<a href="https://kyzylorda-news.kz/">Kyzylorda-news.kz</a> Ақсуат ауылдық округінің әкімі Нұрболат Бақытов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Өткен жылы ауылдық округтің инфрақұрылымын дамыту мақсатында ұзындығы 22,5 шақырым болатын &nbsp;32 көшеге электр желісін тарту және 4 көшеде жол жөндеу жұмыстары басталған болатын. Биыл бұл жұмыстарды жалғастыруға тиісті қаржы бөлінді. Сондай-ақ, 18 көшеге жол құрылысын жүргізу және 4 көшені қайта жаңғырту &nbsp;жалғасуда. Ал, 1,22 шақырым болатын А.Арысбаев, Орманбаев, О.Жакенов көшелеріне түнгі жарық бағаналары орнатылды. 7 көшеге түнгі жарық бағаналарын орнату үшін тұрғын үй – коммуналдық шаруашылығы, жолаушылар көлігі және автомобиль жолдары бөлімі &nbsp;арқылы мемлекеттік сатып алу конкурсы жарияланды. Мұнан бөлек, ұлттық спортты дамыту мақсатында жер телімі белгіленді, &nbsp;- деді ауылдық округ әкімі Нұрболат Бақытұлы.&nbsp;</blockquote>Мемлекеттің шағын және орта кәсіпкерлікті қолдауының нәтижесінде ауылдық округ бойынша 602 кәсіпкерлік субъекті жұмыс істеуде. Кәсіпкерлікті дамытудың түрлі мемлекеттік бағдарламалары аясында ұсынылған 11 жоба мақұлданып, 281 млн. теңгеге қаржыландырылды. Оның ішінде 8 жоба «Ауыл аманаты» жобасы аясында 46 млн. теңгеге қаржыландырылды. Мұнан бөлек, 18 кәсіпкердің 28,3 млн. теңгені құрайтын 18 жобасы &nbsp;мемлекеттік қайтарымсыз грантқа ие болды.&nbsp;Қаржылай қолдауға ие болған жобалар қатарында ағаш шеберханасы, ара шаруашылығы, темір бұйымдар өндірісі мен массаж орталығы, жылыжай кешені, кондитерлік, шағын тігін цехы, құрылысқа қажетті пескоблок, бордюр, брусчатка өнімдерін шығару және автокөліктерді жөндеу сынды цехтар бар.

Ақсуатта ауқымды жұмыс атқарылуда

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру жүйесіне қатысты сұрақтарға жауап беруді жалғастырамыз. Жиі қойылатын сауалдарға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Мен МӘМС жарналарын мемлекет төлейтін азаматтардың жеңілдетілген санатындамын, бірақ жүйеде мәртебе берілмеген. Неліктен?Жеңілдік мәртебесі азаматтарды тиісті реестрлер мен базаларға енгізу негізінде беріледі. Мұның бәрі төлеушінің санатына байланысты. Мысалы, күндізгі бөлімде оқитын студенттерді Ұлттық білім беру базасына, ал жүкті әйелдер жүкті және фертильді жастағы әйелдер тізіліміне қосылуы керек. Егер пациенттің деректері тиісті базаларда болмаса және Қор мемлекеттік органдардың ақпараттық жүйелерінен мәлімет алмаса, онда олар жеңілдік санатына кіре алмайды. Мұндай жағдайда студенттер өздерінің оқу орнының деканатына жүгінуі тиіс, ал әйелдер жүктілік бойынша есепке тұруы керек.Қызым студент (Ресей Федерациясында күндізгі оқу түрі бойынша оқиды), бірақ тұрғылықты жері бойынша емханада тегін медициналық көмек ала алмайды. Неліктен?Егер сіздің балаңыз Қазақстан Республикасынан тыс жерде оқитын болса, онда ол шетелде оқитын студент ретінде тіркелуі керек. Шетелдік жоғары оқу орындарында оқитын студенттерге МӘМС жүйесінде сақтандыру мәртебесін алу үшін egov.kz порталында «Шетелде оқитын студенттерді тіркеу» тіркелу қажет.Өтінішті толтыру, оқуды растайтын құжаттарды қоса беру және ЭЦҚ-ға қол қою керек. Әр семестрден кейін сақтандырудың мәртебесін тексеріп, қажет болған жағдайда оны жаңарту қажет.Мен ай сайын МӘМС жарналарын төлеймін, остеопатия бойынша кеңес ала аламын ба?Остеопаттың кенесі ТМККК шеңберінде және МӘМС жүйесінде көрсетілетін медициналық қызметтер тізбесіне енгізілмеген. Алайда, «Кеуде қуысының деформациясы» диагнозын емдеу МӘМС пакетінде қарастырылған.Сіздің диагнозыңыз бойынша МӘМС жүйесі аясында физиотерапия, массаж, ортопедиялық травматологтың кеңесі және басқа да манипуляциялар сияқты бірқатар медициналық қызметтерді ала аласыз.Фото: freepik.com

Неліктен жеңілдікті санаттағы азаматқа «сақтандырылған» мәртебесі берілмеген?

