<h4 id="kyzylordanewskzhttpskyzylordanewskzruobshestvonbspnbspnbspmatchtvhttpsmatchtvrufigureskatingmatchtvnews_ni1410486_vrozhdennyje_problemy_s_pozvonochnikom_nevernoje_reshenije_vystupat_za_kazahstan_i_dobryje_slova_treneram_match_tv_obshhajetsa_s_mamoj_elizabet_tursynbajevojnbsp"><a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Мәнерлеп сырғанаушы Элизабет Тұрсынбаеваның анасы Падишахан Сұлтаналиева қызының Қазақстан атынан өнер көрсету&nbsp;туралы шешіміне өкінетінін мәлімдеді. Бұл туралы ол&nbsp;<a href="https://matchtv.ru/figure-skating/matchtvnews_NI1410486_Vrozhdennyje_problemy_s_pozvonochnikom_nevernoje_reshenije_vystupat_za_Kazahstan_i_dobryje_slova_treneram_Match_TV_obshhajetsa_s_mamoj_Elizabet_Tursynbajevoj">Match TV</a>&nbsp;телеарнасына берген сұхбатында айтты.</h4>
Жақында 21 жастағы Тұрсынбаева&nbsp;өз мансабын аяқтағанын жариялады. Оған спортты жалғастыруға жарақаты кедергі келтіреді.
Элизаветаның анасы&nbsp;Падишахан Сұлтаналиева&nbsp;ата-бабалары үшін Қазақстан атынан өнер көрсетуге&nbsp;шешім қабылдағанын айтады.
<blockquote>
 “Тіпті күйеуім екеумізге бұл бала үшін негізгі старттарға&nbsp;апаратын жолды тездететін сияқты көрінді. Бірақ мен бұл шешіміме қатты өкінемін! Біз мәнерлеп сырғанау спорты жоқ ел үшін өнер көрсету қиындықтарға жетелейтінін алдын ала болжай алмадық. Егер сіз ұсынатын ел әлемдік аренада мәнерлеп сырғанау ортасы ретінде бағаланбаса… бұл тозақ. Олардың судьялары да, техникалық бақылаушылар да жоқ, сахна артында ешқандай қолдау жоқ. Ғасырлар бойы көшбасшылық үшін күресіп келе жатқан державаларда жеңіске жетуге барлық жағдай жасалған. Олар өз спортшыларын қорғап, төрешілермен жұмыс жасайды. Үлкен спорт үлкен саясатпен тең. Мен мұны процесте, тым кеш болғанда ғана түсіндім. Егер немерелерім мәнерлеп сырғанаушы болғысы келсе, мен оларға тек Ресей атынан өнер көрсетуді кеңес беремін. Өзімнің қателігімді ескеремін, Қазақстанда жағдай өзгермесе дәл осындай шешім қабылдаймын. Бірақ бұл тек менің пікірім екенін атап өткім келеді”, –&nbsp;деді ол.
</blockquote>
Падишахан Сұлтаналиева спортта бәсекелестік болғаны дұрыс деп есептейді.
<blockquote>
 “Бұл керек нәрсе. Бәсекелестік жоқ болса, спорт ретінде мәнерлеп сырғанау жоқ. Элизаның әлем чемпионатындағы жетістігі Этери Георгиевна тобындағы атмосфераның көмегімен болды. Бұрын, қызым 9-11-ші орындарды иеленетін. Ресей құрамасында қалуымыз керек деп ойлаймын. Әрине, қиындықтар бар, бірақ біз тезірек жетістікке жетер едік”, –&nbsp;деді спортшының анасы.
</blockquote>
Ол қателігі үшін Элизадан кешірім сұраған.
<blockquote>
 “Ол жасөспірім еді және үнсіз келісті. Қызымның олимпиада медалін жеңіп алмағаны – менің кінәм. Бүгін мен өз қателігімді мойындасам, өмір сүру оңайырақ болады. Қалай болғанда да, біз қызымыздың қойылымдарын ұзақ жылдар бойы қаржыландырған Қазақстанның Ұлттық Олимпиада комитетіне, ол туралы фильм түсіргені үшін Нұрсұлтан Назарбаев қорына ризамыз”, –&nbsp;деді&nbsp;Падишахан Сұлтаналиева.
</blockquote>
Сұхбат кезінде Падишахан Сұлтаналиева Қазақстандағы мәнерлеп сырғанау спортының жағдайына пікір білдірді.
<blockquote>
 “Мұз айдындары мен жаттықтырушылар көп, бірақ Мәскеумен салыстыруға болмайды. Астанада үш мұз айдыны бар, ал жаттығулар аз. Барлығы тырысады, бірақ деңгейі өте төмен. Көрдіңіз бе, менталитет басқаша: балалардың спорттық өсуіне жанын салатын тәртіп пен ата-аналар жетіспейді”, –&nbsp;дейді ол.
</blockquote>
Падишахан Сұлтаналиеваның сөзінше, қазір&nbsp;Элизабет Тұрсынбаева&nbsp;МГИМО-да халықаралық журналистика бөлімінде оқиды. Ол бір жыл оқып, Олимпиада үшін академиялық демалыс алды. Ал енді сабаққа оралудың уақыты келді.
<blockquote>
 “Қызым&nbsp;оқуын жалғастырады, ол университетін жақсы көреді. Спорт академиясына да оқуға түсті. Қазір көп жұмыс істейді – Қазақстанда балаларды жаттықтырады және жақын арада&nbsp;мұз академиясын ашады, оған өзінің аты беріледі,&nbsp;республикада мәнерлеп сырғанау деңгейін көтереді. Өз хоббиіне де уақыт бөледі – скрипка мен фортепианода ойнайды, ән айтады, өлең жазады. Өз формасында болса, шоуларға&nbsp;қатысуды жоспарлап отыр.
</blockquote>
Мен Элизаға бос уақыты туралы ойлануға кеңес беремін. “Қызға айнал, киноға бар, достарыңмен&nbsp;жиі кездесіп, демал!” – деймін. Ол көптеген жылдар бойы тынымсыз еңбек етті. Болашақты болжауға асықпаймын. Ең бастысы, менің баламның жан дүниесінде үйлесімділік бар. Ол спортта өзін танытты, рекордтар жасады және мәнерлеп сырғанау тарихына енді”, –&nbsp;деді&nbsp;Падишахан Сұлтаналиева.

