<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Корея Республикасы Парламентінің депутаты У Вон Сик бастаған делегация өкілдерімен кездесті.Аймақ басшысы екі ел арасында жоғары деңгейдегі тұрақты байланыстар мен ерекше достық қарым-қатынас қалыптасқанын атап өтіп, делегация сапарының жемісті әрі нәтижелі болуына тілектестік білдірді.<blockquote>«Өзіңізге белгілі, екі ел Президенттері арасындағы келісімге сәйкес 2021 жылы тамыз айында Хон Бом Доның сүйегі тарихи отанына қайтарылған болатын. Бұл – Қазақстанның корей халқына деген шынайы ықыласы мен зор құрметінің белгісі. Атқарылған жұмыстар Қазақстан мен Корея арасындағы байланыстардың одан әрі дамуына жаңа серпін берді. Сеул, Тэчжон және Чончжу қалаларына жоспарланған ауқымды бағдарлама аясында корей тарапы делегациямызды жылы қарсы алып, жоғары деңгейдегі бірқатар екіжақты кездесулер мен іс-шаралар өткізілді. Сонымен қатар, Сеул Ұлттық ғылыми-техникалық университеті президентімен кездесуде білім және ғылым саласында тиімді байланыстар орнатылды. Өзіңіздің бастамаңызбен Қызылорда қаласында Қорқыт ата университетінің базасында жасанды интеллект мектебін құру мәселесі мақұлданған болатын. Мектепте жасанды интеллект, киберқауіпсіздік және информатика саласында жоғары білімді кадрлар даярланады. Бұл әріптестік инновациялық технологияларды дамытуға, озық тәжірибе алмасуға жол ашатыны сөзсіз», – деді Нұрлыбек Машбекұлы.</blockquote>Өз кезегінде, У Вон Сик мырза облыс әкіміне ризашылығын білдіріп, өзара тиімді әріптестікті әрі қарай нығайтуға ниетті екенін жеткізді.Айта кетейік, Сыр өңіріне жұмыс сапары барысында Корея Республикасы Парламентінің депутаты қайта жаңғыртудан өткен Хон Бом До мемориалдық кешенімен танысып, Қорқыт ата атындағы Қызылорда университетінің ректорымен кездеседі деп жоспарлануда.<figure class="image"><img src="https://knadmin.beoblood.kz/uploads/398754788_636895148631733_8649120416411677347_n_0c509c4323.jpg" alt="398754788_636895148631733_8649120416411677347_n.jpg"></figure>

 Аймақ басшысы Корея парламентінің депутатымен кездесті

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаевтың төрағалығымен аймақтағы өзекті мәселелер талқыланған мәжіліс өтті.Жауапты басшылар әлеуметтік газ жеткізу, күзгі егін-терім қорытындысы, қоғамдық көлік, коммуналдық қызмет және т.б. бойынша қазіргі жағдайды баяндады.Жуырда өткен облыс әкімінің жеке қабылдауына келген Қызылорда қаласы маңындағы саяжай тұрғындарының мәселелері талқыланды. Аймақ басшысының тапсырмасына орай облыс әкімінің орынбасары, қала әкімі және сала басшылары барлық саяжайға барып халықпен кездеседі. Алдағы уақытта да шет аймақтағы тұрғындар ұсыныс-пікірі назардан тыс қалмайды.Мәжілісте аймақ басшысы жылу беру маусымының талапқа сай өтуін қамтамасыз етуді тапсырды. Алдағы мақсат-міндеттерді белгілеп, туындайтын мәселелерді заң аясында реттеуді ескертті. Әсіресе, өңірде салынатын құрылыс нысандарының сапалы болуын, су, электр жарығының үздіксіз берілуін және өзге де көрсетілетін қызметтерді үнемі бақылауда ұстауды міндеттеді.Қазір қараша айына бөлінген 7,5 мың тонна газ жоспарға сәйкес облысқа күнделікті жеткізілуде. Ахуал тұрақталып, газ еркін сатылуда.<figure class="image"><img src="https://knadmin.beoblood.kz/uploads/398676140_636502265337688_8914619372019843974_n_e9c68edb6b.jpg" alt="398676140_636502265337688_8914619372019843974_n.jpg"></figure>

