<a href="https://kyzylorda-news.kz/">Kyzylorda-news.kz</a>&nbsp; Жазғы демалыс тек велосипед тебу, аулада ойнау немесе әжеге қонаққа барумен шектелмейді. Бүгінде көптеген балалардың жазы бір уақытта екі кеңістікте өтеді: офлайн және онлайн. Ата-аналар жұмыста болған кезде, жасөспірімдер сағаттап ойын ойнайды, видео көреді, мессенджерлерде хат алмасады, әлеуметтік желілерде танысады және дауыстық чаттарда уақыт өткізеді. TikTok, Discord және Telegram — жазғы демалыс кезінде алаяқтар да белсенді кіретін платформалар.«Тегін бонустар» және ойындардағы тұзақтарЖаз мезгілінде балалардың цифрлық белсенділігі күрт артады. Онымен бірге алаяқтардың қызығушылығы да көбейеді. Олар үшін жазғы демалыс — ерекше маусым іспетті. Балалар жиі бақылаусыз қалады, шешімді тез қабылдайды және эмоциялық оқиғаларға оңай еріп кетеді: ұтыс ойындары, ойын ішіндегі сыйлықтар, «құпия» ұсыныстар немесе алаңдататын хабарламалар.Ең үлкен қауіп аймағы — онлайн ойындар. Балалар алаяқтармен алғаш рет көбіне дәл сол жерде кездеседі.Схема сырттай қарағанда зиянсыз сияқты көрінеді. Жасөспірімге әдемі профильдегі адам жазып, сыйлық ұсынады: ойын валютасы, сирек зат, дамытылған аккаунт немесе жабық мүмкіндіктерге қолжетімділік. Кейде алаяқтар танымал стримерлердің немесе таныс ойыншылардың атын жамыладыОдан кейін оқиға бір сценариймен жалғасады: сілтеме, авторизация, код немесе құпиясөз енгізу туралы өтініш. Бала мұны жай ғана бонус алып жатырмын деп ойлайды, бірақ шын мәнінде өз аккаунтына қолжетімділікті береді.Осындай жағдайлардың бірінде мектеп оқушысы жазғы демалыс кезінде танымал ойында «тегін Battle Pass» алмақ болады. Жалған сайт арқылы кіргеннен кейін ол тек ойын аккаунтын ғана емес, сонымен бірге сол профиль байланыстырылған электрондық поштасына да қолжетімділігін жоғалтады. Жасөспірімдер үшін бұл жиі үлкен трагедияға айналады. Цифрлық әлемде аккаунт — жай ойын емес. Бұл айлар мен жылдар бойғы уақыт, байланыс және ақша.Сондықтан бала аккаунтын қайтару үшін кез келген әрекетке баруға дайын болуы мүмкін. Бұл жерде оның жеке қауіпсіздігі де, себебі бейтаныс адамдар әртүрлі нұсқаулар беруі мүмкін, сондай-ақ ата-ананың қаражаты да қауіпке ұшырайды. Кей жағдайларда балалар ата-анасының банк картасы мен шот деректерін сүйікті ойынына қайта кіру үшін беріп қойған.Ең өкініштісі — көп жағдайда аккаунтты қайтару мүмкін болмайды.Қауіп тек ойыншының өзімен шектелмейді. Алаяқтар достардың атынан хабарлама жіберіп, оларды да алдауы мүмкін. Кейде баланың мейірімділігі мен көмектесуге деген ниеті өзіне қарсы жұмыс істейді. Сондықтан мұнда қауіп екі есе жоғары, ал сақтық деңгейі де соған сай болуы керек.Әлеуметтік желілер: баланың қызығушылығы оған қарсы жұмыс істегендеЕресектер көбіне қорқыныш арқылы алданса, балалар — қызығушылық арқылы.«Бұл суреттегі сен бе?», «Сен туралы видео шықты», «Сен видеодасың»Осындай хабарламалар мессенджерлерде күн сайын кездеседі. Әсіресе жазда, балалар жаңа адамдармен жиі танысып, белсенді түрде қосымша контактілер қосқанда.Жалған сілтемелер фейк авторизация беттеріне апарады. Сырттай олар шынайы сервистерден айнымайды. Бала логин мен құпиясөзін енгізеді де, аккаунты алаяқтардың қолына өтеді.Одан кейін екінші толқын басталады: оның атынан достарына ақша сұрау, конкурсқа дауыс беру немесе сілтеме ашу туралы хабарламалар жіберіледі. Хабарлама «өз адамынан» келгендіктен, оған сенім де жоғары болады.Интернет-достық — манипуляция құралы ретіндеБүгінгі ең қауіпті схемалар әрдайым технологиямен байланысты емес. Көбіне алаяқтар психологияны пайдаланадыДемалыс кезінде жасөспірімдер онлайнда көп уақыт өткізіп, тез байланысқа түседі. Мұны алаяқтар пайдаланады. Олар балаға апталап жазып, музыка, ойын, фильм, мектеп туралы сөйлеседі. Кейде шынайы достық сияқты әсер қалыптасады.