<a href="https://kyzylorda-news.kz/">Kyzylorda-news.kz</a> &nbsp;2025 жылдың 2 қыркүйегінен бастап мемлекеттік қызметтерді цифрландыру және сапасын арттыру мақсатында «ЦОН» мобильді қосымшасында көлік құралдарын тіркеу кезінде сатып алу-сату шартын рәсімдеуге арналған жаңа сервис іске қосылды.Бұған дейін көлікті сату немесе сатып алу үшін азаматтар қызмет көрсету орталықтарында QR-код арқылы шартқа қол қоятын. Енді бұл үдеріс «ЦОН» мобильді қосымшасының «Автокөлікті сатып алу-сату шарты» сервисі арқылы жүзеге асырылады. Шартқа қол қою үшін сатушы да, сатып алушы да электрондық цифрлық қолтаңбаны (ЭЦҚ) пайдаланады. Осылайша, шартты мамандандырылған ХҚКО-ға бармай тұрып алдын ала рәсімдеуге болады. Бұл азаматтарға уақытты үнемдеуге және қызметті алу процесін жеңілдетуге мүмкіндік береді. Нәтижесінде, құжатқа қол қойылғаннан кейін оны ХҚКО-ға ұсыну арқылы көлікті тіркеу рәсімі аяқталады. &nbsp;Маңыздысы, жасалған шарттың деректері сервистің базасында тұрақты түрде сақталады. Бұл ашықтықты қамтамасыз етіп, қажет болған жағдайда мәмілені қайта тексеруге мүмкіндік береді.Сонымен қатар, құжатты қолдан жасау немесе қате мәлімет енгізу қаупін болдырмау үшін оның заңды күші сақталып, жеке деректердің құпиялығы қамтамасыз етіледі. Мемлекеттік ақпараттық жүйелермен интеграцияның арқасында мәліметтер автоматты түрде тексеріліп, қателіктердің алдын алады.Бір шартты рәсімдеудің құны – 1 500 теңге.Сервисті пайдалану үшін азаматтар «ЦОН» мобильді қосымшасын (App Store және Google Play) жүктеп, ЖСН мен телефон нөмірі арқылы авторизациядан өтуі қажет.Бұл сервис келісімді рәсімдеудің қосымша мүмкіндігі, осылайша, азаматтар мемлекеттік қызметті өзіне ыңғайлы кез келген тәсілмен ала алады.Жаңа «Автокөлікті сатып алу-сату шарты» сервисі мемлекеттік қызметтерді цифрландыру бағытындағы маңызды қадамдардың бірі болып саналады. Ол қазақстандықтарға қызметті ыңғайлы, қауіпсіз әрі ашық форматта пайдалануға жол ашады.

«ЦОН» мобильді қосымшасында «Автокөлікті сатып алу-сату шарты» жаңа сервисі қолданысқа енгізілді

<a href="https://kyzylorda-news.kz/">Kyzylorda-news.kz</a> Табиғаттың тынысын ашып, қоршаған ортаны қорғау – ортақ міндет. Осы тұста, ҚАЖ департаментіне қарасты №68 мекемесінің қызметкерлері “Таза Қазақстан” акциясы аясында өткен сенбілікке белсене қатысты.Сенбілікке жиылғандар айналаның ажарын ашып, күтіп-баптау жұмысына да жұмыла кірісті. Яғни, қызметкерлер мекеме аумағындағы қоқыстарды жинап, сыпырудан сырт айналмай, су себу арқылы шаң-тозаңды да басты.<blockquote>– Табиғаттың тарту етер сыйы көп. Сондықтан, оның тазалығына тат түсірмей, қоршаған ортаға қамқорлық көрсету маңызды. “Тазалық – табалдырықтан басталады” деген сөз де бекер айтылмаса керек. Жан-жағың жайлы, айналаң айнадай таза болса, еркін тыныстап, бір жасап қаласың. &nbsp;Бала күнімізде де үй ауласын тазалауға әдеттенген едік. Сол уақыттан бері тазалық пен тәртіптің маңызын түсініп, өмірлік ұстанымым ретінде қарастырамын. Бүгін сенбілікке келіп, акция жұмысына өз үлесімді қосқаныма қуаныштымын, - дейді Режим және күзет бөлімінің ақпарат және байланыс тобының әділет кіші сержанты Ақниет Қалмұратов.</blockquote>Ұжым алдағы уақытта да қоғамдық пайдалы істерге атсалысуды жалғастыра бермек.

