<a href="https://kyzylorda-news.kz/">Kyzylorda-news.kz.</a>&nbsp; «Таза Қазақстан» республикалық экологиялық акциясының «Жасыл аймақ» апталығы аясында елдімекендерде орналасқан саябақтар, скверлер, парктер мен аллеялар аумағын абаттандыру жұмыстары атқарылуда.Осыған орай, Әйтеке би кентіндегі «Жеңіс» саябағында «Biz taza aimaq ushin» акциясы жүргізіліп, 300 түп ағаш отырғызылды. Бұл жұмыстар аясында кент орталығындағы саябақтар мен скверлер, аллеялар аумағына 2000 түп жасыл желек отырғызу жоспарланған. Сонымен қатар, Қазалыда «Жасыл аймақ» апталығы аясында бірқатар көгалдандыру шаралары өткізілуде.Ел президенті Қасым-Жомарт Кемелұлының тапсырмасымен басталған республикалық экологиялық акция бес түрлі апталыққа бөлінген болатын. Әр апталықта әр өңір табиғатқа қамқорлық шараларын өткізіп, экологияның жақсаруына атсалысуда.Елішілік шараның үшінші аптасы – «Жасыл аймақ» бойынша аулаларды абаттандыру, көшет отырғызып, көгалды аймақ көлемін ұлғайту көзделген.Осыған сәйкес, аудан орталығында көгалдандыру жұмыстары жоспарлы түрде жүргізілуде. Әйтеке би кентінің жасыл аймағын ұлғайту мақсатында күнделікті ағаш көшеттерін отырғызу жұмыстары жүргізілуде.Одан бөлек, «Жасыл аймақ» апталығы басталғалы бері орталықтағы сквер, саябақ, аллеяларда көпжылдық, біржылдық гүл түрлері отырғызылуда.

Қазалыда «Жасыл аймақ» апталығы басталды

<a href="https://kyzylorda-news.kz/">Kyzylorda-news.kz</a> Өткен жылы азаттықтың 32-ші жылына табан тіредік. Осынау жылдар аралығында, еліміз түрлі саяси, әлеуметтік, қоғамдық азды-көпті реформаны басынан өткерді. Оның табыстысы да, тиімсіз тұсы да болды. Бұл – әлемдік саясатта, қоғамда қалыпты құбылыс. Сонымен біз осы жылдар арасында ең киеліміз, қанымызда бар тәуелсіздік қадірін ұғындық па? Оны қаншалықты қастерлей алып жүрміз? Әрине, мұндайда сол сала мамандарының пікірі – құнды. Ендеше біз осы тағылеттес сауалдарға Шиелі аудандық тарихи-өлкетану музейінің ғылыми қызметкері, тарихшы Бекболат Әбутегімен жауап іздедік.– Бекболат мырза, тарихшы ретінде айтыңызшы Қазақстан тәуелсіздігінің формуласы неде?&nbsp;– Біздің елдің Тәуелсіздік формуласы – ол ұлтымыздың пиғыл-ниетінің кеңдігі мен жаужүректілігінде. Осы кең пейілді пиғыл-ниетіне Жаратушымыз жер асты табиғи байлықтарын молынан нәсіп қылса, жаужүректілігімен осыншама жерімізді, байлығымызды қорғап келді. Тіпті аңыз сияқты елестеп, сенеріңді білмейсің.&nbsp;– Өз алдымызға дербес ел атанғанымызға отыз жылдан асты. Қалай ойлайсыз, Қазақстан өзінің мемлекеттілігін әлемге таныта алды ма?&nbsp;– Әрине, отыз жыл аз уақыт емес. «Сынсыз – мін түзелмейді» деген бар. Меніңше, біздің сол қол жеткізген табысымыздан, керісінше айырылып қалған дүниеміз көп сияқты. Мысалы, Кеңес Одағы тұсында біз де көптеген өндіріс орны болды. Зауыттар өнімнің кез келген түрін шығаруға қауқары жетті. Сол біз егемендік алған 30 жылдың ішінде бәрінен айырылып біттік. Шындыққа тура қарайтын кез келді. Жеткен жетістіктерді де жоққа шығаруға келмес. Рас, үлкен жетістігіміз – Астана қаласын тұрғыздық. Алайда қазақ халқының ішкі жағдайы әлі көңіл көншітетіндей емес. Себебі біз сол өндіріс орындарынан айырылып қалдық. Академик Асқар Жұмаділдаев айтқандай, технократ болмай, елде өндіріс орны болмай ешқашан біз алға қарай жылжымаймыз. Біз сонау өтіп кеткен ғасырдағы салт-дәстүрімізді, дінімізді қанша жерден дәріптегенмен, алға озбаймыз. Сондықтан бізде мынау ғылым саласы жолға қойылу қажет. Енді қолдан келгенше үкімет басындағылар жұмыс істеп жатқан сияқты. Мәселе істеп жатқан сияқты емес, мұнда нәтиже көріну керек. Біз отыз жылда не ұттық, неден ұтылдық? Бұл сауал жүрегі қазақ деп соққан азаматты толғандыруы тиіс. Маған салса біздің ұтылған тұсымыз басымырақ. Жалпы сырттан қауіп төнген тұста Қазақстанның қандай қауқары бар? Бірақ мысал, күні кеше көрдіңіздер, 2-3 күндік дауылға қарсы тұра алмадық. Жарық жоқ, су жоқ, жылу босамаса жоқ. Үзіліп жатыр, қирап, өртке оранып, ұшып жатыр. Бізге ешжақтан жау келмей-ақ қойсын. Беті аулақ. Құдайдың мынау табиғи құбылысының өзіне біз даяр емеспіз. Сол қарнымызды аштырады. Одан кейін патриотизм деген мәселе өте төмен.– Патриотизм деп қалдыңыз. Жалпы қазіргі жас ұрпақ тәуелсіздіктің қадір-қасиетін ұғына алып жүр ме? Патриоттық сезімді ояту үшін не істемек керек?&nbsp;– Тәуелсіздік ұғымының қадір-қасиетінің артып-кеміп жатқан жағдайы бар. Мен өзім Шиелі аудандық тарихи-өлкетану музейінде жұмыс істейтін болғандықтан бізге келетін келушілердің 90 пайызы мектеп оқушылары, студенттер. «Тамырсыз ағаш, тарихсыз халық болмайды» дейді ғой. Бауыржан Момышұлының «Өткені жоқ елдің, болашағы жоқ» деген ғибратты сөзі бар. Тек біз бүгінгі күнді ғана ойлайтын болсақ, онда біздің болашағымыз бұлыңғыр. Сондықтан біз өткенімізді саралап, керегін алып, болашаққа нақты қадам жасап, жаңашылдыққа ұмтылуымыз керек. Жасыратыны несі бар, мектеп оқушыларының тоқсан пайызына дерлік мына біздің тарихымыздан, әсіресе, өлке тарихымыздан бейхабар. Осы айтып жатқан «Желтоқсан оқиғасы қашан болды? Оған кімдер қатысты? Ұлы Отан соғысы қашан болды? Одан бөлек қандай соғыстар болды?» деген сауалдарға жауап берулері қиын. Сонда бұл не деген сөз, мектепте тарих сабағында бұл туралы мағлұмат берілмейді ме әлде біздің қазақ тарихында бұлар әлі жазылмаған ба? Шындығында екеуі де бар. Бүгінгі күнге дейін мектеп оқулықтарында «Желтоқсан оқиғасы» туралы шындық толық ашылып айтылмаған. Тек бұл ғана емес, патриоттық бағытта тәрбиелеу үшін біздің сан қырлы тарихтарымыз бар. Соның барлығы байыпты түрде оқулықтарға қатталса, нұр үстіне нұр болушы еді. Қазір науқан, іс-шаралармен ғана шектелу әдетке айналып кетті. Жас ұрпақтың санасына сіңірудің жаңа жолдарын қарастырып, ұлттық идеологиялық құралға айналдыруға тиіспіз.&nbsp;– Тәуелсіздік десек – Желтоқсан көтерілісі, Желтоқсан десек – Тәуелсіздік ойға оралады. Желтоқсан оқиғасы Тәуелсіздікке балама екенін бәріміз іштей мойындаймыз. Сіз бұл тұрғыда не дейсіз?&nbsp;– Рас. Желтоқсан – Тәуелсіздік символына айналып үлгерді. Біріншіден, Желтоқсан көтерілісі егемендікке ұмтылудың керекмет үлгісі еді. Сондықтан оны ұлттық идеологиямыздың бір құралына айналдыру маңызды. Себебі Тәуелсіздік – тарих тәбәрігі.&nbsp;– Әңгімеңізге рақмет!&nbsp;&nbsp;СұхбаттасқанСұлушаш МАДИЯРОВА

