<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Сенатының депутаты Мұрат Бақтиярұлының қатысуымен «Қазпошта» АҚ ұжымымен кездесу өтіп, референдум туралы ашық түсіндіру жұмыстары жүргізілді.
Сенат депутаты өз ойымен бөлісіп, Референдумның мән-маңызына тоқталды. Сонымен қатар, ұлтымыз тағдыршешті сәтте тұрған шақта ел Президентінің жанына топтасып, жаңа Қазақстан – екінші Республика құру идеясын қолдауға және референдумға белсенді қатысуға шақырды.
<blockquote>
 «Еліміздің болашағына араласу, келешекке деген жол таңдауға халықтың қатысуы және халықтың орны ерекше болады деп ойлаймын. Өйткені, Ата заңға өзгерту енгізу деген өте үлкен жағдай. Ол әрбір мемлекетте бола қоймайды. Халықтың араласуымен болған іс өте оңды іс болады деп ойлаймын. 
 Референдум әр қазақстандыққа жеке таңдауын жасауға мүмкіндік береді. Мемлекеттің басты құқықтық құжатын тұрғындардың өздері қабылдайды. Маңыздылығы сонда жатыр. Дауыс беру арқылы халық өз болашағын өзі шешеді»,-деді сенатор.
</blockquote>
Кездесуде Мемлекет басшысының бастамасы елде тың саяси реформаларды жүзеге асырудың, билік институттары арасындағы конституциялық құрылымды жетілдірудің тиімді тәсілі екенін айтылды. Сондай-ақ, азаматтардың сұрақтарына жауап беріліп, ұсыныстары тыңдалды.
Жиынға партияның облыстық филиалы жанындағы штаб мүшелері Мақсұт Нәлібаев, Ержан Уәйс және қалалық штаб төрағасы Шәріп Әюдірахмановта қатысып, референдум жайлы пікірлерімен бөлісті. Азаматтарды 5 мауысым күні өзгерістер үшін дауыс беруге қатысуға шақырды.
<img src="https://kyzylorda-news.kz/wp-content/uploads/2022/05/283698564_382716293894013_6212707551755078239_n.jpg" alt="" />

Еңбек ұжымы елдегі өзгеріске қолдау білдірді

<a href="https://kyzylorda-news.kz/">Kyzylorda-news.kz.</a> “AMANAT” партиясы жанындағы Мемлекеттік басқаруды дамыту және сыбайлас жемқорлыққа қарсы іс-қимыл жөніндегі республикалық қоғамдық Кеңестің отырысын өтті.
Жиында Конституцияға өзгерістер жөнінде бүкілхалықтық референдум мәселесі қаралды. 
Талқылау және пікір алмасу форматында өткен жиынға облыстық қоғамдық кеңес төрағасы Мақсұт Нәлібаев және Кеңес мүшелері қатысты.
<blockquote>
 Басқосуда республикалық Кеңес төрағасының бірінші орынбасары Қайырбек Сүлейменов “Конституцияға өзгерістер коррупциямен жүйелі күресті күшейтіп, Қазақстан халқының құқықтарын терең қорғауға жол ашады” деп атап өтті.
 Кеңес мүшесі Меруерт Қазбекова “Референдум Қазақстанның саяси жүйесін бейбіт өзгертудің құралы. Референдум демократия процессін жеделдете отырып, саяси жүйені орнықты жасауға бағытталған”, -дейді.
</blockquote>
Саясаттанушы Бауыржан Серікбаев референдумдардың жалпы тарихына тоқтала келе, “референдум еліміздегі жаңа саяси мәдениет қалыптастырудың фундаменті” деп атап өтті.
Жиын барысында Конституцияға өзгерістердің мәні мен мазмұны, логикасы жөнінде сұрақтар қойылып, ұсыныстар айтылды.
<img src="https://kyzylorda-news.kz/wp-content/uploads/2022/05/283930118_382684960563813_297264482889593807_n.jpg" alt="" />
<img src="https://kyzylorda-news.kz/wp-content/uploads/2022/05/283637447_382685220563787_6272533999142131903_n.jpg" alt="" />

