<a href="https://kyzylorda-news.kz/">Kyzylorda-news.kz.</a>&nbsp; Кез келген мемлекеттің әлеуметтік саясатының жемісі&nbsp; сол елдегі тұрғындардың әл-ауқатымен, тұрмыс жағдайымен бағаланатыны анық.&nbsp;Мемлекет басшысы Қасым-Жомарт Тоқаев: «Халықты сапалы өмірмен қамту мен әл-ауқатын жақсарту – мемлекеттің басты міндеті. Бұл сөздерді шынайы іске айналдыру қажет. Халықтың табысы экономикамен қатар өсуі керек. Бұл өзгермейтін аксиома біздің жағдайымызда жұмыс істемей тұр» деген еді. Сондықтан да Жолдауда заң да, қоғам да, адамдардың сана-сезімі де өзгеруге тиіс екенін пайымдай келіп, елімізде Әлеуметтік кодекс әзірленетінін де айтқан болатын. Міне, сол кодекс алдағы шілде айында қолданысқа еніп, нақты жұмыстар қолға алынбақшы. Оның басты міндеті – халықтың осал топтарын қамқорлыққа алу және азаматтардың негізгі құқықтарын қамтамасыз ету.&nbsp; Мұнда адамның бүкіл өмірлік циклі қамтылады.&nbsp; Мәселен, бала туғаннан кәмелетке толғанға дейінгі әлеуметтік қолдау, еңбекке қабілетті жастағы жұмыспен қамту, еңбек қауіпсіздігі, әлеуметтік сақтандыру іс-шаралары, өмірлік қиын жағдай туындаған кездегі әлеуметтік көмек, сондай-ақ, жасы ұлғайған шақтағы қолдаулардың барлығы енді бір құжатпен реттелетін болады. Кодексте қаралғандай, шілденің 1-нен бастап республикалық бюджеттен төленетін бірқатар жәрдемақы төлемдерінің мөлшері артады. Бұл жайында облыс бойынша еңбек және әлеуметтік қорғау департаменті басшысының орынбасары Төрахмет Жолымбетов&nbsp; толығырақ хабардар етті.Балалы отбасыларды қолдауКодексте ең әуелі балалы отбасыларды әлеуметтік қолдаудың қолданыстағы жүйесін сақтай отырып, оның негізгі параметрлерін өзгерту қарастырылған. Бұл жаңа параметрлер отбасыларға көрсетілетін мемлекеттік қолдаудың ауқымын кеңейтуді көздейді.Мемлекет басшысының тапсырмаларын орындау мақсатында бала күтімі бойынша мемлекеттік жәрдемақы және әлеуметтік төлемді төлеу кезеңі бір жастан бір жарым жасқа дейін ұзартылды. Бұл қызмет төлем алушыларға проактивті форматта ұсынылады. Бала күтімі бойынша жәрдемақы жұмыс істемейтін аналарға республикалық бюджеттен, ал жұмыс істейтін аналарға мемлекеттік әлеуметтік сақтандыру қорынан төленуде. Облыс бойынша бүгінгі кезде төлем алушылардың саны 27,8 мыңға жеткен, оның&nbsp; 5,6 мыңы бюджеттен бала санына қарай 19,9 мың теңгеден 30,7 мың теңгеге дейін алуда. Ал қалған 22,2 мыңнан астам ана мемлекеттік әлеуметтік сақтандыру қорынан кейінгі екі жылдағы орташа айлық табысының 40 пайызы көлемінде төлем алуда. Әлеуметтік төлемдердің орташа мөлшері&nbsp; 48 мың теңгені құрайды.Сонымен қатар, кодекске «Наградталған аналар» жаңа термині енгізілуде. Бұл мәртебе көпбалалы ананың еңбегін құрметтеу және мойындау ретінде өмір бойы «Күміс алқа», «Алтын алқа» алқаларымен наградталған немесе бұрын «Батыр Ана» атағын алған, I және II дәрежелі «Ана даңқы» ордендерімен наградталған әйелдерге берілетін болады. Бұдан басқа наградталған аналарға тағайындалатын жәрдемақы мөлшері сараланып, төленеді. Бүгінде 6, 7 және одан да көп бала туып, тәрбиелеген аналар бірдей 22080 теңге&nbsp; мөлшерінде жәрдемақы алуда. Осылайша, «Алтын алқа», «Батыр ана» атағы бар, I және II дәрежелі «Ана даңқы» ордендерімен наградталған аналарға арналған жәрдемақы мөлшері 7,4 айлық есептік көрсеткішке дейін арттырылады. Шілдеден бастап облыс бойынша 6132&nbsp; аталған төлем алушының жәрдемақы мөлшері қайта қаралып, оның шамасы 25530 теңгені құрамақ.Мүмкіндігі шектеулілер шет қалмайдыШілде айынан бастап мүгедектігі бар адамдарға белгіленген коэффициенттер 14,6%-15,4% аралығында ұлғаюына байланысты облыста 23902 мүгедектігі бар әлеуметтік жәрдемақы мен төлем алушының жәрдемақы мөлшері артады. Айталық, I топтағы мүгедектігі бар адамдардың жәрдемақысының мөлшері&nbsp; 77889 теңгеден 89248 теңгеге дейін (11359 т. көбейеді), II топтағы 62068 теңгеден 71398 теңгеге дейін (9330 т.), III топтағы 42190 теңгеден 48681 теңгеге дейін (6491 т.) көбейетін болады.&nbsp;Екіншіден, мүгедектігі бар баланы (мүгедектігі бар балаларды) тәрбиелеп отырған анаға немесе әкеге, бала асырап алушыға, қамқоршыға (қорғаншыға)&nbsp; және бірінші топ мүгедектігі бар азаматтарға күтімді жүзеге асыратын адамдарға төленетін ай сайынғы мемлекеттік жәрдемақылардың мөлшері&nbsp; ең төменгі күнкөріс деңгейінің 1,40- тан 1,61-ге дейін (56794 теңгеден 65313 теңгеге) дейін ұлғаяды. Облыс бойынша мүгедектігі бар баланы тәрбиелеп отырғаны үшін&nbsp; жәрдемақы төлемін алушылардың саны 5841, ал I топ мүгедектігі бар азаматтарға&nbsp; күтіміне байланысты жәрдемақы алушылар саны 1436-ны құрайды.