&nbsp; &nbsp; Бүгін облыс әкімдігінде Қызылорда облыстық ардагерлер кеңесінің кезекті ІІІ пленумы өтті.Іс-шараға облыс әкімі Нұрлыбек Нәлібаев, облыстық мәслихат төрағасы Наурызбай Байқадамов, басқарма басшылары мен салалық ардагерлер кеңестерінің төрағалары, аймақтың ардагерлер ұйымдарының белсенділері қатысты. Пленумда аймақ басшысы өткен жылдың жетістіктері мен алдағы міндеттерді, өңір дамуына еңбек сіңірген азаматтардың үлесін атап өтті.<blockquote>“Сыр өңірінде адалдығымен, парасат-пайымымен танылған, елі үшін аянбай еңбек еткен азаматтарымыз өте көп. Сіздер қоғамдық келісім мен тұрақтылықтың сақталуына атсалысып келесіздер. Сол үшін алдыңғы буын ағаларға алғысымыз шексіз. Өткен жылы облысымыздың 85 жылдық мерейлі белесі аясында түрлі форматтағы, жоғары мазмұнды ғылыми-танымдық, мәдени-көпшілік іс-шаралар ұйымдастырылды. Облыс тарихында ерекше орын алатын тұлғалардың өнегелі өмірі мен еңбек жолын еске алу, ұлықтау шараларын өткізуге мән берілді. Аймақ дамуында өзіндік қолтаңбасы бар мемлекет және қоғам қайраткерлері Исатай Әбдікәрімов, Тәкей Есетов және Қонысбек Қазантаевтың 100 жылдығына орай ғылыми-танымдық конференциялар мен түрлі форматтағы еске алу, ұлықтау шаралары ұйымдастырылғанын атап өткім келеді. Облыс әкімдігі ғимаратының бірінші қабатына «Ел басқарған ағалар, еңбегін елі бағалар» тақырыбымен аймағымызды басқарған басшылардың портреттері ілінді. Мұның көпшілікке, соның ішінде жастарымызға өмірі еңбекпен өрілген, толағай болмысты қайраткер ағаларымызды танытуда маңызы зор деп санаймын”, – деді Нұрлыбек Машбекұлы.</blockquote>Облыстық ардагерлер кеңесінің төрағасы Серік Дүйсенбаев өз баяндамасында қарттарды қолдау шаралары туралы айтты. Ұйым егде жастағы азаматтардың бос уақытын тиімді ұйымдастырып, толыққанды өмір сүруіне ықпал жасап келеді. Ардагерлерге арналған түрлі форматтағы іс-шаралар, байқаулар мен экскурсиялар өткізіліп, мерекелерге орай материалдық көмек көрсетілуде және арнайы сыйлықтар таратылуда.Мұнан бөлек, Серік Әбішұлы алдағы жоспарларын бөлісті. Мемлекет басшысы Қасым-Жомарт Тоқаевтың кірісі төмен, әлеуметтік қолдауға мұқтаж жандарды қамқорлыққа алу жөніндегі тапсырмасына сәйкес, республика аумағында «Іскерлік және жанашырлық» пилоттық жобасы қолдау тапты. Жоба осы жылы біздің өңірде де енгізіледі. Сондай-ақ, еш жерге тіркелмеген ардагерлерді бастауыш ұйымдарға есепке алу жұмыстары қолға алынбақ.Пленумға қатысушылар еркін форматта пікір алмасып, ойларын ортаға салды.Іс-шара соңында бірқатар азамат өңір дамуына қосқан үлесі үшін Қызылорда облысының «Құрмет грамотасы» және Алғыс хаттармен марапатталды.Фото: Қызылорда облысы әкімінің баспасөз қызметі

