<a href="https://kyzylorda-news.kz/">Kyzylorda-news.kz</a> 18 ақпанда Қызылорда облысының өрт сөндірушілері бес қабатты тұрғын үйдің бірінші қабатында орналасқан "Dina and Sveta" шаштаразында өртті сөндірді. &nbsp;<blockquote>"ТЖД күшімен баспалдақ арқылы 40 адам эвакуацияланды, оның ішінде 11 бала.&nbsp; Қаза болғандар мен зардап шеккендер жоқ. Оқиға орнында Төтенше жағдайлар департаментінің 28 қызметкері 9 бірлік техникасымен жұмылдырылды", делінген Қызылорда облысы ТЖД таратқан хабарламасында.</blockquote>

40 адам эвакуацияланды: Қызылордада шаштараздан өрт шықты

<a href="https://kyzylorda-news.kz/">Kyzylorda-news.kz</a> Ауа-райының қолайсыздығына байланысты 8 облыстағы республикалық маңызы бар 9 автожолда көлік қозғалысына шектеу енгізілді. Бұл туралы Stan.kz ақпарат агенттігі &nbsp;хабарлайды.18 ақпан 15.00-дегі жағдай бойынша:Абай облысында 1 учаске, жалпы ұзындығы 177 км (қар, боран, жел, көрінуді шектеу)1. "Омбы-Майқапшағай" — Қалбатау а.-Бұғаз а. (барлық көлік үшін)Алматы облысында 2 учаске, жалпы ұзындығы 99 км (қар, ауа температурасының төмендеуі)1. "Алматы-Тау турбазасына кіреберіс" (жүк және қоғамдық көлік үшін);2. "Алматы-Ташкент-Термез" -Жаңақұрлыс а.-Жамбыл обл. шек. (жүк және қоғамдық көлік үшін);Шығыс Қазақстан облысында 1 учаске, жалпы ұзындығы 153 км (қар, боран, көрінуді шектеу)1. "Омбы-Майқапшағай" — Абай обл. шек. — Зайсан қ.Жамбыл облысында 1 учаске, жалпы ұзындығы 150 км (қар, боран, жел, көрінуді шектеу)1. "Алматы-Ташкент-Термез" — Алматы обл. шек.-Қордай а. (жүк және қоғамдық көлік үшін); Кенен ауылы-Қайнар ауылы (қозғалыс ескі Қордай асуы арқылы жүзеге асырылады) (барлық көлік үшін). Қайнар а.-Түркістан обл. шек. (транзиттік жүк көліктері үшін)Жетісу облысында 1 учаске, жалпы ұзындығы 100 км (қар, боран, жел, көрінуді шектеу)1. "Үшарал-Достық" — Көктұма ст.-Достық ст. (барлық көлік үшін);Қостанай облысында 1 учаске, жалпы ұзындығы 83 км (Ұлытау облысындағы ауа райының қолайсыздығына байланысты)1. "Жезқазған-Петропавл" -Ұлытау обл. шек-Арқалық қ. (барлық көлік үшін)Түркістан облысында 1 усаске, жалпы ұзындығы 61 км (қар, бұрқасын, жел, шектеулі көрініс)1. "Алматы-Ташкент-Термез" — Жамбыл обл. шек.- Машат к. (транзиттік жүк көліктері үшін)Ұлытау облысында 1 учаске, жалпы ұзындығы 115 км (боран жел, көрінуді шектеу)1. "Жезқазған-Петропавл" — Ұлытау кенті-Қостанай обл. шек (барлық көлік үшін) Ағымдағы сағатта республикалық маңызы бар автожолдарға 287 бірлік техника және 477 адам жұмылдырылды.Төтенше жағдайлар министрлігі ауа райының қолайсыздығына байланысты азаматтарды қауіпсіздік шараларын сақтауды сұрап үндеу жолдады."Ауа-райы жағдайы мен автожолдардағы көлік қозғалысының шектеулері туралы ақпаратты бақылаңыздар. Қатты жел кезінде жақын маңдағы ғимаратта немесе қауіпсіз жерде жасырыну қажет. Ағаштардан, ілулі тұрған конструкциялардан, электр желілерінен және билбордтардан аулақ болыңыздар. Балаларды қараусыз қалдырмаңыздар", - делінген ТЖМ хабарламасында.Қатты аяз техногендік өрттердің көбеюіне ықпал етуі мүмкін. Осыған байланысты біз жоғары қуатты электр құрылғыларын бір уақытта қосу арқылы пештерді қыздырмауға немесе электр желілерін шамадан тыс жүктемеуге кеңес береміз.

