<a href="https://kyzylorda-news.kz/">Kyzylorda-news.kz.</a> 9 қап марихуанамен ұсталған екі қызылордалыққа сот үкімі шықты.Toyota Camry 40 автокөлігімен екі қызылордалық азамат жолға шыққан. Самара – Шымкент тасжолымен бағыт алған олар көліктің күндізгі жарық шамдарын жақпай, полицейлердің көзіне түскен. Полицейлер тексеру кезінде жүргізушінің техникалық тексеруден өтпегендігін анықтап, көліктің ішінен салмағы 42 келі 682 грамм болатын 9 қап марихуананы тапқан. Арал ауданына мал сатып алуға барған көрші екі қызылордалық азамат “жаңа тұрғылықты жеріне” қоныс аударуға мәжбүр болды.&nbsp;Аталған дерек бойынша сотқа дейінгі тергеп-тексеру әрекеттері жүргізіліп, оның нәтижелері бойынша қылмыстық іс айыптау актісімен сотқа жолданды. Сот үкімімен олардың әрқайсысы 3 жылға бас бостандығынан айырылды.

Қызылордада 9 қап марихуанамен ұсталғандар сотталды

<a href="https://kyzylorda-news.kz/">Kyzylorda-news.kz.</a> Қызылорда облысына қарасты Сырдария аудандық мемлекеттік кірістер басқармасының басшысы Данияр Айбосынов мемлекеттік бағдарлама аясында осы жылдың мамырында 2,5 пайызбен 5 млн теңге несие алған кәсіпкерге хат жібереді. Хатта аталған несиеге алған қаржыны табыс деп көрсетіп, 72 мың теңге салық төлеуі қажет екенін хабарлаған.Кәсіпкер проблемасымен Палатаға келіп, құқықтық көмек сұрады.Қызылорда облысы кәсіпкерлер палатасының мамандары мәселені зерттегенде оның бір кәсіпкердің ғана емес, «Ауыл аманаты» жобасы мен жастарға арналған мемлекеттік бағдарлама аясында 2,5 пайызбен жеңілдетілген несие алып жатқан мыңнан аса кәсіпкердің құқығы бұзылуы мүмкін екенін анықтады.Проблеманы Палата жанындағы агроөнеркәсіп кешені кеңесі мен бухгалтерлер клубының бірлескен отырысына шығарды.Отырысқа Кәсіпкерлер палатасының директоры Пірмұхаммед Сыздық, Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңесінің төрағасы Болат Нұрқожаев, облыстық мемлекеттік кірістер департаменті мен аудандық кірістер басқармасының өкілдері, кәсіпкерлер қатысты.Жеке кәсіпкер Әскербек Ермағанбетов биыл 2,5 пайызбен жеңілдетілген несиеге 12 бас жылқы алып, өсіруде. Жақында кәсіпкерге Сырдария аудандық кірістер басқармасының мамандары хабарласып, алған несиесін табыс ретінде көрсетуді, соған сай салық төлеуі қажет екенін айтады. Артынан ресми хатын да жібереді.<blockquote>«Бізге «бір ай рұқсат беремін, болмаса есеп-шоттарымызды бұғаттаймыз» деді. Бұл қаншалықты заңды? Осыны анықтап берсеңіздер» – деді кәсіпкердің өкілі, туған ағасы Батырбек Ермағанбетов.</blockquote>Облыстық мемлекеттік кірістер департаментінің бөлім басшысы Гүлсара Қарымсақова мемлекеттік бағдарлама аясында берілген несие табысқа жатпайтынын, одан салық алынбайтынын атап өтті. Кәсіпкерлер осы қаржылық қолдаудың нәтижесінде кәсібін дамытып, пайдаға шыққан жағдайда салық төлейтінін жеткізді.Кәсіпкерлер палатасының директоры Пірмұхаммед Сыздық «Жастарды шағын несиелеу» бағдарламасы аясында жалпы құны 1,2 млрд теңгеге 274 азамат несие алғанын, бұл жоба бойынша қазір қосымша 1 млрд теңге бөлінгенін айтты.<blockquote>«Оған қосымша биыл басталған «Ауыл аманаты» жобасы бойынша облысқа 3 млрд теңге бөлінді. Оның аясында да біраз азамат несие алып, кәсіпкерлер қатары артары сөзсіз. Сол үшін бұл мәселе бір кәсіпкердің проблемасы емес, мыңнан аса іс бастаған азаматтардың алдынан шығатын мәселе», – деді Палата басшысы.</blockquote>Палата жанындағы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңесінің төрағасы Болат Нұрқожаев осындай қиындықпен өзге де кәсіпкерлердің болуы мүмкін екенін алға тартып, салық органдарының өкілдерінен хабарлама жіберілген кәсіпкерлердің тізімін беруді сұрады.Отырыстың қорытындысымен аталған мәселенің алдын алу мақсатында мемлекеттік кірістер органы өкілдерінен қала, аудандағы кәсіпкерлер арасында түсіндірме жүргізу ұсынылды.

