<a href="https://kyzylorda-news.kz/">Kyzylorda-news.kz</a> Қызылорда қаласының орталықтандырылған кітапханалар жүйесіне қарасты 21 кітапхана қала тұрғындарына сапалы кітапханалық-ақпараттық қызмет көрсетуде.&nbsp;Мемлекет басшысы Қасым-Жомарт Тоқаевтың бастамасымен жүзеге асырылып жатқан «Кітап оқитын ұлт» жобасы аясында кітап оқу мәдениетін қалыптастыру, жастар мен балалардың кітапқа деген қызығушылығын арттыру және рухани құндылықтарды насихаттау бағытында жүйелі жұмыстар жүргізілуде.Жоба шеңберінде Талсуат ауылында «Кітап керуені» мәдени-ағартушылық шарасы ұйымдастырылып, ауыл тұрғындарына жаңа әдебиеттер таныстырылды. Осындай шаралар барлық ауылдарда да жалғасын тауып, кітап көрмелері, әдеби кездесулер мен танымдық бағдарламалар өткізілуде және &nbsp;кітаптың қоғам өміріндегі маңызы кеңінен насихатталуда.Оқырман белсенділігін арттыру мақсатында «Kitap Fest», «Кітап Time», оқу марафондары, әдеби ойындар, зияткерлік сайыстар мен түрлі мәдени-танымдық іс-шаралар тұрақты түрде ұйымдастырылып келеді.Кітап оқуды дәріптеу бағытында «Кітап құрттары» оқырмандар клубымен бірлескен шаралар ұйымдастырылып, кітапсүйер жастардың қатарын көбейтуге ерекше көңіл бөлінуде. Сонымен қатар, Қорқыт ата атындағы Қызылорда университетінің «Oqyrman Club» және «Book Club», NIS-тің «Руханият» клубымен әріптестік байланыс нығайып, олардың қатарын көбейтуге жұмыс жасалуда. Бұл шаралар белсенді оқырмандарды қолдауға, жаңа қатысушыларды тартуға және жастардың шығармашылық әлеуетін дамытуға бағытталған.<figure class="image"><img src="https://knadmin.beoblood.kz/uploads/V_Kyzylorde_prodolzhaetsya_rabota_po_populyarizaczii_kultury_chteniya1_23b77f2f15.jpg" alt="В Кызылорде продолжается работа по популяризации культуры чтения1.jpg"></figure>

Қызылордада кітап оқу мәдениетін қалыптастыруға бағытталған жұмыстар жүйелі жүргізілуде

<a href="https://kyzylorda-news.kz/">Kyzylorda-news.kz</a> Арал ауданында Қазақстан ономаст ғалымдарының қоғамдық бірлестігі «Ономастар одағы» мен Қазақстан Республикасы Мәдениет және ақпарат министрлігінің Ономастика басқармасы бірлесіп жүзеге асырып жатқан «Тарихи-диахрондық әдісті қолдану арқылы ономастикалық атауларды жүйелендіру қызметі» жобасы аясындағы «Сыр даласында – көне есімдердің сыры» атты тарихи-танымдық ғылыми экспедициясының отырысы өтті.Жиынға Арал аудан әкімінің орынбасары Н.Бохаев төрағалық етіп, ауданға арнайы келген қонақтарды жиналғандарға таныстырып өтті.&nbsp;Отырысқа жоба жетекшісі, филология ғылымдарының кандидаты, профессор Г.Бекенова, география ғылымдарының PhD докторы Н.Зинабдин, жоба мүшесі Д.Касимова, Қызылорда облыстық қоғамдық даму басқармасының Тілдерді дамыту және ономастика бөлімінің бас маманы Л.Жұмаханқызы, сондай-ақ ауданның өлкетанушылары, ардагерлері, қала, кент және ауылдық округ әкімдері мен сала мамандары қатысты.Кездесу барысында ғылыми-зерттеу тобының экспедициялық жұмыстарының мақсаты таныстырылып, өңірдегі тарихи жер-су атауларын ғылыми тұрғыдан зерделеу, көне атаулардың шығу тарихын анықтау және оларды жүйелеу мәселелері талқыланды.Жиында профессор Г.Бекенова экспедиция жұмысының негізгі бағыттарына тоқталса, Л.Жұмаханқызы мемлекеттік тіл саясаты мен ономастика саласындағы өзекті мәселелер бойынша баяндама жасады.Сонымен қатар ауданның белгілі өлкетанушылары Ү.Қуатов, Б.Қуатов және Ә.Әуезов, Е.Абдулла өңір тарихы мен жер-су атауларына қатысты тағылымды ой-пікірлерін ортаға салып, ұсыныстарын жеткізді.&nbsp;Экспедиция аясында ғылыми-зерттеу тобы облыс аумағындағы елді мекендерді аралап, жергілікті тұрғындармен, өлкетанушылармен және көнекөз қариялармен кездесулер өткізіп, тарихи атауларға қатысты құнды деректерді жинақтайды.Аталған жоба өңірдің тарихи-мәдени мұрасын дәріптеуге, топонимиялық қорды толықтыруға және ономастика саласындағы ғылыми зерттеулердің дамуына өз үлесін қосады.

