<a href="https://kyzylorda-news.kz/">Kyzylorda-news.kz.</a> &nbsp;Бүгінде ауылшаруашылығын дамытуға мемлекет тарпынан жасалып жатқан қолдау жоғары. Әсіресе мал шаруашылғын дамытып асыл тұқымды ірі қара өсіруге деген жұрттың ықыласы ерекше. Түрлі бағдарламалар арқылы төмен пайызбен несиелер алып өз шараушылықтарын өрісті етіп отыр. Тиісінше аталған шараушылықтың дамуы ауылдықтардың кәсібін кеңейтіп берекесін кіргізіп отыр. Оған дәлел өткен жылы аудан бойынша ауыл шаруашылығы өнімдерінің жалпы шығарылымы 9 649,3 млн теңге болып, 106,6 пайызға өсен. Оның ішінде мал шаруашылығы бойынша 5 869,0 млн теңге (102,6 пайыз), егін шаруашылығы бойынша 3 696,9 млн теңге (114,5 пайыз) болып отыр. Аудандағы барлық нысандағы ауыл шаруашылығы құрылымдарында 58 468 бас мүйізді ірі &nbsp;қара, 99 306 бас қой мен ешкі, 43 634 бас жылқы, 35 480 бас түйе және 4 089 бас құс (тауық) бар. Осы малдарды өткен жылдың осы кезеңімен салыстырғанда мүйізді ірі қара малы 108,0 пайызға, жылқы &nbsp;111,8 пайызға, түйе 107,6 пайызға, құс &nbsp;111,8 пайызға артса, қой мен ешкі &nbsp;94,8 пайыз болды. Ауданда мал шаруашылығынан алынатын &nbsp;ет өндіру 3 584,6 тонна, сүт өндіру 8 063,2 тонна, жұмыртқа өндіру 103,1 мың дана.Сондай-ақ ауыл шаруашылығын қаржылай қолдау қоры БҰҰ Даму Бағдарламасымен бірлескен &nbsp;«Эко-Даму» &nbsp;несиелеу бағдарламасының &nbsp;екінші кезеңі басталды. &nbsp;Бағдарлама экологиялық таза кәсіпкерлік түрлерін қолдауға бағытталған және ерекше қорғалатын табиғи аумақтарға жақын орналасқан ауыл тұрғындарына арналған. Бағдарлама ауылдық жерлерде қоршаған ортаға зиян келтірмейтін және экожүйелерді сақтауға ықпал ететін жобаларды дамытуға бағытталған. Оған экотуризм, орман, балық, аңшылық, құс шаруашылығы, қоян шаруашылығы, ара шаруашылығы және жайылымдық жерлерді пайдалану жатады.<blockquote>&nbsp;– Ауыл кәсіпкерлері бизнес-жобаларды дамытуға 6%-бен 5 жылға дейінгі мерзімге несие ала алады. Ауыл кәсіпкеріне ҚР Ұлттық Банкі белгілеген 100 айлық есептік көрсеткіштен 5400 айлық есептік көрсеткішке &nbsp;дейінгі мөлшерде несие беру жоспарланған. Бағдарламаға қатысуға өтінім беру үшін Ауыл шаруашылығын қаржылай қолдау қорының облыстардағы филиалына бару керек. «Эко-Даму» бағдарламасының негізгі бағыттарының бірі тең экономикалық мүмкіндіктерді қамтамасыз ете отырып, гендерлік теңдікті сақтау, – дейді аудандық кісіпкерлік, өнеркәсіп және туризм &nbsp;бөлім статис маман Нұрлан Есенәлиев. &nbsp;</blockquote>Маманның айтуынша бұл бағдарламада несие алушы әйелдерге басымдық беріледі екен. Сондай-ақ аталған бағдарламаға ерекше қорғалатын Барсакелмес табиғи қорығына жақын орналасқан Қаратерең, Жаңақұрылыс, Беларан, Бөген, Аманөткел, Қамыстыбас, Қосжар, Райым, Мергенсай, Жетес би &nbsp;ауылдық округ тұрғындары қатыса алады. Өткен жылы аталған бағдарлама бойынша Бекбауыл ауылының тұрғыны кәсіпкер Тынайев Бақытжан жылқы шараушылығын дамытуға 4 миллион несие алған. Бүгінде кәсіпкердің шаруашылығы дамып келеді.&nbsp;<blockquote>– Бұған дейін де кәсіппен айналысып жүрдім. Бірақ мұндай несие алып көрген емеспін. Маған бағдарламаның төмен пайызбен берілетіндігі және әлеуметтік статусының ескерілетіндігі ұнады. Яғни мен көпбалалы ата-ана болғандықтан көптеген жеңілдіктер қарастырылы. Бастапқыда кәсібімді дамыту үшін алты айға дейін несие төлемеуге болатын каникул берілді. Қазір төлем жасап бастадым. Мөлшерлемес аз болғандықтан несиені төлеу қиындық туғызып жатқан жоқ, - дейді кәсіпкер.&nbsp;</blockquote>Ауылшаруашылық саласына деген мұндай қаржылай қолдау көрсететін бағдарламалардың ауыл халқының тұрмысын түзуге көрсететін септігі жоғары болып отыр. Өз кезегінде шалғайдағы ағайының қорасы малға толып, кәсіпкерлік көкжиегі кеңіді.&nbsp;

«Эко-Даму»: Берері мол бағдарлама

<a href="https://kyzylorda-news.kz/">Kyzylorda-news.kz.</a> Қазақстанның көптеген өңірлерінің тұрғындары ұзаққа созылған аптап ыстықтан кейін арктикалық ауаның салқынын сезінеді, деп хабарлайды Қазгидромет.Бұл ретте елдің оңтүстігінде, шығысында оңтүстік циклонның әсері сақталады. Екі ауа массасының соқтығысуынан фронтальды бөлімдердің шиеленісуі орын алады. Батыс өңірлерді қоспағанда, ел аумағында жаңбыр жауады, кейде найзағай жарқылдап, бұршақ жауып, екпінді жел (15-25 м/с дейін) соғады. Елдің батыс аймақтарында ғана ыстық күн райы сақталады.