2,5 пайызбен берілген несиеге салық төленбейді

<a href="https://kyzylorda-news.kz/">Kyzylorda-news.kz.</a> Қызылорда қалалық соты синтетикалық есірткі затын сақтаған 21 жастағы жігітке үкім шығарды.&nbsp;Жас жігіт өткен жылдың желтоқсан айында облыс орталығындағы мөлтек аудандардың бірінде ұсталды. Белгілі болғандай, «синтетика» әуесқойының пәтерінде 411,61 грамм психотроптық зат болған, бұл өте үлкен мөлшердегі синтетикалық препараттарға жатады. Ұсталған азаматтың айтуы бойынша, ол дәрі-дәрмектерді жеке пайдалану үшін сақтаған.&nbsp;Сотта айыпталушы өзінің кінәсін мойындап, өкінетінін айтып, жасын ескере отырып, жеңіл жаза тағайындауды сұрады. Сот үкіміне сәйкес, оған үш жылға бас бостандығынан айыру жазасы тағайындалды

Қызылордада синтетикалық есірткі сақтаған тұрғынға үкім шықты

<a href="https://kyzylorda-news.kz/">Kyzylorda-news.kz.</a> Жаңақорғандағы Жайылма ауылы халқының тұрмыстық әл-ауқатын, тыныс тіршілігін жақсарту мақсатында биылғы жылы ауылымыздағы барлық көшелердің ауыз су жүйесін жаңарту жұмыстары жүргізілуде. Сонымен қатар орталықтанған су жүйесіне жөндеу жұмыстары жүргізілуде.Орталықтанған су жүйесінің сыртқы қоршаулары жаңаланып, су сақтайтын қойма толықтай сырланды. Ауыз су жүйесінің жүргізілуі барысында асфальттанған көшелердің бұзылмауын қамтамасыз ету мақсатында арнайы техникалардың(рутор) көмегімен қазылды.Қазіргі таңда Қ.Оспанов,С.Бөкеев, Мырзатай, Жиделі, Т.Құдиярұлы. Орталық Б.Жүсіпов көшесінде жұмыстар жүріп жатыр. Ө.Рақышұлы және Шыңырау көшелеріне алдағы күндері су құбырларды жаңарту жұмыстары жүретін болады.Бүгінгі күні аталған жобаның құрылыс жұмыстарын “Дәнекер” ЖШС мердігер мекемесі қарқынды жүзеге асыруда.