Референдум кеңес отырысында талқыланды

<a href="https://kyzylorda-news.kz/">Kyzylorda-news.kz.</a>&nbsp; Қазақстан дамудың келесі кезеңіне – әділетті Қазақстанды құруға аяқ басты. Сол жолда бүкіл халықтың қатысуымен ел тағдырын анықтайтын референдум өткізу жоспарлануда.
Президент Қ.Тоқаев суперпрезиденттік республикадан қуатты Парламенті бар президенттік республикаға көшу және азаматтардың игілігі үшін Конституцияның 30-дан астам бабына өзгеріс енгізу және 20-дан астам заңды қабылдау қажеттілігі жөнінде айтты. Парламент палаталарының рөлін күшейту, Мәжілісті қалыптастырудың аралас моделін енгізу, Парламенттің бақылау функцияларын кеңейту арқылы азаматтардың мүддесін қорғау механизмінің күшейетіндігі де айтылды. Сонымен қатар, сот шешіміне көңілі толмаған азаматтар Конституциялық сотқа тікелей арыздана алатындығы және саяси партиялар арасында бәсекелестікті қалыптастырып, азаматтардың ел дамуына атсалысуына үлкен мүмкіндік жасайтынын да айтуға болады. Бұл елдің дамуы үшін жасалған игі қадамдардың бірі деп білемін.
Жердің және табиғи ресурстардың иесі халық деген норманы Конституцияда біржола бекітудің де саяси мәні зор. Уақыт озған сайын заман талабы өзгеріп келеді. Елдің құқықтық жүйесінің басым көпшілігінің өзгерісі және азаматтардың ол туралы біліп, оқып, оған қатысуы өте маңызды. Сондықтан бұл ретте азаматтардың белсенділік танытқаны жөн. Баршаңызды 5 маусымда референдумға қатысуға және дауыс беруге шақырамын.
Гүлжауһар Раева,
«Қазақ тілі» қоғамы ҚБ Қармақшы аудандық филиалының төрайымы
<img src="https://kyzylorda-news.kz/wp-content/uploads/2022/05/283901334_343221217917265_2593577037872647839_n.jpg" alt="" />

Гүлжауһар Раева: Жаңа бағытқа бастар жол

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде «Конституциялық реформа және жаңа Қазақстан» атты республикалық ғылыми-тәжірибелік конференциясы өтті. Жиында ҚР Сенатының депутаты Мұрат Бақтиярұлы Қазақстан Республикасының Конституциясына енгізілетін түзетулердің мәнін түсіндірді.
Шараға Қазақстан Республикасы Парламенті Сенатының депутаты, саяси ғылымдар докторы Мұрат Мұхамедов, облыстық мәслихат хатшысы Наурызбай Байқадамов, Қорқыт ата атындағы Қызылорда университетінің Басқарма Төрағасы-ректоры Бейбіткүл Кәрімова және профессор-оқытушылар қатысты.
Конференция барысында философия ғылымдарының докторы, Қорқыт ата атындағы «Философия және әлеуметтік-гуманитарлық» пәндер кафедрасының профессоры Баймырза Қожамберлиев , саяси ғылымдарының кандидаты, облыстық «Рухани жаңғыру орталығы» коммуналдық мемлекеттік мекемесі директорының орынбасары Саулет Сахиев, заң ғылымдарының кандидаты, «Құқықтану» кафедрасының меңгерушісі Ерлан Алтаев, PhD, «Тарих» кафедрасының аға оқытушысы Дәулет Омаров, экономика ғылымдарының кандидаты, «Экономика және басқару» кафедрасының аға оқытушысы Абай Шайнуров, PhD, «Құқықтану» кафедрасының аға оқытушысы Айнұр Исаева, заң ғылымдарының кандидаты, «Құқықтану» кафедрасының доценті Жанна Исаева, экономика ғылымдарының магистрі, «Қаржы, есеп және аудит» кафедрасының аға оқытушысы Мұрат Смайлов баяндама жасады.
Айта кетейік, 5 маусым күні елімізде республикалық референдум өтеді. Осыған орай сенаторлар өңірлерді аралап, алдағы референдумның маңыздылығы және Ата заңға ензілетін өзгерістердің мән-жайы туралы халыққа түсіндірме жұмыстарын жүргізуде.
<img src="https://kyzylorda-news.kz/wp-content/uploads/2022/05/283605984_2568581093279301_3924025540570714652_n.jpg" alt="" />
<img src="https://kyzylorda-news.kz/wp-content/uploads/2022/05/283670918_2568581079945969_9005948589433928246_n.jpg" alt="" />

