<a href="https://kyzylorda-news.kz/">Kyzylorda-news.kz</a> Экология және табиғи ресурстар министрі Ерлан Нысанбаев 1 қыркүйектен бастап Қазақстанда әуесқой аңшыларға ақбөкенді аулауға рұқсат берілетінін мәлімдеді. Бұл туралы<a href="https://stan.kz/kazakstanda-aueskoy-anshilarga-akboken-aulauga-ryksat-b-395958/"> Stan.kz</a> <a href="https://stan.kz/kazakstanda-aueskoy-anshilarga-akboken-aulauga-ryksat-b-395958/">ақпарат </a>агенттігі хабарлайды.Сенат отырысында Нысанбаев биыл әуесқой аңшылықты енгізу жоспарланып отырғанын айтты.<blockquote>"Биылдан бастап біз киіктерге арналған әуесқой спорттық аңшылықты ашуды жоспарлап отырмыз. Оны жұртшылықпен, аңшылық шаруашылықтармен белсенді түрде талқылап жатырмыз. Әдеттегідей, 1 қыркүйекте аңшылық басталады. Мамыр айында аңшылықтан кейін санақ жүргізіліп, жылдың ортасында нақты санын білетін боламыз. Соның негізінде саны анықталады", - деді министр.</blockquote>Фото: gov.kz

Қазақстанда әуесқой аңшыларға ақбөкен аулауға рұқсат беріледі

<a href="https://kyzylorda-news.kz/">Kyzylorda-news.kz</a>&nbsp;&nbsp; Ағымдағы жылдың ақпан айының &nbsp;01-29 аралығында облыс көлемінде «Браконьер» жедел-профилактикалық іс-шарасы өткізілуде. &nbsp;Іс-шараның басты мақсаты – табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтау және жолын кесу, экологиялық қылмыстарды ашу. &nbsp;Жүргізілген рейдтік шаралар &nbsp;барысында полицейлермен 20 &nbsp;күнде табиғат қорғау заңнамаларын бұзушылықтың барлығы 190 дерегі анықталды, оның 6-уы қылмыстық іс және 184-і әкімшілік құқық бұзушылық деректер.Оның ішінде заңсыз балық аулаудың – 133 , балық аулау және балық ресурстары мен басқа да су жануарларын қорғау қағидаларын бұзудың – 15, тіркелмеген қаруды заңсыз сақтаудың – 9, аңшылық қаруды сақтау ережесін бұзудың – 27 дерегі анықталды.

«Браконьер»: Табиғатты қорғау заңнамалары бұзылған 190 дерек анықталды

<a href="https://kyzylorda-news.kz/">Kyzylorda-news.kz</a> Сенбі күні облыс әкімі Нұрлыбек Нәлібаев Қызылорда қаласындағы нысандарды аралады.Алдымен аймақ басшысы таяуда пайдалануға берілетін Өнер орталығына барды. Еске салсақ, 2022 жылдың қыркүйек айында Қызылордада 1000 келушіге арналған Өнер орталығының іргетасы қаланды. Құны 3,7 млрд. теңгені құрайтын екі қабатты ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізіледі.Аймақ басшысы жаңа ғимаратты аралап, &nbsp;дайындық жұмыстарын тиянақты жүргізуді тапсырды.Айта кетейік, өткен жылы көрермендерге концерттерді кәсіби әрі жанды дауыста ұсыну үшін симфония оркестрі құрылды. Ұжымның салтанатты тұсаукесер рәсімі жаңа орталықта өтеді.Ғимарат заманауи сәулет үлгісімен салынған, жаңа құрал-жабдықтармен қамтамасыз етілген. Мың адамға арналған мәжіліс залы, үйірме бөлмелері жұмыс істейді. Әсем ғимарат қаладағы көрікті нысандардың біріне айналып үлгерді. Алдағы уақытта жұртшылық жиі бас қосатын руханият ордасына, жас жеткіншектер бос уақытын тиімді өткізетін орынға айналады. Әрі қарай Нұрлыбек Машбекұлы «Арай-Sunrise» балалар демалыс лагерінің жұмысымен танысты. Демалыс орны 1997 жылы құрылған. Мұнда жаз мезгілінде мыңға жуық жасөспірім демалады. Балалар демалыс уақытын тиімді өткізуі үшін 20 шақты үйірме, спорттық және танымдық іс-шаралар, түрлі қызықтарға толы күн тәртібі бекітілген. Облыс әкімі мамандармен бірге нысанның дайындығын пысықтады.<img src="https://knadmin.beoblood.kz/uploads/FB_IMG_1708790599204_f1666579c6.jpg" alt="FB_IMG_1708790599204.jpg"><img src="https://knadmin.beoblood.kz/uploads/FB_IMG_1708790602785_33cca956a8.jpg" alt="FB_IMG_1708790602785.jpg"><img src="https://knadmin.beoblood.kz/uploads/FB_IMG_1708790619324_68de12c82e.jpg" alt="FB_IMG_1708790619324.jpg"><img src="https://knadmin.beoblood.kz/uploads/FB_IMG_1708790615702_23511fe3f4.jpg" alt="FB_IMG_1708790615702.jpg"><img src="https://knadmin.beoblood.kz/uploads/FB_IMG_1708790605180_4e77cd909b.jpg" alt="FB_IMG_1708790605180.jpg"><img src="https://knadmin.beoblood.kz/uploads/FB_IMG_1708790611294_2f5628568a.jpg" alt="FB_IMG_1708790611294.jpg">

