<a href="https://kyzylorda-news.kz/">Kyzylorda-news.kz</a>.&nbsp;Шымкент қаласында әмбебап жекпе-жектен жасөспірімдер арасында өткен Қазақстан чемпионатында облыс құрамасы жалпы командалық есепте екінші орынды иеленді.
Республиканың барлық өңірінен 160 спортшы қатысқан байрақты бәсекеде Сыр спортшыларының барлығы 19 медальға ие болса, оның 5-уі алтын, 5-уі күміс, 9-ы қола медаль.
Атап айтсақ, Мұхтархан Нұрашов, Расул Утеуов, Бағдат Орынбеков, Эльдар Ұзақбаев, Сырым Совет жеңіс тұғырына көтерілді.Бержан Жолдасов, Мейірхан Құрманғалиев, Самат Тлеулиев, Алишер Алдибаев, Нұржан Садықов күміс жүлделерге ие болды.
Арслан Мендулаев, Медилхан Нұрашов, Ернұр Зинали, Рамазан Булекбаев, Аслан Абзалов, Азамат Кумаров, Думан Құдайберген, Нұралы Кемалов, Бекзат Талапов қола жүлдегерлер атанды.Жеңіске жеткен спортшылар тамыз айында Ташкентте өтетін Азия чемпионатына қатысу мүмкіндігіне ие болды.
Енді облыстың жастар қрамасы сәуір айында Ақтауда өтетін Қазақстан чемпионатына дайындалуда.Спортшыларды жарысқа Жармаханов Нұрбек, Насыр Оңғарсын, Сауытбаев Фараби дайындады.

Қызылордалық спортшылар әмбебап жекпе-жектен 19 медаль иеленді

<a href="https://kyzylorda-news.kz/">Kyzylorda-news.kz</a>. Ақтау қаласында дзюдодан ерлер мен әйелдер арасында Азия ашық кубогі өтті.
Алты мемлекеттен 200-дей спортшы қатысқан дүбірлі сайыста Қызылорда құрамасы 1 алтын, 3 қола медальдарды жеңіп алды.
60 келіде белдескен қызылордалық Мағжан Шамшадин Азия кубогінің иегері атанды. Ол 26-28 наурызда Грузияда өтетін Tbilisi Grand Slam халықаралық турнирде Қазақстан намысын қорғайтын болады.
Айта кетейік, Мағжан былтырғы жылдың желтоқсанында Ақтауда Қазақстан жеңімпазы атанған.
Әйелдер арасында 52 келіде Салтанат Сұлтанбекова, ерлер арасында 60 келіде Бауыржан Жауынтаев пен 100 келіде Айбек Серікбаевтар қола жүлделерді еншіледі.
Спортшыларды жаттықтырып жүрген ҚР еңбек сіңірген жаттықтырушылары Қален Қалиұлы мен Ришат Бурловтың еңбектері ерен.

Қызылордалық дзюдошылар Азия кубогінде 4 медаль иеленді

<a href="https://kyzylorda-news.kz/">Kyzylorda-news.kz</a>. Қызылорда облысында 17-19 наурыз күндері «Евразия» спорт кешенінде самбодан жасөспірімдер арасында Қазақстан Республикасының чемпионаты өтеді.
Тәуелсіздіктің 30 жылдығына арналған спорттық шараны ҚР Спорт және дене шынықтыру істері комитеті, Қызылорда облысының дене шынықтыру және спорт басқармасы, облыстық самбо федерациясы ұйымдастыруда.
Дүбірлі бәсекеде Нұр-Сұлтан, Алматы, Шымкент қалаларынан және барлық облыстардан 2003-2004 жылдары туған ұлдар мен қыздар 18 салмақ дәрежесінде шеберлік байқасады.
Жарыс қорытындысында әлем және Азия чемпионаттарына қатысатын Қазақстан құрамасы жасақталады.
Жарысқа бас төрешілік қызметті атыраулық Ербол Төлеген атқарады.
Ел чемпионаты 17 наурыз күні сағат 10.00-де басталады, 17.00-де салтанатты ашылуы өтеді. Залда санитарлық-эпидемиологиялық талаптар толығымен сақталады.

