<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Сексеуіл кентіне жұмыс сапарымен барып, бірқатар әлеуметтік және инфрақұрылымдық нысандардың жұмысымен танысты.Алдымен кенттегі емхана ғимаратында болып, медициналық нысанның қазіргі жағдайын көрді. Бүгінде емханада 70-тен астам қызметкер еңбек етіп, тұрғындарға тиісті медициналық қызмет көрсетуде. Нысанның материалдық-техникалық жағдайы мен халыққа көрсетілетін медициналық көмектің сапасы назарға алынды.Бұдан кейін аудан басшысы республикалық маңызы бар «Бейнеу–Сексеуіл» автомобиль жолының құрылыс жұмыстарымен танысты.Жалпы ұзындығы 800 шақырымды құрайтын автожолдың құрылысы қарқынды жүргізілуде. Бас мердігер – «Integra Construction KZ» ЖШС. Қазіргі таңда 490-530 шақырым аралығындағы учаскеде қосалқы мердігер «UNO DISTRIBUTION» ЖШС тарапынан ұзындығы 1 шақырым, ені 35 метр жол бөлігінің беткі қабатын тазарту, астыңғы қабатын тегістеу, нығыздау және жол төсемін көтеру жұмыстары атқарылуда. Құрылыс жұмыстарына 46 техника жұмылдырылған.Жұмыс сапары барысында аудан әкімі Аманжол Сақыпұлы «Қазақстан темір жолы» ұлттық компаниясының демеушілігімен салынып жатқан 100 орындық Оқушылар үйі мен 50 орындық Өнер мектебінің құрылысы жұмыстарын бақылады.Қазіргі таңда нысанда 30-ға жуық құрылысшы еңбек етуде. Ғимарат қабырғалары қаланып, бірінші және екінші қабаттарда ішкі әрлеу жұмыстары, су, кәріз және электр желілерін тарту жұмыстары атқарылуда. Сонымен қатар төбе жабу жұмыстары жүргізілуде. Ғимараттың сыртқы қаптау жұмыстары келер айда басталады деп жоспарлануда. Мердігер мекеме "Иман" ЖШС-гі өкілдерінің мәліметінше, құрылыс жұмыстарын келер айдың соңына қарай шамамен 90 пайызға аяқтау көзделуде.Сондай-ақ аудан әкімі кентте жаңадан салынып, пайдалануға берілген теміржол вокзалының жұмысымен танысты.Заманауи талаптарға сай салынған жаңа вокзал тәулігіне 281 жолаушыға қызмет көрсетуге қауқарлы. Жолаушыларға қолайлы жағдай жасау мақсатында ғимаратта ана мен бала бөлмесі, медициналық пункт, жүк сақтау қоймасы, күту залы және санитарлық-тұрмыстық орындар қарастырылған. Нысан қажетті заманауи жабдықтармен толық қамтамасыз етілген.Жұмыс сапары барысында аудан әкімі Аманжол Сақыпұлы нысандардағы құрылыс жұмыстарының сапасы мен белгіленген мерзімдердің сақталуына баса мән беріп, тиісті сала басшылары мен жауапты тұлғаларға нақты тапсырмалар берді.<img src="https://knadmin.beoblood.kz/uploads/Aral_leumettik_nysandardy_aralau_2_7e012a1214.jpg" alt="Арал әлеуметтік нысандарды аралау 2.jpg">

