<a href="https://kyzylorda-news.kz/">Kyzylorda-news.kz.</a> Қазалы ауданындағы №17 олимпиадалық резервтің мамандандырылған балалар-жасөспірімдер мектебінің былғары қолғап шеберлері республикада ғана емес, әлемдік аренада топ жарып келеді. Оның басым көпшілігі ҚР-ның еңбек сіңірген жаттықтырушысы Бақытбек Құлбаев баптаған қазалылық боксшы қыздар.31 қазан мен 13 қараша күндері аралығында Иордания мемлекетінің астанасы Амман қаласында бокстан әйелдер арасындағы Азия чемпионатында №17 олимпиадалық резервтің мамандандырылған балалар-жасөспірімдер мектебінің тәрбиеленушісі Гүлсая Ержан күміс жүлдені қанжығасына байлады.Есте болса, 81 келі салмақта дәрежесінде бақ сынаған боксшы жартылай финалда вьетнамдық Ти Хонг Нгуенді 5:0 есебімен артта қалдырған болатын. Дегенмен ақтық сында Үндістан елінің боксшысы Савитиге есе жіберді.<blockquote>«Финалдағы қарсыласты менсінбеуге болмайды. Қанша дегенмен алтын жүлде сарапқа салынып жатқан соң, бар күш-жігеріңді саласың. Үндістандық ару тәжірибелі екен. Оны шаршы алаңда байқадым. Спорт болған соң жеңіс пен жеңіліс қатар жүреді. Бұл жолы күміс жүлде бұйырып тұр екен. Бірақ келесі жолы осы күмісті алтынға айырбастайтын боламын. Алдағы уақытта кеткен қателіктермен жұмыс жасап, әлемдік біріншіліктерде топ жаруға ниеттімін», – дейді Гүлсая Ержан.</blockquote>Айта кетейік, Амман қаласында өткен Азия чемпионатында Қазақстанның спортшы қыздары 3 алтын, 1 күміс, 5 қола медаль еншілеп, ел құрамасы командалық есепте топ бастады. &nbsp;<img src="https://knadmin.beoblood.kz/uploads/1668187788_img_20221111_wa0107_3a9163c3de.jpg" alt="1668187788_img-20221111-wa0107.jpg">

Қазалылық боксшы Азия чемпионатының жүлдегері атанды

<a href="https://kyzylorda-news.kz/">Kyzylorda-news.kz.</a> Қармақшы ауданы орталығындағы спорттық сауықтыру кешенінде халықаралық, республикалық жарыстардың жеңімпазы, талантты боксшы Ерлан Нысанбаевты еске алуға арналған 2007-2008 жылы туылған бокстан жасөспірімдер арасындағы республикалық ашық турнир басталды.Турнирдің ашылу салтанатында аудан әкімі Әділбек Ерсұлтанов алғы сөз алып, аудан спортшыларының жеткен жетістіктерімен қатар бүгінгі ұйымдастырылып отырған спорттық шара туралы пікірін білдірді.<blockquote>«Бүгінгі Нысанбаев Ерлан Бақытжанұлын еске алуға арналған бокстан жасөспірімдер арасындағы республикалық турнир биылғы жылы 8-ші рет ұйымдастырылып отыр. Бір қуантарлығы спорттық шараға еліміздің түкпір-түкпірінен және Өзбекстан, Қырғызстан, Тәжікстан елінен командалар қатысып, &nbsp;өз кезегінде жарыстың ауқымының кеңейіп келе жатқандығын көрсетті. Толағай ұлдар туатын топырағы құтты мекенге Сіздердің құрмет тұтып келулеріңізді – елге құрмет деп білеміз. Сондықтан да бүгінгі байрақты бәсекеде шашасына шаң жұқтырмай озып шыққан өрендеріміз ертеңгі күні елдің абыройын қорғап, көк туымызды әлем алдында асқақтата желбіретеді деген сенімдеміз», - деп жарысқа қатысушы барша спортшыларға сәттілік тіледі аудан әкімі.</blockquote>Сонымен қатар ұйымдастырылған спорттық шараға &nbsp;аудандық мәслихат хатшысы Әділ Үсенұлы және &nbsp;бірқатар құрметті қонақтар мен ардагерлер шақырылды.Жасөспірімдер арасындағы республикалық турнирге &nbsp;100-ден аса былғары қолғап шеберлері &nbsp;қатысып, 14 салмақ дәрежесі бойынша сынға түсуде. &nbsp;&nbsp;Турнир бойынша ақтық ойындар &nbsp;11-12 қараша &nbsp;күндеріне жоспарланып отыр.<img src="https://knadmin.beoblood.kz/uploads/boks_d1b2ce5ff3.jpg" alt="бокс.jpg">