Тазалық ісінде тартынбаған қызметкерлер

<a href="https://kyzylorda-news.kz/">Kyzylorda-news.kz</a> Соңғы уақытта өзге адамның әлеуметтік желідегі аккаунтын пайдаланып, қаржылай көмек сұрайтын алаяқтардың әрекеті күшейіп кетті. Астыртын әрекетін жүзеге асырудың да жолы оп-оңай. Мұндай алаяқтардың арбауына түскендердің де қатары көбейіп тұр. Биыл аймақта интернет алаяқтықтың 422 дерегі тіркелген. Интернет алаяқтықтың басқа түрлері бар ма? Алаяқтың арбауына түспеудің амалы қандай? Бұл туралы облыстық Полиция Департаменті Криминалдық полиция басқармасының Аға жедел уәкілі полиция подполковнигі Тимур Хамитов айтып берді.<blockquote>- Интернет пен цифрлы технологиялардың қарқынды дамуымен қатар, алаяқтардауақыт талабынан қалмай, ақша жымқырудың жаңа тәсілдерін ойлап тауып, қылмыстық іс-әрекеттеріне қолданып келеді. Интернет алаяқтықтың қылмыстарының басқа қылмыстарға қарағанда басты ерекшелігі – жалпақ жұрттың бәріне қатысты жасалуында болып отыр. Ол дегеніміз – қолданысында телефоныбар кез-келген адам, интернет-алаяқтардың құрбаны болуы әбден мүмкін. тағы бір айтып өтетін өзекті мәселе осы қылмыстардың пайда болуымен қатар «Дроппер, Дропповод» деген жаңа ұғымдар пайда болды. «Дроппер» дегеніміз жалпақ тілмен айтқанда, қылмысқа көмек көрсетуші немесе қылмысқа қатысушы деген мағынаны білдіреді. Қазіргі таңда Қылмыстық кодексте «дропперлерге» қатысты жаңа 232-1-бабы енгізіліп, санкциясында кінәлілерге қатысты,жүз алпыс айлық есептік көрсеткіштен бастап, жеті жылға дейін бас бостандығынан айыру жазасы қаралды. Дроперлердің басым бөлігі жастар десекте болады, көбі студенттер, жұмыссыздар. Біздің көздеген мақсатымыз жиналыс өткізу емес, мақсатымыз Сіздерді күнделікті орын алып жатқан қауіп қатерден сақтандыру. Сондықтан, біздің айтқан сақтық шараларын естен шығармайды деп сенеміз”,- деді Тимур Зуфарұлы.</blockquote><img src="https://knadmin.beoblood.kz/uploads/Snimok_1_63836d93a3.PNG" alt="Снимок 1.PNG">Фото: Fingramota.kz

Алаяқтан сақ болыңыз!

<a href="https://kyzylorda-news.kz/">Kyzylorda-news.kz</a> Өткен аптада Конституция күніне орай ҚАЖ департаментіне қарасты №68 мекемесінде шаруашылық бөліміне қалдырылған сотталған азаматтар арасында спорттық сайыс өтті.Түрлі спорттан сынға түскен олар қарсыласты қапыда қалдыратындай мықтылығын көрсетуге қамданды. Гір тасын төзімділікпен көтеріп, турникке тартылуда топ жаруға тырысты. Білек күші бәсекеге түскен қол күрес пен волейболда да есепті еселетуге барын салғаны байқалды. Ал, ақыл-ойдың ойыны тоғызқұмалақ пен шаршы тақта шахматтың тартысында тосылып қалмағаны жеңіске деген талпыныстан.<blockquote>– Конституция мерекесі – еліміздің заңдылық пен тәртіпке, бірлік пен өзара құрметке негізделген маңызды күні. Осы бағытта спорттық сайыс өткізу арқылы сотталғандардың дене дайындығын ғана шыңдамай, рухани дамуына да ден қойсақ дедік. Өйткені, жарыста ішкі күшке сену, топтағы бірлікті бекемдеу, ақыл мен жадыны жаттықтыру секілді қасиет көрініс табады. Бұл жауапкершілікті сезінуге, жігерді жасытпауға мүмкіндік береді, - дейді АКАӘПТЖББ-нің жасақ бастығы әділет сержанты Қанат Сақтағанов.</blockquote>Тартысты өткен сайыста &nbsp;Қызылорда бокс клубы директорының орынбасары Шыңғысхан Алихан және мекеме бастығының тәрбие жұмыстары жөніндегі орынбасары әділет майоры Мирамбек Тұрымбетов төрелік етті. Сайыс қорытындысы бойынша жеңімпаздар анықталып, арнайы диплом мен Алғыс хаттар табысталды.

