<a href="https://kyzylorda-news.kz/">Kyzylorda-news.kz</a> Түркияда&nbsp;бойжеткен жігітінің жаңа құлаққабын тыңдау кезінде құрылғы жарылып, оң құлағы естімей қалды. Бұл туралы <a href="https://stan.kz/news-406846/">Stan.kz</a> ақпарат агенттігі хабарлайды.Оқиға туралы қыздың жігіті айтып берді. Ол Оңтүстік Кореяның Samsung компаниясына шағымданып отыр. Себебі құлаққаптың жарылуының кесірінен қыз есту қабілетін жоғалтқан.24 жастағы студент&nbsp;өзіне сымсыз құлаққап сатып алған. Сүйіктісі құрылғыны ашқан кезде сынап көргісі келген. Қаптамадан алғаннан кейін&nbsp;оң жақ құлаққап жарылып, қыздың бір құлағы біржола естімей қалған.<blockquote>"Мен оларды тіпті қуаттамадым. Олар оралған қорапта шамамен 36% қуатталған күйде&nbsp;келді. Біз медициналық қорытынды алып,&nbsp;Samsung компаниясына хабарластық. Олар құлаққапты қызмет көрсету орталығына апаруға кеңес берді", — деп жазды ол.</blockquote>Samsung кеңесшілері кешірім сұрап,&nbsp;құлаққапты жаңасына ауыстыруды ұсынған.&nbsp;Ер адам компанияның бұл әрекетіне ренжіді. &nbsp;<blockquote>"Мен бұл мәселемен бірнеше ай бойы жүгіріп жүрмін. Бізде шот-фактура, алдыңғы және кейінгі фотолар, сондай-ақ жарылыс салдарынан есту қабілетінің жоғалғаны туралы медициналық қорытынды бар", — деп қосты ол.</blockquote>Желі пайдаланушылары жігіт пен қызға сотқа жүгінуге және Samsung-тан өтемақы талап етуге кеңес берді. Бірнеше күннен&nbsp;соң, автор&nbsp;Оңтүстік Корея компаниясының өкілдері хабарласып, қолдау көрсеткенін жеткізді. Біраз уақыттан кейін оқиға туралы барлық хабарлама&nbsp;жойылған.Фото: reddit.com

Оң құлағы естімей қалды: Сымсыз құлаққап қыздың құлағында тұрғанда жарылып кеткен

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жедел жәрдем бұдан былай барлық пациенттерге тәулік бойы қызмет көрсете алмайды. Бұл туралы "Ашық НҚА" порталында жарияланған бұйрық жобасында айтылған, деп хабарлайды<a href="https://baq.kz/zhedel-zhardem-taulik-boyy-zhumys-istemeydi-341321/"> BAQ.KZ.</a></h4>Бүгінгі күні жедел медициналық жәрдем бөлімшелерінің фельдшерлік және мамандандырылған бригадалары пациенттерге тәулік бойы медициналық көмек көрсетеді.Жедел медициналық көмек көрсету қағидаларының жаңа редакциясында шұғыл шақырудың жеделдігінің 4 санаты айқындалады:1) жеделдіктің 1 санатындағы шақыру-шұғыл медициналық көмек көрсетуді талап ететін, өмірге тікелей қатер төндіретін пациенттің жай-күйі;2) жеделдіктің 2 санатындағы шақыру-медициналық көмек көрсетусіз өмірге ықтимал қатер төндіретін пациенттің жай-күйі;3) жеделдіктің 3 санатындағы шақыру-медициналық көмек көрсетусіз денсаулыққа ықтимал қатер төндіретін пациенттің жай-күйі;4) жеделдіктің 4 санатындағы шақыру – пациенттің өмірі мен денсаулығына тікелей және ықтимал қатер болмаған кезде, ағзалар мен жүйелердің кенеттен және айқын бұзылуынсыз, жіті аурудан немесе созылмалы аурудың шиеленісуінен туындаған пациенттің жай-күйі.<blockquote>4-санатына шақыртулар келіп түскен кезде ЖМК станциясының диспетчері автоматтандырылған басқару жүйесі арқылы шақыртуларды медициналық-санитариялық алғашқы көмек көрсететін денсаулық сақтау ұйымдарының мобильді бригадаларына олардың жұмыс уақытында (жұмыс күндері сағат 08:00-ден 18:00-ге дейін) береді.</blockquote>МСАК ұйымына қайта жіберілуге жататын шақыруларды тіркеу жұмыс күндері сағат 8.00-ден 18.00-ге дейін, сенбі күні сағат 8.00-ден 12.00-ге дейін жүзеге асырылады.Өзгерістерді әзірлеушілер жаңашылдықты қаржыландырудың жетіспеушілігімен байланысты деп мәлімдеді.Ағымдағы тариф МСАК ұйымдастыру кезінде ЖМК бөлімшесінің барлық шығыстарын толық жабуды қамтамасыз етпейді. Қаржыландырудың жеткіліксіздігі нәтижесінде тәулік бойы жұмыс істейтін бригадаларды ұстаудың тиімсіздігі байқалады, бұл кредиторлық берешектің пайда болуына әкеледі.Фельдшерлік және мамандандырылған (дәрігерлік) бригадалардың пациенттің орналасқан жеріне дейін ЖМКК диспетчерінен шақырту алған сәттен бастап келу уақыты:1 шұғылдық санаты - он минутқа дейін;2 шұғылдық санаты-он бес минутқа дейін;3 шұғылдық санаты - отыз минутқа дейін;4 шұғылдық санаты-алпыс минутқа дейін;МСАК ұйымдастыру кезіндегі мобильді бригада-жүз жиырма минутқа дейін.

