Kyzylorda-newskz. Бүгін аудан әкімі Мұхтар Оразбаев Қарақұм беткейдегі Шәкен ауылына арнайы барып, шалғайдағы елді мекен тұрғындарымен кездесті.Кездесуде алдымен ауданда атқарылған жұмыстар мен алдағы уақытта қолға алынатын жобалар айтылып, тұрғындар тарапынан қойылған сауалдарға жауап берілді.Сондай-ақ, Мұхтар Әуесұлы 20 қарашада өткен кезектен тыс Президент сайлауына біркісідей қатысқан ауыл халқына алғысын айтып, ризашылығын білдірді.Басқосуда шалғайдағы Шәкен ауылының тұрғындары елді мекенге трансформатор орнату, №134 мектепке оқушылар тасымалдайтын автокөлік алып беру, кәсіпкерлерге жеңілдетілген несие беру, округке қарасты Шилі елді мекеніндегі ұялы байланыс желісінің сапасын жоғарылату және тағы басқа да бірнеше өзекті мәселелерді көтерді.Тұрғындардың көтерген мәселесіне байланысты аудан әкімі Мұхтар Оразбаев жауап беріп, айтылған ұсыныстардың барлығын рет-ретімен шешу үшін жүйелі жұмыс жүргізілетіндігін тілге тиек етті.Халықпен кездесулерде аудан прокуроры Дарын Әбіш те сөз сөйлеп, елімізде алғаш рет прокуратура туралы заңға конституциялық мәртебе берілгенін жеткізді.Тұрғындармен кездесулерге аудандық мәслихат хатшысы Бақытжан Жарылқап, аудан прокуроры Дарын Әбіш, аудандық полиция бөлімі бастығының бірінші орынбасары Ғанибек Құрманалиев, аудандық мәслихат депутаты Әбдуәли Рахметов және бірқатар дербес бөлім мен мекеме-кәсіпорын басшылары қатысты.Кездесулерден соң аудан әкімі Мұхтар Оразбаев пен аудан прокуроры Дарын Әбіш тұрғындарды жеке мәселелері бойынша қабылдап, ұсыныс-пікірлерін тыңдады.<img src="https://knadmin.beoblood.kz/uploads/FB_IMG_1669393471732_78f4251b38.jpg" alt="FB_IMG_1669393471732.jpg"><img src="https://knadmin.beoblood.kz/uploads/FB_IMG_1669393466554_9ffc71b8f7.jpg" alt="FB_IMG_1669393466554.jpg">

Мұхтар Оразбаев Қарақұм беткейдегі елді мекен тұрғындарымен кездесті

Kyzylorda-news.kz. &nbsp;Қазақстанда президент сайлауы мәресіне жетті, деп хабарлайды ҚазАқпарат.&nbsp;Астана уақытымен сағат 20.00-де еліміздің 15 өңірінде, ал дәл қазір Атырау, Ақтөбе, Батыс Қазақстан, Қызылорда және Маңғыстау облыстарында дауыс беру аяқталды.Осылайша, еліміздің барлық өңірінде ашылған 10 033 сайлау учаскесі жұмысын тоқтатты.Енді учаскелік сайлау комиссияларының мүшелері бюллетендерді санайды.Сағат 18.00-дегі дерекке сәйкес, Қазақстанның шет елдердегі мекемелері жанынан ашылған 68 сайлау учаскесінің 10-ы жұмысын аяқтады.57 сайлау учаскесі жұмысын жалғастырып жатыр. Бір учаске әлі ашылған да жоқ.Нақтырақ айтқанда, Сан-Франциско қаласындағы учаске астана уақытымен сағат 21.00-де ашылады.Сағат 20.00-дегі жағдай бойынша республиканың <a href="https://www.inform.kz/kz/elimizdegi-bukil-saylaushylardyn-69-payyzy-tandauyn-zhasady_a4004037">8 282 607 азаматы</a> бюллетень алды.Бұл - тізімге енген азаматтардың 69,31 пайызы.

Қазақстанда президент сайлауы аяқталды

Kyzylorda-news.kz. Қызылордалықтар республика бойынша белсенді үштікте.&nbsp;Ал, облысымыз бойынша үздік аудандар:<ol><li>Жалағаш ауданының -86,86%</li><li>Арал Ауданының – 86,77% З, Қармақшы Ауданының -85,82%</li><li>Сырдария Ауданының -85,50%</li><li>Жаңақорған Ауданының -85,41%</li><li>Шиелі Ауданының -85,32%</li><li>Қазалы ауданының – 85,31%</li><li>Қызылорда Қаласының – 65,43% тұрғыны осы сағатта дауыс беріп үлгерген</li></ol>

