<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың тапсырмасына сәйкес Қазалы ауданында жастар арасындағы құқық бұзушылықтардың алдын алу мақсатында күн сайын арнайы бөлінген топтар кезектілікпен түнгі рейд жұмыстарын тұрақты түрде ұйымдастырып келеді.Рейдтік топ мүшелері күнделікті 22:00-ден бастап Әйтеке би кентіндегі ойын алаңдарын, саябақ, ойын-сауық орталықтары мен компьютер клубтарын, мейрамханаларды аралап, қоғамдық тәртіпті бақылау барысында кәмелет жасқа толмаған оқушыларға түсіндірме, ата-анасына ескерту жасайды.Бұл жолы аудан әкімі аппаратының басшысы Ринад Тілеп бастаған құрам түнгі рейд жұмыстарын жүргізді. Топ құрамында аудандық полиция бөлімі, білім бөлімі, дербес бөлім қызметкерлері және мектеп директорлары қамтылған.&nbsp;Алдағы күндері дәл осындай күшейтілген түрде рейд жұмыстары жалғаса беретін болады. Мұндай рейд жұмыстары аудан орталығынан бөлек ауылдық округтерде де жалғасуда.&nbsp;Жасөспірімдердің қауіпсіздігі ата-аналар үшін ғана емес қоғам үшін де өте маңызды. Рейд жұмыстары тұрақты жүргізіліп тұрса, қауіп сейіліп, заң бұзушылық әрекеттер азаяды деген сенім мол. Мұндай түнгі рейд жұмыстары жергілікті билік өкілдерінің тұрақты бақылауында болады.

Жасөспірімдер қауіпсіздігі басты назарда

<a href="https://kyzylorda-news.kz/">Kyzylorda-news.kz</a> “Samruk Kazyna Trust” корпоративтік қорының 10 жылдық мерейтойына орай қаланың сол жағалауындағы “Теннис орталығында” үстел теннисінен тұңғыш рет “Samruk Alaman” облыстық ашық турнирі бастау алды.10 жылдық мерейтой аясында ұйымдастырылған дүбірлі додаға Түркістан, Шымкент, Байқоңыр және Қызылорда облысының барлық аудандарынан келген 150-ге жуық спортшы ересектер, жастар және жасөспірімдер санаты бойынша бақ сынауда.Салтанатты шараның ашылу рәсіміне облыс әкімінің орынбасары Мейрамбек Шермағанбет, “Samruk Kazyna Trust” корпоративтік қоры бас директорының орынбасары Аман Төрегелдин, басқарма басшысы Бақтияр Артаев қатысты.Алғы сөз алған облыс әкімінің орынбасары Мейрамбек Зинабдинұлы аймақ спортының соның ішінде үстел теннисінің даму қарқынына тоқталып, тартысқа толы турнирді жоғары деңгейде ұйымдастыруға ұсыныс білдірген “Samruk Kazyna Trust” корпоративтік қорына ерекше алғыс білдірді.<blockquote>– Ең алдымен баршаңызды 1 &nbsp;мамыр – Қазақстан Халқының бірлігі күнімен шын жүректен құттықтаймын! Айтулы мерекемен қатар еліміздегі іргелі әрі бірегей қорлардың бірі &nbsp;- «Samruk Kazyna Trust» корпоративтік қорының 10 жылдығына орай республика көлемінде спорттық іс-шаралар ұйымдастырылып, кең көлемде аталып өтуде. Бүгін мінекей, аталған қордың бастамасымен қаламызда үстел теннисінен облыстық ашық турнир ұйымдастырылып жатыр. Тартысты турнирде еліміздің бірнеше аймағынан және Қызылорда облысынан 150-ге жуық жас теннисші өзара бақ сынамақ. Осы ретте, өңірдегі спортты дамытуға айрықша атсалысып, игі бастамаларды жүзеге асыруда үлкен қолдау көрсеткен «Samruk Kazyna Trust» корпоративтік қорына алғыс білдіремін!, - деді облыс әкімінің орынбасары.</blockquote>Сондай-ақ, “Samruk Kazyna Trust” корпоративтік қоры бас директорының орынбасары Аман Төрегелдин барша жарыс қатысушыларына сәттілік тілеп, ізгі тілегін жеткізді.<blockquote>– «Samruk Kazyna Trust» корпоративтік қорының 10 жылдық мерейтойы аясында республика көлемінде әртүрлі спорт түрлері бойынша жарыстар ұйымдастырылуда. Ауқымды шаралардың барлығы «Samruk Kazyna Trust» корпоративтік қорының демеушілігімен салынған еліміздегі 19 &nbsp;заманауи спорт кешенінде өтеді. Бүгін мінекей, Қызылорда облысында бастау алған жарысымызға үздік командалар жиналып, өз шеберліктерін танытпақ. Жеңімпаз атанған спортшыларға аталған қорымыздың спорттық құрал-жабдықтар алуға арналған қаржылай сертификаттары табысталатын болады. Осы ретте, барша жас теннисшілерге сәттілік тілеймін!, - деді Аман Жақсыбайұлы.</blockquote>Шара соңы Сыр өнерпаздарының концерттік бағдарламасымен жалғасып, көрермендерге мерекелік ән-шашу тарту етілді.<img src="https://knadmin.beoblood.kz/uploads/stel_tennisi_turnir_4_0f6f09ceb4.jpg" alt="Үстел теннисі турнир 4.jpg">

