<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы депутаттық фракциясының отрысы өтті. Жиынға партияның облыстық филиалының төрағасы Алмасбек Есмаханов және облыстық мәслихат төрағасы Мұрат Тлеумбетов &nbsp;қатысты.Алқалы жиында фракция мүшелері міндеттерінің орындалуы қаралып, алдағы жұмыстары пысықталды. Жиынды ашқан фракция жетекшісі Жорабек Нұрымбетов &nbsp;өткен жылы атқарылған жұмыстарға тоқталып өтті.&nbsp;<blockquote>«Өткен жылы өткен 7 фракция отырыстарында фракция мүшелерімен 14 мәселе қаралып, 51 шешім шығарыған. Онда партияның сайлауалды бағдарламасының іске асырылу барысы, көктемгі дала жұмыстарына дайындық мәселелері, сумен, электрмен, газбен жабдықтау нысандарындағы жағдай және жылыту маусымына дайындық барысы талқыланған. Аталған отырыстарда әкім орынбасары, облыстық басқарма басшылары – партия мүшелерінің есептері тыңдалды. Фракция мүшелерінің қатысуымен өткен Партиялық бақылау комиссиясының отырысында 27 мәселе қаралып, 94 ұсыныс берілді. Сонымен қатар, фракция мүшелері партия жанындағы 7 кеңестін 29 отырысына қатысып, 70 мәселе қарады, 237 ұсыныс берді. Нәтижесінде бүгінгі күнге сайлауалды бағдарламаны іске асырудың Жол картасындағы 116 іс-шараның 106 &nbsp;орындалды», - деді Жорабек Нұрымбетов.</blockquote>Байқағанымыздай депутаттық фракция мүшелерінің тұрғындармен тұрақты кері байланыс жасау жұмыстары да дұрыс жолға қойылған. Осы бағытта фракцияч мүшелері партияның Қоғамдық қабылдау бөлмелерінде өткен жылы 129 қоғамдық қабылдау өткізіп, 446 мәселені қараған. Оның ішінде 295 мәселе оң шешімін тапса, 151өтініш иесіне қолданыстағы заңнамалар аясында түсініктеме берілген. Мұнан бөлек, есепті кезенде түрлі мәселелер бойынша 165 депутаттық сауалдар жолданыпты. &nbsp;Депутаттар өздерінің атқарып жатқан жұмыстарын, түрлі мәселелерді, олардың шешілу барысын және басқа да партияның имидждік саясатын іске асыру және партия өткізіп отырған іс-шараларды жариялауда әлеуметтік желілерде белсенділік танытып, 1723 жариялым шығарған.&nbsp;Фракцияның 2025 жылға арналған жұмыс жоспарына келсек, жоспар 4 бөліктен және 19 тармақтан тұрады. Онда фракция отырыстарында қаралатын мәселелер, фракция мүшелерінің азаматтарды жеке қабылдаулары, партиялық мониторинг және бақылау жұмыстары мен бұқаралық ақпарат құралдарымен байланысы &nbsp;қамтылған. Жалпы айтқанда фракция отырысын тоқсан сайын өткізу жоспарланып,оларда Жол картаның, сайлаушылардан түскен талап-тілектердің, «Ауыл аманаты» жобасының орындалуы, облыстың әлеуметтік – экономикалық дамуы мен фракция мүшелерінің депутаттық міндеттерін атқаруы туралы мәселелер қаралмақ.Жиын соңында партияның облыстық филиалының төрағасы Алмасбек Есмаханов пен &nbsp;облыстық мәслихат төрағасы Мұрат Тлеумбетов сөз алып, фракция және мәслихаттың өңірдің әлеуметтік экономикалық өркендеуі мен халықтың тұрмысын арттыруға бағытталған ортақ &nbsp;жұмысына қатысты ұсыныс - пікірлерін білдірді.<img src="https://knadmin.beoblood.kz/uploads/Whats_App_Image_2025_02_21_at_16_01_31_1_8bad447d3e.jpeg" alt="WhatsApp Image 2025-02-21 at 16.01.31 (1).jpeg">Фото: «AMANAT» партиясы Қызылорда облыстық филиалы

«AMANAT» партиясы: Фракция отырысында алдағы міндеттер пысықталды

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің орынбасары Самат Қыдырбекұлының төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті. Отырысқа комиссия мүшелері, құқық қорғау органдарының өкілдері және басқа да мүдделі мекемелердің басшылары қатысты.Күн тәртібінде балалардың жол-көлік жарақаттарының алдын алу шаралары және кәмелетке толмағандарға жол қауіпсіздігі ережелерін сақтау мәдениетін қалыптастыру мәселелері қаралды. Бұл бағытта аудандық полиция бөлімінің жергілікті полиция қызметі бөлімшесінің баяндамасы тыңдалды. Сонымен қатар, инклюзивті білім беру жағдайында ерекше білім беру қажеттіліктері бар балаларды оқыту және тәрбиелеуге қолайлы жағдай жасау мәселесі бойынша аудандық білім бөлімі ақпарат берді.Комиссия мүшелері қаралған мәселелер бойынша өз пікірлерін білдіріп, нақты ұсыныстарын жеткізді.Жиынды қорытындылаған комиссия төрағасы тиісті сала басшыларына құқық бұзушылықтың алдын алу жұмыстарын күшейту, жол қауіпсіздігі бойынша түсіндіру шараларын жандандыру және инклюзивті білім беру сапасын арттыру мақсатында ерекше білім беру қажеттіліктері бар балаларға қолжетімді орта қалыптастыру жөнінде нақты шаралар қабылдау туралы тапсырмалар жүктеді.Фото: Қармақшы ауданының әкімдігі

