<a href="https://kyzylorda-news.kz/">Kyzylorda-news.kz.</a> Кездесуде үміткер өзінің сайлауалды бағдарламасының негізгі бағыттары туралы айтып, әлеуметтік әріптестік институтын одан әрі дамытуды қамтитын азаматтық қоғам тақырыбына толығырақ тоқталды.Тараптар республикалық және салалық кәсіподақтардың жәй-күйі туралы пікір алмасты. Қазақстанның «дамушы елдерді ескере отырып, ең төменгі жалақыны белгілеу туралы» 131 Халықаралық Еңбек Ұйымының конвенциясын қабылдау қажеттілігі талқыланды.Мейрам Қажыкен сайлаушылармен кездесу кезінде осы құжатқа баса назар аударатынын атап өтті. Конвенция &nbsp;бұл – ең төменгі жалақы деңгейін (ЕТЖ) анықтауда ескерілетін факторларды көздейді. Есептеу кезінде &nbsp;елдегі жалпы жалақы деңгейін, өмір сүру құнын, әлеуметтік төлемдерді және басқаларын ескере отырып, жұмысшылар мен олардың отбасыларының қажеттіліктері қаралады.&nbsp;<blockquote>«Конвенцияда ЕТЖ заң күшіне ие екендігі және оның төмендемейтіні анық айтылған. Ережені ескермеген жағдайда қылмыстық немесе басқа шаралар қолданылады. Бұл әсіресе жұмыс берушілер ең төменгі жалақыдан да төмен ақы төлейтін аймақтарда өте маңызды», - деді үміткер.</blockquote>Кездесуге қатысушылар зейнетақы аударымдары, жалақы, жұмысқа орналасу тақырыптары мен өңірдің мәселелерін талқылады. &nbsp;<img src="https://knadmin.beoblood.kz/uploads/21_2a13ead2eb.jpeg" alt="21.jpeg">

ҚР Президенттігіне кандидат Мейрам Қажыкен Маңғыстау облысының кәсіподақ өкілдері және қоғам қайраткерлерімен кездесті

<a href="https://kyzylorda-news.kz/">Kyzylorda-news.kz.</a> Қызылордалық жеке кәсіпкер Асқар Әбілдахан сырбойылықтарды алдағы Президент сайлауында белсенділік танытуға шақырды.&nbsp;<blockquote>«20 қарашада өтетін ҚР Президенті сайлауында міндетті түрде өз таңдауымды жасап, дауыс беремін. Себебі, бұл сайлау еліміздің болашағы үшін өте маңызды әрі өз таңдауымызды жасау арқылы мемлекетіміздің алдағы бағдарын айқындаймыз. Біз өмір сүріп жатқан бейбітшілік заманда еліміздің жастарына мүмкіндік өте көп. Жеке кәсіп ашып, өз қалауымызбен іс қылсақ та, білім жолына бет бұрсақ та мемлекетіміз әрдайым қолдау білдіреді. Сондықтан отандастарымды осынау маңызды күнде белсенділік танытуға шақырамын», - деді Асқар Әбілдахан.</blockquote><figure class="image"><img src="https://knadmin.beoblood.kz/uploads/Askar_218dd41085.jpg" alt="Аскар.jpg"></figure>