Сонымен қатар, қылмыстық атқару жүйесіндегі бірінші топ мүгедектігі бар азаматтарға күтімді жүзеге асыратын адамдарға мемлекеттік жәрдемақы тағайындау құқығы берілген.&nbsp; Бұл ретте, бірінші топ мүгедектігі бар азамат пен күтімді жүзеге асыратын адам бір қылмыстық атқару жүйесі мекемесінде болу қажет. Жәрдемақы тағайындауға өтініш беруге қылмыстық-атқару жүйесі мекемесінің әкімшілігі ықпалдасатын болады.Үшіншіден, мүгедектігі бар азаматтардың әлеуетін жақсарту мақсатында&nbsp; арнаулы мемлекеттік жәрдемақылардың мөлшерін ұлғайту қарастырылған. Мысалы, жасына байланысты берілетін немесе еңбек сiңiрген жылдары үшiн төленетiн зейнетақы төлемдерi тағайындалған бірінші және екінші топтардағы мүгедектігі бар адамдарға, сондай-ақ Байқоңыр қаласында тұратын, Ресей Федерациясының заңнамасына сәйкес мүгедектігі бойынша зейнетақы алатын бірінші және екінші топтардағы мүгедектігі бар адамдарға арнаулы мемлекеттік жәрдемақы мөлшері 1,49 АЕК-тен 1,71 АЕК-ке&nbsp; (5141 теңгеден 5900 теңгеге дейін) артады. Ал жасына байланысты берілетін зейнетақы төлемдері немесе еңбек сiңiрген жылдары үшiн төленетiн зейнетақы төлемдерi тағайындалған үшінші топтағы мүгедектігі бар адамдарға, сондай-ақ Байқоңыр қаласында тұратын, Ресей Федерациясының заңнамасына сәйкес мүгедектігі бойынша зейнетақы алатын үшінші топтағы мүгедектігі бар адамдарға арнаулы мемлекеттік жәрдемақы мөлшері 0,64 АЕК-тен 0,74 АЕК-ке (2208 теңгеден 2553 теңгеге дейін) көбеймек.Байқоңыр қаласында тұратын, Ресей Федерациясының заңнамасына сәйкес мүгедектігі бойынша зейнетақы алатын жеті жасқа дейінгі мүгедектігі бар балаларға арнаулы мемлекеттік жәрдемақы мөлшері 0,96 АЕК-тен 1,10 АЕК-ке дейін өседі. (3312 теңгеден 3795 теңгеге дейін) Байқоңыр қаласында тұратын, Ресей Федерациясының заңнамасына сәйкес мүгедектігі бойынша зейнетақы жетіден он сегіз жасқа дейінгі мүгедектігі бар балаларға, бірінші және екінші топтағыларға 1,49 АЕК-тен 1,71 АЕК-ке (5141 теңгеден 5900 теңгеге дейін ) және үшінші топтағыларға арнаулы мемлекеттік жәрдемақы мөлшері&nbsp; 0,96 АЕК-тен 1,10 АЕК-ке (3312 теңгеден 3795 теңгеге дейін ) артады.Асыраушысынан айырылғандар үшін қандай өсім бар?Кодексте белгіленген коэффициенттердің 7-30% аралығында ұлғаюына байланысты, облыстағы 9018 асыраушысынан айырылғанға мемлекеттік әлеуметтік жәрдемақы төлемдерінің мөлшері артады. Айталық, асыраушысынан айырылу жағдайы бойынша отбасында еңбекке жарамсыз бір мүшесі бар төлем алушылардың жәрдемақы мөлшері 34888 теңгеден 37322 теңгеге (2434т.),&nbsp; отбасында еңбекке жарамсыз бес мүшесі барлар үшін 82352 теңгеден 111560 теңгеге (29208т.), отбасында&nbsp; еңбекке жарамсыз екі мүшесі бар тұлдыр жетімдердің жәрдемақы мөлшері 95739 теңгеден 124947 теңгеге (29208т.),&nbsp; отбасында&nbsp; еңбекке жарамсыз бес мүшесі бар тұлдыр жетімдердің жәрдемақы мөлшері 239346 теңгеден 312366 теңгеге (73020т.)&nbsp; көбейеді. &nbsp;&nbsp;&nbsp;&nbsp;&nbsp;&nbsp; Бұдан басқа, саяси қуғын-сүргіндер құрбандарына, саяси қуғын-сүргіндерден зардап шеккен, мүгедектігі бар немесе зейнеткер болып табылатын адамдарға арнаулы мемлекеттік жәрдемақы мөлшері&nbsp; 1,07 АЕК-тен 1,23 АЕК-ке (3692 теңгеден 4244 теңгеге дейін ) өседі.Қазақстан Республикасына ерекше еңбек сіңіргені үшін зейнетақы тағайындалған адамдарға арнаулы мемлекеттік жәрдемақы мөлшері 1,07 АЕК-тен 1,23 АЕК-ке (3692 теңгеден 4244 теңгеге дейін ) ұлғаяды.Жасына байланысты зейнетақы, мемлекеттік базалық зейнетақы төлемдерін және&nbsp; мемлекеттік әлеуметтік жәрдемақыларды алушылар&nbsp; 2023 жылдың 1 шілдесіне дейін қайтыс болған жағдайда, оның отбасына немесе жерлеуді жүзеге асырған адамға қайтыс болған жағдайда жерлеуге арналған біржолғы жәрдемақының мөлшері заңда белгiленген тиісті қаржы жылына 35 АЕК (120 750 теңге) мөлшерiнде жүргiзiледi.Ал 2023 жылдың 1 шілдесіне дейін қайтыс болған төлем алушыларға жәрдемақы төлемі&nbsp; 15,70 АЕК (54165 теңге) мөлшерінде төленеді. Нәтижесінде, облыста 46329 аталған төлем алушының жәрдемақыларының мөлшері&nbsp; қайта есептелініп, шілденің 1-нен бастап көбейтілген мөлшердегі жәрдемақысы төленетін болады.

