Дереккөз: Арал ауданының әкімдігі<a href="https://kyzylorda-news.kz/ru">Kyzylorda-news.kz.</a> Қазақстан Республикасы Президенті Әкімшілігі және Арал аудандық мәслихатының келісімдері негізінде облыс әкімінің өкімімен Арал ауданының әкімі лауазымына Оңғарбаев Аманжол Сақыпұлы тағайындалды.Бүгін облыс әкімі Нұрлыбек Нәлібаевтың төрағалығымен Арал ауданында өткен кадрлық өзгерістерге байланысты актив отырысында ауданның жаңадан тағайындалған әкімі таныстырылды.Алдымен аймақ басшысы ауданның бұрынғы әкімі Серік Сермағамбетовтің еңбегін атап өтіп, алғыс білдірді.<blockquote>«Мемлекет басшысы өткен жылы қараша айында Әзірбайжан Республикасының астанасы Бакуде Орталық Азия мемлекет басшылары қатысқан Біріккен Ұлттар Ұйымының Орталық Азия экономикаларына арналған Арнайы бағдарламасында (СПЕКА) Арал және Каспий теңіздерінің экологиялық, климаттық проблемаларына ерекше тоқталды. Биыл Қазақстан Халықаралық Аралды құтқару қорына төрағалық етіп, әлемдегі ең ірі тұйық су айдындарының бірі болған теңіз маңындағы қоршаған орта деградациясының алдын алуға ерекше мән береді. Серік Сағитжанұлының іскерлік қабілеті мен мол тәжірибесін ескеріп, өңірдегі ауқымы кең, міндеті жоғары басқармаға басшы етіп тағайындауды жөн көрдік», – деді аймақ басшысы.</blockquote>Серік Сағитжанұлына нәтижелі қызметі үшін Қызылорда облысының Құрмет грамотасы табысталды.Қазақстан Республикасы Президенті Әкімшілігі және Арал аудандық мәслихатының келісімдері негізінде облыс әкімінің өкімімен Арал ауданының әкімі лауазымына Оңғарбаев Аманжол Сақыпұлы тағайындалды.<blockquote>«Аманжол Сақыпұлы - өңірдің әлеуметтік-экономикалық ахуалымен жақсы таныс, аймақтың рухани-мәдени дамуы жолында аянбай еңбек еткен азаматтардың бірі. Аудан әкімі ретінде Мемлекет басшысының тапсырмалары мен алға қойған міндеттерді жоғарғы деңгейде жүзеге асырып, өздеріңізбен бірге туған жерін өркендету жолында аянбай жұмыс жасайды деп сенемін. Арал топырағынан түлеген азамат ретінде Аманжол Сақыпұлына халықтың сенімі мен жауапкершілік жүгі еселеп артатын болады. Бұған дейін де басшылық лауазымдарда мол тәжірибе жинаған маман ретінде аудандағы ресурстарды барынша пайдалану керек. Бюджет қаражатын толық және мерзімінде игеріп, жобалардың сапалы жүзеге асуын қамтамасыз етіңіз», - деді Нұрлыбек Машбекұлы.</blockquote>Арал ауданының жаңадан тағайындалған әкіміне дамудың барлық макроэкономикалық көрсеткіштері бойынша оң параметрлерге қол жеткізіп, қоғамдық-саяси ахуалдың тұрақтылығын қамтамасыз ету тапсырылды. Сондай-ақ, инвестиция тарту, салық базасын ұлғайту, жаңа жұмыс орындарын ашу және кәсіпкерліктің әлеуметтік жауапкершілігін арттыру аса маңызды. Мал және балық шаруашылығы дамыған ауданның экспорттық әлеуетін одан әрі жетілдіру қажет.Актив отырысында қоғам қайраткері Биғали Қаюпов, Арал, Қазалы аудандары мен Қызылорда қаласының Құрметті азаматы Айтбай Көшербаев, еңбек ардагері Әбілбай Садықбайұлы, Арал аудандық ардагерлер кеңесінің төрағасы Әділбек Әйімбетов жаңа қызметке тағайындалған басшыларды құттықтап, сәттілік тіледі.Аманжол Сақыпұлы 1968 жылы Арал ауданында дүниеге келген. Қорқыт Ата атындағы Қызылорда педагогикалық институтын «Қазақ тілі мен әдебиеті», «Болашақ» университетін «Қаржы және несие», Қазақ гуманитарлық Заң университетін «Заңтану» мамандықтары бойынша бітірген. Филология ғылымдарының кандидаты.Еңбек жолын 1986 жылы қарапайым жұмысшы болып бастаған. 1993-2000 жылдары облыстық тіл басқармасының бірінші категориялы маманы, Ұлт саясаты жөніндегі облыстық комитеттің жетекші маманы, облыстық «Ақмешіт апталығы» газеті бас редакторының орынбасары лауазымдарында еңбек етті. 2000-2010 жылдары «АСУ» баспа үйі» жауапкершілігі шектеулі серіктестігінің бас директоры, «Халық» газетінің бас редакторы, директоры лауазымдарында абыройлы қызмет атқарған. 2010 жылдан бері құрамына 3 облыстық, 1 қалалық және 7 аудандық редакция, ақпараттық агенттіктерді біріктірген «Сыр медиа» жауапкершілігі шектеулі серіктестігінің бас директоры қызметін атқарып келді. Қызылорда облыстық мәслихатының V, VII, VIII шақырылымдарының депутаты ретінде өңірдің және осы ауданның өзекті мәселелерін көтеріп, шешілуіне атсалысты.<figure class="image"><img src="https://knadmin.beoblood.kz/uploads/420252207_680245064296741_4979181987899387462_n_a5e8432132.jpg" alt="420252207_680245064296741_4979181987899387462_n.jpg"></figure><img src="https://knadmin.beoblood.kz/uploads/417424613_680245114296736_2642105577199823864_n_2f4a451ee7.jpg" alt="417424613_680245114296736_2642105577199823864_n.jpg">