Кейін өтініш пайда болады. Алдымен ұсақ әрі «зиянсыз»: тіркелуге көмектесу, SMS-код жіберу, аккаунтты уақытша беру немесе аз ғана ақша аудару.Бір жағдайда жасөспірім бірнеше апта бойы ойын чатында өзін қатарластай таныстырған адаммен сөйлеседі. Кейін «досы» банк хабарламасынан келген кодты жіберуді сұрайды, себебі «оның нөмірі істемей тұр» деген сылтау айтады. Бала бұл арқылы шын мәнінде банк операциясын растап тұрғанын түсінбейді.Негізгі мәселе — балалар интернеттегі қарым-қатынасты қауіпті деп қабылдамайды. Олар үшін бұл тек экран арқылы болса да, кәдімгі достық.Ұтыс ойындары, жеңілдіктер және «блогер сыйлықтары»Жазда фейк конкурстар мен жалған ұтыс ойындарының саны күрт өседі. Әсіресе TikTok, Telegram және Instagram платформаларында. «Сіз смартфон ұттыңыз». «Сертификатты алыңыз». «Жазылушыларға сыйлық».Әдетте баладан сілтеме ашу, анкета толтыру немесе «жеткізу ақысын» төлеу сұралады. Сомалар аз — бірнеше жүз немесе бірнеше мың теңге. Сол себепті бұл схема жұмыс істейді: шығын үлкен емес сияқты көрінеді, ал бала оны ересектерге айтпауы мүмкін.Кейде алаяқтар «ұтысты» барынша шынайы етіп көрсетеді: танымал брендтердің логотиптерін, блогерлердің фотоларын және «жеңімпаздардың» жалған пікірлерін пайдаланадыЖасөспірімдер үшін бұл кәдімгі интернет-активтілік сияқты көрінеді, ал шын мәнінде бұл — қылмыстық схема.Кейде бала жәбірленуші емес, алаяқтардың бейсаналы көмекшісіне айналады. Мысалы, жасөспірімге «оңай табыс» ұсынылады: картаға ақша қабылдау, аккаунт тіркеуге көмектесу немесе банк картасын «жұмыс үшін» беру. Оның орнына пайыз немесе тез ақша уәде етіледі.Шын мәнінде бұл карталар арқылы ұрланған қаражаттар өтуі мүмкін. Ал бала өзі білмей заңсыз схемаға қатысушы болып қалады.Мұндай ұсыныстар әсіресе жазда қауіпті, себебі жасөспірімдер өз ақшасын тапқысы келеді, бірақ салдарын әлі дұрыс бағалай алмайды. Неліктен тыйым салу көбінде нәтиже бермейдіКөптеген ата-аналардың алғашқы әрекеті — интернетті жай ғана шектеу. Бірақ толық тыйым салу сирек нәтиже береді. Қазіргі балалар интернетте өмір сүреді, дәл бұрынғы ұрпақ аулада ойнағандай. Олар үшін интернет — қарым-қатынас, демалыс, ойын және әлеуметтік орта.Сондықтан бастысы — қатаң бақылау емес, цифрлық қауіпсіздік туралы сабырлы әрі тұрақты түрде сөйлесу дағдысы.Бала мына нәрсені түсінуі керек: алаяқ деген міндетті түрде күдікті дауысы бар ересек адам емес. Кейде бұл — мемдері бар достық профиль, танымал ойын аккаунты немесе басқа біреудің парақшасынан жазатын «таныс адам» болуы мүмкін.Сондықтан тәуекелдерді толық жою мүмкін емес. Бірақ оларды азайтуға болады.Балаға алдын ала бірнеше қарапайым ережелерді түсіндіріп қойған дұрыс:• карта деректерін ешқашан ересектерсіз енгізбеу;• SMS арқылы келген кодтарды тіпті достарына да айтпау;• хабарламалардағы сілтемелерге өтпеу;• пошта, ойындар және әлеуметтік желілер үшін екі факторлы қорғауды қосу;• банк деректерін құрылғыларда ашық сақтамау;• алаяқтықтың жаңа тәсілдерін қорқытпай талқылау;• интернеттегі «кішкентай құпияның» өзі ата-анадан үлкен мәселе тудыруы мүмкін екенін түсіндіру.<img src="https://knadmin.beoblood.kz/uploads/whatsapp_image_2026_05_25_at_155617_1_adeee8c092.jpeg" alt="whatsapp-image-2026-05-25-at-155617-1.jpeg">Және ең маңызды ереже: бала қателескенін айтуға қорықпауы керек.Өйткені көп жағдайда алаяқтарды жеңетін нәрсе — технология емес, үнсіздік пен абыржу. Ал цифрлық қауіпсіздік бүгінгі күні жолдан өтпес бұрын жан-жағына қарау сияқты қарапайым әдетке айналуы тиіс.Балаларыңызға қауіп туралы айтып, қаржылық сауаттылықты Fingramota.kz бірге арттырыңыздар!Фото: fingramota.kz