Жедел жәрдем бұдан былай тәулік бойы жұмыс істемейді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев денсаулық сақтау нысандарындағы күрделі жөндеу жұмыстарының барысын көрді.Алдымен облыстық жұқпалы аурулар ауруханасына барды. Ауруханада бір ауысымда 400 адам жұмыс істейді. Ғимарат 1989 жылы салынып, пайдалануға берілген. Өткен жылы жобалық-сметалық құжаттамасы әзірленіп, сараптаманың оң қорытындысы алынды. «Абу-Сер» ЖШС қазір жұмыстың 45%-ын орындаған. Нысан 2025 жылға өтпелі.Әрі қарай Нұрлыбек Машбекұлы Қызылорда облыстық психикалық денсаулық орталығындағы күрделі жөндеу жұмыстарын көрді. Орталық ғимаратының қабырғалары күйдірілген қыштан салынған, 1973 жылы пайдалануға берілген. Жоба-сметалық құжаттамасы 2022 жылы әзірленіп, сараптаманың оң қорытындысы алынды. «СМП-Қызылорда» ЖШС жұмысты 85% аяқтаған.Келесі нысан – облыстық онкология орталығы. Мекее 2021 жылы салынған, 185 төсек-орынға арналған бұрынғы модульдік-инфекциялық аурухана ғимаратына орналасқан. Мұнда 350 қызметкер жұмыс істейді.Облыстық фтизиопульмонология орталығында да күрделі жөндеу жұмыстары жүргізілуде. Бес қабатты, 235 төсек-орынға арналған ғимарат 1981 жылы салынған. «Асар» ЖШС алдағы жылға өтпелі жөндеу жұмыстарының 60%-ын аяқтаған.Нысандардағы жұмыс барысын көрген аймақ басшысы күрделі жөндеуге қойылатын ең басты талап – сапа екенін атап айтып, бірқатар тапсырма берді.<blockquote>«Жұмыс барысындағы кемшіліктерді түзетуге екі апта уақыт беріледі. Сол мерзім ішінде тапсырма орындалмаса, жауапты сала басшыларына, қабылдап алушыларға шара көріледі.Аталған ғимараттарды күрделі жөндеу ем алушыларға кәсіби, заманауи медициналық қызмет көрсетуді жетілдіру үшін қолға алынды. Қаржысы шешілді, міндеттер айқындалды. Бүгін байқалған сапасыз жасалған тұстарды мердігерлер екі жұмыс қылып қайта түзейді. Егер жұмыс қорытындысы талап үдесінен шықпаса, заң аясында шара қолданылады.Онкология орталығындағы медициналық құрал-жабдықтар халыққа толыққанды қызмет көрсетуі тиіс. Олар сатып алынғандағы басты мақсатына сай пайдаланылуы керек, – деді Нұрлыбек Машбекұлы.</blockquote><img src="https://knadmin.beoblood.kz/uploads/akimat_1_01fb4a6f65.jpg" alt="акимат 1.jpg"><img src="https://knadmin.beoblood.kz/uploads/akimat_2_af8e22d532.jpg" alt="акимат 2.jpg"><img src="https://knadmin.beoblood.kz/uploads/akimat_3_50b690ec2b.jpg" alt="акимат 3.jpg"><img src="https://knadmin.beoblood.kz/uploads/akimat_4_d6fa1caa2a.jpg" alt="акимат 4.jpg">Фото: Қызылорда облысы әкімінің баспасөз қызметі &nbsp; &nbsp; &nbsp; &nbsp;&nbsp;

