Фото: el.kz<a href="https://kyzylorda-news.kz/ru/">Kyzylorda-news.kz</a> Бақытжан Сағынтаев ЕЭК алқасы төрағасы қызметіне кірісті, деп хабарлайды El.kz ақпарат агенттігі.2024 жылғы 1 ақпаннан бастап Еуразиялық экономикалық комиссия алқасының жаңа құрамы жұмысын бастады.ЕЭК алқасының жаңа құрамын Еуразиялық экономикалық одақ мемлекет басшылары 25 желтоқсанда Санкт-Петербургте өткен Жоғары Еуразиялық экономикалық кеңесінің отырысында бекітті.ЕЭК алқасы төрағасы болып Қазақстан өкілі Бақытжан Сағынтаев төраға болып бекітілді.

Алматының бұрынғы әкімі жаңа қызметке кірісті

<a href="https://kyzylorda-news.kz/ru/">Kyzylorda-news.kz</a>. Биыл 31 наурызда Қазақстанда мәслихаттардың шығып қалған депутаттарының орнына сайлау өтеді, деп хабарлады <a href="https://halyq-uni.kz/">Halyq Uni тілшісі.</a>ОСК баспасөз қызметінің мәліметінше, «Қазақстан Республикасындағы сайлау туралы» Қазақстан Республикасы Конституциялық Заңының 101-бабы 3-1-тармағына сәйкес, шығып қалғандардың орнына мәслихаттар депутаттарын сайлау (қосымша сайлау) наурыздың соңғы жексенбісінде және (немесе) қазанның соңғы жексенбісінде бір мезгілде өткізіледі.2024 жылғы 31 наурыздағы жағдай бойынша қалыптасқан бос орындарды ескере отырып, республиканың 14 өңірінде (Абай, Ақмола, Ақтөбе, Алматы, Атырау, Жамбыл, Жетісу, Қарағанды, Қызылорда, Маңғыстау, Павлодар, Солтүстік Қазақстан, Түркістан, Шығыс Қазақстан облыстары) тиісті аумақтық сайлау комиссиялары 83 сайлау округінде мәслихаттардың шығып қалған депутаттарының орнына сайлау тағайындады.Барлығы 3 облыстық, 20 қалалық және 60 аудандық мәслихат депутаттары сайланатын болады.Сайлау туралы Конституциялық заңға сәйкес, мәслихат депутаттығына бірмандаттық аумақтық сайлау округтер бойынша сайланатын кандидаттарды саяси партиялар, қоғамдық бірлестіктер, сондай-ақ егер жарғыда тиісті өкілеттік көзделген болса, олардың құрылымдық бөлімшелері (филиалдары мен өкілдіктері) және өзін-өзі ұсыну арқылы азаматтар ұсынады.<blockquote>Мәслихат депутаты болып сайлану үшін азамат Конституцияның 86-бабының 3-тармағында белгіленген талаптарды қанағаттандыруға, сондай-ақ Конституцияның 33-бабының 2 және 3-тармақтарына және Сайлау туралы Конституциялық заңға сәйкес сайлау құқығына ие болуы тиіс. Осылайша, 20 жасқа толған Қазақстан Республикасының азаматы мәслихат депутаты болып сайлана алады. Сот іс-әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтар, сондай-ақ сотталғандығы белгіленген тәртіппен өтелмеген немесе алып тасталмаған, сыбайлас жемқорлық қылмыс және сыбайлас жемқорлық құқық бұзушылық жасаудағы кінәсін сот заңда белгіленген тәртіппен таныған адамдар сайлану құқығына ие бола алмайды, – делінген хабарламада.</blockquote>Мәслихаттардың шығып қалған депутаттарының орнына кандидаттарды ұсыну биыл 31 қаңтардан бастап 29 ақпанның сағат 18:00-ге дейін өтеді. Кандидаттарды тіркеу 5 наурызда сағат 18:00-де аяқталады.Қазақстан Республикасының сайлау заңнамасына сәйкес тиісті аумақтық сайлау комиссиялары шығып қалғандардың орнына сайлау округтері бойынша мәслихаттардың депутаттарын сайлауды тағайындайды. Округтік және учаскелiк сайлау комиссияларының қызметiне басшылық жасап, сайлау комиссияларының орналасқан жерi туралы сайлаушыларға хабарлайды және мәслихаттардың депутаттарын сайлауын ұйымдастыруды және өткізуді қамтамасыз етеді.Округтік сайлау комиссиялары бірмандаттық аумақтық сайлау округтері бойынша мәслихаттардың депутаттарын сайлауын ұйымдастыру мен өткізуді қамтамасыз етеді.Қазақстан Республикасының Орталық сайлау комиссиясы осы сайлауды ұйымдастыруды мен өткiзу кезiнде аумақтық сайлау комиссияларына әдiстемелiк басшылықты, сондай-ақ олардың қызметiнің Сайлау туралы Конституциялық заңының талаптарына сәйкестігін бақылауды іске асырады.

