<a href="https://kyzylorda-news.kz/">Kyzylorda-news.kz.</a> «Өңірдің дамуында демеушілердің еңбегі орасан зор». Бұл аймақ басшысы Нұрлыбек Машбекұлы Нәлібаевтың облыстық мәслихаттың сессиясында айтқан сөзі. Иә, расында да бірлігі бекем Сыр өңірінде демеушілер көркем тірліктің үлгісін көрсетіп, көптеген игі істерді атқаруда. Мәселен, облыста жанашыр азаматтардың қолдауымен жүргізіліп жатқан жұмыстардың жалпы құны 30 млрд теңгеден асып жығылады. Бұл – бір емес, бірнеше ауданның бюджетінен көп қаржы.Игілікті істер серпінді Сырдария ауданында да жүйелі жүргізілуде. Бірер жыл бұрын кәсіпкерлердің қолдауымен ауданымызда бірнеше балалар ойын алаңы салынып, пайдалануға берілді. Биыл да бұл үрдіс жалғасын тауып, аудан басшысының ұсынысымен кент орталығындағы көпқабатты үйлердің қасбеті жаңартылуда. А.Иманов көше­сіндегі үйлерде жүргізіліп жатқан жұ­мыстар күз айының соңына дейін аяқ­талатын болады.Тереңөзек кентінің әкімі Е.Бахтияровтың айтуынша, тұр­ғын үй­лер­дің қасбеті толықтай демеу­шілер­дің көмегімен жүргізілуде. Бұл жұмысқа бюджеттен қаржы бөлінбеген.<blockquote>«Аудан әкімі Берік Әбдіғаппарұлы Сәрменбаев демеушілерге ұсыныс айтып, тұрғын үйлердің қас­бетін жаңарту бастамасын көтерген болатын. Ұсыныс қолдау тауып, бүгін­де үш үйдің қасбеті жаңартылуда. Бұл жұмыстар «Универсал Строй Сервис», «Real Stroy Invest» және «Алтын Айдарлы» серіктестіктерінің есебінен жүргізілуде. Қазір жұмыстардың басым көпшілігі аяқ­талды. Алдағы уақытта да кенттің А.Иманов көшесінің бойындағы басқа да үйлердің қас­бетін жаңарту жос­­пары­мызда бар. Бұл жұ­мыс­­тар кезең-ке­зеңімен жүр­гізі­леді. Қол­­дау білдіріп, кентіміздің көр­кеюі­не атсалы­сып жат­қан азамат­тар­ға айтар алғы­сы­мыз шексіз», – дейді кент әкімі.</blockquote>Естеріңізде болса, біз ау­­дан­дық газет­тің 5 тамыз күнгі нө­мі­­­рінде «Абаттандыру жұмыстары жүр­­гізілуде» тақырыбында мақала жариялаған болатынбыз. Сол мақалада А.Иманов көше­сіндегі көпқабатты тұрғын үйлердің ауласы абаттандырылатыны жазылған еді. Бұл жұмыстар аудан әкімінің бақылауында. Бұйырса, бұл маң кент­тің А.Әлиакбаров көшесіндегі тұрғын үй­лер­­­­­­­­­­­дің ауласы секілді жаңаратын болады.Мұнан бөлек кенттегі «Сыр сұлу» монументі де жаңа кейіпке енбек. Қазір жұмыстар басталып, құм үю, тегістеу жұмыстары жүргізілуде.

