<a href="https://kyzylorda-news.kz/">Kyzylorda-news.kz</a> 9 желтоқсанда Талғар қаласының шет жағынан марқұм Шерзат Полаттың ағасы Нұрқанат Ғайыпбаевтың мәйіті табылды. Шерзаттың әкесі Қаржаубай Нұрымов інісі көз жұмған жерді видеоға түсіріп, оны қалай тауып алғанын айтып берді. Бұл туралы Stan.kz ақпарат агенттігі хабарлайды. Қаржаубай Нұрымов інісінің мәйітін өзі тапқан. Оның оқиға орнының көрсеткен видеосы желіде тарады. Нұрымовтың сөзінше, інісі көлігін оталған күйі тастап кетіп, оқиға орнына дейін жаяу барған.<blockquote>"Бір кісілер көлікті көріп, осы&nbsp;жерде деп айтқаннан кейін бейіттің басына&nbsp;келдік. Келгенімізде көліктің есігі ашық еді, ішінде екі телефон бар. Оталып тұрған сияқты, нақты есімде емес. Осы жерден қардың үстіндегі жалғыз іздің артынан жүрдік. Жардан түсіп, төмен тас жолға қарай жүреді. Мына жерден адамның түсуі қиын. Жардан түсіп, 500-700 метр тас жолға қарай жақындайды. Іздің артына түсіп барғанымызда трассаға жете салған жерде&nbsp;бауырым отыр, жан тапсырған”, –&nbsp;дейді Қаржаубай Нұрымов.&nbsp;</blockquote>Видеодан скрин (оқиға орны)

“Аяғы жерге тиіп, бүктеліп отырған”: Шерзат Полаттың әкесі інісі көз жұмған жерді көрсетті

