Мемлекеттік қызмет билікке деген сенімнің көрінісі

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданының полиция бөлімі бастығының міндетін атқарушысы, полиция подполковнигі Әділхан Қанзадаев аудан бойынша алаяқтық қылмысының, оның ішінде интернет алаяқтық қылмысының алдын алу туралы айтып берді.Әділхан Серікқазыұлы өз сөзінде бүгінгі күні елімізде қарқынды белең алып келе жатқан «Интернет алаяқтық» қылмыстарының жәй-күйіне тоқталды.<blockquote>– Интернет пен цифрлы технологиялардың кеңінен таралуы жаһандану құрылымын ғана емес, қылмыс әлемінің сипатын, соның ішінде қылмыс түрін түбегейлі өзгертті. Қазір бәріміздің өмірімізде цифрлы технологиялар маңызды рөл атқарады. Әлеуметтік желілер мен түрлі интернет платформалар тек ақпарат алмасу тетігі болып қана қоймай, сауда-саттықтың негізгі алаңына айналды. Мұндай қылмыстарға жол бермеу, алдын алу жұмыстары еліміздің ғана емес, қазіргі таңда бүкіл әлем елдерінің өзекті мәселелерінің біріне айналып отыр, – деді полиция подполковнигі.</blockquote>Одан әрі Әділхан Серікқазыұлы интернет-алаяқтардың алаяқтардан айырмашылығы туралы айтты. Яғни интернет-алаяқтарды анықтап жауапкершілікке тарту әлде қайда қиын. Себебі олардың кім екені, қайда екені белгісіз, ал шет елдерде жұмыс істейтін қылмыскерлерді табу тіпті қиын. Ал осының барлығын анықтау жұмыстары, ұзақ уақытқа созылатын тергеу амалдарын талап етеді.Әдетте алаяқтар жәбірленушілерді сауда-саттықтағы жалған жеңілдіктермен, қаржыны тым жоғары пайызбен еселеп берумен, тауарын тиімді шарттармен сатып алумен қызықтырады. Сондай-ақ полиция қызметкерлерінің атын жамылып, жақын туысының есірткі затымен ұсталып тұрағынын айтып қаржы бопсалайды, кей жағдайда өздерін банк қызметкері ретінде таныстырып, дербес деректерін заңсыз иемдену арқылы қаражат жымқырады немесе бөтеннің атынан онлайн-несиелер рәсімдеп жатады.<blockquote>– Интернет алаяқтықтың негізгі түрлері: ұялы телефон арқылы қоңырау шалып банк қызметкері боп таныстырады, ұялы телефон арқылы қоңырау шалып полициядан деп таныстырып, әр түрлі сылтауларымен қорқытып, ақша талап етеді, онлайн несиелер рәсімдейді, ОЛХ, Сату.кз және басқада сату алаңдарында, «Binance» криптобиржалық алаңдарды, Колесо.кз, Крыша.кз, Ватсап арқылы ақша көбейту, Инстаграм әлеуметтік желілері, Букмермерлік кеңсе арқылы ақша көбейтемін деп алаяқтық жасайтындар. Өңірімізде алаяқтық қылмыстарының алдын алу мақсатында, облыстық полиция департаментінің кибер қылмыстармен күрес саласы, әлеуметтік желілер мен мессенджерлерге, сондай-ақ ерекше қызығушылық танытатын ғаламтор парақшаларына жүйелі түрде мониторинг жүргізіп, құқық бұзушылық белгілері бар күмәнді ақпараттарды әшкерелеп, бұғаттау бағытында үздіксіз жұмыстар атқаруда, – деді Сырдария ауданының полиция бөлімі бастығының міндетін атқарушысы, полиция подполковнигі Әділхан Қанзадаев</blockquote>Бұған қоса, аудан тұрғындарына әлеуметтік желілер мен бұқаралық ақпарат құралдары арқылы алаяқтардың &nbsp;арбауына түсіп қалмау жайлы түсіндірмелік мақалалар мен бейнероликтер жарияланып, сақтық шаралары ескертіліп келеді.Интернет алаяқтарға тосқауыл қоюдың бір ғана жолы – бұл бір бірімізге жанашырлық танытып, қаражатымыздың қауіпсіз сақталуы үшін сақтық шаралары туралы кеңінен насихаттап, жұртшылыққа ескерту болып табылады.<blockquote>– Аудан тұрғындарын, сақтық шаралары ретінде,&nbsp;жеке куәлік деректерін, төлем карталарының мәліметтерін, құпия сөздерді және смс кодтарды ешкімге хабарламауға, белгісіз әрі тексерілмеген сайттар мен күмәнді сілтемелер арқылы төлем жүргізбеуге, ұялы телефон мен компьютерге белгісіз қосымшаларды орнатпауға шақырамыз, – деді Әділхан Қанзадаев.</blockquote>Фото:el.kz