Қызылордада самбодан Қазақстан чемпионаты басталады

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласында теннистен ересектер арасында өткен Қазақстан Республикасының чемпионатында қызылордалық Ерасыл Ерділда қола жүлдені иеленді.
Жасөспірімдер арасында өнер көрсетіп жүрген Ерасыл өзінен 4-5 жас үлкен спортшылармен кездесіп, ІІІ орынға ие болды. Жарыстарға қатысу үшін оған Қазақстан теннис федерациясының 2 мың доллар гранты берілді.
Бұл оның ересектер арасындағы Қазақстан чемпионатындағы алғашқы жүлдесі. Ерасыл Ерділда Қазақстанның әр өңірінен 74 спортшы қатысқан сайыстың ең жас спортшысы болды.
<blockquote>
 «Қазақстан чемпионатына жоғары деңгейде дайындалдым. Ұзақ үзілістен кейінгі бірінші алған жүлдем болды. Сол үшін де сайыс тартысты өтті деп ойлаймын. Бес кездесудің төртеуінде жеңіске жеттім. Финалда 21 жастағы шымкенттік Достанбек Ташбулатовтан ұтылып, үшінші орынға ие болдым. Соған қарамастан, қола жүлдені иеленгеніме қуаныштымын. Бұл – менің ересектер арасындағы Қазақстан чемпионатындағы алғашқы жүлдем», – дейді Ерасыл Ерділда.
</blockquote>

Қызылордалық теннисші Ерасыл Ерділда грант иегері атанды

<a href="https://kyzylorda-news.kz/">Kyzylorda-news.kz</a>.&nbsp; 17-19 наурыз күндері “Евразия” спорт кешенінде самбодан жасөспірімдер арасында Қазақстан Республикасының чемпионаты өтеді.
Тәуелсіздіктің 30 жылдығына арналған спорттық шараны ҚР Спорт және дене шынықтыру істері комитеті, Қызылорда облысының дене шынықтыру және спорт басқармасы, облыстық самбо федерациясы ұйымдастыруда.
Дүбірлі бәсекеде Нұр-Сұлтан, Алматы, Шымкент қалаларынан және барлық облыстардан 2003-2004 жылдары туылған ұлдар мен қыздар 18 салмақ дәрежесінде шеберлік байқасады.
Жарыс қорытындысында Әлем, Азия чемпионаттарына қатысатын Қазақстан құрамасы жасақталады.
Жарысқа бас төрешілік қызметті атыраулық Ербол Төлеген атқарады. 
Ел чемпионаты 17 наурыз күні сағат 10.00-де басталады, 17.00-де салтанатты ашылуы өтеді. Залда санитарлық-эпидемиологиялық талаптар толығымен сақталады.

Қызылордада самбодан Қазақстан чемпионаты өтеді

<a href="https://kyzylorda-news.kz/">Kyzylorda-news.kz</a>. Германияның Кельн қаласында боксшылардың халықаралық турнирі өз мәресіне жетіп, қазақстандық 6 боксшы финалда өнер көрсетті. Олардың қатарындағы 91 келі салмақта өнер көрсеткен Айбек Оралбай мен +91 келі салмақ дәрежесінде күш сынасқан Қамшыбек Қонқабаев бас жүлдеге қол жеткізді.
Алыптармен айқасын жүрген нар тұлғалы қос саңлақ неміс жерінде Қазақ елінің әнұранын шырқатты. Жарыс жеңімпазы атанған қос қандасымыздың өнері әлемнің әр қиырынан жиналған майталман мамандар мен жергілікті жанкүйерлер тарапынан өте жоғары бағаланды.
Дәл сондай құрметке бөленуге Сәкен Бибосынов (52 кило), Оразбек Асылқұлов (57 кило), Ертуған Зейнулинов (63 кило) және Нұрбек Оралбайдың да (81 кило) тамаша мүмкіндігі болды. Алайда айтулы былғары қолғап шеберлері ақтық сынға дейін алқынбай жеткендерімен, шешуші тұста ұтылып, күміс медальді қанағат тұтты.
Кельндегі дәстүрлі халықаралық турнирдің қорытындысы бойынша Қазақстанның ұлттық құрамасы жалпы командалық есепте бірінші орынды иеленді.