Қармақшыда бокстан республикалық турнир басталды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Достық үйінде өткен салтанатты жиында Сырдың бас командасы «Қайсар» футбол клубының биылғы маусымдағы күміс жүлдесі мен жоғарғы лигаға жеңіп алған жолдамасымен құттықтап, ыстық ілтипатын білдірді.Іс-шарада аяқдопшылардың алаңдағы ерекше сәттеріне арналған бейнешолу ұсынылып, жанкүйерлерге керемет көңіл-күй мен жарқын жеңістер сыйлаған «Қайсар» командасының ойыншыларына қошемет көрсетілді.Клуб құрамын айтулы жетістіктерімен құттықтай келген аймақ басшысы Нұрлыбек Нәлібаев кәсіби футболшыларға қарап, бой түзеген жастардың саны артқанын алға тартып, келер жылы уәде еткен қалада жаңа стадионның құрылысы басталатынын жеткізді.<blockquote>«Биыл облыстың бас командасы – «Қайсар» футбол клубы маусым басында алға қойған міндеттерін орындап, Премьер-лигаға жолдама алды. Осы мақсатта аянбай тер төккен футболшылар мен бапкерлерге алғысымды айтамын.Әрине, жоғары жетістік оңай келмейтіні анық. Мұндай мерейлі мүдде жолында Сыр мақтанышы, доп додасының дарабозы Мақсат Байжановтың мол тәжірибесі мен жаттықтырушылардың біліктілігін бағалауымыз тиіс.Мен өткенде «Қайсар-Жетісу» кездесуінен кейін жанкүйерлерге «Қайсар» командасының заманауи стадионын салуға уәде берген болатынмын.Ресейдің Краснодар қаласында былтырғы жылы 12 миллион долларға аз уақыттың ішінде 10 мың орындық жабық стадион салынған екен. Келесі жылы, біз де демеушілер көмегімен сондай еңселі жаңа стадион салуға ниеттіміз.Қазіргі таңда жаңа стадион құрылысына демеуші ретінде «Саутс Ойл» компаниясы ынтасын білдіріп, жобалау жұмыстары атқарылуда. Алдағы жылы жаңа стадион құрылысын бастаймыз, – деді облыс әкімі Н.Нәлібаев.</blockquote>Аймақ басшысы биылғы маусымда «Қасқырлар» сапында ерекше көзге түскен, команданың сұрмергені Мамаду Диалланың да ойын өрнегіне ризашылығын білдіріп, жетістіктеріне арнайы тоқталды.Іс-шарада клубтың жеңісіне тілектес болып, тарихи сәттеріне куә болған фанаттарына арнайы «Құрметті жанкүйер» бейджі табысталып, «Қайсар» футбол клубының ұжымы марапатталды.Айта кетейік, аймақ басшысы бұған дейін «Қайсардың» өз алаңындағы соңғы ойынына арнайы барып, Сыр мақтанышы, доп додасының дарабозы Мақсат Байжановтың мансабын аяқтау рәсімінде спортшыға арнайы алғысын білдіре, су жаңа көлік кілтін табыстаған болатын.<figure class="image"><img src="https://knadmin.beoblood.kz/uploads/314964705_425715693083014_1632032476007169713_n_f89db3a9b9.jpg" alt="314964705_425715693083014_1632032476007169713_n.jpg"></figure><figure class="image"><img src="https://knadmin.beoblood.kz/uploads/314737830_425715376416379_5130155177780921857_n_902ddeb9b1.jpg" alt="314737830_425715376416379_5130155177780921857_n.jpg"></figure><figure class="image"><img src="https://knadmin.beoblood.kz/uploads/314737680_425715369749713_2345235036083204788_n_dbbd485fd4.jpg" alt="314737680_425715369749713_2345235036083204788_n.jpg"></figure><figure class="image"><img src="https://knadmin.beoblood.kz/uploads/314630470_425715443083039_6042369622605790397_n_9f53a1b9d1.jpg" alt="314630470_425715443083039_6042369622605790397_n.jpg"></figure><figure class="image"><img src="https://knadmin.beoblood.kz/uploads/312631834_425715463083037_1829340515726075617_n_85147146db.jpg" alt="312631834_425715463083037_1829340515726075617_n.jpg"></figure>