Сырдарияда интернет алаяқтармен күресу жүргізілуде

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы Полиция басқармасының тәртіп сақшылары жол қауіпсіздігін сақтау және жедел жағдайды, қоғамдық тәртіпті қамтамасыз ету, қылмыстардың және өзге де құқыққа қарсы әрекеттердің алдын-алу мақсатында 20-30 маусым күндері аралығында республика көлімінде «Құқықтық тәртіп» іс-шарасын өткізуде.Іс-шараның мақсаты – көшелер мен қоғамдық орындарда тиісті құқықтық тәртіпті және қауіпсіздікті қамтамасыз ету, құқық бұзушылықтар мен қылмыстарды ашу және жолын кесу, сондай-ақ жол қауіпсіздігін сақтау болып табылады. «Құқықтық тәртіп» жедел алдын-алу іс-шарасының бес күнінде 1681 әкімшілік құқық бұзушылық анықталды. Оның ішінде, қоғамдық орында ұсақ бұзақылық – 43, автокөлікті масаң күйде басқару – 3, шетелдіктің немесе азаматтығы жоқ адамның ҚР – ның халықтың көші – қоны саласындағы заңнамасын бұзу –38, қоғамдық орында спирт ішімдігін ішу – 62, тыныштық бұзу – 52, жаяу жүргіншіге жол бермеу – 48 дерегі анықталып, әкімшілік жауапкершілікке тартылды.Қызылорда қалалық Полиция басқармасының тәртіп сақшылары қоғамдық тәртіптің бұзылуына жол бермеу үшін тиісті заң аясында бақылауды күшейтуде. Жол ережелеріне бағынбаған немесе қылмыс жасаған азаматтар құқықтық жауапкершіліке тартылатындығын ескертеді!Фото: sputnik.kz

Қызылордалық полицейлер «Құқықтық тәртіп» іс-шарасы аясында 1681 құқық бұзушылық анықтады

<a href="https://kyzylorda-news.kz/">Kyzylorda-news.kz</a> Қоғамның тыныштығын күзетіп жүрген ел сақшылары қашанда құрметке лайық. Қазір дамыған заманда халық басына төнетін қауіп те күшейген. Осындайда уақытпен санаспай қашанда қиындыққа тап болған жәбірленушінің жанынан табылып, қылмысты ашып, әділдік орнатуда полицейлер қажырлы еңбек етіп келеді. Әсіресе жасөспірімдерді жат қылықтан сақтандыру бағытында сала мамандары сайып қырандай сақ болады. Бүгін кәсіби мереке қарсаңында ювеналды полиция тобының кәмелетке толмағандар істері жөніндегі учаскелік полиция инспекторы, полиция капитаны Қалмағамбетов Аян Жұматайұлы туралы айтатын боламыз.Қалмағамбетов Аян Жұматайұлы 1987 жылы Арал ауданында дүниеге келген. Арал қаласы N83 орта мектебін бітірген соң, 2010 жылы Алматы қаласы М.Тынышпаев атындағы қазақ көлік коммуникация академиясын «көлікті пайдалану және жүк қозғалысымен тасымалдауды ұйымдастыру» 2013 жылы Қызылорда Болашақ университетін «спорт және денешынықтыру», кейін аталған университетті «құқықтану» мамандығы бойынша бітірген. Ішкі істер органдарында 2013 жылдың желтоқсан айынан бастап бөлімнің жергілікті полиция қызметі бөлімшесінің кәмелетке толмағандар істері жөніндегі учаскелік полиция инспекторы лауазымын абыройлы атқарып келеді. Полиция капитаны Аян Жұматайұлы әріптестері арасында өз ісіне жауапты қызметкер ретінде танылып жүр. Берілген тапсырманы аса жауапкершілікпен орындап, уақытпен санаспай, қызмет ауыртпашылығын көтере білген, өзіне бекітілген учаскелік аймағында кәмелетке толмғандардың беймезгіл уақытта жүруін қадағалап, қоғамдық тәртіпті сақтау, қылмысты болдырмау және алдын алу бағытында профилактикалық жұмыстарды тиісті деңгейде жүргізетін оның еңбегін ел жақсы біледі және бағалайды.Кейіпкеріміз ауданның білім беру ұйымдарымен бірлесіп кәмелетке толмағандар арасында құқық бұзушылықтың алдын алу бағытында түнгі рейдтік іс-шараларға шығып, түрлі тақырыптарда жиналыстар, дөңгелек үстел және ата-аналар жиналысын өткізіп, профилактикалық жұмыстарды өз деңгейінде жүргізе білетін, сауатты қызметкер.<blockquote>– Жасөспірімдер ісімен айналысу ала жауапты қызмет. Мен өзімнің қызмет атқару барысымда 2 отбасын қолайсыз отбасы есебіне алдым. 2 қылмыс дерегінің ашылуына өз үлесімді қостым. Сондай-ақ 61 азаматқа әкімшілік құқық бұзушылық хаттамасын рәсімдеген болатынмын. ҚР ӘҚБтК-нің 127бабы, 442 бабы және 435 баптары бойынша 54 әкімшілік құқық бұзушылықты анықтап, өзге баптар бойынша 7 әкімшілік құқық бұзушылықтарға көз жеткіздім. Әрине мүның бәрі заң аясында аса мұқият тексерістер арқылы жүзеге асырылған еді, – дейді кейіпкеріміз.</blockquote>Ол жауапты қызметкер ретінде өзін таныта білгендігінің арқасында абырой биігінен де көріне білді. ҚР ІІМ-нің 3-ші дәрежелі «Ішкі істер органдарындағы Мінсіз қызметі үшін» медалімен, ҚР ІІМ-нің Грамотасымен, Қызылорда ОПД-нің Грамотасымен, Алғыс хатымен, бөлім бастығының және аудан әкімінің құзырымен бірнеше рет алғыс хаттармен марапатталған. Бөлім бастығының бұйрығымен «1-ші сыныпты маман» сыныптық біліктілгі берілген. Бокстан «Қазақстан Республикасының спорт шеберіне кандидат» атағы бар. Бүгінде Аян Жұматайұлы ұжымда сыйлы, өзінен кейінгі жас қызметкерлерге тәлімгер ретінде білгенін үйретуден еш жалықпайды. Спортты жанына серік еткен және атыс қаруын жақсы меңгерген білікті қызметкер. Ол отбасының тірегі, ақылшысы, ұстаздық қызмет атқарып зейнеткерлікке шыққан анасы Қалмағамбетова Күлмараштың ақылын бойына сіңіріп, өнегелі, отбасыдан шыққан қызметкер, жұбайы Каленова Айгерім Қыдырбайқызы екеуі 6 бала тәрбиелеп отырған, көп балалы, үлгілі отбасы.