Қызылордалық Қамшыбек Қоңқабаев бас жүлдеге ие болды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Қайсар» футбол командасының құрамымен танысып, ойыншыларға жаңа маусымда киіп шығатын жейделерін табыстады.
<blockquote>
 «Баршаңызды жаңа футбол маусымының ашылуымен шын жүректен құттықтаймын. Спорт – әлемнің елшісі болса, футбол – миллиондаған жанкүйерлердің сүйікті спорты. Футбол спорты жақсы дамыған Еуропа төрінде өнер көрсету – кез-келген команда үшін үлкен жетістік. Былтырғы жылы туған жеріміздің мерейін асырған командамыздың ел ішіндегі және сырт алаңдағы жеңісті ойындары рухымызды көтеріп, жанкүйер қауымды ерекше қуантты. Осы мерейлі сәтті пайдаланып, барлық бапкерлер құрамына, футболшыларымызға жанкүйерлер атынан алғысымды айтқым келеді. Биылғы маусымда «Қайсар» командасы жеңісті жолды жалғастырып, жүлдегерлер қатарынан көрінеді деп сенеміз», – деді облыс әкімі Гүлшара Әбдіқалықова.
</blockquote>
Мұнан соң алғаш рет «Қайсар» футбол клубына арналған «Алға, Қайсар» атты әнді Жарасхан Төлебай орындады.
Тарихы «Автомобилистен» басталып,Тәуелсіздіктің алғашқы жылдарында «Қайсар» атауына ие болған облыстың бас командасының ел футболы тарихында алатын өзіндік орны бар. 1991-жылдан бері «Қайсар» командасы 2 мәрте Қазақстан кубогының, 5 мәрте бірінші лига ойындарының жеңімпазы болса, 1999 жылы Азия кубогына қатысып, 2020 жылы тұңғыш рет Еуропа лигасында ойнады. Жарты ғасырдан аса тарихы бар «Қайсар» футбол командасына биыл жерлесіміз Сұлтан Әбілдаев бас бапкер болып тағайындалды.
Команданың бас бапкері Сұлтан Әбілдаев аймақ басшысы Гүлшара Әбдіқалықоваға клуб атынан естелікке 12 нөмірлі жейдесі табыстады. Шара соңында облыс әкімі клуб ойыншыларымен естелік суретке түсті.
Айта кетейік, 14 наурыз күні Қазақстан Премьер лигасының бірінші ойынында Орталық стадионында қайсарлықтар «Тараз» командасын қабылдайды.
<img src="https://kyzylorda-news.kz/wp-content/uploads/2021/03/159790844_3190188001084247_6085051304966936371_o.jpg" alt="" />
<img src="https://kyzylorda-news.kz/wp-content/uploads/2021/03/159898553_3190187317750982_1946259900517980409_o.jpg" alt="" />

Гүлшара Әбдіқалықова «Қайсар» футбол клубының жаңа құрамымен танысты

<a href="https://kyzylorda-news.kz/">Kyzylorda-news.kz</a>.&nbsp; Бүгін Германияның Кельн қаласында бокстан халықаралық турнир басталады. Қазақстандық спортшылардың турнирдегі алғашқы қарсыластары анықталды, деп хабарлайды Olympic.kz.
52 келі: Сәкен Бибосынов – Кристофер Гоуман (Германия)
57 келі: Оразбек Асылқұлов – Ani Haxhillari (Германия)
69 келі: Асланбек Шымбергенов – Даниель Кроттер (Германия)
75 келі: Ермахан Жакпеков – Андрей Мерсджаков (Германия)
91 келі: Айбек Оралбай – Виктор Челстрайт (Беларусь)
+91 келі: Қамшыбек Қоңқабаев – Абуду Дин Джамили (Франция)
Ұлттық құрама капитаны Қамшыбек Қоңқабаев бастаған спортшыларымыз Германияның Кельн қаласына аттанғанын бұған дейін&nbsp;жазған болатынбыз.

Германия турнирі: Қамшыбек Қоңқабаевтың қарсыласы кім?

<a href="https://kyzylorda-news.kz/">Kyzylorda-news.kz</a>. Талдықорғанда таеквондодан ересектер арасында өткен Қазақстан Республикасының чемпионатында Қызылорда облысының құрамасы 6 жүлдені қоржынға салды.
Дүбірлі бәсекеде облыстық жоғары спорт шеберлігі мектебі мен Ж.Баһадүр атындағы олимпиадалық резервтің мамандандырылған мектеп-интернат-колледжінің спортшылары табысты өнер көрсетіп, 2 алтын, 2 күміс, 2 қола медальдарға ие болды.
Әйелдер арасында сынға түскен Ботагөз Қапанова (49 келі) мен Жания Әмірхан (53 келі) ел чемпионатында алтын жүлделерді иеленді. 
53 келіде Перизат Жұбанова күміс, 62 келіде Айым Тоғыман қола жүлделерді еншіледі.
Ерлер арасында 87 келіден жоғары салмақта шеберлік байқасқан Жандос Орынбек екінші, Бағдат Абдрахман үшінші орындардан көрінді.
Спортшылардың жетістіктерге жетуіне өзіндік үлесін қосқан тәжірибелі бапкерлер, облыстың аға жаттықтырушысы Николай Курноскин мен жаттықтырушы Рашид Сандықбаевтың еңбектерінің зор екендігін айтуға болады.
<img src="https://kyzylorda-news.kz/wp-content/uploads/2021/03/159333608_5888406371185534_3723742049356195735_n.jpg" alt="" />
<img src="https://kyzylorda-news.kz/wp-content/uploads/2021/03/159568566_5888405967852241_7026037708053894871_n.jpg" alt="" />
<img src="https://kyzylorda-news.kz/wp-content/uploads/2021/03/159754529_5888405297852308_3928194244001734868_n.jpg" alt="" />