Конституция күніндегі ерік-жігердің көрінісі

<a href="https://kyzylorda-news.kz/">Kyzylorda-news.kz</a> 2025 жылы аймағымызда су айдындарында азаматтардың қауіпсіздігін қамтамасыз ету бағытында кешенді шаралар жүзеге асырылды. Жыл басынан бері өңірде тұрғындардың қауіпсіздігін арттыру, алдын алу жұмыстарын күшейту және құқықтық тәртіпті сақтау бойынша ауқымды профилактикалық іс-шаралар атқарылды. Бұл туралы бүгін Өңірлік коммуникациялар қызметінің ақпарат алаңында Қызылорда облысы Төтенше жағдайлар департаментінің Төтенше жағдайларды жою басқармасының бастығы Жандос Досымов мәлімдеді.<blockquote>- Облыстағы су айдындарының қауіпсіздігін қамтамасыз ету - біздің күнделікті басты міндетіміздің бірі. Әсіресе жазғы маусым кезінде Сырдария өзенінің жағалауы мен басқа да су арналары тұрғындардың көп шоғырланатын орнына айналады. Сондықтан біз бірқатар кешенді шараларды қабылдап, оларды жүйелі түрде жүзеге асырып келеміз. Биылғы маусымда облыс аумағында 795 рейд ұйымдастырылды. Оның барысында 31 мыңнан астам тұрғынға қауіпсіздік ережелері түсіндірілді, соның ішінде 18 мыңнан астамы - жасөспірімдер. Бұл жұмысқа полиция, жергілікті атқарушы органдар және еріктілер тартылды. Қауіпті саналатын су айдындарында 398 ескерту тақтайшасы орнатылып, 24 мобильді пост құрылды. Сонымен қатар өзіндік құны төмен, инновациялық үлгідегі белгілер де пайдаланылды. Тұрғындар арасында ақпараттық-түсіндіру жұмыстары кең көлемде жүргізілді. Әлеуметтік желілер мен бұқаралық ақпарат құралдарында 370-тен астам мақала мен 225 бейнеролик жарияланды. Оқушылар арасында 238 интерактивті сабақ өткізілсе, ата-аналарға бейнематериалдар мен жадынамалар жолданды. Бұл балалардың жазғы демалысы кезеңінде қауіпсіздік талаптарын еске салып отыруға мүмкіндік берді. Сонымен қатар, ҚР ӘҚБтК-нің тиісті баптары бойынша профилактикалық бақылау мен құқықтық шаралар қолданылды. Қауіпсіздік ережелерін сақтамаған азаматтарға айыппұл салынып, заң талаптарының орындалуына тұрақты түрде мониторинг жүргізілуде. Полиция департаменті және балық инспекциясымен бірлескен жұмыстардың нәтижесінде құқық бұзушылық деректерінің алдын алу мүмкіндігі артты. Біздің басты мақсатымыз - тұрғындардың өмірі мен денсаулығын қорғау. Су айдындарындағы қауіпсіздік тек қана құтқарушылардың жұмысы емес, әрбір азаматтың жеке жауапкершілігі екенін ұмытпауымыз керек. Биылғы суға түсу маусымы ресми түрде жабылды. Дегенмен бұл кезеңнің аяқталуы қауіпсіздік ережелерін сақтамауға болады дегенді білдірмейді. Алдағы уақытта да түсіндіру және алдын алу шаралары үздіксіз жалғасын табады, - деді Жандос Ерланұлы.</blockquote>Фото: Қызылорда облысының Өңірлік коммуникациялар қызметі

