<a href="https://kyzylorda-news.kz/">Kyzylorda-news.kz</a>. Наурызда қазақстандықтарды үш қысқа жұмыс аптасы күтеді, - деп хабарлайды <a href="https://kaz.tengrinews.kz/kazakhstan_news/nauryizda-kazakstandyiktar-kalay-demaladyi-merekelk-kuntzbe-357921/">Tengrinews.kz</a>. Көктемнің алғашқы айында қазақстандықтар қосымша төрт күн демалады: 2024 жылғы 8 наурыз (Халықаралық әйелдер күні) – 1 қосымша күн қарастырылған; 2024 жылғы 21 наурыздан 23 наурызға дейін (Наурыз) – үш қосымша демалыс күні. Жалпы аптада бес күн жұмыс істейтіндер үшін осы ай ішінде 14 демалыс және 17 жұмыс күні болады.фото: Нұрболат Нұржаубай

Наурызда қазақстандықтар қалай демалады?

<a href="https://kyzylorda-news.kz/">Kyzylorda-news.kz</a>.&nbsp;&nbsp; Қай саланың болмасын өзіндік қызығы мен қиындығы қатар жүреді. Ал, электр энергиясы мен газ саласында қызмет ететін мамандарға артылатын жауапкершілік мүлде бөлек. Өңірлік коммуникациялар қызметінің ақпарат алаңында еңбек адамдары өз қызметі жайында сөз қозғады.<blockquote>&nbsp;Мен 1982 жылы 28 тамызда Сырдария ауданына қарасты Амангелді ауылында дүниеге келдім. 1999 жылы мектепті бітіріп, сол жылы Қызылорда инженерлік техникалық институтына “Инженер-жүйетехник” мамандығы бойынша оқуға түстім. Еңбек жолымды 2006 жылы “ҚазТрансГаз Аймақ” АҚ Қызылорда өндірістік филиалының “Газ режимі бөлімінде” оператор болып бастадым. Содан бері осы салада абыройлы қызмет етіп келемін. Қазіргі таңда “QazaqGaz” Ұлттық компанияcының еншілес кәсіпорны “ҚазТрансГаз Аймақ” АҚ Қызылорда өндірістік филиалында “Өтім және газ режимі” қызметінің бас маманымын. Биыл осы салаға келгеніме 18 жыл толды. Мамандығым - менің мақтанышым. Біздің саланың басты міндеті - халықты үздіксіз газбен қамтамасыз етіп, қауіпсіздігін қамтамасыз ету болып табылады, - деді “ҚазТрансГаз Аймақ” АҚ Қызылорда өндіріктік өтім және газ режимі қызметінің бас маманы Жасұлан Иманберді.</blockquote>Әлихан Нұрпейісұлы “Қызылорда электр тарату тораптары” АҚ-ның Релелік қорғаныс, автоматика және өлшеулер қызметінің жетекші инженері қызметін атқарады. Яғни, Қызылорда қаласында және 7 аудандағы электр тарату қосалқы станцияларының қауіпсіздігін қамтамасыз етеді.<blockquote>&nbsp;Біз ең алдымен халықты электр энергиясымен үздіксіз қамтамасыз ету үшін күндіз-түні бақылау жүргіземіз. Электр жарығы өшіп қалған жағдайда жедел барып, электр желілерін жөндеуге кірісеміз. Біздің қызмет көп жағдайда қолайсыз ауа райында қатты білінеді. Бәріңіз білесіздер, қазіргі заманда электр энергия болмаса ешқандай іс жүрмейді. Сол себепті де біздің жұмысымыз өте маңызды әрі сұранысқа ие мамандықтың бірі болып есептеледі, - деді «Қызылорда электр тарату тораптары» АҚ-ның Релелік қорғаныс, автоматика және өлшеулер қызметінің жетекші инженері Әлихан Нұрпейісұлы.</blockquote>Фото: өңірлік коммуникациялар қызметі