Қызылордада республикалық ғылыми-тәжірибелік конференциясы өтті

<a href="https://kyzylorda-news.kz/">Kyzylorda-news.kz.</a>&nbsp; ҚР Конституциясына өзгерістер мен толықтырулар енгізу туралы республикалық референдум өтетін уақыт та жақын. Еліміздің саяси өміріндегі өзгерістерге, сол сияқты алдағы өтетін референдумға байланысты қоғамда түрлі пікірлер бар.
Ескі жүйені көксеп, қоғамдағы оң өзгерістерге барынша кедергі келтіруге тырысқан керітартпа пікірлер де көрініп қалады. Мемлекет, ұлт тағдырына, сол арқылы тұтас Қазақстан халқының болашағына алаңдаулы осы сәтте ақпараттық арандатушылыққа сеніп қалмау, жел сөзге еріп кетпеу маңызды.
Әлемдік тәжірибеде, соның ішінде демократиялық мемлекеттерде референдум – халық пікірі сұралатын демократия механизмдерінің бірі. Осы тұрғыдан қарағанда, референдумға қатысып, Конституцияға енгізілгелі отырған өзгерістерге байланысты оң таңдау жасау әрбір қазақстандықтың борышы, парызы. Өйткені әрбіріміздің таңдауымыз жарқын болашаққа апаратын жол деп түсінгеніміз абзал.
Отыз жыл ішінде Ата заңымызға бірнеше рет өзгерістер мен толықтырулар енгізілді. Бірақ осы уақытқа дейін ешқашан халық пікірі сұралып, ешкім бізбен санасқан емес. Ал алдағы референдум Сенің, Менің, Біздің пікіріміз ескерілетін сәт. Сондықтан бұндай ел тағдыры сынға түсетін сәтте мемлекет, ұлт мүддесі үшін қадам жасау әсіресе, жас ұрпақ үшін жарқын болашақтың кепілі.
Еліміздің саяси өміріндегі соңғы өзгерістер мен реформалар қазақстандықтардың саяси, әлеуметтік-экономикалық, мәдени-рухани өміріне оң өзгерістер алып келетініне сенім мол. Ең бастысы, мемлекетіміздің әлемдегі саяси салмағын арттыра түсуге де әсер ететіні анық!
Ғабит Тұяқбаев,
Қорқыт ата атындағы Қызылорда университетінің профессоры, филология ғылымдарының кандидаты, Қазақстан Журналистер одағының мүшесі