Қызылордада жаңа стадион салынады 

<a href="https://kyzylorda-news.kz/">Kyzylorda-news.kz.</a> Ұлағатты ұстаз, білікті басшы бола білген Асқар Әділбековты еске алуға арналған турнир өз мәресіне жетті. Турнир қорытындысында команда мүшелері жүлделі орындарға ие болып, қаржылай сыйлықтармен марапатталды.Жарыс алаңында мықтылармен қарсыласып, шеберліктерін көрсете білген Әли Мүсілімов атындағы №101 мектеп-лицей командасы І орынды жеңіп алды. ІІ орын Тәкей Есетов атындағы №264 мектеп-лицей командасына бұйырса, ІІІ орынды №268 мектеп командасы иеленді.«Әрине, қуанышымызда шек жоқ. Бұл жеңіс – команданың еңбегі. &nbsp;Ұйымдастырушыларға алғыс айтамын. &nbsp;Тек ой, білім жарыс қана емес, осындай турнирлер де жиі өтіп тұрғаны дұрыс деп ойлаймын. Дененің саулығы бәрінен маңызды ғой. Спорттық шаралардың жоғары деңгейде және жиі ұйымдастырылуының арқасында қарапайым халықты да бұқаралық спортқа тартуға болады. Тіпті мұны халықты спортқа баулудың тиімді жолы десе де болады. Қазір салаға қолдау басым, нәтиже де жоқ емес. Бүгінде түрлі спорттық шараларда ел мерейі үстем болса, оның түбінде осындай игі шаралардың бастамаға болғанын түсінуіміз қажет», – дейді жеңімпаз.Айта кетейік, тартысқа толы турнирде керемет ойын өрнегімен көзге түскен ойыншыларға номинациялар табысталып, бағалы сыйлықтар берілді.&nbsp;<img src="https://knadmin.beoblood.kz/uploads/27_c72d2de9b7.jpg" alt="27.jpg"><img src="https://knadmin.beoblood.kz/uploads/26_d2ee481bad.jpg" alt="26.jpg"><img src="https://knadmin.beoblood.kz/uploads/24_769af5c7f3.jpg" alt="24.jpg"><img src="https://knadmin.beoblood.kz/uploads/25_65a374906b.jpg" alt="25.jpg">