<a href="https://kyzylorda-news.kz/">Kyzylorda-news.kz</a> &nbsp;Қыркүйекте жоспарланған iPhone 17 желісінің таныстырылымынан кейін Apple компаниясы iOS 26, iPadOS 26 және macOS Tahoe 26 жүйелерінің соңғы нұсқаларын шығаруды жоспарлап отыр, деп хабарлайды <a href="https://kaz.inform.kz/news/iphone-17-openai-din-miimen-shigui-mumkn-apple-gpt-5-arkili-tehnologiyalik-serpls-zhasamak-c61fc0/">Қазақпарат</a> <a href="https://azertag.az/ru/xeber/iphone_17_vyidet_s_mozgom_ot_openai_apple_gotovit_tehnologicheskii_proryv_s_gpt_5-3696067">Азертаджға </a>сілтеме жасап.Бұл жаңартумен бірге Apple құрылғыларына OpenAI компаниясының ең жаңа GPT-5 нейрожүйесі Apple Intelligence қызметіне біріктіріліп енгізілуі мүмкін.Инсайдерлердің хабарлауынша, Apple GPT-5-ті ресурсты көп қажет ететін және жергілікті модельдер орындай алмайтын күрделі тапсырмаларды шешу үшін пайдаланбақ. Осылайша, компания GPT-4o моделінен бас тартып, Siri мен басқа да сервистердің мүмкіндіктерін айтарлықтай жақсартуды көздейді.АЗЕРТАДЖ шетелдік БАҚ-қа сілтеме жасай отырып хабарлағандай, қазіргі кезде Apple Intelligence шектеулі түрде GPT-4o моделін пайдаланып келеді. Бұл функцияны қосқан пайдаланушылар құжаттардың қысқаша мазмұнын жасау, мәтін жазу, Siri арқылы сұрақтарға жауап алу және камера көмегімен нысандарды тану сияқты әрекеттерді орындай алады.GPT-5 интеграциясы құпиялылықтың жоғары стандарттарын сақтай отырып жүзеге асырылады деп күтілуде. ChatGPT арқылы сұраныс жіберетін пайдаланушылардың IP-мекенжайлары жасырын болады, ал&nbsp;OpenAI бұл деректерді сақтамайды. Алайда OpenAI тіркелгісін Apple Intelligence жүйесімен байланыстыратын пайдаланушылар кеңейтілген мүмкіндіктерге қол жеткізеді, дегенмен бұл жағдайда OpenAI-дың деректерді өңдеу ережелері қолданылатын болады.OpenAI тек GPT-5 флагмандық моделін ғана емес, сонымен қатар ашық бастапқы кодтағы екі үлкен тілдік модельді де&nbsp;таныстырды. Олардың бірі Apple Silicon негізіндегі Mac құрылғыларына оңтайландырылған. Apple бұл модельдердің қолдауын ресми түрде растаған жоқ, бірақ бұл болашақта құрылғыларда жасанды интеллект автономды жұмыс істей алатынының белгісі болуы мүмкін.Қыркүйектегі жаңартудан кейін пайдаланушылар GPT-5 қана емес, сонымен бірге Apple Intelligence жүйесінің жаңа функцияларын да&nbsp;пайдалана алады. Мысалы, Live Translation FaceTime, Хабарламалар және қоңырау кезінде сөйлеуді нақты уақытта аудара алады. Visual Intelligence экрандағы контентті танып, әртүрлі қосымшаларда онымен әрекеттесуге мүмкіндік береді.GPT-5 моделін пайдалану үшін пайдаланушылар iPhone құрылғысына ChatGPT-ке қолжетімділікті қолмен берулері қажет болады.Еске сала кетейік, бұған дейін Apple компаниясы iPhone өндірісін Қытайдан Үндістанға шұғыл көшіріп жатқанын жазған едік. АҚШ президенті Дональд Трамптың ақпанда жариялаған «теңестірілген кеден салығы» бастамасынан кейін, Үндістаннан АҚШ-қа iPhone жеткізілімі айтарлықтай жылдамдаған.Фото: Азертадж