Асқар Әбілдахан: Отандастарымды сайлауда белсенділік танытуға шақырамын

<a href="https://kyzylorda-news.kz/">Kyzylorda-news.kz.</a> Президенттікке кандидат Салтанат Тұрсынбекова Қазақстанның өңірлерін аралап, халықпен кездесуін жалғастыруда. Бұл жолы ол Қостанай қаласындағы №4 емхана ұжымымен кездесу өткізді.Емхананы аралау барысында үміткер тек медицина қызметкерлерімен ғана емес, науқастармен де тілдесті. Науқастардың бірі дәрі-дәрмек бағасының қымбат екеніне шағымданды. Ол 1 курс ем үшін тек инъекцияға 40 000 теңгеге жуық қаражат жұмсағанын айтты.<blockquote>«Күн өткен сайын дәрі-дәрмек қымбаттап барады! Жақында маған инъекциялар тағайындалды: 10 рет бірден 3 уколдан алатын болдым. Бір ампуласы 1300 теңге тұрады. Менің еміме бірден 30-ы қажет болды, бұл - басқа препараттарды, шприцтерді және басқа да шығындарды есептемегенде шығатын сома», - дейді емханадағы пациенттердің бірі.</blockquote>Тағы бір науқас ауруханаға қаралуға жазылудың өзі қиын екенін жеткізді.<blockquote>«Мысалы, мен көзімді тексерткім келеді.Терапевтке жазылуым керек, одан офтальмологқа бару керек. Тікелей көз дәрігеріне барып қарала алмайсың, бәрін терапевт арқылы жасау керек. Ал терапевтке де, көз дәрігеріне де ұзын-сонар кезек бар. Кабинеттер арасында жүгіріп жүріп, шаршайсың», - дейді ол.</blockquote>Дәрігерлер де емдеу мекемелеріндегі түйткілді мәселелерді жеткізді&nbsp;<blockquote>«Дәрігерлер, әсіресе, кәсіби мамандар тапшылығы бар. Жалақы өте аз. Біз пациенттердің жағымсыз қарым-қатынасын да үнемі басымыздан өткіземіз. Бізді басқа ауруханалар шақырады. Жеке клиникаларда жағдай әлдеқайда жақсы. Мемлекеттік емханалар мен ауруханалардағы әріптестеріміздің көбі тәжірибе жинап, Денсаулық сақтау министрлігінің бұйрықтарын жатқа оқып, жекеменшік мекемелерге жұмысқа кетіп жатыр. Бұл - дәрігерлер арасында жиі болатын қалыпты жағдай», - деп бөлісті дәрігерлердің бірі.</blockquote>Құқық қорғаушы Салтанат Тұрсынбекова мемлекет пен халық ынтымақтаса жұмыс істеу керектігін баса айтты. Үміткердің пайымынша, дәрігерлер мен медицина қызметкерлеріне жақсылап еңбек жағдайын жасаукерек, өйткені азаматтарымыздың өмірі осы мамандарымызға тікелей байланысты:<blockquote>«Денсаулық сақтау жүйесінде, медицинаға қаржы бөлуде барлық жерде шешімін таппаған мәселелер көп. Бұл мәселелерді тез арада шешу қажет деп есептеймін. Өйткені, дәрігерлерге жақсы жұмыс жағдайлары жасалғанда, олар да науқастарға оң әсерін тигізеді. Мұның бәрі жүйенің қалай дұрыс құрылатынына байланысты», - дейді Салтанат Тұрсынбекова.</blockquote>Еске салайық, Қостанай облысы - кандидаттың сайлау алдындағы үгіт-насихат сапарларымен барған жетінші өңірі. Құқық қорғаушы бұған дейін елордада, Алматы, Шымкент қалаларында және Қарағанды, Ақмола, Түркістан облыстарында болған.<img src="https://knadmin.beoblood.kz/uploads/IMG_8676_6f90f2d58c.jpg" alt="IMG_8676.jpg"><img src="https://knadmin.beoblood.kz/uploads/IMG_8674_cd340b60a7.jpg" alt="IMG_8674.jpg">