Аралда «Сыр даласында – көне есімдердің сыры» ғылыми экспедициясы өтті

<a href="https://kyzylorda-news.kz/">Kyzylorda-news.kz</a> Ғарышты игеру тарихында ерекше орны бар Байқоңыр ғарыш айлағы бүгінде жаңа даму кезеңіне қадам басты. Әлемдік ғарыш индустриясының маңызды нысаны саналатын кешенде жүзеге асырылып жатқан «Бәйтерек» ғарыштық зымыран кешені жобасы - Қазақстанның ұлттық ғарыш саласын дамытуға бағытталған стратегиялық бастама. Жоба заманауи технологияларды енгізуге, Байқоңырдың әлеуетін арттыруға және еліміздің ғарыш саласындағы мүмкіндіктерін кеңейтуге жол ашуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыс әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай мәлімдеді.Спикердің айтуынша, осы жылдың 30 сәуірінде жаңа «Союз-5/Сұңқар» зымыран-тасығышының алғашқы сынақ ұшырылымы сәтті өтті. Бұл- &nbsp;Қазақстанның ұлттық ғарыш саласы үшін ғана емес, Байқоңыр ғарыш айлағының даму тарихындағы маңызды белес.<blockquote>– «Бәйтерек» жобасы &nbsp;еліміздің ұлттық ғарыш саласының дамуындағы жаңа кезеңнің басталғанын білдіретін маңызды тарихи оқиға. Аталған жоба Байқоңыр ғарыш кешенінің дамуына тың серпін беріп, оның әлеуетін жаңа деңгейге көтеруге мүмкіндік береді. Қазақстан Республикасы мен Ресей Федерациясы арасындағы үкіметаралық келісім аясында «Бәйтерек» ғарыштық зымыран кешенін құру жобасы жүзеге асырылып келеді. Осы келісімге сәйкес, қазақстандық тарап жерүсті технологиялық инфрақұрылымды құру және жаңғырту жұмыстарын атқарса, ресейлік тарап жаңа «Союз-5/Сұңқар» зымыран-тасығышын әзірлеуге жауапты. «Бәйтерек» жобасының толық іске асырылуы өңір экономикасының дамуына, жаңа жұмыс орындарының ашылуына, инвестициялық тартымдылықтың артуына және Қазақстанның ғарыш саласындағы бәсекеге қабілеттілігін күшейтуге мүмкіндік береді,- деді Қайрат Ырзақұлұлы.</blockquote>Спикердің айтуынша, қазіргі таңда жоба аясында 300-ге жуық жергілікті тұрғын тұрақты жұмыспен қамтылған. Сонымен қатар, жоғары білікті инженерлік және техникалық кадрларды даярлау бағытындағы жұмыстар жүйелі түрде жүргізілуде.&nbsp;<figure class="image"><img src="https://knadmin.beoblood.kz/uploads/bajkonur_brifing_1636727b48.jpg" alt="байконур брифинг.jpg"></figure>&nbsp;Фото: ҚР Жасанды интеллект және цифрлық даму министрлігі

