<a href="https://kyzylorda-news.kz/">Kyzylorda-news.kz</a> Үкімет отырысында QazaqGaz басқарма төрағасы Санжар Жаркешов тек оң нәтижелерді баяндаған соң, Премьер-министр Олжас Бектенов одан проблемалық мәселелерді ашық айтуын талап етті, деп хабарлайды <a href="https://baq.kz/tek-on-natizheni-aytasyzdar-bektenov-qazaqgaz-basshysyna-eskertu-zhasady-200012235/">BAQ.KZ</a> тілшісі.Үкімет отырысында QazaqGaz ұлттық компаниясының басқарма төрағасы Санжар Жаркешов баяндама жасады. Кейін Үкімет басшысы Олжас Бектенов компания басшысына ескерту жасады.Жұмыстарыңызда ешқандай мәселе жоқ па сонда? Тек қана жұмыстың оң нәтижелерін көрсеттіңіз. Проблемалық мәселелерді көбірек айту қажет. Жарыққа шығарып, талқылау қажет. Бар ма мұндай мәселе?, — деп сұрады Премьер-министр.Жаркешов Қашаған зауытындағы баяу жұмыс туралы айтты.<blockquote>Қашағандағы өңдеу зауытының мәселелері болды. Оның құрылыс жұмыстары баяу жүрген еді. Қазіргі таңда басқа мердігер келгелі бері құрылыс мәселе шешіліп, 100 пайыз жабдықтар Қытайдан келді. Құрылыс ұлғайтылды. Қазір белгіленген мерзімде құрылысты аяқтауды жоспарлап отырмыз, — деді Санжар Жаркешов.</blockquote>Фото: Үкіметтің баспасөз қызметі