Салтанат Тұрсынбекова Қостанай қаласындағы №4 емхана ұжымымен кездесті

<a href="https://kyzylorda-news.kz/">Kyzylorda-news.kz.</a> ҚР Президенттігіне үміткер Қарақат Әбденнің ел өңірлеріндегі үгіт-насихат жұмыстары жалғасуда. Бүгін ол Қызылорда облысының өңірлік сайлауалды штабына ат басын бұрды.Сайлауалды үгіт-насихат жұмыстарын жүргізу үшін бұл аймақта 100-ден астам адам жұмылдырылғаны белгілі.<blockquote>«Бүгін Қызылордадағы штабтың жұмысымен таныстым. Қызылорда облысы – еліміздегі ең ірі аймақтардың бірі. Жергілікті штабта 10 қызметкер, 100 волонтер жұмыс істейді. Штаб өкілдері аудан және ауыл тұрғындарымен де кездесу өткізеді. Жұмыс үйлесімді әрі талаптарға сәйкес іске асуда», – деді Қарақат Әбден.</blockquote><blockquote>Штаб өкілдері мәлімдегендей, сайлаушылар тарапынан жолданған сауалдар мен ұсыныстарға баса мән беріледі. «Жергілікті тұрғындар көбінесе әлеуметтік тақырыптарға қатысты сауал жолдайды, тұрғындармен кері байланыс жақсы дамыған. Жалпы алғанда, сайлаушылар Қарақат Әбденнің әлеуметтік бағдары басым бағдарламасын қолдайды», -деп жеткізді өңірлік штаб жетекшісі Маржан Бисенова.</blockquote>Сонымен қатар, штабтың үгіт-насихат жұмысы әртүрлі санаттағы азаматтарды қамтиды. Мүмкіндігі шектеулі жандар да назардан тыс қалып жатқан жоқ. Ол үшін штаб мүшелері сайлаушылардың үйлерін аралап, үміткер бағдарламасының негізгі бағыттары жайлы мәлімет беріп жүр.Еске салсақ, елімізде 20 қараша күні кезектен тыс президент сайлауы өтеді. Үміткер Қарақат Әбден ел аймақтарын аралап, 11 қала мен бірнеше ауылдық елдімекенде 20-дан астам кездесу өткізді Алдағы уақытта олСолтүстік Қазақстан, Түркістан, Жамбыл облыстарының сайлаушыларымен кездесу өткізеді. &nbsp;<img src="https://knadmin.beoblood.kz/uploads/18_e7b7e3fc14.jpeg" alt="18.jpeg"><img src="https://knadmin.beoblood.kz/uploads/17_84019bcdc1.jpeg" alt="17.jpeg">

Қарақат Әбден жұмыс сапарымен Қызылорда облысына барды

<a href="https://kyzylorda-news.kz/">Kyzylorda-news.kz.</a> «Ауыл» партиясынан Қазақстан Республикасы Президенттігіне кандидат Жигули Дайрабаев Абай облысының жұртшылығымен кездесулер өткізді.&nbsp;Кандидат сапары халықтың рухани дамуына зор үлес қосқан ұлы тарихи қайраткерлер – Абай Құнанбайұлы мен Мұхтар Әуезовтің ескерткіштеріне гүл шоқтарын қоюдан басталды. Ұлылар рухына тағзым – тағзым мен тағылымды қатар ұстаған «Ауыл» партиясының басты құндылығы.Одан кейін Жигули Дайрабаев және оның командасы Абай облыстық кітапханасында жергілікті зиялы қауыммен кездесу өткізді. Кездесуде &nbsp;кандидат бағдарламасының маңызды бағыттары – дала демократиясының қағидаттары, қоғамның қазақ халқының мәдениеті мен әдебиетін, қазақ ойшылдары еңбектерінің құнды үлгілерін сақтауға қатысуы талқыланды.<blockquote>«Менің ойымша, аймақтардағы жергілікті зиялы қауымды қолдау қажет. Жасыратыны жоқ, олар өз қаражаты есебінен өмір сүреді, мемлекет оларға қаржылық қолдау көрсетпейді. Дегенмен, олардың ұсыныс-пікірлері ең биіктегі билікке жетуі үшін жағдай жасау маңызды. Ол үшін жергілікті қауымдастықтар жүйелі түрде кездесулер өткізіп, ұсыныстар қалыптастырып, талдаулар жүргізіп, оларды жергілікті билікке жеткізуі керек. Мұндай тәжірибе жетекші әлемдік державаларда, мысалы, Жапонияда сәтті іске асқан. Бұл дала демократиясының «халық даналығы – ел игілігі үшін» атты &nbsp;негізгі бағыттарының бірі», - деді Жигули Дайрабаев.</blockquote>Зиялы қауымнан соң кандидат ең ірі және заманауи май экстракциялау зауыты – &nbsp;«Qazaq Astyq Group» ЖШС қызметкерлерімен кездесті. Кандидат Қазақстанның шикізатты экспорттамауы, керісінше, ел ішінде қайта өңдеумен айналысуы керектігіне тоқталды. Қайта өңдеудегі қосымша өнім осылайша, жергілікті нарыққа шығады. Сондықтан бизнеске қазіргіден де көп қайта өңдеу зауыттарын салу, ал мемлекетке жан – жақты қолдау мен ынталандыру шараларын көрсету қажет. Қызметкерлер кандидаттың бастамаларына қолдау білдіріп, сайлауда сәттілік тіледі. &nbsp;<img src="https://knadmin.beoblood.kz/uploads/15_93acd16330.jpeg" alt="15.jpeg">