Еңбек адамдары қашан да ел игілігі үшін қызмет етуге дайын

<a href="https://kyzylorda-news.kz/">Kyzylorda-news.kz</a>. Attention сайты кешкі асқа жеуге болмайтын тағамдарды атады, деп хабарлайды El.kzақпарат агенттігі.Мақала авторы кешке қандай азық-түлік пен тағамдарды жеуге болмайтынын жазды.Маманның айтуынша, кешкі асқа ет жеуге мүлде болмайды. Еттің қорытылуына бірнеше сағат қажет болғандықтан, сиыр немесе шошқа етінен жасалған тағамдардан бас тартқан дұрыс.Тәттілер мен кондитерлік өнімдерді тұтынбаңыз. Мұндай тағамдарда калория тым жоғары.<blockquote>Бізге кешке көп энергия қажет емес, сондықтан кешкі ас жеңіл болуы керек. Кешкі асты сүзбе, майсыз ірімшік, құс еті немесе теңіз өнімдерін жеуге болады, — деп атап өтті дәрігер.</blockquote>Ол артық салмақпен күресу жағдайында картоп пен макароннан бас тартқан жөн деп қосты. Себебі бұл тағамдар салмақ жоғалту процесін әлдеқайда қиындатады. Маринадталған қияр да дәл солай.Фото: редакцияныкі

Кешкі асқа жеуге болмайтын тағам түрлері

<a href="https://kyzylorda-news.kz/">Kyzylorda-news.kz</a>. Өнеркәсіп және құрылыс вице-министрі Тимур Қарағойшин 89 қаланың ішінде 69 қалада кәріз тазарту құрылыстарын салу, қайта қалыпқа келтіру жұмыстарын жүргізу қажет екенін айтты, - деп хабарлайды <a href="https://dalanews.kz/">Dalanews.kz.</a>Бүгінгі таңда 8 қаладағы жоба республикалық бюджеттен, яғни жалпы сомасы 20 миллиард теңгеге қаржыландырылған. Ал қалған 61 кәріз тазарту жүйесіне 878 миллиард теңге қажет екен. Бұл бірнеше мақсатта жүзеге асырылмақ.<blockquote>Соның ішінде 24 жобаны Бірыңғай жинақтаушы зейнетақы қоры қаражаты есебінен "Бәйтерек" ұлттық басқарушы холдингі арқылы жалпы сомасы 316 миллиард іске асыру жоспарланып отыр екен.</blockquote>Бұған дейін жылу электр орталығы да зейнетақы қорынан бөлінген қаржыға салынады деген шу шықты. Артынша ресейліктер салатын үш ЖЭО-ға ақша зейнетақы қорынан бөлінбейтіні белгілі болды. Бұл туралы премьер-министрдің бірінші орынбасары Роман Скляр брифинг барысында айтты.Склярдың сөзінше, ЖЭО құрылысына қаржы шетелдік инвесторлардың есебінен бөлінеді.<blockquote>"Ол жерде (ЖЭО-да) зейнетақы қорының қаржысы қолданылмайды. Шетелдік инвесторлардың қаражаты пайдаланылады және олар табиғи монополияларды реттеу комитеті бекітетін тариф есебінен қайтарылады. Келісімге "Интер-РАУ" компаниясы мен осы станцияларды бірлесіп салатын "Самұрық-Энерго" компаниясы қол қойды. Бірақ инвестиция "Бәйтерек" холдингінің қаржысынан түспейді. Мен мұны баса айта аламын", - деген еді Скляр. &nbsp;</blockquote>Фото: Нұрболат Нұржаубай

Зейнетақы қорындағы ақшаға кәріз жүйесі салынбақ па?

<a href="https://kyzylorda-news.kz/">Kyzylorda-news.kz</a>. Желіде белгісіз ер адамның төрт баланың қолын байлап, ұрып-соққан видеосы тарады, деп хабарлайды EL.kz ақпарат агенттігі.Оқиға Алматы облысы Жамбыл ауданында тіркелген. Бейнежазбада балаларды пышақпен қорқытып жатқаны анық көрінеді. Алматы облыстық&nbsp;полиция департаментінің бастығы Бауыржан Әленов кәмелетке толмағандарға шабуыл жасаған әрекет туралы арыз бойынша сотқа дейінгі тергеу амалдары басталғанын хабарлады.<blockquote>Күдікті&nbsp;анықталып, оған қатысты ұстау шаралары&nbsp;жүргізіліп жатыр. Аталған дерек бойынша облыстың барлық аудандық бөлімшелері мен өңірлік полиция органдары бағдарланды. Басқа ақпарат қосымша беріледі, –&nbsp;деді ол.</blockquote>Полиция басқармасының бастығы қылмыстық істі өз бақылауына алғанын айтты.Фото: Нұрболат Нұржаубай