Жайылмадағы жөндеу жұмыстары қарқынды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев Қалжан ахун ауылын газдандыруға байланысты атқарылып жатқан жұмыстардың барысын көрді.Биыл Қалжан ахун ауылын табиғи газға қосу жұмыстары жүргізілуде. Бүгінде ауылішілік газ құбырларын жүргізу жұмыстары аяқталуға жақын. Қазіргі таңда Тереңөзек кенті мен Қалжан ахун ауылы арасындағы жоғары қысымды газ құбырлары жалғануда. Жол қиылыстарындағы газ құбырлары бұрғылау әдісімен асфальт жолдардың астымен өткізілуде. Бұл жұмыстарды "Ремстрой" ЖШС атқаруда.Аудан басшысы мердігер мекеме өкілімен сөйлесіп, елді мекен тұрғындары табиғи газдың игілігін көруді асыға күтуде екенін атап өтті. Сондықтан жұмыстарды жылдам әрі сапалы аяқтауды ескертті.Мұнан соң Берік Әбдіғаппарұлы Тереңөзек кентіндегі ауыз су құбырларын жаңғырту жұмыстарымен танысты.Тереңөзек кентіндегі көшелердің ауыз су құбырларын жаңғыртуға байланысты 2 жоба әзірленген. Биыл бірінші жобаның жұмыстары басталып, бүгінгі таңда А.Алиакбаров көшесінің ауыз су құбырлары жаңартылуда. Ал екінші жоба 2024 жылға өтпелі.Тұрғындарға сапалы ауыз су беруде жобалардың маңыздылығын айтқан аудан басшысы мердігер мекеме – "Жаңарту" ЖШС өкіліне жұмыстарды сапалы және мерзімінде атқаруды айтты. Тиісті салалық орынбасары мен бөлім басшыларына нақты тапсырмалар жүктеді.

Ауыз су құбырларын жаңғырту жұмысы жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Мамандар елімізде алаяқтардан қорғану үшін цифрлық егізін дайындау керегін айтады. Мәселен, онлайн сервистерге тіркелу үшін арнайы SIM-карта алып, бұл қызметтерді төлеу үшін арнайы банк қызметін рәсімдеу керек дейді. Бұл туралы Stan.kz ақпарат агенттігі Astana арнасына сілтеме жасап хабарлайды.&nbsp;Сонымен қатар ұмытылмайтын, бірақ күрделі құпиясөз орнату керек екен. Әрі ашық Wi-Fi-ға қосылуға кеңес берілмейді.&nbsp;<blockquote>“Интернетте төлем жасау үшін цифрлық карта ашқан жөн, мұны кез келген банкте 1 минутта жасауға болады. Бұл негізгі есепшот және депозитке байланысты болмауы қажет", – деді киберқауіпсіздік бойынша сарапшы Евгений Питолин.&nbsp;</blockquote>Мәжілісмендер қазір жеке деректерді қорғау туралы заң жобасын әзірлеп жатыр. Егер қабылданса, азаматтарға жеке деректерінің жария етілгені туралы хабарлама келіп отырады. Сондай-ақ жеке деректерді жариялағаны үшін айыппұл да өседі.<blockquote>"Мұнымен қатар мәжілісте Әкімшілік кодекс қаралып жатыр. Біз мұнда айыппұлды 3 есеге өсіруді ұсындық. Қазір оның көлемі 50 АЕК-тен 5000 АЕК-ке дейін. Біздің ойымызша, айыппұл жеке деректерді қорғау үшін оператор жұмсайтын шығындардан көп болуы қажет", – деді мәжіліс депутаты Екатерина Смышляева.&nbsp;</blockquote>

