<a href="https://kyzylorda-news.kz/">Kyzylorda-news.kz.</a> 2 сәуір күні велоспорттан ҚР еңбек сіңірген жаттықтырушысы, ҚР спорт шебері Жетес Сүлейменовтің жүлдесіне арналған республикалық көпкүндік жарыс болады.
Биылғы жылы алғашқы мәрте ұйымдастырылған жарысқа Нұр-Сұлтан, Алматы, Шымкент қалаларынан және еліміздің он облысынан 15-16 жас аралығында 150-дей велошабандоз төрт кезең бойынша бақтарын сынайды.
Төрт күнге созылатын жарыстың алғашқы күні 15 шақырымдық жекелей жарыстан басталса, одан кейін 40, 50, 60, 80 шақырымдық топтық және 30, 50 шақырымдық айналма-топтық сайыстармен жалғасады.
Жарыстың салтанатты ашылуына құрметті қонақ ретінде велоспорттан тұңғыш Әлем чемпионы, КСРО-ға еңбегі сіңген спорт шебері Марат Сатыбалдиев пен ҚР еңбек сіңірген жаттықтырушысы Жетес Сүлейменов қатысады.
Жеңімпаз және жүлдегер спортшылар диплом, бағалы сыйлықтармен марапатталады.
Айта кетейік, жарысқа қатысушылар ертең сағат 11.00-де Тәуелсіздік даңғылы арқылы әуежай, Қызылорда-Шымкент трассасы бойымен өтеді.

Қызылордада ҚР спорт шебері Жетес Сүлейменовтің жүлдесіне арналған республикалық  жарыс өтеді

<a href="https://kyzylorda-news.kz/">Kyzylorda-news.kz.</a>&nbsp; Жапонияның солтүстік-шығысындағы Фукусима префектурасында олимпиада алауы жағылды. Он мыңға жуық желаяқ кезектесе отырып күншығыс еліндегі 47 префектурада алауды алып өтеді.
Токиодағы Олимпиада ойындары осы жылдың 23 шілдесі мен 8 тамызы аралығында өтеді. Олимпиада алауы Фукусима префектурасындағы J-Village футбол орталығының аумағында тұтатылды.
Осылайша, жазғы Олимпиада ойындарына дейінгі төрт айдың кері санағы басталды.
Елдегі коронавирусқа қарсы шаралардың күшіне енуіне байланысты олимпиада алауының эстафетасын бастау салтанатына көрермендер қатысқан жоқ.
Ал алдын ала жоспар бойынша бұл шараға бас-аяғы үш мыңға жуық адамның қатысуы көзделді.
Жапония билігі инфекцияның таралу қаупі жоғары болғандықтан аталған шараның ауқымын едәуір қысқартты.
Алауды алып жүретін эстафета кезінде де сақтық шаралары қатаң сақталатын болады. Эстафета 121 күнге созылады.
<img src="https://kyzylorda-news.kz/wp-content/uploads/2021/03/16607942.jpg" alt="" />
<img src="https://kyzylorda-news.kz/wp-content/uploads/2021/03/16607990.jpg" alt="" />
<img src="https://kyzylorda-news.kz/wp-content/uploads/2021/03/16608392.jpg" alt="" />
<img src="https://kyzylorda-news.kz/wp-content/uploads/2021/03/16608546.jpg" alt="" />
<a href="https://sputnik.kz/photo/20210330/16655687/Japoniya-zhazgy-Olimpiada-oyindary.html?fbclid=IwAR2pW2naOWqCpyvgI-8JdvwwrjPiCdVop8f3tPEfErYFSU_BA0Gq3qDsD4I">Sputnik</a>

Жапонияда жазғы Олимпиада ойындарының алау эстафетасы басталды (ФОТО)

