Kyzylorda-news.kz. &nbsp;«Жаңа жыл» мерекесі қарсаңында Қызылорда облысы әкімінің орынбасары &nbsp;Нұрымбет Сақтағанов және облыстық денсаулық сақтау басқармасының басшысы Сабит Пазилов облыстық перинаталдық орталығының &nbsp;босанушы аналары мен көпбейінді облыстық балалар ауруханасының емделуші балаларын құттықтады және &nbsp;сыйлықтарды үлестірді.&nbsp; &nbsp;Айта кетейік, облыстық перинаталдық орталығында босанған аналарға сыйлық табыстау дәстүрге айналған. Орталықта жылына шамамен 11 мыңға жуық әйел босанады. Жыл басынан бері облыс бойынша 18773 бала туылса, оның 10 358-і ана мен бала орталығында дүниеге келген. &nbsp; &nbsp; Ал көпбейінді облыстық балалар ауруханасы 200 төсек орынға арналған. Медициналық мекеме озық заманауи медициналық жабдықтармен жабдықталған. Атап айтар болсақ, ағымдағы жылы аурухана ИВЛ, кювез, УЗИ аппараттарымен толықты. Сондай-ақ, республикалық стационарлар реитінгінде «Үздік емдеу мекемесі» &nbsp;номинациясын иеленді.&nbsp; &nbsp;Онда жыл көлемінде 14 мың бала стационарлық ем қабылдайды.&nbsp; &nbsp;Үстіміздегі жылдың қаңтар айынан бастап аурухана құрамында «Қамқорлық» оңалту орталығы ашылып, 1800-ден аса бала оңалту емін қабылдады. Орталық мамандары республикалық Ресей және республикалық емдеу мекемелерінен кәсіби біліктіліктерін арттырған.<img src="https://knadmin.beoblood.kz/uploads/FB_IMG_1672483214856_836cac5455.jpg" alt="FB_IMG_1672483214856.jpg"><img src="https://knadmin.beoblood.kz/uploads/FB_IMG_1672483211968_d93423b051.jpg" alt="FB_IMG_1672483211968.jpg"><img src="https://knadmin.beoblood.kz/uploads/FB_IMG_1672483221683_5f93ce5795.jpg" alt="FB_IMG_1672483221683.jpg">

Президент құттықтауы Сырда жалғасты

<a href="https://kyzylorda-news.kz/">Kyzylorda-news.kz.</a> Жақында Астана қаласында екінші мәрте ұйымдастырылған «Тәуелсіздік ұрпақтары» атты жастарға арналған грантты жерлесіміз Дина Жанұзақова жеңіп алды. Осыған орай, бүгін Өңірлік коммуникациялар қызметінде өткен брифингте облыстық «Жастар ресурстық орталығы» КММ-нің директоры Талғат Тілес аталмыш гранттың өткізілу барысын баяндады.<blockquote>«Ел Президенті Қасым-Жомарт Тоқаев 2021 жылы жариялаған «Тәуелсіздік бәрінен қымбат» мақаласында Тәуелсіздік жылдары дүниеге келген дарынды жастарға нақты қолдау ретінде «Тәуелсіздік ұрпақтары» атты грант тағайындау қажеттігін атап өткен болатын. Биыл Елорда төрінде екінші рет өткізілген байқау 5 бағыт бойынша жаңа идеяларды іріктеді. Атап айтқанда, «Ғылым», «Мәдениет», «Ақпараттық технологиялар», «Бизнес» және «Медиа». Іріктеуден өткен үздік 33 жобаның жеңімпаздарына 3 млн. теңге көлемінде грант берілді. Солардың ішінде қызылордалық Дина Жанұзақова ерекше әрі тың жобасын таныстырып, үздіктер қатарынан көрінді», - деді Талғат Тілес.</blockquote>Сыр өңірінің тумасы, Назарбаев Зияткерлік мектебінің 9 сынып оқушысы Дина Жанұзақова еліміздегі тарихи өлкелерді ерекше мазмұнда көпшілікке таныстыруды мақсат еткен. Оның айтуынша, киелі мекендерді анимациялық жүйе арқылы көркемдеп, қызықтырса ішкі туризмді дамытуға оң әсер етпек.<blockquote>«Мен «Тәуелсіздік ұрпақтары» байқауына қатысып, грант жеңіп алғаныма өте қуаныштымын. Еліміздің әр аймағынан келген жас өрендер өздерінің креативті идеяларын жүзеге асыруға талпыныстары ерекше болды. Менің жобамның негізгі мақсаты – тың технологияларды пайдалана отырып, еліміздегі мәдени мұралар мен тарихи жерлерді смартфондар мен әлеуметтік желілерде көрсету арқылы көпшілікке таныстыру болып табылады. Осы идеям байқауда қолдауға ие болды. Енді бір жыл ішінде команда жасақтап, мақсатымды жүзеге асыратын боламын», - деді Дина Жанұзақова. &nbsp;</blockquote>