Нұрлыбек Нәлібаев Қызылорда қаласындағы нысандарды аралады

<a href="https://kyzylorda-news.kz/">Kyzylorda-news.kz</a>&nbsp; Қаланың бас полицейі гарнизондық жиында 7 жастағы Ерденді марапаттады, деп хабарлайды <a href="http://degdar-news.kz/2024/02/24/zheti-zhasar-erzh-rek/">Degdar-news</a>.Қызылордалық полицейлер өзінің азаматтық ұстанымын танытып, қылмыскерді құрықтауға көмектескен 7 жастағы Ерден Бағдатұлын басқарма бастығы Қасанов Айдар марапаттады. ​Ол 9 ақпан күні аса ауыр қылмысқа, яғни өзінің жасөспірім бала екендігіне қарамастан, болған оқиғаны толығымен полиция қызметкерлеріне жеткізіп, қылмыстың ашылуына септігін тигізгені үшін Алғыс хатпен және бағалы сыйлықпен марапатталды. ​Жеке құрамның қатысуымен өткізіліп жатқан гарнизондық жиын барысында 7 жастағы Ерден Бағдатұлына қошемет көрсетіліп, осындай болашақ елінің нағыз патриотын тәрбиелеп өсіріп отырған ата-анасына да алғыс айтылды.

