<a href="https://kyzylorda-news.kz/">Kyzylorda-news.kz</a> Соңғы жылдары ішкі істер органдары құқық бұзушылықтардың алдын алу және қызметтің тиімділігін арттыруға бағытталған заманауи цифрлық шешімдерді жүйелі түрде енгізіп келеді.Полицияның басты міндеті — азаматтардың құқықтары мен бостандықтарын қорғау, қоғамдық тәртіпті сақтау, қылмыстың алдын алу және **заң мен тәртіпті қамтамасыз ету. Ал бұл міндеттерді тиімді орындау үшін дәстүрлі жұмыс тәсілдерімен қатар заманауи цифрлық мүмкіндіктерді пайдалану қажет. Бұл ретте полиция қызметін цифрландыру — заман талабы ғана емес, заң мен тәртіпті нығайтып, қоғамдық қауіпсіздікті қамтамасыз етудің маңызды шарты.Мемлекет басшысы айқындаған «Заң және тәртіп» қағидаты — қоғамдағы тұрақтылық пен қауіпсіздіктің негізгі тірегі. Бұл қағидат заң талаптарын қатаң сақтаумен қатар, құқық бұзушылықтың алдын алуды, азаматтардың қауіпсіздігін қамтамасыз етуді және мемлекеттік органдар жұмысының тиімділігін арттыруды көздейді. Осы бағытта Сыр өңірінде цифрландыру жобалары бойынша бірқатар жұмыстар жүргізілуде.Облыс орталығына заманауи үлгідегі 1400 бейнебақылау камерасы, 176 аппараттық-бағдарламалық кешен орнатылды. Орнатылған 1400 бейнебақылау камерасының 496-на жасанды интеллект функциясы бар бейнеаналитикалық жүйе қосылды. Бұл жүйелер құқық бұзушылықтарды дер кезінде анықтап, оларға жедел ден қоюға мүмкіндік береді.Сонымен қатар «Қазақтелеком» акционерлік қоғамымен бірлесіп, Қызылорда облысы Полиция департаментінің теңгеріміндегі 750 бейнебақылау камерасы Ұлттық бейнемониторинг жүйесіне енгізілді.Белгіленген қозғалыс жылдамдығын арттыру, көлік құралын басқару кезінде ұялы телефонды пайдалану, қауіпсіздік белдігін тақпау және жаяу жүргіншілерге жол бермеу фактілерін автоматты түрде анықтайтын 25 «SUNQAR» аппараттық-бағдарламалық кешені орнатылып, жұмыс жасауда.Республикамызда алғашқылардың бірі болып келіп түсетін ақпараттарды қабылдау мен тіркеуді автоматтандыру мақсатында барлық аудандық полиция бөлімдері мен Министрліктің Байқоңыр қаласындағы өкілдігінде Жедел басқару орталықтары құрылды. Жоба аясында қоғамдық қауіпсіздікті қамтамасыз ету және жол-көлік оқиғаларының алдын алу мақсатында 616 бейнебақылау камерасы мен 54 стационарлық жылдамдық өлшегіш құрылғы орнатылып, олардың көмегімен 71 қылмыстың ашылуына септігі тиді.Бұқаралық іс-шараларды бақылау, жол жағдайын мониторингтеу және қолжетімсіз аумақтарды патрульдеуге арналған 12 ұшқышсыз ұшу аппараты (дрон) қолданыста.Ал «Қазақтелеком» АҚ-ның «Дрондардың бірыңғай инфрақұрылымы» жобасы аясында 6 ұшқышсыз ұшу аппараты пилоттық режимде жұмыс атқаруда.Сыбайлас жемқорлықтың алдын алу және полиция қызметкерлерінің әрекеттерінің ашықтығын қамтамасыз ету мақсатында Департаментте бейнеаналитикалық жүйесі бар 607 смартфон базасындағы бейнетіркегіш қолданысқа беріліп, штаттық режимде жұмыс жасауда.Азаматтардан келіп түскен хабарламаларға дереу ден қою мақсатында «102» арнасын «112 – Бірыңғай кезекшілік-диспетчерлік қызметіне» интеграциялау жұмыстары жүргізілді. Бұл өз кезегінде төтенше жағдайлар мен құқық бұзушылықтарға жедел әрекет етуге мүмкіндік береді.Учаскелік полиция инспекторының жұмысын цифрландыруға, есепте тұрған тұлғалар мен әкімшілік аумақтағы жағдай туралы мәліметтерді электронды түрде жүргізуге, сондай-ақ құқық бұзушылықтардың алдын алу және профилактикалық жұмысты ұйымдастыруға арналған «Цифрлы УПИ» ақпараттық жүйесі қолданысқа енгізілуде.Жалпы, цифрлық технологияларды енгізу — «Заң және тәртіп» қағидатын жүзеге асырудың тиімді құралдарының бірі. Себебі заң мен тәртіпті қамтамасыз ету тек құқық бұзушылық жасалғаннан кейін әрекет етумен шектелмейді. Оның басты бағыты — құқық бұзушылықтың алдын алу, қауіптің алдын ала анықталуы және азаматтардың қауіпсіздігін қамтамасыз ету.Полицияны цифрландыру — жаңа заманның объективті талабы. Қоғам өзгерген сайын қауіпсіздік жүйесі де өзгеруі тиіс. Цифрлық технологиялар полицияға қылмыстың алдын алуға, оқиғаларға жедел әрекет етуге, азаматтармен байланысты жақсартуға және қызметтің ашықтығын арттыруға мүмкіндік береді.Бірақ цифрландыру тек техникалық жаңғырту емес. Бұл — полицияның жұмыс мәдениетін, басқару тәсілін және азаматтармен қарым-қатынасын жаңарту.«Цифрландырудың негізгі мақсаты — тек техникалық мүмкіндіктерді арттыру емес, ең алдымен азаматтардың қауіпсіздігін қамтамасыз ету, құқық бұзушылықтың алдын алу және заң мен тәртіп қағидатын нақты іспен жүзеге асыру. Заманауи технологияларды тиімді пайдалану арқылы полицияның жеделдігі мен ашықтығын арттырып, халықтың қауіпсіздікке деген сенімін нығайтуға мүмкіндік бар», — деді Қызылорда облысы Полиция департаментінің бастығы, полиция полковнигі Ергешов Серік Жүрсінбайұлы.Заң үстемдік еткен, тәртіп орныққан қоғамда ғана қауіпсіз әрі тұрақты орта қалыптасады. Сондықтан цифрлық технологияларды тиімді пайдалану арқылы құқық бұзушылықтың алдын алу, азаматтардың құқықтарын қорғау және қоғамдық тәртіпті сақтау — полиция қызметінің маңызды басымдықтарының бірі.Заманауи полиция — технологияны меңгерген ғана емес, оны азаматтардың қауіпсіздігі, заңдылық, тәртіп және қоғамдық сенім үшін дұрыс пайдалана алатын полиция.«Заң және тәртіп» — қауіпсіз қоғамның берік негізі. Ал цифрландыру — осы мақсатқа жетудің заманауи әрі тиімді тетігі.<img src="https://knadmin.beoblood.kz/uploads/Whats_App_Image_2026_09_04_at_11_48_37_7b90e7db2f.jpeg" alt="Цифрландыру 2.jpeg">