Қызылордалық жас өрен Тәуелсіздік ұрпақтары грантының жеңімпазы атанды

Kyzylorda-news.kz. Осыдан 31 жыл бұрын 16 желтоқсанда «Қазақстан Республикасының Мемлекеттік тәуелсіздігі туралы» Конституциялық Заң қабылданған еді, деп хабарлайды ҚазАқпарат.&nbsp;Айта кетейік, биыл «Қазақстан Республикасындағы мерекелер туралы» Заңға 25 қазан – Республика күні ұлттық мереке және 16 желтоқсан – Тәуелсіздік күні мемлекеттік мереке болып белгіленген өзгерістер енді.1990 жылдың 25 қазанында Қазақ КСР Жоғарғы Кеңесінің қаулысымен тарихи құжат – «Қазақ Кеңестік Социалистік Республикасының мемлекеттік егемендігі туралы» Декларация қабылданды. Бұл құжат Қазақстанның нағыз тәуелсіздігіне апаратын құқықтық бастама болды. Дегенмен, бұдан Тәуелсіздік күнінің рөлі аласармайды. 1991 жылы 16 желтоқсанда Қазақстанның Тәуелсіздігі жарияланды.Сонымен бірге, бүгінгі күн 1986 жылы Алматы алаңына шыққан жастармен тығыз байланысты. Қазақстан КП Орталық комитетінің бірінші хатшылығына Г. Колбиннің келуіне қарсы басталған шеру тұтас КСРО тоталитарлық саясатына қарсы оқиғаға айналып, Тәуелсіздіктің жаршысы болды. Тарихта бұл қаралы күндер «Желтоқсан оқиғасы» деген атаумен қалды.Қазақстан ССРО тарағаннан кейін араға 8 күн салып, тәуелсіздігін жариялады. 1980 жылдардың екінші жартысында басталған Кеңес одағының ыдырауында Балтық елдері бірінші бөлініп шықты. Содан кейін 1991 жылдың 8 желтоқсанында Беларусь, Ресей және Украина елдері одақты біржолата ыдыратқан Беловеж келісіміне қол қойды. Осылайша, Кеңес одағы ыдырап, әлемнің саяси картасына тағы 15 мемлекет қосылды.Қазақстанның дербес ел болғанын әлемге алғашқылардың бірі болып «ҚазАқпарат» халықаралық ақпарат агенттігі (ҚазТАГ) хабарлаған еді.Ал Қазақстанның Тәуелсіздігін ресми түрде ең алғаш Америка Құрама Штаттары мойындады.Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Ислам мемлекеті Қазақстанды тәуелсіз мемлекет ретінде таныды. Ал Түркия бірінші болып Қазақстанда өз елшілігін ашты.Тәуелсіздіктің 31 жылында Қазақстан елеулі жетістіктерге жетті және күрделі сын-қатерлерден өтті. 1993 жылы еліміз төл валютасын қолданысқа енгізді. Мемлекеттік рәміздерін бекітті. Шекараларын бекітіп, жаңа астанасын салды. Орнықты мемлекеттік институттары бар және экономикасы бәсекеге қабілетті демократиялық мемлекет ретінде қалыптасты. Коронавирус пандемиясы, Қаңтар оқиғасы, Арыс, Байзақ, Екібастұздағы төтенше жағдайлар – ел бірлігі сынға түскен қиын да күрделі кезең болды. Халықаралық арендағы геосаяси жағдайлар да бостандықпен пен егемендіктің қадірін арттырды.Биыл елімізде Президенті сайлауы өтті. Конституциялық түзетулер енгізу үшін жалпыұлттық референдум жүргізілді. Халықтың басым бөлігі Конституцияның 33 бабына 56 өзгеріс енгізуді қолдады.Былтыр өткен халық санағында алғаш рет цифрлық технологиялар қолданылды. 1 қарашадағы жағдай бойынша еліміздегі халық саны – 19 715 182 адамға жеткен.Тәуелсіздік күнінде тұтас ел бойынша салтанатты шаралар өтеді, әлеуметтік нысандар іске қосылады. Елордада мереке құрметіне қайырымдылық іс-шаралар, өмірлік қиын жағдайға тап болған балаларды, әлеуметтік аз қамтылған отбасыларды қолдау акциялары өтеді. 1986 жылғы желтоқсан оқиғасының қатысушыларына санаторий-курорттық ем беріп, біржолғы әлеуметтік көмек <a href="https://www.inform.kz/kz/astanada-tauelsizdik-kuni-kalay-toylanady_a4012855">төлеу көзделген.</a>Ұлттық статистика бюросы Тәуелсіздік күніне орайластырып қойылған есімдер жайлы <a href="https://www.inform.kz/kz/kazakstanda-tauelsizdik-esimdi-bir-adam-al-egemen-atty-21-adam-turyp-zhatyr_a4013704">мәлімет жариялады.</a> Оған сәйкес, азан шақырып қойған Тәуелсіздік атты бір адам болса, Егемен есімі 21 адамға қойылған. Сондай-ақ елімізде 14 065 Азат, 3 913 Еркін және 23 Бостандық бар.&nbsp;