Қызылордалықтар сайлауға белсенді қатысуда

Kyzylorda-news. kz. &nbsp;Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 16.05-тегі (Астана уақыты) жағдай бойынша тізімге енгізілген азаматтардың жалпы санының 62,34 % бюллетень алды.Оның ішінде: 1. &nbsp;Абай облысы бойынша – 73,57 % 2. &nbsp;Ақмола облысы бойынша – 71,38 % 3. &nbsp;Ақтөбе облысы бойынша – 68,81 % 4. &nbsp;Алматы облысы бойынша – 55,11% 5. &nbsp;Атырау облысы бойынша – 60,87 % 6. &nbsp;Батыс Қазақстан облысы бойынша – 54,62 % 7. &nbsp;Жамбыл облысы бойынша – 68,74 % 8. &nbsp;Жетісу облысы бойынша – 68,88 % 9. &nbsp;Қарағанды облысы бойынша – 71,89 % 10. &nbsp;Қостанай облысы бойынша – 71,38 % 11. &nbsp;Қызылорда облысы бойынша – 72,88 % 12. &nbsp;Маңғыстау облысы бойынша – 59,61 % 13. &nbsp;Павлодар облысы бойынша – 72,73 % 14. &nbsp;Солтүстік Қазақстан облысы бойынша – 72,21 % 15. &nbsp;Түркістан облысы бойынша – 80,09 % 16. &nbsp;Ұлытау облысы бойынша 72,75 % 17. &nbsp;Шығыс Қазақстан облысы бойынша – 68,42 % 18. &nbsp;Астана қаласы бойынша – 44,39 % 19. &nbsp;Алматы қаласы бойынша – 26,19 % 20. &nbsp;Шымкент қаласы бойынша – 56,28 %<img src="https://knadmin.beoblood.kz/uploads/FB_IMG_1668932453366_0134cc9b03.jpg" alt="FB_IMG_1668932453366.jpg">