“Тек оң нәтижені айтасыздар”. Бектенов QazaqGaz басшысына ескерту жасады

<a href="https://kyzylorda-news.kz/">Kyzylorda-news.kz</a> Ежелден «асық ойнаған азар, доп ойнаған тозар» деген бабалы сөз бар. Мағынасына мән берсеңіз қой баққан, яғни еңбек еткен азаматтың асығы алшысынан түсіп, замандастарынан оза шабатынын өсиет ретінде қалдырған. Расында, еңбектің наны тәтті. Алайда жастардың пікірінше, қазіргі уақытта бұл мақалдың мәні кетпесе де, жасөспірімдердің санасына әсер етпейді дейді. Себебі, заман талабы өзгерген. Асық атқан азаматымыз шетел асса, ал халық доп қуғандардың қалтасын санап әлек... Бұдан бөлек, ғаламтордың қарыштаған уақытында еңбектеген сәбидің өзіне «жұлдыз» болуға мүмкіндік берілген. Бұған отбасын асырап, «Желі жұлдыздары» атанған оқушылар дәлел... Ал енді бірі, күнін ұйқымен, түнін компьютерлік ойындарда өткізетін жастарды сынға алса, ал жастардың пікірі керісінше. Заман талабына сай жаңа технологиялар мен цифрлық әлемді меңгеріп, осы салада табыс табуды мақсат етеміз дейді.Жұмыс бар, жұмысшы жоқ...Сараласаңыз, әкімшіліктің табалдырығын ата-аналар тоздырған. Балаларына тұрақты жұмыс іздеген шешенің жан-айқайы мен баланың мақсаты мүлдем жанаспайды. Мәселен, Қызылорда өңірінің өзінде тоқсан сайын «Мүмкіндіктер керуені» атты ауқымды шара ұйымдастырылады. Облыстық жастар ресурстық орталығының ұйымдастыруымен өтетін бұл шараға 1000-ға жуық жас қамтылады. Бірі кәсіптік бағытта кеңес алуға келсе, келесі бірі жұмыс іздеп келеді дейді «NEET» санатындағы жастармен жұмыс жасау бөлімінің басшысы Динара Жылқышиева.Жастардың еңбек нарығына бейімделуіне, кәсіпкерлікке қадам басуына және өз әлеуетін дамытуға ықпал жасауы, сондай-ақ жастар саласында жүзеге асырылып жатқан жобалар мен бағдарламалар туралы кеңінен кеңес беру мақсатында «Мансап» орталығымен бірлесіп, жұмыссыз жастарға, оқу орындарын бітіруші түлектерге арналған «Адал еңбек – адал табыс!», «Жұмысшы мамандықтарға - Жаңа мүмкіндік» тақырыптарында 4 мәрте «Мүмкіндіктер керуені» іс-шарасы, бос жұмыс орындары жәрмеңкесі және «Жұмысшы мамандықтар жылына» орай мектеп бітіруші түлектерге кәсіби бағдар беруге арналған «Ашық есік күні» іс-шаралары ұйымдастырылды.Аталған іс-шараға Қызылорда қаласы бойынша 3000-ға жуық жас қамтылып, 70-ке жуық жұмыс беруші мекемелерден 604 бос жұмыс орындары және өзге өңірдегі 67 мекемеден 800-ге жуық вакансия ұсынылды. Нәтижесінде 74 жасқа тұрақты жұмысқа орналасуға жолдама берілді, – дейді ол.Осы негізде редакциялық құрам «Жұмыс керек» атты қала жастарының арасында әлеуметтік сауалнама жүргізген болатын. Нәтижесінде 80 пайыз жастар мемлекеттік мекемелерден бас тартқан. Тұрақты жұмыс істеп, басшының қарамағында қатаң тәртіпке бағынғысы келмейді. Ал жанына жақын жұмысты іздеп, уақыт жоғалтқан азаматтар табыс көзінің жаңаша бір бағытын зерттеп жүр.Арманы бөлек, талғамы басқа...Жасы 20-дан асып, жұмыссыз ретінде танылған жас бүгінде тұрақты жұмысқа орналасқысы келмейді. Себебі оның, арманы бөлек, талғамы басқа. Заман талабын сараптаған 16 жастағы жастар желінің толық мүмкіндігін пайдаланғысы келеді. Қазірдің өзінде ЖИ-мен жұмыс істеп, табыс көзіне айналғандырғандар бар. Соның бірі - Рашид Мырзахмет. Ол мектеп жасынан саланың 70 пайызын меңгеріп, қазірдің өзінде аутсорсинг компаниялармен келісім-шарт негізінде жұмыс жасайды.Менің қызығушылық танытқаныма көп уақыт болмады.16 жасқа толған уақытта ата-анам сыйлаған ноутбуктың нәтижесінде осы салаға қызуғушылық артты. Қазір айналысып жүргеміне 1 жылға жуықтады. 3 компаниямен жұмыс жасаймын. Бастапқыда суреттерді өңдеп, сыныптастарыма сатқан болатынмын. Бүгінде мен жұмыс жасайтын ЖИ үлкен табыстың көзіне айналды. Алайда әкем дәрігер болғанымды қалайды. Бірақ менің мақсатым бөлек. Мүмкін алдағы уақытта медицина саласында ЖИ-дың мүмкіндерін пайдаланатын күшке ие болармын, – дейді болашақ ғалым.Ойнап жүріп, табыс табатындардың тізімі артқан...