«Бәйтерек» жобасы - ғарыш саласының жаңа мүмкіндігі

<a href="https://kyzylorda-news.kz/">Kyzylorda-news.kz</a> Арал аудандық әкімдігінің мәжіліс залында аудан әкімінің орынбасары Еркін Әбішевтің төрағалығымен аппарат мәжілісі өтті. Күн тәртібінде Үкімет отырысында жүктелген тапсырмалардың орындалу барысы талқыланып, әлеуметтік саладағы өзекті мәселелер мен алдағы жоспарлар қаралды.Мәжілісте аудан әкімінің орынбасары Еркін Жұмаханұлы автокөлік жасау саласын дамыту бойынша іске қосылған «Тоғыс-Аралотын» ЖШС-нің мотоцикл құрастыру зауыты ауданның инвестициялық әлеуетін арттыруға және жаңа жұмыс орындарын ашуға мүмкіндік беретін маңызды жоба екені атап өтіп, өндірістің ауқымын кеңейту бағытында әлі де жұмыстары атқарылуы тиіс екенін атап өтті.<figure class="image"><img src="https://knadmin.beoblood.kz/uploads/aral_3dea7b5932.jpg" alt="арал.jpg"></figure>Жауапты бөлімге өңірде өндірістік жобаларды көбейту, инвестиция тарту және экспорттық әлеуетті арттыру бағытындағы жұмыстарды күшейту жүктелді.Мұнан өзге негізгі мәселелердің бірі «Конго-Қырым» геморрагиялық қызбасына қарсы жүргізіліп жатқан залалсыздандыру жұмыстары назарға алынып, бұған дейін анықталған кемшіліктер бойынша жауапты мекемелер мен ауылдық округ әкімдеріне жұмыстарды белгіленген кестеге сәйкес сапалы әрі уақытылы ұйымдастыруды тапсырды.Сондай-ақ мердігер мекемелермен келісім-шарттарды жедел рәсімдеу, ветеринария мамандарының залалсыздандыру жұмыстарына толық қатысуын қамтамасыз ету, елді мекендер мен қора-жайларды санитарлық тазарту жұмыстарын күшейту жөнінде нақты міндеттер жүктелді.Мәжілісте «Отбасының цифрлық картасы» ақпараттық жүйесіндегі А және Б санатындағы отбасыларды зерделеу және олардың санаттарын растау жұмыстарын қысқа мерзімде аяқтау қажеттігі де айтылды.Мәжіліс қорытындысында аудан әкімі барлық жауапты мекеме басшылары мен қала, кент және ауылдық округ әкімдеріне берілген тапсырмалардың орындалуын жеке бақылауда ұстап, әрбір жұмыстың сапалы әрі мерзімінде орындалуын қамтамасыз етуді міндеттеді.<figure class="image"><img src="https://knadmin.beoblood.kz/uploads/aral_20f8047da3.jpg" alt="арал.jpg"></figure>

Аралда жауапты мекемелерге бірқатар маңызды тапсырмалар жүктелді

<a href="https://kyzylorda-news.kz/">Kyzylorda-news.kz</a> Қызылорда қаласының әкімі Нұржан Ахатов жолаушылар тасымалы қызметінің сапасын бағалау мақсатында бірнеше қоғамдық көлік бағытының автобустарымен жүріп өтті. Ол қоғамдық көліктердің тазалығын, қозғалыс аралығының сақталуын тексеріп, жолаушылармен тілдесті.Қазіргі таңда қалаішілік барлық автобус бағыттары аптап ыстыққа қарамастан штаттық режимде жұмыс істеп тұр. Күн сайын желіге шығар алдында автобустардың салоны тазаланып, дезинфекцияланады, техникалық жай-күйі мұқият тексеріледі. Ал қозғалыс кестесінің сақталуы диспетчерлік қызмет тарапынан тұрақты бақылауда.Жазғы демалыс кезеңінде жолаушылар ағынының азаюына байланысты бағыттардағы автобустар саны дәстүрлі түрде қысқартылады. Дегенмен, қала әкімдігінің мәліметінше, бұл жолаушыларға көрсетілетін қызмет сапасына кері әсерін тигізбейді.Сурет: Нұрболат Нұржаубай&nbsp;

