<a href="https://kyzylorda-news.kz/ru">Kyzylorda-news.kz.</a> Қазгидромет синоптиктері 7 қараша, сейсенбіде ауа райы қандай болатынын жариялады.Республиканың басым бөлігінде антициклон ықпалымен күн ашық болады, жауын-шашын жаумайды.Тек еліміздің батысы мен оңтүстіктің таулы аудандарында атмосфералық фронттардың өтуіне байланысты жаңбыр жауып, жел күшейеді.Қазақстан бойынша тұман түседі. &nbsp;

Сейсенбіде ауа райы қандай болады?

<a href="https://kyzylorda-news.kz/ru">Kyzylorda-news.kz.</a> Биылғы шежірелі өңіріміз бен бірнеше ауданның жылнамасындағы тарихи жыл ауқымды іс-шараларымен, жарқын жетістіктерімен есте қалмақ. Атаулы жыл аясында бүгін Шиелі ауданында 50 отбасы баспаналы болды.Облыс әкімі Нұрлыбек Нәлібаев пәтер иелеріне кілт табыстау рәсіміне қатысып, жерлестерін құттықтады.<blockquote>«Мемлекет басшысы Қасым-Жомарт Тоқаев «Халықтың басым көпшілігі үшін тұрғын үй – ең өзекті мәселе. Мемлекет шын мұқтаж адамдарға ғана жәрдем береді» деп, осы реттегі жұмысымызға бағыт көрсетті. Баспана қалың көпшіліктің тұрмыстық қажеттіліктерінің ең негізгісі болғандықтан, мемлекет тұрғын үйге мұқтаж жандарды қамтамасыз етуге баса мән беріп келеді.Аймақта, Шиелі ауданында пайдалануға берілген үй көлемі жыл сайын артуда. Тамыз айында «Көкшоқы» мөлтек ауданынан 3 қабатты 18 пәтерлі 4 тұрғын үйді пайдалануға беріп, 70-тен аса отбасының қуанышын еселедік. Облыс бойынша халықтың әлеуметтік осал топтары үшін 1000 пәтер сатып алу жоспарланған. Оның 400-і аудандарға тиесілі. Міне, бүгін Шиеліде 50 отбасы өз баспаналарына кіріп, қоныстой тойламақ. Жаңа шаңырақтарыңызға шаттық пен жақсылық тілеймін, – деді аймақ басшысы.</blockquote>Қоныстой иелеріне еңбек ардагері Киікбай Смайылұлы ақ батасын берді.Іс-шарада «Қуатты өңірлер – ел дамуының драйвері» ұлттық жобасы аясында Шиелі кентіндегі әлеуметтік осал топтағы отбасыларға тұрғын үйлер салып, пайдалануға беруге үлес қосқан азаматтар облыс әкімінің Алғыс хатымен марапатталды.Аймақта тұрғын үйді пайдалануға беру көрсеткіші жыл өткен сайын артып келеді. «Қуатты өңірлер – ел дамуының драйвері» ұлттық жобасы аясында былтыр 683,2 мың шаршы метр тұрғын үй берілсе, биыл 692,3 мың шаршы метр баспана табыстау көзделген. Арнайы қабылданған «Сыр жастары» бағдарламасы аясында облыста алғаш рет 100-ден астам жас отбасыға тұрғын үй беріледі.<figure class="image"><img src="https://knadmin.beoblood.kz/uploads/397090953_638524145135500_2331998865252897362_n_860984ec7e.jpg" alt="397090953_638524145135500_2331998865252897362_n.jpg"></figure>&nbsp;<figure class="image"><img src="https://knadmin.beoblood.kz/uploads/399737029_638524125135502_5515755260649908129_n_71520387f3.jpg" alt="399737029_638524125135502_5515755260649908129_n.jpg"></figure>&nbsp;<figure class="image"><img src="https://knadmin.beoblood.kz/uploads/399755269_638524225135492_375511545279904030_n_98a36f479e.jpg" alt="399755269_638524225135492_375511545279904030_n.jpg"></figure>