Жасөспірімдердің құқығын қорғау жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a> Адамды адам еткен – еңбек емес пе, сол еңбек табыс тауып, жағдайды жақсартуға жол ашатын, әрі абыройға жеткізетін алтын арқау десек болады. Ондай асыл борышты осы жолда жүрген әрбір жан жақсы біледі. Бүгінгі кейіпкеріміз Ерболат Маханбетов те елге қызмет көрсету үшін білекті бекем түрген жігерлі азаматтардың бірі. Ол қалалық «Су жүйесі» мекемесінде он жылдай уақыт қызмет жасайды. Еңбектің ыстық-суығына көнген, бүгінде тәжірибелі мамандардың қатарында.Ерболат Қызылорда аграрлық техникалық колледжін автокөлікті жөндеу және техникалық қызмет көрсету мамандығы бойынша бітірген соң «Қызылорда РемЛокомотив»,«Ремводпроект» мекемелерінде, «СМП Бейнеу» серіктестігінде түрлі еңбек сатысынан өтті.Наны тәтті еңбектің шеберлік мектебінде шыңдалды. Соның нәтижесінде облыс әкімінің Алғыс хатымен марапатталды.<blockquote>– Маған мемлекет басшысының: «... Өз кәсібін жетік меңгерген мамандар ұлт сапасын арттырады. Жұмыстың жаманы жоқ, кез келген еңбек – қадірлі. Ең бастысы - әркім жауапкершілікті терең сезініп, өз міндетін сапалы атқаруға тиіс», – деген сұңғыла сөзі қанаттандырады. Қазіргі қаланың коммуналдық қызмет көрсету саласы өте жауапты жұмысты талап етеді. Біз техникалық құрылғылардың, агрегаттардың ақаусыз жұмыс істеуін қамтамасыз етуге міндеттіміз. Сол үшін уақыт пен мүмкіндікті тиімді пайдаланып, сапалы қызмет жасауды жолға қойдық. Бүгінде ерінбей жасалған еңбектен көптің ризашылығын көремін. Еңбек рахатын сезінемін. Осы орайда қатарластарыма елге қызмет ету үлкен бақыт екенін жеткізгім келеді. Мұндай ізгі ниет отбасылық тәрбиенің негізгі түйініне айналған. Жұбайым Жадыра Қуанышқызы №6 қалалық емханасында аға мейірбике болып еңбек етеді. Екеуміз екі ұлымызды халықтың ұлы болғанын қалаймыз, – дейді Ерболат Аханұлы.</blockquote><img src="https://knadmin.beoblood.kz/uploads/K_sipker_2_248c6643ef.jpg" alt="Кәсіпкер 2.jpg">Фото: Қызылорда қаласының әкімдігі

Ерболат Маханбетов: "Елге қызмет ету – үлкен бақыт"

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «With you E&amp;C Kyzylorda» корей компаниясының директоры Хванг Сонсингпен кездесті. Басқосуда тұрмыстық қатты қалдықты қайта өңдеуге бағытталған бірлескен жобаны жүзеге асыру мәселелері талқыланды. Аймақ басшысы аталған жоба өңірдің экологиялық мәселелерін шешудегі маңызды қадам екенін атап өтті.<blockquote>«Қазақстан мен Корея – жылдар бойы ашық және сенімді қарым-қатынас орнатқан стратегиялық серіктестер. Компанияларымыз адал еңбегімен аймақтың мәдени-рухани, аграрлық және әлеуметтік-экономикалық дамуына зор үлесін қосуда. Өздеріңізге белгілі, 2024 жылы 12 маусымда Астана қаласында өткен «Қазақстан-Корея» бизнес форумы аясында «Қызылорда қаласында тұрмыстық қатты қалдықты кәдеге жарататын, сұрыптайтын және қайта өңдейтін зауыт салу» жобасын іске асыру жөніндегі меморандумға қол қойылды. Мемлекет басшысы Қасым-Жомарт Кемелұлының ірі қалаларда тұрмыстық қатты қалдықты қайта өңдейтін зауыттар салу тапсырмасына сәйкес, облыс аумағында алдағы екі жылда құны 81 млн. АҚШ доллар болатын 9 жобаны жүзеге асыру көзделген. Аталған жобалар іске қосылғанда өңірдің барлық ауданы мен Қызылорда қаласы өңдеу зауыттарымен толық қамтылады. Бүгінгі кездесудің басты мақсаты – Қызылорда облысында тұрмыстық қатты қалдықты қайта өңдеуге бағытталған бірлескен жобаны жүзеге асыруды пысықтау. Әкімдік қолданыстағы заңнама аясында жобаны жан-жақты қолдады. Қызылорда қаласы маңынан 4 гектар жер учаскесі табысталды», – деді Нұрлыбек Машбекұлы.</blockquote>Айта кетейік, 2023 жылы Қазақстандағы Корея Республикасы Бас Консулдығының ресми шақыртуымен аймақ басшысы бастаған делегация Корея Республикасында болып, екіжақты кездесулер мен іс-шаралар ұйымдастырылды. Сеул Ұлттық ғылыми-техникалық университеті президентімен кездесудің нәтижесінде білім және ғылым саласында тиімді байланыстар орнатылды. 2023 жылы қараша айында Қорқыт ата университетінде «Жасанды интеллект мектебі» ашылды. Онда жасанды интеллект, киберқауіпсіздік және информатика салаларының жоғары білімді кадрлары даярланады.Аймақта тұрмыстық қатты қалдықты өңдеп, жинап, сұрыптайтын 15 компания жұмыс істеуде. Өткен жылы жиналған 303 мың тонна тұрмыстық қатты қалдықтың &nbsp;91,2 мың тоннасы, яғни 30,1 пайызы өңделді.<img src="https://knadmin.beoblood.kz/uploads/Korej_kompaniyasyny_basshysy_b567afe549.jpg" alt="Корей компаниясының басшысы.jpg">Фото: Қызылорда облысы әкімінің баспасөз қызметі