Қызылордада үстел теннисінен облыстық турнирдің ашылу салтанаты өтті

<a href="https://kyzylorda-news.kz/">Kyzylorda-news.kz</a> Шиелі ауданында Мемлекет басшысының бастамасымен қолға алынған «Таза Қазақстан» республикалық экологиялық акциясы аясында көркейту, көгалдандыру және абаттандыру жұмыстары кең көлемде жүргізілуде.Кент орталығында әрлеу, сырлау-бояу, гүл егу, ағаш көшеттерін отырғызу сынды жұмыстар ауқымды түрде атқарылуда. Сонымен қатар жол жиектері, арық-атыздар, саябақтар мен демалыс орындары ретке келтіріліп, қоршаған ортаның тазалығын сақтау мақсатында жүйелі жұмыстар жүргізілуде.Аталған игі шаралар тұрғындардың қоршаған ортаға деген жауапкершілігін арттырып, ауданның санитарлық тазалығын қамтамасыз етуге және өңірдің көркеюіне оң әсерін тигізуде. Сонымен қатар тазалық жұмыстары арқылы экологиялық мәдениетті қалыптастыруға да ерекше мән берілуде.Айта кету керек, «Таза Қазақстан» акциясы аясындағы тазалық және абаттандыру шаралары алдағы уақытта да тұрақты түрде жалғасын табатын болады.Алдағы уақытта көркейту-көгалдандыру жұмыстары тұрақты жүргізіліп, тазалық жұмыстары жүйелі жүргізілетін болады. «Таза Қазақстан» республикалық экологиялық акция аясында атқарылып жатқан жұмыстар тұрақты бақылауда болады.