Бекболат Әбутегі: бүгінді ғана ойлайтын болсақ, онда болашағымыз бұлыңғыр

<a href="https://kyzylorda-news.kz/">Kyzylorda-news.kz</a>&nbsp; Байқоңыр қаласы көпбейінді ауруханасы, ҚР ІІМ Байқоңыр қаласындағы өкілдігімен колледж арасындағы есірткі және нашақорлықтың алдын алу профилактикалық шараларының 2023-2024 оқу жылына арналған үш жақты іс-шаралар жоспарына сай «Салауатты өмір салтын ұстанайық!», «Буллингтен қалай қорғану керек?» тақырыптарында колледж білімгерлеріне 22 сәуір күні ақпараттық-танымдық түсіндірме жұмыстары болып өтті.Шараны Байқоңыр қаласы көпбейінді ауруханасының алдын алу және әлеуметтік – психологиялық көмек көрсету бөлімінің социологы Бажиева Гаухар Мухамедаминовна мен ұйымдастыру әдістемелік және медициналық статистика бөлімі дәрігері Төлеген Аружан Тәуекелқызы жүргізді.Жасөспірімдер арасындағы буллинг – кешенді тәсілді қажет ететін мәселе. Мектептегі қудалаумен бала жалғыз өзі емес, бүкіл тарап – оқушының өзімен қатар ата-ана мен мұғалім де күресуі керек. Буллингке ұшырағандарға айтылатын алғашқы кеңес –&nbsp;маманның көмегіне жүгінген жөн. Психолог бұл мәселелерді жік-жікке бөліп айтып берді.Буллинг (bullying) – ағылшын тілінен аударғанда, қорлау, қудалау, мазалау дегенді білдіреді. Адамүйде, мектепте, автобуста немесе интернетте, жалпы айтатын болсақ, кезкелген жерде&nbsp; буллингке ұшырауы мүмкін.Буллинг онлайн немесе телефон арқылы жүзеге асырылуы мүмкін. Олардың қатарына ренішті хабарламалар мен суреттер, зұлым мінеп-сынаулар жіберу жатады. Бұлардың барлығы кибербуллинг деп аталады.Егер бала буллинг жағдайына түскенін мәлімдеп берсе, ата- ана сабырлы болып, ашуды көрсетпеуі қажет, өйткені ата- ана ашу мен мазасыздығын байқатуы- әлсіздіктің белгісі. Балаға оны түсінетінін жеткізе отырып оны жұбату қажет.&nbsp;Шара барысында мамандар жастар арасында есірткі пайдалануы көбейгенін, нашақорлық өлімге әкелетіні, отбасы мен қоғамға үлкен қауіп тудыратыны туралы айтып өтті. Себебі нашақорлық - бұл адамзат баласының денсаулығы мен еліміздің ұлттық қауіпсіздігіне төнетін үлкен қатер.Сонымен қатар, нашақорлықтың, темекі шегу мен алкоголизмнің алдын алу, салауатты өмір салтын ұстануға шақырды. Салауатты өмір салтын ұстануда спорттың рөлі зор. Денсаулыққа тек дене шынықтыру арқылы қол жеткізілуге болады. Дене қозғалысы адам ағзасын дамытып, жұмыс істеу қабілетін арттырады, ауруды алыстатып, өмірді ұзартады.Қорытындылай келе, мамандар білім алушылардың көптеген сұрақтарына жауап беріп, оларды салауатты өмір салтын ұстануға ынталандырды.&nbsp;Қорлан САРЫ Фото: Нұрболат Нұржаубай

Буллингтен қалай қорғану керек?