Бірлескен жоба аясында бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Жауқазын» студенттік театрының репертуары жаңа қойылыммен толықты. Қойылым қазақ әдебиетінің жарық жұлдызы Мағжан Жұмабаевтың «Шолпанның күнәсі» шығармасының желісімен қойылды.<blockquote>“Қойылым барысында студенттер шығарманың негізгі идеясы мен драмалық мазмұнын терең аша білді. Жастар махаббат пен өкініш, адасу мен кешірім тақырыптарын қозғап, көрерменнің жүрегіне жол табуға тырысты. Әрбір кейіпкер жан тебірентерлік сезімдері мен ішкі қайшылығын шынайы түрде жеткізді деп ойлаймын”,- деді Әлеуметтік және тәрбиежұмыстары басқармасының басшысы Жанар Бимұратқызы.</blockquote>Рөлдерін жоғары деңгейде сомдап шыққан студенттік театр әртістері зор қошеметке ие болып, жиналған қауымның ыстық ықыласына бөленді. Бұған дейін Жауқазын студенттік театры “Шәмші сүйген Изольда”, “Қарагөз”, “Қош махаббат”, “Махаббат мұнарасы” қойылымдарын сахналады.Фото: Қорқыт ата атындағы Қызылорда университеті

«Жауқазын» театрының жаңа қойылымы көрерменге жол тартты

<a href="https://kyzylorda-news.kz/">Kyzylorda-news.kz</a> Вице-министр Аманғали Бердалин Таң ауылдық округінде орналасқан «Агро-Лидер Таң» ЖШС жұмысымен танысып, ет және ет өнімдерін өңдеу мен консервілеу жұмыстары бойынша субсидиялау мәселесін талқылады. Сонымен қатар өндіріс орынның нормативке сәйкес кеңейтілуі қажеттігін айтты.Сапар барысында Вице-министр Аманғали Бердалин Таң ауылдық округіндегі ветеринариялық пункттің жұмыс барысымен танысып, жұқпалы аурулардың алдын алу бағытында атқарылып жатқан шараларға көңіл бөлді.Сонымен қатар, осы пункт ғимаратын жеке қаражат есебінен салып бергені үшін, Қазақстанның Еңбек Еріне айналған Имамзада Шағыртаевқа алғысын білдірді. Бұл нысан төрт түліктен тарайтын аурулардың алдын алу жұмыстары үшін маңызды екенін атап өтті.<img src="https://knadmin.beoblood.kz/uploads/Zhala_ash_audany_auylsharuashyly_vicze_ministri_9a8fe9ae39.jpg" alt="Жалағаш ауданы ауылшаруашылық вице-министрі.jpg">Фото: Жалағаш ауданының әкімдігі