Шиеліліктерге жаңа баспана кілті табысталды

<a href="https://kyzylorda-news.kz/ru">Kyzylorda-news.kz.</a>&nbsp; Бүгін Қорқыт ата атындағы Қызылорда университетінің базасында Жасанды интеллект және информатика жоғары мектебінің ресми ашылу салтанаты өтті. Іс-шараға ҚР Ғылым және жоғары білім министрі Саясат Нұрбек, Қызылорда облысының әкімі Нұрлыбек Нәлібаев, LUPIC халықаралық ынтымақтастық бойынша жетекші университет жобасының өкілдері, профессор-оқытушылар құрамы және IT саласы бойынша жұмыс берушілер қатысты.Бұл бастама Мемлекет басшысы Қасым-Жомарт Кемелұлы Тоқаевтың үш ЖОО базасында жасанды интеллект саласындағы кадрлар даярлау және осы салада зерттеу жүргізетін орталықтар ашу жөніндегі тапсырмасы шеңберінде іске асырылды.Жоғары мектеп жасанды интеллект, киберқауіпсіздік және информатика саласында кадрлар даярлайтын болады. Студенттер Сеултехпен бірлескен бағдарламалар бойынша білім алады, бұл әлемдік IT технологияларға қолжетімділікті қамтамасыз етеді. Жоба аясында оқу орны Кореяның заманауи зертханалық құрылғыларымен жабдықталады, ал студенттер бірнеше тілді меңгеріп, орыс және қазақ тілдерінен бөлек, ағылшын, корей тілдерінде білім алады.Жиында ҚР Ғылым және жоғары білім министрі Саясат Нұрбек жобаның маңыздылығына тоқталды.<blockquote>«Президент Қасым-Жомарт Тоқаев жасанды интеллект технологияларының дамуы ел болашағы үшін стратегиялық маңызды бағыт екенін атап өтті. Жасанды интеллект технологияларын қолданысқа енгізу ерекше назар аударуды қажет етеді. Сондықтан Ғылым және жоғары білім министрлігі осы бағыт бойынша білім беру бағдарламаларын іске асыруға жылдам кірісті. Қорқыт ата университетінде Сеултехтің жоғары жасанды интеллект мектебінің ашылуы IT технологиялар саласында адами капиталды қалыптастыруға, ғылыми зерттеу нәтижелері және өзара тәжірибе алмасуға, сондай-ақ Корея мен Қазақстан арасындағы жоғары білім беру саласындағы екіжақты ынтымақтастықты одан әрі ілгерілетуге серпін береді. Сондай - ақ, алдағы уақытта шетелдік университеттің филиалы мен қос дипломды бағдарлама ашу жоспарланып отырғанын хабарлағым келеді, соның нәтижесінде түлектер Сеултехтің және Қорқыт ата атындағы Қызылорда университетінің дипломын ала алады», - деді министр.</blockquote>Сондай-ақ, министр Мемлекет басшысы Қ.Тоқаевтың тапсырмасын орындау мақсатында Қазақстанда соңғы екі жылда М. Қозыбаев атындағы СҚУ базасында Аризона университеті, Қ. Жұбанов атындағы Ақтөбе өңірлік университеті базасында Хериот-Уотт университеті (Шотландия), Есенов университетінің базасында Неміс жоғары оқу орындарының консорциумы және басқа да жетекші шетелдік жоғары оқу орындарының 8 филиалы ашылғанын атап өтті. Министрдің айтуынша, шетелдік университеттердің филиалдарын ашу Қазақстанда білім беру саласын дамытуға және халықаралық аренада жоғары білім саласы бойынша көшбасшы атануға маңызды қадам болмақ.LUPIC жобасының Қазақстандағы орталығының директоры, Сеул Ұлттық Ғылым және технологиялар университетінің (СеулТех) кванттық жасанды интеллект қауіпсіздігі жаһандық орталығының директоры Джесу Кимжоба аясында Жоғары мектеп ашу ғана емес, Қорқыт ата университетінің базасында бизнес-инкубатор құру көзделіп отырғанын атап өтті.<blockquote>«Бизнес-инкубатор аясында қазақстандық студенттер өз таланттарын шыңдап, стартаптар әзірлеп, алған білімдерін бүкіл әлем бойынша жасанды интеллектті дамыту үшін пайдаланатынына сенімдімін», - деді Джесу Ким.</blockquote>Айта кету керек, 2023 жылдың қыркүйегінен бастап Қорқыт ата атындағы Қызылорда университетінде IT мамандыққа түскен және Сеултехтің бағдарламасы бойынша оқуға іріктелген 1-курс студенттері үшін тілдік даярлау жұмыстары басталды. Қазір олар жалпы білім беретін пәндерді оқып, жеделдетілген тілдік курстардан өтуде. Болашақта студенттер мен профессор-оқытушылар құрамы академиялық ұтқырлық және бірлескен білім беру бағдарламалары бойынша Сеулде оқуға және ғылыми тағылымдамадан өтуге бара алады, ал Сеулден келген оқытушылар өз тәжірибесімен бөлісу үшін Қызылордаға шақырылады.Сеул Ұлттық Ғылым және технологиялар университеті – Кореяда 1910 жылы негізі қаланған ұлттық университет. Оқу орнында 23 факультет, 15 мыңға жуық студент бар. СеулТех Жоғары мектебінің ашылуына Қызылордада өмір сүрген Кореяның ұлттық батыры, генерал Хон Бом До сүйегінің тарихи отанына қайтарылуы ықпал етті. Қайта жерлеу рәсіміне Хон Бом Доны еске алу қоғамы белсенді қатысты.<figure class="image"><img src="https://knadmin.beoblood.kz/uploads/399786323_321222180660147_8108716011400895503_n_37cdb41928.jpg" alt="399786323_321222180660147_8108716011400895503_n.jpg"></figure>&nbsp;<figure class="image"><img src="https://knadmin.beoblood.kz/uploads/399791996_321222067326825_114060045148840117_n_217e6e6dba.jpg" alt="399791996_321222067326825_114060045148840117_n.jpg"></figure>&nbsp;<figure class="image"><img src="https://knadmin.beoblood.kz/uploads/399825918_321222153993483_4879478691674134556_n_5038ff63ed.jpg" alt="399825918_321222153993483_4879478691674134556_n.jpg"></figure>