Облыстық ардагерлер кеңесінің пленумы өтті

&nbsp;<a href="https://kyzylorda-news.kz/">Kyzylorda-news.kz</a>.&nbsp; &nbsp;Бүгінде аймақта эпидемиологиялық ахуал тұрақты деп бағалануда. Мәселен, былтыр жұқпалы деп танылған аурулардың 20 түрі бойынша таралу деңгейі төмендеп, аурушаңдық көрсеткіші азайған.Алайда, инфекциялық аурулардың таралуын болдырмау және алдын алу мақсатында халық арасындағы тиісті контингенттер жоспарлы түрде екпе қабылдауда. Тиісінше, Қызылорда облысы екпе алу жұмыстарын белсенді жүргізуі нәтижесінде республикада алдыңғы қатарда. Бұл жөнінде Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаментінің басшысы Динара Жаңабергенова мәлімдеді.<blockquote>&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;– Халық арасында ауа тамшылары арқылы жұғатын және басқа да инфекциялық аурулардың алдын алу бойынша тиісті жұмыстар жүргізіліп келеді. Әсіресе, тұрғындардың ауруларға қарсы екпе қабылдауы арқылы ұжымдық иммунитет қалыптасады. Соның арқасында облыстағы эпидемиологиялық жағдайдың бірқалыпты болуына оң әсерін тигізеді. Ал керісінше вакцинамен қамту көрсеткіші төмендеген сайын аурушаңдық деңгейі көтерілетіндігі белгілі. Дәлел ретінде, қызылша ауруын айтуымызға болады. Осы ретте ДДСҰ мәліметінше, әлем бойынша балалар арасында қызылшаға қарсы екпені қабылдау деңгейі төмендеуі әсерінен аталмыш аурудың таралуы көбейген. Сондықтан, ауруға қарсы екпені тұрақты қабылдау аса маңызды болып табылады. Бұдан бөлек, аймағымыз бірқатар аса қауіпті жұқпалы аурулардың табиғи ошағында орналасқан. Атап айтқанда, оба, құтырма, сібір жарасы және Конго-Қырым геморрагиялық қызбасы. Осы аталған аурулардың алдын алу мақсатында жасалған профилатикалық жұмыстардың арқасында соңғы 10 жылда бірде-бір жағдай тіркелген жоқ, – деді Динара Олжабайқызы.</blockquote>Облыстың бас санитар дәрігері брифинг барысында өңірде бруцелез және туберкулез ауруының таралу көрсеткіші төмендегінін хабарлады. Оның басты себебі – ем сапасының артуымен байланысты. Сонымен қатар, былтыр департамент тарапынан 158 жоспардан тыс тексеріс жүрзіліп, 136 заңбұзушылық анықталған. Нәтижесінде, заңбұзушылыққа жол берген азаматтарға әкімшілік айыппұл салынды.Фото: Өңірлік коммуникациялар қызметі

Жұқпалы аурулардың алдын алу жұмыстары белсенді жүргізілуде

&nbsp;<a href="https://kyzylorda-news.kz/">Kyzylorda-news.kz</a> “Ауыл” ХДПП “Мейірім” құшағының облыстық төрайымы Д.Ибадуллаева Қызылорда облысы бойынша әйелдер күштерінің Альянсының төрайымы Р.Ахметовамен меморандумға қол қойды.Меморандумда қос тарап әйелдер мен балалар құқықтарының бұзылуы, гендерлік теңсіздік мәселелерін шешумен және әйелдердің саясатта, экономика мен қоғамдық қызметте алға жылжуға мүмкіндік бермек.Сонымен қатар меморандум аясында әйелдердің қоғамдағы ролін кеңейте түсу негізгі міндеттердің бірі болмақ.

Әйелдер күштерінің Альянсімен меморандум жасалды

<a href="https://kyzylorda-news.kz/">Kyzylorda-news.kz</a>. &nbsp;&nbsp; Астана қаласының тұрғындары&nbsp;жол жүру ақысының қымбаттауына наразылықтарын білдірді. Бұған дейін елорда әкімдігінің қоғамдық көліктердің бағасын көтеретінін мәлімдеген. Алайда тұрғындар оның орнына жол ақысын төлемейтін азаматтармен күрессін дейді. Бұл туралы <a href="https://stan.kz/biletsiz-zhurgendermen-kurespey-me-kayta-astanaliktar-z-395818/">Stan.kz</a> ақпарат агенттігі хабарлайды.<blockquote>Астана әкімдігінің енгізген өзгерісіне сәйкес, жол жүру ақысы көлік картасымен төлеу кезінде 110 теңге, қолма-қол төлегенде&nbsp;220 теңге болмақ. Алайда қала тұрғындары бұл шешіммен келіспейді. “Қазірдің өзінде жолаушылардың бәрінен түгел жол ақысын жинай алмай отырғанда, оның бағасын көтерудің қажеті не?” –&nbsp;деп таңданады олар.</blockquote>Сергей Хван есімді желі қолданушысы өзінің күнделікті қоғамдық көлікпен жүретінін алға тартып, көп адамдардың тек тексеруші мінген сәтте ғана жол ақысын төлей бастайтынын айтады.<blockquote>“Мен – қарсымын! Қоғамдық көлікпен күнделікті жүремін.&nbsp;Тексеруші кірсе ғана, көп адам телефонын алып, ақшасын төлей бастайды. Мұндай “қояндар” (ақы төлемей жүретіндерді айтып отыр –&nbsp;ред.) &nbsp;шамамен 40%, ал ығы-жығы сәтте одан да көп болуы мүмкін.&nbsp;Бар жолаушылардан ақша жинай алмағанда, жол ақысын көтерудің не керегі бар?”, –&nbsp;дейді ол.</blockquote>Хван&nbsp;егер "қояндарды жоюға" құзыреті жеткіліксіз болса, онда басшылық отставкаға кетуі керек деп санайды. Ол сонымен қоса шетелдердегі қабылданған қағидаларға тоқталған.<blockquote>“Ыстамбұлда “қояндарды” еркін жүргізіп қоймайды. Мәселен менің Halyk картамнан&nbsp;ақша алынбай қалып еді, мені түсіріп кетті.&nbsp;Прагада ұсталса, айыппұл 20 мың теңгені құрайды.&nbsp;Сондықтан ол жақта&nbsp;"қоян" болып жүру&nbsp;қымбат.&nbsp;Парижде сіз төлем жасамайынша метроға немесе автобусқа кіре алмайсыз”, –&nbsp;дейді ол.</blockquote>Сергей Хван өзі атап өткен елдерде жол ақысының арзан екенін де баса айтып өткен.Жазба астында пікір қалдырғандар да бұл ойды қолдайды. Олар тегін жүрушілермен күресу үшін әр автобусқа кондуктор қоюды ұсынады.<blockquote>“Тек баға көтеруді ғана біледі. Бағаны көтерсек болды мәселе шешілді деп ойлайды. Сол секілді&nbsp;судың&nbsp;бағасын&nbsp;көтеру арқылы халықты суды үнемдеуге үйретуге ұйғарған. Модернизацияға да халықтың ақшасын қолданады, ал олигарх ұрылардың қайтарған ақшасы қайда?! Халықтың үміті әбден үзілуге жақын”, –&nbsp;деп жазады Динара Ибраева есімді қолданушы.</blockquote>Қазіргі уақытта Астанада қоғамдық көлікте жол жүру құны көлік картасымен төлегенде 90 теңгені құрайды. Қала билігі бұл соманы 2012 жылы белгілеген. Қолма-қол төлесеңіз, жол жүру ақысы 180 теңге.Әкімдік ұсынған бұл құжат&nbsp;5 наурызға дейін қоғамның талқылауында болады.Фото:&nbsp;Нұрболат Нұржаубай

