<a href="https://kyzylorda-news.kz/">Kyzylorda-news.kz</a> Қызылорда облысында ауыл шаруашылығының жалпы өнім көлемі жыл сайын артып келеді. Осы жылы бұл көрсеткішті 234 млрд. 800 млн. теңгеге жетті. Қазіргі таңда 6 млрд. 400 млн. теңге болатын 9 жоба іске қосылды. Бұл туралы елордадағы Орталық коммуникациялар қызметінде өткен брифингте аймақ басшысы Нұрлыбек Нәлібаев хабарлады.«Ауыл шаруашылығының машина-трактор паркі жаңартылып, 2022-2024 жылдары 21 млрд. 800 млн. теңгеге 647 техника алынса, Осы жылы 4 млрд. 700 млн. теңгеге машина-трактор паркі 139 ауыл шаруашылығы техникаларымен толықтырылды.Дер кезінде қабылданған шешімдердің негізінде егіс алқаптары толық сумен қамтамасыз етіліп, егінді шығынсыз алып қалуға барынша жағдайлар жасалды.Президент тапсырмасымен аймаққа Премьер-министр бастаған Үкімет делегациясы арнайы келіп, шаруалардың жағдайымен, егістің жай-күйімен танысты. Төтенше жағдайлар министрлігі еліміздің барлық өңірінен 139 қызметкерден құралған жеке құрамды жеткізіп, екі ай бойы шаруалардың игілігі үшін ауқымды жұмыс атқарды.Үкімет резервінен 53 насос қондырғысын алуға қажетті қаржы бөлінді. Дер кезінде қабылданған шешімдер егінді шығынсыз жинап алуға жол ашты.Өңірде биыл 189 600 гектарға егін егілді, 80 900 гектарға себілген күріштің әр гектарынан 58,1 центнерден өнім алынып, 470 мың тоннаға жуық астық жиналды», – деді Н.Нәлібаев.Аймақта су ресурстарын неғұрлым тиімді пайдалану, су шығынын азайту мақсатында егістікке жаңа технологиялар енгізілуде. Биыл диқандар күріш алқаптарының 60 мың гектарын лазермен тегістеп, суды үнемдеп, өнімділікті арттырды. Су үнемдеу технологиялары 8 100 гектарға пайдаланылып, өткен жылмен салыстырғанда 2 есе ұлғайды. Шиелі, Қазалы, Арал аудандарында шетелдік компаниялардың қатысуымен су үнемдеу технологияларын қолданып жүгері, жоңышқа егуге бағытталған 3 ірі жоба қолға алынған.Егін шаруашылығын әртараптандырып, су үнемдеу технологиясын енгізген шаруашылықтарды мемлекеттік қолдауға алдағы 3 жылға 34 млрд. теңгеден астам қаржы бөлінді. Мемлекет басшысы суды көп қажет ететін дақылдар егісін оңтайландыруды, оның орнына ылғалға төзімді, өнімділігі жоғары, сұранысқа ие жүгері, майлы дақылдар көлемін арттыруды тапсырды.Бұл бағытта жүгеріні терең өндейтін Қызылорда крахмал-сірне зауыты жобасы 2025-2029 жылдар аралығында екі кезеңде іске асырылады. Бірінші кезеңде кептіру кешені, екінші кезеңде жүгеріні терең өңдейтін зауыт салынады. Зауытқа 35 гектар жер телімі табысталып, 10 мың гектарға дән жүгері егуге шаруалармен келісім жасалды.Одан бөлек, швейцариялық «Харвест Груп» компаниясымен бірлесіп, 21 мың гектарға техникалық қарасора, жүгері және соя өсіріледі, агроиндустриялық кластер құру жоспарлануда.Бұл жобалар аймақтың егін шаруашылығын әртараптандырып, саланы жаңа деңгейге көтеруге оң ықпалын тигізеді.&nbsp;Фото: @ortcom_kz

Сыр өңіріндегі егіс алқаптары әртараптандырылуда  

<a href="https://kyzylorda-news.kz/">Kyzylorda-news.kz</a> ҚР Президенті жанындағы Орталық коммуникациялар қызметінде Қызылорда облысының әкімі Нұрлыбек Нәлібаевтың Қызылорда облысының әлеуметтік-экономикалық дамуы туралы брифингі басталды.