Телефондағы жаз. Демалыс кезінде балаларды кибералаяқтардан қалай қорғауға болады?

<a href="https://kyzylorda-news.kz/">Kyzylorda-news.kz</a> Қазақстанда мемлекеттік басқару жүйесін жаңғыртуға бағытталған «Қазақстан Республикасының мемлекеттік қызметі туралы» жаңа Заң қабылданды. Құжат мемлекеттік аппараттың тиімділігін арттыруға, кадрлық жүйені жетілдіруге және халыққа сапалы қызмет көрсетуге негізделген. Бұл туралы Өңірлік коммуникациялар қызметінің ақпарат алаңында Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев мәлімдеді.Спикердің айтуынша, жаңа заң мемлекеттік қызметті дамытудың 2024-2029 жылдарға арналған тұжырымдамасын іске асыруға бағытталған. Негізгі басымдықтардың бірі мемлекеттік аппараттың сервистік моделін қалыптастыру, яғни халықпен ашық әрі тиімді байланыс орнату.<blockquote>– Жаңа редакциядағы заң мемлекеттік қызметтің мақсаты мен міндеттерін нақты айқындап, мемлекеттік қызметшілерге қойылатын талаптарды жүйелейді. Сонымен қатар, азаматтардың өтініштерін қараудағы формализмді азайту, цифрлық сервистердің қолжетімділігін арттыру және құқықтық кедергілерді жою көзделген. Заңда сайланбалы лауазымды тұлғалар мемлекеттік қызметшілердің жеке санаты ретінде қарастырылған. Оларға арнайы оқыту тәртібі енгізіліп, кейбір кадрлық рәсімдерден босату тетіктері белгіленген. Сондай-ақ, мемлекеттік қызметке жас әрі талантты мамандарды тарту мақсатында даярлау институты енгізіледі. Бұл бағыттағы жұмыстар мектептен бастап жоғары оқу орындарына дейін қамтылады, - деді Ерлеген Мендалиев.</blockquote>Заңдағы маңызды өзгерістердің бірі – кадрлық процестерді толық цифрландыру. Енді мемлекеттік қызметке қабылдау «Е-қызмет» жүйесі арқылы автоматтандырылып, лауазым үш айдан астам уақыт бос тұрған жағдайда, конкурс автоматты түрде жарияланатын болады. Бұл өз кезегінде ашықтықты арттырып, кадр іріктеу үдерісіндегі уақытты қысқартуға мүмкіндік береді.<img src="https://knadmin.beoblood.kz/uploads/Memlekettik_yzmetke_abyldau_E_yzmet_zh_jesi_ar_yly_avtomattandyrylady_f1251a0345.jpg" alt="Мемлекеттік қызметке қабылдау «Е-қызмет» жүйесі арқылы автоматтандырылады.jpg">Құжатта мемлекеттік қызметшілердің әлеуметтік қорғалуына да ерекше назар аударылған. Атап айтқанда, ұзақ жыл еңбек еткен қызметкерлерге бір реттік төлем жасау, қосымша ақылы демалыс беру және мереке күндеріндегі жұмыс үшін жоғарылатылған еңбекақы төлеу тетіктері қарастырылған.Сонымен қатар, қызметтік ауысулар кезіндегі кепілдіктер, кадрлық мобильділік, тәртіптік жауапкершілік пен құқық бұзушылықтардың алдын алу шаралары заң аясында нақты бекітілген.Жаңа заң мемлекеттік қызмет жүйесінің ашықтығын арттырып, халыққа бағдарланған тиімді мемлекеттік аппарат қалыптастыруға бағытталған маңызды қадамдардың бірі болмақ.&nbsp;Фото: Нұрболат Нұржаубай