ҚР Ауыл шаруашылығы вице-министрі Сыр еліне жұмыс сапарымен келді

Қазіргі&nbsp;заманның алаяқтары&nbsp;өздерін банктердің, полицияның, мемлекеттік органдар&nbsp;мен&nbsp;реттеушінің қызметкерлері ретінде таныстырғанды&nbsp;жақсы көреді.&nbsp;Алайда, &nbsp;соңғы кездері&nbsp;етек алған үрдіс &nbsp;- алаяқтар өздерін тұрмыстық&nbsp;қызмет&nbsp;көрсететін&nbsp;қызметкерлер&nbsp;деп таныстырып, адамдарды,&nbsp;әсіресе,&nbsp;егде жастағы адамдардың сеніміне кіріп,&nbsp;алдауда. Ол жөнінде толығырақ Fingramota.kz айтып береді.Мына затыңыз сынайын деп тұр!Алаяқтар зейнеткерлерді дәл осылай қорқытуды әдетке айналдырған, олар өздерін тұрмыстық-коммуналдық қызметтердің, сервистік компаниялардың, сумен қамтамасыз ететін және басқа да кәсіпорындардың қызметкерлеріміз деп таныстырады. Ретімен қарап көрелік.Алдымен мұндай «коммуналдықтар» әлеуетті құрбандарын анықтау үшін телефон соғып шығады немесе өздері пәтерлер аралаудан ерінбейді. Олар, ең алдымен, егде жастағы адамдармен, жалғыз басты әйелдермен, және бір қызығы, студенттер және жалпы жастармен байланысқа түсуге тырысады. Оның себебі жастардың барлығы үйдің тұрмыс-тіршілігіне көп араласпайды және коммуналдық қызметтердің ережелерін білмейді. &nbsp;Алаяқтар өздерін кез-келген қызметтің бірінің өкіліміз деп таныстырады және қазіргі уақытта кейбір маңызды бөлшектерді тексеру/техникалық қызмет көрсету/ауыстыру жүргізіліп жатқанын хабарлайды, бұл есептегіш құралдары, &nbsp;су құбырлары, пластикалық терезелер, домофон және т. б. болуы мүмкін. Сондықтан &nbsp;тұрғындар, біріншіден, бөлмеге кіруге рұқсат берулері керек, екіншіден, әлбетте табылуы мүмкін ақауларды жөндеу қажет деп айтады.Әрі қарай, қаскүнемдер екі тактиканы қолданады. &nbsp;Біріншісі - тікелей қорқыту. Олар сіздің үйіңіздегі құрылғылар бұзушылықтармен орнатылған, егер оны дереу жөндемесе, тұрғындарға үлкен айыппұл салынады деп қорқытады. &nbsp;Және оны тез арада жасау қажет, әрине, белгілі бір ақы үшін, оның сомасы әжептәуір болуы мүмкін, дегенмен де ықтимал айыппұл сомасынан әлдеқайда төмен. Бұған қосымша, алаяқтар ақауды акті толтырмай жөндегендері және проблеманы тез арада шешкендері үшін ақы &nbsp;талап етулері мүмкін.Екінші тактика «жіберіп алған пайда тәуекелі» ұғымын қолданады. Тұрғындарға олардың техникасы қазірдің өзінде «қалт-құлт» етіп, сынғалы тұрғанын және біраз уақыттан кейін міндетті түрде істен шығады деп хабарлайды. Егер бұл орын алса, онда айыппұлдар, оның салдарын төлеуге тура келеді-мыс. &nbsp;Жоспарлы ауыстыру өте қымбатқа түседі. Алайда, дәл қазір акция өтіп жатыр, оның аясында сіз бәрін бірнеше есе арзан жасай аласыз. Кейде мұндай схемаларды, терезе, есік немесе ас үй жабдықтарын сататын компаниялар қолданады. Олар үлкен жеңілдіктер ұсынады, алайда, іс жүзінде олардың тауарлары мен қызметтері нарықтан бірнеше есе қымбатқа түседі. Әдетте, бұл схема ұсыныстың «ерекше және шектеулі» дегенге сенетін аңғал зейнеткерлерге арналған.Мұндай «тексерушілердің» келуінде тағы бір қауіп бар – олар жеке деректер жинауға тырысады. Әдетте, олар пікіртерім мен сауалнама жүргіземіз деп &nbsp;айтулары мүмкін. Алайда, бұдан басқа, олар жағдайды зерттейді, құрбанынан &nbsp;барынша қандай сома алуға болатынын есептеу үшін техника мен заттардың құнын бағалайды.Жиналған деректер &nbsp;кейін сіздің туыстарыңызға қатысты алаяқтық схемаларда қолданылуы мүмкін, олармен байланысқан кезде қаскүнемдер &nbsp;өзіңіз ғана білетін өміріңізді жайттарын айтуы мүмкін.Енді - ең бастысы. Алаяқтармен қарым-қатынас және кез келген қызметтер үшін оларға ақша беру сіздің мәселеңізді бәрбір шешпейді және шынайы тексеруден және тұрмыстық құрылғыларды белгіленген тәртіпте ұстау қажеттігінен босатпайды.Салықтар, төлемдер және контрагенттерАлаяқтар «басуды» жақсы көретін тағы бір осал нүкте – есептілік және төлемдер. Бұл негізінен жас кәсіпкерлер үшін қауіпті. Алайда жалданып &nbsp;жұмыс істейтін тұрғындар да &nbsp;жалған тексерушілердің қақпанына түсулері ықтимал.Әдетте олар мессенджерлерде іс-әрекеттесуді дұрыс көреді – жалған анықтамалар, үзінді көшірмелер немесе, керек десе, уәкілетті органдардың қаулыларын да жіберулері мүмкін. &nbsp;Осыдан кейін «маман» әлеуетті құрбанмен тікелей байланысып, оның қорқынышты салдарлары туралы хабарлайды. &nbsp;Өзін ресми тұлға, мысалы, салық инспекторымын немесе қаржылық мониторинг қызметкерімін деп таныстырады.Алаяқ әңгіменің соңында дәл қазір бейресми шотқа белгілі бір сома аудару арқылы «мәселені шешуді» ұсынады. Не ресми деректемелері бар шынайы сияқты төлем түбіртегін ұсынуы да мүмкін.Үшінші тұлғалардың шоттарына ақша аудара отырып, сіз мұны ерікті түрде жасайсыз. Әсіресе аударым банктер арасында болған болса. Алайда, мұнда дропперлік схемалар да болуы мүмкін. Яғни, сіз ақшаны біздің отандастарымызға аударасыз, олар өз кезегінде ақшаны тізбек бойынша одан әрі аударады не қолма-қол ақшаға айналдырып, алаяқтарға береді. Мұндай жағдайда түпкілікті алушыны анықтау өте қиын.Тағы бір схема - алаяқтар кәсіпкерлердің ұсыныстары мен сатып алуларын қадағалайды, олармен мессенджерлерде арқылы байланысып, сенімге кіреді де, өз қызметтерін жеңілдікпен ұсынады немесе мысалы, белгілі бір қызығушылық үшін үлкен партияны сатып алуды ұсынады (қарапайым тілмен айтқанда – пара беру). Уәде етілген пайда өте үлкен болуы мүмкін, сондықтан кейде мұндай схемалар әлі де жұмыс істеуде. Нәтижесінде, ерте ме, кеш пе, сізден алаяқтарға түсетін аударым немесе төлем жасау сұралады.Соңында алаяқтар сіздің туыстарыңыз және олардың ойдан шығарылған қиындықтары туралы ақпаратты пайдаланғанды ұнатады. Сіздің жақын адамыңыздың қиындықтары бар екенін білесіз бе деп сұрайды. Оларды шешіп беруді ұсынады. Олар оны әдейі әлгі адам байланыста болмаған кезде немесе керісінше, басқа алаяқтармен сөйлесіп жатқан сәтте жасайды. Есіңізде болсын, біріншіден, сіз ешкімнің іс-әрекеті үшін жауап бермейсіз. Екіншіден, сақтау керек бірқатар ережелер бар. &nbsp;Сонымен, қорғанысты күшейту үшін, Fingramota.kz сіз үшін осындай алаяқтармен қарым-қатынас жасау ережелерінің тізімін жасады:1. Тексерушілер мен кез келген ұйымдардың қызметкерлерінің барлық құжаттарын міндетті түрде тексеріңіз. Көбіне тексерулер мен жұмыстарды жүргізу үшін оларда «мердігерлік парақ» болуы керек. Қызметкерлері өздерін тексерушілер деп таныстыратын ұйымға қоңырау шалудан тартынбаңыз.2. Егер расымен проблема туындаған болса, сіз қызмет көрсететін ұйымның маманын өзіңіз шақырып, өзіңізге ыңғайлы уақытты келісуге құқығыңыз бар. Асығыстық пен жеделдік – алаяқтықтың белгілері, себебі олар сізге саналы шешім қабылдауға уақыт бермеуге тырысады.3. Есіңізде болсын! Ешқандай қаржылық және құқықтық мәселелер телефон арқылы немесе мессенджерлерде шешілмейді. Сіз кез-келген ұйымға жеке жүгінуге және сол жерде маманнан кеңес сұрауға құқылысыз.&nbsp;4. Ақшаны үшінші тұлғалардың шоттарына аудармаңыз және екінші деңгейдегі банктердің мобильді қосымшаларындағы тексерілмеген шоттарды төлемеңіз. Алаяқтық схема ашылса да, қаражатты дропперлік схемалар арқылы жоғалтуға болады.5. Аса маңызды! Мұндай схемалар туралы достарыңыз бен туыстарыңызға, әсіресе қарттарға айтыңыз. Олар сіздің келісіміңізсіз ешқандай шешім қабылдамауы мүмкін, әсіресе төлемге байланысты.Фото: fingramota.kz