Apple GPT-5 арқылы технологиялық серпіліс жасамақ 

<a href="https://kyzylorda-news.kz/">Kyzylorda-news.kz</a> Ұлттық статистика бюросының алдын ала деректеріне сәйкес, 2025 жылдың қаңтар–шілде айларында Қазақстанның жалпы ішкі өнімі (ЖІӨ) былтырғы сәйкес кезеңмен салыстырғанда 6,3%-ға өскен.Тауар өндіру көлемі 8,3%-ға, қызметтер 5,2%-ға (бұл ретте ең қарқынды сегмент көлік пен сауда болып отыр), өнеркәсіп 6,9%-ға артты. ЖІӨ-нің өсуіне ең көп үлес қосқан салалар: көлік және қойма – 22,5%, құрылыс – 18,5%, көтерме және бөлшек сауда – 8,6%, тау-кен өнеркәсібі – 8,5%, өңдеу өнеркәсібі – 6,1%.<img src="https://knadmin.beoblood.kz/uploads/Zh_I_a5bb1f3c2c.jpeg" alt="ЖІӨ.jpeg">Көлік және қойма саласындағы қызмет көлемі теміржол, құбыр желілері және автомобиль көлігімен жүк тасымалы көлемінің жоғары болуына байланысты 22,5%-ға өсті.Құрылыс саласында жұмыс көлемі 18,5%-ға артты (2025 жылдың қаңтар–маусымындағы 18,4%-бен салыстырғанда). Түркістан облысында (+34,6%) мектептер, теміржол желілері және автожолдар құрылысы, Ақтөбе облысында (+25,6%) жайлы мектептер құрылысы мен жолдарды реконструкциялау, Жамбыл облысында (+13,1%) және Шығыс Қазақстан облысында (+5,9%) тұрғын үйлер, медициналық нысандар және электр желілерін салу жобаларын жүзеге асыруға байланысты жоғары өсім тіркеліп отыр.<img src="https://knadmin.beoblood.kz/uploads/Zh_I_2_c6e062b5e8.jpeg" alt="ЖІӨ 2.jpeg">Сауда 8,6%-ға өсті (2025 жылдың қаңтар–маусымында 8,4%). Есепті кезеңде көтерме сауда 9,5%-ға өсіп, жалпы өсімнің 66%-дан астамын қамтыды, бөлшек сауда 6,6%-ға артты. Айтарлықтай динамика Қостанай облысында (+17,6%), Солтүстік Қазақстан облысында (+12%) және Астанада (+9,2%) байқалды, мұнда астық, агрохимия, азық-түлік, отын, фармацевтика өнімдерін және техника сату көрсеткіштері қарқынды түрде өсіп келеді.<img src="https://knadmin.beoblood.kz/uploads/Zh_I_3_42fb3e2348.jpeg" alt="ЖІӨ 3.jpeg">Өнеркәсіп өндірісіндегі өсім – 6,9%. Еліміздің барлық өңірінде өсім байқалды, бірақ динамика бойынша көшбасшылар – Жамбыл облысы (+18,2%), Солтүстік Қазақстан облысы (+14,9%), Шымкент (+15,8%) және Алматы (+13,5%), сондай-ақ Түркістан облысы (+12,3%).Өңдеу өнеркәсібіндегі өсімді (6,1%) машина жасау (+14%), азық-түлік (+9,2%), мұнай өнімдері (+8,6%), химия өнеркәсібі (+6%) және металлургия (+1,3%) көрсетіп отыр.<img src="https://knadmin.beoblood.kz/uploads/Zh_I_4_e6b99e6ad6.jpeg" alt="ЖІӨ 4.jpeg">Ауыл, орман және балық шаруашылықтарындағы өндіріс көлемі 3,7% деңгейінде сақталды. Мал шаруашылығындағы өсім сүт (+6,1%), мал, құс бордақылау (+2,1%) және жұмыртқа (+0,9%) есебінен 3,4%-ға жетті.&nbsp; Үкімет экономикадағы негізгі салаларды қолдауға, оны әртараптандыруға және инвестициялық белсенділікті ынталандыруға ерекше назар аудара отырып, экономиканың тұрақты өсімін қамтамасыз ету жөніндегі Президенттің тапсырмаларын жүзеге асыру барысын бақылауда ұстап отыр.&nbsp;<img src="https://knadmin.beoblood.kz/uploads/Zh_I_7a3de9aef0.jpeg" alt="ЖІӨ.jpeg">Фото: freepik.com

2025 жылдың 7 айында Қазақстанның ЖІӨ өсімі 6,3% болды

<a href="https://kyzylorda-news.kz/">Kyzylorda-news.kz</a> Қызылорда облыстық көпбейінді ауруханасында бір күнде екі науқасқа бүйрек трансплантациясы жасалды. Бұл туралы <a href="https://kaz.inform.kz/news/kizilordada-egzder-br-brne-buyregn-berd-fbdb15/">Қазақпарат</a> хабарлады облыстық аурухананың баспасөз қызметі сілтеме жасап.Бірінші науқас – 1979 жылы туған әйелге өзінен үш жас үлкен туған ағасы донор болды. Екінші трансплантация 1978 жылы туған ер адамға жасалды.<blockquote>– Науқасқа егіздің сыңары, ағасы бүйрегін берді. Отаны аурухана бас дәрігерінің орынбасары, PhD Ербол Серікұлы А.Сызғанов атындағы ұлттық ғылыми хирургия орталығының бөлімше меңгерушісі Ислам Мададовтың командасымен бірге жасады. Операция сәтті өтті. Науқастардың жағдайы орташа, тиесілі ем қабылдап жатыр, - делінген хабарламада.&nbsp;</blockquote>Былтыр ауруханада бүйрекке 6 трансплантация жасалды. Биыл дәрігерлер бірінші рет бауыр ауыстырды.&nbsp;Жақында осы ауруханада ашық жүрекке сирек кездесетін ота жасалды.&nbsp;Фото: Қызылорда облыстық көпбейінді ауруханасы