Қызылорда облысында суға түсу маусымы ресми түрде жабылды

<a href="https://kyzylorda-news.kz/">Kyzylorda-news.kz</a> Қазақстан Республикасындағы Адам құқықтары жөніндегі уәкілдің Қызылорда бойынша өкілі Берікбол Байхожаев Шиелі ауданындағы «Руханият орталығында» дөңгелек үстел өткізді.Жиын барысында отбасындағы зорлық-зомбылыққа жол бермеудің маңызы, жәбірленушілердің құқықтарын қорғау, оларға психологиялық және құқықтық көмек көрсету тетіктері талқыланды. Сондай-ақ, тұрмыстық зорлық-зомбылықтың қоғамға тигізер кері әсері айтылып, оны болдырмаудың нақты жолдары қарастырылды.Сонымен қатар, отырысқа аудандық жұмыспен қамту және әлеуметтік бағдарламалар бөлімі мен білім бөлімінің басшылары, аудандық полиция бөлімінің, отбасын қолдау орталығының қызметкерлері, психологтар және бюджеттік мекемелер мен қоғамдық ұйымдардың өкілдері қатысты. Қатысушылар өзара пікір алмасып, проблемалық мәселелерді ортаға салды және бірлескен іс-қимылдардың маңыздылығын атап өтті.Сонымен қатар, Өкіл әр адамның қандай құқықтары бар екенін және оларды білу мен құрметтеудің маңыздылығын түсіндіріп, азаматтардың негізгі құқықтары туралы айтып, тұрғындардың сұрақтарына жауап берді. Сонымен қатар, ҚР Конституциясының әрбір азаматтың құқықтары мен бостандықтарының негізгі кепілі болып табылатынын ерекше атап өтіп, Конституция нормаларының қоғамдағы тұрақтылық пен әділдікті қамтамасыз етудегі рөлін түсіндірді.

Омбудсменнің өкілі – Шиелі ауданында

<a href="https://kyzylorda-news.kz/">Kyzylorda-news.kz</a> Тілсіз жау тосыннан төнгенде тосылып қалмаған лазым. Мұны ескерген ҚАЖ департаментіне қарасты №68 мекемесінің қызметкерлері төтенше жағдайда тиісті әрекет ету әдістерін жетілдірді. Өрт сөндіру қызметкерлерімен бірлесе өткен оқу-жаттығу озық болуға ықпал еткені анық.Дабыл қағылған сәттен бастап, дамыл таппайтын жеке құрам қызметкерлері бұл жолы да жүйелі жұмыстың үлгісін көрсетті. Өртті өршітпеудің алдын алып, құрал-жабдықты дұрыс қолдануға мән берді. Демек, қызметкерлер қауіптің бетін қайтаруда қауқарлы болуды қаперден шығармайды деген сөз.– Кез келген сәтте сақадай сай тұру – қызметтік міндетіміз. Ал, оның астарында үлкен жауапкершілік бары айтпасақ та белгілі. Жалын бір тұтанса жалмап жібереді. Сондықтан, өртті өшіріп, адам өмірін сақтап қалу үшін кәсіби біліктілікті көрсету маңызды. Бүгінгі оқу-жаттығу кезінде жеке құрам қызметкерлері осалдық танытпады. Жоспар бойынша дайындықты күшейту жұмысын жүйелі түрде жүзеге асыра бермекпіз. Бір мақсат жолында ұйыссақ, сыннан сүрінбейміз деп ойлаймын, - деді Режим және күзет бөлімінің бастығы әділет капитаны Азат Батырбеков.Тілсіз жауды тізгіндеуге тәртіп пен тегеурінді күш керек. Бұл ретте, мекеме қызметкерлері сенім үдесінен шығатыны сөзсіз.