Элизабет Тұрсынбаеваның анасы мәлімдеме жасады

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін «Евразия» спорт кешенінде Қазақстан Республикасы Тәуелсіздігінің 30 жылдығына және қала күні мерекесіне арналған Қызылорда қаласына қарасты кенттер мен ауылдық округ тұрғындарының қатысуымен «Тәуелсіздік – мәңгілік елдің тұғыры» атты спартакиаданың марапаттау рәсімі өтті.
Қала әкімінің бастамасымен бірінші рет ұйымдастырылып отырған бұл шара қалаға қарасты кенттер мен ауылдық округтер арасындағы ынтымастықты нығайту, бұқаралық спортты дамыту, дене шынықтыру және спортпен жүйелі түрде айналысуға тартуды насихаттайды. Бір айға созылған айтулы додада елдімекендерден 400 – ге жуық спортшы қатысып, спорттың 7 түрінен өзара мықтылар анықталды.
<blockquote>
 Жеңімпаздар мен жүлдегерлерді құттықтау үшін арнайы барған қала әкімі Ғанибек Қонысбекұлы «Қызылорда – олимпиада саңлақтары – Ильяны, Қамшыбекті дүниеге әкелген қасиетті өлке. Бұқаралық спорты дамыған, салауатты халқы бар қазыналы қоныс. Қазір қалада жаңадан ашылған спорт нысандары қызылордалықтарға қызмет көрсетіп келеді. Заман сұранысына сай теннис орталығы, мұз айдыны келушілерді кедергісіз қабылдауда. Мұның барлығы да қызылордалықтарды салауаттылыққа ынталандыратын қадамдар» – екендігін атап өтті.
</blockquote>
Жарыс қорытындысымен 7 сайыс түрінен үшінші орынды Ақжарма ауылдық округінің, екінші орынды Тасбөгет кентінің, бірінші орынды Ақсуат ауылдық округінің құрама командалары еншіледі.
Жеңімпаздарға дипломдар мен спорттық киім жиынтықтарын алуға арналған сертификаттар табысталды. 
Аталған шара жылда дәстүрлі түрде ұйымдастырылатын болады.
<img src="https://kyzylorda-news.kz/wp-content/uploads/2021/10/249039317_2948136975453041_8881183551352036303_n.jpg" alt="" />
<img src="https://kyzylorda-news.kz/wp-content/uploads/2021/10/248880385_2948137042119701_2351622419102072595_n.jpg" alt="" />