Қазақстанда күн салқындайды

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының әкімі Жандос Еркінбектің төрағалығымен тұрақты кеңес мәжілісі өтті. Мәжіліске аудан әкімінің орынбасарлары, аппарат басшысы мен мекеме басшылары және кент, ауылдық округ әкімдері қатысты.Жиында «Әлеуметтік нысандардың жылу беру маусымына дайындық жұмыстары туралы» аудандық тұрғын үй коммуналдық шаруашылығы жолаушылар көлігі және автомобиль жолдары бөлімінің басшысы Р. Ефеновтің баяндамасы тыңдалды.Аудан әкімі жылу беру маусымында халықтың көмірсіз, отынсыз қалмауы керек екенін баса айтып, қазірден бастап оның алдын-алу шараларын қабылдап, тұрғындарға көмір алып қою бойынша түсіндірме жұмыстарын жүргізуді тапсырды.Алдағы жылу беру маусымына жоспарланған барлық жөндеу жұмыстарының мерзімінде, сапалы орындалуын қатаң қадағалуды тапсырды.Мұнан кейін, мәжілістің күн тәртібіне сәйкес аудан бойынша міндетті әлеуметтік медициналық сақтандыру жүйесінің іске асырылу барысы туралы аудандық аурухана бас дәрігерінің міндетін уақытша атқарушысы А. Жаналиев хабарлама жасады.Аудан басшысы жиынды қорытындылай келе тиісті сала басшыларына кент, ауылдық округ әкімдерімен бірлесе отырып міндетті әлеуметтік медициналық сақтандару жүйесін ақпараттындыру және насихаттау бойынша шараларды жүйелі ұйымдастыруды тапсырды.

Қармақшы ауданының әкімдігінде тұрақты кеңес мәжілісі өтті

Фото ашық дереккөзден<a href="https://kyzylorda-news.kz/">Kyzylorda-news.kz.</a> Техникалық реттеу және метрология комитетінің Қызылорда облысы бойынша департаментіне облыс тұрғынынан Қызылорда қаласы, Наурыз мөлтек ауданында орналасқан «Қызылордаэкспортастық» ЖШС-нің кірпіш зауытында өндірген күйдірілген кірпіш өнімінің сапасына байланысты арыз түсіп қаралды.&nbsp;Департаментпен арызда көрсетілген мәліметтерді тексеру, сондай-ақ бұзушылықтардың уақтылы жолын кесу және оларға жол бермеу мақсатында «Қызылордаэкспортастық» ЖШC-гі кәсіпорнына жоспардан тыс тексеру жүргізілді. Жүргізілген тексеру нәтижесінде &nbsp;«Қызылордаэкспортастық» ЖШС-гі өзі өндіріп отырған күйдірілген кірпіш өнімінің сәйкестігін растаудан өткізбей, өнімге сәйкестік сертификатын алмағандығы анықталды.&nbsp;Қазақстан Республикасы Үкіметінің қаулысымен бекітілген «Ғимараттар мен құрылыстардың, құрылыс материалдары мен бұйымдарының қауіпсіздігіне қойылатын талаптар» техникалық регламентінде күйдірілген кірпіш - ТН ВЭД коды 6904100000, қауіпсіздік талаптары белгіленетін құрылыс материалдарының, бұйымдары мен конструкцияларының тізбесінде «қабырға материалдары (темір-бетон панелдерінсіз) бөліміне кіргізіліп, сәйкестігі міндетті растауға жататын өнімдер тізбесіне енгізілген. Осы техникалық регламент талабына сәйкес күйдірілген кірпіш өнімі сәйкестігі міндетті растауға жатады.Қазақстан Республикасының «Техникалық реттеу туралы» Заңында «сәйкестік сертификаты – техникалық реттеу объектілерінің техникалық регламенттерде және (немесе) стандарттау жөніндегі құжаттарда белгіленген талаптарға сәйкестігін куәландыратын құжат - деп көрсетілген. Осы «Техникалық реттеу туралы» Заңының талабына сай, техникалық регламенттер өзіне қатысты қолданысқа енгізілген, сәйкестікті бағалаудан өтпеген, сондай-ақ сәйкестікті бағалау туралы құжаттарсыз өнімді айналысқа шығаруға тыйым салынады деген талабы сақталмай, кәсіпорын тарапынан &nbsp;заң бұзушылыққа жол берілген.&nbsp;Департаменттің жүргізген жоспардан тыс тексеру қорытындысымен «Қызылордаэкспортастық» ЖШС-не шығарып жатқан күйдірілген кірпіш өнімінің техникалық регламентте және нормативтік құқықтық актілерде белгіленген талаптарға сәйкес, сәйкестікті растау және (немесе) бағалау құжаттарынсыз өткізу дерегі бойынша Қазақстан Республикасының «Әкімшілік құқық бұзушылық туралы» Кодексінің 415-бабының 1-бөлігімен әкімшілік іс қозғалып, кәсіпорынға 672750 теңге әкімшілік айыппұл салынып, заң бұзушылық жасаған заңды тұлға &nbsp;жазаға тартылды. &nbsp;