<a href="https://kyzylorda-news.kz/">Kyzylorda-news.kz</a> Облыстық мәслихаттың XVІІI сессиясы өтіп, күн тәртібінде облыстық бюджетті нақтылау бағытындағы 15 мәселе қаралды. Аймақ басшысы өңірдің әлеуметтік-экономикалық дамуына, алдағы жоспарларға, өткен аптадағы жұмыс сапарының қорытындыларына тоқталды.<blockquote>​«Президентіміз Қасым-Жомарт Кемелұлының Сыр өңірін ерекше қолдауының арқасында бүгінде облысымыздың даму қарқыны жоғары.Аймақтың әлеуметтік-экономикалық дамуында оң тенденция қалыптасты. Барлық негізгі макроэкономикалық көрсеткіш бойынша республикада бірінші орындамыз. Өткен 11 айдың қорытындысымен өнеркәсіп өндірісі 0,8, өңдеу өнеркәсібі 20,6, ауыл шаруашылығы 3, тұрғын үй 15,3, көлік 3,3, сауда 6,5, құрылыс жұмыстарының көлемі 57,5 пайызға артты. Негізгі капиталға 559 млрд. теңге инвестиция тартылып, өсім 20,6 пайызды құрады.​Айта кету қажет, біз аймаққа шетел инвестицияларын, озық технологияларды тарту жұмыстарын белсенді жүргізудеміз. Таяуда ғана өңірдің бизнес өкілдермен бірге Италия, Испания, Түркия елдеріне барып келдік. Сыртқы істер министрлігі, Қазақстанның шетелдегі елшіліктерінің қолдауымен аталған мемлекеттерде өзара тәжірибе алмасулар, маңызды кездесулер өткіздік. Өнеркәсіп қауымдастығының жұмысымен, биохимиялық ерітінділер, медициналық реагенттер, санфаянс пен санитарлық-техникалық бұйымдар, гидрооқшауланған бетон, ауыл, орман шаруашылығына қажет озық датчиктерді шығаратын, тері, жүн өңдейтін өндіріс орындарымен танысып, келіссөздер жүргіздік. Инвестиция тарту жұмыстарын одан әрі жалғастырамыз,» – деді Н.Нәлібаев.</blockquote>Айта кетейік, биыл 189 449 гектарға ауыл шаруашылығы дақылдары егіліп, егін мерзімінде толық жиналды. Негізгі дақыл күріш 85 600 гектарға егіліп, әр гектардан 58 центнерден өнім алынды. Жарты миллион тонна күріш қамбаға құйылды.Халықтың әл-ауқатын көтеру, өмір сүру сапасын жақсарту үшін баспанамен қамту, сапалы инфрақұрылым жүргізу бағытында нақты жұмыстар атқарылуда. Елді мекендерді сапалы ауыз сумен қамтуда 2022 жылдан бері 16 млрд 800 млн теңгенің 55 жобасы жүзеге асырылды. Нәтижесінде халықты орталықтандырылған ауыз сумен қамтамасыз ету деңгейі 98,6 пайызға жетті. Биыл 13 жаңа жобаға 5 млрд. 300 млн. теңге бөлінді. Алдағы жылы облыс аумағындағы барлық елді мекен орталықтандырылған ауыз сумен 100 пайыз қамтамасыз етіледі.Тұрғындарды электр энергиясымен қамту бағытында 11 млрд. теңгеге 38 жоба жүзеге асырылуда. Бұл жобалар толық жүзеге асқанда электр желілерінің тозу деңгейі 62 пайызға төмендейді.Президенттің тікелей қолдауымен Қызылорда қаласында 215 млрд. теңгеге қуаттылығы 240 мегаватт жаңа жылу-электр орталығы салынуда. Бүгінде инвестор «Акса Энерджи» түрік компаниясы құрылысқа 127 млрд. теңгеден астам инвестиция салды. Жаңа жылу-электр станциясы – тәуелсіздік жылдарындағы инвестор қаржысына салынған ең ауқымды, теңдесіз жобалардың бірі. Аймақ үшін айрықша маңызға ие нысан келер жылы ел игілігіне табысталады.Мемлекет басшысының тапсырмасымен оңтүстік өңірлерде электр энергиясының тапшылығын болдырмау мақсатында Қызылорда облысында құны 800 млрд.теңгені құрайтын, қуаттылығы 1100 МВт-тық бу-газ қондырғыларының құрылысы жоспарлануда. «Самұрық Энерго» компаниясы Катар инвесторымен келіссөз жүргізіп, техника-экономикалық негіздеме әзірленуде.Жаңа бу-газ қондырғылары Қызылорда қаласынан Ұлытау облысына шығаберіс аумаққа салынады. Бұл жұмыстарға әкімдік 280 гектар жер телімін бөлді. Станцияны 2029 жылы толығымен іске қосу жоспарланған.<img src="https://knadmin.beoblood.kz/uploads/Oblysty_m_slihatty_XVIII_sessiyasy_tti_1_0e1f9ebbc7.jpg" alt="Облыстық мәслихаттың XVІІI сессиясы өтті 1.jpg"><img src="https://knadmin.beoblood.kz/uploads/Oblysty_m_slihatty_XVIII_sessiyasy_tti_2_53bb963d51.jpg" alt="Облыстық мәслихаттың XVІІI сессиясы өтті 2.jpg">Фото: Қызылорда облысы әкімінің баспасөз қызметі

Облыстық мәслихаттың XVІІI сессиясы өтті

<a href="https://kyzylorda-news.kz/">Kyzylorda-news.kz</a> 16 желтоқсан Қазақстан Республикасы Тәуелсіздігінің 33 жылдығына орай елордада мерекелік отшашу <a href="https://kaz.inform.kz/news/tauelszdk-kunne-oray-otshashu-bolmaydi-elorda-akmdg-b295fd/">болмайды</a>. Бұл ақпаратты қала әкімдігі растады.<blockquote>– Тәуелсіздік күніне орай Астанада 50-ден астам түрлі мерекелік және ресми іс-шара өтеді. Оның ішінде көрмелер, концерттер, сурет байқаулары, турнирлер мен спартакиадалар сияқты іс-шаралар бар. Отшашу болмайды – деп жауап берді Астана қаласы әкімінің баспасөз хатшысы Ақмарал Олжабаева агенттік тілшісіне.</blockquote>Астанада Тәуелсіздік күніне орай өтетін іс-шаралардың уақыты мен орны туралы мына сілтемеге өтіп танысуға болады.Еске сала кетсек, Республика күніне орай, Астанада демеушілердің қолдауымен мерекелік отшашу ұйымдастырылды.Фото: Астана қаласы әкімдігінің баспасөз қызметі

