<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Кеше Премьер-Министр лауазымына кіріскен Олжас Бектеновтің орнына Айбек Дәдебаев Президент Әкімшілігінің басшысы болып тағайындалды. Кешке қарай О. Бектенов басқаратын министрлер кабинетінің құрамы да белгілі болды, деп хабарлайды <a href="https://kaz.inform.kz/news/4-zhana-esm-bektenovtn-kabinet-kalay-zhasaktaldi-91069e/">Kazinform.</a></h4>«Бәйтеректен» Ұлттық экономикаға48 жастағы <a href="https://kaz.inform.kz/news/nurlan-baybazarov-premer-ministrdn-orinbasari-ar-ulttik-ekonomika-ministr-boldi-469ab2/">Нұрлан Байбазаров</a> Ұлттық экономика министрі болған Әлібек Қуантыровтың орнына жайғасты. Бүгінге дейін «Бәйтерек» ұлттық басқарушы холдингін басқарған ол қызметтегі 23 жылының көбін квазимемлекеттік секторда өткерген. «Қазақстанның Даму Банкі», «Қазақстан темір жолы», «ҚазМұнайГаз», «Өнеркәсіпті дамыту қоры» компанияларында жұмыс істеген Нұрлан Байбазаров экс-министр Ә.Қуантыровтың қосылған құн салығын төлейтін тұлғалардың қатарын кеңейту арқылы бюджет тапшылығын жою туралы бастамасын не істейтіні қызық.<img class="image_resized" style="width:560px;" src="https://img.inform.kz/kazinform-photobank/media/2024-02-06/5c857e05-8e92-4551-b9ce-4413b14393ec.jpeg" alt="нұрлан байбазаров" loading="eager">Фото: primeminister.kzМәжіліс комитетінен Қаржы министрлігінеНұрлан Байбазаров министрлік лауазымымен қатар Премьер-министрдің орынбасары қызметін қатар алып жүреді. Бұл міндет оған Қаржы министрі болған Ерұлан Жамаубаевтан қалды деп топшылауға болады. Олай дейтініміз, оның орнына келген <a href="https://kaz.inform.kz/news/erulan-zhamaubaevtin-ornina-madi-takiev-keld-0601d8/">Мәди Тәкиев</a> тек министрлік лауазымын атқарады.Еңбек жолын есепшіліктен бастаған Мәди Төкешұлы 1 сәуірде 46-ға толады. Салық органдарында түрлі лауазымдар атқарған ол 2019-2020 жылдары ҚР Ұлттық экономика вице-министрі болса, 2020-2023 жылдары Президент Әкімшілігінің Әлеуметтік-экономикалық мониторинг бөлімінің меңгерушісі ретінде жұмыс істеді. 2023 жылғы наурыздан бастап Мәжілістің Қаржы және бюджет комитетінің төрағасы болып жұмыс істеп келді.<img class="image_resized" style="width:560px;" src="https://img.inform.kz/kazinform-photobank/media/2023-12-18/c2dfa5e5-d1a9-41ea-b11f-5b13cf16d4f6.jpeg" alt="Мади Такиев" loading="eager">Фото: Парламент Мәжілісінің баспасөз қызметіПрезидент күзетінен ТЖМ-геСырым Шәріпхановтың <a href="https://kaz.inform.kz/news/eks-ministr-sirim-sharphanov-nesmen-este-kaldi-211f26/">орнына келген</a> Төтенше жағдайлар министрі <a href="https://kaz.inform.kz/news/totenshe-zhagdaylar-ministr-shingis-arnov-8b1d5a/">Шыңғыс Әрінов</a> 2006 жылдан 2022 жылға дейін Мемлекеттік күзет қызметінде түрлі сатыдан өтіп, шыңдалған. 