Қызылордада егіздер бір-біріне бүйрегін берді  

<a href="https://kyzylorda-news.kz/">Kyzylorda-news.kz</a> Бүгін сағат 10:00-де Үкімет үйінде Үкімет отырысы өтеді. Күн тәртібіне жаңа оқу жылының басталуына дайындық мәселесі шығарылып отыр, – деп хабарлайды <a href="https://kaz.inform.kz/news/ukmet-zhana-oku-zhilina-dayindik-maselesn-pisiktaydi-c76653/">Қазақпарат.</a>Отырыс қорытындысы бойынша өтетін баспасөз конференциясында:<ul><li style="text-align:justify;">- Оқу-ағарту министрі Ғани Бейсембаев,</li><li style="text-align:justify;">- Ғылым және жоғары білім министрі Саясат Нұрбек БАҚ өкілдері тарапынан туындайтын сауалдарға жауап береді.</li></ul>Айта кетейік, 2025–2026 оқу жылында шамамен 300 мың оқушы орнына арналған 200-ден астам жаңа мектеп ашу жоспарланған. Оның ішінде 206 мың орындық 112 мектеп «Келешек мектептері» ұлттық жобасы аясында салынады. Жобаларды іске асыру нәтижесінде 15 апатты мектеп жойылып, үш ауысымды оқыту тоқтатылады, шамамен 150 мың орын тапшылығы қысқарады, сондай-ақ ауыл мектептеріндегі оқу жағдайы қалалық стандарттарға жақындайды.Сонымен қатар 245 мектепте ауқымды жаңғырту жұмыстары басталды. Бұл жұмыстарға шатырды ауыстыру, қасбеттер мен терезелерді жаңарту, инженерлік желілерге күрделі жөндеу жүргізу, мектеп ауласын абаттандыру және көгалдандыру кіреді.Қосымша 1000 ауылдық мектепте жөндеу жұмыстары жүріп жатыр. Кітапханалар, асханалар, қауіпсіздік жүйелері жаңғыртылып, жиһаздар жаңартылуда. Химия, физика, биология, робототехника және STEM бағыттары бойынша 1000 заманауи пән кабинеті сатып алынды.Жаңа оқу жылының қарсаңында елімізде «Жалпыға бірдей білім беру» қоры аясында оқушыларды мектепке дайындау жұмыстары жүргізіліп жатыр. Биыл 500 мыңнан астам балаға қолдау көрсетілмек. Қор дәстүрлі түрде жетім, ата-ана қамқорлығынсыз қалған балаларға, аз қамтылған және атаулы әлеуметтік көмек алатын отбасы балаларына көмек береді. Сонымен қатар, өмірлік қиын жағдайға тап болған балалар да назардан тыс қалмайды.Көмек ата-аналардың есепшоттарына аударылады, бұл оларға мектеп формасын, аяқ киім және кеңсе тауарларын өздігінен таңдауға мүмкіндік береді. 2025 жылы бір балаға берілетін ең төменгі сома көлемі — 46 228 теңге.Естеріңізге сала кетсек, 5 тамызда өткен Үкімет отырысында сауда саласын цифрлық трансформациялау барысы мен даму болашағы және ана мен бала өлімін азайту бағытында қабылданып жатқан шаралар талқыға түскен еді.Бірінші мәселе бойынша баяндама жасаған Сауда және интеграция министрі Арман Шаққалиев отандық тауарлар саудасын ілгерілету мақсатында ұлттық тауарлар каталогі және электрондық тауарлар каталогі құрылатынын айтты.- «Сауданың цифрлық айна» моделі өндірушіден тұтынушыға дейінгі тауар қозғалысының толық цифрландырды. Бұл модель тауардың код беру мен әкелуден бастап дүкендегі сатылым мен тұтынушыға жеткізілуіне дейінгі барлық кезеңді тіркеп отырады. Осылайша біз тауардың тұтас циклін қамтитын толық цифрлық экожүйені құрамыз, - деді ол.Сондай-ақ министр пилоттық жоба аясында атаулы әлеуметтік көмек алушыларға азық-түлік ваучері берілетінін, жаңа сату және сауда жасау платформасы іске қосылатынын айтқан болатын.