Өңірлерде депутаттар сайлауы өтетін болды

Фото: Айқын.кз<a href="https://kyzylorda-news.kz/ru">Kyzylorda-news.kz.</a>&nbsp; "Әділдік жолы" қоғамдық бірлестігінің жетекшісі Дидар Смағұлов лауазымды тұлғаларға қатысты қандай да бір заңсыздықтар анықталғанда олар пара ұсынып, келісім жасауға әуес екенін айтты. Бұл туралы<a href="https://stan.kz/turkistan-turali-eshtene-aytpasan-ush-bolmeli-pater-men-394603/"> Stan.kz</a> ақпарат агенттігі Нартай Аралбайұлының сұхбатына сілтеме жасап хабарлайды.Дидар Смағұловтың айтуынша, бүгінде қорқытып, үркітетіндерге қарағанда, келісімге келіп, ақшамен шешуге тырысатындар көп.<blockquote>“Қазір көбі келіскенді жөн көреді. Бұрын қорқытатын. Олардың айтатын ең бірінші сылтауы – &nbsp;"бұл тапсырыс”. Біз оларға ешқандай тапсырыстың жоқтығын, біздің тек заң шеңберінде жұмыс істейтінімізді түсіндіреміз. Заң бұзбаса біздің оларға баруға құқымыз да жоқ. "Дидар, сен мемлекеттік қызметкер емессің, шенеунік емессің, ақша алсаң да, ол пара болып есептелмейді. Ала салшы, көз жұма салшы" дейді”, – деп ағынан жарылды Дидар Смағұлов.</blockquote>Мұндай ұсыныстар көбіне еліміздің оңтүстік өңірінен түсетін көренеді.<blockquote>“Адамдар арқылы "Түркістанға келмеші, Түркістан туралы ештеңе айтпасаң, үш бөлмелі пәтер мен Camry 70 көлігін береміз" деді. Бірақ маған Camry ұнамайды. Яғни, мен Түркістанға қатысты мәселелерді көтермесем және осыған дейін жазған жазбаларымды өшірсем маған осындай дүниелерді беруге уәде етті. Сөйтіп барынша мені көндіруге тырысты. Бірақ біз тоқтамаймыз. Өйткені бізге халық сеніп отыр. Мен айтып отырған ақпараттың 70%-ы – халықтан келген арыздар”, – дейді "Әділдік жолы" қоғамдық бірлестігінің жетекшісі Дидар Смағұлов.&nbsp;</blockquote>

"Ештеңе айтпасаң, үш бөлмелі пәтер мен көлік береміз" деді – Дидар Смағұлов

Фото: ашық дереккөз<a href="https://kyzylorda-news.kz/ru">Kyzylorda-news.kz.</a> Сыбайлас жемқорлыққа қарсы іс-қимыл агенттігі дабыл қағу жүйесіне бөлінген бюджет қаражатының қайда жұмсалғанын анықтауға кірісті деп хабарлайды Kyzylorda news ақпарат агенттігі.Антикор Төрағасы А. Жұмағали құрылымдық және аумақтық департаменттің басшыларымен жедел кеңес өткізді.25 қаңтарда Қазақстан президенті Қасым-Жомарт Тоқаев Бас прокуратураға сыбайлас жемқорлыққа қарсы іс-қимыл агенттігімен бірлесіп, осы мәселемен айналысуды және бір айдың ішінде қаражаттың қайда жұмсалғанын, дабыл жүйесінің неге жұмыс істемегенін анықтауды тапсырған.23 қаңтар түнде Алматылықтар дабыл қағылмағанына наразылық білдірді. Төтенше жағдай департаменті «Халықты дүрліктірмес үшін дабыл қақпадық» деп жауап берді. Қасым-Жомарт Тоқаев бұл шешімді «Дұрыс шешім» деп бағалаған еді.

Дабыл қағу жүйесіне бөлінген бюджет қаражаты қайда жұмсалған?

Фото: dknews.kz<a href="https://kyzylorda-news.kz/ru">Kyzylorda-news.kz.</a> Қазақстанның еңбек және халықты әлеуметтік қорғау министрлігінен 2023 жылы қанша азамат елден көшіп кеткені жөнінде Ulysmedia.kz порталы сұраған.<ul><li>2023 жылдың қантар-қыркүйек айлары аралығында Қазақстан Республикасынан сыртқы елдерге 12 732 адам көшіп кетті. Сол кезенде елімізге 19 136 адам тұрақты тұруға көшіп келді. Көшкен азаматтардың көбі немесе 8,0 мың адам орыс ұлты, 1,6 мың адам неміс ұлты, 0,9 &nbsp;мың адам украйн ұлтының өкілдері, — деп жауап берген Қазақстанның еңбек және халықты әлеуметтік қорғау министрлігі.</li></ul>Көшкен адамдардың 95%-ы Ресейге кеткен. 2,7 мың адам алыс шет елге көшкен. 1 795 адам Германияға, 314 адам АҚШ-қа кеткен.

