<a href="https://kyzylorda-news.kz/">Kyzylorda-news.kz.</a> &nbsp;Сыр елінде жаңа жыл мерекесіне тарту ретінде түрлі әлеуметтік нысандар ашылып, халық игілігіне берілуде.Облыс әкімі Нұрлыбек Нәлібаев Жаңақорған ауданына жұмыс сапарымен барып, жаңа бөбекжай-бақшасы мен екі мектептің ашылу рәсіміне қатысты.Мереке қарсаңында Ақүйік ауылдық округінің Бірлік ауылында 90 орындық «Қызғалдақ» бөбекжай-бақшасы ашылды.Аймақ басшысы ауыл тұрғындарын келе жатқан мерекемен құттықтап, биылғы жыл Сыр өңірі үшін табысты әрі нәтижелі болғанын тілге тиек етті.<blockquote>«Президентіміз биылғы жылдың қыркүйек айындағы Жолдауында балаларды мектепке дейінгі біліммен қамтуға ерекше тоқталды. Бүгінгі күні аймақта 2-6 жас аралығындағы балалардың қамтылу көрсеткіші 85,6%-ды құрайды. Алдағы уақытта, балабақшалар желісін ұлғайтып, жеке секторларды тарту арқылы көрсеткішті 100%-ға жеткізетін боламыз. Биыл облысымызда 19 балабақша, 6 мектеп, Оқушылар үйі және Өнер мектебі пайдалануға берілді. Оның ішінде Жаңақорған ауданында құны 3 млрд. теңгені құрайтын 2 мектеп пайдалануға берілуде.Бүгін міне, Бірлік ауылында балбөбектерімізге сый ретінде 90 орындық «Қызғалдақ» бөбекжай балабақшасы есігін айқара ашты. Нысанның салынуына бюджеттен 366 млн. 900 мың теңге қаржы бөлінді.Білімнің бесігі – балабақша іші бүлдіршіндердің күлкісіне толы болып, бөбектеріміз білім, тәрбие нәрімен сусындап, еліміздің ертеңі болар ел тұтқасына айналсын!», - деді облыс әкімі.</blockquote>Іс-шара барысында ел ағалары жаңа нысанның ашылуымен құттықтап, жиналған қауымға бата берді.<blockquote>«Біздің Бірлік ауылымызда 2,5 мыңдай адам тұрады. Міне, бүгін көптен бері күткен мемлекеттік балабақша ашылды, алдағы уақытта табиғи газ да қосылып, жолдар жөнделеді екен. Барлық түйткілді мәселелер орнықты шешіліп келеді, бұл біздерді қуанышқа бөлеуде», - деді ауылдық ардагерлер кеңесінің төрағасы Әріпбек Асанұлы.</blockquote>Әрі қарай аймақ басшысы мен ел ағалары бөбекжайдың жұмысымен танысып, жаңажылдық шыршаға келген бүлдіршіндерге тәтті сыйлықтар таратты және балабақша әкімшілігіне теледидар сыйға табыстады.Мұнан кейін облыс әкімі Жаңақорған кентіндегі 300 орындық мектептің ашылу рәсіміне қатысты.<blockquote>«Президентіміздің қолдауымен биыл облысымызда 19 балабақша мен 6 мектеп ашылды. Жалағаш ауданында 200 орындық Оқушылар үйі мен 50 орындық Өнер мектебі бой көтерсе, бүгінде Жаңақорған ауданында құны 3 млрд. теңгені құрайтын 2 мектеп пайдалануға берілуде.«Жайлы мектеп» Ұлттық жобасы аясында алдағы үш жылда 15 100 орынға арналған құны 100 млрд. теңгеден асатын 21 мектептің құрылысы жүргізіледі. Бұл өз кезегінде апатты және үш ауысымды мектептердің санын жоюға мүмкіндік береді.Келесі жылы 19,6 млрд. теңгеге, 10 мектептің құрылысы басталады. Бұл алда атқаратын негізгі жұмыстарымыздың бір бөлігі ғана», - деді аймақ басшысы.</blockquote>Салтанатты іс-шарада зиялы қауым өкілдері келешекте осы білім ұясынан талантты шәкірттер түлеп ұшып, аймақ абыройын еселей түсетінін жеткізді.Шараға жиылғандар мектепті аралап, оқушылармен сұхбаттасты және оларға велосипед пен тәтті сыйлықтарды табыс етті.Қуанышты күнде бүгін аудан орталығында 600 орындық Н.Илялетдинов атындағы орта мектеп ашылды.Аймақ басшысы Н.Нәлібаев кент тұрғындарын құттықтап, алдағы уақытта да Сыр өңірінде, оның ішінде Жаңақорған ауданына ауқымды жобалар іске асырылып, көптеген жаңа әлеуметтік нысандар ел игілігіне табысталатынын жеткізді.Іс-шарада қоғам қайраткерлері жайлы әрі заманауи мектеп жас ұрпақтың білім мен ғылымға ден қоюына жол ашсын деп ақжарма тілегін қосты.<blockquote>“Шын мәнінде, жылдан-жылға ауылда тұратын отбасылар көбейіп, дүниеге нәрестелер келуде. Сөзсіз, мектеп қажет. Ауыл арасы жақын жерден қатынап оқитын балаларымыз үшін бұл мектептің ашылғаны барша ата-анаға қуаныш сыйлады,-деді ауыл тұрғыны.</blockquote>Айта кетейік, Жаңа жылға арналған мерекелік іс-шаралар өткен аптада бастау алды. Облыс орталығында ауыл шаруашылығы өнімдерінің жәрмеңкесі ұйымдастырылып, орталық алаңда бас шырша шамы жағылды. Мереке қарсаңында 110 отбасы жаңа пәтер алып, қоныс тойын тойлады. Мұнан бөлек, облыс әкімдігінде Президенттік шырша өткізіліп, Қазалы ауданында 3 ауыл газдандырылды және 140 орындық балабақша ашылды. Жыл соңына дейін бірқатар әлеуметтік нысан пайдалануға берілмек.<figure class="image"><img src="https://knadmin.beoblood.kz/uploads/322801974_1659413557795182_659862077890421252_n_e94fdb1326.jpg" alt="322801974_1659413557795182_659862077890421252_n.jpg"></figure>&nbsp;<figure class="image"><img src="https://knadmin.beoblood.kz/uploads/322904874_883110946213299_7912761488471589348_n_04f57f53c9.jpg" alt="322904874_883110946213299_7912761488471589348_n.jpg"></figure>&nbsp;<figure class="image"><img src="https://knadmin.beoblood.kz/uploads/322850273_550873859994617_7974500165857731167_n_f400bb20b5.jpg" alt="322850273_550873859994617_7974500165857731167_n.jpg"></figure>&nbsp;<figure class="image"><img src="https://knadmin.beoblood.kz/uploads/322846942_873792353913904_8814959129548632108_n_7d7df27de7.jpg" alt="322846942_873792353913904_8814959129548632108_n.jpg"></figure>&nbsp;<figure class="image"><img src="https://knadmin.beoblood.kz/uploads/322729679_1321549391974591_7608525442924569776_n_4f5df7e74c.jpg" alt="322729679_1321549391974591_7608525442924569776_n.jpg"></figure>