Күрделі жөндеу жұмыстарына қойылатын басты талап – сапа 

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желілердің дамуымен қауіпті ойындар елімізде жаппай сипатқа ие болды.Мәжіліс депутаты Жұлдыз Сүлейменова әлеуметтік желілер мен мессенджерлердегі барлық қауіпті контентке қатаң тосқауыл қою керегін айтты, деп хабарлайды <a href="http://sn.kz/">Skifnews.kz</a> ақпарат порталы.&nbsp;<blockquote>«Соңғы күндері балаларымыздың өз-өзіне қол жұмсау фактілері қоғамның қатты алаңдаушылығын тудыруда. Бұл жантүршігерлік қайғылы жағдайлар ешкімді бей-жай қалдырмағаны анық. Айдың-күннің аманында желкілдеп өсіп келе жатқан өрендерімізден айырылдық. Өмірден қыршын кеткен марқұмдардың туыстары мен жақындарына көңіл айтамын. Иә, ресми тергеу басталды. Бірақ қазірдің өзінде мұның бәрі нақты орындаушысы бар қылмыс, кісі өлтіру деп айтуға болады. Айуандықпен қылмыс жасағандарды, яғни арандатушыларды анықтап, заңды түрде жазаға тартуды құқық қорғау органдары қажет болса халықаралық іздеу жариялап, орындайды деп үміттенемін. Ал енді осы қылмыстарды іске асыруға жағдай туғызып отырған әлеуметтік желілер мен мессенджерлер екенін ашық ақпарат көздерінен оқудамыз. Оны жалтақтамай айту қажет деп санаймын», - деді депутат әлеуметтік желідегі парақшасында.</blockquote>Жазуынша, олар санасы әлі қатпаған жеткіншектеріміздің психикасына теріс әсер ететін құралға айналды. Депутат бұл ойындар мен квесттер психологиялық тұрғыдан айтқанға көндіру дағдыларын қолдана отырып, кәсіби түрде жасалып жатқанын жеткізді.<blockquote>«Әлеуметтік желілердің дамуы және гаджеттердің кең таралуымен мұндай ойындар елімізде жаппай сипатқа ие болып отыр. Бірде-бір отбасы бұдан өзін сақтандыра алмайды. Мемлекет тарапынан заң деңгейінде буллинг, өзін-өзі өлтіруге мәжбүрлеу сияқты әрекеттерге қарсы қылмыстық жауапкершілік енгізілді, бірақ қазіргі жағдай мұның жеткіліксіз екенін көрсетеді. Сондықтан, әрбір ата-ана осы мәселеге ерекше көңіл бөліп, балаларымен көбірек сөйлесулері керек. Жауапты министрлік мектептердегі психологиялық қызметтердің жұмыс алгоритмдерін өзгертуі тиіс. Олар балалардың мінез-құлқындағы және жүріс-тұрысындағы белгілерді уақтылы анықтауда тиімді құрал болуы керек. Бірақ, ең бастысы, мұны мен ұстаз ретінде, ана ретінде, депутат ретінде айтамын – мемлекет пен қоғам әлеуметтік желілер мен мессенджерлердің әкімшілерінен таралып жатқан ақпаратқа бақылауды күшейтуін талап етуі керек деп санаймын», - деп жалғастырды ол.</blockquote>Таралып жатқан заңсыз, зиянды, бүлдіршіндердің санасын улайтын жүктемелерге бақылауды оқыс күшейтуді қатаң талап ету керек, дейді депутат.<blockquote>«Олар «меморганнан құқықтық тұрғыдан негізделген талап-арыз күтіп отырмыз» деп сылтауратпай, қауіпті контенттің таралуына жол бермеу үшін өздерінің жұмыс алгоритмдерін өзгертулері тиіс. Шетелдік тәжірибе көрсеткендей, шындап келгенде бұл әлеуметтік желілер мен мессенджерлер иелерінің қолынан келетін шаруа. Егер мұндай талап орындалмайтын болса, онда мемлекет бақылауды күшейтсін. Барлық қауіпті контентке қатаң тосқауыл қойылсын. Ал жекелеген контентке тосқауыл қоюға қол жеткізу мүмкін болмайтын болса, онда нақты заң бұзған әлеуметтік желі немесе мессенджер бұғатталуы керек. Біздің балаларымыздың өміріне қауіп төніп тұрғанда ешқандай мәймөңкеге жол беруге болмайды. Мен мұны ана ретінде, педагог ретінде айтып отырмын. Барлық ата-аналар мен педагогикалық қауымдастық мені толықтай қолдайды деп білемін. Бұл мәселеде жайбасарлыққа жол беруге болмайды, дереу іске кірісу керек», - деді Мәжіліс депутаты Жұлдыз Сүлейменова.</blockquote>Фото: Сanva.com