Ғабит Тұяқбаев: Біздің таңдауымыз жарқын болашаққа апаратын жол

<a href="https://kyzylorda-news.kz/">Kyzylorda-news.kz.</a>&nbsp; Өңірімізде референдумды қолдау бойынша іс-сапарда жүрген партия жанындағы республикалық штабтың және «AMANAT» партиясы фракциясының мүшесі Ғалым Әміреев жүйе құраушы сала өкілдерімен кездесу өткізді.
«КРЭК» АҚ мекемесінде өткен жиында штаб мүшесі Мемлекет басшысы ұсынған конституциялық реформа еліміздің әлеуметтік-экономикалық және саяси дамуының жаңа сатысына, жаңа кезеңіне аяқ басқалы тұрғанын ерекше атап өтіп жиылғандарды дауыс беруге шақырды.
<blockquote>
 «Мемлекет басшысы Жолдауында елімізде үлкен өзгерістер болатынын хабарлаған. Ең басты мәселе Президент өз өкілеттігін күшейтіп жатқан жоқ. Керісінше өз өкілеттігін бөлісіп, суперпрезиденттіктен кетіп жатыр. Мемлекет басшысы әкім тағайындау кезіндегі мәслихаттың рөлін күшейтті. Заңның үштен бірі өзгергелі тұр. Мұның өзі Қазақстанды үлкен өзгерістер күтіп тұрғанын білдіреді. Ширек ғасырдың ішінде референдум екінші рет өткелі тұр. Егер жаңа Қазақстанға қадам басамыз десек референдумды қолдап, белсенді болуымыз шарт» – деді депутат.
</blockquote>
<img src="https://kyzylorda-news.kz/wp-content/uploads/2022/05/283001257_379173517581624_5344865410016722127_n.jpg" alt="" />
Өз кезегінде сөз алған республикалық штабтың мүшесі Базара Танбаева «Қазақстан Республикасының Конституциясына өзгерістер енгізуге қатысты республикалық референдум өткізу бүкіл халықтың еркі мен пікірін білдіруіне мүмкіндік береді. Осы мақсатта мемлекеттік жүйені жетілдіріп, қоғам мен билік арасында тиімді диалог орнатып, жаңа заң жүйесін құрамыз»-деді.
Жиын қатысушылары Конституцияның ел дамуындағы рөлі мен конституциялық реформаның «Жаңа Қазақстанды» құрудағы маңыздылығын түсіне отырып, өздерінің белсенді азаматтық ұстанымдарын білдірді.

Ғалым Әміреев: Қазақстанды үлкен өзгерістер күтіп тұр

<a href="https://kyzylorda-news.kz/">Kyzylorda-news.kz.</a>&nbsp; Заңда оған қатысуға құқығы бар адамдар тобы белгіленген – бұл&nbsp;18&nbsp;жасқа толған ҚР азаматтары.
Референдум өтетін күні оған қатысатын әрбір адам «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?» деген жалғыз сауалға жеке өзі жауап беруге құқылы.
Тізімге тиісті сайлау учаскелерінің аумағында тұрғылықты жері бойынша тіркелген азаматтар енгізіледі.
Осы тізімдер а.ж. 15 мамырға дейін учаскелік референдум комиссияларына берілді, олар өз кезегінде оларды а.ж. 20 мамырдан кешіктірмей (дауыс беру күніне дейін 15 күн бұрын) азаматтарға танысу үшін ұсынады. Осы күннен бастап азаматтар олармен таныса алады.
Тізімдердегі өзі туралы деректердің дұрыстығына көз жеткізу маңызды және қателер, жаңсақтықтар анықталған немесе мәліметтер болмаған жағдайда, тиісті өзгерістер енгізу туралы референдумның учаскелік комиссияларына жүгіну керек.
Ол жерде азаматтар нақты болу орны бойынша басқа учаскеде дауыс беруге мүмкіндік беретін есептен шығару куәлігін ала алады.
Бұл туралы алдын ала қамдану керек, өйткені оларды беру а.ж. 4 маусым күні сағат 18:00-де тоқтатылады.