Саясат Нұрбек: Шетелдік университеттің филиалы мен қос дипломды бағдарлама ашу жоспарланып отыр

<a href="https://kyzylorda-news.kz/ru">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Сырдария ауданының тұрғындарын жеке қабылдады.Аудандық мәдениет үйіндегі жеке қабылдауға барлық құқық қорғау органдарының басшылары қатысты.Бұған дейінгі осындай қабылдаулар ашық, жария түрде өткендіктен, мәселелер шешім тапқандықтан тұрғындар белсенділігі артқан. Бүгін жалпы саны 50-ден астам азамат түрлі ұсыныс-пікірін, өтініш-тілектерін айтты. Тұрғын үй алу, жұмысқа орналасу, жеке бизнес бастау және кәсібін кеңейту, аяқ су, қоғамдық көлік – Сырдария ауданы тұрғындарын да толғандыратын сауалдар.Аймақ басшысы қабылдауға келген азаматтарды тыңдап, барлық мәселе мамандардың жіті тексеруінен өтетінін айтты. Әрі қарай заңдылықты негізге алып шешім қабылданады.<blockquote>«Бүгін облыс әкімінің қабылдауында болып, мүмкіндігі шектеулі балаларды тәрбиелейтін жалғызбасты ана ретінде үй кезегінде тұрғанымды жеткіздім. Кезекте 2010 жылдан бері тұрамын. Аймақ басшысы жыл аяғына дейін баспана берілетінін айтып қуантты, алғысым шексіз», – дейді Тереңөзек кентінің тұрғыны Гаухар Аяпова.</blockquote><blockquote>«Жұмыс іздеп жүргеніме 2-3 жыл болды. Бұрын Астана қаласында «Қазақмыс» корпорациясында жобалаушы болып жұмыс істедім. Тереңөзек кентіне тұрмысқа шыққан соң, жұмыстан босатылдым. Жолдасым, үш қызым бар, бір айлыққа өмір сүру қиындау болып барады. Аймақ басшысы Қызылорда қаласынан жұмыс қарастыруға уәде етті», – деді аудан тұрғыны Нәбира Әлжаппарова.</blockquote>Айта кетейік, бұған дейін аймақ басшысының тапсырмасымен облыс әкімінің орынбасарлары мен құқық қорғау органдары басшыларының орынбасарлары әр ауданда бір күн бойы жеке қабылдаулар өткізді. Тұрғындардың мәселелері қаралып, реттілігіне қарай шешімін тапты.<figure class="image"><img src="https://knadmin.beoblood.kz/uploads/398377225_638464305141484_2364983679224432518_n_c9f38ece14.jpg" alt="398377225_638464305141484_2364983679224432518_n.jpg"></figure>&nbsp;<figure class="image"><img src="https://knadmin.beoblood.kz/uploads/398329308_638464168474831_9166169542921135773_n_7607565f01.jpg" alt="398329308_638464168474831_9166169542921135773_n.jpg"></figure>&nbsp;<figure class="image"><img src="https://knadmin.beoblood.kz/uploads/398304016_638464355141479_310109147672022378_n_81cca49d9d.jpg" alt="398304016_638464355141479_310109147672022378_n.jpg"></figure>