«Таза Қазақстан» акциясы аясында көркейту жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Kyzylorda Refinery» жауапкершілігі шектеулі серіктестігі мұнай өңдеу зауытының жұмысымен танысты. Кәсіпорын 2000 жылы құрылған, ал 2009 жылдан бері тұрақты жұмыс істейді.Бүгінде зауыттың негізгі қызметі – мұнай өңдеу. &nbsp;Мазут, пеш отыны және жеңіл дистиллят секілді өнім түрлері де шығарылады. Шикізат «Кен-Ай-Ойл Қызылорда», «Кристал Менеджмент» АҚ, «Галаз және компания» серіктестіктері арқылы жеткізіледі.Зауыттың жобалық қуаты жылына 100 мың тонна мұнай өңдеуге есептелген. Қазіргі таңда өндірістік жүктеме 50 мың тонна. Өнімдер Қазақстан, Қырғызстан және Ресей нарықтарына жөнелтіледі. Кәсіпорында 95 адам тұрақты жұмыспен қамтылған. Бірінші тоқсан қорытындысымен 9,5 мың тонна мұнай өнімдері өндірілді. Алдағы бағыт - өндіріс көлемін ұлғайтып, өнім түрлерін әртараптандыру. Атап айтқанда, нафта (ауыр және жеңіл), еріткіштер, керосин және түрлі отын түрлерін шығару көзделген.Сонымен қатар, кәсіпорын «К5 экологиялық класты мотор отындарын өндіретін мұнай өңдеу зауыты» инвестициялық жобасын іске асыруды жоспарлаған. &nbsp;Жобаның жалпы құны 22,9 млрд теңге, іске асыру мерзімі 2029 жылға белгіленген.Бұл бастамалар өңірдің индустриялық әлеуетін арттырып, жаңа жұмыс орындарын ашуға және экономиканың тұрақты дамуына серпін береді.

Аймақ басшысы «KYZYLORDA REFINERY»  мұнай өңдеу зауытының жұмысымен танысты

<a href="https://kyzylorda-news.kz/">Kyzylorda-news.kz</a> Сырдария ауданыны әкімі Берік Сәрменбаевтың қатысумен Аманкелді ауылында &nbsp;«Таза Қазақстан» акциясы аясында тал егу іс-шарасы өтті. Игі шараға облыстық мәслихат депутаты Жұмабек Ембергенов, аудандық қоғамдық кеңес төрағасы Марат Еспенбетов, аудандық мәслихат депутаты Руслан Каскиев және ауыл ақсақалдары мен тұрғындары қатысты.Аудан басшысы «Таза Қазақстан» акциясының маңыздылығына тоқталып, оның жай ғана тазалық шарасы емес, ел болашағы үшін мәні бар бастама екенін атап өтті.<img src="https://knadmin.beoblood.kz/uploads/FB_IMG_1777781067317_5d17750b39.jpg" alt="FB_IMG_1777781067317.jpg"><blockquote>– Мемлекет басшысының бастамасымен қолға алынған «Таза Қазақстан» акциясы — бұл жай ғана тазалық шарасы емес, бұл біздің туған жерге деген құрметіміз бен экологиялық жауапкершілігіміздің көрінісі. Бүгін егілген мыңнан астам көшет ертеңгі күні саялы баққа айналып, ауылымыздың ажарын аша түсетініне сенімдімін. Тазалық пен көгалдандыру жұмыстары мұнымен тоқтамайды, біз бұл бағыттағы игі істерді жүйелі түрде жалғастыра береміз», — деді Берік Әбдіғаппарұлы.</blockquote>Акцияға қатысушылар ауылдағы "Қызылбай" бауында белгіленген аумақта бірлесіп тал көшеттерін отырғызып, көгалдандыру жұмыстарын жүргізді. Жалпы саны 1100 түп көшет егілді. Бұл бастама ауылдың көркейіп, экологиялық мәдениеттің қалыптасуына және тұрғындар үшін таза әрі қолайлы орта қалыптастыруға өз үлесін қосады.<img src="https://knadmin.beoblood.kz/uploads/FB_IMG_1777781087575_94fae947ae.jpg" alt="FB_IMG_1777781087575.jpg">Сонымен қатар кеше «ТАЗА ҚАЗАҚСТАН» экологиялық акциясы аясында сенбілік жұмыстары жүргізілді.&nbsp;Мемлекет басшысының бастамасымен қолға алынған «Таза Қазақстан» республикалық экологиялық акциясы аясында көркейту, көгалдандыру және абаттандыру жұмыстары кең көлемде жүргізілуде.Кент орталығында әрлеу, сырлау-бояу, гүл егу, ағаш көшеттерін отырғызу сынды жұмыстар ауқымды түрде атқарылуда.Аталған игі шаралар тұрғындардың қоршаған ортаға деген жауапкершілігін арттырып, ауданның санитарлық тазалығын қамтамасыз етуге және өңірдің көркеюіне оң әсерін тигізуде. Сонымен қатар тазалық жұмыстары арқылы экологиялық мәдениетті қалыптастыруға да ерекше мән берілуде.Айта кету керек, «Таза Қазақстан» акциясы аясындағы тазалық және абаттандыру шаралары алдағы уақытта да тұрақты түрде жалғасын табатын болады.<img src="https://knadmin.beoblood.kz/uploads/FB_IMG_1777781188962_2dc5b609a2.jpg" alt="FB_IMG_1777781188962.jpg">