«Қауіпті контентке қатаң тосқауыл қою керек»: Депутат суицидтің жиілеп кеткеніне алаңдады

<a href="https://kyzylorda-news.kz/">Kyzylorda-news.kz</a> Қылмыстық атқару саласының Қызылорда облысы бойынша Қылмыстық-атқару жүйесі департаментіне қарасты №68 мекемесінде сыбайластықты болдырмау мақсатындағы жұмыстар мекеменің кадр саясат тобымен ұдайы ұйымдастырылып тұрады.&nbsp;ҚАЖ департаментінің бастығы әділет полковнигі Ш.Есенкелдиевтың төрағалық етуімен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша Департаменті Первенция басқармасының бас маманы Жанар Қозбағарова және осы басқарманың аға офицері Жандос Жүсіпалиев пен ҚАЖ департаментінің өзіндік қауіпсіздік тобының жедел уәкілі әділет подполковнигі С.Жоламанов арнайы шақыртылып, мамандар баяндама оқып, бейнематериалдар көрсетілді. Сонымен қатар, шараға мекеме басшылары мен ҚАЖ департаментіне қарасты №68, 37, №60 және пробация қызметінің қызметкерлері қатысты. Бас маман &nbsp;«Сыбайлас жемқорлыққа қарсы &nbsp;іс-қимылдың жаңа тетіктері» деген тақырыпта баяндама оқыды. Баяндамасында &nbsp;мемлекет басшысы Қасым-Жомарт Тоқаевтің 2022 жылдың 2 ақпанындағы №802 жарлығымен шыққан ҚР-ның 2022-2026 жж арналған сыбайлас жемқорлыққа қарсы саясатынының тұжырымдамасында жазылған негізгі мазмұны және мемлекет басшысының тарапынан шыққан &nbsp;бірқатар бұйрықтар мен заңдары &nbsp;жөнінде тарқатып, оқып берді.Ал, аға офицер Жандос Жүсіпалиев 2022 жылдағы Қызылорда облысындағы &nbsp;сыбайлас жемқорлық бойынша орын алған фактілерге тоқталды.<blockquote>– Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың дендеуіне септігін тигізуде. Соның ішінде ішкі істер органдары &nbsp;қызметкерлері &nbsp;арасында сыбайлас жемқорлыққа қатысты заң бұзушылыққа бару әрекеттері кездесіп тұрады, мұндай әрекеттің алдын алу және жол бермеу әрбір жеке құрам &nbsp;қызметкердің міндеті және борышы екенін ұмытпаңыздар. Құқық саласының қызметкерлері &nbsp;заңдылықтарды ескере отырып, ешқашан жемқорлыққа жол бермеуі керек – деп, &nbsp;қатысушыларды заң талаптарын орындауға шақырды.&nbsp;</blockquote>Шара соңында, &nbsp;өзіндік қауіпсіздік тобының жедел уәкілі жеке құрам қызметкерлеріне дайындаған бейне сюжеттер көрсетіліп, қызметкерлер арасында туындаған сұрақтарға &nbsp;жауап берілді. &nbsp;