Облыс әкімі Сырдария ауданында жеке қабылдау өткізді

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Қорқыт Ата атындағы Қызылорда университетінде СеулТех Жасанды интеллект және информатика жоғары мектебінің ашылу рәсіміне қатысты.ҚР Ғылым және жоғары білім министрі Саясат Нұрбек, СеулТех университетінің профессоры Джесу Ким, экономика ғылымдарының кандидаты, профессор Қазыбай Құдайбергенұлы салтанатты іс-шараның құрметті қонағы болды.Аймақ басшысы жерлестерін ғылым мен жоғары технологиялар саласында көшбасшы саналатын Оңтүстік Корея елі тәжірибесінің Қызылорда облысына енгізілуімен құттықтады.<blockquote>«Мемлекет басшысы Қасым-Жомарт Кемелұлының «Жасанды интеллекттің мүмкіндіктерін толыққанды пайдаланғанда ғана білім экономикасына қарай сапалы серпіліс жасай аламыз, елімізде кем дегенде 3 жоғары оқу орны осы саламен айналысуы керек» деген тапсырмасы жоспарымызды жүзеге асыруға мықты негіз болды. Мамыр айында Корея Республикасына жасаған іссапарымда Сеул ұлттық ғылым және технологиялар университетінің президентімен арнайы кездесіп, әріптестікке қатысты мәселелерді талқыладық. Сол жүргізілген келіссөздердің алғашқы нәтижесі – бүгінгі жоғары мектептің ашылуы. Қорқыт Ата университеті базасында жасанды интеллект мектебінің құрылуы – тек Қызылорда облысының ғана емес, еліміздің білім кеңістігіндегі үлкен жетістік. Аймағымыз экономика, ауылшаруашылығы саласында жоғары көрсеткіштерге қол жеткізіп ғана қоймай, білім, ғылым, IT-технологиялар, киберқауіпсіздік және компьютерлік ғылымдар саласында да жұмысты күшейте бермек. Жасанды интеллект бағытында маман даярлау Сыр өңірінен бастау алғаны бізді ерекше қуантады», – деді Нұрлыбек Машбекұлы.</blockquote>Іс-шарада ҚР Ғылым және жоғары білім министрі Саясат Нұрбек пен Сеул Ұлттық Ғылым және технологиялар университеті кванттық жасанды интеллект қауіпсіздігі әлемдік орталығының директоры, профессор Джесу Ким қызылордалықтарды құттықтап, Сыр өңірінің озық технологиялар мекені атануына тілектестік білдірді.Ашылу рәсімінде еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін Қорқыт ата атындағы Қызылорда университетінің ардагерлер кеңесінің төрағасы, экономика ғылымдарының кандидаты, профессор Қазыбай Құдайбергенұлы «Парасат» орденімен наградталды.Қызылордада СеулТех университетінің филиалы ашылғанда жыл сайын білім алушыларға арнайы грант бөлініп, студенттер IT-технология, киберқауіпсіздік және компьютерлік ғылымдар бойынша білім алады.<figure class="image"><img src="https://knadmin.beoblood.kz/uploads/399509636_638397188481529_2073261342347261808_n_b089f6601b.jpg" alt="399509636_638397188481529_2073261342347261808_n.jpg"></figure><img src="https://knadmin.beoblood.kz/uploads/396930159_638397295148185_7206022609541855000_n_06afa8c5ad.jpg" alt="396930159_638397295148185_7206022609541855000_n.jpg"><img src="https://knadmin.beoblood.kz/uploads/399796239_638397381814843_3329626137640524422_n_5064519864.jpg" alt="399796239_638397381814843_3329626137640524422_n.jpg"><img src="https://knadmin.beoblood.kz/uploads/399718178_638397198481528_8493636102732229586_n_6bd1f7ea68.jpg" alt="399718178_638397198481528_8493636102732229586_n.jpg"><img src="https://knadmin.beoblood.kz/uploads/399830251_638397285148186_6949791365533392917_n_24868d4521.jpg" alt="399830251_638397285148186_6949791365533392917_n.jpg"><img src="https://knadmin.beoblood.kz/uploads/399735092_638397208481527_6825641529919259073_n_3d493fe3d6.jpg" alt="399735092_638397208481527_6825641529919259073_n.jpg">