Республикалық маңызы бар жолдарда көлік қозғалысы шектелді

<a href="https://kyzylorda-news.kz/">Kyzylorda-news.kz</a> Қазгидромет мәліметібойынша, атмосфералық фронтальды бөліктердің өтуімен Қазақстанның батысында, оңтүстігінде, шығысында және оңтүстік-шығысында қар жауып, бұрқасын күтіледі. Республиканың оңтүстігінде, шығысында, оңтүстік-шығысында, орталықта жел күшейеді, оңтүстік пен оңтүстік-шығыста тұман түседі.Жетісу облысында – 30-35 градус, Шығыс Қазақстан облысының солтүстігі мен шығысында – 45 градус өте қатты аяз болады деп күтілуде. Қарағанды ​​облысының солтүстігі мен шығысында 35-39 градусқа дейін қатты аяз сақталады.Фото: Нұрболат Нұржаубай

Синоптиктер ескерту жасады: Дүйсенбіге арналған ауа райы болжамы 

<a href="https://kyzylorda-news.kz/">Kyzylorda-news.kz</a> Елордада Пандемия қорының гранты ресми түрде іске қосылды. Бұл туралы Денсаулық сақтау министрілігінің баспасөз қызметі хабарлады.Аталмыш іс-шараға Қазақстан Республикасы Денсаулық сақтау министрлігі, БҰҰ-ның ҚР-дағы тұрақты үйлестірушісі Микаэль Фриберг-Стори, ДДҰ-ның Қазақстандағы өкілі доктор Скендер Сыла, Пандемия қорының атқарушы директоры Прия Басу және дипломатиялық миссиялар өкілдері қатысты.Пандемия қорының қаражаты елдің денсаулық сақтау жүйесінің эпидемиологиялық қадағалау, шекаралық бақылау, зертханалық қауіпсіздік, ерте анықтау және ден қою, сондай-ақ персоналды оқыту саласындағы міндеттерін шешуге бағытталатын болады.ДДҰ-ның Қазақстандағы елдік офисі осы гранттың елде іске асырылуын үйлестіреді және Қазақстан Республикасы Денсаулық сақтау министрлігіне жалпы техникалық қолдауды қамтамасыз етеді.Қазақстан ДДҰ Еуропалық өңірінің 36 елінің біріне айналды, үш жыл мерзімге 19 млн. АҚШ доллары сомасына елдік грант және 27 млн. АҚШ доллары сомасына көп елдік грант алды.Фото: Денсаулық сақтау министрілігі