Қызылорда облысының әлеуметтік-экономикалық дамуы туралы

<a href="https://kyzylorda-news.kz/">Kyzylorda-news.kz</a> &nbsp; Мемлекет басшысы Қасым-Жомарт Тоқаев Санкт-Петербург қаласында өткен Жоғары Еуразиялық экономикалық кеңестің (ЖЕЭК) кезекті отырысына қатысты.Кездесуге Қазақстан Президентімен бірге Ресей Федерациясының Президенті Владимир Путин, Беларусь Республикасының Президенті Александр Лукашенко, Қырғыз Республикасының Президенті Садыр Жапаров, Армения Республикасының Премьер-министрі Никол Пашинян, сондай-ақ Еуразиялық экономикалық комиссия алқасының төрағасы Бақытжан Сағынтаев қатысты.Кеңес отырысында Еуразиялық экономикалық одақ жұмысының келесі жылы атқаратын негізгі міндеттері мен бағыттары талқыланды.Сонымен қатар жиынға қатысушылар ЕАЭО-ның қазіргі қызметіне байланысты бірқатар мәселе жөнінде пікір алмасты.

Президент Жоғары Еуразиялық экономикалық кеңестің шағын құрамдағы отырысына қатысты

<a href="https://kyzylorda-news.kz/">Kyzylorda-news.kz</a> Қаржылық мониторинг агенттігінің бастамасымен Қызылордада «Заң мен Тәртіп- ел тұғыры» атты облыстық ақындар айтысы өтті. &nbsp;Мөлдір Айтбай, Нұрмат Мансұров, Бексұлтан Орынбасаров сынды аймақтың жыр жүйріктері бас босқан рухани шарада заң үстемдігі, әділдік пен адалдық туралы құнды ойлар көркем тілмен жырланды. Шараны үш дүркін «Алтын домбыра» иегері &nbsp;Мұхтар Ниязов тізгіндеді. Айтысқа арнайы қатысқан Қаржылық мониторинг агенттігінің ресми өкілі Ернар Тайжан өз сөзінде айтыстың құқықтық сауаттылықты насихаттауда тың тәсіл екенін ерекше атап өтті.&nbsp;<blockquote>«Бүгінгі сөз додасы - қаржылық қауіпсіздікті, адалдық пен тәртіпті үгіттеудің, саналы ұрпақ тәрбиесін насихаттаудың жаңа әдісі. Республика көлемінде осындай жаңа форматта айтыс алғаш рет &nbsp;Қызылорда да ұйымдастырылып отыр. &nbsp;Бұл бастама оң нәтижесін беріп, қоғам тарапынан қолдау тапса, осы форматты өзге өңірлерде де дәстүрлі түрде өткізу жоспарымызда бар» - деді, ол.</blockquote>Айтыста алаяқтық схемалардан сақтану, қаржылық тазалық, заңға құрмет сынды тақырыптар жыр жолдарымен өрілді. Іс-шараға жергілікті атқарушы орган өкілдері, зиялы қауым өкілдері, құқық қорғау органдарының бірінші басшылары, жастар мен қала тұрғындары қатысты.Сөз додасының қорытындысымен бас жүлдені Бексұлтан Орынбасаров иеленді. Кеш соңында Қызылорда облысы бойынша ЭТТД басшысы Аслан Кеңес сөз сөйлеп, жиылған жұртқа шынайы ризашылығын білдірді. Барлық айтыскерлер дипломдармен, арнайы жүлде қорымен марапатталды.