Арал ауданының жаңа әкімі тағайындалды 

Фото: Parlam.kz<a href="https://kyzylorda-news.kz/ru">Kyzylorda-news.kz.</a> Бүгін Парламент палаталарының бірлескен отырысында БҰҰ миссияларына жіберілетін әскери қызметшілер арасындағы әйелдер санын көбейтуге қатысты түсінік берілді, деп хабарлайды Қазақпарат.<blockquote>«Гендерлік мәселелермен айналысатын БҰҰ-ның департаменті әйелдерді бітімгерлікке қатыстыруды ескеретін бірқатар аргументті әзірледі. Олардың ішінде бітімгер әйелдер жергілікті әйелдердің топтарымен жақсы қарым-қатынас орната алады және қауіпсіздікке қатысты барлау деректерін жинауды жақсартады деген дәлел келтірген. Осы орайда БҰҰ бөлімшедегі әйелдер санын 30 пайызға дейін арттыру туралы талап қойды. Қазақстан бұл талапты сақтауды өз міндетіне ала ма? БҰҰ миссияларына жіберілген әскери қызметшілер арасында неше әйел бар?», - деп сұрады сенатор Айгүл Қапбарова.</blockquote>Өз кезегінде Қорғаныс министрі Руслан Жақсылықов қазір Батыс Сахарада бір әйел офицер бар екенін айтты.<blockquote>«Жіберілетін әскери контингентте 7 әйел болады. Келесі ротацияда әйелдер санын көбейтеміз», - деді министр.</blockquote>Олардың арасында дәрігерлер, аудармашылар, техникалық қызметкерлер қамтамылады.

Қазақстан БҰҰ бітімгерлік контингентіндегі әйелдер санын көбейтеді

Фото Tengrinews.kz/Әлихан Сариев<a href="https://kyzylorda-news.kz/ru">Kyzylorda-news.kz.</a> Қазақстан Африка елдеріне бітімгершілік күштерін жібереді, - деп хабарлайды <a href="https://kaz.tengrinews.kz/">Tengrinews.kz</a>.Президент Қасым-Жомарт Тоқаев осындай ұсынысты депутаттардың қарауына жолдады. Парламенттегілер бітімгершілік күштерді жіберуді қолдап, бірауыздан дауыс берді.Еске салайық, Астанада Парламент палаталарының бірлескен отырысы өтті. Заңға сәйкес, бітімгершілік күштерді басқа елдерге жіберу мәселесін Мәжіліс пен Сенат депутаттары бірлесіп шешеді.