Арал: Әлеуметтік және инфрақұрылымдық нысандардың жай-күйін тексерді

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты №68 мекемесінде жеке құрам қызметкерлерінің қатысуымен жедел кеңес өтті.Кеңеске Қызылорда облысы Полиция департаменті Өзіндік қауіпсіздік басқармасы бастығының орынбасары, полиция полковнигі Жапаров Серік Исақожаұлы және ҚАЖ департаментінің Өзіндік қауіпсіздік тобының бас маманы, әділет подполковнигі Жоламанов Серік қатысты.Жедел кеңестің негізгі мақсаты – жеке құрам арасында қызметтік тәртіпті, заңдылықты сақтау, сыбайлас жемқорлықтың алдын алу және қызметтік міндеттерді жауапкершілікпен орындау мәселелерін түсіндіру.Күн тәртібінде бірқатар маңызды мәселелер қаралды. Атап айтқанда, Қазақстан Республикасы ІІМ-нің ішкі істер органдарындағы тәртіптің, заң үстемдігі мен сыбайлас жемқорлыққа қарсы іс-қимылдың жай-күйі бойынша шолу жасалып, қызметкерлерге тиісті түсіндірмелер берілді.Сонымен қатар ішкі істер органдарындағы қызметтік тәртіп пен заңдылықты сақтау, жол қозғалысы ережелерін бұзудың алдын алу және қауіпсіздік талаптарын қатаң сақтау мәселелері талқыланды.Үшінші мәселе бойынша Қазақстан Республикасының қылмыстық және қылмыстық-атқару заңнамасына енгізілген өзгерістер мен толықтырулар таныстырылып, олардың қызметтік міндеттерді атқару барысында маңызын түсіндірді.Кеңес барысында жеке құрамға заң талаптарын қатаң сақтау, қызметтік әдеп нормаларын бұзбау, сыбайлас жемқорлық көріністеріне жол бермеу және әрбір қызметкердің өз міндетіне жоғары жауапкершілікпен қарауы қажеттігі ескертілді.Жиын соңында қызметкерлер тарапынан қойылған сұрақтарға жауаптар беріліп, құқықтық сауаттылықты арттыру және қызметтік тәртіпті нығайту бағытында тиісті түсіндіру жұмыстары жүргізілді.

ҚАЖ: Жеке құрам қызметкерлеріне жедел кеңес өткізілді

<a href="https://kyzylorda-news.kz/">Kyzylorda-news.kz</a> «Анаға тағзым» орталығында ұлттық қолөнерді заманауи технологиялармен ұштастырып, креативті кәсіпкерлердің жаңа өнім әзірлеуіне мүмкіндік берген «Creative Battle: AI × Ұлттық қолөнер» сайысы өз мәресіне жетті. Хакатон және баттл элементтерін біріктірген жоба мақсаты – ұлттық мәдени мұраны сақтай отырып, жаңа идеялар негізінде Сыр өңірінің брендтік ерекшелігін айқындайтын, нарық сұранысына сай жаңа өнімдерді әзірлеуге қолдау көрсету. &nbsp;Жоба аясында алдымен қатысушылар үшін акселерациялық кезең ұйымдастырылып, олар өз идеяларын жетілдіру, өнім тұжырымдамасын қалыптастыру және оны нарыққа бейімдеу бағытында практикалық жұмыстар жүргізді.Ал іріктеу кезеңінде қатысушы командалар «Сырдан сый» тақырыбы аясында әзірлеген өнімдерін таныстырып, олардың Сыр өңірінің брендтік ерекшелігін қалай көрсететінін қазылар алқасының алдында қорғады. Нәтижесінде қазылар алқасының шешімімен «Creative queens», «Өрнек», «Korik-ai», «Тұмар», «Сыр өрімі» және «Aydia» командалары финалдық кезеңге жолдама алды.Өңірдегі креативті индустрияны дамытуға бағытталған жоба ережесіне сай финалдық кезеңде қатысушылар ҚР Экономикалық қызмет түрлерінің жалпы жіктеуішіне (ОКЭД) сәйкес дайын тоқыма бұйымдары, ұлттық киім және аксессуарлар, былғары бұйымдар, ағаштан және табиғи материалдардан жасалған бұйымдар, керамикалық тұрмыстық және сәндік бұйымдар, зергерлік бұйымдар сондай-ақ, кәдесый және өзге де дайын бұйымдар бағыттары бойынша өз жұмыстарын ұсынды. Дайын бұйымдарды қайта өңдеу арқылы жаңа өнім жасау қабілеттерін де танытты.Қолөнер шебері, дизайнер және ЖИ маманынан құралған командалар жұмысы өнімнің креативтілігі, жасалу техникасы, сапасы, қаптамасы, көркем безендірілуі және маркетингтік құралдарды тиімді пайдалануы бойынша бағаланды.&nbsp;Сайыс қорытындысы бойынша жеңімпаз командалар Бас жүлде, I, II және III дәрежелі дипломдармен, сондай-ақ ынталандыру сыйлықтарымен марапатталды. Жүлде қоры 1 000 000 теңгені құраған жоба кәсіпкерлердің тәжірибе алмасуына, шығармашылық әлеуетін дамытуына септігін тигізіп, &nbsp;ұлттық қолөнер мен заманауи технологияның жаңа мүмкіндіктерін тоғыстырған креативті алаңға айналды.