Қауіпсіздікке серпін берген цифрландыру

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаментінің қызметкерлерімен «Заң мен тәртіп» қағидатын насихаттау және жастар арасында құқық бұзушылықтардың алдын алу мақсатында профилактикалық кездесу өтті.Іс-шараға Қызылорда облысы Полиция департаментінің Киберқылмыстарға қарсы іс-қимыл басқармасының қызметкері, полиция подполковнигі Ермаханов Нұртілек Тұрмаханұлы және Есірткі қылмыстарына қарсы іс-қимыл басқармасының қызметкері, полиция капитаны Ахмет Темірхан Асқатұлы қатысты.Кездезу Жамбыл атындағы атындағы №120 орта мектебінің 9-11 сынып оқушылары арасында ұйымдастырылып, есірткі қылмыстарының және интернет алаяқтықтың алдын алу мәселелеріне арналды.Полиция қызметкерлері оқушыларға «Заң мен тәртіп» қағидаты ең алдымен әр адамның жеке жауапкершілігінен басталатынын атап өтті. Заң талаптарын сақтау, өзгенің құқықтарын құрметтеу және әрбір әрекеттің салдарын алдын ала бағалай білу – қауіпсіз қоғам қалыптастырудың негізгі шарттарының бірі екені түсіндірілді.Әсіресе, жасөспірімдерге интернет кеңістігіндегі қауіптер туралы кеңінен ақпарат берілді. Қазіргі таңда әлеуметтік желілер мен мессенджерлер қарым-қатынас пен білім алудың тиімді құралы болғанымен, олардың ішінде интернет алаяқтық, жалған аккаунттар, күмәнді сілтемелер, қаржылық схемалар және заңсыз ұсыныстар сияқты қауіптердің бар екені ескертілді.Оқушыларға бейтаныс адамдардың қоңырауларына немесе хабарламаларына сенбеу, банк картасының деректерін, SMS-кодтарды, құпиясөздерді және өзге де жеке ақпараттарды бөгде адамдарға бермеу қажеттігі түсіндірілді. Сондай-ақ әлеуметтік желілерде күмәнді сілтемелерге өтпеу және «оңай ақша табу» туралы ұсыныстарға сақтықпен қарау керектігі айтылды.Кездесу барысында есірткі қылмыстарына тарту тәсілдеріне де ерекше назар аударылды. Жасөспірімдерге «курьер болып жұмыс істе», «бір затты апарып бер», «ештеңе болмайды», «бәрі заңды» деген сияқты ұсыныстардың артында заңсыз әрекеттер тұруы мүмкін екені ескертілді.Полиция қызметкерлері оқушыларға күмәнді тапсырма ұсынылған жағдайда ең алдымен:* Бұл тапсырманы кім ұсынып отыр? * Нақты не істеу қажет? * Неліктен бұл жұмыс үшін оңай әрі көп ақша ұсынылуда? деген сұрақтарға жауап іздеудің маңыздылығын түсіндірді.Сонымен қатар оқушыларға «Саған ештеңе болмайды» деген сөзге сенбеу, бір сәттік пайда үшін болашақты тәуекелге салмау қажеттігі айтылды. Заңсыз ұсыныстан бас тарта білу – әлсіздік емес, керісінше, өз өмірі мен болашағына жауапкершілікпен қарайтын адамның дұрыс таңдауы екені жеткізілді.Полиция өкілдері жасөспірімдерге кез келген күмәнді жағдайды жасырмай, ата-анасына, мұғалімге, психологқа немесе полиция қызметкеріне дер кезінде хабарлауға шақырды.Құқықтық сауаттылық – қауіптен қорғанудың ең тиімді жолдарының бірі. Ал дұрыс шешім қабылдау – әр адамның өз қолында.Кездесу соңында оқушылар өздерін қызықтырған сұрақтарын қойып, мамандардан құқықтық және ақпараттық қауіпсіздікке қатысты нақты жауаптар алды.Мұндай профилактикалық іс-шаралар жастардың құқықтық сауаттылығын арттыруға, есірткі қылмыстары мен интернет алаяқтықтың алдын алуға және қоғамда «Заң мен тәртіп» қағидатын қалыптастыруға бағытталған.