Қызылордада СеулТех жасанды интеллект және информатика жоғары мектебі ашылды

<a href="https://kyzylorda-news.kz/ru">Kyzylorda-news.kz.</a>&nbsp; Кәсіпкер Қайрат Боранбаев бостандыққа шықты, деп хабарлайды <a href="https://kaz.inform.kz/">Kazinform.&nbsp;</a><blockquote>«Бас бостандығынан айыру жазасының өтелмеген бөлігі бас бостандығын шектеу түріндегі жазамен ауыстырылған Қ.Боранбаев осы жылдың 6 қарашасында бас бостандығынан айыру орнынан босатылып, тұрғылықты жері бойынша жазасын өтеу орнына өз бетінше барады», - деп хабарлады ҚАЖК.</blockquote>Ведомстводан атап өткендей, мекеме әкімшілігі&nbsp;сотталушыға тіркеу үшін пробация қызметіне келу бағыты мен уақытын көрсете отырып, жазасын өтеу орнына кетуге ұйғарым береді. Сондай-ақ оны сипаттайтын материалдарды пробация қызметіне жібереді.

Қайрат Боранбаев бостандыққа шықты

<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет синоптиктері 6 қараша, дүйсенбіге арналған ауа райы болжамын ұсынады.Республика аумағының басым бөлігінде антициклонның ықпалымен жауын-шашынсыз ашық күн райы сақталады.Елдің шығысында антициклон әсерінен ауа райы құбылмалы болады, қар жауады.Қазақстан бойынша тұман.Оңтүстікте, оңтүстік-шығыста, түнде елдің шығысында жел күшейеді.&nbsp;Түнде шығыста жаяу бұрқасын болады.

6 қарашаға арналған ауа райы болжамы

&nbsp;Kyzylorda-news. kz. &nbsp;Бүгін Сырдария және Шиелі ауданының тұрғындары Президент бастамасымен қолға алынған пилоттық аудан әкімі сайлауында дауыс беріп, ерекше белсенділік танытты.Таңсәріден ерте келген сайлаушылар маңызды күнде ауызбіршілік танытып, аудан игілігі үшін елеулі қадам жасады.&nbsp;Сағат 20.00-де барлық дауыс беру учаскелері жабылып, өз жұмысын аяқтады.&nbsp;Енді комиссия мүшелері дауыстарды санау жұмыстарына кірісіп, қорытынды ақпаратты жариялайды.&nbsp;Айта кетейік, Сырдарияда 22101, Шиеліде 50402 сайлаушы тіркелген.&nbsp; Екі ауданда барлығы 58 сайлау учаскесі құрылып, 388 комиссия мүшесі қызмет жасауда.<img src="https://knadmin.beoblood.kz/uploads/IMG_20231105_WA_0061_7ce55f6667.jpg" alt="IMG-20231105-WA0061.jpg">

Сайлау учаскелерінда дауыс беру аяқталды 

Kyzylorda-news.kz. Қазгидромет 5 қарашада Қазақстан бойынша синоптикалық жағдай мен қауіпті ауа райы туралы болжам және дауылды ескерту жасады. Синоптиктердің болжауынша, республиканың барлық аумағында жел күшейіп, тұман болады.<blockquote>"Қазақстанның басым бөлігінде антициклонның әсерінен ауа райы жауын-шашынсыз болады. Тек шығыста, орталықта атмосфералық фронттардың әсерінен тұрақсыз ауа райы болады. Жауын-шашын (жаңбыр, қар) болады. Еліміздің оңтүстік-батысында көктайғақ болып, жаңбыр жауады. Елде тұман болады. Қазақстанның солтүстігінде, солтүстік-батысында және оңтүстік-шығысында жел күшейеді".</blockquote>Қызылорда облысының орталығында тұман болады. Күндіз облыстың шығысында жел соғады: 15-20 м/с.

Жексенбіге арналған ауа райы болжамы

&nbsp; Kyzylorda-news.Kz. Бүгін алғаш рет пилоттық негізде Сырдария және Шиелі аудандары әкімінің сайлауы басталды.&nbsp;Аудан және қала әкімдерін тікелей сайлау Президенттің сайлау жүйесін демократияландыру туралы бастамасының бірі.&nbsp;Екі ауданда 58 сайлау учаскесі құрылған. Мұнда барлығы 388 комиссия мүшесі қызмет атқарады.&nbsp;Таңғы 07.00-де барлық учаске ашылып, өз жұмысын бастады.&nbsp;Дауыс беру үй жайлары барлық талаптарға сай жабдықталып, бюллетеньдермен қамтылды.&nbsp;Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылатын болады.&nbsp;Айта кетейік, Сырдарияда 22101, Шиеліде 50402 сайлаушы тіркелген.&nbsp; Дауыс беру жергілікті уақыт таңғы сағат 07.00-ден басталып, кешкі 20.00-ге дейін жалғасады.&nbsp;

