&nbsp;<a href="https://kyzylorda-news.kz/">Kyzylorda-news.kz</a> Осы аптаның жұма күнінде Қазалы ауданы бойынша білім бөлімінің жұмыс жоспарына сәйкес, қазақ тілі мен әдебиет пәні мұғалімдеріне «Қазақ тілі пәнінен 5-8, 10 сыныптарға арналған аралық аттестаттауды өткізу ерекшеліктері» &nbsp;атты аудандық&nbsp;семинар-практикум &nbsp;өткізді. Семинар барысында, аралық аттестаттаудың мақсаты мен міндеті, талаптары, мазмұны, бағалау критерийлері, үлгілік оқу бағдарламасымен байланысы, тапсырмалар мазмұнының сипатамасына түсіндірме жүргізді.Жиында №276 мектептің қазақ тілі мен әдебиет пәні мұғалімі Бақытгүл Есіркепова білім алушылардың оқу аяқталғаннан кейін бір оқу пәнінің бір бөлігінің немесе бүкіл көлемінің мазмұнын игеру сапасын бағалау мақсатында жүргізілетін аралық аттестаттаудың негізгі ерекшелігі мен қойылатын талаптарына тоқталды.Сонымен бірге, Жанқожа батыр атындағы №70 орта мектептің қазақ тілі мен әдебиет пәні мұғалімі Жанат Сисенбай бағалау критерийлері құрастырылатын тапсырмаларға қарай мұғалімдер тарапынан жасалуы қажеттілігі айтылды.Емтихан тапсырмаларын құрастыруда мүмкіндігінше, үш дағды қамтылып, емтихан сұрақтарын емтихан алушы педагог құрастыратындығы ескертілді. Қазалы ауданына қарасты Кәукей ауылындағы №225 мектептің мұғалімі Сәбит Сексенбай аралық аттестаттау тапсырмаларының үлгілерімен таныстырды.Семинарда пән мұғалімдері өз ойларын ортаға салып, сұрақтарға жауап берілді.

