<a href="https://kyzylorda-news.kz/">Kyzylorda-news.kz</a> Қызылорда қаласы бойынша Қылмыстық-атқару жүйесі департаментіне қарасты №60 мекемесінде сотталған азаматтарды өмірге деген көзқарасын өзгерту, жақсарту мақсатында мекемеде жазасын өтеушілерді жұмыспен қамту арқылы еңбегін ұйымдастыру жұмыстары жүргізілуде.Өндірістік аймақта бос ғимараттарды сенімгерлік басқаруға беріледі. Нысанды жалға беру 0%-ды құрайды. Жалға алған өндірістік белгіленген орынға ғана коммуналдық жүйеге су, жарық үшін төлем төйлейді. Сондай-ақ, өндіріске күзетші жалдаудың қажеті жоқ. Сотталғандар арасында дайын білікті жұмысшылар жетерлік. Ал, айлық жалақы бойынша мөлшерлеме белгіленген.Қылмыстық-атқару кодексінің 119-бабының 1 бөлімінде көрсетілгендей олар жұмыс істеуге құқылы. Осы баптарды іске асыру барысында мекеменің өндірістік аумағын жалға алып, кәсібін дөңгелетіп отырған 12 жеке және ЖШС сотталғандарды жұмыспен қамтып отыр. Солардың бірі – "Еңбек" РМК, "Еңбек-Қызылорда" филиалы мекеменің өндірістік аумағында газаблок, пескаблок, бетон, дәнекерлеу, тігін, қолөнер цехтары бойынша жұмыстарын атқаруда.<blockquote>"Сотталғандарды жұмысқа орналастыру кезінде олардың жасына, денсаулық жағдайына, еңбекке қабілеттілігіне қарай жұмысқа орналастырамыз. Қәзіргі таңда мекеменің өндірістік аймағының жұмыспен қамту орталығында 463 сотталған азамат еңбек етіп, жалақыларын уақытылы алып отыр дейді", – сотталғандардың еңбегін ұйымдастыру бөлімінің аға инспекторы, әділет капитаны А. Абдреймова</blockquote>Жалпы, түзеу мекемелерінде жазасын өтеп жатқан сотталғандардың ақылы жұмыспен қамтылуы тек сот шығындарын өтеу, отбасыларға жалақы бағытында қолдау көрсету ғана емес, сонымен қатар жазасын өтеушілердің түзету жолына түсуіне ықпал етеді.<img src="https://knadmin.beoblood.kz/uploads/e3b0b992_1ef3_4d28_a228_13b0023a4aa3_eb9fe807c8.jpg" alt="e3b0b992-1ef3-4d28-a228-13b0023a4aa3.jpg">

Сотталғандарды жұмыспен қамту жүйелі жүргізілуде

<a href="https://kyzylorda-news.kz/">Kyzylorda-news.kz</a> Биыл Қызылорда облысында жол саласында ауқымды жұмыстар атқарылды. Жол инфрақұрылымын жақсартуға қыруар қаржы қаралып, әсіресе ауыл-аймақтың біраз көшелеріне асфальт түсті. Өңірдегі елдімекендерде 69 жоба қолдау тауып, 99 көше жөндеуден өткен.Мемлекет қаржысына салынған жолдардың сапасы талапқа сай болуы жол құрылысына жауапты техникалық қадағалаушының басты міндеті. Бірақ, өкінішке орай кейбір мамандар өз ісіне салғырт қарап, асфальт төсеу жұмыстарына тиісті бақылау жүргізбейді. Мәселен, Жол активтері сапасының ұлттық орталығы мамандары биыл аудандық жолдарға тексеру жүргізіп, зертханалық зерделеу барысында 171 олқылық анықтаған. Филиал өрескел кемшіліктерге жол берген 12 нысан бойынша мердігер мен техникалық қадағалаушыға шара көру туралы құзырлы мекемеге ұсыныс берді.<blockquote>«Жасыратыны жоқ, жол құрылысы кезінде жоба бойынша бекітілген кейбір техникалық қадағалаушылар мүлдем бақылау жүргізбей, тіпті басы-қасында болмайды. Осыдан кейін ешқандай талап сақталмайтыны анық. Біз жыл басынан бері құзырлы мекемеге 12 ұсыныс бердік. Соның бесеуі әлі қаралып жатыр. Ал үш сын-ескертпеміз ескерілді. Өз ісіне жауапсыздық танытқан екі техникалық қадағалаушыға 180 АЕК айыппұлдан салынып, 6 айға лицензиясынан айырылды. Сондай-ақ, мердігер компания да 738&nbsp;400 тг көлемінде айыппұл төлеп, жергілікті бюджетке өндірілді», – дейді филиалдың бөлім басшысы Ержан Усманов.</blockquote>Фото: kostanaytany.kz