Тілсіз жауды тізгіндеудегі тәртіп

<a href="https://kyzylorda-news.kz/">Kyzylorda-news.kz</a> Арал аудандық сотында Қазақстан Республикасының Қылмыстық кодексінің 190-бабы 2-бөлігінің 4)-тармағы бойынша С.-ға қатысты &nbsp;қылмыстық іс <a href="https://kzl.sud.kz/kaz/news/alayaktyk-zhasagany-ushin-bas-bostandygynan-shekteldi-0">қаралды.</a>Сотта анықталғандай, С. азамат Қ.-ның фотосуретін өзінің уақытша қолданып жүрген нөмірінен ашылған «WhatsApp» желісіне қойып, оның әпкесі А.-ға жалған хабарламалар жазып, 1 000 000 теңге «Kaspi Gold» қосымшасы арқылы керек болып тұрғанын, артынан қолма-қол қайтарып беретінін айтып сендіріп, ұсынған есеп-шотқа аударуды сұраған. Жәбірленуші аталған соманы ұсынылған есеп-шот нөміріне аударып жіберген. Осылайша, С. ақпараттық жүйені пайдаланушыны алдау жолымен бөтеннің мүлкін жымқырып, алаяқтық қылмысын жасаған.Қылмыстық заңнамаға сәйкес бұл қылмыстық әрекет ауырлығы орташа қылмыстар санатына жатады.Сотталушының кінәсі өзінің мойындаған жауабымен, сондай-ақ, жәбірленуші мен куәнің жауаптарымен және іс бойынша басқа да дәлелдемелер жиынтығымен &nbsp;дәлелденген.Сотталушыға жаза тағайындау кезiнде сот оның бұрын сотты болмағанын, кінәсін толық мойындап, шын жүректен өкiнуін, жәбірленушінің кешірім беруін жазасын жеңiлдететiн мән-жайлар ретінде таныған.Сот үкімімен С. Қазақстан Республикасының ҚК-нің 190-бабы 2-бөлігінің 4)-тармағымен кінәлі деп танылып, 2 жыл мерзімге бас бостандығын шектеу жазасы тағайындалып, сол мерзімге пробациялық бақылау белгіленген. Сондай-ақ, жергілікті атқарушы орган айқындайтын орындарда жылына 100 сағатқа мәжбүрлі еңбекке тартылған."Қазақстан Республикасы Конституциясының отыз жылдығына байланысты рақымшылық жасау туралы" Қазақстан Республикасының Заңының 3-бабы 1-тармағының негізінде, тағайындалған жаза екіден бір бөлігіне қысқартылған.Келтірілген шығын жәбірленуші пайдасына өндірілген.Фото: финграмота

Алаяқтық жасағаны үшін бас бостандығынан шектелді

<a href="https://kyzylorda-news.kz/">Kyzylorda-news.kz</a> Сырдария ауданының прокуратурасы кәмелетке толмаған балаларға алимент төлеуден қасақана жалтарған «Т» есімді азаматқа қатысты ҚР Қылмыстық кодексінің 139-бабы бойынша сотқа дейінгі тергеп-тексеруді <a href="https://www.gov.kz/memleket/entities/prokuratura-kyzylorda/press/news/details/1058131?lang=kk">бастады.</a>Алимент төлеуге мүмкіндігі бола тұра, ол 9 жыл бойы өз міндеттерін орындамай, әрекетсіздік танытқан. 2016 жылдан бастап берешек сомасы 8 173 713 теңгені құрады.Қызылорда облысының кәмелетке толмағандар істері жөніндегі мамандандырылған ауданаралық сотының 2025 жылғы 26 мамырдағы үкімімен борышкер ҚР ҚК-нің 139-бабы бойынша кінәлі деп танылып, 1 жыл мерзімге бас бостандығын шектеу жазасы тағайындалды.Үкім заңды күшіне енген жоқ.Фото: freepik.com