Қызылордада ахуал тұрақталып, газ еркін сатылуда

<a href="https://aikyn.kz/213000/zher-amanaty-el-amanaty">ФОТО</a><a href="https://kyzylorda-news.kz/ru">Kyzylorda-news.kz.</a>&nbsp; «AMANAT» партиясы облыстық филиалы жанындағы «Жер аманаты» комиссиясы бұған дейін барлық аудандарында болып, жергілікті жердегі жағдаймен танысып, жоспардың орындалуын пысықтап, мәселелерді талқылаған болатын. Бүгін партияның облыстық филиалының Атқарушы хатшысы Ләйлә Төрешованың төрағалығымен комиссияның кезекті отырысы өтіп, онда «Жер аманаты» жобасының Қызылорда қаласында іске асырылу барысы талқыға түсті.«Жер аманаты» комиссияның құрылудағы мақсаты – пайдаланылмай жатқан, оның ішінде заңсыз жеке меншікке өткен жерлерді мемлекет меншігіне қайтару және оларды ауыл тұрғындарына ұсыну, әділ үлестіруді қамтамасыз ету.Өңірде биыл «Жер аманаты» жобасы аясында 200 мың гектар жерді қайтару жоспарланса, комиссияның араласуымен бүгінгі күнге жоспар 103,5% орындалып, 207 мың 85 гектар жер артығымен мемлекет меншігіне қайтарылды. Алайда Сайлауалды бағдарламаны іске асырудың Жол картасында барлық іс-шаралар мен көрсеткіштер қала және аудандар бөлінісінде бекітілгендіктен Қызылорда қаласы бойынша жобаның орындалуы көңіл көншітпейді» деді партия филиалының Атқарушы хатшысы Ләйлә Төрешова.Атқарушы хатшы атап өткендей жоба аясында Қылыорда қаласында билы жоспарға сәйкес 5 мың гектар жер қайтарылу керек. Оның бүгінгі күнге 2 мың 29 гектар ғана қайтарылған. Жиын барасында қалған 2 мың 970 гектар жер учаскесін мемлекетке қайтару туралы және жайылыммен қамтамасыз ету жағдай жөнінде Қызылорда қаласы әкімінің орынбасары Дархан Тұрсынбаев есеп берді.Алайда партия филиалының Атқарушы хатшысы жерге қатысты мәселелердің жалғаса беретіндігін соның ішінде жайылыммен қамтамасыз ету мәселесі әлі күнге де өзекті екендігін тілге тиек етіп, қала әкімі орынбасарына, қалалық партия филиалының төрағасы мен Атқарушы хатшысына қайтарылған жерлерді халыққа тиімді үйлестіруді тапсырды.Ақпарат үшін: «Жер аманаты» комиссиясының жер мәселелері жөніндегі «Жедел желісі» телефоны 8 800 080 44 41,өтінімдер WhatsApp арқылы да + 77008004441 нөмірі бойынша қабылданады.

«Жер аманаты»: Қызылордада 207 мың 85 гектар жер мемлекет меншігіне қайтаралды

<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет Қазақстан аймақтарында 2023 жылғы 2 қарашада болатын қауіпті метеорологиялық құбылыстарға болжау консультациясын жариялады.Республика аумағының басым бөлігінде Атлантикалық циклонның және онымен байланысты атмосфералық фронттардың ықпалымен ауа райының тұрақсыз сипаты сақталады, жауын-шашын (жаңбыр, қар), көктайғақ күтіледі.Елдің батысында, солтүстік-батысында, оңтүстігінде антициклон жотасының әсерінен жауын-шашынсыз ауа райы күтіледі. Қазақстан бойынша тұман, желдің күшеюі, елдің оңтүстік-батысында шаңды дауыл болады деп болжануда.