Белгісіз ер адам төрт баланың қолын байлап, азаптаған видеосы тарады

<a href="https://kyzylorda-news.kz/">Kyzylorda-news.kz</a>. 16 ақпан сағат 07:00-дегі ахуалға сәйкес ауа райының қолайсыздығына байланысты 16 облыста республикалық маңызы бар автожолдардың 100 учаскесінде көлік қозғалысына шектеу енгізілді. Бұл туралы «ҚазаАвтоЖол» компаниясы хабарлады.Абай облысында - 9 учаске (1 243 км)Ақмола облысында - 27 учаске (2 201 км)Ақтөбе облысында – 5 учаске (778 км)Алматы облысында - 1 учаске (84 км)Атырау облысында - 1 учаске (9 км)Шығыс Қазақстан облысында – 5 учаске (408 км)Жамбыл облысында - 1 учаске (450 км)Жетісу облысында - 1 учаске (100 км)Батыс Қазақстан облысында - 1 учаске (133 км)Қарағанды облысында - 8 учаске (1 158 км)Қостанай облысында - 11 учаске (1 508 км)Қызылорда облысында - 1 учаске (815 км)Павлодар облысында - 9 учаске (1 624 км)Солтүстік Қазақстан облысында - 15 учаске (1 924 км)Түркістан облысында - 2 учаске (283 км)Ұлытау облысында - 3 учаске (543 км)Қазіргі сәтте республикалық маңызы бар автожолды қысқы күтіп-ұстауға 141 бірлік техника және 196 жолшы жұмылдырылған.&nbsp;Фото: pixabay

Қазақстанның 16 облысында жол жабылды

<a href="https://kyzylorda-news.kz/">Kyzylorda-news.kz</a>. "Қазгидромет" РМК синоптиктері &nbsp;16 ақпанда қолайсыз ауа райына байланысты ескерту жасады.Қызылорда облысында жел солтүстік-шығыстан соғады, күші 15-20, күндіз облыстың шығысында екпіні 23 м/с күтіледі.&nbsp;Фото: Нұрболат Нұржаубай

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz</a> Қазақстанның қай өңірінде қылмыс жасайтын жастар көп екені анықталды , - деп хабарлайды Massaget.kz тілшісі Ranking.kz сайтына сілтеме жасап.Биыл қаңтарда ҚР-да 12-29 жас аралығындағы 1,6 мың адам қылмыстық құқық бұзушылық жасады, бұл бір жыл бұрынғыдан 6,7 пайыз аз. Оның ішінде 14-15 жас аралығындағы 19 адам, 16-17 жас аралығындағы 101 адам, 18-20 жас аралығындағы 349 адам, 21-29 жас аралығындағы 1,1 мың адам.Оның ішінде 226 адам теріс қылық, 1,4 мың адам қылмыс жасаған, оның ішінде 267 адам онша ауыр емес, 577 адам орташа ауырлықтағы, 441 адам ауыр, 73 адам аса ауыр қылмыс жасаған.Салыстыру үшін: былтыр сәйкес кезеңде 12-29 жас аралығындағы 1,7 мың адам қылмыстық құқық бұзушылық жасады, бір жылда 25,1 пайыз көбейген. Көбінесе жастар "Ұрлық" бабы бойынша қылмыстық құқық бұзушылық жасады: 514 адам - бір жыл бұрынғыдан 8,5 пайыз аз.Алаяқтық (267 адам, 1,8 пайыз азайған) және ұсақ ұрлық (111 адам, 6,7 пайыз азайған) деректері де "танымал" болып шықты. Одан кейін бұзақылық (88 адам), тонау (80 адам), жол қозғалысы немесе көлік құралдарын пайдалану ережелерін бұзу (68 адам) және есірткіні өткізу мақсатынсыз заңсыз пайдалану (57 адам) келеді. Өңірлер бойынша қылмыстық құқық бұзушылықтардың басым бөлігін 12-29 жас аралығындағы қазақстандықтар оңтүстіктегі халық тығыз орналасқан өңірлерде жасаған. Көбінесе Алматыда мұндай құқық бұзушылықтарды жасаған жастар ұсталды: 294 адам - бір жыл бұрынғыдан 15 пайыз аз.Одан кейінгі орында Астана (207 адам, 3,7 пайыз азайған), Алматы облысы (103 адам, 8,8 пайыз азайған), Шымкент (93 адам) және Түркістан облысы (86 адам).ІІМ жастар арасындағы ең қылмыстық топтардың қылмыстық әрекеттерін анықтап, жолын кесу бойынша кешенді жұмыстар жүргізіп жатыр. Жақында ІІМ Ұйымдасқан қылмысқа қарсы күрес департаменті осындай екі топтың Шымкент және Павлодар қалаларында ұсталып, қатысушылары қамауға алынғанын, тергеу жүріп жатқанын хабарлады. Көбіне мұндай топтар жасырын сипаттағы қылмыстарды жасайды, яғни топ мүшелерінің қоқан-лоқысынан зардап шеккендер полицияға хабарласпайды.<img src="https://knadmin.beoblood.kz/uploads/1b0a345bfe1b02adb06900c0dae64c72_e4514883a9.png" alt="1b0a345bfe1b02adb06900c0dae64c72.png"><img src="https://knadmin.beoblood.kz/uploads/15f28cd177e73b2ec47c29e09131d0a7_bd804be16c.png" alt="15f28cd177e73b2ec47c29e09131d0a7.png"><img src="https://knadmin.beoblood.kz/uploads/3827ddfef5bfea16e9f865ea876878bd_7ecd6d9282.png" alt="3827ddfef5bfea16e9f865ea876878bd.png">Фото: Нұрболат Нұржаубай