Аралық аттестаттау өткізу жайы түсіндірілді

&nbsp; &nbsp; &nbsp; Қай&nbsp; жыл мезгілі болсын көптеген табиғи апат пен тілсіз жаудың адам өміріне тигізер қауіптілігі өте жоғары. Әр өңірдің орналасу географиясына қатысты төтенше жағдайлардың сан түрлісі орын алып жатады. Өрт, су тасқыны, лай көшкіні, жер сілкінісі секілді апаттық оқиғалардың орын алуы – мемлекет үшін орасан шығын. Ең алдымен, адам өмірін сақтап қалып, техногенді апатты болдырмау жолы – төтеншеліктердің негізгі міндеті. Өз кезегінде өткен жылдың қорытындысы бойынша саладағы ауқымды жұмыстарды саралау мақсатында аудандық төтенше жағдайлар бөлімінің бастығы, азаматтық қорғау майоры Қанат Шарафадиновпен сұхбаттастық.&nbsp; &nbsp; &nbsp;– Қанат Шарафаддинұлы, ең алдымен өзіңіз жетекшілік ететін төтенше жағдайлар бөлімінің қызметтік бағытын айтып берсеңіз.&nbsp; &nbsp; &nbsp;– Негізінен Сырдария ауданы гарнизоны бойынша төтенше жағдай бөлімінде 5 және №12 өрт сөндіру бөлімінде 35 маман жұмыс істейді. Жалпы біздің бөлім азаматтық қорғау саласындағы мемлекеттік саясатты, оның ішінде табиғи және техногендік сипаттағы төтенше жағдайлардың алдын алу және жою, аудан аумағында азаматтық қорғанысты ұйымдастыруды, өрт қауіпсіздігін қамтамасыз етуді, төтенше жағдай аймағында халыққа көмек көрсетуді жүзеге асырады. Бөлімнің 22 тармақтан тұратын жылдық жұмыс жоспары бекітіледі. Жұмыс барысында Қызылорда облысы төтенше жағдайлар департаменті бастығының №31 бұйрығымен бекітілген арнайы жоспарға сүйенеміз. Расында, бөлім қызметкерлеріне функционалдық міндеттемеге сәйкес, салалық жұмыс тізбегі бөлініп берілген.&nbsp; &nbsp; &nbsp;– Аудан көлемінде төтенше жағдайлардың алдын алу және жою негізінде азаматтық қорғау саласы бойынша өткен жылы қандай жұмыстар атқарылды?&nbsp; &nbsp; &nbsp;– Шын мәнінде, төтенше жағдайдың алдын алу және оларды жою жөніндегі кешенді жұмыспен біздің бөліммен қатар, азаматтық қорғаудың мемлекеттік жүйесін қалыптастыратын 14 арнайы қызмет айналысады. Олардың әрқайсысының төтенше жағдай орын алған мезетте атқаратын қызметі бар. Өткен жылы аталған бағыттағы аудандық комиссия отырысында қаралатын тақырыптық іс-шаралар жоспарына сәйкес, 7 отырыс өткізілді. Аталған мерзімде аудандық төтенше жағдайлар комиссиясы отырысында 17 мәселе қаралып, сала мамандарына 97 тапсырма берілді. Берілген тапсырмалардың орындалуы бойынша талдау жасалып, жергілікті атқарушы органға жолданды. Айта кетейік, 2023 жылы төтенше жағдайлардың алдын алу мен жоюға аудан бюджетінің шұғыл шығындар резервінен 84 млн 404 мың теңге қаржы қаралды. Ауданның қауіп-қатер каталогы мен қауіпсіздік паспортына өзгерістер мен толықтыру 2022 жылы енгізілген. Көпшілікке мәлім аудан аумағында су басуы ықтимал аумақтар жеткілікті. Сондықтан жергілікті тұрғындарды су басу аумағынан қауіпсіз аймаққа орналастыру үшін іс-шара жоспары жасалған. Су басу ықтималдылығы жоғары аймаққа Тереңөзек кенті мен «Майлықұм», «Узтоп», «Соркөл», секілді жекелеген бірнеше саяжай кіреді. Жергілікті халықты су басу аймақтарынан көшіру мақсатында 4 эвакуациялық жинақтау пункті, 7 эвакуациялық қабылдау пункті бекітілген. Аудан аумағында оңтүстік-шығыстан солтүстік-батысқа қарай жалпы ұзындығы 77 шақырымды құрайтын «Сырдария» өзені ағатыны мәлім. Өзен бойымен жалпы ұзындығы 96,9 шақырым яғни, оң жаға – 55, сол жаға – 41,9 болатын қорғаныс бөгеті бар. Алдын ала жоспарланған жұмыстың нәтижесінде су тасқыны былтыр орын алмағанын айта кетейік.&nbsp; &nbsp; &nbsp;Өз кезегінде оқу-жаттығу жиындары тұрақты түрде мерзімі бойынша өткізілді. Атап айтқанда, аудан көлемінде «Қыс – 2023», «Көктем – 2023», «Зымыран – 2023», «Қорғау – 2023» оқу-жаттығуы ұйымдастырылды. Сонымен қоса ҚР Төтенше жағдайлар министрінің «Жер – 2023» командалық-штабтық оқу-жаттығуды дайындау және өткізу жөніндегі ұйымдастырушылық нұсқауына сәйкес, «Жер – 2023» командалық-штабтық оқу-жаттығуы Тереңөзек кентінде өткізіліп, облыстық штаб құрылды. Оқу-жаттығу барысында эвакуациялық жинақтау, қабылдау пункттерінің жай-күйіне қарау жұмысы жүргізіліп, қатысушылар тарапынан оң баға берілді. Сырдария ауданы бойынша төтенше жағдайлар туралы халықты жаппай құлақтандыру мақсатында Тереңөзек кентінде 5 дабыл жүйесі орнатылған. Цифрлық технологияның көмегінің арқасында барлық дабыл жүйесін бір мезетте қосуға мүмкіндік бар.&nbsp; &nbsp; &nbsp;– Бүгінде тілсіз жаудан зардап шеккен жандар қатары аз емес. Өз кезегінде өрт қауіпсіздігі саласында жүзеге асқан жұмыстарды тізбектеп айтып бересіз бе?&nbsp; &nbsp; &nbsp;– Өрт қауіпсіздігі – қашанда басты назарымызда. Осы күні аталған саладағы мемлекеттік бақылауды жүзеге асыру ұдайы өз деңгейінде жүргізіліп келеді. Әкімшілік құқық-бұзушылық туралы істерді жүзеге асыру – күн тәртібінен түспейді. Сырдария аудандық төтенше жағдайлар бөлімінде 349 бақылау және қадағалау объектілері есепке алынған. Өрт қауіпсіздігі бойынша 2023 жылы тексеру кестесіне барлығы 17 нысан енгізілген. Есепті мерзімде аудан көлеміндегі 16 жоғары тәуекел дәрежесіне жатқызылған нысандарға профилактикалық бақылау жүргізілген. Арнайы тексеру нәтижесінде 158 өрт қауіпсіздігі бұзушылығы анықталған. Бірнеше заңды тұлғаға айыппұл салынып, ескерту берілген. Былтыр аудан аумағында түрлі деңгейдегі төтенше жағдай туралы 164 хабарлама тіркелген. Оның ішінде 29 өрт, 79 өртке жатпайтын жану оқиғалары, 32 авариялық құтқару жұмыстары 15 аумақтылығы бойынша жолданған болып табылады. Былтыр орын алған 29 өрт оқиғасынан 23 млн 838 мың теңгеге шығын келтірілген. Бұл ретте, өрт қауіпсіздігі ережесін сақтамағандарға заң шеңберінде шара көрілді. Аудан бойынша 219 өрт гидранты жұмыс жасайды. Анығын айтқанда, Тереңөзек кентінің орталығында 92, елді мекендерде 127 және 4 су қоймасы бар. Осыдан 4 жыл бұрын Шаған, Амангелді ауылдық округтерінде өрт сөндіру бекеттері ашылды. 2024 жылы Ақжарма және Шіркейлі елді мекенінде өрт сөндіру бекетін ашу жоспарланған. Қазіргі таңда Ақжарма ауылдық округіне 1 өрт сөндіру автокөлігі берілді.&nbsp; &nbsp; &nbsp;– Жергілікті тұрғындар жылу беру маусымы кезінде қандай талаптарды ескеруі керек? Маусым бойы сақтық іс-шарасы қалай жүзеге асырылды?&nbsp; &nbsp; &nbsp;– Жылу беру маусымында аудан бойынша әлеуметтік осал топтарына жататын 173 отбасының тізімі нақтыланды. Барлық тұрғын үйлерге рейдтік іс-шара барысында өрт қауіпсіздігі ереже талаптары түсіндірілді. Жалпы тұрғын үйлерге 751 дана көмірқышқыл газын анықтайтын датчик орнатылған. БАҚ өкілдерімен осы бағыт бойынша ақпараттандыру жүргізілді. Негізінен, дәмі мен иісі жоқ түссіз газ адам өміріне қауіпті. Құрамында көміртегі бар кез келген отын, жанар-жағармай түрлері, мазут көмір, ағаш отынның толық жанбауынан адамдардың иістен улану жағдайы болады. Кез келген келеңсіз жағдай орын алған кезде жедел қызметтердің нөмірлеріне тұрғындар шұғыл хабарласу керек. Моржадағы ақау, пеш құрылысындағы жарықтар өз зиянын келтірмей қоймайды.&nbsp; &nbsp; &nbsp;– Жаз мезгілінде суға түсу маусымы басталатыны анық. Су айдындарында шомылатын жандар қатары көп. Бұл бағыт бойынша өткен жылы ауқымды іс-шаралар атқарылған шығар.&nbsp; &nbsp; &nbsp;– Өткен жылы азаматтардың суға кетуі бойынша 3 жағдай тіркелді. Ауданда орын алған суға кету оқиғаларын болдырмау мақсатында Тереңөзек кентіндегі «Қалғандария» көлінде алғашқы суда құтқару құрал-жабдықтарымен және құтқарушылармен қамтамасыз етілген коммуналдық жағажай ашылды. Тұрғындарға судағы қауіпсіздік дағдыларын түсіндіру бағытында «Тіршілік тынысы» газетіне 5 мақала және «Сыр құтқарушысы» журналына 6 мақала жарияланды. «Facebook», «Instagram» «Telegram» әлеуметтік желісінде «Суға түсу маусымындағы қауіпсіздік ережелері» тақырыбында 8 бейнеролик пен 92 мақала жарияланды. Сонымен қатар аудандық полиция бөлімінің мамандары мен еріктілер бірлесіп, арнайы рейд жасалды. Аудан көлемінде 8 билборд және суға түсуге тыйым салынған жерлерге 36 дана тақтайша орнатылды.&nbsp; &nbsp; &nbsp;– Сыр өңірінде алғаш рет біздің ауданда «Жас құтқарушылар» сыныбы ашылғаны жөнінде хабардармыз. Саланың оң имиджін қалыптастыру мақсатында жүзеге асқан жоба жөнінде айтып бересіз бе?&nbsp; &nbsp; &nbsp;– Азаматтық қорғау органдарының оң имиджін көтеру және оқушыларды патриоттық сезімге тәрбиелеу, «Жас құтқарушы» клубтарының жұмысын жетілдіру мақсатында аудандық білім бөлімімен 2022-2023 оқу жылдарына арналған бірлескен іс-шаралар жоспары бекітілген болатын.&nbsp; &nbsp; &nbsp;Аудан көлемінде жоспарға сәйкес «Жас құтқарушылар» сайысы өткізіліп, үздік шыққан топ облыстық сайысқа қатысты. Облыстық жарыс барысында оқушыларымыз жүлделі ІІІ орынды иеленді. Сонымен қатар 2023 жылдың желтоқсан айында облыста алғаш рет №36 Ә.Тәжібаев атындағы мектеп-лицейінде «Жас құтқарушылар» сыныбы ашылды. Оқушылар күнделікті және далалық киімдермен, ал сынып оқуға қажетті өрт-техникалық құрал жабдықтарымен қамтамасыз етілген. Оқу бағдарламасы әзірленіп, әр аптаның сәрсенбі күні бөлім қызметкерлері оқушыларға арнайы сабақ өткізуде. Талабы таудай оқушыларымыздың арасында болашақ әріптестеріміз тәрбиеленіп келе жатқанына сенімдіміз.– Сұқбатыңызға рақмет!