Екі жыл ішінде 5 әулетке келін болып түскен Әсел есімді бойжеткеннің оқиғасын жұрт қызу талқылап жатыр. <a href="https://www.youtube.com/watch?v=QrJ4Zr6f1G8">«Көреміз</a>» бағдарламасына жас келіннің экс енелері көмек сұрап келді.Айтуларынша, ұлдарының жүрегіне жол тапқан қаршадай қыз қалың малын алғаннан соң, табалдырықтарынан тайып тұрған.«Келіннен шындықты сұрасақ, тамырын кесіп қорқытты»<blockquote>«Келін құтты болмады. Жиенім үйленіп, келін әкелді дегенде қатты қуанып едік. Енесі – менің туған әпкем. Жиенімнің аты – Қайрат. Олар тойда танысқан. Әселдің құрбысы Қайраттың ауылына келін болып түскен. Сол жерде танысып, нөмір алмастырып, екі айдай уақыт сөйлескен. Жаңа түскен келін мақтауын асырған. Бұған дейін есік көрген қыз екенін білмедік. Жиенім де білмеген. Біз келін етіп түсіргеннен кейін, 19 тамыз күні беташар өткіздік. Үлкен тойын 13 қазан күніне белгіледік. Тұрмыстағы келіншек екенін 12-сі күні естідік. Әпкеме бір кісілер звондап, алаяқ келін сендерді де сан соқтырмасын» деп хабарласыпты. Әпкем аудан орталығында тұратын екі қызының үйіне барып ақылдасады. Ештеңеге үлгеретін емес, тойханаға ақшасын беріп қойдық», – деді Райхан Жұманова.</blockquote>Одан кейін Жазира есімді жездесінің келіні қуғыншылармен сөйлесіп, 1 миллион теңгедей қалыңмал берген көрінеді.<blockquote>«Бізге хабар келгеннен кейін, абдырап қалдық. Қайраттың тілі байланып, сөйлей алмай, күйзеліске түсті. Келіннің алаяқ екенін айтқан адамдар «оған ештеңе де айтпаңыздар, ол тамырын кесіп, өзін жазалайды. Полицияға хабарлассын, бірақ салоннан келіп әкетеді» деді. Сол полиция бөлімшесінде бәрін мойындады. Біздің әулетке дейін төрт босаға аттап келген екен. Бір жарым ай тұрған уақытта Түркістанға аптасына 3-4 рет барып келген. Енесіне, «тойды қарызға жасамаңыздар, Қайратқа 5 миллион теңге несие беретін танысым бар» депті. Осы келін ұсталғасын, тойында танысқан келін де күйеуін сан соқтырып, қашып кетіпті», – дейді келіннің қайын әпкесі.</blockquote>«Келінім ұлты мен жеке куәлігін жасырды»Сонымен қатар студияға Әселдің үшінші енесімен деп таныстырған келіншек те келді. Оның да айтар шындығы аз емес.<blockquote>«2022 жылы қазанда балам екеуі танысыпты. Ол кезде баламның жасы 29-да еді. Әсел 21 жаста екен. Бір күні балам түркістандық қызбен сөйлесіп жүрмін. Бірақ мамасы жассың деп рұқсат бермей отыр деді. Содан мен сөйлесіп, қайын сіңлім, оның сіңлісі төртеуіміз кездестік. Сол жерде барын айттым. «Ұзатуға ақшам жоқ, бірақ қызымның арманы ақ көйлек кию» деді. «Бірақ екі рет алып қашып кеткен. Бірінде ауласына жеткізбей алып кеттім» деді. Қалыңмалын бере беріңіздер дегесін, 1 миллион теңгені санап бердім. Түркістанда 400 адамға үлкен той, беташар жасадым. Содан бәріне баламның бақыты үшін көндім. Оқуын да сұрамадым. Тойда жаңа құдалар үшін деп, екі үстел тапсырыс берген едік. Құдағиымыз төрт үстел адам алып келіпті. Өзбектер болды арасында. Келіннің де ұлтын жасырды. Руым арғын деп келіп еді, сөйтсек, өзбек ұлтынан екен. Ұзын сөздің қысқасы, балам парақшасына келген хабарламаны оқығасын келіннен күдіктене бастаған. Өзім жұмыста жүрмін, үйіме қайынбикемді жіберіп, келініммен сөйлестірдім. «Балаларыңның құлағы керең, тілі сақау, мен ұнатпаймын. Кетемін үйіме» депті. Шешесіне хабарласып едім, «қызымды жібере қойыңдар» деді. Содан кейін бәрі белгілі болды. Үш әулетке де барып жүрген бір киім мен бір сандық. Соны апара береді. Қалыңмалдың ақшасын басқаға жаратады», – деді Ғазиза Мәмбетова.</blockquote>«Қалыңмалды қайтарса дейміз»Әр әулетке бір жарым айдан тұрақтаған келіннің келесі қадамы – Түркістан облысы, Темір ауылындағы Төленовтер әулеті. Сүрбойдақ болып үйленбей жүрген ағаларының келіншек алғанына қуанған қарындастары да істің мән-жайын айтып берді.<blockquote>«2022 жылы 18 ақпанда келін болып түсті. Ұзатуға жағдайым жоқ деп айтты. Содан 1 миллион қалыңмалын беріп, үйге түсірдік. Үш аптадан кейін ауылда тұра алмаймын деп кетіп қалды. Ешқандай ұрыс-жанжал болған жоқ. Бір күні бір кісі хабарласып, Әсел туралы сұрады. Ол әулетке де келін болып жүр екен. Алаяқ болып шықты. Енді қалыңмалдың ақшасын қайтарып, жазасын алса екен дейміз», – деді Айнұр Төленова.</blockquote>Бағдарлама ұжымы Әселдің қазіргі отбасын іздеп барды. Ескі әуеннен жаңылмай, бір әулеттің келіні атанған. Журналистерді көрген ибалы келін шымылдықтың ішіне жасырынды. Алдымен бәрін мойындап, кейін сұрақтарды нақтылай бастағанда анасын іздей бастады.<blockquote>«Мені алып қашып кетті. Ғазизаның баласын ұнатпадым. Мойындаймын көп босаға аттадым. Бірақ алып қашудың құрбаны болдым. Қалған сұрақтарға анам келгесін жауап берейінші. Оны қазір шақырамын, – деп ашуланды Әсел.</blockquote>Көп ұзамай бесінші әулет те келінді жасауымен еркіне қоя берген. Әселдің өзі мен анасы студияға қонақ болып келуі керек екен. Алайда денсаулығы сыр беріп, ауырып қалған көрінеді.&nbsp;Фото: Бағдарламадан скриншот

«Беті бес рет ашылған»: Қалың малын алған соң қайын жұртынан тайып тұрған 20 жастағы келіннің оқиғасы ел талқысына түсті