Қылмыскерді ұстауға көмектескен 7 жасар бала марапатталды

<a href="https://kyzylorda-news.kz/">Kyzylorda-news.kz</a>&nbsp; 23 ақпан елордада "Қайырымдылық керуені" байқауының жеңімпаздары марапатталды. Үміткерлер арасында блогер Ырысбала Икрамбай да бар. Алайда ол ұйымдастырушылардың әрекетіне көңілі толмай, сыйлықтарын алмай қойған. Бұл туралы <a href="https://stan.kz/akimaktin-isi-bloger-irisbala-ikrambay-nazarbaev-korini-395994/">Stan.kz</a> ақпарат агенттігі блогердің <a href="https://www.instagram.com/p/C3sTF3SNjH7/">Instagram</a> парақшасына сілтеме жасап хабарлайды.Блогер Ырысбала Икрамдайдың айтуынша, Астанада өткен Назарбаев қорының "Қайырымдылық керуені" алтыншы рет өтіп жатыр екен. Қордың марапатына блогерді Шымкент қаласының әкімдігі ұсыныпты.<blockquote>"Астанадағылар мен секілді қайырымдылықпен айналысып жүргендерді іріктеген. Әрбір өңірден келген жұмыстармен танысқан. Мен республикалық деңгейге өтіппін. Сосын мені марапаттау рәсіміне шақырды. Таңертең репетиция болады. Алтыншы рет өтсе де, соны ұйымдастырушылардың қай жерлерімен ойланатынын түсінбедім. Атқарылған қайырымдылыққа бірінші, екінші, үшінші орындар тағайындаған. Сонда қайырымдылық адамның берген орынымен бағалана ма? Қайырымдылық деген ең бірінші Алланың разылығы үшін жасалады", – деді Ырысбала Икрамбай.</blockquote>Ол қайырымды жан мұндай ізгі-ниет іс-шарасын ешкімнен ештеңе күтпей істейтінін, ақкөңілмен жасайтынын еске салып өтті. Бірақ Нұрсұлтан Назарбаев қоры мен "Қайырымдылық керуені" ұйымдастырушыларының әрекеті блогердің көңілін қалдырған.<blockquote>"Сіздер оны қалай орынмен бөлесіздер? Менің істеп жатқан қайырымдылық жұмыстарымды "Мейірім жолында" деген номинацияның үшінші орынына лайық деп таныдық деп тұр. Өзі 7 номинация бар екен. Сендер қайырымдылыққа орын беретін кімсіңдер? Бұл не деген ақымақтық? Ол баста орын беретінін білмеппін. Әйтпесе, мұндай ақымақ істеріне барып, үлесімді қоспайтын едім. Маған орынды да, бағаны да беретін – халық. "Ақымақ бас екі аяқтың соры" деп Астанаға дейін келдім. Үшінші орын үшін беріп жатқан сертификат, қола медалі бар екен, итке сүйек лақтыратындай үлестіретін сыйлықтары маған керек емес. Үшінші орынды алып, өз құнымды түсірмеймін. Сендер үшін қайырымдылық істеп жатқан жоқпын деп, есікті тарс жауып кетім қалдым", – деп жазды блогер.</blockquote>Ол жай мотивация үшін алғыс хат берсе риза болатынын жеткізді. Себебі қайырымдылық істі орындарға бөлгені жүйкесіне тиіпті.Фото: irisbala_ikrambai_official Instagram парақшасынан

"Ақымақтың ісі": Блогер Ырысбала Икрамбай Назарбаев қорының марапатынан бас тартты

<a href="https://kyzylorda-news.kz/">Kyzylorda-news.kz</a>&nbsp; Алматыда 23 ақпанында Медеу биік таулы сел бөгетінде биіктен құлаған ер адамның денесі табылды. Ол 19 жастағы Сержан Жәкежан болып шықты, деп хабарлайды <a href="https://kaz.zakon.kz/okiga/6039043-medeude-denes-tabylan-er-adamny-km-eken-belgl-boldy.html">Zakon.kz</a>."Лидер" еріктілер қозғалысының айтуынша, өлімнің себебін тергеу анықтап, жария етілмейді.Бұған дейін полицейлер биік таудағы селден қорғайтын Медеу бөгетінде не болғанын түсіндірді.<blockquote>"Зорлық-зомбылық белгілері жоқ жас жігіттің мәйітін табу фактісі бойынша тергеу басталды. Алдын ала мәлімет бойынша, ол биіктен құлаған", - деп хабарлады Zakon.kz тілшісіне Алматы полиция департаментінің баспасөз қызметі.</blockquote>Ведомство да мән-жай анықталып жатқанын атап өтті.