<a href="https://kyzylorda-news.kz/">Kyzylorda-news.kz.</a>&nbsp; Ақтөбеде белбеу күресінен ерлер мен əйелдер арасында өткен Қазақстан чемпионатында облыс құрамасы 10 медаль иеленіп, жалпы командалық есепте күміс жүлдегер атанды.
Жекелей есепте еркін түрінен Назерке Əбілтаева (52 келі), Мереке Құдайбергенова (76 келі), Меруерт Әбубәкір (+76 келі) жеңіс тұғырына көтерілді.
Мұхамедхан Сағындық (75 келі), Арайлым Оразбай (+76 келі), классикалық түрінен Рахманберді Әбдірашит (82 келі) күміс жүлделерді еншілесе, Жұлдыз Жұмахан (66 келі), Алиса Нұртас (76 келі), Нұрлан Пайзеллаев (75 келі), Рақымжан Мансұр (82 келі) қола жүлделерге ие болды.
Белбеу күресінен облыстың аға жаттықтырушысы Абдусаттар Садықовтың айтуынша, жоғарыда аталған Қазақстан жеңімпаздары Н.Әбілтаева, М.Құдайбергенова, М.Әбубәкір үстіміздегі жылдың қазан айында Қазан қаласында (Ресей) өтетін Әлем чемпионатына жолдама алды. Сондай-ақ, Мұхаммедхан Сағындық пен Арайлым Оразбай осы жүлделері арқылы “Қазақстан Республикасының спорт шебері” нормативін орындады.
Спортшыларды жарысқа Абдусаттар Садықов, Аслан Нұрқожаев, Гаухар Бекетаева дайындады.

Қазақстан чемпионатында облыс құрамасы 10 медаль иеленді

<a href="https://kyzylorda-news.kz/">Kyzylorda-news.kz.</a> 27-28 наурыз күндері Қызылорда қаласы “Евразия” спорт кешенінде Қазақстан Тәуелсіздігінің 30 жылдығына арналған жауынгер-интернационалист Батыржан Шалғынбаев атында футзалдан республикалық турнир өткізілді.
Биыл 25-ші мәрте ұйымдастырылған турнирге Байқоңыр қаласы, Түркістан және Қызылорда облыстарынан 25 команда қатысып, үздіктері анықталды.
Екі күнге созылған жарыс қорытындысы бойынша «Отбасы банк» командасы (Қызылорда) бірінші орынды жеңіп алды. Олар финалда «Адам Арафат» командасын (Қызылорда) 3:2 есебімен ұтты. 
Үшінші орынды «Байқоңыр» командасы алса, төртінші орынды «Нұржол» командасы (Қызылорда) қанағат тұтты.
«Үздік қақпашы» – Мейірбек Жұбатов (“Отбасы банк” командасы); 
«Үздік қорғаушы»- Мұхтар Қоштай (“Адам Арафат” командасы); 
«Үздік шабуылшы» – Талғат Айтжанов (“Байқоңыр” командасы); 
«Мерген ойыншы» – Назарбай Қобландин (“Нұржол” командасы); 
«Үздік ойыншы» – Бауыржан Тешубаев (“Отбасы банк” командасы).
Батыржан Шалғынбаев атындағы қордың атынан 1-орынға 700 мың теңге, 2-орынға 300 мың теңге, 3-орынға 200 мың теңге, 4-орынға 150 мың теңге көлемінде сыйақы табысталса, облыстық дене шынықтыру және спорт басқармасының дипломдары берілді.
Жеңімпаз және жүлдегер командаларды қала әкімінің орынбасары Асқарбек Есжанов, облыстық футбол федерациясының вице-президенті Әмірбек Шаймағамбетов және Батыржан Шалғынбаевтың ағасы мен інісі Мырзабай, Батырбек Шалғынбаевтар марапаттады.