<a href="https://kyzylorda-news.kz/">Kyzylorda-news.kz</a>&nbsp; Мына қоғамда бір баспанаға зәру отбасы аз емес. Әркімнің босағасын аттап, біреудің үйінің есігінің алдындағы уақытша үйді жалдап жүргендердің санын дәл айту да қиын. Долбармен мынша деуге де болмайды. Пәтер жалдап жүргендері қаншама. Оның басым көпшілігі қазақ екенін естен шығармау керек. Жалпы, халықты баспанамен қамту үшін қандай шаралар атқарылып жатыр? Тұрғын үймен қамтуға келгендеСырдария өзенінің бойын ендей жайлаған Қызылорда облысындағы ахуал қалай? Бүгін осы тақырыпты мақалаға өзек етеміз.Үкімет отырысында айтылған дерек&nbsp;Егемендігіміздің 20 жылдығында «Тәуелсіз елміз деп шаттанамыз, Несіне жетісіп мақатанамыз. Үйсіз, күйсіз қаңғыбас қазақтарға, Толып кетті Алматы мен Астанамыз», – деп өлең шығарып, шымбайға батқан баспана жайын шырқырата жырлаппыз. Одан бері де 10 жылдан астам уақыт өтті. Мыңдаған отандасымыз баспаналы болды. Үкіметтің де арнайы жоспары, бағдарламасы бар.Сөзіміз шынайы шығуы үшін Республика Премьер-министрі Олжас Бектеновтің төрағалығымен өткен үкімет отырысында айтылған деректерді алға тартайық. ҚР Үкіметінің отырысында өнеркәсіп және құрылыс министрі Қанат Шарлапаев тұрғын үй құрылысын дамыту және проблемалық жобаларды аяқтау шаралары туралы баяндаған.ҚР ӨҚМ мәліметінше, жалпы соңғы 5 жылда тұрғын үй құрылысына 12 трлн теңгеден астам инвестиция тартылып, 78,5 млн шаршы метрге жуық жаңа тұрғын үй пайдалануға берілген. Барлық қаржыландыру көздерін ескере отырып, 695 мың отбасы тұрғын үй жағдайын жақсартты.<blockquote>– 2030 жылға қарай барлық қаржыландыру көздерінің есебінен 111 млн шаршы метрді қамтитын тұрғын үй құрылысы жоспарлануда, бұл 1 млн-нан астам отбасыны жаңа баспанамен қамтамасыз етуге мүмкіндік береді, – деді Қанат Шарлапаев.</blockquote>Оның айтуынша, Үкіметтің 2024 жылы Экономикалық өсуді қамтамасыз ету жөніндегі бірінші кезектегі іс-шаралар жоспарын жүзеге асыру үшін тұрғын үйді пайдалануға берудің жоспарланған көлемі азаматтарды тұрғын үймен қамтамасыз ету бойынша қосымша шараларды енгізумен 15,5-тен 18 млн шаршы метрге дейін ұлғайтылды.Осылайша, халықтың әлеуметтік жағынан осал топтарын жалға берілетін тұрғын үймен қамтамасыз ету мақсатында жалпы сомасы 339 млрд теңгеге 22 мыңнан астам пәтер сатып алу жоспарлануда. Сонымен қатар әкімдіктердің мемлекеттік бағалы қағаздарды шығару арқылы 110 млрд теңге сомасына 10 мың несиелік пәтер салу жоспарлануда.<blockquote>Бағдарламалар игілігі</blockquote>Үкімет отырысында өнеркәсіп және құрылыс министріәкімдіктерге нарықта несиелік тұрғын үй салуға ғана емес, сонымен қатар сатып алуға да құқық берілгенін атап өтті.<blockquote>– 6 сәуірде Президент қол қойған кәсіпкерлік мәселелері туралы заң жобасы аясында әкімдіктерге нарықта несиелік тұрғын үй салуға ғана емес, сонымен қатар сатып алуға да құқық берілді, бұл қаражат айналымы арқасында тұрғын үй көлемін жыл сайын ұлғайтуға мүмкіндік береді, – деді министр Шарлапаев.</blockquote>Бұл ретте 7 мыңға жуық несие беруге жылдық 2 және 5%-дық мөлшерлемемен жеңілдетілген ипотека беруге 81 млрд теңге бөлінді. 9%-дық мөлшерлемемен «Отау» ипотекалық бағдарламасы бойынша 150 млрд теңгеге 8 мың несие беруді көзделген.Сонымен қатар 1 мамырдан бастап жаңа ипотекалық бағдарламаны іске қосу жоспарланып отыр, оның аясында 300 млрд теңгеге 12 мың несие беру жоспарлануда. «7-20-25» бағдарламасы бойынша 100 млрд теңгеге 5 мыңға жуық несие беріледі.<blockquote>– Осылайша, биылғы жылы тұрғын үй құрылысын дамытуға 1 трлн теңгеден астам қаржы бөлінді, соның нәтижесінде 64 мың азамат тұрғын үй жағдайын жақсарта алады, – деп мәлімдеді министр.</blockquote>Министр Президенттің Атырауда өткен Ұлттық Құрылтай отырысында айтқан тапсырмалары аясында Үкіметке сатып алу құқығымен ұсынылатын жалға берілетін тұрғын үй көлемін айтарлықтай ұлғайтып, жаңа жеңілдікті бағдарламаны іске қосу керектігін еске салды.Осы жұмыс аясында әкімдіктер жеке құрылыс салушылардан ең жоғары тұрғын үй алаңы 80 шаршы метрді құрайтын бастапқы тұрғын үйлерді сатып алады. Үкімет мамыр айында тиісті стандарттарды бекітті, ендігі кезекте сатып алу құқығымен жалға берілетін тұрғын үйлерді сатуды қаржыландыру жұмыстары басталады. Бұл ретте ҚР Мәжілісінде кезекте тұрғандарға жалға берілетін тұрғын үйді жекешелендіру құқығын беретін заң жобасы қаралуда.Сонымен қатар «Отбасы Банкі» мамыр айынан бастап әлеуметтік жағынан осал азаматтар үшін жылдық 7%-дық мөлшерлемемен 20%, ал қалған санаттағы азаматтар үшін 9%-дық мөлшерлемемен бастапқы төлемі бар жаңа жеңілдетілген бағдарламаны іске қосады. Бірінші жылы 300 млрд теңге сомасында 12 мың несие, одан кейін жыл сайын 200 млрд теңгеден 8 мың несие беру жоспарлануда.Тұрғын үй құрылысына үлестік қатысу мәселесіне тоқталған министр еліміздің 8 өңірінде 39 проблемалық объект бар екенін хабарлады. Оларды аяқтау үшін мемлекет қаржыландыруды бөлу және инвесторларды табу бойынша қажетті шараларды қабылдауда. Осылайша, бірінші жартыжылдықтың қорытындысы бойынша Астанада 9 үлестік құрылыс объектіні аяқтап, 484 отбасыға кілт беру жоспарлануда.ҚР ӨҚМ талдау нәтижелері бойынша салынып жатқан 581 үлестік құрылыс объектісі анықталды, оның ішінде 421-і үлескерлердің қаражатын заңсыз тартып, рұқсатсыз салынуда.Проблемалық объектілердің көбеюіне жол бермеу үшін мемлекеттік реттеуді күшейту шаралары әзірленді. Оларға: алдын ала шарттар жасасуға тыйым салу, айыппұл санкцияларын ұлғайту (300-ден 2000 АЕК-ке дейін), үлескерлердің қаражатын тартуға рұқсатсыз жарнамаға тыйым салу, салынып жатқан тұрғын үйді қолма-қол қаражатсыз сатып алуға тыйым салу. Бұл ұсыныстар мүдделі мемлекеттік органдармен келісіліп жатыр.Сырдағы ахуал қалай?Халықты тұрғын үймен қамтуға келгенде Сырдағы жұмысты өзгелерге үлгі етуге болады. Әрине, біз бұл сөзімізбен Қызылорда облысы баспана мәселесін түбегейлі шешті деуден аулақпыз. Әйтсе де атқарылған ауқымды жұмыс та жоқ емес. Он күнге созылған наурыз мерекесі қарсаңында Сыр бойында 200-ден астам отбасына пәтер берілді. Жаппасбай батыр көшесіндегі көпқабатты үйден 80 отбасыға пәтер кілтін табыс еткен рәсімде облыс әкімі халықты тұрғын үймен қамту бойынша атқарылып жатқан жұмыстарға аз-кем толталған еді.<blockquote>– Халықты баспанамен қамту еліміздегі негізгі басымдықтың бірі десек, өңірде бұл бағытта тындырымды тірлік атқарылуда. Өткен жылы 4108 пәтерлік 300 тұрғын үй салынды, 2400-ге жуық пәтер табысталып, 11 мыңнан астам тұрғынның баспана мәселесі шешімін тапты. Халықтың тұрмыс жағдайының жақсаруы, жайлы өмірінің кепілі болып саналатын баспанамен қамту жұмыстары биыл да қарқынды жүруде. Бюджет қаражаты есебінен 14,3 млрд теңгеге 1890 пәтерлік &nbsp;70 тұрғын үй салынады. Оның 16-сы жеті қабатты &nbsp;болады. Жыл басынан бері Тасбөгет кентінде 172 отбасы баспаналы болса, бүгін міне, өздеріңіздің қатысуларыңызбен 80 отбасы қоныс тойын тойлайды. Алдағы аптада «Сыр жастары» жеңілдетілген ипотекалық несие бағдарламасымен тағы да 60 отбасына үй кілті табысталады. Бұл – тұрғындар әл-ауқатын арттыру бағытындағы мемлекет қолдауының нақты көрінісі, – деді аймақ басшысы.</blockquote>Құрылыс жұмыстарына келгенде Сыр өңірінде ауыз толтырып айтарлық жаңалық жеткілікті. Жақында ғана 1000 орындық «Өнер орталығы» ел игілігі үшін пайдалануға берілді. Өткен жылы «Отбасы орталығы» мен «Анаға тағзым» орталығы ашылған болатын.&nbsp;Биылғы жылдың қаңтар айындағы мәліметке сенсек, 2023 жылы 177 жобаны жүзеге асыруға 87,1 млрд теңге қаржы бөлініп, 2022 жылмен салыстырғанда 3,5 есе артты. 2024 жылы 110 нысанды салуға 94,5 млрд теңге бөлінді. Мұндай дерек облыс әкімі Нұрлыбек Нәлібаевтың құрылыс саласында жұмыс істейтін мекеме өкілдерімен кездесуінде айтылды.Қызылордада 7 қабатты үйлер салынудаҚұрылыс саласына қатысты деректер алға тартылып, мақала жазылған соң облыс орталығында атқарылған жұмыстарға да тоқтала кетейік. Сыр өңірінің бас қаласында атқарылған жұмыс аз емес. Қолда бар деректерге қарағанда 2023 жылы «Қызылорда қаласының құрылыс бөлімі» коммуналдық мекемесіне бюджеттік жоспары 35 628,1 миллион теңге болып бекітілген екен. Мамандар оның 34 999,7 миллион теңге қаржысы, яғни 98 проценті игерілген деп отыр. Игерілмеген қаржы көлемі 628,4 миллион теңгені құраған. Мұндай ақпарды Қызылорда қаласының құрылыс бөлімінің басшысы Дінмұхаммед Сырлыбаев өткен жылы атқарылған жұмыстар &nbsp;туралы есебінде баяндаған болатын.Бөлімге бөлінген бюджеттің басым бөлігін тұрғын үй құрылысына жұмсалатыны белгілі. Былтыр «Тұрғын үй құрылысы» бағдарламасы аясындағы бюджеттік &nbsp;жоспар 11 404,3 миллион теңгені құрап, оның 11 303,8 миллион теңгесі игерілген. Сонымен қатар 2022 жылы аяқталмаған СПМК-70 мөлтек ауданы №2 тұрғын кварталында қабылданбаған 50 пәтерлі №8 тұрғын үй қабылданған. &nbsp;Сондай-ақ, 2022 жылы басталған Сырдария өзенінің сол жағалауында №2-ші шағын ауданында 470 пәтерлі ипотекалық 10 тұрғын үйдің құрылысы аяқталған.Бүгінде Қызылорда қаласы, Сырдария өзенінің сол жағалауы №3 мөлтек ауданында 7 қабатты 84 пәтерлі 6 тұрғын үйдің құрылысы жүргізілуде.&nbsp; Құрылыс бөлімінің берген мәліметіне сүйенсек, өткен жылы «Спорт объектілерін дамыту» бағдарламасы аясында 514,5 миллион теңге Қызылорда қаласы Тасбөгет кентінде дене шынықтыру-сауықтыру кешенінің құрылысы пайдалануға берілген. Сонымен бірге «Газ тасымалдау жүйесін дамыту» бағдарламасына 724,4 миллион теңге бөлініп, толықтай игерілген. 2021 жылы басталған Қызылорда облысы Маханбет және Наурыз кентінің ішкі орамды газ құбырын салу жобасын аяқтауға облыстық бюджеттен &nbsp;57,5 миллион теңге бөлініп, &nbsp;жоба өткен жылы мамыр айында пайдалануға берілген. Қызылорда қаласы Қосшыңырау &nbsp;ауылдық округінің Абай,Досан елді мекендерінде «Газ құбыры желілерін салу» жобасына Ұлттық қордан 566,3 миллион теңге және облыстық бюджеттен 62,9 миллион теңге бөлініп, халық игілігіне пайдалануға берілген.Құдайға шүкір, Қызылордамыз күннен-күнге жаңарып, жасарып келеді. Көшелер жөнделіп, жарықтандыру мәселесі де шешімін тапқан. Білім мен мәдениетте де, спортта да ауыз толтырып айтарлықтай жетістіктер жеткілікті. Мектептер мен мәдениет үйлері қайта соғылып, бірқатары күрделі жөндеуден өткізілді. Бизнестің тізгінін ұстап, өз ісін ашып кәсіппен айналысатындардың да қатары көбейіп келеді.&nbsp;Айта кетейік, соңғы жылдары Қызылорда қаласының өзінде 12 шағын аудан бой көтеріп, 270 көп қабатты тұрғын үй салынған. 7000-ға жуық азамат жаңа пәтерге ие болып, қоныс тойын тойлаған. Мұнан бөлек, Қызылорда қаласы мен елді мекендердің сәнін келтіретін әлеуметтік нысандар көптеп бой көтеруде.&nbsp;Ә.ЖҰМАДІЛДӘҰЛЫ&nbsp;&nbsp;