Медеуде денесі табылған ер адамның кім екені белгілі болды

<a href="https://kyzylorda-news.kz/">Kyzylorda-news.kz</a>&nbsp; Цифрлық даму министрлігі ұялы байланыс операторларына уақыт белдеуінің өзгеруі туралы мәлімдеді, деп хабарлайды <a href="https://kaz.zakon.kz/kogam-tynysy/6039024-tsifrly-damu-ministrlg-saat-beldeun-zgerune-baylanysty-azastandytara-mayzdy-ndeu-zhasady.html">Zakon.kz</a>.2024 жылғы 29 ақпаннан 1 наурызға қараған түні Қазақстан Маңғыстау, Атырау, Батыс Қазақстан, Ақтөбе және Қызылорда облыстарынан басқа барлық аймақтар бірыңғай уақыт белдеуіне көшеді.Осы іс-шараны жүзеге асыру мақсатында келесі шаралар қабылданды: 1) IANA (Интернет мекенжай кеңістігінің әкімшілігі), ХЭБО, РСС, ICANN, IETF, IESG сынды халықаралық ұйымдарға Қазақстанның бірыңғай 5-ші уақыт белдеуіне көшуі, сондай-ақ Қазақстан үшін уақыт белдеулерінің (time zone database) жалпыға қолжетімді дерекқорындағы деректерді жаңарту қажеттілігі туралы ресми хабарланды.Осыған байланысты абоненттер шығарылған жаңартуларды Android және IOS сияқты халықаралық операциялық жүйелермен жаңартуы қажет. 2) Цифрлық даму министрінің тапсырмасына сәйкес, байланыс операторлары:өздерінің ақпараттық жүйелерінің қажетті өлшемдерін дайындау бойынша ұйымдастырушылық-техникалық іс-шараларын өткізеді; ұялы байланыс операторларының қысқа мәтіндік хабарламаларды жіберуін, сондай-ақ интернет-ресурста және мобильді қосымшада (бар болған жағдайда) хабарлауды қоса алғанда, қызмет көрсету арналары арқылы өз абоненттері мен пайдаланушыларына жүргізіліп жатқан жұмыстар туралы алдын ала хабарлау бойынша шараларды жүзеге асырады; Интернетті қоса алғанда, ұсынылатын байланыс сервистері мен қызметтерінің тұрақтылығын сақтау, сондай-ақ тарифтің ай сайынғы төлемін екі есе есептеу жағдайларын болдырмау мақсатында техникалық инфрақұрылымды дайындайды.<blockquote>"Толығырақ ақпарат алу үшін байланыс операторларына хабарласуға болады" - делінген&nbsp; ЦДИАӨМ баспасөз қызметінің хабарламасында.</blockquote>Фото: freepik

Цифрлық даму министрлігі сағат белдеуінің өзгеруіне байланысты қазақстандықтарға маңызды үндеу жасады