«Отбасы банкі» командасы Батыржан Шалғынбаев турнирінің жеңімпазы атанды

<a href="https://kyzylorda-news.kz/">Kyzylorda-news.kz.</a> Үндістанның Нью-Дели қаласында стенд атудан өтіп жатқан Әлем кубогі кезеңінде жерлестеріміз Қазақстан құрама командасы сапында табысты өнер көрсетті.
Әйелдер арасында командалық “trap” жаттығуынан Айжан Досмағамбетова күміс жүлдеге ие болды. Ол осы жүлдесі арқылы стенд атудан “Қазақстан Республикасының халықаралық дәрежедегі спорт шебері” атағына қол жеткізді.
Ал ерлер арасында Қазақстан Республикасының халықаралық дәрежедегі спорт шебері Максим Коломоец қола жүлдені еншіледі. 
Спортшылар енді мамыр айында Италияның Лонато қаласындағы халықаралық турнирдің келесі кезеңінде бақ сынайды.
Оған дейін сәуір айының соңында Шымкент қаласында өтетін оқу-жаттығу жиындарына қатысады. 
Әлем кубогі 30 наурызда аяқталады.
<img src="https://kyzylorda-news.kz/wp-content/uploads/2021/03/166660585_5971780306181473_7995482659096610332_n.jpg" alt="" />

&#8220;Trap&#8221; жаттығуынан Айжан Досмағамбетова күміс жүлдеге ие болды

Kyzylorda-news.kz. Бүгін, 28 наурызда футболдан 2022 жылғы әлем чемпионатына іріктеу сатысында елордада өткен Қазақстан және Франция кездесуі аяқталды, деп хабарлайды <a href="https://www.inform.kz/kz/futboldan-ach-2022-kazakstan-kuramasy-franciyadan-utylyp-kaldy_a3769108">ҚазАқпарат</a>.
FIFA жариялаған соңғы рейтингте Франция екінші орында тұр. Ал Қазақстан онда 122-орында келеді. Бүгінгі ойында соңғы әлем чемпионы – Франция емін-еркін қимыл көрсетті. Алғашқы минуттан шабуыл шебіне көбірек көңіл бөлді. Алаң иелері қақпасы маңында жиі бой көрсетті. Осылайша тізгінді қолға алуға тырысты.
Қазақстандықтар негізінен қорғанысқа көңіл бөліп, қарсыластар шабуылына төтеп берді. Дегенмен 19-минутта француздық шабуылшы Усман Дембеле қазақстандық құрама қақпасынан саңылау тапты. Ал 44-минутта қазақстандық қорғаушы Сергей Малый өз қақпасына гол соғып алды. Екінші кезеңде француздар шабуылға көбірек көңіл бөлді. Десе де діттеген мақсатына жете алған жоқ, Тіпті, атақты футболшы Килиан Мбаппе алаң иелері қақпасына белгіленген пенальтиден мүлт кетті.
Оның тепкен соққысын қазақстандық қақпашы Александр Мокин сыртқа шығарып үлгерді. Кездесуде Франция құрамасы 2:0 есебімен жеңіске жетті.
Осылайша төрт ұпаймен турнир кестесінде көш басына шықты. Сондай-ақ, бүгін аталған топта Украина өз алаңында Финляндияны қабылдайды.
Енді Қазақстан құрамасы 31 наурызда сырт алаңда Украинамен шеберлік байқасады. Сол күні сырт алаңда Франция Босния және Герцоговинамен жасыл алаңға шығады.
Айта кетейік, қазақстандық құрама іріктеу сатысында D тобында сынға түседі. Қарсыластары – Франция, Украина, Босния және Герцоговина, Финляндия. Бірінші турда Франция мен Украина 1:1, Финляндия Босния және Герцоговинамен 2:2 есебімен тең ойнады.