«Заң мен тәртіп»: Жастармен профилактикалық кездесу өтті

<a href="https://kyzylorda-news.kz/">Kyzylorda-news.kz</a> Қазақстанда азаматтық қоғамды нығайту мен құқықтық мәдениетті қалыптастыру бағытында ауқымды жұмыстар атқарылуда. Бүгінгі таңда еліміздің барлық аймақтарында «Адал азамат – белсенді қоғам» жобасы аясында жобалық кеңселері өз жұмысын қарқынды жүргізіп жатыр. Қазақстанның Азаматтық Альянсының бастамасымен қолға алынған бұл маңызды жоба ҚР Мәдениет және ақпарат министрлігінің қаржыландыруымен жүзеге асырылуда.Бұл бастама Сыр өңірінде Қызылорда облысының Үкіметтік емес ұйымдары альянсының базасында Қызылорда облысының Қоғамдық даму басқармасы және Қызылорда облысының Мәдениет, архивтер және құжаттама басқармасының қолдауымен жүргізілуде. Жобалық кеңсе жергілікті үкіметтік емес ұйымдар, бастамашыл топтар және белсенді азаматтар үшін бірнеше қызметтер түрін қарастырды. Мұнда кез келген белсенді азамат, қоғамдық ұйым өкілдері өз жобаларын ілгерілету үшін жан-жақты көмек ала алады: консультациялық көмек (жобаларды жоспарлау мен ұйымдастыру); құқықтық қолдау (заңнамалық мәселелер мен құжаттандыру); қаржылық кеңестер (гранттармен жұмыс және есептілік); әдістемелік көмек (тренингтер, семинарлар мен тиімді құралдар). Басты мақсат - &nbsp;азаматтық бастамалардың сапасын арттыру және мемлекет пен қоғам арасындағы байланысты нығайту.Жоба аясында ұйымдастырылатын дәстүрлі семинарлар, тренингтер мен жеке кеңестерден бөлек, аймақта арнайы пікірталас клубы құрылды. Бұл клуб үшінші сектордың өзекті мәселелерін, қоғамдағы түйткілдер мен жаңа мүмкіндіктерді талқылайтын, сондай-ақ азаматтық құндылықтар мен &nbsp;қарым-қатынастарды дәріптейтін ашық диалог алаңына айналды.Қазіргі уақытқа дейін дискуссиялық клубтың төрт отырысы жоғары деңгейде ұйымдастырылды. Оның жұмысына белгілі қоғам қайраткерлері, академиялық орта өкілдері, ғалымдар мен кәсіпкерлер белсенді қатысып, өз ойларын ортаға салды. &nbsp;Мысалға, &nbsp;Нартай Бекежанов атындағы академиялық музыкалық-драма театрының директоры Мұхтар Ниязов өз сөзінде ұлттық мәдени кодтың азаматтық сана-сезім мен шынайы патриотизмді қалыптастыруға тигізетін тікелей әсері мен маңызына кеңінен тоқталды. Еңбек заңнамасы мәселелері жөніндегі ұлттық сарапшы, Тұрақты даму агенттігінің директоры Майра Боранбаева еңбек тәртібін нығайту, тәлімгерлік институтын дамыту және еңбек дауларын шешудегі заманауи цифрландыру мүмкіндіктерін өзектендірді. Белгілі тарихшы, ғалым Асхат Сайлау үкіметтік емес ұйымдардың жобалары аясында тарихи тақырыптарды қозғаудың маңыздылығын атап өтіп, қоғамдық сананы жаңғыртуға бағытталған бірқатар механизмдерді ұсынды. Журналист Айткүл Шалғынбаева ақпараттық кеңістікті талдауды үйретуге бағытталған ҮЕҰ жобаларының маңыздылығын атап өтті.«Адал азамат – белсенді қоғам» жобасы Қызылорда облысындағы үшінші сектордың әлеуетін арттырып қана қоймай, жергілікті тұрғындардың азаматтық белсенділігін жаңа деңгейге көтеруде. Мұндай ашық алаңдар мен тұрақты қолдау тетіктері елімізде әділетті, ашық және дамыған азаматтық қоғам құрудың берік негізі болып табылады. Дискуссиялық клубтың тұрақты аудиториясы қалыптасқаны өте маңызды. Қатысушылардың пікірлері ұсыныстар ретінде жинақталып, мемлекеттік органдарға жолданады.