Сырдария және Шиелі аудандары әкімінің сайлауы басталды 

Kyzylorda-news.kz. Облыста 6 қарашадан бастап 1 жасқа толмаған балаларға қызылшаға қарсы қосымша иммундау жұмыстары &nbsp;жүргізіледі. &nbsp;Ал 2-4 жас аралығындағы балаларға екпе егу жұмыстары 5-ші желтоқсанда басталады.Бұл туралы Өңірлік коммуникациялар қызметінің ақпарат алаңында облыстық санитариялық-эпидемиологиялық бақылау департаменті басшысының орынбасары Әлия Әбдіқайымова хабарлады.<blockquote>Қызылша індетіне шалдыққандардың басым бөлігі - ауруға қарсы екпе алмаған жандар. Сондай-ақ, уақытылы вакцинацияланбаған балалар қызылшаға жиі шалдығады. Осыған сәйкес, қызылша ауруының эпидемиологиялық ахуалын тұрақтандыру үшін қажетті шаралар қолға алынды. Қазақстан Бас санитар дәрігердің қаулысына сәйкес, қызылшамен ауырған &nbsp;науқаспен байланыста болған 30 жасқа дейінгі адамдар шұғыл вакцинацияланады және медициналық бақылауға алынады. Сонымен қатар тұрақты тіркелмеген, қызылшаға қарсы егілу дерегі жоқ азаматтар келісім бойынша бір рет иммундалады. Қызылшаға қарсы егілмеген 55 жасқа дейінгі медицина қызметкерлері де екпе алады. Бұдан бөлек, халық арасында ақпараттық түсіндірме жүргізіледі, - деді Әлия Мүтәліпқызы.</blockquote>Облыстық жұқпалы аурулар ауруханасының бас дәрігері Айна Мұхамбетова қызылша ауруының белгілеріне тоқталып өтті.<blockquote>-Қызылша – кең таралған инфекциялық ауру. Көбіне қызылша балалар арасында кездеседі. Аурудың белгілері - дене қызуының көтерілуі, мұрынның, көздің және тамақтың шырышты қабығы қабынады және теріде бөртпелер пайда болады. Бұл инфекция ауа арқылы беріледі. Сондықтан аурудың алдын алып, уақытылы екпе қабылдаған жөн, - деді Айна Қарабұзауқызы.&nbsp;</blockquote>Айта кетейік, жыл басынан бері облыста қызылша ауруының 708 дерегі тіркелді. Оның 611-і 14 жасқа дейінгі балалар арасында анықталды. Ал 1 жасқа толмаған &nbsp;нәрестелер арасында 163 жағдай орын алды.&nbsp; Ескеретін жәйт, облыста былтыр қызылша ауруына шалдыққандар тіркелмеген.

1 жасқа толмаған балаларға қызылшаға қарсы екпе егіледі

&nbsp;<a href="https://kyzylorda-news.kz/ru">Kyzylorda-news.kz.</a>&nbsp; Қазгидромет синоптиктері 4-6 қараша аралығына арналған үш күндік ауа райы болжамын ұсынады.4-5 қарашада терең атлантикалық циклон Қазақстан аумағы арқылы өтеді.&nbsp;Республиканың солтүстігінде, солтүстік-батысында, орталығында және шығысында жаңбыр мен қар жауады, шығыста қатты жауын-шашын, көктайғақ болады, жел күшейеді.&nbsp;Алайда 4 қараша күні циклонның соңынан батыстан антициклон бері қарай жылжиды.Сол себептен түстен кейін жауын-шашын біртіндеп тоқтап, температура төмендейді.Ауа температурасы түнде еліміздің солтүстігінде, шығысында және орталығында 3-15 аязға дейін, күндіз 3 аяз-8 жылы, оңтүстік және оңтүстік-шығыста түнгі уақытта 2 аяз - 5 жылы, таулы аймақтарда 5-10 аяз, күндіз 5-15 жылыға дейін төмендейді.Қазақстан бойынша түнгі және таңертеңгі уақытта тұман түседі.&nbsp;

Қазақстан және Қызылорда облысының басты жаңалықтары