Сыбайлас жемқорлықпен күрес – өзекті мәселе

<a href="https://kyzylorda-news.kz/">Kyzylorda-news.kz</a> Қaзaлылық apдaгepлep AЭС құpылысын қолдaйды. Олap aтом элeктp стaнциясы eліміздің болaшaғы үшін қaжeтті жобaның біpі дeп сaнaйды. Бұл туpaлы AЭС сaлуды қолдaу жөніндeгі Хaлықтық штaб мүшeсі, ҚP Пapлaмeнті Мәжілісінің дeпутaты Мұpaт Epгeшбaeвтың aудaн apдaгepлepімeн өткeн кeздeсуіндe aйтылды.Кeздeсудe Хaлықтық штaб мүшeсі Пpeзидeнттің AЭС сaлу туpaлы peфepeндум өткізу бaстaмaсының мaңыздылығынa тоқтaлып, бұл қaдaм «Хaлық үнінe құлaқ aсaтын мeмлeкeт» тұжыpымдaмaсының көpінісі eкeнін aтaп өтті. Мұнан соң аудан ақсақалдарымен AЭС-тің apтықшылықтapы, олapдың экологиялық қaуіпсіздігі жәнe экономикaлық тиімділігін кeңінeн тaлқылaды.<blockquote>«Eліміздe энepгeтикaлық кeшeндepдің 70 пaйызының тозығы жeтіп тұp. Сондықтaн қaзіpдeн бaстaп aтом энepгeтикaсының игілігін көpугe жұмыс жaсaуымыз қaжeт. Оның құрылысы ұзақ уақытқа созылады. Біз AЭС сaлу apқылы тұpaқты жәнe сeнімді қуaт көзін қaмтaмaсыз eтe aлaмыз. Aтом элeктp стaнциялapының көміp мeн гaздaн apтықшылығы олapдың пapниктік гaздapды шығapмaуы жәнe экологиялық тaзa энepгия өндіpуі. Бұл біздің eліміз үшін өтe мaңызды қaдaм», – дeді Хaлықтық штaб мүшeсі.</blockquote>Aл өз кeзeгіндe қaзaлылық apдaгepлep біpaуыздaн aтом элeктp стaнциясының құpылысын қолдaйтындapын жeткізді. Олар мaңызды бaстaмa хaлықтың әлeумeттік әл-aхуaлынa, eл экономикaсының оpнықты дaмуынa оң ықпaл eтeді дeгeн пікіpдe.<img src="https://knadmin.beoblood.kz/uploads/AES_azaly_1_607c15112b.jpg" alt="АЭС Қазалы 1.jpg">Фото: petrocouncil.kz

Қaзaлылық apдaгepлep АЭС құpылысынa қолдaу білдіpді

<a href="https://kyzylorda-news.kz/">Kyzylorda-news.kz</a>&nbsp; АЭС салуды қолдау жөніндегі Халықтық штаб мүшесі, ҚР Парламенті Мәжілісінің депутаты Мұрат Ергешбаев Қазалы ауданындағы сапарында Абай ауылына барып, тұрғындармен кездесті. Кездесуде атом электр станциясын салудың экономикалық тиімділігі мен Қазақстанның энергетикалық тәуелсіздігін нығайтудағы рөлі, экологиялық артықшылықтары кеңінен талқыланды.Әңгімелесу барысында штаб мүшесі Мұрат Ергешбаев АЭС тек Еуропада ғана емес дүниежүзінде кеңінен пайдаланылып жатырғанын атап өтті. Басқа энергия көздерімен салыстырмалы түрде қарағанда атом энергетикасы таза энергия екеніне тоқталды.<blockquote>«Қaзіpгі тaңдa дүниeжүзіндe жұмыс істeп тұpғaн peaктоpлapдың сaны 415-ті құpaсa, тaғы 60-тaн aстaм сaлынып жaтыp. Бұл дeгeніміз дaмушы eлдердің дe aтом элeктp стaнциясынa мұқтaж eкeнін көpсeтeді. Біз дe элeктp қуaтын тұpaқты пaйдaлaнғымыз кeлсe осы бaғыттa aлғa жылжып, хaлықтың әл-aуқaтын көтepу үшін нaқты қaдaмдap жaсaуымыз кepeк. Aзaмaттapдың дeнсaулығын, өсімдіктep мeн жaнуapлap дүниeсін қоpғaу – мeмлeкeттің бaсым бaғыттapының біpі. Бұл peттe AЭС-ті қоpшaғaн оpтa үшін тaзa әpі тиімді энepгия көзі дeп толық aйтa aлaмыз», - дeді Хaлықтық штaб мүшeсі.</blockquote>Сонымeн қaтap кeздeсудe штaб мүшeлepі aтом элeктp стaнциялapының paдиaциялық қaуіпсіздіккe қaтысты қaтaң epeжeлep мeн тaлaптapғa сaй болaтынын, хaлықтың қaуіпсіздігі біpінші оpындa тұpғaтындығын aтaп өтті. Бұдaн бөлeк, AЭС құpылысының жaңa жұмыс оpындapын құpуғa жәнe ғылыми-тeхникaлық пpогpeсті ынтaлaндыpуғa тигізeтін әсepі жөніндe aқпapaт бepді.Кездесу соңында ауыл тұрғындары АЭС-тің тиімділігі мен артықшылықтары туралы толық түсініктеме алғандарын айтып, маңызды жобаға қолдау білдірді.

