<a href="https://kyzylorda-news.kz/">Kyzylorda-news.kz.</a> Синоптиктер 3-5 қарашаға арналған ауа райы болжамын жариялады.Синоптиктердің мәліметінше, алдағы күндері Қазақстанның ауа-райын ылғалдың үлкен қоры бар аз жылжымалы солтүстік-батыс циклоны анықтайтын болады, онымен ауа-райының тұрақсыз сипаты күтіледі, жаңбыр мен қар түрінде жауын-шашын жауады. Оңтүстіктің, оңтүстік-батыстың таулы және тау бөктерлі аудандарында қатты жауын-шашын болады, Қазақстанның оңтүстік-батысында қатты жаңбыр күтіледі.<blockquote>"Республика бойынша тұман, көктайғақ, солтүстік-батыс, солтүстік өңірлерде желдің күшеюімен бірге жаяу бұрқасын болжанады. Қазақстан бойынша температуралық фонда күрт өзгерістер күтілмейді", - делінген хабарламада.</blockquote>

Алдағы 3 күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Туберкулез – өте ауыр инфекциялық ауру. Онымен күрес те ұзақ уақыт талап етеді. Аурумен күрескеннен гөрі, оның алдын алған тиімдірек. Сондықтан өңір-өңірде аталған аурумен күрес және оның алдын алу мәселесі күн тәртібінен түскен емес. Мәселен, Қызылорда облысында 2022 жылдың 9 айында туберкулездің 330 жағдайы тіркелді. Бұл көрсеткіш өткен жылдың осы кезеңімен салыстырғанда 21,6%-ға артқан. Басым көпшілігін тыныс алу жолдарының туберкулезі құрап отыр.Қала, аудан бойынша жеке тоқталатын болсақ, сырқаттанушылық деңгейі Жалағаш ауданында бір деңгейде болса, қалған өңірлердің барлығында эпидемиологиялық ахуал тұрақсыз болып қалуда.&nbsp;Туберкулездің ашық түрімен ауырғандар саны облыс бойынша 1,3 есеге жоғарылаған.&nbsp;Індетке шалдыққандардың 66%-і әлеуметтік белсенді топтар, яғни 18-64 жас аралығындағы тұрғындар. Сырқаттанушылықтың 5,4%-ы 14 жасқа дейінгі балалар және 5,4%-ы жасөспірімдер арасында тіркелген.Эпидемиологиялық талдау нәтижелері көрсеткендей, туберкулезге шалдығу деректері көп жағдайда жұмыссыздар және зейнеткерлер арасында тіркелді. Жыл басынан бері туберкулездің 5 асқынған түрі және 10 өлім-жітім жағдайы ересектер арасында тіркелді. Көз жұму деректерінің 5-еуі Қызылорда қаласында және 1 жағдайдан Жалағаш, Қазалы, Жаңақорған аудандарында, 2 жағдай Байқоңыр қаласында тіркеуге алынды. Аурудың асқыну және өлім-жітім себептері ауыру қаупі жоғары «тәуекел» топтағы контингенттердің уақытылы флюрографиялық тексерілмеуі, ауру клиникасы пайда болғанымен тұрғындардың медициналық көмекке кеш жүгіну салдарынан болуы ықтимал. Туберкулез ошақтарына, қарым-қатынастағыларға эпидемиологиялық бақылау, зерттеу, ауру көзін анықтау шаралары медицина ұйымдары мамандарымен бірлесіп жүргізілуде. Туберкулезден өлім-жітім жағдайы 2021 жылдың осы мерзімімен салыстырғанда 1 жағдайға төмендеген.Туберкулезге қарсы егілмегендер саны – 416, ата-анасының екпеден бас тартуы себепті вакцина алмағандар саны 58-ден 85-ке өскен. Бұл сәйкесінше туберкулез ауруының эпидемиологиялық ахуалының тұрақсыз болып қалыптасуына әсер етуде. Бұл ретте санитариялық-эпидемиологиялық бақылау саласының қызметкерлері денсаулық сақтау ұйымдары мамандарымен бірлесіп, санитариялық-ағарту жұмыстарын жүргізуде.&nbsp;Ауа барлық адамға ортақ болғандықтан туберкулез бактериясын жұқтырудан ешкім қорғалмаған. Әсiресе балалар мен егде жастағылар үшiн өте қауiптi. Туберкулезбен ауыратын адаммен жақын қарым-қатынас жиi, әрi ұзақ болса, түрлi себептермен ағзаның қорғаныш күшi әлсірегенде туберкулез таяқшалары белсендiлiк танытып, аталмыш аурудың қозуына себепшi болады.&nbsp;Бүгiнде ауру ерте анықталып, емдеу шаралары уақытылы жасалған жағдайда туберкулезден толық сауығып шығу мүмкіндігі дәлелденген.&nbsp;Туберкулездің алдын алудың тиімді әдісі – профилактикалық медициналық тексеруден өту. Туберкулез рентгенологиялық әдіспен анықталады, яғни кеуде қуысын флюорорграфиялық және рентгенологиялық тексеруден өткізу.&nbsp;Ал балалар арасында туберкулезді анықтаудың маңызды әдісі-туберкулин сынамасын қою. Туберкулин диагностикасы 12 айдан бастап 14 жасқа жеткен тәуекел тобындағы балаларға Манту сынамасын қою арқылы жүргізіледі. Манту сынамасын бұрынғы қойылған сынамалардың нәтижесіне қарамастан жылына бір рет қояды. Ол БЦЖ вакцинасын егу мен қайта егу контингентін іріктеу мақсатында жасалады. Балалар үшін БЦЖ вакцинасын егу ең алдымен туберкулез менингиті, ауыр түрдегі аурулардың таралуынан қорғайды. Алғашқы екпені жаңа туылған бала перзентханада 0-4 күн ішінде алады. БЦЖ ревакцинациясы тек дені сау, алынған манту сынамасы теріс болған 6-7 жастағы балаларға жүргізіледі. &nbsp;