Жол құрылысына немқұрайлы қараған екі техникалық қадағалаушы лицензиясынан айырылды

<a href="https://kyzylorda-news.kz/">Kyzylorda-news.kz</a> Албания премьер-министрі&nbsp;TikTok әлеуметтік желісіне бір жылға шектеу қойылатыны туралы мәлімдеді. Айтуынша бұл оқушылардың білімге назар салып, дамуына көмектеседі. Бұл туралы<a href="https://stan.kz/albaniya-biligi-tiktok-aleumettik-zhelisine-bir-zhilga-411498/"> Stan.kz </a>ақпарат агенттігі&nbsp;<a href="https://albaniandailynews.com/news/albania-bans-tiktok-for-at-least-one-year">Albanian Daily News</a> порталына сілтеме жасап хабарлайды. &nbsp;21 желтоқсанда Тиранда албандық мұғалімдермен, ата-аналармен және психологтармен кездесуде премьер-министр Эди Рама TikTok-ты "ауладағы бұзақыларға" теңеді. Сол себептен шектеу шарасы 2025 жылдың басынан бастап күшінде болатынын мәлімдеді.<blockquote>"Біз оны бір жылға жауып, оқушылардың біліміне қызмет ететін және ата-аналарға балаларының дамуын бақылауға көмектесетін бағдарламаларды енгіземіз", - деді ол.</blockquote>Сондай-ақ, Албанияның Білім министрі барлық мемлекеттік мектептерде "Ақылды қала" жобасы аясында зияткерлік камералар орнатылатынын жеткізді. Бұл өз кезегінде оқу орнының ішінде тиімді мониторингті қамтамасыз етеді.Өткен айда Албанияда 14 жасар баланы сыныптасының өлтіруі қызу талқыға түсті. Ата-аналар, психологтар мен тәрбиешілер балалардың мінез-құлқына&nbsp;әлеуметтік желінің әсер етіп жатқанын айтқан еді.Фото: pexels.com

Албанияда келер жылдан бастап TikTok бұғатталмақ

<a href="https://kyzylorda-news.kz/">Kyzylorda-news.kz</a> 2024 жылы еліміздің құтқарушылары 83,3 мыңнан астам шығуды орындады, оның 10 мыңы – өртке қарсы, 19 мыңы – апатты-құтқару жұмыстарына байланысты болды.Жыл басынан бері 14 мыңнан астам адам құтқарылып, 66,5 мыңнан астам адам эвакуацияланды, ал 8 мың адам алғашқы медициналық-психологиялық көмек алды. Аталған деректер құтқару қызметінің төтенше жағдайларға дайындығының жоғары деңгейін растайды.ТЖ алдын алуға ерекше назар аударылады. Заманауи технологиялар, соның ішінде дрондар мен геоақпараттық жүйелер тәуекелдерді уақтылы бақылауға көмектеседі. Ормандарда өртті ерте анықтау жүйесін енгізу табиғи өрттердің санын өткен жылмен салыстырғанда 2,6 есеге азайтуға мүмкіндік берді.Сонымен қатар 2024 жылы құтқару қызметтерінің материалдық-техникалық базасын жаңарту жалғасын тапты. Пилоттық жобада Қостанай облысында құтқарушылар үшін жаңа киім-кешек сәтті сыналды, ал Астанада 3,5 айдың ішінде тез салынатын конструкциялардан өрт депосы салынды. Мұның бәрі төтенше жағдайларға жедел әрі тиімді түрде ден қоюға ықпал етеді.<img src="https://knadmin.beoblood.kz/uploads/Elimizde_t_tenshe_zha_dajlardy_aldyn_alu_zh_jesi_zha_saruda_e1839ff1ee.webp" alt="Елімізде төтенше жағдайлардың алдын алу жүйесі жақсаруда.webp">Фото: ernur.kz