Халықты баспанамен қамту – негізгі міндеттің бірі

<a href="https://kyzylorda-news.kz/">Kyzylorda-news.kz</a> Жыл басынан бері қылмыстық жазасын өтеген адамдарды әлеуметтік бейімдеу мен оңалту орталығы мамандары жазасын толық өтеп шыққан және пробация қызметінің есебінде тұратын 176 азаматқа әлеуметтік-құқықтық, психологиялық көмек көрсетті. Оның 146-сы пробация қызметінің есебінде тұрса, 30-ы жазасын толық өтеген. Жалпы жұмыспен қамтылғаны 31 адам, оның ішінде 15-і квота бойынша, ақылы қоғамдық жұмыспен 15 адам қамтылған. Қайтарымсыз грант алуға 10 азамат тіркеліп, 6 азамат «Бастау бизнес» бағдарламасы бойынша оқу оқып, сертификат алған.Орталық қызметкерлері жыл басынан белгілі тұрғылықты жері жоқ адамдардың уақытша болуына арналған бейімдеу орталығына 11 адамды орналастырған. Оның ішінде атаулы әлеуметтік көмек алатындар – 5, құжат рәсімдеу бойынша 9 азаматқа көмек көрсетіліп отыр. Жағдайы төмен 25 отбасының 15 азаматына азық-түліктей көмек беріліпті.Салауатты өмір салтын насихаттау бойынша мәдени спорттық іс-шаралар өткізіледі. Жарыс қорытындысымен орын алғандарға мақтау қағазы, медаль, бағалы сыйлықтар берілді. Жастар ресурстық орталығының қолдауымен пробация қызметінде есепте тұратын жастарды өз кәсібін бастап жұмыс жасауға ынталандыру мақсатында «Нур и Б» ЖК-нің пластик терезе, жиһаз цехымен таныстырды.Облыс бойынша ҚАЖ департаментіне қарасты мемлекеттік мекемелерде &nbsp;«Қақпа алдында кездесуі де» 5 рет өткен. &nbsp;&nbsp;Фото: gov.kz

Жазасын өтеп  шыққандарға қолдау көрсетілуде

<a href="https://kyzylorda-news.kz/">Kyzylorda-news.kz</a> «Әкеге қарап ұл өсер» деген қазақтың тағылымды сөзі текке айтылмаса керек-ті. Бүгінгі әке, ертеңгі ата. Сондықтан өмір жолындағы әр соқпағын игі іспен өріп, артында өшпес із қалдыруға қам жасау ер адамның бір міндеті. Ата-бабамыз салған сара жолды насихаттап, ақыл дариясында жүрген, қолынан қаламы түспей, көмейінде әуелетер әсем әндері бар ардагерлері, нағыз өнер адамдары барда неліктен «Аталар» ансамблі жоқ деген ой туындады. Һәм елі үшін еңбек етіп, маңдай терін төккен аталардың халық алдында жүргені де жөн шығар. Әлімсақтан «ердің құнын екі ауыз сөзбен бітірген» ауызы дуалы шешені бар ел екеніміз белгілі. Сол ерлері езге айналып, батырының батылы әйеліне ғана жететін рухсыз ұрпақ пайда болуда деп бәйек қаққан кездеріміз де жоқ емес.Осы секілді жанға батар пікірлер жансақ айтылған деген пікір қалыптастыратын «Аталар» ансамблі құрылса, сонау Сыр сүлейлерінің сынығы, Нартайдың нағыз ұрпағы дүниеге келер еді. Қазақтың қос ішекті домбырасынан күй төгіліп, қаражорғасы тағы да сахна төріне көтерілетін болады. Сондай-ақ, көп дүниені жеткізем деп көпіретін емес, кесіп айтатын ерлердің қатары қалыңдай түсіп, арқалы ақыны мен балуан батырлары көбейеді. Шиелі аудандық ардагерлер кеңесі төрағасының орынбасары Өркен Исмаил: «Дала кезіп, бос уақытын карта ойнаумен, не болмаса ішімдік ішумен өткізгенше, ұрпақ тәрбиелегенге не жетсін? Сондықтан ардагерлерді қоғамдық жұмысқа тартып, «Аталар» ансамблін құрамыз десе, қос қолдап қолдайтындардың бірімін. Ол үшін ақы да талап етпеймін. Түске дейін ұрпақ тәрбиесіне, түстен кейін тиімді іспен шұғылдану, денсаулығымыз үшін де пайдалы болмақ» дейді.&nbsp;Ендеше, Өркен атамыз бастаған Әлмырза Ноғайбаев сынды ардагерлер қоштап, «Аталар» ансамблінің мүшесіне айналарына сенеміз. Өздеріңізге аян, Шиелі ауданында жалғыз ғана «Ардагерлер» ансамблі бар. Бұл бастама Зәкір Жақыповтың бастамасымен сонау Ұлы Отан соғысында қан кешкен аталарымыздан құралған. Қилы соғысты сипаттап, рух беретін патриоттық әндерді шырқап, елдің ықыласына бөленген бұл топты ауыл тұрғындары сүйсіне тыңдайды. Сондықтан да болар, қарты бар ауылдан қазақилықтың иісі ұрып тұрады. Осы игіліктің әрі қарай жалғасы табылса нұр үстіне нұр болар еді.&nbsp;Бүгінде әлем Төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келеді. Жаңа технологиялық қалып біздің қалай жұмыс істейтінімізді, азаматтық құқықтарымызды қалай іске асыратынымызды, балаларымызды қалай тәрбиелейтінімізді түбегейлі өзгертуде. Расымен де, ІТ-технология қарыштап даму үстінде. Осы заматта балаға тәрбиенің үлгісі болар ата-әжелер ауадай қажет. Бейнеттің зейнетін көрер жасқа келгенде, абыройлы қартайып, ақылымен бөлісу ақсақалдардың арманы десек те болады. Үйде жатып дертіне дерт қосқанша, ел алдында жүріп әдемі қартайғанға не жетсін?