«ТАЗА ҚАЗАҚСТАН»: Экологиялық акция аясында тазалық шарасы ұйымдастырылды 

<a href="https://kyzylorda-news.kz/">Kyzylorda-news.kz</a> Қызылорда қаласындағы «Нұрсәт» теннис орталығында классикалық шахматтан Аралбай Махамбетовтың жүлдесіне арналған ҚР балалар кубогының &nbsp;ресми ашылу салтанаты өтті.&nbsp;Он сегінші рет ұйымдастырылған ой сайысына Ресей, Қырғызстан, Тәжікстан мемлекеттерінен және еліміздің барлық өңірінен келген 400-ге жуық қатысушы өз шеберліктерін танытпақ.Салтанатты шараға облыс әкімінің орынбасары Мейрамбек Шермағанбет, ҚР шахмат федерациясының вице-президенті Марат Есенов, бірегей тұлға Аралбай Маханбетовтың інісі Сұлтанбек Маханбетов, басқарма басшысы Бақтияр Артаев қатысты.Ашылу рәсімінде облыс әкімінің орынбасары Мейрамбек Зинабдинұлы облыс әкімінің арнайы Алғыс хатын табыстап, шахмат шеберлеріне сәттілік тіледі.<blockquote>-Шахмат — ғасырлар бойы адамзатпен бірге дамып келе жатқан зияткерлік ойын. Шахматты тек спорттық ойын ретінде ғана емес, логикалық ойлауды шыңдайтын тәрбиелік мәні зор өнер деп те айтуға болады.&nbsp;Мемлекет басшысы Қасым-Жомарт Кемелұлы: «Шахмат - адамның ақыл-ойын және қарым-қабілетін ұштауға мүмкіндік беретін бірегей спорт түрі» деп ерекше атап өткен болатын.Әлемнің түкпір-түкпірінде танымал болған бұл ойын күні бүгінге дейін өз маңыздылығын жоймай, талай жасты тәрбиелеп, олардың зияткерлік қабілетін айрықша дамытып келеді.Бүгінде біздің облысымызда 17 мыңнан астам адам шахматпен жүйелі түрде шұғылданады. Олардың арасында халықаралық деңгейдегі жарыстарда ел мерейін үстем етіп жүрген спортшыларымыз бар. Бүгін қаламызда он сегінші рет ұйымдастырылған сайысқа &nbsp;бірнеше мемлекеттен және еліміздің барлық аймағынан 20 команда, 400-ге жуық жас шахматшылар қатысуда. Осы ретте, барша жарыс қатысушыларына сәттілік тілей отырып, шын мықты жеңіске жетсін, - деді облыс әкімінің орынбасары.</blockquote>Сондай-ақ, шара барысында ҚР Шахмат федерациясының вице-президенті Марат Сағынтайұлы құттықтау сөз сөйлеп, федерация атынан естелік сый-сияпат табыстады.Өз кезегінде бірегей тұлғаның жақын туыстары дәстүрге жалғасқан жарысты жоғары деңгейде ұйымдастырған азаматтарға өз алғыстарын білдірді.Шара соңында шахмат сүйер қауымға арналған концерттік бағдарламамен жалғасты.Айта кетейік, шахматшылар арасындағы ой сайысы 10 мамырға дейін жалғасады.Фото: Қызылорда облысының дене шынықтыру, спорт және туризм басқармасы