Ювеналды полиция жауапты қызмет

<a href="https://kyzylorda-news.kz/">Kyzylorda-news.kz</a> Болашағын Қазақстанмен байланыстырғысы келген әрбір азамат мемлекеттік тілді меңгеруге тиіс. Бұл қызылордалық полиция қызметкері, ұлты орыс Соболев Виталий Алексеевичтің ұстанымы.Кейіпкеріміз қазақ тілін толық меңгерген, өз елінің патриоты. Виталий Қазақстанда тұрып жатқан кез-келген азамат ұлтына қарамай мемлекеттік тілді білуі міндет деп есептейді. Өзі Украина Республикасында дүниеге келіп, бала жасында Қазақстанға көшіп келген. Қазақ тілін үйренуге ден қойып, сөйлесе жүріп өзінің сөздік қорын бірте-бірте көбейте бастайды. Абай өлеңдерін дауыстап оқып, тілін ұстарта түседі. Онымен қоймай, жергілікті халықтың салт-дәстүрімен де етене таныс. Әкесі Алексей мұнай саласында бас маман, анасы Наталья ҚР қарулы күштерінде қызмет жасап, зейнет жасында.<blockquote>– «Көптеген замандастарым қазақ тілін үйренуді қиынсынады. Оларға айтарым, қазақша үйренудің ешқандай қиындығы жоқ, тек ынта-ықылас болса жеткілікті. Қазір біз өзге ұлт өкілдерінің қазақша сөйлегеніне емес, керісінше, сөйлемегеніне таң қалуымыз керек. Тілді үйренетін уақыт жетті. Болашағын Қазақстанмен байланыстырғысы келген әрбір азамат мемлекеттік тілді меңгеруге тиіс», – дейді Виталий бізбен әңгімесінде.</blockquote>Виталий Алексеевич құқық қорғау саласында 15 жылдан бері абыройлы қызмет етіп келеді. Алғашқы еңбек жолы полиция батальонының саптық бөлімшесі полицей-жүргізушісінен бастаған ол қазіргі таңда, Қызылорда қалалық Полиция басқармасының жергілікті полиция қызметінің ювеналды полиция инспекторы, Ж.Нұрманов атындағы №198 орта мектепте оң жылдан астам учаскелік аға полиция инспекторы.Қызметтік міндетін атқару барысында антына адалдық танытып, қоғамдық тәртіпті қамтамасыз етіп, азаматтардың тыныштығын, заңдылық пен құқық тәртібін қорғауға зор үлес қосып келе жатқан қазақтілді полицейдің жеткен жетістіктері де аз емес. Облыс, қала әкімдіктерінен, департамент, басқарма басшылығынан алған марапаттары мен жеткен жетістіктері еңбегінің жемісін айқындайды. Виталий белсенді салауатты өмір салтын ұстанып, спортпен шұғылданады. Спорттан өзге, ақпараттық технологияны жетік меңгерген Виталий жан-жақты.Ұлты орыс болса да, рухы мен жаны қазақ оның еңбегін әріптестері жоғары бағалайды. Әсіресе, оқушылармен қарым-қатынаста тек полицей емес, кейде психолог кейде тіпті жастардың досы сынды тіл табысады. Қызығы мен қиындығы қатар жүретін бұл қызметтің міндеттерін де адал атқарып жүрген батыл қызметкердерің жетістіктері – көпке үлгі.

Отансүйгіштік тілге құрметтен басталады

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданының әкімі Берік Сәрменбаев аудандық сот қызметкерлерін арнайы қабылдап, кәсіби мерекемен құттықтады.<blockquote>– Сот жүйесі – мемлекет пен азаматтардың конституциялық құқықтарының сақталуының кепілі. Мемлекет басшысы Қасым-Жомарт Кемелұлы Тоқаев «Барлық деңгейдегі соттар, шын мәнінде, тәуелсіз, ашық және кәсіби болмаса, заң үстемдігін қамтамасыз ету мүмкін емес. Мемлекет осыған орай ауқымды жұмыс жүргізуде» деп атап өтті. Сол себепті сот саласы еліміздің демократиялық және құқықтық мемлекет құру, қоғамдағы тұрақтылық пен азаматтық бейбітшілікті сақтау жолында маңызды рөл атқарады. Қоғамдағы даулар мен жанжалдарды шешу судьядан жоғары білімді, тәжірибені, мінсіз адами және тұлғалық қасиеттерді талап етеді. Бүгінгі сот жүйесі еліміздегі түбегейлі өзгерістермен тікелей байланысты реформаларды бастан өткеруде. Оның мақсаты – сот жүйесін халыққа жақындатып, мықты әрі тиімді, азаматтардың құқықтары мен бостандықтарын сенімді қорғауға қабілетті жүйе құру. Бұл ретте, аудандық сот қызметкерлері өз міндеттерін үлкен жауапкершілікпен атқарып келеді. Әділ сот төрелігін қалыптастыру мен жетілдіру жолындағы қажырлы еңбек етіп келе жатқан сала қызметкерлерін кәсіби мерекемен құттықтаймын, – деді Берік Әбдіғаппарұлы.</blockquote>Аудан басшысы аудандық сот қызметкерлерлеріне «Құттықтау» табыс етіп, сый-құрмет көрсетті.Өз кезегінде аудандық ардагерлер кеңесінің төрағасы Мұса Келдібаев пен облыстық мәслихат депутаты Жұмабек Ембергенов мерекелік лебіздерін жеткізсе, аудандық сот төрағасы Руслан Алдамбергенов бүгінде сот жүйесі дамудың жаңа белесіне шыққанын атап, ризашылығын білдірді.