«Адал азамат – белсенді қоғам»: Сыр өңірінде үшінші секторды дамытудың жаңа серпіні қалыптасуда

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде күзгі өнім жинау мерекесі аясында «Қауын пати» танымдық-мәдени іс-шарасы ұйымдастырылды.Іс-шараны ұйымдастырудағы мақсат – Сыр өңірінің ауыл шаруашылығы өнімдерін кеңінен насихаттап, бақша дақылдарының ерекшеліктерін таныстыру.&nbsp;Жиында Сыр өңірінде өсірілетін мырзашөл, эфиопка, саржау, қара күләбі, әміре және пиель де сапо сияқты қауын сорттары таныстырылды. Университеттің «Биология, география және химия» білім беру бағдарламасының аға оқытушы, ауыл шаруашылығы ғылымдарының кандидаты Самалбек Қосанов әр сорттың қасиеті, өсірілу ерекшелігі және өңір жағдайына бейімділігі жөнінде ақпарат берді.Қатысушылар әр сорттың дәмін татып, баға берді. Дауыс беру қорытындысы бойынша пиель де сапо сорты жоғары бағаланып, Сыр қауындарының арасында үздік атанды.<blockquote>- Бұл – испандық селекция өнімі. Соңғы үш жылда оңтүстік аймақтарда, әсіресе, Шиелі ауданында кең көлемде өсіріліп келеді. Сыртқы пішіні қара күләбіге ұқсас, дәмі ерекше, өзіне тән хош иісі бар. Салмағы 2-3 келі шамасында, яғни еуропалық стандартқа сәйкес келетін порциялық будан, - деді Самалбек Қосанов.</blockquote>Өңірде осы сияқты шет елдерден әкелінген сорттарды жергілікті климаттық-табиғи жағдайға бейімдеуге баса мән беріліп отыр.<img src="https://knadmin.beoblood.kz/uploads/auyn_pati_2_27c5b7f9f4.jpg" alt="Қауын пати 2.jpg">

Қызылордада «Қауын пати» танымдық-мәдени іс-шарасы ұйымдастырылды

<a href="https://kyzylorda-news.kz/">Kyzylorda-news.kz</a> Нью-Йорк, 2026 жылғы 31 тамыз - Біріккен Ұлттар Ұйымының Бас Ассамблеясы Қазақстан Республикасының бастамасымен әзірленген «Халықаралық планетаны көгалдандыру күні» қарарын қабылдап, 22 сәуірді Халықаралық планетаны көгалдандыру күні деп жариялады.Халықаралық күнді белгілеу туралы бастаманы Қазақстан Республикасының Президенті Қасым-Жомарт Тоқаев 2025 жылғы қыркүйекте БҰҰ Бас Ассамблеясының 80-сессиясының жалпы пікірталастары барысында ұсынған болатын.Қарарға әлемнің түрлі өңірлерін білдіретін 32 мемлекет тең автор болды. Бұл аталған бастаманың халықаралық қоғамдастық үшін сұранысқа ие әрі өзекті екенін көрсетеді.Қарардың қабылдануы Қазақстанның жаһандық экологиялық күн тәртібін ілгерілетуге және қоршаған ортаны қорғау, экожүйелерді қалпына келтіру, жасыл желектер аумағын кеңейту және экологиялық мәдениетті қалыптастыру бағытындағы халықаралық күш-жігерді біріктіруге қосып келе жатқан дәйекті үлесін көрсетеді.Құжат әлемдік қоғамдастықтың көгалдандыру мен табиғи экожүйелерді қалпына келтірудің маңыздылығы туралы хабардарлығын арттыруға, сондай-ақ мемлекеттерді, БҰҰ жүйесін, халықаралық және өңірлік ұйымдарды, азаматтық қоғамды және басқа да мүдделі тараптарды тиісті іс-шаралар мен бастамаларды жүзеге асыруға ынталандыруға бағытталған.Халықаралық күннің белгіленуі Қазақстанда жүзеге асырылып жатқан қоршаған ортаға жауапкершілікпен қарауды қалыптастыруға, аумақтарды абаттандыруға және қоғамның экологиялық мәдениетін арттыруға бағытталған «Таза Қазақстан» жалпыұлттық экологиялық акциясының мақсаттарымен үндеседі.Қарардың қабылдануы Мемлекет басшысының тағы бір халықаралық бастамасының іс жүзінде жүзеге асырылуы болды және Қазақстанның орнықты даму мен болашақ ұрпақ үшін қоршаған ортаны сақтауға бағытталған көпжақты ынтымақтастықты нығайту жөніндегі тәсілдерінің сұранысқа ие екенін растайды.Сурет: gov.kz

Қазақстанның бастамасымен БҰҰ Бас Ассамблеясы Халықаралық планетаны көгалдандыру күнін жариялады

<a href="https://kyzylorda-news.kz/">Kyzylorda-news.kz</a> 2026 жылғы 1 қыркүйектен бастап Қазақстан Республикасында ауылдық шағын жинақты мектептердің білім беру үдерісіне жасанды интеллект технологияларын енгізуге бағытталған ұлттық білім беру платформасының пилоттық жобасы іске қосылды.Пилоттық жобаға алғашқы кезеңде Қызылорда және Павлодар облыстарының 10 шағын жинақты мектебі қатысуда. Оның ішінде Қызылорда облысынан Арал ауданындағы №58, №227 және №22 мектептер, Қазалы ауданындағы №259 мектеп және Шиелі ауданындағы №84 шағын жинақты мектеп пилоттық жобаға енгізілді.Жобаның алғашқы сабағына Қазақстан Республикасы Премьер-Министрінің орынбасары – Жасанды интеллект және цифрлық даму министрінің міндетін атқарушы Жаслан Мәдиев қатысты.Жоба аясында ауыл мектептерінің оқушыларына сабақтарды Астана қаласының жетекші педагогтері арнайы студиядан тікелей эфир арқылы өткізеді. Оқушылар цифрлық платформа арқылы онлайн қосылып, білім алады. Ал мектептердегі жергілікті педагогтер онлайн және офлайн оқыту үдерістерін үйлестіріп, оқушыларға әдістемелік қолдау көрсетеді.Ұлттық платформа тікелей оқытуды, заманауи білім беру контентін және жасанды интеллект құралдарын біріктіреді. Бұл өз кезегінде ауылдық шағын жинақты мектептердің оқушыларына тәжірибелі педагогтердің сапалы білім беруіне қолжетімділікті кеңейтіп, қала және ауыл мектептері арасындағы білім сапасындағы алшақтықты төмендетуге мүмкіндік береді.Жобаны іске асыру аясында 2026 жылғы 21–25 тамыз аралығында Астана қаласында педагогтерге арналған ALFA Kazakhstan Teacher Training Camp бес күндік оқыту бағдарламасы ұйымдастырылды. Оқу барысында мұғалімдер жасанды интеллект платформасын пайдалану және бірлескен оқыту моделін тиімді жүзеге асыру бағытында арнайы даярлықтан өтті.Алдағы кезеңде пилоттық жобаның нәтижелері негізінде ұлттық платформаны еліміздің өзге өңірлеріндегі мектептерге кезең-кезеңімен кеңейту жоспарлануда.