Халықтық штаб мүшесі Абай ауылының тұрғындарымен кездесті

<a href="https://kyzylorda-news.kz/">Kyzylorda-news.kz</a> Бүгін Астана қаласында ASTANA MEDIA WEEK 2024 форумы басталды. Медиа апталыққа БАҚ саласының өкілдері, сарапшылар, республикалық және аймақтық журналистер, &nbsp;мемлекеттік органдар мен ұйымдардың баспасөз қызметкерлері қатысуда.Форумның ашылуында &nbsp;Мәдениет және ақпарат вице-министрі Қанат Ысқақов сөз сөйлеп, мұндай кездесулердің БАҚ өкілдері үшін берері көп екенін атап өтті.Сондай-ақ, министр Аида Балаеваның хатын оқып берді.<blockquote>«Құрметті әріптестер, баршаңызды жыл сайынғы Astana Media Week апталығының ашылуымен шын жүректен құттықтаймын. Биыл «Медианың әсері және цифрлық үндестік» тақырыбына арналуы қоғамдағы өзгерістер мен жаңа технологиялық дәуірде ақпараттық маңыздылығын тағы да айқындай түседі. Медианың күнделікті өмірде ықпалы зор, ол тек ақпаратты тарату ғана емес қоғамдық пікірді қалыптастырушы мәдениетті дамытуда үлес қосады. Цифрлық технология жылдам дамып, осы үрдістерді жаңа деңгейге көтеріп медианың ықпалын одан әрі күшейтеді. Бұл үрдістер медиа мамандарының біліктілігін арттырып, жаңа мүмкіндіктерге жол ашады. Astana Media Week медиа саласының көшбасшылары мен кәсіпқой мамандар мен сарапшыларды бір алаңға жинап, өзекті мәселелерді талқылайтын кәсіби алаңға айналды. Баршаңызға табыс тілеймін», – делінген хатта.</blockquote>Айта кетейік, медиа саласы өкілдерінің басын қосқан шара 3 күнге жоспарланған.Astana Media Week – отандық медиа индустрияны дамыту және іскерлік қатынастарды күшейту үшін жасалатын, Қазақстандағы мемлекеттік, тәуелсіз, кәсіби және жаңа БАҚ-тың басын қосатын іс-шара.Еліміздегі басты коммуникация алаңында ведомство басшылары, халықаралық сарапшылар, инфлюенсерлер мен сала мамандары кездесіп, өзекті мәселелерді талқылап, идеяларын жариялайды. Байланыс орнатып, презентациялар жасап, алдағы жылға жоспарларын айтады.&nbsp;Сегізінші мәрте ұйымдастырылып отырған медиа форумда «Қазақстан әлемдік ақпараттық алаңда», «Медианың жаңаруы: заң, қауіпсіздік және трансформация», «Медиа трендтер: классикалық платформадан цифрлық медиа-экожүйеге дейін», «Өңірлік БАҚ дамуында синергияның көрінісі», «Медиа мамандарды даярлау: не күтеміз, не аламыз?», "Подкаст – журналистикадағы жаңа жанр", "Медиа этика және журналист мәртебесі" деген тақырыптар талқыланады. Сонымен қатар, ҚР Президентінің баспасөз қызметімен кездесу жоспарланған.Форум соңында «Үздік баспасөз хатшысы», «Ақпарат саласының үздігі» және «Үркер» ұлттық сыйлығын табыстайтын салтанатты кеш өтеді.Әзиз Жұмаділдәұлы<img src="https://knadmin.beoblood.kz/uploads/Astana_56f9e18742.jpg" alt="Астана.jpg">