Қызылордада ауыл спартакиадасы өз мәресіне жетті

<a href="https://kyzylorda-news.kz/ru/obshestvo/">Kyzylorda-news.kz</a>. Мәскеуде 17-20 қыркүйек аралығында «Әлем Кубогы» өтті. Сайысқа әлемнің 500-ден аса таңдаулы каратэшілер қатысты. Еліміздің намысын қорғаған спортшылардың қатарында Қорқыт ата атындағы Қызылорда университетінің студенттері 67 кг салмақта Бақдәулет Кубаш, 75 кг салмақта Дамир Камал және Фархад Жарылқасын бар. Тартысты додада студенттеріміз жеңіс тұғырынан көрініп, 1-орын иеленді.
<blockquote>
 «Әрине жеңіске жету оңайға түспеді. Бұл қаншама еңбектің, төккен тердің нәтижесі. Дегенмен бізге мұнымен тоқтауға болмайды. Алдымызда үлкен жоспарлар тұр. Соған жету үшін жаттығуымызды тоқтатпай, әрі қарай дайындалатын боламыз. Бұл жеңісімізді Қазақстан Республикасы Тәуелсіздігінің 30 жылдығына арнаймыз»,-деді Дамир Камал.
</blockquote>
Айта кетейік, университетте Әлем чемпионатының жеңімпазы&nbsp; мен жүлдегерлері – 9, Азия чемпионатының жеңімпазы мен жүлдегерлері – 27 және 120 Қазақстан чемпионатының жеңімпазы мен жүлдегері бар. Спортшыларымыз Қазақстан Республикасының намысын қорғап, ұлттық құрама команда сапасында жаттығады.

Мәскеуде өткен әлем кубогінде қызылордалық студенттер чемпион атанды

<a href="https://kyzylorda-news.kz/ru/obshestvo/">Kyzylorda-news.kz</a>. Дарынды қазақстандық спортшы қыз, мәнерлеп сырғанаудың шебері Элизабет Тұрсынбаева кәсіби мансабын аяқтағанын мәлімдеді.
Бұл туралы спортышының өзі&nbsp;<a href="https://www.instagram.com/p/CUDUOvao0F1/">Instagram-</a>дағы парақшасында жазып, жантебірентерлік жазбасымен бөлісті.
Элизабет Тұрсынбаева – 2018 жылғы қысқы Олимпиада ойындарының қатысушысы, жасөспірімдер Олимпиадасының қола жүлдегері, 2017 жылғы Азия ойындарының қола жүлдегері, 2019 жылғы әлем чемпионатының күміс жүлдегері, 2019 жылғы төрт құрлық біріншілігінде екінші орынның, 2019 жылғы Универсиаданың күміс медалінің иегері.
<blockquote>
 “Құрметті жанкүйерлерім, мен кәсіби спортшы ретіндегі карьерамды аяқтауды жөн деп шештім. Мұндай хабармен бөлісу мен үшін оңай болмады. Көпшілігіңіз білетін боларсыздар, менің арқам ұзақ уақыт бойы мазалап келеді. Өкінішке қарай, бұл жарақаттым соңына дейін жазылмады, сондықтан толыққанды жаттығу жасау да мүмкін болмай қалды. Өмірімдегі бұл тараудың аяқталуы, әрине жаңасының басталуын білдіреді. Қазіргі уақытта мен Қазақстандамын, жылдың соңына дейін осында жұмыс істеймін, балаларға көмектесемін, шабыттандырамын, өз тәжірибеммен бөлісемін. Мен әрқашан өз елімде мәнерлеп сырғанау спортын дамытқым келетін, міне, ақыры осы сәтке де келіп жеткендеймін. Ата-анама шексіз ризамын, мен үшін жасағандары әрі алда да жасайтындары үшін. Мықты болуыма көмектесіп, әрқашан қолдап келген барлық жанға рақмет. Атап айтқанда, Қызылорда облысының басшылығы, ҰОК, Спорт және мәдениет министрлігіне. Сондай-ақ Тутберидзенің барлық жаттықтырушылар штабына: Этери Георгиевнаға, Сергей Викторовичке және Даниил Марковичке, менімен бірге жұмыс істеп, мансабымдағы тарихи сәттерде маған сенім білдіріп, ең жақсы бағдарламалар арнағаны үшін алғыс айтқым келеді. Жалпы, өзіммен бірге жұмыс істеген барлық жаттықтырушыларға алғыс айтамын. Әрине, енді менде болашақ ұрпаққа бере алатын баға жетпес тәжірибем бар. Халықаралық аренада&nbsp;2011 жылы&nbsp;алғашқы өнер көрсеттім. Осы турнирден былай қарай тура он жыл өтіпті, қоржынымда 50-ден астам халықаралық сайыс (Азия ойындары, жасөспірімдер Олимпиадасы, Бүкіләлемдік қысқы Универсиада, төрт құрлық чемпионаты, әлем чемпионаттары, Олимпиада және басқа да халықаралық жарыстар), түрлі деңгейдегі 39 медалім бар. 16 жасымнан бастап үлкен спортта жүрдім … бәрі болды: алғашқы жеңістердің қуаныштары, өкінініш пен жарақаттар. Бірақ,&nbsp;менің қымбатты жанкүйерлерім,&nbsp;осы жылдар бойы сіздер әрқашан менімен бірге болдыңыздар. Өздеріңіздің тілектеріңіз бен қолдауларыңыз маған қанат бітіріп, жаныма дауа болды, әрдайым мен өздеріңізге, еліме керек екенін жақсы сезініп, керемет күш-қуат алып отырдым. Енді алда да өздеріңіздің маған деген сенімдеріңіз әртүрлі салада жаңа белестерді бағындырума көмектеседі деп сенемін, – деп жазды Элизабет.
</blockquote>
Тұрсынбаева соңғы рет 2019 жылдың тамызында Шанхайда өткен турнирде бақ сынады, содан кейін ол осы жылдың сәуірінде Қазанда өткен Этери Тутберидзе шоуында өнер көрсетті.
Қазандағы шоуда ол 2019/20 маусымындағы бағдарламаларын көрсетіп, көрермендерге тамаша көңіл-күй сыйлады.

