<a href="https://kyzylorda-news.kz/">Kyzylorda-news.kz</a> &nbsp;Статистикалық мәліметтерге сәйкес, Қазақстанда жыл сайын суицидтер саны өсіп келеді. Балалар мен жасөспірімдер арасындағы өз-өзіне қол жұмсау көрсеткіші соңғы жылы 30%-ға артқан деп хабарлады<a href="https://kaz.zakon.kz/kogam-tynysy/6049827-zhassprmderd-suitsidaldy-mnezly-belglern-alay-anytaua-bolady.html"> zakon.kz</a>Елде кәмелетке толмағандардың зорлық-зомбылық пен буллинг нәтижесінде жасаған суицидтік оқиғалары туралы жеке есеп жүргізілмейді. Дегенмен, бұл құбылыстар қайғылы жағдайға себеп болуы мүмкін.Балалар психологы Меруерт Байтуменова жасөспірімдердің мінез-құлқындағы алаңдатарлық белгілерді қалай тануға болатынын айтып, қайғылы жағдайдың алдын алу үшін маңызды кеңестер берді.Оқшаулану және тұйықтықБұрын белсенді әрі ашық болған жасөспірім достарымен, отбасымен қарым-қатынас жасаудан қашқақтап, көп уақытын жалғыз өткізеді. Қызықтыратын іс-шаралардан немесе хоббилерінен бас тартуы мүмкін.Көңіл-күйдің жиі өзгеруіКөңіл-күйдің күрт ауысуы. Өзін әлсіз сезінуден агрессияға дейін. Болмашы себептермен тез ашулану.Ұйқы және тәбетҰйқы режиміндегі кез келгең айтарлықтай өзгерістер. Тамақтану әдеттеріндегі өзгерістер. Салмақтың күрт артуы немесе азаюы.Үлгерімнің төмендеуіСабақтарға қатыспай, оқуға қызығушылығы жоғалуы, үлгерімнің төменеуі.Үмітсіздік және шарасыздық білдіруЖасөспірім болашағының мәнсіздігі туралы сөйлей бастайды. "Ештеңе жақсармайды", "Ештеңенің мәні жоқ" секілді сөздер. Бұл өткінші сөздер сияқты көрінсе де, өте маңызды мәлімдемелер.Суицидтік ойларды айту. Өлім туралы тікелей немесе жанама әңгімелер. "Менің болмағаным жақсы еді", "Мен бұл өмірден шаршадым" деген сөздерді елемеуге болмайды.Жаман әдеттер, мінез-құлық өзгерістеріАутоагрессия, алкоголь, есірткі, қауіпті әрекеттерге қызығушылық таныту. Өзін-өзі зақымдау. Мұндай әрекеттер не ауырсынуды жеңуге тырысу, не көмек сұрау болуы мүмкін.Жеке заттарын тарату. Достарына және туыстарына күтпеген сыйлықтар табыстауы, жанына жақын заттарын достарына қиналмай беруі мүмкін.Қиын сәтте жасөспірімді қалай қолдауға болады?Ашық және шынайы әңгіме: жасөспірімнің сезімдерін талқылаудан қорықпау өте маңызды. Кейбір ата-аналар суицид туралы әңгіме осы ойларға итермелейді деп ойлайды, бірақ бұл – миф. Керісінше, бұл мәселені талқылау баланың сезімдерінің маңызды екенін және оны тыңдауға дайын екенін түсіндіруге мүмкіндік береді. Онымен түсіністік пен қамқорлық тұрғысынан сөйлесу маңызды, айыптаудан аулақ болыңыз.Қарапайым сұрақтардан бастауға болады: "Соңғы уақытта достарыңмен көп араласпай жүргеніңді байқадым. Не болып жатыр?" немесе “Сен көңілсіз көрінесің. Әңгімелескің келе ме?”