Елімізде төтенше жағдайлардың алдын алу жүйесі жақсаруда

<a href="https://kyzylorda-news.kz/">Kyzylorda-news.kz</a> Қазақстанның 2024 жылғы басымдықтарының бірі жол қозғалысы қауіпсіздігін арттыру болды. Елімізде жол ережесін бұзуды автоматты түрде тіркейтін 25 мыңнан астам камера орнатылған, олар барлық бұзушылықтың 69%-ын анықтады.Мобильді кешендер мен жасырын патрульдер де белсенді қолданылады, бұл жолдарда тұрақты бақылау тиімділігін орнатуға мүмкіндік береді.Сонымен қатар жүргізушілер мен жолаушылардың хабардар болуын күшейтуге бағытталған «Қауіпсіз жол» және «Автобус» сияқты ауқымды профилактикалық науқандар өткізілуде. Жаңа жүргізушілерді даярлау сапасына ерекше назар аударылады: өзін-өзі даярлау алынып тасталды, енді барлық курсанттар мен автомектептер ІІМ бірыңғай ақпараттық жүйесінде тіркеледі. Бұл оқытудың ашықтығын қамтамасыз етеді әрі жалған куәліктердің берілуіне жол бермейді.Аталған шараларды қолдану қазірдің өзінде нәтиже беруде: бірқатар өңірде ЖКО санын едәуір төмендетуге және қаза тапқандар санын азайтуға мүмкіндік туды. Жаңа технологияларды енгізу және заңнаманы жетілдіру бойынша жүйелі жұмыс Қазақстанның жолдарын қауіпсіз етеді.<img src="https://knadmin.beoblood.kz/uploads/Zamanaui_tehnologiyalar_zhol_apatyn_azajtu_a_k_mektesedi_c063a34b36.webp" alt="Заманауи технологиялар жол апатын азайтуға көмектеседі.webp">Фото: pixabay.com