Қызылорда облысында туберкулез дертінің көрсеткіші артқан

<a href="https://kyzylorda-news.kz/">Kyzylorda-news.kz.</a> Бүгін Үкімет басшысы Әлихан Смайловтың төрағалығымен өткен селекторлық режимде Білім беруді дамытудың 2022-2026 жылдарға арналған тұжырымдамасын бекіту мәселесі қаралды.Жиынға салалық министрлер, өңір әкімдері қатысты.Оқу-ағарту министрі Асхат Аймағамбетов тұжырымдамада мектеп бағдарламасы жетілдіріліп, келешекте мектептерге академиялық автономия беріліп, әр оқушының цифрлық портфолиосы әзірленетінін жеткізді. Сондай-ақ, шағын комплектілі мектептерде жекеленген пәндер онлайн оқытылып, балаларды цифрлық оқулықтармен оқыту көзделмек. Сапаны арттыру үшін директорлар мен мұғалімдердің кадрлық резерві де жасақталуда.Ал ғылым және жоғары білім министрі Саясат Нұрбек «Жайлы мектеп» жобасы аясында елімізде 100 мың педагог даярлау жоспарда тұрғанын және жұмыс берушілермен бірге университтердің білім бағдарламалары жаңартылғанын тілге тиек етті.Жастарды кәсіпкерлік дағдыларына оқыту үшін колледждер, оның ішінде ауылдық колледждер жанынан шағын инновациялық кәсіпорындар құрылатын болады. Бұл колледж түлектерінің 75%-ын оқу бітіргеннен кейін бірден жұмысқа орналастыруға мүмкіндік береді.&nbsp;Селекторлық жиында цифрлық даму, инновациялар және аэроғарыш өнеркәсібі министрі Бағдат Мусин мектептерге интернет орнату және балаларға арналған планшет құрылғыларын сатып алу мәселесіне тоқталды.Премьер-министр 5 жылдық тұжырымдамада көрсетілген жоспарлардың уақытылы орындалуын тапсырып, балалардың сапалы білім алуында кедергі болмауы қажет екенін баса айтты.Үкімет тапсырмаларын орындау бойынша облыс әкімі Нұрлыбек Нәлібаев өңірде білім сапасын жетілдіру және мектептердің құрылыс мәселелеріне тоқталып, сала басшыларына нақты тапсырма жүктеді.&nbsp;<blockquote>«Оқушылардың сапалы білім алуына қолайлы жағдай жасау – біздің басты міндетіміз. Жаңа тұжырымдамада көзделген барлық көрсеткіштер өз мерзімінде орындалуы тиіс. Осы кезге дейін аймақта жаңадан бірнеше мектептің құрылысы жүргізіліп, ғимараты ескірген мектептер күрделі жөндеуден өтуде. Алайда, Қармақшы ауданындағы №121, №85 мектеп пен Жаңақорған ауданындағы №55 мектептің күрделі жөндеу жұмыстары әлі аяқталмай тұр. Бұл жүйесіз жоспарлаудың салдары. Білім басқармасының басшысы мен аудан әкімдері Сіздерге қазан айында жұмыстарды аяқтау тапсырылды. Бірақ, нәтиже жоқ. Біз «балалар лайықты деңгейде білім алсын» деп жаңа мектептер салуға қаражат сұраймыз, Сіздер ғимарат құрылысын аяқтауға түрлі себептерді сылтау етесіздер. Мердігерлермен жұмысты ширату керек. Жыл аяғын күтпей, шұғыл арада жұмысты үйлестіріп, мектепті ел игілігіне табыстаңыздар», – деді Нұрлыбек Нәлібаев.</blockquote>Биыл өңірде 4350 орынға арналған 9 мектептің құрылысы жүргізілуде. Жаңа оқу жылына 1 мемлекеттік және 2 жекеменшік мектеп ғимараты пайдалануға берілді. Енді жыл соңына дейін Қызылорда қаласында бір мектеп, Жаңақорған ауданында 3 мектеп Қазалы ауданында 1 мектеп пайдалануға берілуі тиіс.Айта кетейік, аймақта алдағы жылдары «Жайлы мектеп» жобасы аясында 15 жаңа мектеп салынады. Ал демеушілердің өз қаражатына салынған жеке мектептер саны 20-ға жетті.<img src="https://knadmin.beoblood.kz/uploads/15_3b1f4ee0ef.jpg" alt="15.jpg"><img src="https://knadmin.beoblood.kz/uploads/14_6dedc499d9.jpg" alt="14.jpg"><img src="https://knadmin.beoblood.kz/uploads/13_53e9f40092.jpg" alt="13.jpg"><img src="https://knadmin.beoblood.kz/uploads/16_ea735c8fdf.jpg" alt="16.jpg"> &nbsp;

