<a href="https://kyzylorda-news.kz/">Kyzylorda-news.kz.</a> Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспарын іске асыру мақсатында Қызылорда облыстық полиция департаментінің ЕҚҚІҚБ тарапынан облыс &nbsp;көлеміндегі оқу орындары арасында «Жастар есірткіге қарсы!» ұранымен флешмоб байқауы ұйымдастырылды.Байқаудың мақсаты - салауатты өмір салтын қалыптастырып, жастар мен жасөспірімдердің бос уақытын тиімді пайдалануға баулу болып табылды.Флешмобқа қатысушылар өз билерінде есірткіге деген теріс көзқарасты, салауатты өмір салтын ұстануға шақыруды көрсетті. Іріктеу байқаулары облыс өңірлерінде өткізілді. Екінші кезеңге облыстың оқу орындарының 62 командасы қатысты.Қатысушылардың 15 ынталық танытқан деп шешілсе, 12 команда аймақтық жеңімпаз деп танылды. Облыстық жеңімпаздар: Сырдария ауданы N131 орта мектеп – 1 орын, &nbsp;Арал ауданы N220 орта мектеп – 2 орын, &nbsp;Қызылорда қаласы N198 мектеп-лицей – 3 орын.

Қызылордада есірткіге қарсы байқау өтті

<a href="https://kyzylorda-news.kz/">Kyzylorda-news.kz.</a> «Атамекен» ұлттық кәсіпкерлер палатасында Әйелдер кәсіпкерлігі комитеті құрылды, деп хабарлайды ҰКП баспасөз қызметі.Қазіргі таңда «Атамекен» құрамында 18 комитет бар.<blockquote>«Комитет Қазақстанда әйелдер кәсіпкерлігін дамыту үшін қажетті шаралар кешенін әзірлеу, сараптамалық бағалау және ілгерілету, әйелдер кәсіпкерлігі мәселелері бойынша мемлекеттік және қоғамдық құрылымдардың өзара іс-қимылын үйлестіру мақсатында құрылды», - дейді «Атамекен» басқарушы директоры Айдана Тоғызбаева.</blockquote>Палатаның құрылымдық бөлімшесі – жұмыспен қамту және шағын және әйелдер кәсіпкерлігін дамыту департаменті жаңа комитеттің жұмыс органы болды.Хабарламада аталып өткендей, бүгінде Ұлттық палата жанындағы Іскер әйелдер кеңесінде 2 мыңға жуық кәсіпкер әйел бар.

Қазақстанда әйелдер кәсіпкерлігі комитеті құрылды

<a href="https://kyzylorda-news.kz/">Kyzylorda-news.kz.</a> Синоптиктер алдағы күндерге арналған ауа райы болжамын жариялады.Алдағы күндері республиканың басым бөлігінде ауа райы тұрақсыз болады, жаңбыр жауып, найзағай ойнап, екпінді жел соғады.<blockquote>"Қазақстанның солтүстігінде, оңтүстігінде және орталығында ғана солтүстік антициклон әсерінен жауын-шашынсыз ауа райы күтіледі. Барлық өңірде тұман түседі. Еліміздің солтүстігінде, орталығында және шығысында түнгі уақытта 1-3 градусқа дейін үсік сақталады. Ауа райында айтарлықтай өзгерістер күтілмейді", - делінген хабарламада.</blockquote>&nbsp;

Алдағы күндері ауа райы қандай болады?  