Қызылорда облысында алимент төлемегені үшін борышкердің бас бостандығы шектелді

<a href="https://kyzylorda-news.kz/">Kyzylorda-news.kz</a>&nbsp; Өткен жылу беру маусымында Қызылорда облысының тұрғын үй секторларында 120 өрт <a href="https://kaz.inform.kz/news/kizilordada-500-ge-zhuik-uyge-tegn-datchik-ornatiladi-3992f0/">оқиғасы болды</a>. Бұл алдыңғы жылғыдан 24,1%-ға көп.Облыстық төтенше жағдайлар департаментінің мәліметінше, тілсіз жау сектор иелерін 15,5 млн теңгеге жуық шығынға батырған.&nbsp;<blockquote>– 4 адам қаза тауып, 3 адам жарақат алды. Табиғи газдан 3 адам уланып қайтыс болса, 5 адам жарақат алды. Көмірқышқыл газынан улану жағдайлары тіркелген жоқ. Мұндай келеңсіз оқиғалар тұрғындардың қауіпсіздік шараларына салғырт қарауынан, яғни тұрмыстық пештің техникалық жағдайын қадағаламауынан, балаларды қараусыз қалдыруынан көбейіп тұр, – деді департаменттің мемлекеттік өрт бақылау басқармасының бастығы Асхат Оразбеков.</blockquote>Құтқарушылар жаңа жылу маусымы алдында профилактикалық іс-шаралар қарқынын күшейтті.&nbsp;<blockquote>– Одан бөлек, облыстық жұмыспен қамтуды үйлестіру және әлеуметтік бағдарламар басқармасы тұрмысы төмен, көпбалалы, жалғысбасты ана және мүгедек жандар тұратын 6 825 отбасының тізімін ұсынды. Осы отбасылардың қауіпсіздігін қамтамасыз ету мақсатында 2024 жылы жергілікті бюджет қаражаты есебінен табиғи газды анықтайтын 484 датчик сатып алынды. Алдағы жылу беру маусымында сол құрылғыларды орнатамыз, – деді Асхат Оразбеков.</blockquote>Фото: Тасбөгет кенті әкімдігі

Қызылордада 500-ге жуық үйге тегін датчик орнатылады

<a href="https://kyzylorda-news.kz/">Kyzylorda-news.kz</a> Заңның мәнін түсініп, әр баптың байыбына бару – байбаламның алдын алады. Тұтас қоғамның тұрақтылығы мен тыныштығының кепілі де осында. Конституция күні қарсаңында ҚАЖ департаментіне қарасты №68 мекемесінің жеке құрам қызметкерлері қалалық №19 кітапхананың ұйымдастыруымен өткен “Заң білу – заман талабы” атты тағылымды іс-шарада төбе көрсетті.Іс-шара барысында қызметкерлер екі топқа бөлініп, кітапханашы Айжан Болатқызының заңға қатысты қойған викториналық сұрақтарына нақты жауап берді. Ой жарысы тартысты өтіп, екі жақ та есе жібермеуге тырысты.Таным бәйгесі қыза түсіп, қызметкерлер білім, кітап жайында айтылған мақал-мәтелдің жалғасын және жасырылған жұмбақтың шешуін тапты. Мұның сананы сергітіп, ойды оятуға арналған оңтайлы тәсіл болғаны сөзсіз.Сонымен қатар, қызметкерлер Конституция күніне арналған кітап көрмесін тамашалап, Ата заңның қадір-қасиетіне мән беріп, қоғамдағы рөліне айрықша тоқталды.<blockquote>– Ата заң – егемен еліміздің еңсесін көтерген негізгі құндылық, басты құжат. Қызмет бабында әр әрекетіміз заңға сүйеніп, құқық қағидаларын негізге аламыз. Сондықтан, бұл тақырыптан тыс емес екеніміз белгілі. Осы тұста, іс-шараға арнайы қатысқанымызға қуаныштымын. Салмақты сұрақтарға жауап беру арқылы білгенімізді ортаға салдық. Еркін форматта болса да, көңілге қонымды ойын болып, бір-бірімізден қалыспауға тырыстық, - дейді мекеменің жеке құраммен жұмыс жөніндегі аға инспекторы Динара Шахи.</blockquote>Мекеме ұжымы кітапханамен байланысын бекітіп, бірлескен іс-шара ұйымдастыруды жалғастыра бермек.

