<a href="https://kyzylorda-news.kz/">Kyzylorda-news.kz</a> &nbsp;Қорғаныс министрі авиация генерал-лейтенанты Дәурен Қосановтың бұйрығымен ұйымдастырылған бірыңғай Ашық есік күні аясында сарбаздардың 4000-нан астам туған-туысы әскери бөлімдерге жиналды.Қонақтарға қару-жарақ пен әскери техника көрмелері ұйымдастырылды. Ата-аналар ұлдарының қызмет барысында нені меңгергенін өз көздерімен көрді. Сап және оқу-жаттығу алаңдарында сарбаздар қарумен саптық тәсілдерді, қоян-қолтық ұрыс элементтерін және оқу-жауынгерлік тапсырмаларды орындау шеберлігін көрсетті. Келушілерге тәрбие жұмысын ұйымдастыру және әскери тәртіпті сақтау бойынша қорғаныс ведомствосы тарапынан қабылданып жатқан шаралар туралы жан-жақты ақпарат берілді. Сонымен қатар қаруды қолдану, сабақтар мен жаттығулар өткізу кезіндегі қауіпсіздік қалай қамтамасыз етілетіні егжей-тегжейлі түсіндірілді.Қорғаныс ведомствосының бұл бастамасы мерзімді әскери қызметшілердің туған-туыстарына жауынгерлік дайындықтың ұйымдастырылуымен, қызмет және тұрмыс жағдайларымен танысуға мүмкіндік берді. Қонақтар казармаларды аралап, жатын бөлмелер мен тұрмыстық аймақтарды көрді.Асханаларда олар сарбаздарды тамақтандыру қалай ұйымдастырылғанын көріп, тағам рационының тәртібі мен алуан түрлілігін бағалады. Іс-шараның маңызды сәттерінің бірі – бірлескен түскі ас болды. Қарапайым өтсе де, мағынасы айрықша бұл кездесу ата-аналарға ерекше әсер етті. Кеше ғана жасөспірім болған ұлдары сенімді, тәртіпті, бір-біріне қолдау көрсетуге дайын нағыз ер-азаматтарға айналған.Әскери бөлімдерге келген жас қонақтарды да ерекше атап өткен жөн. Олар сарбаз қызметіндегі ағаларына сүйсіне қарайды. Тараз қаласынан келген он жастағы Алена «Оңтүстік» өңірлік қолбасшылығына қарасты байланыс полкінде қызмет ететін ағасы Владимир Романовта қонақта болды. Әскери бөлімге жасалған бұл сапар мектеп оқушысына өшпес әсер қалдырып, ағасына деген мақтаныш сезімін оятқаны сөзсіз.Гвардейск гарнизонындағы танк бригадасының барлау батальонында қызмет ететін Айбар Калифановтың үш жасар інісі Әміре ағасының қолынан түскен жоқ. Ұрпақтан ұрпаққа жалғасатын әскери дәстүр дәл осылай қалыптасады.Елордадағы бригададаға Қарағанды, Шымкент, Қызылорда, Қостанай және Астана қалаларынан барлығы 170-тен астам ата-ана жиналды. Олар тирді, спорт залын, кітапхананы аралап, жауынгерлер жаттығатын тактикалық алаңда болды.Қатардағы жауынгер Диас Базкеновтің әкесі Асхат пен оның туған ағасы Сәбит Базкенов Қарағанды қаласынан арнайы келген. Жауынгерлік жарыстың жеңімпазы атанған Диас Базкеновтің суреті бөлімшенің құрмет тақтасына ілінген.