Элизабет Тұрсынбаева кәсіби мансабын  аяқтағанын мәлімдеді

<a href="https://kyzylorda-news.kz/">Kyzylorda-news.kz</a>. Қазан қаласында өткен ТМД елдері ойындарының қола жүлдегері, дзюдо, самбо және қазақша күрестен ҚР спорт шебері, қызылордалық Шынар Абатовамен жүргізген сұхбатты оқырман назарына ұсынамыз.
– Шынар, жеңісің құтты болсын! Үш спортпен қатар айналысады екенсің. Сені ұстазың «самбоның сайыпқыраны» дейді…
– Рақмет! Татарстан елінің Қазан қаласында 3-11 қыркүйек аралығында алғаш рет ТМД елдерінің ойындары өтті. Жарысқа күрес бағыты бойынша 14-23 жастағы 1139 спортшы бақ сынады. Өзім 72 келі салмақта өнер көрсеттім. Елімнің көк туы желбірегенін қаладым, сол үшін барынша дайындалдым. Бірақ, қола медаль бұйырған екен. Бұның өзі де бір жеңіс деп білемін.
– Өзіңнің туып-өскен жерің туралы айтып берсең? Спортқа қалай келдің?
– Сыр елінің таңғажайып ауылдарының бірі Ақжармаданмын. Алақандай ғана ауылдың Алатаудай намысын қорғап жүрген өжет қызбын. Жасым он&nbsp; сегізге толмаса да Қазақстанның атын əлемге тануға тамшыдай болсын үлес қосып жүргеніме қуанамын. Қарапайым отбасында дүниеге келдім. Бала күнімде тентек болғандықтан болар, 2013 жылы өзімнен үлкен бауырым спортқа жетеледі. Содан бері бар күш-жігерімді жаттығуға арнадым. Спорт адамды тәртіпке қарай бағыттайды екен. Осыдан 7 жыл бұрын тәрбие берген өз бапкерім Жанар Дүйсекенова апайыма алғыс айтамын. Маған алдымен «сенің адам болғаның керек» деп тәрбиеледі. Өзімнің замандастарымды салауатты өмір салтын ұстануға шақырамын. Қанша биікке шықса да, адамгершілік қасиеттен аттамау керек.
– Қыз бала үшін бұл спорттың түрі қиын емес пе?
– Мен үшін қиын емес, өзіме катты ұнайды. Бірақ әр жеңістің артында үлкен еңбек жатыр. Сол маңдай тердің нәтижесін көргенде, барлық қиындықты ұмытып кетемін.
– Жарыс алдында қобалжу болады ма? Өзіңді қалай жігерлендіресің?
– Әрине жеңіске жету оңай емес. Жүз рет құласам да, жүз бірінші рет тұруға тырысамын. Бұл – спорт. Сондықтан жеңіс те, жеңіліс те болады. Бәрін көтеруге тырысамын. Жарыс мен үшін – қазақ бауырымды ұту емес, қазағымның туын шет елдерде желбірету. Бұл мен үшін нағыз патриоттық сезім.&nbsp;
– Карантин кезінде дайындық, оқу-жаттығу жұмыстары қалай өтті?
– Мен үшін оңайға соқпады. Үйде жаттықанмен, спорт алаңындай болмады.
– Өзіңе қандай спортшыларды үлгі тұтасың?
– Токио 2020 олимпиадасының Елдос Сметов ағаны үлгі тұтамын. Оның өзі үшін емес, елім үшін деп соғатын жүрегі ұнайды.
– Өмірлік ұстанымың?
– Тек алға, Қазақстаным! Көк туымның биікте желбіреп, Әнұранымның әлемде шырқалуы үшін аянбай еңбек етуден тынбаймын.
– Алдыға қойған мақсатың?
– Ол туралы нәтижеге жеткенде жариялаймын. Әзірше құпия болғаны жөн.
– Сұқбатыңызға рақмет!
Сұхбаттасқан Назерке Шарападдин