Сабырлы және мұқият тыңдаушы болыңыз:Жасөспірім сезімдерімен бөлісе бастағанда, оған ойын айтуға мүмкіндік беріңіз. Бірден кеңес беруге немесе мәселені шешуге тырыспаңыз. Ең бастысы – оны түсініп, қабылдайтыныңызды сездіру. Оның сезімдері маңызды екенін және сіз әрқашан қасында болуға дайын екеніңізді көрсетіңіз.Әрекет арқылы қолдау көрсету:Егер жасөспірім қиындықтарға тап болса, психологпен әңгімелесу, бірге уақыт өткізу немесе демалу сияқты нақты көмек ұсыныңыз. Қолдау туралы тек айту емес, сонымен қатар, әрекет ету де маңызды.Қауіпсіз және қолдайтын орта құру:Жасөспірімдер әдетте үйдегі атмосфераға сезімтал келеді. Үйде қолдау мен түсіністік орнағанына, айыптау немесе қысымның жоқтығына көз жеткізіңіз. Бала өзімен-өзі бола алатын және өзін қауіпсіз сезінетін кеңістік құруға тырысыңыз.Кәсіби көмекке жүгіну: егер бірнеше алаңдатарлық белгілерді байқасаңыз немесе жасөспірім ашық түрде суицидтік ойлар туралы айтса, уақыт созбай, кәсіби маманнан көмек сұрау маңызды. Мектеп психологы, психотерапевт немесе дағдарыс орталығы қажетті қолдау мен көмек көрсете алады.Жағдайды үнемі тексеріп тұру:Жасөспірімнің сезімдері туралы әңгімені бір кезеңмен шектемеңіз. Оның жағдайын үнемі қадағалап отырыңыз, тіпті, жағдай жақсарған сияқты болып көрінсе де. Бұл балаға оның қамқорлықта екенін және өз сезімдерімен жалғыз қалмағанын білуі үшін маңызды.Жасөспірімге дағдарыстан шығуға қалай көмектесуге болады:Мәселені мойындау: жасөспірімнің қиын эмоцияларын елемей немесе "бұл өтеді" деп сендіруге болмайды. Оның сезімдерін ашық мойындап, оның түсінгеніне көз жеткізіңіз: қиын сәттерде өзіңді нашар сезіну қалыпты жағдай, бірақ бұған төтеп берудің жолдары бар.Стресті басқару дағдыларын көрсету: жасөспірімдер ересектердің мінез-құлқына қарап, стрессті жеңуге үйренеді. Сіз өзіңіз қиын жағдайларды қалай жеңетініңізді көрсетіңіз: физикалық белсенділік, медитация, достармен сөйлесу немесе басқа да салауатты жолдар арқылы.Тәртіп пен тұрақтылық орнату:Тұрақты сабақтар, ұйқы және демалыс режимі жасөспірімдердің өздерін сенімді сезініп, дағдарысты жеңуіне көмектеседі. Режим эмоционалды күйді тұрақтандыруға және мазасыздықты төмендетуге ықпал етеді.Жағымды қырларын таныту:Жасөспірімге өмірдегі жағымды сәттерге назар аударуға көмектесу маңызды: достарының қолдауы, кішігірім болса да жетістіктер және қиындықтарды жеңе алатын қабілеттері.Еске сала кетейік, барлық мектептерде 2023 жылдың желтоқсан айынан бастап "ДосболLike" антибуллинг бағдарламасы іске қосылды. Бағдарлама мектептердегі буллингтің барлық көріністерінің алдын алуға бағытталған. Олардың бағдарламасын Bilimland сайтынан көруге болады.Фото: freepik