Заманауи технологиялар жол апатын азайтуға көмектеседі

<a href="https://kyzylorda-news.kz/">Kyzylorda-news.kz</a> Қазақстандық Vanil косметикалар желісі әлеуметтік желіде ұтыс ойынын өткіземін деп басы дауға қалды. Бұл туралы <a href="https://stan.kz/">Stan.kz</a> ақпарат агенттігі хабарлайды.Бұл жағдай желі қолданушыларының арасында қызу талқыға түсті. Бірі косметика желісін сотқа беру керек десе, енді бірі аталған жағдайға модель қызды кінәлап отыр.&nbsp;<blockquote>«Оларды сотқа беру керек», «Менің ойымша, дүкеннің бұған ешқандай қатысы жоқ. Оларды «модель» алдаған секілді», «Бәсе неге үнемі ұтпаймын десем», «Мұнда бәрі ашық түрде көрініп тұр. Модель барабанды айналдырған кезде қолында жеңінің астында жасырған купоны байқалып тұрды», «Бүкіл блогерлердің құпиясын ашып қойды», «Оператордың «көрініп тұр» деп айтқанын естідіңдер ме», «Егер бұл Қазақстанда болса, таңғалмаймын», – деп жазды олар.</blockquote>Аталған жағдайға қатысты Vanil косметикалар желісінің басшысы Дина Қоңырова жеке пікір білдірді.<blockquote>«Бұл жағдайға қатысты хайп қуғысы келетін блогерлерге айтарым, сәл тынышталсаңыздар. Ертең заң алдында жауап бергілерің келмесе. Қазір осы тақырыпты өрбітіп, таратып жатқан әрбір адам, әуелі жағдайды жақсылап бақылап, түсініп алыңыздар. Көбі, басқалар билетті белгілі бір адам жеңуі үшін сатып алдық па деп кінә артып отыр. Жалпы бұл жағдайға қатты ренжідім. Біз бірлесіп жұмыс істеген модельмен келісімшартты бұздық. Қазір жаңа модель мен SMM іздеп жүрмін», – деді дүкен басшысы.</blockquote>Дина Қоңырова бұған дейін де ұтыс ойындарын өткізгенін, ол кезде мұндай қиындықтар болмағанын жеткізді.<img src="https://knadmin.beoblood.kz/uploads/16_3795b9470b.webp" alt="16.webp"><blockquote>«Бұған дейін ұтыс ойындарымыз әділ өтті. Клиенттердің жеңіп жатқанына қуандым. Ал мына жағдайдан кейін өзім де шок алдым. Соңына дейін сене алмадым. Тікелей эфирді қайталап көрдім. Купонның модельдің жеңінің астында тұрғанын бірден білмедік. Осы жағдайдан кейін оларға тікелей эфир үшін, түсірілім үшін ақша төлеуім керек. Мен оларға ақшаны мынадан кейін қалай төлеймін?, – деді ол.</blockquote>Сондай-ақ ол әрбір қазақстандықтан өз жұмысын адал атқаруды сұрады.&nbsp;<blockquote>«Өмірімде ешкімді алдап көрмегенмін. Үнемі бәрін адал істеуге тырысамын. Ертең бәріміз өмірде жасаған әрбір әрекетіміз үшін жауап береміз. Өмірде ешкімнің ақысына кірмей жұмыс істейсің, бірақ сені мұнда әрнәрсеге бір айыптайды. Бұл уақытқа дейін түсірілімге жеке өзім мүлде қатыспағандықтан, модельдерімізді де танымаймын. Айсана есімді моделді де бұл уақытқа дейін көрмеппін. Ал SMM менеджерді жұмысқа алатын кезде бір-ақ рет көргенмін», – деді ол.</blockquote>Қазір косметика дүкені жұмысын әрі қарай жалғастырып жатыр.&nbsp;Фото: Видеодан скрин

«Жеңінің астына жеңімпаздың атын жасырған»: Қазақстандық косметикалар дүкені ұтыс ойынын өткіземін деп сынға қалды