Тексерушілерді тексер! Алаяқтар тұрмыста қандай схемаларды қолданады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданына жұмыс сапарымен барып, құқық қорғау органдарының басшыларымен бірге «Руханият орталығының" жұмысымен танысты, тұрғындарды жеке қабылдады.Жеке қабылдауға келген 81 азамат электр желілерін жаңғырту, мектеп салу, жарық бағаналарын орнату, теміржол өткелін салу, көше атауын беру, абаттандыру, тағы басқа мәселелерді көтерді.Сәкен Сейфуллин ауылының тұрғыны электр желілерін қайта жаңғырту мәселесін қозғады. Аймақ басшысы аталған елді мекенде 30 шақырым электр желілері және 7 трансформатор түнгі жарықпен толықтай қамтылатынын жеткізді. Кент тұрғыны «Жайлы мектеп» салу мәселесін көтерді. Бүгінде «РесПроект" серіктестігінің демеушілігімен 300 орындық білім ошағының жобасы әзірленуде.Қабылдауға келушілер құқық қорғау органдарының басшыларына өз сауалдарын қойып, олардың заңды шешіміне қатысты кеңес алды. Мұндай кездесулердің жұртшылық сұранысына жедел үн қату, мәселені шұғыл шешудегі маңызы зор. Кейінгі жылдары жеке қабылдау туралы алдын ала хабарланған тұрғындар дәстүрге айналған бастамаға ризашылық білдіруде.Сапар барысында облыс әкімі еңбек ардагерлерімен және зиялы қауым өкілдерімен кездесті. Онда өңірдің, ауданның дамуындағы жаңашылдықтар мен түйткілді мәселелер, атқарылған істер мен алдағы міндеттер туралы айтылды.Фото: Қызылорда облысы әкімінің баспасөз қызметі