Сыр елінде заң мен тәртіп тағылымы айтыс арқылы насихатталды

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы, Руханият орталығында Қызылорда облыстық қоғамдық даму басқармасының «Үкіметтік емес ұйымдарға арналған ақпараттық-ресурстық орталығы жұмысын үйлестіру» әлеуметтік жобасы аясында «Жалынды жастар» жастар қоғамдық бірлестігі мен облыстық «Жастар ресурстық орталығы» мамандарының бірлесе ұйымдастыруымен мемлекет басшысының Қаулысымен бекітілген қағидаттарын аймақтағы жастарға түсіндіру бойынша өңірдегі Үкіметтік емес ұйымдар жетекшілерінің қатысуымен «Ішкі саясат қағидатын жүзеге асырудағы үкіметтік емес ұйымдардың рөлі» тақырыбында оқыту-семинары ұйымдастырылды.Іс-шараның мақсаты - Мемлекет басшысы айқындаған ішкі саясат қағидаттарын жастарға кеңінен насихаттау, үкіметтік емес ұйымдардың қоғамдық-саяси үдерістердегі рөлін түсіндіру, жастардың азаматтық жауапкершілігін, құқықтық мәдениетін қалыптастыру және қоғам өміріне белсенді қатысуына ықпал ету.Іс-шара барысында облыстық «Ерлік» үйлестіру кеңесі» қоғамдық бірлестігінің төрағасы Марат Орынбайұлы, &nbsp;«Ел сенімі» қоғамдық қорының төрайымы Тәжіқожаева Меңтай Нұржауқызы және Үкіметтік емес ұйымдармен жұмыс жасау бөлімінің басшысы Ахметова Айшолпан Тұрсынбекқызы спикер ретінде қатысып, Мемлекет басшысы айқындаған «Заң мен тәртіп», «Халық үніне құлақ асатын мемлекет», «Адал азамат», «Таза Қазақстан» қағидаттарының қоғам дамуы үшін стратегиялық маңыздылығына кеңінен тоқталып, үкіметтік емес ұйымдар мен жастардың аталған бағыттар бойынша белсенділігі елдің тұрақты дамуының кепілі екендігін атап өтті. Жастарды азаматтық жауапкершілікті арттыруға, құқықтық мәдениетті сақтауға, қоғамдық бастамаларға белсене қатысуға шақырды.Сондай-ақ, өңірдегі үкіметтік емес ұйымдарды дамыту бағытында атқарылған іс-шаралар, мемлекеттік қолдау тетіктері, ҮЕҰ-дың жастар саясатын іске асырудағы тәжірибесі мен өзара ынтымақтастығын нығайту мәселелері жан-жақты талқыланды.«Сырдария ауданының әйелдері» қоғамдық бірлестігінің төрайымы Мырзахметова Алимаш Залқызы және «Сырдария-Нұрдария» қоғамдық қорының директоры Омаров Марат Жүсіпәліұлы жас үкіметтік емес ұйымдардың жұмысын саралап, олардың әлеуетін арттыру, жобалық қызметті жүйелеу, жастармен тиімді жұмыс жүргізу, бастамаларды қолдау мен тұрақты дамуына ықпал ету бағытында нақты ұсыныстарын жеткізді.&nbsp; Шара соңында қатысушылар сұрақтарын қойып, өз ой-пікірлерін ортаға салды.