Сәйкестік сертификатсыз өнімді өткізу дерегі анықталды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері 10 бала терезеден кұлап кеткен. Олардың 1-уі көз жұмды, деп хабарлайды ҚазАқпарат.Биыл облыста ата-анасының бақылауынсыз қалуы салдарынан 10 бала терезеден кұлап кеткен. Оқыс оқиғаның 1-уі Жаңақорған ауданында тіркелсе, қалғаны Қызылорда қаласында болған.<blockquote>«Оқиға салдарынан 2-6 жас аралығындағы 9 бала зардап шегіп, 1 бала қаза болды. Олардың терезеден құлау дерегі басты себебі ретінде ата-аналардың балаларды бақылаусыз қалдыруын айтуға болады. Сондай-ақ, терезенің ашық қалуынан, москит торларының берік бекітілмеуінен, балалардың терезе алдында ойнауынан осындай жағдайлар тіркеледі. Сондықтан барлық ересек азаматтардан сақтық шараларына баса назар аударуын сұраймыз», - деді Қызылорда облысы ТЖД Төтенше жағдайлардың алдын алу бөлімінің бастығы азаматтық қорғау подполковнигі Бейбітхан Спанов.</blockquote>

Биыл Қызылордада 10 бала терезеден кұлап кеткен

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбектің төрағалығымен аудан әкімдігі жанындағы жастар істері жөніндегі кеңестің кезекті отырысы өтті.Кеңес отырысының жұмысына кеңес мүшелері, кент, ауылдық округ әкімдері және сала басшылары қатысты.«Ауданда жастар саясаты саласында атқарылып жатқан жұмыстар және алдағы міндеттер туралы» Қармақшы аудандық жастар ресурстық орталығының директоры Н.Пірназар, «Мемлекеттік жастар саясатының жүзеге асырылу барысы және алдағы жоспарлары жайлы» Жаңажол, Ақтөбе, Ақжар ауылдық округі әкімдері баяндама жасады.Отырыс қорытындысы бойынша Кеңес төрағасы Жандос Еркінбек Жосалы кенті, Қармақшы ауданына қарасты ауылдық округ әкімдері мен сала басшыларына жастар саясатын жетілдіру бойынша бірқатар тапсырмалар жүктеді.Сондай-ақ, жастарды еңбекке баулу мақсатында елді мекендерде шаруашылық жаңынан «Еңбек бригадаларының» ашылуын ұйымдастыруды және жастарды қолдау бағытында іске асырылып жатқан мемлекеттік бағдарламалар мен жеңілдіктерді кеңінен насихаттауды тапсырды.Болашақтың тұтқасы жастардың қолында екенін ескерсек, олардың қазіргі қоғамдағы рөлін арттырып, пайдалы дүниемен айналысуына, түзу жолмен жарқын бағыттарға қадам басуға атсалыссақ нұр үстіне нұр болар еді.