Қызылордалық таеквондошылар Қазақстан чемпионатында 6 медаль иеленді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысының Жастар ресустық орталығында шахматтан турнир өтті. Қалалық пробация қызметі мен Жастар ресустық орталығының ұйымдастыруымен өткен турнирге пробация есебіндегі 18-29 жас аралығында сотталғандар қатысты. Ақыл ой спорт түрі саналатын шахмат ойынына есептегі 12 жазасын өтеуші қатысты. Шахмат ойынының қыр-сырын меңгерген пробация есебіндегі азаматтар тартысты ойын көрсетті.
Турнир қорытындысы бойынша жеңімпаздар анықталып, Алғыс хатпен және сыйлықтармен марапатталды.
<blockquote>
 «Шахмат ойынын бала күнімнен ойнайтынмын. Бұл ойын ақыл-ойды алға қарай ұмтылдыратын, жаңа ойға жетелейтін спорттың түрі деп есептеймін. Қолым қалт етсе шахмат ойнаймын. Ұлымды да осы спорт түріне баулығым келеді. Бүгінгі турнирде қарсыластарым да осал болмады. Бірақ ойын болған соң, жеңіспен жеңіліс қатар жүреді емеспе? Ойынға барымды салып, жеңімпаз атандым. Ұйымдастырушыларға алғысым шексіз»,- деді есептегі азамат.
</blockquote>
<img src="https://kyzylorda-news.kz/wp-content/uploads/2021/03/whatsapp-image-2021-03-10-at-12.57.46.jpeg" alt="" />
<img src="https://kyzylorda-news.kz/wp-content/uploads/2021/03/whatsapp-image-2021-03-10-at-13.14.34.jpeg" alt="" />

Пробация есебіндегі азаматтар арасында шахматтан турнир өтті

&nbsp;<a href="https://kyzylorda-news.kz/">Kyzylorda-news.kz</a>. Бокстан Қазақстан ұлттық құрамасының боксшылары Германияда өтетін халықаралық турнирге аттанды, деп хабарлайды <a href="https://www.inform.kz/kz">ҚазАқпарат</a>.
Германияның Кельн қаласында 10-14 наурыз аралығында бокстан халықаралық турнир өтеді. Аталған додаға Қазақстан ұлттық құрамасының капитаны Қамшыбек Қоңқабаев бастаған 8 боксшы қатысады.
Олар:
1. Сәкен Бибосынов (52 кг)
2. Оразбек Асылқұлов (57 кг)
3. Ертуған Зейнулинов (63 кг)
4. Асланбек Шымбергенов (69 кг)
5. Ермахан Жақпеков (75 кг)
6. Нұрбек Оралбай (81 кг)
7. Айбек Оралбай (91 кг)
8. Қамшыбек Қоңкабаев (+91 кг)