Астаналықтар жол жүру ақысының қымбаттауына наразылық білдірді

&nbsp; <a href="https://kyzylorda-news.kz/">Kyzylorda-news.kz</a>. &nbsp;Екі қазақстандық азаматша Таиландтағы джунглиде құлдықта болған, - деп хабарлайды <a href="https://massaget.kz/basty-zhaalytar-438/101747/?fbclid=IwAR1zyg5f1tDZIkjXVA7gtchkwjRtWWTIJRNWgCJDLor08Ioj6JXLKeBTu0I">Massaget.kz</a> тілшісі.Бұл туралы СІМ ресми өкілі Айбек Смадияров айтты. &nbsp;<blockquote>"Осы жылы қаңтардың соңында Таиландтағы консулдықтың WhatsApp нөміріне хабарлама келді. Онда "Мен Қазақстан азаматымын. Қай мемлекет екенін білмеймін, джунглидің ішінде құлдыққа түсіп қалдым, көмектесіңіздер" деп жазылған. Дереу анықтай бастадық. Сөйтсек біздің екі азакматшамыз құлдыққа түсіп қалған. Ең қызығы екеуінің де жоғары білімі бар, бірнеше тіл біледі. Интернеттен хабарламаны көріп, алданып қалған. Әр адам басына 10 мың доллардан ақша сұраған. Жергілікті билікпен жұмыс істеп, бір айда екі азаматша құтқарылды. Қазіргі таңда олар елге келе жатыр", - дейді СІМ өкілі Айбек Смадияров.</blockquote>Оның сөзінше, қыздарды құлдықта ұстағандарға бірде-бір теңге берілмей құтқарылған.Фото: Нұрболат Нұржаубай

Екі қазақстандық қыз Таиландтағы джунглиде құлдықта болған  

Синоптиктер Қазақстан аумағы бойынша 22-24 ақпанға арналған ауа райы болжамын жариялады. Қазақстандықтарға қолайсыздық тудырған аяздың беті қайтпай тұр.Болжамға сәйкес суық солтүстік ағындары бар ауқымды антициклонның әсерінен еліміздің басым бөлігінде аязды, желсіз ауа райы сақталады. Тек оңтүстік, орталық және шығыс аймақтарда ауа райы жауын-шашынды болмақ. Оңтүстік антициклонның ықпалынан жаңбыр, қар жауып, жел мен бұрқасын күшейеді.Дегенмен циклон оңтүстіктен болса да, аяз сынып, күн айтарлықтай жылиды деу қиын.Фото: pixabay.com