«CREATIVE BATTLE: AI × Ұлттық қолөнер» сайысы қорытындыланды

<a href="https://kyzylorda-news.kz/">Kyzylorda-news.kz</a> Kurs.kz мәліметінше, қазіргі уақытта елорданың ақша айырбастау пункттерінде:<ul><li style="text-align:justify;">доллар 455,00 теңгеден сатып алынады, 462,00 теңгеден сатылады;</li><li style="text-align:justify;">еуро: сатып алу&nbsp;— 526,97 теңге, сату&nbsp;— 536,97 теңге;</li><li style="text-align:justify;">рубль: сатып алу&nbsp;— 5,30 теңге, сату&nbsp;— 5,60 теңге;</li><li style="text-align:justify;">юань 68,43 теңгеден сатып алынады, 72,58 теңгеден сатылады.</li></ul>Алматының ақша айырбастау пункттерінде:<ul><li style="text-align:justify;">доллар: сатып алу&nbsp;— 456,83 теңге, сату&nbsp;— 459,50 теңге;</li><li style="text-align:justify;">еуро: сатып алу&nbsp;— 531,18 теңге, сату&nbsp;— 536,76 теңге;</li><li style="text-align:justify;">рубль 5,31&nbsp;— 5,45 теңге аралығында саудаланады.</li><li style="text-align:justify;">юань 68,20&nbsp;— 70,79 теңге аралығында саудаланып жатыр.</li></ul>Еске салайық, 20 тамыз күндізгі сауда-саттық қорытындысы бойынша доллардың орташа бағамы 3,82 теңгеге түсіп, 458,23 теңге болды.Сурет: freepik.com

Валюта бағамы өсуде

<a href="https://kyzylorda-news.kz/">Kyzylorda-news.kz</a> Жаңақорған ауданы әкімінің орынбасары Нариман Жахудаевтың төрағалығымен білім беру ұйымдарының санитариялық-эпидемиологиялық жай-күйі мен жаңа оқу жылына дайындық мәселелеріне арналған жиын өтті.Жиынға тиісті мекеме және бөлім басшылары, кент және ауылдық округ әкімдері, мектеп директорлары мен мемлекеттік балабақша меңгерушілері қатысты.Жиында аудан бойынша 42 мектепке, 2 мектеп - интернатқа және 42 мектеп асханасына жүргізілген мониторинг нәтижелері қаралды. Мониторинг барысында санитариялық талаптардың сақталуына қатысты бірқатар кемшіліктер мен заң бұзушылықтар анықталғаны айтылды.Осыған байланысты аудан әкімінің орынбасары Нариман Үсенұлы білім беру ұйымдарының, әсіресе мектеп асханаларындағы санитариялық талаптардың қатаң сақталуын жеке бақылауға алуды тапсырды. Сонымен қатар, оқушыларға берілетін ыстық тамақтың сапасы мен құнарлылығына ерекше мән беріп, бұл бағыттағы жұмыстарды тұрақты бақылауда ұстау қажеттігін атап өтті.Жиында жаңа оқу жылы қарсаңындағы маңызды мәселелердің бірі – «Мектепке жол» қайырымдылық акциясын жоғары деңгейде ұйымдастыру барысы да талқыланды.Жиын соңында 23 тамыз күні өтетін Құрылтай депутаттарының сайлауына дайындық барысы пысықталды. Бұл мәселе бойынша аудандық қоғамдық даму бөлімінің басшысы Әбілғазы Төлегенов сайлау күніне жоспарланған жұмыстар мен алдағы міндеттерге тоқталды.Аудан әкімінің орынбасары аталған бағыттар бойынша барлық жұмыстарды сапалы әрі белгіленген мерзімде ұйымдастыруды тапсырды. Жиын қорытындысымен берілген тапсырмалардың орындалуы тұрақты бақылауда болатыны жеткізілді.<img src="https://knadmin.beoblood.kz/uploads/Zha_a_or_an_audany_zhiyn_2_c0f00e8c09.jpg" alt="Жаңақорған ауданы жиын 2.jpg">