Қызылорда облысында 72,88 пайыз сайлаушы дауыс берді 

Kyzylorda-news.kz. Мемлекет басшысы Қасым-Жомарт Тоқаев Республика күніне орай Ақордада бір топ азаматқа мемлекеттік наградалар мен мемлекеттік сыйлықтар тапсырды.Президент, ең алдымен, салтанатты шараға жиналған қауымды Республика күнімен құттықтады.<blockquote>– Бұл – қазақтың сан ғасырлық мемлекеттілік дәстүрі жаңғырған күн. Бұл – бостандық үшін күрескен бабалар арманы ақиқатқа айналған күн. &nbsp;1990 жылы 25 қазанда Қазақстанның Егемендігі туралы декларация қабылданды. Бұл құжат Тәуелсіздігіміздің саяси-құқықтық негізін қалыптастырды.&nbsp; Бір сөзбен айтсақ, Декларация – еліміздің&nbsp; Тәуелсіздік алуына жол ашқан ақжолтай құжат, – деді Мемлекет басшысы.</blockquote>Президенттің айтуынша, егемендікке бастайтын қасиетті жолды халқымыз ұзақ жылдар бойы жүріп өтті. Ел ағалары мен зиялылар ұлттың санасын сақтау үшін қолынан келгеннің бәрін жасады. Ұлтымыздың азаттыққа деген ұмтылысы Желтоқсан оқиғасында айқын көрінді. Егемендік декларациясын халқымыздың жан-жақты және ұзақ жылғы күресінің нәтижесі деуге болады.<img src="https://knadmin.beoblood.kz/uploads/akorda_1_2e941f71cc.jpg" alt="акорда 1.jpg"><blockquote>– Мен Ұлытауда өткен алқалы жиында Республика күніне ұлттық мереке мәртебесін қайтаруды ұсындым. Оны Қазақстанның басты мейрамы ретінде атап өту туралы бастама көтердім. Бұл бастама халықтың кең қолдауына ие болып, тиісті заңға өзгеріс енгізілді. Биылдан бастап Республика күні – ұлттық мереке. Енді бұл мейрамды күллі ел болып&nbsp; жаңа мазмұнда атап өтетін боламыз. Қайта жаңғырған Республика күні – бұл халқымыздың рухын көтеріп, елдігімізді нығайта түсетін аса маңызды тарихи қадам, – деді Президент.</blockquote>&nbsp;Қасым-Жомарт Тоқаев «республика» сөзі латын тілінен аударғанда «ортақ іс» деген мағына беретінін атап өтіп, республика өз ісіне жауапты азаматтардың ортақ іс-әрекетінің арқасында құрылатынына тоқталды.<blockquote>– Азаматтар – мемлекеттің арқауы. Азаматтары болмаса, мемлекет те болмайды. Қуатты және қарқынды даму жолына түскен мемлекет азаматтардың құқықтарына және олардың еркіндігіне мызғымас кепіл болады. Халқы жасампаз, отаншыл және еңбекқор ел ғана толағай табысқа жетері анық. Сондықтан біздің осы жолдағы бағдарымыз – баршаға айқын. «Адам мемлекет үшін емес, мемлекеттің игілігі адам үшін» қағидасы басты ұстанымға айналды, – деді Мемлекет басшысы.</blockquote>Президенттің айтуынша, мемлекет құру тәжірибесі, тарих сыны мен заман талабы шынайы символдарды айқындап береді.&nbsp;<blockquote>– Біздің паспорт бүкіл әлемде құрметтеледі, оған ешқандай кедергі жоқ. Қазақстан азаматтары шет мемлекеттердің визасын алып, шекараларды кесіп өтеді, қызметтік және жеке мақсатта шетелге еркін шығады. Бұл – біздің этносаралық толеранттылық пен достықты нығайту жөніндегі саясатымыздың, сондай-ақ халықаралық қауіпсіздік пен ынтымақтастықты қамтамасыз етуге бағытталған дәйекті бағдарымыздың нәтижесі, – деді Мемлекет басшысы.</blockquote>&nbsp;Сонымен қатар Президент еліміздің барша азаматтарын біріктіріп, ортақ іске жұмылдыратын тағы бір символы мемлекеттік ту екенін атап өтті.<blockquote>– Әрбір азаматымыз қастерлі Отанымызға деген сүйіспеншілігін мемлекеттік рәміздерге құрметі арқылы көрсете алады. Қазір&nbsp; байрағымызды&nbsp; қоғамдық жерлерде және жекеменшік орындарда қоюға еш тыйым жоқ. Біз домбыраға&nbsp; әр қазақтың төрінен орын бар дейміз. Бұл – дұрыс. Сол сияқты еліміздің әр отбасында көк байрағымыз тұрса, өте жарасымды болатыны сөзсіз. Біздің туымызда&nbsp; халқымыздың бүкіл рухы көрініс тапқан,– деді Мемлекет басшысы.</blockquote>&nbsp;&nbsp;Қасым-Жомарт Тоқаев Қазақстан халқын ұйыстыратын тағы бір құндылық – мемлекеттік тіл екенін айтып, қазақ тілінің мәңгілік мемлекеттік тіл тұғырында болатынын жеткізді.<blockquote>– Қазақ тілінің қолданыс аясын арттыра беру – мемлекеттің міндеті. Бұл жұмыс еш тоқтамайды, жалғаса береді. Жақында мен «Өз тілің – бірлік үшін, өзге тілдер – тірлік үшін» деп айттым. Жастарымыз&nbsp; көп тіл білген сайын бәсекеге қабілетті, білікті маман болады. Тіл, ұлтаралық қатынас – ішкі тұрақтылыққа ықпал ететін өзара тығыз әрі маңызды факторлар. Сондықтан мұндай маңызды мәселелерден саяси құрал жасауға болмайды. Осындай қоғамдық тұрғыдан сезімтал мәселелерді саясиландырудың кесірінен кейбір елдер қасіретті жағдайға ұшырады. Бұл – біздің жол емес, – деді Президент.</blockquote>Мемлекет басшысының айтуынша, Республика күні басты ұлттық мереке ретінде, шын мәнінде, жалпыхалықтық мейрамға айналуға тиіс. Азаматтар Республика күні идеясын зор қуанышпен қабыл алды. Президент әр өңірде салтанатты мерекелік шаралар, ғылыми конференциялар, шығармашылық байқаулар, спорт жарыстары, патриоттық, волонтерлік және қайырымдылық акциялары ұйымдастырылып жатқанын атап өтіп, бізге Республика күнінің мән-маңызын барынша айшықтайтын жалпыұлттық бастамалар керек екенін айтты.Сонымен қатар Мемлекет басшысы жаңа стратегиялық бағдарымызды айқындау маңызды екенін айтып,&nbsp; соңғы жылдары түрлі салада түбегейлі реформалар қолға алынғанын жеткізді.<blockquote>&nbsp;– Мақсатымыз – Әділетті Қазақстанды құру. Қазір біз осы күрделі жолдың басында тұрмыз. Мен үшін халықтың және мемлекеттің мүддесі бәрінен биік. Сол себепті мен осы стратегиялық бағытты еліміздің басты бағдары ретінде жарияладым. Бұл жолдағы барлық жауапкершілік жүгін арқалауға дайынмын, – деді Мемлекет басшысы.</blockquote>Президент Әділетті Қазақстанда экономикалық саясат азаматтардың өз қарым-қабілетін іске асыруға, отандастарымыздың тұрмыс сапасының ұдайы жақсаруына мол мүмкіндіктер мен тең жағдай жасауға бағытталатынын айтты. Сондай-ақ сот жүйесі мен құқық қорғау саласындағы реформалар жалғасады, заң мен тәртіп азаматтардың мемлекетке деген сенімін арттырудың негізгі факторына айналады. &nbsp;<blockquote>– Адамдар – біздің басты байлығымыз, экономикалық және қоғамдық дамудың басты қозғаушы күші. Сондықтан біз адам әлеуетін арттыруға бағытталған стратегиялық инвестицияны ұлғайтамыз, жастарымыз бен әлеуметтік әлсіз санаттағы азаматтарымызды жан-жақты қолдаймыз. Түптеп келгенде, біз бүкіл&nbsp; құндылықтар жүйесін қайта қарап, ұлттың жаңа болмысын қалыптастыруымыз керек, – деді Қасым-Жомарт Тоқаев.&nbsp;</blockquote>Президент сөзінің соңында елдің дамуына елеулі еңбек сіңірген бірқатар азаматты жоғары мемлекеттік наградалармен марапаттады. Сондай-ақ руханият саласына зор үлес қосқан шығармашылық өкілдеріне Абай атындағы әдебиет және өнер саласындағы Мемлекеттік сыйлықты тапсырды.Президент Қасым-Жомарт Тоқаевтың сөйлеген сөзінің толық мәтінімен <a href="https://akorda.kz/kz/prezident-kasym-zhomart-tokaevtyn-memlekettik-nagradalar-men-syylyktar-tapsyruga-arnalgan-saltanatty-rasimde-soylegen-sozi-2293246">мына сілтеме</a> арқылы танысуға болады.<figure class="image"><img src="https://knadmin.beoblood.kz/uploads/akorda_2_0906d88ae3.jpg" alt="акорда 2.jpg"></figure>