Шілде айынан бастап жәрдемақы көлемі ұлғаяды

<a href="https://kyzylorda-news.kz/">Kyzylorda-news.kz.</a> Жоғары қысымның әсерінен елдің басым бөлігінде негізінен жауын-шашынсыз ауа райы сақталады, деп хабарлайды Қазгидромет.Оңтүстік-шығыста, оңтүстікте, солтүстік-батыста фронттардың ықпалымен найзағай жарқылдап, өткінші жаңбыр жауады, оңтүстікте дауыл тұрады.Республика бойынша жел күшейеді, орталықта, күндіз батыста шаңды дауыл соғады.Маңғыстау, Қызылорда, Атырау, Батыс Қазақстан, Ұлытау облыстарында, Ақтөбе облысының оңтүстігінде, Түркістан облысының шөлді аудандарында қатты ыстық болады.Түркістан, Ақтөбе, Қызылорда, Ақмола, Абай, Шығыс Қазақстан, Жамбыл, Жетісу, Маңғыстау, Солтүстік Қазақстан облыстарында, Алматы облысының солтүстігінде, орталығында, Қарағанды облысының оңтүстігінде, Қостанай облысының оңтүстік жартысында, Батыс Қазақстан облысының оңтүстігінде, шығысында, Атырау облысының солтүстігінде, шығысында, оңтүстігінде, Павлодар облысының солтүстігінде, батысында, Ұлытау облысының орталығында, оңтүстігінде төтенше өрт қаупі сақталады.

Бейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Арал ауданы бойынша 1500 гектар жерге егіс егу межеленген. Оның 87 гектары көкөніс, 342 гектары бау-бақша дақылдары.Биылғы жылы ауданымызда мал шаруашылығы мен қатар егін шаруашылығы да ауыз толтырып айтарлықтай деңгейде дамып, егіс көлемі артып, тұрғындар мен жеке кәсіпкерлер ауданның азық-түлік оның ішінде бау-бақша, көкөніс өнімдерін сырттан тасымалдауды азайту мақсатында жемісті жұмыстар атқаруда.Бүгінгі күнге, Қосжар ауылдық округі бойынша жеке кәсіпкер Елтай Төреханов тамшылатып суару әдісі арқылы егілген 18 гектар құрайтын егіс алқабында 2 га жерге қияр, 1,5 га жерге қызанақ, 0,5 га жерге асқабақ, 4 га жерге қауын және 10 га жерге қарбыз егіп, қазіргі таңда диханшы күніне шамамен 100-150 кг қияр өнімін алуда.Ал, Сексеуіл кентінің тұрғыны, жеке кәсіпкер Ахметжан Боханов 240 шаршы метрді құрайтын жылыжай жұмысын бастап, қазіргі таңда голландиялық қиярдың бірнеше сортының өнімдерін алып, тұтынуда. Аталған азамат мемлекет тарапынан қолдау алып, «Қайтарымсыз грант» иесі атанған болатын. Бүгінде дихан жылыжай жұмыстарынан бөлек, отбасылық кәсіп негізінде 7 гектар жер жыртып, бау-бақша (қауын,қарбыз) дақылдарын орналастыры.Шаруалар жергілікті кәсіпкерлер мен өңірдегі ірі, шағын дүкендерді нарық бағасынан төмен бағадағы қияр өнімімен қамтамасыз ету арқылы бағаның тұрақтылығына өз көмектерін тигізуде.Бұл жасалып жатқан жұмыстардың негізгі мақсаты жеке тұрғындарды төмен бағада азық-түлік, көкөніспен қамтып, аудандағы импортты азайтып, нарық бағасын тұрақтандыру болып табылады.Сондай-ақ Қосжар ауылдық округі маңындағы Майшығыр өңірінде қияр дақылының алғашқы өнімі алынды. Өңірлік өнім жақын арада аудан дүкендерінде сатылымға шықпақ.Қосжарлық жеке кәсіпкер Елтай Төреханов заманауи тәсілдерді ұштастыра отырып, жалпы көлемі 18 гектар аумаққа түрлі көкөніс және бау-бақша дақылдарын орналастырған болатын. Оның ішінде, 2 га қияр, 1,5 га қызанақ, 0,5 га асқабақ, 4 га қауын және 10 гектар аумаққа қарбыз еккен. Алқап тамшылатып суару жүйесін қолданады.Бүгінде диханның көктемдік еңбегі ақталды. Голландиялық қияр тұқымының Авелла F1 сортын өсірген кәсіпкер бүгіннен бастап ауылішілік азық-түлік дүкендерде аталған өнімді 200 теңгеден сатылымға шығарған. Ал өзге аймақтардағы базар сөрелеріне бұл өнім 350 теңгеден ұсынылмақ. Өнім толық алынған соң бағаны төмендету жоспарлануда.Алдағы бір аптада қарбыз бен қызанақтан алғашқы өнім алу жұмысы басталмақ.Тұрғынның бұл кәсібі ауданды жергілікті өніммен қамту саясатын ұстауда септігін тигізуде.<figure class="image"><img src="https://knadmin.beoblood.kz/uploads/352497812_3571021353226225_6963644808664254785_n_1a7766cdff.jpg" alt="352497812_3571021353226225_6963644808664254785_n.jpg"></figure>&nbsp;<figure class="image"><img src="https://knadmin.beoblood.kz/uploads/353387060_3571007356560958_1894188010559856018_n_39def66d0d.jpg" alt="353387060_3571007356560958_1894188010559856018_n.jpg"></figure>

Аралдық дихандар алғашқы өнімдерін жинауда

<a href="https://kyzylorda-news.kz/">Kyzylorda-news.kz.</a>&nbsp;Бүгін жоғары қысымды өрістің әсерінен елдің басым бөлігінде ауа райы негізінен жауын-шашынсыз болады, деп хабарлайды Қазгидромет.&nbsp;Оңтүстік-шығыста, солтүстік-шығыста, шығыста, қиыр батыста, күндіз ел орталығында фронтальды бөлімдердердің өтуімен найзағай ойнап, өткінші жаңбыр жауады, бұршақ жаууы ықтимал. Республика бойынша желдің күшеюі, оңтүстігінде, оңтүстік-батысында, орталығында шаңды дауыл, солтүстігінде тұман сақталады.Қызылорда облысының басым бөлігінде қатты ыстық күтілуде. Сонымен қатар аймақта төтенше өрт қаупі бар.