Қазақстанда ауыл мектептерінде жасанды интеллект білім беру платформасының пилоттық жобасы іске қосылды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Мемлекет басшысының бастамасымен жүзеге асып жатқан “Таза Қазақстан” экологиялық акциясы аясында Шиелі ауданындағы абаттандыру және көгалдандыру жұмыстарының барысын аралап, атқарылып жатқан жұмыстарды жан-жақты саралады.Аралау барысында кент аумағындағы орталық көшелердің тазалығы, санитарлық жағдайы, кәсіпкерлік нысандардың сыртқы келбеті, демалыс орындарын күтіп ұстау назарға алынды.&nbsp;Сонымен қатар, аудан тұрғындарының қауіпсіз ортаны қалыптастыру үшін аудан басшысы жаңа жобаларды қолға алып, жол көлік оқиғаларының алдын алу және жол кептелістерін болдырмау мақсатында автомобиль жолдарын салу мәселесін айқындады. Сондай-ақ жол бойындағы ретсіз қоқыс орындарын жою, көше бойларын біріздендіру және қоғамдық орындардың эстетикалық келбетін жақсарту бағытындағы жұмыстар пысықталды.Аудан әкімі көркейту-көгалдандыру жұмыстарының сапалы әрі белгіленген мерзімде орындалуы маңызды екенін атап өтіп, жауапты сала басшыларына нақты тапсырмалар жүктеді. Әсіресе, тазалық жұмыстарын жүйелі түрде жүргізу, тұрғындардың экологиялық мәдениетін қалыптастыру бағытындағы жұмыстарды күшейту қажеттігін айтты.Сондай-ақ, аудан басшысы Айтбай Жандарбеков тазалық пен тәртіп - баршаға ортақ міндет екенін атап өтіп, тұрғындарды туған жердің тазалығына бейжай қарамай, қоршаған ортаны қорғау мен елді мекеннің көркеюіне бір кісідей атсалысуға шақырды.<img src="https://knadmin.beoblood.kz/uploads/Shieli_abattandyru_zh_mystary_2_e789dc3237.jpg" alt="Шиелі абаттандыру жұмыстары 2.jpg">

«Таза Қазақстан»: Шиелі ауданында абаттандыру мен тазалық жұмыстары жүйелі жалғасуда

<a href="https://kyzylorda-news.kz/">Kyzylorda-news.kz</a> Отан қорғау – әр азаматтың қасиетті борышы. Әскери қызмет – ер жігіттің азаматтық жауапкершілігін арттырып, елге деген сүйіспеншілігін нығайтатын маңызды мектеп.Қазалы ауданында күзгі мерзімді әскери қызметке шақырылған азаматтарды әскер қатарына шығарып салуға арналған патриоттық іс-шара өтті.Қазалы мәдени-демалыс кешенінің «Даңқ» аллеясында ұйымдастырылған шараға аудан әкімінің орынбасары Жәнібек Алиев, аудандық қорғаныс істері бөлімінің бастығы Нұрлыбек Сейтханов, Ауған соғысының ардагері, «Қызыл Жұлдыз» орденінің иегері Күмісбай Серікбаев, әскерге шақырылушылардың ата-аналары мен аудан жастары қатысты.Іс-шара барысында сөз алған аудан әкімінің орынбасары Жәнібек Алмасұлы жас сарбаздарға ақ жол тілеп, әскери тәртіпті қатаң сақтап, Отан алдындағы азаматтық борыштарын абыроймен өтеудің маңыздылығына тоқталды.<blockquote>«Әскер – азаматтың өміріндегі маңызды кезеңдердің бірі. Бұл жерде сіздер жауапкершілікті, тәртіпті, отансүйгіштікті және бірлік пен өзара қолдауды үйренесіздер. Ел қорғау – үлкен мәртебе әрі жауапкершілік. Сондықтан әскери міндеттеріңізді адал атқарып, ата-аналарыңыздың, туған жерлеріңіз бен елдің үмітін ақтайтын азамат болыңыздар. Әскери қызметті абыроймен атқарып, туған жерге аман-есен оралуларыңызға тілектеспін. Алдарыңыздан ақ жол ашылып, қызметте жақсы жағынан көрініп, болашақта ел игілігіне қызмет ететін білікті маман болуларыңызға тілектеспін», – деді Жәнібек Алмасұлы.</blockquote>Сондай-ақ шарада аудандық қорғаныс істері бөлімінің бастығы Нұрлыбек Сейтханов пен Ауған соғысының ардагері Күмісбай Серікбаев жас сарбаздарға әскери қызметтің маңызы жөнінде айтып, ел қорғау жолында табандылық пен жігер танытуға шақырды.Жас сарбаздарға ата-аналары да ақ батасын беріп, ел алдындағы міндеттерін абыроймен атқарып, аман-есен елге оралуына тілектестігін білдірді.Айта кетейік, күзгі мерзімді әскери қызметке аттанған 10 қазалылық азамат Қазақстан Республикасы Ұлттық қауіпсіздік комитеті Шекара қызметінің әскери бөлімдерінде Отан алдындағы борыштарын өтейтін болады.&nbsp;