Сырдария ауданындағы тұрғын үйлердің қасбеті жаңартылуда

<a href="https://kyzylorda-news.kz/">Kyzylorda-news.kz.</a> Жаңақорған ауданының әкімі Мұрат Жолкелдіұлының төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелері және құқық бұзушылық профилактикасы жөніндегі ведомствоаралық комиссиялардың бірлескен отырысы өткізілді.Аталған жиынға комиссия мүшелері мен тиісті бөлім басшылары қатысты. Аудандық полиция бөлімінің бастығы "Аудандық полиция қызметімен сыбайлас жемқорлықтың алдын алу мақсатында атқарылып жатқан шаралар" және "Есірткі қылмыстарының алдын - алу шаралары туралы" сондай ақ, Жаңақорған аудандық көпбейінді орталық ауруханасының бас дәрігері Тәңірберген Амитұлы Амитов «Аудан көлемінде нашақорлықтың алдын алу және есірткіге тәуелділерді емдеу бағытында атқарылған шаралар туралы» хабарламасы тыңдалды.Күн тәртібіндегі меселелер жан - жақты талқыланып, тиісті мекеме басшылары мен кент ауылдық округ әкімдеріне тапсырмалар берілді.

Жаңақорған ауданында комиссиялардың бірлескен отырысы өтті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев «Әділетті Қазақстанның экономикалық бағдары» атты Жолдауында тұрғындар үшін ең бірінші қажеттіліктердің шешілуі тиіс екендігін атап көрсетті. Оның қатарында сапалы ауыз су, энергетикалық қауіпсіздік мәселелері бар.Ауданда тұрғындар көтеріп жүрген мәселелердің негізінде ауыз су құбырларына зерделеу жұмыстары жүргізілген болатын. Нәтижесінде, аудан көлеміндегі Тереңөзек, Шаған, Қоғалыкөл, Аманкелді елді мекендеріндегі бірқатар көшелердің су құбырларының тозғандығы анықталды.Осыған байланысты облыс әкімі Нұрлыбек Машбекұлы Нәлібаевтың қолдауымен ауданда ауқымды жұмыстар атқарылуда.Биыл жоғарыда аталған көшелерге демеушілік есебінен әзірленген жалпы ұзындығы 7,5 шақырымды құрайтын «Сырдария ауданы Шаған елді мекені бойынша 5 көше, Қоғалыкөл елді мекені бойынша 3 көше бойындағы ауыз су құбыры мен көру құдықтарының құрылысына» қатысты 3 жобаға «Ауыл – ел бесігі» бағдарламасы аясында бюджет көздерінен 278,7 млн. теңге қаржы бөлінді. Бүгінде бұл жұмыстарды «Real Stroy Invest» және «Алтын Айдарлы» серіктестіктері атқаруда. Құрылыс жұмыстарының сапасы тұрақты бақылауда.Сонымен қатар, Тереңөзек кенті мен Аманкелді ауылдарындағы көшелердің ауыз су құбырларын жаңартуға қатысты 3 жобаны қаржыландыруға бюджеттік өтінім ұсынылған.

Сырдария ауданында ауыз су құбырларын жаңарту жұмысы жүргізілуде

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы кент орталығындағы бірқатар құрылыс нысандарын аралап, көшелерді абаттандыру жұмыстарымен танысты.Еске салсақ, биылғы жылы ауданда 50 жалдамалы тұрғын үйлердің құрылысы басталған болатын. Тұрғын үйлердің құрылысымен танысқан аудан басшысы аталмыш нысандарды қазан айының аяғына дейін пайдалануға беру туралы тапсырма берді.Мұнан соң аудан әкімі қыркүйек айында құрылыс жұмыстары басталған Тәуекелов көшесін абаттандыру жұмыстарын бақылады. Аудан әкімінің тоқсандық есепті кездесулерінде Б.Момышұлы көшесі бойынша кент тұрғындары көтерген мәселелерге сәйкес аталған көшеге барып, екі жұмыс аптасы аралығында стандарттық талаптарға сәйкес қалпына келтіру жұмыстарын жүргізуді тапсырды.Абаттандырылған көшелер мен құрылысы аяқталуға жақын тұрғын үйлер жақында аталып өтілетін ауданның 95 жылдығына тарту етілмек.Мұнан бөлек Жандос Еркінбекұлы Рысқұлов көшесін абаттандыру бойынша жоба-сметалық құжаттамаларын дайындауды тиісті сала мамандарына жүктеді.<img src="https://knadmin.beoblood.kz/uploads/380109906_2440006832836875_5598794207088224445_n_f2ab94b3af.jpg" alt="380109906_2440006832836875_5598794207088224445_n.jpg">