Мамандар елімізде алаяқтардан қалай қорғану керегін айтты

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы жаңа жұмыс аптасын кенттегі құрылыс нысандарын аралаудан бастады.Ең бірінші аудан басшысы жөндеу жұмыстары жүргізіліп жатқан Жосалы кенті әкімдігіне барып, ғимараттың ішкі жұмыстарымен танысты. Кент бойынша қойылған бейнетаспалардың жұмысын қарап, ауданның 95 жылдығына арналған шаралары өтетін орталық алаңның жай-күйін көрді.Мұнан соң Жандос Еркінбекұлы Көшербаев көшесін абаттандыру жұмыстары бойынша өткен аптада нысандарды аралағанда берілген тапсырмасы бойынша орындалу жұмыстарын тексерді. Кент әкіміне әлі де кемшін тұстарды қалыпқа келтіру туралы тапсырма берді.Қайта жөндеу жұмыстарын талап етіп тұрған аудандық орталық емхананың сыртқы жұмыстарымен танысқан аудан басшысы келесі нысан 50 жалдамалы тұрғын үйлердің аяқталуға жақын құрылысының барысын бағамдап, мердігер мекеме басшыларына 10 қазанға дейін үйлерді кезең-кезеңімен тапсыруды міндеттеді.Келесі нысан " Шығыс" каналын абаттандыру жұмыстарының жақсы жүргізіп жатқанын көрген аудан әкімі бұл жұмыстарды да 95 жылдық мерейтойға тарту етуді тапсырды.Аудан әкімі есепті кездесулерінде айтып жүрген аудандағы ескі спорт кешенінің бу қазандығын табиғи газге ауыстыру жұмыстарының баяу екендігін ескертіп, сала бойынша орынбасарына қатаң бақылауға алуын талап етті.Биыл жылу жұмыстары қайта жаңғыртудан өткен спорт кешеніне күрделі жөндеу жұмыстары алдағы жылдары жасалатын болады деп күтілуде.

Абаттанған «Шығыс» каналы мерейтойға тарту етілмек

<a href="https://kyzylorda-news.kz/">Kyzylorda-news.kz.</a>&nbsp;Жаңақорған ауданының тұрғыны Әділет Әдірбек 4 жыл бұрын кір сабын шығаратын шағын кәсіп бастаған.&nbsp;Мемлекеттік бағдарлама аясында қолдау алып ол бүгінде өз кәсібін дөңгелетіп отыр. Қазір Әділеттің шағын цехы бір күнде орта есеппен 1000 дана сабын шығаруға қауқарлы.<blockquote>«Кәсіп бастау жайлы ұсыныс ағамнан болды. Бизнес жайлы көп ойландық. Бизнес түрлерін интернет желісінен қарап көрдік. Нәтижесінде, неге сабын шығару бизнесін қолға алмасқа деген ой келді. Сабын жасау техникасын Жетісай қаласына арнайы барып үйреніп келдік. Қазір тек қана кір сабын шығарып жатқанымызбен, болашақта бұл кәсіпті кеңейткіміз келеді. Дәл осы кір сабынның ұнтақ түрін, бірнеше иіс сабын, түрлі сусабын шығару ойда бар», - деді кәсіпкер.</blockquote>Қазіргі таңда цехта 3 адам жұмыс істейді. Сабын бағасы 130-200 теңгеден сатылады. Кір сабын жасау үшін тоң май мен сода керек екен. Бастысы – табиғи таза өнім, сапасы жоғары.&nbsp;Кәсіпкердің айтуынша, сұраныс негізінен Жаңақорған ауданының тұрғындары арасында, бірақ болашақта қосымша жұмыс орындарын ашып, еліміздің басқа да өңірлеріне өнімдерді тасымалдағысы келеді.

Жаңақорғандық кәсіпкер күніне мың дана сабын шығарады

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданының әкімі Мұхтар Оразбаев пен Бақытжан Дүзелбайұлы Қазалы қаласы мен аудан орталығы - Әйтеке би кентінің аралығындағы тұрғын үйлердің құрылысын көрді.Әлеуметтік осал топтар үшін салынып жатқан тұрғын үйлердің құрылысы қазіргі күні аяқталуға жақын.Нысанның сырты қапталып, ауыз су, газ және жарық мәселесі шешілген. Әрбір үйдің жұмысына асқан жауапкершілікпен қарау қажет екенін айтқан аудан басшысы тез арада тұрғынжайды ел игілігіне беру қажеттігін ескертті.Сонымен қатар, аудандық құрылыс, сәулет және қала құрылысы бөлімінің басшысы Нұрбек Күзембаевқа барлығын бақылауда ұстап отыруды тапсырды.