Жасөспірімдердің суицидалды мінез-құлық белгілерін қалай анықтауға болады

<a href="https://kyzylorda-news.kz/">Kyzylorda-news.kz</a>&nbsp; Бұл демографиялық ахуалды жақсарту үшін жасалмақ.Оңтүстік Кореяда отбасын енді құрған ерлі-зайыптылар үшін төрт күндік жұмыс аптасы енгізіледі, деп хабарлайды <a href="http://skifnews.kz/">Skifnews.kz</a> ақпарат порталы&nbsp;<a href="https://24.kz/kz/zha-aly-tar/lemde/item/672414-koreyada-otbasyn-tayauda-r-an-erli-zajyptylar-zh-mys-a-aptasyna-t-rt-k-n-barady">24.kz</a>-ке сілтеме жасап.&nbsp;Бұл – әзірге сынақ ретінде қолға алынған жоба. Оған Кёнгидо провинциясындағы 50 компания қатысады. Жұмыс аптасы қысқарғанда, жастардың отбасына көңіл бөлуге уақыты көбеюге тиіс. Қазір елде демографиялық дағдарыс ушығып барады.Бала туу көрсеткіші төмендеп кеткен, өйткені баспана қымбат. Баланы бағып-қағу шығындары да аз емес. Жастар мансап қуып, сәбилі болуға асықпайды. Осыған байланысты билік отбасын құруға ынталандыратын арнайы бағдарламаларды қолға алып жатыр.Тіпті жалғызбасты жандарға кездесу ұйымдастырылады. Егер қарым-қатынасын жалғастыратын болса, оларға ақша төлейді. Бұдан бөлек, баспана сатып алу және үй жалдап тұруға да қаржылай көмек бар.Фото: UN News

Отбасын енді құрған ерлі-зайыптылар үшін төрт күндік жұмыс аптасы енгізілмек

<a href="https://kyzylorda-news.kz/">Kyzylorda-news.kz</a> Қытайлық Anker компаниясы техникалық ақауларға&nbsp;байланысты смартфондарға арналған сыртқы батареялар сериясын сатылымнан алып тастады. Бұл туралы <a href="https://stan.kz/smartfondarga-arnalgan-tanimal-pauerbankter-kauipti-bol-406727/">Stan.kz</a> ақпарат агенттігі The Sun басылымына сілтеме жасап хабарлайды.Компания 334 MagGo Battery, Power Bank және 334 MagGo Battery PowerCore 10k үлгілерін кері қайтарып алған. Ақаудың салдарынан олардың батареялары тез қызып кететіні белгілі болды. Кейбір жағдайларда танымал құрылғының аккумуляторы құрылғының пластик бөліктерін ерітіп, өрт тудыруы мүмкін.The Sun басылымының мәліметінше,&nbsp;қуаттауға арналған құрылғылардың үлгілері iPhone-ға арналып &nbsp;шығарылған. &nbsp;Алайда &nbsp;оларды&nbsp;кез келген смартфонмен пайдалануға болатынын айтылған.Өндірушінің айтуынша,&nbsp;2024 жылдың 3 қаңтары мен 17 қыркүйек&nbsp;аралығында шығарылған барлық батареялар кері қайтарылып алынды.Anker компаниясының мәліметінше, сыртқы батареяларын АҚШ, Канада, Ұлыбритания, Франция, Германия, Австрия, Нидерланды және Австралиядағы пайдаланушылар кері қайтара алады.Фото: freepik

Смартфондарға арналған танымал пауэрбанктер қауіпті болып шықты

<a href="https://kyzylorda-news.kz/">Kyzylorda-news.kz</a> Қазақстандықтар 25 қазандағы Республика күніне орай үш күн қатарынан демалады, – деп хабарлайды <a href="https://massaget.kz/">Massaget.kz</a> тілшісі.Себебі биыл Республика күні жұмаға сәйкес келеді. Сондықтан аптасына бес күн жұмыс істейтін қазақстандықтар үш күн қатарынан демалады. Атап айтсақ, 25 қазан, жұма – Республика күні, ресми демалыс, 26 қазан, сенбі – әдеттегі демалыс, 27 қазан, жексенбі – әдеттегі демалыс.Ал аптасына алты күн жұмыс істейтіндер қосымша демалыс күнін пайдалана алады. Бірақ 26 қазан жұмыс істейді.Айта кетейік, Республика күні мерекесіне орай демалыс 2022 жылдан бастап ресми беріліп келеді.Фото: ашық дереккөз