Президент Республика күніне орай мемлекеттік наградалар мен мемлекеттік сыйлықтар тапсырды

Kyzylorda-news.kz. Биыл ҚР Конституциясының қабылданғанына – 27 жыл толды. Маусым айының 5-і күні жалпыхалықтық референдумда Ата Заңның 33-бабына 16 тармақ бойынша өзгерістер мен толықтырулар енгізіліп, толық күшіне енген болатын.
Атаулы күнге орай Өңірлік коммуникациялар қызметінде өткен баспасөз конференциясында Қызылорда облысының Әділет департаменті басшысының орынбасары Әлмеш Баукен және Қызылорда облысы жеке сот орындаушылар Өңірлік палатасының басшысы Кирилл Десятниченко Ата заңның негізгі қағидаларына тоқталып, заң аясында атқарылған жұмыстарды баяндап өтті.
<blockquote>
 -Биыл Мемлекет басшысы ҚР Конституциясына өзгерістер мен толықтырулар енгізу бойынша арнайы Жарлыққа қол қойған болатын. Соның негізінде республикалық деңгейде Орталық сайлау комиссияның құрамымен өңірлерді аралап, құқықтық түсіндірме жұмыстары жүргізілді. Жаңадан енгізілген Конституцияда жоғары лауазымды тұлғаларды тағайындау, Конституциялық сот құру туралы арнайы заң қабылдады. Бұдан басқа, «ҚР Әкімшілік құқық бұзушылықтар туралы Кодексіне өзгерістер мен толықтырулар енгізу туралы» заң жобасы да әзірленуде. Аталған заңдарды осы жылдың соңына дейін қабылдау межеленген, – деді облыстық Әділет департаменті басшысының орынбасары Әлмеш Баукен.
 -ҚР жеке сот орындаушылар республикалық палатасы әлемдегі ең жас институттардың бірі. Қазіргі таңда республика аумағындағы барлық облыстарында жеке сот орындаушылар жұмыс істеуде. Жеке сот орындаушылардың негізгі мақсаты – сот шешімдерін, сот қаулыларын және басқа да құжаттарды орындау болып табылады. Бүгінде аймақ бойынша 80-ге жуық жеке сот орындаушы қызметкер бар. Осы ретте жыл басынан бері барлығы 267 872 атқарушы құжаты орындалып, 73 млрд теңгеден астам қаржы тиісті заң арқылы өндірілді. Бұл былтырғы жылмен салыстырғанда 44 мың атқарушы құжатқа артық орындалды, – деді Қызылорда облысы жеке сот орындаушылар Өңірлік палатасының басшысы Кирилл Десятниченко.
</blockquote>
<img src="https://kyzylorda-news.kz/wp-content/uploads/2022/08/fb_img_1661613610346.jpg" alt="" />