Қазалыдағы тұрғын үйлердің құрылысы аяқталуға жақын

<a href="https://kyzylorda-news.kz/">Kyzylorda-news.kz.</a>&nbsp;Республиканың басым бөлігінде күн райы тұрақсыз болады. Жаңбыр жауып, найзағай ойнайды, екпінді жел соғады, деп хабарлайды Қазгидромет.Солтүстік антициклонның ықпалымен Қазақстанның солтүстігінде, оңтүстігінде және орталығында ғана күн жауын-шашынсыз болады, республиканың барлық аумағында тұман күтіледі.Болжам бойынша, түнде еліміздің солтүстігінде, орталығында және шығысында -1-3°С дейін аяз болады.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев «Саутс-Ойл» компаниясының президенті Серікжан Сейітжановпен Қызылорда қаласының сол жағалауынан 650 орындық музыкалық колледж ғимаратын салу жобасы бойынша ынтымақтастық туралы келісімге қол қойды. Колледж жанынан жатақханасы да салынады. Жалпы құны 4 млрд. 800 млн. теңге болатын нысан аймақтың 85 жылдығына тарту болмақ.Жиынға Сыр өңіріне арнайы келген «Саутс-Ойл» компаниясының президенті Серікжан Сейітжанов қатысты. Аймақ басшысы колледждің жаңа ғимаратын салуға ниет білдірген компания басшысына облыс халқының атынан ризашылығын білдірді.<blockquote>«Оқу орнының қазіргі ғимараты 1983 жылы салынған. Әбден тозығы жеткен, қазіргі заман талаптарына сай келмейді. Бұл проблеманы өнерпаздар да көптен бері көтеріп келеді. Ескірген ғимарат небәрі 350 орындық, ал колледжде оқитындар саны, жастардың музыкалық білім алуға үлкен сұранысы жыл сайын артуда.Оған қоса, биыл Сыр өңірінде облыстық филармония жанынан тұңғыш рет симфония оркестрі құрылды. Оркестр құрамына ішекті, үрмелі және ұрмалы аспапты игерген 30 кәсіби музыкант қабылданып, ұжым 50-ден аса маманнан жасақталды. Жаңа ғимаратта симфония оркестрі шығармашылығын шыңдап, үлкен концерттерге дайындық жүргізеді. Осындай жаңа орталықтар өңір халқына арналған ізгі істердің ордасы болатыны сөзсіз», – деді аймақ басшысы.</blockquote>«Саутс-Ойл» компаниясының президенті Серікжан Сейітжанов қызылордалықтарды облыс мерейтойымен құттықтады. Жиында Қызылорда облысының әкімдігі және «Саутс-Ойл» компаниясы арасында ынтымақтастық туралы екіжақты келісімге қол қою рәсімі өтті.Айта кетейік, «Саутс-Ойл» компаниясы осы уақытқа дейін де Қызылорда қаласында 1,9 млрд. теңгеге «Нұрсәт» спорт кешенін, Аралдағы Қамыстыбас көлінің жағасына балалардың оқу-сауықтыру орталығын өз қаражаты есебінен салған.Келісімге қол қою рәсімінде мемлекет және қоғам қайраткерлері Мұрат Бақтиярұлы, Ибрагим Әбибуллаев, Қылышбай Бисенов, Нажмадин Мұсабаев, музыкалық колледждің бұрынғы директоры Кеулімжай Ботабаев жерлестерін жаңа ғимараттың бастамасымен құттықтады.Іс-шара соңында облыс әкімі мен компания басшысы жуырда ашылған Неке сарайы мен «Анаға тағзым» орталығының жұмысымен танысты. Жаңа нысандарда жастардың жұбайлық өмірге бейімделуіне жәрдемдесу, ұлттық құндылықтарды насихаттау жұмыстары үйлестірілуде.Еске салсақ, «Туған жерді бірге түлетейік!» атты Президент үндеуін қолдаған жергілікті кәсіпкерлер, облыстан шыққан меценаттар қайырымдылық шараларына, туған жерді көркейтуге белсенді атсалысуда.<figure class="image"><img src="https://knadmin.beoblood.kz/uploads/384220655_619242183730363_7606369719569200029_n_a7a1d490fb.jpg" alt="384220655_619242183730363_7606369719569200029_n.jpg"></figure>