Білім беру ұйымдарының санитариялық-эпидемиологиялық жай-күйі қаралды

<a href="https://kyzylorda-news.kz/">Kyzylorda-news.kz</a> Облыстық денсаулық сақтау басқармасының мәжiлiс залында медицина қызметкерлері арасында интернет алаяқтық, пирамида, қаржылық сауаттылық тақырыбында семинар өттi.&nbsp;Аймақтың бас дәрігері Әбілпатта Алмас Әбдіғаппарұлының төрағалығымен өткен жиында денсаулық сақтау саласының қызметкерлерiне Қызылорда облысы экономикалық тергеп-тексеру департаментінің ұйымдастыру-бақылау басқармасының аса маңызды істер жөніндегі тергеушісі Оралбаева Майра Тұрлыбекқызы қазіргі қоғам үшін өзекті мәселелер бойынша түсiндiрiп, кеңес бердi.Атап айтар болсақ, семинар барысында интернет алаяқтықтың кең тараған түрлері, қаржы пирамидаларының негізгі белгілері, күмәнді қаржылық ұсыныстарды қалай ажыратуға болатыны және алаяқтық жағдайына тап болған кезде қандай әрекет жасау керектігі жөнінде пайдалы ақпараттар айтылды.&nbsp;

Қаржылық сауаттылық тақырыбында семинар ұйымдастырылды

<a href="https://kyzylorda-news.kz/">Kyzylorda-news.kz</a> Білім беру ұйымдарындағы ағымдағы және күрделі жөндеу жұмыстарының сапалы әрі белгіленген мерзімде аяқталуы – басты міндеттердің бірі.&nbsp;Негізгі мақсат – жаңа оқу жылын мектептердің толық дайындықпен бастап, оқушыларға қауіпсіз әрі қолайлы білім беру ортасын қалыптастыру.Осы бағыттағы жұмыстардың барысын пысықтау мақсатында Жаңақорған ауданының әкімі Жарқынбек Ғалымжан аудандық білім бөлімінің басшысымен бірге бірқатар білім беру ұйымдарын аралап, олардың жаңа оқу жылына дайындығын зерделеді.Аралау барысында жөндеу жұмыстарының сапасы, ғимараттардың техникалық жағдайы, инженерлік инфрақұрылым, қауіпсіздік талаптарының сақталуы және оқу процесін ұйымдастыруға қажетті жағдайлар қаралды.Аудан әкімі жауапты тұлғаларға жөндеу жұмыстарын белгіленген мерзімде әрі сапалы аяқтауды тапсырды. Сонымен қатар мектептердің оқу жылын толық дайындықпен бастап, оқу процесіне кедергі келтірмеуін қамтамасыз етуді міндеттеді.Басты назар – әрбір мектепте оқушылардың қауіпсіздігі мен сапалы білім алуына қажетті барлық жағдайды қамтамасыз етуге бағытталуы тиіс.<img src="https://knadmin.beoblood.kz/uploads/Mektepterdi_zhaj_k_jin_tekserdi_2_ee970a9ec3.jpg" alt="Мектептердің жай-күйін тексерді 2.jpg">