Тәуелсіздік күніне орай отшашу болмайды – елорда әкімдігі

<a href="https://kyzylorda-news.kz/">Kyzylorda-news.kz</a>&nbsp; 9 желтоқсанда Талғар қаласының маңында 30 жастағы ер адамның мәйіті табылды. Алдын ала мәліметтерге сәйкес, ол өз-өзіне қол жұмсаған. Бұл туралы <a href="https://stan.kz/">Stan.kz</a> ақпарат агенттігі хабарлайды.Марқұмның 4 қазанда қаза тапқан кәмелетке толмаған Шерзат Болаттың ағасы екені анықталды.Полиция мәліметінше, марқұм туыстарының біріне өз-өзіне қол салатыны туралы хабарлама жазған. Ол тергеу барысында анықталды. Хабарламада ол туыстарымен қоштасып, Шерзаттың жанына жерлеуді сұраған.«Аға, не істесем де кешір. Мен бауырымның өлгенін қаламадым. Барынша тырыстым. Аға, сен біз үшін кек алу керексің. Сол үшін жаралғансың. Бірақ мен істеген істі қайталама. Сенде ұл-қыз бар, соларды ойла. Мені сені қатты жақсы көремін, кешір», – деп жазған марқұм.<img>Оның хатын алған ағасы бірден жауап беріп, қайда жүргенін сұраған.<blockquote>«Ақымақ болма, үйге қайт. Берген уәдең қайда? Сені қайдан іздеп табайын. Мама ауырып қалады», – деп жауап берген ағасы.</blockquote>Бірақ марқұм Нұрқанат Ғайыпбаев ағасының бұл сұрақтарына жауап бермей, соңғы өтінішін айтқан.<blockquote>«Шерзаттың жанына жерлесең болды, басқа айтарым жоқ», – деп жазған марқұм.</blockquote>Аталған факті бойынша қылмыстық іс қозғалды. Қазір барлық жағдайды анықтау үшін тергеу амалдары жүргізіліп жатыр.Айта кетейік, бұған дейін Талғардың шетінен Нұрғанат Ғайыпбаевтың денесі табылғаны туралы жазған едік. Полицейлердің мәліметінше, 30 жастағы ер адам асылып, өз-өзіне қол жұмсаған.Еске салайық, Талғарда жаппай төбелес болып, салдарынан 16 жастағы Шерзат Болат көз жұмған еді. Жанжал жасөспірімнің отбасы жұмыс істейтін дүкенде басталған. Жасөсіпірімнің өлімінен кейін Шерзат Болаттың үйін белгісіз біреулер өртеп кетті. Ішкі істер министрлігі Шерзаттың өліміне қатысты 10 адам күдікті деп танылып, бес қылмыстық іс қозғалғанын мәлімдеді. Сондай-ақ министрлік жасөспірімді өлтірді деп айыпталған күдіктілер арасында бұрын сотталғандар бар екенін де растады.Фото: Stan.kz

«Біз үшін кек алуың керек»: Шерзат Болаттың ағасының өлер алдындағы хаты жарияланды