Сәбит Базкеновтің өзі кезінде Тәжік-Ауған шекарасында әскери борышын өтеген. Ол қазіргі әскердің жағдайын көріп, ерекше әсер алғанын айтты.<blockquote>– Мен өзім Тәжік-Ауған шекарасында қызмет атқардым. Ол кездің қиындығы аз болған жоқ. Бүгінгі жастардың әскери борышын абыроймен өтеп жүргенін көріп, көңілім марқайды. Диас сияқты тәртіпті, намысты ұлдар елдің қорғаны болары сөзсіз. Жастарға айтарым – Отан алдындағы борышты адал атқарып, әскери тәртіпке әрдайым берік болсын, – деді ол. &nbsp;</blockquote>Сондай-ақ Сәбит Базкенов әскери бөлім басшылығына да ризашылығын білдірді.<blockquote>– Баламыздың қызмет ету жағдайын өз көзімізбен көрдік. Барлық қажетті жағдай жасалған, тәртіп пен талап бар. Әскери бөлім қолбасшылығына алғысымды айтамын, – деп түйіндеді ол.</blockquote>Ал Ақтау гарнизонының әскери бөлімдері 400-ден астам қонақты қабылдады. Әскери-теңіз күштерінің әртекті кемелер дивизионында ата-аналар теңіз қызметінің атмосферасына қанықты. Олар матростардың тұрмысымен танысып, кают-компаниялар мен камбузды аралады.Теңіз жаяу әскерлері бригадасында ата-аналардың қатысуымен спорттық жарыстар өтті. Маңғыстау облысы мен Ақтау қаласы бойынша «Аналар жүрегі» сарбаз аналары комитетінің төрайымы Гүлмира Жанысбаева жарыстың бастамашысы болды.Десанттық-шабуылдау әскерлерінің бөлімшелері де 400-ден астам қонақты қарсы алды. 37-десанттық-шабуылдау бригадасында қонақтарға парашютті қалай кию керектігі көрсетіліп, арнайы кешенде әуе-десанттық дайындық элементтері таныстырылды.Іс-шараға қатыса алмаған ата-аналар мен жақындары үшін әскери бөлімдердің басшылығы «Отбасымен бейнеқоңырау» сервисы арқылы байланыс ұйымдастырды. Осылайша, 26363 әскери бөлімі командирінің тәрбие және идеологиялық жұмыс жөніндегі орынбасары капитанМадияр Мұхтаров қатардағы жауынгер Бегмат Мырзабектің анасы Дүйсегүл Ақжігітовамен бейнебайланысқа шықты.Әңгіме барысында анасына сарбаздың қызметтегі жетістіктері туралы жан-жақты ақпарат берілді. Атап айтқанда, Десанттық-шабуылдау әскерлері әскери қызметшілері арасында өткен қазақша күрес жарысында Бегмат Мырзабек үшінші орынды иеленген болатын. Капитан М. Мұхтаров ұлын лайықты тәрбиелегені үшін Дүйсегүл Ақжігітоваға шынайы ризашылығын білдірді.Бірыңғай Ашық есік күні ата-аналарға ұлдарының кәсіби командирлердің басшылығымен қызмет атқарып, жан-жақты қолдауға ие болып отырғанына көз жеткізуге мүмкіндік берді. Бұл шара армия туралы қалыптасқан стереотиптерді еңсеруге, сондай-ақ сарбаздарға деген қамқорлықтың Қарулы күштер үшін сөзсіз басымдық екенін нығайта түсуге бағытталған маңызды қадам болды.