Шахмат шеберлерінің қатысуымен тартысты бәсеке өтті

<a href="https://kyzylorda-news.kz/">Kyzylorda-news.kz</a> Қазақстан халқының бірлігі күні қарсаңында «AMANAT» партиясының «Ардагерлерді ардақтайық» жобасы аясында ардагерлер арасында шағын футбол және үстел теннисінен турнир ұйымдастырылды. Жарысқа Байқоңыр қаласы, Арал және Қазалы аудандары, сондай-ақ Алматы мен Астана қалаларынан арнайы келген жерлестерімізден құралған командалар қатысып, барлығы 70-ке жуық ардагер спортшы бақ сынады.<img src="https://knadmin.beoblood.kz/uploads/FB_IMG_1777780535178_b25e6367b7.jpg" alt="FB_IMG_1777780535178.jpg">Аудан орталығындағы «Әмір арена» спорт кешенінде өткен жарыстың ашылу салтанатына аудан әкімі Алмасбек Есмаханов, аудандық партия филиалының және аудандық мәслихаттың төрағасы Ғазиз Әліш, сондай-ақ құқық қорғау органдары мен өзге де сала басшылары қатысты. Олар қатысушыларды Бірлік мерекесімен құттықтап, ардагерлердің басын қосқан игі шараға сәттілік тіледі.<blockquote>«Бүгінгі жарыс жай ғана спорттық дода емес, ел бірлігі мен достықты, туған жерге деген құрметті айшықтайтын тағылымды шара. Осындай игі бастаманың Қазалы жерінде жоғары деңгейде ұйымдастырылуы баршамыз үшін үлкен қуаныш. Турнирге Байқоңыр қаласы, Арал, Қазалы аудандарының ардагерлері және Алматы мен Астанадан арнайы келген «Замандастар» командасы қатысуда. Бұл елден жырақта жүрсе де, жүрегі туған жер деп соғатын азаматтардың жанашырлығының көрінісі. Жарыс жоғары деңгейде өтіп, қатысушыларға көтеріңкі көңіл-күй сыйласын. Барша командаларға сәттілік тілеймін. Туған жердің мерейі үстем болсын, – деді Алмасбек Әбілқасымұлы.</blockquote>Жалпы, қос спорт түрі бойынша жарыс тартысты өтті. Үстел теннисінен І орынды Қазалы ауданының командасы иеленсе, ІІ орын «Замандастар» командасына, ал ІІІ орын Арал ауданының командасына бұйырды.<img src="https://knadmin.beoblood.kz/uploads/FB_IMG_1777780526563_eb33d69992.jpg" alt="FB_IMG_1777780526563.jpg">Футболдан І орынды Байқоңыр қаласының командасы жеңіп алса, ІІ орын Қазалы, ІІІ орын «Замандастар» командасына бұйырды.Жеңімпаздарды аудандық партия филиалының және аудандық мәслихаттың төрағасы Ғазиз Әліш марапаттап, жоғары деңгейде ойын көрсеткендері үшін қатысушыларға алғыс білдірді. Әр сайыс бойынша жеңімпаздар мен жүлдегерлерге дипломдар, медальдар, кубоктар және арнайы сыйлықтар табысталды. «Үздік ойыншы» номинациялары бойынша жеңімпаздар анықталды. Сондай-ақ қатысушыларға Қазалы ауданы туралы кітаптар мен естелік сыйлықтар тарту етілді.