<a href="https://kyzylorda-news.kz/">Kyzylorda-news.kz</a> Жаңа жыл қарсаңында жаппай отшашу шашатын кез жақындап келеді. Алайда елімізде&nbsp;отшашуды арнайы талапқа сай атпаған жандар жауапкершілікке тартылады. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлайды.Полиция және төтенше жағдайлар департаментінің қызметкерлері Алматы коммуникациялар қызметінің брифингінде отшашуларды пайдалану ережелері, сондай-ақ оларды бұзғаны үшін қандай жаза болатынын айтты.Отшашуларды іске қосу кезінде қазақстандықтар сақтауы тиіс бірінші шарт қолайлы орынды таңдау.&nbsp;Бұл тұрғын үйлерден кемінде елу метр қашықтықта орналасқан бос учаскелер болуы керек.&nbsp;Сондай-ақ, бұл жерде&nbsp;ағаштар, электр желілері мен басқа да кедергілер болмауы керек.Әкімшілік кодекстің 436-бабына сәйкес пиротехникамен жеке тұлғалардың тыныштығын бұзса,&nbsp;орынсыз жерде қолданса 20 айлық есептік көрсеткіш (АЕК), яғни&nbsp;73 840 теңге немесе 2025 жылы 78 640 теңге мөлшерінде айыппұл салынады. Бұл жағдайда барлық отшашулар тәркіленеді.Мына талаптарды орындау керек:<ul><li style="text-align:justify;">отшашуларды терезеден атуға болмайды;</li><li style="text-align:justify;">отшашуларды іске қосуға балаларды жіберуге болмайды;</li><li style="text-align:justify;">желді ауа-райында отшашуларды іске қосуға болмайды;</li><li style="text-align:justify;">атылмаған отшашуды қайта жағуға тырыспаңыз;</li><li style="text-align:justify;">пиротехниканы ғимараттарға бағыттамаңыз.</li></ul>Бұл ретте қазақстандықтарға пиротехниканы таңдауға жауапкершілікпен қарау керек екенін еске салынды.<ul><li style="text-align:justify;">Біріншіден, сатушылардан сертификаттар мен сатуға лицензия талап ету керек. Пиротехниканы құжаттарсыз өткізгені үшін 25 АЕК мөлшерінде айыппұл қарастырылған, яғни 92 300 теңге, 2025 жылы 98 300 теңге.</li><li style="text-align:justify;">Екіншіден, бұйымдардың жарамдылық мерзімін және қаптаманың тұтастығын тексеру қажет;</li><li style="text-align:justify;">Үшіншіден, мамандандырылған дүкендерден сатып алу керек.</li></ul>Барлық ережелер мен сақтық шараларын сақтаған қазақстандықтар жаңа жыл қарсаңында салюттерді еркін ата алады.Фото: kaz.nur.kz

Отшашуға айыппұл салынады. Елімізде жаңа талап енгізілуде

<a href="https://kyzylorda-news.kz/">Kyzylorda-news.kz</a> Енді eGov Mobile мобильді қосымшасымен жеке үйді газға қосуға болады, – деп хабарлайды <a href="https://massaget.kz/">Massaget.kz</a> тілшісі.Жеке үй иелері табиғи газға қосылудың техникалық шарттарын eGov Mobile мобильді қосымшасы арқылы онлайн да ала алады. Қызмет QazaqGaz Aimaq АҚ тұтынушыларына қолжетімді және жеке тұлғалар үшін тегін ұсынылады.Ол үшін пайдаланушы қосымшада көрсетілген барлық жолды толтырып, мүлікке қатысты мәліметтерді растауы қажет.Өтінім дұрыс толтырылған жағдайда, техникалық шарт беріледі.Ол техникалық жағынан күрделі емес объектілер үшін 5 жұмыс күні, күрделі объектілер үшін 10 жұмыс күні ішінде ұсынылады.Фото: Tengrinews.kz/ Әлихан Сәриев