Ойлаңызшы, өзіңіз ойын ойнайсыз және бұл уақытыңызға ақша төлейді. Бірақ ойналанып ойнауың қажет. Бұл саланы бір сөзбен айтқанда – Киберспорт деп атайды. Сіз уақытыңызды арнап ойын клубтарына барып, одан қалды, ойнағаныңыз үшін ақша төлеп жүрсеңіз, ал геймерлер бұл саладан табыс көзін іздейді. Өзін спортшы ретінде санайтын ойыншылар виртуалды әлемге ене кетіп, стратегиялық тактикаларды пайдалана отырып, қарсыласының осал тұсын аңдиды.Бүгінде бұл саланың арнайы федерациясы бар. Басшылық құрамы, әр өңірден іріктелген ойыншылары және ұйымдастырушы мамандары да қамтылған. Киберспортқа мемлекет тарапынан нақты қаржы көзі қарастырылмаған. Қазіргі министрлік құрамына кіруді көздейтін федерация түрлі амалдарды қолдануда. Бұл туралы Киберспорт &nbsp;федерациясының жобалық менеджері Бибарыс Серіковпен хабарлады.– Киберспорт – қазіргі жастарға таңсық емес. Себебі, әр өңірде тұрақты түрде арнайы жарыстар өтеді. Басты мақсатымыз – спорт министрлігінің құрамына кіріп, ресми чемпионаттарды ұйымдастырып, спортшыларымызға арнайы атақ беру. Бүгінде федерацияның құрамында әр өңірден жасақталған 60 аса спортшы бар. Ең жасы 13-те болса, үлкені 40-қа таяды. Бұл спортышылар ішкі турнирлерде топ жарып, өздерін дәлелдеген ойыншылар. Алайда бұл азаматтарға арнайы жалақы қарастырылмаған. Киберспортшылар турнир барысында ұтысқа тігілген жүлдеге таласады. Федерация «Xuaweі» сынды ірі компаниялармен жұмыс істеп, демеушілер тартса, букмекерлер тарапынан федерацияға ұсыныс жиі түседі, - дейді.Ресми мәліметтерге сүйенсек, Қазақстан құрамасы «Dota»«CSGo»«Pubg Mobile» сынды ойындарда әлем үздіктерінің қатарынан көрінеді. Мәселен, «Авангард» командасы туралы естіген боларсыз. Халықаралық турнирлерде топ жарып, Қазақстан құрамасының абыройын асқақтатқан мықты команданың бірі. Қазіргі таңда команда тарап, спортшылар әлемнің фоварит клубтарына келісім-шарт негізінде ауысқан. Есесіне, ел мерейін «Новак» командасы әлемдік ареналарда үстемдетіп келеді.Байқағаныңыздай, біздің елде ойын индустриясына қатысты ресми қолдау аз. Ал басқа мемлекеттерде бұл сала жоғары деңгейде дамып келеді. Мысалы, Корея, АҚШ, Қытай және көптеген еуропалық елдердің ойын индустриясыназер салып көрейік.Оңтүстік Корея — бұл ел «еSports»-пен ойын индустриясының алдыңғы қатарында тұр. Кореяда ойындар кәсіби спорт ретінде қабылданады. Тіпті көптеген жоғары оқу орындары мен мемлекеттік мекемелер осы саланы дамытуға арналған бағдарламалар құрады. Бұл елде үлкен халықаралық турнирлер өткізіліп, ойыншылар мен стримерлер үлкен қолдауға ие.АҚШ — мұнда ойын индустриясы кинематограф пен музыка өнерімен бірге үлкен экономикалық күшке айналды. Америкада көптеп жұмыс істейтін ойын студиялары, миллиондаған жанкүйерлері бар кәсіби ойыншылар және үлкен ауқымды турнирлер бар. Сондай-ақ, АҚШ-тың кейбір университеттерінде ойындар бойынша арнайы мамандықтар қарастырылған.Қытай – Қытайдың киберспорты тек ішкі нарықта ғана емес, халықаралық деңгейде де үлкен көлемге ие. Қытай үкіметі ойындарға қатысты түрлі шараларды қолдап, жанкүйерлер мен ойыншылардың санын арттыруға күш салуда. Сонымен қатар, Қытайда «eSports»-қа арналған арнайы арналар мен ауқымды чемпионаттар ұйымдастырылады.Спорт десе ішкен асын жерге қоятын – Еуропаның халі қалай? Германия, Франция, Ұлыбритания сияқты елдерде де ойын индустриясы қарқыны бәсеңсіген емес. Олар тек ойындардың өзін, сонымен қатар ойын стримингін, киберспортты және ойындар арқылы білім беру саласын дамытуды да қолдайды.Сондай-ақ, бұл бағыт бойынша да арнайы мамандармен жұмыс жасап, стратегиялық бағытын айқындауда.Егер еліміз ойын индустриясын жоғарыда мысал келтірген мемлекеттер секілді дамытса, ол жастарды ынталандырып, экономикаға да оң әсерін тигізер еді. Қазіргі уақытта әлемде ойын индустриясы жыл сайын миллиардтаған доллар табыс әкеліп, көптеген елдердің экономикасына елеулі үлес қосып отыр. Ендеше, біздің елде де осы саланы дамытуға үлкен мүмкіндік бар.Осылайша, өзге елдердің тәжірибесіне сүйене отырып, Қазақстанның ойын индустриясын дамыту қажеттілігін көрсетуге болады. Нәтижесінде, мықты киберспортшылар жасақталып, әлемнің алпаут елдерінің алдында мемлекеттің мәртебесі көтерілетіне сенім мол.Айдос МЫРЗАЛЫФото: freepik.com