Қазақстаннан 12 732 адам көшіп кеткен

Фото: egemen.kz<a href="https://kyzylorda-news.kz/ru">Kyzylorda-news.kz.</a> Үкіметтің масс-медиа туралы жаңа заң жобасына шетел ақпарат құралдары мен журналистерін аккредитациялау ережесіне қатысты түзетулер енгізілмек деп хабарлайды Kyzylorda news ақпарат агенттігі Азатық радиосына сілтеме жасап.Депутаттар ұсынып отырған өзгертулер сыртқы істер министрлігіне «Қазақстанның ұлттық қауіпсіздігіне қатер төнген жағдайда» шетел ақпарат құралдарының өкілдіктері мен журналистеріне аккредитация бермеу құқығын береді.Ұсынылып отырған өзгертулер сонымен бірге аккредитация алмаған шетел ақпарат құралдары мен шетел журналистеріне кәсіби журналистикамен айналысуына тыйым салуды қарастырады.25 қаңтарда тиісті өзгерістерді жұмыс тобы мүшелерінің басым тобы қолдап дауыс берді.

Елімізде аккредитациясы жоқ шетел БАҚ-тарының жұмысына тыйым салынуы мүмкін

<a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаев Байқоңыр қаласының басшысы Константин Бусыгинмен кездесті.Аймақ басшысы Қазақстан мен Ресей мемлекеттік органдарының бірлескен іс-қимылы нәтижесінде «Байқоңыр» кешенін дамыту мәселелері тиімді шешіліп келетінін атап өтті.<blockquote>«Байқоңыр қаласын дамытудың ұзақ мерзімді бағдарламасын» іске асыруда және «Байқоңыр» кешені бойынша Қазақстан-Ресей үкіметаралық комиссиясының тапсырмаларын орындауда бірлескен жұмыс жалғасын тапқан. Үкіметаралық комиссияның соңғы отырысында тараптардың өзара түсіністігі мен ынтымақтастығының арқасында қаланың тыныс-тіршілігіндегі мәселелерді реттеу, сондай-ақ кәсіпкерлікті, туризмді дамыту үшін қолайлы жағдай жасау туралы уағдаластыққа қол жетті. Қаланы дамытудың ұзақ мерзімді бағдарламасы аясында менің тапсырмама сәйкес, қала әкімшілігінің қатысуымен инженерлік инфрақұрылым нысандарына бірлескен тексеру жүргізілді. Осылайша Қазақстан Республикасы қаражаты есебінен инфрақұрылымды жаңғыртуға қатысты шешімдер қабылданатын болады. Қазірдің өзінде қала тұрғындары біздің бірлескен жұмысымыздың нәтижесін көруде. Өздеріңіз білетіндей, өткен жылдың желтоқсан айында жалға алынған нысандар базасында 2 балабақша ашылды. Осы бағыттағы жұмыс жалғасатынына сенімдімін», – деді Нұрлыбек Машбекұлы.</blockquote>Өз кезегінде, Байқоңыр қаласының басшысы облыс әкіміне қолдау көрсеткені үшін алғыс айтып, алдағы уақытта да бірлесіп жұмыс жасауға ниет білдірді.Еске салсақ, Байқоңыр қаласының Бас жоспарына сәйкес биыл бес тұрғын үйдің құрылысы аяқталады. Бірінші тоқсанда сумен жабдықтау және су бұру жүйелерін одан әрі жаңғырту басталады. Сондай-ақ, әлеуметтік, оның ішінде білім беру және спорт нысандарын салу мәселесі пысықталуда.Мұнан бөлек, Байқоңыр қаласы жастарын қолдаудың 2022-2025 жылдарға арналған кешенді іс-шаралар жоспары аясында олардың білім алуы, табысты әлеуметтенуі үшін бірлескен жұмыстар қолға алынған. Мәселен, былтыр Байқоңыр қаласында облыстық жастар слеті өтті, жастардың Қызылорда қаласына экскурсиясы, мәдени-бұқаралық, спорттық және патриоттық іс-шаралар ұйымдастырылды.Кездесуде «жұлдызды қалашықтың» ортақ мәселелері талқыланып, әрі қарай бірлесіп әрекет ету бағыттары айқындалды.<figure class="image"><img src="https://knadmin.beoblood.kz/uploads/417420196_682615720726342_5614853118722030468_n_6bda090374.jpg" alt="417420196_682615720726342_5614853118722030468_n.jpg"></figure>

