<a href="https://kyzylorda-news.kz/">Kyzylorda-news.kz</a>&nbsp; Қызылорда облысы ПД Есірткі қылмысына қарсы іс-қимыл басқармасының қызметкерлері "Зерентай" балалар сауықтыру лагерінің демалушыларымен кездесу ұйымдастырып, онда жасөспірімдермен есірткінің зияны туралы түсіндірме жұмыстарын жүргізіп, бейресми жағдайда қызықтырған сұрақтарға жауап берді. Сонымен қатар, полицейлер балаларға қызметтік иттердің қалай есірткі табатынын, қылмыскерлерді қалай ұстайтынын көрсетті.Жазғы кезеңде мұндай іс-шаралар тұрақты негізде өткізіледі. Есірткімен күресушілердің басты мақсаты-өскелең ұрпақ арасында есірткіге қарсы иммунитетті қалыптастыру болып табылады.Балалармен "спайс" шылым қоспалары, синтетикалық есірткілер, есірткінің түрлері, есірткі сатушылардың есірткіге баулу үшін жасайтын әрекеттірі туралы әңгіме жүргізілді."Зерентай" лагерінің балалары, педагогикалық құрамының көмегімен "Мен өмірді қалаймын!" тақырыбында асфальтқа, қағазға&nbsp;сурет салу, "Біз салауатты өмір салтын қолдаймыз" ұранымен флешмоб, сондай-ақ театр миниатюраларын көрсетті.Балалар алынған ақпараттан және қызметтік иттердің жұмысын көріп, үлкен әсерде болды.Кездесу соңында есірткі қылмысына қарсы іс-қимыл басқармасының қызметкерлері іс-шараға белсенді қатысқаны үшін сыйлықтар табыстады.<img src="https://knadmin.beoblood.kz/uploads/79511259_2907_463d_95cb_9d291a581a11_50e15ac93b.jpg" alt="79511259-2907-463d-95cb-9d291a581a11.jpg">

"Зерентай" лагерінің демалушылары полицейлермен кездесті

<a href="https://kyzylorda-news.kz/">Kyzylorda-news.kz</a> Бүгін облыс прокуратурасының алқа мәжілісінде облыс прокурорының төрағалығымен жергілікті атқарушы органдардың қызметінде жүргізілген тексеру нәтижелері сараланды.Жиынға облыс әкімінің орынбасары, Қызылорда облысының жер ресурстарын басқару департаментінің басшылары мен жауапты тұлғалары, қала, аудан әкімдері, жергілікті атқарушы органдардың жер қатынастары саласындағы басқарма, бөлім басшылары қатысты.Қоғамдағы өзекті мәселелердің бірі жер дауы. Осы орайда еліміздің жер саласында құқықтық қатынастарды реттейтін негізгі нормативтік құқықтық акт - Жер кодексі 2003 жылы қабылданып, осы уақытқа дейін оған 149 өзгерістер мен толықтырулар енгізілген.Өз кезегінде мемлекеттік органдардың құзыреті мен бақылау функциялары жыл сайын күшейтіліп келеді. Алайда, бұл бағыттағы жүргізілген тексерулер жергілікті атқарушы органдар тарапынан жүйелі заңдылықты бұзушылықтарға жол берілгенін, олармен белгіленген міндеттерін орындамайтынын көрсетті.Тексерулер нәтижесімен бірқатар заң бұзушылықтар анықталды.&nbsp;Жер учаскесін табыстауда кезектілік тәртібі сақталмауынан бастап жерді жеке меншікке беру, кәсіпкерлік, ауыл шаруашылық мақсаттағы және бағбандық үшін жер учаскелерін табыстау барысындағы бұзушылықтар, мерзімі аяқталған жер учаскелерінің пайдалану мерзімін негізсіз ұзарту және басқа да заңсыздықтар. Одан бөлек қала, аудан әкімдіктерінде құрылған жер комиссияларының қызметіне де сын айтылды.Алқа мәжілісі қорытындысымен облыс әкімдігіне заңдылықтың бұзылуын жою туралы ұсыну енгізіліп, жергілікті атқарушы және уәкілетті органдармен бірлесіп іс-шара жоспары бекітілетін болады.Сонымен қатар мәжіліс қорытындысы бойынша облыс прокуроры қала, аудан әкімдері мен уәкілетті органдарға нақты шаралар қабылдау жөнінде тапсырмалар берді.