Қазақстаның Тәуелсіздігіне 31 жыл толды

Kyzylorda-news.kz. Қызылорда облысында 2022 жылғы 10 айдағы әлеуметтік-экономикалық дамуды сипаттайтын бірқатар макрокөрсеткіште өсім қалыптасты. Ауыл шаруашылығының жалпы өнім көлемі 0,1%-ға (163,0 млрд теңге), инвестициялар тарту 25%-ға (290,9 млрд теңге), пайдалануға берілген тұрғын үйлер көлемі 5,5%-ға (556,4 мың шаршы метр), құрылыс жұмыстарының көлемі 22,9%-ға (98,6 млрд теңге) және сауда көлемі 2,3%-ға (495 млрд теңге) артты. Нәтижесінде Қызылорда облысы республика өңірлері арасында үздік бестік қатарына кірді (Қостанай, Ақмола, Жамбыл, ШҚО облыстарынан кейін).Өнеркәсіп өндірісінде көрсеткіш 1,3%-ға төмендеді (854,2 млрд теңге). Бұл негізінен мұнай кен орындарының суалуы, тозуы салдарынан мұнай өндіру көлемінің 7,8%-ға (207 мың тоннаға азайған) төмендеуінен болып отыр.Экономикалық даму деңгейін сипаттайтын көрсеткіштер: жалпы өңірлік өнім көлемі 2022 жылдың І жартыжылдығында 1 009,1 млрд теңгеге жетіп, өсім 1,2%-ды құрады. Ал жан басына шаққандағы жалпы өңірлік өнім көлемі 1 222 мың теңгені құрады.Әлеуметтік-экономикалық даму жолында қабылданған шараларӨңірлік экономика құрылымын әртараптандыру, шикізаттық емес секторды (өңдеу саласы) дамыту шаралары жалғасып жатыр. Индустрияландыру бағдарламасы аясында облыс орталығында шыны зауыты іске қосылып, өнім өндіріліп жатыр. Биыл 40 мың тонна шыны шығару жоспарда бар. Алдағы міндет – өңір экономикасының өсуіне серпін беретін бұл өндірістің жобалық қуаттылыққа шығуын қамтамасыз ету (жылына 197 мың тонна).Шыны өндірісіне қажетті компонент – «кальциленген сода» өндіретін зауыт құрылысын салу мәселесін «Самұрық-Қазына Инвест» АҚ қарастырып жатыр.Өңдеу саласындағы ірі кәсіпорын «Аралтұз» компаниясы жаңа 3 испан цехын қосып, еңбек өнімділігін екі есе арттырды.Тау-кен және металлургия өнеркәсібінде «Шалқия» қорғасын-мырыш және «Баласауысқандық» ванадий кен орындарын игеру жобалары өңір экономикасының дамуына ықпал етпек.Жалпы Индустрияландыру аясында өңірде жалпы құны 613,1 млрд теңге болатын 37 жобаны жүзеге асыру көзделіп отыр. Оның биыл құны 4 млрд теңгені құрайтын 5 жобасы іске қосылады. Ауыл шаруашылығы саласында дәстүрлі күріш дақылын өсірумен қатар, ылғалды аз қажет ететін дақылдар егістігін арттыру жұмыстары жүргізілетін болады. Сондай-ақ мал шаруашылығына жем-шөп қорын қалыптастыру үшін мал азықтық дақылдар (жоңышқа, сүрлем, жемдік асқабақ) егістігін ұлғайту жұмыстары жүргізіледі.Инфрақұрылым, оның ішінде әлеуметтік инфрақұрылым жаңғыртылып жатыр. Тұрғын үй құрылысы белсенді жүргізілуде. Коммуналдық шаруашылығы мәселелері кезең-кезеңмен шешілуде. Бүгінде өңір халқының 98%-ы таза ауыз су пайдалануда. 2023 жылы сумен қамтамасыз етудің 11 жобасын республикалық және облыстық бюджеттен жүзеге асырып, халықты ауыз сумен қамту деңгейін 99%-ға жеткізу жоспарланып отыр. Халықтың 67%-ы табиғи газ тұтынуда, бұл 4 қала, 19 ауылдық елді мекен. Жылдың аяғына дейін тағы 5 ауылдық елді мекен газға қосылады. Келер жылы 7 ауылдық елді мекен көгілдір газға қосылатын болады (халықтың 72%-ы). Үздіксіз жылумен қамтамасыз ету үшін жаңа орталығының құрылысын салу мәселесі қарастырылып, ол «Акса энерджи» түрік компаниясының қаржысы есебінен жүзеге асырылмақ. Құны 215 млрд теңгені құрайтын нысанның құрылысы 3 жыл жүргізіледі.Әлеуметтік салада апаттық жағдайдағы, үш ауысыммен оқытатын мектептердің проблемалары кезең-кезеңмен шешіліп жатыр. 3-пен 6 жастағы балалар мектепке дейінгі тәрбиемен 100% қамтылған. Оған қоса, облыстағы балабақшалардың 73%-ы мемлекеттік-жекешелік әріптестік негізінде жұмыс жасайды.Халыққа медициналық қызмет көрсетудің сапасын арттыру бойынша жұмыстар жүріп жатыр. Бүгінде жалпы өлім-жітім көрсеткіші өткен жылмен салыстырғанда 24%-ға, жүрек қан тамыр ауруларынан болатын өлім жітім 17,7%-ға, туберкулезден болатын өлім-жітім көрсеткіші 20%-ға, қатерлі ісіктерден болатын өлім жітім 9,4%-ға төмендеп отыр.Облыстағы өңдеу өнеркәсібінің дамуы&nbsp;2022 жылғы 16 қарашада ҚР Премьер-Министрі Әлихан Смайыловтың төрағалығымен өткен Үкімет отырысында Қазақстанның биылғы 10 айындағы әлеуметтік-экономикалық даму қорытындылары қаралды. Аталған кезеңде республикада ЖІӨ өсу қарқыны 2,5%-ды құраған, сондай-ақ Қызылорда облысы өңірлер арасында инвестициялардың өсу қарқыны бойынша бірінші орында тұр, өйткені өңірдегі көрсеткіштің өсуі 25%-ды құрады.