Облыс әкімі сырдариялық тұрғындарды жеке қабылдады

<a href="https://kyzylorda-news.kz/">Kyzylorda-news.kz</a> Қызылорда облысында жүзеге асырылып жатқан «Жайлы мектеп» ұлттық жобасы өңірдің білім саласына жаңа леп алып келуде. Жоба аясында салынған заманауи мектептер тек білім беруді ғана емес, оқушылардың дамуына жағдай жасау мақсатында да ерекше көңіл бөлінген. Әрбір мектеп құрылысында экологиялық талаптар мен оқушылардың қауіпсіздігі басты назарға алынған.<img src="https://knadmin.beoblood.kz/uploads/Zhajly_mektep_2_4ac2fec4ad.jpg" alt="Жайлы мектеп Комфортная школа 2.jpg">Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірімізде 6900 орындық 10 мектептің құрылысы жүргізіліп, 2700 орындық 5 мектеп пайдалануға берілді.Бүгін БАҚ өкілдеріне арналған баспасөз-туры ұйымдастырылды. Мектепті аралау барысында журналистер мектептің заманауи инфрақұрылымы, оқушыларға арналған арнайы мүмкіндіктері мен инновациялық әдіс-тәсілдері туралы ақпарат алды.<img src="https://knadmin.beoblood.kz/uploads/Zhajly_mektep3_466ca7e866.jpg" alt="Жайлы мектеп Комфортная школа 3.jpg">Сондай-ақ, баспасөз туры мектеп ұжымының жұмысын, оқушылардың білім алу жағдайын жақсартуға бағытталған бастамаларын сараптауға мүмкіндік берді. Журналистер сол жағалаудағы білім ордасының әрбір бөлмесінде қолданылатын заманауи технологиялар мен экологиялық талаптарға сай жобаланған дизайнды бағалап, мектептің білім сапасын арттыруға қосқан үлесін жоғары бағалады.<img src="https://knadmin.beoblood.kz/uploads/Zhajly_mektep_a91d513f99.jpg" alt="Жайлы мектеп Комфортная школа .jpg"><blockquote>- Қызылорда қаласының сол жағалауында ашылған алғашқы «Жайлы мектеп». Мектебіміз 900 орынға арналған. Қазіргі таңда мектепте 1000-нан аса оқушы білім алуда. «Жайлы мектептің» ерекшелігі – қауіпсіз орта туғызу. Мектеп толық бейнекамералармен, турникеттермен жабдықталған. Қуаныштысы мектебімізде заманауи кабинеттер бар. Оның ішінде: физика, химия, биология, робототехника кабинеттері соңғы үлгідегі заманауи құрылғылармен жабдықталып, оқушыларды ғылымға баулуға бізге үлкен мүмкіндік жасап отыр. Онымен қоса заманауи шеберханаларымыз бар. Оның ішінде: тігін кабинеті, дизайн кабинеті, технология кабинеттері құралдармен жабдықталған. Ерекше кабинеттеріміздің бірі тамақтану-мәдениеті кабинеті. Бұл кабинетте оқушылар ас әзірлеуді, дұрыс тамақтануды үйреніп жатыр,-деді, №290 орта мектебінің директоры Мөлдір Смаханова.</blockquote><img src="https://knadmin.beoblood.kz/uploads/Zhajly_mektep5_d022e587c6.jpg" alt="Жайлы мектеп Комфортная школа5.jpg">Одан кейін БАҚ өкілдері барған екінші нысан КБИ мөлтек ауданында орналасқан "Жайлы мектеп" ұлттық жобасы аясында салынған жаңа білім ордасы. Журналистер мектептің заманауи инфрақұрылымы мен оқу процесіне қатысты жаңашылдықтарды көріп, оның ішкі және сыртқы құрылыс ерекшеліктерімен танысты.&nbsp;<img src="https://knadmin.beoblood.kz/uploads/Zhajly_mektep_6_77fb011459.jpg" alt="Жайлы мектеп Комфортная школа 6.jpg"><blockquote>- «Жайлы мектеп» ұлттық жобасы аясында салынған бұл мектеп ғимараты 2025 жылдың 16-ы қаңтарында пайдалануға берілді. Қазіргі таңда 1051 бала білім алуда. 43 сынып комплектісі бар. Сонымен қатар 116 мұғалім қызмет атқарады. 110 мұғалім жоғары білімді, 6 мұғалім арнайы орта білімі бар қызметкерлер. Мектепте барлық жағдай жасалған. 138 орындық кең акт залы бар. Сондай-ақ би залы, балалардың бос уақытында кітап оқуларына арналған кітапхана бар. Мектебімізде 2 спорт залымыз бар. 1-4 сынып бастауыш оқушыларына арналған бөлек спорт зал бар. Одан бөлек химия, физика, биология кабинеттері жоғары деңгейде жабдықталған. Мүмкіндігі шектеулі балаларға арналған &nbsp;дефектолог, логопед, психолог, әлеуметтік-педагог кабинеттері бөлек блокта орналасқан. Мектепте 26 кабинеттің барлығы соңғы үлгідегі заманауи технологиялармен жабдықталған. Балалардың сабақ оқуына, білім алуына толық жағдай жасалған. Сонымен қатар, мектебімізде үйірме жұмыстары жұмыс жасайды. Спорт, қолөнер, сурет, домбыра, би үйірмелеріне оқушыларымыз қатысады. Одан бөлек мектептен тыс басқа үйірмелерге қатысатын оқушыларымыз да бар. Мектепте робототехника, цифрлық сауаттылық, дизайн және қолөнер кабинеттерінде оқушыларға барлық мүмкіндіктер жасалған. Балаларымыздың қызығушылықтары өте жоғары, көңіл-күйлері көтеріңкі. Қысқа мерзімнің ішінде барлық жағдайы жасалған «Жайлы мектеп» ұлттық жобасы арқылы салынған мектеп үшін ата-аналардың, мұғалімдердің, өзімнің атымнан алғысымды айтамын. Сыр елінің білім саласы жоғары деңгейден көріне берсін!,-деді №197 орта мектебінің директоры. Еркін Ақшалов.</blockquote><img src="https://knadmin.beoblood.kz/uploads/Zhajly_mektep7_6043e46185.jpg" alt="Жайлы мектеп Комфортная школа 7.jpg"><img src="https://knadmin.beoblood.kz/uploads/Zhajly_mektep8_f1ced43365.jpg" alt="Жайлы мектеп Комфортная школа 8.jpg"><img src="https://knadmin.beoblood.kz/uploads/Zhajly_mektep9_86c0ad588f.jpg" alt="Жайлы мектеп Комфортная школа 9.jpg"><img src="https://knadmin.beoblood.kz/uploads/Zhajly_mektep10_d9bcfc1fcf.jpg" alt="Жайлы мектеп Комфортная школа 10.jpg">Фото: Өңірлік коммуникациялар қызметі