Көтерілген мәселені қорытындылаған Премьер-министр Олжас Бектенов орталық және жергілікті атқарушы органдарға мынадай тапсырмалар берді:1. Сауда, Қаржы министрліктері мүдделі мемлекеттік органдармен бірлесіп, осы жылдың 1 қазанына қарай тауарлар, жұмыстар мен көрсетілетін қызметтердің жалпы жіктеуіші жүйесінде тауарлық топтарды бөлуді аяқтауы тиіс.2. Ведомстволық ақпараттық жүйелердің Тауарлардың ұлттық каталогімен сапалы интеграциясын қамтамасыз ету үшін нормативтік құқықтық актілерге талдау жүргізіп, оларды жаңарту қажет. Осыған байланысты Қаржы министрлігі мүдделі мемлекеттік органдармен бірлесіп, тиісті жұмыс жүргізуі керек.3. Әлеуметтік маңызы бар тауарларға белгіленетін сауда үстемелерін бақылауды күшейту мақсатында Сауда министрлігі осы жылдың 1 қазанына дейін Көкшетау және Павлодар қалаларында цифрлық азық-түлік ваучерлерінің пилоттық жобасын іске қосуы қажет.Ал отырыстың күн тәртібіндегі екінші мәселе бойынша сөз алған Денсаулық сақтау министрі Ақмарал Әлназарова елімізде 2030 жылға дейін ана мен бала денсаулығын сақтау қызметін дамыту жоспары бекітілгенін, ана мен бала денсаулығы бойынша Орнықты даму мақсаттарының индикаторларына қол жеткізілгенін айтты.– Дүниежүзілік денсаулық сақтау ұйымы мен ЮНИСЕФ-тің перинаталдық көмекті өңірлендіру және ана қауіпсіздігі қағидаттарының тиімді технологиялары бойынша ұсынымдарын енгізу арқылы 2024 жылы ана өлімінің көрсеткіші 12%-ға, нәресте өлімінің көрсеткіші 11%-ға төмендеген. Ал биылғы 6 айда ана өлімінің көрсеткіші 10%-ға, нәресте өлімі көрсеткіші 26%-ға төмендеді, – деді министр.Осы орайда Үкімет басшысы Олжас Бектенов биылғы 1 қарашаға дейін заманауи перинаталдық орталықтардың құрылысына қатысты барлық қажетті құжаттаманы дайындауды аяқтап, Шымкент пен Қарағандыда осындай орталықтардың құрылысын бастау қажеттігін айтты.- Әйелдерді жүктілікке дайындауға, ауруларды уақтылы диагностикалау мен сауықтыруға бағытталған «Аналар саулығы» бағдарламасын сапалы әрі барлық өңірде толыққанды іске асыру керек. Елдің орталығынан ең шалғайдағы ауылдарға дейін барлық тұрғындардың сапалы әрі қолжетімді медициналық көмек алуын қамтамасыз ету қажет. Аталған жұмыстардың барлығында орталық және жергілікті деңгейдегі мемлекеттік органдардың іс-қимылын үйлестірген жөн, - деді Премьер-Министр.Мұнан бөлек, Олжас Бектенов Денсаулық сақтау министрлігі мен облыс әкімдіктеріне мынадай тапсырмалар берді:<ul><li style="text-align:justify;">Денсаулық сақтау министрлігі әкімдіктермен бірлесіп, қолданыстағы және жаңадан іске қосылатын денсаулық сақтау объектілерін медициналық мамандармен жасақтау жөнінде түбегейлі шаралар қабылдауы керек;</li><li style="text-align:justify;">Жыл сайын кадр тапшылығын азайту қажет. Бұл көрсеткіш Денсаулық сақтауды дамытудың 2030 жылға дейінгі жаңа тұжырымдамасында көрініс табуы тиіс.</li><li style="text-align:justify;">Өңір әкімдіктері босандыру және балалар ұйымдарының инфрақұрылымын жақсарту, сондай-ақ материалдық-техникалық базасын нығайту жөнінде нақты шаралар қабылдауы қажет. Барлық өңірде ауылдық жерлерге жұмыс істеуге келетін жас дәрігерлерге көтерме қаражаттың бөлінуін қамтамасыз ету маңызды.</li><li style="text-align:justify;">Денсаулық сақтау министрлігі, ұлттық ғылыми орталықтар диагностика мен емдеу сапасын жақсарту үшін өңірлік медициналық ұйымдарға жаңа технологиялар трансфертін тұрақты негізде қамтамасыз етуге тиіс.</li><li style="text-align:justify;">Үкімет отырысының тікелей таратылымы PrimeMinister.kz сайтында, YouTube ресми арнасында, Facebook әлеуметтік желісінде, сондай-ақ UKIMET Telegram-каналында көрсетіледі. Ал баспасөз конференциясының тікелей таратылымы YouTube ресми арнасында және Facebook әлеуметтік желісінде жүреді.</li></ul>Фото: Нұрболат Нұржаубай