Қазалыда ардагер спортшылар бақ сынады 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Тасбөгет кентіндегі жол жөндеу жұмыстарының барысымен танысты. Жобаның бас мердігері «УАД» жауапкершілігі шектеулі серіктестігі 5,1 млрд теңгенің жобасы аясында 4,4 шақырым көшелерді, атап айтқанда, Н.Назарбаев даңғылының 1,2 шақырымын күрделі жөндеуде. Кенттегі Есенов және Амангелді көшелерін төрт жолақтыға кеңейту қолға алынған. Жаяу жүргінші жолы, су ағатын арнайы лотоктар орнатылуда. Жаңа асфальт төселіп, заманауи жарықшамдар орнатылады.Айта кету керек, соңғы жылдары өңірдегі жол инфрақұрылымы жобалары қарқынды әрі жүйелі. 2022-2026 жылдары 1700 шақырым автомобиль жолы мен 35 көпір өткелін салу, күрделі жөндеу үшін 185,8 млрд теңгеге жуық қаржы бөлінді. Төрт жыл ішінде жақсы және қанағаттанарлық жағдайдағы жолдар үлесі 82-ден 95 пайызға дейін артты.<img src="https://knadmin.beoblood.kz/uploads/FB_IMG_1777780258953_fb88dfb7ac.jpg" alt="FB_IMG_1777780258953.jpg">Аймақ басшысының тапсырмасына сәйкес, қала ішіндегі негізгі көшелермен қатар, шет аймақ жолдарын жөндеуге де басымдық берілген. Қазіргі уақытта көшелер жаңартылып, жол сапасы артты және тұрғындарға қолайлы жағдай жасалуда. Биыл &nbsp;23,6 млрд. теңгеге қаладағы, қалаға қарасты кенттер мен ауылдық округтердегі 70 көше қайта жаңғыртылады, күрделі және орташа жөндеуден өтеді. Өткен жылы көлік кептелісін азайту және жол қозғалысы қауіпсіздігін арттыру үшін &nbsp;бірқатар көше кеңейтілді.Атап айтқанда, әуежай, Шиеліден кіреберіс, Бейбарыс сұлтан көшесінен Әбілқайыр хан көшесіне дейінгі аралық, Қожа Ахмет Яссауи, Жаппасбай батыр көшелері мен Тәуелсіздіктің 25 жылдығы даңғылы төрт жолақты болды. Сонымен қатар, Назарбаев даңғылынан Тәуелсіздік даңғылына дейінгі жол құрылысы жүргізілді.Арал қаласы мен Жаңақорған кентінде теміржол арқылы өтетін көпірлер, Қызылорда қаласы мен Жалағаш кентінде жаяу жүргінші өткелдері пайдалануға берілді. Алдағы уақытта Қызылорда қаласындағы Бәйтерек шағын ауданына жаңа көпір салу жоспарланған. Қармақшы ауданындағы теміржол үстінен өтетін көпір құрылысы да жақын арада басталады. Фото: Қызылорда облысы әкімінің баспасөз қызметі

Тасбөгет кентінде жол инфрақұрылымын дамыту жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> Қызылорда облысының Өңірлік коммуникациялар қызметінде өткен баспасөз конференциясында 2026 жылдың І тоқсанындағы аймақтың әлеуметтік-экономикалық даму қорытындылары жарияланды. Жиында Ұлттық статистика бюросының облыс бойынша департаменті басшысының орынбасары Әсел Досжанова негізгі көрсеткіштерге тоқталды.Спикердің айтуынша, есепті кезеңде өңір экономикасында оң динамика байқалған. Атап айтқанда, өнеркәсіп өндірісі 1,7%-ға, өңдеу өнеркәсібі 13,6%-ға, ауыл шаруашылығы 3,2%-ға артқан. Сонымен қатар, негізгі капиталға салынған инвестициялар 8,2%-ға өсіп, құрылыс жұмыстарының көлемі 22%-ға ұлғайған. Сауда көлемі де 1,4%-ға жоғарылаған.<blockquote>«Аймақтың негізгі әлеуметтік-экономикалық көрсеткіштері тұрақты өсімді көрсетіп отыр. Әсіресе, өңдеу өнеркәсібі мен құрылыс саласындағы қарқын жоғары. Өңірлік өнім көлемінде де өсім. Алдын ала деректер бойынша, жан басына шаққандағы жалпы өңірлік өнім өткен жылмен салыстырғанда 2,9%-ға артқан. Өнеркәсіп саласында өндіріс көлемі бірқатар бағыттарда, әсіресе жеңіл өнеркәсіп пен машина жөндеу қызметтерінде айтарлықтай өсім байқалды. І тоқсанда 585 тұрғын үй пайдалануға беріліп, жалпы аумағы 159 мың шаршы метрден асып отыр. Ауыл шаруашылығы саласында өнім көлемі 3,2%-ға өсті», – деді Әсел Бақытжанқызы.</blockquote>Халық саны 846,5 мың адамға жетіп, соңғы 10 жылда 82 мың адамға артқан. Табиғи өсім тұрақты деңгейде сақталып отыр. Аймақта күніне орта есеппен 40-45 сәби дүниеге келеді.Осылайша, 2026 жылдың алғашқы тоқсаны Қызылорда облысы үшін экономикалық тұрақтылық пен бірқатар саладағы өсіммен ерекшеленді.<img src="https://knadmin.beoblood.kz/uploads/yzylordada_leumettik_ekonomikaly_sim_sa_taldy_7dc41b91bb.jpg" alt="Қызылордада әлеуметтік-экономикалық өсім сақталды.jpg">Фото: pexels