40 жастағы жаңа министр 2022 жылдың қаңтарынан бүгінге дейін Қазақстан Республикасы Президентінің Өкімімен Қазақстан Республикасы Мемлекеттік күзет қызметі бастығының орынбасары — Президент күзет қызметінің бастығы болып келді.<img class="image_resized" style="width:560px;" src="https://img.inform.kz/kazinform-photobank/media/2024-02-06/f9e9b5cc-110e-44f8-99c3-8e0c43f8cdb5.jpeg" alt="Шыңғыс Әрінов" loading="eager">Фото: Парламент МәжілісіДепутаттықтан ДенсаумингеӘ. Смалиов кабинетіндегі үш әйел министрдің бірі болған Ажар Ғиният қызметімен қоштасқанымен, орнын тағы бұрымды басты. Ол – Сенат депутаты <a href="https://kaz.inform.kz/news/azhar-giniyattin-ornina-akmaral-alnazarova-keld-640c32/">Ақмарал Әлназарова</a>.52 жастағы А. Әлназарова – медицина ғылымдарының докторы. Педиатр маман Қызылорда облысының денсаулық сақтау саласында басшылық қызметтер атқарып, жергілікті мәслихат депутаты болды. Сенаттағы депутаттық мандатында да денсаулық саласының өзекті проблемаларын көтерумен есте қалды.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-02-06/3cc59f79-85bd-4f0e-82e8-d421f29a7c60.jpeg" alt="ақмарал әлназарова" loading="eager">Фото: primeminister.kzТағы бір мүмкіндік берілгендерМемлекет басшысының Жарлықтарымен келесі лауазым иелері бұрынғы орындарында қалды:<ul><li style="text-align:justify;">37 жастағы Көлік министрі&nbsp;<a href="https://kaz.inform.kz/news/marat-karabaev-kolk-ministr-kizmetn-ar-karay-atkara-bered-71e239/">Марат Қарабаев</a>,</li><li style="text-align:justify;">54 жастағы Туризм және спорт министрі&nbsp;<a href="https://kaz.inform.kz/news/ermek-marzhikpaev-turizm-zhane-sport-ministr-boldi-e4b3b6/">Ермек Маржықпаев</a>,&nbsp;</li><li style="text-align:justify;">49 жастағы Мәдениет және ақпарат министрі&nbsp;<a href="https://kaz.inform.kz/news/aida-balaeva-orninda-kaldi-7acd94/">Аида Балаева</a>,&nbsp;</li><li style="text-align:justify;">56 жастағы Су ресурстары және ирригация министрі&nbsp;<a href="https://kaz.inform.kz/news/nurzhan-nurzhgtov-su-resurstari-ministr-lauaziminda-kaldi-1a9065/">Нұржан Нұржігітов</a>,&nbsp;</li><li style="text-align:justify;">42 жастағы Ғылым және жоғары білім министрі <a href="https://kaz.inform.kz/news/sayasat-nurbek-gilim-zhane-zhogari-blm-salasindagi-kizmetn-zhalgastira-bered-d4b6e6/">Саясат Нұрбек</a>,</li><li style="text-align:justify;">62 жастағы Экология және табиғи ресурстар министрі<a href="https://kaz.inform.kz/news/erlan-nisanbaev-ekologiya-zhane-tabigi-resurstar-ministr-bolip-kayta-tagayindaldi-eb35d3/"> Ерлан Нысанбаев,</a>&nbsp;</li><li style="text-align:justify;">54 жастағы Оқу-ағарту министрі <a