Сырдария ауданы әкімі сот қызметкерлерін кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a> Әділдіктің ақ туын көтеріп, заң алдында адамның бәрі бірдей екенін ұқтырып жүрген білікті мамандар көп. Солардың бірі – Забира Абылайқызы. Бүгінде Қызылорда облысының кәмелетке толмағандардың істері жөніндегі мамандандырылған ауданаралық сотының судьясы болып қызмет атқаратын оның бойында адамдық пен мамандыққа адалдық әр кез көрініс тауып тұрады.Кішкентайынан заңгерлік салада еңбек етуді армандаған Забира Абылайқызы – Қорқыт ата атындағы Қызылорда педагогикалық институтының құқықтану және заңгер оқытушы мамандығы бойынша үздік түлектерінің бірі. Сонымен қатар қазақ мемлекеттік заң университетінің «Сот-прокурорлық» факультетінің сырттай бөліміне түсіп, 2011 жылы қазақ мемлектеттік заң академиясының «заңгер» мамандығын аяқтады. Бүгінде аталған салада 1998 жылдан бері жұмыс істеуде. Алдымен Қызылорда қалалық Тасбөгет аумақтық сотының сот хатшысы қызметіне қабылданса, кейіннен Қызылорда қалалық сотының сот хатшысы болды. Ал 2000 жылдың қараша айында бас маман қызметін атқарды. 2014 жылы 29 тамыздағы Қазақстан Республикасы Президентінің жарлығымен Қызылорда қалалық сотының судьясы болып еңбек етті. Бүгінде ол – кәмелетке толмағандардың істері жөніндегі мамандандырылған ауданаралық сотының судьясы.<blockquote>– Осы тұста балаларды тәрбиелеуге байланысты істердің санаттары бойынша жай-күйді тексеру актісінің қандай да бір әзірленген бірыңғай нысаны жоқтығын атап өту қажет. Негізі, тәрбиелеуге қатысты мәселелердің бар-жоғын анықтайтын зерттеу қорғаншы органмен тексеруді жүргізетін тұлғалар, оның мерзімдері, нақты сұрақтардың көлемі мен мазмұны көрсетіліп белгіленген нысанда жүзеге асырылуы тиіс. Осылайша, қамқоршылық органдары қызметінің белгілі бір критерийлерінің және шешім қабылдауда, қорытынды беруде бірыңғай тәсілдердің болмауы түйткілді мәселелердің бірі болып отыр. Егер ювеналды әділет саласы проблемаларды о бастан, яғни туындау кезеңінде шешіп, ең бастысы баланы сотқа дейін жеткізбеу мақсатында кешенді жұмыс істесе, нәтиже шынымен де қанағаттанарлық болар еді деп ойлаймыз. Кәмелетке толмағандар үшін сот төрелігі тұлғаның одан әрі криминализациялауына жол бермеуі, баланың әлеуметтен алыстауына емес, әлеуметтік сауықтыруына ықпал етуі тиіс. Мұндай тәсіл қылмыскерді емес, толыққанды азаматты қажет ететін қоғамға тиімді. Бұл ретте құқық бұзушылыққа қарағанда құқық бұзушы тұлғаның өзі маңызды деген ұғым ювеналдық әділеттің негізгі қағидасы болғаны абзал. Әрине, шынайы ювеналды әділет құру – оңай шару емес. Қазіргі кезеңде ювеналды әділет жүйесін одан әрі нығайту үшін жүйелі түрде судьяларды, прокурорларды, адвокаттарды оқыту сапасын жақсарту, әлеуметтік, психологиялық қолдау және пробация қызметтерін дамыту қажет. Кәмелетке толмағандардың құқықарына қол сұғатын құқық бұзушылықтар көбінесе ата-аналар тарапынан тәрбиенің тиісті түрде берілмеуінен туындайды, – дейді саладағы мәселелерге пікірін білдірген тәжірибелі маман.</blockquote>«Ел болам десең, бесігіңді түзе» деген батыр Баукеңнің сөзін қаперде алатын Забира Абылайқызы осы күні қызметте абыройлы, отбасында адал жар, аяулы ана. Ал өмірде мамандық таңдауда жаңылыспағанын айтқан ол жетістікке жетуі де соның арқасы екенін жеткізді.<blockquote>– Алдыңа мақсат қойып, сол биікке жетемін деп талпынсаң, ниет қылсаң, барлық кедергілер өздігінен жоғалады. Қызмет жолымда да балалардың болашағына алаңдаймын. Солардың әрбір сәтте дұрыс жолда жүріп, тағдырына балта шабылмағанын қалаймын. Өмір болған соң бәрін де көресің. Бірақ біз балалардың шалыс қадам баспауын ойласақ, түбінде соған бағытты жөндеп беруіміз керек, – дейді судья.</blockquote>Кейіпкеріміз кабинетінен шығып, сот отырысына жылдам басып барады. Иә, ол жаққа барғанша оның ойында тек бір ғана нәрсе: қаралатын істің бала тағдырына теріс ықпал етпесе екен дейді. Темірдей тәртіпке негізделген салада жүрегі жұмсақ, жаны жайсаң жандар көп. Тек оларды көре білу керек. Забира Абылайқызы – осындай жан…Аян СПАНДИЯР