Армия аналардың көзімен: Ашық есік күнінде әскери бөлімдерге 4000-нан астам адам келді

<a href="https://kyzylorda-news.kz/">Kyzylorda-news.kz</a> &nbsp;Жаңақорған аудандағы барлық 35 елді мекен орталықтандырылған ауыз су жүйесіне қосылған. Аудан елді мекендеріне берілетін ауыз су көлемін ұлғайту мақсатында республикалық бюджеттен қаржы бөлініп, Тақыркөл бас су қоймасынан екінші желі тартылып, іске қосылды. Сонымен қатар, Жаңақорған кентінің мөлтек аудандарында жаңадан салынған 1500-ге жуық тұрғын үйді ауыз сумен қамтамасыз ету мақсатында қосымша су тарату станциясы мен желілерін салуға жоба әзірленген. 2025 жылы арнайы мемлекеттік қордан қаржы бөлініп, құрылыс жұмыстары басталды. Биылғы жылдың бірінші жартыжылдығында пайдалануға беру жоспарланып отыр. Сондай-ақ басқа да коммуналдық салаларда жүйелілік бар.Бұл туралы Жаңақорған ауданының әкімі Мәжит Самитов айтты.<blockquote>- Аудандағы 8 елді мекен табиғи газға қосылған. Газдандыру көрсеткіші халық санына шаққанда 52 пайыз, елді мекендер бойынша 22,8 пайызды құрайды. 2025 жылы аудандағы 6 елді мекенді газдандыру, сондай-ақ, ірі өндіріс орындарын қажетті газбен қамтамасыз ету мақсатында жаңадан қуаттылығы 20 мың текше/сағат болатын Жаңақорған автоматты газ тарату станциясы салынды. Өткен жылы газ тарату станциясы іске қосылды. 2025 жылы 2 аудандық маңызы бар автомобиль жолына және елді мекендердің 62 шақырымды құрайтын 40 көшесіне күрделі және орташа жөндеу жұмыстары жасалды. Атқарылған жұмыстардың нәтижесінде аудандық маңыздағы автомобиль жолдарының жақсы және қанағаттанарлық жағдайдағы үлесі 98,4 пайызға, елді мекен көшелеріндегі үлесі 66,5 пайызға жеткізілді. Жаңақорған кентінде Жеңіс паркі қайта жаңғыртылып, 4 балалар ойын алаңқайы және Ы.Алтынсарин көшесінде жаңа аллея салынды. Сонымен қатар, Ақжол ауылында аллея, ал Қосүйеңкі, Қожамберді, Манап ауылдарында саябақтар мен балалар ойын алаңқайлары пайдалануға берілді,-деді Мәжит Самитұлы.</blockquote>2025 жылдың қорытындысымен Жаңақорған ауданының әлеуметтік-экономикалық дамуында тұрақтылық байқалады. Өнеркәсіп өнімінің көлемі 104,5 пайызға жетсе, өңдеу өнеркәсібі өнімінің көлемі 102,5 пайызға орындалды. Ал, құрылыс жұмыстарының көлемі 157,8 пайыз болды. Тұрғын үйлерді пайдалануға беру көлемі 75 223 шаршы метрді құрап, тиісті кезеңімен салыстарғанда 109,7 %-ға орындалды.Бөлшек сауда көлемі 100,1 пайызды құраса, ауыл шаруашылығы жалпы өнімі 103,1 пайызға жетті.<blockquote>- Аудан бюджеті 2025 жылдың басында 14,2 млрд теңге болып бекітіліп, қосымша кіріс көздерін арттыру және жоғары тұрған бюджеттерден алынған нысаналы даму трансферттері есебінен ұлғайтылып, жыл соңында 18,7 млрд теңгеге жетті. Мемлекет басшысының бастамасымен жүзеге асып жатқан жоба аясында Жаңақорған кентінде 600 орындық, Жаңарық ауылында 300 орындық «Келешек» мектептері, «Руханият» орталығы, Екпінді ауылдық клубы салынып, пайдалануға берілді. Әлеуметтік жағынан әлсіз топтарына жататын 124 отбасына баспана кілті тапсырылса, Төменарық ауылында аурухана, Әбдіғаппар, Бесарық ауылдарында дәрігерлік амбулаториялар ел игілігіне пайдалануға берілді. Аудан орталығында осыдан 40 жыл бұрын басталып, аяқсыз қалған темір жол үстінен өтетін көпірдің құрылысы қайта жаңғыртылып, өткен жылдың шілде айында іске қосылды. Арнайы мемлекеттік қордан тиісті қаржы бөлініп, Жаңақорған аудандық көпбейінді аурухана жанынан қосымша ғимарат салынып, қазіргі таңда науқастар ем алуда. Биылғы жылы бұл ғимаратқа заманауи МРТ, ангиограф аппараттары орнатылып, аудан тұрғындарына сапалы қызмет көрсететін болады. Былтырғы жылдың осындай құрылыс қарқыны сақталып, биылғы қаңтар айының өзінде ғана әлеуметтік осал топтағы отбасыларына арналған 80 пәтерлі 40 тұрғын үй мен Келінтөбе ауылындағы дене шынықтыру - сауықтыру кешені пайдалануға берілді,- деді Мажит Самитұлы.</blockquote>

 Жаңақорған ауданының коммуналдық инфрақұрылымында серпін бар

<a href="https://kyzylorda-news.kz/">Kyzylorda-news.kz</a> &nbsp;Мәжіліс депутаты, «AMANAT» партиясы фракциясының мүшесі Асхат Аймағамбетов Конституцияның Преамбуласы әдетте жай ғана салтанатты сөздер жиынтығы деп қабылданып келгенін, алайда жаңа Конституция жобасындағы мәтін де, мағына да, салмақ та мүлдем бөлек екенін мәлімдеді.<blockquote>«Конституцияның квинтэссенциясы – оның мызғымас рухы. Бұл мәтінді оқи отырып, тек құқықтық нормаларды емес, Ұлы даланың мың жылдық тарихының сабақтастығын сақтайтын жаңа мемлекеттік ұстанымды көріп отырмыз. Бұл нормалар – құрғақ сөз бен популизмге қарсы тұратын құқықтық қақпан, құқықтық шеңбер, нағыз иммунитет», – деді депутат.</blockquote>