Жигули Дайрабаев: Зиялы қауымға құлақ асу керек

<a href="https://kyzylorda-news.kz/">Kyzylorda-news.kz.</a> Президенттікке кандидат Қасым-Жомарт Тоқаевтың Республикалық қоғамдық штабының мүшелері Солтүстік Қазақстан облысының тұрғындарымен бірқатар кездесу өткізді.Штаб мүшелері «Петерфельд Агро» өндіріс базасында солтүстікқазақстандық шаруалармен және ауылшаруашылық тауарларын өндірушілермен кездесті. Іс-шара барысында кандидаттың сайлау алдындағы бағдарламасында көрсетілген алдағы жеті жылда ауыл шаруашылығын дамытуға арналған шаралар талқыланды.<blockquote>«Соңғы үш жарым жылда Қазақстан ауыр сын-қатерлермен бетпе-бет келді. Пандемия, қасіретті қаңтар оқиғасы, бүгінгі геосаяси ахуал еліміздің дамуына өз салдарын тигізді. Соған қарамастан біз Тәуелсіздігімізді сақтап, мемлекеттілігімізді нығайтып,бірлігіміздіарттыра түстік. Қазіргі таңда елімізжаңа Әділетті Қазақстан құру жолындағы тарихи кезеңге қадам басып отыр», – деді Республикалық қоғамдық штаб делегациясының басшысы Мәулен Әшімбаев.</blockquote>Сондай-ақ РҚШ мүшелері Бескөл ауылында жұртшылықпен кездесіп, өңірлердің инфрақұрылымын дамыту жөніндегі сайлау алдындағы бастамаларды талқылады.Петропавл қаласындағы Kozybayev University университетінде өткен жастармен кездесуде Штаб мүшелері еліміздің барлық жас азаматын өз қабілетін толық жүзеге асыруы үшін әлеуметтік-экономикалық тең мүмкіндіктермен қамтамасыз етуге қатысты сайлау алдындағы бастамаға назар аударды.Сонымен қатар Тоқаевтың жақтастары С.Мұқанов атындағы облыстық әмбебап ғылыми кітапханада жергілікті сарапшылармен кездесті. Кездесуде кандидаттың азаматтардың құқықтарын қорғауға, сыбайлас жемқорлыққа қарсы іс-қимылға және мемлекеттік аппараттың тиімділігін арттыруға қатысты басымдықтары талқыланды.Одан бөлек, қағаз өнімдерін өндіретін «Raduga KDR» компаниясының және «Alageum Electric» электротехникалық зауытының ұжымдарымен кездесулер өтті. Бұл іс-шараларда Штаб мүшелері сайлау алдындағы бағдарламада айтылған қауіпсіз еңбек ортасын құру және еңбек заңнамасын ырықтандыру мәселелерін түсіндірді. &nbsp;<img src="https://knadmin.beoblood.kz/uploads/11_7cd71b436d.jpeg" alt="11.jpeg"><img src="https://knadmin.beoblood.kz/uploads/13_202ab343af.jpeg" alt="13.jpeg"><img src="https://knadmin.beoblood.kz/uploads/10_69a3dedc7a.jpeg" alt="10.jpeg">

Қасым-Жомарт Тоқаевтың республикалық қоғамдық штабы Солтүстік Қазақстанның шаруаларымен кездесті

<a href="https://kyzylorda-news.kz/">Kyzylorda-news.kz.</a> Кезектен тыс Президент сайлауының өтуіне 12 күн қалды. Бұл – ең алдымен еліміздің болашағына үлкен үміт артар жұртшылық үшін үлкен мүмкіндік және маңызды күн. Осы жылғы кезектен тыс Президент сайлауына өз кандидатурасын ұсынған азаматтар бүгінде үгіт-насихат жұмыстарын бастап кетті. Бірақ таңдау еркі – халықта.Бұл сайлаудың бір ерекшелігі, енді Президенттің өкілеттік мерзімі 7 жыл болады.Сайлау – халық пен билік арасындағы көпір тәріздес. Алдағы саяси науқан еліміздің одан әрі дамытуға жасалған маңызды қадам. Сондай-ақ бұл қадам – көпшілік дауысымен шешілетіні анық.Алдағы сайлаудан барлығымыздың күтетініміз – елдің ертеңгі болашағы. Сондықтан бұл саяси науқаннан тыс қалмайық. Себебі әрбір адамның дауысы өте маңызды.Шынаргүл ЖЕҢСІКБАЕВА, «Шапағат» мүгедек балаларды сауықтандыру орталығының директоры<figure class="image image_resized" style="width:75%;"><img src="https://knadmin.beoblood.kz/uploads/Sh_bd5e44f032.jpg" alt="Ш.jpg"></figure>