Үкімет жаңа оқу жылына дайындық мәселесін пысықтайды

<a href="https://kyzylorda-news.kz/">Kyzylorda-news.kz</a> &nbsp;12 тамыз – Халықаралық жастар күніне орай, «Qyzylorda Jastar Fest» мерекелік гала-концерті өтті.Мерекелік кеш шығыс жастарының жалынды жетекшісі болған Ғани Мұратбаев ескерткішіне тағзым гүлін қою рәсімімен бастау алды.&nbsp;Әрі қарай шара спорттық сайыстарға ұласып, &nbsp;концерттік бағдарлама аясында аймақтың үздік әншілері, би топтары көрерменге көтеріңкі көңіл-күй сыйлады.Жастар арасында түрлі байқаулар мен заманауи би сайысының жеңімпаздары, жас таланттар және жастар саясатының дамуына үлес қосқан белсенділер қала әкімінің арнайы алғыс хаттарымен марапатталды.

«QYZYLORDA JASTAR FEST» мерекелік гала-концерті өтті

<a href="https://kyzylorda-news.kz/">Kyzylorda-news.kz</a> 1 тамыз - 20 қазан аралығында Қазақстанда Ұлттық ауыл шаруашылығы санағы өтеді. Бұл кең ауқымды статистикалық бақылау елдің барлық өңірін қамтып, аграрлық сектордың жай-күйі туралы өзекті ақпараттың маңызды көзіне айналуда. Санақ онлайн және офлайн кезеңдерге бөлінеді.Санақтың онлайн кезеңі 1-31 тамыз аралығында sanaq.gov.kz сайтында онлайн-сауалнама арқылы жүргізіледі. Бүгінде аймағымыздағы ауыл шаруашылығы саласымен айналысатын шаруашылық құрылымдары аталған сайт сауалнамадан өтуде. Санақ жұмыстарын ҚР Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаменті басшысының орынбасары Айбек Әбілдаев саралап берді.&nbsp;<blockquote>- Бұл санақ еліміздің ауыл шаруашылығы саласы бойынша мәліметтерді жинап, талдап, аграрлық саясатты тиімді жүргізуге негіз болатын маңызды статистикалық зерттеу болып табылады. Ауыл шаруашылығы саласымен айналысатын барлық заңды тұлғалар, шаруа-фермер қожалықтары мен үй шаруашылықтары sanaq.gov.kz сайтына электронды цифрлық қолтаңба арқылы кіріп,санақ парақтарын көрсетілген сауалдарға шынайы жауап беруі тиіс. Бұл әдіс өте ыңғайлы, сонымен қатар деректерді жинаудың тиімділігі мен сапасын арттыруға мүмкіндік береді. Сайтқа кірген сәтте респонденттер жүйеге тіркеліп, электрондық цифрлық қолтаңба, QR-код немесе СМС хабарлама арқылы авторизациядан өтеді. Сауалнама парағына кірген кезде кейбір жолдарда мемлекеттік органдардың деректер базасында бар көрсеткіштер көрсетіледі. Осы жерде әрбір респондент ескеретін мәселе көрсетілген көрсеткіштерді сол күйі қалдыра алады немесе оларды өзгеріс енгізе алады. Егер респонденттің сауалнама парағын толтыру кезінде қандай да сұрақтары туындаса, аталған сайтта арнайы әзірленген жасанды интеллект арқылы жауап беретін sanaq-Myrza виртуалды көмекшісі көмек бере алады. Сондай-ақ 1446 нөмірі бойынша бюроның байланыс орталығына хабарласуға болады. Санақ жүргізу үшін біз облыс бойынша жұмыссыз азаматтар мен студенттер қатарынан, сондай-ақ барлық ниет білдірген азамат санатынан 192-ден астам азаматты интервьюер ретінде жұмысқа тартуды жоспарлап отырмыз,- деді &nbsp;Айбек Жантөреұлы.</blockquote>Айта кетейік санақтың екінші кезеңі 20 қыркүйек пен 20 қазан аралығында өтеді.Фото: Қызылорда облысының өңірлік коммуникациялар қызметі

Аграрлық саясатты тиімді жүргізудің маңызды қадамы

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өңірдің құрылыс нысандарындағы жұмыс барысы сараланған жиналыс өтті. Оған облыстық мәслихаттың төрағасы Мұрат Тілеуімбетов, қала әкімі, жауапты сала мен құрылыс мекемелерінің басшылары қатысты.Аймақ басшысы бірінші кезекте құрылыс сапасын қатаң бақылауда ұстап, &nbsp;нысандарды уақытылы пайдалануға беру керектігін айтты.<blockquote>«Жаңадан пайдалануға берілетін нысандардың өңіріміз үшін маңызы зор. «Жайлы мектеп» ұлттық жобасы аясындағы мектептердің, 11 мың орындық жаңа стадион мен тұрғын үйлердің сапасына, мерзіміне қатысты ешқандай мәселе туындамауы тиіс. Құрал-жабдықтары, жан-жағының абаттандырылуы толық дайын болуы керек», -деді Н.Нәлібаев</blockquote>«Жайлы мектеп» ұлттық жобасы аясында облысымызда 2023 жылдан бері 6 900 орындық 10 мектептің құрылысы жүргізіліп, &nbsp;пайдалануға берілуде. &nbsp;Қызылорда облысында 6 мектеп ашылып, жұмысын бастады. Қалған 4 мектептің 3-еуі (Қызылорда қаласы Арай м/а 1500 орындық, Қызылжарма м/а 600 орындық және Арал ауданы Сексеуіл кентіндегі 300 орындық мектеп) жаңа оқу жылына дейін, ал 1 мектеп (Қызылорда қаласы СПМК-70 м/а 1500 орындық мектеп) екінші тоқсанға дейін ел игілігіне табысталады деп күтілуде.Қызылорда қаласында 11000 орынға арналған стадион қыркүйек айында пайдалануға беріледі. Стадион жанында 1000 орындық автотұрақ алаңы, 40 орындық VIP, 4 автобусқа арналған автотұрақ, жылу қазандығы, қоқыс төгетін орын және резервуар болады.Ғимараттың батыс секторында спортшылардың жаттығу алаңы, жуыну аймағы және киім ауыстыратын, төрешілер, жаттықтырушылар, массаж, допингтік бақылау бөлмелері, медпункт, комментатор кабиналары, конференц зал орналасқан.&nbsp; Ал шығыс секторы ауыр атлетика, бокс, &nbsp;гимнастика және акробатика, күрес, жаттығу, залдары, қыздырыну бөлмесімен қамтамасыз етілген.Сондай-ақ, жанкүйерлерге арналған санитарлық, тамақтану және демалыс аймақтары, кафетерий, VIP-аймақтар және VIP-кабинеттер бар. &nbsp;Биыл Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы аясында жергілікті атқарушы органдарда тұрғын үй кезегінде тұрған азаматтарды баспанамен қамтамасыз ету мақсатында жеке құрылыс салушылардан 3022 дайын &nbsp;жаңа пәтер сатып алу жоспарланған. &nbsp;Жыл басынан бері Қызылорда қаласында 136 пәтер сатып алынды.Тамыз айының соңына дейін &nbsp;Сырдария өзенінің сол жағалауында «Сәт-Сервис» ЖШС салған 75 пәтерлік 1 тұрғын үйдің, «Ер-Ару и К» ЖШС салған 220 пәтерлік &nbsp;3 тұрғын үйдің, «Мелиоратор» ЖШС салған 280 пәтерлік 7 тұрғын үйдің құрылысы аяқталады.Фото: Қызылорда облысы әкімінің баспасөз қызметі