Шиеліде "аталар" ансамблі құрыла ма?

<a href="https://kyzylorda-news.kz/">Kyzylorda-news.kz</a> Жалағаш ауданы Еңбек ауылында &nbsp;облыс көлемінде ұзақ жыл басшылық қызмет атқарған Сәмит Далдабаевты еске алу кеші өтті. Кешке қайраткердің жары Айгүл Өміртайқызы, балалары мен інілері, ауыл тұрғындары қатысты.Сәмит Далдабаев еңбек жолын Тереңөзек кеңшарында мал дәрігері болып бастаған. Кейін Сырдария ауданында мал дәрігері, аудандық мал дәрігерлік станциясының басшысы болды. Сырдария, Тереңөзек аудандық атқару комитеті төрағасының бірінші орынбасары, одан кейінгі жылдары Жалағаш аудандық партия комитетінің хатшысы, Сырдария аудандық кеңесі атқару комитетінің төрағасы қызметін атқарды.Оның елге сіңірген еңбегі елеусіз қалған жоқ. «Еңбектегі ерлігі үшін» медалімен, «Құрмет белгісі», «Халықтар достығы», «Құрмет» орденімен марапатталды. «Қазақ ССР-ына еңбегі сіңген ауыл шаруашылығы қызметкері», «Қазақстан Республикасына еңбегі сіңген қызметкер» атағына ие болды. Селолық тұтыну кооперативтері облыстық қауымдастығы қоғамдық ұйымының төрағасы ретінде атқарған ісі ауқымды. «Мүсірәлі пір ата» қоғамдық қорының төрағасы ретінде Қызылорда қаласынан мешіт салуға үлес қосты. Жұмыс тәжірибесін ғылыммен ұштастырып, ауыл шаруашылығы ғылымдарының кандидаты атанды. Тереңөзек, Сырдария, Жаңақорған және Жалағаш аудандық кеңесінің, облыстық кеңестің депутаты болып сайланды. Замандастарының айтуынша, Сәмит Далдабаев басшылық қызмет атқарған жылдар еңбеккерлер үшін аса табысты болған. Еліне қадірлі, аса кішіпейіл, азаматтығы басым, өзін емес, өзгенің қамын ойлайтын шынайы адал жан еді. Халықтың мұң-мұқтажын тыңдап, қолынан келгенше жақсылық істеуден жалықпаған.<blockquote>– Сәмит ағаның балалық шағы екінші дүниежүзілік соғыспен тұспа-тұс келді. Ол еңбекке ерте араласып, ерте есейді. Көктем келе дала жұмыстарына кірісіп, «Жыңғылды» көлінен су жеткізетін арықты тазалап, әкесіне көмектесетін. Ол азаматқа тән өзіндік болмысынан ешқашан айныған емес. Басшылық қызмет атқара жүріп, халықтың талап-тілегін ескере білді. Соның арқасында көптің көңілінен шығып, ықыласына бөленді, – деді ауыл тұрғыны Ә.Ысқақов.</blockquote>Тағылымды кеште замандас достары қайраткердің өмірінен естелік айтып, сыр шертті. Кеш «Билік те, байлық та уақытша, басты байлық – денсаулық. Сондықтан денсаулығымыздың арқасында ел үшін, халық үшін қызмет ету – бізге парыз бен өтелмеген қарыз» деген Сәмит Далдабаевтың сөзімен қорытындыланды.&nbsp;

Сәмит Далдабаевты еске алу кеші өтті

<a href="https://kyzylorda-news.kz/">Kyzylorda-news.kz</a> «Ауыл – Ел бесігі» жобасы – ауылдар мен шалғайдағы елдімекендердің ажарын ашуды және ондағы тұрғындардың өмір сүру сапасын, әл-әуқатын жақсартуды бағыттайтын бірегей жоба. Аталмыш жоба аясы Сыр өңірінде де сәтті жүзеге асырылуда. Мәселен, өткен жылы облыс көлемінде 208 жоба жүзеге асырылса, биыл 38 ауылдық елді мекендегі 69 жобаны кезең-кезеңімен іске асыру көзделіп отыр. Бұл туралы Өңірлік коммуникациялар қызметінің ақпарат алаңында облыстық экономика және қаржы басқармасының басшысы Қамбарбек Мүбараков хабарлады.-Өздеріңіз білетіндей, «Ауыл – Ел бесігі» жобасы – ауылдарды дамытуға басымдық береді. Сәйкесінше, біздің облыста осы жобаның методикасына сәйкес келетін 58 тірек және 45 спутник елді мекен айқындалып, бүгінде онда тиісті жұмыстар жүргізілуде. Жалпы бұл жоба – ауылдарда газ және электр желілерін жүргізуге, ауыз сумен қамтуға, көшелерді жарықтандыруға, жол сапасын жақсартуға бағытталады. Бұдан бөлек, елдімекендердегі тұрғындардың өмір сүру сапасын жақсарту үшін денсаулық сақтау нысандары, мәдениет, спорт, білім ұйымдарын салуды көздейді. Бұл бағытта біздің облыста бірқатар жобалар жүзеге асырылды. Мәселен, 2023 жылы 13 әлеуметтік нысан салынып, 201 инфрақұрылымдық, 1 газбен жабдықтау, 3 ауыз сумен қамту жобалары іске асты. Осылайша, өткен жылы 208 жоба жүзеге асырылып, ел игілігіне табысталды. Ал, биыл 69 жобаны іске асырамыз деп жоспарлап отырмыз. Атап айтқанда, 15 әлеуметтік нысан салуды және 54 инфрақұрылымдық жобаны жүргізу жоспарлануда. Нәтижесінде, облыстағы ауылдық елдімекендердің жағдайы бірнеше есеге жақсарады деген үміт бар, - деді Қамбарбек Амангелдіұлы.Фото:&nbsp;Қызылорда облысының Өңірлік коммуникациялар қызметі