Забира Абылайқызы: Балалардың тағдырына алаңдаймын

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданында «Кәмелетке толмағандар арасындағы құқық бұзушылықтарға жол бермеу, алдын алу мақсатында қабылданған шаралар туралы» аудандық білім бөлімі басшысының міндетін атқарушы Ж.Бегайдарова айтып берді.– Жанар Алмасқызы, аудандағы білім беру ұйымдарында оқушылар арасында құқық бұзушылықтың жалпы ахуалы қандай?– Сырдария ауданы бойынша білім беру ұйымдарында оқушылар арасында қылмыстылықтың және құқық бұзушылықтардың алдын алу, олардың құқықтарының сақталуы мен қорғалуын қамтамасыз ету бағытында бірлескен тәртіпте атқарылатын ведомствоаралық&nbsp; іс-шаралар жоспары бекітіліп, тиісті&nbsp;жұмыстар жүргізіліп келеді. 2023-2024 оқу жылында аудан бойынша 17 мектепте 8 193 оқушы білім алды.&nbsp; Есепті мерзімде мектеп оқушыларымен жасалған құқық бұзушылықтар бойынша профилактикалық есепке 2 жасөспірім&nbsp;№36 мектеп-лицей – 1, №210 орта мектеп – 1 ұрлық оқиғалары бойынша&nbsp;алынып отыр.Мектепішілік есепке 48 оқушы алынған. №36 мектеп-лицей – 17, №37 орта мектеп – 4, №126 орта мектеп – 3, №129 мектеп - 1, №210 орта мектеп –5 оқушы, №35 мектеп – 8, №42 мектеп-лицей – 10. Есепке алынған жасөспірімдердің барлығы педагогтер тарапынан тұрақты бақылауға алынды.Аудан бойынша өмірдің қиын жағдайында қалған отбасында тәрбиеленіп жатқан 18 оқушы бар.&nbsp;Оқуға себепсіз келмейтін, қолайсыз отбасындағы оқушылар тіркелмеген.&nbsp;Биылғы оқу жылында беймезгіл уақытта заңды өкілінсіз түнгі уақытта көшеде жүріп құқық бұзған 35 оқушы тіркеліп, заңды өкілдеріне әкімшілік шара көрілді.&nbsp;Мектепішілік есептегі балалармен сынып жетекшілері және педагог-психологтар арқылы жекелей жұмыстар жасалып, тәртібі мен сабақ үлгерімдері қатаң бақылауға алынды.– Алдын алу бағытында атқарылған жұмыстарға тоқталсаңыз?– Жалпы құқық бұзушылық пен қылмыстың &nbsp;алдын алу бойынша ағымдағы оқу жылы 350 дөңгелек үстел мен ата-аналар &nbsp;жиналысы, 400-ден аса тәрбие сағаты және жоғары сынып оқушылары арасында дебат ойындары ұйымдастырылды.Мектеп қабырғасында білім берумен қатар ұлттық тәрбиеге ден қойып, осы бағыттағы жұмыстарды күшейтуді қажет етеді. Олай дейтініміз, қазіргі таңда кәмелетке толмағандар арасындағы қылмыс пен құқық бұзу, электронды темекіге әуестік, топтық төбелес, әлімжеттік, буллинг, кибербуллинг, түнгі жүрістің белең алуы тәрбие жұмыстарының әлсіз тұстарын көрсетті.Осыған орай, мектептерде рухани-адамгершілік тәрбие беру, адамзаттық құндылықтарды дамытуда ата-ана, мектеп, оқушы үштік одағының жұмысы жолға қойлып, «Ата-аналар комитеті», «Әжелер мектебі», «Әкелер кеңесі», «Аналар Академиясы» жұмыстарын жүргізуде.&nbsp;Бүгінгі күнге дейін ата-әжелер, әке, аналардың қатысуымен&nbsp;300-ден аса шара өткізіліп, 2500 ден аса оқушы қамтылды.&nbsp;Білім бөлімі тарапынан оқушылардың сабақтағы және каникул күндерінде бос уақыттарын тиімді ұйымдастыру мақсатында іс-шаралар жоспары әзірленіп, шаралар өткізіліп келеді. Демалыс және мереке күндері оқушылардың қауіпсіздігін қамтамасыз ету бойынша мамыр айында «Тәртіптің тетігі – тәрбие» тақырыбында кеңейтілген мәжіліс өткізіліп, барлық білім беру ұйымдарында ата-аналар жиналыстары ұйымдастырылды.– Жасөспірімдермен жұмыс барысында полиция бөлімі қызметкерлерімен т.б. құзырлы органдармен бірге атқарылған іс-шаралар барысына тоқталсаңыз?