Қазақстан Таяу Шығыс пен Африкаға бітімгершілік күштерін жібереді

<a href="https://kyzylorda-news.kz/ru">Kyzylorda-news.kz.</a> Партияның облыстық филиалының Саяси кеңесі Бюросының отырысы өтіп, онда бірнеше мәселе қаралды. Соның бірі облыстық мәслихаттағы депутаттық фракциямен 2023 жылы атқарылған жұмыстар.&nbsp;Жалпы өңірде облыстық мәслихаттағы 32 мандаттың 78,1 пайызын, яғни 25 мандатты«AMANAT» партиясы иеленген болатын. Мұнан соң Партияның облыстық филиалының Саяси кеңесі Бюросының 2023 жылғы 28 наурыздағы Қаулысымен облыстық мәслихатта партияның депутаттық фракциясы құрылды. Жиын барысында жаңа құраммен есепті кезеңде атқарылған жұмыстарды фракция жетекшісінің орынбасары Мақсұт Нәлібаев кеңінен атап өтті.&nbsp;<blockquote>Фракцияның қызметі жарғыда, партияның саяси тұғырнамасында және сайлауалды бағдарламада айқындалған партияның стратегиялық мақсаттары мен жоспарларын іске асыруға бағытталды. Фракция нормативтік-құқықтық актілерді әзірлеу, қарау және бекіту жұмысында осы мақсаттарды басымдыққа алып, облыстық мәслихаттың тоғыз сессиясында 73 шешім шығарды. Оның ішінде негізгі қаржы құжаты – 2023-2025 жылдарға арналған облыстық бюджетке өзгерістер мен толықтырулар енгізу жөнінде 6 рет нақтылау жұмыстары жүргізілді. Сонымен бірге, 2024-2026 жылдарға арналған облыстық бюджет бекітілді»,- деді сөз басында Мақсұт Нәлібаев.&nbsp;</blockquote>Есепті кезеңде &nbsp;фракцияның 8 отырысы өтіп, оларда әкім және оның орынбасары, сонымен бірге облыстық басқарма басшылары – партия мүшелері Сайлауалды бағдарламаларды іске асыруға байланысты қызметі бойынша есептері тыңдалған. Онан бөлек, фракция мүшелері Партиялық бақылау комиссиясының 17 отырысы мен мониторинг жұмыстарына және партия жанындағы 8 кеңестін 50 отырысына қатысып, тиісті ұсыныстар берді. Осындай жергілікті атқарушы органдармен бірлескен жұмыстар нәтижесінде Сайлауалды бағдарламаны іске асырудың Жол картасындағы 115 іс-шараның 95% орындалды»,- дейді фракция жетекшісінің орынбасары.Сондай-ақ Мақсұт Нәлібаев Сайлауалды бағдарлама аясында атқарылған бірқатар жұмыстарды да тілге тиек етті. Атап айтсақ, өңірде &nbsp;13 елді мекен газдандырылған. &nbsp;9 спорт нысаны, 3250 орындық 8 білім беру ұйымдарының ғимараттары пайдалануға берілген. &nbsp;«Жайлы мектеп» ұлттық жобасы аясында 9 мектептің құрылысы басталды, 1200 орындық 5 мәдениет нысаны, 15 денсаулық сақтау нысаны пайдалануға берілген. Халықтың әлеуметтік осал топтары үшін жалға берілетін 1302 пәтер сатып алынған.&nbsp;Депутаттық фракция мүшелері тұрғындармен тұрақты кері байланыс жасау мақсатында партияның Қоғамдық қабылдау бөлмелерінде 120 қоғамдық қабылдау өткізіп, оларда түскен 320 мәселенің 64%оң шешілуіне ықпал етті. Қабылдаулардың 48-і көшпелі форматта аудан орталықтары мен шалғай елді мекендерде өткен. Сонымен қатар, есепті кезеңде түрлі мәселелер бойынша тиісті органдарға 70 депутаттық сауал жолдаған. Олардың шешілу барысы бақылауда деп атап өтті фракция жетекшісінің орынбасары.Алқалы жиында сонымен қатар партияның облыстық филиалының 2023 жылғы бюджетінің орындалуы қаралды. &nbsp;Облыстық мәслихаттағы депутаттық фракция мүшелерінің қоғамдық қабылдау кестесі, филиал жанындағы кеңестер мен комиссиялардың ережелері бекітіліп, құрамына өзгерістер мен толықтырулар енгізілді.<figure class="image"><img src="https://knadmin.beoblood.kz/uploads/417440163_779316420900663_5142383941360144495_n_413c8b4656.jpg" alt="417440163_779316420900663_5142383941360144495_n.jpg"></figure>

Бюро отырысында жылдық жұмыстар қорытындыланды

Фото: Ақорда<a href="https://kyzylorda-news.kz/ru">Kyzylorda-news.kz.</a> Қазақстан Президентін Рим әуежайынан Италияның Қорғаныс министрі Гвидо Крозетто, Рим Папасының өкілі Франческо Каналини қарсы алды. Мемлекет басшысын күтіп алу кезінде Құрмет қарауылы сап түзеп тұрды.Қасым-Жомарт Тоқаев ертең Италия Президенті Серджо Маттарелламен, Премьер-министр Джорджа Мелонимен келіссөздер жүргізеді.Сонымен қатар, Президент «Қазақстан-Италия» инвестициялық дөңгелек үстеліне қатысып, бірқатар ірі компания басшысымен кездесулер өткізеді деп жоспарланып отыр.Қазақстан Президенті 19 қаңтар күні Ватиканда Рим Папасы Францискпен кездеседі.