Шынаргүл Жеңсікбаева: Дауыс беру – әр азаматтың парызы

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен Ақтөбеде Марат Оспанов атындағы Батыс Қазақстан медицина университетінің студенттері және профессор-оқытушыларымен кездесті.Кандитат өзінің сайлауалды бағдарламасын таныстырса, қатысушылар да өздерін қызықтырған сұрақтарын қойды. Сайлаушылар негізінен әлеуметтік саладағы мәселелерді шешу жоспарларына қызығушылық танытты.Мейрам Қажыкен медицина қызметкерлеріне лайықты еңбекақы төлеу қажеттігін, сонымен бірге республикалық бюджет тарапынан денсаулық сақтаудың барлық саласын қаржыландыру керек екенін атап өтті.<blockquote>«Бұл медицина саласындағы кадрлардың жетіспеушілігіне алып келетін өзекті мәселе. Медицина қызметкерлерінің тапшылығын жою үшін, дәрігерлердің әлеуметтік және құқықтық қорғалуы және олардың жалақысын арттыруүшін ілкімді шаралар қажет. Бұл менің міндеттерімнің бірі. Бұл дамуды қажет ететін әлеуметтік серіктестіктің міндеті», - деді үміткер.</blockquote>Сондай-ақ, Мейрам Қажыкен Дүниежүзілік денсаулық сақтау ұйымы бұл саланы елдегі ЖІӨ-нің 6% - көлемде қаржыландыруды ұсынатынын мысал етті. «Ал бізде қаржыландыру ЖІӨ-нің 1,4 пайызын құрайды. Зор айырмашылық байқалады», - деді Мейрам Қажыкен.Болашақ мамандарды тұрғын үй сатып алу және жұмысқа орналасу мүмкіндігі сияқты тақырыптар да &nbsp;қызықтырды.<blockquote>«Менің бағдарламамда жастарға ерекше көңіл бөлінетіні атап өтілді. Өйткені олар еліміздің болашағын құруда. Жастарға барлық жолдарды ашып, өзін-өзі дамытуға,үй сатып алуға, кәсіби каръерасын құруғабарлық мүмкіндіктер жаратуымыз қажет. Өйткені, адам әлеуметтік мәселелерге қаншалықты аз көңіл бөлсе, соғұрлым ол жұмысқа және өзінің кәсібилігін арттыруға көп көңіл бөледі. Бұл жалпы ел экономикасына әсер етеді», - деді ол.</blockquote>Кездесу соңында Мейрам Қажыкен Ақтөбеде сайлаушылардың сұрақтары мен тілектерін қабылдайтын штаб жұмыс істейтінін айтты. Сенім білдірілген адамдар кандидаттың сайлауалды тұғырнамасы туралы толығырақ айтып, оның атына азаматтардың өтініштерін қабылдай алады.<img src="https://knadmin.beoblood.kz/uploads/azhy_16c6d43203.jpg" alt="қажы.jpg">