href="https://kaz.inform.kz/news/gani-beysembaev-buringi-kizmetne-kayta-tagayindaldi-01f253/">Ғани Бейсембаев,</a></li><li style="text-align:justify;">40 жастағы Цифрлық даму, инновациялар және аэроғарыш өнеркәсібі министрі <a href="https://kaz.inform.kz/news/bagdat-musin-oz-orninda-kaldi-787c03/">Бағдат Мусин</a>,</li><li style="text-align:justify;">57 жастағы Ауыл шаруашылығы министрі<a href="https://kaz.inform.kz/news/aydarbek-saparov-auil-sharuashiligi-ministr-lauazimin-atkara-bered-0dcc12/"> Айдарбек Сапаров</a>,&nbsp;</li><li style="text-align:justify;">53 жастағы Энергетика министрі&nbsp;<a href="https://kaz.inform.kz/news/almasadam-satkaliev-energetika-ministr-bolip-kayta-tagayindaldi-27c920/">Алмасадам Сәтқалиев,</a>&nbsp;</li><li style="text-align:justify;">46 жастағы Сауда және интеграция министрі <a href="https://kaz.inform.kz/news/arman-shakkaliev-sauda-zhane-integratsiya-ministr-8b3618/">Арман Шаққалиев,</a>&nbsp;</li><li style="text-align:justify;">42 жастағы Өнеркәсіп және құрылыс министрі <a href="https://kaz.inform.kz/news/kanat-sharlapaev-buringi-orninda-kaldi-b5df03/">Қанат Шарлапаев</a>,</li><li style="text-align:justify;">55 жастағы Еңбек және халықты әлеуметтік қорғау министрі,<a href="https://kaz.inform.kz/news/svetlana-zhakipova-enbek-zhane-halikti-aleumettk-korgau-ministr-kizmetn-atkara-bered-d3368d/">Светлана Жақыпова,</a></li><li style="text-align:justify;">44 жастағы Әділет министрі <a href="https://kaz.inform.kz/news/azamat-eskaraev-buringi-kizmetnde-kaldi-90a52d/">Азамат Есқараев.</a></li></ul>21 министрдің үшеуі - әйелСондай-ақ Конституция бойынша Президент өз бетімен тағайындайтын үш министр де орындарын сақтап қалды. Атап айтсақ:<ul><li style="text-align:justify;"><a href="https://kaz.inform.kz/news/murat-nurtleu-oz-kizmetnde-kaldi-765a33/">Мұрат Нұртілеу</a> Қазақстан Республикасы Премьер-Министрінің орынбасары – Сыртқы істер министрі лауазымына,&nbsp;</li><li style="text-align:justify;"><a href="https://kaz.inform.kz/news/erzhan-sadenov-shk-ster-ministr-lauazimina-kayta-tagayindaldi-61d380/">Ержан Сәденов</a> Қазақстан Республикасының Ішкі істер министрі лауазымына,</li><li style="text-align:justify;"><a href="https://kaz.inform.kz/news/korganis-ministr-kayta-tagayindaldi-08f103/">Руслан Жақсылықов</a> Қорғаныс министрі лауазымына қайта тағайындалды.&nbsp;</li></ul>Бұрынғы Қаржы министрі Ерұлан Жамаубаевтан басқа вице-премьерлер де қызметінде қалды.Жаңа кабинеттің жасына келсек, ең жас министр Көлік министрі Марат Қарабаев болып тұр. Ал ең егде жастағы Экология және табиғи ресурстар министрі Ерлан Нысанбаевтың зейнет жасына жетуіне бір жылдай ғана уақыт қалған.Жалпы министрлер кабиентіндегі 21 министрдің үшеуі - әйел.