Киберспорт: Жастардың жаңа мүмкіндігі

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қалада құрылысы жүріп жатқан бірқатар әлеуметтік нысандарды аралап, жұмыс барысымен танысты.Алдымен қызу құрылыс алаңына айналған аспалы көпірдің құрылыс жұмыстарына қанықты. Аралдықтардың ұзақ жылдар бойы арманына айналған ауқымды жұмыстың аяқталар күні де алыс емес. Қазіргі таңда көпірдің екі жанындағы жаяу жүргіншілер жолы салыну үстінде. Аспалы көпірдің астыңғы бөлігі қиыршық тастармен нығайтылып, асфальт жабындысына дайындалуда. Мамандар алдағы бірер күндікте асфальт төсеу жұмыстары басталатынын жеткізді. Шығыс беті Жылқаман батыр көшесі арқылы Абай даңғылына тіреліп, батыс бөлігі Бақтыбай батыр көшесімен ұштасатын үлкен жоба аудан орталығындағы көлік кептелісіндегі кедергілерді біржола жоймақ. Ел игілігіне айналатын ауқымды құрылыс мамыр айында толық аяқталып, пайдалануға беріледі деп күтілуде.<img src="https://knadmin.beoblood.kz/uploads/Aral_rylys_nysandaryn_aralau_720e3220d5.jpg" alt="Арал құрылыс нысандарын аралау.jpg">Аудан әкімі құрылыс нысанының басында жауапты тұлғалармен тілдесіп, істеліп жатқан жұмыстарға байланысты бірқатар мәселелерді пысықтады.<blockquote>– Жігіттер, жылдар бойы жыр болған аспалы көпірдің ақырғы жұмыстарына да таяп қалдық. Халқымызда «біткен іске сыншы көп» деген сөз бар. Ең бірінші сапаға жұмыс істеу маңызды. Бұл көпірдің үстімен сағат сайын жүздеген көлік жүйткійтіндіктен істелген істің сыр бермегені маңызды. Сондықтан әрбір іске мұқият болған жөн. Жол жиегіндегі бордюрлер мен қоршауларды орналастырғанда беріктігіне мұқият болу керек. Орнатылатын жарық шамдарының сапалы болуы да маңызды. Жер бетінен биіктікте болатын қозғалыста қауіпсіздік шаралары қатаң сақталуы керек. Сол себепті әрбір жұмыстың тез бітуіне ұмтылмай, сапалы әрі тиянақты бітіру керек. Бұл жердегі жұмыстар бітемін дегенше бақылау бір сәтке болсын босаңсымайды, – деді аудан әкімі Аманжол Сақыпұлы.</blockquote><img src="https://knadmin.beoblood.kz/uploads/Aral_rylys_nysandaryn_aralau_3_baa12fae5d.jpg" alt="Арал құрылыс нысандарын аралау 3.jpg">Мұнан соң қаладағы тарихы жағынан ең көне әрі ауқымды тарихи нысан саналатын Арал теңізі станциясының темір жол вокзалына барды.Өткен жылы облыс әкімі Н.Нәлібаевтың тапсырмасына сәйкес облыстағы, оның ішінде Арал ауданы бойынша қаладағы және Сексеуіл кентіндегі темір жол вокзалдарын күрделі жөндеу жұмыстарына жоба сметалық құжаттарын әзірлеуге тапсырма берілген болатын.Бүгінгі күні темір жол вокзалдарын күрделі жөндеуден өткізу мақсатында жоба-сметалық құжаттама әзірленді. Аталған жоба бойынша вокзалдардың қаспеттері, шатыры алмастырылып, кіре беріс пандус, брусчаткалары, су және электр жүйесі жаңаланатын болады.<img src="https://knadmin.beoblood.kz/uploads/Aral_rylys_nysandaryn_aralau_2_0ac67c26d1.jpg" alt="Арал құрылыс нысандарын аралау 2.jpg">Мұнда жүргізіліп жатқан құрылыс жұмыстары жөнінде вокзал бастығы Ж.Мамбеталиев таныстырды.Қазіргі таңда тарихи нысанның күту залы, билет кассасымен өзге де кеңсе қабырғалары күрделі жөндеуден өтуде. Бұдан бөлек вокзал әжетханасы да қайта жөнделіп, күту аймағы толықтай жаңартылатын болады.Аудан әкімі ғимаратқа толықтай күрделі жөндеу жасалғанмен оның тарихи мәні, кейбір кескіндемелік көрнекілігі жоғалмауы тиіс екенін айтып, құрылыс жұмыстарын сапалы әрі ұқыпты жүргізу керектігін жеткізді.