Қай өңірде қылмыс жасайтын жастар көп?

<a href="https://kyzylorda-news.kz/">Kyzylorda-news.kz</a> Қазақстандық музыкант, әнші және композитор Димаш Құдайберген БҰҰ-ның көші-қон ісі жөніндегі ізгі ниет елшісі болып тағайындалды, деп хабарлайды <a href="https://dalanews.kz/kz">Dalanews.kz.</a>15 ақпанда Халықаралық көші-қон ұйымы жаңа ізгі ниет елшілерінің тағайындады. Осы тұста Димаш та жаңа қызметке кірісті.&nbsp;<blockquote>"Мен ХКҰ-ның ізгі ниетті елшісі ретінде мигранттардың құқықтарын қорғауды мақтан тұтамын. Әр адамның құқығы мен мүмкіндіктері үшін аспаны ашық бейбіт әлемді бірге құрайық", - деді Димаш Құдайберген.</blockquote>Еске салйық, ХБҰ – көші-қон саласындағы жетекші үкіметаралық ұйым.&nbsp;Instagram/@kudaibergenov.dimash

Димаш Құдайберген жаңа қызметке тағайындалды

<a href="https://kyzylorda-news.kz/">Kyzylorda-news.kz</a> Қызылорда қаласы бойынша ауа-райының қолайсыздығына байланысты 2024 жылғы 16 ақпан күні, яғни ертең 0-4 сыныптар аралығындағы оқушылар қашықтықтан оқытылатынын хабарлаймыз.Айта кетейік, қаладағы 57 мектеп пен жеке мектептердің бастауыш сыныптары сабақты қашықтан оқитын болады.Фото: Нұрболат Нұржаубай

16 ақпан күні оқушылар қашықтан оқиды

<a href="https://kyzylorda-news.kz/">Kyzylorda-news.kz</a>. Қызылорда облысында «Қолжетімді интернет» Ұлттық жобасы жүргізілуде. Бұл бағытта әрбір отандық байланыс операторларымен бірлескен жұмыстар нәтижесінде Жол картасы бекітілген.Бүгін облыс әкімдігінде елді мекендердегі байланыс және интернет сапасын арттыру бойынша «Кар-Тел» компаниясының мемлекеттік органдармен жұмыс жөніндегі өңірлік өкіл Әмір Болатұлымен кездесу өткізілді.Жиында облыс әкімі аппараты басшысының орынбасары Ерлан Бакиров пен цифрлық технологиялар бөлімінің басшысы Сабит Ибадулла, Ақпараттық технологиялар орталығының өкілдері ортақ мәселелерді талқылады.«Кар-Тел» компаниясының Қызылорда облыстық филиалы техникалық бөлімінің басшысы Юрий Вакуленко биыл «Beeline» операторы 10 елді мекенде байланыс сапасын арттыру жұмыстары жүргізілетінін және Қызылорда қаласында анықталған 30-ға жуық байланысы нашар координаттары бойынша жаңадан базалық стансалар орнатылатынын жеткізді.Кездесу барысында республикалық және облыстық маңызы бар автомобиль жолдарын мобильді байланыс және интернетпен қамтамасыз ету мәселесі де талқыланды.Алдағы 2 жылда Ұлттық жоба аясында Қызылорда облысының республикалық және облыстық маңызы бар автомобиль жолдарының бойында «Кселл» операторы 9 антенна-діңгек құрылысын салуды жоспарлады. Бұл бағытта «Beeline» операторына да байланыспен қамту ұсынылды.Айта кетейік, 22 ақпан күні Қызылорда облысында «Кар-Тел» компаниясының Бас директорымен іскерлік кездесу өткізу жоспарланды.