Үкіметтің жаңа құрамы қалай жасақталды?

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Ақмарал Шәріпбайқызы Әлназарова Қазақстан Республикасының Денсаулық сақтау министрі лауазымына тағайындалды, деп хабарлады Ақорда.</h4><h4 style="margin-left:0px;"> &nbsp;1971 жылы Қызылорда қаласында туған.&nbsp;</h4>Алматы мемлекеттік медицина институтын (1994) «педиатрия»,&nbsp;Қорқыт университетін (2006)&nbsp;«экономист» мамандығы бойынша бітірген.&nbsp;Қазақстанда да, шетелде де&nbsp;қосымша оқудан өтті.&nbsp;&nbsp;Медицина ғылымдарының докторы (2010)Қызылорда қалалық балалар ауруханасының қабылдау бөлімінің дәрігері;Педиатрия және балалар хирургиясы ғылыми орталығының Қызылорда филиалының кіші ғылыми қызметкері (1997-1999);Бөлім бастығы, облыстық денсаулық сақтау басқармасы бастығының орынбасары (1999-2001);Қызылорда облыстық балалар ауруханасының бас дәрігері (2001-2003);Қызылорда облысы Денсаулық сақтау басқармасының бастығы (2003-2004);ҚР Денсаулық сақтау министрлігі Медициналық қызмет көрсету саласындағы бақылау комитетінің облыстық басқармасының бастығы (2005-2007);Қызылорда медициналық колледжінің директоры (2007-2013);Қызылорда облысы әкімінің орынбасары (02.2013-12.2014);Қызылорда облыстық мәслихатының хатшысы (12.2014-11.2015);Қызылорда облысының денсаулық сақтау басқармасының басшысы (11.2015-04.2019);«Нұр Отан» партиясы Қызылорда облыстық филиалы төрағасының бірінші орынбасары (04.2019-06.2020)Облыстық мәслихаттың IV&nbsp;және V&nbsp;шақырылымдарының депутаты, Әлеуметтік сала және мәдениет мәселелері жөніндегі комиссияны басқарды.2007 жылдан бері AMANAT партиясының мүшесі.&nbsp;&nbsp;