Жаңақорған ауданында жаңа балабақша мен 2 мектеп ел игілігіне берілді

<a href="https://kyzylorda-news.kz/">Kyzylorda-news.kz.</a> Еліміздің батыс өңірлері әлі де циклон ойпатының ықпалында болады, осыған байланысты қар аралас жаңбыр жауады, деп хабарлайды Қазгидромет.Елдің солтүстік – батысында, солтүстігінде, орталығында, шығысында атмосфералық фронтальды жүйелердің өтуімен қар, оңтүстігінде жаңбыр, қар жауады. Тек ҚР оңтүстік-шығысында жауын-шашынсыз ауа райы болжанды.&nbsp;Синоптиктердің болжамынша, республиканың батысында, солтүстігінде, оңтүстігінде тұман, батысы мен оңтүстігінде көктайғақ болжанды, еліміздің батысында, оңтүстік-шығысында жел күшейеді.

29 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Достық үйінде облыс әкімі Нұрлыбек Нәлібаев Президент Жарлығы аясында құқық қорғау органдарының бірінші басшыларымен бірге кезектілік тәртібімен жеке қабылдауға жазылған қала тұрғындарымен кездесіп, өтініш-пікірлеріне құлақ асты.Ел Президентінің «Халық үніне құлақ асатын мемлекет» тұжырымдамасы негізінде БАҚ-та және әлеуметтік желілерде хабарландыру беріліп, жеке қабылдауға 250-ге жуық азамат келді. Оның ішінде аймақ басшысына келген 80-ге жуық тұрғын 100-ге тарта мәселесін жеткізді. Жеке сауалдардың басым бөлігі тұрғын үй алу, жұмысқа орналасу немесе қаржылай көмек сұрау және бала денсаулығына қатысты ем алуға көмектесу бағытында болды.Облыс әкімі мен құқық қорғау орган басшылары келген азаматтардың мәселелерін жан-жақты қарап, заң аясында тиісті түсіндірме жасады.Жеке қабылдауға келген мүгедектігі бар азаматша көптеген жылдар бойы жалдамалы пәтерде тұрғандықтан, үкіметтен алған қаражаты пәтерақыдан артылмайтынын алға тартып, баспана алуға жәрдем сұрады.Облыс әкімі тұрғын үй тек заң аясында кезектілік тәртібімен берілетінін түсіндіріп, қала әкіміне көмек сұрап келген әйелдің тұрмыстық жағдайын зерттеп, оған уақытша баспана беру мүмкіндігін қарастыруды тапсырды. Бұл ретте жуырда ғана көпбалалы отбасыларға, халықтың әлеуметтік жағынан осал топтарына, жетім және ата-анасының қамқорлығынсыз қалған балаларға 110 пәтер берілді және алдағы уақытта да бірқатар көпқабатты тұрғын үйдің құрылысы аяқталып, ел игілігіне табысталады.Аймақ басшысына бір топ тұрғындар үйлеріне күрделі жөндеу жасаған компанияның жұмысты сапасыз жүргізгеніне шағымданды. Облыс әкімі мәселені зерттеп, мердігердің жауапкершілігін қарауды тапсырды.Жеке қабылдаудан кейін Нұрлыбек Нәлібаев қала тұғындарымен кездесіп, жыл қорытындысымен қол жеткізген жетістіктерді тізбектеп, алдағы кезеңде аймақтың даму барысын талқылады.<blockquote>«Өздеріңіз білетіндей, қазіргі таңда Сыр өңірінде маңызды бастамалар қолға алынуда. Ел Президентін кезектен тыс сайлау секілді ауқымды саяси науқандарда аймағымыз үздіктер қатарынан көрінсе, жақында Қызылордаға жұмыс сапарымен келген Премьер-Министр облыс дамуына оң баға беріп, көтерген мәселелерімізге қолдау білдіретінін жеткізді. Нәтижесінде аймақ үшін көптеген игі жоба жүзеге асырылмақ.Бүгін, міне, қала тұрғындары үшін ашық қабылдау өткізіп, келген әрбір азаматтың жеке мәселелерін мұқият қарадық. Бұған дейін 7 ауданға барып, 800-ден аса азаматтың өтінішін тыңдап, бағыт-бағдар бердік. Мезетінде шешілгендері де аз емес. Бүгінгі қабылдауда да ешқандай шектеу болған жоқ, бұйымтайын айта келген барлық адамның ұсыныс-пікірлері тыңдалып, назарға алынды. Біз мұндай кездесулерді алдағы уақытта да ұйымдастыратын боламыз», - деді аймақ басшысы.</blockquote>Айта кетейік, биыл облыс әкімі 27 жеке қабылдау өткізіп, 600-ге жуық тұрғындарды қабылдап, өзекті мәселелерін қарады.<figure class="image"><img src="https://knadmin.beoblood.kz/uploads/322377492_1098718781524948_7795060373186697599_n_76e3737b63.jpg" alt="322377492_1098718781524948_7795060373186697599_n.jpg"></figure>&nbsp;<figure class="image"><img src="https://knadmin.beoblood.kz/uploads/320658621_6114364775275794_2276238517224764543_n_a19bc23e02.jpg" alt="320658621_6114364775275794_2276238517224764543_n.jpg"></figure>&nbsp;<figure class="image"><img src="https://knadmin.beoblood.kz/uploads/322545901_743227324075905_6855366616170664881_n_fec9c360c8.jpg" alt="322545901_743227324075905_6855366616170664881_n.jpg"></figure>&nbsp;<figure class="image"><img src="https://knadmin.beoblood.kz/uploads/321644667_628651942363224_2852595822099502415_n_e6efbb41c7.jpg" alt="321644667_628651942363224_2852595822099502415_n.jpg"></figure>&nbsp;<figure class="image"><img src="https://knadmin.beoblood.kz/uploads/321995780_1484536165400934_2477327326253232082_n_7c94cf782b.jpg" alt="321995780_1484536165400934_2477327326253232082_n.jpg"></figure>