Білім беруді дамытудың 5 жылдық жаңа тұжырымдамасы қабылданды

<a href="https://kyzylorda-news.kz/">Kyzylorda-news.kz.</a> Қызылордада Достық үйінде Корея Республикасы Парламентінің депутаты, Хон Бом До қорының директоры У Вон Сик басқарған делегацияның қатысуымен конференция өтті.Ең бірінші делегация мүшелері бірлік пен келісім шаңырағында облыстық корей этносының мәдени күніне әзірленген сурет және корей асханасының көрмесімен танысты.Конференцияның модераторы облыс әкімінің орынбасары Нұрымбет Сақтағанов екі ел арасындағы дипломатиялық қарым-қатынастың нәтижесінде саяси және экономикалық, тарихи, мәдени, білім және басқа да бағыттағы қыруар шаруалардың атқарылғандығын алға тартты.<blockquote>«Қазақстан мен Кореяның дипломатиялық қарым-қатынасы 1992 жылы орнатылды және биыл осы маңызды оқиғаға 30 жыл толады. Баршаңызды салтанатты күнмен құттықтауға рұқсат етіңіздер. Корея Республикасы үшін Қазақстан сенімді серіктес болып табылады. Екі ел арасында саясат, экономика, мәдениет сияқты барлық салалардағы ынтымақтастық үнемі нығайып келеді. Бүгінде Қазақстанда 300-ден астам корей компаниялары жұмыс істейді. Олар тұрғын үйлер мен жолдар салады, кен орындарын игереді», - деді Нұрымбет Сақтағанов.</blockquote>Конференцияда Корея Республикасы Парламентінің депутаты У Вон Сик Қазақстан басқа мемлекеттермен ашықтық пен белсенді ынтымақтастықтың арқасында Орталық Азияда ең жылдам қарқынмен өсіп келе жатқанын атап өтті.<blockquote>«Корей халқы Қазақстанды бейбітшілікті ту еткен ел ретінде біледі. Әсіресе жастарымыздың қазақ елінің тарихы мен мәдениетіне деген қызығушылығы орасан зор. Осы ретте екі ел арасындағы достық одан әрі тереңдей түседі деген үміттемін. Барлық бағыттар мен келіссөздер одан әр жанданып, дами түседі деген ойдамын», - деді У Вон Сик.</blockquote>Мазмұнды жиында «Қазақстан кәрістер қауымдастығының» төрағасы Юрий Шин, Қызылорда корей этномәдени бірлестігінің жетекшісі Елена Ким және бірлестіктің ардагері Юрий Ким сөз сөйлеп, кешегі тарихи байланыстар бүгінде өзінің маңыздылығын жоймай, жаңа заман талабына сай орнап, дамып келетіндігін атап өтті.Осыдан 85 жыл бұрын Сыр өңіріне Қиыр шығыстан жер аударылған корей этносының өкілдері барлық замана ауыртпалығын еңсеруге еселі еңбегімен өз үлестерін қоса білді. Олар тағдыр теперішіне ұшыраған сәтте құшағын ашып, бауырына басқан жергілікті қазақ халқымен біте қайнасып, ынтымақта өмір сүріп, әр салада еңбек етіп, ел дамуына елеулі үлесін қосып келеді.<figure class="image"><img src="https://knadmin.beoblood.kz/uploads/Bezymyannyj_2a0d6fdcc6.jpg" alt="Безымянный.jpg"></figure>