Асхат Аймағамбетов: «Конституцияның квинтэссенциясы – оның мызғымас рухы»

<a href="https://kyzylorda-news.kz/">Kyzylorda-news.kz</a> &nbsp; Облыс әкімі Нұрлыбек Нәлібаев, облыстық мәслихат төрағасы Мұрат Тлеумбетов, облыс әкімінің орынбасарлары мен қала әкімі қала аумағындағы құрылыс нысандарын аралады.Алдымен «Қызылорда Арена» көпфункционалды спорт кешенінің құрылыс барысымен танысты. Бас мердігер «ASPAN HOLDING», бас жобалаушы «Жоба», техникалық қадағалаушы «Строй-Проф» серіктестіктері қолға алған, аумағы 25 мың шаршы метр болатын нысан үш және төрт қабатты блоктардан тұрады. Кешен олимпиадалық стандарттарға сай келетін 50 метрлік бассейнмен, Азия, Әлем чемпионаттары сияқты ауқымды жарыстар өткізуге арналған 2500 орындық зал, олимпиадалық спорт түрлеріне арналған жаттығу залдарымен қамтылады. Ғимартта 150 орынға арналған конференциялық зал орналастырылады. Қасбеті алюминий панельмен қапталады. Витраждар өртке төзімді әйнектермен жабылады.Кешен құрылысы екінші жартыжылдықта аяқталады.Келесі нысан - бір ауысымда 100 келушіге қызмет көрсететін емханасы бар 300 төсектік көпбейінді аурухана.<img src="https://knadmin.beoblood.kz/uploads/ala_auma_ynda_y_rylys_nysandaryn_aralady_ee4018b688.jpg" alt="Қала аумағындағы құрылыс нысандарын аралады.jpg">Бас мердігер «Мелиоратор» серіктестігі 36 млрд 416 млн теңгенің жобасын іске асыруда. Нысан 10 блоктан, атап айтқанда, емхана, пансионат, конференц-зал, тамақтану, физиотерапия, қабылдау, әкімшілік, реанимация, химио және радиотерапия, сондай-ақ, операция бөлімдерінен тұрады. Заманауи талаптарға сай аурухананы биыл пайдалануға беру жоспарланған.Техникалық және кәсіптік білім беруді дамытуға арналған құзыреттілік орталығының құрылысы да назардан тыс қалмады. Жастардың кәсіби шеберлігін арттыруға бағытталған нысан екі қабатты, сыйымдылығы 215 орын. Мұнда түрлі қоғамдық іс-шараларды өткізуге арналған 100 орындық конференц-зал, 20 орындық СІР залдар, 25 адамдық көрме залы қарастырылған.&nbsp;Фото: Қызылорда облысы әкімінің баспасөз қызметі

Қала аумағындағы құрылыс нысандарын аралады

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Мәжілісінің депутаты, «AMANAT» партиясы фракциясының мүшесі Нартай Сәрсенғалиев Жаңа Конституцияның мазмұнына және тілдік ерекшелігіне тоқталды.<blockquote>«Жаңа Конституция мәтінінің бірден байқалатын басымдығы – оның қазақ тілінде тілге жеңіл жазылып, оңай оқылуы. Заң терминдері мен құқықтық құжаттардағы құрмалас сөйлемдер қабылдауға қиын дегенді естуші едік. Бірақ Жаңа Конституция сол қасаң қағидаларды жойып, қазақ тілінде түсінікті, нақты жазылған жаңа құжатқа айналды. Бұл тәржіманы қалыпты құбылысқа айналдыру талайға сабақ болады деген ойдамыз. Жаңа Конституцияның мәтінімен танысқанда өзіміз Мәжіліс қабырғасында көтеріп жүрген тақырыптарды түгендедік. Ол – ғылым, ол – мәдениет, ол – инновация. Айналып келгенде, адам капиталына саяды. Шикізатты шетке сатып, шіреніп жүрген кезеңнің келмеске кеткені кеше. Бүгінгі талап басқа. Басты капитал – адамның ақылы. Ғалымдарымызға лайықты жағдай жасай алмай, артынан ақылды бастар мен дарынды жастар шекара асып, шетелге кетіп, сан соғып отырғанымыз кеше ғана еді. Бүгін сол кемшілікті жоятын кезеңге келдік», – деді депутат.</blockquote>