Сырдария ауданында оқыту семинары өтті

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаев аудандық мәслихаттың кезекті 43-сессиясында ауданның әлеуметтік-экономикалық дамуы туралы баяндады. Аудан басшысы биыл атқарылған жұмыстар мен алдағы міндеттерге тоқталды.<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен биыл ауданда ауқымды жұмыстар атқарылуда. Ауданның әлеуметтік-экономикалық дамуында оң өсім қалыптасты. Жыл басында аудан бюджеті 10 млрд. теңгені құраса, бүгінгі таңда 13,2 млрд теңгеге жетті. 2025 жылдың 11 айының қорытындысы бойынша өнеркәсіп орындары 93,3 млрд теңгенің өнімін өндіріп, өткен жылдың сәйкес кезеңімен салыстырғанда 73,6 пайызға артты. Ауыл, орман және балық шаруашылығы саласында жалпы өнім көлемі 25,7 млрд теңгені құрады. &nbsp;Аудан экономикасына негізгі капиталға 83,3 млрд теңге инвестиция тартылып, тұрғын үй құрылысы қарқынды жүргізілді. Есепті кезеңде 25,8 мың шаршы метр тұрғын үй пайдалануға беріліп, құрылыс жұмыстарының көлемі 22,8 млрд теңгені құрады.Ауыл шаруашылығында 33 145 гектар жерге егін егілді. Негізгі дақыл – күріш 19 950 гектар алқапқа орналастырылып, әр гектардан орта есеппен 61 центнерден өнім алынды. Жалпы 121,7 мың тоннаға жуық күріш жиналып, өткен жылмен салыстырғанда өнім көлемі артты. Осы көрсеткіштердің нәтижесінде Сырдария ауданы «Егін шаруашылығы бойынша озат аудан» атанды. Мемлекет басшысының су үнемдеу жөніндегі тапсырмасына сәйкес лазерлік жер тегістеу жұмыстары жүргізіліп, биыл 3500 гектар жер тегістеліп, 70 пайызға жеткізілді. Президенттің бастамасымен жүзеге асып жатқан «Ауыл аманаты» бағдарламасы аясында 370 млн. теңгенің 56 жобасы қаржыландырылып, қолдау көрсетілді, – деді Берік Әбдіғаппарұлы.</blockquote>2025 жылы газдандыру жобаларын жүзеге асыруға 2,1 млрд. теңге қаржы бөлініп, Н.Ілиясов, Шаған ауылдары табиғи газға қосылды. Жоба құны 1,8 млрд. теңгені құрайтын Ақжарма елді мекенін газдандыруға биылға республикалық бюджеттен 840,8 млн. теңге қаржы бөлініп, бүгінде газ құбырларын тарту жұмыстары жүргізілуде. «Ауыл – ел бесігі» бағдарламасы аясында жоба құны 490,5 млн. теңгеге Қалжан ахун елді мекенін электрмен жабдықтау жұмыстары жүргізілуде. Биыл аудан бойынша жол саласына қатысты 7 жобаға 982,3 млн. теңге қаржы бөлініп, аудандық маңызы бар «Қызылорда-Аэрапорт-Қоғалыкөл-Шіркейлі» автожолының қалған 10,2 шақырымы және Шіркейлі, Шаған, С.Сейфуллин елді мекендерінде 13 көше жөндеуден өтті.&nbsp;Халықпен кездесулерде көтерілген мәселелерге байланысты аудандық бюджеттен 136,6 млн. теңге қаржы бөлініп, 17 көшеге қиыршық тас төсеу жұмыстары жүргізілуде.Биыл 186,5 млн. теңгеге Н.Ілиясов ауылында жаңа қоныстану аймағына инженерлік-инфрақұрылымдық жұмыстар жүргізілуде.Аймақ басшысының қолдауымен Тереңөзек кентінде облыстық бюджеттен бөлінген 475,5 млн. теңгеге сұрыптау кешені бар қатты тұрмыстық қалдықтар полигоны іске қосылды. 1,5 млрд. теңгеге «Руханият орталығы» пайдалануға беріліп, бүгінде аға буын мен жастардың рухани орталығына айналды.Білім саласында құны 293 млн. теңгеге Н.Ілиясов ауылындағы №132 орта мектебі және &nbsp;С.Сейфуллин ауылындағы №137 орта мектеп күрделі жөндеуден өтті. Сондай-ақ, денсаулық сақтау саласында құны 103 млн. теңгеге Аманкелді ауылындағы дәрігерлік амбулатория, 329 млн. теңгеге Шаған елді мекеніндегі дәрігерлік амбулатория күрделі жөндеуден өткізілсе, аудан орталығында құны 150 млн. теңгеге паллиативтік медициналық көмек көрсету бөлімшесі ашылды. Бесарық ауылында жаңа спорт кешені пайдалануға берілді. Қазірі таңда аймақ басшысының қолдауымен Тереңөзек кентіндегі заманауи талаптарға сай келетін темір жол вокзалының ғимараты жаңадан салынуда.Ауданды абаттандыру жұмыстары бюджет көздерінен және бюджеттен тыс демеушілік арқылы қарқынды жүргізілуде. Тереңөзек кентінде ұзындығы 20 шақырымды құрайтын 13 көшеге жаяу жүргіншілер жолы салынуда. Жалпы құны 350 млн. теңгеге 8 елді мекенде ойын алаңдары салынса, Бесарық пен Н.Ілиясов ауылының кіреберістері түнгі жарықпен қамтылды, Іңкәрдария мен Сәкен Сейфуллин ауылында орталық алаң абаттандырылды.Алдағы жылы осы бағыттағы жұмыстар жалғасын табады. Келер жылы 700 млн. теңгеге Қоғалыкөл мен Шіркейлі ауылын газдандыру жұмыстары басталатын болса, Ақжарма ауылы табиғи газға қосылатын болады. Сондай-ақ, Тереңөзек кентіндегі А.Иманов көшесіндегі көпқабатты тұрғын үй аулаларын абаттандыру, Қалжан ахун ауылындағы электр желілерін жаңғырту жұмыстары аяқталады. Жалпы құны 527 млн. теңгеге Тереңөзек кентінде 7 көше, Шаған ауылында 5 көше күрделі жөндеуден өткізіледі.Сессия қорытындысында аудан әкімі алдағы кезеңде бірлесе отырып, тұрғындардың өмір сүру сапасын арттыру, әлеуметтік-экономикалық даму көрсеткіштерін одан әрі жақсарту бағытында жүйелі жұмыстар жалғасатынын атап өтті.Фото: Сырдария ауданы әкімінің баспасөз қызметі