Қазалылық жастар Отан алдындағы азаматтық парызын өтеуге аттанды

<a href="https://kyzylorda-news.kz/">Kyzylorda-news.kz</a> Қызылордадағы "Студенттер сарайында" Қазақстан Республикасының Президенті Қасым-Жомарт Кемелұлы Тоқаевтың «Әділетті қоғамға – шыншыл сөз» атты кітабын талқылауға арналған өңірлік дөңгелек үстел өтті.Алқалы жиынды облыс әкімінің орынбасары Мейрамбек Шермағанбет жүргізді. Оған зиялы қауым, мемлекет және қоғам қайраткерлері, ғылыми-академиялық орта өкілдері, заңгерлер мен белсенді жастар қатысты.Жиында Мемлекет басшысының еңбегінде көтерілген негізгі тақырыптар, қоғамдық-саяси, әлеуметтік, рухани-адамгершілік мәселелер мен ел дамуының стратегиялық бағыттары жан-жақты талқыланды.Мемлекет және қоғам қайраткері Мұрат Бақтиярұлы «Әділетті Қазақстан, Таза Қазақстан, халықаралық саясат» атты баяндамасында еліміздегі жүйелі реформалар, қоғамдық жауапкершілік және экологиялық бастамалардың өзара сабақтастығына тоқталды.Қорқыт ата атындағы Қызылорда университетінің басқарма төрағасы – ректоры, облыстық қоғамдық кеңес төрағасы Наурызбай Байқадамов өз баяндамасында бәсекеге қабілетті ұлт қалыптастырудағы сапалы білім, ғылым мен тиімді мемлекеттік басқарудың маңызын атап өтті.Қазақстан Жазушылар одағы облыстық филиалының төрағасы Қаршыға Есімсейітова «Тарих, мәдениет және руханият туралы пайымдар» тақырыбында ұлттық құндылықтарды сақтау, тарихи сананы жаңғырту және рухани сабақтастық мәселелерін ортаға салды.Қазақстан Республикасы Президенті жанындағы Мемлекеттік басқару академиясы Қызылорда облысы бойынша филиалының директоры, заң ғылымдарының кандидаты Ақзада Мадалиева «Конституция және Заң мен Тәртіп» тақырыбындағы баяндамасында құқықтық мемлекетті нығайту, заң үстемдігін қамтамасыз ету және азаматтық жауапкершілікті арттыру мәселелерін саралады.Қорқыт ата атындағы Қызылорда университетінің философия докторы (PhD) Серікхан Жүзеев «Жастарға арналған ойлар: білім, еңбек, жауапкершілік және болашақ» тақырыбында сөз сөйлеп, жас ұрпақтың бойында білімге ұмтылыс, еңбекқорлық, отаншылдық және жауапкершілік құндылықтарын қалыптастырудың маңызын атап өтті.Дөңгелек үстелге қатысушылар Мемлекет басшысының еңбегіндегі әділеттілік, заң үстемдігі, ашықтық, адал еңбек пен жауапкершілік қағидаттарының қоғам дамуындағы маңызын жан-жақты талқылады.Пікір алмасу кезінде «Заң мен Тәртіп» қағидатын қоғамдық санада орнықтыру, ұлттық руханиятты дамыту, білім мен ғылымның беделін арттыру, жастарды адал еңбек пен азаматтық жауапкершілікке баулубойынша ұсыныстар айтылды.Жиын Мемлекет басшысының еңбегінде көтерілген бастамалар мен құндылықтарды қоғамда кеңінен насихаттауға, ел болашағына қатысты өзекті мәселелер төңірегінде мазмұнды пікір алмасуға мүмкіндік берген маңызды диалог алаңына айналды.

Қызылордада Мемлекет басшысының «Әділетті қоғамға – шыншыл сөз» кітабы талқыланды