Ақмарал Әлназарова ҚР Денсаулық сақтау министрі лауазымына тағайындалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Жаңа премьер-министр тағайындалғаннан кейін үкіметте ауыс-түйіс басталып кетті.</h4>Тоқаев үш министрді тағайындады. Олардың барлығы бұған дейін атқарған қызметінде қалды.Мемлекет басшысының жарлығымен:Мұрат Нұртілеу премьер-министрдің орынбасары – сыртқы істер министрі лауазымына;Руслан Жақсылықов қорғаныс министрі қызметіне;Ержан Сәденов ішкі істер министрі лауазымына қайта тағайындалды.&nbsp;

Үш министр өз орнын сақтап қалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Айбек Арқабайұлы Дәдебаев Қазақстан Республикасы Президенті Әкімшілігінің Басшысы болып тағайындалды, ол бұрынғы атқарған лауазымынан босатылды, деп хабарлайды Ақорда.</h4>

Президенті Әкімшілігінің Басшысы тағайындалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Премьер-министрінің орынбасары – Сыртқы істер министрі болып тағайындалды. Ол Қазақстан Республикасы Президенті Әкімшілігінің Басшысы лауазымынан босатылды, деп хабарлайды Ақорданың баспасөз қызметі.</h4>Мұрат Нұртілеу 1976&nbsp;жылы Алматы қаласында туған.1998 жылы әл-Фараби атындағы Қазақ ұлттық университетінің Халықаралық қатынастар факультетін тәмамдаған.1998-1999 жылдары – Қазақстан Республикасының Сыртқы істер министрлігі Мемлекеттік протокол қызметінің референті, атташесі.1999-2003 жылдары – Қазақстан Республикасының Малайзиядағы атташесі.2003-2004 жылдары – Қазақстан Республикасының Сыртқы істер министрлігі Азия және Африка департаментінің екінші хатшысы.2004-2006 жылдары – Қазақстан Республикасы Сыртқы істер министрінің кеңесшісі.2007 жылы – Қазақстан Республикасы Сыртқы істер министрі хатшылығының басшысы.2007 жылы – Қазақстан Республикасының Парламенті Сенатының Аппараты басшысының орынбасары.2007-2011 жылдары – Қазақстан Республикасы Парламентінің Сенаты Аппаратының басшысы.2011 жылы – Қазақстан Республикасы&nbsp;Сыртқы істер министрлігінің Ерекше тапсырмалар жөніндегі елшісі.2011 жылы – Қазақстан Республикасының Сыртқы істер министрлігі Азия және Африка департаментінің директоры.2011-2014 жылдары – Қазақстан Республикасының Женевадағы (Швейцария Конфедерациясы) тұрақты өкілдігінде кеңесші-уәкіл.2014-2016 жылдары – Қазақстан Республикасының Президенті Әкімшілігінің Сыртқы саясат орталығы меңгерушісінің орынбасары.2016-2019 жылдары – Қазақстан Республикасының Финляндия Республикасындағы Төтенше және өкілетті елшісі, Қазақстан Республикасының Эстониядағы Төтенше және өкілетті елшісі қызметін қоса атқарушы.2019-2021 жылдары&nbsp;–&nbsp;Қазақстан Республикасы Президентінің көмекшісі.2021-2022 жылдары – Қазақстан Республикасы Президентінің Әкімшілігі&nbsp;Басшысының орынбасары.2022 жылғы қаңтар – Қазақстан Республикасы Ұлттық қауіпсіздік комитеті төрағасының бірінші орынбасары.2022 жылғы 1&nbsp;ақпанда&nbsp;Мемлекет басшысының Жарлығымен&nbsp;Қазақстан Республикасы Президенті&nbsp;Әкімшілігінің Басшысы болып тағайындалды.2023 жылғы 3 сәуірден бастап ҚР Премьер-Министрінің орынбасары – Сыртқы істер министрі болып тағайындалды.&nbsp;

Мұрат Нұртілеу лауазымын сақтап қалды  

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Премьер-Министр Олжас Бектенов отандық өнімді қолдауға ерекше назар аударатынын айтты, деп хабарлайды Қазақпарат.</h4>Жаңадан тағайындалған Үкімет басшысы Президенттің жүктеген жоғары сенімін ақтауға бар күш-жігерін салатынын айтты.<blockquote>«Менің кандидатурамды қолдағандарыңыз үшін шынайы ризашылығымды білдіремін. Өздеріңіз білетіндей, Мемлекет басшысы еліміздің экономикасы мен әлеуметтік саласын дамытуда бірқатар ауқымды тапсырма берді. Аталған тапсырмалардың барлығы мүлтіксіз орындалады. Бұрын-соңды болмаған сын-қатерлер дәуірінде зор экономикалық серпіліс жасауымыз керек. Халықтың әл-ауқатын арттыру мақсатында Үкімет батыл әрі тиімді қадамдар жасайды»,&nbsp;— деді О. Бектенов Мәжілістің жалпы отырысында.&nbsp;</blockquote>Оның айтуынша, өңдеу саласын жедел дамытуға баса мән беріледі.<blockquote>«Мұнай-газ және көмір химиясы, металды терең өңдеу, мащина жасау, автобөлшектер шығару, яғни жоғары деңгейде өңделген өнім шығаратын салаларды барынша дамытамыз. Отандық өндірісімізді ынталандыруға бағытталған нақты шаралар қабылданады. Реттелетін сатып алу аясында Қазақстанда жасалған тауарлардың үлесін арттырып, ондықтық өндірушілерді қолдау мақсатында офтейк жүйесін толық іске қосамыз. Басты мақсат&nbsp;— басқа елдің емес, өзіміздің ұлттық бизнесімізді қолдау. Ауыл шаруашылығы саласының зор әлеуетін дұрыс пайдалану маңызды. Ет, сүт, астық өнімдерін терең өңдеуге назар аударамыз. Электр қуаты, жылу әрі сумен қамтамасыз ету бағытында белсенді жұмыс атқарамыз. Тиімсіз шығындарды қысқартып, үнімделген қаражат инфрақұрылымды жаңартуға бағытталады. Көлік-логистика саласын дамытып, еліміздің транзиттік әлеуетін арттыру&nbsp;— Үкімет жұмысындағы басымдықтардың бірі болатыны сөзсіз. Цифрландыру, жасанды интеллектің қолдану саласын кеңейту, есептеу қуаттарын ұлғайту, аса маңызды міндеттер. Мемлекет басшысы белгілеген заң мен тәртіп қағидатын жүзеге асыруға бағытталған шаралар қабылдаймыз. Басқа да&nbsp;халықтың көкейінде тұрған өзекті мәселелер үнемі Үкіметтің назарында болады. Үкімет халқымыздың игілігіне, еліміздің өркендеуіне қызмет етеді»,&nbsp;— деді Үкімет басшысы.</blockquote>Фото: Ақорда