Ауданның әлеуметтік-экономикалық дамуы қарқынды

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың қатысуымен аудандық мәслихаттың кезекті 43-сессиясы өтті. Сессия жұмысына аудандық мәслихат депутаттары, аудан әкімінің орынбасарлары, кент және ауылдық округ әкімдері, бөлім басшылары қатысты.Күн тәртібіне сәйкес сессияда 5 мәселе қаралып, тиісті шешімдер қабылданды.Алғашқы мәселе бойынша аудандық мәслихаттың төрағасы Е.Әжікенов 2025 жылы атқарылған жұмыстар туралы есеп берді. Баяндамада мәслихаттың негізгі қызмет бағыттары, қабылданған шешімдер мен олардың орындалу барысы жан-жақты қамтылды.Екінші мәселе бойынша аудан әкімінің орынбасары Т.Нұртазаев 2026–2028 жылдарға арналған аудандық бюджет жобасы туралы хабарлама жасады. Бюджет жобасында ауданның әлеуметтік-экономикалық дамуына бағытталған негізгі көрсеткіштер мен қаржыландыру көздері ұсынылды.Үшінші мәселе – ауданда жастар саясатын қолдау және жетілдіру шаралары туралы аудандық қоғамдық даму бөлімінің басшысы Б.Смайлов баяндама жасады. Онда жастардың әлеуетін арттыруға бағытталған бағдарламалар мен алдағы жоспарлар таныстырылды.Төртінші мәселе бойынша аудандық экономика және қаржы бөлімінің басшысы Е.Ахетов &nbsp;«2025–2027 жылдарға арналған аудандық бюджет туралы» Сырдария аудандық мәслихатының 2024 жылғы 23 желтоқсандағы №159 шешіміне өзгерістер енгізу жөнінде хабарлама жасады.Бесінші мәселе ретінде Сырдария аудандық мәслихатының 2026 жылдың І жарты жылдығына арналған жұмыс жоспарын бекіту туралы қаралды. Бұл бойынша аудандық мәслихат аппаратының басшысы Г.Божан баяндама жасады.Сессия барысында аудан әкімі ауданның әлеуметтік-экономикалық даму қорытындылары туралы баяндады.Күн тәртібіндегі барлық мәселелер бойынша тиісті шешімдер қабылданып, сессия жұмысы қорытындыланды.Фото: Сырдария ауданы әкімінің баспасөз қызметі

Сырдария:  Аудандық мәслихаттың кезекті сессиясы өтті

<a href="https://kyzylorda-news.kz/">Kyzylorda-news.kz</a>&nbsp; Шырша шамын жағу – жаңа жылдық мерекеге деген дайындықтың белгісі. Осындай қызықты да, көңілді мерекені қарсы алу рәсімі ауданымызда дәстүрге айналып, &nbsp;аралдықтар орталық алаңда бас қосып, қиял әлемінің кейіпкерлерімен бірге ауданның бас шыршасын жағу рәсіміне куә болды.Мерекелік шарада Аяз ата мен ақшақар мерекелік лебіздерін жеткізіп, ауданымыздың басты жетістіктерін тілге тиек етсе, ертегілер әлемінің әртүрлі кейіпкерлері ән шырқап, би биледі.Аудан орталығындағы алаңда салтанатты түрде шырша шамдарын жағу мерекесіне аудан әкімі Аманжол Оңғарбаев қатысып, жиналған жұртшылықты келе жатқан жаңа жылмен құттықтады.<blockquote>– Ардақты ағайын, баршаңызды келе жатқан Жаңа 2026 жылмен құттықтаймын! Қазақ жылнамасында келер жыл Жылқы жылымен сәйкес келеді. Жылқы жылы Шығыс күнтізбесінде өте қуатты, серпінді әрі жаңа өзгерістерге толы жыл ретінде сипатталады. Сол келер жаңа жылдан біздің де күтер үмітіміз көп. Бастысы еліміз аман, ауданымыз қарыштап дами бергей. Ауданымыз үшін өтіп бара жатқан Жылан жылы жақсы жаңалықтармен, маңызды мерейтойлармен ерекшеленді. Жаңа жыл – жаңа бастамалардың, жаңа мақсаттардың бастау алатын, ертеңгі күнге үлкен үміт пен сеніммен қадам басатын уақыт. Әрбіріміздің болашаққа бағдар құратын және үлкен міндеттерді орындауға иек артатын кезең. Табалдырығымыздан аттағалы тұрған Жаңа жыл толағай табысы мен ырзық несібесін сыйлап, әрбір шаңыраққа құт-береке әкелсін, – дей келе жиналған қауымға ақжарма тілегін жолдады.</blockquote>Мұнан соң, аудан басшысы Аманжол Сақыпұлы оқу үздіктері, облыстық және республикалық олимпиадалардың жеңімпаздары Жанарыс Көлдеев пен Іңкәр Нұрболқызымен бірге бас шыршаның шамын жақты.Мерекелік шарада бас қосқан қала тұрғындары мен қонақтары аудан өнерпаздардың өнерін тамашалап, көтеріңкі көңіл күйде тарасты.