2 қарашаға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a>&nbsp; Сыр өңіріндегі облыс пен бірнеше ауданның тарихындағы атаулы жылдың ауқымды іс-шаралары әлі де жалғасуда. Мереке тағылымы көпке дейін ел есінде қалуы үшін игілікті істер жасауға баса мән берілген. Осы ретте бүгін Қазалы ауданында 50 отбасы баспаналы болды.Облыс әкімі Нұрлыбек Нәлібаев пәтер иелеріне кілт табыстау рәсіміне қатысып, жерлестерін құттықтады.<blockquote>«Мемлекет басшысы «Халықтың басым көпшілігі үшін тұрғын үй – ең өзекті мәселе. Мемлекет шын мұқтаж адамдарға ғана жәрдем береді» деп атап өткен болатын. Облыс бойынша халықтың әлеуметтік осал топтары үшін 1000 пәтер сатып алу жоспарланған. Оның 400 пәтері аудандарға тиесілі. Міне, бүгін қазалылық 50 отбасы өз баспанасына кіріп, қоныс тойын тойлайды. Бұл – мемлекеттің тұрғындардың әл-ауқатын жақсартуға бағытталған жұмыстарының жемісі. Жаңа баспаналарыңыз ұядай жылы, берекелі болсын!», – деді аймақ басшысы.</blockquote>Іс-шарада Нұрлыбек Машбекұлы Қызылорда облысының Құрметті азаматы Самұрат Имандосовқа ҚР Премьер-министрі Әлихан Смайыловтың Алғыс хатын табыстады. Рәсімде Арал ауданының Құрметті азаматы Оразғали Бекбанов жаңа қоныс иелері мен жиналғандарға ақ батасын берді. Мердігер мекеменің 5 қызметкері облыс әкімінің Алғыс хатымен марапатталды.Айта кетейік, жақында Жаңақорған ауданында 50, кеше Арал ауданында 100 отбасы баспана қуанышына кенелді.Аймақта тұрғын үйді пайдалануға беру көрсеткіші жыл өткен сайын артуда. «Қуатты өңірлер – ел дамуының драйвері» ұлттық жобасы аясында былтыр 683,2 мың шаршы метр тұрғын үй берілсе, биыл 692,3 мың шаршы метр баспана табыстау көзделген. Арнайы қабылданған «Сыр жастары» бағдарламасы аясында облыста алғаш рет 100-ден астам жас отбасыға тұрғын үй беріледі.<img src="https://knadmin.beoblood.kz/uploads/398082486_635860378735210_5557577316007016923_n_a8aa20706c.jpg" alt="398082486_635860378735210_5557577316007016923_n.jpg"><img src="https://knadmin.beoblood.kz/uploads/398004360_635860255401889_4793739211965713021_n_13953a35d6.jpg" alt="398004360_635860255401889_4793739211965713021_n.jpg"><img src="https://knadmin.beoblood.kz/uploads/397996793_635860355401879_8892334325464720472_n_41f9d5a857.jpg" alt="397996793_635860355401879_8892334325464720472_n.jpg"><img src="https://knadmin.beoblood.kz/uploads/398168257_635860328735215_6953755868829599259_n_443865adad.jpg" alt="398168257_635860328735215_6953755868829599259_n.jpg"><img src="https://knadmin.beoblood.kz/uploads/397888459_635860272068554_5588821680071624635_n_5b08504ff1.jpg" alt="397888459_635860272068554_5588821680071624635_n.jpg">

Қазалы ауданында 50 отбасы баспаналы болды

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаевтың аудандарға жұмыс сапары бүгін Қазалыда жалғасты.&nbsp;Мұнда аймақ басшысы әлеуметтік осал топтағы отбасыларға жаңа пәтер кілтін табыстап, «Жайлы мектеп» ұлттық жобасымен салынатын білім ордасының іргетасын қалау рәсіміне қатысады. Құқық қорғау органдары басшыларымен бірге тұрғындарды жеке қабылдау өткізеді деп жоспарлануда.