– Аудандық полиция бөлімімен кәмелетке толмағандардың заңға мойынсұнушылық мінез-құлқын қалыптастыру мақсатында мектептерде әр айдың бірінші жұмасында «Құқық күні» ұйымдастырылып, оқушылармен түсіндірме жұмыстары жүргізілді. Сондай-ақ, құқықтық ағарту жұмыстары бойынша ай сайын 8-11 сынып оқушыларына учаскелік полиция қызметкерлері және сынып жетекшілерінің қатысуымен тақырыптық лекциялар оқытылды.Денсаулық сақтау, полиция және прокуратура өкілдерінің қатысуымен мектептерде &nbsp;құқық бұзушылықтың алдын алу бағытындағы профилактикалық шараларын ұйымдастыру, кәмелетке толмағандар арасында құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық-зомбылық, ерте жүктіліктің алдын алу бағытында ақпараттық танымдық біліммен қамтамасыз ету шаралары жүргізілді.Түсіндірулер барысында бейнероликтер көрсетіліп, жадынамалар таратылды. Құқықтық түсіндіру шараларына 8-11 сыныптың 4300 оқушысы қатысты. Өткізілген шаралардың барлығы әлеуметтік желілер арқылы ақпараттандырылды. Құқық бұзушылықтың алдын алу мақсатында үкіметтік емес ұйымдармен де тығыз байланыста жұмыс жасалуда. 17 сәуір күні аудандық мәдениет үйінде «Баланың бас ұстазы-ата-ана» тақырыбында кеңейтілген аудандық ата-аналар жиналысы өтті. Іс-шараға «Сенімен Болашақ» Республикалық ата-аналар қоғамдық бірлестігінің Қызылорда облыстық филиалының директоры Шәкизат Қаратайұлы қатысып, ата-аналармен еркін пікір алмасып, түсіндіру шараларын жүргізді.Беймезгіл уақытта, компьютерлік клубтар мен көңіл көтеру орындарында жасөспірімдердің заңды өкілінсіз еріп жүруін болдырмау, құқық бұзушылық пен қылмыстылықтың алдын алу бойынша әр аптаның жұма, сенбі және мереке күндері бірлескен рейдтік іс-шаралар жүргізуде. Ағымдағы жылы 150-ден аса рейд ұйымдастырылып, оған 150 ата-ана, 450 педагог қатысты.Бала тәрбиесімен қатар олардың қауіпсіз ортада өмір сүруі – ерекше жауаптылықты қажет етеді. Осы орайда, барлық білім беру ұйымдарының қауіпсіздігі жолға қойылып, бейнебақылау жүйесімен 100% қамтылды.Аудандық прокуратураның бастамасымен білім беру ұйымдарында балалардың қауіпсіздігін қамтамасыз ету бойынша алынған сауалнама нәтижесінде оқушылар арасында электронды темекіге әуестік, бопсалау мен әлімжеттік және топтық төбелестің белгілері анықталды. Сауалнама нәтижесі бойынша тиісті шаралар қабылданып, түсіндіру жұмыстары жүргізілді.Оқушылардың бос уақытын тиімді ұйымдастыру мақсатында үйірмелер мен спорттық секциялар жұмысы жолға қойылған.Мектептер мен қосымша білім беру ұйымдарында домбыра, би, қобыз, ән, драма, көркемсөз, қол өнер, сурет т.б 156 үйірме жұмыс жасаса, оған 3968 бала мен жасөспірімдер қамтылған.Спорттық секциялар волейбол, баскетбол, футбол, теннис т.б&nbsp;141 болса, оған 3586 жасөспірім тартылған.Тұрмысы төмен отбасылардан шыққан 1660, мектепішілік есептегі 48 баланың бос уақыттарында әртүрлі спорттық, мәдени және басқа да шараларға тарту жұмыстары ұйымдастырылуда. Спорттық жарыстарды өткізуге, олардың спорттық нысандарға қол жетімділігіне еш кедергі жоқ, ақысыз негізде өткізіліп келеді.Алдағы уақытта да балалар мен жасөспірімдер арасындағы қылмыс пен құқық бұзушылықтың алдын алу, олардың құқықтарының сақталуы мен қорғалуын қамтамасыз ету бағытында &nbsp;тиісті органдармен бірлесе отырып, бекітілген жоспарға сәйкес әрі қарай жүргізіле беретін болады. Аталған мәселе білім бөлімінің қатаң бақылауына алынған.– Сұхбатыңызға рақмет!Сұхбаттасқан Бибісара ЖАНӘЛІ