Құрылыс-монтаждау жұмыстарының көлемі бойынша – Қызылорда облысы алдыңғы қатарда. Есепті кезеңде Арал өңіріндегі құрылыс-монтаждау жұмыстарының көлемі 22,9%-ға артқан. Барлық негізгі макро көрсеткіштер бойынша Қызылорда облысы өсім байқалған бестікке кірген. Бұл ретте орнықты даму қарқынын ұстап тұру үшін экономиканы одан әрі әртараптандыру, инвестициялар тарту және тұрақты жұмыс орындарын құру жөніндегі жұмысты күшейту қажет. Қызылордада мұнай қоры азайғанын жоққа шығаруға болмайды. Жаңа тетіктерді іздеп, өндірісті ілгерілетуге ерекше назар аудару қажет. Ауыл шаруашылығында күріштің түсімі азайған. Егісті бастамас бұрын, шаруаларға күріш дақылдарының нақты көлемін анықтау тапсырылды. Биыл егін егіп, жер өңдеп, қажетті өнім алғысы келетін шаруа отбасыларына мүмкіндік берілді. Күрішпен қатар, диқандар басқа дақылдарды, соның ішінде қауын егіп, әртараптандыру саласы кеңейтілді. Өндірісті дамыту, шағын және орта кәсіпкерлікті жандандыру және мұнай мен күрішке сүйенбей мал шаруашылығының әлеуетін арттыру бойынша жұмыс істеу қажет.Мұнай газ саласындағы жағдайды реттеу және жаңа мұнай кен орындарын анықтау мақсатында 2021 жылдан бері «Шу Сарысу», «Арал» шөгінді бассейндерінде геологиялық зерттеу жұмыстары жүргізіліп жатыр.Биыл Шу-Сарысу шөгінді бассейнінде геологиялық-геофизикалық зерттеу жұмыстары аяқталады. Жұмыстардың келесі кезеңін – «мұнай-газ өндіру әлеуетін бағалауды» барлау жүргізетін компаниялар атқаратын болады.&nbsp;Сондай-ақ мұнай-газ секторындағы жағдайды реттеудің бірнеше шаралары орталық мемлекеттік органдарға ұсынылып, пысықталып жатыр. Атап айтқанда:- мұнай өндірудің жаңа әдісін енгізу аясында «ҚазМұнайГаз» АҚ-мен 5 мың метрден астам тереңдікте көмірсутек шикізатына геологиялық барлау жұмыстарын жүргізу,- мұнай кен орындарындағы мұнай өндіру көлемін арттырудың құралы ретінде пайдаланып келген газды өңдеу жұмыстарын жүргізу.2022 жылғы 1 қарашадағы жағдай бойынша Қызылорда облысының аумағында өңдеу өнеркәсібімен айналысатын 328 кәсіпорын жұмыс істеп, 3 289 адамды жұмыспен қамтып отыр.Осы жылдың 10 ай қорытындысымен өңдеу өнеркәсібі саласында 193,8 млрд теңгенің өнімі өндіріліп, өткен жылдың осы кезеңімен салыстырғанда 8,3 пайызға артты (2021 ж. 10 айы – 141,7 млрд&nbsp;теңге).Атап айтқанда, өңдеу өнеркәсібінің келесі салаларында өсім байқалған:&nbsp;- металлургия өнеркәсібі 12,2%-ға;-&nbsp;резеңке және пластмасса бұйымдарын өндіру 25,8%-ға;-&nbsp;жеңіл өнеркәсіп 53%-ға;-&nbsp;құрылыс материалдарының өндірісі 3,2%-ға;-&nbsp;тамақ өнімдерін өндіру 10,4%-ға;-&nbsp;химия өнеркәсібі 2,3%-ға.Соңғы 3 жылда өнеркәсіптік өндіріс құрылымындағы өңдеу өнеркәсібі үлесінің артуы байқалады, өсім 6,8%-ды құрады (2019 ж. – 17%; 2020 ж. – 23,2%; 2021 ж. – 23,8%).Сондай-ақ осы жылдың қазан айынан бастап алғашқы шыны өнімі шығарыла бастады (610 млн теңгеге 4 558 тонна шыны). Бүгінде өнім Астана, Алматы, Шымкент қалаларына жіберілуде. Жыл соңына дейін шыны зауыты 40 мың тонна өнім өндіруді жоспарлап отыр.Қызылорда облысында 2022 жылдың соңына дейін бес өндіріс ашу жоспарланып отыр.&nbsp;Өңірде агроөнеркәсіп кешенінде төрт нысан және құрылыс индустриясында бір нысан пайда болады. Бес өндіріске салынған инвестициялардың жалпы көлемі 9 млрд теңгені құрайды. Ақпаратқа сәйкес, өңірде осы жылдың соңына дейін сою пунктін жаңғырту жөніндегі жобаны іске асыруды аяқтау жоспарланып отыр.Бұл жобаның құны 2 млрд теңгені құрайды, қуаты – жылына 5 мың тонна өнім.Сондай-ақ биыл екі аяқталмаған құрылыс іске қосылады. Атап айтқанда, 5,2 млрд теңгеге құс фабрикасының ашылуы күтілуде. Кәсіпорында жылына 3,5 мың тонна құс етін шығару жолға қойылады. Мұнда 120 адамды жұмыспен қамту жоспарланып отыр. Келесі инвестордың құс фабрикасы 2 млрд теңге тұрады. Бұл нысанның қуаты жылына 1,5 мың тонна өнімді құрайды. 60 адам жұмыспен қамтамасыз етіледі.Өңірде 600 млн теңге тұратын&nbsp;балық өңдеу өндірісі іске қосылады. Қуаты – жылына 324 тонна, жұмыс орындары – 40.Облыста 2022 жылдың соңына дейін ішкі және сыртқы есіктер өндірісін жолға қою керек. Жоба құны 100 млн теңгені құрайды. Жоба екі кезеңде жүзеге асырылып жатыр. Бірінші кезең аясында металл сыртқы есіктер, екінші кезеңде ішкі есіктер шығарылады.<figure class="image"><img src="https://knadmin.beoblood.kz/uploads/301141892_368499612137956_6593471075380674963_n_5c538008a1.jpg" alt="301141892_368499612137956_6593471075380674963_n.jpg"></figure>