Нұрлыбек Нәлібаев Байқоңыр қаласының басшысымен кездесті

<a href="https://kyzylorda-news.kz/ru">Kyzylorda-news.kz.</a> Қазақстан Республикасының Бас Прокуроры Берік Асылов Біріккен Араб Әмірліктеріне жұмыс сапарымен барып, онда БАӘ Әділет министрі Абдулла бин Сұлтан бин Ауад әл-Нуаймимен және осы елдің Бас прокуроры Хамад Сейф әл-Шамсимен кездесулер өткізді, деп хабарлайды Бас прокуратураның баспасөз қызметі.Әріптестер ведомствоаралық ынтымақтастықты кеңейту және халықаралық қауіпсіздікті қамтамасыз ету мәселелерін талқылады.Қазақстанның бас қадағалау органының басшысы өз сөзінде ҚР мен БАӘ ұқсас сын-қатерлер мен қауіптерге тап болатындығын, сондықтан қылмыспен күрес мәселелерін бірлесіп шешу, үздік жұмыс тәжірибесімен үнемі алмаса отырып, заманауи сын-қатерлер мен қауіптерге қарсы тұру ерекше маңызды екенін атап өтті.Сондай-ақ Қазақстанның Бас Прокуроры қылмыстық-құқықтық саладағы екіжақты ынтымақтастықтың кейбір аспектілеріне, атап айтқанда іздеуде жүрген адамдарды экстрадициялауға және қылмыстық істер бойынша құқықтық көмек көрсетуге тоқталды.Сонымен қатар араб тарапының заңсыз алынған активтерді қайтару мақсатында оларды іздеу үшін жасанды интеллектті пайдалану тәжірибесі талқыланды.&nbsp;Сапар нәтижесінде Қазақстан Республикасының Бас прокуратурасы мен БАӘ Әділет министрлігі арасындағы ынтымақтастық бағдарламасына қол қойылды.Тараптар оны жүзеге асыру қылмысқа қарсы күрес саласындағы халықаралық ынтымақтастықты одан әрі нығайта түсетініне сенім білдірді.<figure class="image"><img src="https://knadmin.beoblood.kz/uploads/e4202f14415b324f306ea522e0867faa_1280x720_187fc48fba.jpg" alt="e4202f14415b324f306ea522e0867faa_1280x720.jpg"></figure><figure class="image"><img src="https://knadmin.beoblood.kz/uploads/4504b379f3d117ca8cb393ddccbf2abf_1280x720_1ef2d0b143.jpg" alt="4504b379f3d117ca8cb393ddccbf2abf_1280x720.jpg"></figure>

Қазақстанның Бас Прокуроры БАӘ-ге жұмыс сапарымен барды

Фото: ҚР Парламенті сенатының баспасөз қызметі<a href="https://kyzylorda-news.kz/ru">Kyzylorda-news.kz.</a> Бұл ҚР Парламенті сенаторы Сергей Ершов ресейлік тарихшы Михаил Смолиннің провакациялық сөзіне пікірін білдірді.<ul><li style="margin-left:0px;text-align:justify;">Бұл мені алаңдатпайды. Себебі мен Ресейдің және басқа мемлекеттердің шенеуніктерін білемін. …Олар біздің тарихымызды жақсы біледі. Ол жақта қазақтар тұрады. Осы жақта орыстар да қалыпты өмір сүріп жатыр. Сондықтан мен ешқандай қиындық көріп тұрғаным жоқ, — деді сенатор.</li></ul>Естеріңізге сала кетейік, 22 қаңтарда Ресей тарихшысы Михаил Смолин НТВ арнасындағы «Место встречи» ток-шоуында «1917 жылғы Қазан төңкерісіне дейін қазақ пен өзбек деген ұлт болмаған» деп мәлімдеме жасаған еді. Бұл тұста Қазақстан Сыртқы істер министрлігі Ресей тарихшысына ресми жауап беруді жөн санамады.