14 маусымға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Елімізде баспана алуға арналған мемлекеттік бағдарламалардың көп екенін жақсы білеміз. «7-20-25»-тен бастап, «Бақытты отбасы», «Баспана Хит» пен «Шаңырақ», одан қалса әр өңірдің жастарды тұрғын үймен қамтитын жобалары бар. Әрине, бұның бәрін игі істің қатарына жатқызсақ болады. Дегенмен кей бағдарламалар турасында басылмаған дау да бар. Мәселен, былтыр қазанда көпшіліктің баспаналы болуына септескен «7-20-25» бағдарламасы аяқталуға таяғаны хабарланды. Көп ұзамай мемлекет «7-20-25»-ке балама болатын жаңа ипотекалық бағдарламаны нарыққа шығаруға ниет етпек.Жалпы, жеңілдетілген ипотеканың тиімділігі жайында сан түрлі пікір бар. Бірі қажет санаса, енді бірі бұл істі банктердің өзіне қалдырғанды жөн деп есептейді.&nbsp;Біз осы турасында сараптап, мамандар пікірін біліп көрдік.Жаңа бағдарламаның жаңалығы бар ма?Былтыр күзде Индустрия және инфрақұрылымдық даму министрі болып тұрған шағында Қайырбек Өскенбаев «7-20-25»-тің орнын басатын жаңа бағдарламаны қолға алып жатқанын мәлімдеді. Сол кездегі министрдің сөзінше, мемлекет алдымен халықтың әлеуметтік осал тобының баспанамен қамтылғанын қалайды. Бірақ басқа да негізгі адамдар массасы туралы ұмытуға болмайтынын ескерткен. Демек, әркімді категорияға бөлмей, туындаған қиындыққа байланысты әр отбасына жеке мән беру керек. Бір сөзбен айтқанда, әр отбасының цифрлық портреті құрылады.<blockquote>«Заң аясында қарастырып жатырмыз. Ең бастысы, алғашқы жарнасы және қолжетімді ставкасы болады, 7 пайыз шегінде. Есте болса, «Баспана Хит» бойынша 12 пайыз болған еді. Қайталама нарық қатты сұранысқа ие болды. Адамдар жаппай сатып алды, бірақ біз 7 пайыздан асырмаймыз деп отырмыз», – деген еді Өскенбаев.</blockquote>Алдын ала мәліметке сүйенсек, несие беру мерзімі 20 жылды құрамақ. Алғашқы жарна алынатын тұрғын үй құнының 20 пайызынан кем болмайды. Үйді бірыңғай оператор кепілдік берген, салынып жатқан құрылыстан да, бастапқы нарықтан да алуға болады. Займның ең жоғары сомасы өңірлерге байланысты өзгереді. Мысалы, Астана мен Алматы қаласында – 35 млн теңгеге дейін; Ақтау, Атырау және Шымкент қаласында – 25 млн теңгеге дейін; Қарағанды қаласында – 20 млн теңгеге дейін; өзге аймақтарда – 15 млн теңгеге дейін. Былтыр тиісті органдар және екінші деңгейлі банктер бағдарлама шарттарын талқылаған. Әйткенмен алдағы уақытта қандай да бір өзгерістер енгізілуі мүмкін. Ал «7-20-25» бағдарламасы 2018 жылдың жазында басталғанын білеміз. Содан бері тиімді әлеуметтік бағдарламаның арқасында мыңдаған қазақстандық баспаналы болыпты. 2021 жылдың 19 мамырында Қаржы нарығын реттеу және дамыту агенттігінің төрағасы Мәдина Әбілқасымова «7-20-25» бойынша қаржыландырудың тоқтайтынын мәлімдеген. Содан бері аталған бағдарламаның аясында дау туындай бастады.«Мемлекет нарық принциптеріне орын босатып, біртіндеп несиелеу бағдарламаларынан шығуы керек. Үкімет тікелей қаржыландырудан кәсіпкерлік субъектілерінің несиелік тәуекелдеріне кепілдік беруге көшу мүмкіндігін қарастырады. Осыған байланысты биыл жыл басында Үкімет, Ұлттық банк және Қаржы нарығын реттеу және дамыту агенттігі арасындағы 2021-2023 жылдарға арналған макроэкономикалық саясат шараларын үйлестіру туралы келісімге қол қойылды. Ол бойынша Ұлттық банк 2023 жылдан бастап мемлекеттік бағдарламаларды қаржыландырудан кете бастайды», – деген болатын Әбілқасымова.Дау деп нені меңзедік? Негізі «7-20-25» бойынша 1 жылға 100 миллиард теңге қарастырылып отырды. Бірақ ол сомма сұраныстың көптігінен жетпей жатты. Әр үйді 20 миллион теңгеден бағаласақ, 5 мың баспана алуға жетеді. Ал бір ғана елорданың өзінде бағдарлама бойынша кезекте мыңдаған адам тұр. Ақыры көпшілік бекітілген лимитті алып тастауды сұраған. Әйтсе де жауаптылар лимитті көбейте алмайтыны белгілі. Қосымша қаржы тағы да шығынды талап етеді. 2022 жылдың 29 қыркүйегіндегі ақпарат бойынша «7-20-25» аясында 54 022 займ берілген, ол үшін 701,5 млрд теңге қаржы бөлінген. Ұлттық банк таратқан дерек бойынша, бағдарлама аясындағы займдардың басым бөлігі Астана (287,4 млрд теңгеге 18914 займ), Алматы (157,8 млрд теңгеге 10712 займ) және Шымкент (48,2 млрд теңгеге 4008 займ) қалаларына тиесілі екен. Бағдарлама қаржыландыру көлемі 1 трлн теңгеге жеткен кезде толық тоқтайды. Қазір банктер бұл бағдарлама бойынша ипотека бермей жатқаны – соның бір дәлелі.Айтпақшы, «7-20-25»-пен бірге ел арасында ерекше танымал болған «Баспана Хит» ипотекалық бағдарламасы бойынша да азаматтар бастапқы және қайталама нарықтан үй сатып алды. Сондай-ақ, бұл бағдарлама аясында үлестік құрылыстан да үйге тапсырыс беруге болатын. Бағдарлама аясында баспана 15 жылға дейінгі мерзімде, жылдық 10,75 пайызбен және алғашқы жарнаның 20 пайызын құю талабымен беріледі. Бірақ бағдарлама 2021 жылдың соңында аяқталып қалды.