Әлеуметтік нысандардың жұмыс барысымен танысты

<a href="https://kyzylorda-news.kz/">Kyzylorda-news.kz</a> Арал ауданының Төтенше жағдайлар бөлімінің ұйымдастыруымен аудандық өрт сөндіру бөлімінің, орман шаруашылығы мекемесі, «Барсакелмес» мемлекеттік табиғи қорығы және жергілікті атқарушы орган мен медицина қызметкерлерімен бірлескен оқу-жаттығу өткізілді.Оқу-жаттығудың басты мақсаты – өрт қауіпі арта түсетін жазғы маусымда дала алқаптарында орын алатын өрттерінің алдын алу және оларды сөндіру кезінде қызметкерлердің дайындық деңгейін арттыру мен бірлескен іс-қимылдарды пысықтау болып табылады.<img src="https://knadmin.beoblood.kz/uploads/Aral_o_u_zhatty_u_zhiyny_4_0949db6d85.jpg" alt="Арал оқу-жаттығу жиыны 4.jpg">Жұмылдырылған қызметтердің жеке құрамы мен құрал-жабдықтарына қарау жұмыстарынан кейін, практикалық іс-қимылдарға ұласып, оқу-жаттығу желісі бойынша орман шаруашылығы мекемесінің аумағында орын алған ықтималды өрт оқиғасы уақытылы ауыздықталды.Оқу-жаттығуға барлығы 15 техника, 83 қызметкер жұмылдырылды.<img src="https://knadmin.beoblood.kz/uploads/Aral_o_u_zhatty_u_zhiyny_2_dd871f7084.jpg" alt="Арал оқу-жаттығу жиыны 2.jpg">

Өрт қаупін болдырмау мақсатында оқу-жаттығу жиыны өтті

 Қызылордалық Кеңес Одағының батырлары

<a href="https://kyzylorda-news.kz/">Kyzylorda-news.kz</a> Елімізде Мемлекет басшысының бастамасымен экологиялық ахуалды жақсарту, табиғатты қорғау және халықтың экологиялық мәдениетін арттыру мақсатында 21-26 сәуір күндері аралығында «Таза Қазақстан» кең ауқымды экологиялық акциясы өткізілуде.Аталған науқан аясында «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» бағыттарында еліміздің барлық өңірлерінде түрлі форматтағы іс-шаралар ұйымдастырылуда.Осы бастаманың жалғасы ретінде Қармақшы ауданында «Киелі мекен» акциясы өтті. Атап айтқанда, «Қорқыт ата» мемориалдық кешенінің аумағында ағаш отырғызу шарасы ұйымдастырылып, оған аудан ардагерлері, белгілі спортшылар, мәдениет саласының өкілдері және белсенді жастар қатысты.Сонымен қатар, аудан көлеміндегі Марал баба кесенесі мен басқа да тарихи-киелі орындарда, саябақтар мен қоғамдық демалыс аймақтарында санитарлық тазарту, көгалдандыру және абаттандыру жұмыстары жүйелі түрде жүргізілді. Аталған жұмыстар ауданның барлық елді мекендерін қамтыды.<img src="https://knadmin.beoblood.kz/uploads/Taza_aza_stan_2_6326268122.png" alt="Таза Қазақстан 2.png">

Таза Қазақстан – таза болашақ

<a href="https://kyzylorda-news.kz/">Kyzylorda-news.kz</a> Қызылорда қаласындағы «ОРДА» жоғары колледжінде Жеңістің 80 жылдығына орайластырылған жастар арасында әскери қызмет өткеруді насихаттау және жастардың патриоттық рухын көтеруге бағытталған кездесу өтті.&nbsp;Аймақ жастарын әскери-патриоттық бағытта тәрбиелеу, өскелең ұрпақтың бойында Отансүйгіштік пен патриоттық қасиеттерді қалыптастыру мақсатында ұйымдастырылған шараға 100-ге жуық студент жастар мен оқытушылар қатысты. Кездесуде Қызылорда қаласының қорғаныс істері жөніндегі департаментінің өкілі әскери қызметтің міндеттілігі мен әрбір азаматтың парызы екендігін жеткізді.<img src="https://knadmin.beoblood.kz/uploads/Whats_App_Image_2025_04_22_at_17_ef98428e48.png" alt="WhatsApp Image 2025-04-22 at 17..png">Облыстық жастар ресурстық орталығының мамандары жастарға бағытталған іс-шараларға белсене қатысуды, бос уақытын тиімді пайдалану жүзеге асырылып жатқан мемлекеттік бағдарламалар мен гранттар, өз кәсібін ашуға ниетті жастарды қолдау, NEET санатындағы жастардың әлеуетін көтеру туралы мағлұматтармен бөлісті.Сондай-ақ, «Айбын» әскери патриоттық жиыны мен «Жас сарбаз» жастар қозғалысына іріктеу жиындары бойынша толық ақпараттар ұсынылды.<img src="https://knadmin.beoblood.kz/uploads/Whats_App_Image_2025_04_22_at_17_1_1_86e31d4e58.png" alt="WhatsApp Image 2025-04-22 at 17. (1) (1).png">Фото: Облыстық Жастар ресурстық орталығы