Биыл ҚР Конституциясына — 27 жыл

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрлігі Мемлекет Басшысы тағайындаған «Тәуелсіздік ұрпақтары» грантын ұсыну жөніндегі конкурстың басталғаны туралы хабарлайды.
2022 жылы әрбір грантқа 3 млн.теңгеден 30 грант берілетін болады.
Грант берудің мақсаты белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекеттік қолдау болып табылады.
Конкурстық өтінімдерді қабылдау аяқталған кезде жасы 14-тен кем емес және 29-дан аспайтын, конкурсқа қатысуға өтінім берген Қазақстан Республикасының кез-келген азаматы үміткер бола алады.
Гранттар Қазақстан Республикасының азаматына жаңа идеялар мен бастамаларды іске асыру үшін конкурстық негізде мынадай бағыттар бойынша беріледі:
«Ғылым»&nbsp;– ғылымның басым секторларында жаңа ғылыми жобаларды және зерттеулерді іске асыруға арналған;
«Мәдениет»&nbsp;– Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;
«Ақпараттық технологиялар»&nbsp;– жаңа IT шешімдер мен жобаларды, оның ішінде жаңадан басталған стартап жобаларды іске асыруға және дайындауға арналған;
«Бизнес»&nbsp;– экономиканың басым секторларында жаңа бизнес-идеяларды іске асыруға арналған;
«Медиа»&nbsp;– жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған.
Үміткерлердің конкурстық өтінімдері&nbsp;(қағаз нұсқада) ағымдағы жылғы&nbsp;14&nbsp;тамызға&nbsp;дейін мына мекенжай бойынша қабылданады: Нұр-Сұлтан қаласы, Мәңгілік Ел даңғылы, 8, «Министрліктер Үйі» Әкімшілік ғимараты (14-кіреберіс); Байланыс нөмірлері: 8(7172)74-12-78, 8(702-000-88-12),&nbsp;(электрондық нұсқасы)&nbsp;<a href="mailto:generation.kaz@gmail.com">generation.kaz@gmail.com</a>&nbsp;поштасына қабылданады.&nbsp;
Конкурстық өтінімдер мемлекеттік және (немесе) орыс тілдерінде қабылданады және:
1) нысан бойынша жобаның сипаттамасы;
2) жобаның бейне-таныстырылымы (60 секундтан аспайды);
3) шығыстар сметасының жобасы;
4) зияткерлік меншік туралы мәліметтер (бар болса) қамтылуы тиіс.
Айта кетейік, 2021 жылы Тәуелсіздік күні қарсаңында Мемлекет Басшысы Қ.К. Тоқаев еліміздің 30 жас азаматына «Тәуелсіздік ұрпақтары» грантын табыс етті.&nbsp;Оның ішінде 5 жас адам «Мәдениет» бағыты бойынша, 6 адам – «Ғылым», 5 адам – «Ақпараттық технологиялар», 5 адам – «Медиа», 9 адам – «Бизнес». ҚР Мемлекеттік хатшысының 2022 жылғы 25 ақпандағы №2 Өкімімен грант алушылар Намурадин Айсана мен Наумова Динара ҚР Президентінің жанындағы жастар саясаты жөніндегі Кеңестің құрамына кірді.

«Тәуелсіздік ұрпақтары» грантына өтінім қабылдау басталды

<a href="https://kyzylorda-news.kz/ru/">Kyzylorda-news.kz</a>. Қазақстанның Нидерландыдағы Елшісі Асқар Жұмағалиев Корольдік индустриялық клуб мүшелерін инвестициялау үшін қызықты секторлармен, сондай-ақ мемлекеттің одан арғы даму бағыты жөніндегі жоспарларымен таныстырды, деп хабарлайды <a href="https://lenta.inform.kz/kz/kazakstan-zhahandyk-basekege-kabilettilik-reytingisinde-35-orynga-ie-boldy_a3942447">ҚазАқпарат.</a>
Дипломат Қазақстан бизнес үшін күшті және бәсекеге қабілетті орта құруға ерекше назар аударатынын атап өтті. Өз сөзін растау ретінде ол жаһандық бәсекеге қабілеттілік рейтингісін мысалға келтірді, онда Қазақстан 35 орынға ие болды.
<blockquote>
 «Дүниежүзілік банктің соңғы есебіне сәйкес, Қазақстан бизнес жүргізу бойынша 190 елдің ішінде 25-ші орында», – деді А.Жұмағалиев.
</blockquote>
Елші салық жеңілдіктері туралы хабарлап, әлеуетті инвесторлардың назарын аударды.
<blockquote>
 «Мен бұрын айтып өткен қаржылық және экономикалық тұрақтылықтан басқа, ел түрлі салаларда жан-жақты мемлекеттік қолдау ұсынады. Біз корпоративті табыс салығынан, жер салығынан, мүлік салығынан босату және фискалдық емес ынталандыру: жер учаскесі мен инфрақұрылым сияқты салықтық жеңілдіктерді қамтитын инвестициялық жобаларға қолдау көрсетеміз», – деді ол.
</blockquote>
Дипломат сондай-ақ инфрақұрылым мен инвестициялық преференциялардың кең спектрін ұсынатын бүкіл Қазақстан бойынша орналасқан 13 арнайы экономикалық аймақ, 36 өнеркәсіптік аймақ туралы айтып өтті.
А.Жұмағалиев атап өткендей, Қазақстанда Еуразиялық экономикалық одақ елдерін, Қытай мен Каспий бассейнін қоса алғанда, миллиардтан астам тұтынушылардың нарыққа тікелей қолжетімділігі бар. Сонымен қатар, елде көлік инфрақұрылымы жақсы дамыған.
<blockquote>
 «Менің ойымша, бұл себептер Қазақстанның инвесторлар үшін неліктен тартымды екеніне жауап бола алады. Сондықтан Нидерланд Қазақстандағы бірінші нөмірлі шетелдік инвестор деп ойлаймын. Патшалық біздің елге 105 миллиард доллардан астам инвестиция салды», – деп түйіндеді ол.
</blockquote>
Корольдік клуб мүшелері преференциялардан басқа, кадр мәселелері, ағылшын тілін меңгеру деңгейі, Қазақстанның климаттық ерекшеліктері және елде жүргізіліп жатқан реформалар туралы алаңдады. Асқар Жұмағалиев референдум, оны өткізу нәтижелері және Конституцияға енгізілетін түзетулерге әкеп соқтыратын өзгерістер туралы да хабардар етті.