<a href="https://kyzylorda-news.kz/">Kyzylorda-news.kz</a>&nbsp; Бишімбаевтың ісі бойынша зардап шеккен тараптың адвокаты Жанна Оразбақова экс-министрдің қорғаушысының сөздерін жоққа шығарды. Бұл туралы <a href="https://stan.kz/">Stan.kz</a> ақпарат агенттігі хабарлайды. Осыған дейін экс-министр Қуандық Бишімбаевтың адвокаты оның әйелін өлтіргені үшін кінәсін мойындамайтынын мәлімдеді. Адвокаттың дерегінше, Салтанат Нүкенова субдуральды гематомадан қайтыс болған. Ал олардың арасында ешқандай жанжал болмаған.Жанна Оразбақова желіде жазба қалдырып, іске қатысты жаңа деректерді бөлісті. Ол Бишімбаевтың адвокатының сөздерін жоққа шығарды.<blockquote>"Екі күн үнсіз қалдым. Жалпы қаңтар айының ортасынан бастап, іс материалдарын алған сәттен бастап Салтанаттың ағасы Айтбек екеуміз сот отырысына дайындалдық. Іс бойынша ешбір қосымша ақпаратты жария етпедік. Ең бастысы, этикалық себептермен сотқа дейінгі тергеп-тексеру басталған сәттен қылмыстық іс материалдарымен танысқаннан кейін біз алған жарақаттың сипаты мен ауырлығын атамадық, фотолар мен бейнежазбаларды жарияламадық. Ең алдымен, Салтанаттың ата-анасының, әсіресе қызынан айырылып жатқан анасының көңіл-күйін ойладық. Кеше Салтанаттың інісі Айтбек Амангелді бейнежазбаның кадрларын, сондай-ақ сараптама қорытындысын жартылай жариялады. Ол шындықты көрсету үшін осылай жасауға мәжбүр болды”, – деп жазды Жанна Оразбақова.</blockquote>Адвокат бірнеше фактілер келітіріп, іс деректерін бөлісі. Оның сөзінше, Бишімбаевтан алты рет жауап алынған.<blockquote>“Ал енді фактілерге тоқталайық. Біріншіден, күдіктіден 6 рет жауап алынды. Жауап алу бойына іс материалдарында жауап алу хаттамалары бар. Айғақ беру немесе бермеу – &nbsp;күдіктінің конституциялық ҚҰҚЫҒЫ. Іс бойынша екі сот-медициналық сараптама жасалды. Екінші (қосымша) сараптама екі тараптың өтініші бойынша жүргізілді. Күдіктінің қорғауындағы барлық сұрақ қамтылды”, – деп жазды адвокат.</blockquote>Мәйітке салынған ауыр жарақаттардың нақты фотолары бар екенін айтты адвокат.<blockquote>"Сағат 21.40-та мәйіт тексерілген. Нәтижесінде сарапшылар өлім белгілі болғанға дейін кемінде 6-8 сағат бұрын тіркелгенін айтады. Сағат 19:55-те жедел жәрдемге қоңырау күдіктіден емес, оның ағасынан түскен. Яғни, ол бірнеше сағат бұрын жан тапсырған. Оның көз жұмғанын байқамау мүмкін емес. Оқиға орнын тексеру актісіне Салтанаттың "Бау" мейрамханасының еденінде жатқаны түсірілген фотолар қоса беріледі. Суретте ауыр дене жарақаттары нақты көрсетілген. Оның тек көзі көгерген деп атау қиын”, – дейді Оразбақова.</blockquote>Сонымен қатар Жанна Оразбақова Нүкенова алған бірқатар жарақаттарды атап, Гүлбану Әбенованың сөзі “сандырақ” екенін айтты.<blockquote>"Мәйітті мамандар сараптамаға дейін және кейін суретке түсірді. Фотолардан барлық дене жарақаттарын көруге болады. Сарапшылар мәйітке қосымша дене жарақатын сала алмайды. Не себепті ерекше қатігездікпен кісі өлтіру бабы қозғалды? Өйткені Салтанаттың денесінде көптеген жарақат бар. Мәселен тұншығу белгілері, мұрынның сынуы, жаралары болған. Істе екі бет қағазда нақты қандай жарақаттар алғаны жазылған. Ішкі жарақаттарын есептемегеннің өзінде, осыншалық қатігездік жасалған. Адам биіктен құлау кезінде мұндай жарақат алмайды. Гүлбану Әбенова алкогольдty мас болғанын және жарақаттың биіктіктен құлап қалғанын айтады. Бұл – толығымен оның қиялы. Бұл – қатты заттың әсерінен болатын жарақаттар”, – дейді Оразбақова.</blockquote>Барлық сараптама жасалып, нәтижелері белгілі болған.<blockquote>"Журналист те сұрақты дұрыс қоймаған. Сотқа дейінгі тергеп-тексеру шеңберінде сот-психологиялық-психиатриялық сараптама жүргізілді, нақты қорытындылар келді, ешқандай аффект болған жоқ”, – дейді адвокат.</blockquote>

"Ешқандай жанжал болмаған":  Бишімбаевтың адвокатының сөздерін жоққа шығарды

<a href="https://kyzylorda-news.kz/">Kyzylorda-news.kz</a>&nbsp; Облыс әкімдігінің қолдауымен &nbsp;Қызылорда облысының мемлекеттік сатып алу басқармасы және Электронды коммерция орталығының ұйымдастыруымен «Қазақстан Республикасындағы мемлекеттік сатып алулар» тақырыбында облыстық семинар өтті.Семинардың негізгі мақсаты мен мемлекеттік сатып алу саласында облыста атқарылып жатқан жұмыстар жөнінде басқарма басшысы Бауыржан Шаменов хабарлама жасады.Сонымен бірге, семинардың бағдарламасына сәйкес Астана қаласынан электронды дүкен - «Omarket.kz» жобасының жетекшісі Айжан Мұратқазықызы және арнайы сарапшы мамандар қолданыстағы мемлекеттік сатып алу заңдылығына енгізілген соңғы өзгерістер мен мемлекеттік сатып алуды өткізудің барлық рәсімдері түсіндіріліп, мемлекеттік сатып алу веб-порталы мен электронды дүкен функционалында орын алған өзгерістер мен толықтырулар бойынша түсіндірме жұмыстарын ұйымдастырды. Қорытындысы бойынша семинарға қатысушы - облыстық басқармалар мен қала және аудан әкімдіктерінің және оларға бағынысты мекемелердің мемлекеттік сатып алуға жауапты 230 астам мамандарына сертификаттар табыс етілді.<img src="https://knadmin.beoblood.kz/uploads/FB_IMG_1708745304972_03e2f9a7a8.jpg" alt="FB_IMG_1708745304972.jpg"><img src="https://knadmin.beoblood.kz/uploads/FB_IMG_1708745290755_57f74e33c3.jpg" alt="FB_IMG_1708745290755.jpg">