Қанат Шарафадинов: Адамдардың өмірі үшін жауаптымыз

&nbsp;<a href="https://kyzylorda-news.kz/">Kyzylorda-news.kz</a> &nbsp; Тыныш әрі бейбіт күнде халықты орны толмас шығынға ұшырататын тілсіз жаудың бірі – өрт. Ата-бабаларымыз «жеті жұттың» біріне санаған өрт апатын шындығында тілсіз жау деуге тұрарлық. Адам өміріне араша түсетін өрт сөндіру қызметінің мамандары оқиға орнынан дер кезінде табылады. Осы күні төтеншеліктердің көпшілікке қол ұшын созуы, қызметін мүлтіксіз атқаруы – басына іс түскен кез келген жанның ризашылығын молайту үстінде. Өз кезегінде Тереңөзек кентіндегі бір отбасының екі перзентін өрттен құтқарып, араша алып қалған Азамат Баймаханов жөнінде қалам тербеуді жөн көрдік.&nbsp; &nbsp; 2023 жылдың 11 қаңтары. Тереңөзек кентіне қарасты Д.Қонаев №19/1 үйден өрт шығып жатқаны жөнінде тиісті бөлімнің кезекшілік нөмеріне хабарлама келіп түседі. Санаулы минутта сақадай сай тұрған сала мамандары белгіленген мекен жайға келгенде үй иесі жанып жатқан аумақта баласы мен немересінің бар екенін жеткізеді. Әрине, 1 жасқа толмаған сәби мен мүмкіндігі шектеулі жанның өміріне қауіп төніп тұрды. Осы кезде Азамат Бектиярұлы терезеден үй ішіне еніп, ең алдымен құндақтаулы сәбиді сыртқа алып шығады. Одан кейін келесі отбасы мүшесінің қауіпсіз екеніне көз жеткізіп, анасының қолына тапсырады.&nbsp; &nbsp; – Адам өміріне қауіп төнген сәтте жауынгерлік іс-әрекетті нұсқаулық бойынша орындаудың өзіндік қыр-сыры бар. Сала мамандарынан үміт күткен ананың бейнесі әлі күнге көз алдымда. Үйге кірген мезетте бөлмелерді түтін толықтай қамти бастаған. Сондықтан шұғыл шешім қабылдап, сауатты қимылдауға көштім. Шындығында, ұжымның әрбір мүшесінің қажырлы еңбегінің арқасында өртті уақытылы өшірген едік. Негізінен, адам өмірін құтқарудың жауапкершілігі зор. Тілсіз жаудың салдарынан бүтіндей бір отбасы орасан шығынға ұшырауы ықтимал еді, – дейді кәсіби маман.&nbsp; &nbsp; Білікті маман, кәнігі құтқарушы Азамат Баймаханов №12 өрт сөндіру бөлімінде бірнеше жылдан бері қызмет етіп келеді. Ол – ақиық ақын Асқар Тоқмағамбетов ауылының тумасы. Отбасында 5 ағайындының үлкені Тараз қаласындағы ҚР Ұлттық ұланының №5513 әскери бөлімшесінде Отан алдындағы борышын өтеген. Зайыбы – Айжанат Жазкен медицина саласының маманы. Осыдан 6 жыл бұрын отау құрған жарасымды жұп 2 ұл, 1 қыздың ата-анасы.&nbsp; &nbsp; Тілсіз жаудан үйін аман алып қалған өрт сөндіруші мамандарға кент тұрғыны Базаркүл Назарова өз алғысын жеткізді.&nbsp; &nbsp; – Тосыннан келген тілсіз жауды заматында ауыздықтай білген қырағы мамандарға алғысым шексіз. Оның ішінде, мақала кейіпкері – Азаматтың еңбегі ерекше. Қос перзентімді далаға алып шығу үшін өз басын қауіп-қатерге тікті. Осындай білекті, жүректі, қайсар азаматтар бар болғанына қуанамын. Қашанда ел басына қиындық түскенде көмектесетін жандардың есімін көпшілікке барынша таныту керек. Өз кезегінде құтқарушы балама аналық ризашылығымды білдіремін, – деді Базаркүл Назарова.&nbsp; &nbsp; Айта кетейік, Азамат Баймаханов қызмет барысындағы қырағылығы үшін аймақ басшысының «Алғыс хатымен» марапатталған.