Astana Media Week 2024: медианың әсері және цифрлық үндестік 

<h2>Швецияда немере баққан ата-әжелер жәрдемақы алып жатыр. Бүгінде мемлекеттен төленетін қаржыны 1500 адам алып үлгерген. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;</h2>Фото:&nbsp;GettyImagesАталған заң жазда күшіне енген. Жаңашылдыққа сәйкес ата-аналар өздерінің 45 күнге дейінгі ақылы демалысын баланың ресми қамқоршысы емес адамдарға аудара алады. Мысалы, бұл ата-әжелері болуы мүмкін.Егер ата-ана жалғызбасты болса, олар 480 күн ақылы демалыстың 90 күнін басқа жанға бере алады. Барлық әкімшілік шараларды Швецияның Әлеуметтік сақтандыру агенттігі жүргізеді. Бұл заң, әсіресе, жұмысбасты отбасыларға үлкен көмек дейді ел билігі. Ал төлем мәселесімен Швецияның әлеуметтік сақтандыру агенттігі айналысады. Агенттік өкілінің айтуынша, жаңа заң жеке өмір мен жұмыс арасындағы балансты сақтауға бағытталған.&nbsp;“Біздің ойымызша, бұл шара барлық Еуропаға үлгі болады. Осылайша жастарды еңбек нарығында қалып әрі балалы болуға ынталандырамыз”, –&nbsp;деді әлеуметтік қамсыздандыру министрі Анна Тенье.&nbsp;

Швецияда немересіне қарайтын ата-әжелер мемлекеттен төлем алады

<a href="https://kyzylorda-news.kz/">Kyzylorda-news.kz</a> &nbsp;Үкімет қаулысымен Қожа Ахмет Яссауи кесенесі мемлекет қорғауына берілді. Бұл туралы <a href="https://stan.kz/kozha-ahmet-yassaui-kesenesi-memleket-korgauina-berildi-406821/">Stan.kz</a> ақпарат агенттігі хабарлайды.Үкіметтің дерегіне сенсек, тиісті қаулыға елдің премьер-министрі Олжас Бектенов қол қойды.&nbsp;Түркістанда орналасқан Қожа Ахмет Йассауи кесенесі ЮНЕСКО-ның дүниежүзілік мұралар тізіміне енген тұңғыш қазақ жері. Ол ортағасырлық сәулет өнерінің бірегей ескерткіштеріне жатады."Нысанның қауіпсіздігін ішкі істер органдарының тиісті бөлімшелері қамтамасыз етеді", –&nbsp;делінген құжатта.Бұдан бірнеше күн бұрын Түркістанды дамыту жұмыстары ЮНЕСКО-мен келісілетіні белгілі болды.Фото:kapital.kz