Қызылорда облысынан 80,4 мың тонна ауыл шаруашылығы өнімдері экспортталды

Kyzylorda-news. kz. Қазгидромет синоптиктері 4 желтоқсан, жексенбіге арналған ауа райы болжамын жариялады.Атмосфералық фронттардың әсерінен шығыста, орталықта, солтүстікте және оңтүстік-шығыстың таулы аймақтарында қар жауады.Ал Қазақстанның батыс аумағы антициклон ықпалында болады. Соның салдарынан көбіне жауын-шашынсыз ауа райы күтіледі.Республика бойынша кей жерлерде жел күшейеді, солтүстікте, шығыста, орталықта жаяу бұрқасын соғады.Батыста, оңтүстікте, орталықта және таулы аймақтарда тұман түседі.

Жексенбіге арналған ауа райы болжамы

Kyzylorda-news.kz. 20 қарашада өткен кезектен тыс президент сайлауында халықтың 81,31 пайызының сеніміне ие болған Қасым-Жомарт Тоқаев ант беріп, қызметіне ресми кірісті.&nbsp;Сонымен 7 жылдық мерзімге 1 рет қана сайланатын президенттік басқарудың жаңа үлгісін қолға алған Қасым-Жомарт Кемелұлы Тоқаев 1953 жылы 17 мамырда Алматы қаласында туған. Әкесі – Кемел Тоқайұлы Тоқаев (1923-1986) Ұлы Отан соғысының ардагері, белгілі жазушы, қазақ әдебиетінің детективті-шытырман оқиғалы жанрының негізін қалаушы. Шешесі – Тұрар Шабарбаева (1931-2000) Алматы шет тілдері педагогикалық институтында қызмет еткен. 1975 жылы Мәскеу мемлекеттік халықаралық қатынастар институт бітірген. КСРО-ның Қытай Халық Республикасындағы елшілігінде диплом алдындағы тағылымдамадан өткен. 1983-1984 жылдар аралығында Бейжің лингвистика институтында тағылымдамадан өтті. 1992 жылы Ресей Федерациясы Сыртқы істер министрлігінің Дипломатиялық академиясын тәмамдады.Еңбек жолын 1975 жылы КСРО-ның Сыртқы істер министрлігінде бастап, Кеңес Одағының Сингапур Республикасындағы елшілігіне жұмысқа жолданған. 1979 жылы КСРО Сыртқы істер министрлігінің аппаратына оралады. 1984-1985 жылдар аралығында КСРО Сыртқы істер министрлігінде қызмет атқарып, кейіннен Кеңес Одағының Қытай Халық Республикасындағы елшілігіне жіберілді. Онда 1991 жылға дейін екінші хатшы, бірінші хатшы және кеңесші лауазымдарында қызмет істейді.1992 жылы Қазақстан Республикасының Сыртқы істер министрінің орынбасары болып тағайындалады. 1993 жылы Қазақстан Республикасының Сыртқы істер министрінің бірінші орынбасары болды. 1994 жылы еліміздің Сыртқы істер министрі болып тағайындалады. 1999 жылғы наурызда Қазақстан Республикасы Премьер-Министрінің орынбасары болды. 1999 жылғы қазанда Парламенттің келісімі бойынша Қазақстан Республикасы Президентінің Жарлығымен Премьер-Министр болып тағайындалды. 2002 жылғы қаңтарда Қазақстан Республикасының Мемлекеттік хатшысы – Сыртқы істер министрі болды. 2003-2007 жылдары – Қазақстан Республикасының Сыртқы істер министрі. Бұл қызметте жаһандық ядролық қару-жарақты таратпау үдерісіне белсенді атсалысты.2007 жылғы қаңтарда Қазақстан Республикасы Парламент Сенатының Төрағасы болып сайланды. 2008 жылы Қазақстан Парламентінің жоғары палатасының спикері ретінде ЕҚЫҰ Парламенттік ассамблеясының вице-президенті болып сайланды.2011 жылғы наурызда БҰҰ Бас хатшысының орынбасары, БҰҰ-ның Женевадағы бөлімшесінің Бас директоры, сондай-ақ Қарусыздану жөніндегі конференцияда БҰҰ Бас хатшысының жеке өкілі болып тағайындалды. Сонымен қатар Қарусыздану жөніндегі конференцияның Бас хатшысы лауазымын атқарды. ТМД-ның және Шанхай ынтымақтастық ұйымының Сыртқы істер министрлері кеңесінің төрағасы болып сайланды.2013 жылғы 16 қазанда Қазақстан Республикасы Парламент Сенатының Төрағасы болып қайта сайланды.2019 жылғы 20 наурызда Қазақстан Республикасының Президенті ретінде ант қабылдады.2019 жылы 9 маусымда өткен кезектен тыс Президент сайлауында 70,96 пайыз дауыс жинап, Қазақстан Республикасының Президенті болып сайланды. 2019 жылы 12 маусымда ҚР Конституциясының 42-бабына сәйкес ант беріп, ресми түрде сайланған Президент ретінде Мемлекет басшысының лауазымына кірісті.2021 жылы сәуір айынан бастап Қазақстан халқы Ассамблеясының Төрағасы. 2022 жылы қаңтар айынан бастап Қазақстан Республикасы Қауіпсіздік Кеңесінің Төрағасы. Төтенше және Өкілетті Елші. Саяси ғылымдарының докторы. Дүниежүзілік гуманитарлық және жаратылыстану ғылымдары академиясының толық мүшесі. Қауіпсіздік жөніндегі Мюнхен конференциясы «Ғұламалар кеңесінің» мүшесі. Шэньчжэнь университетінің (ҚХР) және Ресей Федерациясының Сыртқы істер министрлігі Дипломатиялық академиясының құрметті профессоры. Қазақстанның халықаралық қатынастар жөніндегі кеңесінің құрметті президенті. Женева Дипломатия және халықаралық қатынастар мектебінің құрметті деканы. Ресей биографиялық қоғамының тұжырымы бойынша 2018 жылдың «Жыл адамы» лауреаттарының тізіміне енген. 13 жыл бойы Қазақстанның үстел теннисі федерациясын басқарды.Халықаралық қатынастар мәселелеріне арналған 10 кітаптың авторы. Қазақстан Республикасының және шет елдердің көптеген мемлекеттік наградаларымен, сондай-ақ медальдармен марапатталған.