Қазақстан құрамасы Франциядан ұтылып қалды

Kyzylorda-news.kz. “Евразия” спорт кешенінде жуынгер-интернационалист Батыржан Шалғынбаевты еске алуға арналған футзалдан дәстүрлі республикалық турнирі өтіп жатыр.
Турнирге Байқоңыр қаласы, Түркістан жəне Қызылорда облыстарынан 25 команда 500 спортшы қатысуда.
Жарыстың салтанатты ашылуында қала əкімінің орынбасары Асқарбек Есжанов, облыстық футбол федерациясының вице-президенті Әмірбек Шаймағамбетов жəне Батыржан Шалғынбаевтың інісі Батырбек Шалғынбаев құттықтау сөз сөйлеп, қатысушыларға сəттілік тіледі.
Батыржан Шалғынбаев атындағы қор тағайындаған жүлде қоры: 1-орынға 700 мың теңге, 2-орынға 300 мың теңге, 3-орынға 200 мың теңге, 4-орынға 150 мың теңге. 
Сондай-ақ, бес номинация бойынша үздік ойыншылар марапатталады.
Ойындар “Евразия”, “Сейхұн” спорт кешендерінде, #2 ОРМБЖМ, Абылай хан атындағы және Қызылорда гуманитарлық-экономикалық колледждердің ойын залдарында өтуде.

Қызылордада футзалдан Батыржан Шалғынбаев  турнирі өтіп жатыр

Kyzylorda-news.kz. Бүгін футболдан 2022 жылғы әлем чемпионатына іріктеу кезеңі аясында Қазақстан мен Франция ұлттық құрамалары кездеседі. Ойын Нұр-Сұлтан уақытымен кешкі сағат 19:00-де басталады.
Қазақстандық футболшылардың әлем чемпиондарына қарсы ойыны “Астана Арена” алаңында өтеді. Тікелей эфирде QazSport арнасы көрсетеді. Сондай-ақ кездесуді телеарнаның ресми сайтынан да көруге болады.
Франция мен Қазақстан іріктеу кезеңінде бір топқа (D тобы) түсті. Дидье Дешам шәкірттері осыған дейін бір ойын өткізіп үлгерді. Өз алаңында Украинамен ойнап, 1:1 есебімен тең тарқасты. Қазақстанға қарсы екінші ойынына шығады.
D тобында Франция мен Украинадан өзге Финляндия, Босния және Герцеговина құрамалары бар.
Айта кетейік, бүгінгі ойынға жарақатына байланысты ұлттық құраманың белді ойыншылары Бахтиер Зайнутдинов пен Дмитрий Шомко қатыса алмайды.
<a href="https://massaget.kz/layfstayl/sport/64778/">Massaget</a>

Қазақстан мен Франция арасындағы ойынды қайдан көруге болады?

<a href="https://kyzylorda-news.kz/">Kyzylorda-news.kz.</a> Қызылордалық спортшылар пара жеңіл атлетикадан Тунисте өткен Әлемдік Гран-при сериясындағы классификациялық халықаралық жарыста табысты өнер көрсетті.
Токио-2021 Паралимпиада ойындарына лицензия алу жарысына әлемнің 62 елінен 500-ден астам спортшы қатысты.
ҚР еңбек сіңірген жаттықтырушысы Юрий Мощеевтің айтуынша, Қазақстан Ұлттық Паралимпиада құрама командасында қызылордалық 5 спортшы бақ сынасты. Бұл жарыста Еламан Жоламан найза лақтыру сайысында үздік нәтиже көрсетсе, диск лақтыруда қола жүлдеге ие болды.
Жарақат салдарынан Ислам Салимов өзінің спорттық қасиеттерін көрсете алмады. Дегенмен, ол секіруде IVорынға ие болды.
Қалған паралимпиадашылар мықты спортшылардың ондығына кірді. Гран-gридің әлемдік сериясының келесі кезеңі 11-19 сәуір аралығында Италияда жалғасады.
<img src="https://kyzylorda-news.kz/wp-content/uploads/2021/03/165341688_5952139368145567_7531219419666678658_n.jpg" alt="" />