<a href="https://kyzylorda-news.kz/">Kyzylorda-news.kz</a> Тіл – ұлттың жаны, халықтың рухани өзегі. Ана тілін ардақтау – елдікті, ұлттық болмысты, атадан балаға жалғасқан асыл мұраны құрметтеу деген сөз. Мемлекеттік тілдің мәртебесін көтеру, оның қадір-қасиетін жас ұрпаққа насихаттау мақсатында елімізде жыл сайын түрлі тағылымды іс-шаралар ұйымдастырылып келеді.Осы игі бастамалардың жалғасы ретінде 5 қыркүйек – Қазақстан халқының тілдері күніне орай және қазақтың көрнекті ағартушысы, ақын, ғалым, қазақ тіл білімінің негізін қалаушы, ұлт ұстазы Ахмет Байтұрсынұлының туғанына 154 жыл толуына арналған «Ұлт ұстазы ұлықтаған ұлы тіл» атты облыстық жыр мүшәйрасы болып өтті.Тағылымды шараны Мәдениет және тілдерді дамыту бөлімі ұйымдастырды. Мүшәйраның негізгі мақсаты – мемлекеттік тілдің мәртебесін арттыру, қазақ тілінің көркемдігі мен құдіретін кеңінен насихаттау, ұлттық әдебиетке деген қызығушылықты арттыру, жас таланттарға қолдау көрсету және Ахмет Байтұрсынұлының ұлт үшін атқарған өлшеусіз еңбегін кейінгі ұрпаққа дәріптеу.Ахмет Байтұрсынұлы – қазақ халқының рухани тарихында айрықша орны бар ұлы тұлға. Ол бар ғұмырын халқына қызмет етуге арнап, қазақтың сауатын ашуға, ана тілін зерттеуге, ұлттық жазу мен білім беру ісін дамытуға зор еңбек сіңірді. Ғалымның қазақ тілінің ғылыми жүйесін қалыптастырудағы еңбегі бүгінгі күнге дейін маңызын жойған жоқ. &nbsp;Оның тіл, әдебиет, ұлт тағдыры жөніндегі ойлары жас ұрпаққа бағыт-бағдар беретін рухани мұра болып қала береді.Ұлт ұстазының өнегелі өмір жолын дәріптеу мен ана тіліміздің абыройын асқақтатуды мақсат еткен жыр мүшәйрасы да мазмұны мен тәрбиелік мәні жағынан ерекше болды. Жыр додасына қатысушылар өз шығармаларында қазақ тілінің қасиетін, туған жердің қадірін, ел мен жерге деген сүйіспеншілікті, Отанға деген адалдықты, ұлттық құндылықтарды арқау етті.Көркем сөздің қуатын сезінген қатысушылар өз жырларын мәнерлеп оқып, тыңдарманға ой саларлық өлеңдерін ұсынды. Әрбір шығармада ана тілін құрметтеу, туған елге деген мақтаныш, ұлттық рухты биік ұстау секілді маңызды тақырыптар көрініс тапты. Ақындық өнер арқылы қазақ тілінің байлығы мен бейнелілігін танытуға талпынған қатысушылардың өнері көрерменнің көңілінен шықты. Мүшәйраның мазмұнын байыта түскен ерекше сәттердің бірі – Отан алдындағы азаматтық борышын өтеп жүрген 5547 әскери бөлімінің 1 взвод 2 бөлімше сарбазы, атқыш Балтабаев Біржан мен 3 взвод 3 бөлімше аға сарбазы Керімбектің Абайдың жыр додасына қатысуы болды.Ел тыныштығын күзетіп, әскери міндетін абыроймен атқарып жүрген сарбаздардың ана тіліне арналған шығармашылық сайысқа қатысуы көпшілікке ерекше әсер қалдырды. Әскери киімдегі жас жігіттердің сахна төріне шығып, қазақтың қасиетті тілін жырға қосуы – Отанға деген сүйіспеншіліктің, ұлттық рухтың жарқын көрінісіндей әсер қалдырды.Сайыс барысында Балтабаев Біржан мен Керімбек Абай өз өнерлерін ортаға салып, жыр сүйер қауымның ыстық ықыласына бөленді. Сарбаздардың орындауындағы өлеңдер мазмұндылығымен, отансүйгіштік рухымен ерекшеленді. Туған жерге, елге, ана тілге деген сүйіспеншілікті жырлаған олардың өнері әділ қазы алқалары мен көрермен тарапынан жоғары бағаланып, зор қошеметке ие болды.Жас сарбаздардың әскери міндетін атқарып қана қоймай, ұлттық өнер мен әдебиетке деген қызығушылығын танытып, мемлекеттік тілдің мәртебесін көтеруге бағытталған шараға белсенді қатысуы – көпке үлгі боларлық іс. Себебі Отанға қызмет ету тек ел шекарасын қорғаумен ғана шектелмейді. Елдің тарихын, мәдениетін, тілін, дәстүрін құрметтеу де – азаматтық парыздың маңызды бөлігі.Мәдениет пен руханият тоғысқан шара барысында көрермендер де қатысушылардың өнеріне қолдау білдіріп, әрбір сәтін ықыласпен тамашалады. Әсіресе, сарбаздардың өнер көрсетуі көпшілікке көтеріңкі көңіл-күй сыйлап, олардың бойындағы өнерге деген құштарлықты айқын аңғартты.Мүшәйра соңында белсенділік танытып, өнерлерімен көпшіліктің көңілінен шыққан 5547 әскери бөлімінің сарбаздары Балтабаев Біржан мен Керімбек Абайға Алғыс хат табысталып, бағалы сыйлықтар табыс етілді. Бұл марапат – олардың жыр мүшәйрасына белсенді қатысқанына, ана тілін дәріптеуге қосқан үлесіне берілген лайықты баға.Фатима Маратова,Тәрбие және әлеуметтік-құықтаржөніндегі бөлімше бастығыныңаға көмекшісі&nbsp;