Қазақ-корей қарым-қатынасына 30 жыл

<a href="https://kyzylorda-news.kz/">Kyzylorda-news.kz.</a> Елдің тыныштығы мен халықтың қауіпсіздігін қамтамасыз ететін полиция қызметкерлерінің жүктемесі көп, міндеті де ауыр. Сол себепті «полиция қызметкері – халықтың қорғаны» десек, еш қателеспейміз. Тұрғындардың амандығы мен тыныштығы үшін күні-түні аянбай қызмет ететін сала қызметкерлерінің бір күні қалай өтетінін біз білеміз бе? Осы сұраққа жауап алу мақсатында тәртіп сақшыларының біркүндік жұмысын бірге атқаруды жөн көрдік.Жұмыс уақыты ерте басталадыЖалағаш аудандық полиция бөлімінде жұмыс уақыты ерте басталды. Таң атысымен ғимарат ішінде тіршілік қайнап жатыр, сірә үйреншікті жағдай болар, ұйқысын аша алмай, маужырап жүрген ешкім байқалмады. Қызметкерлер таңғы сағат 7.00-де кезекші бөлімнен қару алады екен. Содан кейін бүгінгі жұмыс күнінің міндеттері мен тапсырмалары беріліп, сағат жеті жарым шамасында саптық жиын басталды. Жиында міндетті бөліністерін айқындаған полиция қызметкерлері дереу жұмыстарына кірісіп кетті.Бұл жолы әріптесім Ерлан Созақбаев екеуміз АПБ Жергілікті полиция бөлімшесіне қарасты патрульдік полиция тобының қызмет инспекторы Нұрлыбек Жолдастың біркүндік кезекшілігіне түсіппіз. Орда бұзар жаста тұрған жігіттің бұл жұмыста келе жатқанына 7 жылдан асыпты. Өз ісіне деген жауапкершіліктің қандай боларын ол жақсы біледі. Қысқасы, бұл саладағы жұмыстың барлығы оған бес саусағындай таныс.Бізде полиция қызметкерінің формасын киіп, аға лейтенант Нұрлыбектың «Нива» маркалы жұмыс көлігіне отыра кеттік. Әрине қобалжу бар. Полиция қызметкері дереу бізден қауіпсіздік белдігін тағуды талап етті. «Бүгін менің әріптесім екенсіз, сол себепті тәртіпті әуелі өзімізден бастағанымыз жөн», деген қызметкердің бір ауыз сөзі біз үшін жауапкершілікті одан бетер еселегендей болды.Көлігіміз кент орталығына жол тартты. Дәуімбай елді мекенінде көлік саны аз ба, ереже бұзғандар кездесер емес. Әрине қуантарлық жағдай. Осы сәтті пайдаланып, полиция инспекторын әңгімеге тартуды жөн көрдік.Полицейдің айтуынша, қазір кентте көлік саны көбейген. Сол себепті жол жүру ережесі жиі бұзылып жататын көрінеді. «Біздің негізгі мақсат – тек айыппұл салумен шектелмей, жүргізушілерге түсіндірме жұмыстарын жасап, мейлінше олардың қауіпсіздігіне жұмыс жасау» деп түйді ол әңгімесін. Әріптесімнен көп сөздің емес, істің адамы екені көрінді.Көлік қозғалысын реттеуде полицейлердің рөлі зорКент орталығындағы базар маңына тұрақтап, кейіпкерім көлік қозғалысын реттеуге кірісіп кетті. Көлік қозғалысын реттеуде полицейлердің рөлі зор. Өйткені базар маңында таңертең көлік саны көбейеді, көлік жүрісі қиындай түседі. Сол сәтте көлік жүргізушінің жол белгі талабын орындамай тұрғанын байқап қалса керек. Қолындағы арнайы аппаратпен «Вольфсваген» автокөлігін тізгіндеген азаматтың сәл аялдауын сұрады. Осылайша жұмысымыз одан әрі қыза түсті. Амандасып, өзін таныстырған Нұрлыбек көлік иесінен көлік құжаттарын көрсетуді талап етті, құжаттары түгел екен, инспектор қолына планшетін алып, хаттама толтыра бастады. Хаттаманы толтырып болған соң, көлік иесімен белгі тұрған жерге барып, түсіндірме жұмысын жүргізді.Аудан орталығындағы стадион алдында айналма жолдан өте бергенде тағы да «Вольфсваген» маркалы көлік назарымызға ілікті, бірақ түсі бөлек екен. Автокөліктегі дыбыс күшейткішпен көлікке оң қапталға аялдауды талап етті. Жүргізуші де дереу талапты орындап, көлік қозғалтқышын сөндірді. Дәл жоғарыдағыдай реттілікпен құжаттарын сұрады. Құжаттары түгел. Бір айыбы көлік жүргізушісі қауіпсіздік белдігін тақпаған, оған қоса көліктің жарық шамын жақпаған. Әрине заң бәріне ортақ, көлік иесіне заң талабын сақтай отырып, 2 хаттама толтырылып, ескерту жасалды. Түсіндірме жұмыстарын да назардан қалдырмады.Араға 30 минут сала Дәуімбай елді мекеніне өтетін «тесік көпірден» өткенімізде «LADA» автокөлігінің ережені бұзып келе жатқанын байқадық. Біз де қырағылана бастадық па, жан-жақтағы көліктердің барлығын көзбен сүзгіден өткізіп келеміз. Әріптесім көлік тізгіндеген азаматқа оң қапталға тоқтауды талап етті. Тәртіп бұзған көлік иесіне “Қауіпсіздік өзіңіз үшін, сондықтан белдік тағып жүруді қаперден шығармаңыз” деп ауызша да, жазбаша да ескерту жасалды.Нұрлыбек Жолдастың айтуынша, жалпы жол қауіпсіздігін қамтамасыз етуге Жалағашта 3 полицей қызмет етеді. Күніне жүгенсіз көлік жүргізушілерге 10-нан аса айыппұл салынатынын айтады. Демек, көлік жүргізушілер тарапынан жол ережесін сақтауға әлі де құлықсыздық басым деген сөз.<blockquote>«Мен бала кезден полиция қызметкері боламын деп армандайтынмын. Тек армандап қана қоймай, осы маман иесі атануды мақсат еттім. Оқуымды бітіргесін «Кім боламын?» деп көп ойланбадым, дереу осы салаға жұмысқа орналастым. Жаман емес, шүкір, қызығы мен шыжығы мол жауапты қызмет атқарудамын. Қызметте жүрген соң жұмыс барысында қойылған талаптарды уақытында орындауға міндеттіміз. Өйткені бұл – адам өмірі мен қауіпсіздігіне жауап беретін қызмет саласы. Сол себепті полицей қызметкері дене дайындығымен қатар психологиялық дайындықта жүруі қажет. Қызмет болған соң, әртүрлі оқыс оқиғалар, яғни көлік апаты, адам өлімі секілді жайттар орын алып жатады», – дейді полицей Нұрлыбек Жолдас.</blockquote>Түйін: Әрине мұндай өте жауапты қызметке төзу оңай шаруа емес. Себебі полицейлер де адам баласы. Оларда да жүрек бар екенін естен шығармағанымыз абзал. Қарбаласы мол біркүндік жұмыс күні аяқталғасын, қызметтік қару қайтадан кезекші бөлімге тапсырылды. Сырттай қарағанда форма киіп жүретін қызмет болып көрінгенімен, жоғарыда айтып өткеніміздей, бұл қызмет – жауапкершілігі мол жұмыс. Ең басты міндеттері – адам өмірі, тұрғындар қауіпсіздігі. «Қауіпсіз ортаны қалыптастыруда тек полиция қызметкерлері ғана жауапты» деген түсініктен арылып, қоғам болып сол жауапкершілікті сезінуіміз қажет деп санаймын.Жандос Жазкен<img src="https://knadmin.beoblood.kz/uploads/2_3f536df2a8.jpg" alt="2.jpg"><img src="https://knadmin.beoblood.kz/uploads/3_8e9e6cd4f6.jpg" alt="3.jpg"><img src="https://knadmin.beoblood.kz/uploads/4_cb314affad.jpg" alt="4.jpg">

Полицейдің бір күні (ФОТО)