Қазақстан Дүниежүзілік банктің пандемия қорынан өтеусіз грант алды

<a href="https://kyzylorda-news.kz/">Kyzylorda-news.kz</a>&nbsp; Сенатор Алишер Сатвалдиев «Тик-Ток» алаңында жағымсыз көріністердің таралып жатқаны туралы мәселе көтерді деп хабарлайды Kznews.kz.Депутаттың айтуынша, 13-тен бастап 24 жасқа дейінгі жастардың 75%-ы осы платформаны пайдаланады екен. 4-5 жастағы балалар Тик-Токта күніне орта есеппен 75 минутын өткізетін болып шықты. Ондағы мазмұн да әртүрлі, оның ішінде толық қалыптасып үлгермеген балалар мен жасөспірімдердің сана-сезіміне зиян тигізуі мүмкін.Сенатор әр ел бұл құбылыспен әрқилы күресіп жатқанын атап өтті. Кейбір мемлекеттердің талабы бойынша 18 жасқа дейінгі жасөспірімдерге күніне 1 сағат лимит қоятын жаңа функция енгізілуде, Tik-Tokта кәмелетке толмағандардың деректері сақталғаны үшін айыппұл салынады. 13 жасқа дейінгі балаларға күніне 30 минутқа дейін меже қойылған, оны ата-анасының рұқсатымен 1 сағатқа дейін арттыруға болады. Кейбір елдер бұл платформаны өз аумағында толығымен жауып тастады.«Көтеріліп отырған мәселе өскелең ұрпақтың тағдырына теріс әсер етенінін ескере отырып, шұғыл шаралар қабылдау керек деп есептейміз. Осы орайда TikTok және өзге де әлеуметтік желі әкімшілігі тарапынан ұлттық заңнамамыздың талаптарын орындауы және кәмелетке толмағандардың қауіпсіздігін қамтамасыз ету барысына мониторинг жүргізу керек. Анықталған кемшіліктер бойынша халықаралық тәжірибеге сүйеніп, тиісті шаралар қабылдануы тиіс», – деп атап өтті сенатор.Фото: Нұрболат Нұржаубай

Tik-Tok-тың балаларға теріс әсері көп

<a href="https://kyzylorda-news.kz/">Kyzylorda-news.kz</a> Әр адам тағдыр тармағында маңызды шешімдерді өзі таңдап, шешім қабылдай алуға тиіс. Дегенмен кейбір адамдар отбасынан абьюзер, манипулятор адамды көріп, норма деп қабылдауы ықтимал. Оларды барлық жерден кездестіруіңіз мүмкін. Тіпті, фильмдерден көріп жүрген романтикаға толы кейіпкеріңіз де сондай болып шықса, таңғалмаңыз. “Кредит алдырып тайып тұрды, аямай сабайды, тек өз дегенін жасатқысы келеді” деген секілді шағымдардың бәрі солардың тарапына айтылады. Сау қатынас құрғысы келетін кез келген адам көруі керек фильмдер тізбегін Bugin.kz тілшісі назарларыңызға ұсынады.Фильмге көшпес бұрын абьюзер мен манипулятордың кім екенін нақтылап алайық.Абьюзер – ағылшын &nbsp;тіліндегі abuse ұғымынан шыққан, қатыгез қарым-қатынас деген мағынаны білдіреді. Ол – басқаларға зиян келтіру үшін билікті немесе ықпалды асыра пайдаланатын адам. Адам тәніне немесе жанына жара салуы мүмкін. ДДСҰ мәліметіне сүйенсек, әлемде әр үшінші әйел абьюзер еркектен зәбір көреді екен.Манипулятор – жасырын тактиканы қолдана отырып, өз мүддесі үшін басқалардың мінез-құлқы мен санасын өзгертуге ұмтылатын адам. Маргарет Уолтердің өтірігін қолдау туралы шешіміне күмән келтіре бастайды. Фильм басты кейіпкерлер арасындағы қарым-қатынастағы қиянат, манипуляция және тәуелділіктің психологиялық аспектілерін зерттейді. Сондай-ақ өнер мен тұлғаның өзін жарыққа шығару мәселелерін көтереді. Қоғамның әйелдерге ықпалына, олардың өнерде және басқа да салаларда танылу қабілетіне талдау жасайды.Маргарет Уолтер иеленген суреттерінің авторлық құқығын қайтара ала ма?Қауіпсіз баспана (Safe Haven)Жанры – триллер, драма, мелодрама. Фильм АҚШ-та таспаланған. Режиссер Лассе Халлстремнің 2013 жылы жарыққа шыққан шытырманға толы фильмі.Фильм Кэти есімді кейіпкердің қатыгез күйеуінен қашып, басынан өткерген оқиғасын баяндайды. Келіншек Солтүстік Каролина шағын жағалауындағы қалада жасырынады. Ол атын өзгертіп, өткенді ұмытып, жаңа өмір бастауға тырысады. Әйелі қатерлі ісіктен қаза тапқан жергілікті дүкен иесі Алекспен танысқан соң, оның тағдырында өзгерістер пайда бола бастайды.Алекс пен Кэти бір-біріне ғашық болады. Алайда Кэтидің өткен өмірі ізінен қуып жетеді...Кэти қатігез күйеуінен мәңгілікке құтыла ала ма, әлде құрбан бола ма?Қорқыныш (Fear)Фильм 1996 жылы жарыққа шыққан. Жанры – триллер, драма. АҚШ –та режиссер Джеймс Фоли таспалаған.Николь Уокер – шағын қалада тұратын 16 жастағы қыз. Ол өзіне бірден ғашық болған сүйкімді жас Дэвид Макколлмен кездеседі.Алайда Дэвид Никольді аңди бастайды. Бойжеткен көп ұзамай жігітінің нағыз зорлықшы екенін түсінеді.Николь Дэвидті тастап кетуге тырысады, бірақ сүйіктісі оны жібергісі келмейді. Дэвид қызы мен отбасын қорқытып, тіпті Никольді өлтірмек болады.Фильм зорлық-зомбылықтың табиғатын ашып, мәселе ретінде көтереді. Бұл әйелдерге қатыгез қарым-қатынастан құтылудың қаншалықты қиын екенін көрсетеді. Зорлық-зомбылық жасаушылар көбінесе өз құрбандарын отбасы мен достарынан оқшаулайды. Сондай-ақ олар құрбанын тек өзімен бірге болуға мәжбүрлеуі мүмкін.Николь мұндай қысымнан аман-есен құтыла ала маАспан деңгейінен 3 метр биікте (Three Steps Above Heaven) Фильм 2010 жылы жарыққа шыққан. Испанияда режиссер Фернандо Гонзалез Молина таспалаған.Екі түрлі жағдайда ер жеткен Ачи мен Бабидің арасында махаббат оқиғасы өрбиді. Баби – мейірімді, аңқау жасөспірім. Бай әулеттің қызы. Ачи – бұзық, импульсивті бала. Үнемі бірнәрсеге ұрынып, жоқ жерден бүлік шығарып жүреді. Сондай-ақ ол – манипулятор.Баби өзінің жайлы өмірін таңдай ма? Әлде эмоцияға толы, жылап, қайғыны көбірек сезінетін өмірді таңдай ма? Ачи мен Баби бірге бола ма?Бұл сұрақтардың жауабын білу үшін фильмдерді көріп шығуға кеңес береміз.Фото: Нұрболат Нұржаубай