Мемлекеттік қызметке қабылдау «Е-қызмет» жүйесі арқылы автоматтандырылады

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің Есірткі қылмысына қарсы іс-қимыл басқармасы тарапынан 26 маусым – Халықаралық нашақорлыққа қарсы күрес күніне орай Қызылорда облысының білім беру ұйымдары арасында мерекелік шеруде үздік қатысушылар колоннасын ұсыну сайысы ұйымдастырылды.&nbsp;Аталған іс-шараның негізгі мақсаты – жастар арасында салауатты өмір салтын насихаттау, есірткіге қарсы мәдениетті қалыптастыру, қоғам назарын нашақорлық мәселесіне аудару және өскелең ұрпақтың азаматтық жауапкершілігін арттыру болды.Сайыс барысында білім ұйымдарының қатысушылары креативті безендірілген колонналар ұсынып, қоғамдағы бірлік пен белсенді азаматтық ұстанымды көрсете білді. Әрбір команда мазмұнды ұрандар, көрнекі композициялар мен тәрбиелік маңызы жоғары идеялар арқылы жастардың санасына салауатты өмірдің құндылығын жеткізуге атсалысты. Іс-шара барысында қатысушылардың ұйымшылдығы, шығармашылық көзқарасы мен қоғамдық бастамаларға белсенді араласуы ерекше бағаланды.<img src="https://knadmin.beoblood.kz/uploads/Shestvie_k_zdorovomu_budushhemu_molodezh_protiv_narkotikov_5dbc83eae8.jpg" alt="«Шествие к здоровому будущему молодежь против наркотиков».jpg">Сайыс қорытындысы бойынша жеңімпаздар қатарынан Арал ауданы бойынша білім бөлімі, Қазалы ауданы бойынша білім бөлімі, Қармақшы ауданы бойынша білім бөлімі, Жалағаш ауданы бойынша білім бөлімі, Сырдария ауданы бойынша білім бөлімі, Шиелі ауданы бойынша білім бөлімі, Шиелі ауданы Оқушылар үйі және М.Мәметова атындағы Қызылорда жоғары педагогикалық колледжі танылды.Мұндай тағылымы мол іс-шаралар жастардың құқықтық сауаттылығын арттырып қана қоймай, олардың бойында зиянды әдеттерге қарсы иммунитет қалыптастыруға, саналы өмірлік ұстаным мен белсенді азаматтық көзқарасты нығайтуға ықпал етеді.

«Салауатты болашаққа бастар сап: жастар нашақорлыққа қарсы»

<a href="https://kyzylorda-news.kz/">Kyzylorda-news.kz</a> Қызылорда облысында капстекингтен — уақытқа стакандарды жинау бойынша ашық жарыс ұйымдастырылды. Іс-шара жастар мен кәмелетке толмағандардың бос уақытын тиімді пайдалануына жағдай жасауға, саламатты өмір салтын насихаттауға, балалар мен жасөспірімдердің спорт пен шығармашылыққа қызығушылығын арттыруға, сондай-ақ жарыс арқылы ұжымдық қарым-қатынас дағдыларын дамытуға бағытталды.Жарыс тартысты бәсеке, достық және өзара қолдау атмосферасында өтіп, облыстың түрлі аудандары мен білім беру ұйымдарынан қатысушылардың басын қосты. Қатысушылар жарыс барысында жылдамдықтарын, ептіліктерін, ұқыптылықтарын және қимыл-қозғалыс үйлесімділігін жоғары деңгейде көрсетті. Ұйымдастырушылар мұндай іс-шаралар капстекинг спорт түрінің оқушылар арасында кеңінен дамуына және жастардың пайдалы әрі белсенді демалысқа деген қызығушылығын арттыруға ықпал ететінін атап өтті.<img src="https://knadmin.beoblood.kz/uploads/Zhastar_esirtkige_arsy_yzylorda_oblysynda_kapstekingten_ashy_zharys_tti1_89fc92bf01.jpg" alt="«Жастар есірткіге қарсы!» — Қызылорда облысында капстекингтен ашық жарыс өтті1.jpg">Жарыс қорытындысы бойынша бірінші орын иегерлері: Әмірханұлы Мейірхан (Арал ауданы N260 орта мектеп), Жанабай Раушан (Қазалы ауданы №226 мектеп-гимназия), Әлиева Нұрдана (Шиелі ауданы N207 орта мектеп), Оспанова Назым (М.Мәметова атындағы Қызылорда педагогикалық жоғары колледжі).Екінші орын алғандар: Әлиева Жайна (Арал ауданы N62 орта мектеп), Пірімжар Кәусар (Қазалы ауданы №165 орта мектеп), Орынбай Жанерке (Қазалы ауданы №16 мектеп-лицей), Бөлген Нұрасыл (Шиелі ауданы N243 орта мектеп).Үшінші орын иегерлері: Қадырбай Тоғжан (Жалағаш ауданы N202 орта мектеп), Кеңес Бақдәулет (Сырдария ауданы N35 орта мектеп), Тынбек Жандос (Жаңақорған ауданы N51 орта мектеп), Әкім Інкәр (Жаңақорған ауданы N160 орта мектеп).Аталған жарыс жастардың белсенді әрі пайдалы демалысын ұйымдастырудың жарқын үлгісіне айналып, өскелең ұрпақ арасында спортқа қызығушылықты, командалық өзара іс-қимылды және салауатты өмір салтын насихаттауға өз үлесін қосты.