Қазақстандықтар Республика күніне орай үш күн демалады

<a href="https://kyzylorda-news.kz/">Kyzylorda-news.kz</a>&nbsp;Шаһарды жасыл-желекке айналдыру бағытындағы жұмыстарға жанашыр тұрғындар өз үлестерін қосып келеді. Сондай белсенділерді ынталандыру үшін «Үздік аула» байқауы жарияланған. Шілде-тамыз айлары аралығында көпқабатты тұрғын үй мен жеке тұрғын үйдің аулаларын көгалдандырған тұрғындардан «Үздік аула» байқауына өтінімдер қабылданған. Бүгін осы байқауға қатысуға өтінім берген 13 ауланың ішінен комиссия мүшелері жеңімпаздарды анықтады.Бұл байқау 2018 жылдан бастап, 7 жыл қатарынан ұйымдастырылып келеді. Бұған дейін жүлде қоры ретінде ауланы көгалдандыруға қажетті құрал-саймандар жиынтығы табысталса, 2022 жылдан бастап байқауды өткізуге арнайы қаржы қаралып, мемлекеттік әлеуметтік тапсырыс шеңберінде, яғни «Үздік аула» әлеуметтік жобасы аясында жүзеге асырылуда. Ал 2023 жылдан бастап байқауға өтінімдер жасыл-желекті көпқабатты тұрғын үйдің ауласына ғана емес, жеке тұрғын үйдің сыртқы аумағын да көгалдандырған қала тұрғындарынан қабылданды.Алдағы уақытта «Қала күні» мерекесіне орай, жеңімпаздарды марапаттау шарасы ұйымдастырылатын болады.&nbsp;<img src="https://knadmin.beoblood.kz/uploads/461428488_3715326475400750_5723611857345198053_n_5cc9985954.jpg" alt="461428488_3715326475400750_5723611857345198053_n.jpg">

 "Үздік аула-2024" байқауының жеңімпаздары анықталды

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Сенаты депутаттары Наурызбай Байқадамов пен Руслан Рүстемовтың АЭС маңыздылығын насихаттау бығытындағы кезекті сапары №3 қалалық емханада жалғасты.Қаланың Астана, Саяхат, Арай, Сәулет секілді ірі мөлтек аудандарының тұрғындарына қызмет етіп отырған емхана ұжымы атом энергетикасы бойынша маңызды сауалдарын жолдады.Кездесуде штаб мүшесі Руслан Рүстемов атом энергетикасындағы кадр әлеуетіне, отандық ғалымдардың жетістігіне және Ядро физикалық институт жұмысына тоқталды.Штаб мүшесінің сөзінде аталмыш орталық өз жұмысын 1957 жылы бастаған. Әлемдегі атом станциялары мен реакторларының жұмысын бақылауда ұстайтын халықаралық «МАГАТЭ» ұйымы орталықта бірнеше мәрте тексеріс жұмыстарын жүргізіп, бірде бір рет ескерту бермеген екен. Демек, отандық ғалымдар тиісті деңгейде қызмет етіп отырғандығын атап өтті.Ал, штаб мүшесі Наурызбай Байқадамов атом станциясынан келетін еш қауіптің жоқтығын, дамыған технология заманында оқыс оқиғалардың алдын алу ойластырылғанын жеткізіп, Ұжым мүшелерін болашақ ұрпақ үшін дұрыс таңдау жасауға шақырды.Атап өту керек, жалпы сала мамандары атом станциясы ректорының ІІІ+ буыны арнайы қауіпсіздің технологиясымен жабдықталған және өзінің тиімділігін дәлелдегендігін айтуда.Жиында медицина саласының өкілдері уранның адам денсаулығына әсері жайында сауалдар жолдап, жауап алды.<img src="https://knadmin.beoblood.kz/uploads/AES_1_fecfe2303a.jpg" alt="АЭС 1.jpg">