<a href="https://kyzylorda-news.kz/">Kyzylorda-news.kz.</a> Қазақстанның XI Азаматтық форумы қарсаңында Қызылорда қаласында «Азаматтық қоғам және мәдениет: Қазақстанның жаңаруы бағытындағы құндылықтар мен басым бағыттар» атты өңірлік форум өтті.Форумға Парламент Сенатының депутаты Руслан Рүстемов, Мәдениет және ақпарат министрлігінің өкілі, облыстық мәслихат депутаттары, басқа өңірлердегі, өз аймағымыздағы азаматтық қоғам ұйымдарының жетекшілері, зиялы қауым, жастар, мәдениет саласының мамандары мен арнайы Қазақстанның Азаматтық альянсы президенті Бану Нұрғазиева қатысты.Іс-шарада сөз сөйлеген облыс әкімі Нұрлыбек Нәлібаев өңірдегі ауқымды жобалар туралы баяндап, ҮЕҰ-нің аймақтың қоғамдық өміріндегі маңызды рөлін атап өтті.<blockquote>«Тәуелсіз еліміздің тарихында демократиялық құндылықтар мен азаматтық бастамаларды дамытуда, &nbsp;реформаларды жүзеге асыруда, мемлекеттік органдармен байланыс орнатып ел мүддесі жолында қызмет етуде &nbsp;Азаматтық альянстың алар орны ерекше. Аймағымыздың Азаматтық альянсын басқарған Дариха Ақмағамбетқызы, Әлима Жақыпқызы үкіметтік емес ұйымдарды біріктіре отырып, өңірімізде азаматтық қоғамның дамуына елеулі үлес қосты. Азаматтық қоғам мен атқарушы билік арасында &nbsp;байланыс орнатып, жарқын істердің үлгісін көрсетті. Бүгінде қауымдастық төрағасы Анар Жарылқасынқызы аға буын салған ізгі жолды жалғастыруда. Альянстың бастамасымен жыл басынан бері 372 үкіметтік емес ұйымға кеңес беріліп, 37 ауқымды шара өткізілді. Ауылдық үкіметтік емес ұйымдардың форумы өткізіліп, қажеттіліктер картасы жасақталды. 2020 жылдан бері ҮЕҰ басшыларының әлеуетін арттыруға &nbsp;арналған Жазғы құқықтық мектеп жүйелі түрде ұйымдастырылып келеді», - деді аймақ басшысы.&nbsp;</blockquote>Іс-шарада Парламент Сенатының депутаты Руслан Рүстемов форум жұмысына сәттілік тілеп, Сыр елінде қолған алынған маңызды жобаларды атап өтті.ҚР Мәдениет және ақпарат министрілігі Азаматтық қоғам істері комитеті төрағасының орынбасары Гүлбара Сұлтанова, ҚР Еңбек сіңірген қайраткері Алмас Алматов, әлеуметтік жобалардың фандрайзингі саласындағы халықаралық тренер, аға эксперттік сеньор Норберт Штольдт, «Кітап құрттары» қозғалысының лидері Талғат Меңдібаев өз салалары бойынша мақсат-міндеттері мен алдағы жоспарларын таныстырды.Жиынды қорытындылаған Қазақстанның Азаматтық альянсы президенті Бану Нұрғазиева өңірде жүзеге асырылған игі бастамаларға қолдау білдіріп, әріптестерінің жұмысына сәттілік тіледі.Соңында түрлі бағыттарда табысты қызмет етіп, өңірдің қоғамдық дамуына белсене атсалысқан азаматтар марапатталды.<img src="https://knadmin.beoblood.kz/uploads/383994683_619165683738013_8275186964215445693_n_491754b623.jpg" alt="383994683_619165683738013_8275186964215445693_n.jpg"><img src="https://knadmin.beoblood.kz/uploads/384101905_619165873737994_1765601804956694717_n_ceee580c00.jpg" alt="384101905_619165873737994_1765601804956694717_n.jpg"><img src="https://knadmin.beoblood.kz/uploads/382967512_619165953737986_4654089031746469700_n_c375b1d1a1.jpg" alt="382967512_619165953737986_4654089031746469700_n.jpg">