Нұрлыбек Нәлібаевтың Қазалыда ауданына жұмыс сапары басталды

<a href="https://kyzylorda-news.kz/ru">Kyzylorda-news.kz.</a> Арал ауданына жұмыс сапары кезінде облыс әкімі Нұрлыбек Нәлібаев Арал теңізінің құрғаған ұлтанындағы фитоорманмелиорациялық жұмыстармен танысып, жуырда қайта жаңғыртудан өткен «Балықшылар аллеясына» &nbsp;аялдады.&nbsp;Аймақ басшысы Арал орман және жануарлар дүниесін қорғау жөніндегі мемлекеттік мекемесіне барып, қоршаған ортаны ұшқан тұз бен құм көшкінінен қорғауға бағытталған жұмыстарды көрді.Бүгінде Мемлекет басшысының Арал теңізінің құрғаған ұлтанының 1,1 млн гектарына фитоорманмелиорациялық жұмыстар жүргізу жөніндегі тапсырмасы өз деңгейінде жүзеге асуда. Сонымен қатар, &nbsp;құрғаған ұлтанға орман өсіруге басқа елдерден донорлар тарту бағытында да тиісті шаралар жалғасуда.«Балықшылар аллеясы» Арал ауданының 95 жылдығы аясында қайта жаңғыртылған. Аумағына жаяу жүргіншілер жолы мен түнгі жарықшамдар қойылып, шамшырақ (маяк) және шаңырақ іспетті арнайы арка орнатылды. Бұл аллея Арал қаласы тұрғындарының мерекелік шараларда бас қосатын, демалыс уақытын өткізетін саябақ болады деп жоспарлануда.<figure class="image"><img src="https://knadmin.beoblood.kz/uploads/akim_2_1021c81cba.jpg" alt="аким 2.jpg"></figure><figure class="image"><img src="https://knadmin.beoblood.kz/uploads/akim_3_563e2c96b0.jpg" alt="аким 3.jpg"></figure><figure class="image"><img src="https://knadmin.beoblood.kz/uploads/akim_4_83cf55dd67.jpg" alt="аким 4.jpg"></figure>

Облыс әкімі Арал теңізінің құрғаған ұлтанындағы фитоорманмелиорациялық жұмыстармен танысты 

<a href="https://kyzylorda-news.kz/ru">Kyzylorda-news.kz.</a> «Қазгидромет» РМК-сы қарашаның 1-і күнгі ауа райы болжамын жариялады.Республика аумағының басым бөлігінде Атлантикалық циклонның және онымен байланысты атмосфералық ағындардың ықпалымен ауа райы құбылып тұрады.Кей жерлерде жауын жауса, кей жерлерде қар аралас жаңбыр жауады, сондай-ақ көктайғақ болады. Тек елдің батысында, оңтүстігінде антициклон жотасы салдарынан күн жауын-шашынсыз болады.Қазақстан бойынша тұман түсіп, жел күшейеді, жаяу бұрқасын болуы да ықтимал.