Қармақшы: 50 жалдамалы тұрғын үй қазан айының аяғына дейін пайдалануға беріледі 

<a href="https://kyzylorda-news.kz/">Kyzylorda-news.kz.</a> Бұл туралы Шиелі ауданының әкімі Нұржан Ахатов ауыл халқымен өткен кездесуде айтты.Атап айтар болсақ, ауылдық округ әкімі "Ақмая" шаруа қожалығының демеушілігімен ауылдағы электр желілерін толықтай ауыстыруға қажетті құжаттарды дер кезінде дайындап, келер жылы 486 млн. 329 мың теңге қаражатқа ауылдағы электр желілері мен бағаналарын 100 пайызға жаңартуды көздеп отыр.<blockquote>«Мұндай тындырымды тірліктер өзге ауылдарда да жалғасын табуы тиіс. Сондықтан ауылдық округ әкімдері әріптестерінің осындай оң бағыттағы іс-әрекетінен үлгі алуы қажет» деп аудан әкімі ауыл әкімдерінің дер кезінде қимылдау керектігіне тоқталды.</blockquote>

Ақмая ауылының электр желілері толықтай жаңарады

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің ұйымдастыруымен Қызылорда облысы прокуратурасын, жергілікті атқарушы органдардың өкілдерін, &nbsp;өзара іс-қимыл алгоритмдері бойынша жұмылдырылатын арнайы және шұғыл қызметтерді қатыстыра отырып, Қызылорда қаласынан 7 км арақашықтықта орналасқан «Пригородный» орманшылығы аумағында “Орман-дала өрттерін сөндіру” тақырыбында өрт-тактикалық оқу-жаттығу өткізілді.Шартты өрттің жоспарына сәйкес 2023 жылғы 26 қыркүйекте 16 сағат 00 минутта Қызылорда қаласы “Эдельвейс” саяжайының маңында, Шіркейлі каналының оң &nbsp;жақ жағалауында қураған шөп жанып жатқаны туралы «112» құтқару қызметіне хабарлама түсті. Хабарлама бойынша №2 жоғарғы шақырту рангысымен 4 өрт сөндіру бөлімдерінен күш-құралдар жолданды. Алғашқы болып оқиға орнына жеткен өрт сөндіру бөлімінің барлау жұмыстары барысында қызыл кітапқа енгізілген &nbsp;шеңгел, тораңғыл, сексеуілі бар 2 гектар жерді дауыл салдарынан жалын шарпып жатқандығын анықтады.Өрт сөндіру қызметінің, Орман және жануарлар дүниесін қорғау мекемесінің, Ұлттық ұланның, Жергілікті полицияның, арнайы қызметтердің біріккен әрі жедел іс- әрекеттерінің нәтижесінде өрт 50 минут ішінде толық сөндірілді. &nbsp;Оқу-жаттығуға барлығы 143 қызметкер 30 &nbsp;техникасымен &nbsp;жұмылдырылды. Оқу-жаттығу барысы 3 кезеңнен болды. &nbsp;Атап айтқанда, жұмылдырылған барлық қызметтермен бірлесе отырып, дала алқаптарындағы өрттерді сөндіру, зардап шегушілерді &nbsp;кинологиялық есеп күшімен құтқарып, алғашқы медициналық көмек көрсету, өрттің таралу аумақтарынан тұрғындар мен үй жануарларын эвакуациялау жұмыстары жүргізілді.Өрт-тактикалық оқу-жаттығудың қорытындысы бойынша Қызылорда облысы Төтенше жағдайлар департаменті бастығының міндетін атқарушы азаматтық қорғау полковнигі Н. Ибрагимов құрылымдардың жұмысына оң бағасын берді. &nbsp;