 Алқа мәжілісінде жер қатынастары саласындағы заңсыздықтар талқыланды

<a href="https://kyzylorda-news.kz/ru">Kyzylorda-news.kz</a>. &nbsp;Цифрлық технологиялардың дамуымен қатар алаяқтар да қалыспай, алдаудың жаңа тәсілдерін ойлап табуда, оған, әсіресе, аға буын өкілдері бой алдырып жатады. Қарт адамдарды алаяқтардың арбауынан қалайша қорғауға болатыны жөнінде Fingramota.kz айтып береді.Фишинг – бұл қаскүнемдер пайдаланушылардың конфиденциалды деректерін «суыртпақтап» тартатын интернет-алаяқтық түрі. Ол үшін алаяқтар фишингтік сайттар, e-mail &nbsp;таратулар, қалқымалы терезелер, таргеттелген жарнама сияқты құралдарды қолданады. Пайдаланушылар сілтемелер бойынша өтіп, &nbsp;зиян қосымшаларды ашса жеткілікті, сол сәтте &nbsp;қаскүнемдер олардың дербес төлем деректерін қолға түсіреді.Вишинг – бұл да алаяқтықтың бір түрі, бұл жағдайда қаскүнемдер азаматтарды алдау үшін телефон байланысын пайдаланады, яғни оның көмегімен азаматтардың шоттарынан қаржы ұрлайды.Алаяқтар телефон нөмірлерін ауыстыру сервистерін белсенді пайдаланады, сондықтан олар үшін кез келген банктің колл- орталығының 4 таңбалы нөмірін басқа нөмірге ауыстыру түкке тұрмайды. Қарт адамдардың тап болулары мүмкін түрлі оқиғаларды қарастырайық.<figure class="image"><img src="https://knadmin.beoblood.kz/uploads/fingramota_30a40ce3ed.jpg" alt="финграмота.jpg"></figure>«Қауіпсіз» шотАлаяқтар зейнеткерлерге телефон соғып, өздерін банк қызметкерлеріміз деп таныстырып, олардың карточкаларынан бейтаныс біреулердің ақшаны шешіп алуға әрекет жасағандары жөнінде айтады. Ол үшін клиент өз қаражатын дереу қауіпсіз шотқа ауыстыруы қажет деп, ізінше қарияның интернет немесе мобильдік банкингті қолдана алу, алмауын нақтылайды. Содан кейін өзінің зейнетақылық ақшасын қашықтан қалайша аудару болатыны жөнінде нұсқау береді, телефонына қосымшаны жүктеуді ұсынады немесе ақшаны дереу банкомат арқылы аударуға кеңес береді. Бұл ретте алаяқтар асықтырып, қарт адамдарға психологиялық қысым көрсетеді.Не істеу қажет?&nbsp;Телефон алаяқтары қарт адамдардың сеніміне кіру үшін барлық айла-шарғыларды қолданады. Мұндай жағдайда ең бірінші – мұндай әңгімені дереу тоқтатып, телефон қоңырауы жөнінде туысқандарға хабарлау не қызмет көрсететін банкке телефон соғу қажеттілігін түсіндіру. Банктің байланыс нөмірі карточканың артқы бетінде жазылып тұрады.Ешбір жағдайда қоңырау шалушылардың қандай да бір нұсқауларын орындауға болмайды: ақша аударуға, күмәнді қосымшалар орнатуға (мысалы: AnyDesk), қаржы ұйымдарының жалған қызметкерлерінің талабы бойынша SMS-хабарламалардан сілтемелер бойынша өтуге болмайды.Өзіңіздің дербес деректеріңізді, карточканың деректемелерін ешкімге хабарламаңыз: CVC/CVV-код (картаның сыртқы жағында көрсетілген үш таңбалы код), растау кодтары, ПИН-кодтар. Есіңізде болсын, банк қызметкерлері, банктердің колл-орталықтарының операторлары бұл ақпаратты ешқашан телефон арқылы сұрамайды.Жалған кредит ресімдеуЕгер &nbsp;банктің атынан хабарласып тұрмыз деп қоңырау шалып, клиенттің N сомаға кредит ресімдеуге өтінім берген- бермегенін нақтылайтын болса. Әдетте, алаяқтар осылайша басқа адамның атынан кредит алуға әрекет жасайды. &nbsp;Алаяқтар алдыңғы схемамен жұмыс істейді: сізге шұғыл шаралар қабылдау және олардың нұсқауларын орындау қажеттілігін айтады. Бұл үшін олар ұялы телефонға орнататын және деректерді қорғайтын қосымшаға сілтеме жібереді. Бағдарлама жүктегеннен кейін телефонға SMS немесе push-хабарлама немесе электрондық пошта арқылы хабарлама келеді, содан кейін банктің жалған қызметкері кодты атауды сұрайды және өкінішке орай, кредитті беріп үлгергенін, бірақ алаяқтар ақшаға қол жеткізе алмағанын хабарлайды. Бұдан әрі ақшаны қорғау үшін бұл қаражатты алаяқтың өзі айтатын басқа шотқа аудару қажет деген &nbsp;нұсқау түседі.Не істеу қажет?&nbsp;Кредит «ресімделді» деген банкке немесе оның бөлімшесіне бару қажет, және мүмкіндігінше жағдайды қарап-тексеру жөнінде дереу ресми &nbsp;өтініш жазу керек. &nbsp;Банкте кіріс нөмірімен өтініштің көшірмесін міндетті түрде берулері қажет.Алаяқтар қоңырау шалған нөмірді банктің қауіпсіздік қызметіне хабарлау, сондай-ақ міндетті түрде құқық қорғау органдарына өтініш жазу қажет.«Фейк» аудармаТағы бір алаяқтық схема – ақша аударымдарымен байланысты. Клиентке банктік картаға &nbsp;белгілі бір ақша сомасының аударылғаны туралы SMS келеді. Ізінше оған &nbsp;белгісіз нөмірден қоңырау шалып, ақшаның қате аударылғанын айтып, кері аударым жасауды сұрайды. Алаяқтар аяушылық сезіміне «басып», өздері туралы көптеген мәліметтер, яғни бұл олардың соңғы ақшасы екендігін, олар жұмысынан айрылғанын, қаражат емделуге қажет екендігі сияқты бір сарынды әңгіме айтады. Бұл әлеуетті құрбанды &nbsp;алдарқатуға тырысатын белгі. Кейбір кезде қоңырау шалушылар сізге «мазалағандары үшін» бонус деп қаражаттың аз бөлігін өзіне қалдыруды ұсынады.Не істеу керек?Мүмкін алаяқтар сауда алаңында тауарды сатқаны үшін ақы алу үшін әлеуетті жәбірленушінің шотын көрсетуі мүмкін. Егер сіз олардың айтқандарыңа көніп, аударым жасасаңыз, онда сіз ақшасыз ғана емес, сонымен қатар өз басыңызға қосымша проблема тудыруыңыз мүмкін. Себебі, әлеуетті сатып алушы тауарды алмай-ақ құқық қорғау органдарына жүгіне алады. Ал ақша алушы алғашқы күдіктінің бірі болуы мүмкін.Сондықтан, егер белгісіз біреулер қарт адамның шотына белгілі бір соманы аударса, онда ешқандай жағдайда оны кері аударуға болмайды және қаражатты шешім алуға болмайды. Қате аударма жасалған болса, оған банк қана көмектесе алады, бірден банктің сенім телефонына қоңырау шалуыңыз керек.Құқық қорғау органдарынан түсетін «қоңыраулар»Алаяқтар сіздің қарт туысыңызға қоңырау шалып, «жағымсыз &nbsp;жаңалық» жаршысы болуы мүмкін. Мысалы, сіздің танысыңыз, досыңыз немесе туысыңыздың келеңсіз жағдайларға тап болғанын хабарлауы мүмкін: ол жол-көлік оқиғасына ұшырады, адамды қағып кетті, ауруханада жатыр немесе терактіге қатысты. Кез келген жағдайда қылмыс қорқынышты, салдары қайтымсыз болуы керек. Мәселені қандай да бір сома шеше алады. Бір жағынан, айтқандары айтарлықтай әсер қалдырды, екінші жағынан – сұрап отырған сома тез төлей алмайтындай көп те емес. Негізінен, мұндай алдаудың құрбандары – жақын адамыңызға көмектесу үшін соңғы ақшасын беруге дайын қарт адамдар. Қосымша стресс факторы, әдетте, абоненттің қоңырауларға қол жетімсіздігі болып табылады – алаяқтар мұны да біліп алады.Не істеу керек?Ең дұрысы, мұндай сәтте сұрақ қоя бастау. Ықтимал күдікті қай полиция бөлімшесінде? Ол қандай баппен айыпталып отыр? Әрекет қашан орын алған? Ол қай ауруханада жатыр? Бұдан басқа, ҚР ІІМ жедел желісіне және аудандық полиция бөлімшесіне қоңырау шалу керек. Ешбір жағдайда үрейге бой алдырмаңыз, бейтаныс адамдардың шотына ақша аудармаңыз.Fingramota.kz-тен пайдалы ұснымдарҚарт адамдарға бейтаныс адамдарға сөзсіз сенудің қажеті жоқ екенін түсіндіріңіз, тіпті олар өздерін банк, құқық қорғау органдарының немесе арнайы қызмет қызметкерлері болып таныстырса да.Банк қызметкерлері, банктердің колл-орталықтарының операторлары ешқашан телефон арқылы жеке деректерді сұрау үшін бірінші болып қоңырау шалмайтынын есте ұстаған жөн. Бұл конфиденциалды мәліметтер тек алаяқтарға қажет.Егер қоңырау шалушылар сізге аты-жөніңізді айтып тұрса және сіздің мекенжайыңызды білсе, бұл адамдар ресми адамдар дегенді білдірмейді. Бұл деректерді көптеген жолдармен алуға болады, олар тіпті интернетте жалпыға қол жетімді.Қызметкердің аты-жөні мен лауазымын міндетті түрде &nbsp;сұрап, ақпаратты қайта тексеру қажет. Ұлына немесе қызына қоңырау шалған дұрыс, не олар өкілі болып қоңырау шалып отырған ұйымның жедел желісіне немесе колл-орталығына қарт адамдар өз бетінше хабарласқаны жөн.Егер жақын адам бейтаныс нөмірден қоңырау шалып, қиыншылыққа тап болғанын айтса, оған ақша аударуды сұраса, сөйлесуді аяқтап, оған қайта қоңырау шалыңыз.Өзіңіздің жеке деректеріңізді, банктік картаңыздың деректемелерін, картаның жарамдылық мерзімін, CVC/CVV-кодты, құпия сөзін және ақша қалдығын ешқашан және ешкімге айтуға болмайды.Тағы бір айта кететін нәрсе, телефоныңызға келіп түскен сілтемелерге кірмеңіз, олар фишинг болуы мүмкін. Көзіңіз нашар көрген жағдайда, мекенжай жазылған жолақты дұрыс көре алмай, зиян келтіретін сілтемеге өту арқылы &nbsp;құрылғыға шпиондық бағдарлама орнатылуы мүмкін, ол алаяқтарға смартфонды пайдаланушы туралы барлық ақпаратты беріп отыруы мүмкін.Қарт туысыңыз бен танысыңызға осы кеңесті үнемі айтып отырыңыз және Fingramota.kz-пен бірге қаржылық сауаттылығыңызды арттырыңыз!Фото: &nbsp;Fingramota.kz&nbsp;