«Жастар есірткіге қарсы!» – Қызылорда облысында капстекингтен ашық жарыс өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазіргі таңда киберқауіпсіздік мәселесі өзекті. Бұл туралы Өңірлік коммуникациялар қызметінің ақпарат алаңында &nbsp;Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті Қызылорда облысы бойынша департаментінің қылмыстық саладағы құқықтық ақпаратты қалыптастыру бөлімінің бастығы Жукашев Естай, аталған департаменттің азаматтық және әкімшілік салалардағы құқықтық ақпаратты қалыптастыру бөлімінің аға прокуроры Тілеужан Ғалымжан, сонымен қатар, облыстық полиция департаменті Әкімшілік полиция басқармасының бастығы Манатов Мұратбек баяндады.<blockquote>– Цифрлық технологиялардың дамуы халықтың өмірін жеңілдеткенімен, қылмыстың жаңа түрлерінің көбеюіне де әсер еткен. Қазіргі таңда әлеуметтік желілер мен интернет платформалар тек байланыс құралы ғана емес, сауда-саттық жүргізілетін негізгі алаңдардың біріне айналған. Осы мүмкіндікті пайдаланған алаяқтар түрлі айла-тәсілдерге көшуде. Бүгінде SMS-код арқылы қорқытып несие рәсімдету, жалған инвестициялық ұсыныстар ұсыну, мессенджерлерде таныстарының атынан хабарлама жіберіп ақша сұрау, сондай-ақ онлайн сауда барысында алдын ала төлем жасатып алдау секілді интернет-алаяқтық түрлері жиі кездеседі, – деді Естай Толыбайұлы.</blockquote>Жиында интернет-алаяқтық қылмыстарының пайда болу себептері мен оның алдын алу шаралары кеңінен талқыланды.<blockquote>– Интернет-алаяқтық қылмыстарының ашылу деңгейі артқан. Ғаламтор кеңістігіне жүргізілген мониторинг барысында заңсыз белгілері бар көптеген сайттар мен сілтемелер анықталып, оларды бұғаттау жұмыстары қолға алынған. Ең бастысы – қарапайым қауіпсіздік ережелерін сақтау. SMS-кодтарды ешкімге бермеу керек. Белгісіз адамдардың ұсынысымен түрлі қосымшаларды жүктеуге болмайды. Күмәнді қоңырау түскен жағдайда бірден байланысты үзіп, банктің ресми нөміріне хабарласқан жөн, – Ғалымжан Бауыржанұлы.</blockquote>Сонымен қатар спикер киберқылмыстың кең таралған тәсілдері – жалған қоңыраулар, мессенджерлер мен фишингтік сайттар арқылы жасалатын алаяқтық схемалар жөнінде түсіндірді.<img src="https://knadmin.beoblood.kz/uploads/Zhiynda_internet_alaya_ty_ylmystaryny_pajda_bolu_sebepteri_men_ony_aldyn_alu_sharalary_ke_inen_tal_ylandy_18473f8acd.jpg" alt="Жиында интернет-алаяқтық қылмыстарының пайда болу себептері мен оның алдын алу шаралары кеңінен талқыланды..jpg">Фото: nege kz

Өңірде интернет қауіпсіздігіне қатысты түсіндіру жұмыстары күшейтілуде

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында «Таза Қазақстан» акцияcы аясында түсіндіру жұмыстары күшейтілді. «Таза Қазақстан» республикалық акциясы аясында полиция қызметкерлері қоғамдық тәртіп пен тазалық талаптарының сақталуын бақылауды жалғастыруда.Құқық бұзушылықтарды анықтау мақсатында бейнебақылау камералары тиімді пайдаланылып, тиісті әкімшілік хаттамалар толтырылуда. Сонымен қатар, қала орталығындағы халық көп шоғырланатын орындарда тұрғындарға арнайы жадынамалар таратылып, қоршаған ортаны таза ұстау, қоғамдық орындарды ластамау және ортақ тәртіпті сақтау бағытында түсіндіру жұмыстары жүргізілді.Жыл басынан бері ҚР әкімшілік құқық бұзушылық туралы кодексінің 434-2-бабы 1-бөлігі бойынша 113 хаттама, ал 505-бабы 1-бөлігі бойынша 547 хаттама рәсімделді.<blockquote>«Таза Қазақстан» акциясының басты мақсаты – тұрғындардың экологиялық мәдениетін қалыптастырып, қоғамдық тәртіпке деген жауапкершілігін арттыру. Осы бағыттағы профилактикалық және түсіндіру жұмыстары алдағы уақытта да тұрақты түрде жалғасады, – деді полиция өкілі.&nbsp;</blockquote>Акция аясындағы шаралар алдағы уақытта да жалғасын табады.Фото: polisia.kz