Мемлекет басшысы Қасым-Жомарт Тоқаев Италияға ресми сапармен келді

<a href="https://kyzylorda-news.kz/ru">Kyzylorda-news.kz.</a> Астанадағы апелляциялық алқа экс-вице-министр Нұржан Әлтаевтың қатысы бар атышулы іске қатысты шешім шығарды, деп хабарлайды <a href="https://egemen.kz/">Egemen.kz</a>.Еске салайық, бұрынғы еңбек және халықты әлеуметтік қорғау вице-министрі Нұржан Әлтаев бірнеше рет ірі көлемде пара алғаны үшін сотталды. Бірінші сатыдағы сот оны өмір бойына мемлекеттік қызметте жұмыс істеу құқығынан айырумен 10 жылға бас бостандығынан айырды.Бүгін Астана сотының апелляциялық инстанциясы сот үкімін өзгеріссіз қалдырып, жазаның заңды түрде күшіне енгенін хабарлады.Еске сала кетейік, Антикор қызметі Әлтаевты 2023 жылдың жылдың 7 маусымында аса ірі көлемде пара алғаны үшін ұстады. Кейін департамент тергеудің егжей-тегжейін жариялады. Тергеушілердің айтуынша, ол еңбек және халықты әлеуметтік қорғау вице-министрі ретінде «Атамекен» АЭС басшысынан 135 мың доллар көлемінде пара алған.Фото: Нұрболат Нұржаубай

Экс-вице-министр Нұржан Әлтаев пара алғаны үшін сотталды

<a href="https://kyzylorda-news.kz/ru">Kyzylorda-news.kz.</a> Қайрат Нұрқаділов былтырғы наурыз айында Бас прокуратураға әкесі Заманбекке қатысты істі қайта қарауды сұрап, арыз жазғанын мәлімдеген. Алайда, артынша бақылаушы орган істі қайта қараудан бас тартты, деп хабарлайды<a href="https://dalanews.kz/sadak/97343-nurqadilov-isi-qayta-koterilse-onda-s?fbclid=IwAR2NhPYZDW9K48lTXkxrwyYoTwYwwgODJYWjafFuZpPbaQQ_OyrawqioGoc"> Dalanews.kz.</a>Ал, күні кешегі Алматыда өткен, Тоқаевтың хаты оқылған астан кейін «Заманбектің ісі қайта көтерілуі мүмкін» деген сыбыс тарады.Саясаткер Болат Әбіловтің «Гиперборей» арнасына берген сұқбатында (№390) осы ахуал жайында былай дейді:<blockquote>«Меніңше, Тоқаев осы іске қатысты тапсырма береді. Мен Заманбектің ұлы Қайратпен тығыз байланыстамын, жақсы араласамын. Оның бұл шаруаны қайтадан қолға алғанына қолдау білдірдім. Егер біздің тарапымыздан қандай да бір көмек керек болса, әркез дайын екенімізді айттым. Екі жыл бұрын оның бетін қайтарып тастады. Бұл уақытша ғана. Оның өз-өзін өлтірді деген нұсқа бұрынғы билікке қажет болды.</blockquote>Суицид дегенге сол кезде ешкім сенбесе де, ресми мәлімдемеде солай айтылды. Заманбек Қалабайұлымен көзі тірісінде де оқиға болған бөлмеде талай сұқбаттасқанбыз. Әлі көз алдымда, бильярд үстелі бар ол бөлмеде. Тіпті ол «Терминатор» болса да, өзін екі жерден атып, кейін басына оқ ату еш мүмкін емес.Ол бөлмеде Заманбектің отыратын креслосы болды. Ол өзіне келген қонақтарды сол орында отырып қабылдайтын».