Қызылордада өрт-тактикалық оқу-жаттығу өткізілді

<a href="https://kyzylorda-news.kz/">Kyzylorda-news.kz.</a> Қауырт қызметтегі мамандарға да моральдік-психологиялық қолдау аса қажет. &nbsp;Осы бағытта Қызылорда өңірінде іссапарда жүрген ҚР ТЖМ Медициналық-психологиялық басқармасының бастығы азаматтық қорғау полковнигі Светлана Мұратбекова мен бас маман-психологі азаматтық қорғау подполковнигі Дария Акитова Қызылорда облысы Төтенше жағдайлар департаментіне тематикалық тексеру жұмысын жүргізді.&nbsp;Сонымен бірге ұжымдағы моралдық-психологиялық ахуалды анықтау мақсатында анонимді сауалнама алып, жеке құраммен кездесу сағатын өткізді. Сонымен қатар бас маман-психологі азаматтық қорғау подполковнигі Дария Акитова Қызылорда облысы ТЖД психологі азаматтық қорғау подполковнигі Арайлым Тілеуқабыловамен бірлесіп, ұжымдық қарым-қатынасты жақсарту &nbsp;мақсатында тренингті өткізді. Тренинг әсерінің ерекше болғандығын атап өткен өңірдің қызметкерлері психология саласының кәсіби мамандарына алғыс білдірді.

Тематикалық тексеру жұмысы жүргізілді

<a href="https://kyzylorda-news.kz/">Kyzylorda-news.kz.</a> Қармақшы ауданының 95 жылдығы аясында Ш.Төлепова атындағы аудандық мәдениет үйінде саналы ғұмырын өнер мен әдебиетке арнаған атпал азамат, тарлан талант, Сыр сүлейлерінің ізбасары, ұлағатты ұстаз Шыңғысов Мұхамбетқали Айдынәліұлының 95 жылдығына орай «Жүректегі жазулар» атты монолог оқу шеберлерінің облыстық байқауы өтті.Қазақ әдебиетіне елеулі үлес қосқан ақын М.Шыңғысовтың шығармашылық өнер жолын өскелең ұрпаққа насихаттау арқылы дарынды және талантты жастардың шығармашылығын дамыту мақсатында ұйымдастырылған байқауға аудан әкімінің орынбасары Смағұлов Самат Қыдырбекұлы тірі тін, тұтас жаратылыс поэзия әлемінің құдіретіне тоқталып, сайысқа қатысушы талапкерлерге тілектестігін білдірді. Аталмыш сөз додасында 11 аймақ өнерпазы өзара бақ сынасты.Байқауға Қармақшы ауданының құрметті азаматы, ардагер, Құндақбаев Шегебай, Н.Бекежанов атындағы Қазақ академиялық музыкалық драма театрының әртістері Оразалиев Асқар мен Асанов Еркін қазылық етті.Байқау нәтижесімен бас жүлде қармақшылық Махамбетұлы Мадиярға бұйырса, Қ.Шыңғысов атындағы «Арнайы жүлдемен» Әлжан Арнұр марапатталды. І орынды Жаңақорған ауданынан келген Қалила Марғұлан, ІІ орынды жалағаштық Ерғали Әділ алса, Шиелі ауданының өнерпазы Сәбитов Думан ІІІ орынды иемденді. Байқауға қатысқан өнерпаздарға арнайы дипломдар табысталды.Қаламымен сөз қаймағын қалқыған ақынның өмірі – өнеге, өзі – дастан!

Қармақшыда монолог оқу шеберлерінің облыстық байқауы өтті

<a href="https://zastavok.net/osen/53133-polyana_listya_osen_solnechnyj_svet.html">ФОТО</a><a href="https://kyzylorda-news.kz/">Kyzylorda-news.kz. &nbsp;</a><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">Қазгидромет</a>&nbsp; 27 қыркүйекке арналған ауа райы болжамын жариялады.&nbsp;Солтүстік-батыс антициклонының әсерінен Қазақстан аумағының басым бөлігінде жауын-шашын болмайды.Тек елдің солтүстігінде, орталығында атмосфералық фронттардың әсерінен жаңбыр жауады.Республика бойынша түнде және таңертең тұман, оңтүстікте, оңтүстік-шығыста, шығыста, солтүстікте екпінді жел соғады.&nbsp;Қызылорда қаласының орталығында, шығысында, оңтүстігінде төтенше өрт қаупі сақталады.