Қызылорда қаласының әкімі қоғамдық көліктердің жұмысын тексерді

<a href="https://kyzylorda-news.kz/">Kyzylorda-news.kz</a> Қызылорда қаласында соңғы күндері электр қуатының кернеуі әлсіреп, жарықтың жиі сөнуі және соған байланысты ауыз су беру жүйесіндегі уақытша іркілістердің орын алуы тұрғындарды толғандырған басты мәселелердің бірі болды. Орын алған жағдай өңірдегі аптап ыстық пен электр желілеріне түсіп отырған шамадан тыс жүктемеге байланысты туындаған. Соның салдарынан кейбір аумақтарда ауыз су қысымы төмендеп, тұрғындарға қолайсыздық туындады. Бұл туралы Өңірлік коммуникациялар қызметінің алаңында өткен баспасөз конференциясында «Қызылорда электр тарату тораптары компаниясы» АҚ Оңалтуды басқарушы Бауыржан Жантасов баяндады.Мамандар электр желілеріндегі ақаулардың себебін түсіндірді. Басты себептердің бірі аптап ыстықта тұрғындардың электр энергиясын тұтынуы айтарлықтай өскен. Қалыпты кезде Қызылорда қаласы 92 мегаватт электр энергиясын пайдаланса, қазір бұл көрсеткіш 122 мегаватқа дейін жеткен яғни 32 пайызға артып отыр.&nbsp;<blockquote>«Қала аумағының кеңеюі, жаңа тұрғын үйлер мен әлеуметтік нысандардың көбеюі, сондай-ақ электр желілері мен қосалқы станциялардың тозу деңгейінің 60 пайызға жетуі электр жүйесіне түсетін салмақты арттырды. Қазіргі аптап ыстық кезеңінде Қызылорда халқы электр энергиясын 122 мегаватқа дейін пайдаланып отыр. Осының салдарынан бүгінде қалада электр кернеуі әлсіреп, кейбір аудандарда жарықтың уақытша өшуі жиілеген. Қазіргі кезде жағдай бақылауға алынып, жұмыс жасалуда. Өздеріңіз білесіздер, &nbsp;Қызылорда қаласында 240 мегаваттық жаңадан жылу электр станциясы іске қосылды. Ол өндірілген қуатты 220 кВ электр желісіне беріп, оңтүстік өңірде электр энергиясының тапшылығын болдырмауға өз үлесін қосуда», &nbsp;- дейді Бауыржан Русланұлы.&nbsp;</blockquote>Электрмен жабдықтаудағы тұрақсыздық ауыз су жүйесінің жұмысына да әсерін тигізуде. Өйткені су ұңғымалары мен насос қондырғылары электр қуатымен жұмыс істейді. Соңғы күндері бірнеше су алу нысандарында жарықтың уақытша өшуіне байланысты су қысымы төмендегенімен, барлық жағдайда дизельді генераторлар іске қосылып, қысқа уақыт ішінде су беру қалпына келтірілген. Ақаулар жедел қалпына келтіріліп, қала тұрғындарына ауыз су тұрақты берілуде.<blockquote>«Мұндай жайт Қызылжарма, Сабалақ және Мерей су алу құрылымдарында тіркелді. Дегенмен барлық жағдайда дизельді генераторлар іске қосылып, ақаулар жедел жойылып, тұрғындарға дер кезінде су қайта берілді. Сонымен қатар бес су алу ұңғымасы мен бірқатар насос қондырғылары жаңасына ауыстырылды», - деді «Қызылорда су жүйесі» МКК басшысы Жасұлан Абатов.</blockquote>Қазіргі таңда барлық авариялық бригадалар күшейтілген режимде жұмыс істеуде. Электр желілерінің өткізу қабілетін арттыру үшін трансформаторлар ауыстырылып, жаңа кабель желілері тартылуда. Сонымен қатар жаңа қосалқы станциялар салу және қолданыстағы электр желілерін жаңғырту жұмыстары кезең-кезеңімен жүзеге асырылмақ.Жалпы, Қызылорда қаласында коммуналдық қызметтер оның ішінде электр энергиясы және ауыз сумен қамту тұрақты түрде жұмыс жасауда. Жекелеген ақаулар дер кезінде қалпына келтіріліп жатыр.&nbsp;Осы мәселені шешу бағытында облыс әкімінің қолдауымен облыстық бюджеттен «Қызылорда – Промышленная», &nbsp;«КТЭЦ – Шұғыла», «Промышленная - Тасбөгет», «Тасбөгет – Амангелді» 35кВ әуе желілері жаңартылды. Сонымен қатар, сол жағалау, Президент саябағы аумағындағы жаңадан салынып жатқан нысандарды және Эдельвейс, Наурыз, Киров, Еңбек, Ақсуат, Баймурат батыр аумақтарындағы тұтынушыларды сапалы және тұрақты электр энергиясымен қамтамасыз ету мақсатында қосымша трансформатор ауыстыру жоспарлануда.&nbsp;<figure class="image"><img src="https://knadmin.beoblood.kz/uploads/brifing_7d2ba9c1f3.jpg" alt="брифинг.jpg"></figure>&nbsp;Фото: freepik.com / РСК Кызылорда&nbsp;