Спикер Заманбектің өз-өзіне қол салғаны туралы тергеу нұсқасы еш ақылға сыймайтынын да атап өтеді.<blockquote>«Мұның түптің-түбінде қайта қозғалатынына біз сендік. Оған тек уақыт қажет. Міне, сол уақыт жеткен сияқты», – деген оппозициялық «Ақжол» партиясының бұрынғы тең төрағасы, белгілі кәсіпкер.</blockquote>Ол белгілі саясаткер Алтынбек Сәрсенбаевтың кісі қолынан қаза табуы әлі күнге дейін шынайы тергелді деуге келмейтінін де айтады. 2006 жылдың 11 ақпанында Сәрсенбаев кісі қолынан қаза тапты. Заманбек Нұрқаділов қазасының ақ-қарасын анықтатпай қоймаймын деп бекінген саясаткердің не үшін өлтірілгені анық.<blockquote>«Әрине, тергеу толық жүргізілген жоқ. Оның қорытындысы алдын ала дайындалып қойды. Кісі өлтіргендердің біреуін ғана тапты, Багимов деген біреуді. Тапсырыс берушіні де анықтады – Ержан Өтембаев деген. Оны мен де танитын едім. Ол өзімен-өзі жүрген, ешкімнен алты аласы, бес бересі жоқ, араққа салынған адам.</blockquote>Оның Алтынбекті «сабасына түсіргім келді» деген жауабының өзі күлкілі. Мұны арнайы қызмет жоғарыдан келген тапсырма бойынша ұйымдастырғаны сөзсіз. Шын тапсырыс берушінің аты аталмағаны, іс әділ жүргізілмегені алты жасар балаға да түсінікті», – деді Болат Әбілов.Әңгіме барысында спикер сотта сөз болған деректерді де еске салды.<blockquote>«Мұндай ақпарат қайдан сотқа жеткенін білмеймін, біз де таң қалдық. Тапсырысты орындаған Ибрагимов (қылмыс әлеміне кеткен бұрынғы полиция қызметкері) оқиға болатын 11 ақпаннан біраз күн бұрын Ұлттық қауіпсіздік комитетінің подполковнигі Болатпен ұялы телефон арқылы күніне 15-18 рет сөйлесіп отырған.</blockquote>ҰҚК подполковнигі! Бірі киллер, екіншісі ұлттық қауіпсіздік, екеуіне ортақ қандай әңгіме болуы мүмкін? Яғни, подполковник киллермен байланыста отырған, оған оқиға болатын күні А.Сәрсенбаевтың бүкіл маршрутын айтып, хабарлаған: «Алтынбек офистен шықты, Медеуге 5 шақырым жетпей (сол маңда Алтынбек шағын үй жалдап тұратын) «күтіп» аласың деп. Меніңше, бұл бір ғана адамға керек болды. Команданы берген сол кісі. Себебі одан басқа бұл іс ешкімге керек емес.Біреулер мұны істеген Рахат (Әлиев), тағы басқа нұсқаларды айтады. Менің ойымша, бұл Рахаттың деңгейі емес.<blockquote>Иә, Рахат оңбаған адам, түрлі қитұрқылықтарға барды. Нұрбанк менеджерлерінің көзін құртты, т.б. Бірақ, қайталап айтамын, Алтынбек пен Заманбекті өлтіруге оның тәуекелі жетпейді. Екі азамат та оның ойнайтын адамдары емес. Нұрқаділов ісі қайта тергелетін болса, онда Алтынбек Сәрсенбаевтың ісі де қайта көтеріледі деп ойлаймын», – дейді Болат Әбілов.</blockquote>Фото: Нұрболат Нұржаубай