Қамшыбек Қоңқабаев бастаған 8 боксшы Германия турниріне аттанды

<a href="https://kyzylorda-news.kz/">Kyzylorda-news.kz</a>.&nbsp; «Қазақстанның Жауынгерлік Өнер Қауымдастығы» және «Қазақ күресі» Ассоциациясының бас директоры Абат Имамбаев, Қазақстанның Жауынгерлік Өнер Қауымдастығының басқарушы директоры Берік Құнанбаев, Қазақстанның Жауынгерлік Өнер Қауымдастығы бас директорының кеңесшісі Мұсабек Мәулен, «Қазақ күресі» Ассоциациясының басқарушы директоры, PhD доктор Ербол Мырзабосынов, Қазақ күресінен Қазақстан Республикасының бас жаттықтырушысы Ерлан Естек арнайы Қызылорда облысына жұмыс сапарымен келді.
Сапар барысында Қызылорда қаласындағы бірқатар спорттық нысандарды аралады. Облыс орталығындағы №1 және №2 олимпиадалық резервтің мамандандырылған балалар-жасөспірімдер мектептері мен жоғары спорт шеберлігі мектебінің жұмысымен танысты. Аталған спорт мектептеріндегі қазақ күресі, самбо, шинкиокушинкай каратэ, кикбоксинг бөлімшелерін көріп, спортшылармен кездесіп, жаттығуларын тамашалады.
Мұнан соң облыс әкімдігінің мәжіліс залында облыс әкімінің орынбасары Серік Ахметтің төрағалығымен өткен «Қазақстанның Жауынгерлік Өнер Қауымдастығы» және «Қазақ күресі» Ассоциациясының Қызылорда облысындағы көшпелі отырысына қатысты. Сондай-ақ, жиында ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаменті бастығының міндетін уақытша атқарушы Бауыржан Құндызбаев, Қызылорда облысы бойынша Қазақ күресі федерациясының төрағасы Рзақұл Нұртаев, облыстық дене шынықтыру және спорт басқармасының басшысы Жақсылық Оспанов және Қызылорда облысы бойынша Қазақстанның Жауынгерлік Өнер Қауымдастығы құрамына кіретін жергілікті федерациялардың басшылары мен қазақ күресінен ұлттық дәрежедегі төрешілер болды.
Отырыста екі мәселе қаралып, алғашқы мәселе Қазақстанның Жауынгерлік Өнер Қауымдастығының құрамына кіретін жергілікті федерациялардың және қазақ күресін дамыту бойынша атқарылып жатқан жұмыстар туралы облыстық дене шынықтыру және спорт басқармасының басшысы Жақсылық Оспанов баяндама жасады.
<blockquote>
 «Қазақстанның Жауынгерлік Өнер Ассоциациясының құрамына кіретін 15 спорт түрлері бойынша облыста барлығы 5 339 спортшы жатығады. Сыр спортшылары ҚР Ұлттық құрама сапында 2018-2019 жылдары халықаралық ареналарда өнер көрсетіп, Азия чемпионаттары мен кубоктарында 49 медаль иеленсе, Әлем чемпионаттары мен кубоктарында 56 медальға қол жеткізді. Ал, қазақ күресімен өңірде 298 секцияда 4879 спортшы шұғылданса,114 жаттықтырушы жұмыс жасайды. Облыстағы 21 балалар мен жасөспірімдер спорт мектептерінің 17-де қазақ күресімен 159 секцияда 2005 спортшы шұғылданса, 59 жаттықтырушы тұрақты жұмыс атқарып келеді. 2019 жылы Азия чемпионатында облыстың 2 палуаны алтын және қола жүлдегер атанды. Әлем чемпионатында 1 палуан чемпион атанса, Әлем барысында 1 палуан күміс жүлдені иеленді. Соңғы 3 жылда Сыр бойылық спортшылар ҚР чемпионаттары мен кубоктарында 117 медаль жеңіп алды», – деді Жақсылық Оспанов.
</blockquote>
Күн тәртібіндегі екінші мәселе Қазақстан Республикасының «Қазақ күресі» Ассоциациясының басқарушы директоры, PhD доктор Ербол Мырзабосынов және Қазақ күресінен Қазақстан Республикасының бас жаттықтырушысы Естек Ерлан хабарлама жасады.
Сонымен қатар, ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаменті бастығының міндетін уақытша атқарушы Бауыржан Құндызбаев «Қазақстанның Жауынгерлік Өнер Қауымдастығы» және «Қазақ күресі» Ассоциациясы туралы өз пікірін білдірді.
Сондай-ақ, көшпелі отырыста спорттық жарыстардың қатарын арттыру мен Қазақ күресін дамыту бойынша бірқатар ұсыныс айтылды.
Ассоциацияның бас директоры Абат Имамбаев Қазақстанның Жауынгерлік Өнер Қауымдастығы мен «Қазақ күресі» Ассоциациясы тарапынан атқарылып жатқан жұмыстарды жеткізіп, жиынды қорытындылады.
<blockquote>
 «Біздің Қызылорда облысына келген мақсатымыз Ассоциация жұмысын одан әрі жетілдіріп, өңірлердегі маңызын арттыру болып табылады. Сонымен қатар, қазақ күресін дамытып, жас спортшыларды патриоттыққа баулу да біздің негізгі бағыттарымыздың бірі екенін айта кеткен жөн. Сондықтан, аймақтағы федерация филиалдарымен ынтықмақтастықты арттыра отырып, жоспардағы жұмыстарды жүзеге асыра аламыз», -деді Абат Имамбаев.
</blockquote>
<img src="https://kyzylorda-news.kz/wp-content/uploads/2021/03/158708770_3183944785041902_3173239152442166984_o.jpg" alt="" />
<img src="https://kyzylorda-news.kz/wp-content/uploads/2021/03/159177662_3183944661708581_4421908953759108581_o.jpg" alt="" />

Қазақстан және Қызылорда облысының жаңалықтары: Спорт