Облыс әкімі құқық қорғау органдары басшыларымен бірге 250-ге жуық қызылордалықтың мәселесін тыңдады

Kyzylorda-news.kz. &nbsp;Жаңа жыл қарсаңында облыс әкімі Нұрлыбек Нәлібаев Қызылорда қаласының сол жағалауынан кезекті көпқабатты тұрғын үйдің ашылу рәсіміне қатысты. Бірнеше күн бұрын 60 отбасыға жаңа баспана берілсе, бүгін ата-ана қамқорлығынсыз қалған азаматтар мен халықтың әлеуметтік осал топтардағы 50 отбасыға пәтер кілті табысталды.<blockquote>-Соңғы жылдары Сыр өңірінде тұрғын үй құрылысы қарқын алып, қала аумағы әлдеқайда кеңейді. Биыл мемлекеттік бюджет есебінен тұрғын үй құрылысына 9,1 млрд. теңге қаржы бөлініп, бұл қаражатқа 32 тұрғын үйдің құрылысы жүргізілді. Алдағы уақытта облыс бойынша тұрғын үй құрылысы көлемін одан әрі ұлғайтып, 3 жылда көлемі 2 млн. шаршы метрден астам тұрғын үй пайдалануға берілмек.Келесі жылы облысымыздың бас шаһарында құны шамамен 17 млрд. теңгені құрайтын 23 тұрғын үй ел игіліне табысталып, барлығы 1100 отбасы өз пәтер кілтін алатын болады. Берекелі бастама жоспарға сай аяқталып, кезектілікке сәйкес жерлестерімізге беріледі,-деді өңір басшысы Н.Нәлібаев.</blockquote>Қоныс той иелерін қоғам қайраткері, Жаңақорған, Шиелі, Сырдария аудандары мен Қызылорда қаласының Құрметті азаматы, «Құрмет» орденінің иегері Ибрагим Абибуллаев құттықтады. Ал, қоныс той иелерінің атынан көпбалалы ана Жадыра Кенжеева аймақ басшысына алғысын білдірді.Айта кетейік, сол жағалауда 50 пәтерлік &nbsp;арендалық тұрғын үйден &nbsp; халықтың әлеуметтік жағынан осал топтарына 35 пәтер, жетім және ата-анасының қамқорлығынсыз қалған балаларға 15 пәтер берілді. Жыл басынан бері өңірде қаржыландырудың барлық көздері есебінен 604 мың шаршы метр тұрғын үй, оның ішінде, бюджет қаржысы есебінен Қызылорда қаласында СПМК-70 тұрғын ауданында екі 40-пәтерлі және бір 50-пәтерлі кредиттік тұрғын үй пайдалануға берілді. Еске салсақ, жаңа жылға арналған мерекелік іс-шаралар өткен аптада бастау алды. Облыс орталығында ауыл шаруашылығы өнімдерінің жәрмеңкесі ұйымдастырылып, орталық алаңда бас шырша шамы жағылды. Мұнан бөлек, облыс әкімдігінде Президенттік шырша өткізіліп, күніі кеше Қазалы ауданында 3 ауыл газдандырылды және 140 орындық балабақша ашылды. Жыл соңына дейін бірқатар әлеуметтік нысан пайдалануға берілмек. <img src="https://knadmin.beoblood.kz/uploads/FB_IMG_1672156859236_61faf277d7.jpg" alt="FB_IMG_1672156859236.jpg"><img src="https://knadmin.beoblood.kz/uploads/FB_IMG_1672156873115_1661bdff2d.jpg" alt="FB_IMG_1672156873115.jpg"><img src="https://knadmin.beoblood.kz/uploads/FB_IMG_1672156866338_fe312f357b.jpg" alt="FB_IMG_1672156866338.jpg"><img src="https://knadmin.beoblood.kz/uploads/FB_IMG_1672156880093_be6b60b0d5.jpg" alt="FB_IMG_1672156880093.jpg"><img src="https://knadmin.beoblood.kz/uploads/FB_IMG_1672156877125_2fc469e37e.jpg" alt="FB_IMG_1672156877125.jpg"><img src="https://knadmin.beoblood.kz/uploads/FB_IMG_1672156886769_0709a2f315.jpg" alt="FB_IMG_1672156886769.jpg">