Асқар Қалиұлын еске алуға арналған мектеп мұғалімдері арасындағы турнир өтті

<a href="https://kyzylorda-news.kz/">Kyzylorda-news.kz.</a> NIS оқушылары арасында өткізілген волейболдан желілік спартакиаданың аймақтық кезеңі өз мәресіне жетті.Спартакиаданың жабылу салтанатында Назарбаев Зияткерлік мектептерін дамыту департаменті директорының орынбасары Аида Ағаділ қызықты ойын өрнегін көрсеткен ойыншыларға барлық жанкүйерлер атынан &nbsp;алғысын білдірді.<blockquote>«Спартакиада барлығымыз үшін тәжірибе алаңы болды деп ойлаймын. NIS атты жанұяның 100-ге жуық оқушысы бір-бірімен дос болып, әртүрлі дағдыларды меңгере алды. Бұл үш күнде мектептер арасында ынтымақтастық орнатуға жол салынды. Ақтық кезеңге жолдама алған оқушыларға алдағы додада сәттілік тілеймін», - дейді Аида Ағаділ. &nbsp;</blockquote>Оңтүстік өңірлердің басын қосқан үш &nbsp;күндік тартысты додада қыздар арасында сырбойылық команда жеңіске жетсе, тараздық ер балалар бірінші орынды иеленді. &nbsp;Алматыдағы Зияткерлік мектеп қыздары &nbsp;мен &nbsp;қызылордалық ұлдар командасы күмістен медаль тағып, жүлдегерлер қатарынан көрінді. Ал жеңімпаздар тұғырының үшінші сатысына Тараздағы NIS сұлулары мен Алматыдағы Зияткерлік мектептің ұлдар тобы орналасты.Спорттық сайыста ерекше көзге түскен Арнұр Бақытжан (Түркістан) мен Мадина Рүстемова (Шымкент ХББ ) «Үздік ойыншы», Ерасыл Сәдуақас (Шымкент ХББ) мен Амина Исабек (Шымкент ФМБ) «Үздік қорғаушы», Семен Матвеев (Алматы ХББ) пен Алема Абдухамит (Тараз) «Үздік шабуылшы», Қанат Абдуашим (Шымкент ФМБ ) мен Аделя Жайлаубаева (Алматы ХББ) «Үздік үйлестіруші» номинацияларымен марапатталды.<figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_09_a9526cb06b.jpeg" alt="WhatsApp Image 2022-11-03 at 20.07.09.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_07_1ed9364bd6.jpeg" alt="WhatsApp Image 2022-11-03 at 20.07.07.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_11_03_at_20_07_08_21d9246094.jpeg" alt="WhatsApp Image 2022-11-03 at 20.07.08.jpeg"></figure>

Волейболдан желілік спартакиада: жеңіс тұғырында – Қызылорда мен Тараз

<a href="https://kyzylorda-news.kz/">Kyzylorda-news.kz.</a> Бүгін Сырдария ауданының әкімі Мұрат Ергешбаев ауданның спорт саласының дамуына елеулі үлес қосып жүрген, гір көтеруден халықаралық дәрежедегі чемпион Оразбек Медетбаевты қабылдады.<blockquote>«Сізді аудан абыройын асқақтатқан халықаралық жарыстағы жеңісіңізбен өзімнің және аудан халқының атынан шын жүректен құттықтаймын. Әрдайым аудан атын биіктерден көрсетіп, жас спортшылардан да чемпиондар тәрбиелейтініңізге сенімдімін», – деп ыстық ықыласын жеткізді.&nbsp;</blockquote>Сонымен қатар, аудан басшысы жеңімпазға сый-сияпат жасап, алғыс хат табыс етті.Оразбек Медетбаев 1971 жылы қазіргі Сырдария ауданы Ақжарма ауылында дүниеге келген. 2014 жылдан бастап Қызылорда облысының аға жаттықтырушысы, «Алтын гір» иегері, 2 дүркін Украина чемпионы, 2 дүркін қола жүлдегері. Москва қаласында өткен КССРО қарулы күштерінің чемпионы атанған.2009-2012 жылдар аралығында гір көтеру спорт шеберлері халықаралық федерациясының өткізген Әлем және Европа біріншіліктеріне қатысып, 11 дүркін Әлем, 5 дүркін Европа чемпионы атағын жеңіп алды.&nbsp;Еуразияның абсолютті чемпионы, Гиннес рекордшысы Оразбек Медетбаев Индия мемлекетінің Нью Дели қаласында өткен әлем біріншілігінде 32 мемлекеттің 400-ге жуық спортшылары арасынан гір көтеруден жүлделі 3 орын алып, ел абыройын асқақтатып отыр. &nbsp;<img src="https://knadmin.beoblood.kz/uploads/313252055_1238917076671182_1721882682260395255_n_7ee2e3b234.jpg" alt="313252055_1238917076671182_1721882682260395255_n.jpg">