Қайта қарайтын жайт көпТаяуда Мәжіліс депутаты Дәулет Мұқаев Премьер-министрдің бірінші орынбасары Роман Склярға дәл осы мемлекеттік бағдарламалар бойынша депутаттық сауал жолдады. Оның ойынша, халықты қолжетімді және сапалы баспанамен қамтамасыз ететін мемлекеттік бағдарламалар тиімсіз, сұранысты өтемейді. Осы жайттарға тоқталған ол бірнеше ұсыныс айтқан.Ең алдымен «Нұрлы жер» мемлекеттік бағдарламасы аясындағы «Бақытты отбасы» және «Шаңырақ» бағдарламаларының талаптарына өзгеріс енгізу қажет. 2019 жылдан бері жүзеге асып келе жатқан «Бақытты отбасы» бағдарламасына жыл сайын бюджеттен 50 млрд теңге төңірегінде ақша аударылып, 8 мыңға жуық отбасы үйлі болыпты. Бағдарлама аясында максималды несиелеу сомасы аймақтар бойынша 15 миллион теңгеге тең. 2019-2020 жылдары бұл ақшаға 2 бөлмелі үй алуға мүмкіндік болса, қазір пәтер бағасы өскен соң тек 1 бөлмелі үй алуға мәжбүр. Ал «Бақытты отбасы» бағдарламасына көпбалалы отбасылар қатысады, яғни, кемі 4 баласы бар отбасылар. Бір бөлмелі пәтерде 4 баламен қоса ата-анасының өмір сүруі қиын болатыны айтпаса да түсінікті. Демек, максималды соманы біршама көтерген жөн.Бұл тұста Мұқаев жас отбасылардың ажырасу мәселесіне де тікелей баспана жайы әсер ететінін жеткізіпті. «Отбасы банкі» тарапынан жүзеге асып жатқан «Жас отбасы» бағдарламасында бастапқы жарна 50 пайыз деп бекітілген. Мұнша қаражат жастардың қолында бола қоймасы анық.Депутат сауалында біз сөз еткен «7-20-25» бағдарламасы да бар. Бағдарлама ұйымдастырушылары «ақша бар, бәрі жақсы, бағдарлама жұмыс істеп тұр» деп көрсетеді. Алайда бірде-бір банк қазір «7-20-25» бағдарламасы бойынша ипотека бермейді. Мұқаевтың айтары сол – лимитті алып тастау жайы. Бірақ жауаптылар бұған келіспейтінін жоғарыда айттық. Себебі маусым сайын лимит қойып қойған. Халық банктер алдында түнеуге мәжбүр. Бұл тұрғыда «7-20-25» бағдарламасы бойынша лимитті алып тастау қажет. Бағдарлама 2029 жылға дейін созылады дегенімен, оған дейін аты бар заты жоқ бағдарламаға айналуы әбден мүмкін. Мыңдаған адам банктен мақұлдау алғанымен, лимит кесірінен үйдің кілтін ала алмай жүр. Не де болса, мемлекеттік бағдарламаларды қайта сүзгіден өткізу қажет-ақ.Баға өндіріспен өлшенедіЖалпы, жеңілдетілген ипотека немесе жеңілдетілген автонесие, арзан кредитке келгенде қаржы мамандарының көбі жақсы көзқарас танытпайды. Неге? Себебі мұндайда елдің экономикалық ахуалын да ойлау керек. Мысалы, экономист Арман Бейсембаевтың айтуынша, жеңілдетілген ипотекалық бағдарламалардың қажеті шамалы. Оның орнына банктер өздері жылдық 17-18 пайызбен несие беруі қажет.<blockquote>– Түрлі бағдарламалардың пайдасы аз. Қазір пайдасы бар секілді боп көрінгенімен, түбінде экономикаға орасан зиян алып келеді. Пайыздық ставка 15 пайыз шамасында тұрған кезде 7 пайызбен несие беруге болмайды. Бұл – нонсенс. Қазір мемлекеттік ипотека бүкіл ипотека нарығының 100 пайызын иеленіп тұр. Егер түрлі ипотекалық бағдарламаларды тоқтататын болсақ, үй бағасы адекватты күйге оралады, – дейді сарапшы.</blockquote>Маманның сөзінше, мұндай жеңілдетілген бағдарламаларды халықтың белгілі бір санаты, мәселен, көпбалалы отбасылар, жалғызбасты аналар, мүгедектер, мүгедек бала тәрбиелеп отырған отбасылар үшін ғана қалдырған оңтайлы болмақ. Бейсембаевтың сөзінің жаны бар, өйткені жоғарыда айтқан бағдарламалардың шикілігі сол қаржы жағынан шығып тұр. Дегенмен тағы бір маман – экономист Бауыржан Ысқақовтың айтуынша, біздің жағдайымызда жеңілдетілген ипотекалар міндетті түрде болуы тиіс.<blockquote>– Басқалай балама болатын нұсқа жоқ. Егер жеңілдетілген ипотекаларды жоятын болсақ, халыққа қолжетімді баспана бағаларын қалыптастыруымыз керек. Бірақ тәжірибе көрсеткендей, бізде еш құрылыс компаниясы тұрғын үйлерін нарықтағыдан 10-15 пайызға арзан етіп сата алмайды. Олардың да өз уәжі бар: құрылыс материалдарының 65-70 пайызы шетелден келеді. АҚШ долларымен немесе рубльмен алып, теңгемен сату тиімсіз. Ал тұрғын үй құнын қолдан түсірсек, қаншама компаниялардың банкрот болуына соқтырамыз. Сол себепті мемлекет нарыққа тиімді әсерін тигізу үшін жеңілдетілген несиелер беруі керек. Егер бұндай бағдарламалар жойылса, көптеген саланың құлдырауына жол ашып аламыз. Компаниялар 35-40 пайыз потенциялынан айырылады. Түбінде құрылыс материалдарын өндіретін кәсіпорындардың да жұмысы шектелуі мүмкін. Қазіргі басты мәселе – құрылыс материалдарының кем дегенде 70 пайызын отандық өндіріспен өтеу мақсаты. Сол кезде ғана бағаның өсуі тоқтар еді, – дейді ол.</blockquote>Ысқақовтың айтуынша, алдағы 10 жылда халықтың тұрғын үйге сұранысы 15-20 есеге дейін өседі деген болжам бар. Бұл тұста банктердің ипотекалық бағдарламалары да назардан тыс қалмауы тиіс. Жайлы, ауданы үлкен баспана алғысы келетіндер жағдайы жетсе нарықтағы бағамен несие ала бергені жөн.Сонымен, баспана тақырыбында қайта қарайтын дүниелер жетерлік. Әрине, билік оның бәрін түсініп отыр, айыптай да алмаймыз. Өйткені, сұраныс тым жоғары, оның бәрін өтеу қаржыға тіреледі. Жеңілдетілген ипотекалар азаматтардың баспаналы болуына септескені анық. Мемлекеттік бағдарламалардың әрі қарай жалғаса бергені абзал, әйтпесе халық үшін басқалай таңдау да жоқ болып тұр.&nbsp;