Жаңақорған: Мектептердің жай-күйін тексерді

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың төрағалығымен аса маңызды минералдар, соның ішінде сирек кездесетін металдар саласын дамыту мәселелері жөнінде Қауіпсіздік Кеңесінің отырысы өтті.Мемлекет басшысы Қазақстан ресурс және өндіріс әлеуеті жағынан Орталық Азияда көш бастап тұрғанына назар аударып, мұны мемлекет мүддесіне пайдалану қажеттігін атап өтті.<blockquote>– Қазба байлығы мол елдер үшін әлемдегі қазіргі ахуал тиімді әрі бірегей мүмкіндіктерге жол ашып отыр, – деді Мемлекет басшысы.</blockquote>Сонымен қатар Президент дүние жүзінде аса маңызды материалдарға қол жеткізуде мемлекеттер арасындағы бәсекелестік күшейе түскенін айтты. Бұл бағыт жоғары технологиялық салаларды дамыту тұрғысынан стратегиялық маңызға ие.&nbsp;Осы орайда Қазақстан қолда бар ресурстар мен өнеркәсіп әлеуетін тиімді пайдаланып, өз мүмкіндіктері мен өндіріс тізбегін дәйекті түрде дамытқаны жөн.Жиын барысында Үкімет мүшелері саланың қазіргі жай-күйі, ресурс қорын игеру перспективасы, қайта өңдеу бағытын дамыту және кедергілер туралы есеп берді.Отырыс қорытындысы бойынша Үкімет пен тиісті мемлекеттік органдарға саланы дамытуға қатысты жүйелі көзқарас қалыптастыру, реттеу тетіктерін жетілдіру, геологиялық барлау мен өңдеу ісін дамыту, техногенді минералдық түзілімдерді экономикалық айналымға қосу, зертханалар базасы мен кадрлар құрамын нығайту, сондай-ақ әкімшілік кедергілерді жою жөнінде нақты тапсырмалар берілді.Сурет: Ақорда