Нартай Сәрсенғалиев: «Жаңа Конституция қазақ тілінде түсінікті, нақты жазылған жаңа құжатқа айналды»

<a href="https://kyzylorda-news.kz/">Kyzylorda-news.kz</a> &nbsp;Мәжіліс депутаты Ермұрат Бапи қазір мемлекеттілікті, Тәуелсіздікті, елдікті қауіпсіздендіру қам-қарекетін жасау бәрінен де маңызды екенін, сондықтан Президент ұлттық деңгейдегі саяси трансформация жасау реформасын ұсынғанын мәлімдеді.<blockquote>«Мен бұл бастаманы толық және сөзсіз қолдаймын. Қоғамда билікті күшейту әрекеті жасалып жатыр деген жекелеген пікір бар. Жоқ! Бұл күшейтудің мәнін біз билікті күшейту арқылы Тәуелсіздікті, ұлттық мемлекетіміздің қауіпсіздігін күшейтіп жатырмыз деп түсіну керек. Әлемдік тәртіп өзгеріп жатыр. Қазақстан осы өзгерістер әлемінде өз Тәуелсіздігін берік ете отырып, жаңа тәуекелдерге дайын болуы керек. Қазіргі геосаяси гәу-гәу асқынып бара жатқан әлемде біздің елдің мемлекеттік билігі бұрынғыдан да монолитті және біртұтас болуы керек. Билік пен қоғамның ортақ ықыласы ғана бізді жасампаз болашаққа бастай алады», – деді депутат.</blockquote>

Ермұрат Бапи: «Билік пен қоғамның ортақ ықыласы ғана бізді жасампаз болашаққа бастай алады»

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Мәжілісінің депутаты, «AMANAT» партиясы фракциясының мүшесі Ерлан Саиров Конституцияда бекітілген білім беру саласындағы негізгі кепілдіктерге тоқталды.Депутаттың айтуынша, Конституцияда орта білімнің міндетті екені және мемлекеттің оған толық кепілдік беретіні нақты жазылған. Сонымен қатар Қазақстан жастарының тегін жоғары білім алуға құқығы бар.<blockquote>«Мұндай құқық әлемнің көптеген мемлекеттерінде жоқ. Бұл – еліміздің жастарға деген ерекше көзқарасының көрінісі. Қазақстанды тәуелсіз, ықпалды әрі экономикалық тұрғыдан қуатты мемлекет ретінде келесі ұрпаққа табыстаудағы ең басты міндеттің бірі», – деді депутат.</blockquote>

Ерлан Саиров: «Қазақстан жастары тегін жоғары білім алуға құқылы»

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев, облыстық мәслихат төрағасы Мұрат Тлеумбетов, облыс әкімінің орынбасарлары мен қала әкімі қала аумағындағы құрылыс нысандарындағы жұмыс барысымен танысты.Алдымен Президент саябағындағы, сол жағалаудағы көпқабатты тұрғын үйлердің құрылысын көрді. Бүгінде Президент саябағында тоғыз қабатты тұрғын үйлер салынуда. Жоба бойынша 15 тұрғын үй салу көзделген. Бас мердігер «Мелиоратор» жауапкершілігі шектеулі серіктестігі 8,2 гектар аумақта 18 млрд теңгенің жобасын іске асыруда.Әр тұрғын үйде 63-тен, жалпы 945 пәтер пайдалануға беріледі. Оның 135-і бір бөлмелі, 540-ы екі бөлмелі және 270-і үш бөлмелі болады.Сол жағалаудағы бес және тоғыз қабатты 10 тұрғын үйдің құрылысы да қарқынды жүргізілуде. «Мелиоратор» серіктестігі қолға алған тұрғын үйлердің жалпы ауданы 32 897,4 шаршы метр, 7 бес қабатты және 3 тоғыз қабатты тұрғын үй салу жоспарланған. Құрылыс жұмыстары аяқталғанда 600 пәтер пайдалануға беріледі.<img src="https://knadmin.beoblood.kz/uploads/Ajma_basshysy_t_r_yn_jler_rylysyny_barysyn_k_rdi_1_5625acc9df.jpg" alt="Аймақ басшысы тұрғын үйлер құрылысының барысын көрді 1.jpg">Аймақ басшысы бастаған топ сол жағалауда бой көтерген 4 тұрғын үйдің құрылыс алаңына да барды. "Тау групп" компаниясының тапсырысымен "Нұрлытау" серіктестігі салған "Тұран" тұрғын үй кешенінде 365 пәтер болады.Айта кетейік, аймақта тұрғындарды баспанамен қамтамасыз ету бағытына басымдық берілгендіктен, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. 2023 жылдан бері барлық ауданда алғаш рет 1800-ге жуық пәтер тұрғындарға берілді. Өткен жылы 3600 пәтерлік тұрғын үй салуға бюджеттен 58 млрд. 785 млн. теңге бөлінді. Кезекте тұрған тұрғындарға 2 392 пәтер табыстау үшін 57 млрд. 440 млн. теңге жоспарланған.Ерекше атап өту қажет, былтырдан бері Қызылорда қаласында заманауи жаңа дизайнмен жеті, тоғыз, он екі қабатты тұрғын үйлер бой көтеруде.Фото: Қызылорда облысы әкімінің баспасөз қызметі