Сенатор Сергей Ершов тарихшы Михаил Смолиннің сөзіне өз пікірін білдірді

<a href="https://kyzylorda-news.kz/ru">Kyzylorda-news.kz.</a>&nbsp; «AMANAT» партиясы Саяси менеджмент академиясының ұйымдастыруымен «Саяси SMM: депутаттың қызметін ілгерілету» тақырыбында барлық деңгейдегі мәслихат депутаттар үшін семинар-тренинг өтті. Оқу семинары 22-23 қаңтарға екі күнге жоспарланған.&nbsp;Атап өту керек, Ел Президенті Қасым Жомарт Кемелұлы Тоқаев «Естуші мемлекет» қағидатын орындауда мәслихат депуттарының қызметі орасан деген болатын. Бұл орайда өткен жылы барлық деңгейдегі мәслихат депуттарының Бірінші республикалық форумында партия Төрағасы Ерлан Жақанұлы Қошанов «Қоғам алдында тұрған өзекті мәселелерді шешуде мәслихат депутаттарының рөлі ерекше екенін атап өтіп, БАҚ пен әлеуметтік желілердегі жұмысты жандандырып, қоғаммен қарым-қатынасты нығайтатын замануи құрылғыларды да үнемі қолдану керектігіне тоқталған еді. Бұл форум қатысушылары тарапынан да үлкен сұранысқа ие болған болатын.Семинарды оқытып жатқан тренерлер:Алмас ТОКАБАЕВ -журналист, дағдарыс менеджері, блогер, Ақпарат және қоғамдық даму министрінің кеңесшісі, "TuraNews" ақпараттық-аналитикалық порталының аналитигі, бас редакторы;Ерлан МУСИПОВ - "Kozildirik Media Group" креативтік PR-агенттігінің басшысы, "Негативті басқару" SMM бойынша әдістеменің авторы;Рамазан ДАУЛЕТБАЕВ - журналист, блогер, дағдарыс менеджері, "Basnews.kz"ақпараттық - аналитикалық порталының бас редакторы;Гүлнар НҰРАХМЕТХАНОВА - партияның Орталық аппараты Саяси жұмыс департаментінің бас консультанты:Гаухар АРЫНОВА - "AMANAT"партиясы Саяси менеджмент академиясының жауапты маманыСеминар барысында халық қалаулылары көптеген қажетті ақпараттармен қанықты.&nbsp;<img src="https://knadmin.beoblood.kz/uploads/420535332_781882320644073_1216775483397838056_n_a25cd0dbd5.jpg" alt="420535332_781882320644073_1216775483397838056_n.jpg"><img src="https://knadmin.beoblood.kz/uploads/417507412_781882367310735_9165752883252559461_n_e76620c52c.jpg" alt="417507412_781882367310735_9165752883252559461_n.jpg"><img src="https://knadmin.beoblood.kz/uploads/417446775_781882420644063_8181216165096322872_n_2727278f99.jpg" alt="417446775_781882420644063_8181216165096322872_n.jpg">

«Саяси SMM: депутаттың қызметін ілгерілету» тақырыбындағы cеминар жалғасып жатыр

&nbsp;<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында кәсіпорындарда экологиялық талаптарды сақтау, ғылымды коммерцияландыру мәселелері талқыланды. Ведомство басшылары баяндама жасап, тиісті тапсырмалар берілді.Үкімет жиынынан кейін облыс әкімі Нұрлыбек Нәлібаев арнайы мәжіліс өткізіп, аймақтағы қоршаған ортаға елеулі әсер ететін кәсіпорындарға жоспарлы тексеру жүргізу қажеттігін атап өтті.<blockquote>«Бүгінде Қызылорда облысында қоршаған ортаға жағымсыз әсер ететін І санатты 88 және ІІ санатты 110 кәсіпорын бар. Олардың ішінде мұнай және газ өндіру саласында 13 ірі, уран өндіру саласында 4 және қоршаған ортаға елеулі әсер ететін 2 кәсіпорын қызмет атқарады. Өткен жылдың қорытындысымен 15 субъектіге экологиялық бақылау жүргізіліп, 682 млн.теңгенің 54 әкімшілік айыппұлы салынып, оның 542 млн. теңге болатын 49-ы өндірілген. ҚР Кәсіпкерлік кодексіне енгізілген өзгерістерге орай еліміздегі кәсіпорындардың экологиялық талаптарды сақтауы жоспарлы түрде тексерілмеді. Биылдан бастап кодекс талаптарына сәйкестендіріліп, жоспарлы тексерулер жүргізілетін болады”, – деді аймақ басшысы.</blockquote>Мұнан бөлек, облыстық санитарлық-эпидемиологиялық бақылау департаментіне елді мекендердегі тұрғын үйлерге жақын орналасқан кәсіпкерлік нысандарына талдау жүргізіп, оларды сәйкестендіру тапсырылды. Ал экология департаменті санитарлық қорғаныш аумақтарының сақталуын бақылауы керек. Қала және барлық аудан әкімдері, облыстық кәсіпкерлік және өнеркәсіп басқармасымен бірлесіп, өз аумақтарында орналасқан кәсіпорындарда экологиялық, санитарлық, өндірістік қауіпсіздік талаптарының сақталуы бойынша және әлеуметтік дауларды болдырмау үшін кәсіпорын басшыларымен кездесу ұйымдастырып, түсіндірме жұмыстарын жүргізуі тиіс. Аймақ басшысы қоршаған ортаға теріс әсер еткені үшін төленетін төлемақылардың қосымша көздерін анықтап, салық базасын ұлғайтуды тиісті басқарма басшыларына тапсырды.Нұрлыбек Машбекұлы биылдан бастап Қазақстан төрағалық ететін Халықаралық Аралды құтқару қорының экологиялық жағдайды жақсарту бағытындағы қызметін тиімді пайдалану керектігін ескертті. Осыған орай, облыстық табиғи ресурстар және табиғат пайдалануды реттеу басқармасына қор дирекциясымен бірге орман және су қорын, жануарлар дүниесі мен балық ресурстарын қорғау, өсімін молайту және тиімді пайдалану бойынша жобаларды жоғарғы деңгейде үйлестіру міндеті жүктелді.Мемлекет басшысының Арал теңізінің құрғаған ұлтанына 1,1 млн гектар сексеуіл екпелерін егуді ұлғайту жөніндегі тапсырмасы жүйелі әрі мүлтіксіз орындалуы керек.Күн тәртібіндегі екінші мәселе бойынша, өңірлік жоғары оқу орындарының басшылары ғалымдардың өз идеяларын іске асыруы үшін қолайлы орта қалыптастыруы қажет. Коммерцияландыру бөлімдерінің материалдық-техникалық жарақтандырылуын қамтамасыз ету де өте маңызды. Алдағы уақытта ғалымдардың әлеуетін пайдалану үшін қала, аудан әкімдіктері, басқарма жанындағы комиссия, кеңес құрамына ғылым докторларын, оқытушы-профессорларды қосу және өңірдің әлеуметтік-экономикалық дамуына қатысты мәселелерде олардың ұсыныс-пікірін ескеруі керек.<img src="https://knadmin.beoblood.kz/uploads/417480591_680731644248083_4112567357315350838_n_884a57beee.jpg" alt="417480591_680731644248083_4112567357315350838_n.jpg"><img src="https://knadmin.beoblood.kz/uploads/417471370_680731717581409_8404597495109047174_n_f46e7f503a.jpg" alt="417471370_680731717581409_8404597495109047174_n.jpg">