<a href="https://kyzylorda-news.kz/">Kyzylorda-news.kz.</a> Биыл Қазақстан Республикасы мен Корея арасындағы дипломатиялық қарым-қатынастардың орнағанына 30 жыл. Ал, Сыр еліндегі казақ және корей халықтары арасындағы ашық әрі сенімді достық қарым-қатынастың бекігеніне 80 жылдан астам уақыт өтті. Кеңес заманында Қызылорда облысына депортацияланған корейлердің біршама ұрпақтары қоныстанып, тату-тәтті өмір сүруде.Бүгін облыс әкімі Нұрлыбек Нәлібаев Сыр өңіріне арнайы жұмыс сапарымен келген Корея Республикасы Парламентінің Депутаты У Вон Сик бастаған делегация өкілдерімен кездесіп, аймақ үшін маңызды бірлескен жобаларды жүзеге асыру мәселелерін талқылады.Облыс әкімі күні кеше Сеул қаласында орын алған қайғылы оқиғаға байланысты Корея халқына барша аймақ тұрғындарының атынан көңіл айтып, оқиға салдарынан жараланғандардың тез арада сауығып кетуін тіледі.Екі ел арасындағы жан-жақты ынтымақтастық орнағанын атап өткен аймақ басшысы алдағы уақытта да тиімді әріптестік аясы кеңейе түсетініне сенім білдірді.<blockquote>«Елімізде әр этностың өз тамырынан ажырамай, тілі мен ділін сақтауына барлық жағдай жасалған. Корей бауырларымыз өздерінің адал еңбегімен аймақтың мәдени-рухани, аграрлық және әлеуметтік-экономикалық дамуына зор үлестерін қосуда. Қазақтар да, корейлер де Тәуелсіздіктің қадір-қасиетін жақсы түсінеді. Бұл ретте, Кореяның азаттығы үшін күрескен бірегей тұлға, нағыз батыр Хон Бом Доны атап өтпеске болмайды. Тағдырдың жазуымен өмірінің соңғы жылдарын қазақ жерінде өткізген батырдың құрметіне Қызылорда қаласында мемориал тұрғызылып, оның есімімен қала көшесінің бірі аталды. Екі ел Президенттері арасындағы келісімге сәйкес Кореяның ұлттық батыры Хон Бом До сүйегін тарихи отанына қайтару рәсімі өткізілген болатын. Бұл – Қазақстанның корей жұртына деген шынайы ықыласы мен зор құрметінің белгісі», - деді облыс әкімі.</blockquote>Нұрлыбек Нәлібаев Корея Республикасымен жасалған Меморандум аясындағы келісімдерге сәйкес Қызылорда қаласында орналасқан Хон Бом До мемориалдық кешеніне қайта жаңғырту жұмыстарын жүргізу және өңірдің бірқатар білім беру ұйымдарына жалпы құны 74 млн. теңгені құрайтын 173 компьютер табыстау секілді бастамалары үшін алғыс білдіріп, алдағы уақытта өңір үшін маңызды жобаларды бірлесе жүзеге асыруды ұсынды.Атап айтқанда, қаланың сол жағалау аймағында дарынды балаларға арналған физика-математикалық мектеп және емхана құрылысын салу үшін кореялық компанияларды шақыру туралы ұсыныс айтып, Хон Бом До топырағы қайта жерленген Тэчжон қаласы мен ауыл-шаруашылық саласы дамыған Чоллабук-до провинциясымен ынтымақтастық орнатуға ниет білдірді.Өз кезегінде У Вон Сик ортақ ұсынысты қабыл алып, екіжақты байланысты одан әрі нығайтуға мүдделі екенін жеткізді және мектеп салу, емхана құрылысын жүргізуге қолдау білдіретінін баса айтты. Ал, келесі жылдың қыркүйегінен бастап іргелі оқу орны Қорқыт ата университетінен арнайы ІТ бөлім ашуға мүдделік танытты.<figure class="image"><img src="https://knadmin.beoblood.kz/uploads/akimat2_edab91c869.jpeg" alt="акимат2.jpeg"></figure>

Сыр өңірінде Кореямен әріптестік аясы кеңейе түспек

<a href="https://kyzylorda-news.kz/">Kyzylorda-news.kz.</a> 31 қазанда ауа райының бұзылуына байланысты бірнеше өңірде ескерту жариялады, деп хабарлайды Қазгидромет.Қызылорда облысында оңтүстіктен, оңтүстік-шығыстан жел соғады, күндіз өңірдің батысында, орталығында күші 15-20 м/с жетеді.&nbsp;

