік грантты 814 адамға беру жоспарланған. Сол жылдардағы &nbsp;жаңа бизнесті іске асыруға ұлттық қордан 583335 мың теңге қаржы қарастырылып, республикалық бюджеттен 432496 мың теңге бөлінген.&nbsp;Бұрын осы грантты тек өз кәсібін ашқысы келетін және кәсіпкерлік негіздегі курстарын бітірген барлық жұмыссыздарға берілген болатын. Ал, &nbsp;өткен жылы 12 қаңтар күні Мемлекет басшысы Қасым-Жомарт Тоқаевтың төрағалығымен өткен &nbsp;мәжілісте жаңа бизнес идеяны жүзеге асыру бойынша заң талаптарына біршама өзгерістер енгізген. Ол өзгерістің ішінде &nbsp;жаңа бизнес-идеяларды жүзеге асыруға бағытталған өтеусіз және берілетін &nbsp;қайтарымсыз грант мөлшері 200 АЕК-тен 400 АЕК-ке дейін көтерілгені көрсетілген. Мемлекет басшысының тапсырмасына сәйкес, халық игілігі үшін, жаңа кәсіп ашуға берілетін қайтарымсыз грант 612600 теңгеден 1 225 200 теңгеге дейін 2 есеге ұлғайған. Биыл бұл қаржы 1380000 теңгеге жетіп отыр.Сонымен қатар, 2022 жылы «Бизнес-Бастау» жобасы бойынша мемлекеттік грантты оқыту курстарынан өткен сертификаты бар 29 жасқа дейінгі жастарға, жұмыссыз, өзін-өзі жұмыспен қамтыған, атаулы көмек алатын аз қамтылған отбасы мүшелеріне, көпбалалы отбасыларға, қандастарға, асыраушысынан айырылған әрі әлеуметтік жәрдемақы алушылар, мүгедек бала тәрбиелеп отырған адамдарға және мүгедектігі бар тұлғаларға берілген. Сол &nbsp;кәсіпкерлікті дамыту жобасы бойынша 814 азамат жеңімпаз атанған екен. Оның ішінде 310-ы жастар. Мемлекет тарапынан осындай &nbsp;қайтарымсыз гранттың беріліп жатқандығын &nbsp;естігенде, ең бірінші кәсіп ашуды емес, сол қыруар қаржыны алуға асығатындар бар. Алайда, оның артында үлкен жауапкершіліктің тұрғанын ұмытып кететіндер де кездеседі. Судың да, сұрауы барын ескермеген олар әйтеуір, грантты тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға тағы сол сияқты басқада мақсатта пайдаланған. Мұны қалалық жұмыспен қамту және хал актілерін тіркеу бөлімінің мамандары да растап отыр.&nbsp;Өткен жылы Жалағаш ауданының Айгүл есімді тұрғыны өзінің сұлулық салонын ашумақсатында бизнес-жоспар жасап, мемлекеттен қайтарымсыз грант конкурсына қатысқан. Жеңімпаз болған ол 300 мыңнан аса қаражатты жеңіп алады. Өкініштісі сол, ол бұл қаржыға өзінің несиесін жапқан. Алайда, тиісті мекемелер тарапынан тексеру жұмыстары жүргізіліп, кәсіп ашпағаны үшін грант қаржысын мемлекетке қайтаруды талап еткен. Осындай қолайсыз жағдайда қалмас үшін қайтарымсыз гранттың қайтымы бар екенін ұмытпаған жөн. Сонымен қатар мемлекеттік &nbsp;грантты тек қажетті құрал-саймандарды, еңбек құралдарын, технологиялық жабдық, мал, құс, көшет, бұта, тұқым сатып алуға, орын-жайларды жалға алу ақысын төлеу мақсатында алуға болатындығын ескерген жөн.<blockquote>«2023 жылдың жаңа бизнес идеяларын жүзеге асыруға &nbsp;мемлекеттік гранттар беру бағыты бойынша облыстық бюджеттен 380 адамға грант беру жоспарланған. Оған 524400 мың теңге қаржы бөлінген. Биылғы жылдың 1-легі бойынша 94 адамға мемлекеттік грант берілген. Ал, екінші легі бойынша 95 адам ұтып алған. Барлығын қосқанда бизнес бастау идеясын жүзеге асыруға мемлекеттік грантты 189 адам жеңіп алған», − деді жұмыспен қамту орталығының заңгері Ислам Тұяқбай.</blockquote>Осындай келеңсіздкке жол беріп, қолға тиген қаржыны мақсатты жұмсамаған грант иелерінің ісі қалалық жұмыспен қамту орталығының бастамасымен сотта қаралуда. Мұндай жайттың көбейгені соншалық істі сот арқылы реттеу, әрі кәсіп ашамын деп жеке басының мәселесіне жұмсаған тұрғындарға сабақ болсын деген ниетті осындай шаралар қолданылуда.<blockquote>«Жалпы барлық қаралған азаматтық істер-36, оның 14-і қанағаттандырылған, қалған 4-уі қанағаттандырудан бас тартылған, сот бойынша 18-і қаралуы үстінде»,− дейді орталық заңгері.</blockquote>Осыдан соң, кәсіп ашу үшін грант алғандар мен алғысы келетіндердің қайтарымсыз гранттың да қайтарымы бар екенін ұмытпағаны дұрыс.

Қайтарымсыз гранттың да қайтарымы бар

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті қаржы пирамидасын құрып, еркін алаяқтықпен айналысқан 2 ұйымды анықтады. Сотқа дейінгі тергеп-тексеру нәтижесінде, заңсыз ұйымның өкілдері азаматтарды өздеріне салымшы ретінде тартып, қомақты қаржысын иеленгені белгілі болды. Осыған байланысты жауапты сала мамандары тұрғындарды жеке мәліметтерін бергенде сақ болуға шақырды.<blockquote>«Қызылорда облысында алаяқтықпен айналысқан екі ұйым құрықталды. Оның бірі - «Chia Tai Pharmaceutical» компаниясы азаматтарды медициналық өнімдерге салымшы ретінде шақырған. Ал &nbsp;«Qnet» компаниясы қаржы пирамидасын еркін жүргізген. Қазіргі таңда алаяқтыққа барған азаматтардың үстінен қылмыстық іс қозғалып, қамауға алынды. Осы ұйымдарға тіркелген тұрғындар болса тиісті құқық қорғау органдарына хабарласуларыңызды сұраймыз. Біздің департамент мамандары қаржылық алаяқтыққа қатысты қылмыстардың алдын алу мақсатында облыс тұрғындарына түсіндірме жұмыстарын үзбей жүргізіп келеді. Тағы бір айта кететін жәйт, қазіргі таңда пәтер немесе жер алып беруге уәде етіп, қомақты қаржы алатындар да көбеюде. Бұл ретте облыс тұрғындарына айтарымыз, белгілі бір ұйымға қаржы аудармас бұрын нақты біліп, жіті тексеріп алған жөн. Кез келген адамға жеке мәліметтерді жіберуден сақтанған абзал», - деді Ерлан Қасқырбайұлы.</blockquote>

Қазақстан және Қызылорда облысының жаңалықтары