Жастар істері жөнінде кеңес отырысы өтті

<a href="https://kyzylorda-news.kz/">Kyzylorda-news.kz.</a> Қармақшы ауданында өңір тұрғындарының әлеуетін арттыруда көптеген игі бастама іске асырылуда. Оның ішінде, тұрғындарды бұқаралық спортқа баулуда заман талабына сай стадион мен спорт кешендері, заманауи құрылғымен қамтылған спорт алаңдары пайдалануға берілді.Осындай игі істердің арқасында жастарымыз түрлі деңгейдегі байрақты жарыстарға қатысып, еліміздің көк туын әлем көгінде желбіретіп, абыройын асқақтатуда. Атап айтсақ, Жарболсын Құндақбаев, Қуаныш Қаражанов, Әділбек Серікбаев, Дархан Ерғалиев, Мұрат Кетебай, Марат Асылов, Бақберген Тәтімбетов, Ғалымжан Ержанов, Рашида Сарбасова, Жандос Топаев, Айдар Ерәлиев, басқа да есімдері елге танылған сала майталмандарының шәкірттері арасында Әлем, Азия, Қазақстан чемпионаттарында топ жарып, өңір абыройын асырып жүргендер жетерлік десек артық айтқандық емес. Осы жерде айтып кететін ерекше жайт, мүмкін бүгінгі буын өкілдері білмеуі мүмкін ауданда «Спорт шебері» нормативін алғашқы болып орындаған еркін күрес майталманы Әлжан Төремахановтың аудан спортының дамуына ерекше үлесін атап өту біз үшін парыз.Сонымен бірге, аудан халқына Әлем жеңімпазы деген атақты алғаш сыйлаған боксшымыз Өміржан Бауыржанұлы полицейлер арасында дүниежүзілік чемпионатта жасындай жарқырып, жеңімпаз атанса, кейіннен ол осы атағын бірнеше рет қорғады. &nbsp;Самал Бисенов те спорттың осы түрінен Азия жүлдегері атанды. 2008 жылы балуанымыз Бауыржан Райсов қазақ күресінен өткен Әлем біріншілігінде өз салмағында топ жарып жеңімпаз, содан кейін 3 мәрте Азия чемпионы атанса, Миржан Қуаңбаев қазақ күресінен &nbsp;Әлем чемпионатының қола жүлде, 2 рет Азия чемпионы, самбодан Азия чемпионы атанды.Сондай-ақ, қазақ күресінен жасөспірімдер арасында өткен әлемдік додада Айбек Серікбаев, ересектер арасында Ғалымжан Әбдірахманов өз салмақ дәрежелері бойынша &nbsp;чемпион атанып, ел мерейін тасытты. Ал, өз кезегінде «Қазақстан барысы» республикалық жарысында тамаша өнер көрсеткен Еламан Ерғалиев пен Мақсат Исақабылов жеңімпаз атанып, мерейімізді тасытты. Мақсат Азия біріншілігінде де топ жарса, Еламан Еуропа төрінде өткен байрақты бәсекеде мойнына жүлдесін тақты. Балуан қыздарымыз арасында да жоғары көрсеткішке ие болғандар жетерлік. Атап айтқанда, Динара Қодарова Азия біріншіліктерінде бірнеше рет жүлделі орындардан көрінсе, Гүлайым Нұрмаханова &nbsp;Ригада самбодан өткен Әлем чемпионатында айды аспанға шығарып, қола жүлдесін мойнына тақты. Енді бірде Ташкент қаласында өткізілген Азия біріншілігінде де бағы жанып, құрылық чемпионы атанды. Жақында Әсемай Рүстемова мен Ұлтай Сейілова сынды балуан қыздарымыз да Азияны бағындырды. Жасөспірімдер арасында да дзюдодан Бауыржан Жауынтаев дүниежүзілік байрақты жарыста жүлдегер атанса, өз қатары арасында зілтемір көтеруден екі мәрте әлем біріншілігінде көк туымызды әуеге әуелеткен Ерасыл Сәулебектің ерлігі қасиетті Қармақшыдай құтты атамекенді дүниежүзіне танытып, мерейімізді &nbsp;үстем етті. Жеңіл атлетика спортының майталмандары Мұрат Кетебай мен Рашида Сарбасованың да үкілеген шәкірттері Қазақстан, Азия, Әлемдік додаларда үлкен нәтижеге қол жеткізуде. Атап айтар болсақ, Рахымжан Келманов, Мейіржан Мақшат, Бағдат Елубаев, Нұрсұлтан Көлдеев, Данияр Әбілахатов қазіргі таңда Қазақстан құрамасының белді мүшелері. Қармақшылықтар осындай даңқты спортшыларымен мақтанады. Бұрындары ауданымызды «Жүз жыраудың Отаны» десе, бүгінде Қазақстанның спортсүйер қауымы Қармақшыны «Жүз спорт шеберінің Отаны» деп те мақтанышпен қосып айтады. Бұл біз үшін үлкен мақтаныш.Десе де, ауданның спортсүйер қауымы қазіргі таңда сол чемпиондарымыздың қайда жүргенінен және олардың бүгінгі өмірінен бейхабар. Осы мақсатта спорт жанашыларының сұрауымен жеңімпаз жерлестеріміздің бүгінгі өмірінен &nbsp;хабар беруді өз міндетімізге алдық. Миржан Қуаңбаев Жосалы кентінің тумасы, №183 орта мектепте білім алған. Алғашқы кездері Марат Асыловтан, кейіннен Әділбек Серікбаевтың жаттықтыруымен &nbsp;қазақ күресі, самбодан тәлім алып, жылдар өте қазақ күресінен өткен Әлем чемпионатының қола жүлдегері, Азияның екі дүркін жеңімпазы, самбодан да өз салмағында құрылық жеңімпазы атанды. Сонымен қатар, қазақ күресі мен самбодан өткен халықаралық және республикалық жарыстардың &nbsp;бірнеше мәрте жеңімпазы атанған балуан. Қазақ күресі мен самбодан халықаралық дәрежедегі спортшы. Қазіргі таңда Алматы қаласында тұрады. Отбасылы. Ұлттық қауіпсіздік комитетінде офицер. Өмірлік серігі Самал да самбодан бірнеше дүркін республикалық, халықаралық