Қызылорда облысы әкімдігі мен «Beeline» компаниясы арасында бірлескен жұмыстар талқыланды

<a href="https://kyzylorda-news.kz/">Kyzylorda-news.kz</a>. &nbsp;Облыс әкімі Нұрлыбек Нәлібаевтың төрағалығымен «Жайлы мектеп» ұлттық жобасының аймақта жүзеге асырылу барысы талқыланған арнайы мәжіліс өтті. Жиынға облыс әкімінің орынбасарлары мен басқарма басшылары, «Samruk Kazyna Construction» АҚ-ның өңірлік жоба басшысы Ерік Қонақбаев және департамент директоры Тимур Дәуітов, мердігер компаниялар мен коммуналдық мекемелер өкілдері қатысты.Аймақ басшысы өңірдегі мектептер құрылысын уақытылы аяқтаудың өте маңызды екенін қатаң ескертті.<blockquote>“Өздеріңізге белгілі, Мемлекет басшысы жақында өткен Үкіметтің кеңейтілген отырысында «Жайлы мектеп» ұлттық жобасын бойынша Үкіметке және облыс әкімдіктеріне құрылыстарды уақытылы әрі сапалы аяқтауды тапсырды. Облыста 12 300 орынға арналған 21 мектеп салу жоспарланған. Биыл 6900 орындық 10 мектеп, 2025 жылы 5400 орындық 11 мектеп пайдалануға беріледі деп күтілуде. Құрылысы былтыр басталған барлық мектептерге жер телімдері беріліп, құжаттары рәсімделді. Мемлекеттік бюджеттен өткен жылы 19,6 млрд теңге бөлінсе, осы жылы 24,5 млрд теңге бөлінетін болады. Биыл тапсырылатын 10 мектептің мердігері анықталып, 9-ның құрылысы қарқын алды, 1 мектеп бойынша мемлекеттік сатып алу конкурсының қорытындысы кеш шығуына байланысты жұмыс енді басталады (Арал ауданы Сексеуіл кентіндегі 300 орындық мектеп). Конкурс ұйымдастырушы – «Samruk-Kazyna Construction» АҚ», – деді Нұрлыбек Машбекұлы.</blockquote>Бүгінде құрылыс алаңдарына инфрақұрылым жеткізу бойынша жергілікті бюджеттен 118,4 млн. теңге бөлініп, жоба-сметалық құжаттары әзірленді. Жобаны үйлестіруші «Samruk-Kazyna Construction» акционерлік қоғамы өкілдерімен бірлескен жол картасына сәйкес жұмыстар жүргізілуде. Дегенмен, кейбір мектептер құрылысының уақытында аяқталмау қаупі бар. Аталған мәселелер бойынша облыстық құрылыс, сәулет және қала құрылысы басқармасының басшысы Ерлан Төрәлиев баяндама жасады.Мәжілісте мердігер мекемелерге Мемлекет басшысының тапсырмасы бойынша іске асырылған ұлттық жобаның Үкіметтің тікелей бақылауында екені ескертілді. Жиынды қорытындылаған аймақ басшысы мердігер мекеме басшыларына құрылысшылар санын арттырып, екі ауысыммен үздіксіз әрі сапалы жұмыс жүргізіп, былтыр басталған 10 мектепті алдағы 1 қыркүйекке ел игілігіне пайдалануға беруді тапсырды. Облыстық құрылыс, сәулет және қала құрылысы басқармасы маусым айының соңына дейін 10 мектептің барлығын сыртқы инженерлік инфрақұрылыммен қамтамасыз етуі тиіс. Ал, қала және аудан әкімдері 1 тамызға дейін мектептерге жол-көлік желілерін жеткізуге, жарықтандыруға, абаттандыруға, жаяу жүргіншілер жолдары және аялдамалар салуға жауапты.

Қазақстан және Қызылорда облысының жаңалықтары