АЭС: Емхана ұжымын референдумға қатысуға шақырды

<a href="https://kyzylorda-news.kz/">Kyzylorda-news.kz</a>&nbsp; Астанада 1000 дөнер тегін таратылатынын естіген халық жиналып бір-бірін таптай жаздады. Мекеме иесі жарнама үшін осынша адам жинап, көшелерде кептеліс жасағаны үшін айыппұл арқалады. Бұл туралы <a href="https://stan.kz/1000-doner-tegin-astanada-tegin-tamakka-talaskan-halik-406971/">Stan.kz</a> ақпарат агенттігі хабарлайды.Донерді тегін тараттынын естіген 4 мыңға жуық халық қаланың төрт көшесіндегі көлік қозғалысына кедергі жасаған. Желі кадрларынан адамдардың жиналған тобының бір-бірін таптап, кептеліп қалғаны байқалады.<blockquote>“Ақырында тегін тамаққа қол созып таласқандар бірін-бірі таптап, жағдайға полиция араласты. Жиналғандар біраз уақыт тарамай жүріп алған. Көпшілік тегін тамақ алғысы келетіндердің осынша ма көптігіне қайран қалды. Олар мұндай акция жасаушыларды жауапқа тартуды ұсынуда”, –&nbsp;делінген желідегі видео астындағы жазбада.</blockquote>Елордалық полиция департаментінің баспасөз қызметі жағдайды растады.&nbsp;25 қыркүйекте мекеменің ашылуы және донер талондарын жеңілдікпен беру кезінде адамдар көп жиналғанын жеткізді.<blockquote>"Жағдайды реттеу және адамдардың кептелуін шешу үшін полиция қызметкерлері мен Есіл ауданы әкімдігінің өкілдері келді. Полицейлер іс-шараны ұйымдастырушыларды анықтады",-деп хабарлады ведомство.</blockquote>Талондарды таратқан мекеменің иесі 73 840 теңге көлемінде айыппұл түрінде әкімшілік жауапкершілікке тартылды.Фото желі кадрларынан

Астанада 1000 донерге таласқан жұрт бір-бірін таптай жаздады: Мекеме иесіне айыппұл салынды

<a href="https://kyzylorda-news.kz/">Kyzylorda-news.kz</a> &nbsp; АЭС салуды қолдау жөніндегі Халықтық штаб өкілдері, ҚР Парламенті Сенатының депутаттары Наурызбай Байқадамов пен Руслан Рүстемов «Қазақтелеком» АҚ Қызылорда филиалының ұжымымен кездесті.Байланыс саласының мамандары бүгінде өңіріміздің барлық елді мекендерін жоғары байланысты мобильді оператормен және ғаламтор желісімен қамтып отыр.Басқосуда штаб мүшесі Наурызбай Сейтқалиұлы: Оңтүстік өңірлерде электр қуатының жетіспеушілігі сезілуде. Сондықтан, жетіспейтін энергия көзін Ресейден сатып алып отырмыз. Оның үстіне қазір барлық заттар электр қуатының көмегімен жұмыс істейді. Мәселен, Алматының өзінде 5000-нан аса электр қуатымен жүретін көліктер бар екен. Демек, заман алға жылжуда, соған сай біз де уақытында әрекет еткеніміз дұрыс.<blockquote>Өткен жылы Корея еліне барғанымыздағы сондағы ғалымдардың 2050 жылға қарай сұраныста болатын мамандықтарды оқытып бастап жатқанын көрдік. Жаһанның алға ұмтылысы өте жылдам, демек талап солай болып отыр. Сол секілді, көрші елдердің біразы атом станциясын салуға кірісіп кетті. Оның ішінде Моңғолия, Өзбекстан секілді мемлекеттер, алыстағы Араб әмірліктері мен Египет секілді елдер бар, – деді.</blockquote>Кездесуде ұжым тарапы көмірден, күннен, желден өндірілетін электр қуаттары жайлы да сауалдарын жолдады.Бұл жайында штаб мүшесі Руслан Рүстемұлы: Мәселен 4,5 грамм уран таблеткасы 100 тонна көмір беретін электр қуатын бере алады. Сонымен қатар, көмірден тарайтын улы газдар әлемдік экологиялық ахуалға кері әсерін беруде. Көмірден шығатын күлдің өзінде бірнеге улы металдар, химиялық элементтер бар. Жаһан елдері 2060 жылға қарай көмірді қолдануды мүлде тоқтатуға бел байлады.<blockquote>Ал біз айтып отырған атом энергиясы «Жасыл энергия» қатарына кіреді. Соңғы шыққан ІІІ+ буыны қолданыста тиімді екенін көрсетіп отыр. Ең басты мәселе - атомға деген фобияда. Бізге тарихтан мәлім атом апаттары станцияның І буындары кезеңінде адами фактор әсерінен болғанын ұмытпаған абзал. ІІІ+ буыны өзінің қорғаныш қабаттарымен, қашықтан басқарылатындығымен өзінің қауіпсіздігін дәлелдеген, – деді.</blockquote>Ұжым тарапы атом энергетикасына байланысты толғандырған сауалдарын жолдап, штаб мүшелерімен пікір алмасты. &nbsp; &nbsp; &nbsp; &nbsp; &nbsp; &nbsp;&nbsp;&nbsp;