Абьюзерлер туралы 5 фильм

Kyzylorda-news.kz. Назарбаев мектептеріне ақша неге көп бөлінеді? Бұл сұраққа "Назарбаев Зияткерлік мектептері" ДББҰ басқарма төрағасы Әнуар Жанғозин жауап берді, - деп хабарлайды 24.kz.Жүргізушінің айтуынша, 2022 жылы 20 миллиардқа жуық ашқа бөлінген.<blockquote>"Қаржыландыру бойынша бірнәрсені түсінуіміз керек. Қазір бізде қаржыландыру екі бағыт бойынша жүргізіледі. Бірінші бағыт - мектептерге, оқушыға бөлінетін грант. Осы гранттарда мектептерде жұмыс істейтін мұғалімдердің және басқа қызметкерлердің жалақысы, балалардың тамақтануы, коммуналдық шығындар және білім беру процесіне қажет құралдар сатып алу үшін қаражат қарастырылған", - деді ол.</blockquote>Оның айтуынша, бұл қаржыны азайтпау керек.<blockquote>"Көбейтудің де қажеті жоқ. Басқа орта білім беретін мектептермен салыстыру дұрыс емес, себебі бізде бағдарлама бөлек. Оқушыларымыз таңнан кешке дейін сабақтарда, сабақтардан тыс үйірмелер, қосымшалар. Осы барлық факторды ескеріп, артық ақша алмаймыз. Осы жұмсаған ақша жоғары халықаралық деңгейге жетугк мүмкіндік беріп отыр. Соны біз дәлелдеп отырмыз", - деді төраға.</blockquote>

Назарбаев мектептеріне ақша неге көп бөлінеді?