Қарт адамдарды фишинг пен вишингтен қалай қорғауға болады?

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы Полиция басқармасының тәртіп сақшылары жол қауіпсіздігін сақтау және жедел жағдайды, қоғамдық тәртіпті қамтамасыз ету, қылмыстардың және өзге де құқыққа қарсы әрекеттердің алдын-алу мақсатында 1-10 маусым аралығында республика көлімінде «Құқықтық тәртіп» іс-шарасын өткізді.Жедел-профилактикалық шара барысында қоғамдық және жол тәртіпті бұзудың 2104 құқықбұзушылық анықталды. Оның ішінде қоғамдық қауіпсіздік бойынша 175 әкімшілік құқық бұзушылық, алкогольдік ішімдік ішіп қоғамдық орындарға масаң күйде жүрген 175 дерегі және түн тыныштығын бұзған 145 құқық бұзушылық анықталды.&nbsp;Атап айтқанда, есірткі затын заңсыз тасымалдау дерегі бойынша Қазақстан Республикасы ҚК–нің 296-бабының талаптарына сәйкес 1 дерегі анықталып, сотқа дейінгі тергеп – тексеру амалдары жүргізілуде.Суық каруды алып жүрудің 12 дерегі анықталып, заттай дәлелдеме ретінде алынды.&nbsp;Кәмелет жасқа толмағандардың түнгі мезгілде ата-анасының қарауынсыз жүру фактісінің 310 дерегі анықталып, ата-анасына айыппұл салынды.&nbsp; Көлiк құралын басқару құқығынан айрылған жүргiзушiнiң көлiк құралын басқаруына байланысты 5 автокөлікке Қазақстан Республикасы ӘҚБтК-нің 612-бабының талаптарына сәйкес әкімшілік хаттама рәсімделіп, автокөліктер айып тұрағына қойылды.Автокөлік жүргізушілерінің жаяу жүргіншілерге жол бермегені бойынша 97 жүргізушіге Қазақстан Республикасы ӘҚБтК 600 бабының талаптарына сәйкес әкімшілік хаттамасы толтырылды.Қызылорда қаласы Полиция басқармасының бастығы полиция полковнигі Қасанов Айдар Демегенұлы қала тұрғындарына және қонақтарына: «Қызылорда қаласы Полиция басқармасының қызметкерлері халықтың тыныштығы мен олардың қауіпсіздігін сақтау мақсатында күнделікті рейдттік іс шаралар ұйымдастыруда. Олардың ішінде қоғамдық тәртіпті қамтамасыз ету, жолда жүру ережелерін сақтау, құқық бұзушылықтың алдын алу, сонымен қатар көпқабатты үйлер мен жеке үй аулаларында жаяу бағыттағы және патрульдеу бағыттары бойынша жұмыстар жүргізілуде.Фото: gov.kz