Елімізде алдағы үш күнге ауа райы болжамы жарияланды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Жосалы кентінде №250 мектептің ағылшын пәнінің мұғалімдері шетелде клубқа барғаны үшін жұмыстан шығып қалған еді. Ұстаздар әділдікті талап етіп, желіде ар-намыстарына нұқсан келтірген мектеп әкімшілігіне наразылығын жеткізді. Бұл туралы Stan.kz ақпарат агенттігі “<a href="https://www.youtube.com/watch?v=8caQ9YJonAI">Астарлы ақиқат</a>” бағдарламасына сілтеме жасап хабарлайды.26 жастағы Ақерке Жұмабаева білім беру саласында 3,5 жыл қызмет еткен. Ағылшын пәнінен сабақ берумен қатар 7-сыныпқа жетекші болған. Алайда “Түркиядағы гей-клубта жүр” деген ақпарат тарағаннан кейін Ақерке Жұмабаева мен Фатима Сқақова даудың астында қалды. Жұмабаеваның айтуынша, мектеп әкімшілігі олардың ар-намысына тиіп, еш ескертусіз жұмыстан шығарып жіберген.Олар Жаңа жылдағы мерекені пайдаланып, Түркияға саяхаттауға барған. Ал жұмыстан 3, 5 және 6 қаңтарға алдын ала сұраныпты. Қыздардың айтуларынша, түнгі клубқа барар алдында теңіз өнімдерін тұтынып, содан Ақерке уланып қалған. Сол себепті рейске отыра алмай, билетті ауыстырыпты. Сол үшін оқу ісі жөніндегі орынбасарға жазып, 8 қаңтарға да сұранып, денсаулығына қатысты анықтама әкелетінін айтқан.Ал жұмысқа келетін күні басшылық оларға сабаққа емес, бірден жиналысқа келуін талап етіпті. Тіпті өз нұсқаларын айтып, жағдайды түсіндіруге де мұрша бермеген көрінеді.<blockquote>“Кешірім сұрадым, қателік жібергенімді айттым. Алайда директор мені барша ұжымның көзінше тілдеп, жылатып, "жүн-жүн жігіт іздеп бардыңдар" деді. Бұл кезде біз Ыстамбұлда демалыста жүрдік, саяхатымыздың соңғы күні болғандықтан, бұрын көрмеген жерді көргіміз келді”, – деді ол. Ұстаздар барған түнгі клубта желіде танымал “Амилай” есімді трансвестит де болған. Оның мобилографы Амилайды түсіріп жатқан кезде екі мұғалім де кадрға іліккен. Ата-аналар мен әріптестері сол трансвестит блогердің Instagram-парақшасындағы видеоларынан қоса мұғалімді байқаса керек.</blockquote>Ал заңгер БАҚ-та “трансвеститтер клубы, гейлер клубы” деп жалған ақпарат тарап жүргенін айтады. Сөзінше, бұл қарапайым түнгі клуб және мұнда ЛГБТ өкілдерінің жалауы ілінбеген.<blockquote>“Директордың бұлай жұмыстан шығаруы заңсыз. Ол үшін бұйрықта себеп көрсетілуге тиіс. Ал мұнда бұйрық жоқ. Оған дейін мектепте ішімдік ішіп келген мұғалімдер, баланы ұрған жағдайлар болыпты. Сол кезде оларға тек ескерту берілген. Ал мұнда қыздарды бірден жұмыстан қуды. Бірақ шетелде түнгі клубқа барудың оқушыларға зияны қандай?” – деді заңгер Сержан Пірәлиев.</blockquote>Қос мұғалім мекеменің ішінде не боларын білмеген. Олар жартылай жалаңаш ер адамдар шоуы болады деп ойламағанын жеткізді. Осыдан соң шығып кеттік дейді.Осы жағдайды сылтау етіп, полиция қызметкерлері екі құрбының мазасын алған. Сөздерінше, танысуға ұсыныс тастап, мәселені шешуге көмектесетінін айтқан. Қармақшы аудандық полиция бөлімі басшысының орынбасары Жандарбеков оларға қайта-қайта жазып, кейін жауап болмағасын тіпті тіл тигізіп, бопсалады дейді. Соны білген анасы Жандарбековтің үстінен арыз жазған.<blockquote>“Осы жайттан соң мен Қызылордаға кетіп қалдым, бірақ бұл туралы ешкімге айтпаған едім. Менің мекенжайымды ешкім білмеген. Бірақ түнгі 23:00-де біреу домофонға қоңырау шалып, “арызыңды ал” деп бопсалады”, – дейді Ақерке Жұмабаева.</blockquote>Ал мектеп әкімшілігі бірде “мұғалімдерді жұмысқа келмегені үшін шығардық” десе, одан соң “олар өз еркімен шықты” деген мәлімдеме жасады. Директор еңбек демалысына кеткендіктен, жауап бермепті. Алайда оқу ісі жөніндегі орынбасары Анар Еспенбетова мұғалімдерді қызметінен босатуға “педагогикалық этика бұзылғаны” себеп болды дейді.<blockquote>“Педагогикалық этиканы бұзғанына байланысты шықты. Комиссияның шешімі бойынша педагогикалық этика бұзылған. Сол шешімнен кейін олар өз еркімен босатылды. Сондай-ақ жұмыстан себепсіз қалды, анықтаманы да көрсеткен жоқ”, – деді Еспенбетова.&nbsp;</blockquote>Еске салсақ, Қызылордалық мұғалімдер Түркиядағы трансвеститтер клубында демалғаны үшін жұмыстан шығып қалғаны айтылды. Оқу-ағарту министрлігі оқиғаға түсініктеме беріп, олар жұмыстан өз еркімен шыққанын мәлімдеді. Бұрынғы оқу-ағарту министрі, қазіргі депутат Асхат Аймағамбетов мұғалімдерге жақтасып, жұмыстан тыс уақытта құқығын шектеуге болмайтынын айтты.Фото: Нұрболат Нұржаубай

Түркиядағы түнгі клубқа барғаны үшін жұмыстан шығып қалған қызылордалық мұғалімдер өз шындығын айтты