Бас прокуратура референдумды өткізу тәртібін жариялады

Kyzylorda-news.kz. Бүгін облыстық қоғамдық штаб мүшелері жастар орталығында белсенді жастар, студенттер, «Жасыл ел» еңбек жасағы өкілдерімен референдумды насихаттау бойынша кездесу өткізді. Онда еліміздің Конституциялық заңына енгізілетін өзгерістер мен толықтырулар және ел көлемінде өткізгелі отырған референдумның мән-мағынасы түсіндірілді.
Республикалық референдум өткізудің тәртібі мен міндеттері, конституциялық реформаның бағыттары, жаңа Қазақстанды құрудағы референдумның маңызы, мемлекеттік жастар саясаты саласында атқарылған жұмыстар, жастарды жұмыспен қамту мәселелері туралы айтылды.
Басқосуға қатысқан “Қауырсын” жас ақындар үйірмесінің жетекшісі, облыстық қоғамдық штаб мүшесі Мамыр Байдәулетов референдумның жарқын болашақ пен жаңа өмірге қадам жасайтын маңызды сәт екенін баса жеткізді.
Іс-шара барысында жастар тарапынан экологиялық мәдениетті көтерудің маңыздылығын жеткізіп, қатарластарын саяси науқанға белсенді қатысуға үндеді.
<img src="https://kyzylorda-news.kz/wp-content/uploads/2022/05/screenshot_20220518-192934_facebook.jpg" alt="" />

Референдум: Облыстық штаб мүшелері белсенді жастармен кездесті

<a href="https://kyzylorda-news.kz/">Kyzylorda-news.kz.</a>&nbsp; Облыстық партия филиалы жанындағы референдумды қолдауға арналған штаб мүшелері зиялы қауым өкілдерімен кездесті.
Жиын барысында «AMANAT» партиясы облыстық филиалының Атқарушы хатшысы, штаб төрағасы Ләйлә Төрешова Президенттің «Жаңа Қазақстан: Жаңару мен жаңғыру жолы» атты Жолдауындағы негізгі басымдықтары жөнінде әңгімелеп, референдум өткізу – демокартиялық дамудың жаңа көрінісі екендігін, референдум арқылы мемлекет пен қоғамның өзара іс-қимылының жаңа жүйесіне көшу жүзеге асырылатындығын атап өтті. Сондай-ақ, елге оң өзгеріс әкелуге септігін тигізетін, еліміздің Ата заңы – Конституцияға енгізіліп жатқан өзгерістер төңірегінде ой бөлісіп, пікірлерін тыңдады.
Кездесу барысында кезек-кезек сөз алған интеллигенция өкілдері еліміз жаңғыру алдында тұрғанын, үміт пен күдік аралас бұл кезеңде халық болып жұмылу керек екенін айтты.
Мәселен, қоғам қайраткері Қожахмет Баймаханов «халық референдумға қатысып дауыс беруді Президент немесе мәжіліс депутаттын сайлап жатырмыз деген теріс көзқараста болмауы керек. Бұл түзетулер қазіргі трансформация кезеңінен өтіп жатқан қоғамға бағдарланып отырғандықтан, жаңа Қазақстанның іргетасын қалауға, балаларының болашағына дауыс беріп отырғанын түсіну керек»,- деді.
Зиялы қауым өкілдері ортақ істен шет қалмай, азаматтық ұстанымдарын танытатындықтарын тілге тиек етіп, халық арысында насихат жұмыстарын жүргізуге қатысты ұсыныстарын айтты. 
Ата Заңның 33 бабына түзетулер енгізілемек.
<blockquote>
 «Бұл – тұтас Конституцияның үштен бір бөлігі. Осы өзгерістерді қабылдауда референдумның маңыздылығын халыққа жеткізу мақсатында партия жанынан арнайы штабтар құрылып, түсіндіру жұмыстары жүргізілуде. Әрине, бұл жұмыстарда сөзі дуалы, көргені мен түйгені мол қоғам зиялылары Сіздердің ой пікреліріңіз аса маңызды. Сондықтан кездесу барысында айтылған ұсыныс пікірлердің жұмыс барысында ескерілетінін жеткізді «AMANAT» партиясы облыстық филиалының Атқарушы хатшысы Ләйлә Төрешова.
</blockquote>
<img src="https://kyzylorda-news.kz/wp-content/uploads/2022/05/281992586_378528020979507_2015895418161682590_n.jpg" alt="" />
<img src="https://kyzylorda-news.kz/wp-content/uploads/2022/05/282132211_378528224312820_6303890049702273604_n.jpg" alt="" />