Кәсіпорындарда экологиялық талаптарды сақтау мәселелері қаралды

фото: Ақорданың ресми сайты&nbsp;<a href="https://kyzylorda-news.kz/ru">Kyzylorda-news.kz.</a> Президент Қасым-Жомарт Тоқаевтың төрағалығымен Ішкі істер министрлігінің кеңейтілген алқа отырысы өтті. Жиынға Президент Әкімшілігі мен мемлекеттік органдардың басшылығы, өңірлердің әкімдері, ІІМ алқа мүшелері, орталық аппараттың басшылық құрамы және аумақтық полиция департаменттерінің жетекшілері қатысты, деп хабарлайды Ақорданың ресми сайты.Мемлекет басшысы елімізде «Заң және Тәртіп» қағидатын біржола орнықтыруда полиция айрықша рөл атқаратынын атап өтті.<blockquote>– Қылмыспен күресу және қоғамдық тәртіпті сақтау – аса маңызды міндет. Бұл – жауапкершілігі өте үлкен жұмыс. Еліміздің әрбір азаматы өзін қауіпсіз сезінуге тиіс. Ол үшін құқық қорғау жүйесі үйлесімді әрі тиімді жұмыс істеуі қажет. Ең алдымен, мемлекетте заң талаптары мүлтіксіз орындалуы керек. Заң бұзған кез келген адам жазасын алуға тиіс, – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917178_IMG_4058.JPG">Қасым-Жомарт Тоқаевтың пікірінше, құқықтық сауаттың төмен болуы жағымсыз үрдістердің белең алуына әкеп соқтырады.<blockquote>– Оның бәрі, түптеп келгенде, еліміздің дамуын тежейді, мемлекеттің абыройына нұқсан келтіреді. Қоғамдық жерлердегі вандализм – соның айқын көрінісі. Халқымыздың дүниетанымына жат идеология да елімізге зор қауіп төндіреді. Әсіресе, жас ұрпақ жасанды идеялар мен «жалған батырлардың» жетегіне ілесіп кетуі мүмкін. Әлеуметтік желіде жастарды заңсыз іс-әрекет жасауға шақыратын материалдар таралуда.Тіпті, заң бұзған адамдарды үлгі етіп көрсететіндер бар. Біздің азаматтарымыз кез келген заңсыздыққа қарсы болуы керек, яғни бізге заң бұзушылыққа төтеп беретін мықты иммунитет қажет. Ел ішіне іріткі салатын, қауіп төндіретін әрекеттерді ақтауға қатаң тосқауыл қою керек.&nbsp; Құқықтық нигилизмге, яғни заң үстемдігін жоққа шығаруға жол берілмеуге тиіс. Заңға деген құрмет адал азаматқа тән қасиеттің бірі ретінде дәріптелуі қажет. Бұл – мемлекеттік органдарға ғана емес, барша халыққа ортақ міндет. Қысқасы, заң мен тәртіптің үстемдігін қамтамасыз ету – Әділетті Қазақстанды құрудың басты шарты, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917187_KZ1_2564_2.jpg">Мемлекет басшысы құқық қорғау органдары құқық бұзушылықтың алдын алу мәселесіне баса мән бергені жөн деп санайды.<blockquote>– Қылмыстардың негізгі себебі көбіне қоғамға жат әрекеттерден туындайды. Сондықтан заңды бұзуға бейім азаматтармен жүйелі жұмыс жүргізу маңызды. Сондай-ақ олардың қоғамдық тәртіпке қайшы істеріне түрткі болатын алғышарттарды түгел жою қажет. Бірақ бүгінде қылмыстың алдын алу шаралары тиімді жүргізіліп жатқан жоқ. Мұны мойындау керек. Сондықтан жүйені түбегейлі жаңарту қажет. Осы ретте қауіпті топтарға жататын азаматтардың басым бөлігі назардан тыс қалып қояды. Ал кейбір алдын алу шаралары шектеу-мәжбүрлеуден әрі аспайды. Мұндай жұмыстар жергілікті жерлерде жүйесіз жүргізіліп жатыр. Нақты үйлестіру тетіктері жоқ. Құқық бұзушылықтың алдын алу саласында бірыңғай заң әзірлейтін уақыт жетті. Заң жобасында профилактикадан өтетін азаматтар тізімін толықтай қайта қараған жөн. Жауапты органдардың құзыреттерін, үйлестіру тетіктерін, жеке профилактика құралдарын нақтылау қажет, – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917196_KZ1_2868_2.jpg">Қасым-Жомарт Тоқаев мұның, әсіресе, тұрмыстық зорлық-зомбылыққа қарсы күресте маңызы зор екеніне сенімді. Оның айтуынша, бұл жерде алдын алу жұмыстарының маңызы жедел әрекет ету және әділ жазасын беру ісінен кем емес.