«Самбоның сайыпқыраны» &#8211; Шынар Абатова

<a href="https://kyzylorda-news.kz/">Kyzylorda-news.kz</a>. Қыркүйек айының басында Қазатомөнеркәсіп Түркістан және Қызылорда облыстарының жеті елді мекенінде балаларға арналған заманауи ойын және спорт алаңдарының құрылысын аяқтады.
Әлеуметтік маңызы бар нысандардың құрылысы Қазатомөнеркәсіп пен Атом өнеркәсібі қызметкерлерінің салалық кәсіподағы және жергілікті әкімдіктер арасында жасалған ынтымақтастық туралы меморандумдар аясында жүзеге асырылды.
Жобаларды іске асыру үшін әкімдіктер өз аумағынан жер учаскелерін бөліп, сол жерлерге балалар алаңдары салынды. Ауданы 430 шаршы метрлік әрбір алаңға жұмсақ еден жабыны төселіп, ойын және спорт жабдықтары орнатылды.
Атқарылған жұмыс нәтижесінде Түркістан облысындағы Созақ ауданының Аққолтық, Жартытөбе, Қыземшек және Тайқоңыр кенттерінде және Отырар ауданының Көксарай кенттерінде, сондай-ақ Қызылорда облысындағы Жаңақорған ауданының Шиелі және Байкенже кенттерінде жергілікті тұрғындардың демалуына арналған заманауи ойын және спорт аймақтары пайда болды.
Бүгінде жалпы ауданы 3010 шаршы метр болған барлық объектілер жергілікті атқарушы органдарға берілді. Енді олар жабдықтардың жұмыс істеу қауіпсіздігі мен сапасын қамтамасыз ете отырып, көптің игілігіне қызмет етуін одан әрі қадағалайтын болады.
<img src="https://kyzylorda-news.kz/wp-content/uploads/2021/09/detskie-ploshhadki-kazatomprom-1.jpg" alt="" />

Қазатомөнеркәсіп компаниясы Қызылордадағы елді мекендерге ойын алаңдарын салып берді

<a href="https://kyzylorda-news.kz/">Kyzylorda-news.kz</a>. Румынияда өткен ересектер арасында қазақ күресіне қатысушы Бекжан Төлепов туған жеріне оралды.
Жерлестері спортшыны салтанатты түрде қарсы алды.
Шиелі ауданы әкімінің орынбасары Алмасбек Есмаханов қазақ күресінен әлем чемпионы Бекжан Төлеповты жеңісімен құттықтап, спорт бәсекесінде ел намысын, Сырдың абыройын биікке көтергеніне алғыс білдірді.
Өз кезегінде Бекжан Төлепов те жерлестеріне ризашылығын білдіріп, алдағы уақытта бұдан да зор жетістіктерге ұмтылатынын жеткізді.