Нұрқаділов ісі қайта көтерілсе, онда Сәрсенбаевтың ісі де қайта тергеледі – Болат Әбілов

Фото: <a href="https://ru6.kazatomprom.kz/kk/photorep/uran-ondirisi-katko-bk-zhshs">ru6.kazatomprom.kz</a><a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаев «ҚазАтомӨнеркәсіп» ҰАК» АҚ Басқарма төрағасы Мейіржан Юсуповпен кездесіп, Қызылорда облысында жүзеге асырылатын жобаларды талқылады.Аймақ басшысы уран өндіруге қатысты бірнеше өзекті мәселеге тоқталды. Бүгінде компанияның 4 еншілес ірі кәсіпорны («Байкен-U», «Хорасан-U», «Семізбай-U», «РУ-6» серіктестіктері) осы жұмыспен айналысып келеді.<blockquote>«Біріншіден, әлеуметтік жауапкершілікті арттыруды ұсынамыз. Жалпы еліміздегі уранның шамамен 20%-ы Қызылорда облысында өндіріледі. Аймақтағы уран өндіруші компаниялардың «Самрұқ Қазына» қорына жыл сайын төлейтін дивидендтері шамамен 44 млрд.теңгені құрайды. Ал, қайырымдылыққа небәрі 88 млн. теңге немесе дивиденд сомасының 0,2%-ын береді. «Қазатомөнеркәсіп» қайырымдылық мақсаттарына 1 млрд теңгеге жуық қаражат бөлуде.Қазіргі уақытта облыста қаржыландыруды күткен бірқатар әлеуметтік жобалар бар. Салыстырмалы түрде айтсақ, мұнай өндіру компаниялары соңғы 10 жылда 15,7 млрд. теңгесін қайырымдылыққа жұмсаған. Ауыл шаруашылығымен айналысатын «Абзал и К» компаниясы Н.Ілиясов ауылында жыл сайын әлеуметтік нысандар салады. Ал, уран өндіруші компаниялар негізгі қызметін жүргізетін Байкенже ауылында тек қара жолды жөндеумен, мерекелерде азық-түлік бөлумен шектеледі. Осыны ескеріп, облыстың әлеуметтік маңызы бар объектілері құрылысын қаржыландыруды ұсынамыз», – деді Нұрлыбек Машбекұлы.</blockquote>Облыс әкімі Шиелі ауданы Еңбекші ауылдық округіне «Батыс Еуропа – Батыс Қытай» жолы арқылы көпір салу, 2015 жылдан бері «КАП логистикс» серіктестігіне 10 жылға өтеусіз пайдалануға берілген «Самара-Шымкент-Еңбекші» жолының 6 шақырымын күрделі жөндеу қажеттігіне тоқталды. Қуаттылығы жылына 500 мың тонна күкірт қышқылын өңдейтін «СКЗ-U» зауытын кеңейту немесе жаңа зауытты Қызылорда облысына салу мүмкіндігін қарастыру туралы айтты. Мұнан бөлек, Нұрлыбек Машбекұлы 65% іске қосылған «Байкен-U» серіктестігін толық қуаттылықпен жұмыс істеуге көшіруді ұсынды.Өз кезегінде, «ҚазАтомӨнеркәсіп» компаниясының басшысы аталған жобаларды жүзеге асыру мүмкіндігі қарастырылатынын жеткізді.Айта кетейік, Сыр өңіріне жұмыс сапары кезінде Мейіржан Юсупов «ҚазАтомӨнеркәсіп» ҰАК» АҚ-на қарасты өндірістік нысандарды аралап, жұмысымен танысады.

Нұрлыбек Нәлібаев: Еліміздегі уранның 20%-ы Қызылорда облысында өндіріледі

Фото:&nbsp;Заманбек Нұрқаділов пен "Ақ жолды"&nbsp;құрушылардың бірі Алтынбек Сәрсенбаев. Дереккөз: Vox Populi<a href="https://kyzylorda-news.kz/ru">Kyzylorda-news.kz.</a>&nbsp; Заманбек Нұрқаділов 1944 жылы 15 қаңтарда Алматы облысы Нарынқол ауданында дүниеге келген. Бүгін тірі болғанда, 80 жасқа толар еді. <a href="https://bugin.kz/34746-ozin-ush-ret-atqan-zamanbek-nurqadilov-turaly-derekter">Bugin.kz </a>тілшісі танымал саясаткер туралы деректерді назарларыңызға ұсынады.- Заманбектің әкесі соғыста қаза тапқан. Оны анасы тәрбиелеп өсірген. Балалық шағын ол "кедей және жартылай аш өтті" деп сипаттаған;- Институтты қызыл дипломмен бітірген;- Құрылыста қызмет жолын қатардағы шеберден бастап, СМУ бастығы қызметіне дейін көтеріледі;- Нұрқаділов 2004 жылы 11 наурызда баспасөз конференциясын өткізіп, Назарбаевқа қатысты даулы мәлімдеме жасады. Ол Назарбаевты жемқорлық, билікті асыра пайдаланды, монархия орнатты деп айыптады. Хат соңында Заманбек Нұрқаділов Назарбаевты биліктен кетуге шақырған;- Алматы полициясына 2005 жылғы 12 қарашада жедел жәрдем тобы Заманбек Нұрқаділовтің &nbsp;үйінде оқыс оқиға болғаны хабарлайды. Сол кезге тұспа-тұс үй күзетшісіне де сондай хабар айтылады. Марқұмның денесін қарағанда, 3 оқ жарақаты байқалған.1998 жылы Ішкі істер министрлігі Нұрқаділовке "кобальт" маркалы тапанша берген екен. Жанынан сол табылады. Тергеу қорытындысында Заманбек Нұрқаділовті жүрегі мен басына атылған оқтан мерт болғаны анықталады. "Ол өзіне өзі қол салған" деген ресми тұжырым жасаған;- Президент Қасым-Жомарт Тоқаев Нұрқаділовтің 80 жылдық мерейтойында берілген аста оған арнап ескерткіш орнататыны туралы шешімін көпшілікке мәлім етті