<blockquote>– Өздеріңізге мәлім, бұған дейін мұндай қылмыстар үшін жауапкершілікті күшейтуді қолдайтынымды айтқан едім. Қылмыстық кодекске енгізілген тиісті түзетулер жақын арада қабылданады. Ішкі істер министрлігі өз қызметкерлерін жаңа жұмыс тәсіліне көшуге алдын ала дайындауы керек. Құқық қолдану тәжірибесіндегі бұған дейін болған барлық мәселені ескеру қажет. Бұдан бөлек, кәмелетке толмаған азаматтардың құқығын қорғау жүйесін жаңғырту – өте өзекті мәселе. Үкімет азаматтық қоғам институттары мен сарапшыларды тарта отырып, бұл жұмысқа мұқият қарауы керек, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917208_KZ4_3117_2.jpg">Президенттің айтуынша, полицияның сервистік моделінің негізгі қағидаттарын іс жүзінде жүзеге асыру қажет. Бұл, ең алдымен, қоғамның талап-тілегіне құлақ асып, шұғыл әрекет ете білу деген сөз.<blockquote>– Халыққа ынтымақтастықтың өзара тиімді формасын ұсынып, кері байланыстың оңтайлы жолдарын реттеу маңызды. Бастамашыл және заңға қайшы әрекеттерге бей-жай қарамайтын азаматтарға арқа сүйеу құқық бұзушылықтарға мүлдем төзбеушілік қағидатының іс жүзінде сақталуына мүмкіндік беретініне сенімдімін, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917219_KZ1_2640_2.jpg">Сонымен қатар Мемлекет басшысы қоғаммен бірге полиция да түбегейлі өзгеруге тиіс екенін айтты.<blockquote>– Полиция қашанда халыққа үлгі-өнеге болуы керек. Сонда ғана жұрт полицияға сенеді, оны қорған көреді. Өкінішке қарай, тәртіп сақшыларының бәрі бірдей сондай деп айта алмаймыз. Ауыр қылмыс жасаған қызметкерлер анықталып жатыр. Соңғы кезде мұндай оқиғалар жиілеп кетті. Бұған жол бермеуіміз керек және ондай әрекеттерді мүлдем ақтауға болмайды. Осындай жағдайлар бүкіл жеке құрамның жұмысын бір сәтте жоққа шығарады. Ондай адамдарды полиция қатарынан шығару қажет. Олар биліктің абырой-беделін түсіреді. Қызметкерлерін дер кезінде тәртіпке салмаған басшылар мәселесін де қарау керек, – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917233_KZ1_2879_2.jpg">Алқа отырысы барысында Қасым-Жомарт Тоқаев орта буындағы басшылық құрамды биыл кезектен тыс аттестациядан өткізу туралы Ішкі істер министрінің ұсынысын қолдады.<blockquote>– Министрлік осы сынақ кезінде табандылық танытуға тиіс. «Бармақ басты, көз қысты» болмауы керек. Алайда аттестация біреуден есе қайтарудың құралы болмауға тиіс. Басты мақсат – жеке құрамды біліксіз және жұмысына адал емес басшылардан тазарту, яғни кәсіби кадр резервін жасақтау. Сонда ғана ахуалды түбегейлі өзгерте аламыз. Президент Әкімшілігі бұл жұмысты бақылауда ұстайды, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917244_KZ4_3141_2.jpg">Президент балалардың қауіпсіздігін қамтамасыз ету мәселесіне айрықша назар аударды. Атап айтқанда, былтыр кәмелетке толмағандарға қарсы жасалған қылмыс саны 22 пайызға артқан. Мемлекет басшысының пікірінше, осы бағытта алдын алу жұмыстарын күшейту қажет. Полиция мектеп басшылығымен бірлесе жұмыс атқаруға тиіс.