Мемлекет басшысы Қауіпсіздік Кеңесінің отырысын өткізді

<a href="https://kyzylorda-news.kz/">Kyzylorda-news.kz</a> Астанада Тәуелсіз Мемлекеттер Достастығы волонтерлерінің I форумы басталды. Қазақстан Президенті Қасым-Жомарт Тоқаевтың бастамасымен қолға алынған форум ТМД Үкімет басшылары кеңесінің шешімі негізінде Достастық елдерінің волонтерлік бастамаларын біріктіріп, өзара тәжірибе алмасуына мүмкіндік беретін жыл сайынғы алаң ретінде құрылды.Форумның ашылуында Аида Балаева Мемлекет басшысының құттықтауын оқып берді. Президент маңызды іс-шараның Қазақстанның бастамасымен Біріккен Ұлттар Ұйымы жариялаған Халықаралық еріктілер жылында өтіп отырғанына назар аударды. Бұл волонтерлердің әлеуметтік, гуманитарлық және экологиялық мәселелерді шешудегі орасан зор рөлінің халықаралық деңгейде мойындалғанын көрсетеді.<blockquote>«Қазақстан осы форумды өткізуді ұсына отырып, ТМД елдерінің волонтерлері тұрақты түрде тәжірибе алмасып, ортақ бастамаларын халықаралық деңгейде бірлесе ілгерілететін алаң құруды мақсат етті. Біз үшін достықты нығайтып, ынтымақ, мейірімділік пен жанашырлық сияқты ізгі құндылықтарды қоғамға терең сіңіру айрықша маңызды. Қазақстанда волонтерлік адам әлеуетін дамытуға, азаматтық жауапкершілікті арттыруға және қоғамда жанашырлыққа негізделген жаңа қарым-қатынас мәдениетін қалыптастыруға ықпал етіп келеді. 1 шілдеден бастап күшіне енген жаңа Конституцияда еліміздің тарихында алғаш рет волонтерлік қызметті мемлекеттік қолдау ең жоғары құқықтық деңгейде бекітілді», – делінген құттықтау хатта.</blockquote>Форумның ашылуында Аида Балаева Қазақстанда волонтерлік қозғалыстың жүйелі түрде дамып келе жатқанын атап өтті. Бұл бағыттағы маңызды кезеңдердің бірі – Президент Қасым-Жомарт Тоқаевтың бастамасымен 2020 жылдың Волонтер жылы болып жариялануы. Сол жылы Мемлекет басшысы БҰҰ Бас Ассамблеясының 75-сессиясында сөйлеген сөзінде Даму мақсатындағы волонтерлерді жұмылдырудың халықаралық жылын жариялауды ұсынған болатын. Бүгінде осы бастаманың нақты әрі ауқымды нәтижесін көріп отырмыз. Соңғы алты жылда еліміздегі белсенді волонтерлер саны алты есе өсіп, 50 мыңнан 300 мың адамға жетті. Волонтерлік ұйымдар саны үш есе артып, 810-ға, ал волонтерлік топтар саны он есе көбейіп, 3,5 мыңға жетті.<img src="https://knadmin.beoblood.kz/uploads/Whats_App_Image_2026_08_20_at_15_54_14_dfb79fe74c.jpeg" alt="WhatsApp Image 2026-08-20 at 15.54.14.jpeg"><blockquote>«Осы жылдар ішінде Қазақстанда волонтерлік қозғалысты одан әрі дамытуға қажетті жүйелі негіз қалыптасты. «Волонтерлік қызмет туралы» заң қабылданып, қолдау инфрақұрылымы дамып келеді, білім беру және гранттық бағдарламалар жүзеге асырылуда. Ендігі міндет – қозғалыстың ауқымын кеңейтіп қана қоймай, волонтерлікті қоғам өмірінің қолжетімді әрі табиғи бөлігіне айналдыру. Волонтерлік қауымдастықпен бірлесіп әзірленіп жатқан Волонтерлік қозғалысты дамытудың 2030 жылға дейінгі тұжырымдамасы дәл осы мақсатқа бағытталған. Құжатта кәсіби және салалық волонтерлікті өркендетуге, көшбасшылар даярлауға, қолдау тетіктерін жетілдіруге және заманауи цифрлық құралдарды пайдалануға басымдық беріледі. Соның ішінде әр адамның жинақтаған тәжірибесін, құзыреттері мен қосқан үлесін жүйелеуге мүмкіндік беретін волонтердің цифрлық паспортын әзірлеу жұмыстары жүргізілуде», – деді Премьер-министрдің орынбасары.</blockquote>Сонымен қатар Аида Балаева бүгінде 100 мыңнан астам азаматты біріктіріп отырған экологиялық волонтерліктің негізгі бағыттардың бірі болып қала беретінін атап өтті. Бұл саланың өркендеуіне жалпыұлттық «Таза Қазақстан» қозғалысы айрықша серпін берді. Қозғалыс аясында 1,5 мыңнан астам экологиялық іс-шара өткізіліп, 2 млн тоннаға жуық қалдық жиналды. 2,8 млн гектардан астам аумақ тазартылып, 4,5 млн-ға жуық ағаш егілді.<blockquote>«Келесі қадам – елдеріміздің волонтерлік қауымдастықтары арасында нақты ынтымақтастық орнату. Біз бірлескен жобаларды дамытып, тиімді әдіс-тәсілдермен тәжірибе алмасуға, көшбасшылар мен үйлестірушілерді даярлауға тиіспіз. Сонымен қатар волонтерлік тәжірибе қоғам тарапынан лайықты бағаланып, әр адамның білім алуы мен кәсіби дамуының бір бөлігіне айналуы қажет», – деді Аида Балаева.</blockquote>Осыған байланысты Премьер-министрдің орынбасары форум қорытындысы бойынша экология, әлеуметтік және инклюзивті қолдау, сондай-ақ жастар волонтерлігі бағыттарындағы бірлескен бастамалардың тізбесін әзірлеуді ұсынды.Алғашқы жобалардың бірі ретінде ТМД елдері волонтерлерінің қазан айында өтетін Арал маңы табиғатын қалпына келтіру жөніндегі халықаралық волонтерлік аптаға қатысуы ұсынылды.Айта кетейік, алғашқы форумның негізгі тақырыбы – «Волонтерлік арқылы бірлік: серіктестік, сенім, даму». Іс-шарада экологиялық жобаларға, инклюзивті және мәдени волонтерлікке, сондай-ақ ТМД кеңістігіндегі халықаралық волонтерлік бастамаларды дамытуға баса назар аударылды. Екі күнге созылатын форум аясында панельдік сессиялар, тақырыптық пікірталастар және табысты волонтерлік тәжірибелердің таныстырылымдары өтеді. ТМД волонтерлерінің форумы алдағы уақытта тәжірибе алмасуға, волонтерлік қозғалысты дамытуға және халықаралық ынтымақтастықты нығайтуға арналған жыл сайынғы алаңға айналады деп жоспарланып отыр. Форумды Достастық елдері ротациялық тәртіппен кезек-кезек өткізетін болады.Сурет: ҚР Мәдениет және ақпарат министрлігінің баспасөз қызметі