Гір көтеруден халықаралық дәрежедегі чемпион

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Ұлттық қауіпсіздік комитетінің 30 жылдығы мен Республика күні мерекесіне орай «Сейхун» спорттық-сауықтыру кешенінде Қызылорда облысының арнаулы, құқық қорғау органдары, күштік және әскери құрылымдар ардагерлері мен 45 жастан асқан қызметкерлері арасында шағын футболдан жарыс өткізілді. &nbsp;Жарыстың мақсаты ұлттық мерекені кеңінен атап өту, салауатты өмір салтын насихаттау, ардагерлер мен қызметкерлер арасында ынтымақтастықты нығайту.&nbsp;Аталған спорттық бәсекеге 6 командадан 60 ойыншы қатысты. - Қазақстан Республикасы Ұлттық қауіпсіздік комитетінің Қызылорда облысы және Байқоңыр қаласы бойынша департаменті; - Қазақстан Республикасы Ұлттық қауіпсіздік комитеті Шекара қызметінің Қызылорда облысы бойынша департаменті; - &nbsp;Қызылорда облысының Полиция департаментінен - 2 команда; - Қызылорда облысы бойынша Экономикалық тергеу департаменті; - Қызылорда облысының Төтенше жағдайлар департаменті.Дүбірлі сайысты ҰҚК Қызылорда облысы және Байқоңыр қаласы бойынша департаментінің бастығы полковник Б.А.Қалмырзаев ашып, жуырда өткен ұлттық мереке - Республика күнімен құттықтады. Сонымен қатар, Қазақстанның тұрақтылығын қамтамасыз етуде Ұлттық қауіпсіздік комитеті мен күштік құрылымдарының орнын, олардың үлесін ерекше атап өтіп, жарысқа қатысушыларға ақ жол тіледі.Турнир барысында топтық ойындардан соң бірінші жартылай финалда аумақтық орган командасы облыстық Экономикалық тергеу департаментін жеңіп, финалда ҰҚК Шекара қызметінің облыстық департаментін айқын басымдылықпен ұтып, ҰҚК Қызылорда облысы және Байқоңыр қаласы бойынша департаменті турнир жеңімпазы атанды. Ал үшінші орынға облыстық Полиция департаменті жайғасты. Жарыс нәтижесі бойынша Департамент бастығы және ҰҚК ардагерлері женімпаздарды грамоталар, медальдар, кубоктар және бағалы сыйлықтармен марапаттады. Сонымен қатар, үздік ойыншы, шабуылшы, қақпашы және Ардагер ойыншы номинациялары табысталды.Сайыс аяқталғаннан соң қатысушы командалар капитандары мен ардагерлер ұйымдары төрағаларының қатысуымен баспасөз конференциясы өтті. Онда турнирді ұйымдастырушы тарапқа алғыстар айтылып, өзара ынтымақтастықты нығайтуға бағытталған осындай шаралар бұдан әрі көптеп өткізілетіндігі аталып өтілді.<img src="https://knadmin.beoblood.kz/uploads/1eee5c45_269d_4557_a66d_b6a143b3565b_54b3d74805.jpg" alt="1eee5c45-269d-4557-a66d-b6a143b3565b.jpg"><img src="https://knadmin.beoblood.kz/uploads/858f4a4e_ae1b_443e_98d1_99c3c5ae5b7b_3cdfdcef80.jpg" alt="858f4a4e-ae1b-443e-98d1-99c3c5ae5b7b.jpg"><img src="https://knadmin.beoblood.kz/uploads/5770e8f9_56ec_44ea_9968_2472e5af785f_5a2eeca49d.jpg" alt="5770e8f9-56ec-44ea-9968-2472e5af785f.jpg"><figure class="image"><img src="https://knadmin.beoblood.kz/uploads/bbca4dd5_94f7_42a4_b31c_f2f901e371a9_672f8d6b0e.jpg" alt="bbca4dd5-94f7-42a4-b31c-f2f901e371a9.jpg"></figure>

Құқық қорғау органдарының қызметкерлері мен ардагерлері арасында шағын футболдан жарыс өтті  