Жайлы мектеп – сапалы білім кепілі

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде теле-журналист, Сахитжан Бермағанбетовті еске алуға арналған «Аққан жұлдыз» атты аудандық жазба ақындар мүшәйрасы өтті. Егде жастағы ақындардың қатысуымен ұйымдастырылған рухани дода екі кезеңнен тұрды.Жыр сайысының бірінші кезеңінде қатысушылар С.Бермағанбетовке арналған өз шығармаларын оқып, оның журналистика саласындағы еңбегін, тұлғалық қасиетін жырға қосты. Екінші кезеңде ақындар Арал тақырыбындағы туындыларды, туған жердің тарихы мен болашағын жырларына арқау етті.Жас та болса өзінің өткір тілімен, батылдығымен ұшқыр ойлы журналист бола білген марқұмның рухына арналып ұйымдастырылған мүшәйрада 10 ақын бақ сынап, әсерлі жырларымен тыңдарман жүрегін тербетті.Тартысты жыр бәйгесіне Қазақстан Жазушылар одағының мүшесі, ақын Толыбай Абылаев, Халықаралық Жазушылар одағының мүшесі, ақын Ерғали Абдулла мен аудандық «Толқын» газетінің бас редакторы Айдар Сайлауов төрағалық етіп, қазылар алқасының шешімімен бас жүлдені қаратереңдік Әмишаев Айдар қанжығалады.Жеңімпазға С. Бермағанбетовтың отбасынан қаржылай сыйлық табысталды.Құландыдан келген қатысушы Даулетова Айымгүл 1 орынды еншілесе, жүлделі ІІ орынды тоқабайлық Есқуатов Қайрат пен Аманөткел ауылынан Көздібаева Мейрамкүл иеленді. Жақсықылыш кентінен қатысқан Махамбетова Жанар мен Аққұлақ ауылынан Алиева Мирамкүл жүлделі ІІІ орынды өзара бөлісті.Мұнымен қоса, мүшәйраға қатысқан өзге де ақындар алғыс хаттармен марапатталды.Фото: Арал ауданының әкімдігі