27 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының кеңесшілері 10 жылда 98199 кәсіпкерге және кәсіпкерлік бастамасы бар азаматқа кеңес берген.Бұл туралы Өңірлік коммуникациялар орталығында өткен баспасөз мәслихатында Палата директоры Пірмұхаммед Сыздық айтты.Палата басшысы 12203 кәсіпкерге сервистік қызмет көрсетілгенін жеткізді. Атап айтқанда, кеңесшілер кәсіпкерлердің бухгалтерлік және өзге де есептерін тапсырып беріп, құқықтық құжаттарын дайындаған.«Бизнес-мектеп» компоненті аясында 7083, «Бастау Бизнес» жобасы аясында 11751 азаматты оқытты. Осы оқыған «бастаулықтардың» 6783-інің жобасы қаржыландырылды.2014 жылдан бері Палата маркетологтары 2,5 мыңнан астам бизнес жоспар әзірледі.<blockquote>«Іскерлік байланыстар» жобасы аясында облысымыздың 5 кәсіпкері Германияда тағылымдамадан өтті. «Аға сеньорлар» жобасы бойынша 9 кәсіпкерлік субъектісі шет ел сарапшыларын тартып, өз біліктілігін арттырды. Осының барлығын Палатаның кеңесшілері жүргізіп жатыр. Былтыр желтоқсанда «Атамекен» ҰКП-ның барлық өңір кеңесшілерін аттестациялауда біздің өңірдің кеңесшілері үздік үштіктер сапынан көрінді. Сондай-ақ, көрсетілген сервистік қызмет бойынша Астана қаласынан кейінгі 2-орында, ақпараттық қызмет бойынша 3-орында болды», – деді баспасөз мәслихатында Пірмұхаммед Сыздық.</blockquote>10 жылда кәсіпкерлерден құқығын қорғауды сұрап жазылған 3000-нан астам өтініштің 1200-ден астамын Палата заңгерлері оң шешкен. Қалғандарына уақытында құқықтық түсіндірме беріп, бағыт-бағдарын көрсетті. Нәтижесінде 4800 кәсіпкердің құқығын қорғап, бизнестің 10 млрд теңгеден астам қаржысын сақтап қалды.<blockquote>«Осы жылдар ішінде кәсіпкерлер «келісіп пішкен тон келте болмайтынын» түсініп, салалық қауымдастықтарға бірігудің тиімді екенін жақсы түсінді. Ол үшін біздің мамандар да жан-жақты қолдау көрсетті. Дер кезінде ақпараттармен қамтып, құжаттарын сүйемелдеуге көмек көрсетіп жатыр. Нәтижесінде облыста жеңіл өнеркәсіп кәсіпорындарының халықтық қауымдастығы, қоғамдық тамақтандыру және қызмет көрсету саласы қауымдастығы, туризм Қауымдастығы құрылды», – деді Палата директоры.</blockquote>Сонымен қатар соңғы 8 жылда Кәсіпкерлер палатасының мамандары жергілікті тауарөндірушілерге 10885 сертификат табыстаған. Бұл құжаттардың қатарына ішкі айналымға арналған «СТ-КЗ», экспорттық және индустриалды сертификаттар жатады.Палата құрылғаннан бері: - облыс әкімдігімен бірге рұқсат беру құжаттарымен айналысатын &nbsp;кәсіпкерлерге қызмет көрсету орталығы ашылды; - ауыл кәсіпкерлерінің жобасын қаржыландыруға арналған «Қызылорда» өңірлік инвестициялық орталығы мен «Атамекен Қызылорда» микро қаржы ұйымы құрылды; - мемлекеттік-жеке меншік әріптестік орталығы ашылды; - Кәсіпкерлер үйі құрылды.Кәсіпкерлер үйінде бүгінгі таңда облыстық кәсіпкерлер палатасы, рұқсат беру құжаттарымен айналысатын &nbsp;кәсіпкерлерге қызмет көрсету орталығы, «Қызылорда» өңірлік инвестициялық орталығы мен «Атамекен Қызылорда» микро қаржы ұйымы, «Аграрлық-несие корпорациясы» АҚ-ның облыстық филиалы орналасқан. &nbsp;