Мемлекет басшысы Қасым-Жомарт Тоқаев қызметіне кірісті

Kyzylorda-news.kz. Мемлекет басшысы Қасым-Жомарт Тоқаев тың «Әкімдердің халықпен кездесулерін өткізу туралы» Жарлығына сәйкес аудан әкімінің қараша айындағы ауылдық округтердегі халықпен кездесулері жалғасуда. &nbsp;Қазалы ауданының әкімі Мұхтар Оразбаев Ғ.Мұратбаев және Майлыбас ауылдық округінің тұрғындарымен кездесіп, ұсыныс-пікірлерін тыңдады.Басқосуларда Мұхтар Әуесұлы алдымен ауданымызда атқарылған жұмыстарға қысқаша тоқталып, қол жеткізген жетістіктер мен алдағы мақсат-міндеттерді тілге тиек етті.Сонымен қатар, 20 қарашада өткен кезектен тыс Президент сайлауына біркісідей қатысқан ауыл халқына алғысын айтып, ризашылығын білдірді.Кезек ұсыныстарға берілгенде Ғ.Мұратбаев ауылының тұрғындары «Балдәурен» балабақшасын жөндеу, «Ақарық» каналын тазалау, бұлақ қазу, елді мекенге қатынайтын қоғамдық көлікті Әйтеке би кентіндегі аудандық емханаға дейін апару, шеткі көшелерге электр желілерін тартып, бағаналар орнату сияқты ойларын жеткізді.Ал, ақсуаттық ағайындар елді мекендегі 2 көшені жарықтандыру, Байқожа елді мекеніндегі негізгі мектепті орта білім беруге бейімдеу және тағы басқа мәселелер жөнінде ұсыныс айтты.Тұрғындардың көтерген мәселесіне байланысты аудан әкімі Мұхтар Оразбаев жауап беріп, айтылған ұсыныстардың барлығын рет-ретімен шешу үшін жүйелі жұмыс жүргізілетіндігін тілге тиек етті.Тұрғындармен кездесулерге аудандық мәслихат хатшысы Бақытжан Жарылқап, аудандық прокуратураның прокуроры Дінмұхаммед Жұбаназар, аудандық полиция бөлімі бастығының бірінші орынбасары Ғанибек Құрманалиев, аудандық мәслихат депутаты Әбдуәли Рахметов және бірқатар дербес бөлім мен мекеме-кәсіпорын басшылары қатысты.Ақсуат ауылына сапары кезінде аудан әкімі Мұхтар Оразбаев тұрғындарды жеке мәселелері бойынша да қабылдап, ұсыныс-пікірлерін тыңдады.Тұрғындармен кездесуден соң аудан әкімі Мұхтар Оразбаев Ақсуат ауылында жаңадан салынған әкімдік ғимаратының ашылу салтанатына қатысып, халықтың қуанышына ортақтасты.<img src="https://knadmin.beoblood.kz/uploads/FB_IMG_1669535178976_0f8cab127a.jpg" alt="FB_IMG_1669535178976.jpg"><img src="https://knadmin.beoblood.kz/uploads/FB_IMG_1669535182997_c02c8539fd.jpg" alt="FB_IMG_1669535182997.jpg">

Мұхтар Оразбаев ауыл тұрғындарымен кездесті

Мемлекет басшысы Қасым-Жомарт Тоқаевтың ұлықтау рәсімінде сөйлеген сөзі  

Kyzylorda-news.kz. 26 арашада «Amanat» партиясы Жаңақорған аудандық филиалының Атқарушы хатшысы Арман Мажитов Астана қаласында &nbsp;өткен Қазақстан Республикасының Президенті Қасым-Жомарт Кемелұлы Тоқаевты салтанатты ұлықтау рәсіміне қатысты пікір білдірді. &nbsp;<blockquote>«Бүгінгі ұлықтау рәсімі барысында Орталық сайлау комиссиясы жаңадан сайланған Президентке Қазақстан Республикасы Президентінің куәлігін тапсырды. Сонымен қатар, Президент Қазақстан халқына ант берді. Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің Әділетті Қазақстанды қалыптастыруға зор серпін береді. Әрбір Президент сайлауына, сайланған Президентке ха¬лықтың үлкен үмітпен қа¬райтыны – заңдылық. Президент Қасым-Жомарт Тоқаев өзінің сөзінде еліміздің әрі қарайғы дамуының он бағытын белгілеп, нақты жоспарларымен бөлісті. Біз көрнекті дипломат, мемлекетшіл қайраткер ретінде танылған Қасым-Жомарт Тоқаевқа сенім білдіріп, Президентіміздің бастамаларын қолдауға әр кез дайынбыз. Барлығымыз да Қазақстанның болашағы жарқын болып, әлемдік аренадағы беделінің өсе түсуіне мүдделіміз. Енді жаңадан сайланған Президентіміз алдағы уақытта еліміздің гүлденуіне, халықтың әл-ауқатының артуы үшін бар тәжірибесін, күш-жігерін аямайды деп сенеміз», - деді «Amanat» партиясы Жаңақорған аудандық филиалының Атқарушы хатшысы Арман Мажитов.&nbsp;</blockquote><img src="https://knadmin.beoblood.kz/uploads/FB_IMG_1669445992953_76335538b7.jpg" alt="FB_IMG_1669445992953.jpg">