Қызылордада облыстық азаматтық форум өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қазақстан Азаматтық альянсының президенті Бану Нұрғазиевамен кездесті.Облыс орталығында өтетін «Азаматтық қоғам және мәдениет: Қазақстанның жаңаруы бағытындағы құндылықтар мен басым бағыттар» атты XI Азаматтық форумның жұмысына сәттілік тіледі.<blockquote>«Халық пен биліктің арасындағы алтын көпірге айналған азаматтық сектормен өзара іс-қимылды жетілдіруді талқылап, ұсыныс-пікірлерді ортаға салу үшін мұндай басқосулардың маңызы зор. Ықпалды азаматтық қоғам – мемлекет дамуының негізі. Бұқара мен билік арасындағы сындарлы диалогты қалыптастыруда үкіметтік емес ұйымдардың атқаратын рөлі ерекше. Мемлекет басшысы ұсынған «Халық үніне құлақ асатын мемлекет» тұжырымдамасын аймақта сапалы жүзеге асыруда азаматтық қоғам өкілдерімен бірлескен жұмыстарды жандандыру біз үшін үлкен маңызға ие. Қоғамның осал топтарымен жұмыс жүргізу, өңірдегі проблемалық мәселелерді бірлесіп шешу - мемлекет пен азаматтық ұйымдардың ортақ міндеті. Сол себепті, біз әріптес ретінде &nbsp; үкіметтік емес сектордың бастамаларына қолдау білдіреміз», - деді Нұрлыбек Машбекұлы.</blockquote>Өз кезегінде Қазақстан Азаматтық альянсының президенті облыс әкіміне ризашылығын білдіріп, &nbsp;тиімді әріптестікті нығайтуға мүдделі екенін айтты.&nbsp;Сыр өңіріндегі үкіметтік емес ұйымдардың іргелі істері мен тың бастамаларына жасалған мемлекеттік қолдаудың нәтижесі оң өзгерістерге жол ашты. Мәселен, биыл &nbsp;мемлекеттік әлеуметтік тапсырыс арқылы 142 жобаға 1 млрд. теңгеден астам қаржы қаралып, салалық принцип негізінде 15 бағыт қамтылды.Былтыр ашылған Үкіметтік емес ұйымдардың ресурстық орталығы өңірдегі азаматтық бастамалардың дамуына, үкіметтік емес ұйымдардың сапалық құрамының артуына және қоғамдық өмірдің жандануына септігін тигізуде. Бүгінде ресурстық орталық қоғамдық ұйымдарға қажетті барлық материалдық-техникалық жабдықтармен және теориялық-әдістемелік құралдармен қамтамасыз етілген. Орталықта департамент және басқарма басшыларының ҮЕҰ өкілдерімен кездесу кестесі бекітіліп, кездесулер апта сайын өтеді. Бұл &nbsp; мекеме басшыларына &nbsp;ұсыныстарды жеткізуге, мәселелерді шешуге мүмкіндік береді.&nbsp;

Аймақ басшысы Қазақстан Азаматтық Альянсының президентімен кездесті 

<a href="https://kyzylorda-news.kz/">Kyzylorda-news.kz.</a> Индустрия және құрылыс министрлігі енді баспана кезегінде тұрған қазақстандықтар тізімінен сәйкес келмейтін үміткерлердің шығарылатынын жеткізді. Бұл кезектің тезірек келуіне көмектеседі, деп хабарлайды <a href="https://stan.kz/endi-baspana-kezeginde-tyrgan-kazakstandiktar-tiziminen-389043/">Stan.kz</a>.Кезекте тұрғандардың біразының жеке баспанасы бар болып шықты. Басқалары құжаттарды тапсыру кезінде қателіктер жіберген.Бүгінге дейін әкімдіктер 10 мың адамды кезектен шығарып үлгерді. Ал өзге&nbsp;қазақстандықтар баспаналарын&nbsp;күтуді жалғастыруда. Кейбірі он жыл немесе одан да көп уақыт күтуі мүмкін.<blockquote>«233 мыңға жуық адам бұл талаптарды орындамағаны үшін&nbsp;тізімнен шығарылуы мүмкін. Кезектен оларды алып тастаса,&nbsp;артта тұрғандардың кезегі алға жылжиды. Яғни баспанаға тезірек қол жеткізуге болады», - деді Индустрия және құрылыс комитетінің басқару жөніндегі сарапшысы Самат Бекжігіт.&nbsp;</blockquote>

Енді баспана кезегінде тұрған қазақстандықтар тізімінен сәйкес келмейтін үміткерлер шығарылады

<a href="https://kyzylorda-news.kz/">Kyzylorda-news.kz.</a> Қызылорда облысының Арал ауданында оқушылар иновациялық технологиясыз-ақ тұрмыстық қалдықтарды пайдаға жаратып, жарамсыз заттардан бұйымдар жасауды меңгеруде. Бұл дүниелер бір қарағанда өндіріс орнында арнайы дайындалған тұрмыстық бұйымдар деп ойлауыңыз мүмкін. Алайда, бұл заттардың барлығы қарапайым мұғалімнің қиялынан туған дүниелер.Шәкірт қиялына қанат бітірген ұстаз Зина Елеусізова Арал қаласындағы №260 орта мектебінде еңбек пәнінен сабақ береді. Саналы ғұмырын білім саласына арнаған жан биыл зейнетке шығады. Оның айтуынша тұрмыстық қалдықты кәдеге жаратып, жоқтан бар жасау студент кезінен қалыптасқан қасиет. Он саусағынан өнер тамған мұғалім оқушыларға сапалы білім берумен қатар, оларды еңбекке баулу басты мақсатым дейді.<blockquote>Жоқтан бар жасап, жарамсыз заттарға екінші өмір сыйлау оқушыларға көп ой салады. Осы арқылы тұрғылықты жерімізде қалдықсыз, таза экологиялық орта қалыптасса екен деймін. Бір жағынан оқытудағы әдіс-тәсілдердің түрлілігі және оны балалардың қызығушылығына қарай бағыттап таңдап алу, мұғалім үшін үлкен жетістік, - дейді Зина Елеусізова.</blockquote>Алпысты алқымдаған ұстаздың қолынан шыққан дүниелер бүгінде мектептің кабинеттеріне ерекше сән беруде. Тіпті, бұл ерекше заттарына бүгінде көпшілік қызығушылық танытуда екен. Зина апай алдағы уақытта түрлі көрмелерге қатысуды жоспарлауда.<figure class="image"><img src="https://knadmin.beoblood.kz/uploads/378379615_1684553858714479_6999936871240691982_n_1497ca40db.jpg" alt="378379615_1684553858714479_6999936871240691982_n.jpg"></figure>