«Таза Қазақстан":  Қызылорда облысында акция аясында түсіндіру жұмыстары күшейтілді

<a href="https://kyzylorda-news.kz/">Kyzylorda-news.kz</a> 18 мамыр – Халықаралық музей күніне орай Қызылорда облысы Полиция департаментінің қызметкерлері Қызылорда облыстық тарихи-өлкетану музейіне арнайы барып, музей ұжымын кәсіби мерекелерімен құттықтады. Іс-шара барысында тәртіп сақшылары музейдің экспозициялық залдарын аралап, өңір тарихы мен рухани-мәдени мұрасын таныстыратын құнды жәдігерлермен танысты.Кездесуде Қызылорда облысы Полиция департаменті Жеке құраммен жұмыс жөніндегі басқарма бастығының орынбасары, полиция капитаны Шарипова Аида Сабитовна музей қызметкерлеріне алғыс білдіріп, олардың ұлт тарихын ұлықтау мен мәдени құндылықтарды сақтаудағы еңбегін ерекше атап өтті. Сондай-ақ кәсіби мереке иелеріне құрмет көрсетіліп, бірқатар қызметкерлер марапатталды.Музей – өткен мен бүгінді жалғайтын рухани алтын көпір. Өңірдің бай тарихы мен тағылымды шежіресін келер ұрпаққа жеткізуде музей қызметкерлерінің еңбегі зор. Танымдық кездесудің мақсаты – тарихи-мәдени мұраға құрмет көрсету, жас ұрпақтың ұлттық құндылықтарға деген қызығушылығын арттыру және қоғам мен мәдениет саласы арасындағы байланысты нығайту болды.&nbsp;

Қызылордалық полицейлер музей қызметкерлерін кәсіби мерекемен құттықтады

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті Есірткі қылмысына қарсы іс-қимыл басқармасының ұйымдастыруымен жастар арасында есірткінің зиянын түсіндіру және салауатты өмір салтын насихаттау мақсатында, есірткіге қарсы комикс әзірлеу байқауы өткізілді. Аталған байқау жасөспірімдердің шығармашылық қабілетін дамытуға, құқықтық сауаттылығын арттыруға және қоғамдағы зиянды әдеттердің алдын алуға бағытталды.Байқауға Қызылорда облысының білім беру ұйымдарының оқушылары мен студенттері белсене қатысып, есірткіге қарсы тақырыптағы мазмұнды әрі көркемдік тұрғыдан жоғары деңгейдегі комикс жұмыстарын ұсынды. Қатысушылар өз туындылары арқылы жастарды салауатты өмір салтын таңдауға, зиянды әдеттерден аулақ болуға, өмір мен денсаулықтың құндылығын бағалауға шақырды. Сонымен қатар жұмыстарда қоғам үшін өзекті болып отырған мәселелер көркем сюжеттер арқылы ашық көрсетілді.Байқау қорытындысы бойынша жеңімпаздар анықталды: І орынды – Қызылорда қаласы №215 орта мектеп оқушысы Зейнулла Аян мен Жалағаш ауданы №116 орта мектеп оқушысы Әди Дидар иеленді; ІІ орын – Шиелі ауданы №45 мектеп-гимназиясының оқушысы Асқарова Айару және №127 мектеп-лицей оқушысы Тұрсынбай Сабинаға бұйырды; ІІІ орын – Қызылорда қаласы №296 орта мектеп оқушысы Ертай Каусар, №176 орта мектеп оқушысы Өтеген Дарын, Жалағаш ауданы №203 орта мектеп оқушысы Тасжарғанова Қарлығаш, №118 орта мектеп оқушысы Аманкелдіқызы Кәусар, Қармақшы ауданы №27 орта мектеп оқушысы Бағдатұлы Мансұр, М.Мәметова атындағы Қызылорда педагогикалық жоғары колледж студенті Жеткереген Жанна, Қазалы ауданы №226 мектеп-гимназия оқушысы Әлиханов Бекхан, Арал ауданы №14 орта мектеп оқушысы Қосанов Еркебұланға берілді.Ұйымдастырушылар мұндай байқаулар жасөспірімдер арасында құқық бұзушылықтың алдын алуға, шығармашылық белсенділікті арттыруға және салауатты өмір салтын қалыптастыруға оң ықпал ететінін атап өтті.