<a href="https://kyzylorda-news.kz/">Kyzylorda-news.kz</a> &nbsp;TikTok жетекші қысқа және креативті бейне платформасы қазақстандық бизнесті ел ішінде де, шетелде де қолдауға және танымал етуге бағытталған&nbsp;#ҚазақстандаЖасалған&nbsp;жаңа конкурсының басталғаны туралы хабарлайды. Байқау «Атамекен» Ұлттық кәсіпкерлер палатасымен (ҰКП) бірлесіп жүзеге асырылуда.TikTok кәсіпкерлерге өз идеялары мен өнімдерін жаһандық платформада ілгерілету үшін кең мүмкіндіктер бере отырып, бизнестің өсуіне белсенді түрде ықпал етеді.&nbsp;Үлкен аудиториясы және мазмұнды құру және таратудың қуатты құралдары бар TikTok кәсіпкерлерге бренд туралы мағлұматты арттыруға, әлеуетті тұтынушыларға қол жеткізуге және бизнесін кеңейтуге мүмкіндік беретін жергілікті және халықаралық компаниялар үшін тиімді платформаға айналуда.Байқау 9 желтоқсанда басталып, өтініштер 29-ына дейін қабылданады. Қатысушылар өз тарихымен бөлісіп, қысқа бейне форматында өз бизнесі, оның міндеттері мен мақсаттары туралы айту керек. &nbsp;Жоба жергілікті кәсіпкерлер қауымдастығына өзі жайында, сонымен қатар, Қазақстан экономикасының дамуына қосқан үлесі туралы айтудың бірегей мүмкіндігін беріп қана қоймай, басқаларды өз бизнесін құруға шабыттандырады.Байқау аясында жеңімпаздар төрт номинация бойынша анықталады:1.&nbsp;Әлеуметтік бизнес:&nbsp;мүгедектерге немесе басқа да осал топтарға қолдау көрсету сияқты әлеуметтік мәселелерді шешуге қосқан үлесі үшін.&nbsp;2.&nbsp;Жасыл кәсіпкерлік:&nbsp;қоршаған ортаны қорғауға және экологиялық таза технологияларды пайдалануға бағытталған бизнес-бастамалар үшін.3.&nbsp;Жастар бизнесі:&nbsp;Ойын ережелерін өзгерте алатын жас&nbsp;кәсіпкерлер мен стартаптар үшін.4. Бір ауыл – бір өнім:&nbsp;дәстүрлер мен аймақтық ерекшеліктерді көрсететін бірегей өнімдер мен қызметтерді қолдау үшін.Қатысушылар 16 жастан асқан, Қазақстанда тұруы және жалпыға қолжетімді TikTok профилі болуы керек. Қатысу үшін 30 секундтан 2 минутқа дейін созылатын, бизнестің мәнін, сонымен бірге, оның шешетін мәселелерін ашатын қысқа бейнеролик жасап, оны TikTok-қа #ҚазақстанЖасалған хэштегімен орналастыру қажет. Жеңімпаздар бағалы сыйлықтарға –&nbsp;4 дана iPhone 16 Plusсмартфонына ие болады.Конкурс екі кезеңмен бағаланады:&nbsp;1-кезең:&nbsp;Жоба ережелеріне сәйкес бейнелердің қысқаша тізімін жасау, сондай-ақ,оларды номинациялар арасында бөлу. &nbsp;&nbsp;2-кезең:&nbsp;TikTok&nbsp;пен «Атамекен»&nbsp;ҰКП&nbsp;өкілдерінен тұратын қазылар алқасы жеңімпаздарды бірегейлік пен креативтілік, сондай-ақ,&nbsp;елдің экономикалық дамуына және қоғамның мәселелерін шешуге қосқан үлесі бойынша анықтайды.Конкурсқа қатысу үшін:&nbsp;– қатысу үшін номинацияны таңдау.– таңдалған номинация бойынша бейнеролик жасап, оны&nbsp;#ҚазақстандаЖасалған&nbsp;хэштегімен жариялау–&nbsp;#ҚазақстандаЖасалған&nbsp;хэштегінің сипаттамасындағы сілтеме арқылы конкурс бетіне өтіп, арнайы форма арқылы байқауға қатысу үшін бейнеролик жіберу.Жеңімпаздар 2025 жылдың қаңтарында жарияланады.

TikTok жергілікті бизнесті қолдауға арналған #ҚазақстандаЖасалған конкурсын бастайды