"Өзін үш рет атқан": Заманбек Нұрқаділов туралы деректер

Фото: aqmeshit-zhastary.kz<a href="https://kyzylorda-news.kz/ru">Kyzylorda-news.kz.</a>&nbsp;Жалпы «Egemen Qazaqstan» газетінде берілген сұхбаттың «Біз озық ойлы ұлт ретінде тек қана алға қарауымыз керек» деп аталуы көп дүниені білдіреді. Біздің ойымызша, озық ойлы ұлт алға қарауы керек деген идея болашақтағы жаңашылдық, өсу және әлеуметтік дамуды көздейтін көзқарасты көрсетеді. Өйткені, алға қарауға екпін беру инновациялар мен прогреске ұмтылу міндеттемесін танытады. Прогрессивті ұлт өмір сапасын жақсарту және экономикалық дамуды ынталандыру үшін технология, ғылым, білім және басқа салалардағы жетістіктерге басымдық береді. Бұл туралы саяси ғылымдарының кандидаты, қауымдастырылған профессор, облыстық ҚХА жанындағы ғылыми-сарапшылық тобының мүшесі Мұрат Насимов мәлімдедіПрезидент идеясы өзгерістерге бейімделуге дайын болуды меңзейді. Сондықтан оң өзгерістер мен эволюцияға ықпал ететін жаңа идеялар, технологиялар және әлеуметтік нормаларды қабылдау маңызды. Озық ойлы ұлт ұзақ мерзімді жоспарлар және пайымдаулармен өмір сүреді. Мұндай әрекеттер тұрақты даму, әлеуметтік әділеттілік және жаһандық бәсекеге қабілеттілік секілді болашаққа өршіл мақсаттар мен стратегияларды белгілеуді қамтиды.Жаңа технологияларды енгізу – болашақтың негізгі аспектісі. Осы процеске ғылыми зерттеулер мен әзірлемелерге инвестиция құю, денсаулық сақтау, білім беру және инфрақұрылым секілді қоғамның түрлі аспектілеріне технологиялық инновацияларды енгізу кіреді. Озық ойлы ұлт жаһандық қоғамдастықпен белсенді араласады.Мемлекет басшысы 2022 жылы саяси жаңғыру жалғасқанын, реформаның негізгі мақсаттары әділ және теңгерімді саяси жүйені құру екенін атады. Жалпы «саяси жаңғыру» термині саяси ландшафттың жаңару, жандану және қайта құру кезеңін білдіреді. Бұл саяси құрылымдағы, идеологиядағы, саясаттағы және басқару тәжірибесіндегі өзгерістерді қамтиды. Реформаларды жүзеге асыру қолданыстағы саяси жүйеге мақсатты өзгерістер мен түзетулер енгізіліп жатқанын көрсетеді. Реформалар кемшіліктерді жою, тиімділікті арттыру және қоғамның өзгермелі қажеттіліктеріне жауап беру үшін маңызды. Әділ және теңгерімді саяси жүйені құруға назар аудару теңдік, әділдік және өкілдік қағидаларына адалдықты білдіреді. Осы қағидалар саяси теңсіздік, сыбайлас жемқорлық және саяси билікті бөлудегі теңгерімсіздік мәселелерін шешеді. Президент ұсынған реформалардың табысты болуы олардың тиімді жүзеге асырылуы, қоғамның қатысуы, қағидаттарды қолдайтын әлеуетті институттардың құрылуына байланысты.Алға қарауға мән берілгенімен, озық ұлт үшін өткеннен сабақ алудың да маңызы зор. Тарих сабақтары шешім қабылдауға және қателерді қайталамауға көмектеседі. Болашаққа көзқарас инклюзивтілікті қамтып, прогресс қоғамның барлық топтарына пайда әкелуін қамтамасыз етуі керек. Бұл әлеуметтік теңсіздіктерді жоюды және барлық азаматтар үшін тең мүмкіндіктерді қамтамасыз ететін саясатты алға жылжытуды қамтиды.Қорыта айтқанда, Президент сұхбаты ашықтық, есептілік, жауаптылық және басшылық пен азаматтар арасындағы тікелей байланыс желісін ілгерілету арқылы қоғамның сенімін нығайту және қолдауда маңызды рөл атқарады деп ойлаймыз.