АЭС: Сенат депутаттары "Қазақтелеком" АҚ ұжымымен кездесті

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы Экология жөніндегі аймақтық кеңес отырысы өтті. Жиынға кеңес мүшелерімен бірге экологтар, жергілікті сала мамандары қатысты.Мәжілісті кеңес төрағасы Жорабек Нұрымбетов жүргізіп отырды. Жиынға кеңес мүшелері С.Кужамбердиева, Ф.Қалиева, О.Айдаров, сарапшы-эколог Ә.Сағатқызы, облыстық экология департаменті басшысының міндетін атқарушы А.Шамкенов, облыстық табиғи ресурстар және табиғат пайдалануды реттеу басқармасы басшысының орынбасары Қ.Жансұлтанұлы қатысты.Мемлекет басшысы Қасым-Жомарт Тоқаев Қазақстан халқына Жолдауында экологиялық ахуалды жақсарту – алдымызда тұрған негізгі міндеттің бірі. Біз қоғамда қоршаған ортаны қорғаудың мән-маңызын кеңінен дәріптеуіміз керек. Халықты экологиялық факторлардың жағымсыз әсерінен сақтау қажет», – деген болатын.Жиын барысында осы бағытта өңірде атқарылып жатқан жұмыстар кеңінен талқыланды. Сонымен қатар АЭС салу мәселесі маңыздылығы талқыланды.Сала мамандары экологиялық өндірістің кешенді жобаларын атап өтті. Оның ішінде күн тәртібіндегі АЭС құрылысын салу жайыда кеңінен тарқатылып айтылды. Кеңес қорытындысында бұл халық үшін қажетті шешім екеніне тоқталды.<img src="https://knadmin.beoblood.kz/uploads/AES_1_f25c03736a.jpg" alt="АЭС 1.jpg">

 Экология жөніндегі аймақтық кеңес отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібавтың төрағалығымен сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті. Күн тәртібінде облыстық жұмыспен қамтуды үйлестіру және әлеуметтік бағдарламалар басқармасына жергілікті бюджеттен бөлінген қаражаттың жоспарлануын, игерілуін сыбайлас жемқорлық тәуекелдеріне сыртқы талдау нәтижелері қаралды. Сондай-ақ, суармалы жерді суарудағы, жергілікті атқарушы органдардағы сыбайлас жемқорлыққа қарсы шаралар талқыланды.Аймақ басшысы атқарылған жұмыстарға тоқталып, бірқатар тапсырма жүктеді.<blockquote>«Сыбайлас жемқорлық себептерін жоюдың тиімді құралдардың бірі – ішкі талдау жұмыстары. Оны мемлекеттік органдар тұрақты негізде жүргізуі тиіс. Әкімдер мен облыстық басқарма басшылары ішкі талдаудың сапасын арттыруда, осал тұстарды анықтауда нақты іс-әрекетке көшуі керек. Халықтың мұң-мұқтажын уақытылы естіп, оған қатысты шара қолдану – сіздердің тікелей міндеттеріңіз. Бағынысты қызметкерлер, қолданыстағы заңнамалардағы шектеулерді қатаң сақтаңыздар. Жұмыс пен орындаушылық тәртіпке бақылауды күшейтіп, қызметкерлермен персоналды түрде профилактикалық әңгімелесу керек. Квазимемлекеттік сектор субъектілеріндегі комплаенс-қызметтің жұмысын күшейтіп, сыбайлас жемқорлыққа қарсы стандарттарды енгізу қажет. Жеке және заңды тұлғаларға мемлекеттік қызмет көрсетуде белгіленген регламенттер қатаң сақталуы тиіс. Комиссияда қаралған әрбір мәселе өзекті. Жауапкершілікті күшейтіп, жүктелген міндетті мүлтіксіз орындау өте маңызды», – деді Н.Нәлібаев.</blockquote>Жиында Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Асылхан Ашиков, облыстық табиғи ресурстар және табиғат пайдалануды реттеу басқармасының басшысы Серік Сермағамбетов, құрылыс, сәулет және қала құрылысы басқармасының басшысы Ерлан Төралиев, Арал ауданының әкімі Аманжаол Оңғарбаев, Қазалы ауданының әкімі Мейрамбек Шермағанбет, Қармақшы ауданының әкімі Жандос Еркінбек, Жалағаш ауданының әкімі Ардақ Ибраимов атқарылған жұмыстар жөнінде баяндама жасады.<img src="https://knadmin.beoblood.kz/uploads/akimat_3_a57a546437.jpg" alt="акимат 3.jpg"><img src="https://knadmin.beoblood.kz/uploads/akimat_2_b409822898.jpg" alt="акимат 2.jpg">Фото: Қызылорда облысы әкімінің баспасөз қызметі