Мейрам Қажыкен Ақтөбеде медицина университетінің студенттерімен кездесті

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Жигули Дайрабаев бүгін Фарид Әбитаев басқаратын майлы дақылдардың тәжірибе шаруашылығы қызметкерлерімен кездесті.&nbsp;Ұжым бүгінде сүт өндіру және өсімдік шаруашылығы бойынша республикада өте жоғары көрсеткішке ие. Майлы дақылдардың тұқым шаруашылығы саласында жетекші орында. Өз селекциясын жүргізетін заманауи тәжірибе жасау алқаптары бар. Былтыр «Ауыл» партиясы, Фарид Әбитаев және майлы дақылдардың тәжірибе шаруашылығы «Жаңа Қазақстанға жаңа ауыл» бағдарламасы аясында ШҚО-ның шалғай аудандарында МДТШ есебінен жаңа жерлерді игеруге, шағын шаруа қожалықтарының кірісін арттыруға &nbsp;жақсы мүмкіндік беретін, тауар өндірушілер үшін тегін майлы дақылдардың күнбағыс гибридін екті.Кандидат Жигули Дайрабаев партияластарымен, МДТШ еңбек ұжымымен кездесу барысында тәжірибелік алқаптарды аралап, сайлауалды бағдарламасымен бөлісті, елімізді аграрлық державаға айналдыру үшін қорға осындай жақсы тұқымдар қажет екенін айтты. Бүгінде Қазақстанда жетіспейтін тұқым шаруашылығын дамытудың өте маңызды екендігіне тоқталды. Мұнда Фарид Әбитаевтың тәжірибесі, МДТШ негіз ретінде алынуы керек. Олар қолданатын технологиялардан топырақ сапасы айтарлықтай жақсартатынына көз жетті. Ал бүгінде Қазақстанда қолданылатын технология топырақ сапасын жақсартпайды, тек сақтайды. 5-10 алқапты ауыспалы егістігі бар МДТШ тәжірибе алқаптарындағы топырақ құрылымының жылдан жылға жақсарып келе жатқаны бірден байқалады.Кандидат бұдан кейін жергілікті голштин тұқымы өсірілетін, жоғары өнімділігімен танымал сүт және мал шаруашылығы кешеніне барды. Ұжым жоғары көрсеткішке сапалы менеджмент пен жақсы жем-шөп базасы арқасында жетіп отыр. Мұнда қызметкерлер тұрақты жалақымен қамтамасыз етілген. МДТШ «Солнечный» кентіндегі ауыл тұрғындарына қашанда қамқор. Шаруашылық өз &nbsp;қызметкерлері үшін жақсы, заманауи үйлер салып, оларды тұрғын үймен қамтамасыз етуде. Табысты фермерлік ауылдың дамуына, жергілікті ауыл тұрғындары әл-ауқатының артуына осылай сеп болып отыр. &nbsp;<img src="https://knadmin.beoblood.kz/uploads/Whats_App_Image_2022_11_07_at_16_26_58_b93caf166c.jpeg" alt="WhatsApp Image 2022-11-07 at 16.26.58.jpeg"><img src="https://knadmin.beoblood.kz/uploads/Whats_App_Image_2022_11_07_at_16_26_57_4ae6659852.jpeg" alt="WhatsApp Image 2022-11-07 at 16.26.57.jpeg"><img src="https://knadmin.beoblood.kz/uploads/Whats_App_Image_2022_11_07_at_16_26_57_1_e2d44999e6.jpeg" alt="WhatsApp Image 2022-11-07 at 16.26.57 (1).jpeg">