Қызылордалық зиялы қауым өкілдері референдумды қолдайды

<a href="https://kyzylorda-news.kz/">Kyzylorda-news.kz.</a>&nbsp; Халық өз таңдауы арқылы еліміздің саяси дамуының жаңа кезеңіне қадам жасайды. Референдумның өтетін уақыты белгілі. Оны өткізу тәртібі қандай, ол жастарға не береді. Ел үшін маңызы қанадай? Бүгін Сыр өңіріндегі жұмыс сапары барасында «AMANAT» партиясының республикалық штабының мүшесі, Парламент Мәжілісінің депутаты Ғалым Әміреев жас сайлаушылармен кездесіп осы және өзге де мәселелерді түсіндірді.
«AMANAT» партиясының алаңында өткен жастармен кездесуге партияның Саяси кеңесінің және республикалық штаб мүшесі Б.Е.Танбаева, облыстық штаб мүшесі «Jas Otan»ЖҚ Қызылорда облыстық филалының төрағасы Медет Жорабек, «AMANAT» партиясы Қызылорда қалалық филиалының Атқарушы хатшысы, қалалық штаб төрағасы Ш.Әбдірахмановта қатысты.
<blockquote>
 «Өзгеріс өзімізге керек. Конституциямызға енгізілетін өзгерістерді бекіту үшін өтетін референдумның мәні мен маңызы осында. Елдегі реформаларға құқықтық негіз болатын өзгерістер халық талқысына салынып отыр. Ендеше, оны қолдап, дауыс беру – елге жүктелген жауапкершілік. Тәуелсіз Қазақстанның ең басты құжаты – Конституциясы. Ал ондағы жазылған әрбір сөз, әрбір тыныс белгісі маңызды рөл атқаратынын жастар түсінуі керек. Қазірден елдегі орын алып жатқан өзгерістерді дұрыс саралап, ой түйіп, немқұрайлылық танытпау қажет», – деді жастармен еркін пікір алмасқан республикалық штаб мүшесі Ғалым Әміреев.
</blockquote>
Жиын барысында Президент шешіміне республикалық штаб мүшесі Базара Танбаевада түсініктеме берді. Ол әрбір жас Қазақстан азаматы ретінде референдумға қатысудың маңыздылығын сезінуі тиіс. «Әрине, қазір ұсынылып отырған Конституцияға енгізілетін өзгерістер қоғамдағы барлық маңызды мәселелерді қамтып отыр. Сондықтан Жаңа Қазақстанның болшағы Сіздердің қолдарыңызда деп барлық жастарда референдумға белсене қатысуға шақырды.
Жастар атынан сөз алған М.Мәметова атындағы Қызылорда педагогикалық жоғары колледжінің Жастар ісі жөніндегі комитет төрағасы Шернияз Жалғасбекұлы қолданыстағы Ата заңымыздың жастар үшін жаман болмағанын және алдағы өзгерістерден мұнан да зор үміт күтетіндіктерін жеткізіп, сырбойылық жастар референдумға белсенді түрде қатысады деп сенім білдірді.
Жалпы кездесу барысында жастар халық қалаулысына көкейлеріндегі сауалдарын қойып, өзара пікірлесті.
<img src="https://kyzylorda-news.kz/wp-content/uploads/2022/05/282504682_378476224318020_8017903435884091781_n.jpg" alt="" />