<blockquote>– Жас ұрпақтың тағдыры, өмірі мен денсаулығы бәрінен маңызды. Үкіметке балаларды зорлық-зомбылықтан қорғау мәселесін мұқият саралап, нақты шаралар қабылдауды тапсырамын. Жасөспірімдер бос жүрмеуге тиіс. Олардың шығармашылыққа, спортқа қызығушылығын арттыру жағына көбірек көңіл бөлу қажет. Балаларды еңбекке баулып, волонтерлік қызметке жұмылдырған абзал. Көзбояушылық үшін жасалатын жұмысты доғару керек, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917259_KZ3_4784_2.jpg">Бұдан бөлек, Президент есірткінің таралуына батыл түрде тосқауыл қоюды талап етті.<blockquote>– Мен бірнеше рет осы мәселеге қатысты тапсырма бердім. Алайда ауыз толтырып айтатын нәтиже жоқ. Синтетикалық есірткінің қолжетімділігі және оның барынша тез таралуы жастар арасында нашақорлықтың белең алуына әкеп соқтырады. Оларға нашақорлықтың қаншалықты қатерлі екенін үнемі түсіндіріп отыру қажет. Полиция есірткі өндіру, оны сату және таратуға қарсы белсенді күрес жүргізуі керек. Науқаншылдық, көзбояушылық және статистика үшін жұмыс істеу дегенді тоқтату қажет, – деді Қасым-Жомарт Тоқаев.</blockquote>Сонымен қатар киберқылмыспен және интернет-алаяқтықпен күрес шараларын күшейту жөнінде тапсырма берілді.<blockquote>– Ұрылар мен бандиттер түрмеде отыруы керек. Бұл – сіздердің криминалға қарсы әрекеттеріңіздің бірден-бір мақсаты. Қылмыстық топтармен ымырасыз күресу – сіздердің тікелей міндеттеріңіз әрі қызметтік борыштарыңыз, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917287_KZ2_5327_2.jpg">Қасым-Жомарт Тоқаев жазасын өтеп жатқандардың негізгі құқықтарын сақтау маңызды екенін атап өтті. Оның пікірінше, абақты дегеніміз – айыпты адамды жазалау орны ғана емес, адамның қайтадан қылмыс жасауына жол бермейтін мекеме болуға тиіс.Сонымен бірге Президент құқық қорғау органдарының қызметі халық арасында бүкіл мемлекеттік жүйенің бет-бейнесі туралы түсінік қалыптастырады деп санайды.<blockquote>– Біз өздерінің қызметтік міндеттерін адал атқарып жүрген полицейлерді ескерусіз қалдырмауымыз керек. Әсіресе олардың нағыз ерлік істерін (ал мұндай жағдайлар аз емес), жұмысын лайықты бағалап, ең жоғары наградалармен марапаттауымыз қажет. Кәсібилік, жауапкершілік танытқан, ерлік көрсеткен нақты жағдайларды үлгі ету, Ішкі істер органдары қызметінің тиімділігін арттыру арқылы полицияның оң имиджін қалыптастыру маңызды, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1705917318_KZ2_5303_2.jpg">Алқа отырысы барысында Ішкі істер министрі Ержан Сәденов қылмысқа, тұрмыстық зорлық-зомбылыққа, жасөспірімдер арасындағы қылмысқа, интернет алаяқтыққа қарсы күрес және оның алдын алу шаралары мен жүргізіліп жатқан жұмыстар, сондай-ақ ішкі істер органдары қызметінің тиімділігін арттыру мәселесі туралы есеп берді.<img class="image_resized" style="width:730px;" src="https://www.akorda.kz/public/assets/media/uploadMedia/1705917328_KZ3_4842_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1705917347_KZ4_3112_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1705917358_KZ1_2951_2.jpg">

Қазақстан және Қызылорда облысының жаңалықтары: Саясат