жарыстардың жеңімпаз, жүлдегері, «Спорт шебері» атағының иегері. Мектепте денешынықтыру пәнінің мұғалімі. Бақытты отбасында 4 қыз, 2 ұл тәрбиеленуде. Қай кезде де қасиетті Қармақшы ең ыстық атамекен болып қала береді. Талай дарын иелеріне құтты мекен атанған Жосалымды сағынбайтын күнім жоқ. Сәтін салса қазір-ақ алып-ұшып барғым келіп тұрады. Ол жақта анам мен бауырларым, достарым бар. Менің өсіп-өнген, осындай дәрежеге жеткізген отанымды қалайша жақсы көрмеймін, сағынбаймын. Ауылмен күнде хабарласып, онда болып жатқан жағымды жаңалықтарды естіп, қуанып отырамын. &nbsp;Биыл ауданымыздың құрылғанына 95 жыл толады екен. Осы ретте, жерлестерімді атаулы мерекемен құттықтап, әрдайым бақ пен береке үстемдік етуіне тілектестік білдіремін», – дейді Алматы шаһарынан арнайы ақ жарма тілегін жолдаған Миржан Талғатұлы.Бауыржан Райсов Жосалы кентінің тумасы. Үсен Томанов атындағы №183 орта мектепте білім алып, бала жасынан осы спорт түрін бүгінгі күнге дейін өміріне серік етіп келеді. Алғашында Дархан Ерғалиевтің, содан кейін Әділбек Серікбаевтай ұстаздарының спортқа баулуымен жаттыққан. Бауыржан 2004-2015 жылдар аралығында аудан орталығында самбодан өткен КСРО Батыры Тәйімбет Көмекбаев атындағы халықаралық мемориалдың үзіксіз жеңімпазы атанған бірден-бір балуан. Сонымен қатар, самбо және қазақ күресінен жастар және ересектер арасындағы Азия біріншілігінің 2 дүркін жүлдегері, 3 дүркін жеңімпазы. ТМД жастары ойындары мен А.Харлампиев атындағы халықаралық мемориал мен &nbsp;Әлем кубогінің &nbsp;жүлдегері және қазақ күресінен Әлем біріншілігінің &nbsp;жеңімпазы, Қазақстан Республикасы ІІ жазғы спартакиадасы мен «Ақ бидай» ауыл спорт ойындарының, ұлттық спорт түрлері мен ҚР күрес федерациясының І орын иегері. Қазақ күресі мен самбодан халықаралық дәрежедегі спорт шебері атағын иеленген. Бауыржан Әлманбетұлы Қызылорда мемлекеттік Қорқыт ата атындағы уинверситеттің түлегі. Бүгінде аудандық №15 мамандандырылған олимпиадалық резервтің балалар мен жасөспірімдер мектебінің оқытушысы. Шәкірттері де көптеген дүбірлі жарыстарда жеңімпаз, жүлдегер атанып, ұстаз үмітін ақтауда.&nbsp;<blockquote>«Мен үшін спорт бірінші кезекте тұрады. Өмірім спортпен, оның ішінде күреспен байланысқанына мақтанам. Өзімді құптап, өміріме демеу көрсетіп отырған жерлестеріме шын жүректен ризамын. Қаншама байрақты жарыстардан жеңімпаз атанып келгенімде де, қаншама рет жүлдеден қағылып келгенімде де жерлестерім арқамнан қағып, қуанышымды бөлісті, ренжігенде жұбатты. Бүгінде спорттық мансабымды аяқтап, шәкірт тәрбиелеп отырған жайым бар. Жаттықтырушылық қызметімде де жақсы көрсеткішке жетудемін. Жас балуандарым арасында да жеңімпаздар бар. Оларға өмірден түйген тәжірибемді беріп келемін. Олардың болашағынан көп үміт күтемін. Шәкірттерімнің өзім бағындырған белесімді бағындыратынына сенімдімін» дейді балуан Бауыржан.&nbsp;</blockquote>Әлем біріншілігінде жеңімпаз атанған енді бір жерлесіміз, бүгінде аудандық №16 балалар мен жасөспірімдер спорт мектебінде күрес бөлімінің жаттықтырушысы Гүлайым Нұрмаханова. Ол 2011 жылы Ригада жасөспірімдер арасында самбодан өткен дүниежүзінің барлық мемлекетінен қатысқан жас самбошылар арасында өз салмағында топ жарып, жүлдегер атанған тұңғыш қармақшылық самбош қыз. Сонымен қатар, ол Ташкентте самбодан ұйымдастырылған Азия чемпионатының жеңімпазы.Бүгінде ол өзі қызмет ететін спорт мектебінде шәкірттерді самбо, қазақ күресіне баулуда. Нәтиже де жоқ емес. Жуырда Гүлайымның үкілеген &nbsp;шәкірті Ұлтай Сейілова Астанада өткен Азия біріншілігінде қола медальді жеңіп алып, ұстазының мерейін тасытты.<blockquote>«Спорт мен үшін бірінші орында тұр. Бала жасымнан бастап ұстазым Бақберген Тәтімбетовтен осы спорттың қыр-сырын терең меңгердім. Өсе келе тыңғылықты жаттығуымның арқасында аудан, облыс, республикалық жарыстарда топ жарсам, жылдар өте міне әрбір спортшының арманы сияқты мен де Азия биігін бағындырдым. Кейіннен Әлемдік байрақты жарысқа қатысып, жүлдемен елге оралдым. Мен бақыттымын, көптеген қыздарымыз спортта &nbsp;жарты жолдан шығып кетіп жатыр. Біріншіден, Бақберген ағайыма, екіншіден менің спорттың шыңына шығуыма қолдау көрсеткен ата-анам мен командаластарыма ризашылығым шексіз. Алда жоспарлар көп. Шәкіртім Ұлтай ел құрамасы сапында алдағы уақытта Әлем біріншілігіне қатысады. Оны осы дүбірлі додаға қатыстыруға үлкен дайындық &nbsp;тұр. Оның дайындығы мен денсаулығы менің жауапкершілігімде. Сондықтан да шәкіртімді алдағы әлемдік жарысқа қатысып, жүлдегер атануына тынымсыз жұмыс істеп жатырмыз», – дейді Гүлайым.</blockquote>