Қазақстан жаһандық бәсекеге қабілетті 35 елдің қатарында

Kyzylorda-news.kz. Бүгін Сыр елінде Мемлекеттік рәміздердің 30 жылдығына арналған «Таңбасы тарих, байрағы биік – Қазақстан!» атты патриоттық акция ұйымдастырылды.
Рәміздер алаңында өткен мерекелік іс-шараға облыс әкімі Нұрлыбек Нәлібаев, зиялы қауым өкілдері, өнер саласының қызметкерлері мен белсенді жастар қатысты. 
Аймақ басшысы барша Сыр жұртын мерекемен құттықтап, мемлекеттік рәміздер Тәуелсіздіктің баға жетпес құндылығы екенін жеткізді.
<blockquote>
 Сіздерді Қазақстан Республикасының Мемлекеттік рәміздерінің қабылданғанына 30 жыл толуымен шын жүректен құттықтаймын! 
 Кез келген елдің елдігін, мемлекеттің мәртебесін айқындайтын басты құндылықтары, ол – шекарасы, астанасы және мемлекеттік рәміздері. 
 Ту, Елтаңба және Гимн Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. 
 Президентіміз Қасым-Жомарт Кемелұлы: «Елтаңба, Ту, Әнұран – Тәуелсіздігіміздің басты құндылықтарының көрінісі, бейбітшіліктің, бірлік пен келісімнің, өсіп-өркендеудің белгісі», – деп айтқандай, көгімізде Көк Байрағымыз асқақтап, тұлпар тұрпатты Елтаңбамыз жарқырап, Гимніміз шарықтай берсін, Тәуелсіздігіміз мәңгі болсын! Мемлекеттік Рәміздеріміздің мәртебесі арта берсін!, – деді Н.Нәлібаев.
</blockquote>
Жиында облыс әкімі тәуелсіз еліміздің Елтаңбасы авторларының бірі, танымал сәулетші жерлесіміз Жандарбек Мәлібековтың мерейлі 80 жасына орай Сыр елінде айтулы шаралар ұйымдастырылатынын атап өтті.
Патриоттық акцияда үш дүркін «Алтын домбыра» иегері, айтыстың Ақтаңгері, Сыр сүлейі Мұхтар Ниязов, Сыр толағайы, әлем чемпионы Илья Ильин, химия-биология бағытындағы халықаралық, республикалық олимпиаданың жүлдегері Жангерей Зинелов ұлтты ортақ мүддеге ұйыстыратын бұл мерекенің мәні мен маңызын жеткізді. 
Арнайы іс-шарада облыс әкімі зиялы қауыммен бірге “Жас ұлан” ұйымының қатарына қабылданған оқушыларға арнайы галстук тағып, қадамына сәттілік тіледі. 
Мұнан кейін іс-шара авто-мото және велошерумен жалғасты. 20-дан астам жеңіл көлік, 10 мото, 200-ден астам велошабандоздар мерекеге көрік берді.
<img src="https://kyzylorda-news.kz/wp-content/uploads/2022/06/fb_img_1654341062807.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341068390.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341072536.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341075810.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341085697.jpg" alt="" />

Қызылордада «Таңбасы тарих, байрағы биік &#8211; Қазақстан!» атты патриоттық акция өтті