Тәуелсіз Мемлекеттер Достастығы волонтерлерінің I форумы басталды

<a href="https://kyzylorda-news.kz/">Kyzylorda-news.kz</a> Бүгін «Құзыреттілік орталығында» Спорт күніне арналған салтанатты шара өтті. Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен спорт саласының ардагерлері қатысты.&nbsp;Аймақ басшысы саланы дамытуда атқарылып жатқан жұмыстарға тоқталып, спортшылардың жетістіктеріне жоғары бағасын берді.&nbsp;<blockquote>«Баршаңызды Спорт күнімен шын жүректен құттықтаймын! Спорт – ерік-жігердің мектебі, мінезді шыңдайтын алаң, ұлт рухын көтеретін күш. &nbsp;Мемлекет басшысы Қасым-Жомарт Кемелұлы: «Қазақстан – спорт державасы болуға тиіс. Сол үшін біз маңызды спорт нысандарын салып жатырмыз. Халықтың спортқа деген қызығушылығын арттыру – біздің ортақ міндетіміз» - деп атап өткен болатын. &nbsp;Сыр спортындағы байыпты бастамаларымыз бен өміршең жобаларымыз республика аумағында үлгі ретінде қолданылуда. Біздің ортақ жетістігіміз баршамызға зор жауапкершілік жүктейді. Сыр өңірінің спортшылары &nbsp;әлемдік додалар мен ел біріншіліктерінде әрдайым жеңіс тұғырынан көрініп, еліміздің атын әлемге танытуда. Халықаралық аренада көк туымызды көкке көтерген сырбойылық спортшылар жыл басынан бері Әлем, Азия чемпионаттарынан 31 алтын, 16 күміс, 22 қола медаль жеңіп алды. Ал ел біріншіліктерінде 120 алтын, 100 күміс, 162 қола медальға қол жеткізді. Өткен айда Қытайдың Ханчжоу қаласында өткен волейболды отырып ойнаудан Әлем чемпионатында ұлттық құрама өкілдері қола жүлдеге ие болды. Ұлттық құрама сапында жерлестеріміз Эрик &nbsp;Қасқабаев, Шыңғыс Медеуов, Ерасыл Әбдібек &nbsp;өнер көрсетіп, ел намысын абыроймен қорғады. Шыңғыс Медеуов &nbsp;Әлем чемпионатының «Үздік ойыншысы» атанды. &nbsp;Өткен аптада Германияның Дортмунд қаласында өткен грек-рим күресінен халықаралық турнирде Сыр мақтанышы Айдос Сұлтанғали жеңімпаз атанып, ел мерейін үстем етті. Күні кеше ғана өзіміздің «Қайсар» футбол командасы Қазақстан Кубогының жартылай финалында астаналық «Жеңіс» командасын жеңіп, финалға жолдама алды. Бұл жетістіктер - мемлекет тарапынан жасалып жатқан қолдаулар мен Сіздердің тынымсыз еңбектеріңіздің жемісі», - деді Мұрат Нәлқожаұлы.&nbsp;</blockquote>Салтанатты шарада волейболды отырып ойнаудан Әлем чемпионатында қола жүлде алған ұлттық құрама сапындағы Сыр спортшыларына аймақ басшысы 1 млн теңге қаржылай сертификат табыстады.&nbsp;Сондай-ақ, спорт саласының дамуына сүбелі үлес қосқан &nbsp;азаматтар облыстың Құрмет грамотасымен, «Қызылорда облысының дамуына қосқан үлесі үшін» төсбелгісімен, облыс әкімінің Алғыс хатымен, &nbsp;Туризм және спорт министрлігінің «Дене шынықтыру мен спортты дамытуға сіңірген еңбегі үшін», «Спорт саласының үздігі» төсбелгісімен, Құрмет грамотасымен, министрдің Алғыс хатымен марапатталды.&nbsp;Айта кетейік, соңғы төрт жылда Сыр өңірінде Президентіміздің, Үкіметтің ерекше қолдауымен, сол кездегі аймақ басшысы Нұрлыбек Машбекұлының бастамасымен 11 мың орындық «Kaysar Arena» стадионы, Теннис, &nbsp;Инклюзивті спорт орталықтары және 24 жаңа спорт нысаны пайдалануға берілді.&nbsp;Қаланың сәулеттік келбетіне көрік берген &nbsp;жаңа стадионға УЕФА-ның 4- санаттағы жоғары мәртебесі беріліп, республикалық және халықаралық футбол ойындарын өткізуге мүмкіндік алды.Облыс орталығында аумағы 25 мың шаршы метр &nbsp;«Қызылорда Арена» көпбейінді спорт кешенінің құрылысы жүргізілуде. Нысан жыл соңына дейін ел игілігіне беріледі деп жоспарлануда.&nbsp;Бүгінде аймағымызда 388 мыңнан астам тұрғын бұқаралық спортпен жүйелі шұғылданады. Спорт резерві мен жоғары дәрежелі спортшыларды даярлайтын 33 спорт мектебінде &nbsp;22 мыңнан астам шәкірт кәсіби бағытта тәрбиеленеді.<img src="https://knadmin.beoblood.kz/uploads/Sport_k_ni_marapat_2_e10dbebf20.jpg" alt="Спорт күні марапат 2.jpg">