Ғалым Әміреев: Референдумды қолдап, дауыс беру – елге жүктелген жауапкершілік

<a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы республикалық штабтың мүшелері, Қазақстан Республикасы Парламенті Мәжілісінің депутаттары Б.Смағұл мен Г.Шиповских референдумның маңыздылығын түсіндіру мақсатында Арал ауданының Абай ауылы тұрғындарымен кездесті.
Сайлаушылармен басқосуда ел Конституциясына енгізілетін өзгерістер мен толықтырулар жайында айтқан аманаттықтар реформаның басымдық сипаттары жайлы да баяндап өтті.
<blockquote>
 «Бұл – Қазақстанның болашағын айқындайтын қадам. Жолдауда жарияланған реформалар халықтың таңдауы арқылы құқықтық тұрғыда беки түседі. Жұрт өз таңдауы арқылы еліміздің саяси дамуының жаңа кезеңіне қадам жасайды. Тарихқа көз жүгіртсек, Конституцияға өзгертулер мен толықтырулар енгізілуі әлемде бар тенденция. Алысқа бармай-ақ көршілес елдерде мұндай саяси процесстер жақын жылдарда болған. Сол себепті 27 жылдан кейін өткізілгелі отырған референдумға үрке қараудың еш жөні жоқ. Тиісінше, бұл қадам Конституциямызда айқындалған әр азаматтық конституциялық құқын растап, елдегі өзгерістерді өз таңдауына қалдырып отыр»,- деді «AMANAT» партиясы фракциясының мүшесі Бақытбек Смағұл.
</blockquote>
Мұнан соң штаб мүшесі Геннадий Шиповских Ата заңға енгелі отырған өзгерістердің ешқайсысы азаматтардың бірде-бір құқығын шектемейтінін, керісінше құқықтарды кеңейтетінін атап өтті. 
Кездесуге қатысқан ауыл азаматтары депутаттардың айтқандарымен келісіп, реформалардың расында да қажет екеніне көз жеткізгендерін атап өтті.
<img src="https://kyzylorda-news.kz/wp-content/uploads/2022/05/281866188_377916621040647_870423513600707898_n.jpg" alt="" />

Бақытбек Смағұл: Бұл – Қазақстанның болашағын айқындайтын қадам

Kyzylorda-news.kz. Бүгін актив отырысында облыс әкімі Нұрлыбек Нәлібаев өңірдің дамуына ерекше үлес қосып жүрген бірқатар азаматтарды жаңа қызметке ауысуына байланысты Сыр халқының атынан алғысын жеткізіп құрметін білдірді.
Бұған дейін облыс әкімінің орынбасары қызметін атқарып келген Бахыт Жаханов ҚР Президенті Әкімшілігінің мемлекеттік бақылау және аумақтық ұйымдастыру бөлімінің мемлекеттік инспекторы лауазымына тағайындалды. Аймақ басшысы орынбасарының өңір экономикасын дамытудағы қажырлы еңбегін атап, алдағы қызметіне сәттілік тілеп Құрмет грамотасын табыстады.
<blockquote>
 «Бахыт Дүйсенұлы өзі жетекшілік еткен уақытта ауыл шаруашылығы өнімдерінің өндірісі, инвестиция тарту, тамақ өнімдерін өндірудегі негізгі капиталға салынған инвестиция көлемі артып, ауыл шаруашылығы өнімдерінің экспорты дамыды,-деді Н.Нәлібаев.
</blockquote>
Сондай-ақ, өзге қызметке ауысқан аппарат басшысы Ерлан Райғаниевтің, «Байқоңыр» әлеуметтік-кәсіпкерлік корпорациясы» АҚ Басқарма төрағасы Ерлан Нұрланбаевтың, облыстық энергетика басқармасының басшысы Ерлан Жаңабаев пен іс басқармасының басшысы Алмас Идрисовтың атқарған еңбектерін жоғары бағалап, іскерліктері үшін алғысын жеткізді. Азаматтарға «Құрмет» грамоталары табысталды.
<img src="https://kyzylorda-news.kz/wp-content/uploads/2022/04/fb_img_1650099647982.jpg" alt="" />

Қазақстан және Қызылорда облысының жаңалықтары: Саясат