Сурет арқылы санаға әсер: есірткіге қарсы комикс байқауы

<a href="https://kyzylorda-news.kz/">Kyzylorda-news.kz</a> Қызылорда облысының Жаңақорған кентіндегі А.Абдуллаев атындағы зияткерлік мектеп-интернатында Ғазиз Байтасов атындағы «Жас сақшы» полиция сыныбының салтанатты ашылу рәсімі өтті.Іс-шараға Қызылорда облысы Полиция департаментінің Ардагерлер кеңесінің төрағасы Шаймағамбетов Әмірбек Бердібекұлы және Жеке құраммен жұмыс жөніндегі басқармасының бастығы Асқар Балқожаев қатысып, жас сақшыларға сәттілік тіледі.<img src="https://knadmin.beoblood.kz/uploads/policziya_fabaeed390.jpeg" alt="полиция.jpeg">Салтанатты жиын барысында «Жас сақшы» полиция сыныбының негізгі мақсат-міндеттері таныстырылды. Атап айтқанда, жас ұрпақты отансүйгіштікке тәрбиелеу, құқықтық мәдениетті қалыптастыру, тәртіп пен жауапкершілікке баулу, сондай-ақ полиция қызметінің беделін арттыру бағытындағы жұмыстар кеңінен айтылды.Шара аясында ант қабылдау рәсімі өткізіліп, сынып құрамына қабылданған 15 оқушыға арнайы куәліктер табысталды.Ғазиз Байтасов – ел тыныштығы мен қоғамдық қауіпсіздікті қорғау жолында ерлікпен қаза тапқан батыр сақшы. Ол 1971 жылы Жамбыл облысында дүниеге келген. Ішкі істер органдарындағы қызметінде кәсібилігімен, батылдығымен және адамгершілік қасиеттерімен ерекшеленіп, әріптестерінің зор құрметіне ие болды.<img src="https://knadmin.beoblood.kz/uploads/policziya_1910e7bcd5.jpeg" alt="полиция.jpeg">2011 жылғы 12 қарашада Тараз қаласында орын алған лаңкестік оқиға кезінде полиция капитаны Ғазиз Байтасов аса қауіпті қылмыскерді тоқтату барысында ерекше ерлік көрсетті. Қылмыскерді құрықтау кезінде ол өз өмірін қатерге тігіп, бейбіт тұрғындардың қауіпсіздігі үшін жан аямай күресті. Қарулы лаңкес өзін-өзі жарып жіберген сәтте батыр сақшы ауыр жарақат алып, ерлікпен қаза тапты.Көрсеткен жанқиярлығы мен антына адалдығы үшін Ғазиз Байтасов Қазақстан Республикасы Президентінің Жарлығымен «Халық қаһарманы» атағына ие болды. Оның ерлігі мен жарқын бейнесі ел жадында мәңгі сақталады.<img src="https://knadmin.beoblood.kz/uploads/policziya_2aab5d3687.jpeg" alt="полиция.jpeg">Шара барысында қатысушылар батыр сақшының рухына тағзым етіп, оның өнегелі өмір жолы мен ерлігі кейінгі жас буын үшін әрдайым үлгі екенін атап өтті.<blockquote>– «Ер есімі – ел есінде. Батыр полицейдің өмір жолы мен ерлігі жас ұрпақты отансүйгіштікке, батылдыққа және адалдыққа тәрбиелейді. Осындай “Жас сақшы” сыныптарының ашылуы – келешек ұрпаққа тағылым беретін маңызды бастама», – деді полиция подполковнигі Асқар Балқожаев.</blockquote>Салтанатты шара соңында оқушылар мен қонақтар ел тыныштығы жолында қызмет етудің маңыздылығын ерекше атап өтті. Ғазиз Байтасовтың ерлігі мен антына адалдығы жас ұрпақ жадында мәңгі сақталары сөзсіз.

Қызылорда облысында Ғазиз Байтасов атындағы «Жас сақшы» полиция сыныбы ашылды

<a href="https://kyzylorda-news.kz/">Kyzylorda-news.kz</a> Қызылордада пробация қызметі сотталғанға әлеуметтік қолдау көрсетті.Қызылорда қалалық пробация қызметі есепте тұрған азаматтарға әлеуметтік-құқықтық көмек көрсетуді жүйелі түрде жалғастырып келеді.&nbsp;Жуырда пробация қызметкерлерінің қолдауымен тағы бір азаматшаға мемлекеттік әлеуметтік көмек рәсімделді. Атап айтқанда пробация қызметі жергілікті атқарушы органдарға тиісті хаттар жолдап, нәтижесінде әйелге мемлекет тарапынан қарастырылған әлеуметтік көмектер тағайындалды. Сонымен қатар оған жеке кәсіп ашуға арналған қайтарымсыз мемлекеттік грантқа құжаттар әзірлеу бойынша көмек көрсетілді.&nbsp;<blockquote>Бұдан бөлек, оны тұрақты жұмыспен қамту бағытында да жұмыстар жүргізілуде. Көмек алған азаматша пробация қызметкерлеріне алғысын білдіріп, өз кәсібін бастауға мүмкіндік туғанына қуанышты екенін айтты. – Қалалық пробация қызметі қиын жағдайда маған қолдау көрсетіп, құжаттарымды рәсімдеуге көмектесті. Әлеуметтік көмек алып, енді өз кәсібімді ашуға мүмкіндік туып отыр. Арманымның орындалатынына қуаныштымын. Көрсеткен көмектері үшін алғысымды білдіремін, – деді есептегі сотталған.&nbsp;</blockquote>Пробация қызметінің негізгі мақсаты – есептегі азаматтарды қоғамнан оқшауламай, олардың қайта әлеуметтенуіне және бейімделуіне қолдау көрсету. Осы бағыттағы жұмыстар алдағы уақытта да жалғасын табады.Фото: polisia.kz