Тұрғындар мемлекеттік бағдарламалар арқылы баспаналы болмақ

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда қалалық филиалында «Құқықтық көмек» партиялық жобасы аясында қала тұрғындары тәжірибелі заңгерлер мен білікті мамандардан заң аясындағы сұрақтарына жауап алды.Қабылдауға «AMANAT» партиясы республикалық Қоғамдық қабылдау бөлмесінің консультанты А. Әбенов, партияның облыстық филиалының атқарушы хатшысының орынбасары А.Жарылқасынов, облыстық әділет департаментінің бөлім басшысы А. Қосбергенова, Түркістан-Қызылорда облыстары бойынша заң консультанттары палатасының заңгері Б. Қайырбекова, «Бітім» медиация орталығының кәсіби медиаторы Қ. Рашов және сот орындаушы Г. Есентай қатысты.Шараның алғы сөзінде партияның облыстық филиалы Атқарушы хатшысының орынбасары А. Жарылқасынов «Құқықтық көмек» жобасының мақсаты мен міндеттеріне тоқталды.Республикалық Қоғамдық қабылдау бөлмесінің консультанты А. Әбенов аталмыш бағытта республика бойынша атқарылып жатқан шаралар ауқымын атап, халықтың құқықтық сауаттылығын арттырып, кеңес беру партия жұмысының негізгі бағыттары екенін жеткізді.Сонымен қатар, «Отбасы банк» филиалының консультанттары тұрғын үй бағдарламалары бойынша тегін кеңес беріп, ипотекалық келісім-шарттар бойынша сұрақтарға жауап берді.Кеңес алуға келуші тұрғындар негізінен қаржылық мәселелер, банктер мен микроқаржылық ұйымдар алдындағы берешекті реттеу, жеке сот орындаушылардың іс-әрекеттері, алимент өндіру, жер даулары және тұрғын үй-коммуналдық қатынастар бойынша мәселелерін ортаға салды.Сала мамандары барлық келушілерге кеңес беріп, заң нормаларын түсіндірді. Сот тәртібімен және соттан тыс медиация тәсілімен шешу жолдары айтылды.«Құқықтық көмек» жобасы аясында мамыр айынан бастап облыс көлемінде 39 қоғамдық қабылдау өткізіліп, 128 тұрғынның мәселесі қаралды. 106 тұрғынға құқықтық кеңес берілді, 22 тұрғынның құқығын қорғау бойынша сүйемелдеу шаралары жүргізілді.<figure class="image"><img src="https://knadmin.beoblood.kz/uploads/347247386_649756423856664_5296087418716996692_n_8e8e33add9.jpg" alt="347247386_649756423856664_5296087418716996692_n.jpg"></figure>&nbsp;<figure class="image"><img src="https://knadmin.beoblood.kz/uploads/347618436_649756037190036_4352648351559890306_n_ca4bef430f.jpg" alt="347618436_649756037190036_4352648351559890306_n.jpg"></figure>&nbsp;<figure class="image"><img src="https://knadmin.beoblood.kz/uploads/347399028_649757473856559_8510451757590523494_n_64bc0ee3f3.jpg" alt="347399028_649757473856559_8510451757590523494_n.jpg"></figure>

«Құқықтық көмек»: Кәсіби заңгерлер кеңес берді

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктердің өтуімен Қазақстанның басым бөлігінде найзағай ойнап, жаңбыр жауады, деп хабарлайды Қазгидромет.Елдің оңтүстік-батысында, қиыр шығысында және оңтүстігінде жоғары қысымды өрістің әсерінен жауын-шашынсыз ауа райы күтіледі. Республика бойынша желдің күшеюі сақталады, оңтүстігінде, оңтүстік-батысында, орталығында шаңды дауыл күтіледі, солтүстігінде бұршақ, дауыл болуы мүмкін.Маңғыстау, Атырау облыстарының басым бөлігінде, Батыс Қазақстан облысының оңтүстігінде, Ақтөбе облысының оңтүстік-батысында қатты ыстық болады.Атырау облысының оңтүстігінде өте қатты ыстық сақталады.Түркістан, Ақтөбе, Қызылорда, Ақмола, Абай, Шығыс Қазақстан, Маңғыстау, Жамбыл, Жетісу облыстарында, Алматы облысының орталығында, солтүстігінде, Павлодар облысының солтүстігінде, Қарағанды облысының оңтүстігінде, Ұлытау облысының орталығында, Атырау облысының солтүстігінде, шығысында, Қостанай облысының оңтүстік жартысында, Батыс Қазақстан облысының оңтүстігінде, шығысында, солтүстік-шығысында төтенше өрт қауіпі бар.