Қызылордалық полицейлер «Құқықтық тәртіп» іс-шарасы аясында 2104 құқық бұзушылықты анықтады

Фото: егемен.кз<a href="https://kyzylorda-news.kz/">Kyzylorda-news.kz</a>&nbsp; Қызылорда облысы Полиция департаментінің кинологиялық қызмет орталығының қызметтік іздестіру иттері қылмыстарды ашуда полицияға баға жетпес көмек көрсетеді. Төрт аяқты көмекшілер қылмысты анықтауға, із кесуге, есірткі мен жарылғыш заттарды іздестіруге және одорологиялық сәйкестендіруге қатысады. Барлығы күшік кезінен арнайы оқу-жаттығу курстарынан өтіп, белгілі бір бағыттағы құқық бұзушыларды анықтауға мамандандырылған қызметтік иттер.&nbsp;Орталықта 23 қызметтік-іздестіру иттері бар. Олардың 9 есірткі затын іздестіруге, 2 жарылғыш затын іздестіруге, 5 із кесу саласы, 3 одорология бойынша және 1 қызметтік іздестіру иті шабуылдау бағыты бойынша қызмет атқарады.&nbsp;«Қызметтік-іздестіру иттерінің көмегімен жыл басынан 85 қылмыс әшкереленді. Олар негізінен есірткімен байланысты қылмыстар, ұрлық және тағы басқа қылмыстар» .&nbsp; Сонымен қатар, Кинологиялық қызмет орталығының қызметкерлері 2023 жылы өздеріне бекітілген қызметтік іздестіру иттерімен Қазақстан Республикасы ІІМ-нің Алматы қаласындағы Кинологиялық оқу орталығында үш сала бойынша, яғни есірткі затын іздеу, одорология - иістерді сәйкестендіру және адам иісі бойынша ізге түсу біліктілікті арттыру курстарын аяқтады.

Қауіпсіздік қызметіндегі қырағы иттер

2021 жылғы 1 қаңтардан бастап, Қазақстанда кезең-кезеңімен жалпыға бірдей декларациялау енгізілді.Қазалы ауданы бойынша Мемлекеттік кірістер басқармасының бас маманы, С.Өтегенов жалпыға бірдей декларациялаудың негізгі міндеті – әділ салық салуды қамтамасыз ету және әлеуметтік саясатты жетілдіру, жеке тұлғалардың кірістерін бақылаудың тиімді тетігін құру, сыбайлас жемқорлық пен көлеңкелі экономика деңгейін төмендету екенін айтты.Мәселен, 2021 жылғы 1 қаңтардан бастап, «кіру» декларациясын мемлекеттік қызметшілер мен оларға теңестірілген адамдар, сондай-ақ, олардың жұбайлары табыс етті.&nbsp;Екінші кезеңде, 2023 жылы мемлекеттік мекемелер мен квазимемлекеттік сектордың қызметкерлері, сондай-ақ олардың жұбайлары адам табыс етті.Үшінші кезеңде, 2024 жылғы 1 қаңтардан бастап, декларацияны заңды тұлғалардың басшылары мен құрылтайшылары (қатысушылары), дара кәсіпкерлер, сондай-ақ олардың жұбайлары тапсырады.Төртінші кезеңде, 2025 жылғы 1 қаңтардан бастап – азаматтардың қалған санаттары (мысалы, жеке құрылымдардың қызметкерлері, зейнеткерлер, үй шаруасындағы әйелдер, студенттер және басқалар) ұсынады.&nbsp;Маманның мәлімдеуінше, үшінші кезең шеңберінде 2024 жылы активтер мен міндеттемелер туралы декларация – 2024 жылғы 1 қаңтардан бастап, декларацияны заңды тұлғалардың басшылары мен құрылтайшылары (қатысушылары), дара кәсіпкерлер, сондай-ақ, олардың жұбайлары тапсыруға тиіс. Бұл талап әрекетсіз және қызметін тоқтатқан тұлғаларға да қолданылады.Азаматтық кодекстің нормаларына сәйкес, филиалдар мен өкілдіктер заңды тұлғалар болып табылмайтындықтан, 2024 жылы филиалдар мен өкілдіктердің басшыларында декларацияны ұсыну бойынша міндеттеме туындамайды (АК 43-бабының 3-тармағы).Сондай-ақ, 2024 жылы активтер мен міндеттемелер туралы декларацияны жеке практикамен айналысатын адамдар ұсынбайды. Декларацияда қандай мәліметтерді көрсету қажет?Жалпыға бірдей декларациялау жүйесі барлық азаматтардың активтері мен міндеттемелері туралы декларация беруінен тұрады. Онда жеке тұлғаның барлық шетелдік активтері, жылжымалы, жылжымайтын мүлкі көрсетіледі.Кейін жыл сайын кірістер мен мүлік туралы декларация (270.00-нысан) ұсынылады. Онда күнтізбелік жыл ішінде алынған кірістер, Қазақстанда және шетелде мүлікті сатып алу не иеліктен шығару туралы мәліметтер, сондай-ақ, оларды иемденуге жұмсалған шығыстарды жабудың көздері көрсетіледі.Декларацияны ұсыну тәсілдері мен мерзімі?Декларацияны 2024 жылғы 15 қыркүйекке дейін тұрғылықты жері бойынша тапсыру қажет. Декларацияны «Салық төлеуші кабинеті», «Электрондық үкімет» веб-порталдары, «e-salyqАzamat», Halyk Bank, CenterCredit, Kaspi.kz мобильді қосымшалары арқылы ұсынуға болады. Сондай-ақ азаматтар декларацияны қағаз нұсқада пошта арқылы немесе өздері барып ұсынуға құқылы.Фото: halyq-uni.kz