Қызылордалық спортшы Бекжан Төлепов әлем чемпионы атанды

<a href="https://kyzylorda-news.kz/">Kyzylorda-news.kz</a>. Қармақшы ауданының әкімі Әлем және Азия чемпионаттарының жүлдегерлерін қабылдады.
Спорт – елдің мерейін асырып, абыройын тасытатын сала. Тәуелсіздік жылдары ел спортшылары халықаралық ірі жарыстарда топ жарып, көк байрағымыз асқақтай түсуде.
Қармақшы өңірі де спорт саласында талай қыранды түлетіп, елдің байрағын желбірететін ерлерді шығаруда.Осы ретте, аудан әкімі Қайрат Ырзақұлұлы Әлем және Азия чемпионаттарының жүлдегерлерін қабылдады.
Аудан әкімі елдің туын биікке көтеріп, әлемдік ареналарда әнұранымызды ойнатып жүрген жігерлі, жалынды спортшыларға ризашылығын білдіріп, алғыс хаттармен марапаттады.
Айта кету керек, биыл аудан спортшылары Қазақстан Республикасы біріншіліктері мен чемпионаттарында 12 – алтын, 11 – күміс, 10 – қола медальды жеңіп алса, Әлем біріншілігінен 2 қола, Азия біріншілігінде 3-қола, Азия Кубогында 3-қола, әлемдік гран-при турнирінде 3-алтын, 3-қола медальды жеңіп алды.
<img src="https://kyzylorda-news.kz/wp-content/uploads/2021/09/241678832_1885749158262648_5651365275647907157_n.jpg" alt="" />
<img src="https://kyzylorda-news.kz/wp-content/uploads/2021/09/241649590_1885749081595989_8355164179529845852_n.jpg" alt="" />

Қармақшы ауданының әкімі спортшыларды қабылдады

<a href="https://kyzylorda-news.kz/">Kyzylorda-news.kz</a> ҚР Мәдениет және спорт министрі Ақтоты Райымқұлова Паралимпиада чемпиондарын жеңісімен құттықтады, деп хабарлайды ҚазАқпарат.
<blockquote>
 «Бүгін Токио төріндегі байрақты бәсекеден оза шауып, қазақ халқына олжа алып келген ел Тәуелсіздігінің 30 жылдығына алтын, күміс және қола медаль сыйлаған паралимпиадашы спортшыларға салтанатты түрде құрмет көрсетуге жиналып отырмыз. Тарихи жеңіске толы Паралимпиада ойындары кеше ғана шымылдығын жапты. Елге оралған азаматтарымызбен осы залда кездесіп отырғанымызға қуаныштымыз», – деді Мәдениет және спорт миинстрі салтанатты шарада.
</blockquote>
Айта кетейік, Паралимпиада ойындарында Қазақстан&nbsp;5 медаль алды. Оның біреуі – алтын, 3-еуі күміс, 1-і қола медаль.
Жалпы командалық есепте қазақстандық спортшылар 51-орынға табан тіреді.
Бүгін Президент Қасым-Жомарт Тоқаевтың Жарлығымен Давид Дегтярев III дәрежелі «Барыс» орденімен, Зарина Байбатина, Теміржан Дәулет, Әнуар Сариевтер «Парасат» орденімен, Нұрдәулет Жұмағали «Құрмет» орденімен&nbsp;марапатталды.
Қырымбек Көшербаев іс-шара барысында алтын медаль алған Давид Дегтяревке 106 миллион теңге, күміс медальге ие болған Зарина Байбатина, Теміржан Дәулет, Әнуар Сариевтерге 63 миллион теңге, қола жүлдегер атанған Нұрдәулет Жұмағалиге 31 миллион теңге қаржылай сыйақы табыстады.

Биылғы Паралимпиада ойындары тарихи жеңіске толы болды – Ақтоты Райымқұлова

<a href="https://kyzylorda-news.kz/">Kyzylorda-news.kz</a>. Қазақстан құрамасы бұл Паралимпиада ойындарында 1 алтын, 3 күміс, 1 қола жүлдемен 52-орында.
Ұлттық Паралимпиада құрама сапынан Давид Дегтярев пара пауэрлифтингтен жеңімпаз атанса, пара дзюдодан Ануар Сариев, Дәулет Теміржан, Зарина Байбатина күміс жүлдеге ие болды. Пара жүзуден Нұрдаулет Жұмағали қола медаль алып, үздік үштікті түйіндеді.
Бұл – ұлттық құраманың Паралимпиада ойындарындағы ең үздік нәтижесі.
Токио Паралимпиадасының жабылу салтанатын бүгін 16-15-те <a href="http://www.qazsporttv.kz">«Qazsport»</a> телеарнасының сайтынан көре аласыздар.