Азамат Баймаханов: адам өмірін құтқарудың жауапкершілігі зор

<a href="https://kyzylorda-news.kz/">Kyzylorda-news.kz</a>&nbsp; Қызыордада&nbsp;бассейнде суға батып бара жатқан баланы құтқару сәті видеоға түсірілген видео тарады. Бұл туралы <a href="https://stan.kz/kokpenbek-bolip-ketken-kizilordada-zhasospirimnin-suga-397089/">Stan.kz </a>ақпарат агенттігі хабарлайды.Кадрларда жасөспірімнің бассейнге секіріп, жүзе бастағаны көруге болады. Бір кезде ол тоқтап, бір орында дірілдей бастайды. Бұл уақытта басқа келушілер жасөспірімнің суға батып бара жатқанын байқамай жанында&nbsp;жүзіп жүре береді.Осы кезде отбасымен&nbsp;бассейнде жүрген ҚАЖ департаментінің бастығы Шаймерден Есенкелдиев&nbsp;суға батып бара жатқан жасөспірімнің айғайлаған дауысын естіген. Әйел су астындағы қара жерді нұсқаған, бассейн түбінде жасөспірімнің жатқанын байқаған Есенкелдиев бірден суға секіріп, баланы сыртқа алып шыққан. Жасөспірім ауруханаға жеткізілді.<blockquote>“Бар ойым бассейннен баланы аман-есен алып шығу болды. Бала көкпеңбек болып, демала алмай жатты. Жедел жәрдем келем дегенше жасанды тыныс алу жаттығуларын жасап, алғашқы медициналық көмек көрсеттім. Содан соң есін жиған жасөспірімді жедел-жәрдем қызметкерлері облыстық балалар ауруханасына алып кетті. Жағдайын хабарласып біліп отырдым. Мен бұл әрекетімді ерлік деп санамаймын. Өзім де әкемін, 8 балам бар. Бұл бала тоғызыншы балам болады”, –&nbsp;дейді ҚАЖД бастығы&nbsp;Шаймерден Есенкелдиев.&nbsp;</blockquote><figure class="media"><div data-oembed-url="https://youtu.be/zjY8wvtkhrc"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/zjY8wvtkhrc" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото видеодан алынған

Қызылордада әділет полковнигі  жасөспірімді құтқарып қалды

<a href="https://kyzylorda-news.kz/">Kyzylorda-news.kz</a> Қазір қоғамда мінберден түспей жүрген мәселе көп. Соның өзектісі – жасөспірімдер арасындағы құқық бұзушылық. Ашығын айтқанда, топтық төбелес. Кезінде үлкендер арасында тыныш қана шешілетін кикілжіңнің бүгінде жұрнағы жастар арасында үлкен дауға айналып барады. Аймаққа бөлініп, топтасып төбелесетін жастардың ісі қылмыс дәрежесіне жетіп отыр.Осыған орай Жосалы кенті әкімшілігінде кәмелетке толмағандар арасындағы құқық бұзушылық пен топтық төбелестің алу бағытында мәжіліс өтті. Оған арнайы облыстық полиция департаменті бастығының бірінші орынбасары Шамшадин Амитов қатысты. Жиынды Қармақшы ауданы әкімінің орынбасары Самат Смағұлов жүргізіп, мәжілісте көтеріліп отырған мәселенің талқыланатынын жеткізді. Сондай-ақ алғашқы сөз кезегін Шамшадин Егенбердіұлына берді.Құзырлы органның өкілі аймақта тыйылмай тұрған жастар арасындағы топтық төбелестің қоғамға кері әсерін тигізіп жатқанын, жаға жыртысудың арты қайғылы жағдайға дейін баратынын сөз етті. Осыған тосқауыл ретінде құқық бұзушылық профилактикасы бағытындағы жұмыстарды күшейту қажеттілігін көтерді.Бүгінде бозбалалық қателіктің салдарынан қаншама жастың сал болып, қаншама ананың баласынан айырылып жатқанын көз көріп жүр. Бет көгеріп, жаға жыртылса бір жөн, бірақ кей төбелестің арты өлімге дейін баратыны жүректі қынжылтады. Бұрындары ер мінезді қалыптастыру үшін намысты қолдан бермей, керек кезде ғана қарсылық көрсетіп, бірге-бір шығып жеке шекісетін. Әрине ол да мақтанарлық дүние емес. Қазір бұл төбелестің мәнісі кетті. Бір адамды жабыла жұдырықтау ол жігіттікке жатпас. Тіпті ақтауға сай келмейді. Мұны түсінетін бұзақы топтар тым аз. Жалған намысты арқалаған жастардың жаппай төбелесті қалыпты жағдай санағаны, қылмыстың белең алуына да сеп болуы содан. Кейде үлкендерінің айдап салуымен топ мүшелері төбелесті бастап, бұзақы әрекеттерге барады.Жиынға аудан прокуроры, ардагерлер, үкіметтік емес ұйым өкілдері, білім беру ұйымдарының басшылары және ата-аналар қатысып, ашық пікір алмасты. Мәселе төңірегінде ұсыныс-пікірлер тыңдалып, басшылық тарап көтерілген жайтты назарға алды.

Полиция департаменті бастығының бірінші орынбасары Қармақшыға жұмыс сапарымен барды