<a href="https://kyzylorda-news.kz/">Kyzylorda-news.kz.</a> Бүгін Шиелі ауданы, Шиелі кенті, Мұхамеджан Қаратаев көшесінде «Промстройсервис.Е» жауапкершілігі шектеулі серіктестігінің демеушілігімен салынған спорттық балалар ойын алаңы мен шағын футбол алаңының тұсауы кесілді.Тұсаукесер рәсіміне Шиелі ауданы әкімінің орынбасары Айтбай Жандарбеков, Шиелі аудандық ардагерлер кеңесі төрағасының орынбасары Әбіләкім Маханбетов, аудандық алқа билер төрағасы Тұрмат Баймағанбетов, «Промстройсервис.Е» серіктестігінің басшысы Манарбек Еспенбетов арнайы қатысты.&nbsp;Халық игілігі үшін берілген жаңа нысанға қатысушылар жүрекжарды лебіздерін білдіріп, демеуші серіктестікке өз алғыстарын жеткізді.&nbsp;<blockquote>«Биыл «Балалар жылы» аясында демеушілер есебінен ауданда 6 спорттық балалар ойын алаңдары салынуда. Осыған дейін демеушілер есебінен салынған 3 ойын алаңының тұсауы кесілді. Бірер күнде қалған балалар ойын алаңдары да пайдалануға беріледі», - деді аудан әкімінің орынбасары Айтбай Жандарбеков.</blockquote>Айта кетейік, Қаратаев көшесіндегі аумағы 500 шаршы метрді алып жатқан ойын алаңы «Промстройсервис.Е» серіктестігінің демеушлігімен салынған. Мұнда спорттық балалар ойын алаңы мен шағын футбол алаңы бар.<figure class="image"><img src="https://knadmin.beoblood.kz/uploads/313402533_1431764584020663_8733332556449431518_n_88a699f4cd.jpg" alt="313402533_1431764584020663_8733332556449431518_n.jpg"></figure><figure class="image"><img src="https://knadmin.beoblood.kz/uploads/sport_ba75373e9a.jpg" alt="спорт.jpg"></figure>

Шиелі кентінде тағы бір спорттық алаң ашылды 

<a href="https://kyzylorda-news.kz/">Kyzylorda-news.kz.</a> Италия мемлекетінің Лидо ди Езола қаласында дүниежүзінің 63 мемлекетінен 735 спортшы қатысқан жастар мен жасөспірімдер арасында кикбоксингтен әлем чемпионаты өтті.Байрақты жарысқа қазақстандық спортшылар да қатысып, жүлделі орындардан көрінді. Байқоңыр қаласының балалар мен жасөспірімдер спорт мектебінің шәкірті Нұрасыл Тілектесов 51 келі салмақта әлем чемпионы атанды.Нұрасылдың айтуынша, 6 жасынан бері спорттың осы түрімен айналысып келеді екен.<blockquote>«Менің спортқа деген қызығушылығымды арттырған алғашқы жаттықтырушым Нұрбек Маратұлы мен қазіргі жаттықтырушым Берік Қараманұлының қажырлы еңбегі деп түсінемін. Осындай талантты ұстаздарымның арқасында үлкен жетістікке қол жеткізіп отырмын. Алдағы уақытта ел намысын қорғауда осы жетістігімді қайталаймын деп уәде беремін. Ол үшін талмай еңбектеніп, жаттығуды тоқтатпау керек. Туымыз қашан да биікте желбіресін», – дейді әлем чемпионы Нұрасыл Тілектесов.</blockquote>Қазақ елінің мақтанышына айналып, облысымыздың намысын қорғап жүрген Нұрасыл Тілектесов үшін кикбоксинг өмірінің бір бөлшегіне айналды. Бұл спорт түрінің қыр-сырын игерген жас спортшыны жеңісімен құттықтап, алдағы күндерде өтетін жарыстарда сәттілік тілейміз.&nbsp; <img src="https://knadmin.beoblood.kz/uploads/18_03f8bcfeef.jpg" alt="18.jpg">