31 қазанға арналған ауа райы болжамы

Kyzylorda-news.kz. Облыс әкімі Нұрлыбек Нәлібаевтың төрағалығымен өткен төтенше жағдайлардың алдын алу және оларды жою жөніндегі облыстық комиссияның кезекті отырысында бірқатар мәселелер қаралды.Жиында облыс әкімі аппараты басшысының орынбасары Жандос Еркінбек ықтимал су тасқынының алдын алу мәселелері бойынша атқарылуға тиіс жұмыстарды баяндады. Оның айтуынша, жыл сайын өңірде мол суды қауіпсіз өткізу мақсатында қорғаныс бөгеттері мен су шаруашылығы нысандарының ахуалын зерттеп, анықтау жүргізу арқылы жөндеу, күшейту және қалпына келтіру жұмыстары атқарылуда.Аймақ басшысы су деңгейі толысып, мұз қату кезінде қауіпсіздік шараларын сақтап, ең қауіпті деген тұстарды алдын ала анықтау жұмыстарын уақыты жасауды тапсырды. Бұл ретте қажетті техника мен құрал-жабдықтарды әзірлеу жұмыстарын тиянақты түрде орындау керек екенін алға тартты.Отырыста қысқы мұз ұстасу кезеңінде су деңгейі көтеріліп, елді мекендерге, инфрақұрылымға су басу қаупі туындауы ықтимал Арал, Қазалы, Қармақшы ауданының әкімдері баяндама жасады. Сондай-ақ, Арал-Сырдария бассейндік инспекциясы мен «Қазсушар» РМК басшылығы қазіргі су тоғандарында қалыптасқан жағдайды, ал «Қазгидромет» РМК Қызылорда облысы бойынша филиалының директоры алдағы қыс мезгіліндегі ауа райы болжамын сипаттады.Комиссия отырысында қыс мезгіліндегі жол қауіпсіздігі мәселесі де қаралды. Облыстық төтенше жағдайлар департаментінің бастығы Руслан Қайрақбаев пен «ҚазАвтожол» мекемесінің басшысы Ерұлан Жүнісов баяндама жасады.Аймақ басшысы қысқы уақыттағы төтенше жағдайлардың басым бөлігі автожол бойларында орын алатынын қаперге салып, алдағы уақытта ескерілуі тиіс мәселелерді тізбектеді. Оның ішінде, «Қызылорда-Жезқазған» трассасы бойындағы ұялы байланыстың болмауы, автожол бойындағы қар басу қауіпі бар учаскелерді қардан тазалау үшін арнайы техникалар және жылыту бекеттері дайындығы және аймақтағы қалқымалы көпірлердің жағдайы бақылауды қажет етеді.Осыған орай, алдын-ала арнайы техника мен жылыту бекеттерінің дайындығын пысықтап, төтенше жағдайдан зардап шегушілерге көмек көрсету үшін қажетті бұйымдарды әзірлеу тапсырылды. Сондай-ақ, жауапты мекемелерге халықты қауіпсіздік шаралары туралы кеңінен ақпараттандыру бойынша міндет жүктелді.<img src="https://knadmin.beoblood.kz/uploads/311641477_418778977110019_8838681622917399765_n_4ad0614b2e.jpg" alt="311641477_418778977110019_8838681622917399765_n.jpg"><img src="https://knadmin.beoblood.kz/uploads/312571211_418778717110045_4566548129537055049_n_96510b9c32.jpg" alt="312571211_418778717110045_4566548129537055049_n.jpg">

Қыс мезгіліндегі қауіпсіздік шаралары пысықталды 

Kyzylorda-news.kz. 30 қазанда Қазақстан аумағының басым бөлігінде атмосфералық фронттардың әсерінен күн райының құбылмалы сипаты күтіледі – жаңбыр мен қар түрінде жауын-шашын болады.Тек Ақмола, Солтүстік Қазақстан, Шығыс Қазақстан облыстарында солтүстік-батыс антициклонының әсерінен жауын-шашынсыз ауа райы сақталады. Республика бойынша тұман, көктайғақ, желдің күшеюі болжанады. Бұл туралы Қазгидромет хабарлайды.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сыр елінде жазушы Кемел Тоқаев атындағы V республикалық детектив шығармалар байқауын қорытындылаған салтанатты шара өтті.&nbsp;Биыл дүбірлі доданың бесінші мәрте жалауы желбіреп, еліміздің барлық өңірлеріндегі шытырман шығарма шеберлерінің басын қосты. Айтулы шараға облыс әкімінің орынбасары Нұрымбет Сақтағанов арнайы келіп, республикалық байқаудың маңыздылығына тоқталды.&nbsp;<blockquote>«Қазақ детектив жанры – екінің бірі бара бермейтін қызықты әрі күрделі жанр. Сол себепті еліміздің түкпір-түкпірінен жиналған тың туындылар қандай марапатқа ие болса да лайық. Шытырманға толы ерекше шығармашылығын ұсынған барлық қатысушыларға алғыс айтамыз», - деді облыс әкімінің орынбасары Нұрымбет Сақтағанов.</blockquote>Салтанатты шарада «Заң» медиа-корпорациясы ЖШС директоры Досымбек Өтеғалиев республикалық сайыстың қорытындысын баяндады. Сонымен қатар, шығармашылық байқаудың дәстүрлі түрде жыл сайын жалғасатынын тілге тиек етті.<blockquote>«2018 жылы алғаш рет біз детектив жанрын ілгерлету мақсатында республикалық байқау жариялаған болатынбыз. Содан бері жыл сайын қатысушылар саны артып, көптеген детектив жанрындағы шығармалар ұсынылды. Биыл үш жарым ай ішінде 106 шығарма бізге келіп түсті. Әр шығарма өзінің ерекшелігімен әрі қылмыс ашудағы қызықты оқиғалармен тамсандырды. Сол үшін де үздіктерді анықтау қиынға соқты. Баршаларыңызға сәттілік тілеймін», - деді Досымбек Қонысбекұлы.</blockquote>Байқау қорытындысы бойынша «Оқырман таңдауы» номинациясымен «Алқаракөк» шығармасы үшін Алматы қаласының тұрғыны Дидар Қосылбеков, жүлделі III орын «Түтін» шығармасы үшін Астана қаласының тұрғыны Айгүл Кемелбаева, жүлделі III орынмен «Оралманның ойраны» шығармасы үшін Қызылорда қаласының тұрғыны Тұрақ Ахетов, жүлделі II орынмен «Тылсым түннің қүпиясы» шығармасы үшін Ақтөбе облысының тұрғыны Бақыт Жалиева, жүлделі II орын «Тамұқтан жеткен үн» шығармасымен Алматы облысының тұрғыны Нұрлан Шынтаев, I орынмен «Үтіктегі қан» шығармасы үшін Қызылорда облысының тұрғыны Алдажар Әбілов марапатталды. Ал бас жүлде Жетісу облысының тұрғыны Асхат Өмірбаевтың «Қылмыскердің күлкісі» шығармасына бұйырды.<figure class="image"><img src="https://knadmin.beoblood.kz/uploads/313352669_1653082905087215_7780923997077715707_n_078d4682b2.jpg" alt="313352669_1653082905087215_7780923997077715707_n.jpg"></figure><figure class="image"><img src="https://knadmin.beoblood.kz/uploads/313365129_1653082941753878_5237758059341014850_n_10e765ff01.jpg" alt="313365129_1653082941753878_5237758059341014850_n.jpg"></figure>