<a href="https://kyzylorda-news.kz/">Kyzylorda-news.kz</a>&nbsp; Қазақстанда енді балалар құқығы бұзылған жағдайда «111 – жедел қызметіне» хабарласып, шағымдануға болады. Отбасы, әйелдер мәселелері және балалардың құқықтарын қорғау жөніндегі кеңес жанынан құрылған байланыс орталығы қыркүйек айынан бастап іске қосылды, – деп жазды, балалар құқығын қорғау бойынша республикалық кеңес төрайымы Динара Закиева өзінің Facebook парақшасында.&nbsp;Аталған байланыс орталығына балалардың құқығы бұзылған кез келген жағдайда, тұрмыстық зорлық-зомбылық бойынша жүгініп, көмек алуға болады. – Бірнеше ай бойы зорлық-зомбылықтың алдын алу бойынша екі маңызды жүйелік шешімді енгізу бойынша барлық өңірде өмірлік қиын жағдайдағы және зорлықзомбылыққа тап болған отбасыларды анықтау жөніндегі жедел топтарды ұйымдастфыру және «Amanat» партиясының жанындағы отбасы, әйелдер мәселелері және балалардың құқықтарын қорғау жөніндегі кеңес жанынан «111 – жедел қызмет» байланыс орталығын ашу жұмыстары жүргізілді, – деді кеңес төрайымы.&nbsp;Оның айтуынша, балаларға қатысты жылына 2 мыңнан астам қылмыс тіркеледі екен. Балаларға қатысты зорлық-зомбылықтың 60 проценті отбасында болады.&nbsp;Енді барлық адам «111» нөміріне уақытында хабарласып, балалардың қорғаушысы бола алады. Егер балалар мен ересектер өздеріне көмек қажет болған немесе отбасылық жағдайлар туралы білген кезде, қайда баруға болатынын білуі үшін, сонымен бірге тұрмыстық зорлық-зомбылық, балалардың құқықтарының бұзылуы туралы, баланың көшеде, үйде, көлікте жалғыз қалғаны жайлы, оның өміріне және денсаулығына қауіп төнгені, зорлық-зомбылық немесе қатыгездік жасалғаны бойынша немесе егер олар балаларға қауіп төндіретін нысанды, мысалы, ашық люкті, жоғары вольтты электр желісін, су көзін көрсе, осындай жағдайлар жөнінде көмек көрсету үшін «111 – жедел қызмет» байланыс орталығына хабарласуы керек.Егер сіз кішкентай баланың қараусыз қалғанын, оған қауіп төніп тұрғанын көрсеңіз, егер сіз балаға немесе әйелдерге қатысты қатыгездік, зорлық-зомбылық әрекеттері қолданылуы мүмкін екенін білсеңіз, олардың құқықтары бұзылса, «111» нөміріне күмәнданбастан қоңырау шалыңыз.&nbsp;• 111 нөмірі құпия түрінде.&nbsp;• 111 нөмірі әр аймақтың ІІД-мен байланысты болады.&nbsp;• 111 нөмірі «Бақытты отбасы» жол картасы бойынша құрылған барлық жедел топтармен байланыста.&nbsp;• Қ о ң ы р а у шалушыға қандай шаралар қабылданғаны туралы кері байланыс беру қажет.&nbsp;Ең бастысы, бәріміз белсенді болуымыз қажет. Баланың, әйелдердің өмірі мен денсаулығына қауіп төнгеніне күдік туған жағдайда хабарлау, тұрмыстық зорлық-зомбылыққа нөлдік төзімділік таныту және «111» нөміріне хабарлау. «111» нөмірі балалардың, отбасы мен әйелдердің құқықтарын қорғауға байланысты барлық мәселе бойынша өтініштер қабылдайды», – дейді кеңес төрайымы.&nbsp;Қиындыққа тап болған балаларға алаңдаймын&nbsp;Зорлық-зомбылық үлкен әлеуметтік мәселеге айналып отыр. Соған орай облыста 2017 жылы облыс әкімдігі мен облыстық жұмысты үйлестіру және әлеуметтік бағдарламалар басқармасының мемлекеттік әлеуметтік тапсырыс шеңберінде тұрмыстық зорлық-зомбылық құрбандарына арнаулы әлеуметтік қызметтер көрсету орталығы құрылып, жұмыс істеп келеді. Біз осы орталықтың директоры Жандос Тұсмағамбетовтің де пікірін білгенді жөн көрдік.&nbsp;– Әлеуметтік желідегі парақшамыз немесе сенім телефондары арқылы біздің орталыққа келеді. Көмекке мұқтаж жандардың 90 проценттен астамы әйелдер. Әрине, олар өздері ғана емес, балаларымен бірге келеді. Сондай-ақ жыл артқан сайын олардың саны азаяр емес. Қайта орталықты паналаушылар қатары көбеюде. Негізі орталыққа келген адамға алты ай тегін қызмет көрсетіледі. Әрқайсысымен бірнеше бағытта писхологиялық-құқықтық тұрғысынан болсын, медициналық жағынан болса да жұмыс жүргізіледі.&nbsp;Кейінгі кезде жастардың отбасында қиындық туындаса, ажырасуға дайын тұрады. Отбасын бұзуды ойлаған ата-аналардан баланың алдағы өмірі туралы ойлауды сұраймын. Бірақ олар баланы ойламайды. Ата-ананың екі жақта жүргенін, ажырасқанын ешбір бала қаламайды. Өйткені, кез-келген бала толыққанды отбасында өмір сүргенді ұнатады. Шындап келгенде отбасындағы келеңсіздіктер әр балаға кері әсерін тигізеді. Сондықтан ата-ана бала алдында жауапкершілікті ұмытпау керек.&nbsp;Өткен аптада орталыққа алты баласымен бір әйел келді. Күйеуі үйінде ішімдікке тойып, әйеліне қол жұмсаған, берекесін алған, соңы төбелеске ұласқан. Соның бәрін балалары көріп тұрған. Ақыр соңында әйелі қашып, орталықты паналады. Мен осы күні осындайды көзбен көріп-өскен баланың болашағына алаңдаймын. Әйткенмен арасында өз отбасыларына қайта қосылып жатқандар баршылық.&nbsp;Ал сенім телефонына келетін болсақ, бұл Президент Жолдауында да кеңінен айтылды. Негізі осыған дейін «150» байланыс нөмірі болды. Көбіне әйелдер сол нөмірге хабарласып отырды. Егер де хабарласқан әйел біздің облыстан болса, ол кезде дереу бізге хабарласа алады. Өйткені біздің орталық автоматты түрде қосылған. Әрине, желіде оператор байланыстырады.&nbsp;Енді осы нөмірге «111» сенім телефоны қосылды. Жалпы қазіргі жағдайға байланысты «111» нөмірін қаламыздың кез келген тұрғыны білуі қажет. Оның ішінде мектеп оқушылары да, жасөспірімдер де бар, бәрін құлағдар ету керек деп ойлаймын. Сырттан жағымсыз бірнәрсені байқап қалса, дереу қоңырау шалу керек. «111» бірыңғай call-орталығына қоңырау шалу тегін, Қазақстан бойынша тәулік бойы жұмыс істейтін сенім телефоны. Сондықтан сенім телефонын кеңінен насихаттаған жөн, – деді орталық директоры.&nbsp;Сенім телефонына сенуге болады&nbsp;Сенім телефоны – бұл кез келген адам өмірдің қиын жағдайын талқылау үшін анонимді түрде жүгіне алатын және өзінің сауалына жауап таба алатын қызмет.&nbsp;Лиза Палманова, Сақтапберген Әлжіков атындағы №144 орта мектептің педагог-психологі:&nbsp;– Мемлекет басшысы Қасым Жомарт Тоқаев өз Жолдауында «Мемлекет басшысы ретінде зорлықзомбылықтың кез келген түріне қатысты жазаны күшейтуді талап етемін» деп, қазақстандықтардың қауіпсіздігі, олардың еркін жүріп-тұра алатындай қоғам құру қажеттілігі туралы мәселеге ерекше тоқталған болатын.&nbsp;Зорлық-зомбылық пен буллинг құрбандарына көмек көрсетудің пәрменді бағдарламасын әзірлеу – күн тәртібіндегі басты мәселе. Осы мәселені басшылыққа ала отырып, «111» біріңғай сенім телефоны іске қосылды. Тұрмыстық зорлықзомбылық пен буллинг құрбандары «111» бірыңғай мемлекеттік байланыс орталығына тәулік бойы тегін хабарласа алады. Кез келген адамға қолжетімді. Байланыс орталығына үлкен ж а у а п к е р ш і л і к жүктелген. Жүйенің үйлесімді жұмысы заңсыз әрекеттердің теріс салдарын алдын алып, азаматтарға жедел құқықтық, психологиялық және консультациялық кеңестер береді.&nbsp;Сенім телефонының мақсаты – отбасылық жайсыздықты, балалар мен жасөспірімдердің күйзелген және өзін-өзі қол жұмсауға бейім көңіл-күйдің алдын алуға, балалардың құқықтарын қорғауға және отбасын нығайтуға мүмкіндік беру. Өмірдің қиын жағдайына тап болған зорлықзомбылық көрген азаматтарға білікті психологтар мен заңгерлер көмек көрсетіп, байланыс орталығы мемлекеттің уақытылы көмек көрсетуінің тиімді құралына айналатынын сеніммен айта аламын. Негізі әр баланың балалық шағы бақытты өтуі тиіс. Бірақ соңғы уақытта жоғарыда айтып өткендей, қиын жағдайлар жиі кездесуде. Міне, бұл баланың өміріне әсер ептей қоймайды – деді психолог.&nbsp;Тілші түйіні Иә, орталық директоры мен психолог айтқандай, отбасында ұрыс-керісті көріп өскен ұл мен қыздан ертең не күтеміз? Қорыта келе, балаға әсер ететін нәрсе – өскен орта, ата-ананың тәрбиесі, махаббаты. «Сүтпен сіңген сүйекпен кетеді» демекші, бала жасында қандай тәрбие алса, ержеткенде сол әдет қалмайды. Ұлтымыздың қанындағы ізеттілік дөрекілікке, қайырымдылық қатыгездікке, жомарттық тоғышарлыққа, адалдық арамдыққа, парасаттылық парасыздыққа ауыспаса екен...Фото: Нұрболат Нұржаубай