ХVI Жазғы Паралимпиада ойындары аяқталды

<a href="https://kyzylorda-news.kz/">Kyzylorda-news.kz</a>. «Qazaq kuresi» Ассоциациясының спортты дамыту бойынша директоры Бақдәулет Сәбитов спорттық үйірмелер балалардың бос уақытын үйлестіріп қана қоймай, салауатты өмір салтын қалыптастыратынын айтады.
Бала тәрбиесінде олардың бос уақытын тиімді өткізу мәселесін жиі айтамыз. Расында да, спорттық үйірмелер балалардың бос уақытын үйлестіріп қана қоймай, салауатты өмір салтына дағдыландырады. Биыл мемлекеттік спорттық тапсырыстың жан басына шаққандағы нормативтік қаржыландыру жұмысы басталды.
Бұл – мемлекеттік деңгейде бала болашағына жасалған ең үлкен мүмкіндік. Әрбір баланың қалауы бойынша тегін, қолжетімді, спорттық үйірмелердің іске қосылуы ұлт саулығына салынған есепсіз капитал деуге болады.
Мемлекеттік спорттық тапсырыстың жан басына шаққандағы нормативтік қаржыландыру әдістемесінде жазғы олимпиадалық спорттың 17 спорт түрі, қысқы олимпиадалық спорттың 4 спорт түрі, ұлттық спорттың бір ғана түрі (қазақ күресі), олимпиадалық емес спорттың 4 спорт түрі қосылып отыр. Бұдан бөлек, мүмкіндігі шектеулі балаларға арналған үйірмелер де өз қызметін бастап жатыр.
Ұлттық күрестің өкілі ретінде, балаларға арналған тегін үйірмелер қатарында қазақ күресінің болғаны біз үшін үлкен олжа екенін айтамын. Ендігі кезекте ұлттық күресте жүрген сала мамандарының белсенділігі артуы керек. Мемлекеттік деңгейде жасалған мүмкіндікті кеңінен пайдаланып, қазақ күресінің бұқаралық негізде сипат алуына қызмет жасайтын кез келді.
Осыған дейін жергілікті жерлердегі спорт интернаттарында қазақ күресі жоқ, немесе сағаты аз, БЖСМ-де орын жоқ екенін алға тартып келдік, қазір жан басына қаржыландыру бойынша осы олқылықтардың орнын толтыруға мүмкіндіктер туып отыр. Ендеше, ұлттық күрестің мамандарына іздену, осы кеңістіктегі қазақ күресінің орнын толтыру тапсырмасы тұр деп білемін.
Қазіргі таңда елімізде artsport.edu.kz порталының ақпараты бойынша қазақ күресінен 20 үйірме 1 204 балаға есігін ашып отыр:
<ul>
<li>Қызылорда облысы – 6 үйірме (224 орын);</li>
<li>Түркістан облысы – 3 үйірме (200 орын);</li>
<li>Ақтөбе облысы – 3 үйірме (200 орын);</li>
<li>Алматы облысы – 2 үйірме (160 орын);</li>
<li>Жамбыл облысы – 2 үйірме (150 орын);</li>
<li>Нұр-Сұлтан қаласы – 2 үйірме (170 орын);</li>
<li>Қостанай облысы – 1 үйірме (40 орын);</li>
<li>Павлодар облысы – 1 үйірме (60 орын).</li>
</ul>
Бұл еліміздегі бала санына шаққанда теңіздегі тамшымен бірдей. Десе де, алғашқы қадамдар жасалып жатқаны қуантады.
Бір қынжылтатыны, мемлекеттік деңгейде жүзеге асып жатқан осы жобаның аясында үйірмені заң жүзінде ашып, тәжірибеде іске асырмай жатқан факторлар сирек болса да кездесіп жататыны бар. Балалардың спорттық үйірмеге қатысуына жасалған мүмкіндікті бизнестің жеке мүддесіне пайдалануына жол бермеу керек. Жергілікті жерлердегі спорттың шын жанашырлары мен сала мамандары осындай олқылықтардың алдын алуға атсалысады деп үміттенемін.
Жергілікті жерлерде спорттың қай түріндегі болмасын үйірмелердің тұрақты жұмыс жасауын қадағалау әр ата-ананың қолынан келетін іс. Сондай-ақ, ұлттық спортты қолдап, оның әлемдік аренаға шығуына үлес қосамын десеңіз өз аймағыңызда қазақ күресі секциясының ашылуына сұраныс жасаңыздар.
Әрбіріңіздің балаңыз кәсіби спортшы болуға міндетті емес, десе де ешқандай іс-қимылсыз телефонға телмірген баланы бір мезгіл салауатты өмір салтына бөлу ата-ана үшін бұл – таптырмас мүмкіндік. Ұлт саулығына бәріміз жауаптымыз.