Қызылордада әлеуметтік-экономикалық өсім сақталды

<a href="https://kyzylorda-news.kz/">Kyzylorda-news.kz</a>&nbsp; Қоршаған ортаны қорғау – адамзат алдындағы ең өзекті мәселелердің бірі. Табиғат – тіршіліктің көзі, ал адам сол табиғаттың бір бөлшегі. Сондықтан табиғатты қорғау тек экологиялық міндет қана емес, ол – әрбір адамның азаматтық парызы. Қазіргі таңда экологиялық мәселелердің күрделене түсуі бүкіл әлем елдерін алаңдатып отыр. Ауа ластануы, су ресурстарының азаюы, ормандардың жойылуы, жануарлар мен өсімдіктердің жойылып кету қаупі – мұның бәрі адам әрекетінің нәтижесі.Адамзаттың өндірістік қызметі дамыған сайын табиғатқа түсетін салмақ та арта түсуде. Зауыттар мен фабрикалардан шығатын зиянды қалдықтар атмосфераны ластап, адамдардың денсаулығына кері әсерін тигізеді. Көлік құралдарының шамадан тыс көбеюі де ауаның сапасын төмендетуде. Сонымен қатар, пластик қалдықтар мәселесі де өте өзекті. Олар табиғатта жүздеген жылдар бойы ыдырамай, жер мен суды ластайды.Су – тіршілік көзі. Алайда бүгінгі күні көптеген өзен-көлдер ластанып, ауыз су тапшылығы байқалуда. Кейбір аймақтарда халық таза суға қол жеткізе алмай отыр. Бұл – адам денсаулығына тікелей қауіп төндіреді. Сондықтан су ресурстарын тиімді пайдалану және оларды қорғау – басты міндеттердің бірі.Ормандар – жердің “өкпесі” деп аталады. Олар ауаны тазартып, оттегін бөліп шығарады. Алайда ағаштарды жаппай кесу, орман өрттері табиғатқа орасан зиян келтіруде. Ормандардың азаюы климаттың өзгеруіне де әсер етеді. Сол себепті орманды қорғау және қалпына келтіру жұмыстары аса маңызды.Жануарлар мен өсімдіктер дүниесі де қорғауды қажет етеді. Кейбір сирек кездесетін түрлер адамның әрекеті салдарынан жойылып кету алдында тұр. Биологиялық әртүрліліктің азаюы экожүйенің бұзылуына әкеледі. Сондықтан қорықтар мен ұлттық парктердің рөлі ерекше.Қоршаған ортаны қорғау тек мемлекет деңгейінде ғана емес, әр адамның күнделікті өмірінде де жүзеге асуы тиіс. Мысалы, қоқысты сұрыптау, пластикті аз пайдалану, электр қуатын үнемдеу, табиғатқа зиян келтірмеу – қарапайым, бірақ маңызды әрекеттер. Әрбір адам табиғатқа жанашырлықпен қараса, үлкен өзгерістерге қол жеткізуге болады.Қорытындылай келе, табиғатты қорғау – болашақ ұрпақ алдындағы жауапкершілік. Біз табиғатты қалай сақтасақ, келешек ұрпақ та сондай ортада өмір сүреді. Сондықтан қоршаған ортаны қорғау ісіне бәріміз бірдей атсалысуымыз қажет. Табиғатқа қамқорлық жасау – өзімізге қамқорлық жасау екенін ұмытпауымыз керек.Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Қоршаған ортаны қорғау