Ақыл аламанындағы Конституция құндылығы

<a href="https://kyzylorda-news.kz/">Kyzylorda-news.kz</a> &nbsp;Бүгінгі күні Әдеп жөніндегі кеңестің атқарып жатқан жұмыстарынан қоғам БАҚ пен әлеуметтік желілер арқылы құлағдар болуы мүмкін.&nbsp;Жалпы Әдеп жөніндегі кеңес немен айналысады деген сұраққа қысқаша жауап берер болсақ, Кеңес сыбайлас жемқорлықтың алдын алуға және қызметтік әдеп нормаларын бұзушылықтардың, оның ішінде мемлекеттік қызметке кір келтіретін тәртіптік теріс қылықтардың профилактикасына бағытталған іс-шараларды жүзеге асырады. Сонымен қатар басшылық лауазымдағы мемлекеттік қызметшілерге қатысты тәртіптік істерді қарайды.Осы жыл басынан Әдеп жөніндегі кеңестің 6 отырысы өткізіліп, онда барлығы 29 мәселе қаралды. Оның 7-уі тәртіптік іс болса, қалған профилактикалық бағыттағы мәселелер бойынша 22 мемлекеттік орган басшылары мен әдеп жөніндегі уәкілдердің есептері тыңдалды. Тыңдау нәтижесімен мемлекеттік орган басшыларына қызметтік тәртіпті нығайту және мемлекеттік қызметшілердің тәртіптік жауаптылығын арттыру бағытында &nbsp;105 ұсыным жолданды. Сонымен қатар, тәртіптік практиканы талдау қорытындылары негізінде мемлекеттік органдардың тәртіптік комиссияларының жұмыс нәтижелерін қарау нәтижелерімен 6 мемлекеттік қызметшіге заңсыз қолданылған тәртіптік жазаларының күші Кеңес шешімдерімен &nbsp;жойылып, бұзылған құқықтары қалпына келтірілді.Кеңесте қаралған 7 тәртіптік істің 6-уы бойынша тәртіптік жазалар қолданылған болса, 1 тәртіптік іс тоқтатылды. Оның ішінде әдеп нормаларын бұзғандары үшін 3 мемлекеттік қызметшіге ескерту, сөгіс түріндегі тәртіптік жазалар қолданылса, мемлекеттік қызметке кір келтіретін тәртіптік теріс қылықтар жасағаны үшін 3 мемлекеттік қызметшіге қызметіне толық сәйкес еместігі туралы ескерту берілді.Бұдан бөлек, Қазақстан Республикасы Мемлекеттік қызмет істері агенттігі Қызылорда облысы бойынша департаментінің қызметкерлерімен мемлекеттік қызмет туралы заңнаманың, қызметтік әдепті бұзушылықтың алдын алу және әдепсіз мінез-құлық &nbsp;деректерін болдырмау мақсатында мемлекеттік қызметшілер арасында жыл басынан 106 семинар-кездесулер ұйымдастырылып, түсіндірме жұмыстары жүргізілді. Осы жүргізілген профилакталық жұмыстардың нәтижесінде Кеңесте қаралатын тәртіптік істердің саны жылдан жылға азайып келеді. Мәселен, 2022 жылы Кеңесте 45 тәртіптік іс қаралған болса, одан кейінгі жылдары бұл істердің саны үш есеге азайғанын байқауға болады.Профилактикалық бағыттағы осы атқарылған жұмыстар және мемлекеттік қызметшілердің әдебіне қойылған жоғары талаптардың арқасында мәдениеті жоғары, әдепті, адал мемлекеттік қызметшілердің қалыптасары сөзсіз.Мирамкүл &nbsp;Бибітова,Қазақстан Республикасы Мемлекеттік қызмет істері агенттігінің&nbsp;Қызылорда облысы бойынша &nbsp;департаменті басшысының орынбасары,&nbsp;Әдеп жөніндегі кеңес хатшылығының меңгерушісі&nbsp; &nbsp;

Қазақстан және Қызылорда облысының жаңалықтары: Құқық