Құрылыс нысандарындағы жұмыс аймақ басшысының бақылауында

<a href="https://kyzylorda-news.kz/">Kyzylorda-news.kz</a> Жаңа оқу жылы қарсаңында «AMANAT» партиясы дәстүрлі «Баланы мектепке дайындайық!» жалпыреспубликалық қайырымдылық акциясының басталғанын хабарлайды.«Бақытты отбасы» партиялық жобасы аясында 2010 жылдан бері ұйымдастырылып келе жатқан бұл іс-шара биыл 11-30 тамыз аралығында өткізіледі.Акцияның негізгі мақсаты – көпбалалы және аз қамтылған отбасылардың балаларын жаңа оқу жылына дайындауға қолдау көрсету.Іс-шараға партияның Орталық аппараты мен өңірлік және аумақтық филиалдарының қызметкерлері, партия депутаттары, бастауыш партия ұйымдарының мүшелері және белсенді азаматтар қатысады. Сонымен қатар жеке кәсіпкерлер де қаржылай және материалдық көмек көрсетеді.Акция барысында 45 мыңнан астам оқушыға мектеп формасы, оқу құралдары және кеңсе тауарларымен жабдықталған сөмкелер табысталады. Бұл – тек материалдық көмек қана емес, әр баланың жүрегіне мейірім мен шабыт ұялату, жаңа оқу жылын толық дайындықпен қарсы алуға мүмкіндік беру.Айта кетейік, биыл аталған акция 16-шы рет ұйымдастырылып отыр.

«AMANAT» партиясы жалпыреспубликалық қайырымдылық акциясын бастады

<a href="https://kyzylorda-news.kz/">Kyzylorda-news.kz</a> Талсуат ауылдық округінің әкімі Ерлан Бейсенбаев бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.Ауылдық округте 191 шағын кәсіпкерлік нысан жұмыс істеуде. Жыл басынан жаңадан 5 кәсіпкерлік нысан тіркеліп, мемлекеттік бағдарламалар аясында ауыл тұрғындарының 11 жобасы қаржыландырылды. Оның ішінде, &nbsp;5 ауыл тұрғыны &nbsp;7 млн. 864 мың теңге қайтарымсыз грантқа ие болды. «Ауыл аманаты» жобасы аясында 43,5 млн. теңгені құрайтын 4 жоба қаржыландырылды. Бағдарламамен кәсіпкерлер ет өндірісі, жұмысшы қолғап цехы, қымыз, жартылай фабрикаттар өндірісі жобаларын жүзеге асыруда.Ауыл шаруашылығы саласы бойынша &nbsp;42 гектар жерге, оның ішінде 29,4 га көкөніс, 1,8 га картоп, 11 га бақша дақылдары егіліп, мал саны 3383 басқа жетті.<blockquote>- Биыл &nbsp;әлеуметтік қызмет көрсететін 3 мекемеге жаяу жүргіншілер жолы салынып, көше жарығы жүргізілді. &nbsp;№3 тұйық көшеге тас төселіп, 1-ші тұйық көшесіне түнгі жарық бағаналары орнатылды. Жеңістің 80 жылдығы қарсаңында Тағзым алаңында ағымдағы жөндеу жұмыстары жүргізілді. &nbsp;Сондай-ақ, Сығанақ көшесіне тас төсеу, Ақмешіт, Астана, Алматы, Отырар, Сауытбаев көшелеріне көше жарығын жүргізу және Құмкөл, Атырау, Ақмешіт, Нұрмағамбетов көшелеріне жаяу жүргіншілер жолын салу жобаларын жүзеге асыру үшін бюджетке өтінім берілген, - деп қорытындылады Ерлан Тұтқабайұлы.</blockquote>