Бүгін еліміздің басым бөлігінде тұман түсіп, жел күшейеді 

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Арал ауданына жұмыс сапарымен барып, бірқатар әлеуметтік нысанның ашылу рәсіміне қатысты және тұрғындармен кездесті.Аймақ басшысы Қызылжар елді мекеніне кіреберіс автомобиль жолын жөндеу барысымен танысты. Бас мердігер «Аван құрылыс» ЖШС жұмысты 2022 жылдың тамыз айында бастаған. Алайда жол сапасы сын көтермейді.<blockquote>«Өздеріңіз көргендей, сапасы өте нашар. Бұл жобаға мемлекеттің қаражаты бөлінген. Президентіміздің қамқорлығының арқасында Сыр өңіріне, оның ішінде Аралға ауқымды қаржы бағытталды. Бірақ жұмыстың нәтижесі осы, яғни сапасыз жол. Арал ауданының әкімі Серік Сағитжанұлы, мына жолды қабылдамау керек. Осы жерде құқық қорғау органдарының басшылары да бар, заңдылығын тексеруі тиіс. Жұмыс барлық талаптарға сай, адал атқарылғанда ғана сапалы болмақ. Мына жолдың әсіресе, бас жағындағы 5-6 шақырымы ертең көктемде-ақ сыр береді. Сондықтан бұл жол қайтадан жасалған соң ғана қабылданады», – деді аймақ басшысы.</blockquote>Облыс әкімі қажет болса жол құрылысының басына арнайы зертхана әкеліп, жұмыс сапасын сараптамадан өткізуді, оған мамандарды тартуды тапсырды. Сол кезде кемшіліктер дәлелденіп, ашып көрсетіледі.Әрі қарай Нұрлыбек Машбекұлы «Ауылдық денсаулық сақтауды жаңғырту» ұлттық жобасы аясында қолға алынған дәрігерлік амбулаторияның құрылысымен танысты. Нысан таяу арада пайдалануға берілмек. Ғимарат ішінде дәріхана, оқшаулау бөлмесі, зертхана, физиотерапиялық емдеу бөлмесі, күндізгі емдеу стационары, жалпы тәжірибелік дәрігердің кабинеті, егу бөлмесі қарастырылған. Мүмкіндігі шектеулі жандар үшін де қолайлы жағдай жасалған. Еске салайық, өңірде ұлттық жоба аясында 27 медицина мекемесінің құрылысы салынуда. Аймақ басшысы мердігерге жұмысты сапалы жүргізіп, нысанды уақытылы ел игілігіне табыстау міндетін жүктеді.Осы нысанда аймақ басшысы ауыл тұрғындарымен, ақсақалдармен кездесіп, олардың ұсыныс-пікірлерін тыңдады. Өңірде, Арал ауданында атқарылған жұмыстарды, алдағы жоспарлар туралы айтты.