Жаңа жыл қарсаңында 100-ден аса қызылордалық отбасы қоныс тойын тойлады 

<a href="https://kyzylorda-news.kz/">Kyzylorda-news.kz.</a> &nbsp;Астанада «AMANAT» партиясының қолдауымен «Тәуелсіз елім – тірегім!» республикалық ақындар айтысы өтті. Жыр аламаны ел егемендігі мен ұлт тұтастығына арналды.&nbsp;Айтыстың ашылуында «AMANAT»-тың Атқарушы хатшысы Асхат Оралов партияның ұйытқы болуымен биыл бірқатар республикалық айтыс ұйымдастырылғанын атап өтті. Сондай-ақ, партия ұлттық мәдениет пен өнерді дамытуға үнемі үлкен үлес қосып келе жатқанын жеткізді.<blockquote>«Тәуелсіздіктен бағалы ештеңе жоқ. Сондықтан, бүгінгі жыр додасының жөні бөлек. Айтыс – қазақтың бойтұмары, ата-бабаларымыздан аманат болып жеткен киелі өнер жәдігері. Ұлтымыздың руханиятын, мәдениетін дамыту мен қолдау ісі бір сәт те тоқтамайды. Біз ұлттық өнерді қолдауды алдағы уақытта да жалғастырамыз», – деді Асхат Оралов.</blockquote>Айтыс тізгінін ұстаған ақын, Мәжіліс депутаты Аманжол Әлтай дүбірлі доданың мәні мен маңызына тоқталып, қазылар алқасының құрамын және сынға түсетін ақындар қауымын таныстырды. Өз кезегінде, еліміздің түкпір-түкпірінен Астана төріне ат басын бұрған 14 ақын көзіқарақты көрерменнің алдында орамды ой айтып, сүбелі сөз өрбітті.&nbsp;Ақындардың жеті жұбы ең асыл қазынамыз саналатын азаттықтың қадір-қасиетін жырға қосты. Сөйтіп, түс ауа басталған сөз барымтасы қас қарайғанша жалғасты. Соған қарамастан, қанға сіңген қастерлі өнердің қадірін білетін айтыс сүйер қауым бір сәтке болсын тарап кеткен жоқ. Тапжылмай тамашалады.&nbsp;<blockquote>«Айтыс – ақсүйек өнер. Бүгін халықтың ықыласына бөленген аламан ұйымдастырылды. «AMANAT» партиясы алдағы уақытта да руханият пен мәдениетке, қазақтың болмысына, тіліне, діліне арналған осындай іс-шараларды өткізуді жалғастырады деп сенемін», – деп атап өтті қазылар алқасының төрағасы Ғалым Жайлыбай.</blockquote>Осылайша, көрнекті ақын, Абай атындағы мемлекеттік сыйлықтың лауреаты Ғалым Жайлыбай бастаған қазылар құрамының шешімімен бас жүлдені қызылордалық Мейірбек Сұлтанхан иеленді. Ал жүлделі 1-орын түркістандық Бекарыс Шойбековке, 2-орын ұлытаулық Төлеген Жамановқа бұйырды. 3-орынды ақтөбелік Нұрбол Жауынбаев, Абай облысынан келген Рүстем Қайыртайұлы, көкшетаулық Нұрмахан Жақыпбек және қостанайлық Айбек Қалиев өзара бөлісті.Сайысқа түскен барша ақынға қомақты сый-сияпат табысталды.&nbsp;<blockquote>«Бүгін елорда төрінде ұлттық өнеріміз ұлықталып, жыр жәрмеңкесі қанат жайды. Бұл – айтыс өнерінің абыройы асқақтаған күн. Төл өнеріміз ғасырдан ғасырға жалғаса беруіне тілектеспін. Жыр бәйгесін жоғары деңгейде ұйымдастырған ел ағаларына, алтын уақытын қиып келген көрерменге алғысым шексіз. Тәуелсіздігіміздің тұғыры биік болсын. Еліміз мәңгі жасасын», – деді жыр бәйгесінің жеңімпазы Мейірбек Сұлтанхан.&nbsp;</blockquote>Суретті түсірген Әли Ғалым&nbsp;<figure class="image"><img src="https://knadmin.beoblood.kz/uploads/2_1_0ba3dfed49.jpg" alt="2 (1).jpg"></figure>&nbsp;<figure class="image"><img src="https://knadmin.beoblood.kz/uploads/4_2547b3a39a.jpg" alt="4.jpg"></figure>&nbsp;<figure class="image"><img src="https://knadmin.beoblood.kz/uploads/1_1_21f855dead.jpg" alt="1 (1).jpg"></figure>&nbsp;

Республикалық ақындар айтысынан бас жүлдені қызылордалық Мейірбек Сұлтанхан иеленді

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 27 желтоқсан, сейсенбіге арналған ауа райы болжамын ұсынды.&nbsp;Қазақстан аумағының басым бөлігінде антициклон әсерінен жауын-шашынсыз ауа райы сақталады.Атмосфералық фронттардың әсерінен елдің оңтүстігінде жауын-шашын (жаңбыр, қар) жауады.Еліміздің қиыр солтүстігінде аздаған қар жауады.Республиканың батысында, солтүстігінде, оңтүстігінде тұман түседі, елдің оңтүстігі мен шығысында жел күшейеді.