<a href="https://kyzylorda-news.kz/">Kyzylorda-news.kz.</a> Облыстық тілдерді оқыту орталығы ұжымының шығармашылық қоры тағы бір кітаппен толықты. Яки&nbsp; «Қазақ тілін кинофильмдер арқылы оқытуға арналған жаттығулар жинағы» атты әдістемелік құрал жарыққа шықты. Кітаптың авторлары облыстық тілдерді оқыту орталығы директорының орынбасары Жаныгүл Ерекешова және М.Мәметова атындағы Қызылорда педагогикалық жоғары колледжінің қазақ тілі мен әдебиеті пәнінің оқытушысы, педагог-зерттеуші, магистрі Мөлдір Меңдібаева. Біз кітап авторларымен кітаптың мазмұны туралы сұқбаттасуды жөн санадық.– Әдістемелік кітап әзірлеу жүйелі ізденісті талап ететіні анық. Бұл идея қалай туды? Жаныгүл Мұхитқызы: – Әдістемелік құрал әзірлеу – педагогика саласының әрбір қызметкері үшін қажет дүние. Оқытумен айналысатын оқытушы шығармашылықпен, өзінің әдістемелік қорын қалыптастырады. Бұл қағидатты біз де мүлтіксіз орындап, мемлекеттік тілді оқыту жүйесіне байланысты әдістемелік өнімдерді әзірлеп келеміз. Облыстың қоғамдық даму басқармасының «Қызылорда облысының тілдерді оқыту орталығы» мекемесі жанынан құрылған ғылыми кеңестің жұмыс жоспары бойынша сараптамалық комиссияға ұсынылған «Қазақ тілін кинофильмдер арқылы оқытуға арналған жаттығулар жинағы» атты әдістемелік құрал республикадан қолдау тауып, 1000 дана таратылды. Әрине тілді оқыту, үйрету үшін ұлттық құндылықтарды насихаттау маңызды. Бұл идея бірнеше жыл бұрын «Құнанбай» фильмін алғаш көрген кезде туындады. Тарихи фильмдегі дәстүрлер, қазақтың сөйлеу мәдениеті, сөз құдіретін танытатын сәттер еріксіз шығармашылыққа жетелейді екен. Одан кейінгі алаштану саласы бойынша түсірілген фильмдер осы әдістемелік құралдың негізгі мазмұнына арқау болды. – Бұған дейін ғылыми айналымға енген басқа қандай еңбекке үлес қостыңыздар? Жаныгүл Мұхитқызы: – Облыстық тілдерді оқыту орталығының негізгі мақсаты – облыс тұрғындарын, мемлекеттік және бюджеттік сала қызметкерлерін, жеке кәсіпкерлерді, этнос өкілдерін оқыту болса, осыған сәйкес, әдістемелік шығару, оны тарату, тәжірибеде қолдануды жүйелі жүргізу – негізгі қызметі. Оқыта отырып құндылықтарға тәрбиелеу – шығармашылық жұмыстардың басты қағидасы. Бұдан бұрын 2022 жылы республикалық «Үздік оқытушы» байқауында жүлделі ІІ орын алған «Тыңда! Түсін! Тіл үйрен!» атты ұжымдық мәтіндер жинағы авторларының құрамында болдым. Қарапайымнан бастап жоғарыға дейінгі деңгей тапсырмаларын қамтитын жинақтың аудиториясы – мектеп, колледж, университет, оқыту орталықтарының тыңдаушылары мен оқытушылары. Бұл еңбек тыңдаушының тыңдау дағдысын қалыптастыру, кезінде «құлақ жеп» атаның ақылын тыңдап, халықтық тыңдалыммен өскен құймақұлақ бабалардың бай мұраларын бүгінгі сандық технология мүмкіндігіне бейімдеп, қазақ тілін үйретуге қолдансақ, бүгінгі ұрпақтың есте сақтау қабілетін де арттыруға септігі тиер деген мақсатпен жасалды. – Тілге деген жанашырлық әрбір азаматтың бойында болуы шарт. Мұндай құндылықты жастардың бойына ұялату үшін қандай қадам жасау керек деп ойлайсыз? Жаныгүл Мұхитқызы: – Қоғамның құндылығы халық дейтін болсақ, оның ішінде жастар – жаңа идеялар иесі. Біздің ұлт болып ұйысуымыздың, ұлттық болмысты сақтаудың негізгі тетігі – бүгінгі жас буын. Тіл тазалығы, тілімізде қалыптасып жатқан сленгтермен күресу туралы