eGov Mobile-да жаңа функция пайда болды

<a href="https://kyzylorda-news.kz/">Kyzylorda-news.kz</a>&nbsp; 2024 жылы 20 желтоқсанда Алматы қаласы бойынша Мемлекеттік кірістер департаменті 2025 жалпыға бірдей декларацияның ерекшеліктері туралы айтты.&nbsp;Бұл туралы&nbsp;<a href="https://stan.kz/2025-zhalpiga-birdey-deklaraciyalau-250-formasin-tapsir-411430/">Stan.kz</a>&nbsp;ақпарат агенттігі хабарлайды.Жалпыға бірдей декларациялау: 2025 жылы мұны кімдер және қалай тапсырады.2025 жылы жалпыға бірдей декларация тапсыруға міндетті&nbsp;азаматтардың қатарына:Шетелде мүлкі бар Қазақстан азаматтары мен резиденттері; Мемлекеттік және сайланбалы лауазымдарға кандидаттар; Банктердің, бағалы қағаздар нарығының немесе сақтандыру ұйымдарының ірі қатысушылары болуға өтініш берген тұлғалар; Жеке практикамен айналысатын тұлғалар (адвокаттар, нотариустар, жеке сот орындаушылар және т.б.); Қазақстанда және шетелде 20 000 АЕК-тен астам (2024 жылы бұл шамамен 73 840 000 теңге) сомада ірі көлемдегі сатып алу жасаған азаматтар.Шетелде мына мүліктер декларацияланады:Жылжымайтын мүлік, көлік құралдары; Шетелдік компанияларға немесе тұрғын үй құрылысына қатысу үлесі; Шетелдегі банк шоттарындағы қаражат (егер олардың сомасы 1000 АЕК-тен асса); Бағалы қағаздар, туынды қаржы құралдары; Делдалдық шоттардағы ақша; Зияткерлік меншік объектілері, авторлық құқықтар; Цифрлық активтер; Дебиторлық/кредиторлық қарыз; Инвестиция және бағалы металдар; Құны 1000 АЕК-тен асатын мүлік (мысалы, антиквариат, сәнді заттар).Сондай-ақ&nbsp;Қазақстанда және одан тыс жерлерде 20 000 АЕК (2024 жылы 73 840 000 теңге) астам ірі көлемдегі сатып алулар жасаған тұлғалар декларация тапсыруға міндетті.“Декларацияны өз еркімен тапсырған жағдайда азамат&nbsp;10 000 АЕК-тен аспайтын сомада қолма-қол ақшаны және болашақта жеке тұлғаның шығыстарын растайтын басқа да активтер мен міндеттемелерді декларациялай аласыз.&nbsp;Қолма-қол ақшасының сомасы&nbsp;10 000 АЕК-тен асатын азаматтар (2024 жылы бұл 36 920 000 теңге) бұл қаражатты 2024 жылдың 31 желтоқсанына дейін банк шоттарына салуы қажет”, –&nbsp;делінген хабарламада.Декларацияны қалай тапсырады?Декларацияны e-Salyq Azamat мобильді қосымшасымен, "Электрондық үкімет" порталы (egov.kz), Cabinet.salyk.kz арқылы тапсыруға&nbsp;болады.Фото: Рixabay.com

Жалпыға бірдей декларациялау: 2025 жылы мұны кімдер және қалай тапсырады

<a href="https://kyzylorda-news.kz/">Kyzylorda-news.kz</a> Кеше қалалық мәслихаттың мәжіліс залында қала әкімі Нұржан Ахатовтың қатысуымен Қазақстан мәслихаттарының 30 жылдығына арналған салтанатты шара өтті. Оған облыстық мәслихаттың төрағасы Мұрат Тлеуімбетов, қалалық мәслихаттың төрағасы Ибадулла Құттықожаев және қалалық мәслихаттың түрлі шақырылымындағы депутаттар, ардагерлер қатысты.Шаһар басшысы жиналған қауымды Қазақстан мәслихаттарының 30 жылдығымен құттықтап, депутаттарды қала халқының өмір сүру сапасын жақсартуға бағытталған жобалар мен бастамаларды іске асыруға қосқан үлестері үшін алғысын білдірді.<blockquote>«Сыр өңірінде тәуелсіз еліміздің мәслихаттар жүйесінде үлгілі еңбек еткен, қызмет жасап жүрген депутаттарымызды халық жақсы біледі. Өзім де бұған дейін Өздеріңізбен депутаттық корпуста бірге қызмет жасадым, қазір әріптестік байланысымыз нығая түсті. Сіздердің қажырлы қызметтеріңізге, әділетті шешімдеріңіз бен қолдауларыңызға аймақ басшысының және өзімнің атымнан алғысымды білдіремін», - деді Нұржан Сәбитұлы.</blockquote>Жиында түрлі шақырылымдарда депутат болған ардагерлер «Қазақстан мәслихаттарына – 30 жыл» төсбелгісімен, қала әкімінің «Алғыс хатымен» марапатталды. Салтанатты шара соңында жиналған қауым депутаттық бөлмедегі фото-шежіремен танысты.<img src="https://knadmin.beoblood.kz/uploads/aza_stan_m_slihattaryny_30_zhyldy_yna_arnal_an_saltanatty_shara_tti_1_c064e8fcc1.jpg" alt="Қазақстан мәслихаттарының 30 жылдығына арналған салтанатты шара өтті 1.jpg"><img src="https://knadmin.beoblood.kz/uploads/aza_stan_m_slihattaryny_30_zhyldy_yna_arnal_an_saltanatty_shara_tti_2_076f0e069b.jpg" alt="Қазақстан мәслихаттарының 30 жылдығына арналған салтанатты шара өтті 2.jpg"><img src="https://knadmin.beoblood.kz/uploads/aza_stan_m_slihattaryny_30_zhyldy_yna_arnal_an_saltanatty_shara_tti_3_146a9777d7.jpg" alt="Қазақстан мәслихаттарының 30 жылдығына арналған салтанатты шара өтті 3.jpg">