27 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> &nbsp;Жаңа жыл қарсаңында облыс әкімі Нұрлыбек Нәлібаев Қазалы ауданына жұмыс сапарымен барып, жаңа нысандардың ашылу рәсіміне қатысты.Қазалы ауданының Басықара, Қ.Пірімов, Жалаңтөс батыр ауылдарына көгілдір отын жүргізілді. Аймақ басшысы ауыл тұрғындарын құттықтап, қазіргі таңда облыс халқының бірінші кезекте шешуді қажет ететін мәселелерге, соның ішінде, инженерлік-инфрақұрылымдарды дамытуға негізгі басымдық берілетінін атап өтті.<blockquote>«Бүгін Қазалы ауданындағы Басықара, Қ.Пірімов және Жалаңтөс батыр ауылының тұрғындары үшін өте қуанышты күн: сәуір айында басталған газдандыру жұмыстары бүгінгі күні толық аяқталды. Тағы да көптеген кәсіпкерлік нысан табиғи газбен қамтамасыз етіледі. Біз мүмкіндігінше барлық ауылды газбен қамтуға жұмыс жасаудамыз. 2025 жылға дейін көгілдер отынмен қамтылған ауылдар санын 70-ке дейін жеткізу жоспарымызда бар. Келесі жылы Қазалы ауданындағы Абай ауылын да газдандыру жоспарлануда. Елді мекендерге жеткен көгілдір отын отбасының жылуын, отанымыздың қуатын арттыра түссін!», - деді облыс әкімі.</blockquote>Қоғам қайраткері, Қазалы ауданының Құрметті азаматы Айтбай Көшербайұлы аудан тұрғындарын көптен бері күткен қуанышты жаңалықтарымен құттықтап, аймақ басшысына алғыс білдірді. Сондай-ақ, еңбек ардагері, аудандық ардагерлер кеңесінің төрағасы Оразғали Бекбанов жиналған қауымға бата берді. Елді мекендерге табиғи газ қосылған соң облыс әкімі ауыл тұрғыны Қ.Пірімов ауылының тұрғыны Серікбай Құралайдың үйіне барып, көгілдір газ отынының берілу сәтінің куәсі болды. &nbsp;<blockquote>- Сіздерге көп рахмет. Осы уақытқа дейін жыл сайын тонналап көмір сатып алатынбыз, от жағып, күл шығарумен болдық. Енді, міне, бұл бейнеттен құтылдық, үйіміз да жылыды. Қуанышымызға шек жоқ, - дейді үй иесі.</blockquote>Айта кетейік, көгілдір отынға қосылған 3 ауылда 4400 жуық адам тұрады, жоба нәтижесінде 750 жуық тұрғын үй мен 26 әлеуметтік нысан газдандырылмақ.Бүгінгі күні облыста газдандыру деңгейі 68 пайызды құрайды. Келесі жылы құны 12 млрд.теңгені құрайтын 15 жобаны іске асыру жоспарлануда. Нәтижесімен облыс халқын газбен қамтамасыз ету үлесі 72 пайызға жеткізілмек.Одан кейін өңір басшысы Нұрлыбек Нәлібаев Қазалы қаласында 140 орындық «Өрімтал» балабақшасының ашылу салтанатына қатысты. Облыс әкімі қала тұрғындарын құттықтап, биыл Қызылорда облысының дамуына ауқымды инвестициялар тартылып, көптеген әлеуметтік нысандар салынғанын атап өтті.<blockquote> «Президентіміз Қасым-Жомарт Кемелұлы Тоқаевтың қолдауымен мемлекетіміздің тірегі, ұлттың болашағы – балаларымыздың өсіп, оқып, білім алуы, азамат болып, қалыптасуы үші жағдайдың барлығы жасалған.Жаңа жыл мерекесі қарсаңында Қазалыда бал бөбектерімізге сый ретінде 140 орындық «Өрімтал» бөбекжай балабақшасын пайдалануға бермекпіз. Қазіргі таңда Қазалы ауданы бойынша 31 балабақша, 19 шағын орталық, барлығы 50 мектепке дейінгі ұйым бар. Былтыр Бекарыстан би ауылынан 100 орындық жеке балабақша ашылды. Жылдан-жылға балабақша санының көбеюі халқымыздың демографиялық өсімінің артуын көрсетсе керек.Бұл өмірде балдай тәтті балғындарымыздың жүзі жайнап, бар ықыласымен риза болғанын көруден асқан бақыт жоқ. Барлық құрметіміз де осыларға арналады», - деді аймақ басшысы.</blockquote> Іс-шара барысында мемлекет және қоғам қайраткері, ҚР Парламенті Сенатының депутаты Мұрат Бақтиярұлы лебізін білдіріп, жерлестерін жаңа білім ордасының ашылуымен құттықтады. Ал, еңбек ардагері Серік Қуанышбайұлы облыс әкіміне ризашылығын білдіріп, ақ батасын берді.Екіқабатты балабақша ғимаратының жалпы аумағы – 3 мыңнан астам ш.м., мұнда 38 адам жұмыспен қамтылған. Білім ұясында робототехника, ән, би, қолөнер үйірмелері ашылып, іші толықтай заманауи құрал-жабдықтармен қамтамасыз етілген. Жыл көлемінде балаларға арналған нысандар легі іске қосылды. Олардың қатарында 1 326 орынға арналған 17 жекеменшік балабақша, 200 орындық Оқушылар үйі мен 50 орындық Өнер мектебі бар.Өңірде «Балалар жылында» демеушілердің қолдауымен құны 1,6 млрд.теңгені құрайтын &nbsp;80 спорт-ойын алаңдары тарту етілді.«Жайлы мектеп» Ұлттық жобасы аясында алдағы үш жылда &nbsp;15 100 орынға арналған құны 100 млрд. теңгеден асатын &nbsp;21 мектептің құрылысы жүргізіледі.Келесі жылы 19,6 млрд. теңгеге, 10 мектептің құрылысы басталады.Әрі қарай аймақ басшысы «Қазалы-Теміржолжылу» МКК жұмысымен танысты. Кәсіпорын Әйтеке би кентіндегі 100-ге жуық мекеме мен 74 көпқабатты және 194 жеке тұрғын үйді жылумен қамтамасыз етеді. Нысан қалыпты жұмыс істеуде, мұнда 3 негізгі және 1 резервтік қазандық бар. Облыс әкімі нысанның жұмысын зерделеп, аудан әкіміне жылу маусымы тиісті деңгейде өтуін және қажетті отын қорының жеткілікті мөлшерде болуын қадағалауды тапсырды.<figure class="image"><img src="https://knadmin.beoblood.kz/uploads/FB_IMG_1672065862023_758a2c4368.jpg" alt="FB_IMG_1672065862023.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065873660_ead046ddc0.jpg" alt="FB_IMG_1672065873660.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065864500_04090cb32d.jpg" alt="FB_IMG_1672065864500.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065859499_9a7423cf26.jpg" alt="FB_IMG_1672065859499.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065871139_3a8be6dc3e.jpg" alt="FB_IMG_1672065871139.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065868770_335f813a4b.jpg" alt="FB_IMG_1672065868770.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1672065880321_1ae5bc21cd.jpg" alt="FB_IMG_1672065880321.jpg"></figure>&nbsp;