Қармақшылық биікті бағындырған балуандар

<a href="https://kyzylorda-news.kz/">Kyzylorda-news.kz.</a> Жаңақорған ауданы ауыл шаруашылық саласы бойынша өзгелерден бәсі биік екені анық байқалады. Бұл сала бойынша жалпы өнімнің көлемі 101,2 пайызды құраса, биылғы жылы аудан бойынша 37 781 гектарға егiс егу межеленіп, жоспар толығымен орындалған. Бұл туралы Өңірлік коммуникациялар қызметінің ақпараттық алаңында өткен баспасөз конференциясында Жаңақорған ауданының әкімі Мұрат Тлеумбетов баяндады.<blockquote>«Қазіргі таңда, 3151 гектар күздік бидай мен күтімге алынған 15 439 гектар ескі жоңышқа тырмаланып, суарылды. 5000 гектар жаңа жоңышқа, 194 гектар жаздық бидай, 30 гектар жаздық арпа, тары 260 гектар, жүгері 738 гектар, 2010 гектар мақсары, 46 гектар күнбағыс, қант құмайы 10 гектар, 3296 гектар картоп, көкөніс, бақша дақылдары егілді. Бекітілген күріш егу және суға бастырудың 5 күндік кестесіне сәйкес, бүгінгі күні 7607 гектар күріш егіліп, суға бастырылды. Бұған қоса, 3151 га күздік 17 центнерден, 194 жаздық бидайдан 15 центнерден өнім алынса, 1000 тоннаға жуық бақша дақылдары Ресей мемлекетіне экспортқа шығарылып, қалғаны басқа облыстарға жөнелтілді, - деді аудан әкімі.</blockquote>Ауданда аймақ басшысы Нұрлыбек Машбекұлының тапсырмасына сәйкес, азық-түлік бағасын тұрақтандыру мақсатында қосымша 295 га жер ашылып, 845 отбасы картоп, көкөніс, бақша дақылдарын еккен. Жалпы, ауданда 781 шаруашылық құрылымдарының 485-і егін егумен айналысады. Оның ішінде, 234 шаруашылық күріш егеді.