&nbsp; <a href="https://kyzylorda-news.kz/">Kyzylorda-news.kz</a>. &nbsp; &nbsp;​Белгілі жазушы, қоғам қайраткері Төлен Әбдікұлының әңгімесінің желісі бойынша театрдың белді әртісі, жас драматург Нұрдәулет Баймаханның “Оң қол” психологиялық драмасы қалың көрерменге жол тартты. Жаңа премьераны қалалық “Жастар” театры сахналады.Қойылым психиатриялық ауруханаға түскен 21 жастағы Алма туралы. Сұлу бойжеткеннің сырқаты - жан түршігерліктей. Қыз қалың ұйқы құшағына кеткен шақта, оң қолы өзін қылқындырып өлтіруге әрекет жасайды. Дәрігерлер аурудан арылудың сан түрлі амалын жасағанымен, Алманың оң қолына бөгет бола алмайды. Ақырында емдеуші дәрігер қолын кесіп тастау керек деген шешімге келеді. Оқиға емханадағы Мұхтар, Айша есімді емделушілердің тағдырымен шиеленісіп, қоғамдағы өзекті мәселелерді қозғайды. Сонымен қатар, спектакльде өмірге деген құлшыныс, махаббат, қорқыныш пен зұлымдық сюжеттері шебер бейнеленеді.Премьераның алғашқы күні өте сәтті және әсерлі болды. А.Тоқмағанбетов атындағы қалалық мәдениет үйінің залына көрермен толы болды, әрине оның басым көпшілігі жастар. Қойылым соңында қала әкімі Серік Қожаниязовтың «Жастар» театрының әртістеріне арналған ықылас гүлі табысталды. Халықтың тік тұрып соққан қошеметінен театр ұжымының еңбегі көрініп-ақ тұрды.Айта кету керек, қойылымның сахналануына «BI ALI» ЖШС төрағасы Асхат Шәукенбаев демеушілік жасады.

“Оң қол”  драмасы көрерменге жол тартты

&nbsp; <a href="https://kyzylorda-news.kz/">Kyzylorda-news.kz</a>.&nbsp; Бүгін мәжіліс отырысында депутат Аманжол Әлтай әйелдердің құқығын қорғап жатқанымызбен, қоғамда әйелінен жәбір көретін еркек, баласынан қорлық көрген ата-аналар да бар екенін айтты. Бұл туралы <a href="https://stan.kz/ayelderinen-kisim-koretin-erkekter-de-bar-mazhilismen-a-395803/">Stan.kz</a> ақпарат агенттігі хабарлайды.&nbsp;Аманжол Әлтайдың айтуынша, қоғамда түрлі келеңсіз оқиғалар болып жатыр.<blockquote>“Қазақ деген халық анасын ардақтаған, аруын аялаған, ата-анаға құрметпен қараған халықтың өкіліміз. Отбасы &nbsp;- өте күрделі институт. Өкінішке қарай, бүгінгі қоғамда түрлі келеңсіз оқиғалар белең алып жатыр. &nbsp;Ер азаматтан қысым көрген әйел адам ғана емес, әйелден де қысым көрген еркектер де баршылық. Сонымен бірге өзінің қартайған шағында балаларынан қысым көріп отырған қарт ата-аналар да жетерлік. Біз "әкеммен ақылдасайын", "әкемнен сұрайын", "әкем біледі" деген түсінікпен өскен буын едік, қазір "мамам біледі", "мамамнан сұраймын", "мамам шешеді" деген балалар көбейіп бара жатыр. Оған кеше ғана Қарағандыда 78 жастағы кейуананың өз баласынан зорлық-зомылық көргені дәлел болып отыр”, –дейді мәжілісмен.</blockquote>Ол білегінен әл кетіп, бойындағы күші сарқылған ата-анасына жәбір көрсететін балалар көбейгеніне алаңдап отыр.<blockquote>“Қоғамда ер азаматтар мен ата-аналардың құқығын қорғау мәселесіне қандай жауап беріледі? Ақпарат саласының өкіліне айтарым, бүгінде ақпарат кеңістігінде қазақ жігіттерін, ер-азаматтарын ез, қорқақ, жалтақ қылып көрсететін түрлі контенттің көбеюі, комедиялық жанрдағы фильмдердің көбеюі нені түсіндіреді?” - деп Аманжол Әлтай баяндамашы Жұлдыз Сүлейменова мен Мәдениет және ақпарат министрлігінің өкіліне сұрақ қойды.</blockquote>Депутат Жұлдыз Сүлейменова заң жобасы тек әйелдер мен балалардың құқығын ғана қорғамайтынын айтты.<blockquote>"Денсаулығына қасақана жеңіл зиян келтіру және ұрып-соғу бабы барлық азаматтың құқығын қамтиды. Сондықтан заң әйел мен ер азаматты бөлмейді, әйелдің құқығы – адамның &nbsp;құқығы, ер азаматтың да құқығы – адамның құқығы деген қағидатты негізге алып жасалып отыр”, – деді баяндамашы.</blockquote>Ол конституцияда балалардың зейнеттегі ата-анасына қамқорлық көрсетуі нақты белгіленгенін атап өтті.<blockquote>“Сіз айтқан оқиға қоғамда үлкен мәселе бар екенін көрсетіп отыр. Тәрбиені күшейтіп, ақпараттандыруды, психологиялық қолдауды күшейтуіміз қажет. Дәстүрлі отбасылық құндылықтар бойынша да нақты нормалар бар", - деп атап өтті ол.</blockquote>Ал Мәдениет және ақпарат вице-министрі Евгений Кочетов заңнаманы басшылыққа алып жұмыс істейтінін айтты.<blockquote>"Қазір әке институтын дамытудың маңызды екенін түсініп отырмыз. Былтыр “Әкелер күнін” енгіздік. "Әкелер одағы" институтының жұмысына жан-жақты қолдау көрсетіп келеміз. Теңсіздік мәселесі мен отбасындағы ер адамның рөлін анықтау бойынша жұмыстар атқарылады", - деді Кочетов.&nbsp;</blockquote>