Халықтың әл-ауқатын арттыру мақсатында Үкімет батыл әрі тиімді қадамдар жасайды — Олжас Бектенов

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Олжас Бектеновтың кандидатурасын қолдамағандар мен қолдағандардың тізімін Kyzylorda news ақпарат агенттігі жариялайды.</h4>Партиялар арасынан Қазақстан халық партиясы мен Жалпыұлттық социал-демократиялық партиясы қолдамады. Ал «Ауыл», «Республика», «Ақ жол» партиялары қолдады.Сондай-ақ, Олжас Бектеновтың кандидатурасына 69 депутат дауыс берді, 7 депутат қалыс қалды.Фото: &nbsp;Informburo.kz

Жаңа Премьер министр Олжас Бектеновты кім қолдамады, кім қолдады?

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Қ.Тоқаев үкіметтің не себепті отставкаға кеткенін түсіндірді деп хабарлайды Kyzylorda news ақпарат агенттігі.</h4><blockquote>Жаңа тәсілдер әзірленетін болады. Үкіметке жаңа серпін беру керек деп есептеймін. Мұны қоғам да күтіп отыр. Сол себепті мен Әлихан Смайыловтың отставкасы туралы шешім қабылдадым, — деді президент.</blockquote>

Қасым-Жомарт Тоқаев үкіметтің не себепті отставкаға кеткенін түсіндірді

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Олжас Абайұлы Бектенов Қазақстан Республикасының Премьер-Министрі болып тағайындалды, ол бұрынғы атқарған лауазымынан босатылды, деп хабарлайды Ақорда.</h4>Олжас Абайұлы Бектенов 1980 жылы 13 желтоқсанда Алматы қаласында туған.Қазақ мемлекеттік заң академиясын (2001 ж.) үздік бітірген, мамандығы «Заңгер».ІІ дәрежелі «Айбын» (2014 ж.) және «Даңқ» (2021 ж.) ордендерімен наградталған.2002-2005 жылдары Алматы қаласы Әділет басқармасы бөлімінің бас маманы.2005-2006 жылдары ҚР Премьер-Министрі Кеңсесінің заң бөлімінің сарапшысы, бас сарапшысы.2006-2009 жылдары ҚР Президенті Әкімшілігінде жұмыс жасады.2009-2012 жылдары ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.2012-2014 жылдары ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.2015-2016 жылдары Астана қаласы әкімінің аппарат басшысы, ҚР Президенті Әкімшілігі Басшысы Хатшылығының меңгерушісі.2016-2017 жылдары Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Астана қаласы бойынша департаментінің басшысы.2017-2018 жылдары Ақмола облысы әкімінің орынбасары.2018-2019 жылдары Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.2019-2022 жылдары Қазақстан Республикасының Сыбайлас жемқорлыққа қарсы іс-қимыл Агенттігі Төрағасының бірінші орынбасары.2022 жылдың ақпанынан бастап Қазақстан Республикасының Сыбайлас жемқорлыққа қарсы іс-қимыл агенттігінің төрағасы қызметін атқарды.