Шәкірт қиялына қанат бітірген ұстаз

<a href="https://kyzylorda-news.kz/">Kyzylorda-news.kz.</a> Қызылордада Достық үйінде «Қоғамдық келісім» КММ директоры Бақытжан Камалов өңірдегі партия филиалдарының төрағалары және жоғарғы, орта арнаулы оқу орындарының өкілдерімен кездесті. Кездесуде қоғамдық келісім мен жалпыұлттық бірлікті нығайту бағытында меморандумға қол қойылды.Аталған кездесу ҚХА-ның XXXII сессиясында берілген Ассамблеяның Саяси партиялармен және мемлекеттік органдармен өзара іс-қимылын күшейту туралы Мемлекет басшысының тапсырмаларын іске асыру аясында өтті.Іс-шараға «Қазақстан Халық партиясы», «Ауыл» ХДПП, «Ақ жол» ҚДП, «Жалпыұлттық социал-демократиялық партиясы», «Respublika», «Baytaq» партияларының Қызылорда облысындағы филиал төрағалары мен орынбасарлары, жоғарғы, орта арнаулы оқу орындарының өкілдері және «Қоғамдық келісім» КММ қызметкерлері қатысты.Кездесу барысында Бақытжан Жарылқасынұлы партия өкілдерін облыстық ассамблеяның ағымдағы қызметі және қоғамдық келісім мен жалпыұлттық бірлікті нығайту бойынша жүргізіліп жатқан жұмыстармен таныстырды. Сондай-ақ, ол өз сөзінде «Саяси күштермен тығыз өзара іс-қимыл жасау азаматтардың шешім қабылдау процесіне және азаматтық қатысу қағидатына тартылуы негізінде азаматтық бірегейлікті нығайту үшін Ассамблеяның қоғамдық рөлін және этносаралық коммуникациялардың кең алаңдарын кеңейту жөніндегі міндетке сәйкес келетінін» айтып өтті.Сондай-ақ, тараптар қазақстандық қоғамда жалпыұлттық бірлік, қоғамдық келісім және үйлесімді этносаралық қатынастар құндылықтарын ілгерілетуге, жастарды адал еңбекке баулуға бағытталған бірлескен қоғамдық, мәдени-бұқаралық, ағартушылық, ғылыми-практикалық іс-шараларды өткізу мәселелері бойынша ынтымақтастық пен өзара іс-қимыл орнату мәселесін талқылады. Өз кезегінде, «Ауыл» партиясының өңірдегі филиалының төрағасы Серікбай Өмірзақов, «Қазақстан Халық партиясы» Қызылорда облыстық филиалы төрағасының орынбасары Ақмарал Олжабаева жарқын болашаққа жетудің бірегей жолы - халқымыздың бірлігі мен келісімін нығайту екенін атап өтті.Барлық партия төрағалары бірлігі мен еліміздің тұтастығын нығайта түсу жолында облыстық Қазақстан халқы ассамблеясымен бірлесе жұмыс жасауға дайын екендерін алға тартты.Кездесу соңында «Қоғамдық келісім» мекемесі облыстық саяси партия филиалдары, жоғары және орта арнаулы оқу орындарымен ынтымақтастық туралы меморандумға қол қойды.