С.Өтегенов: Жалпыға бірдей декларациялаудың міндеті – әділ салық салуды қамтамасыз ету	 

<a href="https://kyzylorda-news.kz/">Kyzylorda-news.kz</a>&nbsp;Төретам кенті және Ақай ауылдық округі тұрғындарына адамдарды заңсыз әкетуге, балалар еңбегін заңсыз пайдалануға қарсы күрес жұмыстары мен мәжбүрлі еңбекке қарсы іс-қимыл бойынша түсіндірме жұмыстары жүргізілді.Қазақстан Республикасы Үкіметінің «Адам саудасына байланысты қылмыстардың профилактикасы, алдын алу және оларға қарсы күрес жөніндегі арналған іс-шаралар жоспары туралы» 2021 жылғы 24 ақпандағы №94 қаулысына сәйкес Қызылорда облысының бақылау жөніндегі басқармасы, облыстық прокуратура облыстық полиция департаменті және үкіметтік емес ұйымдардан құрылған мобильді топ адамдарды заңсыз әкетуге, балалар еңбегін заңсыз пайдалануға қарсы күрес жұмыстары мен мәжбүрлі еңбекке қарсы іс-қимыл бойынша түсіндірме жұмыстарын жүргізді.Жиынға Ұйымдасқан қылмысқа қарсы күрес басқармасының Аса маңызды істері жөніндегі аға жедел уәкілі полиция капитаны Уздембаев Жанболат Жақсылықұлы, Ұйымдасқан қылмысқа қарсы күрес басқармасының аға жедел уәкілі полиция капитаны Сайфулла Сұнғат Сайфуллаұлы және Қызылорда облысының бақылау жөніндегі басқармасы әкімшілік-құқықтық бөлімінің бас маманы Турасилова Индира Қылышбекқызы, Төретам кенті және Ақай ауылдық округі бойынша мекеме басшылары, медицина қызметкерлері, кәсіпкерлер, кент және ауыл тұрғындары қатысты.

Төретамда тұрғындарға түсіндірме жұмыстары жүргізілді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылорда облысының Департамент бастығының бірінші орынбасары полиция полковнигі Абдраманов Ермахан Әділханұлы көше мен қоғамдық орындарда құқықтық тәртіпті қамтамасыз ететін бөлініс қызметкерлері үшін &nbsp;саптық жиын өткізді. &nbsp;</h4>&nbsp;Іс-шараның мақсаты көшелер мен қоғамдық орындарда құқықтық тәртіпті және қоғамдық қауіпсіздікті қамтамасыз ету, құқық бұзушылықтар мен қылмыстарды ашу және жолын кесу, сондай-ақ жол қауіпсіздігін сақтау болып табылады.Іс-шара барысында 1538 әкімшілік құқық бұзушылық анықталып, оның қоғамдық орында спирт ішімдігін ішудің 103 дерегі, ұсақ бұзақылық – 48, масаң күйде автокөлік басқарудың – 3 дерегі анықталса, қауіпсіздік белдігін тақпағаны үшін &nbsp;әкімшілік жауапкершілікке 45 жүргізуші тартылса, мемлекеттік немесе міндетті техникалық қарап – тексеруден өтпеген 9 автокөлік анықталған. ҚР тiркеусiз не жеке басты куәландыратын құжатсыз тұру бойынша – 46 (ҚР ӘҚБтК-нің 492-бабы), шетелдіктің немесе азаматтығы жоқ адамның Қазақстан Республикасының Халықтың көші-қоны саласындағы заңнамасын бұзған – 250&nbsp; (ҚР ӘҚБтК-нің 517-бабы) аныктады.Арнайы рейдтің барысында кәмелет жасына толмағандарға қатысты 162 әкімшілік құқық бұзушылық анықталды.Сонымен қатар, 46 жасөспірім – түнгі уақытта ойын-сауық мекемесінде болған және заңды өкілінсіз тұрғын жайдан тыс жерлерде жүрген. ҚР ӘҚБтК-нің 127 бабы (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша 16 ата-анаға әкімшілік шара көрілді.&nbsp;Тәртіп сақшылары іс-шараның &nbsp;нәтижесімен есірткі затты тасымалдау және сақтау бойынша – 1 және атыс қаруын сақтағаны үшін 7 дерегі тіркелді.Сондай-ақ, 47 автокөлік айып тұрағына қойылып, 26 автокөліктің мемлекеттік белгілері алынған.Қызылордалық полицейлер қоғамдық тәртіптің бұзылуына жол бермеу үшін тиісті заң аясында бақылауды күшейтіп, заң талаптарына бағынбаған азаматтар &nbsp;жауапкершілікке тартылатындығын ескертеді.