Қазалы ауданында үш ауылға табиғи газ жеткізіліп, балабақша ашылды 

<a href="https://kyzylorda-news.kz/">Kyzylorda-news.kz.</a> Биыл Қызылорда облысында 115 нысанның құрылысы жүргізілген. Бұл туралы бүгін ҚР Президенті Жолдауынан туындайтын міндеттер және облыстың әлеуметтік-экономикалық дамуы бойынша атқарылған жұмыстар туралы брифингте Қызылорда облысы әкімінің орынбасары Мархабат Жайымбетов мәлімдеді.&nbsp;<blockquote>«Биылғы жылдың 11 айының қорытындысымен құрылыс жұмыстарының көлемі 106,4 млрд. теңгеге жетті. Бұл көрсеткіш былтырғы жылдың осы кезеңімен салыстырғанда 121,1 пайызды құрап отыр. &nbsp;Ал тұрғын үйді пайдалануға беру көрсеткіші 604 мың шаршы метрді құрап, өткен жылмен салыстырғанда 106,4 пайызға өсті. Облыста жыл басынан бері 115 нысан құрылысы жүргізілді. Бұл мақсатқа бюджеттен 24,2 млрд. теңге бөлінді. Оның ішінде, білім саласында 12 нысан, денсаулық сақтау саласында 6 нысан, мәдениет саласында 8 нысан, спорт саласында 17 нысан, тұрғын үй құрылысы бойынша 1 422 пәтерді құрайтын 32 тұрғын үй құрылысы жүргізіліп жатыр», - дейді Мархабат Жайымбетов.</blockquote>Айта кететін жайт, аймақ басшысының қолдауымен өңірде заманауи үлгідегі жаңа әлеуметтік нысандар салу бастамасы сәтті іске асуда.<blockquote>«Қызылорда қаласы, Сұлтан Бейбарыс көшесінің бойындағы Өнер орталығы мен Неке сарайының құрылысы басталып, келер жылы ел игілігіне берілетін болады. Алдағы 2023 жылға құрылыс жұмыстарының көлемі ауқымды болып отыр. Әлеуметтік нысандар мен тұрғын үй құрылысына мемлекеттік бюджеттен тиісті қаржы бөлінуде. Бұл қаржыға облыс бойынша 128 нысанның құрылысы жүргізіледі», - дейді облыс әкімінің орынбасары.</blockquote>Айта кетейік, аймақта инженерлік коммуникациялық инфрақұрылым тарту бойынша 38 жоба жүзеге асырылды.&nbsp;<img src="https://knadmin.beoblood.kz/uploads/Zhajymbetov_402d7a9556.jpeg" alt="Жайымбетов.jpeg">

Мархабат Жайымбетов: Биыл Қызылордада 115 нысанның құрылысы жүргізілді

<a href="https://kyzylorda-news.kz/">Kyzylorda-news.kz.</a> Бүгін оқушылар сарайында шаһар басшысының балғын бүлдіршіндерге арналған Жаңа жылдық шыршасы өтті.Ғажайып мереке биылғы жылы «Жаңа жыл - жаңа бақыт, жаңа үміт» тақырыбында ұйымдастырылып, оқушылар сарайы бүлдіршіндер үшін жаңалық пен жұмбаққа толы таңғажайып ертегілер мекеніне айналды.Жаңа жылдық мерекелік іс-шараға ата-анасының қамқорлығынсыз қалған, әлеуметтік аз қамтамасыз етілген, көп балалы отбасының балалары, мүмкіндігі шектеулі бүлдіршіндер және білім, өнер, спортта жетістіктерге қол жеткізген талантты да дарынды оқушылардан барлығы 100 бала қатысты.Жаңа жылдық шырша салтанаты оқушылар сарайының өнерпаздары әзірлеген қойылымымен басталды. Ақшақарлар мен роботтар биі, алып кемемен жұмбақ әлемге жол тартқан саяхатшы балалар көрінісі мерекенің көрігін қыздырып, қатысушыларды ерекше әсерге бөледі.Қызықты кешке жиналған балалар Жаңа жылдық шыршаның басты қонақтары Аяз ата мен Ақшақарға өз өнерлерін көрсетіп, керемет сыйлықтарға ие болды. Сондай-ақ, Аяз ата әлеуметтік желіден тікелей эфирге шығып, балалармен бірге аймақ тұрғындарын жаңа жыл мерекесімен құттықтады.Мерекелік іс-шарада қала әкімі Асылбек Шаменов: "Айналайын бүлдіршіндер! Шаһарымыздың өздеріңдей білімді де талапты жастары әлемнің ең озық оқу орындарында білім алуда, спорт саласында биік белестерді бағындырып чемпион атануда, басқа да үлкен жетістіктерге қол жеткізіп Сыр елінің абыройын көтеруде. Сол аға-әпкелеріңнен үлгі алып, зерделі де зерек, білімді де білікті болыңдар. Жаңа жыл өздеріңе де, сендерді мәпелеп өсіріп отырған ата-аналарыңа да тек жақсылық әкелсін» – деген жүрек жарды лебізін жеткізді.Сонымен қатар, шаһар басшысы балаларға сыйлықтар табыстап, арнайы әзірленген жаңа жылдық тортты үлестірді. Кеш Бүлдіршіндер мерекелік дастарқаннан дәм татып, жаңа 2023 жылға ерекше көңіл күймен қадам басты.<figure class="image"><img src="https://knadmin.beoblood.kz/uploads/322331075_1212444446322037_7891882646395263781_n_e88aa0dc93.jpg" alt="322331075_1212444446322037_7891882646395263781_n.jpg"></figure>&nbsp;<figure class="image"><img src="https://knadmin.beoblood.kz/uploads/322258462_717377019614300_4117301464037771563_n_f2e968a512.jpg" alt="322258462_717377019614300_4117301464037771563_n.jpg"></figure>&nbsp;<figure class="image"><img src="https://knadmin.beoblood.kz/uploads/322127000_3534352710119804_2467690473192234860_n_37c7fbe6a4.jpg" alt="322127000_3534352710119804_2467690473192234860_n.jpg"></figure>&nbsp;<figure class="image"><img src="https://knadmin.beoblood.kz/uploads/322302469_903950497297212_2864775412884375211_n_e95fbb0de9.jpg" alt="322302469_903950497297212_2864775412884375211_n.jpg"></figure>&nbsp;<figure class="image"><img src="https://knadmin.beoblood.kz/uploads/322143435_679671530312977_8087633622699213926_n_93cc28a3f8.jpg" alt="322143435_679671530312977_8087633622699213926_n.jpg"></figure>&nbsp;<figure class="image"><img src="https://knadmin.beoblood.kz/uploads/320546986_494384516013419_8791485912241369299_n_75e736e28a.jpg" alt="320546986_494384516013419_8791485912241369299_n.jpg"></figure>&nbsp;<figure class="image"><img src="https://knadmin.beoblood.kz/uploads/322096999_543565777822399_3087941876631150643_n_60e0d305a5.jpg" alt="322096999_543565777822399_3087941876631150643_n.jpg"></figure>