Мұрат Насимов: Озық ой – орнықты даму

Фото: azattyq-ruhy.kz<a href="https://kyzylorda-news.kz/ru">Kyzylorda-news.kz.</a> Желіде бұрынғы президент Нұрсұлтан Назарбаевтың 2020 жылы 80 жылдығында ашылған ескерткіші Астанадағы Ұлттық қорғаныс университеті аумағынан алынып тасталды деген ақпарат тарады. Бұл туралы <a href="https://stan.kz/astanada-nyrsyltan-nazarbaevtin-eskertkishi-alinip-tast-393714/">Stan.kz</a> ақпарат агенттігі хабарлайды.&nbsp;Ұлттық қорғаныс университеті ескерткіштің жойылғаны туралы ақпаратты растамады және жоққа да шығармады.Ал Қорғаныс министрлігіне Stan.kz тілшісі сұрау салды. Министрлік міндетті түрде жауап беретінін хабарлады.Айта кетейік, бұған дейін Астанадағы "Нұр-Сұлтан" және "Нұр-Сұлтан Нұрлы жол" вокзалдарының атауы өзгертілетіні туралы жазған едік. Сондай-ақ Назарбаев қоры Алматыдағы ғимаратын президент әкімшілігіне бергенін хабарладық.Назарбаев қорының мәліметінше, 2023 жылдың мамыр айында Алматы қаласы Ганди көшесі, 10 мекенжайында орналасқан әкімшілік ғимараты мемлекет меншігіне өтеусіз өтіп, президент істері басқармасының балансына қосылған.Алматыдағы президент резиденциясы бұзылғаннан кейін президент әкімшілігі өкілдігі мен президент істері басқармасы қызметкерлері жаңа ғимаратқа көшіп үлгергені көрсетілген. Сондай-ақ мемлекет басшысы Қасым-Жомарт Тоқаевтың жұмысына арналған арнайы кеңсе бар.

Нұрсұлтан Назарбаевтың ескерткіші алынып тасталды

Фото: qazaqstan.tv<a href="https://kyzylorda-news.kz/">Kyzylorda-news.kz.</a> Қазақстанның халық жазушысы Қадыр Ғинаятұлы Мырза Әли 1935 жылы 5 қаңтарда Орал облысының Жымпиты кентінде туған. Биыл ақынның туғанына 89 жыл толады. <a href="https://bugin.kz/34587-qadyr-myrza-ali-nursultan-nazarbaevtynh-ustazy-bolghan-ba">Bugin.kz </a>порталы танымал жазушының өмірі мен шығармашылығы туралы мәлімет ұсынды.Латыншаны мектепке дейін үйреніп алған, &nbsp;кейіннен нағашысымен жағаласып жүріп кириллица әліпбиін де жаттап алған.Алғашқыда өлең жазуды әдетке айналдырып жүрген кезінде жазған жинағын жақын досы өртеп жібереді. Сол кезде Қадыр досының ол әрекетіне ренжімей, керісінше, жаман өлеңдерден құтылуыма көмектесті деп досына алғысын білдіреді.Өлім аузынан талай &nbsp;аман қалған. &nbsp;Үш рет суға кетіп қала жаздап, биіктен құлап, екі-үш рет ит қапқан.Кедейліктің тауқыметін тартқаннан &nbsp;мектеп кезінен жұмыс істеп үйренген. Жұмыстың кесірінен алтыншы класта жүріп оқымай қалған, сегізінші класта бір рет сабақ жіберіп, оқуды қолдан шығарып алған.1957 жылы Қаскелеңде Абай мектебінде өндірістік тәжірибеден өткен. Практикадан өтіп сабақ берген кезінде Нұрсұлтан Әбішұлы &nbsp;9-сыныпта оқыған. Аз уақыт болса да тұңғыш Президентке қазақ тілі мен әдебиетінен сабақ беріп, ұстаздық еткен.50-ге жуық өлең жинақтың, әдеби-сыни, балалар кітабының авторы. Көптеген өлеңдері орыс, неміс, ағылшын, француз, фин, қырғыз, татар және де басқа тілдерге аударылған.Бала кезінен кітапты сүйіп оқыған. ҚазМУ-де (қазіргі ҚазҰУ) бес жыл оқығанда жас болып көп қыдырмаған. Оқуды жөн көріп, кітапханаға барып апта сайын 10-15 автордың кітабын алып үйге қайтатын болған.1960 жылдардың аяқ кезінде Алматыда Мағзұм Сүндетов деген жазушымен бірге қазақша төрт класс аштырған.1992 жылы республика әнұранының мәтіні мен әніне конкурс жарияланғанда Мұзафар Әлімбаев, Қадыр Мырза Әли, Тұманбай Молдағалиев бірлесіп жазған мәтін 750 нұсқа арасында жеңіп шықты.Жұбайымен 5 курста оқып жүргенде педагогикалық тәжірибеге барғанда танысқан. &nbsp;Салтанат апамыз бұл кезде 10-сыныпта оқыған.Геннадий Колбин комиссия құрған кездері сол комиссияның бір мүшесі болған.1993 жылы Қадыр Мырза Әлі әлемдік поэзияға қосқан аса зор еңбегі үшін Моңғолияның халықаралық "АВЬЯС" сыйлығына ие болды.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;

Қазақстан және Қызылорда облысының жаңалықтары: Саясат