«Аққан жұлдыз»: Жазба ақындар мүшәйрасы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Сырдария ауданында «Руханият орталығының» салтанатты ашылу рәсімі өтті. Мерекелік іс-шараға құқық қорғау органдарының басшылары, өнер және қоғам қайраткерлері, аудан тұрғындары қатысты.Рәсім Сыр елінің тарихи тұлғаларына арналған сахналық қойылымнан бастау алды. Аймақ басшысы жұртшылықты жаңа нысанның ашылуымен құттықтап, мәдениет саласында атқарылған жұмыстарға тоқталды.<blockquote>«Президентіміз Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет»,– деген болатын. &nbsp;Былтыр өңірімізде жарияланған «Руханият жылында» мәдени-көпшілік шараларға ғана емес, ауқымды жобаларға да жете мән бердік. «Анаға тағзым», «Отбасы орталығы», 1000 орындық «Өнер орталығы» іске қосылып, жаңадан симфония оркестрі, инклюзивті театр, жастар театры, заманауи би, хор ұжымдары жасақталды. Сыр мәдениетінің негізгі бренді – жыраулық дәстүр өкілдерінің «Жыраулар үйі» ашылды. «Самұрық қазына» қорымен бірге «Үстел теннисі» орталығын, «ҚазМұнайГаз» компаниясының демеушілігімен заманауи үлгідегі «Оқушылар сарайын» қолданысқа бердік. Бұл бағыттағы жұмыстар биыл да жалғасын табады. Бүгін өздеріңізбен бірге Сырдария ауданындағы «Руханият орталығын» ел игілігіне табыстауға жиналдық. Енді ақ жаулықты аналарымыз, ардақты ардагерлеріміз бен жігерлі жастарымыз бір жерде бас қосып, ұрпақтар сабақтастығын жалғайды. &nbsp;Барша жерлестерді жаңа нысанның ашылуымен тағы да құттықтаймын! «Руханият орталығы – бірліктің ордасында» ұлттық құндылықтарымыз ұлықталып, рухани қазынамыз толыға түссін. Тәуелсіз еліміздің абыройы әрқашан асқақ болғай! Ел іргесі бекем, қуаныштарыңыз құтты болсын!» – деді Нұрлыбек Машбекұлы.</blockquote>Жиында облыстық қоғамдық кеңес төрағасы, Сырдария ауданының Құрметті азаматы Әріп Хожбанов сөз сөйлеп, жиылған жұртшылықты құттықтады. Қазақстанның еңбек сіңірген қайраткері, Қызылорда облысының Құрметті азаматы Хұсейін Әмір-Темір батасын берді. Ауданның өркендеуіне үлес қосқан ардагерлер мен құрылысты салған мердігер мекеме қызметкерлері төсбелгімен және Алғыс хатпен марапатталды.Айта кетейік, биыл – Қызылорда тарихындағы маңызды жыл. Осыдан бір ғасыр бұрын мемлекет астанасын Орынбордан Ақмешітке көшіру туралы шешім шығып, Кеңестердің Бүкілқазақстандық бесінші съезінде «Киргиз Автономиялы Социалистік Кеңес Республикасы» атауы «Қазақ автономиялы Социалистік Кеңес Республикасы» деп өзгертілген.Ұлтымыздың тарихи «Қазақ» атауы қайтарылып, республика астанасы Ақмешіт қаласын Қызылорда деп атау туралы қаулы қабылданған. Еліміздің алғашқы Үкімет басшылығы, басқару институттары осы жерде қалыптасып, нығайды. Алғашқы өнер, білім мекемелері ашылып, әсем ғимараттар бой көтерді.Биыл ұлт театрының іргетасы қаланған Қызылордадағы Нартай Бекежанов атындағы қазақ академиялық музыкалық драма театрының құрылғанына 70 жыл толады.&nbsp;Өткен жылы мәдениет саласының қызметкерлеріне жаңадан салынған тұрғын үйден алғаш рет 40 пәтер табысталды. Мәдениет, өнер және әдебиет өкілдеріне 2023 жылдан бері «Тұран» сыйлығын табыстау дәстүрге айналды. &nbsp;Сыр еліндегі «Руханият жылы» қорытындыланар тұста жерлесіміз Мейірбек Сұлтанхан «Алтын домбыра» иегері атанды. Жерлесіміз, жас талант Бексұлтан Орынбасаров та айтыстағы аға буын ізін жалғап, жыл басталысымен «Күміс домбыра» иеленіп, Сыр руханиятының қуанышын еселей түсті.<img src="https://knadmin.beoblood.kz/uploads/Syrdariya_audany_Ruhaniyat_ortaly_y_4c9b576057.jpg" alt="Сырдария ауданы Руханият орталығы.jpg"><img src="https://knadmin.beoblood.kz/uploads/Syrdariya_Ruhaniyat_ortaly_y_6dbca16f6c.jpg" alt="Сырдария Руханият орталығы.jpg">Фото: Қызылорда облысы әкімінің баспасөз қызметі

Сырдария ауданында "Руханият орталығы" ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданына жұмыс сапары кезінде паллиативті медициналық көмек көрсету және оңалту бөлімшелерінің жұмысымен танысты.Аталған бөлімше ғимараты өткен жылдың желтоқсан айында пайдалануға берілген. «Пульс» ЖШС күрделі жөндеу жүргізіп, материалдық базасы жетілдірілді, заманауи үлгідегі технологиялармен қамтылды. Арнайы медициналық құрал-жабдықтар алынып, білікті мамандар тартылды.Мұнда ауыр хәлдегі және ұзақ уақыт бойы оңалтуды қажет ететін науқастарға тәулік бойы ем-шара жүргізіледі. Ол үшін барлық мүмкіндік қарастырылған, науқастар мезгілімен ем қабылдап, дәрігер бақылауында болады.Қос бөлімшеде 5 дәрігер, 50-ге жуық орта және кіші буын қызметкер еңбек етеді. Сонымен қатар, логопед, психолог, массажист, емдік-дене шынықтыру мамандары жұмыс жасайды.Айта кету керек, жаңа ғимараттың бір бөлігінде облыстық жедел жәрдем станциясына қарайтын аудандық бөлімше орналасқан.Аймақ басшысы күрделі жөндеуден өткен медициналық нысан ел игілігіне ұзақ жылдар бойы қызмет ететініне сенім білдіріп, бөлімше жұмысына сәттілік тіледі.<img src="https://knadmin.beoblood.kz/uploads/Syrdariya_o_altu_ortaly_y_05291bbbca.jpg" alt="Сырдария оңалту орталығы.jpg"><img src="https://knadmin.beoblood.kz/uploads/O_altu_ortaly_y_Syrdariya_a1fc4803bd.jpg" alt="Оңалту орталығы Сырдария.jpg">Фото: Облыс әкімінің баспасөз қызметі

Қазақстан және Қызылорда облысының жаңалықтары