Арман Мажитов:  Мемлекет басшысына халық болып қолдау білдірейік

Kyzylorda-news.kz. Биыл ҚР Мәдениет қайраткері, «Құрмет» орденінің, Халықаралық әдеби «Алаш» сыйлығының иегері, белгілі ақын Мырзан Кенжебайдың 75 жылдық мерейтойы. Осыған орай аудандық мәдениет үйінде «Ақын – елдің ардағы» атты кездесу кеші өтті.Мерекелік кешке аудан әкімінің орынбасары К.Бержанов қатысып, мерейтой иесіне ыстық ықыласын жеткізді.<blockquote>«Туған жеріміздің табиғатын, өмір жолдарын шығармаларына арқау етіп, аймағымыздың абыройын асқақтатқан Әбдіжәміл Нұрпейісов, Зейнолла Шүкіров, Шөмішбай Сариевтер сынды көш бастап, топ жарған таланттарымыздың жолын жалғап әкеткен тұлғалардың бірі – Мырзан Кенжебай. Міне, біз осындай ардақты ағаларымызды мақтан тұтып, кейінгі ұрпаққа дәріптеуіміз қажет. Бүгінгі келіп жеткен мерейлі 75 жасыңыз құтты болсын! Өскелең ұрпаққа өнеге болған мол мұраларыңыз көбейіп, жазарыңыз таусылмасын. Шығармашылық шабытыңыз шалқи берсін.»-деп қазақы дәстүрмен иығына шапан жауып, құрмет көрсетті.</blockquote>Әрі қарай белгілі күйші-композитор Мұрат Сыдықов ағамыз ақынға деген ізгі лебізін білдіре отырып, күй тартуын жолдады. Одан соң қаламгердің өнер әлемінде қатар жүрген ақын інілері Толыбай Абылаев пен Ерғали Абдулла сөз алып, жазушының өнегелі өмірі мен шығармашылығы туралы естеліктерді ортаға салды.Өз кезегінде мерейтой иесі ақындық жолы мен теңіз тақырыбындағы туындыларына тоқталып өтті. Сонымен бірге, бүгінгі рухани шараның өтуіне ұйытқы болған ұйымдастырушыларға ыстық ықыласымен құшақ жайған жерлестеріне алғысын білдіріп, ризашылығын жеткізді.Іс-шара барысында оқушылар ақынның жыр жинағынан үзінді оқып, аудан өнерпаздары жыр-термелер пен эстрадалық әндерді нақышына келтіре орындады.<img src="https://knadmin.beoblood.kz/uploads/FB_IMG_1669393684274_041480be12.jpg" alt="FB_IMG_1669393684274.jpg"><img src="https://knadmin.beoblood.kz/uploads/FB_IMG_1669393681132_024626cc5c.jpg" alt="FB_IMG_1669393681132.jpg"><img src="https://knadmin.beoblood.kz/uploads/FB_IMG_1669393687644_375ac66b81.jpg" alt="FB_IMG_1669393687644.jpg">