айтудан жалыққан емеспіз. Кешегі бүгінгі жасап жатқан әдістемелік топтамалардың негізгі мазмұны да жастардың болмысын дұрыс қалыптастыру, ұлттық тіл, ұлттық дәстүр жайлы санасына сіңіретін, адастырмас «темірқазықты» табу. Ол дегеніміз – оқытудан, тәрбиелеуден, үйретуден басталатын саналы әрекеттер. Мемлекеттік тілдің қолдану аясын кеңейту, мерейін арттырып, мәртебесін көтеру жолындағы әрбір игі істің нәтижелі болуы – жаңа толқынның жаңашыл көзқарасы, ұлтқа деген сезіміне байланысты. Сөз арқылы адамның тек сөйлеу мәдениеті ғана қалыптаспайды ғой. Жағымды ойдан жақсы сөз туып, ол жақсы әрекетке ұласып жатады, демек болмысы мен табиғаты да сөз арқылы өріледі деген сөз. Қазақта жүрекке жылы тиетін сөзді жібек жіпке, ал өткірлігі үшін наркескен қылышқа теңеген. Міне, біздің өскелең буынның бүгінгі қалыптасқан тілдік мәдениеті оның болашақтағы ұлттық, елдік мәдениетінің баспалдағы екенін ұғындыра білгеніміз жөн. – Өңірімізде қазақ тілі мәселесі өзекті болмағанымен, өзге облыста күн тәртібіндегі мәселе. Осыған орай тіл үйретудің жеңіл әдісі қандай деген сауалға жауап іздесек. Мөлдір Болатбекқызы: – Қазақ тілі – қазақтың ана тілі. Мен де осы тілімнің мәртебесінің жоғары болуына атсалысып жүрмін. Тілге деген жанашырлық әрбір қазақтың қанында болуы қажет деп есептеймін. Жастар бойында да тілге деген құрмет өте жоғары. Оған дәлел ретінде Тілдерді оқыту орталығымен жүргізілетін шараларды айтуымызға болады. Күнделікті өмірде тіліміздің бөтен сөзбен былғанбай, таза, көркем болуына сабақ үдерісінде, тәрбиелік шараларда мазмұнды жұмыстар арқылы әсер етіп отырамыз. – Шәкірт тәрбиелеуде де еселі еңбек еттіңіз. Шәкірт жетістігімен бөліссеңіз. Мөлдір Болатбекқызы: – Білімнің киелі қарашаңырағында ұстаздық қызметте жүргеніме қуаныштымын. Болашақ мамандардың кәсіби әлеуетін қалыптастыру мақсатында түрлі сайыстар, байқаулар өткізіліп тұрады және оған шәкірттерді жан-жақты даярлап, нәтижесінде жүлделі орындар алып келеміз. Шәкірт жеңісі – ұстаз мерейі! Біздің «М.Мәметова атындағы Қызылорда жоғары колледжі» көптеген жетістіктерге жетті. Талай белестерді бағындырды. Алдағы уақытта да шәкірттерге үлкен үміт артамыз. Менің шәкірттерімнің бәрі бірдей. Барлығы да жан-жақты, білімді, ізденіске құштар. Мен олардан үлкен үміт күтемін! – Тәжірибе алмасуға қаншалықты көңіл бөлесіз? Мөлдір Болатбекқызы: – Білім беру үдерісінде оқытушының тәжірибе алмасуы күнделікті орын алатын жағдай. Республикалық, облыстық деңгейде шеберлік сағаттарына, ғылыми конференцияларға үздіксіз қатысып, әдістемелік қоржынымыз қазақ тілін оқыту жөнінде тиімді әдістер, тәжірибелермен толығып отырады. Жалпы білімге, ізденіске, жаңаға ұмтылыс бізге жетіспейді. Көбіне осы дүниелерге мән бермей жатамыз. Біздің қателік жіберетін тұсымыз осында. Сондықтан мен студенттерді ізденуге осы бастан бойына сіңіремін. Иә, рас мектеп жасынан бастау керек. Десе де еш нәрсеге кеш болмайды. Оқу бітіріп, жұмысқа орналасар кезде жауапкершілікті сезінеді. Өзім көп ізденемін, жан-жақты кітаптар оқып, курстарға қатысамын. Білімімді жетілдіруге ешқандай уақыт аямаймын. Қажет болса өзге қалаларға баруға дайынмын. Сондықтан тәжірибе алмасу менің тәжірибемде қалыптасқан дүние. Өзгелердің жұмысымен етене танысып, өзіңе керекті тұстарын аласың.Мөлдір КЕНЖЕҒҰЛОВА