Қызылордалық параатлеттер Тунисте табысты өнер көрсетті

Kyzylorda-news.kz. Қызылорда облысында аударыспақ спортынан алдыңғы лектен көрініп жүрген жастар аз емес. Солардың бірі – Жасұлан Жәлімбетов Жаңақорған ауданы, Қыркеңсе ауылында тұрады, деп хабарлайды ҚазАқпарат.
Он жасында атқа мінген ауыл баласы әуелгі уақытта көкпарға қатысқан болатын. Кейіннен құмарлығы аударыспаққа ауа түсті. Бүгінде ересектер арасындағы аударыспаққа қатысып жүрген ол ел чемпионатында бірнеше мәрте жүлдегерлер қатарынан көрінді.
<blockquote>
 «Жылқының ақылды жануар екенін бала кезімнен сезініп өстім. Кішкентайымнан асау үйретуге құмар болдым. Беріде аударыспаққа қызығушылығым оянды. Бапкерім Қанат Абылбековтен көптеген ережесін үйрендім. Соңғы он жылдан бері түрлі жарыстарға қатысып жүрмін», – деді ол.
</blockquote>
Елімізде аударыспақ ересектер, жастар және жасөспірімдер арасында өткізіледі. Сайыскерлер салмақ бойынша таңдап алынады. Басты талап – спортшыда қайсар мінез бен күш болуы тиіс.
<blockquote>
 «Сайыстың бұл түрінде әркімнің өз әдісі бар. Мәселен, белден, білектен және аяқтан тарту әдістерін қолдана отырып, қарсыласыңды аттан аударып түсіруге назар аударылады. Сайыс барысында атпен секіріп ұруға, жалынынан ұстауға тыйым салынған. Қолды, саусақты қайыруға және беттен ұруға болмайды. Екі қолдап ердің басынан ұстауға да рұқсат жоқ. Осы ережелерді естен шығармай, аттың үстінде күш сынасу – ерлікпен тең. Ойын кезінде ат тоқтамай айналып, икеміңе ыңғай танытуы тиіс. Берілетін уақыт – 5 минут. Егер сол уақытта ештеңе шешілмесе, онда белдестіру болады. Сондықтан спортшы үшін әрбір минут маңызды», – дейді Жасұлан.
</blockquote>
Өткен жылдарда Ақтөбеде өткен фестивальда Жасұлан үшінші орынды жеңіп алды. Сол жылы оған мектеп тарапынан ат берілді. Қазір шабандоз «Қараталмен» бірге дайындалып жүр. Ал Шымкент қаласында өткен сайыста екінші орын иеленді. Алдағы сайысқа дайындалу үшін жақын күндері Тараз қаласына жол жүрмек.
Жаңақорған ауданындағы №7 балалар мен жасөспірімдер спорт мектебі жастарды ұлттық спортқа баулуға назар аударып келеді. Қазір ауданда аударыспақпен айналысатын 200-ден астам спортшы бар.
<img src="https://kyzylorda-news.kz/wp-content/uploads/2021/03/2103222306347560f.jpg" alt="" />

Аударыспақ қайсарлық пен күшті қажет етеді – қызылордалық спортшы

<a href="https://kyzylorda-news.kz/">Kyzylorda-news.kz</a>.&nbsp; Талдықорған қаласында индорхоккейден ерлер мен әйелдер арасында өткен Қазақстан Республикасының чемпионатында қызылордалық “Қайсар” командасы табысты өнер көрсетті.
Дүбірлі бəсекеде әйелдер командасы 41 ұпаймен көш бастаса ерлер құрамасы 31 ұпаймен екінші орынды иеленді.
Әйелдер құрамасында ойнаған Ақнұр Нұрлыбекқызы мен Қарақат Төлепбергеновалар бұл жеңісі арқылы индорхоккейден Қазақстан Республикасының спорт шебері атағына қол жеткізді.
<blockquote>
 «Команда алдындағы мақсат орындалғаны үшін қуаныштымыз. Әйелдер құрамасы чемпион атанса, ерлер командасы күміс жүлдені иеленді. Спортшылар 15-24 сәуір аралығында Талдықорғанда көгалдағы хоккейден өтетін ел чемпионатының бірінші және екінші турларына қатысады. Биылғы жылдың күзінде Бельгияда индорхоккейден өтетін Әлем чемпионатына ерлер арасында Нұрхан Сансызбаев, Бақытбек Сәрсенбайұлы, Шыңғыс Сейітқалиев, ал әйелдер арасында Әйгерім Маханова, Малика Сражадинова, Гузаль Бахавадин, Қарлығаш Болғанбаева мен Алиса Чепкасовалар Қазақстан құрама командасы сапында сайысқа түседі. 
 Мақсатымыз – бірінші орынды алу », – деді көгалдағы хоккейден және индорхоккейден ҚР еңбек сіңірген жаттықтырушысы Сұлтанбек Қобландин.
</blockquote>
<img src="https://kyzylorda-news.kz/wp-content/uploads/2021/03/162284779_5921039344588903_3247954903576561344_n.jpg" alt="" />
<img src="https://kyzylorda-news.kz/wp-content/uploads/2021/03/162138179_5921040264588811_748431247273214926_n.jpg" alt="" />