Электр жүйесі мен ауыз сумен қамту қалыпты режимде жұмыс істеуде 

<a href="https://kyzylorda-news.kz/">Kyzylorda-news.kz</a> Қазақстанда алдағы сәрсенбі, 2026 жылғы 22 шілдеде қатты ыстықтың беті қайтып, ауа температурасы +38°С-қа дейін төмендейді. Сонымен қатар жаңбыр, найзағай және бұршақ күтіледі. Бұл туралы «Қазгидромет» РМК баспасөз қызметі ұсынған ауа райы болжамында айтылған.&nbsp;<blockquote>«Солтүстік-батыс циклоны мен атмосфералық фронттардың әсерінен Қазақстанның басым бөлігінде ауа райы тұрақсыз болады. Жаңбыр жауып, найзағай ойнайды. Елдің солтүстігінде, шығысында, орталығында, сондай-ақ оңтүстік және оңтүстік-шығыстың таулы аймақтарында қатты жаңбыр күтіледі. Республика бойынша жел күшейіп, бұршақ жаууы, дауыл болуы мүмкін. Елдің оңтүстік-батысында шаңды дауыл болжанады. Түнде және таңертең солтүстік пен оңтүстік-батыс өңірлерде тұман түседі», – делінген «Қазгидромет» хабарламасында.</blockquote>Сонымен қатар кей өңірлерде өрт қаупі сақталады.Фото: magnific.com

Қазақстанда аптап ыстық бәсеңдеп, ауа температурасы +38°С-қа дейін төмендейді

<a href="https://kyzylorda-news.kz/">Kyzylorda-news.kz</a> Қызылорда-Сексеуіл автожолын дамыту жобасы аясында облыс орталығында айналма жол құрылысының қарқыны күшейді.Қызылорда қаласынан Арал ауданының Сексеуіл кентіне дейінгі көлік жолын ІІ техникалық санаттан І санатқа көтеру жобасының бірінші кезеңін жүзеге асырушы – «ҚазАвтоЖол» ҰК АҚ.<blockquote>- Құрылыс алаңында 80 жұмысшы мен 60-тан астам арнайы техника жұмыс істеп жатыр. Жұмыс қарқынын арттыру мақсатында ауысымдық тәртіп енгізілген, яғни жұмыс тәулік бойы тоқтаусыз жүргізіледі. Жалпы ұзындығы 25,8 шақырым айналма жолдың бойында 4 көпір, 2 жолайрық, 1 демалыс алаңы және 9 су өткізгіш құбыр салу жоспарланған, - делінген компанияның Қызылорда облыстық филиалы таратқан мәліметте.</blockquote>Қазіргі уақытта жол негізін дайындаумен қатар инженерлік құрылыс орнатылып жатыр.Айта кетейік, аталған жоба «Батыс Еуропа – Батыс Қытай» халықаралық көлік дәлізінің құрамына кіреді және елдің транзиттік әлеуетін одан әрі дамытуға, маршруттың өткізу қабілетін арттыруға, жол жүру уақытын қысқартуға және өңірлер арасындағы көлік қатынасының сапасын жақсартуға бағытталған.Фото: Көлік министрлігі