Депутат әйелдерінен қысым көретін еркектер де бар екенін айтты  

&nbsp;<a href="https://kyzylorda-news.kz/">Kyzylorda-news.kz</a> Халықтың тұтынушылық кредитке деген сұранысының жыл сайын артуы олардың жеңіл түрде берілеуімен байланысты. Дегенмен, азаматтар қарыз қаражатын қайтару керектігін ұмытпауы керек. Сонымен қатар сіздің ай сайынғы табысыңыз кредит бойынша барлық төлемдер мен коммуналдық қызметтер, білім беру, жол жүру, тамақ және т.б. сияқты міндетті төлемдерден кейін алынған барлық ақшаның 50 пайызынан аспауы керек.Тұтынушылық кредитті ресімдемес бұрын не білуіңіз керек? Кредит ресімдеу сияқты маңызды мәселеге неліктен асықпау керек, осы мәселені Fingramota.kz-пен &nbsp;бірге қарастырып көрейікКредит=міндеттемеАлдымен өзіңіз үшін кредит алу қажет пе, кредит алмай-ақ мәселені шешуге бол ма деген сұрақтарға жауап іздеп көріңіз. Мүмкін біраз күте тұрып, ақша жинайсыз ба? Кез келген кредитті, оның ішінде тұтынушылық кредитті өзіңізге ресімдеу, бұл сіздің жауапкершілігіңізді арттырады, ең алдымен сізге қарыз алушы ретінде белгілі бір уақыт ішінде орындауыңыз керек міндеттеме жүктеледі.Егер Сіз тұтынушылық кредит ресімдеуді шешсеңіз, онда оның барлық шарттарын зерделеп, қаржылық мүмкіндіктеріңізді алдын ала есептеңіз. Бірнеше кредиттік ұйымдардың (банктер мен МҚҰ) сайттарына өз бетінше мониторинг жүргізіп, олардың ұсыныстарын талдаңыз. Өзіңіз үшін ең жақсы нұсқаны таңдап, менеджерден кредит берудің барлық шарттарын: қарыз сомасы, төлемдер мерзімі мен мөлшері, кредит алу немесе мерзімінен бұрын өтеу кезінде комиссиялар бар ма, барлық пайыздар мен төлемдермен кредиттің толық құны қандай болады, артық төлем қанша болады және басқа да маңызды мәселелерді нақтылап алыңыз.Әлеуетті қарыз алушы қарыз шартын жасасқанға дейін кредиттік ұйым клиентке туындаған барлық мәселелер бойынша, оның ішінде кредит беру мерзімі; сыйақы мөлшерлемесінің түрлері: белгіленген немесе өзгермелі, егер сыйақы мөлшерлемесі өзгермелі болып табылса, есептеу тәртібі; клиенттің өтініш берген күніне жылдық тиімді сыйақы мөлшерлемесінің мөлшері (нақты құны) туралы толық консультация беруге міндетті екенін білуі қажет. Жылдық тиімді сыйақы мөлшерлемесі – бұл қарыз алушы кредит шарты бойынша төлейтін барлық төлемдердің жалпы сомасы.Кредитті өтеу әдістерін де қарастырыңыз - сараланған және аннуитеттік. Біріншісі кредит беру мерзімі ішінде бара-бар азайтылатын теңдей бөлінбеген, ай сайынғы төлемдерді білдіреді. Яғни, банктік қарыз бойынша берешекті өтеу негізгі борыш бойынша төлемдердің тең сомаларын және негізгі борыштың қалдығына кезең ішінде есептелген сыйақыны қамтитын азайтылатын төлемдермен жүзеге асырылады. Екінші жағдайда, біз кредит берудің бүкіл мерзіміне созылған теңдей бөлінген ай сайынғы төлемдер туралы айтылады. Берешекті өтеу қарыздың тұтастай мерзімінде теңдей төлемдермен жүзеге асырылады, бұл ретте негізгі борыш бойынша төлемдер ұлғаяды және кезең ішінде негізгі борыштың қалдығына есептелген сыйақы бойынша төлем азайып отырады.Азаматтар шарттың талаптарын дұрыс оқымау, өзінің кредиттік міндеттемелерін орындауға салғырт қарау &nbsp;мен өзінің төлем қабілеттілігін артығымен бағалаудың кредиттік құжаттамаға теріс әсер етуі мүмкін екенін түсінулері қажет. Кредитті таңдау жауапкершілікті, тәртіпті және қарыз алушының дұрыс әрекетін талап етеді.Кредитті мерзімінен бұрын өтеу туралы нені білу қажет?Қарыз ресімдеудің алдында кредиттік ұйымның менеджерінен мерзімінен бұрын өтеуге қатысты қандай талаптардың бар екенін нақтылап алу керек. Мысалы, негізгі борышты:бір жылға дейінгі мерзімге берілген қарызды алған күннен бастап алты айға дейін;бір жылдан астам мерзімге берілген қарызды алған күннен бастап бір жылға дейін ішінара мерзімінен бұрын немесе толығымен мерзімінен бұрын өтеу жағдайларын қоспағанда, заң бойынша банктер қарыздардың мерзімінен бұрын өтелгені үшін айыпақы немесе санкциялардың өзге де түрлерін алуға құқылы болмайды.