Студент жастармен кездесу өтті

<a href="https://kyzylorda-news.kz/">Kyzylorda-news.kz</a> Қала аумағында заңсыз орналастырылған және шаһардың сәулеттік келбетіне кері әсерін тигізетін сыртқы көрнекі жарнамаларға бақылау жұмыстары жүргізілуде.Мониторинг барысында қалалық сәулет және қала құрылысы бөлімінің мамандары бірқатар заңсыз ілінген жарнамалық баннерлерді анықтап, кәсіп иелеріне тиісті ескерту беруде. Жыртылған, ескірген және заңсыз ілінген ақпараттық тақтайшалар да алынуда.Айта кету керек, «Жарнама туралы» ҚР 2003 жылғы 19 желтоқсандағы Заңының талаптарында сыртқы (көрнекі) жарнама объектілерін орналастыру үшін жергілікті атқарушы органдардан белгілі бір мерзімге рұқсат алуы көзделген.Қала әкімдігі тарапынан бұл бағыттағы жұмыстар күнделікті жүргізіледі.<img src="https://knadmin.beoblood.kz/uploads/Zharnama_2_615b4c1f56.jpg" alt="Жарнама 2.jpg">

Заңсыз орналастырылған жарнамалар алынуда

<a href="https://kyzylorda-news.kz/">Kyzylorda-news.kz</a> Мемлекет басшысы жазушы, Қазақстанның Еңбек Ері Әкім Таразидің дүниеден өтуіне байланысты көңіл айту жеделхатын жолдады, деп хабарлайды <a href="https://kaz.inform.kz/news/prezident-zhazushi-akm-tarazidn-dunieden-otune-baylanisti-konl-aytti-bef36b/">Қазақпарат </a>Ақорданың баспасөз қызметіне сілтеме жасап.Қасым-Жомарт Тоқаев аса көрнекті жазушы, драматург, Қазақстанның Еңбек Ері Әкім Таразидің қайтыс болуына байланысты оның жұбайы, Мемлекеттік сыйлықтың иегері Роза Мұқанова мен балаларына көңіл айтты.<blockquote>– Әкім Тарази бүкіл саналы ғұмырын сөз өнеріне арнаған, төл әдебиетіміз бен мәдениетімізді төрге оздырған ұлтымыздың біртуар перзенті еді. Дарынды қаламгер қазақ прозасының көкжиегін кеңейтті, ұлттық кино және драматургия саласына өлшеусіз үлес қосты. Асыл мұратынан ешқашан айнымаған қалам иесін көзі қарақты оқырман «Әдебиет әлемінің Әкімі» деп ардақ тұтты, зиялы қауым оның шығармашылығымен қатар адамгершілік қасиеттерін ерекше бағалады. Өнегелі өмір сүріп, соңына мол мұра қалдырған Әкім Таразидің жарқын бейнесі халқымыздың жүрегінде мәңгі сақталады, – делінген жеделхатта.</blockquote>Фото: Ақорда