Қазақстан мәслихаттарының 30 жылдығына арналған салтанатты шара өтті

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиал директоры Аида Абибулаева архившілер күніне орай, Қызылорда облысының архив саласы қызметкерлерін кәсіби мерекелерімен құттықтап, олардың жұмысына жоғары баға беріп, алғыс хаттар табыстады.Архившілер күні — бұл архив қызметкерлерінің кәсіби біліктіліктерін бағалауға, олардың еңбек жолындағы маңызды жетістіктерін атап өтуге арналған ерекше күн. Бұл мереке архив саласындағы мамандардың еліміздің тарихын сақтау, құжаттар мен мәліметтерді жүйелеу мен қорғау жөніндегі аса жауапты жұмыстарын мойындауға бағытталған.Шара барысында Аида Ибрагимқызы архившілердің еңбегін жоғары бағалап, олардың қоғам үшін атқаратын маңызды қызметін атап өтті. Ол архив мамандарының әрқашан ел тарихын, мәдениетін, заңнамалық құжаттарын сақтаудағы елеулі еңбегін атап өтіп, әрбір архивистке ерекше ризашылығын білдірді. Сонымен қатар, олардың үнемі жаңашылдыққа ұмтылып, технологиялардың жетістіктерін өз жұмыстарында тиімді пайдаланатынын атап өтті.Шара соңында архив саласының үздік қызметкерлері алғыс хаттармен марапатталып, оларға шығармашылық табыс және жұмыстарының алдағы уақытта да жоғары деңгейде болуына тілектестік білдірілді.Фото: ХҚКО

Архив қызметкерлері марапатталды

<a href="https://kyzylorda-news.kz/">Kyzylorda-news.kz</a> Шерзат Полаттың ісін белді заңгерлер қарастырмақ, деп хабарлайды <a href="https://alash.kz/kz">Alash.kz.</a>Абзал Құспан мен Үнзила Шапақ іспен жіті танысып, қолға алатынын айттыБұл туралы депутат әлеуметтік желідегі <a href="https://www.facebook.com/abzalkuspan">парақшасында</a> жазды.<blockquote>«Әлеуметтік желілерде әртүрлі ақпараттардың таралуына байланысты, көп жағдайда тексерілмеген, эмоцияға толы жазбалар мен бейнеүндеулерге назар аударылуда. Осыған байланысты әріптесім, депутат, заң ғылымдарының докторы Үнзила Шапақпен бірге орын алған оқиғаның мән-жайымен жете танысу үшін арнайы Алматы облысына бардық. Істің барысын зерделеу мақсатында Алматы облысы прокуроры Берік Абызбайұлымен, облыстың полиция департаментінің басшысы Мейрам Жұмкенұлымен жолықтық. Мен, заңгер ретінде, бұл ауыр жағдайларды құқықтық тұрғыда қарастырудың маңыздылығын атап өткім келеді. Мұндай істерде қоғам тарапынан жасалған қысым тергеу амалдарының объективті әрі жан-жақты жүргізілуіне кері әсерін тигізуі мүмкін», – деді ол.</blockquote>Фото: ашық дереккөз

Қазақстан және Қызылорда облысының жаңалықтары: Қоғам