Сырдарияда кәмелетке толмағандармен жұмыс тұрақты назарда

<a href="https://kyzylorda-news.kz/">Kyzylorda-news.kz</a> «Кімді қандай тақырып қызықтырады?» деп сауал тастады болашақ журналистерді бағыттаушы ұстаз.Облыстың түкпір-түкпірінен келіп, қаланың қызығына ене алмай, сырттай ғана тамашалап отырған «балмұздақтардың» көбі бұл сұраққа тосырқай қарады. Журналист боламын деген асқақ арман олардың қаламдарынан туған тырнақалды туындыларын газет беттерінде жарық көруіне әкелген. Олардың дені «Менің Отаным», «Менің отбасым», «Кім болғым келеді?» деген тәрізді шығармалардан бастау алатын. Тіпті, кейбірінің ақындық қабілетін сынап, бірлі-жарым шумақты шимайлаған. Олар әлі кәсіби журналистиканың не екенін де біле бермейтін. Олардың ойынша, журналист – теледидарда жарқырап отырған диктор ғана. Көпшілігі журналистика атты ауқымды саланың ішінде сан түрлі тарау барын да білмейтін. Барлығы десек те болғандай... Кенет алдыңғы партада отырған қара қыз «Маған детектив жазған ұнайды» деді тақылдап. Көпшілігі оның не екеніне де бойлаған жоқ. Бірақ әлгі пысық қыз детективтің не екенін, оны қалай жазатынын, тіпті өзінің де осы бағыттағы бірнеше әңгімесі бар екенін жеткізді. Ол уақытта сол бойжеткенге журналистикадан емес, сот саласынан нан бұйыратынын ешкім білмеген еді... Әңгіме жаңадан құрылған Қызылорда облысының мамандандырылған ауданаралық әкімшілік сотының бас маман-сот отырысының хатшысы қызметін абыроймен атқарып келе жатқан Айжан Ысқақова жайында.Оның бұл салада еңбек етіп келе жатқанына да он жылдан асып барады. Осы жылдар ішінде ол Қызылорда облыстық сотының республикалық, жергілікті бұқаралық ақпарат құралдарымен тығыз байланыс орнатуына, сот жұмысын көпшілікке насихаттауға айтарлықтай үлес қосып, баспасөз хатшысы қызметін атқарды. Осы бағытта өзін дәлелдеуге, білімін шыңдауға бар уақытын жұмсады.<blockquote>– Менің өмірде ұстаздарым көп. Өйткені айналамдағы жандардан үнемі бірнәрсе үйренгім келіп тұрады. Заманның көші деген бар, осы бір сәттерде тоқтауға, аялдауға болмайды. Өзіңді дамытуың керек, біліміңді жетілдіруің керек. Тәжірибеңді арттыра түспесең, сенен кейінгі озып кетеді. Ал өзіңді мықты санап, болдым, толдым деген күнің – өшкен күнің. Менің ұстанымымда іздену, білім алу, дамуыңды тоқтатпау – сені биікке шығаратын төте жол, – дейді Айжан Мұқтарқызы.</blockquote>Мектеп бітірген соң Қорқыт ата атындағы Қызылорда университетінің журналистика мамандығына қабылданды. Бірақ оның ішкі арманы мен мақсаты басқа еді... Бала күнінен заңгер болуды армандайтын. Дегенмен бала арманы маза бермеген ол 2020 жылы «Ақмешіт» гуманитарлық-техникалық институтын құқықтану мамандығы бойынша оқып, құқық бакалавры дәрежесін иеленді.<blockquote>– Әріптесіміздің ойға алған істі орындамай тынбайтынын, тынымсыз ізденіс нәтижеге жеткізетінін жұмыс барысында сан мәрте көріп жүрміз. Оның бойындағы адами асыл қасиеттерге қанықпыз. Кәсіби шеберлігін де әркез үздіктер қатарында байқатып жүр. Сот төрелігі дегенде көз алдымызға сот билігін жүзеге асыратын, сот актілерін шығаратын судьялар елестейтіні рас. Дегенмен оның сыртында көзге көріне бермейтін мамандардың орасан жұмысы барын жоққа шығара алмаймыз.</blockquote>Міне, Айжанның да осы қатардан көрініп жүргені қуантады. Алдына айқын мақсат қоя алады, ойлаған межелі мақсатына міндетті түрде жетеді. Біздің салада осындай мақсатшыл, мамандығын жоғары бағалайтын, шын жақсы көретін Айжан Мұқтарқызындай мамандар жұмыс істейтініне қуанамыз. Олар – біздің саланың жүрегі, – дейді әріптестері.Ол 22 жасында Қызылорда облыстық сотына іс тіркеуші болып жұмысқа орналасты. Қызметтің алғашқы күнінен бастап сот саласында жұмыс істеу жоғары жауапкершілікті қажет ететінін жақсы түсінді. Содан бері сырт көзге қарапайым әрі оңай болып көрінетін жұмыстың өзіндік қиындықтары мен сот процестерін ұйымдастыру, дайындау сатыларынан абыроймен өтуде. Біліктілігі мен кәсібилігінің арқасында судьяның уақытты тиімді пайлаланып, өнімді жұмыс істеуіне ықпал етіп келеді.Мақсаты биік Айжанның сот жүйесіндегі тындырымды еңбегі лайықты бағаланып, Судьялар одағы кеңесі хатшысының Алғыс хатымен, Қызылорда облыстық соты төрағасының, сот департаменті басшысының Құрмет грамотасымен, Алғыс хаттарымен марапатталды. Осы уақыт ішінде бірде-бір рет еңбек тәртібін бұзған емес. Айжан – жан-жақты. Өзін үнемі білікті маман, сүйікті жар, ұл-қыз өсіріп отырған ана ретінде көрсетіп келеді. Жаңашылдыққа жаны құмар Айжан білімін үздіксіз жетілдіріп отырған адам ғана биікке ұмтылады деп есептейді.<blockquote>– Жұмыс пен отбасылық өмірді қатар алып жүріп, екеуінен де биік шыңды бағындыру үшін, әрине, ең әуелі өмірлік жарыңның түсінгені маңызды. Екеуіміздің бір-бірімізді қолданудың нәтижесінде осындай биіктерді еңсеріп жүрмін. Адам тұлға ретінде өзін дамытуды тоқтатпау керек. Ал бұл ретте азаматыңның пікірі мен қолдауы қажет, – дейді білікті маман.</blockquote>Мемлекеттік қызмет саласында еңбек етіп, маңдай терін төгетін әрбір тұлға мінсіз болу керек. Өйткені ол – осы елдің айнасы. Әрбір ісі «қыздың жиған жүгіндей» болып, халықтың көңіл сарайынан орын алған Айжан осы талаптың биігін әлдеқашан бағындырған.Д.ҚЫРДАН