Аймақ басшысы ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a>&nbsp; Елімізде пандемия кезінде баланы қашықтан оқыту, қашықтан&nbsp;жұмыс істеу ұғымы пайда бола бастаған еді. Осыған байланысты төтенше жағдайда &nbsp;(соғыс жағдайы, төтенше жағдай жарияланған кезде, карантин немесе басқа да шектеулер қойылған жағдайда), сондай-ақ мемлекеттік қызметшілердің өмірі мен денсаулығына қауіп төндіретін басқа да ерекше жағдайларда мемлекеттік органдардың жұмысын ұйымдастыру үшін мемлекеттік қызмет туралы заңдылықтарға өзгерістер енгізілді. «Жаман айтпай жақсы жоқ». Енгізілген өзгеріске сәйкес егер де осы аталған жағдайлар туындайтын болса мемлекеттік қызметшілердің қашықтан немесе аралас қашықтан жұмыс істеуіне құқық берілген.Жұмыс режимін өзгертуге себеп болған жағдай жойылғанша &nbsp;жұмыс берушінің актісімен мемлекеттік қызметшіге қашықтан немесе аралас қашықтан жұмыс істеуіне мүмкіндік беріледі.&nbsp;Алайда, жұмыс беруші оның лауазымдық нұсқаулықтарын орындауға бар жағдайды жасауы тиіс. Атап айтқанда, қажетті құрал-жабдықтармен (компьютер, ноутбук, т.б.), ақпараттандыру объектілері мен байланыс қызметтерімен&nbsp;қамтамасыз етеді және орнатады.Мемлекеттік қызмет заңдылықтарына енгізілген тағы бір ұғым бұл-икемді жұмыс уақыты.&nbsp;Икемді жұмыс уақыты режиміндегі жұмыс мемлекеттік қызметшінің әлеуметтік-тұрмыстық жағдайына байланысты&nbsp;берілуі мүмкін. Мәселен, баласын емдеу орталықтарына, балабақшаға немесе мектепке апару уақыттары жұмыс уақытымен сәйкес келмеген жағдайда. Ол үшін &nbsp;қызметші өтініш береді, тиісінше мекеме басшысы өтінішті он жұмыс күні ішінде қарап, шешім қабылдайды. Бұл жұмыс режимін қолдану 6 ай мерзімге қарастырылған, тараптардың екеуара (жұмыс беруші мен мемлекеттік қызметші) келісімі&nbsp;болған жағдайда мерзім ұзартылуы мүмкін. Дегенмен, жұмыс уақыты аптасына 40 сағаттан (немесе күніне 8 сағаттан) аспауы тиіс. Қазіргі таңда облыста 8 мемлекеттік қызметші осы икемді жұмыс режимімен жұмыс&nbsp;істеп жатыр.Тағы бір енгізілген өзгеріс - Мемлекеттік органға бару арқылы жұмыс уақыты режимінің сақталуына мониторинг жүргізу жөніндегі әдістемелік&nbsp;нұсқаулықтың бекітілуі. Аталған&nbsp;нұсқаулыққа сәйкес Қазақстан Республикасы Мемлекеттік қызмет істері агенттігі мен оның аумақтық бөлімшелеріне мемлекеттік органдарға бару арқылы жұмыс уақыты режимінің сақталуына мониторинг жүргізу белгіленген. Мониторинг жүргізудің мақсаты&nbsp;- мемлекеттік қызметшілерді үстеме жұмысқа тартудың алдын алу, икемді жұмыс уақыты режиміне, сондай-ақ қашықтықтан немесе аралас қашықтықтан жұмысқа &nbsp;тартуда тиісті талаптардың сақталуы. Жалпы үстеме жұмысқа тарту үшін біріншіден мемлекеттік қызметшінің жазбаша келісімі қажет және ол жұмыс берушінің актісімен рәсімделуі тиіс. Үстеме жұмыс уақыты айына 12 сағаттан аспауы керек. Үстеме жұмысқа жұмыс уақытынан тыс уақытта және демалыс пен мереке күндері тартылған&nbsp;мемлекеттік қызметшіге қосымша ақы төленеді немесе мемлекеттік қызметшінің қалауы бойынша оған басқа күні демалыс сағаттары беріледі. Үстеме жұмысқа жұмыс берушіге жүктілігі барлығы туралы анықтама ұсынған жүкті әйелдер, мүгедектігі бар адамдар жіберілмейді.Қазақстан Республикасы Мемлекеттік қызмет істері агенттігінің Қызылорда облысы бойынша департаменті қызметкерлерімен жүргізілген мониторинг нәтижесінде 3 мемлекеттік органның 14 мемлекеттік қызметшісі жұмыс уақытынан тыс үстеме жұмыстарға тартылғандығы анықталды. Нәтижесінде мекеме басшыларына ұсыныстар жолданылып, үстеме жұмыс сағаттары үшін мемлекеттік қызметшілерге басқа күндері демалыстар берілді. Осылайша олардың бұзылған құқығы&nbsp;қалпына келтірілді.Мемлекеттік қызметшілердің жұмыс уақытының нормасын заңсыз асырғаны үшін жұмыс берушіге&nbsp;әкімшілік құқық бұзушылық туралы Кодексінің 89 бабымен ескерту жасау түріндегі әкімшілік шара көріледі. Егер әкімшілік шара көрілгеннен кейін бір жыл ішінде қайталап жасаса жұмыс берушіге 40 айлық есептік көрсеткіш, яғни 138 000 теңге&nbsp;көлемінде&nbsp;айыппұл салынады.Дегенмен де, мемлекеттік қызметшілерді үстеме жұмысқа тартпас бұрын жұмыс берушілер әрбір мемлекеттік қызметшінің артында отбасы құндылықтарын сақтау, оның ішінде бала тәрбиесімен айналысу міндеттері тұрғанын да ұмытпағандары жөн.&nbsp;Мирамкүл Малайқызы Бибітова,Қазақстан Республикасы Мемлекеттік қызмет істері агенттігіҚызылорда облысы бойынша департамент басшысының орынбасары - Әдеп жөніндегі кеңес хатшылығының меңгерушісі&nbsp;