Қала әкімінің Жаңа жылдық шыршасы өтті

<a href="https://kyzylorda-news.kz/">Kyzylorda-news.</a> Қазақстан аумағындағы синоптикалық жағдай мен қауіпті ауа райы құбылыстарының болжамы жарияланды, деп хабарлайды Қазгидромет.Солтүстік-батыс антициклонының екпіні Қазақстан аумағының басым бөлігінде әлі де өз ықпалын сақтайды, жауын-шашынсыз ауа райы күтіледі. Республика бойынша тұман түседі, елдің оңтүстігі мен шығысында жел күшейеді.

26 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.</a> Жылдағы дәстүр бойынша Жаңа жыл қарсаңында Президент шыршасы ұйымдастырылып, оқушылар қуанышқа кенелді.«Жаңа Қазақстан – бақытты балалық шақ мекені» атты Президент шыршасына &nbsp;бүкіл облыстан оқу озаттары, 80-ге жуық аз қамтылған және көп балалы отбасылардың балалары, ерекше білім беруді қажет ететін оқушылар мен 7 «Атамекен» балалар ауылының тәрбиеленушісі қатысты. Шыршаға барлығы 200 бала шақырылған. Шарада &nbsp;облыс әкімі Нұрлыбек Нәлібаев Мемлекет басшысының бүлдіршіндерге арналған &nbsp;жаңажылдық құттықтауын жеткізді.<blockquote>«Ұлағатты ұрпағымыздың лайықты өмір сүруіне, өсіп-өнуіне ықпал ету, жақсы білім алуына жағдай жасау – біздің басты мақсатымыз.</blockquote><blockquote>Бүгінгі күні облыстағы 677 балабақшада 60 мыңға жуық бала тәрбиеленуде. Биыл 19 балабақша, 6 мектеп, ал Жалағаш ауданында 250 орындық оқушылар үйі пайдалануға берілді.</blockquote><blockquote>Дарынды балаларды қолдау мақсатында Қызылорда қаласы мен Қармақшы ауданынан 150 орындық 2 мектеп-интернаты ашылды.</blockquote><blockquote>Мемлекет басшысының бастамасымен 2025 жылға дейін 800 мың баланың заманауи мектепте білім алуына жағдай жасау мақсатында «Жайлы мектеп» ұлттық жобасы қолға алынды. Осының нәтижесінде алдағы 3 жылда облысымызда заманауи 21 мектеп салынады. Дарынды балаларға арналған физика–математика мектеп интернатының құрылысы басталады. Бұл ел келешегі балаларымыз үшін жасалған үлкен қамқорлық, айрықша қолдау! Мерейлі жыл белесінде жеткіншектеріміздің рухани-мәдени дамуын назардан тыс қалдырған емеспіз», - деді аймақ басшысы.</blockquote>Шыршаға келген балалар ойын ойнап, ән шырқады, театрландырылған қойылым тамашалады және естелік сыйлық алды. Сондай-ақ, мейрам қонақтарына арнайы фотосессия ұйымдастырылды. Айта кетейік, Балалар жылы аясында Сыр өңірінде түрлі форматтағы&nbsp;12 мыңға жуық шара ұйымдастырылып, оған 200 мыңнан аса бала қамтылды.&nbsp; Биылдың өзінде 402 сырбойылық өрен халықаралық, республикалық дәрежедегі ғылыми жобалар мен олимпиадалардың, спорт турнирлерінің және өнер конкурстарының жеңімпаздары мен лауреаттары атанды.1 маусым – халықаралық балаларды қорғау күні 5 мың баланың қатысуымен өткен шарада пәндік олимпиадаларда жоғары жетістікке жеткен 10 оқушыға соңғы үлгідегі ноутбук, тұрмысы төмен отбасылардан шыққан 20 балаға «Балдаурен» республикалық лагеріне жолдама, 300 мектеп оқушысына велосипед сыйға тартылды. Мұнан бөлек, Қызылорда қаласында көпбалалы 50 отбасыға пәтер кілтін табысталса, &nbsp;аймақ басшысының тікелей тапсырмасымен Сыр өңірінде 1,6 млрд теңгеге&nbsp;80-нен астам спорттық-ойын алаңы салынып, балалар игілігіне пайдалануға берілді. Сондай-ақ, «Қазгермұнай» ұлттық компаниясы басшылығымен келісім нәтижесінде Қызылорда қаласында заманауи үлгідегі «Оқушылар Сарайының» жобасы басталады.Осы уақытқа дейін бірқатар нысан қызылордалықтарға тарту етілді. Жалағаш ауданында құны 431 млн. теңгеге 200 орындық Оқушылар үйі мен 50 орындық Өнер мектебі пайдалануға берілді. Теңізді өлке Арал ауданында 150 млн. теңгеге "Балықшылар монументі" мен аллея ашылды. Меценат қаржысы есебінен Жаңақорған ауданында құны 790 млн.теңгені құрайтын заманауи демалыс паркі қолданысқа берілді. Ал, Сырдария ауданының Нағи Ілиясов ауылында жергілікті демеушінің қолдауымен 350 млн.теңгеге "Еңбекшілер аллеясы" бой көтерді. Қызылорда қаласындағы Автобус паркі 100 жаңа көлікпен толықты.&nbsp; Келер жылдың соңына қарай Қызылорда қаласында Сұлтан Бейбарыс көшесінің бойынан құны 3,7 млрд.теңгеге 1000 орындық өнер орталығы ел игілігіне беріледі. Мұнда мәдениет саласының симфониялық, эстрадалық және ұлттық өнер бағытындағы концерттік бағдарламалар мен түрлі форматтағы қоғамдық іс-шаралар да өткізіледі. Аймақта шаңырақ көтеруге ниеттенген жастар үшін заманауи үлгідегі Неке сарайы да бой көтеруде. Құны 1,6 млрд. теңгені құрайтын нысан 1,5 жылда пайдалануға берілмек.Сырдың сол жағалауында тағы бір әлеуметтік нысанның іргетасы қаланды. Құны 2,7 млрд. теңгені құрайтын «Қан орталығы» жылына қан мен оның компоненттерін донациялау көрсеткішін 500-ден 10 мыңға дейінгі жеткізеді. Орталық өңір халқына сапалы қызмет көрсетіп, тұрғындардың денсаулығын арттыруға мүмкіндік бермек.Белгілі кәсіпкер, меценат Марат Дүйсенбаевтың демеушілігімен құрылысы басталған құны 1,5 млрд. теңгені құрайтын «Анаға тағзым» орталығы шаһардың ажарын аша түседі. Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасы бой көтеруде. Сондай-ақ, «Саутс Ойл» компаниясы «Қайсар» футбол клубының жанкүйерлері үшін үлкен жабық стадион салуға ниет бiлдiрдi.Сонымен қатар, әлеуметтік аз қамтылған отбасылардан шыққан балаларға «Еуразия», «Мұз айдыны» спорт кешендеріне тегін абонемент табысталып, балаларға рухани құндылықтарды насихаттау мақсатында жыл басынан бері балалар үшін 43 тегін спектакль қойылды. 5 мыңнан астам бала музейге тегін экскурсия жасады.Жаз мезгілінде қала сыртындағы лагерьлерде 8 300 оқушы демалды, ал республикадағы алдыңғы қатарлы тынығу лагерьлерінде жыл көлемінде 1350 баланың демалуына жағдай жасалды. Бүгінгі таңда 61 қосымша білім беру ұйымында 60 мыңға жуық бала түрлі шығармашылық үйірмелер мен спорттық секцияларға қатысуда.Еске салсақ, күні кеше Жаңа жыл мерекесі қарсаңында облыс орталығында ауыл шаруашылығы өнімдерінің жәрмеңкесі ұйымдастырылып, 60 пәтердің кілті табысталды және орталық алаңда бас шырша шамы жағылды. Сондай-ақ, жыл соңына дейін бірқатар әлеуметтік нысан пайдалануға берілмек.<figure class="image"><img src="https://knadmin.beoblood.kz/uploads/FB_IMG_1671971218997_84039f3d86.jpg" alt="FB_IMG_1671971218997.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971224811_80fb338378.jpg" alt="FB_IMG_1671971224811.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971221313_a49455e838.jpg" alt="FB_IMG_1671971221313.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971235607_17201f6557.jpg" alt="FB_IMG_1671971235607.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971233267_1c29f1f813.jpg" alt="FB_IMG_1671971233267.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971229393_f11f217a3f.jpg" alt="FB_IMG_1671971229393.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1671971241388_38a9cdd346.jpg" alt="FB_IMG_1671971241388.jpg"></figure>