Қазақ тілі кинофильмдер арқылы оқытылады

Kyzylorda-news.kz. Дүйім жұртты шулатқан оқиға қатысушыларына байланысты тың деректер шықты. Балалардың анасы ток-шоу "жұлдызы" екен. Ол жағдайының жоқтығын айтып тала қордан көмек алған. Тіпті &nbsp;"Қарекет" қоры оған үй де алып керген. Бірақ, әйел ол баспананы сатып жіберіп, ақшасын далаға шашқан. Тіпті денсаулығы жоғын айтып, елден ақша жинауға тырысыпты. бірақ, ол айласының арты ашылып, жоспары жүзеге аспай қалған, деп жазды KYN.KZ &nbsp;тілшісі.Бұл туралы журналист Гүлмира Әбіқай өз парақшасында жазған."Үйде өздері қалған 4 балаға баса-көктеп кіріп, байлап-матап, пышақ тақап қинаған күдікті «Бақытжан аға» осы үйдің жақын танысы болып шықты. Біреулер анасының любовнигі дейді, анасы подругамның жігіті дейді. Кімдікі болса да осы үйге еркін кіріп-шығып жүрген, өз адамы. Тиктокта парақшасы бар, сайрап тұр, мына фото да осы үйден түсірілген. #значит балаларға шабуыл аяқ астынан болған нәрсе емес, алдын ала ұйымдастырылған болуы мүмкін бе? Бұл қылмысқа туған анасының қатысы бар ма?4 баланың анасы да сау сиырдың боғы емес.&nbsp; Осыған дейін еліміздегі ток-шоулардың төрінде отырып көрерменің талай жағасын ұстатқан.4 баланы детдомға өткіземін деп шу еткізді, бір-ақ түнде 4 баланы тастап тайып тұрды. Себеп, 1,6 млн. қарызымды уайымдап, үйден шығып басым ауған жаққа кете беріппін деді. Одан соң үйім жоқ деп жылады. Әйгілі қор 14,5 млн. теңгеге үй әперіп еді, оны сатып жіберді. Орнына 4 млн. жұпыны үй алды. Баспанадан үнемдеген 10 млнды 10 айда жоқ қылады. Сылтауы оны-мұны қарыз жаптым, кондитерлік оқу оқыдым дейді.Кейін алған үйдің 3,5 млнын әлі төлемеген. Ақмаралдың «қойылымы» мұнымен де біткен жоқ. Үнемі ақша, ақша, ақша керек деп алашапқын жүрген әйел енді өзінің цирроз екенін айтып, жылап, бауырын ауыстыруға донор іздеп жүргенін айтқан. Бірақ, мұнысы да өтірік болып шығады.Осындай жұмбағы мен жыры көп әйелдің баларының басынан өткен кешегі оқиға да алдын-ала сценарий болуы әбден мүмкін.&nbsp; Жамбыл ауданының қамқоршы-қорғаншы өкілдері 4 баланы мықтап қадағалау керек! Аналары да көзден таса болмауы тиіс! 40 сылтауы бітпейтін Ақмарал әбден күйзелісте. Кешегі әккі қылмыскер жігіті емес тиран, ал әйел жертва болуы әбден мүмкін",-дейді журналист желідегі парақшасында.Фото:ашық дереккөзі