Мирамкүл Бибітова: Мемлекеттік қызметшілердің құқығы қорғалуы тиіс

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Премьер-министрі Әлихан Смайыловтың төрағалығымен өткен Үкімет отырысында халықтың шамадан тыс несие алуын азайту, Қазақстанда туризмді одан әрі дамыту мәселелері қаралды.Жиналысқа қатысушылар Қарағандыдағы Костенко шахтасында қаза тапқандарды бір минут үнсіздікпен еске алды.Күн тәртібіндегі мәселелер бойынша тиісті ведомство басшылары баяндама жасап, атқарған жұмыстары мен шешімін күткен түйткілдерге тоқталды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, тұрғындардың қаржылық сауатын арттыру маңыздылығын атап өтті.<blockquote>«Халықтың есепсіз несие алуын азайту – бүгінгі күнгі өте өзекті мәселе. «AMANAT» партиясының «Қарызсыз қоғам» білім беру жобасының ауқымын кеңейту жөніндегі Жол картасы бекітілді. Облыс орталығы мен аудандарда жобалық кеңселер құрылып, ғимаратпен қамтылды. Қала мен аудандар бойынша тиісті жұмыстарды атқаратын жауапты тұлғалар бар. Алдағы уақытта өңірлік жобалық кеңседе азаматтардың проблемалық қарыздарына қатысты мәселелерді шешу, жұмыспен қамту бойынша кеңес беріледі. Халықтың қаржылық сауаттылығын арттыру, яғни Жол картасынан туындайтын талаптардың орындалуын қадағалау қажет», – деді аймақ басшысы.</blockquote><figure class="image"><img src="https://knadmin.beoblood.kz/uploads/398297147_635346355453279_7090066332190669324_n_1747edd3d3.jpg" alt="398297147_635346355453279_7090066332190669324_n.jpg"></figure>Күн тәртібіндегі екінші мәселе бойынша облыстағы киелі орындардың айналасын абаттандыру, олардағы инфрақұрылымның қолжетімділігіне баса назар аудару тапсырылды. Турист санын көбейтудің жолдары мұқият зерттелуі тиіс. Нұрлыбек Машбекұлы әрбір сала басшысы, қала, аудан әкімдері өңірдің инвестициялық әлеуетін, туристік тартымдылығын арттыру және көрікті жерлердің ерекшелігін жан-жақты насихаттау шараларына жіті мән беру қажеттігін ескертті.<figure class="image"><img src="https://knadmin.beoblood.kz/uploads/395473855_635346408786607_332987389135296984_n_00b36b30b0.jpg" alt="395473855_635346408786607_332987389135296984_n.jpg"></figure>