 «Құқықтық тәртіп»: Қызылордада 1538 әкімшілік құқық бұзушылық анықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен аудан әкімдігі жанындағы Құқық бұзушылық профилактикасы жөніндегі ведомствоаралық комиссияның отырысы өтті.&nbsp;</h4>Комиссия отырысында қаралған бірінші және екінші мәселе бойынша Жалағаш ауданы полиция бөлімі бастығының міндетін атқарушы Мәулен Өсер хабарлама жасап, аудан бойынша ұрлық қылмыстарының алдын алуда құзырлы органдармен атқарылып жатқан шаралар туралы және есірткі егу мен таратудың, психотроптық заттардың, сол тектес прекусорлардың заңсыз айналымын болдырмау бағытында атқарылған жұмыстар туралы баяндады.&nbsp;Үшінші мәселе бойынша да Жалағаш ауданы полиция бөлімі бастығының міндетін атқарушы Мәулен Өсердің хабарламасы тыңдалып, 2023 жылы өсім алған қылмыстар мен құқық бұзушылықтарды саралау және оларды болдырмау бағытында атқарылып жатқан шаралар туралы айтылды.Аудан әкімі Ардақ Ибраимов күн тәртібінде қаралған мәселелер бойынша құқық бұзушылықтар мен қылмыстардың алдын алуға бағытталған профилактикалық шараларды және бөтеннің мүлкін ұрлау қылмыстарын болдырмау, алдын алу, орын алған қылмыстарды ашу мақсатында профилактикалық шараларды одан әрі күшейтуді, әрбір елді мекен бойынша қоғамдық тәртіпті қамтамасыз етуде, әсіресе түнгі уақытта ұрлық қылмыстарының алдын алу бағытында бақылауды күшейтіп, барлық қажетті шараларды қабылдауды қамтамасыз етуді, тұрмыстық зорлық-зомбылықтың алдын алу саласындағы өзара іс-қимыл тұрмыстық зорлық-зомбылықтың кез келген түрлері, оның ішінде балалар мен мүгедектерге қатысты белгілі болған барлық фактілерді ішкі істер органдарына, басқа да мемлекеттік органдарға, құзыреті бойынша ұйымдарға уақтылы хабарлау, сондай-ақ отбасыдағы мәселелерді шешу және әлеуметтік қолдаудың барлық кешенін көрсету бойынша бірлескен шараларды тұрақты жүргізуді және аудан әкімдігі жанындағы Құқық бұзушылық профилактикасы жөніндегі ведомствоаралық комиссияның жұмысын одан әрі жетілдіруді және күн тәртібінде тұрған өзекті мәселелер жөнінде қатаң тапсырма берді.Хаттамалық тапсырмалардың орындалуын бақылау және үйлестіру аудан әкімінің орынбасары Ғ.Сүлейменов пен аудан әкімі аппаратының басшысы Е.Қайнарбаевқа жүктелді.Сонымен қатар аудан әкімі Ардақ Ибраимовтың төрағалығымен Сыбайлас жемқорлыққа қарсы іс-қимыл жөніндегі комиссия отырысы өтті.Комиссия отырысында 2 мәселе қаралды. Бірінші мәселе бойынша сөз алған аудандық кәсіпкерлік және өнеркәсіп бөлімінің басшысы Жасұлан Дүйсекеев салада сыбайлас жемқорлыққа қарсы атқарылған жұмыстар туралы хабарлады.&nbsp;Екінші мәселе бойынша Таң ауылдық округінің әкімі Қайрат Сейдахметов хабарлама жасап, Таң ауылдық округі бойынша сыбайлас жемқорлық сипатындағы құқық бұзушылықтардың алдын алу бағытында атқарған жұмыстар туралы мәлімдеді.«Қылмыстық-құқықтық саясат сыбайлас жемқорлық қылмыстарды жасағаны үшін лауазымды тұлғалардың қатаң жауапкершілігін қамтамасыз ететіндігі баршаңызға белгілі. Сондықтан, сыбайлас жемқорлыққа қарсы іс-қимыл, мемлекеттік қызметі туралы және мемлекеттік қызметшінің әдеп кодексі нормаларын қатаң сақтауға және сыбайлас жемқорлық сипатындағы құқық бұзушылықтарды болдырмау бағытында жұмыс жасауды тапсырамын. Қарапайым тілмен айтқанда, қызмет бабын жеке бас пайдасына пайдалануға жол бермеңіздер», – деді Жалағаш ауданының әкімі Ардақ Ибраимов.Сыбайлас жемқорлыққа қарсы іс-қимыл жөніндегі комиссия отырысын қорытындылаған аудан әкімі сала басшыларына нақты тапсырмалар беріп, жұмыстардың сапалы орындалуын қатаң тапсырды.&nbsp;Қорлан САРЫФото: Жалағаш ауданының фейсбугінен