Жандос Түсмағамбетов: Ата-ана бала алдында жауапкершілікті ұмытпауы керек 

<a href="https://kyzylorda-news.kz/">Kyzylorda-news.kz</a>&nbsp;&nbsp; &nbsp;Аймақ басшысы Нұрлыбек Нәлібаевтың төрағалығымен облыс әкімдігі жанындағы терроризмге қарсы комиссия отырысы өтті.Облыстық полиция департаментінің бастығы Махсудхан Аблазимов кәмелетке толмағандар мен жастардың экстремизм және терроризм идеологиясының ықпалына түсу қаупінің алдын алу, террористік тұрғыдан осал объектілерді бекітілген салалық нұсқаулық талаптарына сәйкестендіру туралы баяндады.Облыстық дін істері басқармасының басшысы Дінмұхамед Ермеков Байқоңыр кешені аумағында (қазақстандық азаматтар арасында) діни экстремизм мен терроризм профилактикасын ұйымдастыруда мемлекеттік мекемелер атқарған жұмыстарға тоқталды.Жиында көтерілген мәселелер бойынша облыс әкімі жауапты тұлғаларға бірқатар тапсырма берді. Облыстық білім, дін істері, қоғамдық даму басқармаларына, Қызылорда қаласы және аудандар әкімдеріне кәмелетке толмағандар мен жастар арасындағы профилактиканы жандандыруды тапсырды. Облыстық дін істері басқармасы бекітілген алгоритмге сәйкес жұмыс барысын қатаң бақылауда ұстауы қажет. Мұнан бөлек, облыстық білім басқармасына оқушыларды жат діни ағымдардан сақтандыру міндеті жүктелді.Фото: Қызылорда облысы әкімінің баспасөз қызметі

Терроризмге қарсы комиссия отырысы өтті 

<a href="https://kyzylorda-news.kz/">Kyzylorda-news.kz</a>&nbsp; Құтқарушы – ең қауіпті мамандықтың бірі. Сондықтан оларды бейбіт күннің батыры десе де артық етпейді. Себебі қоғамдағы түрлі апаттық жағдай орын алған сәтте өз өмірін қауіпке тігіп, өзге адамның өмірін сақтауды борышы санайды. Жұмыс барысында ажалмен бетпе-бет келетін олар талай жанға қайта өмір сыйлады. Ерлікке толы еңбегінің арқасында елдің алғысына бөленіп, адал еңбек атқарып келе жатқан қиын да қызық мамандық иесі ТЖД дағдарыс жағдайларында басқару басқармасы бастығының міндетін атқарушы Исабек Досжан. Кейіпкеріміз 18 жыл дағдарыс жағдайында басқару басқармасында жедел кезекші ретінде қызмет атқарған азаматтық қорғау подполковнигі. Оның басты міндеті – соғылған қоңыраудағы мәліметті жылдам зерделеп жауап беру және көмек күткен азаматтарға құтқару жұмыстарын ұйымдастыру. Осынша жылдар бойы бір салада не себепті қызмет атқарғанын кейіпкеріміз әңгіме барысында айтып берді. – Бір салада ұзақ жыл жұмыс істеуімнің себебі – қиналғанға көмектескім келді, «өрт сөндіруші, құтқарушы, азаматтық қорғау органының маманы» деген мен үшін мәртебесі жоғары қызмет. Жұртқа мейірімің мен қайырымың, қызметің пайдалы болса, адамдардың алғысы мен батасы өміріңде өнегеге айналады, – дейді кейіпкеріміз. Одан бөлек қызмет барысындағы түрлі оқиғалармен бетпе-бет келетінін айтып қана қоймай, өзінің жадында қалған оқиғасымен бөлісті. – 2016 жылы маусым айында Қызылорда қаласындағы Ә.Бөкейхан көшесі №76 мекен – жайда орналасқан бұрынғы ұшқыштар жатақханасындағы бір бөлмеден өрт шығып, сол өртті адам шығынынсыз жоюға атсалыстық. Шамамен он шақты тұрғынды тілсіз жаудан құтқарып, отыздай адам қауіпсіз жерге эвакуацияланды. Әрине, мұның бәрін бір өзім атқардым деп айта алмаймын. Азаматтық қорғау саласының қызметі – жеке құрамның жауынгерлерімен бірге атқаратын қызмет. Сондықтан да ұжымның ауызбіршілігі аса маңызды. Төтенше жағдайдың алдын алу мен жоюда қызмет кезінде әрбір кәсіби маман өз жұмысының жауапкершілік жүгі мен елдің игілігіне қажеттілігін айқын сезінеді, – дейді Исабек Досжан Жылдар бойы дағдарыс жағдайында басқару басқармасында жедел кезекші қызметін атқарған кейіпкеріміздің еңбегі еленіп, 2013 жылы Төтенше жағдайлар министрлігінің ІІІ-дәрежелі «Өртке қарсы қызмет органдарындағы мінсіз қызмет» медалін алған. 2016 жылы «Төтенше жағдайлар комитетіне – 20 жыл» мерекелік медалін алса, 2017 жылы «Құтқару операцияларына белсенді қатысқаны үшін» төс белгісімен марапатталды. Ал 2018 жылы ІІ дәрежелі «Ішкі істер органдарындағы мінсіз қызметі» мен сол жылы «Өртке қарсы қызметіне – 100 жыл» мерекелік медалі берілген. 2020 жылы Қазақстан Республикасының «Азаматтық қорғау органдарына – 25 жыл» мерекелік медалі және ІІІ дәрежелі «Құтқарушы» төсбелгісін иеленді.