Арал: Ауданның бас шыршасы жағылды

<a href="https://kyzylorda-news.kz/">Kyzylorda-news.kz</a> Арал ауданының орталығынан «Хан» СПА заманауи кешені ашылды. Жеке кәсіпкер Ж.Исаевтың жеке қаражаты есебінен салынған жабық бассейін кешенінің ашылу салтанатына аудан әкімінің орынбасары Е.Әбішев, аудандық мәслихат төрағасы Б.Төрахметов және ауданның зиялы қауым өкілдері қатысты.Алдымен аудан әкімінің орынбасары Е.Әбішев орталықтың ашылу салтанатымен құттықтап, кәсіп иесіне ризашылығын жеткізді.Мұнан соң аудандық мәслихат төрағасы Б.Төрахметов, аудандық ардагер кеңесінің төрағасы Ә.Әйімбетовтер өздерінің ізгі лебіздерін жеткізіп, аудан тұрғындары үшін мұндай орталықтардың болуы маңызды екенін жеткізді.Орталықта 6 номер қамтылған. Бассейн, Джакузи, Массаж, Караоке, түрлі ас мәзірі сынды қызметтер келушілерге жайлы көңіл-күй сыйлайды. Одан бөлек, Терасса, парлары қарастырылған.Қазіргі таңда Арал қаласы мен Сексеуіл кентіндегі ескі вокзалдардың орнына жаңа ғимараттардың құрылысы жүргізілуде.Бүгінде қалалық темір жол бекетінің құрылыс жұмыстарын «Техоснастка-Ремсервис» ЖШС мекемесі жүргізуде. Ғимараттың қабырғаларын қалау, бетон бұйымдарын берік орнату, терезелерін салу және ішкі бөлмелерін сылау жұмыстары жүргізілуде.Медицина саласында да нәтижелі істер қолға алынуда. Аудандағы жұқпалы аурулар бөлімшесінің ескі ғимаратының орнына жаңа нысанның құрылысы жүріп жатыр. Құны 2 млрд 300 млн теңге болатын нысанды «Иман» ЖШС мекемесі салуда. Қазіргі уақытта сыртқы абаттандыру және ішкі әрлеу жұмыстары жүргізілуде.<img src="https://knadmin.beoblood.kz/uploads/Aralda_Han_spa_kesheni_ashyldy_88f2bf184e.jpg" alt="Аралда «Хан» спа кешені ашылды.jpg">

Аралда «Хан» спа кешені ашылды

<a href="https://kyzylorda-news.kz/">Kyzylorda-news.kz</a> «AMANAT» партиясының Партиялық бақылау комитетінің отырысы өтті.Отырыста партияның 2023-2027 жылдарға арналған «Халықпен бірге!» сайлауалды бағдарламасын іске асыру жөніндегі жол карталарының Қарағанды, Алматы және Павлодар облыстарында орындалу барысы қаралып, Партиялық бақылау комитетінің 2026 жылға арналған жұмыс жоспары бекітілді.Жиынға бейнебайланыс арқылы өңірден партияның облыстық филиалының атқарушы хатшысы Ләйлә Төрешова, Партиялық бақылау комиссиясының төрағасы Нұркен Бақытбекұлы, облыстық мәслихаттағы «AMANAT» партиясы фракциясы төрағасының орынбасары Мақсұт Нәлібаев, облыстық экономика және қаржы басқармасы басшысының орынбасары Дастан Баймаханов және партиялық бақылау инспекторы Алтынбек Жарылқасынов қатысты.<img src="https://knadmin.beoblood.kz/uploads/FB_IMG_1766294025568_ecbf38dbea.jpg" alt="FB_IMG_1766294025568.jpg">

AMANAT: Өңірлік жол карталарының орындалу барысы қаралды

<a href="https://kyzylorda-news.kz/">Kyzylorda-news.kz</a> «AMANAT» партиясының «Қарызсыз қоғам» жобасы – халықтың қаржылық сауаттылығын арттыруға, азаматтардың өмір сапасын жақсартуға бағытталған маңызды бастама. Осы жобаны іске асыру барысында Қызылорда командасы жоғары жауапкершілік пен белсенділік танытып, республика көлемінде үздік нәтижелердің бірін көрсете білді.Осы орайда бүгін партияның облыстық филиалының төрағасы Жандос Базартай жобаны іске асыру аясында халықтың қаржылық сауаттылығын арттыру бойынша ауқымды жұмыс жүргізуге атсалысқан азаматтармен кездесу өткізді.“Мемлекет басшысы өз Жолдауларында бірнеше мәрте атап өтіп, лайықты бағасын берген берекелі бастама аясында биыл да ауқымды шаруа атқарылды. Жақында Астана қаласында жобаның жылдық нәтижесі қорытындыланды. Жиынға партия Төрағасы Ерлан Қошанов арнайы қатысып, «Қарызсыз қоғам» құруға белсене атсалысып жүрген азаматтарға ризашылық білдірді.&nbsp;Сіздер тек жоспарды орындап қана қоймай, сонымен қатар нақты адамдардың тағдырына оң әсер беріп, үлес қостыңыздар. Қаншама отбасы қаржылық тығырықтан шығуға мүмкіндік алды, өз болашағына сеніммен қарай бастады. Бұл – еңбектің шынайы жемісі, халықтың ризашылығы мен алғысына лайық іс.”-деді төраға Жандос Базартай.Іс-шара барысында жоба қатысушыларына халыққа тегін құқықтық көмек көрсетудегі кәсібилігімен жоғары жауапкершілігі үшін «AMANAT» партиясының төрағасы Ерлан Қошановтың алғыс хаты табысталды.Жалпы 2025 жылы Қызылорда облысы бойынша «Қарызсыз қоғам» жобасы аясында 22800 азаматқа қызмет көрсету көзделген. Қызылорда облысы 152,4 пайызға орындап, 34755 адамға қызмет көрсетті.<img src="https://knadmin.beoblood.kz/uploads/FB_IMG_1766293806846_e1b9176ae6.jpg" alt="FB_IMG_1766293806846.jpg">