Сыбайлас жемқорлыққа қарсы іс-қимыл мәселелері қаралды

<a href="https://kyzylorda-news.kz/">Kyzylorda-news.kz</a> Құқық қорғаушы Инга Иманбай желідегі парақшасында сарбаз Ербаян Мұхтар Түркияға емделуге жіберілгенін мәлімдеді. Бұл туралы <a href="https://stan.kz/">Stan.kz</a> ақпарат агенттігі хабарлайды.Инга Иманбай жазбасында сарбаздың Астанадан Ыстамбұлға 27 қыркүйекте таңғы сегізде ұшып кеткенін айтады.<blockquote>«Ербаян Ыстамбұлға жолға шықты. Ұшақ бүгін таңғы сегізде Астанадан ұшты. Бұл күнге жету де оңайға соққан жоқ. Тоқтаусыз күрес, талмай еңбекпен келді. Бастысы, кеңпейіл халқымыздың мейірімі мен жанашырлығының жемісі. Ербаян, мықты бол! Бұл жартылай жеңіс! Бұйырса үлкен жеңістер алда. Сенің бар өмірің алда. Аман-есен елге өз аяғыңмен оралуыңды күтеміз», – деп <a href="https://www.facebook.com/story.php?story_fbid=8320852181301373&amp;id=100001300204657&amp;mibextid=WC7FNe&amp;rdid=3qF9u4PGQkDuNAq2">жазды Инга</a>.</blockquote>Айта кетейік, шамамен он күн бұрын Ербаянның әкесі Хамит Аймағамбетов баспасөз конференциясында сарбаздың қашан емделуге жіберілетіні туралы жауап берген еді. Сол кезде Хамиттің айтуынша, құжаттармен байланысты қиындықтар және ұлының жағдайы бұл шараны жүзеге асыруға мүмкіндік бермеген. Жаз айларында қазақстандықтар жігіттің емделуіне қаржы жинағанын жазған едік.Еске салайық, бұған дейін Алматы облысында әскери бөлімде жарақат алып, алты ай бойы комада жатқан сарбаздың анасы әділдік талап еткені туралы жазған едік. Содан кейін бас әскери прокуратура Ербаян Мұхтардың ісіне қатысты мәлімдеме жасады. Жақында оның ауруханадан шығарылғаны айтылды.Фото Инга Иманбайдың желідегі парақшысынан алынған

Сарбаз Ербаян Мұхтар Түркияға емделуге жіберілді

<a href="https://kyzylorda-news.kz/">Kyzylorda-news.kz</a> Астанада тегін донерге 4 мың адам жиналған. Оқиға орнында түсірілген видео желіде тарады, деп хабарлайды <a href="https://kaz.zakon.kz/kogam-tynysy/6049859-astanada-tegn-donerge-4-my-adam-zhinalan.html">Zakon.kz.</a><blockquote>"Тегін десе болды бізге... Астанада тегін донер таратылады деген жарнамаға 4 мың адам келген. Адамның көптігінен 4 көшеде кептеліс болған. Оқиғаны реттеуге тәртіп сақшылары да тартылған", - делінген жазбада.</blockquote>Сурет: pixabay

Қазақстан және Қызылорда облысының жаңалықтары: Қоғам