Қожа Ахмет Яссауи кесенесі мемлекет қорғауына берілді

<a href="https://kyzylorda-news.kz/">Kyzylorda-news.kz</a> Қазалы қаласының тұрғындары еліміздегі АЭС салу мәселесін талқылау мақсатында Халықтық штаб мүшелерімен кездесті. Оған АЭС салуды қолдау жөніндегі Халықтық штаб мүшесі, ҚР Парламенті Мәжілісінің депутаты Мұрат Ергешбаев және облыстық, аудандық Халықтық штаб мүшелері қатысты.Кездесуде штаб мүшесі Мұрат Нәлқожаұлы атом электр станицясы еліміздің энергетикалық жүйесінің тұрақтылығы мен қауіпсіздігін қамтамасыз етуде маңызды шешім екендігін атап өтті. Оның пікірінше, егер еліміз қуатты электр көзімен қамтамасыз етілмесе, дамудың жоғары деңгейіне жете алмаймыз.<blockquote>«Елде энергияны тұтыну көлемі артпаса, кеміген емес. Ресми деректерге сәйкес тұтынудың жылдық өсімі 3%-ды құрайды. Осы секілді мәселелерді шешуге, жалпы ел экономикасын өркендету мен жаңа өндірістер және жаңа кәсіпорындарды іске қосу үшін бізге тұрақты қуат қажет. Сондықтан, АЭС-ті салу - еліміздің дамуы үшін маңызды қадам, қоршаған орта үшін таза әрі тиімді энергия көзі деп толық айта аламыз. Осындай заман талабына сай батыл шешімдерді қабылдаудың нәтижесінде біз жетістікке жетеміз», – деді Халықтық штаб мүшесі.</blockquote>Сондай-ақ Халықтың штаб мүшесі қоғамда талқыланып жатқан АЭС-тің қауіпсіздік мәселесіне де тоқталды. Өз сөзінде қауіпсіздіктің барлық талаптарына жауап беретін III немесе III+ жаңа буын атом электр станцияларын салу мүмкіндігі қарастырылып жатқанын алға тартты.Ал кездесуге жиналған тұрғындар болашақ ұрпақ үшін аса қажет бастама екенін айтып, алдағы референдумға қатысуға дайын екендіктерін жеткізді.

Қазалы қаласының тұрғындары ел игілігі жолындағы бастаманы қолдайды

<a href="https://kyzylorda-news.kz/">Kyzylorda-news.kz</a> Өңірімізде «Ауыл аманаты» жобасының екінші кезеңі басталғалы 934 млн теңгені құрайтын 140 жоба қаржыландырылып үлгерілді. Осылайша бірінші траншпен бөлінген қаржы толығымен игерілді. Бұл туралы «Байқоңыр» әлеуметтік-кәсіпкерлік корпорациясының басқарушы директоры Мадали Әлішерұлы мәлімдеді деп хабарлады «Байқоңыр» әлеуметтік-кәсіпкерлік корпорациясының баспасөз қызметі.Қолдау тапқан жобалардың басым көпшілігі өңдеу саласы мен ауыл, мал шаруашылығын дамыту және басқа да бағыттағы бизнес бастауды мақсат еткен жобалар. Мәселен, мал шаруашылығымен айналысамен деген тұрғындардың 32 жобасына – 279,5 млн теңге, егін шаруашылығын қолға алғандардың 7 жобасына – 43,37 млн теңге, өңдеу саласымен айналысқысы келетіндердің 17 жобасына 104,02 млн теңге көлемінде несие берілді. Сонымен бірге басқа бағыттағы 84 жобаға 507,6 млн теңге несие берілді.Тұрғындардың әл-ауқатын арттырып, табысын молайтуға негізделген биылғы жобаның аймағымызда жүзеге асырылуына 4,6 млрд. теңге қаржы қаралып отыр. Осыған сәйкес, 575 жоба қаржыландырылып, 610 жаңа жұмыс орындарын ашу көзделуде. Бүгінде жоба басталғалы бірінші траншпен жалпы көлемі 1 млрд теңге көлемінде қаражат бөлініп, ол толығымен игерілді деп айтуға болады. Алдағы уақытта қалған қаржылар аударылып, өтінімдерді қабылдауды жалғастыратын боламыз, - деді Мадали Әлішерұлы.Ұлттық жоба шеңберінде қаржыландырылған өтінімдердің ішінде Арал ауданынан 25 жоба, Қазалы ауданынан 23 жоба, Қармақшы ауданынан 8 жоба және Жалағаш ауданынан 11 жоба қолдау тапқан. Ал Қызылорда қаласынан 16 жоба, Сырдария ауданынан 7 жоба қаржыландырылса, Шиелі ауданынан 23 жоба және Жаңақорған ауданынан 27 жоба мақұлданған.Айта кетейік, несие қаржысы 4 бағытқа бағытталады. Жобаға қатысу үшін құжаттар amanatnesie.kz порталы арқылы қабылданады. Қандай да бір сұрақ туындаса 8775-451-28-28 байланыс нөміріне қоңырау шалып, жауапты маманға жүгінуге болады.Фото: ernur.kz

Қазақстан және Қызылорда облысының жаңалықтары