"Анасының көңілдесі":Төрт баланы матап, азаптамақ болған ер адам туралы тың деректер шықты

<a href="https://kyzylorda-news.kz/">Kyzylorda-news.kz</a> Алматыда тұрғын 11 жыл бойы алған 12 миллион теңгеден астам зейнетақысын мемлекетке қайтарады. Мұндай шешімді Түрксіб аудандық соты шығарды. Бұл туралы Stan.kz ақпарат агенттігі хабарлайды.Сот деректеріне сүйенсек 2010 жылдың 1 тамызында Алматы қаласының тұрғынына зейнеткерлік жасқа толуына байланысты зейнетақы төлемдері тағайындалған.Белгілі болғандай, сол жылдың 10 ақпанында әйел Шешенстан республикасының Ахматов ауданынан да зейнетақы ала бастаған. Осылайша ол екі елдің де төлемін қатар алып жүрген. Бұл Қазақстан заңнамасын бұзу болып табылады.Сот отырысында зейнеткер ҚР Еңбек және халықты әлеуметтік қорғау министрлігінің өзіне қойған талабын мойындады. Сот шешімі бойынша ол енді бюджетке 12 318 134 теңге – 2010 жылдың тамызынан 2021 жылдың қыркүйегіне дейін заңсыз алған зейнетақысының сомасын өтеуі керек. Сондай-ақ бұл сомаға 123 182 теңге мемлекеттік баж салығы да қосылады.Фото: Нұрболат Нұржаубай

Зейнеткер 11 жыл бойы алып келген зейнетақысын мемлекетке қайтарады

&nbsp;<a href="https://kyzylorda-news.kz/">Kyzylorda-news.kz</a> Қазгидромет республиканың тоғыз облысында дауылды ескерту жариялады. Синоптиктердің болжамынша, республика бойынша аяз болады. Жел күшейіп, тұман түседі, деп хабарлайды Zakon.kz.Жетісу облысының Алакөл көлдерінде желдің екпіні 23-28 м/с-қа дейін күшейеді.Алматы облысының таулы аймақтарында кей жерлерде тұман болады. Облыстың басым бөлігінде түнде -25°C қатты аяз болады. Алматы мен Қонаевта да түнде -25°С қатты аяз болжанған.Түркістан облысының таулы аймақтарында күндіз қалың қар жауады.Ақтөбе облысында 15-18 м/с жылдамдықпен жел соғады.Қызылорда облысында 25 м/с жылдамдықпен жел соғады. Қызылордада жел 15-20 м/с күшейеді. 17 ақпан сағат 21.00-ден 18 ақпан 21.00-ге дейін Өскемен, Риддер қалаларында болжанған қолайсыз ауа райына байланысты оның екінші дәрежелі деңгейі туралы ескерту сақталады.Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.Фото: Нұрболат Нұржаубай

Жексенбіге арналған ауа райы болжамы 

<a href="https://kyzylorda-news.kz/">Kyzylorda-news.kz</a> 2024 жылы қазақстандық студенттердің шәкіртақысы қандай болады? Бұл сұраққа Ғылым және жоғары білім министрлігінің Жоғары және жоғары оқу орнынан кейінгі білім комитеті жауап берді, - деп хабарлайды Tengrinews.kz тілшісі.Tengrinews.kz сайтының ресми сауалына берген жауабында, 2025 жылға дейін бакалавриат шәкіртақысын жыл сайын 20 пайызға, магистратура мен докторантураға жыл сайын 15 пайызға арттыру жоспарланғаны айтылған.Комитет 2024 жылы шәкіртақы мөлшері мынадай болатынын түсіндірді:<ul><li style="text-align:justify;">бакалавриат – 47 135 теңге (педагогикалық бағытта – 75 600 теңге);</li><li style="text-align:justify;">магистратура – ​​107 061 теңге;</li><li style="text-align:justify;">докторантура – ​​240 000 теңге.</li></ul>Фото: Нұрболат Нұржаубай

Қазақстан және Қызылорда облысының жаңалықтары