Индорхоккейден қызылордалық команда Қазақстан жеңімпазы атанды

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласында мектеп оқушылары арасындағы X қысқы гимназиадасы аясында шорт-трек сайысында сынға түскен Қызылорда командасы 4 медаль еншіледі.
Оның 1-уі күміс, 3-уі қола жүлде. Жасөспірім қыздар арасында Ұлту Құрманбай 800 метр қашықтықта күміс медаль алса, суперфиналда 1000 метр қашықтық пен көпсайыс қорытындысында қола жүлделер бұйырды. Ал 800 метр қашықтықта Қарақат Балмұханова үшінші орыннан көрінді.
Айта кетейік, спортшылардың жаттықтырушылары Марат Мұратбеков, Рүстембек Байғара, Тайман Меңдіхан.

Қазақстан және Қызылорда облысының жаңалықтары: Спорт

Қызылордада ҚР спорт шебері Жетес Сүлейменовтің жүлдесіне арналған республикалық жарыс өтеді

Жапонияда жазғы Олимпиада ойындарының алау эстафетасы басталды (ФОТО)

Қазақстан чемпионатында облыс құрамасы 10 медаль иеленді

«Отбасы банкі» командасы Батыржан Шалғынбаев турнирінің жеңімпазы атанды

“Trap” жаттығуынан Айжан Досмағамбетова күміс жүлдеге ие болды

Қазақстан құрамасы Франциядан ұтылып қалды

Қызылордада футзалдан Батыржан Шалғынбаев турнирі өтіп жатыр

Қазақстан мен Франция арасындағы ойынды қайдан көруге болады?

Қызылордалық параатлеттер Тунисте табысты өнер көрсетті

Аударыспақ қайсарлық пен күшті қажет етеді – қызылордалық спортшы

Индорхоккейден қызылордалық команда Қазақстан жеңімпазы атанды

Қызылордалық спортшылар шорт-тректен 4 медаль алды

Қазақстан және Қызылорда облысының жаңалықтары: Спорт

Қызылордада ҚР спорт шебері Жетес Сүлейменовтің жүлдесіне арналған республикалық жарыс өтеді

Жапонияда жазғы Олимпиада ойындарының алау эстафетасы басталды (ФОТО)

Қазақстан чемпионатында облыс құрамасы 10 медаль иеленді

«Отбасы банкі» командасы Батыржан Шалғынбаев турнирінің жеңімпазы атанды

&#8220;Trap&#8221; жаттығуынан Айжан Досмағамбетова күміс жүлдеге ие болды

Қазақстан құрамасы Франциядан ұтылып қалды

Қызылордада футзалдан Батыржан Шалғынбаев турнирі өтіп жатыр

Қазақстан мен Франция арасындағы ойынды қайдан көруге болады?

Қызылордалық параатлеттер Тунисте табысты өнер көрсетті

Аударыспақ қайсарлық пен күшті қажет етеді – қызылордалық спортшы

Индорхоккейден қызылордалық команда Қазақстан жеңімпазы атанды

Қызылордалық спортшылар шорт-тректен 4 медаль алды

“Trap” жаттығуынан Айжан Досмағамбетова күміс жүлдеге ие болды