Президент жазушы Әкім Таразидің дүниеден өтуіне байланысты көңіл айтты

<a href="https://kyzylorda-news.kz/">Kyzylorda-news</a> ҚР Бәсекелестікті қорғау және дамыту агенттігінің Қызылорда облысы бойынша департаментімен І тоқсанда 27 жеке және заңды тұлғалардың өтініштері қаралған. Департамент берген мәліметке сәйкес, арыз-шағымдардың басым бөлігі отын-энергетика және агроөнеркәсіп салалары бойынша түскен.<blockquote>«Жыл басынан бері департамент 3 тауар нарығына жоспардан тыс талдау жүргізді. Нәтижесінде тауық етін көтерме саудада өткізу тауар нарығына жүргізілгене талдау нәтижесімен 2 нарық субъектісі үстем жағдайға ие болса, авиакеросинді көтерме сауда мен бөлшек саудада өткізу бойынша үстем жағдайлар анықталды. Алдағы уақытта департамент Қызылорда облысында адал бәсекелестікті дамыту бойынша ҚР бәсекелестікті қорғау саласындағы заңнамасын бұзушылықтардың алдын алу, анықтау және тергеп-тексеру, жолын кесу жұмыстарын жүргізіп отырады», – деді ҚР Бәсекелестікті қорғау және дамыту агенттігінің Қызылорда облысы бойынша департаментінің басшысы Дамир Тоқжанов.</blockquote>2025 жылдың І тоқсанында департаментпен 4 кедергілер жөніндегі кеңестің отырысы өткен.&nbsp;<blockquote>«Тауар нарықтарына кірудегі кедергілерді анықтау және жою жөніндегі кеңес - бұл бизнес тауар нарықтарындағы бәсекелестікті дамытудың проблемалық мәселелерін көтеретін ашық алаңдар. Ал Қазақстанда мұндай нарықтар 5 мыңнан асады. Кедергілер жөніндегі кеңес құрылған сәттен бүгінге дейін барлығы 44 проблемалық мәселе қаралды. Облыстық кеңестің ұсынысы бойынша республикалық және жергілікті деңгейлерде 9 кедергі жойылды. Сондай-ақ, 5 кедергі оларды одан әрі жою жөніндегі жұмысты жүргізу үшін республикалық кедергілер картасына енгізілді», – деді департамент жанындағы кедергілер жөніндегі өңірлік кеңестің мүшесі Талғат Жұматов.</blockquote>Фото: freepik.com

Бәсекелестікті қорғау – әділ нарықтың негізі

<a href="https://kyzylorda-news.kz/">Kyzylorda-news.kz</a> Қызылорда облысы Шиелі ауданына қарасты ауылдардың бірінде 42 жастағы әйелдің қолын күйеуі балталап тастаған. Қазір келіншек ауыр жағдайда аудандық аурухананың жансақтау бөлімінде жатыр, деп хабарлайды <a href="https://baq.kz/qyzylorda-oblysynda-kuyeui-ayelinin-qolyn-baltalap-tastady-200012151/">BAQ.KZ.</a><a href="https://astanatv.kz/kz/news/142972/">Astana.tv</a> мәліметі бойынша науқасқа шұғыл көмек көрсету үшін қаладан санавациямен дәрігерлер келіп жеткен. Олар келіншектің өзге де бірнеше жарақаттары барын айтады. Басынан да қатты соққы алған. Сондықтан жәбірленушінің денсаулығына қатысты әзірге дәрігерлер нақты шешім айта алмайтындарын жеткізді. Ал күдікті аудандағы мектептердің бірінде биология пәнінің мұғалім болып жұмыс істейді. 20 жылдан аса тәжірибесі бар маман.<blockquote>Полиция адам өлтіруге оқталу дерегі бойынша күдіктіні ізін суытпай ұстады. Ол қазір уақытша ұстау изоляторында. Тергеу амалдары жалғасуда. Өзге мәліметтер жария етуге жатпайды, – деп мәлімдеді Қызылорда облыстық полиция департаментінен.</blockquote>Фото: istockphoto.com

Қызылорда облысында ер адам әйелінің қолын балталап тастады

<a href="https://kyzylorda-news.kz/">Kyzylorda-news.kz</a> Қазгидромет 22 сәуір, сейсенбі күні ел аумағында күтілетін ауа райы туралы мәлімет берді, деп хабарлайды <a href="https://baq.kz/zhanbyr-men-nayzagay-bugin-aua-rayy-qanday-bolady-200012163/">BAQ.KZ тілшісі.</a>Жауын-шашынсыз. Жел солтүстік-шығыстан 9-14 м/с. Ауа температурасы түнде +10…+15°C, солтүстікте +7°C дейін төмендейді, күндіз +27…+32°C.Қызылорда қаласында – аздап бұлтты, жауын-шашынсыз. Жел солтүстік-шығыстан 5-10 м/с. Ауа температурасы түнде +10…+12°C, күндіз +28…+30°C.Фото: freepik.com

Қазақстан және Қызылорда облысының жаңалықтары: Қоғам