Ақын Мырзан Кенжебайдың 75 жылдық мерейтойына арналған кездесу кеші өтті

Kyzylorda-news.kz. &nbsp;Қорқыт ата атындағы Қызылорда университетінің 85 жылдығына орай «Қазіргі заманғы математика: проблемалары және қолданыстары» атты III халықаралық «Тайманов оқулары» өтті.Математикалық логика, топология және модельдер теориясы салаларындағы ірі ғалым, физика-математика&nbsp; ғылымдарының докторы, профессор,&nbsp; ҚазССР&nbsp; Ғылым академиясының&nbsp; академигі&nbsp; Асан Дабысұлы Таймановтың ғылыми-педагогикалық қызметіне арналған «Қазіргі заманғы математика: проблемалары және қолданыстары» атты ІІІ Тайманов оқуларын университет базасында өткізу дәстүрге айналған.Конференцияда Қорқыт ата атындағы Қызылорда университетінің басқарма төрағасы – ректоры Бейбіткүл Кәрімова&nbsp; ІІІ Тайманов оқуларының өткізілуі университет тарихындағы маңызды шара екенін, математика және жаратылыстану саласында&nbsp; жаңа зерттеулерді&nbsp; дамытуға&nbsp; ықпал ететінін атап өтті.Қорқыт Ата университеті өзінің құрылуы мен дамуына үлес қосқан тұлғалар есімін әр уақытта жадында сақтайды. Университет тарихында ғылым мен білімге қызмет еткен, ізденімпаз ұрпақ тәрбиелеуге лайықты үлес қосқан профессор-оқытушылар мен педагогтардың аттары алтын әріппен жазылған.Сондай саңлақ тұлғалардың бірегейі – танымал ғалым-математик Асан Тайманов болатын. Ол 1947 жылдан 1954 жылға дейін Н.В.Гоголь атындағы Қызылорда педагогикалық институтының жоғары математика кафедрасын&nbsp; басқарды. Осы жылдарда ол университеттің және аймақтың білімі мен ғылымының дамуына елеулі үлесін қосты, – деді Бейбіткүл Сәрсемханқызы.Айта кету керек, Асан Дабысұлы аз уақыт ішінде студенттер мен оқытушылар арасында ғылыми жұмыстар ұйымдастыруда бірқатар жаңалықтар енгізді. Облыс көлемінде оқушылар арасында тұңғыш математикалық олимпиадалар ұйымдастырды. Математика салалары бойынша іргелі нәтижелерге қол жеткізіп, Одақ көлеміне танылды.&nbsp;2013 жылы І Тайманов оқулары аясында кезінде өзі қызмет еткен №6 оқу ғимаратында «Академик А.Д.Тайманов атындағы дәрісхана» ашылып,&nbsp; ғалымның бюсті қойылды. Алғашқы конференцияға 40 ғылым докторы, 15 әртүрлі академияның&nbsp; академигі, 75 ғылым кандидаты мен жас зерттеушілер қатысты.Академик Асан Таймановтың 100 жылдығына арналған ІІ&nbsp; халықаралық-ғылыми&nbsp; Тайманов оқулары университеттің 80 жылдығы аясында мерейтойлық іс-шаралар бағдарламасына кірді.&nbsp;Білім ордасының 85 жылдығына орай ұйымдастырылған конференцияға&nbsp; Ресей ғылым академиясының академигі, Новосібір мемлекеттік университетінің геометрия және топология кафедрасының меңгерушісі, физика-математика ғылымдарының докторы, профессор Искандер Тайманов, Қазақстан Республикасы Ұлттық ғылым академиясының корреспондент-мүшесі, математика және математикалық модельдеу институты бас директорының орынбасары, физика-математика ғылымдарының докторы, профессор Бектұр Байжанов, Қазақстан Республикасы Ұлттық ғылым академиясының академигі, физика-математика ғылымдарының докторы, профессор Асқар Жұмаділдаев, Қ.Сәтбаев атындағы Қазақ ұлттық техникалық зерттеу университетінің профессоры, физика-математика ғылымдарының докторы, математика және математикалық модельдеу институтының бас ғылыми қызметкері Виктор Вербовский қатысты. Конференция&nbsp; бағдарламасына&nbsp; 60-тан аса баяндама енгізілді.Ауқымды шара университет пен Қызылорда қоғамдық даму басқармасының бірлесуімен «Ұлттың тұрақты дамуын қамтамасыз ету, тұрғындар арасында бірлікті, әлеуметтік оптимизм мен болашаққа деген сенімділікті нығайту» әлеуметтік жобасы аясында ұйымдастырылды.Конференция аясында секция жұмыстары жүргізіліп, мұнан кейін ғалымның ескерткішіне гүл шоқтарын қою рәсімі өтті.<img src="https://knadmin.beoblood.kz/uploads/FB_IMG_1669392431688_3b3e9083d3.jpg" alt="FB_IMG_1669392431688.jpg"><img src="https://knadmin.beoblood.kz/uploads/FB_IMG_1669392437897_599d3d8a6d.jpg" alt="FB_IMG_1669392437897.jpg"><img src="https://knadmin.beoblood.kz/uploads/FB_IMG_1669392428683_8794e55161.jpg" alt="FB_IMG_1669392428683.jpg"><img src="https://knadmin.beoblood.kz/uploads/FB_IMG_1669392442051_75cf14d077.jpg" alt="FB_IMG_1669392442051.jpg"><img src="https://knadmin.beoblood.kz/uploads/FB_IMG_1669392451611_54a3477613.jpg" alt="FB_IMG_1669392451611.jpg"><img src="https://knadmin.beoblood.kz/uploads/FB_IMG_1669392454337_37b68b892a.jpg" alt="FB_IMG_1669392454337.jpg">

Қызылордада  III халықаралық «Тайманов оқулары» өтті

Kyzylorda-news.kz. 22 қарашадан облыстағы білім беру ұйымдарында «Жасөспірімдер арасындағы құқық бұзушылықтық алдын алу» тақырыбында түсіндірме жұмыстары басталды.Шараға облыстық білім, денсаулық, қоғамдық даму басқармалары мен облыстық прокуратура, полиция департаменті, құқықтық статистика және арнайы есепке алу жөніндегі комитеттің облыс бойынша басқарма мамандары қатысуда.Алғашқы 4 күн бойынша құқықтық түсіндірме шаралары Қызылорда қаласындағы 19 колледжде, Арал, Қазалы, Қармақшы, Жалағаш, Сырдария, Шиелі, Жаңақорған аудандарындағы 11 техникалық және кәсіптік білім беру ұйымдары мен облыстағы 123 мектепте ұйымдастырылды. Аталған шараға 8-11 сынып аралығындағы 13197 оқушы және 1-2 курста білім алатын 3118 студент қатысты.Кездесулер барысында білім басқармасының маманы Ш. Байғазиева құқықтық тәрбиенің маңыздылығына тоқталып, бұл бағыттағы жұмыстарды кең көлемде жүргізу кәмелетке толмағандар арасында қылмыстың алдын алуға мүмкіндік беретінін атап өтті.Сондай-ақ, денсаулық саласының өкілдері нашақорлықтың адам денсаулығына зияны жөнінде баяндаса, құқық қорғау органдарының қызметкерлері жастармен жасалатын қылмыс, зорлық-зомбылық әрекеттерінің алдын алу бойынша құқықтық түсіндірме берді.​ ​ ​ ​ ​Жиында білім алушыларға арнайы әзірленген бейнероликтер көрсетіліп, ақпараттық жадынамалар таратылды. Айта кету қажет, жоспарға сәйкес профилактикалық түсіндіру жұмыстары мектептер мен колледждерде 30 қарашаға дейін жалғасатын болады.<img src="https://knadmin.beoblood.kz/uploads/FB_IMG_1669391019647_4e0f7a25c3.jpg" alt="FB_IMG_1669391019647.jpg"><img src="https://knadmin.beoblood.kz/uploads/FB_IMG_1669391028094_c6b1a06134.jpg" alt="FB_IMG_1669391028094.jpg"><img src="https://knadmin.beoblood.kz/uploads/FB_IMG_1669391012780_6bd11b602f.jpg" alt="FB_IMG_1669391012780.jpg">

Қазақстан және Қызылорда облысының жаңалықтары: Қазақстан Тәуелсіздігіне – 30 жыл