Құтқарушы – мәртебесі жоғары қызмет

&nbsp;<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық соты синтетикалық есірткі затын сақтаған 37 жастағы қызылордалыққа үкім шығарды.Қызылорда ОПД Есірткі қылмысына қарсы іс-қимыл басқармасының қызметкерлерімен жүргізілген жедел іздестіру іс-шараларының нәтижесінде, 2023 жылдың сәуір айында, Қызылорда қаласында «Ravon R4» маркалы автокөлігі тоқтатылып, нәтижесінде автокөлік ішінен және жолаушыларынан, «есірткі құралдары, психотроптық заттар мен прекурсорларды зерттеу сараптама» қорытындысы бойынша 2,78г. құрайтын психотроптық заттар тәркіленді.Психотроптық заттын «иесі» затты тауып алғанын, содан кейін оны&nbsp; құрбыларымен бірге қолданғанын көрсетіп, өзінің кінәсін мойындады, өкінетінін айтып, жеңіл жаза тағайындауды сұрады.Соттың үкіміне сәйкес, оған үш жылға бас бостандығынан айыру жазасы тағайындалып, 906705 теңге мемлекет кірісіне сот-сараптамаларын жүргізуге жұмсалған процестік шығыны мен ҚР жәбірленушілерге өтемақы қорына 69000 теңге мәжбүрлі төлемдер өндіріледі.Фото: Есірткі қылмысына қарсы іс-қимыл басқармасы

Синтетикалық есірткі затын сақтаған азамат сотталды

Әскери қызмет – ер баланың есейіп, темірдей тәртіпке төзімді болып, еліне деген патриоттық сезімін арттыратын, қызығы мен қиыншылығы қатар жүретін орта. Әскери борышын өтеу ер азаматтың алдындағы мәртебелі міндет десек болады. Ал облыста әскери қызметке шақыру бірінші наурыз күні басталған болатын. Көктемгі мерзімді әскери қызметке шақыру жұмыстары жөнінде Қызылорда облысының қорғаныс істері жөніндегі департамент бастығының орынбасары Жасұлан Шаңқұлов ақпарат алаңында баяндап берді.-Осы жылдың 1 наурызынан бастап әскери қызметке шақыру жұмыстары басталды. Облыста 18-27 жас аралығындағы ер азаматтар еліміздің Қарулы күштерінде және басқа да әскери құралымдарда отан алдындағы борыштарын өтейді. Көктемгі мерзімді әскерге Қызылорда облысынан 850-ге жуық ер-азамат барады. Оның ішінде Шекара қызметіне 160-қа жуық, Қарулы күштер қатарына 410-ға жуық, Ұлттық Ұлан қызметіне 260-қа жуық, Мемлекетттік күзет қызметіне 15-ке жуық азамат әскери борышын өтейді. Қазірдің өзінде шекара қызметіне аттандыру жұмыстары бойынша 80-ге жуық азамат әскери борышын өтеуге жіберілді, - деді Жасұлан Бөгенбайұлы.Әскери қызметке шақыру жұмыстары маусым айына дейін жалғасады деп күтілуде.Фото: Қызылорда облысының Өңірлік коммуникациялар қызметі

Әскери қызметке шақыру науқаны басталды 

<a href="https://kyzylorda-news.kz/">Kyzylorda-news.kz.</a>&nbsp; Экс-министр Қуандық Бишімбаевтың адвокаты Салтанат Нүкенованың телефонындағы суреттер мен жеке хаттары жайлы айтты.Астанада Салтанат Нүкенованың өліміне қатысты іс бойынша алдын ала тыңдаудың екінші күні өтіп жатыр. Онда Бишімбаевтың адвокаты Салтанат Нүкенованың өзі күйеуін қатты қызғанғанын мәлімдеді, деп жазады El.kzАдвокаттың сөзінше, істі тергеу барысында Нүкенованың телефоны тексерілген. Дегенмен бастапқыда тек суреттері ғана тексеріліп, жеке хаттарына мән берілмеген.Тергеушілер Салтанат Нүкенованың телефонынан 1701 сурет тапқан, оның ішінде 608 бейне болған. Бұл фотосуреттерді демалыс санатына жатқызып, қылмысқа қатысты ақпарат табылмаған.<blockquote>"2023 жылы 25 желтоқсанда Салтанат Нүкенованың ватсабын тексеру мүмкіндігі болды. Тергеуші тек галереяны қарап, тергеумен шектелді. Дегенмен фотосуреттерден күш қолдану белгілері табылмады. Тергеуші тарап тексеру хаттамасында сақталған Нүкенова мен Бишімбаевтың хат жазысқан 2 скринін ғана көрсеткен. Бұл скриншот Бишімбаевта қызғаныш сезімі болды дегенді жоққа шығарады. Ол жерде керісінше, Нүкенованың Бишімбаевқа деген қызғанышын растайды. Онда Нүкенова Бишімбаевқа «үйге неліктен әйелдерді алып келесің?» деген хаттар болған. Одан жәбірленушінің одан кетіп қалып жүргенін көрсетеді", - дейді Бишімбаевтың адвокаты.</blockquote>Бишімбаевтың адвокаты осыған байланысты хабарламалар жойылып кетпес үшін, қылмысты жан-жақты зерттеу үшін, хат-хабарламаларды жоюдың алдын алу үшін тез арада компьютерлік технологиялардағы мобильдік құрылғыларда криминалистикалық зерттеуді тағайындауды сұрады.Фото: bestnews.kz