<a href="https://kyzylorda-news.kz/">Kyzylorda-news.kz</a> 2024 жылдың 9 айында ішкі туристер саны 562 мыңға артып, 6 млн адамға жетті.Шетелден келетін туристер легі 11,5 млн адамды құрады, бұл 2023 жылдың сәйкес кезеңіндегі көрсеткішпен салыстырғанда екі есеге жуық көп. Оның ішінде шетелдік 969 мың турист орналастыру орындарына жайғасты.Бұл көрсеткіштер қабылданып жатқан шаралардың тиімділігі мен туристік бағыт ретінде Қазақстанға қызығушылықтың артып келе жатқанын айғақтайды.Саланың экономикалық көрсеткіштері де айтарлықтай өсім көрсетіп отыр.Орналастыру нысандарының жалпы кірісі 27%-ға өсіп, 224 млрд теңгені құрады.Орналастыру нысандарының саны 306 бірлікке өсіп, 4 315-ке жетті, ал олардың сыйымдылығы 18 мың төсек-орынға дейін артып, 226 мыңды құрады.Бұл Қазақстанның ішкі және халықаралық туристерді қабылдауға дайындығын едәуір арттыруға мүмкіндік береді.Туризмге салынған инвестиция көлемі қарқынды өсіп келеді. 2024 жылдың 10 айында олардың көлемі 33,6%-ға артып, 668,1 млрд теңгені құрады.Фото: ашық дереккөз

Еліміздің туризм саласы тұрақты түрде дамып келеді

<a href="https://kyzylorda-news.kz/">Kyzylorda-news.kz</a> Қызылорда облысының АХАТ басқармасында егіздердің ата-анасына туу туралы куәлік салтанатты түрде табыс етілді, деп хабарлайды "Азаматтарға арналған үкімет" Қызылорда облысы бойынша филиалы.Азамат пен Айнұр Баймахановтар отбасында үлкен мереке Арай мен Нұрай егіздері дүниеге келді. Олардың үш ағасы мен екі әпкесі бар. Жаңа ата-аналардың айтуынша, олардың тұқымында егіздердің пайда болуы генетикалық бейімділік.<blockquote>"Менің анамның егіз әпкесі бар. Енді менің көп балалы отбасымда егіз қыздар дүниеге келді. Узиде бізге егіздер болатынын айтқан кезде, біз, әрине, сенбедік, бірақ қатты қуандық. Мемлекеттік корпорация филиалына мереке ұйымдастырып, салтанатты жағдайда қыздарымның алғашқы құжаттарын тапсырғаны үшін рахмет", - дейді Айнұр Баймаханова.</blockquote>Осы айтулы күні филиал директоры Аида Ибрагимқызы мемлекеттік корпорация атынан егіздердің ата-аналарына жаңа туған нәрестелерге арналған алғашқы керек-жарақтарды табыс етті."Салтанатты жағдайда тапсыру бұл жай ғана формальдылық емес, өмір бойы есте қалатын рәсімнің маңызды бөлігі. Біз бұл айтулы сәттің отбасы өміріндегі әрбір жаңа кезеңнің бақыты мен маңыздылығының символы ретінде есте қалғанын қалаймыз", - деп атап өтті "Азаматтарға арналған үкімет" мемлекеттік корпорациясының облыстық филиалының директоры Аида Абибулаева.<blockquote>Айта кетейік, Қызылорда облысында жыл басынан бері 171 отбасында егіздер дүниеге келген. Көшбасшылар үштігінде: Қызылорда (102 жұп), Арал ауданы (40), Қазалы және Шиелі аудандары – (20-дан).</blockquote>Айта кетейік, жыл басынан бері Қызылорда облысында үшемнің тууы тіркелген жоқ.