Қызылорда – Сексеуіл жолы І санатқа дейін жаңғыртылады 

<a href="https://kyzylorda-news.kz/">Kyzylorda-news.kz</a> Қызылорда облыс әкімінің орынбасары Бахыт Дүйсенұлы Жаханов Қармақшы ауданына жұмыс сапарымен болып, Жосалы және Төретам кенттеріндегі теміржол вокзалдарында жүргізіліп жатқан күрделі жөндеу және қайта жаңғырту жұмыстарының барысымен танысты.Алдымен жұмыс сапары Төретам кентіндегі теміржол вокзалынан басталды. Нысанда атқарылып жатқан құрылыс кезеңдері талқыланып, жұмыс қарқынын күшейту, құрылыс сапасы және белгіленген мерзімде аяқтау мәселелері бойынша мердігер мекеме өкілдеріне тиісті тапсырмалар жүктелді.<figure class="image"><img src="https://knadmin.beoblood.kz/uploads/zhahanov_karmakshy_ccdb8234e5.jpg" alt="жаханов кармакшы.jpg"></figure>Одан кейін Жосалы кентіндегі теміржол вокзалынының күрделі жөндеу және қайта жаңарту жұмыстарының барысын көрді. 1904 жылы салынған тарихи ғимаратты жаңғырту жұмыстары бүгінде қарқынды жүргізілуде.Жүзеге асырылып жатқан жоба жолаушыларға қолайлы әрі заманауи жағдай жасауға бағытталған. Нысанды аралау барысында құрылыс жұмыстарының сапасы мен мерзімінде аяқталуына ерекше назар аударылып, мердігер мекеме өкілдеріне нақты тапсырмалар берілді.Жұмыс сапары барысында Бахыт Дүйсенұлы барлық құрылыс жұмыстарының сапалы әрі уақытылы орындалуын қатаң бақылауда ұстап, жұмыстарды талапқа сай аяқтауды қажет екендігін қаперге салды.&nbsp;<figure class="image"><img src="https://knadmin.beoblood.kz/uploads/zhahanov_karmakshy_6725556be8.jpg" alt="жаханов кармакшы.jpg"></figure>

Бахыт Жаханов Жосалы және Төретам вокзалдарындағы құрылыс барысымен танысты

<a href="https://kyzylorda-news.kz/">Kyzylorda-news.kz</a> 2026 жылғы қаңтар-маусымда орындалған құрылыс жұмыстарының көлемі 15,2% өсіп, 4072,1млрд теңге болды.&nbsp;Республика бойынша құрылыс жұмыстарының жалпы көлемінен жеке құрылыс ұйымдарымен 91,1%, шетелдік – 8,3%, мемлекеттік – 0,6% орындалды.2026 жылғы қаңтар–маусым айларында құрылыс жұмыстары көлемінің 2025 жылғы осы кезеңмен салыстырғанда артуы ғимараттар мен құрылыстарды салу және жөндеу жұмыстары көлемінің 22,5% өсуіне байланысты.Өңірлер бөлінісінде құрылыс жұмыстары көлемінің өсуі республиканың он жеті өңірінде байқалды. Едәуір өсім Ұлытау облысында (3,3 есе), Қызылорда (31,3%), Абай (31%), Павлодар (29,6%), Қостанай (26%), Түркістан (25,5%), Шығыс Қазақстан (22,3%), Атырау (19,7%), Батыс Қазақстан (17,1%) және Жамбыл облысында (13,4%), сондай-ақ Алматы (22,5%) және Шымкент (12,9%) қалаларында тіркелді.Фото: Қызылорда облысының әкімдігі