Аймақ басшысы тұрғын үйлер құрылысының барысын көрді

<a href="https://kyzylorda-news.kz/">Kyzylorda-news.kz</a> Мәжіліс депутаты, «AMANAT» партиясы фракциясының мүшесі Үнзила Шапақ Конституция жобасының халықаралық стандарттарға сәйкестігін мазмұндық тұрғысынан қарастырды.<blockquote>«Конституция жобасы Біріккен Ұлттар Ұйымы жарғысында бекітілген егемендік, теңдік және халықтардың өзін-өзі анықтау қағидаттарына сәйкес келеді. Конституция жобасында мемлекеттік биліктің бірден-бір бастауы және егемендік иесі Қазақстан халқы деп бекітілуі халық егемендік қағидатын айқын көрсетеді. Бұл норма Біріккен Ұлттар Ұйымы жарғысы, Адам құқықтары жалпыға бірдей декларациясы, сондай-ақ Азаматтық және саяси құқықтар туралы пактіге үйлеседі. Жалпыхалықтық референдумды халық билігін тікелей жүзеге асыру нысаны ретінде бекіту – демократиялық легитимділікті күшейтеді және халық егемендік доктринасына сәйкес келеді», – деді депутат.</blockquote>

Үнзила Шапақ: «Конституция жобасы БҰҰ қағидаттарына сәйкес келеді»

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты Абзал Құспан Конституция жобасындағы басты жаңалықтардың бірі – адвокатура институтының Ата Заңда бекітілуі екенін атап өтті.Депутаттың айтуынша, Конституция еңбектеген баладан еңкейген кәріге дейін әр азаматтың өміріне әсер ететін аса маңызды саяси-құқықтық құжат.Осы тұрғыдан алғанда адвокатура институтын Конституцияға енгізу оның преамбуласында көрсетілген Әділетті Қазақстан, Заң мен тәртіп қағидаттарымен және халықаралық деңгейде мойындалған Миранда құқығымен тікелей байланысты.<blockquote>«Егер бұл қағидаттар Конституцияда бекітіліп, ал адвокатураға қатысты мәселе шешімін таппағанда, олар декларация деңгейінде қалып қояр еді.Себебі адвокатура институты адам құқықтарын нақты өмірде іске асыратын тікелей механизм болып табылады», – деді Абзал Құспан.</blockquote>

Абзал Құспан: «Адвокатура институты – адам құқықтарын қорғаудың тікелей тетігі»