Жаңақорған ауданында 37 781 гектарға егiс егілген

<a href="https://kyzylorda-news.kz/">Kyzylorda-news.kz.</a>&nbsp; Қазақта «Ана көркі – алдындағы баласы, қала көркі – үйі, орман, ағашы» деген тәмсіл бар. Расында қала ажарын айшықтай түсетін осы бір түсінік бүгінгі күннің басты көрінісіне айналып отыр. Әсіресе Арал халқы үшін бүгінде баспана мәселесі кезең-кезеңімен шешімін тауып, жыл сайын су жаңа баспаналар өз иелеріне табысталып келеді. Бұл жайында басылым бетінде үздіксіз ақпарат таратып, жаңа үйге қол жеткізген, мұқтаждығын өтеген жандардың қуанышы мен ақ-адал тілегін жиі жазып отырамыз. Бұл аудандағы тұрғын үй төңірегіндегі мәселенің оң шешімін табуына бастап келеді.Биыл да бұл бастама жалғасын таппай қалмады. «Баспана салынып жатыр екен» деген сөз халық арасында жиі естіледі. Расында қалаға кіре-беріс тұста еңсесі биік, қаздай тізілген ондаған «ақ отау» менмұндалап алыстан көз тартады. Көрген жанның «бізге қашан осындай баспана бұйырар екен?» деп іштей қызығытанын қалай жасырармыз. Иә, жинақы, жайлы салынған баспаналар шындығында өз иелерін күтіп тұрғаны анық. Ал олардың иелері кім болмақ? Осы сауалды көтеріп көрдік.Тәуелсіз еліміз үшін қай уақытта да басты капитал ел азаматтары. Олардың қауіпсіздігі мен жайлы тұрмысы, әл-ахуалы, кедергісіз өмір сүруі мемлекеттің басты назарында. Бұл міндетті мемлекет те қалтқысыз атқарып келеді. Ел азаматтарына барынша жағдай жасап, қолайлы өмір қалыптастыруды қолға алғалы қашан. Республика, облыс, аудан қазынасынан қарастырылған қаржылар халық игілігі үшін игерілуде. Міне осындай қолдаудың біріне баланған біз айтып отырған бұл баспаналар да республикалық бюджеттен қаржыландырылды. Сіз бен біз жиі көріп, көзге түскен сайын қызыға қарайтын тұрғынүйлер «Қуатты өңірлер – ел дамуының драйвері» ұлттық жобасы арқылы халықтың әлеуметтік осал топтарына табысталатын болады.&nbsp;Иә, тақырыбымызға арқау болып отырған үйлерге сырттай сүйсіну бір бөлек, ішіне енсеңіз тіпті тамаша. Аумағы 75 шаршы метрге дейінгі көлемді қамтитын үйдің іші кірсе шыққысыз. Жаныңа керектің бәрі бар. Құрылыс жұмыстарын жүргізіп жатқан жергілікті мердігерлердің де жұмысы өте тиянақты. Жауапкершіліктері жоғары. Көп жылдық тәжірибесі бар олар:<blockquote>– Тұрғын үйлерді талапқа сай ету басты міндетіміз. Сондықтан асқан жауапкершілікпен қараймыз. Халықтың берген батасы мен айтқан алғысынан биік басқа не болуы мүмкін? Сондықтан сапалы еңбекті талап ететін бүгінгі қоғамда талапқа сай болсақ, ауданның да дамитыны сөзсіз. Тағы бір айта кетерлігі – құрылыс материалдарының өзгешелігінде болып отыр. Полистиролбетонмен соғылып жатқандықтан, қыс мезгілінде де үйдің жылы болатыны белгілі, – дейді.</blockquote>Десе де атқарылатын жұмыстар ауқымды. Баспаналар еңсе тіктеп, тұрғындарға беруге дайын десек те жарық пен жылу кіргізу жұмыстары жүргізілуге қажетті аумақтар да бар. Бұл жұмыстардың барлығы жылдың соңына дейін толықтай аяқталып, тұрғындар игілігіне беріледі дейді жауапты мамандар. Бөлмесі жарыққа бөленіп, ішіне жылу енсе, үйге кірген тұрғындардың да көңіліне шаттық, өмірлеріне өзгеріс орнайтыны сөзсіз ғой. Ендеше елдің игілігі үшін бой көтеріп, қаланың ажарына сән беретін баспаналардың пайдаланылуға берілер күнін баршамыз асыға күтеміз. Армандаған сәтіне жеткен күнін де, сол шақтағы қуанышын да оқырмандарымызға алғашқы болып жеткіземіз. Айта кетейік, біз айтып отырған 1 қабатты, 2 пәтерлі 50 тұрғын үй жылдың соңында толықтай пайдалануға беріледі. Бүгіннің өзінде 50 үйдің 42-і салынып жатса, 20-сының құрылысы аяқталған.Сондай-ақ, 100 отбасыға қуаныш сыйлағалы тұрған бұл баспаналар қаланың бір ғана аумағында тұрғызылып жатқан жоқ. Бірнеше мөлтек ауданда қатар жүріп жатқан құрылыс барынша тұрғындардың тиімділігіне негізделген.Елдің өркенін ерекшелеп көрсетіп, даму деңгейін дәлелдеп, көзге ұрып тұратын керемет дүниелердің бірі – құрылыс саласы дер едім. Расында тақтайдай жол мен халыққа жасалған ең қолайлы жағдайлар, зәулім-зәулім құрылыс нысандары мен тұрғын үйлер, олардың бірізді орналасуы мен көрер көзге тартымды көрінуі қандай тамаша десеңізші?! Біз тек сыртқы көрінісін ғана айтып отырмыз. Ал жасалған дүниенің игілігі мен тиімділігін көруі үшін оның артында қаншама еңбек жатыр. Асқан жауапкершілік пен тынымсыз еңбектің арқасында ғана осындай жетістікке қол жеткізе аламыз. Әсілінде мұның барлығы құрылысшылардың өлшеусіз еңбегі мен қолынан шығатын таңдаулы туындыларының жемісі.Бірақ халық арасында құрылысшылық кәсіпті қарапайым еңбектің бір түрі ретінде ғана қарау деген ұғым қалыптасқан. «Шеберді шеге қағысынан таны» деп мақалдататын халықтың дәл осылай ұстаны тануы да бекер емес болар. Себебі әр іске епті, ыңғайын жетік білетін жандар ғана бұл кәсіптің кілтін таба алады. Бірақ қалқиып көзге көрінемін дегенше әрбір құрылыс нысанын зерделеп, саралап, жобасын жасайтын азаматтарды көпшілік тани білмейді. Салынатын нысанның сызбасынан бастап қандай құрылыс материалдарын пайдаланғаны тиімді екеніне дейін нақтылайтын азаматтардың да еңбегі ерен.Тағы бір айта кетерлігі бұл кәсіп жасқа қарамайды. Көзі таныған жан дөңгелетіп ала кетеді. Бұған бүгінгі кейіпкеріміз анық дәлел бола алады. Жас та болса өзіңнің жақсы қырымен көріне білген азамат Жасұлан Жылқышыбаев бірнеше жылдан бері құрылыс саласының қыр-сырын меңгеріп, бүгінде тіпті құрылыс материалын жасаумен айналысып жүр.Жерлесіміз 1993 жылы Арал қаласында дүниеге келген. Мектеп бітірген соң 2011-2015 жылдары аралығында Қ.И.Сәтбаев атындағы Қазақ Ұлттық техникалық университетін құрылыс мамандығы бойынша оқып, бітірген. Дипломды қолға ала сала еңбекке кірісуді, алған білімін іс жүзінде қолдануды ойлаған Жасұлан 2015-2017 жылдары Қызылорда облысының құрылыс, сәулет және қала құрылысы басқармасының құрылыс бөлімінің бас инспекторы ретінде өзінің қарым-қабілеті мен білімін көрсете алды. Ал 2017-2019 жылдары Қызылорда облысының мемлекеттік сәулет-құрылыс бақылауы басқармасының мемлекеттік сәулет-құрылыс инспекциясы бөлімінің бас маманы болып тағайындалды.&nbsp;Бірақ кейіннен мемлекеттік қызметтен алыстап, өз бетінше жұмыс жасауды ұйғарған кейіпкеріміз 2020 жылдан бастап техникалық қадағалаушы болып еңбек атқарды. Көптеген мемлекеттік мекемелердің құрылысын жүргізуде, жеке нысандардың салынуында техникалық қадағалаушы болған ол қазірде осы саланың белортасында табысты еңбек етуде. Алған білімін практикамен шебер ұштастыра алған азамат «Алжан орда» ЖШС-ның директоры. Өзінің айтуынша:<blockquote>– Талаптанған адамға табысқа жету қиын емес. Бірақ табысқа жетемін деп өз жауапкершілігіңді де ұмыт қылмау қажет. Жауапкершілікпен қарап, өз жұмысыңды тиянақты, сапалы етіп дайындасаң, басыңа бақ қонады. Сұраныс та арта түседі. Мұны өзімнің тәжірибемнен анық байқадым. Мемлекеттік қызметтен шыққан соң, 2020 жылы Қызылорда қаласынан полистиролбетон жасауды қолға алдым. Бірден жемісті еңбек ету деген түсінік болмауы қажет. «Көш жүре-бара түзеледі» дегендей еткен еңбектің де жемісін уақыт өте көре бастайсың. Мәселен бүгінгі таңда «Алжан орда» ЖШС-ның өніміне сұраныс өте жоғары. Полистиролбетонды Қызылорда қаласынан бөлек Жаңақорған, Шиелі, Жалағаш, Қазалы, Арал аудандарынан бөлек Ұлытау облысынан да тапсырыс өте көп түседі, – дейді.</blockquote>Сонымен қатар баспана салу жұмысын да қатар алып жүрген Жасұлан соңғы жылдары Арал қаласынан бой көтерген тұрғынүйлердің құрылысын салып, 25-30 адамға дейін жұмыспен қамтып келеді. Қазіргі таңда әлеуметтік әлсіз топтарға арналып салынып жатқан 1 қабатты, 2 пәтерлі баспаналарда да өз қолтаңбасы қалуда.Еңбегімен танылған азаматтың төккен тері еленіп, облыс, аудан әкімінің және Қызылорда облысының құрылыс, сәулет және қала құрылысы басқармасы басшысының Алғысына ие болған. Жастайынан жұмысқа жең түре кіріскен Жасұланның алдағы уақытта да игі бастамалары мен табысты жұмысы халықты қуанышқа бөлейтініне сенім мол.