Жигули Дайрабаев: Қазақстанда тұқым шаруашылығын дамыту өте маңызды

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен сайлаушылармен кездесу үшін Ақтөбеге барды. Үміткер Ақтөбе қаласындағы Рельс-Арқалық зауытының қызметкерлерімен кездесті.&nbsp;Кездесуде Мейрам Қажыкен өзінің сайлауалды тұғырнамасының мақсат-мүдделерімен таныстырды. Тиісінше ұсынылған барлық реформалар республиканың әрбір азаматының өмір сүру сапасын жақсартуға және оның құқықтары мен мүдделерін сақтауға бағытталғанын жеткізді. Кездесу барысында, әйелдердің зейнеткерлік жасының төмендеуі, қауіпті және зиянды еңбек жағдайларымен байланысты қызметкерлердің ерте зейнетке шығуы, жалақының ашық және айқын есебі жайлы тақырыптар қозғалды.&nbsp;Кандидат сөз барысында &nbsp;Германия елін мысал етіп, ол жақта ең төменгі жалақыны мемлекет емес, жұмыс берушілер қауымдастығы мен кәсіподақтар анықтайтынын айтты.&nbsp;<blockquote>«Германияда екі негізгі құжат бар-тарифтік келісім және жеке еңбек шарты. Бірінші құжатта еңбек жағдайлары мен ең төменгі табыс мөлшері көрсетілген. Бұл келісім мемлекеттік органдарға бекітуге жіберіледі. Елдегі экономикалық жағдайға байланысты екі құжат, жалақыны кезең-кезеңімен ұлғайту жағына қарай қайта қаралады. Яғни, бұл әлеуметтік әріптестіктің жақсы үлгісі, онда жұмыс берушілер мен кәсіподақтар өзара келісіп, мемлекетпен тең дәрежеде маңызды экономикалық шешімдер қабылдайды», - деп атап өтті кандидат.</blockquote>Мейрам Қажыкен біздің елімізде ЕТЖ есептеу әдістері кәсіподақтармен келісіліп, заңмен бекітілуге тиіс екенін де қоса кетті.&nbsp;Зауыт қызметкерлері тұрғын үй, білім беру, медицина, қорғаныс, банк жүйесі және сыбайлас жемқорлыққа қарсы күреске қатысты көптеген сұрақтар қойды. Кәсіпорын қызметкерлерінің бірі кандидаттан «Сайлауда жеңіске жетсеңіз, министрлік өкілдерін ауыстыруды жоспарлап отырсыз ба?», деп сұрады.<blockquote>«Мен жалғыз емес, командамен бірге жүремін. Сайлауға түсу немесе түспеу туралы талқылаған кезде біз 50-ден астам адам болдық. Ал қазір саны артты. Қазірдің өзінде министр бола алатын сенімді адамдар бар. Бірақ бұл ретте мемлекеттік аппараттағы артық қызметтерді қысқарту керек деп санаймын. Мысалы, мен Премьер-министрдің қажеттілігін көре алмаймын. Кез-келген мәселені шешуге міндеттеме алатын президент бар. Ол мұны орындауы керек және премьердің мұны істеуін күтпеуі керек. Министрлік кабинеті де жеткілікті», – деп түйіндеді кандидат.</blockquote>Кездесу қорытындысы бойынша ол зауыт қызметкерлеріне өзінің сайлауалды тұғырнамасына қызығушылық танытып, қойған сұрақтары үшін алғысын білдірді. &nbsp;<img src="https://knadmin.beoblood.kz/uploads/Whats_App_Image_2022_11_07_at_16_26_53_b10765a1c5.jpeg" alt="WhatsApp Image 2022-11-07 at 16.26.53.jpeg"><img src="https://knadmin.beoblood.kz/uploads/Whats_App_Image_2022_11_07_at_16_26_54_6dd344351b.jpeg" alt="WhatsApp Image 2022-11-07 at 16.26.54.jpeg"><img src="https://knadmin.beoblood.kz/uploads/Whats_App_Image_2022_11_07_at_16_26_52_b715897afa.jpeg" alt="WhatsApp Image 2022-11-07 at 16.26.52.jpeg">

Мейрам Қажыкен: «ЕТЖ есептеу әдістері кәсіподақтармен келісіліп, заңмен бекітілуге тиіс»