Байқоңырлық спортшы кикбоксингтен әлем чемпионы атанды

<a href="https://kyzylorda-news.kz/">Kyzylorda-news.kz.</a> Батыр бабаларымызды дәріптеу даналығын рушылдық емес, ұйымшылдық деп білетін Жалағаш ауданының тұрғындары мәдениет және өнерді дамыту орталығында ұлт-азаттық көтерілісінің қолбасшысы Сәрке батыр Өмірқұлұлын еске алуға арналған таеквондодан облыстық ашық турнирін өткізді.&nbsp;Ашылу салтанатына аудан әкімінің орынбасары Жасұлан Еспенбет, аудандық ардагерлер кеңесінің төрағасы Садық Әлиев қатысып, турнирге қатысушыларға сәттілік тіледі.<blockquote>«Спорт – күштілер мен ептілердің, батылдар мен шеберлердің сайысы. Бүгін өткелі отырған Сәрке батыр Өмірқұлұлын еске алуға арналған таеквондодан балалар мен жасөспірімдер арасындағы облыстық ашық турнирге облыс аудандарынан спортшылар келіп қатысуда. Әрине, сайыс болғасын біреу озады, біреу қалады, атам қазақ айтатынындай «бақ шаба ма, бап шаба ма» оны сайыс барысы көрсетеді. Мен аудан тұрғындары атынан, спорт жанкүйерлері атынан барлық спортшы қырандарымызға жеңіс тұғырынан көрініңіздер деймін», – деді аудан әкімінің орынбасары Жасұлан Еспенбет.</blockquote>Турнирде облыс бойынша 400-ге жуық спортшылар 70 салмақ бойынша күш сынасты. Батыр ұлпақтары мұндай тағылымы мол игі іс-шараның келешекте жалғасын табуына, жарыс деңгейін көтеруге ниетті екенін жеткізді. &nbsp;<img src="https://knadmin.beoblood.kz/uploads/312820283_1571741923277880_7940280665967511222_n_fbdb4c283b.jpg" alt="312820283_1571741923277880_7940280665967511222_n.jpg"><img src="https://knadmin.beoblood.kz/uploads/312120873_1571741846611221_3001975737770815142_n_d83b7225c8.jpg" alt="312120873_1571741846611221_3001975737770815142_n.jpg"><img src="https://knadmin.beoblood.kz/uploads/312611071_1571741706611235_8989102328713797637_n_51a6a2d7ec.jpg" alt="312611071_1571741706611235_8989102328713797637_n.jpg"><img src="https://knadmin.beoblood.kz/uploads/312784451_1571741179944621_7392642237390224144_n_d6d1f3dc24.jpg" alt="312784451_1571741179944621_7392642237390224144_n.jpg"><img src="https://knadmin.beoblood.kz/uploads/312611877_1571741143277958_730523897185516487_n_4211fd3644.jpg" alt="312611877_1571741143277958_730523897185516487_n.jpg"><img src="https://knadmin.beoblood.kz/uploads/312468701_1571741639944575_3074865759519788376_n_5d4cd072e2.jpg" alt="312468701_1571741639944575_3074865759519788376_n.jpg">