Спорт саласының үздіктері марапат төрінде

<a href="https://kyzylorda-news.kz/">Kyzylorda-news.kz</a> Заң мен тәртіп қағидатын орнықтыру, есірткі қылмысы мен есірткі бизнесінің алдын алу мақсатында Қызылорда қаласында профилактикалық ақпараттық-түсіндіру акциясы ұйымдастырылды.Қызылорда облысы Полиция департаменті Есірткі қылмысына қарсы іс-қимыл басқармасы мен Қызылорда қалалық жастар ресурстық орталығы уәкілдері бірлесіп, тұрғындарға есірткінің зияны, оның заңсыз айналымының салдары және қылмыстық жауапкершілік туралы түсіндірме жұмыстарын жүргізді.Қаладағы көше, тұрақтарда, автовокзал, жалпы тұрғындар көп шоғырланатын жерлерде азаматтар мен жүргізушілерге ақпараттық-полиграфиялық өнімдер таратып, есірткі қылмысының алдын алуда қоғамның белсенділігі мен қырағылығының маңыздылығын жеткізді.<img src="https://knadmin.beoblood.kz/uploads/Zakon_i_poryadok_osnova_bezopasnogo_obshhestva_e4d1ddbef8.jpg" alt="«Закон и порядок — основа безопасного общества».jpg">

Заң мен тәртіп – ортақ қағида

<a href="https://kyzylorda-news.kz/">Kyzylorda-news.kz</a> Республика көлемінде “Құқықтық тәртіп” жедел профилактикалық іс-шарасы &nbsp;аясында пробация есебіндегі тұлғалардың қайта қылмыс жасауының алдын алу мақсатында және құқық бұзушылық профилактикасы бағытында рейдтік іс-шаралар жүргізілуде.Іс-шара барысында &nbsp;лаудандық прокуратура, аудандық полиция бөлімдері қызметкерлерімен бірлесе Қармақшы, Шиелі аудандық пробация есебінде тұрған азаматтардың тұрғылықты мекенжайлары тексеріліп, олардың белгіленген міндеттерді орындауы мен мінез-құлқына бақылау жүргізілді. Сонымен қатар, есептегі тұлғалармен профилактикалық түсіндіру жұмыстары жүргізіліп, қайта қылмыс жасауға жол бермеу, заң талаптарын сақтау және қоғамдық тәртіпті бұзбау жөнінде ескертулер берілді.Аталған іс-шара «Заң мен тәртіп» қағидаты аясында жүзеге асырылып, құқық бұзушылықтың алдын алуға және «Айқын нәтиже» қағидатына сәйкес нақты профилактикалық жұмыстар жүргізуге бағытталды.Пробация есебіндегі тұлғалармен жеке профилактикалық жұмыстар жүргізу арқылы қайта қылмыстың алдын алу, олардың қоғамға бейімделуіне ықпал ету және құқық бұзушылыққа бейімділігін төмендету көзделді.Бұдан бөлек, отбасылық жанжалдарға бейім тұлғаларға қатысты «Тұрмыстық зорлық-зомбылыққа жол жоқ» қағидаты түсіндіріліп, отбасында құқықтық мәдениетті сақтау, жанжалдың алдын алу және зорлық-зомбылық фактілеріне жол бермеу жөнінде профилактикалық түсіндіру жұмыстары жүргізілді.

Қазақстан және Қызылорда облысының жаңалықтары: Қоғам