<a href="https://kyzylorda-news.kz/">Kyzylorda-news.kz.</a> Бүгін Президенттікке кандидат Қасым-Жомарт Тоқаевтың Республикалық қоғамдық штабының мүшелері Қостанай және Ақмола облыстарының сайлаушыларымен 60-тан астам кездесу өткізді.Мәселен, Қостанай облысының Әулиекөл ауылында өрттен зардап шеккен жергілікті тұрғындармен кездесу өтті.<blockquote>«Бүгін Республикалық штабтың мүшелері Әулиекөлге ең алдымен аудан тұрғындарымен кездесу үшін келді. Әулиекөлде зардап шеккен тұрғындарға арналып, екі айдан аз уақыт мерзімде жаңадан «Бірлік» шағын ауданы бой көтерді. Баспанасынан айырылған 91 отбасы күн суымай тұрып жаңа үйге кірді», – деп атап өтті Республикалық қоғамдық штаб делегациясының басшысы Асхат Оралов.</blockquote>Бұдан соң, Қостанайда өңір жұртшылығымен кездесу өтіп, онда РҚШ мүшелері әділетті өңірлік саясатты қамтамасыз етуге бағытталған сайлауалды бастамаларды түсіндірді.Сайлауалды бағдарламада көрініс тапқан жұмыспен қамту және жұмысшылардың құқықтарын қорғау мәселелерін ССКӨБ, «Агромашхолдинг», «Баян Сұлу» және т. б. кәсіпорындардың еңбек ұжымдарымен кездесу барысында талқылады.Ақмола облысында Ш.Уәлиханов атындағы Көкшетау университетінің студенттерімен және профессор-оқытушылар құрамымен кездесу барысында РҚШ мүшелері кандидаттың білім беру құндылықтарын ілгерілету, білім және ғылым саласын, жастар саясатын дамыту жөніндегі бастамаларын назарға алды.Бұдан соң, өңірдіңауыл шаруашылығы кәсіпорындары мен фермерлік шаруашылықтарының өкілдерімен іс-шара өтті. РҚШ мүшелері сайлауалды бағдарламада көрініс тапқан аграрлық секторды дамыту жөніндегі шараларды түсіндірді.Сондай-ақ, штаб мүшелері туристік кластер өкілдерімен ШОБ-ты дамытуға қатысты шараларды талқылады.Бағдарламада көрініс тапқан еңбек адамының құқықтарын қорғау бастамалары «KazRost Engineering LTD» зауытының, Степногорск ЖЭО, Макинск құс фабрикасының еңбек ұжымдарымен және т.б. кездесулер барысында талқыланды.Сайлау науқаны басталғаннан бері еліміздің барлық өңірінде 10 мыңнан астам үгіт-насихат іс-шарасы өтті.<img src="https://knadmin.beoblood.kz/uploads/3_1dab897b70.jpg" alt="3.jpg"><img src="https://knadmin.beoblood.kz/uploads/2_03036dcc20.jpg" alt="2.jpg"> &nbsp;

Қасым-Жомарт Тоқаевтың штабы Қостанай және Ақмола облыстарының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Президенттікке кандидат Салтанат Тұрсынбекова сайлауалды үгіт-насихат жұмыстарының 16 күнінде алты өңірде болды. Атап айтсақ, Астанада, Қарағанды облысында, Ақмола облысында, Түркістан облысында, Шымкент және Алматы қалаларында халықтың түрлі топтарымен кездесулер өткізді.16 күн ішінде штаб ұжымы қазақстандықтарды кандидаттың сайлауалды бағдарламасы мен жоспарларымен таныстыру үшін өте көп жұмыс істеді. Салтанат Тұрсынбекова өзін ел Президенттігіне кандидат етіп ұсынған «Қазақ аналары – дәстүрге жол» республикалық қоғамдық бірлестігінің өкілдеріне сайлау науқанында бүгінге дейін жасалған жұмыстар бойынша қорытынды есеп берді.Осы кезеңде штаб ұжымы 7000 шақырым жол жүріп, сайлауалды үгіт-насихат жұмыстары нәтижесінде 2 356 000 адам қамтылған.<blockquote>«Біз осы уақытқа дейін сайлауалды үгіт-насихат жұмыстарына кандидаттар арасындағы ең аз қаржы сомасын жұмсай отырып, ОСК ақпаратына сәйкес ең үлкен нәтижелі жұмысты атқарыппыз. Бізді қолдаған барлық азаматқа алғысымызды білдіргіміз келеді. Дәл осы қарқынмен әрі қарай жұмысымызды жалғастыра береміз. Бізді қолдап, дауыс беретін сайлаушыларымыздың үмітін ақтаймыз деп сенемін», – дейді Салтанат Тұрсынбекова.</blockquote>3-6 қараша аралығында Салтанат Тұрсынбекова Алматы қаласында түрлі кездесулер өткізіп, тұтынушылардың құқықтарын, зияткерлік меншікті қорғау мәселелері бойынша азаматтармен, қалалық құқық қорғаушылармен және қоғамдық пікір көшбасшыларымен, Қазақ ұлттық қыздар педагогикалық университетінің студенттерімен, сондай-ақ «Родник» дағдарыс орталығының басшысымен кездесті.&nbsp;Сонымен қатар, үміткер «Тәуелсіздік таңы» монументіне гүл шоқтарын қойып, Желтоқсан оқиғасы құрбандарын еске алды. &nbsp;

Қазақстан және Қызылорда облысының жаңалықтары: Президент сайлауы - 2022