Құқық бұзушылық профилактикасы жөнінде ведомствоаралық комиссия отырысы өтті

<a href="https://kyzylorda-news.kz/">Kyzylorda-news.kz</a> Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырамас атрибуттарының бірі. Еліміздің тұңғыш рәміздері – Ту мен Елтаңба тәуелсіздігіміздің жариялануының дәл 130-шы күні, яғни 1992 жылдың 4 маусымында қабылданды. Ал елімізде «Мемлекеттік рәміздері туралы заң» 2007 жылы 4 маусымда қабылданған еді. Осы заңға сәйкес, жыл сайын 4 маусым – Қазақстан Республикасында Мемлекеттік рәміздер күні ретінде мерекеленіп келеді.Қазақстан да, өз егемендігін жариялаған кезде оны ең алдымен, тәуелсіз елдің саяси мәртебесін білдіретін Тәуелсіздік декларациясын қабылдау арқылы бекітті. Содан кейін күн тәртібінде Мемлекеттік рәміздерді қабылдау мәселесі тұрды. Алдымен, 1992 жылдың басында Жоғарғы кеңестің төралқасы мемлекеттік символиканы дайындау бойынша жұмыс тобын құру туралы қаулы қабылдады. Осы құжатқа сәйкес, арнайы шығармашылық комиссия құрылды. Оның құрамына белгілі заңгерлер мен қоғам қайраткерлері кірді. Көп кешікпей, Елтаңба, Ту және Әнұран жобаларын жасауға конкурс жарияланды. Оған қатысушылар алдына күрделі, әрі жауапты міндеттер қойылды. Мемлекеттік рәміздер, әсіресе, тарихи, саяси және экономикалық символизмге сәйкес келуге тиіс болды. Ал, рәміздер жобаларын жасау конкурсында 600-ден астам адам қатысқан екен. Мемлекеттік ту эскиздері бейнеленген шығармашылық еңбектері бар түскен өтінім 1 200-ді құраған. Сондай-ақ, конкурсқа болашақ Елтаңбаның 245 сурет жобасы мен 67 суреттемесі және Әнұранның 750 нұсқасы ұсынылыпты. «Жүзден жүйрік, мыңнан тұлпар» шығатыны секілді таңдаулылары таңдалып, бүгінгі күнге дейін жетіп отыр.Қазалыда Қазақстан Республикасының Мемлекеттік рәміздер күніне орай салтанатты шара өтті.Әйтеке би кентіндегі Рәміздер алаңында өткен мерекелік іс-шараға Қазалы ауданы әкімі Мейрамбек Шермағанбет, зиялы қауым өкілдері, мекеме, кәсіпорын басшылары мен қызметкерлері және аудан тұрғындары, белсенді жастар қатысты.Мерекелік шарада Қазалы ауданы басшысы барша Қазалы жұртшылығын мерекемен құттықтап, мемлекеттік рәміздер Тәуелсіздіктің баға жетпес құндылығы екенін жеткізді.<blockquote>– Мемлекеттік рәміздер – әр мемлекеттің тәуелсіздігін білдірумен қатар, тұтастыққа ұйыстыратын, бірлікке үндейтін айшықты белгілер. Еркіндігіміздің көк байрағы көкте желбіреп, Елтаңба төрде орнығып, Мемлекеттік Гимніміз шырқала орындалғанда, ата-бабаларымыз сан ғасырлар аңсаған елдік қалпымыз бен сүттей ұйыған тірлігімізге шүкіршілік айтып, толқымайтын жан, селт етпейтін көңіл жоқ.</blockquote>Баршаңызды мемлекеттік рәміздер күнімен құттықтай отырып, әрдайым ел іші мерекелі де берекелі, елтаңбамыз – еңселі, туымыз – тұғырлы, Гимніміз – айбынды болсын деймін. Тәуелсіздігіміздің тұмарына айналған мемлекеттік рәміздеріміз болашаққа бастаған ұлы көшімізді демеп, игі істерімізді қолдай берсін, – деді Қазалы ауданы әкімі.Мұнан соң бірқатар сала қызметкерлері ауданымыздың қоғамдық-саяси және әлеуметтік-экономикалық өміріне белсене қатысып, зор үлес қосқаны үшін аудан әкімінің «Алғыс хатымен» марапатталды.Рәміздерді сөз еткенде "ұлттық" сөзі ойға оралады. Ұлттық рух, ұлттық болмыс, ұлттық сана... Қай рәмізді алсақ та, ұлттық нақыштан аспаған. Тудың түсі, қалықтаған қыран бейнесі, жарқыраған күн мен одан сәуледей таралған 32 шуақ, тігінен салынған ою-өрнек, бәрі-бәрі бір-бірімен астасқанда ұлттық көрінісімізден бірден хабар береді. Елдіктің нышаны саналатын Елтаңба ассоциациясы да ерекше. Шаңырақ, қанатты пырақ, жұлдыз бір-бірімен үйлесім тапқан.Қандай ел болмасын өз рәміздерімен, заң-жарлықтарымен мақтанады. Алайда, оның тереңіне бармай, құр мақтану – ұят. Тудың авторы – Шәкен Ниязбеков. Автордың тың туындысы 600 жоба арасынан көзге түсіп, жоғары кеңесте талқыланған. Күн – жарқын болашақтың, күннен тараған әр шапағат, шуақтың – молшылық пен аманшылықтың белгісі. Дала қыраны – кеңдік пен зеректікті білдіреді. Дала адамдары үшін бұл азаттық, тәуелсіздікке, мақсатқа, биікке, болашаққа ұмтылудың символы. Оюлар қазақы элементтің бірден-бір көрінісі.Елтаңба авторы – Ж.Мәлібеков пен Ш.Уәлиханов. Шаңырақ қазақ ұғымындағы ең қасиетті де қадірлі символ. Жақсылыққа алғыс ретінде де "шаңырағың биік болсын", "шаңырағың шайқалмасын" сынды тіркестер қолданылатыны белгілі. Бір шаңырақтың астында бірнеше ұлттың тату-тәтті ғұмыр кешуі де көптің қолынан келе бермейді. Қанатты қос пырақ – қазақ санасындағы ертеден келе жатқан қиял. Бұл жерде де еркіндік, егемендікті ерекше айтқысы келген болуы керек. Елтаңбаның жоғарысында тұрған жұлдыздың да өзіне тән кең ұғымы бар. Қазақта "жұлдызың жансын", "жұлдызың жарқырасын" деген тіркестердің де барын білеміз. Әнұранның авторын әр қазақ жатқа білуі шарт. Туған елдің бар болмысынан, тарихынан көрініс беретін бұл әннің әні мен сөзі әдемі үйлесіп, күллі қазақтың кеуде кернеп айтатын әнұранына айналғаны да қазақ деп жүрегі соққан әр азамат үшін айтары көп.Мерекелік шарада жас мемлекеттік қызметшілер салтанатты түрде ант қабылдап, аудан өнерпаздары концерттік бағдарламаларын ұсынды.