Кемел Тоқаев атындағы V республикалық детектив шығармалар байқауының жүлдегерлері марапатталды

Kyzylorda-news.kz. Бүгін облыс әкімі Нұрлыбек Нәлібаев орталық стадионда өткен «Қайсар» мен «Жетісу» командаларының ойынына барып, жанкүйер болды. «Қайсар» «Жетісумен» тең түсіп, Премьер-лигаға шықты.Ойын аяқталғанан кейін белгілі футболшы, Сыр елінің мақтанышы Мақсат Байжановтың үлкен спортпен қоштасу рәсімі өтті. Шараға арнайы Қазақстан кәсіпқой футбол лигасының президенті Шох Рохус Рохусович, сала басшылары, Сыр спортының жанкүйерлері қатысты.Облыс әкімі Мақсат Байжановтың еңбек жолы жастарға үлгі екенін айтып, қайсарлықтарды Премьер-лигаға шығуымен құттықтады. Спорт жанашырлары үшін ақжолтай жаңалықты жеткізіп, жаңа стадион салу бастамасы қолға алынатынын айтты.<blockquote>«Ресейдің Краснодар қаласында былтырғы жылы бір жыл ішінде 10 мың орындық 12 миллион долларға жабық стадион салынған екен. Келесі жылы біз де сондай жаңа стадион құрылысын бастауға ниеттіміз. Бұл ұсынысты жерлестерім, ірі компаниялар мен кәсіпкерлер қолдайды деп сенемін.&nbsp; Бүгін Сыр спортының саңлағы, доп додасының дарабозы Мақсат Байжановтың үлкен спортпен қоштасу рәсіміне жиналып тұрмыз. Мақсаттың спорттық межесі өз мерейімен айшықтылады. Ол жеңісті де, жеңілісті де бастан кешірген, бірақ жеңісі үстем, көргені көп, түйгені мол тарланбоз жігіт. Байжановтың бабы ел біріншілігінде 500-ге жуық ойын өткізіп, 80-ге жуық гол соққан мергендігімен де көрінді. Сондай қысылтаяң шақта команда жауапкершілігін арқалаудың аманаты ауыр болады. Міне, Мақсаттың мықтылығы осынысымен озық тұр. Сол себепті жанкүйерлер оны құрметтейді, қаншама жас буын оған қарап бой түзеуге тырысады. Сыр спорты жасай берсін! Алға «Қайсар»! Алға Қазақстан!», - деді Н.Нәлібаев.</blockquote>Мақсат Байжанов кәсіби футболшы ретінде 2002 жылы «Қайсар» футбол клубынан бастап, Қазақстан Премьер-лигасының 7 клубында өнер көрсетті. Атап айтқанда, «Қайсар», «Ертіс», «Ақтөбе», «Локомотив», «Атырау», «Жетісу», «Шахтер» командаларында ойнады. Техникалық жағынан тәжірибелі ойыншы ретінде Қазақстан Ұлттық құрамасында 30 кездесу өткізді.Екі рет ел чемпионы, екі рет Қазақстан кубогының иегері болды. Чемпиондар &nbsp;және Еуропа лигасына қатысқан алғашқы қызылордалық футболшы екені де елеулі белесін білдіреді. Сондай-ақ Серік Жейлітбаев атындағы сыйлықтың иегері. &nbsp; <img src="https://knadmin.beoblood.kz/uploads/IMG_20221028_WA_0019_b643278449.jpg" alt="IMG-20221028-WA0019.jpg"><img src="https://knadmin.beoblood.kz/uploads/IMG_20221028_WA_0015_ffc6bc00bc.jpg" alt="IMG-20221028-WA0015.jpg"><img src="https://knadmin.beoblood.kz/uploads/IMG_20221028_WA_0018_782877e21e.jpg" alt="IMG-20221028-WA0018.jpg"><img src="https://knadmin.beoblood.kz/uploads/IMG_20221028_WA_0016_0f59ea29a0.jpg" alt="IMG-20221028-WA0016.jpg">