Қызылордада егіздердің ата-анасына туу туралы куәлік салтанатты түрде табысталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев өңірге шетелдік инвестиция мен озық технологиялар тарту мақсатында Италия, Испания және Түркия елдеріне іссапармен барды. Іссапар барысында өнеркәсіп қауымдастығымен, биохимиялық ерітінділер, медициналық реагенттер, санитарлық-техникалық бұйымдар, гидрооқшауланған бетон, ауыл және орман шаруашылығына арналған озық датчиктер өндіретін, тері, жүн өңдейтін өндіріс орындарымен танысып, келіссөздер жүргізді.Аймақта қазақстандық күріштің 90%-дан астамы өндірілетіні белгілі. Суды көп қажет ететін дақылды баптаудың жаңа технологияларын енгізуде нақты қадам жасады. Мәселен, «Абзал және К» компаниясы италиялық екі ірі кәсіпорынмен, атап айтқанда, «Poluzzi Track System Engineering » және « Omodei Zorini» компанияларымен келісімге қол жеткізді. Сонымен қатар, «Ravaro» компаниясымен астық кептіргіш жеткізу туралы келісім жасалды.Мұнан бөлек, аймақ басшысы Түркияда «Arbel Group» компаниясының басқарма төрағасы Хусейн Арслан мырзамен кездесті. Кездесуде аймақтың күріш өндіру саласындағы мүмкіндіктері мен жаңа жобалар жайы талқыланды.<blockquote>«Облыста күріш өндірумен айналысатын әрі халықаралық нарықта табысты нәтижеге ие бірқатар ірі компанияларымыз бар. Олардың жетекшілері бірлесе жұмыс істеуге қызығушылық танытуда» - деді Н.Нәлібаев.</blockquote>Кездесулерде облыс әкімдігі өңдеу өнеркәсібін дамыту үшін заң аясында барлық қолдау шараларын көрсететіні айтылды.Фото: Қызылорда облысы әкімінің баспасөз қызметі

 Облыс әкімі шетелдік инвесторлармен жаңа технологияларды енгізуге бағытталған келісімдер жасады

<a href="https://kyzylorda-news.kz/">Kyzylorda-news.kz</a> &nbsp;Талғардың шетінен Нұрғанат Ғайыпбаевтың&nbsp;денесі табылды.&nbsp;Бұл туралы&nbsp;<a href="https://stan.kz/ozine-kol-salgan-sherzat-bolattin-agasinin-denesi-tabil-410838/">Stan.kz</a>&nbsp;ақпарат агенттігі хабарлайды.Полицейлердің мәліметінше, 30 жастағы ер адамның денесі Талғар қаласының маңынан табылған. Алдын ала болжам бойынша, ол асылып, өз-өзіне қол жұмсаған.<blockquote>"Марқұм&nbsp;Шерзат Болаттың ағасы екені анықталды. Тергеу сатысында қылмыстық сипаттағы белгілер анықталған жоқ", – делінген хабарламада.</blockquote>Облыстық полиция департаменті марқұм Шерзаттың отбасы үнемі полицияның қорғауында екенін атап өтті. Осы уақытта&nbsp;марқұмның отбасына қауіп төндіру фактілері тіркелмеген.<blockquote>"Қауіпсіздік қызметкерлерінің түсініктемесі бойынша, ер адамның күзетілетін нысаннан кешкі сағат 23:30-да өз көлігімен шығып кеткен. Тергеу мүддесі үшін басқа мәліметтер жарияланбайды", –&nbsp;деп қосты полиция.</blockquote>Полиция тек ресми ақпарат көздеріне сенуді сұрайды және жалған ақпарат тарату жауапкершілікке, соның ішінде қылмыстық жауапкершілікке әкеп соқтыратынын еске салады.<blockquote>“Нұрғанаттың және Шерзаттың отбасына көңіл айтамыз”, –&nbsp;деп жазылған Шерзат үшін ашылған парақшада.</blockquote>Айта кетейік, бұған дейін&nbsp;Талғарда&nbsp;жаппай төбелес болып, салдарынан 16 жастағы Шерзат Болат көз жұмған&nbsp;еді. Жанжал жасөспірімнің отбасы жұмыс істейтін дүкенде басталған. Жасөсіпірімнің өлімінен кейін&nbsp;Шерзат Болаттың үйін белгісіз біреулер өртеп&nbsp;кетті. Ішкі істер министрлігі Шерзаттың өліміне қатысты 10 адам күдікті деп танылып, бес қылмыстық іс қозғалғанын мәлімдеді. Сондай-ақ министрлік жасөспірімді&nbsp;өлтірді деп айыпталған&nbsp;күдіктілер&nbsp;арасында бұрын сотталғандар&nbsp;бар&nbsp;екенін де растады.&nbsp;Фото: stan.kz