Қызылордада 34 мыңнан астам азамат қаржылық сауаттылығын арттырды

<a href="https://kyzylorda-news.kz/">Kyzylorda-news.kz</a> Спорт саласын серпінді дамытуда спорт инфрақұрылымын жетілдіру айрықша маңызға ие. Себебі заманауи әрі қолжетімді спорт нысандары кәсіби және бұқаралық спорттың қарқынды дамуына жол ашады. &nbsp;Мемлекет басшысы Қасым-Жомарт Кемелұлы Бурабайда өткен Ұлттық құрылтай отырысында барлық облыстар мен елдімекендере спорт инфрақұрылымын, соның ішінде стадиондар мен спорт кешендерін салу мәселесіне ерекше тоқталған болатын.Осыған сәйкес, облыста соңғы үш жылда «Ауыл = ел бесігі» бағдарламасы аясында 21 заманауи спорт кешені ел игілігіне пайдалануға берілді. Алдағы уақытта ауылдық елдімекендерде соңғы үлгідегі тағы 5 спорт ғимараты ашылады деп жоспарлануда. Жалпы бүгінде облыс бойынша 1538 спорт ғимараты халыққа сапалы қызмет етуде.Биыл Мемлекет басшысы және Үкіметтің ерекше қолдауымен, аймақ басшысының бастамасымен Қызылорда қаласының сол жағалауында Сыр жұртшылығы асыға күткен құны 26.5 млрд теңгені құрайтын УЕФА-ның 4-ші санатына сәйкестендірілген 11 мың орындық жаңа стадион Қазақстан Кубогының финалдық ойынымен ресми түрде ашылды. Жаңа стадион «Kaysar Arena» тек спорттық шараларды ғана емес, ауқымды мәдени іс-шараларды өткізуге де мол мүмкіндік беретін бірегей спорттық нысан.Сондай-ақ, алып нысанда олимпиадалық спорт түрлеріне арналған бокс, спорттық гимнастика, таеквондо, ауыр атлетика, күрес түрлеріне арналған залдар мен фитнес залдары жыл он екі ай көлемінде ел игілігіне қызмет жасайтын болады.Спорттық инфрақұрылымды қарқынды дамыту бағытындағы тағы бір жаңа жоба – құны 20 млрд. 500 млн теңгені құрайтын аумағы 25 мың шаршы метрлік көпбейінді «Kyzylorda Arena» спорт кешенінің құрылысы қарқынды жүруде. Кешенде олимпиадалық стандартқа сай 50/25 метрлік жүзу бассейні және олимпиадалық спорт түрлеріне арналған жаттығу залдары қамтылады. Бұл нысанда Әлем және Азия чемпионаттары мен халықаралық деңгейдегі жарыстарды өткізуге арналған 2500 орындық зал қарастырылған. Одан бөлек, спорттық нысан түрлі деңгейдегі форумдар мен &nbsp;мәдени бағыттағы іс-шараларды өткізуге мол мүмкіндік бермек.Өңірде спорт саласын қарқынды дамытуға ұлттық компаниялар, қорлар және жергілікті кәсіпкерлер де белсенді атсалысуда.Соның бірі – 2024 жылы Қызылорда қаласының сол жағалауында &nbsp;«Samruk Kazyna Trust» әлеуметтік жобаларды қолдау қорымен бірлескен түрде құны 3 млрд. 400 млн теңгені құрайтын «Теннис орталығы» ашылды.Сонымен қатар, «Қазақстан Халқына» қоғамдық қорының демеушілігімен қаланың сол жағалауында құны 2 млрд. 900 млн теңгеге ерекше қажеттілігі бар жандарға арналған дене шынықтыру-сауықтыру кешені салынуда.Аталған қордың көмегімен осы жылы Шиелі және Жалағаш аудандарында жаңа спорт кешендері салынып, ауыл тұрғындарына табысталды.Қазақстан футбол федерациясының «Алаң» бағдарламасы аясында 2024 жылы Қызылорда қаласындағы Ғани Мұратбаев атындағы орталық стадионның қосалқы алаңы қайта жаңғыртудан өткен болатын. Биыл да федерация қолдауымен Жалағаш ауданының орталық стадионы күрделі жөндеуден өтіп, аудан жұртшылығы мен спортшыларына пайдалануға берілді.