Олжас Бектенов Қазақстан Республикасының Премьер-Министрі болып тағайындалды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Мәжілістің жалпы отырысында жаңадан жасақталатын Үкіметтің алдында тұрған міндеттерді атады.&nbsp;</h4><blockquote>«Құрметті депутаттар, баршаңызға мәлім, бүгінгі Қазақстан халықаралық қоғамдастықта абырой-беделі бар мемлекет. Бұл — еліміз үшін зор жетістік деп сеніммен айтуға болады. Шетел саясаткерлері және сарапшылары Қазақстан Орталық Азияда әлеуметтік-экономикалық даму қарқыны және жалпы экономиканың көлемі бойынша көш бастап тұрғанын мойындайды», — деді Мемлекет басшысы.</blockquote>Президент қазір Үкіметке босаңситын кез емес екенін еске салды.<blockquote>«Бірақ біз еліміздің әлеуетін одан әрі арттырумыз керек. Бұл алдымызда тұрған биік мақсат. Сондықтан босаңсуға болмайды. Басқа сөзбен айтқанда, ұзақмерзімді стратегиялық мақсаттарға қол жеткізу үшін мұның бәрі жеткіліксіз екені анық. Қазақстанды озық елге айналдыруымыз керек. Бұл жай ұран емес. Бұл&nbsp;— біздің нақты жоспарымыз. Бізге керегі&nbsp;— дамудың сара жолы. Сондықтан түбегейлі саяси реформалар жүргізумен қатар еліміздің қоғамдық-экономикалық өмірінде терең өзгерістер жасау үшін батыл шаралар қабылдауымыз қажет. Ең бастысы, біздің барлық іс-әрекетіміз Әділетті Қазақстан құру қағидатына сай болуға тиіс»,&nbsp;— дедң Қасым-Жомарт Тоқаев.</blockquote>

Президент жаңа Үкіметке қандай міндеттер жүктеді?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Мемлекет басшысына «Amanat» партиясының атынан Премьер-Министрдің кандидатурасы ұсынылды, деп хабарлайды Ақорда.</h4>Президент Қасым-Жомарт Тоқаевқа Парламент Мәжілісінің және «Amanat» партиясының төрағасы Ерлан Қошанов Премьер-Министр қызметіне Олжас Бектеновтің кандидатурасын ұсынды.Қолданыстағы заңнамаға сәйкес, Мемлекет басшысы ұсынылған кандидатураны Мәжілістегі партиялардың фракцияларымен жуық арада талқылайды.Олжас Абайұлы Бектенов 1980 жылы 13 желтоқсанда Алматы қаласында туған.Қазақ мемлекеттік заң академиясын (2001 ж.) үздік бітірген, мамандығы «Заңгер».ІІ дәрежелі «Айбын» (2014 ж.) және «Даңқ» (2021 ж.) ордендерімен наградталған.2002-2005 жылдары Алматы қаласы Әділет басқармасы бөлімінің бас маманы.2005-2006 жылдары ҚР Премьер-Министрі Кеңсесінің заң бөлімінің сарапшысы, бас сарапшысы.2006-2009 жылдары ҚР Президенті Әкімшілігінде жұмыс жасады.2009-2012 жылдары ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.2012-2014 жылдары ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.2015-2016 жылдары Астана қаласы әкімінің аппарат басшысы, ҚР Президенті Әкімшілігі Басшысы Хатшылығының меңгерушісі.2016-2017 жылдары Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Астана қаласы бойынша департаментінің басшысы.2017-2018 жылдары Ақмола облысы әкімінің орынбасары.2018-2019 жылдары Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.2019-2022 жылдары Қазақстан Республикасының Сыбайлас жемқорлыққа қарсы іс-қимыл Агенттігі Төрағасының бірінші орынбасары.2022 жылдың ақпанынан бастап Қазақстан Республикасының Сыбайлас жемқорлыққа қарсы іс-қимыл агенттігінің төрағасы қызметін атқарды.Фото:Ақорда