Қызылордада Президент шыршасы өтті

<a href="https://kyzylorda-news.kz/">Kyzylorda-news.kz.</a> Евразия спорт кешенінде гандболдан Қазақстан чемпионатының кезекті біріншілігі қорытындыланды. Жүлдеден үмітті 4 команда ақтық ойындардың көркін қыздырды.&nbsp;“Қайсар” қыздары “Алтайдан” айласын асырып, алтынға таласуға мүмкіндік алса, Шымкенттің шеберлері “Астананың” аруларын сан соқтырды. Бір қызығы биылғы чемпионаттың финалы оңтүстік дербиге ұласты. &nbsp;Финалдық ойын 2 күнге созылды. Бірінші күні паркетте тартысты ойын өрбіді. Эльвира Камилова, Марина Пикалова, Мария Ситникова сынды шымкенттік гандболшылар қақпашы Чуйкова мен Айтенованы қыспаққа алды. Дегенмен қорғаныста сауатты, шабуылда ширақ қимылдаған Вячеслав Ким шәкірттері 44-33 есебімен жеңіске жетті.Екінші ойындада Сыр сұлулары “сыр” бермеді. Вероника Хардина мен Наталья Полуянконың тандемі “Қайсардың” қарқынын арттырды. Қос гандболшы да нәтижелі ойын көрсетті. Әсіресе Наталья шешуші сәтте шабуылды түйіндей білді. Мұнан бөлек “Қайсарды” қолдауға келген жанкүйерлер Аружан Әмит, Жанерке Сейітқасым, Назым Сабыржанқызы, Татьяна Давыдова, &nbsp;Ксения және Мария Пупченковалардың шеберлігіне тәнті болды. Бұл кездесуде де ”Қайсар” гандбол клубы 34:25 есебімен жеңіп, 12 мәрте жеңістің биік тұғырына көтерілді.<img src="https://knadmin.beoblood.kz/uploads/FB_IMG_1671958639523_d1691ea26c.jpg" alt="FB_IMG_1671958639523.jpg"><img src="https://knadmin.beoblood.kz/uploads/FB_IMG_1671958647270_5dbf225b56.jpg" alt="FB_IMG_1671958647270.jpg">

Қазақстан және Қызылорда облысының басты жаңалықтары