Талсуатта тындырымды тірлік көп

<a href="https://kyzylorda-news.kz/">Kyzylorda-news.kz</a> Цифрлық технологиялар дәуірінде әлеуметтік желілер миллиондаған қазақстандықтардың өмірінің ажырамас бөлігіне айналды. Көптеген адамдар жеке блогтарын жүргізіп, өміріндегі оқиғалармен бөліседі, жобаларын жүзеге асырып, онлайн-мансаптарын қалыптастыруда. Алайда, танымалдылықпен қатар қауіп те арта түседі – әлеуметтік желілердің белсенді пайдаланушылары кибершабуылдардың құрбаны болып, жеке деректерін қолды қылып алады.Fingramota.kz блогерлер мен әлеуметтік желілерді белсенді пайдаланушыларды қандай қауіп күтетінін айтып, нақты оқиғалармен бөлісіп, интернетте өзіңізді қалай қорғауға болатыны туралы практикалық кеңестер береді.Блог нысанаға айналғанда&nbsp;Айман – үш баланың анасы және ана болу мен үйдегі өмірі жайлы блоктың авторы. Оның Instagram-аккаунтында 770 мыңнан астам жазылушы бар. Ол отбасылық оқиғаларымен бөліседі, ұтыс ойындарын өткізеді және кейде жарнама жасайды. Бір күні таңертең ол өзінің аккаунтына кіре алмады. Біреу поштасын, телефон нөмірін ауыстырып, күмәнді сілтемелері бар «инвестициялық ұсыныстарды» белсенді түрде жариялап тастапты. Жазылушылары шағымдана бастайды. Айман қолдау қызметіне жүгінеді, бірақ аккаунтқа кіруді қалпына келтіру бір айдан астам уақытты алды. Аудиториясының бір бөлігі кетіп, беделіне нұқсан келді.Кейінірек, қаскүнемдердің фишинг сілтеме арқылы кіргені белгілі болды: Айман жарнаманы интеграциялау туралы ұсыныспен түскен хаттың сілтемесін ашқан және деректерін, оның ішінде аккаунты байланыстырылған электрондық поштасын және оның құпиясөзін жалған формаға енгізеді. Қол жеткізгеннен кейін алаяқтар танымал бетті бірден өз мақсаттары үшін пайдалануға тырысқан.Тіпті кәсібилердің өзі алданып қалады&nbsp;Данияр – киберқауіпсіздік туралы танымал Telegram-арнасын жүргізген IT саласындағы маман. Ол алаяқтардың тұзағына түсіп қалмау және құрылғыларды қалай қорғау керектігін айтып отыратын.Бір күні ол өзі қаскүнемдердің құрбаны болды. Оған өзін стартап иесі ретінде таныстырған жазылушы хат жазып, бірлескен вебинар өткізуді ұсынады. Хабарламада презентациясы бар құжатқа сілтеме болды. Данияр оны ашады және... ештеңеге күдіктенбеді. Бір сағаттан кейін оның Telegram-аккаунты қаскүнемдердің қолында болды. Олар қарызға ақша сұраған хабарламалар мен жалған криптовалюта инвестицияларына сілтемелер жібере бастайды. Бірнеше адам қызығушылық танытады. Парақшаны қалпына келтірілгенмен, беделге нұқсан келді: аудитория одан басқа нәрсе күткен еді.Презентациясы бар файлда құрылғыдан ақпарат жинап, оны қаскүнемдерге беретін вирус болған. Нәтижесінде алаяқтар арнаға қол жеткізіп қана қоймай, барлық материалдары мен жазылушылар базасын қолды қылды, содан кейін олар бірнеше рет түрлі хабарламалар жіберген.Сенім капиталға айналғандаӘсел – психолог және коуч, TikTok және Instagram-да блог жүргізеді, онда ол кәсіби кеңестерімен бөлісіп, тікелей эфирлер өткізеді. Оған оқырмандары қолдау көрсеткені үшін жиі алғыс айтатын, ал кейбіреулері ақылы кеңестеріне жазылатын. Бір күні біреудің оның аты-жөні мен фотосуреттерін ұқсатып профилінің көшірмесін жасағанын, жазушыларына «жеңілдікпен шұғыл сессия» туралы ұсыныстар жібере бастағанын біледі. Ақшаны оның атына сәйкес келмейтін картаға аударуды сұраған. Бірнеше адам Әселмен сөйлесіп жатырмыз деп сеніп, қаражат аударады. Психологтың өзі бұл туралы бірнеше күннен кейін, алданған оқырмандары өзіне хабарласқаннан кейін ғана біледі.Өкінішке қарай, мұндай жағдайдан ешкім сақтандырылмаған. Дегенмен, аудиториямен қарым-қатынас жасаған кезде оларға өзімен байланыс жасау және қауымдастықтың жұмыс істеу ережелерін келісіп алу маңызды. Мысалы, барлық байланыс тек телефон арқылы немесе одан да жақсысы – бейнебайланыс арқылы жүргізілетінін үнемі айтып отыру қажет. Ол жалған блогер емес, нақты блогермен сөйлесіп отырғанына сенімді болуы үшін қажет.YouTube-ке шабуыл және арнадан айырылуРуслан – электрондық техникаға шолулар түсіретін, енді бастаған бейнеблогер. Оның YouTube арнасы бір жыл ішінде 20 мыңнан астам жазылушыны жинады. Бірде ол «брендтің ресми өкілінен» хат алды, онда жаңа өнімдерге шолу жасауға ұсыныс жасалыпты, қаламақысы да қомақты болатын. Шартқа қол қою үшін кейіннен төлемдер түсетін өз картасының деректерін енгізу қажет болды.Руслан 3d-secure-дің және заңсыз кіруден қорғайтын қосымшаның жоқ екеніне назар аудармай, картасының деректемелерін енгізеді. Осыдан кейін интернеттен сатып алу үшін деген хабарлармен шотынан бірнеше рет аз мөлшерде қаражат есептен шығарылады. Картаны шұғыл түрде бұғаттауға тура келеді, ал кеткен қаражатты қайтару мүмкін болмады. Жаңа шотты байланыстырып, қызметтің өзінен жарнама үшін төлемдер алу үшін техникалық қолдаумен ұзақ уақыт сөйлесуге тура келді.Алаяқтардың құрбаны болмау үшін нені есте сақтау керек?Интернеттегі қауіпсіздік мұқият болудан және тұрақты цифрлық гигиенадан басталады. Жазылушылар саны мен белсенділік деңгейіне қарамастан, әр аккаунтқа жауапкершілікпен қарау керек.<img src="https://knadmin.beoblood.kz/uploads/fingramota_2a22d2af64.png" alt="финграмота.png">

Қазақстан және Қызылорда облысының жаңалықтары