Қызылордада 650 орындық музыкалық колледж ғимараты салынады

<a href="https://kyzylorda-news.kz/">Kyzylorda-news.kz.</a>&nbsp; Жылу беру маусымы жақындап қалғандықтан тұрмыстағы табиғи газды қауіпсіз пайдалану ережелерін қатаң сақтау өте маңызды. Әсіресе, көпқабатты және жеке тұрғын үйлердегі газ жабдықтарын жиі-жиі тексеріп тұрған абзал. Осыған орай, Қызылорда облысының Өңірлік коммуникациялар қызметінің баспасөз алаңында «ҚазТрансГаз» АҚ Қызылорда өндірістік филиалының жауапты мамандары тұрғындарды сақтық шараларын сақтауға шақырды.<blockquote>Қазіргі таңда күзгі және қысқы мерзімдегі жылыту маусымына дайындық барысы қызу жүруде. «ҚазТрансГаз Аймақ» АҚ Қызылорда өндірістік филиалының газ объектілері жылыту маусымына толықтай дайын. Сондай-ақ, газ жабдықтарын қауіпсіз пайдалану бойынша тұрғындарға түсіндірме жұмыстары жүргізілуде, - деді «ҚазТрансГаз Аймақ» АҚ өндірістік филиалы техникалық-өндірістік бөлімінің басшысы Ислам Бектұрғанов.</blockquote>Айта кету керек, газдың иісі шыққанда бірден 104 нөміріне қоңырау шалыңыз. Балаларды газ жабдықтарына жолатпау қажетінде ескеру керек.&nbsp;<blockquote>Табиғи газды қолданудың ережелерін қатаң сақтауға шақырамыз. Ең бастысы, ешқашан қараусыз қалдырмаңыздар. Түтін шығатын құбырлардың тартуын үнемі тексеріп, қосулы газ жабдығын қараусыз қалдырмауды сұраймыз. Газ аспаптарын өзіңіз жөндеуге болмайды. Арнайы мамандарға жүгінген жөн. Бұған қоса, қыс мезгілінде үйді жылыту үшін газ плиталарын пайдаланып жатады. Бұл да үлкен қауіпті. Сонымен қатар, су жылытатын газ жабдығын жуынатын бөлмеге орнатуға болмайды және қолдан жасалған пештерді пайдалануға тыйым салынады, - деді «ҚазТрансГазАймақ» АҚ Қызылорда өндірістік филиалының апатты-диспетчерлік қызметінің басшысы Базарбек Ерімбетов.</blockquote>Аймақта өрт оқиғалары өткен жылмен салыстырғанда 7,4 пайызға азайған. Дегенмен, төтенше жағдайлар департаментінің мамандары өрттің алдын алу және жылу беру маусымына дайындық барысын күнделікті қадағалап, рейдтік іс-шараларды өткізуде.<blockquote>&nbsp;Жылу беру маусымына дайындық кезеңі басталуына байланысты облыстық жұмыспен қамтуды үйлестіру және әлеуметтік бағдарламалар басқармасымен бірге облыс бойынша әлеуметтік аз қамтылған, көпбалалы және мүгедектігі бар 8 243 тұрғын үй тізімі нақтыланды. Олардың ішінде әлеуметтік аз қамтылған 7 250 отбасыға көмірқышқыл газын анықтайтын датчик орнатылды. Бұдан бөлек, газ жабдықтарын қауіпсіз пайдалану бойынша тұрғындарға күнделікті түсіндірме жұмыстары жүргізілуде, - деді Облыстық ТЖД мемлекеттік өрт бақылау басқармасының басшысы Асхат Оразбеков.</blockquote><figure class="image"><img src="https://knadmin.beoblood.kz/uploads/386082554_1869966403398863_8124312877605260259_n_31dae26ba5.jpg" alt="386082554_1869966403398863_8124312877605260259_n.jpg"></figure>

Қазақстан және Қызылорда облысының жаңалықтары: Қоғам