Спорттық үйірме: Қызылорда облысы республика бойынша алғашқы орында

<a href="https://kyzylorda-news.kz/">Kyzylorda-news.kz</a>. Қазалы ауданы Кәукей ауылында жаңа саябақ пайдалануға берілді.
Қазақстан Республикасы Конституциясы күні қарсаңында аудан орталығынан шалғай орналасқан Кәукей ауылында жаңа саябақ пайдалануға берілді.
Жаңа саябақтың ашылу салтанатына орай өткізілген шараға аудан әкімінің орынбасары Жалғас Сүйеубаев қатысты.
Кәукей ауылындағы орталық саябақ құрылысын “Намыс құрылыс” ЖШС жүргізді. Саябақ ішінде жазғы сахна, 40 көрермендер орны, 2 балалар ойын алаңы, спорт инвентарлары, тұрғындар тынығатын орын, кіре беріс қақпа мен жарықшамдар орнатылған.
Айта кетейік, соңғы жылдары аудандағы ауылдарды абаттандыру жұмыстары қарқынды жүргізілуде. Соның нәтижесінде Қ.Пірімов, Ақсуат, Бозкөл, Майдакөл ауылдарында саябақ салынды.
<img src="https://kyzylorda-news.kz/wp-content/uploads/2021/08/240809078_3140923832795209_3103500662297370885_n.jpg" alt="" />
<img src="https://kyzylorda-news.kz/wp-content/uploads/2021/08/240763461_3140923539461905_2216731049312916199_n.jpg" alt="" />

Қазақстан және Қызылорда облысының жаңалықтары: Спорт

Элизабет Тұрсынбаеваның анасы мәлімдеме жасады

Қызылордада ауыл спартакиадасы өз мәресіне жетті

Мәскеуде өткен әлем кубогінде қызылордалық студенттер чемпион атанды

Элизабет Тұрсынбаева кәсіби мансабын аяқтағанын мәлімдеді

«Самбоның сайыпқыраны» – Шынар Абатова

Қазатомөнеркәсіп компаниясы Қызылордадағы елді мекендерге ойын алаңдарын салып берді

Қызылордалық спортшы Бекжан Төлепов әлем чемпионы атанды

Қармақшы ауданының әкімі спортшыларды қабылдады

Биылғы Паралимпиада ойындары тарихи жеңіске толы болды – Ақтоты Райымқұлова

ХVI Жазғы Паралимпиада ойындары аяқталды

Спорттық үйірме: Қызылорда облысы республика бойынша алғашқы орында

Қазалы: Ауылда жаңа саябақ пайдалануға берілді

Қазақстан және Қызылорда облысының жаңалықтары: Спорт

Элизабет Тұрсынбаеваның анасы мәлімдеме жасады

Қызылордада ауыл спартакиадасы өз мәресіне жетті

Мәскеуде өткен әлем кубогінде қызылордалық студенттер чемпион атанды

Элизабет Тұрсынбаева кәсіби мансабын аяқтағанын мәлімдеді

«Самбоның сайыпқыраны» &#8211; Шынар Абатова

Қазатомөнеркәсіп компаниясы Қызылордадағы елді мекендерге ойын алаңдарын салып берді

Қызылордалық спортшы Бекжан Төлепов әлем чемпионы атанды

Қармақшы ауданының әкімі спортшыларды қабылдады

Биылғы Паралимпиада ойындары тарихи жеңіске толы болды – Ақтоты Райымқұлова

ХVI Жазғы Паралимпиада ойындары аяқталды

Спорттық үйірме: Қызылорда облысы республика бойынша алғашқы орында

Қазалы: Ауылда жаңа саябақ пайдалануға берілді

«Самбоның сайыпқыраны» – Шынар Абатова