"Ауыл – ел бесігі": Биыл Сыр өңірінде 69 жоба жүзеге асырылады

<a href="https://kyzylorda-news.kz/">Kyzylorda-news.kz</a> Тұтынушылардың құқықтарын қорғау қоғамымызда әлі де өзекті мәселе. Халықты алдау, сапасыз тауарды өткізіп жіберу немесе сатып алынған заттың кепілдік мерзімі аяқталмай бұзылып қалуы, ал оның ақшасын қайтармай тұтынушыны әуре-сарсаңға салу қоғамда жиі кездеседі.Мұндай мәселенің алдын алу мақсатында өңірде облыс бойынша сауда және тұтынушылардың құқықтарын қорғау департаменті жұмыс атқарады. Бүгінде департамент сауда және тұтынушылардың құқықтарын қорғау салаларында Қазақстан Республикасының «Сауда қызметін реттеу туралы» &nbsp;және Қазақстан Республикасының «Тұтынушылардың құқықтарын қорғау туралы» Заңдарына сүйене отырып өз өкілеттігі шеңберінде бірқатар жұмыстар атқаруда.Мәселен, Қазақстан Республикасының «Сауда қызметін реттеу туралы» заңының 9 бабына сәйкес &nbsp; ішкі сауда субъектісі әлеуметтік маңызы бар азық-түлік тауарына әлеуметтік маңызы бар азық-түлік тауарын беру шартында көрсетілген, өндірушінің босату бағасының немесе көтерме сауда арқылы берушінің сатып алу бағасының он бес пайызынан аспайтын шекті сауда үстемесінің мөлшерін белгілейді. Бұл ретте ішкі сауда субъектілері әлеуметтiк маңызы бар азық-түлiк тауарларына рұқсат етілген шекті бөлшек сауда бағаларының мөлшерлерін арттырған кезде ішкі сауда субъектісі Қазақстан Республикасының заңдарына сәйкес жауаптылықта болады.Осыған сәйкес Департаментпен жүргізілген жұмыстардың қорытындысымен &nbsp;әлеуметтік маңызы бар азық-түлік тауарларына сауда үстемесі мөлшерін сақтау бөлігінде кейбір нарық субъектілерінің сауда үстемесінің шекті мәнін асырып сатқан фактілер анықталды. Атап айтсақ, кәсіпкерлік субъектілеріне тексеру жұмыстары жүргізіліп, нәтижесінде 19 кәсіпкерлік субъектілерінен заң бұзушылықтар анықталып, &nbsp;Қазақстан Республикасы «Әкімшілік құқық бұзушылық туралы» Кодексінің 204-4 бабының 1 тармақшасына сәйкес, әкімшілік жауапкершілікке тартылды, 3 кәсіпкерлік субъектілерінен заңбұзушылықтар анықталмады.Тұтынушылардың құқықтарын қорғау саласында өткен жылы тұтынушылардың құқықтарының бұзылуы туралы – 117өтініш келіп түсті. (өткен жылдың осындай кезеңімен салыстырғанда 60 пайызға артық - 73). &nbsp;<blockquote>− Осы жылдың 1 тоқсанында тұтынушылардың құқықтарының бұзылуы туралы – 117 өтініш келіп түсті. (өткен жылдың осындай кезеңімен салыстырғанда 60 пайызға жоғары, 73). &nbsp; Жалпы алғанда өтініштерге салалар &nbsp;бойынша жүргізілген талдауда &nbsp;72 өтініштің бөлшек сауда саласына келетіндігі немесе 61,5 пайызы (атап айтсақ, сапасыз тауарды айырбастаудан, қайтарудан бас тарту, 14 күн ішінде тиісті сападағы тауарды айырбастаудан, қайтарудан бас тарту, тұтынушыларды алдау, сапасыз тауар ұсыну), тұрғын-үй коммуналдық шаруашылық қызметтері саласы бойынша - 8 (6,8 пайыз – коммуналдық қызметтер үшін төлемді негізсіз есептеу, пәтер иелері кооперативтерінің тиісті деңгейде қызмет көрсетпеуі, электрондық сауда – 11 (9,4 пайыз – тұтынушыларды алдау, сапасыз тауар ұсыну, тауарды айырбастаудан немесе қайтарудан бас тарту), қоғамдық тамақтану – 5 (4,3 пайыз – сапасыз тамақ өнімдері, жарамдылық, сақтау мерзімдері) және де басқа салалар.&nbsp; Аталған өтініштерді заңға сәйкес қарау қорытындысымен 62-өтініш қанағаттандырылды, 3-өтініш түсіндіріліп, 44-өтініш басқа мемлекеттік органдарға жолданды. Нәтижесінде &nbsp;тұтынушыларға барлығы 6,4 млн.теңгенің қаражаты қайтарылуына ықпал жасалды. (2023 жылдың 1 тоқсанында – 1,2 млн.теңге) Есепті кезеңде департаментпен 12 нарық субъектісіне &nbsp;тексерулер жүргізіліп, олар әкімшілік жауапкершілікке тартылды, − дейді Қызылорда облысы бойынша Сауда және тұтынушылардың құқығын қорғау департаментінің басшысы Ерқасым Сүлейменов.</blockquote>Бұдан басқа, жыл басынан бері «Сапалы өнім» жобасы қоғамдық тұжырымдамасы аясында ішкі нарықта отандық өндірушілер мен тұтынушыларды қорғау мақсатында сапасыз және қауіпті тамақ өнімдерін анықтау мақсатында Ресей Федерациясында өндірілген сүзбелер (Простоквашино 2,5%), кілегейлі сүттер, ультрапастерленген сүттер, қаймақтар, балалар кондитерлік өнімі, шикі ысталған шұжық, сүт шоколады жабылған пешеней &nbsp;(барлығы – 12 өнім) сауда үйлерінен сынақ өткізу мақсатында сатып алынып, «Ұлттық сараптама орталығы» РМК Қызылорда облысы бойынша филиалымен сараптамадан өткізілген. Сараптама қорытындысымен 5 өнімнен, атап айтқанда қаймақ, сүзбе және шикі ысталған шұжық өнімдерінен таңбалаудағы сәйкестіктер және мемлекеттік тілде ақпараттар жоқтығы анықталса, қалғандары талаптарға сай келген.&nbsp;<blockquote>− Сонымен қатар, &nbsp;айта кету керек заң жобалау жұмыстарының жоспарына сәйкес «Тұтынушылардың құқықтарын қорғау туралы» Қазақстан Республикасы Заңының жобасын және оған ілеспе «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» заң жобасы әзірленіп, қазіргі таңда Мәжілісте қаралуда. Аталған заң жобасына сәйкес тұтынушылардың құқықтарын қорғау жөніндегі Омбудсмен институтын енгізу ұсынылады. Омбудсмен мәртебесі Қазақстан тұтынушыларының құқықтарын қорғау саласындағы жүйелі проблемаларды мемлекеттік биліктің жоғары деңгейіне шығаруға мүмкіндік береді, − дейді Ерқасым Жайбергенұлы.</blockquote>Бүгінде «Тауар қайтарылмайды немесе ауыстырылмайды» деген хабарламаларды кейбір сауда нүктелерінен көруге болады. Алайда бұл хабарламалардың қаншалықты заңды күші бар екенін тұтынушы біле бермейді. Тауардың қай жерде, базарда, арзан немесе қымбат дүкенде сатылғанына қарамастан, тұтынушы құқығын қорғайтын арнайы заңның барын естен шығармаған жөн.&nbsp; Фото: gov.kz