«Аmanat» партиясы Премьер-Министрдің кандидатурасын ұсынды

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Мәжіліс депутаты Мархаббат Жайымбетов педофилдерге өмір бойы бас бостандығынан айыру нормасы енгізілді деп фейзбук парақшасына жариялады деп хабарлайды Kyzylorda news ақпарат агенттігі.</h4>Күні кеше Мәжілісте әйелдердің құқықтары мен балаларды қауіпсіздігін қамтамасыз ету туралы жаңа заң жобасының таныстырылымы өтті. Заң жобада зорлық-зомбылық үшін жауапкершілікті күшейтуге, суицидтің алдын алуға отбасы институтын нығайтуға, барлық үлгідегі және нысандағы интернаттық ұйымдарды хабардар етпей мемлекеттік бақылауды жүзеге асыруға, балаларға арнайы әлеуметтік қызметтер және білім беру-сауықтыру қызметтерін көрсететін ұйымдарды міндетті лицензиялауға, балалардың қауіпсіздігін қамтамасыз етуге бағытталған.<blockquote>Сәбилерді өлтіргендер мен педофилдерді өмір бойы бас бостандығынан айыруды да ұсындық. Бұрынғы 20 жылға қамауға қарағанда бұл қатаң жаза. Осыны оқығанда көп оқырмандарым «ату жазасы болу керек» деп жазуы мүмкін, бірақ өмір бойы қамаудан қатаң жаза Қазақстанда жоқ. Балалар үйі мен балаларға арналған интернаттық ұйымдарға алдын-ала ескертпей ақ, кез келген уақытта оларды тексеру ұсынылды. Балаларға арналған жазғы лагерьлерді де лицензиялау туралы ұсыныс бердік. Сондай-ақ, ересектер еріп жүрмеген 16 жасқа дейінгі кәмелетке толмаған баланы автобустан және өзге де қоғамдық жолаушылар көлігінен мәжбүрлеп түсіргені үшін 5 АЕК айыппұл төленетін болады. Суицидті насихаттау үшін («синий кит» естеріңізде шығар) немесе суицидке итермелеу үшін қылмыстық жауапкершілік енгізуді де ұсындық, мұндай бұрын болмаған.&nbsp;&nbsp;Жалпы, криминализация дегенде, ол тек ғана әйелдерге қатысты норма емес екенін айтуымыз керек. Жалпы, енді бір адам екінші адамды ұрып-соқса немесе денсаулығына жеңіл зиян келтірсе, оның жазасы әлдеқайда қатаң жауапкершілікке Қылмыстық кодекс шеңберінде қарастырылатын болады. Бұған қоса, мысалы, ол азамат жұмыс бойынша міндетін атқару кезінде ұрып-соғуға іліксе (мысалы, жедел жәрдемнің жүргізушісі сияқты), онда жаза тіпті одан да қатаң болады.&nbsp;Отбасында зорлық-зомбылық жасаған адамдардың агрессивті мінез-құлықын өзгерту үшін сотқа психологиялық көмек көрсетуді міндеттеу уәкілеттілігін беруді ұсындық. Қылмыстық құқық бұзушылық жасағаны үшін кінәлі деп танылған адамға сот шешімі бойынша үш айдан бір жылға дейінгі мерзімге жәбірленушіні іздестіруге, қудалауға, оған баруға, ауызша, телефон арқылы келіссөздер жүргізуге және онымен өзге де тәсілдермен байланысқа түсуге тыйым салынатын ерекше талаптар белгілеу ұсынылып отыр.&nbsp;Заң жобасын жетілдіруге қатысты өз ұсыныстарымды ортаға салдым. Яғни, алдағы уақытта&nbsp; Мәжілісте аталған заң жобасы бойынша түзетулер мен пысықтаулар жұмыс тобы аясында жалғасатын болады.</blockquote>

Қазақстан және Қызылорда облысының жаңалықтары: Саясат