Қоғамдық келісімді нығайтуға байланысты меморандумға қол қойылды

<a href="https://kyzylorda-news.kz/">Kyzylorda-news.kz.</a> 2 қазанда Қазақстан аумағының басым бөлігіне антициклон сілемі әсер етеді. Осыған байланысты ауа райы жауын-шашынсыз болады, деп хабарлайды Қазгидромет.Тек оңтүстікте, оңтүстік-шығыста, шығыста, елдің орталығында атмосфералық фронттардың өтуіне байланысты жаңбыр жауады. Ал оңтүстік – шығыстың таулы аймақтарында қар аралас жауын жауады. Республика бойынша тұман түседі, оңтүстікте, оңтүстік-шығыста, күндіз елдің орталығында екпінді жел соғады, күндіз орталықта бұршақ жауады.Түнде Ақмола облысының солтүстігінде, шығысында, Қостанай, Батыс Қазақстан, Павлодар облыстарының солтүстігінде, Солтүстік Қазақстан облысының оңтүстік-шығысында, Абай облысының батысында 1-2 градус үсік жүреді.Түркістан, Орталық, Шығыс, Қызылорда облыстарында төтенше өрт қаупі сақталады.Жамбыл, Қарағанды облысының оңтүстігінде және Ұлытау облысында, Маңғыстау облысының орталығында өрт қаупі жоғары.

2 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Атом саласы қызметкерлері күнінде Шиелі ауданы әкімінің орынбасары Ерсұлтан Апетов аудандағы ірі кәсіпорындар «Семізбай-U» ЖШС Иіркөл кеніші және «№6» Кен басқармасының ұжымдарын кәсіби мерекелерімен құттықтап, аудан әкімі Нұржан Ахатовтың құттықтауын жеткізді. Сондай-ақ, мерекелік кеште алғыс хаттар мен мерекелік төсбелгілер тарту етіліп, атом саласы қызметкерлерінің мерейі тасыды.

Атом саласының қызметкерлері күнінде мерекелік марапаттар тарту етілді

<a href="https://kyzylorda-news.kz/">Kyzylorda-news.kz.</a> Бүгін 1 қазан - Халықаралық қарттар күні. Мереке қарсаңында Жалағаш ауданының әкімі Асқарбек Есжанов қазыналы қарияларымыздың шаңырақтарына барып мерейлі мерекемен құттықтады.Аудан әкімімен бірге аудандық ардагерлер кеңесінің төрағасы Садық Алиев және аудандық мәслихат төрағасы Өмірзақ Елеусінов болды.Кездесу барысында Асқарбек Темірбекұлы ардагерлеріміздің жүріп өткен жолы - елдік пен ерлік жолы екенін айтты. Ардагер әкелеріміз бен аналарымыздың әділдікті, елдікті, ақиқатты ту етіп жүріп өткен осынау жолы жас ұрпақты әрқашан ерлікке, Отанды сүюге бастайтынын жеткізді. Осы тұрғыдан алғанда ардагерлеріміздің елдің кемел келешегі үшін еткен жасампаз еңбектері мәңгі жасайтынын сөзге тиек етті.Айта кетейік, қазіргі таңда аудандық ардагерлер ұйымы 4 мыңға жуық зейнеткер ардагерлерімізді 79 ұйымға басын біріктіріп отыр. Олардың 2247-і ауыл округтерінде болса, 1575-і аудан орталығында есепте тұрады. Ардагерлер ұйымының жұмысына аудандық ардагерлер кеңесі басшылық жасайды. Бұл аудандық ардагерлер кеңесін 2009 жылдан бастап білікті басшы, ауданның құрметті азаматы Садық Алиев басқарып келеді.

Қазыналы қарттарға құрмет көрсетілді

<a href="https://kyzylorda-news.kz/">Kyzylorda-news.kz.</a> Сыр бойындағы сөздің қадірін, өнердің бағасын білетін ағайын бір аптаның ішінде екі бірдей жыр жүйрігінің республикалық айтыста жүлделі болғанына қуануда. Алдымен Жамбыл облысы Сарысу ауданының 95 жылдығына арналған республикалық айтыста Нұрмат Мансұр бас жүлдені иеленді.&nbsp;Айтыстың ақтаңгері Мұхтар Ниязов Алматыда өткен қазақ әдебиетінің классигі Оралхан Бөкейдің 80 жылдығына арналған республикалық аламанда бас бәйгені жеңіп алды.Халқымыздың рухын көтеріп, жан дүниесін байытатын өнердің ерен жүйріктерін жеңістерімен құттықтаймыз.Өнер киесі қонған өңірдегі рухани сабақтастықтың алтын арқауы үзілмегей!

Қазақстан және Қызылорда облысының жаңалықтары: Қоғам