Мемлекеттік рәміздер ардақталған күн

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қармақшы аудандық Шәмшат Төлепова атындағы аудандық мәдениет үйінде «Халық Заңгері» республикалық акциясы өтті. Науқанның мақсаты – халықтың құқықтық сауаттылығын арттыру және азаматтарға тегін заң көмегін көрсету. Кез-келген азамат келіп, елдің ең үздік заң өкілдерінен тегін қажет кеңес ала алады. Олардың арасында – белгілі адвокаттар, нотариустар, прокурорлар, тергеушілер, сот орындаушылар, мемлекеттік органдар басшылары мен басқалар.</h4><h4 style="margin-left:0px;text-align:justify;">Науқанды ұйымдастырушылар Қазақстан Республикасының Сыбайлас жемқорлыққа қарсы іс-қимыл Агенттігі, zakon.kz жүйелі басылым, «Параграф» ақпараттық жүйесі, Қазақстанның мемлекеттік билік органдары және ең үздік заңгерлер мен адвокаттар.&nbsp;</h4><h4 style="margin-left:0px;text-align:justify;">Акция аясында аудан прокуроры, аудандық полиция бөлімі, ауданаралық Әділет департаменті, аудандық мемлекеттік кірістер департаменті және аудан әкімдігінің бөлім басшылары, заңгерлер мен адвокаттар халыққа ақысыз заңгерлік көмек көрсетті.</h4><h4 style="margin-left:0px;text-align:justify;">Акцияның негізгі мақсаты – халықтың құқықтық сауаттылығын арттыру. Іс-шарада 30-ға жуық маман әр түрлі сала бойынша тұрғындардың сұрақтарына жауап беріп, заңгерлік кеңес берді. Шараға қатысушылар қажетті заңгерлік кеңес, сондай-ақ мемлекеттік орган өкілдерінен өзіне қажетті мәселелер бойынша түсіндірме алды. &nbsp;</h4>

Қармақшыда «Халық заңгері» акциясы өтті

<a href="https://kyzylorda-news.kz/">Kyzylorda-news.kz</a> «Синтетикалық есірткі» дегеніміз не? Бұл - психологиялық және физикалық тәуелділікті тудыратын жасанды жолмен алынған психоактивті заттар. «ORDA» колледжінің Арнаулы пән оқытушысы М.Кемелбеков АҚ-9-32г оқу тобының студенттеріне есірткі, оны тұтынудың зияны, синтетикалық есірткі, есірткіге тәуелділіктің алдын алу туралы ақпараттар беріп, түсіндірме жұмысын жүргізді.Бүгінде зиянды әдет, қоғамдық індет – синтетикалық есірткі. Негізгі себеп – бұл заттардың қолжетімділігі мен арзандығы, интернет пен мессенджерлер арқылы сатып алу мүмкіндігі, ересектердің балаларының бос уақытын бақылаусыз ұстауы. Балалар мен жасөспірімдер ең осал орта болып табылады, оларда есірткі заттарының зияны туралы нақты білім жоқ.&nbsp;Сондықтан да алданудың құрбаны болып жатады.&nbsp;Өкініштісі сол, бұл жағдай жасөспірімдердің арасында кеңінен таралуда. Күн сайын заңсыз айналымнан есірткі тәркіленгені туралы жаңалықтарды естиміз. Синтетикалық есірткінің мефедрон, пировалерон, амфетамин, метадон сияқты түрі бар. Жасөспірімдердің есін алған есірткі өте алаңдатарлық жағдай.Синтетикалық есірткі деген не? Мамандардың айтуынша, синтетикалық есірткі – химиялық жолмен жасалған, адамды физикалық және психикалық тұрғыдан тәуелді етіп қоятын қасиетке ие психобелсенді зат. Қауіпті химиялық қосынды құпия зертханаларда астыртын жасалады әрі арзан тұрады. Синтетикалық есірткіні пайдалану инені қажет етпейтіндіктен, оның дәмін татып көрген адам бірден тәуелділіктің төте жолына түседі. Ал бұған құл болған жанның, қайта азаттық алуы өте қиын.2023 жылдан бері 75 жасырын зертхана жойылды. Министр есірткі тарататын жастарға жазаны жеңілдетуді сұрады. Егер қылмыс бірінші рет жасалып, кінәлі адам, тергеу органдарымен белсенді жұмыс істесе, онда оларды жауапкершіліктен босату мүмкіндігі қарастырылады. Биыл кәмелетке толмаған 6 бала сотталып, тағы 26 жасөспірім заң алдында жауапқа тартылған. Жалпы 10 айда есірткі қылмысымен 3 мыңнан астам адам сотталды. Олардың 11-і құқық қорғау қызметкері.<blockquote>– Қазір есірткі зертханаларын ұйымдастырушылар “есірткіні өткізу” мақсатында бір топ адаммен және аса ірі көлемде әзірлегені және қайта өңдегені үшін жауапкершілікке тартылады, санкциясы 10 жылдан 15 жылға дейін бас бостандығынан айыру. Ұсынылатын түзетулерде осы әрекеттер 15 жылдан 20 жылға дейін немесе өмір бойы бас бостандығынан айыру дәрежеленетін болады, – дейді ҚР ішкі істер министрі Ержан Сәденов.</blockquote>Дәрігерлердің айтуына қарағанда, химиялық препараттар орталық жүйке жүйесі жасушаларын едәуір зақымдап, ойлау жүйесіне кері әсер етеді, есте сақтау қабілетін жояды. Ұйқыға да кері әсер етеді. Тіпті есірткіге тәуелді адамдардың көбі бір айдан астам уақыт бойы дәрісіз ұйықтай алмайтын жағдайға түседі.Бұл өсімдік есірткілерден де қауіпті. Өсімдік есірткісін пайдаланып көргендердің ішінде жүре келе ес жиып, зиянды заттан біржола бас тартып, дұрыс жолға түскендер бар. Ал синтетикалық есірткіні бір рет пайдаланған адамның бас тартуы қиын. Мұның дәмін татқан адамға жоқ жерден ерекше қайрат бітеді. Алдамшы сезімге бөленеді. Бірте бірте галлюцинация пайда болып, көзіне түрлі құбыжықтар елестеп, әр сәті азапқа айналады. Есірткіге тәуелді адамдарда жақынына, тіпті туған анасына деген жанашырлық сезім болмайды.Білім алушыларға осы түсіндірме сабақ аясында алдап-арбау, аңдамай есірткі құрығына ілініп қалмау жолдарын ұғындырды.&nbsp;Қорлан САРЫ Фото:carposting.ru

Қазақстан және Қызылорда облысының жаңалықтары: Құқық