Жалағаш ауданында таеквондодан облыстық ашық турнир өтті

<a href="https://kyzylorda-news.kz/">Kyzylorda-news.kz.</a> Бүгін Сыр халқы шахматтан әлем чемпионатының күміс жүлдегері Әсел Серікбайды әуежайдан күтіп алды.Әсел Серікбай жуырда Италия елі, Сардиния қаласында өткен Әлем чемпионатынан күміс медаль иеленіп, барша Сыр жұртшылығын қуантқан болатын. Сонымен бірге ол облыс тарихында алғашқы болып гроссмейстер атағын қорғады. Бұл облысымыз үшін үлкен жетістік.Күтіп алу шарасына облыс әкімінің орынбасары Нұрымбет Сақтағанов, облыстық мәдениет және спорт басқармасының басшысы Руслан Рүстемов, &nbsp;Әселдің бапкері Василий Шимелков пен облыс аға жаттықтырушысы Риза Қошқарова, спорт ұйым басшылары, спортшылар, Қорқыт Ата атындағы университеттің әскери кафедрасы, жастар орталығы өкілдері, БАҚ өкілдері және Әселдің туған-туыстары мен әріптестері қатысты.&nbsp;Салтанатты шарада облыс әкімінің орынбасары Нұрымбет Аманұлы құттықтау сөз сөйлеп, өңірдегі шахмат спортының дамуы жайында сөз қозғады.&nbsp;<blockquote>«Әселдің жеңісі, барша қазақ елінің жеңісі, 17 дүркін Қазақстан, 3 дүркін әлем , 7 дүркін Азия чемпионы атанған алтын қызымыз Сыр елінің қоржынына бүгін тағы да бір марапат – күміс медаль қосып отыр, оның үстіне Әсел Қазақстан бойынша 9-шы, ал Қызылорда облысы бойынша ең алғашқы болып «гроссмейстер» атағын иемденді. Біз әлем біріншілігінде ел абыройын асқақтатқан нәзік те қайсар қызымызды мақтан тұтамыз» деді ол өз сөзінде.&nbsp;</blockquote>Сондай-ақ, Нұрымбет Сақтағанов қараша айында өтетін Азия Чемпионатына қатысушы спортшы Назерке Нұрғалиға сәттілік тіледі.«Алтын уақыттарыңызды бөліп, қуанышыма ортақтасқандарыңыз үшін басымды ие отырып, баршаңызды Республика күнімен құттықтаймын! Еліміз үшін маңызы зор осынау мереке қарсаңында сіздерге жеңіс сыйлағаным үшін өте қуаныштымын» деп алғысын білдірді Әсел Серікбай.<img src="https://knadmin.beoblood.kz/uploads/311467320_201818642285362_259926347853927012_n_88c9ebe3b6.jpg" alt="311467320_201818642285362_259926347853927012_n.jpg"><img src="https://knadmin.beoblood.kz/uploads/311466981_201818698952023_4117175712759333688_n_7feb71aa39.jpg" alt="311466981_201818698952023_4117175712759333688_n.jpg"><img src="https://knadmin.beoblood.kz/uploads/311461202_201818708952022_5242763701884873753_n_a982dc00c1.jpg" alt="311461202_201818708952022_5242763701884873753_n.jpg"><img src="https://knadmin.beoblood.kz/uploads/311463422_201818682285358_1618523805854380721_n_8ad08db277.jpg" alt="311463422_201818682285358_1618523805854380721_n.jpg">

 Қызылордалықтар әлем чемпионатының күміс жүлдегері Әсел Серікбайды әуежайдан күтіп алды

<a href="https://kyzylorda-news.kz/">Kyzylorda-news.kz.</a> 25 қазан - Республика күнінде Сырдария ауданында көкпар сайысы ұйымдастырылды.Халқымыздың ұлттық ойындарының ішіндегі ең ерекшесі – көкпар сайысы. Елден бата алу үшін көкпар беру – атадан балаға жалғасып келе жатқан қазақтың дәстүрі.Ата дәстүрді жалғастыру мақсатында Сырдария ауданы әкімдігінің ұйымдастыруымен жергілікті көкпаршы, жылқы малының жанашыры Кенжебек Ордабаев Тереңөзек кентіндегі атшабарында жаппай көкпарға қолдау жасап, елдің ризашылығы мен ақ батасын алды.&nbsp;25 қазан - Ұлттық Республика күні аясында ұйымдастырылған шарада аудан әкімінің орынбасары Димаш Байдушев сөз сөйлеп, шабандоздарға сәттілік тіледі. Дала төсін дүбірлеткен жаппай көкпарға ауданға көршілес Жалағаш, Шиелі, Арал, Жаңақорған аудандары және Түркістан облысының жігіттері де қатысып, доданың думанын қыздырды.&nbsp;Сайыстың жалпы жүлде қоры 4 млн. теңгені құраса, «Өгіз өлдіні» салған палуанға тай бастаған тоғыз сыйға берілді.Жұртшылықты дәстүрлі ойын мен ұлттық спортқа қызықтыру, бұқаралық спортты жандандыру, жастарды отансүйгіштікке тәрбиелеу мақсатында ұлттық спорттың додасы Тереңөзек кентінде ұйымдастырылып отыр.<figure class="image"><img src="https://knadmin.beoblood.kz/uploads/kokpar1_2849694b3d.jpg" alt="кокпар1.jpg"></figure>

Қазақстан және Қызылорда облысының жаңалықтары: Спорт