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің бастамасымен 1 мамыр – Қазақстан халқының бірлігі күніне арналған салтанатты іс-шара өтті.Мерекелік жиынға этномәдени бірлестіктердің өкілдері, ардагерлер және департаменттің жеке құрамы қатысты.Шара барысында Қызылорда облысы Полиция департаменті бастығының орынбасары полиция полковнигі Омаров Оралбек Тәубәқабылұлы қатысушыларды мерекемен құттықтап, елдегі тұрақтылық пен бірліктің маңыздылығын атап өтті. Оның айтуынша, көпұлтты қоғамдағы татулық пен өзара түсіністік – мемлекеттің басты құндылықтарының бірі.Салтанатты жиында өңірдегі этномәдени бірлестіктердің жетекшілері сөз сөйлеп, ұлттық өнерлерін көпшілікке ұсынды. Сонымен қатар ішкі істер органдарында қызмет атқаратын өзге ұлт өкілдері мерекеге орай ізгі тілектерін білдірді.Іс-шара соңында этномәдени бірлестіктердің өкілдері Қызылорда облысы Полиция департаменті бастығының Алғыс хатымен марапатталды.Қазақстан халықтарының бірлігі күні – Қазақстанда жыл сайын тойланатын мереке. Мереке 1996 жылдан бастап тойланып келеді.Жыл сайын атаулы мерекеге Қазақстан аумағында тұрып жатқан 130-дан астам ұлт пен ұлыс өкілдері киелі шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын тойлайды.

Қызылордалық полицейлер Бірлік күнін атап өтті

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаев облыстық мәслихат депутаты Жұмабек Ембергенов және аудандық қоғамдық кеңес төрағасы Марат Еспенбетовпен бірге Аманкелді ауылындағы спорт кешенінің жұмысымен танысты.Жұмыс сапары барысында аудан басшысы спорт нысанының материалдық-техникалық базасын нығайту, ғимараттың жалпы жағдайы, жаттығу залдарының талаптарға сәйкестігі және үйірмелердің жұмыс барысына назар аударды.Айта кету керек, аталған нысан "Қазақстан халқына" қоры мен «Батыр болам» қоғамдық қорының демеушілігі аясында 6,4 млн. теңгеге қажетті жаттығу құралдарымен қамтамасыз етілген. Қазіргі уақытта ауылдық спорт клубында бокс, қазақша күрес, үстел теннисі, шахмат және тоғызқұмалақ үйірмелеріне жастар қатысуда. Бұл ауыл жастарының салауатты өмір салтын ұстануына, олардың бос уақытын тиімді ұйымдастыруға және болашақта спорттық жетістіктерге жетуіне оң ықпал етуде.Аудан әкімі спорт нысанын одан әрі жетілдіру, үйірмелер санын арттыру мәселелері бойынша жауапты тұлғаларға нақты тапсырмалар жүктеді.Айта кетейік, 2022 жылдың 11 қаңтарында Мемлекет басшысы денсаулық сақтау, білім беру және әлеуметтік қолдау салаларындағы мәселелерді шешу үшін «Қазақстан халқына» қоғамдық әлеуметтік қорын құруды тапсырды. Қордың құрылған ұжымы бір ай ішінде қоғам, үкіметтік емес ұйымдар, тиісті министрліктер өкілдерімен фасилитативтік сессиялар мен талқылаулар өткізді.Фото: Сырдария ауданы әкімінің баспасөз қызметі

Қазақстан және Қызылорда облысының жаңалықтары: Қоғам