Бұл ретте клиент банкке пайыздарды кредитті нақты пайдаланған күндері үшін төлейді. Осының барлығы кредиттік шартта жазылады. Сондықтан кредитордың алдында борыштық міндеттемелерді мерзімінен бұрын жабудың алдында оның талаптарын мұқият түрде қайтадан оқып шығыңыз.Егер кредит ресімдеу кезінде сіз сақтандыруды сатып алған болсаңыз, сақтандыру сыйлықақысының бір бөлігін қайтарып көруге болады. Қайтару мүмкіндігі де шартта көрсетілген. Онымен таныспай, шартқа қол қоймаңыз.Мерзімінен бұрын өтеуден бұрын кредиттің нақты сомасын нақтылап алыңыз: егер сіз бұрын кредит бойынша мерзімді кешіктірген болсаңыз, сізде қарыз жинақталып қалуы мүмкін. Және алдағы уақытта шотты толықтырған кезде ең алдымен өсімпұл мен айыппұл сомасы, содан кейін ғана ай сайынғы төлем есептен шығарылады.Шотыңызды толықтыру мерзімдерін ескеріңіз: егер банкомат арқылы шотыңызды бірнеше секундтың ішінде толықтыра алатын болсаңыз, картадан картаға аудару кезінде мерзім бір күннен үш күнге дейін кешіктірілуі мүмкін. Сондықтан шотыңызды болжамды төлем күнінен бірнеше күн бұрын алдын ала толықтырып қойған жөн. Сондай-ақ, кейбір банктерде тек жұмыс күндері ғана мерзімінен бұрын өтеуге болатынын ескере жүріңіз. &nbsp;Банк сіз енгізген соманы әдеттегі ай сайынғы төлем ретінде ресімдеп, &nbsp;оны мерзімінен бұрын өтеу үшін енгізілген қаражат ретінде есепке алмайтын жағдайлар орын алып жатады. Сондықтан түсініспеушіліктер болмау үшін мерзімінен бұрын өтеу үшін ақша енгізуден бұрын кредитормен хабарласып, өзіңіздің ниетіңіз туралы хабарлап және сіздің жағдайыңызда мұны қалай жасаған дұрыс болатын нақтылап алған жөн.Егер сіз кредитті толығымен мерзімінен бұрын өтеген болсаңыз, кредиттік ұйымнан сіздің берешегіңіздің толығымен жабылғаны туралы қол қойылған және мөр басылған ресми анықтаманы сұрағаныңыз абзал. Кейбір кредиттік ұйымдарда бұл қызмет ақылы негізде болуы мүмкін.Кредиттік тарихты тексеру әдетіне ие болыңыз&nbsp;Дербес кредиттік есеп сіздің қолданыстағы және жабылған қаржылық міндеттемелеріңіз туралы бүкіл ақпаратты қамтиды. Яғни, кредиттік ұйымның атауы, қарыз сомасы, берешекті беру және оны өтеу мерзімдері туралы ақпарат беріледі.&nbsp;Өз кредиттік тарихыңызды жиі, тым болмаса жарты жылда бір рет тексеріп отыру қажет. Осылайша сіз өзіңіздің кредиттік есебіңізде көрсетілген ақпараттың дұрыстығын, сондай-ақ &nbsp;атыңызда «өтелмеген» қарыздардың бар-жоқтығын тексере аласыз.Дербес кредиттік есепті мыналар:мемлекеттік кредиттік бюро – id.mkb.kz сайты; бірінші кредиттік бюро – www.1cb.kz сайты; www.egov.kz электрондық үкімет порталы; тұрғылықты мекенжайы бойынша халыққа қызмет көрсету орталықтары (ХҚКО) арқылы ала аласыз.Банктік қарыздарды немесе микрокредиттерді, онлайн-кредиттерді тек ҚР Қаржы нарығын реттеу және дамыту агенттігінің лицензиясы бар ұйымдарда ғана ресімдеңіз. Оның бар-жоғын Агенттік сайтының «Қаржы нарықтары» бөлімінде тексеруге болады. «Теріс пиғылды кредиторларды», тиімді, өте төмен мөлшерлемемен немесе артық төлемсіз кредит беруді ұсынатын делдалдарды айналып өтіңіз. Ең бастысы, мұқият зерделеп алмай тұрып, ешқашан кредиттік шартқа қол қоймаңыз. Сіз шартты өзіңізбен алып кетіп, оны тыныш жағдайда зерттей аласыз. Түсініксіз тармақтарды сіз кездесу кезінде банк немесе МҚҰ қызметкерімен талқылай аласыз. Егер сіз мұқият зерттеп алмай тұрып шартқа қол қойсаңыз, бұл оның барлық шарттарымен автоматты түрде келісетіндігіңізді білдіреді.Кредиттің үлкен жауапкершілік екенін әрқашан есте сақтаған маңызды. Қарызды қысылтаяң жағдай болмаса ресімдемеңіз, әсіресе сыртқы факторлардың әсеріне ұшырап, қарызға алынған ақшалай қаражатқа импульсивті сауда жасаудың қажеті жоқ. Егер сіз кредитті төлей алатыныңызға сенімді болмасаңыз, онда кредит алмаңыз, жеке бюджетіңізге қосымша ауыртпалық салудан бойыңызды аулақ ұстаңыз! Қарызды өтегеннен алған жеңіл.&nbsp;Қаржылық сауаттылығыңыз бен кредиттік жауапкершілігіңізді Fingramota.kz-пен бірге арттырыңыз!Фото: Нұрболат Нұржаубай&nbsp;