Қызылорда облысы құрылыс қарқыны бойынша көшбасшылар қатарында

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында автокөлік жасау саласын дамыту мәселелері талқыланды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте аймақ басшысы өңірдің автомобиль жасау өндірісіндегі бастамалар мен мәселелерге тоқталды.Еске салсақ, Мемлекет басшысы өңдеу өнеркәсібін дамыту, оның ішінде отандық машина жасау саласын қолдау жөнінде нақты міндеттер қойған болатын.Өңірде толық циклді автомобиль шығаратын кәсіпорын болмаса да, жүк вагондарын жөндеу және қосалқы бөлшектер өндіруде тиісті жұмыс өз деңгейінде атқарылуда. Мәселен, сала кәсіпорындары бірінші жартыжылдықта 12 млрд теңгеге қызмет көрсетіп, негізгі өсім 9,9 пайыз болған.<blockquote>«Келесі міндетіміз – жөндеу жұмыстарынан өнеркәсіптік өндіріс деңгейіне көшу. Бұл бағытта Қызылорда қаласындағы «Марал-Нұр» серіктестігінің вагон жөндеу, заманауи жолаушылар вагондарын құрастыру жобасы кезең-кезеңімен сәтті жүзеге асып жатыр. Сонымен қатар, Арал ауданында «Дара Мото» инвестициялық жобасы аясында өңірімізде алғаш рет мотоцикл және мопед құрастырылуда. Бұл экономиканы әртараптандыруға және экспорттық әлеуетті арттыруға оң ықпал етеді. Салаға қажетті кадрлар Қорқыт ата атындағы Қызылорда университеті мен И.Әбдікәрімов атындағы аграрлық-техникалық колледжінде даярлануда. Кейінгі екі жылда 200 студент білім алып, көлік, логистика, техникалық қызмет көрсету және теміржол саласындағы кәсіпорындарда еңбек етіп жүр. Жауапты басқармаға, қала және аудан әкімдіктеріне жаңа инвестициялық жобалар тартуды, кәсіпорындардың өндірістік жүктемесіне тұрақты мониторинг жүргізуді және өнім көлемін ұлғайтуды тапсырамын», – деді аймақ басшысы.</blockquote>Жиында дала өртінің алдын алу мәселесі де талқыланды. Орман және дала өрттерінің басым көпшілігі адамдардың немқұрайлық әрекеттерінен, қауіпсіздік ережелерін сақтамауынан туындайды. Өңірдің құрғақ және желді климатын ескерсек, дала өрттерінің пайда болу, тез тарау қаупі аса жоғары. Осы жылдың 6 айында 24 өрт тіркелген. Облыс әкімі қауіпсіздік шараларын күшейтуді ескертті.Сонымен қатар қала және аудандардағы байланыс сапасын арттыру, цифрлық инфрақұрылымды дамыту, &nbsp;ветеринария саласында статистикалық дерекқор жүйесін қалпына келтіру, хаттамалық тапсырмаларды уақытылы орындау тапсырылды.

Автокөлік жасау саласын дамыту мәселелері талқыланды 

<a href="https://kyzylorda-news.kz/">Kyzylorda-news.kz</a> Бүгінде Шиелі аумағындағы аудандық маңыздағы жолдардың 138,1 шақырымы немесе 94,9 пайызы жақсы және қанағаттанарлық жағдайда болса, республикалық және облыстық жолдар толықтай асфальтталған. Жол сапасын арттыру бағытындағы жұмыстар бюджет қаражатымен қатар демеушілердің қолдауымен де жүйелі түрде жүзеге асырылуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков баяндады.Есепті кезеңде «Шиелі-Тайқоңыр» бағытындағы автомобиль жолы толықтай күрделі жөндеуден өтіп, тұрғындардың қауіпсіз әрі қолайлы қатынауына мүмкіндік жасалды. Сонымен қатар «Самара-Шымкент- Еңбекші» және аудандық маңыздағы жолдарды қайта жаңғырту жобалары іске асырылып жатыр. Алғабас ауылындағы көшелерді жөндеу жұмыстары аяқталуға жақын.<blockquote>«Шиелі кентінде де жол-көлік инфрақұрылымын жаңғырту жалғасуда. Алдағы жылдары ондаған көшені және көпқабатты тұрғын үйлердің кіреберіс жолдарын жөндеу жоспарланған. Биыл оның алғашқы кезеңі басталып, бірқатар көшеде құрылыс жұмыстары жүргізілуде. Жол қозғалысы қауіпсіздігін қамтамасыз ету мақсатында жаңа бағдаршамдар орнатылып, бейнебақылау жүйесі кеңейтілуде. Қазіргі таңда Шиелі кентінде 72 бейнебақылау камерасы, 8 жылдамдық өлшегіш камера және 18 бағдаршам жұмыс істейді. Жол белгілері мен жасанды жол кедергілерін күтіп ұстау жұмыстары да тұрақты жүргізілуде. Сонымен бірге аудан тұрғындарына қоғамдық көлік қатынасы үздіксіз қызмет көрсетіп келеді. Шиелі кентіндегі жол-көлік инфрақұрылымын кезең-кезеңімен жаңғырту мақсатында жалпы құны 5,3 млрд теңгені құрайтын 21 көшені және көпқабатты тұрғын үйлердің кіреберіс жолдарын жөндеудің жобалық-сметалық құжаттары әзірленді. 2026-2028 жылдары жүзеге асатын жобаның алғашқы кезеңінде 11 көшеде жөндеу жұмыстары басталды», – деді аудан әкімі Айтбай Жандарбеков.</blockquote><figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure>

Қазақстан және Қызылорда облысының жаңалықтары: Қоғам