Сот ісі жауапкершілікті талап етеді

<a href="https://kyzylorda-news.kz/">Kyzylorda-news.kz</a> Жеке тұлғалар мен жеке кәсіпкерлердің салық төлеу процесін жеңілдету мақсатында «салық әмияны» сервисі іске қосылды. «Салық әмияны» - салық төлеушінің өтінішінсіз онлайн-режимде автоесеп жүргізу мүмкіндігі бар бірыңғай деректемелерден төлемдерді қабылдау және өңдеу жөніндегі сервис.Салық әмиянының механизмі бюджетке төлемдерді автоматты түрде таратуға мүмкіндік береді. Жеке тұлғалар мен жеке кәсіпкерлердің салық әмиянын толтыру арқылы салықтарды балама төлеу мүмкіндігі бар. Сервис салық төлеушіге бюджетпен оның ағымдағы және алдағы міндеттемелері туралы ақпарат береді. Салық әмиянынан түскен ақша уәкілетті органдардың декларацияларын, есептерін, мәліметтерін табыс ету кезінде салық міндеттемелері туындаған тиісті салықтарға автоматты түрде есептеледі.Esalyq Мемлекеттік кірістер комитеті порталының мобильді қосымшасындағы «салық әмиянының» сервисі App Store және Play Market-те жарияланған. Қызметке қол жеткізу үшін қажет. ЭЦҚ пайдалана отырып eSalyq қосымшасында тіркеу, мобильді азаматтар базасында тіркеу болған кезде esalyq қосымшасында sms-код бойынша тіркеу, ЖСН және пароль бойынша баптау, жылдам қол жеткізу коды және биометрия бойынша орнату. «Салықтық әмиян» сервисінің мүмкіндіктері баламалы салық төлемі, бюджетке төлемдерді автоматты түрде таратуды жүргізу, бюджетпен ағымдағы және алдағы жағдайлар туралы ақпарат беру, ақшалай қаражатты салыққа есептен шығару туралы хабарлама алу, төлемдер мен толықтырулар тарихын сақтау.Сервисті пайдалану ыңғайлылығы үшін іске асырылды: смс-пароль бойынша авторизацияны жеңілдету; Халық банкінің картасын байланыстыру және төлемді аудару арқылы салық төлеуді жеңілдету, Kaspi.kz, барлық қызметтердің төлем тарихын көрсету, ақпаратты өзектендіру уақытын 2 минутқа дейін қысқарту, салық салу объектілері бойынша деректерді қарау, БЖТ төлеу сервисі, салық әмиянының бірыңғай деректемелерінен қайтаруды жүргізу, «берешек туралы мәліметтер» сервисінде салықтар мен әлеуметтік төлемдерді төлеу, «артық төлемді басқару» сервисінде бюджеттен салықтарды есепке жатқызуға және қайтаруға өтінім беру, жылжымайтын мүлік және көлік құралдары бойынша деректерді түзету сервисі кіреді.

Қызылордада «Салық әмияны» сервисі іске қосылды

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күніне» орайластырылған айлық шеңберінде, сондай – ақ облыс тұрғындары арасында есірткіге қарсы насихат жүргізу және полицейлердің имиджін көтеру мақсатында Қызылорда облысы ПД Есірткі қылмысына қарсы іс-қимыл басқармасы тарапынан тілшілер арасында «Есірткісіз болашақ!» тақырыбында байқау ұйымдастырылды.Байқаудың мақсаты – нашақорлық пен есірткі қылмысының өзекті мәселелеріне қоғам назарын аудару, мемлекеттік саясаттың маңызды бағыттары және нашақорлық саласындағы маңызды іс-шаралар туралы халықты хабардар ету, есірткі қылмысының өзекті мәселелері бойынша материалдар жариялайтын журналистерді қолдау.Жарысқа қатысушылар техниканың заманауи жетістіктерін қолданып, өз ойларын нақты фактілермен нығайта отырып, айқын және дәлелді жеткізе алды. Тілшілер нашақорлық пен есірткі қылмысы проблемасын жариялай отырып, халықты, өскелең ұрпақты есірткісіз өмір туралы хабардар етуге өз үлестерін қосты.Байқауға қатысушылар номинациялар бойынша бөлінді, барлық қатысушыларға дипломдар мен естелік сыйлықтар табысталды. Үздік деп танылған Кенжеғұлова Мөлдір Сабыржанқызы – «Kyzylorda-news.kz.» ақпарат агенттігінің тілшісі, Сейіл Айдана Сайдуллақызы – «Ақмешіт апталығы» ақпарат агенттігінің шеф редакторы, Жарманова Айжан Сандибеккызы – «Kyzylorda-news.kz.» ақпарат агенттігінің тілшісі, Оралбай Аружан Маратқызы – «Ақмешіт жастары» газетінің сайт редакторы, Бекбан Шынар Алтынбекқызы – «Syrboyi.kz» ақпараттық агенттігінің шеф-редакторы «Полиция алтын қаламы» номинациясының жеңімпазы атанды.

«Есірткісіз болашақ!» байқауы мәресіне жетті

<a href="https://kyzylorda-news.kz/">Kyzylorda-news.kz</a> «26 маусым – Халықаралық нашақорлыққа қарсы күрес күні» мерекесіне орай Қызылорда қаласының орталық мәдениет және демалыс паркінде ауқымды есірткіге қарсы акция өткізілді.Акция барысында &nbsp;есірткіге қарсы профилактикалық жұмыста үздік болып танылған түрлі сала өкілдері алғыс хаттармен және сыйлықтармен марапатталды . Сонымен қатар, сыйлық иелері болып тілшілер арасында ұйымдастырылған үздіктер де марапатталды. Концерттік бағдарлама ұйымдастырылып, оның барысында тақырыптық театрлық және би қойылымдарының көрсетілімі назарға ұсынылып, жергілікті және шақырылған әншілер өз өнерлерін паш етті.Концертке қатысу үшін қазақстандық эстрада әншісі Байтанат шақырылды, ол акция барысында қатысушыларды салауатты өмір салтын ұстануға және есірткіден алыс болуға шақырды.Сондай-ақ, есірткіге қарсы полиграфиялық өнімдер мен балаларға арналған ойыншықтар таратылды.

Қазақстан және Қызылорда облысының жаңалықтары: Құқық