Атамекенге 10 жыл: Қызылордада 100 мыңға жуық адамға кеңес берді

<a href="https://kyzylorda-news.kz/">Kyzylorda-news.kz.</a> Бүгін облыстық қоғамдық даму басқармасының басшысы Алмасбек Есмаханов «Сыр медиа» ЖШС қызметкерлерімен кездесті. Бірінші кезекте ол облыстық «Сыр бойы» қоғамдық-саяси газетінің ұжымын құттықтап, Қызылорда облысының әкімі Нұрлыбек Нәлібаевтың Алғыс хатын табыстады.– Ең алдымен газет ұжымын «Үздік өңірлік БАҚ» номинациясын жеңіп алуымен құттықтаймын. Бұл Қызылорда облысының 85 жылдық мерейтойына тамаша тарту болды. Аймақтың ата басылымы өз биігін тағы бір рет байқатты. Бұл жеңіс – «Сыр бойы» газеті ұжымының қажырлы еңбегінің жемісі және Сыр өңіріндегі барлық баспасөз өкілдерінің ортақ қуанышы, – деді А.Есмаханов.«URKER» ұлттық сыйлығы Баспа, радио, интернет-журналистика саласындағы үздік жетістіктері үшін беріледі. Ол журналистиканың беделін арттыруға, талантты БАҚ қызметкерлері мен шығармашылық ұжымдарды анықтауға, сондай-ақ олардың кәсіби журналистиканы дамытуға қосқан үлесін тануға бағытталған.

Аймақ басшысының Алғыс хатын табыстады

Фото: pixabay.com<a href="https://kyzylorda-news.kz/">Kyzylorda-news.kz.</a> Елімізде 21 жасқа дейінгі жастарға энергетикалық сусындарды сатуға тыйым салынбақ. Бұл туралы Үкімет отырысында Денсаулық сақтау министрі Ажар Ғиният айтты.&nbsp;<blockquote>«Саламатты өмір салты дағдыларын қалыптастыру бойынша медициналық-санитариялық алғашқы көмек ұйымдарында 452 саламатты өмір салты кабинеті, 4608 денсаулық мектебі, темекіге қарсы кабинет және 157 жастар денсаулық орталығы жұмыс істейді. Темекіні тұтынуды азайту үшін 2023 жылғы 1 қаңтардан бастап темекі өнімдеріне акциздің ставкалары көтерілді. Тұтынудың электрондық жүйелерінің (вейптер), олар үшін хош иістендіргіштер мен сұйықтықтардың айналымына толық тыйым салуды енгізу бойынша Мәжілісте Заңға өзгерістер қарастырылды. 21 жасқа дейінгі адамдарға энергетикалық сусындарды сатуға тыйым салуды енгізу жөніндегі норманы талқылау рәсімі жүргізілуде», - деді министр.</blockquote>Оның атап өтуінше, биыл «Ауылдық денсаулық сақтауды жаңғырту» пилоттық ұлттық жобасы іске асырылуда. Жоба аясында 2025 жылдың соңына дейін 655 медициналық-санитариялық алғашқы көмек объектісі пайдалануға беріледі.<blockquote>«32 заманауи көпбейінді аудандық орталық аурухана ұйымдастырылады. Ауылдық денсаулық сақтау үшін 1100 медицина қызметкері даярланады. Ауылдық жерлердегі қолжетімсіздік мәселесі шешілетін болады. Сонымен қатар, соңғы жылдары 250 алғашқы көмек көрсету объектісі салынды», - деді Ажар Ғиният.</blockquote>

Қазақстан және Қызылорда облысының жаңалықтары