Аралда биыл 100 пәтер беріледі

<a href="https://kyzylorda-news.kz/">Kyzylorda-news.kz. </a><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет» </a>РМК-сы тамыздың 9-ы күнгі күн болжамын жариялады.Кәсіпорынның олжамына қарағанда, бүгін оңтүстік циклонның шығуымен және атмосфералық фронталды бөліктердің өтуімен еліміздің басым бөлігінде күн құбылмалы болады. Жаңбыр жауады, солтүстік-батыста, солтүстікте, шығыста найзағай ойнап, бұршақ жауады, дауыл тұрып қатты жаңбыр жауады.Қазақстанның батысында, оңтүстік-батысында, солтүстік-шығысында күн жауын-шашынсыз болады. Республика бойынша жел күшейеді. Республиканың батысында түнгі және таңертеңгі сағаттарда тұман түседі.Күндіз Атырау, Батыс Қазақстан облыстарында 35-39°с аптап ыстық болады, Маңғыстау облысында 38-40°С қатты ыстық.Ақмола, Атырау, Батыс Қазақстан, Солтүстік Қазақстан облыстарында, Павлодар облысының оңтүстігінде, шығысында жоғары өрт қаупі сақталады.Маңғыстау, Түркістан, Жамбыл, Қызылорда, Шығыс Қазақстан, Қызылорда облыстарында, Жетісу, Абай облыстарында, Алматы облысының солтүстігінде, батысында, орталығында, Ақтөбе облысының оңтүстігінде, Қостанай, Қарағанды облысының оңтүстігінде, Ұлытау облысының солтүстігінде, Атыраудың батысында, шығысында, Ақмола облысының оңтүстігінде, батысында төтенше өрт қаупі жағдай сақталады.

9 тамызда ауа райы қандай болады?

<a href="https://kyzylorda-news.kz/">Kyzylorda-news.kz.</a> Кеңсе тауарларының бағасы едәуір қымбаттаған.Ұлттық статистика бюросының мәліметінше, өткен жылдың шілде айымен салыстырғанда кеңсе тауарларының бағасы 2023 жылдың шілдесінде 64,4% қымбаттады.Атап айтқанда, мектеп дәптері – 77,2%, қалам – 38,6%, түсті қарындаштар – 41,9%, сурет альбомы – 44,1% қымбаттады.

Қазақстанда кеңсе тауарлары 64,4% қымбаттаған

<a href="https://kyzylorda-news.kz/">Kyzylorda-news.kz.</a> Отандық өнімі оның ішінде халық жиі тұтынатын тауарларды шығару ел экономикасын алға жылжытуда маңызды қадам саналады. Облыс орталығында да өз өнімін нарыққа ұсынушылар саны артып келеді. Қаладағы тағы бір өнеркәсіп иесі – Исатай Нұржанов. Жеке қаражат есебінен қаладан темір тор шығаратын цех ашқан. 2020 жылы ашылған кәсіп бүгінде күніне 2000 шаршы метр өнім шығаруда.Кәсіп иесінің айтуынша, өнімнің басым бөлігі қаладағы базарға және ірі құрылыс дүкеніне жіберіледі. Бұған қоса, аудандардан тапсырыс алады.– Біздің негізгі шығаратын өнімдеріміз құрылысқа қажетті тауарлар. Қазір қалауға арналған тор (кладочная сетка), бетон едендерін тартпалау кезінде қолданылатын тор (армированная сетка для стяжки) шығарамыз. Үш жыл бойы жеке тапсырыстар бойынша жұмыс істеудеміз. Жылдан жылға цехтың көлемі ұлғайып, шығаратын өнімнің түрлері көбейіп келеді. Бүгінде 4 адам тұрақты жұмыспен қамтылған, – деді «Әділханова» ЖК директоры Исатай Нұржанов.Кәсіпкердің ендігі мақсаты – өз жобасын кеңейту. Ол үшін «Қызылорда» Өңірлік инвестициялық орталығы» арқылы 50 млн теңге көлемінде несие алды. Бұл қаражатқа Қытайдан сэндвич-панельдер шығаратын жабдық алдыртты. Жоба толығымен іске қосылғанда, 18-20 адамды жұмыспен қамтамасыз етеді.

Қазақстан және Қызылорда облысының жаңалықтары: Қоғам