«Қайсар» Премьер-лигаға шықты

<a href="https://kyzylorda-news.kz/">Kyzylorda-news.kz.</a> Арал – жарты әлемге балығымен аты шыққан тарихи мекен. Бүгінде теңізде өлкенің балығы әлемнің 10 еліне экспортталады. Қазіргі таңда мұнда 10 балық өңдеу зауыты жұмыс жасап, 31 бригададағы 700-ден аса балықшы су маржанын сүзумен айналысады.Адал еңбектің иелері саналатын балықшылар қауымы «Балықшылар слетінде» басқосты.&nbsp;Жиынға облыс әкімі Нұрлыбек Нәлібаев, ҚР Экология, геология және табиғи ресурстар министрлігі Балық шаруашылығы комитеті төрағасының орынбасары &nbsp;Алмас Асылбеков, мемлекет және қоғам қайраткері Құдайберген Саржанов, сала ардагерлері мен қызметкерлері қатысты.Облыс әкімі Нұрлыбек Нәлібаев аудан тұрғындарын Арал қаласының 95 жылдық мерейтойымен құттықтап, аймақ үшін балық шаруашылығының маңызын атап өтті.<blockquote>«Биыл айдынды өлке үшін ерекше жыл. Әлем таныған Арал қаласына 95 жыл толса, ашаршылық жылдары Поволжье тұрғындарына 14 вагон жіберген қайырымды іске 100 жыл толды. Теңіз дауылына желкенін жықпай, өмір соқпағына мойымаған ата бабаларымызды ерлігін де естен шығаруға болмайды. Еділ бойы мен оған жақын аумақтағы жұттан ашыққан жұртқа, сондай-ақ 7 миллионнан астам балаға көмек көрсеткен кешегі балықшыларымыздың еңбегі батырлықпен пара-пар. Арал өңірінің бүгінгі бет-бейнесінің қазіргідей кейіпке енуі - кешегі күнгі жанкешті еңбек еткен ерлердің, оның ішінде балықшылар қауымының құрышты да, қажырлы қызметінің жемісі. Дана халқымызда «Өткенді білмей, болашақты болжау мүмкін емес» деген тағылымды сөз бар. Осы ретте бұл ескерткіш біздің өткен тарихымызға елеулі еңбегі сіңген балықшы бабаларымызға құрмет және олардың бүгінгі ізбасарларына деген зор ілтипаттың үлгісі деп білемін», - деді Нұрлыбек Нәлібаев.</blockquote>Слетте облыс әкімі мемлекет және қоғам қайраткері, Қазақ Кеңестік Социалистік Республикасының Балық шаруашылығы министрі, Қызылорда облысының және Арал ауданының құрметті азаматы Құдайберген Саржановқа Президент Қасым-Жомарт Кемелұлы Тоқаевтың арнайы Алғыс хатын табыстады.<blockquote>«Құдайберген Саржанұлы аймақтың экологиялық проблемасын, Арал тағдырын жоғары мінберлерде көтеріп, балық шаруашылығын дамытуға ерекше үлес қосып келе жатқан ардақты азамат. Тоқсаныншы жылдары Теңіз жағалауынан ел үдере көшкен кезде Қапшағай аймағынан «Толқын» деген балықшы ауылын құрып, оған Арал балықшыларын көшірген бастамасын әлі күнге дейін жергілікті халық ерлікке теңейді. Сексеннің сеңгірінен асса да ата кәсіптен қол үзбей, «Қызыл» кітапқа енген Арал қаязы шабағын өсіріп, бағалы балық тұқымын қайта қалпына келтіру бағытында еңбек етіп келеді», - деді облыс әкімі.</blockquote>Өз кезегінде мемлекет және қоғам қайраткері Құдайберген Саржанов жерлестеріне алғыс білдіріп, биылғы слеттің балықшылардың өз ордасы Аралдың орталығында өтуінің символикалық мәні бар екенін жеткізді. ҚР ЭГТРМ Балық шаруашылығы комитеті төрағасының орынбасары Алмас Асылбеков Арал балықшыларын құттықтап, ізгі тілегін арнады.Салтанатты жиында балық шаруашылығына елеулі үлес қосқан бірқатар азаматтар құрметке бөленіп, марапатқа кенелді. Сондай-ақ, балықшы қауымның еселі еңбегін халыққа жеткізуде еңбек еткен облыстық "Сыр бойы" газетінің тілшісі Ержан Қожас марапатталды.Айта кетейік, Сыр өңірінде Еуропа нарығына шығуға мүмкіндік беретін еуропалық сапа стандартына растайтын белгісі бар төрт кәсіпорын жұмыс жасайды. Қазіргі таңда облыстағы балық өнімдерінің экспорт көлемі еселеп артып, биылғы жылдың 9 айында 3435 тонна өнім шет елге шығарылды.Өңірде балық шаруашылығын дамытудың 2021-2030 жылдарға арналған бағдарлама бекітіліп, Арал ауданына қатысты тауарлық балық өндірісін ұлғайту үшін 7 тауарлы көл тізімге енгізілді. Олар: Ақшатау-Сорғақ, Домалақ, Тұщы, Қаракөл, Алаша, Ақбілек және Шөмішкөл көлдері.<figure class="image"><img src="https://knadmin.beoblood.kz/uploads/313225547_417804390540811_1543154806292157949_n_9a54e8e5f0.jpg" alt="313225547_417804390540811_1543154806292157949_n.jpg"></figure><figure class="image"><img src="https://knadmin.beoblood.kz/uploads/312832753_417804430540807_4143512459246795867_n_79ae83c680.jpg" alt="312832753_417804430540807_4143512459246795867_n.jpg"></figure><figure class="image"><img src="https://knadmin.beoblood.kz/uploads/313211795_417804453874138_3194047232328194498_n_edb49fc004.jpg" alt="313211795_417804453874138_3194047232328194498_n.jpg"></figure><figure class="image"><img src="https://knadmin.beoblood.kz/uploads/313063499_417804440540806_4034685797229030617_n_2ca3230b95.jpg" alt="313063499_417804440540806_4034685797229030617_n.jpg"></figure><figure class="image"><img src="https://knadmin.beoblood.kz/uploads/313119318_417804357207481_941659939026427384_n_5d5602042f.jpg" alt="313119318_417804357207481_941659939026427384_n.jpg"></figure><figure class="image"><img src="https://knadmin.beoblood.kz/uploads/313213566_417804370540813_1896681196222329284_n_4ceaddab2d.jpg" alt="313213566_417804370540813_1896681196222329284_n.jpg"></figure>

Қазақстан және Қызылорда облысының басты жаңалықтары