«Үйге неге әйелдер әкелесің?»: Бишімбаев пен Нүкенованың соңғы хаты тарады

<a href="https://kyzylorda-news.kz/">Kyzylorda-news.kz.</a>&nbsp; &nbsp;Сот жұмысы сотқа іс бойынша тарап болып табылатын жеке және заңды тұлғаларды шақыру мен хабарлаудан басталады.&nbsp;Іске қатысатын адамдар, олардың өкілдері, сондай-ақ, куәлар, сарапшылар, мамандар мен аудармашылар сот отырысының немесе жекелеген процестік әрекеттерді жасаудың уақыты мен орны туралы хабарландырылады және соттың шақыру қағаздарымен сотқа шақырылады, яғни оларғаэлектрондық пошта мекенжайы немесе ұялы байланыстың абоненттік нөмірі бойынша хабарлама жіберу арқылы, сондай-ақ хабарлаудың немесе шақырудың тіркелуін қамтамасыз ететін өзге де электрондық байланыс құралдары пайдаланыла отырып хабарлануы немесе шақырылуы мүмкін. Егер электрондық пошта мекенжайы немесе ұялы байланыстың абоненттік нөмірі немесе хабарлаудың немесе шақырудың тіркелуін қамтамасыз ететін өзге де электрондық байланыс құралдары туралы мәліметтер болмаған жағдайда, соттың шақыру қағазы немесе қағаз жеткізгіштегі өзге де хабарлама белгілі болған соңғы тұрғылықты жері немесе тұрған жері бойынша жіберіледі, ал сотқа хабарланған мекенжай бойынша адам іс жүзінде тұрмайтын болса, хабарлау немесе шақыру оның жұмыс орны бойынша жіберілуі мүмкін. Адресатқа электрондық пошта мекенжайы немесе ұялы байланыстың абоненттік нөмірі бойынша оларды жөнелту уақыты растайтын есеппен тіркеледі, ал қолма-қол жеткізілген жағдайда, сотқа қайтарылуға жататын шақыру қағазының түбіртегінде немесе өзге де хабарламаның көшірмесінде белгіленеді.&nbsp;Қазалы аудандық сот әкімшісінің бас маман-сот мәжілісінің хатшысы Жадыра Бержанның мәлімдеуінше, егер шақыру қағазын жеткізген адам іс бойынша хабарландырылатын немесе шақырылатын адамды тұрғылықты жерінен немесе жұмысынан таба алмаса, онда шақыру қағазы онымен бірге тұратын отбасының кәмелеттік жасқа толған мүшелерінің біріне не олардың келісімімен басқа адамға, ал олар болмаған кезде – үй-жайлардың (пәтерлердің) меншік иелері кооперативінің немесе көппәтерлі тұрғын үйлер мүлкінің меншік иелері бірлестігінің не жай серіктестігінің, тұрғын үй-пайдалану және коммуналдық қызметтер көрсету қызметінің уәкілетті тұлғасына не тұрғын үй басқарушысына, жергілікті өзін-өзі басқару органының немесе адресаттың тұрғылықты жері бойынша тиісті атқарушы органның не оның жұмыс орны бойынша әкімшіліктің уәкілетті тұлғасына тапсырылады. Бұл жағдайларда шақыру қағазын қабылдап алған адам шақыру қағазының түбіртегіне өзінің тегін, атын, әкесінің атын (егер ол жеке басты куәландыратын құжатта көрсетілген болса), сондай-ақ, адресатқа қатыстылығын немесе атқаратын лауазымын көрсетуге міндетті. Шақыру қағазын қабылдап алған адам оны кешеуілдемей адресатқа тапсыруға міндетті. Көрсетілген жағдайларда соттың шақыру қағазы тиісті түрде тапсырылған болып есептеледі.– Адресат уақытша болмаған жағдайда шақыру қағазын жеткізетін адам қағаз жеткізгіштегі шақыру қағазының түбіртегіне немесе өзге де, хабарлауға адресаттың қайда кеткенін және оның қашан қайтып келуі мүмкін екенін белгілейді. Адресат соттың шақыру қағазын немесе қағаз жеткізгіштегі өзге де хабарламаны қабылдап алудан бас тартқан кезде, оларды табыс етуші адам, сотқа қайтарылатын шақыру қағазына немесе өзге де хабарламаға тиісті белгі қояды. Сондай-ақ, бұл туралы акт жасауға құқылы. Адресаттың соттың шақыру қағазын немесе қағаз жеткізгіштегі өзге де хабарлауды қабылдап алудан бас тартуы істі қарауға немесе жекелеген процестік әрекеттерді жасауға кедергі болмайды және адам тиісті түрде хабарландырылған болып есептеледі.&nbsp;Егер сот отырысына келуден жалтару белгілері анықталса сотқа құрметтемеушілік белгілері болып танылады және ол бойынша жауаптылық көзделгенін ескерген жөн, – дейді Қазалы аудандық сот әкімшісінің бас маман-сот мәжілісінің хатшысы Жадыра Бержан.&nbsp;Жалпы, сотқа құрмет көрсету, ол өз мемлекетіңді, заңыңды сыйлау. «Тәртіпке бас иген құл болмайды, тәртіпсіз ел болмайды» деп Бауыржан Момышұлы айтқандай, әркім тәртіпті өзінен бастап, мемлекетімізге, бір-бірімізге құрметпен қарап, заңдарды бұлжытпай сақтаған жөн.Фото: Нұрболат Нұржаубай

Қазақстан және Қызылорда облысының жаңалықтары: Құқық