13 маусымға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін, 12 маусым Қазақстанда Жалпыұлттық аза тұту күні. &nbsp;&nbsp;Президент Қасым-Жомарт Тоқаев өңірге сапарында Семейдегі орман өртінен қаза тапқан азаматтардың құрметіне 12 маусымды елімізде қаралы күн деп жариялайтынын жеткізді.<blockquote>Осы қайғылы жағдайға кінәлілердің бәрі заң бойынша жауапқа тартылады. Дүйсенбі күнін еліміз бойынша Жалпыұлттық аза тұту күні деп жарияладым. Біз қаза тапқан азаматтарды еске аламыз. Сабыр сақтап, бекем болыңыздар. Құқық қорғау органдары мен министрліктер тарапынан болсын, барлық сала бойынша тиісті шаралар қабылданады. Қазір кеңес өткіземін. Бұл жағдайдан міндетті түрде тиісті қорытынды шығарамыз, – деді мемлекет басшысы сапар барысында.</blockquote>Сондай-ақ Президент Абай облысындағы орман өртінің салдарынан адамдардың қазаға ұшырауына байланысты 2023 жылғы 12 маусымды <a href="https://el.kz/memleket-basshysy-zhalpyulttyq-aza-tutu-kuni-dep-zhariyalau-turaly-okimge-qol-qoydy_78203/">Қазақстан Республикасында жалпыұлттық аза тұту күні</a> деп жариялау туралы өкімге қол қойдыҰлттық аза тұту күні ел аумағы бойынша мемлекеттік ту төмен түсіріліп, телерадиода ойын-сауық бағдарламалар мен жарнама беру тоқтатылады.

Бүгін – жалпыұлттық аза тұту күні

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Жаңақорған ауданына жұмыс сапары аясында ауданның әлеуметтік-экономикалық дамуы жөнінде кеңейтілген мәжіліс өткізді. Жиында ауданға қарасты кент және ауылдық округтердің әлеуметтік-экономикалық ахуалы, тұрғындардың талап-тілектерін ескеріп, бастамаларына қолдау көрсетудегі мәселелер, алдағы даму жоспарлары қаралды. Оған барлық құқық қорғау органдарының басшылары, облыстық басқармалар мен аудандық бөлiм басшылары, ауылдық округ әкiмдерi қатысты.Мемлекет басшысының «Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы» Жарлығы ауылдық аумақтарды дамытудың негізгі бағыттарын айқындап берді. Ауылдық жерлерде өмір сүру сапасын жақсартуды көздейтін тұжырымдамаға сүйеніп, Жаңақорған ауданындағы өндіріс, индустрия, кәсіпкерлік, аграрлық салалардың мәселелерін шешуге мүмкіндік бар.Президент барлық деңгейдегі әкімдердің жұмысына жыл сайын бағалау жүйесін енгізу керектігін айтқанда әсіресе, ауыл әкімдерінің қызметіне ерекше тоқталды. Оларға күн сайын тұрғындардың мұң-мұқтажын тыңдап, талап-тілектеріне дер кезінде назар аудару міндетін қойды. Жалпы ауылдың елдегі бастамаларға қосылуы, жаңа бағдарламалар мен жобаларға қатысуы ауылдық округ әкімдеріне байланысты.<blockquote>«2022 жылдың қорытындысымен аудандар мен Қызылорда қаласы бөлінісіндегі негізгі макроэкономикалық көрсеткіштер рейтингінде Жаңақорған ауданы 4-ші орынға тұрақтап, дамудың орта көрсеткішін көрсетті. Өңдеу өнеркәсібінде өсім 86,1 млрд.теңгені құрап 3,6 пайызға, бөлшек сауда көлемі 7,1 млрд.теңгені құрап, 1,6 пайызға артқан. Негізгі капиталға салынған инвестициялар көлемі 53,2 млрд. теңгені құрап, 2021 жылмен салыстырғанда 154,9 пайыз болды. Биылғы қаңтар-сәуір айларында ауданның өнеркәсіп кәсіпорындары 34,9 млрд. теңгенің өнімін өндіріп, 2022 жылдың сәйкес кезеңімен салыстырғанда 86,1 пайызға төмендеген. Аудан экономикасына 9,9 млрд. теңгеге инвестиция салынған, бұл көрсеткіш өткен жылдың сәйкес кезеңімен салыстырғанда 2,7 есе артты», – деді аймақ басшысы.</blockquote><figure class="image"><img src="https://knadmin.beoblood.kz/uploads/347441424_557765309878051_935406938577302648_n_0da5b206bd.jpg" alt="347441424_557765309878051_935406938577302648_n.jpg"></figure>Нұрлыбек Машбекұлы Жаңақорғанның әлеуметтік-экономикалық дамуындағы нақты көрсеткіштерді мысалға келтіріп, аудан әкіміне бірқатар тапсырмалар берді. Қазіргі уақытта ізденіс пен бастамашылдық жұмысты ширатады. Сондықтан халықтың тұрмыс-тіршілігін жақсартуға, өмір сүру сапасын арттыруға баса назар аударылуы керек.Мемлекеттік бағдарламалар ұсынған мүмкіндіктерді дер кезінде пайдалануда, оның халыққа тиімді шарттарын түсіндіруде әлі де жетіспейтін тұстар бар. Мәселен, «Ауыл – ел бесігі» бағдарламасы бойынша ауданға қарасты 7 елді мекенге мүлде қаржы қаралмаған. Енді екі жылдан кейін спутникті ауылдарды қаржыландыру тоқтауы мүмкін. Спутникті және тіректі елді мекендер тізіміндегі ауылдар бағдарламаның артықшылықтарын пайдаланбаған.Тағы бір ауқымды бағдарлама – «Ауыл аманаты» жобасына да Жаңақорған ауданынан Қожакент және Аққорған ауылдық округтері ғана қатысқан. Мұндайда, әрине әкімдердің іскерлігі сынға түседі. Мемлекеттің ауылға бағытталған бағдарламалары мен ұлттық жобалары арқылы қаржы тарту, ол қаржының қажеттігін дәлелдеп шығу, істің көзін тауып, ауыл тұрғындарын бір мақсатқа жұмылдыру – ауыл әкімдерінің негізгі міндеті.Облыс әкімі аймақтағы әрбір ауылдың ахуалын, ондағы жұмыс барысын бақылау мен қадағалаудан тыс қалдырмайтынын айтты. Аудан әкімі Мұрат Тілеуімбетовке нақты тапсырмалар беріп, жұмысты үйлестірудің негізгі бағыттарын, кәсіпкерлікті қолдау мен тұрғындар, жастар арасындағы жұмыссыздықты азайтудың, ауыл тұрғындарының бастамаларын ілгерілетудің жолдарын атап көрсетті. Жастарды кәсіпкерлікке ынталандырудағы кейбір түйткілдердің түп негізі ақпараттандырудың жетіспеушілігінде екенін атап айтты.Облыс әкімі Жаңақорған кенті мен ауылдардағы тіркелген қылмыстардың, олардың ашылу көрсеткішінің төмен екенін сынға алды. Әр ауылдағы ахуалға тоқталып, жауапты қызметкерлерге тапсырмалар жүктеді. Жағдайды қоғамдық және ардагерлер кеңестерінде үнемі талқылап, келеңсіздіктерді болдырмаудың жолдары ұсынылса, құқық қорғау органдарымен бірлескен жұмыстар жүргізілсе, барлығын бақылауда ұстауға болады.Жиын соңында аймақ басшысы жазғы демалысқа шыққан мектеп жасындағы балалардың қауіпсіздігі, әсіресе, судағы жазатайым жағдайлардың алдын алудың маңыздылығын атап өтті.<figure class="image"><img src="https://knadmin.beoblood.kz/uploads/347580782_557765429878039_533351932803501079_n_83eeae6f32.jpg" alt="347580782_557765429878039_533351932803501079_n.jpg"></figure>&nbsp;<figure class="image"><img src="https://knadmin.beoblood.kz/uploads/347241273_557764776544771_7872745946269266020_n_024443cc5c.jpg" alt="347241273_557764776544771_7872745946269266020_n.jpg"></figure>