Өзіне қол салған: Шерзат Болаттың ағасының денесі табылды

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі 2025 жылы қандас қабылдау квотасының жобасын көпшілік талқылауына <a href="https://kaz.inform.kz/news/kazakstan-2025-zhili-kandastarga-kansha-kvota-bolmeksh-a933dd/">шығарды</a>.<blockquote>«Қандастарды қабылдаудың 2025 жылға арналған өңірлік квотасының саны 2 309 адам», – деп жазылған бұйрық жобасында.</blockquote>Ал қоныс аударушыларды қабылдау квотасының саны 7 344 адам болып белгіленбек. Министрлік өкілдері бұл жердегі қоныс аударушылар квотасы Қазақстанның өз ішінде жұмыспен қамту бағдарламалары аясында көшетін адамдарға берілетінін айтады.<blockquote>– Құжат еңбек тапшылығы бар өңірлердің қажеттілігі негізінде 9 653 адамнан тұратын қандастарды қабылдаудың өңірлік квотасын бекітуді көздейді, – деп жазылған құжатта. Яғни, аталмыш квотаға енген тұлғалар елдегі еңбек күшінің тапшылығы бар өңірлеріне жіберіледі деген сөз.</blockquote>2024 жылы қандас қабылдаудың өңірлік квотасы 2433 болған еді.Фото: qandastar.kz

Қазақстан 2025 жылы қандастарға қанша квота бөлмек

<a href="https://kyzylorda-news.kz/">Kyzylorda-news.kz</a> 2024 жылы канадалық HelloSafe аналитикалық және қаржылық платформасы Дүниежүзілік өркендеу индексін енгізді, деп хабарлайды&nbsp;<a href="https://www.ar.egemen.kz/">Egemen.kz</a>.Талдау Дүниежүзілік банк пен БҰҰ деректеріне сүйене отырып, 6 негізгі көрсеткіш бойынша: жан басына шаққандағы ЖІӨ, жан басына шаққандағы ЖҰӨ, ұлттық жинақтау деңгейі, адам дамуының индексі, Джини коэффициенті (индикаторы) бойынша кешенді түрде жүргізілген.Қазақстан әл-ауқатының орташа деңгейі бар елдердің рейтингіне еніп, Ресей, Беларусь, Қытай, Түркия, сондай-ақ Орталық Азия елдерін басып озды.Рейтингке сәйкес, ең бай елдер Люксембург, Норвегия және Ирландия деп танылған. Люксембургтің өркендеу индексі 86,2-ні құрайды.Рейтинг нәтижелері көрсеткендей, соңғы жылдары елімізде жүргізілген реформалар Қазақстанды әлемдік қауымдастық алдында көтеріп қана қоймай, өз жемісін берген. Мұны негізгі экономикалық көрсеткіштердің артуы да растайды.Айта кетейік, рейтинг елдер арасындағы айырмашылықтарды түсінгісі келетін саяхатшылар, инвесторлар және зерттеушілер үшін пайдалы.Фото:shutterstock.com

Қазақстан экономикалық өркендеу рейтингінде 50 елдің қатарына енді

<a href="https://kyzylorda-news.kz/">Kyzylorda-news.kz</a> Бүгін Қызылорда облысының 7 сайлау округінде шығып қалған мәслихат депутаттарының сайлауы өтіп жатыр. Науқан Қызылорда қаласындағы №19, Қармақшы ауданындағы №1 және №4, Жалағаш ауданындағы №12, Сырдария ауданындағы №11 және №12, Шиелі ауданындағы №3 бірмандаттық сайлау округтерінде ұйымдастырылуда.Сайлау бюллетеніне әр округтен 3 кандидат, барлығы 21 азамат енгізілді.Маңызды күнде таңмен таласа келген 87 жастағы сайлаушылардың бірі Әбдіқаппар Искаков өз таңдауын жасап, ақ батасын берді.&nbsp;Қазыналы қария мәслихат депутаттарын сайлау - аманат және жауапкершілік екенін атап өтті. Бұл ретте науқанға үлес қосу әрбір азаматтың құқығы деді.&nbsp;7 округ бойынша сайлаушыларға 14 учаскелік комиссия қызмет жасайды.&nbsp;Дауыс беру кешкі сағат 20.00-ге дейін жалғасады.

Қазақстан және Қызылорда облысының жаңалықтары: Қоғам