«Ұлт ұстазы ұлықтаған ұлы тіл» атты облыстық жыр мүшәйрасы өтті

<a href="https://kyzylorda-news.kz/">Kyzylorda-news.kz</a> Қаламын серік етіп, ғұмырын журналистикаға арнаған ардагер- журналист, жазушы-сатирик Қайырбек Мырзахметұлы 90 жасқа толды. Қаламгер тоқсанның төріне шықса да қолынан қаламын тастамай, әлі де болса әлеумет үшін қызмет етіп келеді.&nbsp;Мерейлі жасқа орай Қайырбек Мырзахметұлын бір топ азамат арнайы үйіне барып құттықтады. Қаламгерге облыс әкімі Мұрат Ергешбаевтың &nbsp;құттықтау хатын облыстық қоғамдық даму басқармасының басшысы Руслан Қаюпов табыстап, шапан жапты. Сондай-ақ облыстық ардагерлер кеңесінің атынан Күләй Ермағамбетова мен Жұмабек Әлиев ардагер-журналисті мерейтойымен құттықтап, облыстық ардагерлер кеңесінің төрағасы Серік Дүйсенбаевтың құттықтау хатын табыстады. Қос азамат мерейтой иесінің &nbsp;иығына шапан жауып, ақжарма тілегін жеткізді.Қайырбек Мырзахметұлын әріптестері де арнайы құттықтады. «Сыр медиа» ЖШС бас директоры Марат Аралбаев пен Қазақстан Журналистер одағы Қызылорда облыстық филиалының төрағасы Қуат Шарабидинов, сала ардагерлері Кенжалы Ерімбетов пен Бақыт Қайымов қаламгерге баспадан күні бүгін шыққан «Армысың, 90!» атты жаңа кітабын табыс етті.&nbsp;<img src="https://knadmin.beoblood.kz/uploads/Whats_App_Image_2026_09_03_at_16_02_17_792554ed26.jpeg" alt="Қайырбек Мырзахметұлы 90 жас мерейтой.jpeg">Бұл – мерейтой иесінің қаламгерлік жолындағы кезекті еңбегі. Қайырбек Мырзахметұлы осы күнгі Қоғалыкөл ауылында дүниеге келген. Елу жылдан астам уақыт бойы облыстық «Сыр бойы» газетінде еңбек етіп, журналистиканың ыстығына күйіп, суығына тоңған ардагер өңірдің қоғамдық өмірін, ел ішіндегі елеулі оқиғаларды жазып, талай буын оқырманға ой салды. Қаламгердің қаламынан «Сыр перзенті», «Менің бабаларым», «Ағалар салған жол», «Сырда туып, Сырда өстім», «Аманат», «Көзкөргендер» &nbsp;сынды кітаптар дүниеге келді. Енді міне, тоқсанның төріне шыққан шағында оқырманға «Армысың, 90!» атты жаңа кітабын ұсынып отыр. Бұл кітапты қаламгердің тоқсан жылдық ғұмырының, шығармашылық жолының, елмен етене араласқан өмірінің бір үзік шежіресі деуге болады.<blockquote>– Тоқсанға келсем де қолымнан қаламымды тастамадым. Оқырманның талабы бөлек. Оншақты газет аламын, астын сызып оқып отырамын. Әсіресе «Сыр бойына» деген құрметім бөлек. Барған жерімде газетке жазылуды насихаттап жүремін, – деген Қайырбек Мырзахметұлы құттықтап келген азаматтарға алғыс айтып, ризашылығын білдірді.</blockquote>Сурет: Нұрболат Нұржаубай

Қарымды қаламгердің мерейтойымен құттықтады

<a href="https://kyzylorda-news.kz/">Kyzylorda-news.kz</a> Бүгінгі таңда Сырдария өзені арқылы аудан аумағына 185 текше метр су келіп түсуде. Алдағы күндері Шардара су қоймасынан Сырдария өзенінің төменгі ағысына қарай секундына 250-300 текше метрге дейін су көлемі жіберіледі деп күтілуде. Қазір Ә.Тыныбаев атындағы су торабы арқылы Ақсай арнасына 3, «Оң жаға» каналына 7, «Сол жаға» каналына 10 текше метр секундына су жіберілуде.Осыған сәйкес, бүгін Қазақстан Республикасы Су ресурстары және ирригация министрлігінің Су ресурстарын реттеу, қорғау және пайдалану комитетінің төрағасы Сейілбек Нұрымбетов пен Арал-Сырдария бассейндік инспекциясының басшысы Зейнулла Қазтоғанов ауданға жұмыс сапарымен келді.Жұмыс сапары барысында комитет төрағасы мен инспекция басшысы аудан әкімі Алмасбек Есмахановпен бірге Ә.Тыныбаев атындағы су торабына барып, Сырдария өзеніне келіп жатқан суды тиімді пайдалану, оны реттеу және ауыл шаруашылығы саласына бағыттау мәселелерін талқылады.Кездесу барысында комитет төрағасы Сейілбек Нұрымбетов өңірдегі барлық дарияаралық, шабындық каналдар мен көлдер жүйесіне суды жеткізіп, толықтыру қажеттігі жөнінде мәселелер талқыланды.Су торабынан кейін ауданға жұмыс сапарымен келген делегация құрамын аудан басшысы Басықара ауылындағы «АралРыбторг» ЖШС-нің құны 650 млн теңге болатын тауарлы балық өсіру тоғанының жұмысымен таныстырды. Өткен жылдың қазан айында аталған шаруашылықтың балық өсіру тоғандарына 360 мың дана тұқым әкелініп салынған. Бүгінде шаруашылықта тоғандардан балық жинау жұмыстарына дайындық жұмыстары жүргізілуде. Балық жинау жұмыстары қазан айында жүргізілмек.«Арал Рыбторг» ЖШС-нің жетекшісі Қуаныш Өмірзақовтың айтуынша қазан айында тоғандардан 500 тоннаға жуық тауарлы балық алу жоспарлап отыр. Негізгі мақсат - өсірілген балықтардан тауарлы балық шығару және оны халықтың игілігіне жарату.

Қазақстан және Қызылорда облысының жаңалықтары: Қоғам