Қызылордада пробация қызметі есептегі сотталғанға әлеуметтік қолдау көрсетті

<a href="https://kyzylorda-news.kz/">Kyzylorda-news.kz</a> Қылмыстың алдын алу және жасөспірімдер арасындағы құқық бұзушылықтардың жолын кесу мақсатында Қызылорда облысы көлемінде жергілікті атқарушы органдарымен бірлесіп, “Түнгі қала” жедел-профилактикалық рейдтік іс-шарасы өткізілді.&nbsp;&nbsp;Іс-шара барысында полиция қызметкерлері мен жауапты мекеме өкілдері түнгі уақытта кәмелетке толмағандардың заңды өкілдерінсіз жүру деректерін анықтау бағытында күшейтілген жұмыстар жүргізді.&nbsp;Рейд қорытындысымен түнгі уақытта заңды өкілінсіз ойын-сауық орындарында және тұрғын жайдан тыс жүрген 147 жасөспірім анықталды. Аталған құқық бұзушылықтарға жол берген ата-аналар мен заңды өкілдерге қатысты әкімшілік шаралар қабылданып, жауапкершілікке тартылды.Сонымен қатар балаларды тәрбиелеу және білім беру жөніндегі міндеттерін тиісінше орындамаған 21 ата-анаға әкімшілік хаттамалар рәсімделді. Мұндай профилактикалық шаралардың негізгі мақсаты – жасөспірімдер арасындағы құқық бұзушылықтың алдын алу, олардың қауіпсіздігін қамтамасыз ету және ата-аналардың жауапкершілігін арттыру.&nbsp;Полиция ата-аналарды балалардың жүріс-тұрысына бейжай қарамай, олардың бос уақытын тиімді ұйымдастыруға және қауіпсіздігіне ерекше көңіл бөлуге шақырады.Фото: Polisia.kz

Қызылордада рейдтік шара өтті

<a href="https://kyzylorda-news.kz/">Kyzylorda-news.kz</a>&nbsp; Адамның өмірлік жолы оның ой-парасаты мен қабылдаған шешімдеріне тікелей тәуелді. Қазіргі өзгермелі қоғамда өз ұстанымыңнан таймай, дұрыс бағытты таңдау – жарқын болашақтың кепілі. ҚАЖ департаментіне қарасты №68 мекемесі “Заң мен тәртіп” идеологиясын іске асыру аясында Қызылорда облыстық прокуратурасымен бірлесіп ізгілікке бастайтын іс-шаралар өткізіп келеді. Бүгін Т.Жүргенов атындағы №136 мектеп-лицейіне барып, оқушыларға түсіндірме жұмысын жүргізгені сөзімізге тұздық.Текетірестен туындаған оқыс оқиғалар орға жығатыны рас. Сондықтан, жастардың теріс жолға түспей, қылмыс жасамағаны игі. Бұл туралы мекеме бастығының тәрбие ісі жөніндегі орынбасары әділет майоры Мирамбек Тұрымбетов толық тарқатып, мәні бар мысалдарды жіпке тізді.Тағылымды кездесуде өмірге азық боларлық кеңестер айтылды. Мәселен, АКАӘПТЖББ-ның бөлім бастығы әділет майоры Тулепбергенов Бақдәулет жасөспірім шақ – арман мен бағыт айқындалатын кезең екенін меңзеп, әрбір шешімнің ертеңге әсер ететінін түсіндірді. Ой жарыстырып, оқу-білімге ұмтылғанның ұтатыны көп екенін қаперге салды.Сонымен қатар, жаза басқан жандардың өкінішін жеткізген бейнеүндеуі оқушыларға ерекше әсер еткені анық.Иә, келтірілген әр мысал, айтылған салмақты сөзден оқушылар өмірлік сабақ алғаны сөзсіз.З.Қонысжан

Қазақстан және Қызылорда облысының жаңалықтары: Құқық