«Қазақстан Республикасындағы мемлекеттік сатып алулар» тақырыбында облыстық семинар өтті

<a href="https://kyzylorda-news.kz/">Kyzylorda-news.kz</a>. Оқу-ағарту министрі Ғани Бейсембаевтің Шымкентке жұмыс сапары барысында қала әкімі Ғабит Сыздықбековтің, сондай-ақ мектеп директорларының, білім бөлімі мен басқармасы басшыларының қатысуымен білім беру саласындағы өзекті мәселелерге арналған кеңес өтті, деп хабарлайды министрліктің баспасөз қызметі.PISA жаһандық зерттеу және МОДО ішкі бағалау жүйесінің қорытындысы бойынша Шымкент қаласындағы мектептердің нәтижелеріне қатысты сұрақ көп. Тежеуші факторларды анықтау үшін Оқу-ағарту министрлігі сегіз негізгі бағыт бойынша білім беру ұйымдарының қызметіне кешенді талдау және бағалау жүргізді. Бұл кадрлық құрам, білім алушылар контингенті, құрылтай және құқық белгілейтін құжаттардың болуы, Оқу процесі, тәрбие жұмысы, оқу-материалдық активтер, білім алушыларға жағдай жасау және қауіпсіздікті қамтамасыз ету.<blockquote>«Министрлік білім беру сапасын арттыруға және сыбайлас жемқорлық тәуекелдерін жоюға бағытталған бірқатар ірі жобаларды іске асырды. Біздің ортақ мақсатымыз – балаларға сапалы білім мен саналы тәрбие беру. Ол үшін жалпыадамзаттық және ұлттық құндылықтарға негізделген дұрыс бағдарларды анықтау қажет. Тексеру нәтижелері бойынша білім басқармасы түбегейлі шаралар қабылдауы қажет», - деді Ғани Бейсембаев.</blockquote><img src="https://knadmin.beoblood.kz/uploads/356b57afa4dc9cc58d94c70f197779be_1280x720_f7eef6025a.jpeg" alt="356b57afa4dc9cc58d94c70f197779be_1280x720.jpeg">Естеріңізге сала кетейік, білім беру саласындағы өзекті мәселелерді жүйелі түрде шешу үшін министрлік өткен жылдан бастап еліміздің барлық өңірлерінде білім беру аудитін қайта бастады. Алғашқы талдау нәтижелері бойынша ұсыныстар берілді. Сонымен қатар, өткен жылдың сәуір айында сыбайлас жемқорлыққа қарсы іс-қимыл агенттігімен бірлесіп білім беру саласындағы бюджет қаражатын жоспарлау және игеру мәселелері бойынша сыбайлас жемқорлық тәуекелдеріне сыртқы талдау жүргізілді. Оның қорытындысы бойынша сыбайлас жемқорлық тәуекелдерін жоюға бағытталған тетіктерді әзірлеу жөніндегі кешенді жоспар іске асырылуда.