Туризмді дамыту мүмкіндіктері қаралды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен мәжілісте газ тапшылығы мәселесі талқыланды.Аймақ басшысы халық қажеттілігіне арналған, төмен бағамен берілетін газды кәсіпкерлерге құнын қымбаттатып сатқан операторларды қатаң сынға алды.<blockquote>«Үкімет халық үшін арзан бағамен газ береді. Ал сіздер сол газдан пайда табу үшін сыртқа сатасыздар. Жол салушы компаниялардың жанар-жағармай шығыны жобасында қаралған. Оларды газбен қамтамасыз етуге міндетті емессіздер. Біз ондай уәде берген жоқпыз! Арзандатылған газды халықтың аузынан жырып, қымбатқа сатуға жол бермеймін!» – деді аймақ басшысы.</blockquote>Мәжілісте газбен қамтамасыз ететін оператор мекемелер басшылары қазіргі жағдайды баяндады.Бүгінде облыс орталығы мен аудандарда әлеуметтік бағамен сатылатын газды тұрғындарға босату бойынша комиссия құрылып, оның ашық және әділ таратылуын қадағалайтын болады. Мұнан бөлек, облыстың Түркістан, Ақтөбе, Жезқазғанмен шекарасына арнайы бекеттер қойылып, әлеуметтік газды тасымалдау қатаң бақылауға алынбақ.ҚР Бәсекелестікті қорғау және дамыту агенттігі төрағасының 2022 жылғы 5 шілдедегі №16 бұйрығымен Қызылорда облысының аумағындағы автогаз құю станцияларында сұйытылған мұнай газын бөлшек саудада өткізудің шекті бағалары бекітілген.Энергетика министрлігінің жеткізу жоспары бойынша Қызылорда облысына айына орташа есеппен 6-7 мың тоннаға жуық газ бөлініп келеді. Жеткізу жоспарына сәйкес қазан айында 6 791 тонна газ бөлінді («Қазгермұнай» – 5 427 тонна, «ПКОП» – 1 364 тонна). Алайда, «Қазгермұнай» компаниясының газ қондырғысындағы жоспардан тыс жұмыстарға байланысты бекітілген көлем 529 тоннаға қысқарып, жаңа жоспар бойынша 4 898 тоннаны құрады. Осыған орай Қызылорда облысына 6 262 тонна газ бөлінді.«ПКОП» компаниясынан 1 364 тонна газ толық көлемде әкелінді. Сонымен қатар, қазан айында министрлік «СНПС Ақтөбемұнайгаз» компаниясынан 504 тонна (14 вагон) қосымша көлем бөлді. Оның ішінде, 288 тоннасы (8 вагон) облысқа келді. Тағы 144 тоннасы (4 вагон) жөнелтіліп, облысқа 1 қарашада келеді деп жоспарлануда, қалғаны 72 тонна.Орын алған жағдайға байланысты «Саутс Ойл» компаниясымен келіссөздер жүргізіліп, компания 104 тонна газ бөлді.Облыстан тыс жерлерге газды әкетудің алдын алу мақсатында жұмыс тобы құрылды. Бұл топ газды тиеп-жөнелту пунктінен бастап, автожанармай құю станцияларын толтыруға және одан әрі тұтынушыға сатуға дейінгі процесске бақылау жүргізуде.Бүгінгі күні облыста сұйытылған мұнай газы бойынша қалдық қоры – 221 тонна. Одан бөлек, 27 қазанда облысқа 224 тонна қосымша көлем бөлінді. Комиссия отырысы сол күні өткізіліп, өңірлік операторларға бөлініс жасалды.Айта кету қажет, қараша айына 7 458 тонна газ қарастырылған. Оның ішінде, «Қазгермұнай» компаниясынан 4 740 тонна бөлініп, бірінші онкүндікте 1 840 тоннасы жоспарға сәйкес жеткізіледі.Мәжіліс қорытындысында аймақ басшысы барлық операторларға газды сатуға қатысты шектеулерді алып тастауды тапсырды.«Бизнес – үнемі табыс табу деген сөз емес. Арзан газды сатып, газ тапшы кезде еш әрекет етпей, қол қусырып отыруға болмайды» – деп ескертті облыс әкімі.<figure class="image"><img src="https://knadmin.beoblood.kz/uploads/395453473_635098905478024_2546702519801833043_n_e0b255c94d.jpg" alt="395453473_635098905478024_2546702519801833043_n.jpg"></figure>&nbsp;<figure class="image"><img src="https://knadmin.beoblood.kz/uploads/398328590_635098962144685_8315333331256140669_n_1051332c3e.jpg" alt="398328590_635098962144685_8315333331256140669_n.jpg"></figure>

Қазақстан және Қызылорда облысының басты жаңалықтары