Тұтынушылық кредиттерді ресімдеу және жабудың қыр-сырын білесіз бе?  

&nbsp;<a href="https://kyzylorda-news.kz/">Kyzylorda-news.kz</a>.&nbsp; Мәжіліс депутаттары әйелдердің құқықтары мен балалардың қауіпсіздігін қамтамасыз етуге бағытталған заң жобаларын бірінші оқылымда мақұлдады. Заң аясында суицидке итермелегендердің жазасы қатаңдатылды, деп хабарлайды <a href="https://el.kz/suitsidke-itermelengender-9-zhylga-deyin-sottalady_108251/">El.kz</a>&nbsp;ақпарат агенттігі.Суицидке итермелегені үшін қылмыстық жауапкершілікке тартылады. Суицидтің алдын алу мақсатымен өзін-өзі өлтіру немесе оған итермелегені үшін 5 жылдан 9 жылға дейін бас бостандығынан айыру жазасы ұсынылады.Суицидті насихаттағаны үшін 200 АЕК мөлшерінде айыппұл түрінде жаңа қылмыстық жауапкершілік қарастырылады. Сонымен қатар кәмелетке толмаған баланы қорқыту және кибербуллинг үшін әкімшілік жауапкершілік енгізіледі (10 АЕК айыппұл салынады).Фото: Нұрболат Нұржаубай

Суицидке итермеленгендер 9 жылға дейін сотталады

<a href="https://kyzylorda-news.kz/">Kyzylorda-news.kz</a>. Мәжіліс депутаты Бақытжан Базарбек &nbsp;<a href="https://www.youtube.com/watch?si=kYMwm0Za9AERf73Z&amp;v=DVAUkb-FU4Y&amp;feature=youtu.be">Adal Adam</a> YouTube арнасына берген сұхбатында “КазГУ тізіміне” қатысты өз ойын айтты.<blockquote>«Жеке құпия мәлеметтердің жарияланып кетуіне жол берілді. Жалпы, ешкім, ректор болсын, әкім болсын, министр болсын, сен заң шеңберінде жұмыс жасауың керек. Заңды бұзсаң, жауапқа тартыласың. Біз жауапқа тартылған ректорларды байқамаймыз, сөздің шындығы бар, университеттерде қаншама былықтар орын алып жатыр. Ешкім жауапқа тартылып жатқан жоқ. Бір ЖенПИ-дің ректоры соттың үкімі бойынша, жерге байланысты сотталды. Басқа ректорлар туралы естімедім. Соңғы жағдай, қыздардың пәктігіне байланысты жеке ақпараттардың кетіп қалғаны туралы ақпаратты құқық қорғау органдары тексеру керек», — деді депутат.</blockquote>Бақытжан Базарбек осы істі назарда ұстап отырғанын жеткізді.<blockquote>«Мен білетін ақпарат бойынша, осы тізімге клиниканың да қатысы бар. Жеке клиника. Құқық қорғау органдары жеке клиника мен осыған кінәлі университеттің лауазымды тұлғаларына толығымен құқықтық баға беріп, тергеу амалдарын жасап, анау кінәлі субьектілерді қашып кетпес үшін, жауапқа тарту керек. Нақты бұл жерде Жансейіт Түймебаевтың қатысын айта алмаймын. Себебі, тергеу материалдарымен танысқан жоқпын. Біріншіден, танысқанның өзінде бұқаралық ақпарат құралдарына жария ете алмаймын. Заң бойынша. Бірақ та, бұндай іс әрекеттерде бірінші басшы жауап беру керек», - деді Мәжіліс депутаты.</blockquote>

Қазақстан және Қызылорда облысының жаңалықтары