Жаңақорған ауданының өзекті мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК-сы маусымның 9-ы күнгі ауа райы болжамын жариялады.Атмосфералық фронталды бөліктердің өтуімен ҚР-ның басым бөлігінде күн құбылып тұрады. Соған байланысты найзағай ойнап, жаңбыр жауады, еліміздің солтүстігінде, солтүстік-шығысында нөсер жаңбыр жауады. Тек республиканың батысында күн жауын-шашынсыз болады. Республика бойынша желдің күшейіп, солтүстікте, орталықта бұршақ жауып, дауыл тұрады, солтүстікте, оңтүстікте, орталықта шаңды дауыл тұрады.Алматы облысының солтүстігінде, орталығында, Жетісу облысының оңтүстігінде өте қатты ыстық болады.Алматы, Жамбыл, Шығыс Қазақстан, Жетісу облыстарының басым бөлігінде, Қарағанды, Абай облыстарының оңтүстігінде қатты ыстық сақталады.Түркістан, Ақтөбе, Қызылорда, Алматы, Маңғыстау, Жамбыл, Абай, Жетісу облыстарында, Атырау облысының солтүстігінде, шығысында, оңтүстігінде, Шығыс Қазақстан облысының солтүстік-батысында, Павлодар облысының солтүстігінде, батысында, Ұлытау облысының орталығында, Қарағанды облысының батысында, оңтүстік-шығысында, Қостанай облысының оңтүстік жартысында, Ақмола облысының оңтүстігінде, шығысында төтенше өрт қауіпі сақталады.Күндіз Батыс Қазақстан облысының шығысында, оңтүстік-шығысында жоғары өрт қауіпі күтіледі.

Жұмаға арналған ауа райы болжамы 

ҚР Денсаулық сақтау бірінші вице-министрі Қызылорда облысына іссапармен келді

<a href="https://kyzylorda-news.kz/">Kyzylorda-news.kz.</a> Бүгін атмосфералық фронталды бөліктердің өтуіне орай, Қазақстанның басым бөлігінде күн құбылмалы болады сондай-ақ найзағай ойнап, өткінші жаңбыр жауады, деп хабарлайды Қазгидромет.Тек республиканың батысында, оңтүстігінде күн жауын-шашынсыз болады. Республика бойынша жел күшейіп, елдің солтүстігінде, солтүстік-батысында бұршақ жауады, шаңды дауыл тұрады.Павлодар, Абай, Шығыс Қазақстан облыстарының солтүстік-батысында, Алматы облысының солтүстігінде, орталығында, Жетісу облысының оңтүстігінде өте қатты ыстық күтіледі.Алматы, Павлодар, Ұлытау, Шығыс Қазақстан, Абай, Қызылорда, Жамбыл, Жетісу облыстарының басым бөлігінде, Түркістан облысының батысында, Қарағанды облысының оңтүстігінде қатты ыстық сақталады.Түркістан, Ақтөбе, Қызылорда, Алматы, Маңғыстау, Жамбыл, Ақмола, Солтүстік Қазақстан, Павлодар, Абай, Шығыс Қазақстан және Жетісу облыстарында, Қостанай облысының оңтүстік жартысында, Батыс Қазақстан облысының шығыс жартысында, Қарағанды облысының батысында, оңтүстік-шығысында, Ұлытау облысының орталығында, Атырау облысының шығысында, солтүстігінде төтенше өрт қауіпі сақталады.

Қазақстан және Қызылорда облысының басты жаңалықтары

Шілде айынан бастап жәрдемақы көлемі ұлғаяды

Бейсенбі күнге арналған ауа райы болжамы

Аралдық дихандар алғашқы өнімдерін жинауда

14 маусымға арналған ауа райы болжамы

Тұрғындар мемлекеттік бағдарламалар арқылы баспаналы болмақ

«Құқықтық көмек»: Кәсіби заңгерлер кеңес берді

13 маусымға арналған ауа райы болжамы

Бүгін – жалпыұлттық аза тұту күні

Жаңақорған ауданының өзекті мәселелері талқыланды

Жұмаға арналған ауа райы болжамы

ҚР Денсаулық сақтау бірінші вице-министрі Қызылорда облысына іссапармен келді

Бейсенбі күнге арналған ауа райы болжамы