Kyzylorda-news.kz. Президент Мемлекеттік рәміздердің 30 жылдығына арналған Мемлекеттік ту көтеру салтанатты рәсіміне қатысты, деп хабарлайды Ақорда.
Қасым-Жомарт Тоқаев жиынға қатысушыларды Мемлекеттік рәміздер күнімен құттықтап, бұл күннің егемен еліміз үшін айрықша мерейлі әрі маңызды екенін атап өтті. Оның айтуынша, қастерлі Тәуелсіздігіміздің рәміздері қабылданғанына дәл бүгін 30 жыл толып отыр.
<blockquote>
 – Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк түріктер заманында бабаларымыз бөрілі байрақтың төңірегіне топтасты. Қазақ хандығының туы бүкіл ұлтты ұйыстырды, ел бірлігін бекемдеді. Ал, өткен ғасырда арыстарымыз «Алаш туы астында, Күн сөнгенше сөнбейміз!» деп халыққа жігер берді.&nbsp;&nbsp; Көне дәуірден мирас болған осы дәстүр ұрпақтан ұрпаққа жалғасып, бүгінгі күнге жетті.&nbsp;&nbsp; Қазақ елінің көгінде Ұлы даланың айбынын асырған Тәуелсіздік туы желбіреді. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1654319933_KZ4_8051.jpg" alt="" />
Президент еліміздің басты құндылықтарын құрметтеу – бәріміздің перзенттік парызымыз екеніне назар аударып, оған немқұрайлы қарайтындарға, қадір-қасиетін түсіретіндерге біржола тосқауыл қою қажеттігін айтты.
<blockquote>
 – Мемлекеттік рәміздерді пайдалану тәртібі жөніндегі заңнаманы күшейту маңызды. Сонымен бірге, жастармен жан-жақты түсіндіру жұмысын жүргізген жөн. Бұл – бүкіл қоғамның міндеті. Осы орайда, бүгінгі салтанатты іс-шараның тәрбиелік мәні өте зор. Ту көтеру – аса маңызды оқиғаларға орай жасалатын ерекше рәсім. Халқымыз тарихи таңдауын жасайтын сәтте алып байрағымыздың көкте желбіреуін жақсы ырымға балаймыз, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1654319949_KZ3_3087.jpg" alt="" />
Қасым-Жомарт Тоқаев салтанатты жиында сөйлеген сөзінде мемлекеттік рәміздер елдігіміздің жарқын көрінісі, халқымыздың мақтанышы және абыройы екенін атап өтті. Оның пікірінше, Қазақстанның Туы, Елтаңбасы мен Әнұраны ұлтымыздың азаттыққа, өркендеуге және жасампаздыққа деген табанды ұмтылысын білдіреді. Сонымен қатар баршамызды мызғымас бірлікке ұйыстырып, әрбір азаматты Отан үшін күнделікті қажырлы еңбек етуге және үлкен жетістіктерге үндейді.
<blockquote>
 – Көк туымызды салтанатты түрде көтеріп, ата-бабамыздың даңқты дәстүрін жалғастырамыз. Желбіреген туымыз Тәуелсіздік мұраттарына адал болуға шақырып, ерекше жігер береді. Жаһандық экономикада өршіп келе жатқан сын-қатерлер мен бұрын-соңды болмаған геосаяси шиеленіс жағдайында біз мемлекеттілігімізді нығайту үшін күш-қуатымызды еселей түсуіміз керек. Мемлекеттік рәміздерімізді мазақ етуге, қорлауға ешқашан жол бермеуіміз қажет. Мұндай әрекеттерге барғандарды қатаң жазалаған жөн. Біртұтас халық ретінде ұйыса отырып, біз кез келген қиындықты бірге жеңіп, әділетті, тиімді мемлекет құра аламыз, – деді Президент.
</blockquote>
<img src="https://www.akorda.kz/public/assets/media/uploadMedia/1654320020_KZ4_7874.jpg" alt="" />
Қасым-Жомарт Тоқаев сөзін қорытындылай келе, бас байрағымызды көтерген сәтте ең үздік курсанттарға әскери шен тапсыру игі дәстүрге айналғанын атап өтті. &nbsp;
<blockquote>
 – Сіздер Қарулы Күштеріміздің 30 жылдығында офицер&nbsp;атанғалы тұрсыздар. Бұл – үлкен абырой, зор жауапкершілік.&nbsp;&nbsp;&nbsp; Сондықтан осы мәртебеге лайық болып, көпшілікке үлгі-өнеге көрсетулеріңіз керек. Туған елдің тыныштығы мен тұтастығын қорғау – әр азаматтың қасиетті борышы. Тәуелсіздік туын биік ұстау – Отан күзетінде тұрған әрбір ұланның абыройлы міндеті. Ерлік істер осындай патриоттық сезімнен бастау алады. Сіздер ел үмітін ақтайсыздар деп сенемін. Әскери шендеріңіз құтты болсын!&nbsp; Еліміз аман, жұртымыз тыныш болсын! Көк байрағымыз әрдайым биікте желбіресін! – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1654320049_DSC_1155_2.jpg" alt="" />
Салтанатты рәсім барысында жоғары әскери оқу орнының 12 үздік түлегі Қазақстан Президенті – Қазақстан Республикасы&nbsp;Қарулы Күштерінің Жоғарғы Бас қолбасшысының қолынан офицер погонын алды.
Ту көтеру рәсіміне Парламент Сенатының төрағасы Мәулен Әшімбаев, Парламент Мәжілісінің төрағасы Ерлан Қошанов, Премьер-министр Әлихан Смайылов, Мемлекеттік хатшы Ерлан Қарин, Президент Әкімшілігінің Басшысы Мұрат Нұртілеу, мемлекеттік органдар басшылары, Үкімет мүшелері, Парламент депутаттары, Мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөніндегі республикалық комиссия мүшелері, жоғары әскери оқу орындарының курсанттары мен олардың туыстары қатысты.&nbsp;
<img src="https://www.akorda.kz/public/assets/media/uploadMedia/1654320068_DSC_1330_2.jpg" alt="" />
<img src="https://www.akorda.kz/public/assets/media/uploadMedia/1654320268_KZ1_2700_2.jpg" alt="" />
<img src="https://www.akorda.kz/public/assets/media/uploadMedia/1654320089_KZ3_3837.jpg" alt="" />
<img src="https://www.akorda.kz/public/assets/media/uploadMedia/1654320110_DSC_1136_2.jpg" alt="" />
<img src="https://www.akorda.kz/public/assets/media/uploadMedia/1654320122_DSC_1139_2.jpg" alt="" />