Әрбір тұтынушының құқығы заң аясында қорғалады

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы бойынша Қылмыстық-атқару жүйесі департаментіне қарасты №68 мемлекеттік мекемесінде психолог мамандарының ұйымдастыруымен психологиялық тренинг өтті.Тренингте шаруашылық қызметіне қалдырылған сотталған азаматтар үстел үстінде суреттерді құрастыру арқылы сурет салып, құрастырылған бейне арқылы өз ойларын жеткізеді. Бұл арқылы, жазасын өтеуші азаматтар психологиялық көңіл-күйді жақсартады сонымен қатар, әлеуметтік байланыстарды құрады және көңіл күйі көтеріледі.&nbsp;Мекеменің психолог мамандары күнделікті өздерінің кәсібилік шеберліктерін көрсете отырып, жазасын өтеп жатқан, сондай-ақ тергеудегі азаматтар мен айыпталушы азаматтарды қабылдап, психологиялық тәрбиелік мәні бар сұхбаттар жүргізді. Оған қоса әрбір жазасын өтеуші азаматтарға өздерінің пайдасын тигізуге ықпал жасады.Айта кетейік жаза өтеу барысында түрлі ойлар адам баласын қажытады. Сондай сәтте, әрбір адам психолог мамандарының көмегіне жүгінеді. Сонымен қатар, өмірге деген құлшыныстары артып, қайта бейімделеді. Терапия соңында сұрақтар қойылып, нақты жауаптар алынды. Мұндай шаралар алдағы уақытта да жалғасын табатын болады. &nbsp;

Жазасын өтеушілер арасында ойын терапиясы өтті

<a href="https://kyzylorda-news.kz/">Kyzylorda-news.kz</a> Күйбең тіршіліктің күйкі тірлігімен өтіп жатқан қоғамның мейірім мен қайырымға, жып-жылы алақанға мұқтаж екені байқалады. Тағдыр жазуымен егде жаста жалғыз өмір сүруге мәжбүр қария мен дерті жас талғамайтын ерекше жандарға біртұтас жүйелі жағдай жасау – біздің қоғам алдында тұрған ең маңызды міндет. Ал оны жүзеге асырушылар әлеуметтік қызметкерлер.Еселі еңбек ескеріле бермейтін, десе де таңертеңнен кешке дейін бел жазбай жұмыс істейтін әлеуметтік қызметкерлерді көпшілік тани бермейтіні рас. Шиелі удандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ағыбай Төлегенов «Ақыл-есін жоғалтып, құлдыққа салынғандарды еліне қайтаратын да, құжаттарын қайта жасататын да, халықтың әлсіз топтарына көмектесетін де, науқас адамның қоғамға қайта бейімделуіне жағдай жасайтын да – осы әлеуметтік жұмыс мамандары» деп бастады әңгіменің әлқиссасын.&nbsp;Статистикалық мәліметке сүйенер болсақ, Шиелі ауданында экономикалық тұрғыдан белсенді 36 213 халық бар. Оның 34 406 жұмыспен қамтылған. Демек, жұмыссыздық деңгейі 5,0 процентті көрсетіп тұр. Жыл басынан бері халықты жұмыспен қамту орталығына жалпы 6687 азамат жұмыс іздеуші ретінде тіркелсе, бүгінгі таңда 2319 адам екі қолға бір күрек тапқан.Бизнес-идеяларды дамытуға қайтарымсыз гранттар беру жоспарына сәйкес business.enbek. kz электронды ақпараттық порталы арқылы қабылданған өтінімдер негізінде ауданда бизнес идеяларды іске асыруға арналған мемлекеттік гранттарды алуға үміткерлердің өтініштерін қарау жөніндегі комиссия отырысының хаттамалық шешіміне сәйкес, 149 азаматқа 400 АЕК мөлшерінде 1 380 000 теңге қайтарымсыз гранттар беріліп, өз кәсіптерін ашуда.&nbsp;Мәселен, жаппай кәсіпкерлікті дамытудың бағыты «Бастау Бизнес» жобасы аясында 879 азамат онлайн түрде оқып, сертификаттарын алды. Әлеуметтік жұмыс орындарына 60 азамат уақытша негізде қызмет етеді. Ал жастар практикасына 350 азамат тіркеліп, оның 647-і жұмыс істеуде. Келісім шарт мерзімі аяқталған 184 тұлға тұрақты жұмыспен қамтылды.&nbsp;Шежірелі өлкеге аз қамтамасыз етілген азаматтарға атаулы әлеуметтік көмекті көрсетуге барлығы 411 млн 328 мың теңге қаржы қаралған. Жыл басынан бері мемлекеттік атаулы әлеуметтік көмекті алуға 986 отбасының 5434 мүшесіне 411 млн 324 мың теңге төленді.&nbsp;Осы орайда айта кетейік аудан бюджетінде аз қамтамасыз етілген отбасыларға тұрғын үй көмегін көрсетуге 183 мың теңге қаражат қаралып, жыл басынан 14 отбасының 60 мүшесіне 182,6 мың теңге тағайындалып көмек көрсетілді.&nbsp;Деректерге қарасақ, 2024 жылдың 1 қаңтарына дейін 2197 отбасына 35 млн 319 мың теңгеге қайырымдылық көмектер жасалынды.&nbsp;2023 жылдың 31 желтоқсанға тіркелген мүгедектігі бар адамдар саны – 2348 болса, мүгедектігі бар адамдардың жеке оңалту бағдарламасы аясында гигиеналық құралдарға республикалық бюджеттен 45 млн 882 мың теңге, жергілікті бюджеттен гигиеналық және техникалық көмекші құралдарға 141 млн 476,0 мың теңге қаралып, барлығы 187 млн 358 мың теңгеге төлем жүргізілді. Бүгінде әлеуметтік қызметтер порталы арқылы 1281 мүгедектігі бар адамдарға гигиеналық құралдарға өтінім қабылданып, 1281 адамға жеткізіліп берілді. Жүріп-тұруы қиын 94 мүгедектігі бар адамдар кресло арбамен, 145 азамат тифлоқұралдармен, 25 мүгедектігі бар адамдар сурдоқұралдарымен қамтамасыз етілді.&nbsp;Сонымен қатар 511 мүгедектігі бар адамдар протездік құралдармен қамтамасыз етіліп, 251 мүгедектігі бар адамдар санаторияға жолдамаға өтінім беріліп қанағаттандырылды. 6 мүгедектігі бар адамдардың орындары брондалып, ем көрсетілуі күтілуде. Әлеуметтік қызметкерлер – тек ғана жұмысшы ғана емес, сол үйдің жақын адамы болу қажет. Ең бірінші сенімділік қажет. Сол себепті жалғызбасты қариялар қызметкерлерге сенеді. Ал сала мамандары олармен хабарласып, жағдайын біліп тұрады. Олар бөгде жанды үйіне кіргізбейді. Неге дейсіз бе?! Қорқады. Бірақ еріктілер көмектескіміз келеді десе де әлеуметтік қызметкерсіз бара алмайды. Бұл дегеніміз – талай адамның тағдыры үшін алаңдайтын адал қызметкердің адал жұмысы.&nbsp;Әлеуметтік қызмет көрсету орталығының Қазақстан бойынша сынамалы жоба ретінде ашылған алғашқы мекеме екенін ескерер болсақ, осындай жүгі ауыр көшті бастап жүрген Ағыбай Төлегенов пен «әлеуметтік қызметкер» атағын абыроймен алып жүрген, өз жұмысына ізгі ниетпен кірісетін әлеуметтік қызметкерлердің еңбегін елеусіз қалдырғымыз келмеді. Олар үшін өзгенің проблемасы деген түсінік жоқ, қиналған адам көрсе көмек қолын созады.&nbsp;Әлеуметтік қызметкерлердің осы салада тұрақтап қалуы да осы қасиеттерінде. Халқы үшін аянбай еңбек етіп, қалтқысыз қызмет ету табандылықты қажет етеді.

Қазақстан және Қызылорда облысының жаңалықтары: Қоғам