Биылғы жылдың тағы бір жаңалығы облыс әкімі Нұрлыбек Машбекұлының ерекше қолдауымен жеке теңгерімдегі «Тарлан» спорт кешені басқарма меншігіне беріліп, «Қызылорда ерлер және әйелдер бокс клубы» болып ресми түрде ашылды. Ғимарат демеушілер есебінен күрделі жөндеуден өтіп, заман талабына сай толық жаңғыртылды. Қазіргі таңда бокс клубында ерлер мен әйелдерге арналған екі бокс залы, 40 адамдық қонақ үй, соңғы үлгідегі жаттығу залы және спортшыларға арналған асхана жұмыс істейді.Осылайша, 2025 жылдың қорытындысымен облыста халықтың спорттық инфрақұрылымдармен қамтылу көрсеткіші 56,5 пайызға жетті.Бүгінде өңірде 377 мыңнан астам тұрғын яғни халықтың 44,6 пайызы бұқаралық спортпен жүйелі түрде шұғылданады. Бұл көрсеткіш 2024 жылмен салыстырғанда 4,2 пайызға артқан. Осыған сәйкес, жыл басынан бері облыста 146 спорттық іс-шара өткізіліп, оған 26 980 адам қатысты.Биыл &nbsp;Сыр спортшылары да тарихи жетістіктерге қол жеткізіп, әлемдік ареналарла ел мерейін үстем етті. Атап айтқанда, Қазақстан тарихында грек-рим күресінен 26 жылдан кейін Әлем чемпионы атанған Айдос Сұлтанғали, бокстан Әлем Кубогының жеңімпазы Нұрсұлтан Алтынбек, бокстан Азия чемпионатының жеңімпазы мен жүлдегерлері Гүлсая Ержан, Зарина Толыбай, Ақбота Болат, дзюдодан жастар арасындағы Азия чемпионатынан қола жүлдегері Сұлтан Бейбарыс пен Бақытбек Көркем және Азия ойындарының жүлдегерлері Абылайхан Жұбаназар, Мағжан Шамшадин, Еламан Ерғалиев, стенд атудан Азия чемпиондары Айсалбаев Әлішер, Коломоец Максим, Айсалбаев Асылхан, мәнерлеп сырғанаудан бірнеше дүркін халықаралық турнирлердің жеңімпазы Артур Смағұлов, отырып ойнау волейболынан Азия және Әлем Кубогының жеңімпаздары Қасқабаев Эрик, Медеуов Шыңғыс, Әбдібек Ерасыл, ауыр атлетикадан Әлем және Азия чемпионатының жеңіпазы Сәулебеков Ерасыл, Ерсейіт Бейбарыс, Ернұр Мырзахмет, пара дзюдодан Әлем Кубогының жеңімпазы Айдана Ғазизқызы, пара пауэрлифтингтен Әлем чемпиондары Бойко Снежанна мен Фариза Төлжан ел абыройын асқақтатқан болатын.Жалпы биыл облыс спортшылары ҚР чемпионаттары мен кубоктарынан 158 алтын, 154 күміс, 227 қола медаль жеңіп алса, Әлем және Азия чемпионаттары мен кубоктарынан 55 алтын, 38 күміс, 53 қола жүлдеге ие болды.Биыл қызылордалық 2 спортшы ҚР Еңбек сіңірген спортшы атағына ие болса, &nbsp;9 спортшы халықаралық дәрежедегі спорт шебері атанды. Ал &nbsp;45 &nbsp;спортшы ҚР спорт шебері атанса, &nbsp;975 спортшы спорт шеберлігіне үміткер атағына қол жеткізді. &nbsp;Жалпы спорт түрлері бойынша ҚР Ұлттық құрама сапына Қызылорда облысынан 585 спортшы енгізілген. Алдағы уақытта бұл бағыттағы жүйелі жұмыстар жалғасын табатын болады.<img src="https://knadmin.beoblood.kz/uploads/FB_IMG_1766251257072_e0886a86e5.jpg" alt="FB_IMG_1766251257072.jpg"><img src="https://knadmin.beoblood.kz/uploads/FB_IMG_1766251261050_3b29608ff0.jpg" alt="FB_IMG_1766251261050.jpg">

Қазақстан және Қызылорда облысының жаңалықтары: Қоғам