Қасым-Жомарт Тоқаев Мемлекеттік ту көтеру рәсіміне қатысты

Kyzylorda-news.kz. Президент Қасым-Жомарт Тоқаев қазақстандықтарды Мемлекеттік рәміздер күнімен құттықтады.
<blockquote>
 «Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы», – деді Мемлекет басшысы Қасым-Жомарт Тоқаев.
</blockquote>

Мемлекет басшысы қазақстандықтарды  рәміздер күнімен құттықтады

<a href="https://kyzylorda-news.kz/">Kyzylorda-news.kz</a>. Биыл – Қазақстанның мемлекеттік рәміздерінің бекітілгеніне 30 жыл. Ал бүгін Қазақстан Республикасы Мемлекеттік Елтаңбасының авторы, қоғам қайраткері, белгілі сәулетші Жандарбек Мәлібекұлы 80 жасқа толып отыр.
<blockquote>
 «Президент Қасым-Жомарт Тоқаев Жандарбек Мәлібекұлының мерейтойымен құттықтап, жылы лебізі мен ізгі тілегін жеткізді. Мемлекет басшысы өз құттықтауында Елтаңба авторының Тәуелсіз Қазақстан мен елорданы құру және дамыту ісіндегі сіңірген еңбегін атап өтіп, оған зор денсаулық, шығармашылық шабыт және отбасына бақ-береке тіледі», – деп жазды Президенттің баспасөз хатшысы <a href="https://www.facebook.com/profile.php?id=100003403233694">Берік Уәли.</a>
</blockquote>
Айта кетейік, Наурыз мейрамы қарсаңында Қасым-Жомарт Тоқаев Жандарбек Мәлібекұлын I дәрежелі «Барыс» орденімен марапаттаған болатын.

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

Мұхтар Оразбаев Қарақұм беткейдегі елді мекен тұрғындарымен кездесті

Қазақстанда президент сайлауы аяқталды

Қызылордалықтар сайлауға белсенді қатысуда

Қызылорда облысында 72,88 пайыз сайлаушы дауыс берді

Президент Республика күніне орай мемлекеттік наградалар мен мемлекеттік сыйлықтар тапсырды

Биыл ҚР Конституциясына — 27 жыл

«Тәуелсіздік ұрпақтары» грантына өтінім қабылдау басталды

Қазақстан жаһандық бәсекеге қабілетті 35 елдің қатарында

Қызылордада «Таңбасы тарих, байрағы биік – Қазақстан!» атты патриоттық акция өтті

Қасым-Жомарт Тоқаев Мемлекеттік ту көтеру рәсіміне қатысты

Мемлекет басшысы қазақстандықтарды рәміздер күнімен құттықтады

Мемлекет басшысы сәулетші Жандарбек Мәлібекұлын мерейтойымен құттықтады

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

Мұхтар Оразбаев Қарақұм беткейдегі елді мекен тұрғындарымен кездесті

Қазақстанда президент сайлауы аяқталды

Қызылордалықтар сайлауға белсенді қатысуда

Қызылорда облысында 72,88 пайыз сайлаушы дауыс берді

Президент Республика күніне орай мемлекеттік наградалар мен мемлекеттік сыйлықтар тапсырды

Биыл ҚР Конституциясына — 27 жыл

«Тәуелсіздік ұрпақтары» грантына өтінім қабылдау басталды

Қазақстан жаһандық бәсекеге қабілетті 35 елдің қатарында

Қызылордада «Таңбасы тарих, байрағы биік &#8211; Қазақстан!» атты патриоттық акция өтті

Қасым-Жомарт Тоқаев Мемлекеттік ту көтеру рәсіміне қатысты

Мемлекет басшысы қазақстандықтарды рәміздер күнімен құттықтады

Мемлекет басшысы сәулетші Жандарбек Мәлібекұлын мерейтойымен құттықтады

Қызылордада «Таңбасы тарих, байрағы биік – Қазақстан!» атты патриоттық акция өтті