<a href="https://kyzylorda-news.kz/">Kyzylorda-news.kz</a> &nbsp; 2026 жылғы 20 қаңтарда Қызылорда қаласында Ұлттық құрылтайдың V отырысы өтті.Ел тағдырына қатысты маңызды мәселелер талқыланған бұл алқалы жиынның дәл осы өңірде ұйымдастырылуы және бір ғасыр бұрын Қазақ елінің астанасы болған қасиетті Қызылорда жерінде өтуі – Сыр өңірі жұртшылығы үшін зор мәртебе әрі тарихи маңызы айрықша оқиға болды. Осындай тарихи және саяси мәні зор құрылтай отырысынан кейін Сыр елінің зиялы қауым өкілдері мен жастары Мемлекет басшысына алғысын білдіріп арнайы хат жолдады.<blockquote>«Аймақ халқы Өзіңіздің ұлттық бірлікті нығайтуға, азаматтардың әл-ауқатын арттыруға бағытталған сындарлы саясатыңызды әрдайым қолдап келеді. Құрылтай барысында Қызылорда облысының соңғы жылдардағы әлеуметтік-экономикалық дамуына жоғары баға беруіңіз Сыр жұртшылығына үлкен сенім мен жігер сыйлады. Бұл – ынтымағы жарасқан өңір халқына көрсетілген лайықты қолдау әрі еңбектің әділ бағасы деп қабылданды.Қызылорда қаласынан Президенттік кітапхана ашу, жаңа драма театр мен 500 орындық емхана және 200 орындық перзентхана салу, «Батыс Қытай – Батыс Еуропа» дәлізінің Қызылорда – Ақтөбе арасын төрт жолақты етіп кеңейту, сондай-ақ биыл «Бейнеу – Сексеуіл» жолының құрылысын бастау және Көкарал бөгеті жобасын жүзеге асыру арқылы кіші Аралдың су көлемін айтарлықтай көбейту бойынша берген тапсырмаңыз өңір тұрғындарын ерекше қуантты.&nbsp; Сізге барша Сыр жұртшылығы атынан шынайы алғысымызды, зор ризашылығымызды білдіреміз.&nbsp;Біз Сіздің әділетті, қуатты, қауіпсіз әрі таза Қазақстанды орнықтыру бағытындағы барлық бастамаларыңызды қолдаймыз! Егемен еліміздің дамуы жолындағы ерен еңбегіңізге табыс, деніңізге саулық пен күш-жігер тілейміз!» - делінген хатта.</blockquote>Сыр халқының алғысын жеткізген хатқа қол қойғандар арасында - Қазақстанның Еңбек Ерлері А.Ералиев, И.Шағыртаев, Қазақстанның еңбек сіңірген қайраткерлері, Еңбек ардагерлері Ж.Шарипов, С.Имандосов, зиялы қауым өкілдері, Қызылорда облысының Ардагерлер кеңесінің төрағасы С.Дүйсенбаев, айтыскер ақындар М.Ниязов, М.Сұлтанхан, облыстық Мәслихат төрағасы мен «AMANAT» партиясының облыстық филиалының төрағасы, Қазақстан халқы Ассамблеясы өкілдері және жастар бар.Фото: Ақорда&nbsp;

Ұлттық құрылтайдың V отырысы Қызылордада өтуі - Сыр өңірі жұртшылығы үшін зор мәртебе

<a href="https://kyzylorda-news.kz/">Kyzylorda-news.kz</a>&nbsp; Шиелі ауданының әкімі Айтбай Жандарбеков «AMANAT» партиясының аудандық филиалының қоғамдық қабылдау кестесіне сәйкес аудан тұрғындарын жеке мәселелері бойынша қабылдап, кезектілік тәртібімен азаматтардың өтініш-тілектеріне назар аударды. Қабылдау барысында тұрғындар тұрғын үй, жер мәселесі, тұрақты жұмысқа орналасу секілді түрлі әлеуметтік сипаттағы өтініштерін жеткізді.Аудан басшысы әрбір тұрғынның мәселесін мұқият тыңдап, заң аясында нақты түсініктеме беріп, шешу жолдарын қарастыруды тапсырды. Жұмыс сұраған азаматтарға аудандағы кәсіпкерлік нысандар мен мекемелердегі бос жұмыс орындары ұсынылды. Сонымен қатар, қоғамдық жұмысқа орналастыру мүмкіндіктері қарастырылып, жауапты бөлімдерге нақты тапсырмалар жүктелді.Тұрғын үй мәселесі бойынша тиісті санаттарға сәйкес кезекпен қамту жұмыстары жүйелі түрде жүргізіліп жатқаны түсіндірілді. Қабылдауда көтерілген мәселелердің шешілуі үшін сараптамалық зерттеулер жүргізіліп, заң талаптарына сәйкес нақты шешімдер қабылданатын болады.Аудан әкімінің жеке қабылдауына egov.kz порталы, e-otinish базасы арқылы немесе әкімдікке келіп, жазбаша түрде өтініш беру арқылы жазылуға болады.

Қазақстан және Қызылорда облысының жаңалықтары: Қоғам