PISA: Мектептердің нәтижелеріне қатысты сұрақ көп

&nbsp;<a href="https://kyzylorda-news.kz/">Kyzylorda-news.kz</a>.&nbsp; Ертең, яғни 24 ақпан күні Тасбөгет кентінің орталық алаңында «Байқоңыр» әлеуметтік-кәсіпкерлік корпорациясы» акционерлік қоғамының және оның серіктестерінің ұйымдастыруымен кезекті жәрмеңке өтеді.Жәрмеңкеде өңірлік тұрақтандыру қорынан алынған әлеуметтік маңызы бар азық-түліктер және корпорация серіктестерінің тауарлары төмен бағада сатылатын болады.Ертеңгі жәрмеңкеде ұсынылатын азық-түлік тауарларының бағасын төмендегі кестеден көре аласыздар.<img src="https://knadmin.beoblood.kz/uploads/2f4e2b86_4963_4ce9_af20_64e5858fcba8_cf18006293.jpg" alt="2f4e2b86-4963-4ce9-af20-64e5858fcba8.jpg"><img src="https://knadmin.beoblood.kz/uploads/c77e796f_453c_4f7d_af0c_392fcaba5157_1ac241901f.jpg" alt="c77e796f-453c-4f7d-af0c-392fcaba5157.jpg">&nbsp;

Тасбөгет кентінде жәрмеңке өтеді

&nbsp;<a href="https://kyzylorda-news.kz/">Kyzylorda-news.kz</a>.&nbsp; Еліміздің үшінші агломерациясындағы оқушы орындарының тапшылығын шешу үшін 2028 жылға дейін 50 340 оқушыға арналған 63 мектеп салу жоспарлануда. Бұл туралы Оқу-ағарту министрі Ғани Бейсембаевтың Шымкент қаласының тұрғындарымен кездесуінде мәлім болды.Білім басқармасының басшысы 2023 жылдың қорытындысы бойынша шамамен 20 мың оқушыға арналған 23 мектеп ашылғанын атап өтті. Бұл үш ауысымды оқыту мәселесін шешуге көмектесті. Қарқынды дамып келе жатқан демографияны ескере отырып, өңірде тағы да жаңа білім беру нысандарын іске қосу жоспарлануда. Оның ішінде «Жайлы мектеп» ұлттық жобасы бойынша 28000 оқушыға арналған 18 мектеп бар. Сонымен қатар 9 білім беру нысанында күрделі жөндеу жүргізілді, тағы 25-і 2025 жылға дейін жөнделеді.Мектепке дейінгі ұйымдарда орын тапшылығы мәселесі жоспарлы түрде шешілуде. Өткен жылы ғана 28 балабақша ашылып, мемлекеттік тапсырыс 3 мыңға жуық орынға ұлғайтылды. Нәтижесінде мектепке дейінгі оқыту мен тәрбиелеумен 2 жастан 6 жасқа дейінгі балалардың 95% қамтылды.Оқу-ағарту министрінің айтуынша, бұл шаралардың барлығы білім беру сапасын кешенді түрде арттыруға бағытталған.<blockquote>«Ағарту жүйесі еліміздің ең ірі салаларының бірі саналады. Оның үздіксіз сапалы дамуы - ведомствоның маңызды міндеті. Біз білім беру сапасын арттырудың бес негізгі бағытын белгіледік. Кадрлық әлеуетті күшейтуге ерекше көңіл бөлінеді. Өткен жылдан бастап Мемлекет басшысының тапсырмасы бойынша білім берудегі өзгерістердің көшбасшыларын іріктеу және даярлау жөніндегі бағдарлама іске асырылуда. Республикалық кадрлық резервке 208 үміткер кірді, олардың бірқатары мектеп директорлары лауазымына тағайындалды. Биыл тағы 3 мың үміткерді дайындау жоспарлануда», - деді Ғани Бейсембаев.</blockquote><img src="https://knadmin.beoblood.kz/uploads/ac097843aced91fcadb0aaca7228c15c_1280x720_1acd01db2c.jpg" alt="ac097843aced91fcadb0aaca7228c15c_1280x720.jpg">Одан әрі кездесу сұрақ-жауап форматында жалғасты. Барлық тілек білдірушілер ведомство басшысына өз сұрақтарын тікелей қоя алды. Олар балалардың қауіпсіздігі мен құқықтарын қорғауды қамтамасыз етуге, мектепке дейінгі, орта, техникалық және кәсіптік білім беруді дамытуға, инфрақұрылымды жақсартуға және т.б. қатысты болды.

Қазақстан және Қызылорда облысының жаңалықтары